كسر _أُنثي 💔
بقلم : امونة_خليفه
#كسر _أُنثي《01》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
وقفنا المرة الفاتت في إنوا لمن سمع إنها حامل ساقها بي أمجاد لي مكان مجهولة وهي في النهاية قالت لي يعني إنت القتلت أبوي ولمن شافتو بعاين ليها قالت يعني ما عميان!
في احدي القري البعيد في ولاية سنار جاات طفلة صغيرة لي أمها وقالت ليها بابا متين جاي يا ماما ردت ليها أمها وقالت بجي يابتي أمشي العبي الطفلة مشت وامها كان معاها ضيفة قالت ليها بي تهكم أماني: ما دايرة توري بتك الحقيقة
أماني كانت بتعوس الكسرة وقالت ليها جنيتي أقول ليها أبوك عرس وخلانا ما جادة طبعاً قالت ليها: ما جادة في شنو بتك دايرة تتم ال١١سنة وزوجك ليهو قريب٧شهور ما جابكمم قايلاها صغيرة؟ ولا مابتعرف! وريها ياخ ما تعشميها
ردت ليها لا مابوريها وهو زاتو قالي انا اتزوجتها عشان موضوع وبس وبعد مدة بطلقها ردت ليها: ئهة بتصدقي الرجال إنتِ .. تاني قامت وقالت يلا أنا زاتو ماشة أها لي بكرة
طلعت وخلت أماني تقول بي صوت واطي يارب ما يعشمني ويطلقها في أقرب وقت
////////////////////////
إنتِ ماعميان يعني؟
وإنتِ كيف عرفتي أبوك اتقتل مش كان مختفي
ردت بي توتر ملحوظة: يعني اتقتل
انتهد وقال ليها : إيوا اتقتل
هنا دموها بقتل شلال وقالت كنت قايلة الكلام السمعتو هظار أو زول داير يلعب بي أعصابي
رد ليها قصدك شنو .. بس هي من البكاء ماقادرة ترد ليهو
ممكن تحكيها لي؟
قالت ليهو بل عنف: رجاءً خليني في الفيني ما ناقصك أنا
سكت مسافة وتاني قال ليها الموت حق ياسارة إنت بدل تبكي أدعي ليهو ردت لي نحنا لينا ١٠سنة بنقول إبوي مشي وين بعد طلق أمي ...قاطعها وقال ليها طلقها؟ رت إي اتشاكلوا وطلع وتاني ما رجعي قايلاعو نسانا وما دايرنا ... وتاني رجعت تبكي
سكت خلها تبكي بي راحتها ما في النهاية ده أبوها
بعد ساعة سكتت وقالت لي ممكن تحكي لي كيف عرفت أبوي قال ليها:
أنا كنت في الجيش وابوك كان بدربنا المهم حصلت صداقة ظريفة بيني وبين أبوك مرة انا وهو مشينا لي مامورية حصل لينا حادث ابوك اتوفي في وقتها وانا عميت قالت ليهو: بي نفس مسكور بس انت بتشوف قال ليها أصبري جاي ليك في الكلام أنا عميت قريب خمس سنة وفي مرة صحبي سفرني برة وعالجني وقلت لي ما تحكي لي زول إني بقيت كويس لحدي ما اعرف القتل عمو صديق منو قلت ليهو وعرفتو قال: لا لسه وكل مرة بجي هنا عشان اعرف خمسة سنة وانا بفتش القاتل نفسي اعرف
ردت ليهو وإن شاء الله تعرف قبل عاليها وقال : وإنتِ عرفتي كيف قصدي الوراك أبوك مات وماصدقتي منو قالت ليهو دي قصة طويلة وما بقدر احكيها ليك هسي بس في الوقت المناسب ح تعرف إن شاء الله وتاني سكتت وبدت تبكي
/////////////////
بعد حكي لي أنو أبوي مات صاح وأنا اكان كذب بكيت ما قدرت أقلب دموعي كنت قايل أبوي اتزوج وخلانا بس لا طلع ميت💔ُ الشعور الحسيتو صعب شديد تانيعاينت ليهو وقلت لي: موديني وين قال لي: زي ما شايفة يعني قلت لي: بس أنت وديتي عشان قلت أنا حامل و.. قاطعني وقال: عارفك ماحامل بس لقيتها فرصة عشان أجيبك هنا قلت ليهو لي؟ قال لي: مع مرور الزمن ح تفهمي إن شاء الله
ما رديت ليهو وسكت زول ما مفهوم وداير مني شنو زاتو ما عارفة بس البعرفو في شي وعشان كدا جابني هنا وصلنا مكان شبة مهجور فيهو كم بيت كدا دخلنا في بيت حوشو كبير قالي ح نقعد هنا لحدي ما اموري تتحلي ما رديت عليهو ولا قلت لي أمورك شنو اكتفيت بس بي تحريك راسي بمعني حاضر وأنا أصلاً موت أبوي واجعاني عشان كدا إي شي بقولو بقول لي حاضر
استقبلتنا مرة كدا قالت لي كيفك يا بتي قلت ليها الحمد لله قالت لي أنا احسان قلت ليها بأخر نفس اتشرفنا عاينت لي أمير قالت لي مالة قال ليها بعدين بحكي ليك وقبل علي وقال من الليلة ح نقعد معاها قلت ليهو بتعرفا؟ قالي دي عمتي وتاني قال: زي ما قلت ليك ح نقعد هنا لحدي ما أموري تظبط وبعدين قال أنا ماشي مكان وبرجع قلت ليهو وين قالي قريب هنا .. وأصلاً ما كان عندي نفس عشان اعرفو ماشي وين فأكتفيت بي طيب
تاني قلت ليها غرفتي وين أشرت لي على وحدة وطوالي دخلتها وبكيت بي حرقة على أبوي ما وقفت من البكي إلا بي صوت الاذان قمت صليت وتاني عدت بكاي بعد كم ساعة قلت خلاص يا سارة الموت حق كوني قوية عشان تعرفي بإذن الله القتل أبوك منو وطلعت لي خالتو إحسان وأبتسمت ابتسامة مزيفة ومشيت ليها
دخلت لي خالتو إحسان وضيفتني أحسن ضيافة اتونسنا مع بعض قلت ليها بجد إنتِ عمتة أمير قالت لي ايوا قلت ليها ما كنت عارفاك والغريبة ما جيتي لي عرسي قالت لي السكة بعيدة وزي ما شايفة أنا مرة كبيرة تاني قالت لي ما تكبي يا سارة الموت حق أدعي لي بس مسحت دموعي وقلت إن شاء الله تاني قالت لي: أمير ضرب لي ووراني ربنا يصبرك يابتي
في الحظة دي دخلت بت قدري كدا قالت أمي شفتي طرحتي الكبدية وقبل ما تتم كلامها عاينت لي وقالت: السلام عليكم رديت ليها السلام قالت لي خالتو إحسان دي منو؟ قالت ليها: مرت امير قالت لي امها جد جات سلمت علي وقالت: الحمد لله الشفتك لي زمن كنت متمنية اشوفك كيفك إنتِ وكيف أمير وسلمي كيف؟ قلت ليها: سلمي!؟ قالت لي مش إنتِ وقبل ما ترد خالتو إحسان قالت ليها شكلك مشبهاها قلت ليك مرت امير ولد خالك ما امير جارنا البت استغربت تاني قالت ايواا معليش افتكرت مرن أمير جارنا😅 قلت ليها ما مشكلة وانا شاكة أنو قاصدة أمير راجلي بس ما عندي نفس اغالطها مشت جابت لي عصير وموية قالت لي كيف وكيف البلد معاك قلت ليها: الحمد لله بس كنت دايرة أسالك مالكم ساكنين في حتة مهجورة زي دي قالت لي اتعودنا من زمان أبوي جابنا هنا قلت ليها هو وين قالت لي: ربنا يرحمو
قلت ليها : ربنا يرحمو إن شاءالله طيب إنتوا براكم؟ قالت لي: لالا معانا أخوي
في الحظة دي خالتو إحسان جابت الغداء اتغدينا بعديها اتذكرت أمير لسه ماجاء قلت ليها: أمير وين؟ ردت لي ماشة مكان هسي بجي
المغرب اذن صلينا وقعدتة أنتظرو بس ما جاءالعشاء أذن برضو ما جاء أستنيتو لي نص الليلة النعاس قاومني نومت صحيت الفجر اتذكرت أبوي بكيت مسافة وصليت خالتو إحسان قامت تصلي سألتها أمير جاء؟ قالت لي: لسه بس بجي إن شاء الله ما تخافي ومالو صوتك مخنوق كدا قلت ليها : اتذكرت أبوي💔
زي الساعة ١٠ كدا جاء قالي معليش كان عندي حاحة مُهمة وعملتها قلت لي ما مشكلة وأنا حاسة أنو في شي والزاد شكي وشو كان متغير كان زي المضايق كدا
خالتو عملت الفطور فطرنا لخظته ليهو سرحان قلت ليهو: أمير في شي؟ قالي لا ماف حاجة وقام!
عاينت لي خالتو إحسان قلت ليها مالو قالت لي علمي علمك
حسيت بي نعاس قلت ليها ماشة أنوم قالت لي طيب يابتي
دايرة ادخل الغرفة كدا سمعتة صوت أمير بتكلم بالتلفون وبقول:
ياخ ما تزهجيني ما قلت ليك داير زمن بس مالك إنتِ دخلت وقلت ليهو شنو هو الداير زمن؟ حسيتو ارتبك قال لي الفي التلفون برجع ليك بعدين تاني عاين لي وقال: ماف شي حاجة كدا وبس وطلع
اجي حاجة شنو طيب الفي التلفون دي منو؟
تاني قلت ما شغلتي المهم أعرف القتل أبوي منو
بعد العصر كدا أمير قال: طالع قلت ليهو: طالع وين رد لي ماشي قريب وجاي قلت ليهو: قريب وين أمبارح قلت كدا وما جيت بدري قالي بي زهج ياخ ما وريتك ماشي هنا وجاي مالك إنتِ رديت ليهو مالك هايج كدا سألتك بس ولا ماشي لي ست التلفون القبيل جاء علي ومسك يدي وقالي ده كلام شنو البقولي فيهو ده قلت ليهو: وأنا بتألم زي ما سمعت ماشي ليها صاح حمر علي مساقة وقال: بمشي محل ما دايرة إنتِ ما تتدخلي في المايعنيك قلت لي: كيف مايعنيتي أنتِ مش راجلي قالي ما راجلك ولا نفسي أكون راجلك وطلع
بقيت أبكي قلت زاتو ماف حاجة كان جابراني إلا اخوي بس بعد ده أنا مالي اتعذب كدا ح أطلق منو ما دايرة اعيش معاهو
تاني اتذكرت إني دايرة أعرف القتل ابوي قلت طيب ح استني لحدي ما أخد حق ابوي وبعدو إن شاء الله بطلق
المغرب أمير جاء وجاب معاهو خضار وفواكه اداهم لي خالتو إحسان قالت لي: ما كان تتعب نفسك يا ولدي قال ليها: تعب شنو دي حاجات بسيطة
خالتو إحسان عاينت لي وقالت: تعالي يا بتي شيلي الفواكة دي وديها التلاجة هزيت ليها راسي وجيت شلتو ووديتو
وأنا قاعدة ادخلو التلاجة جات ليلي(بت خالتو إحسان) قالت لي ارح معاي الدكان عشان اجيب اندومي قلت ليها غريبة عندكم اندومي وما عندكم شبكة نت😂 قالت لي تقولي شنو بس قلت ليها وأنا دايرة أجيب رصيد عشان اتصل لي اهلي واطمنهم قالت لي طيب مشيت استاذنت من أمير وطلعنا وصلنا هي شالت إندمي وأنا جبت الرصيد جينا وأنا دخلت غرفتي جبت تلفوني كان مقفول وشخنتو فتحتو ودخلت الرصيد لقيت مكالمات كتيرة من امي واخوي وأختي اتصلت علي امي من أول جرس فتحت
°كنتِ وين يابت بنضرب ليك كتير أسماء قالت أمير شالك وتاني ما جيتو مالك مشيتي وين
^يا أمي اهدي أنا كويسة وقاعدة في حتة أمنة وأمير كويس ماف مشكلة
°كيف مافي مشكلة وهو وداك مكان لا حس ولا خبر اخوك ما خلا مكان وفتشكم مشيتو وين أنتوا ومالو صوتك؟
°قاعدين مع عمتو عندو كم شغل كدا وأنا كويسة مافيني شي
^شغل شنو وهو عميان؟
(كنت دايرة اقول ليها هو ما عميان بس اتذكرت إنو هو ما وراء اهلواعشان كدا قلت ليها)
°لالا شغل بسيط مابعيقو
^طيب اضربي لي اخوك قلقان عليك
°طيب يا امي ح اقفل بعدين برجع ليك
بعد ماقفلت من أمي اتصلت علي أخوي رد لي طولي وقال
الوو استغربت لي ما شاكلني ولي بارد كدا قلت لي مدثر كيفك أمي قالت كنت بتفتش علي قالي اي قلت لي مالك زي الفي حاجة
رد لي ماف شي بس مضغوط في الشغل
مضغوط أنا كنت مفتكراهو زعلان مني عشان اختفيت أو خايف علي💔
قلت ليهو طيب تمام
قال لي: في شي رديت ليهو لالا بس عشان إمي قالت إنك كنت قلقان علي عشان كدا 💔قالي طيب ح اقفل عشان عندي شغل كتتير
وطق قفل في وشي💔
ختيت التلفون وبقيت أبكي اخوي اتغير علي شديد ليلي جات وشافتني أبكي قالت لي: مالك في شي حصل لي أهلك حاجة؟
رديت ليها لا ماف شي بس اشتقت ليهم
حضنتني وبقت تطبطب علي وأنا ببكي بس امير جانا جاري قال في شنو مالك بتبكي كدا؟
قلت ليهو اشتقت لي أهلي بس قالي ده بكي شوق هسي؟ ليلي طلعت خلتنا ناخد رحتنا
قلت ليهو اي قال لي: كذابة في شي تاني
سكت ماقلت حاجة تاني قلت ليهو: لي ما نرجع المدينة لي وديتنا القرية هنا انتهت وقال: قلت ليك في شي داير انتهي منو بعدين نرجع إن شاء الله
قلت ليهو والشي ده شنو؟ قال: ما وريتك داير اعرف القتل أبوك رديت ليهو وأنا علاقتي شنو بالقتل أبوي ؟ ما تقعد انت وخليني أمشي رد لي بعدين ح تعرفي قلت ليهو يعني أنت عارف القتل أبوي وساكت!؟ ولي ما قبضو .. مسح يدو في وشو وقال لي ما بعرف لو كنت عارف كان قبضو بس داير افتشو ووريتك يا بت الناس لمن كنا راكبين في العربية
سكتة ما رديت ليهو تاني قال
بكرة ح امشي مكان برجع بعد يومين تمام قلت ليهو والمكان ده وين قالي ما تكتري معاي كلام كتير ما مطر أورك وين ماشي ووين جاي وطوالي طلع!!....
•••••••••••••••••••••••••••••••••••••••••••••••••••••••••••
#كسر _أُنثي《02》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
في اليوم التاني ليلي أصرت أمشي معاها السوق ما كان عندي نفس من سمعت خبر موت أبوي بس اضطريت عشان أكون قوية ما دايرة اتذكر واضعف💔 مشينا السوق بعد اخت إذن أمير بي التلفون قالي أمشي بس ما تتأخري قلت ليهو طيب قفلت
سمعت صوت طفلة بس عشان الحزن الفي قلبي ما فكرت دي منو وهو وين
فجأة ليلي تطقطق اصابعاها وقالت لي: ههي مالك؟! رديت ليها ماف شي اتذكرت شي بس قالت لي غريبة إنتِ دائماً سرحانة وعيونك مورمة!
ضحكتة ليهها بس والضحكة ما كان من قلبي💔
بس لمن وصلنا السوق لقتنا مرأة سلمت لي ليلي شديد كدا تاني عاينت لي وقالت لي ليلي دي منو؟
ردت ليها ليلي مرت أمير المرة سلمت لي بي حماس وقالت لي الحمد لله الشفناك طبعاً إحسان لي زمن قاعدة أقول ليها وريني مرت ولدك أها كيفك وسلمي وين ما شيفاها
قلت ليها ولدك؟ سلمي؟ بتقولي شنو إنتِ
ليلي بي سرعة سحبت يدي وقالت لي المراة اها يلا يا خالتو مستعجلين بعدين ح نتكلم معاك وساقتني وسط استغراب الخالة
قلت ليها: في شنو دي تاني مرة يقولوا سلمي.. وولدك دي شنو حسيت بي ليلي متوترة قالت لي ماف شي زي ما قلت ليك عندنا جارنا أسمو أمير عشان كدا
قلت ليها ما مصدقاك أنا في شي مش قالت : لالا صدقيني ماف شي وولدك دي قصدها لي أم أمير 😅
قلت ليها : لا في حاحة إنتوا بتخبواوعني حاجة وروني ليها وصدقة أم جاركم يكون أسمها زي أمك! حسيتها اتوترت قالت لي: ماف حاجة شيلي الاوهام دي من راسك هزيت ليها راسي بس وأنا في قلبي شاكة في حاجة وح اعرفها إن شاء الله
رجعنا من السوق وجبنا الخضار شلت تلفوني لقيت انتصال من أختي رجعت ليها وردت
°المختفية مالك ما ببتصلي علينا ولا خلاص اتجوزتي ونسيتينا😏
^بتقولي شنو إنتِ بس عشان الكهرباء ماف وعندهم موتور ومرات ما بنلاقي جاز اها كيفكم إنتوا
°في مشاكل بين أخوي ومرتو أمبارح طلقها
^يازولة متين ده ولي ما أتصلتوا علي ووريتوني
°أمي من امبارح بتحنس فيهو وأمبارح إنتِ تلفونك كان مقفول!
^ايوا صاح كلامك طيب هسي كيفكم وبعد طلقها حصل شنو؟
°اخوي غضبان شديد ما داير يورينا سبب الطلاق شنو
^طيب أقفلي ح اضرب عليهو وإن شاء الله اعرف
قفلت من اختي وضربت لي اخوي الخط خاشي بس ماف رد تاني ضربت ليهو برضو مارد لي
عاوت الاتصال أكتر من ١٠مرات بس ما داير يرد
ختيت تلفوني مسافة يتصل لي
بس لحدي المساء ما رجع عرفتو ما داير يتكلم معاي
شلت تلفوني ضربت لي أمير رد لي
قلت ليهو اختك امبارح طلقوها قال لي: عارف
سكت ماعرفت أقولي شنو قال لي: في شي دايرة حاجة عشان عندي شغل؟
قلت لي: مافي حاجة بس متين ح تجي رد لي بكرة إن شاء الله
قفلت منو وبقيت افكر أخوي لي طلقها وأمير مخبي مني سر ظاهر ولا كيف إي زول يخطي ويقول لي سلمي كيف؟ وسلمي دي بتو ولا شنو!
أنا احسن افتش بيت أمير جارهم واعرف
رقم إني ما دايرة أوري امير بس ما صاح أطلع من دون اذنو ضربت ليهو وقلت لي ماشة لي جيرنا هنا وجاية قال لي : جيرانكم منو؟ قلت ليهو حدة كدا راجلها أسمو امير زيك كدا😁 قالي : في زول اسمو امير في القرية الغريبة أنا دائماً بجيهم بس مالقيت
من قال كدا اتأكت أنو في شي قلت ليهو طيب ح افقل وبسأل ليلي وقفلت علي كدا
بقيت بسأل نفسي ياربي في شنو والحاصل شنو ومنو سلمي دي في شي خابنو مني في النهاية قلت ح أسأل ليلي واخطها قدام الامر الواقع
جيتها وقلت ليها دايرة أسألك بس بتمني ماتخيبي ظني قالت لي اسألي قلت ليها
أمير جاركم ده وين ساكن حسيتها أتوترت وبقت تهاين يمين وشمال وتاني قالت لي دايرة منو شنو؟
قلت ليها في حاجة وإنتوا خابنها مني قالت لي بقولي شنو ماف شي قلت ليها: طيب وريني بيتهم بي وين سكتتت
من شفتها سكتت قلت : ضربت لي أمير وقال ما عندكم جار هنا أسمو أمير يلا وريني الحقيقة أنا ماشافعة عشان تغشيني بقت تبكي وقالت لي: حلفوني ما أوريك مابقدر أنا والله خلفوني لو دايرة تسألي اسألي أمير هو الوحيد البوريك
قلت ليها طيب ح اسألوا
شلت تلفوني عشان اتصل ليهو قلت لالا ما اتصل هسي أحسن لمن يرجع واسالو عديل عشان ما يتهرب مني
فجأة جاني أتصال من أختي فتحت الخط قبل ما اتكلم قالت لي: ساااارة في مصيبة حصلت قلت ليها: في شنو مالك حاصل شي إمي كويسة اخوي كويس إنتِ كويسة قالت لي أخوي اختفي يا سارة سكتت مسافة بين مصدومة وما واعقية هي بقت تقول سارة الوو يابت سامعاني سارة بعد استوعب قلت ليها بي صوت مطقطع ايوا معاك حصل شنو وكيف أختفي قالت لي: ماعارفة أمبارح مشي الشغل بس تاني ما جاء ولمن نتصل لي مايرد قلت ليها: يعني الخط خاشي ردت ايوا خاشي بس ماقاعد يرد قلت ليها: اطمني بكون في مكان براك بتعرفي اخوي لمن يزعل يختفي وبجي بعد زمن قالت لي: إن شاء الله بس أنا ما مطمنة يا سارة قلت ليها: ربنا كريم وحنسي أمي وطمنيها ما تخليها تخاف قالت لي طيب ح اقفل بعد ده بعدين بتصل ليك قلت ليها طيب وما تنسي تطمني قالت لي تمام
بعد قفلت بقيت قلقانة علي أخوي المساء انتظرت اختي تضرب لي بس ما ضربت قمت اتصلت عليها لقيت الخط خاشي بس مافي رد لحدي ما قفل تاني اتصلت لقيتو مغفول! طوالي اتصلت علي رقم أمي بس لقيتو مقفول اتذكرت رقم أخوي أتصلت برضو مقفول بسم الله مالهم الحصل شنو
بقيت قاعدة علي أعصابي لحدي اليوم التاني وأنا بتصل عليهم بس ماف رد
أمير جاء المساء لقاني في حالة كعبة قال لي مالك قلت ليهو أمير وديني بيتنا قال لي في شنو رديت ليهو بس وديني بيتنا اخوي من أمبارح مختفي وهسي كلهم تلفوناتهم مقفولة من قبيل بتصل ليهم بس مقفول سرعة وديني وبقيت ابكي
قالي طيب اهدي بكرة ح نمشي قلت ليهو بكرة شنو هسي دي قالي طيب قومي البسي
مشيتي لبست وجيتو أجر امجاد وبقيت قاعدة علي اعصابي عاينت ليهو لقيتو عمل نفسو عميان بس ما اشتغلت بيهو بعد ساعتين وصلنا اطراف رجليني جمدو لمن لقيت صيوان جنب باب بيتنا....
•••••••••••••••••••••••••••••••••••••••••••••••••••••••••••
#كسر _أُنثي《03》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
من شوفت الصيوان رجليني بردو وما قدرت اتحرك أمير برضو كان مخلوق مرة يعاين لي ومرة يعاين لي الصيوان بقي يهز فيني ويناديني وأنا مصدومة دموعي نزلو بدون صوت هو طلع من التكسي وحاول يطلعني بس أنا ما كنت واعية للحاصل بقي يقول لي
استهدي بالله واتصبري كلنا ح نموت
°سارة! بسم الله مالك عاملة كدا؟
ده كان صوت أختي عاينت ليها وأنا عيوني ملانة دموع وبي صعوبة نطقة وبي صوت مخنوق
^أخوي حصل ليهو شنو
عاينت لي بي إسغراب وقالت لي إنتِ الحصل ليك شنو ومالك عاملة كدا !؟
عاينت لي أمير وقالت لي خير مالة أختي
أنا بقيت ببكبي بس ما قادرة حتي أتكلم .. رد ليها أمير وقال ليها
من القرية حالتها ما طبيعية وقالت ضروري نرجع المدينة ولمن وصلنا لقينا في صيوان افتكرانا مدثر حصل ليهو حاجة
قالت لي: حصل ليهو حاجة كيف يعني! .. عاينت لي وقالت مدثر كويس ماحصلت ليهو حاجة وأما الصوان ده عرس لجيرانا الجنبنا ديل وعشان ما لقوا طريقة والمكان ضيق وسعوها جنب بيتنا قلت ليها وأنا برجف : طيب أمبارح المساء لي لمن اتصلت ليك ما رديتي وتاني قفلتي تلفونك وكمان امي وأخوي قافلين تلفوناتهم ردت لي المساء جاء حرامي سرق التلفوانات بكون هو القفلهم قلت : بس ضربت ليك بعد العشاء ردت لي الحرامية الزمن ده ما عندهم وقت معين ونحنا زاتو غلطنا خلينا الباب فاتح
يادوب أخت نفس وقلت الحمد لله وطوالي دخلت جوا البيت بقيت أنادي مرة في أمي ومرة في مدثر جاتني أمي وقالت لي سارة! متين جيتي قلت ليها: قبل شوية مدثر وين؟ قالت لي: كان تورينا عشان نجهز ليك حاجة قلت ليها: لالا ما دايرة حاجة بس أخوي وين؟ ردت لي مشي السوق هسي بجي
قلت ليها: طيب أمبارح مش اختفي ؟ قالت لي كان زعلان من موضوع الطلاق عشان كدا
و عاينت بالباب وقالت : أمير وين قلت ليها: برة
ردت لي كيف تخلي برة ما عارفاهو عميان ولا قايلهو بشوف!
قلت في سري ( هو بشوف يا أمي)
عاينت لي وقالت: مالك سرحانة كدا أمشي جيبي راجلك
طلعت طوالي عشان أجيبوا شفت سمر بتتكلم معاهو وهو ظاهر مضايق جيتهم ومسكتو من يدو وقلت لي: أمي دايراك
دخلنا جوا أمي سلمت عليهو وقعتوا في الكرسي وانا قعتة في الكرسي الجنبو جابت لينا عصير دايرة أشيل كبايتي كدا الباب فتح ودخل مدثر
أمي قالت لي تعال سارة من قبيل بتسأل عنك عاين لي مسافة وطوالي مشي مننا!
أمي أستغربت مالو... دايرة تمشي ليهو قلت ليها أستني أنا بمشي ليهو قمت من محلي ومشيت ليهو لقيتو قاعد في الراكوبة وسرحان بعيد جيتو وقلت لي مالك أنت عملت ليك شنو أنا قال لي: يا سارة خليني في حالي قلتةلي: يعني ما داير تسلم علي أختك عشان طلقت نور بتهمك قدر ده! طيب لي ما رجعتها؟ قال لي :أحسن ليك تخليني في حالي عشان ما اتهور واضربك
وقفتة مصدومة اخوي يضربي أنا قلت لي طيب تمام وأنا أسفة إني جيت كل المسافة دي عشان أشوفك بقيت كيف لكن ياخسارة أنت ما بتستاهل زاتو .. ومشيت منو وصلت لي ناس أمي لقيت أمير بتكلم معاهم مسكتو من يدو وقلت ليهو يلا نمشي .. أمي عاينت لي بي أستغراب وقالت لي مالك يا بت هسي جيتو قلت ليها يوم تاني نجيكم ونقيل معاكم .. وعاينت لي أمير وقلت ليهو يلا نمشي هو كان مستغرب مني ومالي بقول كدا بس ما جادلني قام وقال لي أمي نجيكم يوم تاني أمي قالت لي: ماقعدوا كتير لكن قلت ليها :يوم تاني إن شاء الله يا أمي
ومست أمير من يدو وطلعنا فتشنا أمجاد ووصفنا القرية بعد ركبنا أمير قال لي دي شنو الهبالة البتعملي فيها دي ولو إنتِ من الاول ما كنتِ مجنناني غشان تشوفيهم؟! ما قلت ليهو شي بس بقيت أبكي . هو من شافني بكيت أتخلع وقال لي أسف ما قصدي أبكيك بس استغربت من الموضوع .. ما رديت عليهو بس بقيت أبكي هو ما قالي شي تاني وسكت
بقينا ساكتين كدا لحدي ما وصلنا القرية
نزلنا من العربية وهو حاسبو لمن دخلنا لقينا خالتي وليلي زي المخلوعين خالتي قالت لي أمير تعال دقيقة هو مشي معاها .. أنا سألت ليلي وقلت ليها في شي ؟ قالت لي ماف حاجة بس في موضوع بسيط دايرن يحلوا وكدا
مفتكراني غبية او ما بفهم بعد مسافة أمير طلع وكان زهجان شديد قلت ليهو في شي قالي ماف حاجة ياخ وطلع بالباب!
عاينت لي خالتو إحسان الظاهر مصدومة وقلت ليها في شنو سكتت وما ردت لي تاني سألتها قالت لي هنداك ليهو راجلك أساليهو ما تسأليني أنا .. عاينت ليها مسافة ومشيت غرفتي ما قلت ليها حاجة دخلتها وبقيت أنتظر أمير عشان أفهم الحاصل
أمير اتاخر وما جاء إلا المساء من جاء قلت ليهو في شنو ومالك مضايق كدا وزهجان قالي ماف شي ياخ ما بتفهمي إنتِ قلت ليهو: كيف يعني ماف شي ظاهر في حاجة أنا ما غبية وريني في شنو عاين لي بي زهج
وطوالي نام بدون ما يقول لي حاجة!
الصباح زي الساعة عشرة كنت بتونس مع خالتو إحسان قالت لي أمير طلع وين من الصباح قلت ليها ما عارفة ما سألتو عشان كان زهجان شديد قالت لي ربنا يستر
زي الساعة ٢ظهر كدا الباب فتح شفت أمير جاء جيتو وقلت لي مشيت وين من قبيل منتظراك هو كان ساكت ما ردة لي فجأة سمعت صوت طفلة زي عمر ١١كدا قالت لي بابا دي منو
لمن قالت كدا طوالي عاينت لي أمير الكان بعاين في الارض في الحظة دي دخلت بت كدا ما كبيرة زي عمر٢٨ سمحة شديد سماحة ما طبيعية وكانت حلبية .. قلت لي أمير ديل منو هو ما رد لي ولا قدر يعاين لي زاتو جاني صوت خالتو إحسان وهي بقول: ديل مرتو وبتو عاينت ليها وأنا مخلوعة قلت ليها بي صوت واطي مرتو وبتو هي هزت لي راسها بي معني نعم دموعي طوالي نزلو عاين لي أمير بي غرف كدا ومشيت غرفتي وبقيت ببكي قريب نص ساعة تاني طلعت مشيت علي جهه الماسورة عشان اغسل وشي سمعت صوت المرة وهي بتقول ليهو تعرس فيني وحدة شينا معليش لو بت سمحة بقول أنا مقصرة منك وما قدر المقام بس وحدة سودةة وشينة قال ليها: أسكتي من قبيل ساكت ليك بس إنتِ ... وقبل ما يتم كلامو عاينوا لي هو طوالي سكت هي عاينت لي من فوق لي تحت ومشت مريت بي جنبو ولا كاني شايفاهو غسلت وشي ورجعت وهو زاتو ما برر لي ولا قال لي كدا ولا كدا💔
مسحت دموعي وقلت ماهو أصلاً ما كان دايرني صاح انا ما كنت دايرهو بس إي مرة مكان لمن يحصل ليها كدا بتتوجع
دخلت لي خالتي وقلت ليها لي شنو ما وريتوني ولي سكتو خليتوني زي الهبلة قاعدة معاكم سكت مني قلت ليها بجد سقطو من نظري قالت لي ما كدا يا بتي والله انا من شفتك حبيتك بس قلت لي ولدي ما يعمل فيك كدا بس هو الراسو قوي ما بسمع كلامي دائماً بسمع كلام مرت ابوهو
قلت ليها ولدك ؟! يعني أمير ولدك! طيب خالتو أسماء يعني مرت ابوهو ما تفهموني حاجة ياخ
سكتت مسافة وتاني قالت لي اي هو ولدي وأسماء كان ضرتي وأما طليقي سكن مع مرتو ديك في الخرطوم وتاني رجعوا لي سنار سكنو فيها
قلت ليها طيب لي بتك قالت لي أبوها متوفي ردت لي إي بعد اطلقت من عثمان اتزوجت أبوي بتي ومات ليهو زي ثلاثة سنة
سكت ما عرفت اقول ليها شنو عشان كدا خالتو أسماء معاملاتها كانت خافة معاهو
خالتو إحسان قالت لي: يا بتي ما تزعلي من الحصل ولدي اتزوج دي قبل ١١سنة وابوك هو الزوجو ليهو قلت ليها: ابوي؟! قالت لي: ايوا قال هي بت اخوهو قلت ليها: بي خلعة يعني هي بت عمي!!! جاني صوت من براء بقول
إيوا بت عمك ....
•••••••••••••••••••••••••••••••••••••••••••••••••••••••••••
#كسر _أُنثي《04》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
قبلتة وراي لقيتها هي ااي ضرتي
جات علي وقالت لي: أنا بت عمك ما لاحظتي لي أبوي ما جاء العرس؟ رديت ليها وأنا من وين كنت ح اعرف إنو متزوج وكمان بت عمي؟ ضحكت وقالت لي أصلاً لمن اتزوجك عشان موضوع ابوك الهو عمي وبس قلت ليها : يعني إنتِ كنتِ عارفة بي قتل أبوي قالت لي زي ما إنتِ عرفتي أنا كمان عرفت قلت ليا: بس أنا في زول رسل لي رسائل من قبل اربعة شهور ووراني بس ماصدقت
عاينت لي بي حدة وقالت: وما عرفتي منو الرسل ليك الرسائل! قبل ما أرد ليها هزت راسها وقالت لي إي دي أنا قلت ليها ولي من زمات ما وريتني لي خليتنا نعيش علي أمل مزيف إنتِ ماعارفة العيشتو أنا بعد ما عرفت أبوي مقتول ما مختفي قالت لي: رسلت ليك عشان تبعدي من أمير وتخلي حزنك يمنعك تعرسي بس شكلك قلبك قاسي ما بتحبي أبوك قلت ليها عشان ما أعرس أمير هو نحنا من عرسنا شهرين ما تم ويا أستاذة الرسالة كانت قبل اربعة شهور و إنتِ ما بتعرفي إذا كنت بحب أبوي ولالا وأنا لمن اتزوجت زوجك المصون ما عشانو بس عشان حاجة واتنفزت ولو دايرة أطلق ح اطلق منو هسي تمام
°طلاق ماف
قلبت لي أمير الكان باين ملامح وشو ما بتتفسر من الغضب جاء لي بت عمي المابعرف أسمها اساساً
(ما تستغربو يا جماعة ما بعرف اهل أبوي إلا اعمامي واساميهم زاتا ما بعرف)
أمير قال ليها: يعني إنتِ الوريتها أنا ما كنت داير أوريها عشان المجرم ما يهرب ويعرف إننا كشفناهو قالت لي ودايرني اخليك تتزوج فيني ما حزرت قال ليها إنتِ مابتمنعيني اتزوج ولالا كلو بي يد ربنا عشان كدا كوني بعيدة مني بقدر المستطاع ما تنسي العملتي زمان
كنت بعاين ليهم والصدمة في وشي العملتي زمان؟ عملت شنو وهي رسلتها قبل أربع شهور كيف يعني هسي قالت رسلتها عشان هو يتزوجني .. شكلو في شي وأنا ماعارفاهو بس أصلي ما بسألوا وعاينت لي أمير وقلت ليهو ولي ما داير تطلقني
قال لي: علي كيفي بطلقك ولالا فاهمة
^ أنت لي بتعمل فيني كدا كمان بعد ما معتبري مرتك ولا عايشين كأيي إنتين متزوجين ما دايرني أطلق وافتش البشبهني
°شنو عدي كلامك تفتشي البشبهك شفتي عشان كلامك ده ما ح أطلقك وح تكوني كدا معلقة لا مطلقة ولا متزوجة
^هو أصلي من يومي معلقة زوجتك بالورق بس أنت ما بتخاف من يوم الحساب
°.........
^مالك ما ترد ولا لسانك اطربت عامل فيها بتفتش علي القتل أبوي بس شكلك ما ملاحظ أنك زي القتل أبوي لا عندك أحساس لا ضمير
"طااخ"
مسكت يدي علي خدي وأنا بعاين لي أمير بعد ما ضربني كف وهو ح يطق من الزعل
°أبوك ده شي تاني وإنتِ شي تاني تمان ما تعملي فيها خلاص إنتِ بت الزول الكان بدربني والزول البعزو إنتِ في جهه وهو في جهه تانية
في الحظة دي شلت حالي ودخلت غرفتي وانا ح اطق من البكاء بكيت كتيرر لي العشاء ماف زول جاء شافني الاذان إذن مشيت عشان اتوضة لقيت أمير وبت عمي بيضحكوا ولا كاينوا زعلوا وحدة وبتبكي جوا حسيت بي وخزة في قلبي أمير ده حصل ماشفتو مبسوط كدا دائما. بكون مكشر وشو بس من جات هي الضحكة ما فارقت وشو
مشيت قدامهم لمن شافوني سكتو لحدي ما اتوضيت وطلعت دخلت غرفتي سمعت صوت باب الشارع اتفتح وتاني اتقفل عرفتو أمير بكون مشي يصلي
بعد ما صليت قعت اقري قران في الحظة دي امير جاء وكان شايل أكياس كتيرة ختيت الكتاب في مكانو وعاينت ليهو لي قرف كدا هو زي التحسس من نظاراتي جاني وقعد جنبي وقالي أنا أسف عشان قبيل شاكلتك وأسف عشان مديت ليك يدي ما كان قصدي وأعفي لي ومن الليلة ولي قدام إن شاء الله ح نعيش كايني إتنين متزوجين ما بقدر اوعدك وأقول ليك ح أحبك بس ح احاول ابتسمت ليهو وقلت ليهو: قبلت اعتزارك حسيتو فرح وقال لي :شوفي جبت ليك شنو فتحت الاكياس لقيتها باسطة وشبس وحلويات وشكلاتات وإندومي😂 فرحت كيف بقيت اكل فيهك زي المجنونة وهو بعاين لي ويضحك
////////////
في الجهه التانية أماني كانت بتاعين ليهم بي حقد وهي بتقول اصبري يا سارة كان ما خليتك تخليهو بي اراتدك ياخ وحدة شينة زيك تخلي أمير خاتم في اصبعها ما بخليك تتهني معاهو
/////////////
يعني لمن كنت بتبكي عشان بتحب مرتك الاولى وكدا😂😂
رد لي لالا ما عشان كدا قايلاني بت عشان يجبرواها قلت ليهو: طيب لي كنت بتبكي قالي :عشان اتذكرت ابوك وإني لي الان ما عرفت المجرم وهو بتهني ويمرح قلت ليهو: يعني سنينكم دي كلها ما عرفتو المجرم قالي: لقينا ادلة وانا شاكي في زول قلت ليهو: ومنتظرين شنو طيب قال لي الادلة ما كافية دايرن دليل قوي قلت لي: طيب ممكن اعرفو منو؟ قالي مابقدر عشان مايهرب بس إنتِ ما تقولي إني شاكة او ابوك اتقتل أخفي السر قلت ليهو: سرك في بير
بعد يوم من الموقف ده كنتَ في المطبخ مع ليلي بنعمل في الفطور سمعت جوطة براء طلعت لقيت خالتي ببشاكل مع اخوي! جيتو وقلت لي: مدثر الجابك شنو هنا؟! عاين لي بي غضب واداني كف ومسكني من يدي وهو بكورك وبقول :
عمري ما فركت إنك بتكوني تافهة وحقيرة للدرجة دي يعني قلبك بقي قاسي كدا قلت ليهو وأنا ببكي وخلاص يدي حمرو من المسكة بتقول في شنو أنت قالي: بي صوت عالي وعاملة فيها غبية وما بتفهمي كمان .. قبل ما أرد ليهو جانا صوت أمير وهو بقول: في شنو يا جماعة أخوي فكاني ومشي مسك أمير وقالي وأنت يا القتلت أبوي جاي بكل نفس وتقول في شنو أمير زح يد مدثر منو بي كل هدوء أبتسم وقال لي....
•••••••••••••••••••••••••••••••••••••••••••••••••••••••••••
#كسر _أُنثي《05》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
ئهه ده عمر القال ليك كدا مش
^مامهم منو القال لي بس أنا عرفت الحقيقة عملت حادث وضربت أبوي وبعدين أنت وأهلك دسيتو الحثة عشان ماف زول يعرف صاح
°ده كلام شنو البقول فيهو ده
^ما تعمل نفسك مقفل أنا عرفت إي شي
"عاين لي سارة "
وإنتِ كنتِ عارفة ده كلو وما وريتني عجبك مش قلتي اتستر علي راجلي أحسن
واها مالك قال ماعميان مش كنت مابتشوف شايفك بتعاين لي كويس
°مدثر نزل يديك وما تتهور أحسن نحل الكلام ده بي هداوة
^بي هداوة أنت بتهظر ولا شنو أنا شايفة القاتل بي عيني ودايرني اهداء
كنت ببكي وشايفة اخوي وأمير بتناقشوا كدا يعني أمير القاتل يعني هو القتل أبوي كمان كان بقول لي ح افتش وعندي دليل للقتلو ئهة بي الواضح كدا لو عندو دليل ما كان خلاهو لي هسي مشيت لي أمير بي خطوات متثاقلة زحيت أخوي منو وكنت بعاينت لي أمير جواء عيونو قلت ليهو يعني أنت القتلت أبوي معيشني في وهم وعامل نفسك بتحب أبوي وتلميذو و... لي كدا عملنا ليك شنو نحنا أمير ما رد لي بس كان ساكت قلت ليهو: ما تحكي مالك ساكت كدا ولا عشان كشفناك
°افهمي زي ما دايرة إنتِ واخوك ولو قايلني أنا القاتل ما بهمني
ضحكت وقلت ليهو يعني داير تتهرب مثلاً أنت خبيت زواجك من أهلك ما صعبة تخبي قتل أبوي
^شنو زواج
عاينت لي أخوي وقلت ليهو اي أخوي بداء يضرب في أمير وقال لي: ما كنت قايلاك كدا للدرجة دي أنت أنسان حقير وتافهة موت أبوي وكتمك لي عرسك ما ح يعدي علي خير أمير ضرب أخوي بنية لمن رجعو وراء وقال لي بتزوج ولا لا ده ما من اختصاصك وعلي معلومياتك أخت زاتها ما بتلزمني لو داير تشيلها شيلها أصلاً اتزوجتها عشان شي وانتهي
اخوي مسكني من يدي وقال لي يلا من المكان ده ما عندك قعدة هنا
عاينت لي أمير وقلت ليهو: قول إي شي غير الكلام ده لأني ماقادرة اصدق أخوي قال لي: بعد القالو ده لسه ما مصدقة أمير قال لي: شيلي هدومك وأمشي بيت أهلك ماعندي شي اقولو ليك هسي عاينت ليهو بي قرف ومشيت عشان أشيل هدومي وكانت ماشة وراي ليلي وهي بتتكلم معاي
_يا سارة ما تتهوري ياخ أمير اخوي مابعمل كدا أكيد في شي غلط
=شي غلط! زي شنو مثلا!! ماشايقة أخوك كيف بتعامل بي كل برود وده أكبر دليل احمدو الله عشان نحنا لسه ساكتين بس إن شاء الله لمن نلقي دليل ح نفتح فيهو بلاغ ولي اليوم داك شوفو حاجة ترمرقو من السجن
مشيت منها بدون ما ترد لي لميت هدومي في الشنطة بي شكل عشوائي رجعت لي اخوي وقلت ليهو: يلا نمشي عاينت لي خالتو إحسان الكان بتبكي وعاينت لي أمير الكان ملامحو عادية كأنو ماف حاجة حاصلة
أخوي شال مني الشنطة وركبت معاهو
كنت ببكي ساي وأخوي أصلاً ما أتكلم بس كان بسوق
كسرت حاجز الصمت وقلت ليهو العربية دي حق منو قالي: حق صحبي .. وتاني ما تكلمنا لحدي ما وصلنا
أمي من شافتني بقت تسأل فيني في شنو والحصل ما رديت ليها حتي مدثر سكت دخلت جواء لقيت أختي ماف سألتها مشت وين قالت لي عند منال صحبتها من أمبارح تبكي قلت: ليها في شنو؟ قالت لي :تهاني عرسها من ياسر بعدشهى
طبعاً الخبر صدمني أخوي جاء وقال لي: أمشي الغرفة ارتاحي ..طبعاً كنت بتكلم معاهو بي برود عشان ضربني وشاكلني .. هزيت راسي ومشيت أمي شايفاها ببتكلم معاهو وهو برد ليها .. بعد مسافة جاني وقال لي ما تحكي لي أمي الحصل لحدي ما نلقي دليل هزيت ليهو راسي .. تاني عاين لي وقال أنا اسف عشان مديت يدي عليك وشاكلتك كنت قايلك عارفة قلت ليهو كان قايلني عارفة لي ما سالتني فجأة تجيني وتضربني! قالي حقك علي والله ما كنت قايلك عارفة قلت ليهو الوراك منو أنو أمير القتل أبوي ..
°...........
مدثر ما تحكي؟
° ما بقدر احكي حالياً بس لمن اجمع الادلة بوريك
وطلع مني !
قلت اخوي ده غريب شدديد نمت لحدي المغرب وتاني صحيت لقيت أمي ماسكة اختي وبتهدي فيها مشيت ليهم وأنا مخلوعة قلت ليها :في شنو مالك بتبكي كدا؟
أمي ردت لي ما وريتك قبيل عرس تهاني وياسر...
للدرجه دي أختي حزينة ما كنت قايلاها حساسة كدا جيت حضنتها وبقيت اهدي فيها لحدي ما هددت
اليوم التاني لبس توبي ودايرة أطلع بالباب اتذكرت إني متزوجة وما صاح أطلع بدون إذنو شلت تلفوني رغم العملو ضربت ليهو في الأول ما رد تاني رد بي أخر نفس قالي خير قلت ليهو دايرة أطلع ماشة لي أهل الكان خطيب أختي زمان عشان أسالهم لي خلوها سكتت مسافة وتاني قالي شوفي يا سارة دايرة تمشي أطلعي بدون ما توريني تمام ما تضربي لي تاني ياخ قلت ليهو :أها أطلع قالي إنتِ ما بتفهمي أطلعي وقفل! عارفة نفسي ماعندي كرامة بس زوجي ولو ماشة مكان استاذن منو ومشيت بيت ناس ياسر دقيت الباب مرتين ما فتحو في التالتة فتحت لي بتها قلت ليها أمك في☺ رت لي بي اي .. وهي مستغربة من جيتي دخلت جوا لقيتها قاعدة مع خالتو اسماء ومرة كدا ومعاهم تهاني ونسوان تانين خالتو اسماء من شافتني قبلت علي نور وقالت ليها دي الجابها هنا شنو .. جيتهم ووقفت في نصهم وانا متجهه علي ام ياسر
^هسي دي عمله تسوها تخطوبو البت وتجهزوا اي حاجة وبعدين تقولوا ما دايرنها!
° لمن خطبنها علي اساس هي بيضاء بس يا خسارة طلعت سودة خادم ساي
..كلامها زعلني شدديد للدرجة دي الناس يعني ما عارفين تحنا ما عبيد ناس بس عبيد الله !!
^يعني شنو سودة حسني الفاظك ياخالتو عشان الكلام ده ما صاح منك
جات بتها من بيعيد وهي بتصفق وتقول:
_ اخر زمن عندكم عين كمان بعد الغش والخداع السويتوا لينا زي ما كلام أمي ماصاح في نظرك الغش ماصاح وحرام ياخ إنتوا ما عندكم كرامة؟ بعد ما رفضناكم جاين بي عين قوية عشان تتكلموا
°مالنا ما ناس ولا ما من حقنا نعرس؟
_العب في النهاية بيفضل عب
.. ما استحملت كلامها طوالى ضربتها كف
مسكت وشها وبتعاين لي كانو ما مستوعبة الحاصل
في الحظة دي في زول لفتني عليهو واداني كف عاينت كدا لقيتها خالتو اسماء
=اخر زمن اشوفك تتطاولي علي اسيادك ما تنسي نحنا اشتريناك بي قروشنا يلا اطلعي من هنا عند عين تتكلمي
مسكت خدي وعاينت ليها شدديد ومشيت علي جهه الباب بخطوات بطيئة مسكت قبضت الباب و عاينت ليهم لقيت تهاني بتبتسم ساي طوالي فتحت الباب وطلعتة....
•••••••••••••••••••••••••••••••••••••••••••••••••••••••••••
#كسر _أُنثي《06》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
رجعت البيت وأنا عيوني ورمو من الدموع أمي قالت لي مالك بتبكي
وريتها الحصل لي قالت لي تستاهلي إنتِ تمشي ليهم لي ما عارفاهم يعني؟
اختي قالت لي ديل ناس عنصرية أنا لمن سمعت بالخبر مشيت ليهم سمعوني وسخ اضنيني امي قالت تاني ما تجيبوا سيرتهم وانسوهم زاتو
هزيت ليها راسي بس تاني قالت لي أخوك امبارح قال جيتي تقعدي معانا فترة وترجعي صاح .. ماعرفت اقول ليها شنو سكت بس قالت لي: علي العموم بكرة أنا ماشة لي اختي في وحدة حابة تمشي معاي قلت ليها انا ماشة اشتقت ليهم لي زمن ما شتفتهم هزت لي راسها بس استاذنتم ومشيت قعت في الراكوبة لقيت اخوي قاعد وسرحان قلت ليهو مالك
قال لي ما اتخيلت نور تطلع كعبة كدا قلت ليهو صحي حصل شنو لمن طلقتها كدا
استعدلت في قعدتو وقال لي جنها تشتكي في حاجات جيب لي وسوي لي وما بحبكم وفي النهاية اتشاكلنا وخليتها
قلت ليهو بس كدا؟ عشان ده يعني طلقتها أنا بعرفك يا اخوي ما بطلق بالساهل وريني الحصل شنو ...قام علي حيلو وقاال لي ده الحصل ماف شي غيرو وفات!!
اخوي البعرفو مابخلي شي بالساهل ظاهر الموضوع أخطر من كدا بس هو ما حابي يتكلم
في اليوم التاني مشينا لي خالتي مني من شافتني جات جارية وحضنتني وقالت لي: يا عواليق لي ما وريتني إنك جاية قلت ليها: ههه عشان مفاجأة وكدا قالت لي: الحمد لله الشفتك اشتقت ليك مالك ما داخلة واتس ولا فيس؟ قلت ليها المكان المشينا ليهو شبكة ما فيها عشان كدا
خالتي قالت ليها: فكيها خنقتيها عديل .. قامت فكتني وقالت لي طبعاً عندك لي اخبار كتيرة ومن أولها في زول اتقدم لي قلت ليها يازولة مبروك😍
قالت لي واتخيلي قالو لي عجبتينا عشان لونك ده قلت ليها: الحمد لله الفي ناس لسه بتحب الون الطبيعي وواعين كمان قالت لي في الدنيا دي في ناس كويسين وفاهمين بس نقول شنو البصلة العفنة بتعفن الشوال😂
ضحكتنا علي كلامها
قعدنا معاهم لي العصر ورجعنا البيت
اليوم التاني شايفة امي ببتكلم وهي بتقول طيب بكرة بنجيك إن شاء الله قلت لي امي دي منو قالت لي نسيبتك قلت ليها منو؟ خالتو اسماء؟! قالت لي :وفي غيرها يعني
قلت ليها : ماماشة أنا يا أمي قالت : لي في شي حاصل؟
اتذكرت قلت يمكن تعرف قلت ليها عشان ادتني كف وكدا
قالت لي: يعني دايرة تخربي بيتك عشان اختك دايرة ترجعي لي مطلقة! قلت ليها :يا امي ما كدا بس.. قاطعتني وقالت لي: بدون كلام بكرة ماشين ليهم
سكتة ما قدرت اقول ليها حاجة
اليوم التاني من الصباح قمنا مشينا ليهم من جيتهم لقيت خالتو اسماء تحمر لي ساي عملوا الجبنة وشربنا في الحظة الكنا نتونس فجأة دخلت بت عمي أنا عيوني بقي يشوف طشاش طشاش خالتو أسماء قالت ليها تعالي يا حبيبتي
قعدت جنبها وهي تتبسم ساي
أمي قالت ليها دي منو ما عرفتيتا عليها
خالتو أسماء عاينت لي وقالت ماوريتك أمك يعني أنا هنا خشمي اتربط أمي قالت لي منو دي
وقبل ما ارد عليها تهاني قالت دي ضرة بتك أسمها أماني أمي قامت فوق وقالت شنو! ومن متين ده
خالتو اسماء قالت ليها نحنا زاتنا ما كنا عارفين بس امبارح أمير ضرب لينا وعرفنا بيها
أمي كانت بتعاين لي ساي وأنا ماعرفت اقول ليها شنو
بعد الجبنة امي ودتني علي جنب وقالت لي
^لي ماوريتني أنو أمير متزوج
°يا أمي براي ما كنت عارفة أنو متزوج إلا اول أمس
^طيب هو لو متزوج دايرك لي ولا هو عميان اتزوج كيف
°ويعني ما بحق ليهم مثلاً+ هو اتزوج قبل ما يعمي واتخيلي هي بت عمي
^شنو !! بت عنك منو وكمان اكتر من ١٠ سنة
°ماعارفة عمي منو هي قالت هو ما جاء عرسي
أمي ختت يدها في خشمها وقالت
^ده عمك سمير ماجاء العرس وكان ما راضي بيهو بس ما قال لي أمير معرس
°لي يعني خبي مننا
^ماعارف بس دي مشكلة ح يحصل تفرقة بين أهلك
° بس أنا ما عارفة هو متزوج لي يعني يحصل تفرقة لو كدا نطلق بس هو زاتو ... وسكت
^مجنونة إنتِ ماف ليك طلاق والامور تتحلي بي هداوة ما كدا
_هي واقفات بعيد مالكم تعالوا
دي كان صوت خالتو أسماء مشينا ليها من دخلت لقيت أمير اكتفيت في إني بعاين ليهو بس
وهو ولا اشغل بيك كأني ما موجودة أمي قالت ليهو مالك ما وريتنا أنك متزوج قال ليها وهسي وريتكم يا خالتي
قالت ليهو بس نحنا ما سمعنا إلا من أمك وكمان بت أخو صديق! عاينت لي مسافة وقال لي أنت ماعميان قال ليها: دي قصة طويلة يا خالتي مابقدر أحكي ليك هسي ...أمي عاينت لي خالتو أسماء قالت ليها: لي ماقلتي هو ماعميان الهدف شنو من الكذب خالتو أسماء قالت: نحنا برضو ما كنا عارفين لو عارفين بنوريك .. أمير كان سامت ما أتكلم وأمي اتضايقت تاني خالتو أسماء قالت: وما وريتك أمير ولد راجلي وأمو هي نفس الكانت قاعدة معاهم بتك أمب عاينت لي بي عتاب
خالتو أسماء قالت ليها: اصلاً جبتكم عشان اوريكم قلت ليها واها تاني في شي اصلاً انا عارفة😊
عاينت لي من فوق ولي تحت وقالت لي مدام عارفة مالك ما وريتنا ولا خايفة يتخرب بيتك
ردت ليها ما خايفة ولا شي بس مدام أمير ما اتجراء عشان يوريكم أنا اوريكم لي؟
امير قام فوق وهو متعصب وقال لي حقو يطلقوك اصلاً إنتِ ما نافعة
أمي من سمعت كلمة طلاق قامت وقال لي :معليش يا ولدي البت دي اصلاً متهورة وكلامها في طرق لسانها ما تهتم بيها .. كنت بعاين لي امي وأنا مصدومة هو قال ليها علميها عليك الله عشان ما يحصل شي ما بترضوهو اامي قالت لي :إن شاء الله بس أنت اهدي
كنت باعين لي البحصل وانا مصدومة امي اتوقعتها تدافع لي بس وقفت تضدي قمت لمن حسيت نفسي ح أبكي مشيت الماسورة غسلت وشي لمن قبلت عشان ارجع لقيت بت عمي في وشي قالت لي عيونك مالهم حمر كدا اها كنِتي بتبكي معليش البكي ما شبهك وقامت تضحك
عاينت ليها وقلت: أحسن ليك تختيني زي ما أنا خطياك فاهمة عشان ما تشوفي شي ما يرضيك انا سكت ليك وده مايعني خايفة منك ولا من زوجك المصون بس لحدي ما اجمع ادله واققبضو قالت لي انا ما عارفة لي هو ساكت ليك بس انت بي شناتك دي أحسن تسكتي منو هو البقبل الزيك تكون خدامة وبس
في الحظة دي اديتها كف
ساااااااااارة
ده كان صوت أمير جاني طاير وكان داير يضربني بس نزل يدو وقال لي تاني ما أشوفك مادة يدك علي أماني تمام ما تفكري إنتِ زيها إنتِ ولا شي صفر علي الشمال عشان كدا احسن ليك تكوني بعيد
عاينت ليهو وعيوني ملانة دموع وعاينت ليها لقيتها تبتسم ساي قلت ليهو وصوتي مخنوق اصلاً ما بهمني بتحب منو ولا تختار منو ساكتة ليك بس عشان اخوي قال لي نسكت لحدي ما نجيب ادلة ونسجنك ضحك وقال لي كدي نشوف ح تجيبوا ادلة من وين قلت ليهو اي اضحك بس اعرف إن شاء الله يوم الضحكة دي تبقي ليك دموع
ومشيت من جنبهم سامعاهو بقول ليها إنتِ كويسة وهي بتقول ليهو يعني بس ضربتها حارة
مشيت منهم سرعة سرعة جيت لي أمي قلت ليها :يلا نمشي من هنا قالت لي في شنو قلت ليها: ولا ثانية ما نقعد
جيرتها وطلعنا وسط أنظار الجميع في الشارع قالت لي إنتِ حنيتي ولا شنو ده شنو التصرف الغبي ده قلت ليها: يا امي دايرة اطلق قالت لي شنووووو عشان يقولو ليك المطلقة وإنتِ ٢٠سنة ما تميتيها
بس يا أمي ..قاطعني وقالت لي ماف طلاق وح ترجعي لي راجلك رجلك في رقبتك ما عندي بنات يرجعوا وهم مطلقات ولو دايرة تطلقي من هسي فتشي بيت تقعدي فيهو ما ناقصني شيل حال أنا...
•••••••••••••••••••••••••••••••••••••••••••••••••••••••••••
#كسر _أُنثي《07》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
انا ما مصدقة البتتكلم معاي دي أمي يعني هاميها كلام الناس أكتر من بتها!
قلت ليها :بس يا أمي كدا إنتِ ح تظلميني وشكلك ماعارفة أمير عمل شنو لو عرفتي ثانية ما بتخليني أقعد
قالت لي: هششش ولا كلمة خلاص كفاية القاعدة تعملي أكتر من كدا
دايرة ارد ليها قاطعتتني وقالت: لو معتبراني أمك ودايرة رضاي ما تتكلمي معاي في الموضوع ده تاني
سكتت منها عشان بعرفها ما بتقتنع بالساهل من دخلنا أمي كلمت اخوي إني ح ارجع لي أمير اخوي حاول معاها بس ابت
اخوي قال لي تعالي مشيت معاهو
^اسمعي يا سارة امي ما تفهمنا عشان كدا أحسن نسكت ما نتكلم تمام
°بس نسيت أمير عمل شنو!
^ما ناسي بس نحنا ما عندنا حل كان ورينا أمي ح تخرب خطتنا عشان كدا معليش اتحملي اليومين دي لحدي ما اجمع الادلة
°بس أنا ما بطيقو الزول ده مابقدر لي دائما تحاولوا تخطوني في حاجات ضيغة كدا😭
^عليك الله ما تعانديني بس يومين تلاتة لحدي ما اجمع الادلة إن شاء الله ولو حصل ليك شي أو حاول يعتدي عليك كلميني
°طيب ح أصبر بس عليك الله اجتهد في جمع الادلة عشان يتقبض
^إن شاء الله يلا هسي لمي هدومك عشان اوديك
شلت هدومي وودعت ناس بيتنا وانا بعصر علي قلبي وصلنا ناس خالتو أسماء من شافتني ضحكت وقالت لي ماشاء الله يعني خلاص قررتي تجي وكرامتك ؟
عاينت لي اخوي هز لي راسو بمعني اصبري اخوي قال ليها مهما حصل اختي في عصمة راجل وما صاح تقعد في بيتنا كتير
_يعني يادوب شغلت عقلك؟!
اخوي قبض يدو لمن سمع صوت أمير التفت عليهو وقال لي: عقلي من أولو شغال المشكلة فيك أنت الكنت عامل فيها عميان
_ ههه احسن منك يا البطلق بي سبب مشاكل بسيطة
اخوي جاء مسك امير من لياقتو وقال ليهو احسن ليك تقفل خشمك عشان ما اخليك أصم كمان
خالتو اسماء ادخلت وقالت لي اخوي: جاي في بيتنا وبي كل وقاحة داير تضربو امشي من هنا قبل ما اجيب ليك الشرطة
اخوي فك أمير وعاين لي خالتو اسماء وقال ليها ما تعبي نفسك انا ح امشي بس لي معلومياتكم اختي لو حصل ليها اي شي ح ارميكم كلكم في السجن
امير قال لي شايفنا شنو عشان نعمل لي اختك دي حاجة اخوي عاين ليهو بي غضب وقال: بعد عملتك ديك انا ماضامنك أصلاً
خالتو اسماء قالت لي اخوي عمل شنو كمان اخوي قال ليها: بإذن الله ح تعرفوا قريب عاين لي وقال لي لو عملوا إي شي وريني هزت ليهو راسي وقتمتو لحدي الباب
لمن رجعت سامعة خالتو أسماء بتقول لي أمير ما تخليها تركب في راسك البت دي كعبة وريتك انا خليك مع أماني خلاتا وبت زي القمر زاتو دي ما شبهك وما بتلزمك
عصرت علي قلبي ومشيت الغرفة الكنت فيها لقين أماني ! قلت ليها لو سمحتي دي غرفتي ضحكت وقالت لي كانت غرفتك بس بقت عرفتي أنا دايرة ارد ليها تهاني جات من وين ما عارفة وقالت لي يلا شتتي من هنا الغرفة دي حق اماني في مخزن صغيروني كدا نضفيهو واقعدي فيهو عشان شبهك
وضحكت وأماني ضحكت معاها لمن ضربو يدين بعض
شلت شنطتي ومشيت منهم وفي اقرب كرسي قعت وبقيت ابكي في زول مسكني من كتفي عاينت لقيتها سوسن(عديلتي) قالت لي ما تهتمي بيهم أنا عندي غرفة فاضية كانت حقتنا انا وعمر زمان لكن هسي بنينا غيرها فممكن تقعدي فيها مسكت دموعي وقلت ليها ما عارفة اتشكرك كيف قالت لي نحنا اخوان قبل ما نكون عديلات خضتها وقلت ليها انتِ أطيب وحدة في البيت ده
مشت ورتني الغرفة كانت مغبرة شديد بس هي ساعدتني انتهينا منها بعد ساعتين شكرتها مرة تانية ودخلت غرفتي وأنا برتب في هدومي كدا أمير دخل
^والله ما شاء الله شكل الغرفة يجنن
حمرت ليهو بس ما رديت ليهو
وهو طلع لمن شافني ساكتة زول ما مفهوم بجد
اليوم ده نمت براي هو كان مع اماني صليت الفجر وبقيت اقري قران لحدي الشروق وصليتو بعد ما صليت طلعت اعمل شاي
مشيت لقيتهم عملهوا وقاعدين يشربوا ما اهتميت بيهم مشيت المطبخ عملت شاي ومشيت غرفتي
بعد شربت الشاي شلت تلفوني وبقيت افسبك جاتني أماني وشايلة شي في يدها!
مدت لي يدها ليقتو شريط بتاع حمل ؟ عاينت ليها بلامبالاة ونزلت راسي وبقيت شغالة بالتلفون قالت لي زي ما شايفة أنا حامل وح اكون ام للمرة التانية قلت ليها واعمل ليك شنو يعني اصفق ليك قالت لي شامة ريحة حريق قلبك قعد يحرق صاح😂
كلامها استفزاني صراحة قلت ليها ويحرق لي يعني مثلاً 🥱
مفتكراني ميتة في راجلك باالله عاينو جنس دي قالت لي: ظاهر الغيرة فيك ما تنكري اول انا سمحة ولوني حلو وتاني شي شفتي نسابتي نسابة السرور بعاملوني كيف🙈 والعجب راجلي بعاملني كاني ملكة بس إنت زيك وزي الخدامة وزاتو الخدامة احسن عندها كرامة ما زيك كدا
قلت ليها اطلعي من هنا ما ناقصني ناس جاهلة وكمان لسه عقلها عقل شفع بالله إنتِ داخلة في ال٣٠ ما تعقلي شوية ياخ انا البنسبة ليك شافعة اعقل منك وما بعمل حركات الشفع دي بس شكلك عندك طفولة متاخرة
حسيت بيها اتغازت شديد وقالت لي انا عندي طفولة متاخرة مش شوفي البعملوا فيك
فجأة مسكت بطنها وبقت تقول وااي ضربتني في بطني وأنا حامل الحقوني
خالتو أسماء وتهاني وسوسن جو جارين تهاني قالت ليها: مالك؟ في شنو ؟ أماني بقت تبكي زيادة وقالت ليها أنا جيت عشان اتكلم مع سارة واقول ليها نحنا زي الاخوات وكدا وإنتِ اختي الصغيرة بس من حسادها عشان أنا حامل ضربتني في بطني اااه ما قادرة اتحمل
خالتو اسماء جات ادتني كف ووقعت في ضربت سوسن فكت اماني وبقت تمسك في خالتو اسماء وانا ببكي فجأة
سمعنا صوت أمير بقول في شنو هنا اماني انهارت عديل هو لمن اتخلع تهاني قالت ليهو :سارة الحاقدة ضربتها في بطنها لمن عرفت أنها حامل
أمير عرقو كلها طلعت وجاء علي زي البركان الهايج أنا هنا خلاص قربتة احسوح مسكني من يدي وقال لي: عملتِ كدا لي شنو
أنا ما قدرت أتكلم من كترة الوجع ضغط علي يدي شديد وقال بي صوت زي الرعد انطقي عملتِ كدا لي ما قدرت اقول حاجة غير ااه يدي
وهو كانو ما صدق إنتِ بتالم وهنا ضغط علي يدي شديد لمن بقيت ابكي واقول ليهو فك يدي فك يدي والله توجعني ح تنقطع كدا وهو كانو ما سامعني كان بعاين لي بكل كل حقد الدنيا دي أنا في الحظة دي شفت الدنيا سوداء وتاني ما حسيت بي شي تاني
صحيت لقيت نفسي في غرفتي بقيت ابكي لمن اتذكرت الحصل لي ماف زول جاء يشوفني او يقول كدي نشوف البت دي حصل ليها شنو
دايرة ارفع يدي كدا حسيتها ح تنقطع من كترة الوجع ما قدرت اعمل شي غير أبكي بكيت قريب ساعتين في النهاية جاتني سوسن وقالت لي: معليش علي الحصل اماني دي زولة كعبة بجد قلت ليها: وأنا ببكي انا تعبتة يا سوسن تعبة والله ما بقدر اقعد معاهو اكتر من كدا وبقيت ابكي هي بقت تهدي فيني قلت ليها :كدي ناوليني تلفوني مشت جابتو لانو وقع في الارض شلتو وضربت لي اخوي في الاول ما رد بس بعدين رده
^اي مالك ضابرة لي
حسيت بيهو زي المتغير كدا
° يا مدثر ما شفت الحصل لي
حصلت مشكلة😭
°الو ساكت مدثر الو
^سامع ياخ إنتِ مالك بتجيبي لي نفسك مشاكل هسي أنا ما فاضي ليك
° بس أنت قلت لي لو حصل لي إي شي وريني
^ اي اي قلت كدا ياخ(بي مساخة) بس هسي مافاضي ما تزني في راسي وتزهجني ما فاضي ليك أنا
وطق قفل في وشي!
بقيت ابكي وسوسن كانت مخلوعة وبقت تقول لي: في شنو الحصل شنو؟ قلت ليها وأنا العصة في حلقي كسروني يا سوسن كسروني ما لقيت زول يقيف معاي لا أمي لا اختي لا اخوي حتي راجلي كلهم ضدي كسرو قلبي يا سوسن نسو إني زولة والرسول وصا بي النساء بس هم كسروني كسروا القارورة الوصا بيها الرسول كسروا أُنثي...
•••••••••••••••••••••••••••••••••••••••••••••••••••••••••••
#كسر _أُنثي《08》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
من اليومة ديك بقيت شبهه اطوائية اخوي القال لي بعد يوم ولا ثلاثة ايام بس بجيك مرة شهر كمال
أمير ما قاعدة اشوفو دائماً مع أماني أما أنا شغالة زي الخدامة هنا
مرة اتخزت قرار ارجع لي خالتو إحسان الهي أمو ولي أول مرة أمشي اتكلم مع أمير
مشيت غرفتهم كنت متوترة دقيت الباب فتحت لي أماني عاينت لي من فوق لي تحت وقالت خير يا طير
أمير قال ليها الفي الباب منو بدون نفس قالت لي سارة🙄
هو قام جاء وقف لي جنب الباب قالي خير دايرة شنو قلت ليهو ممكن اتكلم معاك قالي هسي ما فاضي تعالي يوم تاني
(عاينو بالله جنس ده)
قلت ليهو: خمس دقائق بس وما بخاد من زمنك كتير قال لي خمس دقائق وما بتاخدي كتير! علي العموم قولي
عاين لي أماني هو فهمني قال ليها أمشي اقعدي مع خالتي لحدي ما أشوف دايرة شنو .. هي هزت راسها وعاينت لي بي حقد ومشت
قالي اتفضلي دخلت جوا قعت في السرير
قالي في شنو احكي وعاين لي الساعة الفي يدو وقالي مضت دقيقة
قلت ليهو أول شي ما تعاملني كأني خدامة في البيت ده ما تنسي في النهابة أنا مرتك وكدا ح تتحاسب عشان ما قاعد تعدل بيناتنا قالي بي كل برود يعني ده الجيتي ليهو
دايرة اقول ليهو لا بس قاطعني وقال لي يا استاذة براك الكنتِ دايرة زي ده ما تنسي اخر يوم قبل اخوك ما يجي قلت ليك ح أعاملك زي مرتي بس بعد أخوك جاء وكذب عليك قلبتي وش وخلتيني قاتل أبوك واصلاً إنتِ ما راعيتي لي إني بفتش عليهو لي زمن
قلت ليهو: يعني دايرني اكذب اخوي! اي صاح أنت القتلت أبوي داير تنكر! قالي: بلامبالاة لسه يعني مُصرة
قلت ليهو: ااي مُصرة قال ليك: عنِك ما بهمني بس أعرفي براك البتعملي فجوة بيتنا وبعد ما أخليك تجي تقولي لي اعدل وما تعدل!؟
قلت ليهو :علي العموم أنا ما جيت لي ده وبس دايرة أقوليك رجعني لي خالتو إحسان البيت ده كلهم بكرهوني وما بنفع معاي
قالي: ده طلبك؟ هزيت ليهو راسي
قالي: تمام ستفي شنتطك بكرة بوديك .. فرحتة هزيت ليهو راسي ووطلعت من طلعت شفت أماني في وشي
دخلت جوه سمعتها بتقول لي أمير قالت ليك شنو
دخلت غرفتي وأنا فرحانة عشان ح أبعد من كل الناس ببعد من اهلي الظلموني وببعد من اي زول حتي أمير ما ح يجيني كتير وخالتو إحسان زولة طيبة
فجأة اتذكرت لمن شاكلت ليلي وقلبت معاهم وش قلت ما مشكلة بكرة ح اعتذر ليهم
بالمساء كدا سمعت شكلة لمن طلعت لقيت خالتو أسماء بتشاكل في أمير!
°يا خالتي دي حاجة بيني وبينا وثم ثانياً بتستفيدي شنو لو قعدت هنا ولا هناك!؟
^البت دي شبر من البيت ما تعدي ما علي كيفك توديها وتجيبها
°علي كيفي وبكرة بإذن الله ح تمشي لي أمي دي حاجة بترجع لي ما تدخلي فيها يا خالتي تمام
ومشي منها وهو معصب
هي شافتني وجات قالت لي ركبتي في راسو صاح بس ما بخليك تتهني يا فرف ومشت مني!
ما اهتميت بيها المهم ح اطير منها بعد جهزت اي شي اماني جاتني قالت لي :يعني ماشة عاينت ليها وقبلت منها قالت لي: ما جيتك عشان اودعك بس اتاكدي كدا أمير ح يكون لي برااااي قلت ليها :انتهني بيهو هي اتغاظت وطلعت
اليوم التاني زي الساعة ١٠كدا ركبنا العريبة هو كان السائق يعني خلاص عرفوهو ما عميان زمان قالي بعمل نفسي عشان القاتل بس لي خلي التمثيل!
أنا كنت قاعدة وراء طول الوقت كنا ساكتين ما اتكلمنا أصلا
لمن قربنا نوصل القرية قالي إنت:ِ مستحيل تقتري تفهميني قلت ليهو: نعم سكت ما رد لي
غريب الزول ده!
لمن وصلنا نزلت طوالي دخلت جوه البيت لقيت خالتو إحسان كنت دايرة اعتذر ليها بس هي من شافتني حضنتني وبفت تبوس فيني وتبكي وهي بتقول ما كنت قايلك ح تجي بعد الحصل قلت ليها اسفة يا خالتي ظلمتك حتي ولو أمير القاتل ما كان اظلمك قالت لي بس أمير ما قاتل
أمير جاء وقال خليها يا أمي مع مرور الزمن ح تعرف
"
كلكم بتكونو مستغربين لي سارة قاعدة عادي وهي بقول أمير هو القاتل ماف زول بقول ليهو ده قلت زول قريب ليك وأنت عادي بتقعد بس سارة ما حاسة أنو أمير القتل يمكن في الاول قايلة كدا بس تاني راجعت نفسها عشان كدا قاعدة معاهو عادي"
عاينت ليهو وسكت دخلنا جوة قالت لي: شكلك جعانة دقيفة اعمل ليكم اكل دخلت تعمل وأمير طلع مني
الباب فتحت كانت ليلي من شافتني جات حضتني وقالت لي: يعني عرفتي اخوي ما قتل سكت ما رديت ليها
بعد كم دقايق خالتي جابت الاكل ونادت أمير بعد اكلنا الظهر أذن صلينا وأنا نمت أما أمير ما عارفاهو مشي وين
صحيت وأمير لسه ما جاء!
مشيت سألت خالتي قلت ليها :أمير مشي وين ما وراك قالت لي لا والله ما وراني
قلت ليها يشبه ليك مشي وين قالت لي زمان بمشي لي مرتو بس بعد ما مشت المدينة تاني ح يمشي لي منو + ما تقلقي بجي إن شاء الله
هزيت ليها راسي ومشيت
الدنيا بقت ليل وهو لسه ما جاء قلت أحسن اتصل ليهو ضرب ليهو قريب٧مرات بس ما رد
استنيت لي الساعة ٢ما جاء نمت صحيت بي صوت المنبه قمت مخلوعة طلعت براء ما لقيتو الاذان التاني اذن صليت وبقيت صاحية منتظراهو ناس خالتو إحسان نامو بس أنا ما نمت لي الساعة ١٠ما جاء
هنا خالتو إحسان بقت تقلق قالت لي: عادي ببيت براء بس الليلة اتاخر قلت ليها طيب اتصلي ليهو قالت لي من أمبارح بتصل بس ما بدخل
أنا هنا قلت خلاص حصلت ليهو حاجة سمعت تلفوني يضرب جيت جارية لقيتو أخوي ما فتحت ليهو سرعة يعني مثلاً شهر ما يتصل لي يادوب إتذكر إنو عندو أخت
حاول كم مرة بس ما رفعت تاني ضرب قلت في سري ما تنسي صلة الرحم بس اتكلمي معاهو عادي طوالي فتحت الخط
^يابت مالك ما بترفعي التلفون ده
°اممم اها في شنو
^ كيف يعني في شنو إنتِ مالك!+ امبارح جيت بيتكم لقيتك ماف سالت أمير قال رجعتها لي ناس أمي هو يعني خالتو أسماء ما أمو
°دقيقة لقيت أمير!؟يعني هو هناك ونحنا نضرب ليهو كتتير ياسلام ياخ
^في شنو ؟
°ماف حاجة أنت داير شنو
°كنت داير أطمن عليك بس
° وهسي اطمنت يلا مع سلامة
^إستني عارفك زعلانة مني بس والله ما قصدي عارف المرة الفاتت شاكلتك بس كنت مضايق بي سبب نور
°يعني نور أخدت عقلك لي درجة ما داير تسمع لي أختك😂😂
^لا ما كدا بس....
°لا بس لا حاجة أنا زاتو ما محتاجة ليك ولو ما كنت أخوي ما كان رديت ليك أنت من العملتو فيني اليوم الاتصلت ليك وكنت دايرك تساعدني تاني اعتبرت ما عندي أخوي بجد أنت إتغيرت ما بقيت زي زمان اقل شوكة كنت ما بترضي فيني أنا ح اتعامل معاك عادي بس اتأكد معاملتي العفوية والزمان ديل الله أعلم لو تراجع ويلا دايرة اقفل في حاجة داير تقولها
^...............
°طيب تمام يلا
وطق قفلت في وشو بجد اتضايقت ولا أمير ده القلقانين عشان ما جاء من أمبارح مع أماني! علي الاقل يتصل يورينا وكمان نتصل لي ما يرد
طوالي مشيت كلمت خالتي قالت لي ولدي ده لمن يجي بأدبو نخنا نضرب ليهو ما يرفع قلت ليها: بجد حركتو ما حلوة ليلي جات قالت :في شنو يا جماعة وريتا أنو أمير مع أماني قالت لي: البت دي أنا بكرة العوليقة من ما اتزوجها لصقة وبتفرض نفسها قلت ليها: ما صح تتكلمي من وراها قالت لي: بعد العملتو لسه بدافعي ليها غريبة إنتِ!
قلت ليها دي تعاليمنا الدينية معها عمل ليك ما صح تتكلم من وراهو
قالت لي طيب تاني ما بتكلم من وراها بتكلم في وشها ....
اححح من البت المابتفهم قلت لي: خالتي علميها بتك دي قالت لي :تقولي شنو بس من تجي أماني دائماً يتناقشو قلت لي ليلي ما تسأليها تاني تنسيها بس قالت لي مابقدر البت حقارة قلت ليها ليلييييي قالت لي: خلاص تاني ما بتكلم عنها
قلت ليها شاطرة تاني قلت لي خالتي جعانين يا خالتو قالت لي دقائق وإن شاء الله الفطور يكون عندكم
بعد فطرنا رجعت غرفتي لقيت مكالمات من أختي وأمي
خفت حصل شنو رجعت لي أمي ما بترد تاني رجعت لي اختي بعد مسافة ردت وهي تبكي قالت لي: سارة مدثر عمل حادث....
•••••••••••••••••••••••••••••••••••••••••••••••••••••••••••
☆يتبــــــــــــــــــــــــــــــــــــــــــــع☆☆
التسميات
روايات حزينة