رواية ملاك - الجزء الاول

 رواية ملاك

#ملاك《01》  ❤

#بقلم_امنه_عبد الجبار​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

خالد..خاااالد قووم يا راجل نايم ليها شنو الزمن فات قوم امشي الشغل😐😐 صحى وقعد على حيلو قال لي الساعة كم😕 الساعة 7 نسيت إنو إنت الليلة عندك مقابلة ولا شنو😒😒 اااخ والله نسيت ياخ ..كدي جهزي لي لبستي من الدولاب وانا قدر داك اخش آخد لي دش تمام😘❤ دايرة اقوم جراني من يدي وقعت فيهو قلتهه ليهو خالد يا عبيط إنت حركاتك دي ما بتخليها ياخي😐😐 اعمل شنو يا امونةة عندي مرا زييك اخليها كيف وامشي الشغل😢😢بطل عباطة يلا قوم الزمن فات😕✋🏻مشيت طلعت ليهو قميص اسود وبنطلون اسود وربطة عنق حلوةة لونها اسود مسطر بي ابيض وهو طلع من الحمام لبس وداير يطلع قدمو لحد الباب❤دايرو اقفلو قال لي دقيقة 😕✋🏻قلتهه ليهو اها في شنو😒قال لي ما تنسي يا امونتي إني بحبيك قبال كل شئ😘احححي انا منك يا خالد ما تجهجه افكاري معاك من الصباح دا خجلتني ياااخ🙈🙈خلاص مع السلامة يا قلب❤قفلتهه الباب ومشيت انضف البيت😘يلا انا وخالد عيال اعمام زواجنا كان تقليدي في البداية كانت خطوبة بسيطة إتعرفنا على بعض اكتر وحبينا بعض شدييد وبعد شهرين إتزوجنا وحبنا زاد بعد الزواج❤😘

لينا سنتين متزوجين ولسا تصرفاتنا زي عرسان ليهم شهر🙈❤ بكون كذبت عليكم لو قلتهه ليكم إني بقدر اعيش بدون خالد او هو بيقدر يعيش بدوني😍😍نحن سند لي بعض ومتفاهمين اكتر من اي زوجين تانيين ..فعلا مرات بنتناقش وبتحصل مشاكل كتيرة بس قاعدين نحلها برانا وما قاعدين نحب ندخل زول بيناتنا لانو البيوت اسرار ومن المفترض مافي زول يتدخل في سر زول😊😊 انا اكبر واحدة في بيتنا درست لحد الثانوي فكانت ظروف صعبة إتخليت عن الدراسة وإخترت الزواج😢😢بس خالد دعمني ورجعني المدرسة وإمتحنت الشهادة وراجيين النتيجة😍❤ حماتي شوية كدهه صعبة يعني متحكمة في خالد شوية وشابكاهو دايرة حفيد 😔😔ونحن مشينا مستشفيات كتييييرة وما لقو لينا حل في النهاية خالد إقتنع ورضا بالامر الواقع😊لكن انا كنتهه بحس بالحنين كان نفسي اكون ام واحس بالامومة زيي وزي كل نسوان الدنيا😢😢كنتهه بحس بي خالد لكن هو ما داير يقتنع وحماتي بالجد قاعدة تتكلم معاهو كتييير في الموضوع دا😔😔​​‏​​‏​​‏​​‏​​‏​​

#ملاك《02》  ❤

 

كالعادة يوم الجمعة خالد بيكون قاعد في البيت ❤قمتهه سويت الشاي وشربناهو سوا وقعدنا إتونسنا شوية 😍قال لي الليلة الفطور طابخة شنو😐امم قاعدة افكر اعمل عصيدة بي ملاح روب ❤ قال لي يااا سلام ياخ خلاص انا ماشي لي واحد كده صحبي بيتو جنب السوق لما اكون جااي اجيب ليكي الناقصيك دايرة شنو اجيبو ليكي😊😊 طيب جيب لينا لبن رايب من البقالة الجنبنا دي وجيب معاك بهارات ودقيق😍😍قال لي بهارات دي شنو كمان😐تعالي هاكي القروش امشي براكي 😕 شلتهه القروش وطلعنا سوا جبتهه الحاجات الناقصاني وسويت الاكل خالد لسا ما جا دقيت ليهو تلفون قلتهه ليهو إنت وين يااخ راجياك من قبيل😡😡حقيك علي يا امونتي انا في الطريق تقريبا واقف جنب الباب تعالي افتحيهو😍😍مشيت فتحتو دخل ختينا الفطور فطرنا ودخل الحمام عشان يتجهز للصلاة 😊 لما جا طالع كان لابس الجلابية الما خمج والحلاقة السمحةة للحية دي والعطر ما يديك مجال😍😍اححححي انا يا قلبي قعدتهه اعاين فيهو بس🙈🙈 قال لي ماليك بتعايني لي كدهه😒😒 إنت عارف يا خلودي لو ما كنتي ماشي الجامع ما كان خليتك تطلع من البيت ولا شبر😘😘 قال لي عااارفيك منبرشة وخايفة من البنات البرا لكن ما تخافي بتجاهلن عارف نفسي وسيم😌😌قلتهه ليهو ههه زريف😌 قال لي عايني بعد اجي من الصلاة القاكي جاهزة نمشي لي ناس امي نقيل معاهم هناك😘😘 خلاااص تمام يا زووولي❤ داير بمرق كدهه قلتهه ليهو خلودي دقيقةةة دخلتهه جوا فتشتهه في دولابو طلعتهه ليهو عمة وطاقية كويتها امبارح مخصوووص عشانو😘😘جيت قلتهه ليهو دنقر البسك الطاقية دي 😍😍قال لي ما بدنقر إنتي الخلاكي تبقي قصيرة شنو الحقيني لو بتقدري😌😌دي خلقةة يا مرض غايتو يا خالد إنت امورك دي ما بتخليها نهائي😕😕✋🏻جريت الكرسي ووقفتهه فيهو لبستو الطاقية وقاعدة الف في العمة بس عيني وقعت في عيوني واااي انا من عيون خالد قعد يعاين لي واعاين ليهو لحد ما دنقرت راسي برااي من الخجل🙈🙈 إبتسم لي قربتةة اقع مسكني ونزلني تحت قال لي عيونيك دي يا امنة بتقتل عدييييل😘😘 خالد الزمن فات الخطبةة بتبدا اسي😕طلع ودايرة اقفل الباب قام لزاهو بي يدو✋🏻قلتهه ليهو مااالك اها😕قال لي ما تنسي يا الحبيبة إني بحبيك اكتر من كل شئ❤😍خالد بطل عباطة امرق يووخ😐قال لي الليلة كمان ما بمشي إلا تقولي لي بحبك😌بحبك اها إرتحت😘شديييد خلاص نتلاقى بعد الصلاة

#ملاك《03》  ❤

يلا ظبطتة نفسي لبستةة لي توب اسود وإتعطرتهه إستنيت خالد جا من الجامع طلعنا سوا😍😍يلا وصلنا البيت مخالد ركن العربية بالطرف وجينا دقينا الباب جات فتحت لي حماتي اللي هي عمتي❤اهلييين يا مرحبا إتفضلو😘خالد قال ليها يما اخباريك شنو وكيف اليومين ديل😊كويسين والله إتفضلو خشو جوا..خشينا البرندة لقينا خولة وخلود وديل اخوات خالد الاصغر منو ومعاهم اخوهو الصغير عمار❤سلمو علي قعدنا إتونسنا كدااا وشربنا الجبنة طبعا خالد كان قاعد في الديوان مع اصحابو واخوهو قاعدين يتونسو😍😍انا طلعتهه توبي وخلود ادتني توبا بتاع البيت مشيت دخلتهه المطبخ لقيت حماتي قاعدة تغسل في العدةة قلتهه ليها عمتي قومي انا بغسلهم😊😊قالت لالا هي زاتا ما كتيرة خليني اتمها😕شيلي البصل من الدرج داك وقطعهيهو للغداء 😊فتحت الدرج شلتهه لي كم بصلايات وقاعدة اقطع فيهم يلا موية البصل قامت خشت لي في عيوني دموعي جات جااارية😂😂💔 حماتي عاينت لي كدااا قالت لي امنة دايرة اسأليك سؤال لكن ما تزعلي مني سمح😊😊قلتهه ليها معقوولة يا عمتي انا ازعل منيك قولي الفي باليك😍😍 مافي وليد كدهه جاي في الشارع😊😊انا ختيت السكينة ودنقرت راسي وما جاوبتها نهائي😔😔عاد يا امنةة دا ياهو نفس سكوتيك زي كل مرة إنتي لو ما قادرة على الولد خلي خالد يعرس غيريك التجيب لينا الولد😕✋🏻 

دموعي جات جارية مسحتها وخالد كان واقف برا سامع الكلام داك كلو😨😨بالله جا داخل جوا مسكني من يدي وقال لي عمتي امي دي المرة الدلشيون الانا قاعد اقول ليكي فيها ما تفتحي الموضوع دا مع امنة✋🏻قالت ليهو انا ما قلتهه ليها كلمة كعبة سألتها بس من...انا إتفكيت من يد خالد ومشيت برا قعدتة في السرير قاعدة ابكي 😭😭

 

خالد قال ليها امي الشغلة دي قضاء وقدر نحن ياداب لينا سنتين متزوجين يعني لسا في امل إنها تنجب الشغلة دي ما بي يدها بي يد رب العالمين😕✋🏻قالت ليهو انا ما نكرتهه الحتة دي لكن هي لو ما قادرة يا خالد طلقها وعرس غيرها تجيب ليك الولد😡😡 طيب يا امي لو طلع العيب مني😕 قالت ليهو يبقى قضاء وقدر✋🏻 امي امنة دي ضعيفة وطيبانة وزمن إنتي براااكي الرشحتيها لي وعرستيها لي ليه ما فكرتي في سعادتا إنتي فاكرة إنها ما قاعدة تزعل من الموضوع دا يعني وما قاعدة تشيل ليهو😕✋🏻يااخي حسي بيها في النهاية هي مرا ومافي مرا في الدنيا دي ما دايرة الولادة 😡😡

#ملاك《04》  ❤

خالد طلع برا لقاني قاعدة في السرير قاعدة ابكي مسكني من يدي وطلعني برا ركبني العربية وإتحركنا😢قال لي إنتي ماليك عاملة زي الشافعة كدهه إنتي عارفة براكي امي دي بتتكلم ساي ما تشتغلي بيها😡✋🏻 قلتهه ليهو كلاما كلو صح طيب إنت قاعد معاي ليه ما دام انا اصلا ما جايبة ليك الولد امك دايرة وإنت داير وانا ما بقدر على المسؤلية شوف غيري وعرس😭😭خالد ركن العربية بالجنبة ووقف قال لي قلتي شنو😨😨السمعتو يا خالد😢 يا بت إنتي واعية لي كلاميك دا ؟؟إنتي فاكراني داير ولد يعني😨😨فعلا انا داير لكن ولد منيك يا امنة يشبهيك ودمو من دميك انا ما داير من غيريك لو سمحتي اقفلي الموضوع دا😡✋🏻 

 

قلتهه ليهو الليلة بتقفل وبكرا تاني بتفتح اخير نشوف حلو اسي وريني مصيرنا شنو😢😢 دور العربية وسكت ما رد لي وصلنا البيت انا طوالي دخلتهه الحمام وقفتهه في الدش لمن حسيت بي صداع لبسته البيجامة وطلعت الغرفة لقيت خالد قاعد في طرف السرير سرحان😔😔صلحتهه الملاية ومثلتهه إني نايمة وانا اصلا ما نايمة ...خالد عاين لي كده لقاني نايمة غطاني بالبطانية وشغل المكيف قفل النور ونام😔😔انا كنتهه صاحية لحد قريب للآذان قمتهه صحيت خالد للصلاة إتوضينا وجينا صلينا😢😢خالد رجع نام انا قمتهه مشيت المطبخ عملتةة لي كباية نس كافيه وقعدتةة اشربو😊😊 خالد طلع مشى الشغل انا طواالي شلتهه تلفوني ودقيت لي صحبتي رهف قلتهه ليها تجيني البيت😔😔رهف جاتني بعد ساعتين وجابت معاها اكل جاهز ..قالت لي امونةة ماليك تعباانة كده وشكليك ما عاجبني ماليك متشاكلة مع خالد ولا حاجة😨😨قلتهه ليها لالا ما متشاكلة معاهو😢😢طيب ماليك احكي لي الحاصل عليكي شنو😨😨كالعادة ام خالد مشغلاها لي موضوع الولد وما الولد انا خلااص يا رهف بالجد تعبتهه من كلام الناس فيني😢😢انا بالجد داير اسعد خالد وعمتي لكن ربنا مااا كاتب لي دي قسمتي كدهه😭😭قالت لي يا زولة في واحدة شيخة بتكتب للناس عندي صحبتي برضو كانت زييك مشت ليها بعد تلاتة شهور حملت😕😕قلتهه ليها لالا ما قاعدة اقتنع بالحاجات دي لو وريت خالد بقتلني ..لالالا ما ماشة معاك😨😨قالت لي ما تخافي علاجها مضمون ولو دايرة ما تكلمي خالد بكرة انا بمشي معاكي جهزي قروشيك وانا بدق ليكي تلفون😊😊قلتهه ليها والله ما عارفة كدي لحد بكرة😔كنتهه خايفة من ردة فعل خالد قلتهه اكلمو تاني قلتهه لالا ما اوريهو بالموضوع اسي لو عرف بزعل وخالد زعلو كعب احسن امشي مع رهف بكرة.

#ملاك《05》  ❤

الليلة الصباااح بعد طلعتهه خالد وفات الشغل طوااالي لبستهه توبي وشلتهه تلفوني وطلعت😊😊دقيت لي رهف قلتهه ليها إنتي وين😨قالت لي إنتي امشي السوق وانا بجيك بعد شويةة😢وقفتهه لي ركشة ووصلتني السوق إنتظرتهه رهف لمن جات قلتهه ليها ماليك إتأخرتي كدهه😕يااخ إنتي زاتيك طالعة بدري شديد🚶‍♀طيب يا زولة المكان وين؟ وريني لو بعيد عشان ادق لي خالد اكلمو😨لالا ما بعيد شوية خلينا نركب ركشة توصلنا كلها ساعة ولا ساعتين وبنوصل😊وقفنا لينا ركشة ومشينا وصلنا البيت رهف دقت الباب فتحت لي حبوبة عجوووزة كده ودخلتنا جوا😢مشينا غرفة كدي ملااانة كدايس سود وفيها جلود بتاع فئران وحمير وكلاب 😂😂💔

 

قاعدة ارجف ورهف ماسكة في يدي المرا قعدت في الواطة وجابت برش فرشتو لي قالت لي ارقدي هنا😕✋🏻 قلتهه ليها ارقد هنا😨اااي لازم ترقدي اها رقدتة جابت ريشة بتاعت حمامة وشغالة ترش فيني حاجة كدهه لونها بيضاء زي اللبن😂💔قلتهه ليها ده شنو 😨حمرررت لي بي قعر عينا سكتةة ساااي😒جات الكديسة السوداء قعدت لي في طرف التوب فكييت صرخة يمكن الحي داك كلو سمعني😂😂💔رهف قرصتني عشان اسكت وانا كل ما ابكي المرا دي قاعدة تحمر لي وانا بسكت😒😂💔 اها قالت لي خلاص قومي على حيليك قمتةة وقفتةة فوق قالت لي ما تقيفي يا عويرة صنقري😒✋🏻قعدتةة برااحة ورهف الحيوانة شغالة تشمت فيني تحت تحت وتضحك😂💔قالت لي شوفي يا بت انا بديكي بخور تمشي تبخري بيهو البيت زمن راجليك يكون قاعد في البيت تمام😒✋🏻قلتهه ليها خلاص تمام😊مدت الكيس وفتحتو كان البخور لونو اسود زي الكمون وريحتو ما حلوة🤢🤮قالت لي بديكي حاجة بي نكهة الليمون بعد ما تبخري البيت تجي تعمليهو عصير وتديهو ليهو قبال النوم وبعد ال...😷😷تقومي تبخري البيت برضو بالصباح✋🏻قلتهه ليها طيب راجلي ما بيحب عصير اللبمون اديهو ليهو كيف😨قالت لي ضرووري يكون عصير ليمون عشان تدي نتايج😡قلتهه ليها خلاص تمام بديهو ليهو😢

 

#ملاك《06》  ❤

دخلتهه يدي في الجزلان طلعتة 200جنيه قلتهه ليها ديل بيكفوكي😨قالت لي جيبي عشرة تانية طلعتها واديتها 😢جابت الودع ورمتو لي قالت لي شايفة الودعة الماشة شمال دا😊ااي شايفاهو😨يلا إنتي القروش والحاجة الانتي بتتمنيها بتلقيها لكن يديك ما بتمسك بتجيكي وبتمشي منيك✋🏻😊قلتهه ليها اها وتاني قالت لي شايفة الودعة دي يلا دا ود طوالي قاعد يراقبيك وهو داير معاكي موضوع كدي بعدين لما تجي داخلة بيتيك إتلفتي ورا وشيفيهو حتلقيهو قاعد في كرسي تحت شجرة حتعرفيهو😕✋🏻قلتهه ليها شكرا مسكتةة يد رهف وطلعنا رهف قالت لي عاد يا امنة راجليك قرض وتاني في قرض لاحقيك إنتي إلا لو اميك داعية ليك😢😢قلتهه ليها إنتي جنيتي مصدقة كلام المرا دي انا غايتو ما بصدق كلاما نهائي 😕✋🏻نزلنا ورهف مشت بيتهم انا دخلتهه السوق إشتريت لي خضار ولحمة وبهارات ورجعتةة البيت يلا لما كنت دايرة ادخل قمتةة إتعترتة دنقرتة عشان اشيل الطوبة وارميها بعيد فعلا شفتهه الولد قاعد في كرسي وتحت شجرة قاعد يعاين لي😨إتخلعتةة عديل يااخ المرا معناها كانت صادقة معاي طيب الولد دا حكايتو معاي شنو😨 المهم دخلتهه البيت عملتهه الغداء خشيت نمتة ما صحيت إلا على صوت الباب قاعد يدق شلتهه توبي ومشيت فتحتو😕دا نفس الود الكان قاعد برا وقاعد يعاين لي 😨😨صلحتهه التوب زي التوب قلتهه ليهوا ايوا..داير منو✋🏻 كان قاعد يعاين لي في عيوني دا الشي الخوفني وشتت افكاري..قال لي خالد موجود😐قلتهه ليهو في الشغل لو جا اقول ليهو منو😕قال لي قولي ليهو منتصر وهو حيعرف😐وعلى كدهه فات قفلتهه الباب تاني قام دق فتحتو لقيتو دا خالد سلم علي ودخل ❤ختيت ليهو الغدا اكل مشيت سويت الجبنة وختيت البخور ريحتةة ما عاجباني نهائي 😕مجرد ما ختيت الصينية خالد قام فوق وقاعد يعطس دخل جوا طوالي انا رميت الجمر في الواطة وكبيت فيها موية😐لحقت خالد جوا لقيتو قاعد يرجف ومتغطي بالبطانية ووشو دا محمر وعيونو بقت لونا غريبة دا الشي الخوفني قلتهه ليهو خالد مالك😨قال لي امنة امرقي سريع رجاءا خليني براي انا عايز ارتاح انا بردان اقفلي المكيف😢لكن المكيف قافل قمتهه قفلتهه الشبابيك قال لي اقفلي الباب✋🏻

#ملاك《07》  ❤

قفلتهه الباب طوااالي قام نام ناديتو ما رد لي خوفتهه خوفة لمن غلط 😨طواالي دقيت لي رهف حكيت ليها الحاصل قلتهه ليها لو عنديك رقم المرا دي اديني ليهو انا اسي ما بقدر اخلي خالد براو اخاف يحصل ليهو حاجة😭😭قالت لي خلاص انا برسلو ليكي في مسج اصبري بس😕قعدتةة إنتظرتها وصلتني رسالة فتحتها  لقيت الرقم ودقيت ليها رفعت حكيت ليها الحاصل كلو😢😢قالت لي ما تخافي كلها ساعة وبيصحى اديهو الليمون وبكرة تعاليني هنا في بيتي😕✋🏻قلتهه ليها خلاص كويس قفلتهه منها..وفعلا خالد صحى بعد ساعة قام على قعد في طرف السرير وكان شكلو مرهق شديد لمن ما قادر يلبس السفنجة😨مشيت المطبخ سويت عصير الليمون وكبيت فيهو الحاجة ديك وجبتها ليهو😢قال لي امنة إنتي عارفة براكي ما قاعد اشرب عصير ليمون جايباهو لي ماليك😨قلتهه ليهو إنت تعبان والليمون في الوقت دا بساعدك اشربو😕 خالد قاعد يرفض وانا مصرة إنو يشرب في النهاية شرب شوية منو طوالي جرى الحمام إستفرغ انا طواالي دقيت للمرا ابت ترفع😢خالد واقف وماقادر يمشي اسندتو في كتفي وشوية شوية جبتو السرير ورقد كان قاعد يعرق شغلتهه المكيف وخليتو نام😢مستنياهو يصحى برضو ما قام قعدتةة جنبو للصباح قاعدة ابكي😭😭صحيتو قام قعد على حيلو قال لي انا مصدع ما بقدر امشي الشغل سوي لي كباية شاي😢سويت ليهو كباية الشاي رقد نام😔 لبستةة عبايتي وركبت الركشة مشيت بيت المرا ديك حكيت ليها الحاصل كلو واعراض خالد الباينة عليهو😢قالت لي راجليك دا في زول عامل ليهو حاجة وانا لمن اديتو البخور دا والمشروب داك كنتهه دايرة إتأكد بس😕✋🏻قلتهه ليها كيف يعني في زول عامل ليهو حاجة 😨يعني في زول مشى كتبو عند سحار وعمل ليهو حاجة عشان هو يبدا يكرهيك ويطلقيك ودي مرا واقرب واحدة ليهو اظنك فيهمتي قصدي😕✋🏻قلتهه ليها واحدة قريبة منو😨دي منو ..قالت لي اسي لمن تمشي البيت إتوضي وصلي ركعتين واقري سورة البقرة والسحر حيرجع ليها هي😐قلتهه ليها خلاص تمام..طيب موضوع حملي دا كيف😨قالت لي شوفي يا بت الحمل دا بيد الله وربنا قادر على كل شي رزقيك قرييب بس اصبري شوية وإن شاء الله حتفرج😊😊قلتهه ليها شكرا ليكي وتسلمي كتير😢قالت لي العفو يا بتي كتر خيريك ربنا يديكي الفي مراديك...اللهم امين وعلى كدهه رجعت البيت😊

#ملاك《08》  ❤

مشيت صليت ركعتين ومسكتهه مصحفي وقريت سورة البقرة بمجرد ما إنتهيت وقفلتهه المصحف خالد قام جاني وقعد جنبي😊❤طبعا من فرحتي لمن عيوني دمعت😢مسك يدي قال لي ماليك قاعدة تبكي جنيتي إنتي😨قلتهه ليهة مافي شي ساي بس😢تلفون خالد قاعد يرن رفعو وطوالي قام مخلوع امي مالا😨 عندها شنو؟ انا جاي😨خالد لبس قميصو ومرق قلتهه ليهو إستنى جاية معاك جريت لي اقرب توب وكان وسخان زاتو مشيت معاهو😢ركبنا العربية ومشينا بيتهم لقيت ام خالد قاعدة ترجف وتستفرغ والله اعراضا نفس اعراض خالد😱😱من هنا عرفت إنو دي عمتي الكانت دايرة تخلي خالد يكرهني ويطلقني سبحان الله في الدنيا دي في امهات ما عندهن زرة قلب😢ما راعت لي مشاعر خالد تجاهي نهائي ولدا قاعد يحبني ومتعلق فيني معقولة بي بساطة كدهه تخليهو يكرهني ويتخلى عني😭😭 اها عمتي رفعوها ودوها المستشفى ما قدرو يلقو ليها علاج بس حالتا ماشة في تدهور شديد 😨قلتهه اكلم خالد تاني قلتهه لالا يا امنة خلي الموضوع دا سر بينيك وبين نفسيك اوعيك تكلمي خالد كدهه علاقة الاسرة حتتدهور وانا ما عايزة الموضوع يكبر اكتر من كدهه😔😔 رجعتهه البيت عشان اعمل لي خالد حاجة ياكلا وخالد كان حزين وقاعد جنب امو ماسك يدها وحاضنا 😢😢وديت ليهو الاكل رفض قال لي لو امي دي ما قامت على حيلا وبقت في احسن حال انا ما باكل ولااا لقمة امشي ختي الاكل دا في التلاجة😕✋🏻 عدت يومين وعمتي بقت روح بدون جسد ودوها كل المستشفيات برضو مافي طريقة علاج😢😢سبحان الله غايتو الدنيا دي ما فيها حاجة عشان إنت تقوم تأذي زول وخالد المسكين ما عارف نوايا امو 😔😔قررت اتصل لي المرا ديك قاعدة إتصل ليها وما قاعدة ترفع طوالي مشيت ليها بيتا وحكيت ليها موضوع عمتي😔😔قالت لي وبعد دا كلو يا بتي إنتي دايرة تسامحيها😨😨البسامح ربنا يا خالتي انا منو عشان اتمنى ليها الشين😔قلبيك طيب يا بتي والله..خلاص اقول ليكي كلام شيلي من البخور الاديتيك ليهو وبخري بيهو عمتيك بدون ما زول يعرف حتصهى وبعديها اديها الليمون وخلال يوم واحد بتبقى كويسة😕✋🏻شكرتها ومشيت البيت شلتهه الحاجات ومشيت بيت عمتي😢

#ملاك《09》  ❤

 

خشيت المطبخ كان مافي زول ولعتةة البوتجاز ختيت لي كم فحمايات في النار وجيت كبيتهم في المخبر رميت البخور فيهو وديتو غرفة عمتي ختيتا تحت السرير😢😢مجرد ما شمت ريحة البخور حسيت كأنو روحا دايرة تمرق منها بدت تفرفر في السرير وتكورك😨😨لحسن الحظ كان مافي زول انا كنتهه واقفة قاعدة إتفرج ليها والله تستاهل خالد كان قاعد يتوجع زيما هي هسي قاعدة تتوجع😌😌رقدت نامت وانا خشيت نمتهه في البرندة ما صحيت إلا على صوت عربية خالد كان جا من الصيدلية ❤طلعت من البرندة مشيت المطبخ سوت العصير وكبيت نكهة الليمون ديك ووديتو لي حماتي😒😒لقيتها صحت لكن كانت مرهقة نفس حالة خالد ديك😔😔اديتها الليمون طواالي إستفرغت خالد قال لي اديتها شنو😨قلتهه ليهو عصير ليمون بيريحا من الطمام😊😊نامت زي ساعتين قاامت عادية مشت الحمام وجات وطبعا ناس البيت مستغربين كيف يعني امبارح كانت قاعدة في فراش الموت وما لقو ليها علاج والليلة قامت سليييمة كأنو ما حاصل ليها شئ😨 المهم خالد قلبو إتطمن على امو ورجعنا البيت ..قعدنا نتونس وخاالد ما نزل عينو من عيني وانا طبعا بخخخخجل🙈🙈قال لي انا الليلة يا امنة مديون ليكي بي حياتي دي كلها اولا انقذتيني وانقذت امي😍😍والله يا بت انا ما عارف ارد جميليك دا كيف❤قلتهه ليهو خالد إنت جنيت في النهاية انا مرتك وامك عمتي قبال حماتي لو ما وقفت معاك تاني اقيف مع منو في الدنيا دي😨😨مسك يدي وباسا قال لي بحبيك يا امنة بريييدك مووت تصدقي الواحد لما يكون متزوج واحدة فاهمة وبت ناس صح  عمرو ما بندم وانا عمري كلو ما اندم إني إخترتيك تكون شريكتي😍❤ قلتهه ليهو وانا محظوظة بيك يا خالد لاني بقيت قسمتك ومرتك وعشت حنيتك وطيبتك ❤قال لي طيب انا عمري كلو اديتو ليكي إنتي حتديني شنو😒 اديتك نفسي يا خالد الله لا يحرمني منك🙈🙈المهم الليل كلوو قضيناهو رومنسيات و...و... 🙈🙈 الصباح طلعنا انا وخالد سوا هو وصلني البقالة وفات الشغل وانا خشيت إشتريت الحاجات البتلزمني ودايرة اطلع بس لقاني الولد داك قدامي لمن إتخلعتهه😨😨قال صباح الخير😊صباح النور طوالي إختصرتو مشيت البيت وانا افكاري مشتتة من الود القاعد يطلع قدامي دا طيب حكايتو معاي شنو؟

#ملاك《10》  ❤

 

يلا مشيت ختيت حلة الرز في النار وانا سرحانة الباب قام دق قلتهه يمكن دي رهف لاني امبارح دقيت ليها عشان تجيني البيت😊😊مشيت فتحتو بس لقيت الود ده قدامي طوالي وانا كنت لابس جلباب بس وفاكة شعري خجلت وإتدسيت بي طرف الباب قلتهه ليهو ايواا محتاج حاجة😨

😨طوالي دخل وجر الباب بي كل قوتو قفلو انا بديت اصرخ فيهو يا زول إنت مجنون؟؟قافل الباب دا مالك اطلع من البيت دا سريع😡😡خنقني من رقبتي وتكاني مع الحيطة قال لي شوفي يا بت انا ختيت عيني فيكي اسمعي كلامي دا كويس انا حبيتيك وخلاص إقنتعتهه بيكي 😡😡قلتهه ليهو انا متزوجة إنت مجنون 😨😨قفل خشمي قال لي والله لو ما كان راجليك دا إنتي بتحبيهو وحيوجعيك فراقو كان قتلتو ليك من زمان وبقيتي حقتي وبعدين انا دايريك كده زي ما إنتي كدهه ولو إتوجعتي ما حيكون فيكي طعم😡😡فكاني وفتح الباب وطلع انا إتفقعتةة من البكا شلتهه تلفوني ودقيت لي خالد ...ما قاعد يرفع رسل لي رسالة قال لي فيها حبيبو انا في إجتماع لما اخلص برجع ليكي❤ رديت ليهو قلتهه ليهو ضروووري يا خالد نتكلم الموضوع خطير 😭😭ما رد لي تاني دقيت ليهو لقيت  تلفونو مقفول😭😭ما عرفتةة اسوي شنو قمتةة قفلتهه الباب بالمفتاح ودخلت جوا طبلت نفسي قعدتةة ابكي😭😭يا ربي الود دا داير مني شنو؟ويحبني كيف وانا متزوجة ويهددني إنو داير يقتل خالد كيف 😭😭انا لو وريت خالد الحاصل كلو إحتمال الود دا يعمل الفي راسو ويقتلو😨😨لالا ما بوريهو احسن اسكت واقفل خشمي انا بتصرف براي😭😭 خالد جا طوالي ضميتو علي وقعدتةة ابكي قال ماليك يا بت قاعدة تبكي الحاصل ليكي شنو😨😨 سكتةة سااي وهديت نفسي شوية قلتهه ليهو مشتاقة ليك بس😢ضحك قال لي حركات الشفع دي إنتي ما بتخليها نهائي يا امنة😂😂 إنتي كبرتي يا امنة زمان كنتي شافعة واسي خلاص بقيتي كبيرة اضبطي نفسيك ياخ😂😂💔💔

#ملاك《11》  ❤

الليلة الجمعة وكالعادة خالد قااعد في البيت بعد الصلاة قال ماشي لي واحد صحبو وجاي العصر😿😿انا قلتهه ليهو ارح لي ناااس امي نقيل عندهم ونجي المساء😊😊قال لي برضووو فكرة بنمشي 😂😂لبستهه توبي ومرقنا دخلتهه البقالة الجنبنا إشتريت لي حنة ومحلبية وركبنا العربية مشينا البيت😢😢فتح لي الباب اختي الصغيرووونة امل 😍😍امووولتي مشتاقين وحاتيك في منو في البيت😨😨قالت لي في ماما وآيات واحمد😾😾 دخلنا جوا لقيتهم خااتين صبارة الجبنة قاعدين يتونسو 😍❤ قامو سلمو لي بي لهفة امووونةة مشتاقين 😍❤كتييير والله يخسي عليكم ليكم كم اسابيع ما جيتوني لي شنو😾😾ايات قالت لي إنتي عارفة براكي انا واحمد ممتحنين وبقو يفكونا من المدرسة قريب للعصر مافي زمن والله😿😿قلتهه ليها اممم وإنت يا اب راس قاعد تزاكر ولااا قاعد تعمل امورك التافهة ديك😒😒 قال لي لالا ياخ معقولة دي😅😅انا بقيت جاادي ياخ😂😂💔 خالد قال لي حرام عليكي وصلتي متين عشان تشغليها للولد😂😂💔 ايات جابت لي الموية وقالت لي جيبي الحنة اعجنها ليكي واختو ليكي في الشمس😊😊شالتو عجنتو فلتهه ليها امي وبن ما شايفاها الليلة😨😨قالت لي الليلة قالت عندها قعدة بتاعت جبنة طلعت من قبييييل إنتي عارفة براكي حركات امي ديك😂😂💔خالد قال لي خلاص انا بعدين بجي وبسوقيك😅😅احمد قال ليهو شنو يااا ابو النسب منين طليت علينا وطوالي داير تكبر مننا كدي قول بسم الله😂😂💔قال ليهو والله عندي صحبي راجيني من جبيل والله😅😅ايات قالت لي امونةة اعملي حسابيك على الراجل ده إنتي مااا شايفة شغليك يا بت امي 😅😂😂💔حمرتهه ليها قلتهه ليها ايااات بطلي غلاظة😕✋🏻خالد مشى لي صحبو داك وانا إتحننتة وجا ساقني يلا لما ركنا العربية جمب البيت نزلتهه لقيت الود داك قدامي طوالي😨😨إتدسيت ورا خالد كنت خالد كنتهه خايفة منو شديد من اليوم الهددني فيهو.... 

يتبع.......