رواية فقيرة في عالم الاغنياء -(الفصل الاول)

فقيرة~في~عالم~الاغنياء

#بقلمي~ملاك~عمر(ميمي) 

 

#فقيرة~في~عالم~الاغنياء《01》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
في ليلة مضيئة وقمر مكتمل، تمنيت أن أجد  حبي
الضائع، تمنيت أن أجد الحب الصادق، تمنيت أن أجد حب مختلف، أو حتى حب من عالم آخر نظرت  إلى السماء، فوجدت نجمة أضائت بقوة، ومرا شهاب بسرعة كبيرة، هل هذه مشيئة القدر، ام هذا شهاب مر ليحقق امنيتي❤️

صحيت لما لقيت أشعة الشمس في وشي، الليلة قمت متأخرة على غير العادة، صليت ولقيت امي بتسوي الشاي، صبحت عليها وطلعت برة في الحوش، رشيتوا بي الموية مع التراب الأحمر، ياسلام ياخ ذي ريحة دعاش المطر، وختيت السراير في ضل الشجرة  الكبيرة، وقشيت المكان، امي جات وختت الشاي، قلتا ليها ابوي وينو قالت لي ابوك ضربو ليهو من الصباح، وقام طوالي حتى ما اتفاهم معاي، وطلع سرعة سرعة قلتا ليها غريبة، اول لازم اشرب الشاي معانا، حتى يطلع قالت لي بكون في حاجة مهمة، والا اكيد ما بطلع  قلتا ليها فعلا، طيب لي يا أمي قمتي عملتي الشاي انتي براك عيانة والحركة ما بتنفع معاك قالت لي انا كويسة ولقيتك نايمة ما حبيت اصحيك، سلمتا عليها في رأسها وقلتا ليها برضوا تاني ما تعملي قالت لي كويس،، قعدنا واتونسنا كدا....
 
 ابوي جا بدري على غير العادة، ووشو دا ما بتفسر، كلنا قمنا عليهو وقلنا ليهو في شنو، ابوي قعد مسافة وشرب موية، حتى قال لينا الشركة الوحيدة الأنا شغال فيها، في القرية حصل فيها حريق كبير، شديد وخساير كتيرة،  قعدنا وانحنا مصدومين فجاءة كدا تتحرق قلنا ليهو معقول، هزا لينا راسو بي زعل كدا، قال لينا مصدر الدخل الوحيد العندنا خسرناهو،، وتاني ماف شغل هنا ، (ابوي شغال محاسب)  في شركة صغيرة ما بعيدة من قريتنا كلنا زعلنا لأنو تاني مافي شركة غير دي، في القرية الأنحنا فيها دي، مرا اليوم علينا ونحنا زعلانين من الحصل دا، ابوي قال لينا ما تزعلو انا اكيد بلقي شغل تاني،، ببحث على أي شغل هنا أو حتى في المدينة، بس دا طبعا بجر زمن، وما معروف اقبلوني أو لا  ، عارفاهو بقول كدا عشان اطمنا قلتا ليهو اكيد بتلقى يا ابوي،، وبعدين انتا خبرة واكيد بتلقى شغل، .بالعصر كدا مشيت لي  لدن وريتها الحاصل، قالت لي ما تشيلي هم اكيد بلقى وظيفة تانية، ( لدن دي صحبتي، واختي، وتؤامي، وبير أسراري وكل شي بالنسبة لي، قدري كدا نحنا صحبات من الطفولة، وحتى بيتنا مجاور لي بيتهم) المهم اتكلمنا، واتونسنا كدا وطلعت منها قريب المغرب ... عدا اسبوع وابوي بطلع من الصباح وبجي المسا،...
في يوم وانا قاعدة بنضف مكان البهايم العندنا، ابوي جا وقال لي امك وينا يا ملاك قلتا ليهو في المطبخ، قال لي ناديها مشيت ناديتها وقعدنا في ضل الشجرة، وامي دي تقول ليهو في شنو يا عمر،  قال ليها يا سلمى  انا واللة ما عارف اقول شنو؟؟ امي قالت ليهو في شنو المات منو!! ما تقول يا راجل، قال ليها بكون في شنو، ما لقيت شغل عاينت ليهو وفكيت الضحكة، طبعا ابوي  بحب الهظار ، امي قالت ليهو مشش قايلاك هسة داير تقولي  في زول مات🙂،، قلتا ليهو صحي يا ابوي وين لقيت الشغل، معالم وشو اتغيرت قال لي في الخرطوم، قلتا ليهو  يعني انتا لقيت شغل هناك، قال لي ايوة  قلتا ليهو وانت زعلان لي، قال لي لأنو ما انا براي الماشي، كلنا بنمشي قلتا ليهو نننعم  كيف نمشي ونخلي بيتنا، واصحابنا، وأهلنا، قال لينا عشان كدا انا زعلان، لأنو انتو متعلقين بي القرية دي وطول حياتكم فيها، حصلت صنة كدا وامي قالت ليهو ما تشيل هم، انحنا محل تمشي معاك، ويعني شنو لو مشينا الخرطوم كدا احسن عشان ملاك زاتا تكمل دراستها هناك، قال لينا يعني موافقين امي قالت ليهو اكيد، قال لينا خلاص انا بكرة بسافر واشوف الشغل، وموضوع البيت ودراسة ملاك، ابتسمت بس وما اتكلمت، دخلت غرفتي وانا زعلانة،، امي جاتني وقالت لي يا بتي ما تزعلي، انتي عارفة انو لقى شغل بعد تعب، وبعدين اني تكملي قرايتك هناك وكدا احسن ليك، قلتا ليها فعلا انا بس زعلانة لأنو متعلقين بالقرية وناسها، بس، وبعدين كدا احسن عشان موضوع العلاج لأنو المستشفيات حديثة ماذي حقت قريتنا دي،   عاينت لي بس وسكتت قالت لي بكرة بتتعودي تمام، وطلعت... بعد طلعت مشيت على الدولاب طلعت منو البوم صور، انا ولدن، ولؤي دموعي جروا وانا بتزكر لؤي "
 فلاش باك"
انا ولؤي ولدن كنا أصحاب لي درجة، كل الناس كانو عارفين، أهلنا سمونا الثلاثي المرح، كنا دايما مع بعض طفولتنا، كلها عشناها مع بعض، كنا بنحب بعض وبنخاف على بعض، واي شي بنعملوا مع بعض، كنا نهائي ما بتفارق،، بس جا اليوم الافترقنا فيهو لما عمو يس ابو لؤي ، لقى ثروة كبيرة من ابوهو وشركات، فقرر انو ينتقل الخرطوم، الزمن داك كنا في تامن  بكينا نحنا الثلاثة لأنو ما قايلين انو في يوم بنتفارق نهائي، كان أول حب لي، حب طفولة، حب بريئ شديد، نهائي ما اتخيلت انو ابعد عني، حتى لدن كانت عارفة بي حبي ليهو، بس هو الوحيد الماعارف، لأنو كان بحب لدن مع انو ماصرح ليها بس دايما بقول لي  انو هي حقتو،، كنت بزعل شديد بس نهائي ما بظهر ليهو، لما جا يوم السفر ما قدرت اودعو، جا بيتنا وناداني بس رفضت امشي ليهو كان مصر شديد، طلعت ليهو وقال لي انا اكيد ما بنساكي، واكيد بجي على طول ازورك، وبعدين مش انحنا الثلاثي المرح 💟اكيد بنتلاقي، ومستحيل انساكي في يوم، بنزوركم  وانتو كمان تعالوا زورونا، مش نحنا أصحاب قلتا ليهو اكيد، ودعني ومشى،   اسبوع كامل وانا زعلانة بس قلتا اكيد بجينا، مرت سنة، واتنين، وتلاتة، وما زارنا شكلوا نسانا، بس انا نهائي ما نسيت حبي ليهو، ومحتفظا بيهو للأن، وهسة انا بفارق جزو من روحي تاني  وهي لدن 💔
عووودة"
قلتا انا قبل كدا فقدت جزو مني، وهسة بفقد جزو تاني، وهي لدن عدا اليوم وانا زعلانة شديد، كل ما افكر في إني ماشة اخلي لدن، بنقهر زيادة..
من جانب عمر ، الحقيقة اني اتصلت لي يس، وحكيت ليهو ظرفي، وهو ما قصر معاي نهائي، طلعت بدري لأنو وراي سفر طويل، حصلتا الخرطوم وأجرت لي غرفة في  شقة .. اليوم البعده مشيت للشركة ألقالها لي يس، قدمت أوراقي وقبلوني على طول، لأنو الشركة حقتو ، وانا طالع لاقيتو ، صاحبي  يس جا سلم على سلام محترم كدا، بعد موال السلام مشينا  مطعم..  اتشكرتو على وقفتو معاي اتونسنا كدا وسألني،  قال لي جيت براك ولاشنو  قلتا ليهو جبت  ايوة براي اشوف لي بيت، وداير انقل ملاك لي جامعة، وموضوع طويل، قال لي موضوع الجامعة دا خليهو على،  بدخلها في جامعة لؤي واصلا هم أصحاب، واكيد بفرحوا لما اتلاقوا مع بعض، واقروا في نفس الجامعة، وارح نشوف ليك بيت، قلتا ليهو يا زول ما تعبتك معاي قال لي انا لاقيك وين يا ود بلدي🥰،  مشينا فتشنا لينا بيت اكون قروشوا مناسبة لي، لأني بعت الوراي والقدامي، فتشنا لينا بيت ولقينا لينا واحد كويس وقدر قروشي، وصاحبوا كان مضغوط عشان كدا باعوا لينا بالرخيص، دا كلو بي فضل يس لأنو من معارفوا،، عزمني امشي معاهو بيتو بس انا رفضت لاني كنت خجلان منو بعد العملو دا قعدنا اتونسنا عن زمان،، والقرية اتونسنا تمام اديتوا، أوراق ملاك  عشان اسجلها في الجامعة، وشكرتو حتى بعدها اي زول مشي بيتو، ورجعتا اليوم البعديهو القرية عشان نبقى على موال الرحول...
من جهتي  ............
امي تعبت شديد لما ابوي كان ماف قلتا ليها ارح نمشي المستشفى بس رفضت قالت لي ابوك براهو الفيهو كتير ودا تعب عادي قلتا ليها يا أمي بس قالت لي انا كويسة ومافي داعي نشغلوا ساي، بس قلبي وجعني شوية، هزيت ليها راسي بس وانا مقهورة لاني شايفاها بتعاني وانا ماقادرة اعمل شي دا كلو عشان ما عندنا قروش العملية، يا ريت لو عندي شي أقدموا ليها (امي عندها مشاكل في القلب ) طول اليوم كنت معاها اليوم البعديهو بقت احسن شوية، ابوي جا   من سفرتو، وقال رتب كل حاجة، وفضل اننا نمشي، طول اليومين ديل لدن، كانت معاي ونهائي ما فارقتني ، ستفنا حاجاتنا كلها والعربية رفعت العفش، وانا بشوف لي  آخر مرة للحلة حقتنا كانت بتشهد على طفولتنا ، ولعبنا، وكل الذكريات الحلوة، ودعنا ناسنا ولدن بالبكي  حتى طلعنا...... وصلنا بيتنا بس الحاجة الغريبة الشفتها  انوكل البيوت عمارات، وحاجة كدا في منتهى الواو، وصلنا لينا بيت عادي كدا هو الوحيد المختلف عن البيوت، لما حصلنا عاينا لي ابوي نظام دا شنو دا،ولي نحنا في حي راقي كدا، عاين لينا وقال لينا لقيت سعرو ممتاز، وصاحبوا كان مستعجل وغير كدا هو قريب لي جامعة ملاك، دخلنا ولقينا هو من جوة حلو وواسع، فيهو تلاتة غرف، وصالتين ومطبخ، كلو مبلط، وفي حديقة صغيرة كدا المهم رتبنا حاجاتنا كلها، اليوم كلو ونحن بنظم وما لمحنا لينا ولاجار ساي، اصلا كلهم عمارات ، ومغفولة واكيد ما لاحظو لينا في يوم قعدتا برا وانا بقول يا ريت لو كان معانا قروش كتيرة، كان هسة امي اتعالجت وابوي ارتاح من المسؤلية دي، بس ان شاء الله انا بحقق حلمي، وابقى دكتورة عشان اقدر اعالجها، لازم اتمسك بي قرايتي عشان ارفع من ابوي الحمل التقيل دا، حياتهم كلها ما قصروا معاي وانا بكرة ابقى أكبر دكتورة واشيل همومهم .... بعد اسبوع اتعودنا على البيت ابوي جاني في غرفتي، وقال لي انا إجراءات الجامعة خلصتها، ودا لبسك وبكرا تنزلي، قلتا ليهو اللة يخليك لي وأطول في عمرك يا احلى اب🥰 نزلنا تحت و اتونسنا..... تاني يوم قمت متحمسة لي الجامعة، وكيف بتكون، وبلقي أصحاب ولا لأ، طلعت لبسي ولقيتو حاجة كدا  بنطلون اسود، بي قميص ابيض طويل، وحزام في النص، وطرحة بي الأسود ، لبستا لي السبورت ابيض بي اسود، وشنطة سودا، حلمي دايما اقري طب، وهسة حلمي اتحقق  بتزكر  انا والشلة اتفقنا نقري طب، ونكون أكبر أطباء في القرية، ابتسمت وانا بتزكر لؤي، يا ربي هسة هو وين وهل بنتلاقي في يوم، طلعت من سرحتي بي صوت امي وهي بتقول لي اتأخرتي يا بت، انزلي عشان تطلعي مع ابوك طلعتا ليها، وقلتا ليها انا جهزت، وصتني كتير حتى طلعت مع ابوي ركبنا المواصلات، وصلنا لي جامعة كدا أللهم الثبات، حاجة كدا من عالم آخر، حاجة كدا في قمة الرقي، والأناقة، جامعة كدا الا في الأحلام، عاينت لي ابوي قلنا ليهو ابوي انت متأكد أنو دي جامعتي، قال لي اكيد  انتي ادخلي وانا طالع الشغل  وصاني وقال لي خلي بالك من نفسك ومشى.. عاينت حولي لقيت الناس ديل نضاف نضافة، والعربات دي ما تديك الدرب، كنت محتارة شديد ابوي جاب القروش دي من وين، لما ادخلني جامعة راقية كدا.. المهم دخلتا ولقيت البنات ديل سمحات سماحة،  ميكبي وميكبك والاسبورتات دي سبعة سنت والشعر نصو في الطرحة والنص التاني في الهوا،، وتقريبا كدا مافي زول شين نهائي، والعجب الاولاد ديل تقول جو من هوليود من شدة ما سمحين، والجامعة شي تاني خالص، إذا برة ساي افتح النفس، وجوة الأشجار دي مرصوصة على طول الجامعة، الشتلات بالاشكال والألوان، المقاعد دي ما حصل مرة شفتها الا  برا السودان،وفي ملعب كورة  وملاعب كتيرة ماعرفتها دي شنو،،دي مملكة عديل كدا ما جامعة للحظة حسيت انو في شي غلط، لأنو لما دخلت لقيت الناس دي كلها بتعاين لي لما احترت في نفسي، وقلتا إذا في شي غلط فيني
دخلتا وشايفهم بتوسوسو  استغربت في شنو شايفين ليهم حاجة غريبة ما انا بت زيهم سامعاهم بقولو عاينو البت دي لابسة كيف شفتو  السبورت ياااي😣  في بت قالت ليها دا كلو خليهو عايني لابسة نظارة عايشة وين البت دي وحدة تانية قالت سمعنا انو في بت فقيرة وجاية من القرية  حولوها جامعتنا معقولة دي هي مبالغة لاكن🙂 سمعت جامعتنا بقت واطة 🙄سامعاهم يتكلمو بس ما اهتمت كتير دخلت وانا بفتش لي الإدارة، وانا ماشة انضربت مع زول قبل ما افهم زاتو في شنو، قال لي ما بتشوفي عميانة انتي ولا مخك دا ما معاك، ماشايفاني يعني داشنو دا الغباء والتخلف دا، عاين لي كدا قال لي بي أربعة عيون وما قادرة تشوفي غبية دي،  قمت اتنفضت وقلتا ليهو لو صبرت شوية كان اعتزرتا، عاين لي من فوق لي تحت ومشى قلتا سبحان الله قبل ما اكمل كلامي مشي نبزتو بي جوة قلبي غبي خلاص .... فتشت وفتشت المكتب وين وما لقيتو في النهاية شفتا حاجة جاية من بعيد وسرحت فيها... .....
 

________
زي ما عرفتو انا ملاك، امي اسمها سلمي، ابوي عمر  

 الغبي الضربني دا اسمو آسر جاي من عالم اسمو ايكادولي، عالم جميل يسوده الأمن والسلام ، ابوهو متوفي  امو كانت مشغولة بي حياتها الخاصة، دخلتو مدرسة اسمها مدرسة الحب، مدرسة متخصصة بجمع الاحباء مع بعضهم البعض ودي غاية اي شخص موجود في عالم ايكادولي، تحقيق الحب والسلام والاستقرار الأسرى، اتخرج من المدرسة دي ورسلوهو عشان أجمع الناس، وفعلا حقق الحب والزواج  لي مجموعة كبيرة من الناس، لاكن حصلت حاجة غيرت مجرى حياتو ومفهومو للحب نهائيا ...

دي لمحة صغيرة كدا للحاصل وفي شخصيات هنتعرف عليها في البارتات الجاية  دي قصة خيالية ولاتمد الحقيقة بصلة انا بس حبيت رواية  ايكادولي وعملت منها قصة سودانية عدم موضوع وكدا😹 🌚،، و هي ما ذي رواية ايكادولي بس انا اشتقيت الاسم بس
•••••••••••••••••••••••••••••••••••••••••••••••••••••••••••

#فقيرة~في~عالم~الاغنياء《02》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
شفتا لي بت جاية على ملامحها جميلة شديد
 صراحة عجبتني، جات عاينت لي وقالت لي هلوو، طلعت من شرودي، وقلتا ليها انت معاي قالت لي ايوة شاردة وين، قلتا ليها معاك، قصدي قلتا دي منو البت السمحة الجاية على دي، ضحكت وقالت لي انا كيارا، قلتا ليها وانا ملاك، قالت لي بتعملي شنو هنا، ولا انت البت الجاية من القرية الفقيرة، قلتا ليها شنوو، قالت لي انتي ما عارفة دي جامعة شنو، . هزيت ليها راسي قالت لي انتي في جامعة ***العالمية المشهورة في كل السودان، الجامعة البدخلوها بس الاغنياء، و أبناء كبار الاعمال، قلتا ليها شنو جامعة الاغنياء 🙂 (جوا نفسي قلتا انا بعمل هنا شنو، ابوي دا جاب القروش دي من وين. ،كيف قدر اسجلني هنا لا لافي موضوع خطير، كيارا قالت لي هي يو قلتا ليها ،انتي متأكدة انها جامعة للأغنياء، وما جامعة حكومية، قالت لي اكيد، قلتا ليها ممكن تساعديني لاني وحيدة وما عندي زول، قالت لي اكيد وين ورقك، أديتو  ليها قالت لي حسن حظك انتي معاي، في نفس القسم، قلتا ليها انتي بتقري طب، قالت لي طبعا، قالت لي ارح القاعة عندنا محاضرة مهمة، مشيت وراها وانا مخي ضارب، كيف انا في المكان الغلط، مشينا القاعة حاجة كدا في قمة الاحترافية، منظمة اكتر من حياتي😹 والعجب الكراسي، وناس مقسمين واي زول في مقعد، تقريبا كدا، القاعة كلها ما فايتة  ليها  ١٥ نفر، كيارا مشت قعدت في مكانها، وانا لقيت لي اخر مقعد، كان ورا مشيت قعدت فيهو تحت أنظار البنات والاولاد،
 تقريبا كدا ورا كيارا طوالي، وجمبي ولد كدا ما غريب على، اتزكرتو دا الولد الضربني مشش، هسة ما لقيت إلا انا اقعد جمبوا، قتا ليهو انت الصباح ضربتي، عاين لي بي قعر عينو و قال لي لو سمحتي ممكن  ، تسكتي، ومن الأحسن اني ما اسمع حسك دا، احرجني طوالي سكت  . بعد المحاضرة انتهت طوالي في، بنات شكلهم بنات راحات جوني، واحدة قالت لي اسمك منو، قلتا ليها ملاك وحدة تانية قالت لي   هي انتي بتعرفي انا منو، عاينت ليها قالت لي انا سهى، ودي سبأ  ودي هيام، قلتا ليهم اتشرفنا عاينو لي بعض وفكوا الضحكة، قالو لي بي مياعة كدا للأسف بس نحنا مابنتشرف بي وحدة قروية متخلفة، انتي عارفة  انو انتي ما قدر المقام نحن ناس عندنا شركات وأموال وعمارات وبزنيس، طيب انتو عندكم شنو هيام قالت ليها ما مزرعة حقت بهايم، وضحكوا  احرجوني طبعا قدام كل القاعة،
عاينت ليهم ووشلتا شنطتي قلتا ليها مابقدر اقول شي، غير انو كلامكم البتقولوهو دا أكبر دليل على التخلف، وعاينت لي هيام وقلتا ليها بس للأسف حتى التخلف بي النسبة ليكم نعمة، خليتهم مصدوومين من ردي وطلعت قدام كل ناس القاعة، كيارا لحقتني وقالت لي  اسفة لأنو صحباتي قالو عليك كدا، قلتا ليها ديل صحباتك، قالت لي ايوة قلتا ليها غريبة لي ما بتشبهو بعض، قالت لي انا مابهتم بالمقامات أهم شي عندي الصحبة البتقيف معاك، وانا عارفة انو لو حصلت لي حاجة مابقيفوا معاي، قلتا ليها انتي واعية  شديدما زيهم، بتحكمي بالمظاهر، يعني انتو أصحاب من بدري قالت لي طبعا، كنا في ثانوية من الطبقة العالية، وتقريبا معظم الناس هنا انا بعرفهم، قلتا ليها صراحة ليك حق جميلة،، وواعية، ومقرشة ضحكت  وقالت لي ارح اورك  باقي الأقسام، قلتا ليها كيف يعني قالت لي الطب هنا قسمين عشان الناس كتار، قلتا ليها ١٥ كتار قالت لي طبعا، وشديد كمان، لاحظت لي انو كلها أقسام طبية  ما علقت على حاجة لأنو كل شي كان صادم لي، المهم لفينا كدا قلتا ليها سؤال انتي دا منو الزول الأنا قاعدة معاهو دا، قالت لي دا آسر قلتا ليها آسر، قالت لي الولد دا انا مكرشة عليهو من الثانوي، عندو هيبة كدا وجازبية وحضور كدااخ بس، وغير كدا شخص غامض لأبعد الحدود، ما عندو شغلة مع أي زول، وعلاقتو زيرو مع كل الناس، ما عندو أصحاب ولاصحبات ولا اي شي، مسمنو الرجل الغامض، ما مدى اي زول فرصة انو يقرب منو نهائي، كأنو جاي من عالم تاني، انتي عارفة كل البنات مكرشات عليهو وأولهم انا، عندو عيون حلوات وحواجب غزيزة، وجسم رياضي وكل شي، عاينت ليها 😹قلتا ليها انتي واقعة عديل، قالت لي ما شايفاهو سمح كيف قلتا ليها ما شايفة لي سماحة  فايتة الحد  انسان مغرور ومتكبر ومريض نفس، وشكلو عندو اكتئاب وانتو ما عارفين، قالت لي عليك اللة اسكتي بتعرفي شنو انتي، قلتا ليها فعلا هو سمح لاكن ما للدرجة دي، قالت لي عشان هو غامض شدشد. وما مدى زول قيمة لي زول  عشان كدا زول مميز، وكل الناس بتخاف منو، قلتا ليها وانتي بتحبيه قالت لي طبعا، قلتا ليها غريبة الجامعة دي،
.. المهم كان عندا محاضرة طوالي دخلنا، ومن دخلنا شلة هيام، بدوا اطاعنوا فيني بالكلام، بس ما ركزت معاهم، بس صراحة كانت زاعجاني كلمة فقيرة وقروية دي، المشكلة حتى أولادهم زيهم، قعدنا كدا شلة هيام جوا لي كيارا وقالو ليها مالك الليلة ما مشيتي معانا، قالت ليها على كيفي امشي مع الدايراهو، قالت ليها تمشي مع الفقيرة، الما من مقامك قالت ليها ما يخصك، امشي مع الدايراهو في زول بمعنى، واي بمشي معاها من الليلة عندك رأي، عاينت لي بي نظرة توعد كدا بس انا ابتسمت ليها بس ومشو وهم بنبزو فيني ، ضحكت على منظرهم وشكرت  كيارا، وقالت نحن صحبات من الليلة وما في داعي تشكريني تمام،. اتونسنا واتعرفنا على بعض اكتر، قالت لي انتي  كيف دخلتي   الجامعة دي، منحة يعني قلتا ليها انا زاتي ما عارفة واللة.. قالت لي غريب الموضوع قلتا ليها انتي ما حصل مرة زول دخل الجامعة دي من الطبقة العادية🙂 قالت لي لأ نهائي، انتي اول وحدة عشان كدا داحدث عالمي، و الناس دي عرفت كيف انو انا جاية من القرية، قالت لي الجامعة دي اي شي يحصل اول ناس بعرفها، قلتا ليها ناس عجيبين شديد، هسة  لو ماكان عرفوا كنت في امان، ضحكت فيني وقالت لي انتي هو شفتي شي ارح نمشي...
 ونحنا ماشين شايفة البنات ديل متجمهرين في دايرة كدا، واصواتهم دي حاجة كدا رقيقة وعاملين جوطة كدا، عاينت لي كيارا نظام دا شنو قالت لي دا أمير صاحب أجمل كاريزما، وتاني أجمل زول في الجامعة، جا على كيارا وسألها قال ليها لؤي وين ما جا الليلة، قالت ليهو ما اظن لاني ماشفتو نهائي، قاليها تمام ومشى قبلت كدا لقيت ليك البنات ديل عيونهم قلوب قلوب، ما قدرت اكتم ضحكتي وفكيتها 😹😹🙂كلهم قبلو على طوالي سكتا، المشكلة ما هنا المشكلة انو أمير دا سمح سماحة، زي حقت النساوين ديك، الشعر خاتيهو بالجمبة كدا، وشيك  ونضيف، تقولي بت بس والعجب صوتو، انثوي لي  درجة ملفتة انا قايلاهو شاذ عديل كدا، عاينت بي اتجاه وتاني ضحكت لما دمعت، سامعة البنات بقولو شوفو الوهمانة دي، شكلها كدا ما شافت ليها زول سمح ذي دا، اعزروها جاية من القرية وما بتعرف أشكال زي دي، بعد ضحكت تمام قلتا ليها انتي متأكدة انو دا ولد لأنو مظهرو ما بدل على كد، ا قالت وطى صوتك خلي اسمعوك البنات  لو ما طلعوك من هنا جنازة،
 شوفتي ديل نهائي ما برضوا بالحاجة دي مكرشين عليهم من زمن شفع، ولو سمعوك بمسحوا بيك الواطة، سكتا لأنو كلامها مقنع وهم اصلا عايزين مشكلة معاي، قلتا ليها زي سمعتا اسم لؤي  قالت لي لؤي دا صحبي وساكنين في نفس الحي، قلت ليها ايواااا تمام بعد كدا انا ماشة، قالت لي ارح نفطر ما كان معاي قروش كتيرة واكيد الأسعار بتكون خرافية، فأحسن شي ما أحرج نفسي ساي ، قلتا ليها معليش مرة تانية، انا ماشة لأنو الزمن قالت لي انتظري اوصلك معاي، قلتا ليها شكرا مرة تانية ودعتا ومشيت، وانا مستغربة انو انا في المكان الغلط وانا ماشة في الشارع اصلا البيت ما بعيد، واحسن شي أوفر قروش المشية، دموعي نزلت كنت متحملة الكلام داك بس كان جارح بالنسبة لي، يعني شنو فقيرة وماذيهم لي بهينوني بالطريقة دي، يعني انا ما بحس ولاشنو، مسحت دموعي وقلتا انا اتسجلت وعندي هدف واحد وهو قرايتي لازم اثبت نفسي وماعندي شغلة بي زول، العايزين اقولو اقولو ما شغالة بيهم كتير، وكونوا اتخرج من الجامعة دي بتيح لي فرصة عمل في المستقبل، على الأقل دا الجانب الإيجابي في الموضوع، وانا بفكر لما حصلت البيت قريب العصر، دخلتا لقيت امي قالت لي اول يوم كان كيف قلتا ليها ليها كويس شديد، وطلعت غرفتي رقدت في السرير ونمت صحيت بعد العصر صليت وطلعت سلمت على ابوي قلتا ليهو ابوي انت كيف سجلتني في الجامعة دي، لأنها حقت أغنيآء من وين لقيت القروش دي قال لي انتي أغلى من كل شي وو...كل الموضوع انو  أمي نادتني اجهز الغدا مشيت ليها جهزنا الغدا اتغدينا والونسة كلها عن جامعتي، وامي مبسوطة اني اتسجلت في جامعة كبيرة ومرموقة، وهي ماعارفة حجم المصيبة الأنا فيها دي، قالت لي هسة لو طلعتي النضارة  وبدليتها بي حاجة تانية ما كان احسن ليك، قلتا ليها اشوف كيف طيب وبعدين انا ماعندي حاجة لي زول، راحتي أهم شي ومشيت غرفتي...... تاني يوم قمت متأخرة وعندي محاضرة بدري جهزتا  روحي سرعة، وطلعت من دون ما اشرب الشاي، لاقيت كيارا في المدخل وسلمت عليها، بعدينا جا داخل آسر وكل العيون اتجهت ليهو، واي زول كان بعمل في شي خلاهو وبقي مركز معاهو، حتى  كيارا لكزتها وقلتا ليها هي ها مشيتي وين قالت لي خليني ياخ، الزول دا آسرني بي طريقة ما عادية عاينت ليها ولي كل الناس المركزين معاهو، وقلتا ليها ما شايفة لي سماحة كدا فايتة الحد، يعني هو عادي جدا بالنسبة لي، سمعتني هيام قالت لي انتي سمحة لما تكلمي لمى خشمك عندك، عشان ما اعلمك درس عمرك ما تنسيهو، كمان عندك خشم تتكلمي بيهو، قلتا ليها هي احترمي نفسك تمام، قلتا وتاني بقولها سماحتو عادية جدا وما فيهو شي سمح طوالي، بدو البنات  انبزو ف فيني قدام كل الناس، كيارا قالت لينا خلاص كفاية ارح يا ملاك عندما محاضرة، مشينا قلتا ليها يعني الزول الا أعجب بيهو تقولي حاجة كدا مهمة، ولا سلطان، ولاملك، ياخ لو بقي تشنغ جون اونغ رئيس كوريا ما بدافعوا  ليهو وبقدسوهو قدر دا، قالت لي هنا القانون مختلف إذا اتكلمي عن الاولاد السمحين ولا المميزين فأترحمي على روحك، يعني اسكت وما اعلق نهائي قالت لي للأسف اي، قلتا ليها كل الأولاد ولا بس ديل الاتنين، قالت لي صراحة في واحد تاني اسمو لؤي، دا برضوا هو صحبي بتشوفيهو اكيد هزيت ليها راسي بس لمن قالت لؤي اتزكرت لؤي صحبي، بس تاني نفضت الأفكار من راسي اكيد في مليون لؤي ما بس صاحبي، مشينا على القسم التاني لي طب قالت لي بقرا طب هنا لاكن شكلو ما جا، ما مشكلة تعالى اعرفك على صحبتي شديد نادت ليها لي بت جاتا وحضنتها وسلمت عليها، كيارا قالت ليها ملاك تالا   اعرفك ملاك،

 قلتا ليها عظيم الشرف سلمت على وقالت لي انتي الطالبة القروية اتشرفت بيك، المهم قعدنا في بينش واتونسنا، بعدها محاضرتنا جات ودعنا تالا ومَشينا القاعة من جيت داخلة، هيام بي صوت عالي قالت البت القروية دي لسة قاعدة، من اشوفها بحس بي ريحة المزرعة ياااي، كلهم ضحكوا، مشيت قعدت في مكاني وانا ساكتة وشايفة كيارا بتتكلم معاه، ا عاينت لي قشر أسر دا وقلتا ليهو سلام ما ردا على، قلتا سبحان اللة ما عارفة لي البنات ديل معجبات بي واحد مريض، ومفتري، ومتكبر، ومنفسن، زيك كدا قال لي ممكن سكتي صوتك دا براهو بجيب لي زول صداع، عاينت ليهو بي غل كدا، وسكت بعد المحاضرة انتهت وطلعنا كيارا قالت لي انتي امشي الكفتريا، وانا بجي مع تالا، قلتا ليها تمام مشيت الكفتريا ياسلام ياخ حاجة كدا احترافية، والالوان، والتناسق، وحاجة كدا فخمة وديكور عصري كدا، لما مشيت طلبت وقبلتا لقيت الناس دي كلها بتعاين لي، ومالين المكانات كلها، عشان كل ما اكون ماشة اقعد في طاولة بسبقوني عليها، واحدة قالت لي الموضوع واضح ما محتاج تفكير أخدت نفس عميق كدا....
من جانب كيارا مشيت على قسم الطب التاني، لقيت لؤي ما جا برضوا، لاقيت تالا، قلتا ليها لؤي ما جا قالت لي اي، قالت لي وين ملاك قلتا ليها خليتا تمشي الكفتريا، قالت لي اكيد الطلاب قاعدين ارموا ليها في الكلام، قلتا ليها واي نسيتها عديل ارح ننزل سرعة،
من جانبي الطلاب ما خلو لي خيار بس ما انا البت الضعيفة البتتزلا، كشفت كدا لقيت ليك آسر قاعد براهو، ولاكضبت طوالي مشيت قعدت، قال لي قومي سرعة عشان ما اقلب الطاولة دي عليك، قلتا ليهو بي نبرة ترجي كدا، اسفة بس ما خلو لي مكان اقعد فيهو، انا عارفة انو انت ما عندك شغلة مع زول، بقعد وما بتكلم لما اجو ناس كيارا، لو سمحت عاين لي من فوق لي تحت وقام (بي قلبي قلتا اصلا جيت عشان انت تقوم، غبي خلاص عارفة انو غرورك ما بسمح ليك تقعد معاي 😏 طوالي ناس كيارا جو داخلين، ولقوا البنات بعاينوا لي بي نظرة كراهية، قعدوا وقالو لي مالهم البنات بعاينوا ليك كدا، ضحكت وقلت ليهم حصلت دراما رخيصة بس، طوالي هيام بي صوت عالي قالت لي سبأ، في وحدة كدا قالت ما عندها شغلة بي زول، وانو مافي زول عاجبها، لاكن اتضح انها واقعة، وكمان بتقعد معاهو، سبأ قالت ليها متوقعة شنو من قروية متخلفةما دا اسلوبها، طبعا ما بينت اني زعلتة من كلامهم، كيارا قالت لي هيام دي قاصداك، الحصل شنو قلتا ليها كل الموضوع انو حجزوا الطاولات كلها، وما لقيت خيار الا اقعد مع آسر، لما تجو، كيارا وتالا في وقت واحد شنووو، كيف قدرتي تعملها مافي زول قدر اعملها قلتا ليهم مالقيت خيار، عاينو لي بعض مستغربين طبعا، وكل البنات بحمر ولي وانا ابتسم ليهم، قلتا لي كيارا لؤي صحبك ما جا قالت لي يوم الاتنين نهائي ما بجي، عادة عندو عاينت ليها وفي نفسي قلتا معقولة دا لؤي صحبي، دايما ونحن في الأساس كل يوم اتنين ما بجي معقولة اكون دا هو
من جانب لؤي.....
كان معاهو أمير قاعدين العبوا كورة سلة، في النادي أمير قال ليهو سمعت بي البت الجات من القرية دي، لؤي قال ليهو سمعتا بس ما كنت قايل الموضوع جدي، أمير قاليهو يحليلها اكيد البنات ما هيخلوها بي حالها، قال ليهو شنو يا دفعة يوم متين نحن شغالين بي الحاجات دي، كدا بنستمتع كتير، ههههة لأنو شكلهم ما بريحوها لأنو حدث عالمي.... جو داخلين رامي وماجد، قالو ليهم شنو يا دفعة انتوا هنا ما كان لينا  تضربواقال ليهو أمير بي حدة كدة كنا بنلعب نضرب ليكم لي شنو، قال ليهو اهدي يامان، ماجد قال سمعتو بي القروية  الجديدة الجات دي، أمير قال ليهو ما عندها اسم هي، قال ليهو وانا اهتم بي اسمها لي شنو، رامي ضحك وقال ليهو اخيرا في موضوع في الجامعة، لؤي قال ليهم خلاص ياخ صدعتو بينا قروية ولا لا شغالين بيها لي كأنها حاجة مهمة  .....
•••••••••••••••••••••••••••••••••••••••••••••••••••••••••••

#فقيرة~في~عالم~الاغنياء《03》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
طلعنا من الكفتريا ومَشينا القاعة دخلنا المحاضرة وكان الدكتور بتكلم عن الكيمياء الحيوية، وأنا بعشق الكيمياء كنت مركزة شديد مع الدكتور، بعد خلصنا من المحاضرة كيارا قالت لي اخ بكره المركبات دي، ونهائي ما بفهمها قلتا ليها بالعكس حلوة وفهمها بسيط، شايفة سهى قامت فوق ودقت الطاولة وقالت انتبهو معاي يا جماعة، كلنا ركزنا معاها قالت طبعا معانا ناس هنا مابفهمو كلام الدكتور، والانجليزي دا صعب عليهم، وقبلت على،  فيعني لو اتكرمتو كدا وفهمتوها باللغة الدارجية أو اللغة القروية، جات على وشايلة الشيت، وقالت لي ما مشكلة ببدا ليكم انا، شالت الشيت وعايزا تقري منو، قلتا ليها لوسمحتي اسمك منو، سهى صاح، ابتسمت ابتسامة جانبية كدا، وقلتا ليها بي صوت عالي شكلك ما بتعرفيني يا سهى، بعزرك لأنو المابعرفك بجهلك، وبعدين منو المابتفهم دي انا، معليش حبيبتي راجعي نفسك وأدرسيني تمام، وتعالى اتكلمي، ضحكت ضحكة مستفزة كدا، ومدت لي الشيت قالت لي بعد فصاحتك دي، انا متأكدة انو السطر الأول ما بتقدري تتميهو،  عاينت لي الشيت وليها، قلتا ليها مع اني ما بحب الحركات دي،  بس بقرى ليك عشان العايز توصليهو اوصل،  مسكتا الشيت وقريت منو ، وبي صوت عالي، تحت أنظار كل القاعة وصدمتهم،  قريت أربعة أوراق، ووقفت قلتا ليها اتموا ولا مايحتاج، الفهم الجيتي توصليهو وصل، بس  حاولي انتي اقري وانا بسمعك، بقتت تتمتم قلتا ليها ما في داعي تحرجي نفسك اكتر من كدا، تمام  قالت لي هه المرة دي حالفك الحظ، ابوك مع انو راعي بقر لاكن  ما قصر وقت علمك، على الأقل بتنفعي في حاجة، ضربت الطاولة بي كل قوتي، وعاينت ليها قلتا ليها انا بسكت في أي شي الا سيرة ابوي، ما تجي في لسانك لأنو صدقيني بقصو ليك فاهمة، لمن إتخلعت ، بس اسمع ليك زول قال اسكتووو ياخ، ما مكن الازعاج دا  اطلعوا اتشاكلو برااا، قبلتا لقيتو آسر، سهى قالت لي المرة دي  سكتّا، لاكن المرة الجاية إياك ترفعي صوتك على، قلتا بي صوت عالي لي سكتي عشان دا طلب منك، وعاينت ليهو وقلتا ليهو اسمعني  واحفظ كلامي بسكت وقت انا عايزة اسكت تمام، وبتكلم وقت عايزة اتكلم، ما يخصك بعد اقول الموضوع انتهى، حتى انتهى، فاهم، كيارا قالت لي ملاك جنيتي، قلتا ليها هو قايل روحو ملك، ولاحاجة عظيمة، إذا انتو بتخافوا منو، وبتقدسوهو، ما معناة الكلام دا  بنطبق على انا تمام، عيونو  بقت حمراا وضرب الطاولة بي أعلى صوت، لما كلنا خفنا  وقال لي كيف تتجرئي تتكلمي معاي كدا قايلة نفسك منو، .....عايزين تتشاكلوا اطلعوا برا كلامي واضح، وبس، بقيت بحمر مرة لي سهى ومرة لي آسر  دكتور المحاضرة التانية  جا داخل وقال في شنو يا جماعة، اي زول رجع مكانو،   
سهى وسبأ وهيام ومعاهم ولدين  مجد ومؤيد مجد قال شكلها البت دي ما ذي البنات التانيات، ما بتخاف نهائي، سهى بي ضحكة كدا معناة تتحمل البجيها، لاني مستحيل اخليها ترتاح، والجامعة دي الا تبقى ليها جحيم، سبأ قالت هي البدت  ونحنا البنتمو، خليها علينا بس تنتظر الراجيها، وعاينو لي عاينت ليهم بي نظرة ثقة كدا، وتاني ركزت مع الدكتور....طلعنا من المحاضرة، و دعت كيارا ما عايذة كلام كتير، مشيت البيت ولقيت امي قاعدة، حضنتها مسافة قالت لي مالك قلتا ليها ولاشي، تعبت بس من الجامعة، قالت لي كلها يومين بس قلتا ليها فعلا، لاكن تعبتا  فيهم، خلينا مني انتي كيف قالت لي كويسة، وكمان في جارة جاتني وسلمت على، وقالت إنها في العمارة المقابلا لينا، وبتجينا مرة تانية، قلتا ليها كويس تاني بتلقى البتتونسي معاها، قالت لي ايوة وشكلها ظريفة، قومي امشي ختي ليك اكل، مشيت أكلت وطوالي على غرفتي، صليت ورقدت وانا بفكر قلت نهائي ما بسمح ليهم انو ازلوني، ما انا البت البتسكت عن حقوقها، انا أقوى من كدا، ابوي جا داخل مسحت دموعي سرعة،  قعد جمبي وقال لي مالك يا بتي، قلتا ليهو ماف شي، قال لي انا بعرف لما تضايقني، وبعرفك اكتر من روحك، حضنتو وبكيت قلتا ليهو يعني شنو لو انا فقيرة، يعني ما يحق لي ادرس في جامعة زي دي، لي الناس ديل قاسين كدا ، قال لي طيب مدام عندك مشكلة، خليني احولك جامعة تانية، كلو أهون عشانك، مسحت دموعي وقلتا ليهو ما انا البت البتهرب من واقعا، انا بتك نسيت، وصدقني انت احسن اب في الدنيا دي، بكرة اتخرج وتفرح بي ان شاء الله، قال لي بتي القوية ارح طيب نشرب الشاي......تاني يوم  قمت الصباح لبست وشربت الشاي، شكلو الليلة ماف فطور  لأنو  القروش المعاي ما بتكفي ، أمس جمعتها بس الليلة ما بتكفي، طلعت بعد بست امي في راسها، ودعتني بي دعواتها البتخفف على كتير، الجو كان مغيم وحلو، وانا ماشة  أتلفت القى ليك آسر جاي بالطريق التاني، ومشى قدامي اتجاهلني كأنو ما بعرفني ، صرختا ليهو هي انتظرني، آسر قال اكيد ما بتلحقني البت المجنونة دي، حصلتو وقلتا ليهو هي يا منفسن صباح الخير، ممكن نمشي سوا قال لي بي استغراب كدا  نمشي سوا يعني انتي عارفة السؤال ولا مصرة انك تلحقيني وتعكري يومي بي شوفتك دي،  قلتا ليهو يوم متين مزاجك رايق، لاحظت لي خاتمو واسوارتو لونهم بقى بنفسجي عاينت ليهو وقلتا ليها بمشي بي سكات، واصلا انا ما بحب امشي براي.... وانحنا ماشين، بعد مسافة كدا قطعت الصمت وقلتا ليهو قبل شوية،  اسوراتك وخاتمك  اتلونوا ولا انا شايفة عكس ، طوالي مشي بي سرعة كأنو خايف من حاجة حصلتو وقلتا ليهو سكتا خلاص.. حصلنا على المدخل في اللحظة ديك ناس كيارا وتالا كانو جايين بالعربية، وشافونا داخلين مع بعض..... دخلنا ولقيت البنات كلهم قبلوا علينا، وبدو اتوسوسو واتكلمو، بعد دخلنا سمعتو قال لي انتي واحدة  غبية ومشى، ما اهتمت ليهو كتير، مشيت على بينشات بعيدة شوية كدا، وقعدت منتظرة ناس كيارا، فجأة اسمع صوت بنات قالو لي انتي يا بت يا قروية مالك، قمت فوق وقلتا ليهم خير، قالو لي الخير اجي من وين وانتي اليوم كلو حايمة حولين الاولاد، قلتا ليها ما بسمح ليك فاهمة، في  بت اسمها تالين بت مدير الجامعة مسكتني من قميصي، وقالت لي تاني لو شفتك ولا لمحتك ساي، حولين اي زول ما تلومي الا نفسك وما بيحصل شي أعجبك نهائ، مسكتها من يدينا وزحيتها، قلتا ليها تاني اتجرئي و ألمسيني عشان اقتلك في أرضك،، البنات كلهم كانو عايزين اضربوني، الا ناس كيارا جوا وفكونا من بعض مسكوني ومَشينا... وانحنا ماشين قالت لي انتي كويسة قلتا ليها تمام، مفتكرة اني بسكت ليهم، دا كلو عشان لاقيت آسر في الطريق، ودخلتا معاهو، ومتين اصلا انتشر الكلام دا، تالا قالت لي نحن زاتنا شوفناك داخلة، وكلنا اتصدمنا طبعا، وقلنا ليك اي شي بحصل داخل الجامعة، اي زول بعرفو قلتا ليها عشان كدا عايزين اضربوني،، بالجد متخلفين، كيارا قالت لي لأنو ما حصلت قبل كدا زول اتقرب من آسر دا بالطريقة دي، الا انتي، قلتا ليهم كل الموضوع بس اتلاقينا، ما اكتشفت الزرة ولا حاجة مهمة، المهم غيرو الموضوع، انتي يا كيارا صحبك دا ما وصلك الليلة، قالت لي لؤي بحب امشي في الجو المغيم، جوا نفسي قلتا معقولة الشبه الكبير دا بيناتهم، حتى لؤي صحبي بحب الأجواء دي أمكن نفس الشخصية، نفضت الأفكار دي من راسي وقلتا بكون في مليون لؤي اكيد ما هو، افترقنا نحن وتالا ..... مشينا القاعة حضرنا المحاضرة، وطلعنا لاقينا تالا ونحن ماشين  كيارا ادتني الجدول حق المحاضرات، سامعها قالت لي انتي شوفتي المشاهير، الأول والتاني، فضل الأخير بس، وهسة بتشوفيهو قلتا ليها الأول مريض نفسي 😹والتاني انثوي😂 لي درجة ما بستغرب إذا التالت دا شاذ 🙂قالت لي لؤي دا ما زيهم ياخ،  دا كلو وانا مركزة مع الجدول قالت هداك ليهو، ونادتو اتلفتنا في نفس اللحظة وشفت حاجة عمري ما كنت متخيلة أني اشوفها، في يوم... دا هو زاتو لؤي صحبي، وقفت متصمغة في مكاني حسيت كأنو الزمن وقف، واخيرا بعد غياب طال اكتر من تلاتة سنة، قدامي صحبي، وحب طفولتي الأول، قلبي كان بضرب شديد، ايوة دا هو. لؤي زاتو وقف مصدوم من شوفتي، ما قدرنا نتحرك نهائي بعد دقايق حتى استوعبت، جريت عليهو ومسكت يدو قلتا ليهو لؤي دا انت معقولة، بعد كل السنين المروا واخيرا اتلاقينا ما قادرة أصدق عيوني
...... رامي صاحب لؤي قال دا شنو البحصل دا البت دي جنت ولا شنو...... أمير قال ليهو في شي حاصل هنا حتى لؤي شكلو مصدوم معقولة بعرفها....... البنات بدو اتكلمو البت دي جنت اول شي آسر الملك، والتاني لؤي شكلها ما بتخلي ليها زول...... كيارا قالت لي دا هو لؤي الكنتي بتتكلم عنو.....
 لؤي بعد مسافة كدا زحاني بي قوة كدا، وقال لي انتي يا بت مجنونة ولاشنو انا بعرفك من وين.💔.... ماجد قال ليهو خوفتيني عديل كدا يا لؤي، قايلك بتعرف اشكاك زي دي، للحظة افتكرتتك بتعرفها....... عاينت ليهو بي صدمة وانا بحاول استوعب الكلام القالوا لي لؤي، قلتا ليهو لؤي جنيت ولا فقدت الزاكرة دي انا ملاك ما بتعرفني انا وانت كنا اصحاا...... قاطعني قبل ما أتم كلامي وقال لي انتي شوفتي نفسك في المراية قبل تطلعي،، كيف تقدري تقولي انا بعرف أشكال زيك كدا، مشيت عليهو وقلتا ليهو لؤي لي بتعمل كدا، زحاني بي قوة وقال لي انا ما فاضي لي درامات رخيصة من وحدة قروية زيك كدا 💔ارح يا شباب ومشو قدامي، وهم بعاينو لي نظرة اشمئزاز كدا، تالا قالت لي ملاك ابتسمت غصب عني، وقلتا ليهم دا هو زاتو معقولة ما اعرفو،، كيارا قالت المحاضرة بدت ارح وبعدين نتكلم في الموضوع داك، مشينا وانا ما كنت فاهمة اي حاجة، من البقولوا الدكتور، كنت مشتتة شديد، بعد خلصنا المحاضرة ناس  شلة هيام جوني، سبأ قالت لي مبالغة لاكن في وحدة مسحو بي كرامتها الأرض.. سهى قالت يعني مفتكرة شنو من قروية زي دي، اصلا عاملين فيها الشريف الرضى، وطلعوا بشركوا للأغنياء والحلوين،، ما في زول سبقك عليها يا قروية انتي، صراحة ما كنت مركزة مع القالو نهائي، لأنو كلام لؤي  شاغل بالي،  طلعت من القاعة وانا ماشة قاعة ناس لؤي، وقفت في باب القاعة......
من جهة لؤي.....
ماجد إنتا يا لؤي عارف انو البت القروية واقفة في الباب، حق القاعة ما كفاها السمعتو ولا شنو، رامي قال معقولة انت بتعرفها، وما دايرنا نعرف... لؤي قال ليهو معقولة اكون في شي بيناتنا، انتو ما شايفها عاملة كيف، انا لؤي بي كل شهرتو ومعارفوا   مستحيل اعرف ناس زي ديل، وبعدين جاية من قرية اعرفها كيف، .....
دخلتا القاعة وانا شايفة تالا، رافعة لي يدها بس ما كنت مركزة معاها، والقاعة حصل فيها هدوء، مشيت لي لؤي... قال لي ما كفاك السمعتيهو عايزة شنو تاني، لاني ما فاضي ليك، قلتا ليهو طيب ما بتعرف لدن.. لؤي عاين لي بي صدمة كدا، رامي قال ليهو دي ما اسم حبيبتك الزمان القلتها لينا عرفت كيف انو دا اسمها ..... ماجد قال ليهو اكيد اي زول مشهور زي لؤي بتعرف عنو اي شي.....
 لؤي وهو بفكر قال لي انا قبل  كدا لاقيتك، أو ضربتك أو حاجة بالشكل دا وأنتي عايزة عليهو قروش😏، لأنو فقيرة زيك كدا عادي تعمل اي شي، عاينت ليهو بي صدمة كبيرة، وزهول ما قادرة أصدق دا لؤي.....
. تالا جرتني وطلعتني برا وقالت لي كفاية تزلي نفسك كدا يا ملاك، قلتا ليها فكيني انا ما تميت كلامي معاهو، قالت لي مستحيل اخليك تتزلي تاني، قلتا ليها دا هو لي بعمل كدا ايواااا عرفتا أمكن هو زعلان مني، عشان انحنا ما زرناهم، اكيد دا عاملها عشان انتقم مني، مستحيل لؤي البعرفو اعمل كدا فيني.... طيب يا ملاك أمكن دا ما هو،، قلتا ليها كيف دا ما هو،، كيارا جاتنا وقالت لينا عرفت من البنات،، أمكن شبهتيهو يا ملاك، قلتا ليهم  معقولة ما اعرف صحبي وحب طفولتي، دا لو ختو لي مية نسخة منو بعرفو، عاينو لي وقالو لي حب طفولتك،، يعني بتعرفيهو قبل كدا، هزيت ليهم راسي بس كيارا قالت لي خليهو انا بتكلم معاهو أوقف المهزلة دي طيب.......طلعتا من الجامعة  كان أصعب يوم بالنسبة لي،  كنت بفكر في الكلام الجارح القالو لي، لما حصلتا البيت، وطوالي على غرفتي طلعت البوم الصور وعاينت ليهو .... دا هو زاتو معقولة ما عرفني، طيب بنكرني عشان هو بقى غني، وانا اقل منو ولا عشان ما اوسخ سمعتو بين الناس، بس انا متأكدة انو دا ما لؤي ما بعمل كدا، كنت بقنع روحي بالكلام دا، امي جاتني وقالت لي ارح الغدا، استحميت وغيرت وطلعت، ابوي لسة ما جا قعدنا وختت لينا الغدا كنت شاردة، امي قالت لي مالك طلعتي البوم الصور، اشتقتي لي اصحابك ولا شنو، قلتا ليها اممممم، ايواااا اتزكرت  لسة ما لاقيتي لؤي في الجامعة قلتا ليها شنووووو......

لكل إنسان طاقة محدودة  يتحمل بها الآخرون
وكثيرا ما يكون الكلمات التي ينطقون بها دون انتباه لها تحدث جروحا داخلنا لا نستطيع تجاوزها🥀🥀🖤
•••••••••••••••••••••••••••••••••••••••••••••••••••••••••••

 

#فقيرة~في~عالم~الاغنياء《04》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
امي قالت لي مالك إتخلعت كدا، قلتا ليها لأ  مستغربة الاقيه لي يعني؟؟ قالت لي انتي ما عارفة ابوك هو الاتوسط ليك عشان تدخلي الجامعة؛ لأنو لؤي زاتوا بقرا هناك، وكدا تقروا مع بعض، قلتا ليها لأ ما لقيتو لاكن اكيد بكرة ببحث عنو... انا شبعت قالت لي ما أكلتي اصلا، قلتا ليها تعبانة ماشة انوم، طلعت غرفتي رقدت في السرير وكل ما اتزكر كلامو قلبي يوجعني شديد، وكل ما اتزكر انو نحن كنا أصحاب ويجمعنا رابط واحد، بنقهر من جوة بس كنت بقنع نفسي انو دا كلو مقلب بس ما اكتر، وانا بفكر لقين نفسي نمت.......
من جهة امي، قالت لي ابوي البت دي من دخلت الجامعة وحالتها ما عجبتني، ابوي قال ليها حتى انا لاحظت، وإذا عايزة أنقلها  ولا بتردد اصلا، امي قالت ليهو لاكن كونوا تقري في جامعة زي دي ولا بتحلم بيها اصلا ابوي قال ليها راحتنا أهم شي.....
من جهة لؤي جا راجع بعد سهر مع اصحابوا، رامي وماجد  وريحتو كلها سجاير، دخل البيت براحة عشان مافي زول احس، بس لقى ليك ابوهو في الصالة منتظرو، قال ليهو كنت وين يا صايع انت،  لؤي قال ليهو كنت مع اصحابي، ابوهو قال ليهو مع اصحابك الصايعين المانافعين ديل ولا غيرهم، انتظر دا شنو دا شامي لي ريحة سجاير كمان، مسكو من قميصوا، قال ليهو لما كنت في عمرك كنت بشتغل عشان أوفر قروش، وما بضيع زمني في الفارغة، هوي يا ولد احسن ليك ترجع عقلك دا لي راسك، كلام ذي دا ما بنفع معاي فاهم،، لؤي زحاهو وقال ليهو عملت. القروش دي ما عشان نرتاح نحن صاح، طيب مالك ياحاج،  ابوهو قال ليهو يا خسارة فيك، هسة انا برجعك القرية قبل ما حياتك تدمر،  لؤي قال ليهو انت عارف يا ابوي  ههههة ما بتقدر ترجعني لأنو العيشة هناك صعبة، واكيد ما انت ما بتخلي ولدك الوحيد اتعب صاح، فات الأوان على الرجوع ، انا بقيت لؤي ابن صاحب أكبر الشركات في السودان، واكتر زول مشهور في الجامعة، مستحيل ارجع لنقطة الصفر وطلع غرفتو.......
من جهتي قمت بدري، جهزت روحي واكلت حتى طلعت، وانا في الطريق أتلفت أمكن القى آسر في الطريق بس ما لقيتو، ضحكت بي صوت عالي وقلت اكيد انا في يوم بموتوني بي سبب المنفسن دا، ياخ ما مصدقة انهم كانوا عايزين اضربوني عشان جيت معاهو ☹️لاكن صراحة الشخصية دي غريبة، وغامضة وانا بحب الغموض، اكيد في سر وراهو، حتى انا لاحظت لي شي غريب فيهو ، لو ما كدا ما بعمل حواجز بين الناس، وانا هأكتشف الغرائب دي امكن اموت وانا بكتشف فيهو😹😹 لأنو البنات بكتلوني قبل اعرف اصلا،، وانا بفكر كدا لقيت المنفسن ماشي بي جمبي، واتجاوزني، قلتا ليهو بتلفت من جبيل قلتا أمكن ألمحك، قلتا أمكن غيرت الطريق عشاني،  🙂وقف  عاين لي من فوق لي تحت ومشى، قلتا ليهو انت عارف ما عايزة اعمل مشاكل لي نفسي،  عارفاك هسة بتقول يا ريت لو مشت معاي، لاكن اعمل شنو  انت مشهور شديد ☹️😒 استغرب شديد فيني ومشى سرعة، آسر قال البت دي جابت الثقة دي كلها من وين، من كل عقلها مفتكرة اني قاتل روحي عشان امشي معاها غبية خلاص....... قلتا عليك اللة بعد استفزيتو ما اشتغل بي ، ولا صبح على ساي مغرور، دخلت الجامعة  وانا ماشة لمحت لؤي معاهو اصحابوا، مشيت عليهو وقلتا ليهو لؤي كيف ، قال لي انتي تاني مالك يا بت، قلتا ليهو لؤي كفاية ياخ بطل التمثيلية دي، اصلا لعبتك بقت مكشوفة بالنسبة لي، خلي الهظار..... ماجد قال لي قال مابعرفك لملمي كرامتك وامشي.... لؤي بي برود كدا قال لي عايني طيري من هنا، وانا أشكال زيك ما بعرفها تمام، وما بتشرف اني اعرفها تمام، الكلام القالوا لي دخل في قلبي زي الصاعقة.... في اللحظة دي تالا جات وسلمت علينا لقت الجو مكهرب، لؤي قال ليها عايني لمى صحبتك دي عليك، ومشو من مكانهم.... تالا قالت لي خليك منهم وارح، .... قلتا ليها لي بعمل كدا طيب.. طلعنا ومَشينا قاعاتنا دخلنا  القاعة وقعدنا ، قلتا لي تالا محاضرتك لسة، قالت لي عليها شوية كدا، شلة ناس هيام دخلو وقعدو، سامعة هيام قالت احي انا من الناس الماعندها كرامة، وما بتخجل مشش،، سهى قالت ليها خربت سمعتنا كبنات ، وسمعت قاعتنا وبقتها في الأرض.... قلتا ليهم ما عندي القدرة اني ارد نهائي، تالا مسحت في رأسي.. سامعاهم بتكلموا مع تالا وقالو ليها ما توسخي يدينك السمحات واللينات  ديل، في راعية ابقار، قالت ليهم كفاية ياخ اليديد السمحات ديل بتمسح بيكم الأرض
..... من جهة لؤي كان  شارد وبقول في نفسو  ضميري مأنبني، اني بعمل كدا في صحبتي المقربة بس ما بي يدي، إذا وريتها سببي اكيد بجرحها، 💔وإذا قلتا اني بعرفها سمعتي هتنتهي في الجامعة، واكيد هي زاتها بتحصل ليها مشاكل اخ بس... ماجد ضرب لي الطاولة وقال لي شارد وين في القروية الفقيرة ولا شنو...... رامي ضحك وقال ليهو ما جات الليلة وضايقتك، بكون استسلمت للواقع وعرفت انو ما لؤي البتقدر انو تغشو وتخدعوا..... ماجد  قال لي أمكن دي وحدة من حبيباتوا الكتار وما اتزكرها.... لؤي بي ضحكة مستفزة كدا، وكيف بعرفها من بين مئة بت وإذا انا اصلا ما بعرف كنت أمس مع منو.. كلهم ضحكوا وقالوا ليهو انتا كعب يامان.
من جهتي كيارا دخلت القاعة سلمت على الناس، رفعت راسي جات على وَ قالت لي مالك شكلك دا ما عاجبني، اكيد دا لؤي صاح، هسة بمشي اتكلم معاهو أمس ما لقيت فرصة، مسكتا يدها وقلتا ليها ما مشكلة اقعدي ، تالا قالت ليها مالك اتأخرتي الليلة، عربتك  اتعطلعت، قالت ليها معقولة اكون عندنا عربية واحدة، بس اليلة حبيت امشي ، تالا بي استغراب كدا قالت ليها يوم متين بتحبي تمشي ايواااا، وعاينت ليها، قلتا ليها الليلة جيتي بي رجلينك، عشان تتلاقى مع آسر، وشها حمر طوالي، تالا قالت ليها دايرة تتقربي من الملك الغامض آسر 😅 مستحيل، كيارا قالت ليها لي مستحيل إذا ملاك، قدرت انها تقعد معاهو وتمشي معاهو  لي انا  ما بقدر،  الدكتور دخل تالا قالت لينا انا ماشة نتلاقى بعدين وطلعت، آسر جا داخل والدكتور ما لاحظ ليهو، وقعد في مكانو وختي سماعاتو ، كيارا عاينت ليهو وشها بقى احمر، لاحظت ليها وغمزت ليها، عملت رايحة وقالت لي انتي لؤي عمل شنو لما زعلتي كدا، قلتا ليها نكر انو بعرفني معقولة اكون عمل حادث ونساني، قالت لي نهائي لو عمل كان عرفتا، طيب خلاص قبلي الدكتور بعاين لينا بعدين بحكي ليك....... طلعنا من المحاضرة واتلاقينا كلنا ومشينا الكفتريا وقعدنا في طاولاتنا، بقت حقتنا وما في زول بقدر انو اقعد فيها..... سبأ قالت لي شلتها شوفي القروية بقت صحبت كيارا وتالا، الكريهة المابتستاهل أجمل بتين في الجامعة صاحبتهم مشش، 😒... كانو كلهم مركزين معانا لاكن من دخل آسر كل الأنظار اتحولت ليهو، والبنات ديل اكلو عديل بي نظراتهم، مشي طلب وقعد في الطاولة.... قلتا لي كيارا امشي بادري واقعدي معاهو.. قالت لي جنيتي ولو رفض  قدام الناس موقفي اكون شنو ...... ما بعمل كدا اانتي جربي ..... تالا قالت ليها نهائ ما بنصحك.... قلتا ليها قبل كدا قعدت معاهو لو كان عايز احرجني كان احرجني، وانا اكتر بت سمعتي سابقاني، وهو برضوا ما رفضني، امشي ساي وما تخافي..... تالا قال ليها نهائ ما تعمليها...... شردت مع لؤي الكان قاعد بتونس مع اصاحبو، اتزكرت لما كنا سوا زمان
من جهة لؤي.... ماجد قال ليهم تعبت انا من البنات ديل عايز اثبت على بت وحدة، واعمل علاقة جدية  ياخ.... رامي قال ليهو علاقة جدية كيف وانت كل يوم مع وحدة جديدة.. لؤي قال ليهو في النهاية اي  زول بلقى البت البتخليهو أوقف عن حدو، وتقيدو وتأسرو بي حبها، ما تستعجل ، ماجد لكز لؤي وقال ليهو شوف  البت ديك بتعاين ليك من زمن جينا، ... رامي قال ليهو ياتو وحدة ما كلهم بعاينو لينا.... ماجد قال ليهو ما اكيد القروية الفقيرة... لؤي قال ليهو خليها تعاين ساي الشوف ما بي قروش.... رامي قال ليهو لو قعدت كدا شكلك هتتعب.... قال ليهو بي برود ما مهم.....

من جهة كيارا قالت لي كفاكي ياخ بتعاين ليهو كدا بتاكلي بعد شوية، قلتا ليها اكيد بهظر معاي انا متأكدة..... طيب ارح المحاضرة... خلصنا من المحاضرة كيارا قالت الليلة في مباراة بين الشباب ارح نحضرها، قلتا ليها ارح  لاقينا تالا ومشينا للملعب،  وقعدنا شايفاهم بدو اعملو تسخينات، وتقريبا كل الجامعة موجودة هناك،  بدت المبارة ومن ضمنهم شلة لؤي، وحتى اولاد تانين من مختلف التخصصات، ومعاهم آسر الشي الاحظتو انو آسر دا ما بظهر فيهو التعب نهائ، وهو البسجل الأهداف، وعادي أجرى لفة كاملة حول الملعب من دون تعب، صراحة ازهلني الشخص دا  وحتى كل البنات اعجبوا بيهو وسلطوا الأضواء عليهو، بعد خلصوا المبارة وطلع فريقو هو الفائز... طلعنا وماشين على البوابة كيارا قالت لينا تعالو لي في اليومين ديل، قلتا ليهم اخيرا نهاية الأسبوع عندي شيتات كتيرة، ودورس  ما عارفها خاصة اني نزلت الجامعة لي شهر ونص، وما بقدر اجي، قالت لي فعلا، خلاص يوم تاني ، ودعوتهم ومشيت  آسر جا ماشي وقفتو   قلتا ليهو لعبك سمح، ابهرتنا مبروك عليك الفوز، انت لاعب ماهر شديد ومختلف، عارفاهو ما برد لي عشان كدا ما زعلت وقت سفهني، بس فاجئني زمن قال لي   انا ما عندي حاجة لي زول، وبمجرد ما أدى زول أهمية، أو أركز معاهو، فدا بشيل من وقتي الثمين، ودا عندو معنيين، اما انا مهتمي لي موضوعو، أو انا خايف منو، وللأسف ما عندي مشاعر للأتنين، فشنو احسن انك ما تركزي معاي كتير، ومشى  احترت في الزول دا بس ما ركزت، ومشيت البيت لقيت امي، سلمت عليها ومشيت استحميت وصليت، ومشيت أتونس معاها عشان طولتا منها ا، خدنا ونستا تمام ابوي جا واتونسنا مع بعض استأذنتهم ومشيت غرفتي، شفت البوم الصور دموعي نزلوا،، بي مسافة كدا ابوي جاني، مسحت دموعي قعد جمبي وقال لي مالك ليك فترة ما كويسة قلتا ليهو انا كويسة، قال لي احكي لي انا ما صحبك، قلتا ليهو لؤي قال ما بعرفني عشان كدا زعلانة من كلامو، قال لي يعني لاقيتهو هزيت ليهو راسي بس، قال لي يا بتي لو قلتا ليك بتزعلي قلتا ليهو قول لي عادي، قال لي ذي ما انتي  عارفة ابوهو بقى غنيان، وهو كذالك وعايشين في مجتمع كل شي بالأموال، فلما اعرفو انو هو كان عايش في القرى وعرفو ماضيهو، فأكيد ما بسلم من أصحابو، خاصة انو زول مشهور وعندو شعبية، قلتا ليهو يا ابوي لاكن لؤي ما من النوع دا.. قال لي دا شي طبيعي اذا هو اختار انو انساك فأنتي برضوا  انسيهو ... بعد مسافة كدا قلتا ليهو لا لؤي ما كدا، ابوي اتنهد وطلع، ما قادرة أصدق الكلام دا دا صحبي وانا بعرف ا اكيد ما بخجل من انو كان في القرية، ولا اناصحبتوا  لا ما صاح......في اليومين ديل امي تعبت شوية وديناها المستشفى، وادوها علاجات وبقت احسن بس لازمها متابعة دورية.... قمت من الصباح وجهزت روحي ودعت امي وابوي وطلعت، وانا في الشارع  قلتا اكيد ما في شي تاني بيحصل، كل شي ماشي للأحسن،.... يا الله نسيت الصورة حقتنا عشان اوريها لي لؤي ما مشكلة بكرة بجيبها  ، وانا ماشة لاقيت كيارا وتالا بالعربية نزلوا سلموا علي، . وركبتا معاهم قالو لي اديني رقمك قلتا ليهم ما عندي تلفون، بس اكيد في الأسبوع دا ابوي بجيب لي واحد، ونحنا ماشين لمحنا آسر في الشارع قلتا بي ضحكة كدا شنو رايكم نركب آسر معانا، كيارا قالت فكرة، ونحن بعيدين من الجامعة حتى لو رفض ما مشكلة، قلتا ليها بهظر معاك عشان بس اوريك انو جينا بي جمبو، كيارا وقفت السائق... تالا قال البت دي جنت واللة، كيارا قالت لي هأتشجع المرة دي واقول ليهو وما بخليهو الا اركب معانا، آسر جا ماشي كنا منتظرين كيارا تفتح خشمها بس شجاعتا مشت مع الهوا 😹😹قلتا ليها يلا قرب ابعد قالت لي ما قدرت قلتا ليهو هي يا منفسن، يا متوحد كيارا بتتكلم معاك، قبل على وقال لي بي عصبية كدا جنيتي انتي ولاشنو، كيارا قالت لي عملتي شنو يا بت، قالت لي دي فرصتك  اتكلمي قالت ليهو بس غباء كدا، ممكن نوصلك معانا الليلة، قال ليها ما ممكن ومشى، قلتا ليها شوفي المتخلف دا مالو برد لينا بأخر نفس، كيارا وهي فرحانة اتكلم معاي واي ما مصدقة دي اول مرة تحصل  😍تالا قالت ليها البفرحك شنو وهو رفض انو نوصلو 😗قالت لينا مع ذالك انا فرحانة وانتي يا ملاك تاني ما تقولي ليهو منفسن ومريض والا هتندمي لو سمعك زول... المهم دخلنا الجامعة وانا بشوف في لؤي وبتبعو بي نظراتي، حتى في المحاضرة لما كان قاعد مع شلتو برة كنت مركزة معاهو، بس آسر كان قاعد جمب الشباك قلتا ليهو ممكن تزح لي شوية  قال لي كلمة وحدة وبرميك فيهو  بقيت بس بعاين بي برة الدكتور لاحظ لي وقال لي يا طالبة عندك برة شنو هيام قالت ليهو قعدة تحلم انتها تبقى غنية دا كلو وانا ما مركزة الدكتور قال بس صوت عالي يا طالبة انتبهت وقلتا ليهو أسفة.... بعد طلعنا ملاك قالت لي ارح نطلع نمشي مكان قلتا ليهم ما بقدر واللة عندي دراسة فوق لي راسي امشوا انتو قالت لي تمام وطلعو
 اما انا دخلتا قاعتنا تاني وكانت فاضية فجأة  قبلت كدا واشوف ليك آسر قاعد جمبي ما قدرت اصرخ من الخلعة ووقعت بالكرسي قمت اتنفضت قلتا ليهو ما ممكن تخوف بشر بالطريقة دي، كأنو ما عندك رجلين اعمل حركة على الأقل انت شبح ياخ ما اتكلم معاي قلتا ليهو من الأدب إذا زول اتكلم معاك ترد ليهو ، ولا قال لي بتقولي في شنو بس، شكلو بفش في الإدراج قلتا ليهو ثواني عايز تسرق حاجة 🙂اسرقها ساي ما بوري زول، عاين لي كدا وقال لي انتي مالك مزعجة كدا صدقيني في يوم بقطع حبالك الصوتية دي، عشان نرتاح منك، قلتا ليهو طيب بتفتش في شنو قال لي هو زهج من كلامي واسوارتو وخاتموا بقو لونهم ازرق، انتي ادري مني في حاجاتي،  قلتا ليهو ثواني كدي يدك وااااو، اول مرة اشوف اسورة  وخاتم بتتلون  براهم  ثواني بتفتش في دا، كتاب متوسط كدا شالو مني، وقعد في الكرسي، الاسورة  رجعت طبيعية،، واي مبالغة بقت عادية، قال لي اسكتي وقفلي خشمك تمام،  قعدت وشلت الشيت وكل مرة بعاين ليهو، لاحظ لي وقال لي بتعملي في شنو قلتا ليهو اسفة وفي وشي ابتسامة شك كدا،  بس حاجة غريبة بالنسبة لي، اسوارتو وخاتمو بقى لونهم بنفسجي عاين لي  بي استغراب كدا عاينت لي يدنو طوالي دساها مني.... بعد فترة كدا خلصت من الشيت وقمت لملمت حاجاتي، وقلتا ليهو ما ماشي سفهني، قلتا ليهو انتا عارف غلطانة انا 😒وطلعت لقيت الزمن اتأخر شديد، جاني خوف كدا رهيب خاصة اني ما بقدر امشي براي،  واكيد المنفسن دا ما بوصلني احسن اتكل على اللة وامشي، حصلت البوابة وطلعت منها بس خفت قلتا اقيف لما آسر اطلع، وما عدا دقيقة وطلع لقاني، قلتا ليهو آسر  ارح نمشي مع بعض لأنو الزمن اتأخر، وانا اكيد ما بتكلم ونهائي ما بزعجك، قال لي عايني انا ما ناقصك تمام، عايزة تمشي امشي لاكن ما معاي، عاينت ليهو في عيونو وقلتا ليهو تمام شكرا ليك ومشيت، طول الطريق وانا خايفة ويدعى، لأنو المغرب إذن والواطة، خلاص ضلمت،  آسر جا ماشي بي جمبي وبقي ماشي قدامي قلتا ليهو غيرت رايك ما اتكلم معاي، لما حصلنا لي مفترق طرق قلتا ليهو شكرا ليك لأنك وصلتني، عارفة بيتكم بالجهة التانية، قال لي ومنو القال ليك اني وصلتك، ومشى بي اتجاه، قلتا مغرور خلاص حصلت البيت ولقيت امي وابوي مقلقين شرحتا ليهم سبب تأخري حتى هدو.......
من جهة آسر وهو بطبخ لي نفسو، قال  البت دي مالا مزعجة كدا، وقربت تكشفني ما حصل مرة بت عملت زيها كدا، ولو حصل دايما بتجاهلها وطوالي بتكسر الحنك، بس دي مصرة بن غريبة خلاص حتى التجاهل ما نفع معاها، دا شنو الحظ دا، وجاتني من وين بس.....
من جهة كيارا جات داخلة البيت المغرب، بعد سهرتها هي وتالا،  غيرت وقعدت في الحديقة حقتهم لما الساعة عملت ١٢ سمعت صوت عربية لؤي، وطلعت ليهو ، قالت ليهو كنت وين بتتسكع مع منو، قال ليها حصل مرة سألتك يا فردتي، قالت ليهو دا ما موضوعنا، موضوعنا عن ملاك قالت بتعرفك، لؤي وهو متوتر قال ليها معقولة صدقتيها هي و كزبتيني انا ، قالت ليهو ملاك بت مسكينة وطيبة وعلى نياتها خليك واثق مني واحكي لي ويعني إذا بتعرفعها صارحني، لؤي كان على وشك انو اقول ليها لأنو ضميرو مأنبوا بس في آخر لحظة ابوهو طلع، وقال ليهو كنت وين بس لما شاف معاهو كيارا قال ليهو ايوا كنتو بتدروسو صاح، عاينو في بعض  كيارا قال بس نحن ما..... لؤي سكتها وقال ليهو اي كنا بندرس مع بعض، 😅ابوهو قال ليهو برضو ما تتأخروا تاني، لؤي عاين لي كيارا وقال ليها المرة دي انغذتيني يا فردتي كيارا قالت ليهو ما تتعود واي زول مشي بيتو .....
من جهتي دخلتا القاعة متأخرة، هيام قالت لي الفقراء ما بحق ليهم اجو متأخرين، قلتا ليها حلمتي بي ولاشنو الليلة،، سهى قالت لي بتقدري تنومي كيف بعد وسختي سمعتنا وسمعت قاعتنا، قلتا ليها ما تتموضعي بي لاني ما ناقصاك، سبأ قالت لي اهلك ما علموك انو لما الملوك اتكلمو الخدم اسكتوا، قلتا ليها بي ثقة كدا معليش انا ما خدامة زول، و شكلك كدا موهومة انا زاتي دافعة قروش زيك كدا، يعني نحن متساوين على فكرة،.. . سبأ قالت لي إياك تقارني نفسك معاي تمام، كيارا قالت لينا خلاص كفاية ما بتزهجو كل يوم نفس السيرة، قلتا ليهم خليهم اتكلمو اهانتهم فخر لي، هيام قالت نععم.... قلتا ليها في زول قال لي لما زول اهتم لي موضوعك، معنا هو فخر بالنسبة  ليك، أو بخاف منك عشان انتي احسن منو فشنو قولي العايزاهو ومشيت قعدت في مكاني...
آسر كان قاعد وسامع الحوار، قال متين انا قلتا ليها انو الإهانة فخر ☹️البت دي عندها عقل ولا ما بتفهم؟؟

ليتنا نملك في حياتنا حق الإعادة
إعادة لحظة   إعادة شعور ضحكة
لو كان بإمكاننا إعادة الحياة بأكملها لفعلنا
وجعلنا  الزمن يتوقف عند ما نريده
لا نريد أن نكبر أو ننضج
نريد أن نبقي بذات النقاء بتلك البراءة
نريد استعادة سعادتنا من جيوب الحياة القاسية💔
•••••••••••••••••••••••••••••••••••••••••••••••••••••••••••

 

#فقيرة~في~عالم~الاغنياء《05》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 سلمت لي و قعدتا وقلتا ليها  واي انا على كترة شيتات عايزة قراية، واكيد ما بخلصها وفي وحدات ما اشتريتهم، قالت لي بتلحقي يا زولة، قلتا ليها أمس كيف كان يومكم قالت لي اسكتي بس، وبدت تحكي لي لما طلعت وهي وتالا، قلتا ليها أمس اتكلمت مع آسر عن المباراة قالت لي بي غيرة كدا انتي دايما محظوظة معاهو، اخدنا المحاضرة ........وانحنا في الكفتريا كيارا بتعاين لي آسر وانا بعاين لي لؤي، تالا قالت لينا كفاية ياخ ديل شنو ديل، قلتا ليها عشان ما عندك زول بتعايني ليهو، قالت لي بي ثقة كدا ما انا البعاين الزول هو البعاين لي😏كيارا قالت ليها خلي الغرور كنت زيك كدا، وهسة واقعة وقعة فظيعة، في الحب صدقيني لما تقعي في الحب بذكرك بي كلامك دا.... قلتا ليها على الأقل انتو جميلات، وبلتفتو الانتباه كيارا بي زعل كدا الفايدة شنو إذا انتي جميلة، والناس معجبين بيك، والشخص الانتي عاجبك ما معبرك ..... كان لؤي كل ما التفت اعاين لي، بلاقيني بعاين ليهو، قبلت على كيارا وقلتا ليها نسيت عندي ليك خطة تتقربي بيها من آسر، من دون ما زول اعرف، كيارا بي فرحة كدا بالجد اها احكي، قلتا ليها أمس لما كنت قاعدة في القاعة، جا راجع بعد ما اوهم الناس انو طلع، بقعد  بقرى للمسا دي فرصة ذهبية ما تفوتيها، كيارا بي حماس وصوت عالي، يا ملاك انتي عسل واللة والأفضل كمان،  كل الناس ركزوا معانا بس ما اهتمينا بيهم، قلتا ليها استغلي الفرصة سمح وما تدسي زي الحمامة الدقتها  مطرة 😂،....... .

 بعد لبسنا الابكوتات ودخلنا المعمل،  كيارا بي إعجاب  قالت لي شوفي آسر حلو كيف بالابكوت🤩  قلتا ليها بي تردد كدا كنت عايزة أسألك عن حاجة عنو، قالت لي  في شنو، قلتا ليها  انتي بتعرفيهو اكتر مني، ما لاحظت لي شي غريب فيهو، مثلا اسوارتو بتتلون او حاجة غريبة فيهو، قالت لي لأ ما لاحظت نادر ما اركز معاهو، قلتا ليها ايواااا، بكون دي أشعة الشمس بس مافي شي مهم ..... الدكتورة قالت لينا ركزو معاي انا بقسمكم لي مجموعات، واي مجموعة بديها سنمار عن الحاجة البتتكلم فيها، دا أسهل شي بس الشي الصعب انو انتو هتعملو نموذج عنو، وموضوعنا بتكلم عن التشريح و عن الأعضاء المهمة، ودا بسهل عليكم معرفتو بشكل دقيق اكتر،   هيام قالت اوف يا خ لاكن يا دكتورة دا ما شاق علينا، وبعدين كيف نقدر نعمل منو مجسمات، الدكتورة قالت لينا استنادا للبنقراهو لازم نطبقوا،  وبعدين ما حاجة صعبة ممكن تمشوا المعامل وبتلقوا اي شي لازمكم هناك، سهى قالت شنو رايكم نضم القروية معانا عشان نديها الشغل كلو، قلتا ليهم مستحيل في احلامكم، كيارا قالت  لي نحنا مع بعض وممكن نضم آسر معانا، .... الدكتورة قالت لينا انا البقسمكم قالو شنووو.... سبأ قالت ليهم دا منو المحظوظ البكون معا آسر في نفس المجموعة، ، الدكتورة قالت في اتنين في المجموعة هيكونوا سوا وديل عليهم أسهل شي، وضح ، بدت تقسم أربعة أشخاص في مجموعة، سهي، هيام كيارا، مؤيد)، (سبأ، مجد، مهاد، احمد)، وتاني كم مجموعة كدا، الدكتورة قالت فضلوا طالبين ملاك وأسر، انتو عليكم الجزو الأسهل وهو الهيكل العظمي لجسم الإنسان، وكدا اي زول اخد نصيبوا، البنات كلهم اعترضوا كيف انا اكون مع آسر في نفس السمنار،  كيارا قالت  ما ممكن نغير، الدكتورة قالت لأ، قلتا ليها لاكن يا دكتورة...... آسر قال انا ما بعمل معاها بعملو براي..... في بت قالت ايوة دا هو الملك البنعرفوا.... هيام قالت كيف قدرت الدكتورة الغبية انو تقسم الفقيرة دي مع الملك مستواه عالي، بس هي متدني لي درجة اوووف دا ما عدل ..... الدكتورة قالت اي زول اغير من مجموعتو أو يعترض عليها برسب، علما بي انو السمنار دا من ٥٠ يعني اذا ما اتعمل وما أتقدم اعتبروا روحكم روسوب في مادتي وإلى الأبد ، معاكم اسبوعين بس وطلعت...... قلتا دا ظلم.. هيام قالت وكمان اسبوعين الدكتورة دي جنت ولاشنو.... كيارا وهي زعلانة هي قايلنا علماء بكره الدكاترة ديل اوف..... طلعنا كلنا من المعمل قلتا لي كيارا ثواني وبلحقك.... آسر قال  الدكتورة دي تختنا مع بعض، ما  كفاية اني قاعد معاها ومتحمل همجيتها وازعاجها لي، دايما بتورط معاها..... مشيت لحقت آسر قلتا ليهو انتظر دايرة اتكلم معاك في المشروع ... قال لي ما بتفهمي انا ما بعملوا معاك قلتا لاكن كدا ما برسب قال لي كلامي واضح..... قلتا ليهو اسمعني يا آسر المشروع دا بنعملو رضيت ولا لأ، انا ما برسب بي سببك، نتلاقى بكرة تمام ومشيت خليتو غياظ خلاص...... قال البت ما نصيحة احسن ابعد منها.......

. في اليوم التاني جيت داخلة الجامعة لقيت لؤي ومعاهو أمير، مشيت سلمت عليهم،  أمير قال لي انتي ملاك بقيتي حببيبتو ولاشنو،  لؤي حمر ليهو وقال ليهو مستحيل  وانتي تاني ملاحقاني مالك..... قلتا ليهو انتظر فتشت الصورة ما لقيتها قلتا ليهو نسيت الصورة لأني متأكدة انك دا انت...... أمير قال ثواني بس  انتي كيف بتعرفيهو ولؤي ما حصل مرة مشي القرية، وطول حياتو عايش في العاصمة.... لؤي كان خايف اني اتكلم وافضحوا قلتا ليهو لأنو.... تالا جاتني وقاطعتني وقالت لي تعالي معاي، جرتني ومشينا .... لؤي وهو بتنفس بي ارتياح كدا ارح خليك منها، ... أمير قال ليهو وهو بعاين اتجاهنا، البت دي جميلة ورقيقة، لؤي قال ليهو قصدك منو، قال ليهو غيرها في منو الهسة دي، لؤي قال ليهو فعلا ملاك جميلة بس هي ما بتعرف الشي دا... أمير بي صدمة كدا شنووو😹انا قصدي البت النادتها، الدخل ملاك هنا شنو 🙂لؤي قال ليهو قصدك تالا ههههه عشان هي بس ملاحقاني اليوم كلو، ما تستغرب لو ناديتك بي اسمها، احم احم يعني تالا  قصدك، قال  ليهو ايوة بتعرفها... قالتا ليهو طبعا بتدرس معاي في نفس القاعة، غريب انك ما بتعرفها مع انك طوالي بتجيني في القاعة....... دخلت القاعة وقعدت  لقيت آسر قتا ليهو فكرت كيف ننجز المشروع، وما تقولي ما بعملوا معاك، ما بهمك إذا رسبنا، كدا  يا آسر رجاءا... قال لي ممكن تسكتي..... حمرت ليهو بس، كيارا جات داخلة سلمت على وقعدت اتكلمنا شوية، وقلتا ليها بعدين نمشي عشان اشتري الشتات لاني ما بعرفهم كلهم قالت لي تمام.... خلصنا المحاضرة...... قروشي الكنت بوفرها لي زمن بعد جوع، ومشى بي الرجلين، كفت اني اشتري الشتات كلها ما عايزة اكلف ابوي اكتر من كدا ..... عدوا أربعة يوم وانا بحنس آسر للمشروع بس رفض رفض قاطع، وكنت دايما بحاول اتكلم مع لؤي بس هو مستمر انو انكرني.....

. قعدنا في حديقة انا  وكيارا، كيارا قالت لي اتكلمت مع لؤي وقال انو ما بعرف، اتأكدي من صورة صحبك، أمكن شبهتيهو، قلتا ليها كأني مهتمة اني أجرى وراهو بدون سبب، انا ما عندي شغلة بالاولاد السمحين ولا غيرو، مزعلني انو هو قال ما بعرفني...... في مجموعة من البنات كانو بتكلم وبرمو في الكلام، زي كل مرة وبيقولوا على كلام فارغ وجارح، كنت عايزة اقوم واتشاكل معاهم بس كيارا قالت لي ما تشتغلي بيهم، تالا جانتا وقعدنا مع بعض  كيارا قالت لي نسيت لسة آسر ما رضي انو تبدو المشروع، قلتا ليها لسة... تالا قالت لي انتو في نفس المجموعة، حظك واللة..... كيارا قالت لي ممكن اقعد بدلك في المحاضرة الجاية، عاينت ليها وفي وشي ابتسامة شك كدا قلتا ليها طبعا، عايزة ترمي شباكك يا مفتحة قالت لي  اجرب واشوف، اخدنا ونستنا واي زول مشي لي محاضرتو،

 قعدنا بعد مسافة كدا جات داخلة دكتورة كدا جميلة شديد، قالت لينا انا دكتورة  سمر، وانا اول مرة اشتغل تدريس يعني  مساعدة تدريس للمادة حقتكم، و بالإضافة لي اني استشارية ومحللة نفسية  تمام، البنات والادولاد بدو اتكلمو وأعلقوا كيف انها جميلة، لاكن بالجد هي جميلة شديد، الدكتورة عاينت لي كل القاعة وقالت في حالات كتيرة للحب موجودة في القاعة دي، ولسة ما اتجمعت... قبلت لي كيارا وقلت ليها فاهمة حاجة قالت لي لا اول مرة اشوفها حتى كلامها غريب، عاينت لي آسر لقيت اسوارتو وخاتموا بقى لونهم  ازرق ازرق شديد، وشكلوا مصدوم من  كلام الدكتورة  وعاين ليها بي زهج شديد حتى انو كان بمشي يدينو في وشو بي زهج كدا، في نفسي قلتا معقولة بعرفها لأنو هو الوحيد الشكلو زهجان، تاني قلتا انا مالي بيهو   عاينت لي كيارا شكلها ما ركزت مع خاتموا واسوارتو..... الدكتورة ادتنا المحاضرة في النهاية  فاجأتنا، لما قالت لينا عايزة اديكم لمحة بسيطة عن العلاقات، خاصة انكم ناس في بداية عمركم ادتنا نصايح كتيرة عن العلاقات، والحب والاعترافات، واختيار الشريك الصح، وحاجات كتيرة، كلنا كنا مركزين معاها، في النهاية ختمت كلامها وقالت الزول المكلف بالحاجات دي، لازم انو ينفذها بي إخلاص وتفاني، وكونوا انك تجمع  بين شخصين ما حاجة ساهلة، ومن الأفضل لما اجي المرة الجاية القى عدد الناس البحبو بعض بي صدق كتار، والناس البحاولو اخفوا أو ادسوا مشاعرهم قلو، وإلا في زول هيكون في مشكلة، قالوا ليها اكيد يا دكتورة سمر ... الدكتورة عاينت لي آسر ولقتوا راقد في الطاولة، أشرت لي كيارا انها تقوموا ، كيارا قومتوا وعاين ليها د/سمر : وفي وشها ابتسامة وقالت لي آسر، الكلام دا بنطبق عليك ما تحاول تخفي مشاعرك، لاحظت انو كل العيون بتحوم حولك، أدى نفسك ومشاعرك  فرصة تانية، إذا فشلت مرة دا ما بيعني انك هتفشل في كل المرات، على العموم  اتمنى انك تلقى شريكتك المناسبة ليك، قبل اجي المرة الجاية لأنو بتكون خسارة لينا كلنا وخاصة انت وطلعت..... كلنا كنا مزهولين ومصدومين من الكلام القالتو الدكتورة...... كيارا قالت لي قصدها شنو الدكتورة دي، بانو أدى نفسو ومشاعرو فرصة تانية، قلتا ليها أمكن هو بحب ليهو واحدة، دا التفسير الوحيد غايتو، وانتي  ما لاحظتي لي انهم زي البعرفو بعض.......

من جهة آسر وهو ماشي على البيت، لقى دكتورة سمر قداموا قال ليها عملتي شنو لي الدكتورة الأصلية، قالت ليهو بي ابتسامة باردة ما تخاف هي كويسة، أديتها اجازة صغيرة كدا، قال ليها دايرة مني شنو، قالت ليهو شكلك نسيت قوانين مدرسة الحب،  في عالم ايكادولي❤️  لاكن ما مشكلة انا بزكرك ليها  من المفترض انك تنشر الحب الصادق،  بدون اي تأخير وبي كل الطرق،  وصلنا بيان انك ما سجلتا حالات كتيرة،  ودا بدل على انك ما مهتم بي الحاجة دي، وبالتأكيد بشكل خطر عليك،  قال ليها ياخ انا زهجت من الشغل دا، وبعدين لسة ما اتحكمت في قدراتي، قالت ليهو لو كنت عايز كان اتحكت بيها، قال ليها لوسمحت تاني ما تجي الجامعة، أو تعالى لاكن ما تدخلي القاعة حقتي وترمي في كلامك المبهم دا، قالت ليهو إذا أنت ما حابي الشغل دا انت بتقدر تتحرر منو، لازم تلقي حبك  قال ليها بي زهج كدا  في حياتي ما في وجود للحب، ومنو اصلا البتحبني دي، قالت ليهو كلهم  بحبوك، قال ليها بس دا ما حب حقيقي،  قالت ليهو  انت ما بتعرف الحب الحقيقي الا اذا وريت الطرف التاني حقيقتك،  وشوفت ردة فعلها، قال ليها بي استهزاء كدا، فكرة ممتاذة  وكأنو في بت مجنونة بتحب ليها كائن فضائي، من عالم موازي،  قالت ليهو بي زعل كدا من الأحسن انك تلغي الأفكار دي من راسك، والا بتتعاقب المرة الجاية، واختفت من قداموا..... اتنهد بي تعب كدا وقال احسن اني اتعاقب من اني افتش في حاجة، انا ما مؤمن بيها  ومستحيل ألقاها في يوم........

من جهتي دخلتا البيت بعد يوم طويل وانا بزاكر في غرفتي ابوي جاني، واداني كرتونة كدا قلتا ليهو دي شنو قال لي افتحيها، فتحتها لقيتو تلفون راقي وشكلو حلو، قمت حضنتو وبستو في راسو، قلتا ليهو ما كان تتعب نفسك، قال لي دا باقي المرتب ما تشيلي هم، اصلا فكرت فيهو من يوم اتأخرتي باليل عشان لو حصلت حاجة تضربي لينا، قلتا ليهو دا شكلو غالي شديد قال لي ما يغلي عليك، هسة انتي نومي وما تساهري تمام، يلا تصبحي على خير.. وانت من اهلو، اتفحصتو كدا ورقدت نمت....... تاني يوم قمت من الصباح عملت روتيني والمرة دي ختيت الصورة في الشنطة، كل مرة بنساها لاكن المرة دي بنتواجه انا وهو، وخلي انكرني دخلت الجامعة و وطوالي على قاعة لؤي.... مشيت قعدت في مكانو، تالا جات سلمت على قالت لي بتعملي في شنو هنا، جيتي تتكلمي مع لؤي تاني😢  قلتا ليها ايوة وما ماشة الا افهم منو... قالت لي بي خوف كدا ما بنصحك، قلتا ليها ما تخافي على، قاعدة وكل ناس القاعة بتوسوسو،  ناس لؤي جو، ماجد قال لي لؤي كشف كيف اتجرئت وقعدت مكانك البت الغبية دي،   لؤي قال ليهو ما فهمتك، قال ليهو عاين مكانك، لقاني قاعدة مكانو جاني مندفع ومصعب قال لي بتعملي شنو هنا، ومنو السمح ليك تقعدي في  مكاني قمت قلتا ليهو اتأخرتا كنت منتظراك، وما تعلى صوتك على ممكن نتكلم برانا لوسمحت، رامي قال لينا في شنو بيناتكم لما دايرين تتكلموا فيهو براكم، من دون ما نسمعكم، لؤي قال ليهو بكون في شنو بيني وبين القروية دي، تالا قالت لي ملاك الدكتور دخل قاعتكم قلتا لي لؤي نتلاقى بعدين  قال لي تاني ما تجيني هنا كويس عاينت ليهو وطلعت  ماجد قال ليهو لي مصرة انك بتعرفها  لانو الموضوع زاد عن حدو  لؤي قال ليهو فعلا بس انا بحسم الموضوع دا.....

دخلت القاعة لقيت الدكتورة خشت استأذن منها ومشى قعدت مكاني كيارا اتلفتت على وقالت لي كنتي وين قلتا ليها كنت في قاعة لؤي عايزة اتكلم معاهو بس الدكتورة دخلت كيارا قالت لي لسة ما عايز اتكلم معاك قلتا ليها للأسف، رجعت لي ورا  سمعت زول قال انتي ما لاحظت لأنو هو بخجل من صداقتك ليهو معقولة لسة ما فهمتي الموضوع   عاينت لقيتو آسر قلتا ليهو بي غضب كدا   نعمم قال لي بي برود كدا انتي غبية ولاما بتفهمي الموضوع واضح وضوح الشمس ولا حابة تسمعيهو من خشمو ضربت الطاولة كلهم ركزوا معانا اعتزرت من الدكتورة وقلتا ليهو وانا زعلانة لؤي ما من النوع دا ما تسئ بيهو الظن عرفتا كيف  بتقري الأفكار انت ولا مخلوق فضائي وريني عاين لي واسوارتو وخاتموا بقوا لونهم ازرق  قلتا ليهو تاني اسوراتك وخاتمك اتلونو طوالي دساهم مني وقال لي عاجلا أو آجلا بتكتشفي الحقيقة وقبل مني.... كيارا كانت بتحاول تسمعنا بنقول في شنو بس كان في جوطة في القاعة  قبلنا عليهو وقلتا ليهو يا آسر متين بننجز المشروع ياخ عارف انو مشروع مصيري لينا  ولازم ننجزو بي سرعة آسر ضرب الطاولة بي كل قوتو وقال لي مية مرة قلتا ليك لأ خلاص اسكتي   الدكتورة عاينت لينا وقالت لينا الاتنين برااا   سهى قالت كيف تطرد الملك جنت هي ولاشنو  قلتا ليها بس يا دكتورة انا ما عملت شي آسر قام شال حاجاتو وطلع برة   الدكتورة قالت لي انتي برااا طلعت ولحقت آسر ...... هيام قالت  لو طردت الفقيرة مالو هسة الملك دا زنبو شنو  سبأ قالت ليها خليها على ملاك الفقيرة دي كما انتقمتا منها اصلي ما برتاح........ مشيت لحقت آسر  ناديتو ما اشتغل بي وطلع فوق لي اخر سطوح لحقتو وانا زعلانة وغضبانة منو عشان طردوني بي سببو بس اول ما حصلت السطوح وعاينت لي جمال الجامعة من تحت نسيت اي شي وقلتا واو مبالغة لاكن الجامعة من فوق جميلة شديد قال لي غبية قلتا ليهو غبية منو انا انت مالك معاي اول شي طردوني بي سببك وتاني شي ما دايرنا نعمل المشروع  البي سببو ممكن نرسب  ياخ انت مصنوع من شنو برودك دا اكتر من برودة تلاجتنا قال لي كلمة وحدة وبرميك من هنا ابتسمت ليهو بي ثقة كدا وقلتا ليهو معليش بس ما انت البتهددني جا على بي سرعة ولزاني ومسكني من يدي وخطوة وحدة بتفصل بين الحافة عاينت ليهو بي ثقة كدا وقلت ليهو لو انت لو جادي ارميني انا منتظراك  اسوارتو وخاتموا لونهم بقى ارجواني لون الفضول بتكلم مع نفسو قال البت دي هي بالجد ما خايفة ولا بتتظاهر غريبة شديد اي زول مكانها كان خاف وشديد كمان .... لاحظت لي يدينو وقلتا ليهو مبالغة لون ارجواني انت ظاهرة ولا  معجزة ولاشنو طوالي سحبني لي جوة وقال لي اتخارجي من هنا سرعة  عاينت ليهو وقلتا ليهو غبي خلاص وبارد يا ريت لو ضموني لي مجموعة  هيام على الأقل كنت ما برسب ونزلت تحت

بعد مسافة كدا كيارا جاتني وقالت لي اها الحصل شنو كنت منتظرة المحاضرة تنتهي عشان اعرف قلتو شنو والحصل شنو   قلتا ليها انتي ما لقيتي ليك زول احسن منو  انسان بارد المشاعر وما بهتم لي زول كنت بحاول اتكلم معاهو واقنعوا بالمشروع بس رفض اتكلم معاي  قالت لي انتي كيف بتتكلمي معاهو عادي  كدا عليك اللة علميني قلتا ليها الموضوع ما محتاج تعليم انتي بس لو حاولت تتكلمي معاهو اكيد ما بسألك صاح هو يتجاهلك لاكن لو اصريتي اكيد  بتوقيعيهو  قالت لي بتعتقدي كدا قلتا ليها طبعا....... اتلاقينا مع تالا ومشينا الكفتريا ،
قمت مشيت ناحية طاولة لؤي في ولد قال لازمنا مستشفى للأمراض العقلية لأنو في وحدة جنت على الآخر  ما اهتمت ليهو وقلتا لي لؤي ممكن نتكلم قال لي ما اظن في شي ممكن نتكلم فيهو أو اجمعنا مع بعض  ختيت يدي في كتفو وقلتا اكيد في شي بجمعنا  خلي المقلب ولا البتعمل فيهو دا لأنو بقى مسيخ..... سامعة في بت قالت في شنو بين القروية ولؤي  وبت تانية قالت ليها  ما في اي شي عايزة تفتري على لؤي عشان سمعتو...... لؤي قام فوق ومشى لحقوا ماجد ورامي... طلعت وراهو وراي تالا وكيارا لقيتو  وناديتو حصلتو قلتا ليهو ما تميت كلامي  قال لي بي حدة كدا انا ايازولة ما بعرف وما بعرف اشكالك قلتا ليهو بي ثقة كدا لي ما بتعرف اشكالي ما كنت واحد مننا ...... رامي وماجد عاينو لي بعض وقالو شنوو في اللحظة دي أمير  جانا وقال لينا في شنو ما لاقيتكم في الكفتريا لقى الجو مكهرب  وسكت ....... قلتا  لي لؤي كنتا مفتكرة انو انت طلبت من ابوك انو ادخلني الجامعة  لؤي بي صدمة كدا شنووو.....، كيارا وتالا قالو لي ارح خلاص قلتا ليهم ما بمشي من هنا مالم أوضح كل شي لأني بصراحة كدا اكتفيت من البحصل دا ....... بتقولي في شنو انت  كلهم قالو فعلا لأنو ما منطقي انها تدخل الجامعة دي بدون واسطة كبيرة   رامي قال كلامها منطقي كيف معناة ابوك هو الدخلها واتوسط ليها  أمير قال لي لؤي ممكن تفسر لينا  ...... لؤي قال ايواااا اتزكرت... قلتا ليهو وانا راسمة ابتسامة  واخيرا   الطلاب كلهم اجتمعوا حولينا وبدر اصورونا  في بت قالت معقولة طلع بعرف أشكال زي دي البت التانية قالت معقولة مستواه أدنى لي الدرجة ياااي .......

لؤي عاين حولينو ورسم ابتسامة باردة كدا ايوة اتزكرت انتي بت الراجل الكان بشحد  ابوي صاح💔 قلتا ليهو وانا منططة  عيوني  شنوو بتقول في شنو انت  قال لي المفروض اعرف من البداية انو  دي انتي طلع محفظتو وقال لي ما كفاكي انو ابوي دخلك الجامعة المرموقة دي بس تاني شكلك عايزة حاجة تانية مثلا شيك بي مبلغ كبير عشرة مليون..... البنات بدو اتكلمو طلعتي   فقيرة متسولة وقروية انتهازية        لؤي عاين لي وقال  طيب  عرض تاني خمسين مليون💔 ما عايزة صاح  ما مشكلة طيب عرض مغري شديد  ممكن تقضي ليلة معاي رايك شنو💔 لاكن بعد تعملي سنفرة كاملة    كلهم كانو بضحكو على  في اللحظة دي في للحظة دي بالزات قلبي تتحطم لي مية قطة لأ ما مية مليون قطعة💔 عاينت ليهو وانا بتزكر طفولتنا وكيف كان بخاف على من أي شي بس حاليا اتغير مية وثمانين درجة القروش غيرتو لي درجة اهيني بالطريقة البشعة  دي جمعت قوتي كلها وضربتو كف  في اللحظة ديك عم الصمت المكان وكل الناس اتصدمت وأولهم لؤي قلتا ليهو بي هدؤ وانا دموعي بتجري  انت عارف كان المفروض اني اتوقع حاجة زي دي من البداية كل الناس قالو لي انو القروش بتغير الإنسان بس ما صدقت انت عارف يا لؤي انا اسفة على أي شي اسفة لاني ازعجتك واسفة على كل كلمة قلتها ليك اسفة على اني في يوم لاقيتك واتكلمت معاك اسفة على الازعاج الأنا عملو ليك وأني خدشت شهرتك في الجامعة  دا ما انت لؤي صحبي انا عندي مرض بعاني منو  وهو اني  بشبهة الناس  مع ذالك الكلام القلتو عني وعن ابوي ما بنساهو لما اموت انا بكرهك بكرهك شديد💔 واسفة مرة تانية طلعت الصورة حقتنا انا ولدن ولؤي وشرطها وختيتها ليهو في يدو  قلتا ليهو دي هدية اعتبرها اعتزار مني 💔 ومشيت على سطوح الجامعة....

كيارا قالت لي لؤي كنت قايلاك راجل مهما زول ازعجك ما بتزلوا بالطريقة دي... رامي قال ليهو ما تشتغل بيها نحن فخورين بيك.... تالا قالت ليهو انت واحد عديم احساس وما اكتر من كدا  ولحقوني
من جهتي مشيت السطوح وقلتا ما ببكي انا أقوى من كدا هو اختار انو اطلعني من حياتو  وانساني وانا كمان بعمل نفس الشي بس عمري ما هأسامحو نهائ بقدر اطلعوا من حياتي بس كيف اطلعو من قلبي  ناس كيارا جوني واعتزرت لي قلتا ليها دي غلطتي انا دايما كنت بحاول اني الحقوا وازعجوا  تالا قالت لي مع ذالك ما المفروض اقول كدا بي عملتو دي الجامعة كلها بتنقلب ضدك تاني قلتا ليها ما مهم انا ما بسمح ليهم كيارا قالت لي حسيت كأنو دا هو لؤي صحبك قلتا ليها وانا بصنع ابتسامة انا عندي مرض بعاني منو من صغيرة إذا  طولت من زول فترة طويلة ولقيت في زول نفس المواصفات فأنا بعتقدو دا هو تالا قالت لي مرضك دا يوم بقتلك  عديل امشي لي طبيب نفسي  قلتا ليها  كويس😅

من جهة لؤي مشو الكفتريا وقعدو رامي قال ليهو كويس انو الكف ما عمل إثر ماجد قال ليهو ههههه انا متأكد انو بعد عشرة يوم بس بتتحول من الجامعة  أمير قال ليهم كفاية وانت كأنك عملت شي سمح لما بتفتخر يهو انت ملاحظ لأنك زودت الحكاية وهي ما بتستاهل دا كلو   رامي قال ليهو بقيت المحامي حقها ولاشنو  قال لي لؤي انا متأكد انك هتندم على الكلام القلتو ليها وضميرك بأنبك من. يوم بكرة. قال ليهو بي ثقة كدا  ما هأندم و  كأنها حاجة مهمة بالنسبة لي خليك واقعي شوية

من جهتي  دخلتا القاعة تحت نظراتهم البتحسسني اني رخيصة شديد 😢 هيام قالت لي شرفتي يا شحادة  يا قروية يا ما بتخجلي لو مكانك كان دفنت روحي زمان مؤيد قال لي بعد تخلصي من لؤي انا برضوا متوفر كل القاعة بقت تضحك ضربتوا كف لما كلهم فتحوا خشوهمهم قلتا ليهو للأسف الشديد انا ما رخيصة زي حبيباتك تمام  😊قال لي هأخليك تندمي على الكف دا  شلة هيام قالوا ليهو خليها هسة بنظمها بعدين
قعدت في الكرسي كيارا قالت لي كف موفق ما تخلي زول اهينيك قلتا ليها ماعاش البهيني...... الدكتور  جا داخل  آسر نزل راسو في الطاولة  شكلو ما حابي المحاضرة وانا كمان نزلت راسي  ما كان عندي قدرة اني اركز لاني كنت موجوعة شديد قلتا عليهو  قلتا ليهو آسر عارفاك ما حبيت المحاضرة فلو سمعتني احسن من انك تسمع كلام الدكتور صاح ما ردا لي  قلتا ليهو انت عارف كلامك طلع صاح هو بخجل بي صداقتي  كان صحبي شديد وحب طفولتي بالرغم من انو ما بحبني كانت عندنا زكريات جميلة لما كنا مع بعض كنا ما بتفرق نهائي كان بخاف على لاني صحبتو المفضلة بس كل شي اتغير انت عارف قدر شنو اهاني الليلة💔 عرفت اني ما بعني ليهو  ولا بشكل واحد في المية من حياتو كل الايام والشهور والسنوات العشناها مع بعض مشت مع الريح اتفتت  واتبخرت  اتخيل اسوء حاجة حسسني اني وحدة رخيصة شديد💔 وأني عملت كدا عشان انوم معاهو 💔اتخيل بس يا ريتني ماعشت وسمعت الكلام القالوا دا  ياريت لو ماعرفتو في يوم قلبي بوجعني شديد كل ما اتزكر كلامو الجارح ما قادرة أتجاوز خزلانو لي الكان بس أبشع طريقة💔 كنت بتكلم معاهو وانا دموعي دي مطر بس قبل على وهو زهجان وداير اسكتني لقاني ببكي بي صمت ودموعي بجرو من دون ما يقيفوا   فجأة كدا عيونوا  بقت تنزك منها دموع واسوارتو وخاتموا بقوا لونهم اسود  عاينت ليهو شكلوا انتبه لي نفسو وغطي وشو مسحت دموعي وقلتا ليهو دا شنو قال لي شنو قلتا ليهو انت قعد تبكي اتأثرت لي يعني انتا ما طبيعي قال لي انتي الما طبيعية شكلو ما عايز اتكلم اكتر قلتا ليهو بي هدؤ عارفاك بتقول لي البت دي بتحكي لي صاح قال لي لأ   قلتا ليهو لو ما حكيت ليك قلبي كان هينفجر  انا ماعندي غير كيارا وتالا وهم بعرفوا لؤي اكتر مني فلو قلتا اني اقنعهم كأنو بقول ليهم انو لون الموية أزرق  وما بستفيد  شي  قال لي منو القال ليك اني مصدقك قالت ليه عشان انت اول واحد فهم تفكيرو وغير كدا انا ارتحت لاني وريتك وعارفاك بتكتم سري لأنو انت اصلا ما عندك حاجة لي زول قال لي عادي أوري زول بالمناسبة ابتسمت ليهو وقلت ليهو ما بتعملها عاين لي بس وسكت......

انتهت المحاضرة وطلعنا وانا بحاول اني اكون قوية كيارا قالت لي سامعاكي بتتكلمي مع آسر بس اصواتكم كانت منخفضة وما سمعت حاج حسيت بالغيرة قلتا ليها ما شي مهم طلعنا ودعوتهم ومشيت.....
عن كيارا لقت لؤي منتظرها عشان امشوا مع بعض ركبت وقالت ليهو بالجد ما قصرت فيها طلعت واحد حقير نهائي ما اتخيلت تكون بالدناءة دي قال ليها كفاية ياخ مالكم وقفتتو كلكم في صفها ما تديني محاضرة طول الطريق وكيارا بتأنبو قالت ليهو من الأفضل انك تعتز منها لأنها ما بتستاهل دا كلو وطلعت مشت بيتها....... لؤي بقى بفكر في كلامها وياداب حتى عرف حجم الغلطة العملها دخل بيتو ولقي ابوهو قال ليهو يا ابوي انت الاتوسط لي ملاك قال ليهو اي على الأقل تبطل حركاتك دي  قال ليهو شكرا ليك يا دأب انا خسرتها ولي الأبد كمان دخل غرفتو واتزكر كلامو القالوا دموعوا جو نازلات.قال انا كيف قدرت اعمل كدا في صديقة طفولتي😔 انا واحد حقير اكيد قلبها اتحطم لي أجزاء اخ بس......
من جهتي دخلت البيت وانا بحاول اني اكون طبيعية قدر الإمكان دخلتا غرفتي  انا قلبي اتحول لي أشلاء من الألم  اسواء خزلان💔 هو خزلان  الزول البحبك وبالزات بي اسوء طريقة ما قدرت بكيت بكيت بي حرقة على كل شي وعلى كل زكري على أي موقف بجمعنا  💔وحتى لما كان يقول لي انا بحب لدن بكيت على كلامو القالوا  لي واهانتو وعلى أي حاجة بكيت😭 لما حسيت بي روحي بتطلع رقدت في السرير وغمضت عيوني بي تعب😢😭

  لقد نمت في الليلة التي تم استبدالي فيها، و نمت في الليلة التي علمت فيها أنني طرف ثالث في علاقة، و نمت في الليلة التي قال لي فيها أحدهم أنني لم أكن كافيًا، و نمتُ في الليلة التي تم الاستهانه بمشاعري فيها، و نمت في الليلة التي علمت أن مفضلي يُفضل غيري لقد نمت حينما أدركت أنني فقدتُ صديقي المفضل
و سأنام الليلة ايضًا🥀🥀💔.
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《06》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
صحيت من النوم بي صوت امي بتقومني لأنو العشا اذن وانا نايمة من العصر قمت صليت ومشيت قعدتا معاهم عشان ما يسألوني،  امي  قالت لي مالك عيونك دي وارمة كدا قلتا ليها عيوني مالهم اااا بكون من النظارة لاني طلعتا شكلو الغبار دخل ليها  اصلا عيوني ما بتستحمل قالت لي اعملي ليها حب شاي  قلتا ليها تمام اتونسنا مع بعض وبقت تحكي لي عن جارتنا وأنها مشت ليها وعندها ولدها دكتور شغال في المستشفى الجمبنا هي بتتكلم وانا اصلا ما منتبه ليها..... قلتا ليها امي انا ماشة انوم تعبانة شديد وعندي مشروع قالت لي ما تعبي نفسك تمام هزيت ليها راسي بس، دخلت غرفتي وانا واقفة رجليني ودوني لي البوم الصور جبت المقص وقصيت وش لؤي من كل الصور  بس فضلوا صورتي انا ولدن  في حياتي ما اتخيلت انو احصل لي شي زي دا بس كويس الحصل على الأقل ما اكون  عايشة على الأوهام،

مشيت طلعت شيتاتي وختيتهم في الطربيزة طريقة عشان انسى الحصل لي ساهرت طول الليل نمت قريب الصبح،  صحيت بي صوت امي وهي بتكورك يابت دا شنو دا ولي الصور دي عاملة كدا ولي الغرفة دي جايطة ودا شنو صور لؤي جادعاهم  وقاصاهم كدا قلتا ليها امي خليني، قالت لي مالك يابت في شنو وريني الحصل ليك ، قلتا ليها مش لؤي دا   ماصحبي ولابعرفوا  عايزة اطلعوا من حياتي وأتخلص منو للأبد مش هو قرر انو  اطلعني من حياتوا انا كمان بعمل نفس الشي يا أمي، مش  غاب عننا تلاتة سنة حصل مرة سأل مني، حصل مرة اتصل لي ولا حصل مرة جا زارني، هسة دا ما سبب كافي اني اكرهو 💔  امي قالت دا كلام شنو، قلتا ليها امي رجاءا ما عايذة شي اربطني  بيهو، ابوي جا  على صوتي عاين لي بي نظرة حزينة كدا  قال لي امي تعالى يا سلمى انا بفهمك وطلعوا قمت جهزت روحي عاينت لي روحي في المراية وقلتا من الليلة انا ما بعرف زول اسموا لؤي الوحيد البعرفو انو دا شخص غريب عني واحد غني ومشهور وعندو مكانة مرموقة في الجامعة بس ما اكتر ولا أقل... طلعت وحصلت الجامعة متأخرة دخلت تحت أنظار كل الناس كأني عاملة جريمة، ما عاينت ليهم اصلا ودخلت قاعتي وقفت في طاولتي. ولقيت كلمة كبيرة مكتوب عليها *ساقطة  بي قلم الشين، كيارا دخلت القاعة وجات على وشافت الكلمة قالت دا منو الحقير العمل كدا، ما في زول اتكلم   طلعت منديل وانا بمسح في الطاولة قلتا بي صوت عالي اي زول منكم  عمل الحاجة دي انا بعتبروا واحد جبان ما اكتر، دي شنو الحركات الطفولية دي، العملها دا خليهو اواجهني  عديل ما في داعي لي داكلو ، مؤيد قام فوق وقال بتقولي لي منو جبان يا انتي  اسحبي كلامك، عاينت ليهو بي نظرة استهزاء وقلتا ليهو شكلو الكف الضربتك ليهو ما جاب نتيجة ممكن نجرب تاني، عاين  بس ما اتكلم قلتا ليهو بالجد انت شافع ساي،  هيام قامت فوق وقالت لي انتي منو القال ليك تضربي لؤي كف قلتا ليها وانتي الدخلك شنو، إذا هو ما اتكلم  كيارا قالت ليها هو المفروض اعتزر منها، في اللحظة ديك دخل آسر وقعد.... مجد قال لي لؤي خطأو شنو إذا بتحوم حولوا بت شحادة وغير كدا متلصقة فيهو قلتا ليهو منو دي انا شحادة  ومتلقة فيهو كمان ههههه انت اصلا ما عارف الموضوع فما تتدخل....... هيام قالت لي بي افترى كدا الموضوع واضح شديد و الخطأ منك يا  ساقطة ...... الكلمة دي استفزتني شديد وقلتا ليها يا حقيرة انتي سكتا ليك كتير بس المرة دي لا، مشيت عليها وبدينا نتشاكل ونتضارب، قالت زوحو مني المتوحشة دي، بس اخش ليك الدكتور قال لينا بتعملو في شنو هنا بتتشاكلو، قلتا ليهو عايزة ليها تدليك عشان ما تخسر قروشها قلتا اساعدها😒 هيام قالت ليهو هي الغلطت على، كيارا قالت كزابة كلنا عارفين انك البديتي... الدكتور قال لينا سرعة لي مكتب العميد  يلاااا

طلعنا وانا بنبذ فيها وهي بتنبذ فيني  فيني مشينا مكتب  العميد ودخلنا هيام طوالي دموع التماسيح ظهرت وبقت تبكي يا بروف شوف عملت فيني شنو، اتهجمت على وحتى شعري ما خلتو وقطعتو كلوا،  قلتا ليها بطلي تمثيل و دراما رخيصة ، البروف قال لي وانتي موقفك شنو  قلتا ليهو يا بروف كل الحصل اني جيت داخلة القاع و.... الخ اسفة يا بروف على الكلمة دي بي لازم تعرف كل التفاصيل، قال لي كان ممكن تردي علها بي نفس الاسلوب بس ما تتهجمي عليها، ودا غلطك،  هيام قالت ليهو تتوقع شنو. من قروية فقيرة ما عندها اتكيت قلتا ليها خليتو ليك، قال لينا بس حزم اسكتو لو وصلتني شكوى منكم تاني بتتفصلو  مفهوم كلامي ما عايز اي شكوى تاني والا ما بحص خير، قلنا ليهو مفهوم دايرين نطلع قال لي ملاك وفقي، وقفت وهيام طلعت قال لي بي استصغار انتي البت الطلب مني يس انو اتوسط ليها ، قلتا ليهو نعم.... قال لي انتي عارفة انو انا دخلتك الجامعة دي بناءً على طلبو، قلتا ليهو عارفة و شكرا، قال لي بالرغم من انك فقيرة وما من مستوانا بس برضوا انا سمحت انك تدخلي الجامعة دي، وانتي من تاني شهر ليك بديتي تعملي مشاكل، وانا عارف انو الناس كلهم معارضين على وجودك هنا ولازم تفهمي انو دي ما اي جامعة والفوضى ما مسموحة ما تخليني اندم على.دخولك ليها، رفعت راسي وقلتا ليهو كوني يا بروف فقيرة دا ما بيعني اني اسكت عن حقي وما ادافع عنو، واقبل بي اهانتهم  لي وكونو انو اقولوا عني قروية وفقيرة ومتوحشة وما إلا ذالك، فأتأكد اني ما بسمح ليهم وبرد ليهم بي نفس الاسلوب، حتى  لو اتسبب لي بي مشاكل، وكونك انك دخلتني الجامعة دي فما انا الطلب منك، واترجيتك عشان تدخلني فيها، وحتى لو فصلتوني أو طردوني فأنا متفهمة قرارك ممكن... امشي عاين لي بس ما اتكلم طوالي، طوالي طلعت ما قدرت امشي القاعة تاني فطلعت فوق في السطوح وشردت في حياتي الكانت هادئة وانقلب لي أسوء كابوس ، المحاضرة زمنها انتهى  حتى قمت نزلتا تحت

 في الأثناء دي في القاعة كانوا بتكلموا عني وحتى كيارا دخلوها في النص، مشوا ليها وقالو ليها تبطل حركاتها دي وكدا بتلوث سمعتها، وسبأ ختت يدها في كتفها وقالت ليها لو ما عملتي حسابك بتبقى زيها ، كيارا قالت لي سبأ  بي غرور كدا  نزلي يدك وبالمناسبة سمعت انو في صفقة كبيرة بين شركتنا وشركتكم و، بالنسبة ليكم مسألة حياة والموت وعادي جدا اني خربها حبيبتي انا،  طوالي سبأ زحت يدها كيارا قالت ليها شوفي ما تتكلمي معاي على اني نكرة، وحثالة، لأنو ما  انا البت البلعبوا  معاها فاهمة  في طالب اسمو مدثر قال بي إعجاب كدا حتى في غضبها  ساحرة 😍

كيارا طلعت من المحاضرة ولقت تالا وكانو ماشين الكفتريا، لمحت لؤي قالت لي تالا الحقيني هسة بجي، مشت ليهو ، قال ليها وين الفقيرة  ما شايفها معاكم، قالت ليهو كلامي معاك حسسك بي حجم الغلطة العملتها وداير تعتزر صاح  قال ليها لأ بس عايز اعرف اذا البنات ضايقوها، قالت ليهو بعد العملتو دا معروف تاني كل الناس بتنقلب ضدها، الصباح حصلت مشكلة في القاعة و والخ   لؤي كان ساكت بس حاسي بالذنب  مشوا الاتنين لي الكفتريا، وكيارا قعدت مع تالا......

نزلت تحت واتجهت لي الكفتريا دخلت ولقيت كل الناس بتعاين لي بي قرف، وقالو عاينو الفقيرة المتوحشة جات وبدو اضحكوا، مشيت قعدت مع ناس تالا بي سكات حصلت جوطة وقالوا  لي ليها اطلعي من هنا المكان دا ما شبهك... قفلتي نفسنا للأكل واي زول بقول في كلام وانا ساكتة بس وصامدة
من جهة لؤي  ماجد قال ليهو يا سلام ياخ كأنو بحضر في فلم ودراما حصرية.... رامي قال ليهو  فعلا بس بتكمل المشهد ولا بتهرب منو ههههه..... أمير قال ليهم اسكتو ياخ معقولة تتحمل البحصل ليها داكلو انا بشفق عليها...... لؤي في نفسو كل دا بي سببي وين كان عقلي لما قلت الكلام داك، حاليا هي بتتعرض لي أشد أنواع التعريب........

من جهتي تالا قالت لي من الأفضل انو نطلع من هنا، لأنهم ما بخلوكي نهائي، قلتا ليهم ما انا البت البتهرب عشان كدا خليكم ريلاكس، وكل شي بكون تمام  سمعتا بت قالت لي هي انتي قبلتا عليها ولقيتها تالين عرفتها طوالي بت العميد ،  وفي يدها كباية عصير كشحتها فيني، وقالت لي اوبس 🤭ما قاصداك عاينت ليها من فوق لتحت، عارفة لو عملتا ليها حاجة بخسر انا، لأنو عادي ابوها افصلني واصلا هو محزرني لأول مرة حسيت اني مقيدة، قبلت على ناس كيارا شلت منديل ومسحتو في وشي،، وهدومي كلها اتَوسخت بس  ما اتكلمت نهائي، ودا كان صادم ليهم، تالا وكيارا كانوا بعاينو لي بي شفقة وما قدروا  اقولو حاجة.....

من جهة لؤي قال بعد العملوا فيها  وهي لسة قاعدة.... أمير مجنونة هي.... قال ليهو بالعكس قوية وشجاعة.... ماجد قال ليهو شجاعة شنو دا تهور وما تهور دا الجنون في حد زاتو ، لو كنت مكانها كان استقلت زمان.... أمير قال ليهو  انت كدا قايل نفسك راجل يعني......

آسر في نفسو دا شنو البحصل دا، بت غبية، طيب لؤي لي ما أتدخل انسان جبان وحقير😕  هل المفترض اني أتدخل لا لا انا اعتزلت الشغل السخيف دا زمان......

من جهتي بعد خلصت فطوري مشيت الحمام نضفت هدومي ونفسي،  وطلعت، البنات والاولاد عايزين اعملوا تمارين رياضية، ما أشتغلت بيهم وقعدت في بنش كدا جمب آسر، وبقيت بعاين ليهم قال لي عايزة شنو،، قلتا ليهو اهدي مالك هسة  .... سؤال لي انت مختلف عن باقي الطلاب، يعني شالوك بي منحة عشان كدا ما بتدي اي زول أهمية، قال لي انا لو شالوني  منحة ما في زول بقدر اتكلم معاي غيرك انتي طبعا ..... كيارا كانت بتتمرن لاحظت لينا قاعدين نتكلم فحست بالغيرة وبقت مركزة معانا.... قلتا ليهو لي الا انا؟؟.... اتجاهلني قلتا ليهو ما بننجز المشروع يا آسر، قال لي بي برود لأ، قمتا فوق وقلتا ليهو طيب عندي شرط، ارح نتسابق بنلف لفتين في الملعب  بدون توقف، إذا أنا فزت بننجزو مع بعض وإذا لأ القرار برجع ليك، قلتا ليهو فرصة ما بتتعوض وانا واثقة اني بفوز عليك،  وإذا رفضت ولافزت🌚  أوانسحبت برضو بننجزو،،، عاين لي بي غرور كدا وقال لي ما تثقي في روحك كتير، لأنك بتخسري وارتاح من ازعاجك الكتير دا.... قلتا ليهو بنشوف  نزلنا الملعب تحت أنظار الطلاب، وقفنا في خط واحد قلتا ليهو البجري في الخط دا مرتين، وكان الأسرع  هو الفايز  مستعد ما اتكلم معاي قلتا ليهو مغرور طيب ١ /٢/٣ وبدينا السباق، ونحنا بنجري بي سرعة واحدة قلتا ليهو انت شخص غامض شديد، بس في يوم غموضك دا كلو بكتشفوا، قال لي خليك منتبهة عشان فضولك ما  يمشي حتة تانية، واتحول لي حاجة تانية،  لأنو ما هيعجبك البتعرفيهو، وسبقني قلتا كيف يعني.... زدت سرعتي ولحقتو قلتا ليهو قصدك شنو قال لي عايني قدامك لأنو في حاجز بي جهتك، عاينت قدامي ولقيت فعلا في حاجز بس كيف شافوا،  لأنو ما واضح مع أرضية الملعب زحيت من الحاجز،  وتاني لحقتو  قلتا ليهو وانا بلهث ما ظاهر عليك التعب نهائي،  ما ردا لي خلصنا الخط الأول فضل الخط التاني، وهو جاري كأنو نهائي ما أثر معاهو الجري، وانا خلاص تعبت بس لازم اكمل المشروع بأي طريقة،، ودي فرصتي وما لازم اضيعها شايفة خط النهاية وآسر أقرب منو، حاولت بقدر الإمكان اني احصلو بس بي فارق خطوة واحدة سبقني، قعدت في الأرض وانا بلهث ورجليني بوجعوني خلاص مافي مشروع ولا غيرو انا راسبة  اوف.... لقيت الناس كلهم صفقوا لي آسر وقالو لي معقولة تفوزي على ولد، جنيتي انتي صراحة معاهم حق  انا غبية  خلاص، لافوز ولا مشروع، مشيت قعدت في الكرسي وانا تعبانة، اما آسر ولا عرق ساي ولاحتى شكلو تعبان ولا اي شي اتحيرت فيهو شديد.... ناس كيارا جوا وريتهم بي خطتي، وقالو على فاشلة وغبية، قلتا ليهم ما لقيت حل غيروا.... قالت لي شايفاكم كنتو بتتكلموا قلتا ليها ما شي مهم..... المهم الاولاد قالوا عايزين العبو فنحن كنا قريبين للملعب والبنات بشجعوهم .......

 من جهة مجد قالو شنو رايك نضرب الكورة بي اتجاه الفقيرة ونرسلها الجحيم، 🙂مؤيد  قال ليهو فكرة حلوة ومنها تنتقم منها، والكورة كأنها جات بالغلط وما في زول بشك قال ليهو انتظر الفرصة المناسبة  .....

من جهتي تالا قالت ماشة تجيب لينا عصير عشان الجو سخن، ومشت فضلنا انا وكيارا بس  وبقينا نعاين ليهم، ونحن مركزين مع الكورة فجأة مجد شات الكور بي قوة والكورة كانت بي اتجاهنا، أو بالأصح باتجاهي انا شايفاها جاية على بس ما قدرت اتحرك  غمضت عيوني خلاص مستسلمة لي الضربة، بس احس بي حاجة جات بي جمبي واتجاوزتني، ودقت السور حق الملعب، فتحت عيوني براحة وانا قايلة روحي انضربت، لقيت آسر واقف قريب مني وهو الأبعد الكورة، وضربها في السور اتنفست الصعداء والا كنت الليلة دي ببيت في المستشفى، قلتا ليهو شكرا قال لي ما عملت  كدا عشانك، فهمك ما امشي بعيد  قبل على مجد وقال ليهو إذا ما بتعرف ترمي الكورة ذي الناس فما تلعب تاني،، وإذا قصدك شي تاني فدا بسموهو جُبن  وطلع من الملعب خلاص المبارة انتهت ..... كيارا قالت لي انتي كويسة قلتا ليها تمام، سامعة البنات بتكلموا كان تجيها تموت وتريحنا، واحدة قالت خلينا منها شوفتو زحاها كيف مبالغة لاكن، أعلنت انبراشي،🤩 مجد قال لو ما صداها كان انتقمنا منها بس ما مشكلة المرة دي عملتا بالغلط وآسر ادخل بس المرة الجاية البتدخل منو ....
.
تالا جات ولقت في جوطة وقالت الحاصل شنو،،،، خليت كيارا بتحكي ليها قلتا ليهم ثواني بس.... مشيت لي آسر قلتا ليهو أو شي مبروك عليك  الفوز  وتاني شي  شكرا لأنك حزرتني من الحاجز، المستحيل الزول اركز معاهو ولي هسة مستغربة عرفتا كيف، و شكرا لانك انقذتني وقت جات  الكورة بالغلط  ، قال لي ما تتوهمي ساي كنت بس عايز اوريهم قوتي ومهارتي، وبعدين ما تختي روحك مهمة لو  اي بت كانت مكانك كنت عملت نفس الشي تمام، عاينت ليهو بي غيظ وقلتا ليهو على كل شكرا......
 ومشيت منو قعدنا في مكان هادي كيارا   قالت لي بي زعل  شكلو الملك آسر بقى بهتم لي موضوعك، قلتا ليها ما تبالغي يا كيارا بس عايز استعرض مهارتو، ما اكتر من كدا  هسة قالها لي وحكيت ليهم الكلام القالوا كيارا ابتسمت وقالت لي كلامو صاح ما علقت على حاجة.....

من جهة شلة هيام كانت بتخطط للضربة القاضية والمييتة لي، مؤيد قال ليهم الكورة جاهزة وانا جاهز هيام قالت ليهو ما عايزين نقتلها، بس عايزين نخليها تتألم كدا وتتعذب، هسة الناس بدت تخف وعاينو ليهم قاعدين، لما اتحركوا وتكون بعيد من ناس كيارا على طول اضربها، سهى قالت ليهو ركز شديد لأنو الهدف متحرك ما ثابت، مجد قال ليهم معاكم أفضل هداف مستحيل أخطأ مؤيد قال ليهم هي اتجرئت وضربتني كف بس انا بوديها المستشفى عديل عشان اشفي غليلي وانتقامي منها  الفقيرة القروية .......

من جهتي كنا بتونس وما انتبهنا لأنو المكان شبة بقى  فاضي ومافي  ناس كتار،  قلتا ليهم قوموا بعد كدا قمنا ونحن ماشين، تالا تلفونها ضرب مشت بعيد مننا، وانا وكيارا بقينا ماشين ونتكلم،  قالت لي اوف  نست شنطتي امشي اجيبها واجي، قلتا ليها تمام منتظراك لمحت آسر طالع قلتا ليهو هي منفسن انتظر، قبل على وقال لي تاني تقولي الكلمة دي بدفنك في أرضك ، في اللحظة دي هيام قالت ليهو دي فرصتك اضربها في رأسها بالضبط،  مؤيد شات الكورة بي أقوى ما عندوا،  وانا كنت مدياهم ضهري وبتكلم مع آسر البتفصلني عنو سنتيمترات، آسر لاحظ للكورة الجاية مندفعة بي اتجاهين، جا على بي سرعة و لزاني ووقعني والضرب جات في راسو ووقعتو..... بالرغم من انو ممكن اتصدي ليها لأنو قوتوا أكبر من كدا بس ما كان عايز اكشف روحوا..... قلتا لي لزيتني ياخ  عشان قلتا ليك منفسن، لاحظت ليهو واقع جريت عليهو مسكت راسو ولقيت  انفوا بنزف، بقيت بصحي فيهو فتح عينو، بس  الشي الغريب بقى لونهم ابيض نططت عيوني قدر الفنجان، ختي يدو في وشو واسوارتو وخاتموا بقوا لونهم نفس الشي ابيض لون الألم ما قدرت افتح خشمي، تاني من الصدمة وهو زاتو طوالي قام ومشى، قلتا ليهو ثواني بس كيارا جات بي سرعة وهي كانت شايفة الحصل كلو، قلتا ليها ما فاهمة شي  لي وقعني، وهو انضرب قالت لي بي غضب كدا دي شلة ناس هيام، هسة شفتهم شكلهم عايزين انتقمو منك واضربوك، لاكن الكورة جات في آسر احي حبيبي ياخ ما يستاهل🌚 قلتا ليهو الملك آسر المنفسن انقذتني، تاني لا لا ما بصدق قالت لي انا زاتي حاسداك على البحصل معاك يا ريت احصل معاي، قبلت عليها وقلتا ليها وينهم ناس هيام الحاقدات.........

من جهة هيام وهي بتضرب في مؤيد هسة ما قلت انت افضل هداف، كيف ترمي الكورة على الملك آسر هسة بكون اتألم شديد، مؤيد قال ليها لو ما ادخل آسر كانت هسة في المستشفى،  سبأ قالت ليهو كون واقعي شوية لي احمي القروية الفقيرة دي، مؤيد قال ليها انا شوفتو بي عيني، هيام قالت ليهو ما تخت اللوم  عليهو نهائي، هسة لو في زول شافنا ونحن بنضربوا كنا انتهينا انت عارف شكلوا شافك  وانا ما كنت معاكم ولا بعرفكم، سهى وسبأ ونحن نفس الشي تتحمل المسؤلية براك بعدين ومشوا خلوهو...... مؤيد قال لي مجد حملوني المسؤلية وهربوا، مجد خت يدو في كتفوا  وقال ليهو اصلا البنات كدا بس انا بقيف معاك بعد اضربوك 🙂مؤيد قال ليهو بس انت صحبي تخليني زمن محتاجك وهي فكرتك لي انا البتعاقب  المزمن  داك مجد مشي زمان 😹
من جهتي كيارا قالت لو عرفو البنات بتقوم حرب عديل، قلتا ليها منو البصدقنا لاكن قالت لي ممكن نخليهو اشهد معانا، قلتا ليها كأنك ما بتعرفيهو واصلا  لي يوم الأحد اكيد بكون كويس، فشنو انا تعبت وماشة البيت، قالت لي بكرة الجمعة ما عندك حاجة لازم تجيني ما عندك اي شي، كل الشتات عرفتيهم واشتريتهم واقري يوم السبت ولو ما جيتي نهائي ما بعرف تاني، وحتى تالا جاية قلتا ليها بشوف قالت لي لأ لازم تجي قلتا ليها تمام، قالت لي برسل ليك السائق قلتا ليها لأ بس سجلي لي العنوان، سجلتو لي ودعتها ومشيت.......
في الشارع. انا بفكر في آسر معقولة ساعدني الليلة ..... دا كلو كوم وعيونو واسوارتو وخاتموا كوم تاني،

حصلت البيت ولقيت امي اتزكرت اني صرختا فيها الصباح، مشيت ليها وحضنتها قلتا ليها اسفة لاني جبيل كوركت بس ما كان قصدي، قالت لي ما مشكلة امشي استحمي  وصلى وتعالى مشيت عملت القالتو وجيت وبقينا نتونس حكيت ليها وقلتا ليها قربوا  الحقوني المستشفى، قال لي بي خوف شنو قلتا ليها الحصل انو.كانو في مجموعة عايزة تضربني وو....ألخ . قالت لي ما وريتيني اساعدك دا منو لؤي صاح، قلتا ليها ما تجيبي سيرتو دا واحد كدا اسمو آسر، ملقبينو بالملك الغامض وهو اسم على مسمى آسر البنات كلهم بي حلاتو الا انا 🙂 امي قالت لي غريبة انو اساعدك صاح أمكن اشفق عيك،، قلتا ليها ما بعرف يا أمي تصرفاتو ما مفهومة قالت لي أمكن حباك عادي بتحصل ، عاينت ليها وضحكت لما عيوني دموعوا،  قلتا ليها دا آخر احتمال ونسبة حدوثوا، صفر فاصلة صفر ومعاهو سالب صفر تاني في الواحد 😹 قلتا ليها ماتوري ابوي عارفاهو انتي ما بتحمل وبنقلني، وما ماعايزهو  انقلني  قالت لي اكيد ما بوريهو أمكن في يوم تعرسي ليك واحد غنيان ساي  كلام كل ام 😹ما اتكلمت معاها نهائي خليتها تكلم ساي، وفتحت معاها موضوع المشية لي بيت ناس كيارا اول رفضت بعد تحنيس حتى وافقت  .......
من جهة آسر دخل بيتو وراسو بوجعو، قعد في الكرسي وقال ما مصدق اني ساعدتها هل انا غبي ولا هي الغبية.... دايما بتقع في المشاكل عاين لي روحو في المراية وقال لسة اللون الأبيض ما اختفي، معنا الضربة قوية لو شفيتها هسة اكيد بتعرف لأنو شافتني بنزف، واصلا بقت تلاحظ كتير، طيب بتكون لاحظت لي تغير عيوني  دي مصيبة شنو دي الوقعتا فيها دي......
.
من جهة كيارا كانت  طول الطريق بتفكر في آسر وكيف آسر العمرو ما عمل كدا مع أي زول ولا مدى اي اهتمام لأي زول،  اعمل كدا مع صحبتي،  نزلت من العربية ولقت لؤي منتظرها قالت ليها لهو غريبة منتظرني عديل كدا إذا الموضوع خطير وشديد كمان عايز شنو احكي.... قال لي بي تردد كدا، ااااا كنت بسأل من صحبتك القروية هي كويسة،، قلتا ليهو  لي بتسأل  شايفة انو الموضوع بدأ اهمك ولا ضميرك ما ريحك، قال ليها بس كنت عايز اعرف اذا هي كويسة قلتا ليهو تكون كويسة كيف يعني مفتكر انو بعد عملتك وكلامك القالتو،  بفرشوا ليها بساط احمر ومعاهو ورود، قال ليها بس هي الضربتني كف، قلتا ليهو لو ماهي ضربتك انا الكنت بضربك بي سببك الليلة قربوا اودوها المستشفى، قال لي  الحصل شنو حكت ليهو.... يعني لو ما آسر كانت في خبر كان قال ليها يعني هي كويسة قالت ليهو كويسة بي سبب آسر، قال ليها الملك الغامض الواحد الكلنا بنعرفوا ههههههههه قولي شي بتصدق وكمان هو الاتصدا لي الضربة 😹😹 قلتا ليهو بيني وبينك انا زاتي مصدومة و زعلانه، اتمنيت  انو ما  أتدخل بس لو ما ادخل كان ملاك ماتت عديل، لؤي قال ليها معقولة في شي بينهم قلتا ليهو مستحيل، الملك الغامض دا لي وما لي زول غيري ومستحيل اسمح بي شي ذي دا..... ثواني انت لي بتسأل منها قال لي ذي ما قلتي  ضميري مأنبني علي العملتو........

من جهتي.... وانا راقدة في السرير بليل وما قدرت انوم فكرت في آسر  واسوارتو وخاتمو وقلتا،  بنفسجي💜 أمكن من الشمس ازرق 💙أمكن خطف لونين اسود 🖤 أمكن خطف تلاتة ألوان  ارجواني نجازفها😐 بس ابيض💭 وما اسوارتو وخاتموا بس حتى عيونو👀 لا لا لا دا الماقدرا افهموا يا ربي شبح ولاجني وانا ما عارفة... قبلت لي الجهة التانية وقلتا دي أوهام مني ما اكتر معقولة كل الناس البعرفوهو قبلي ما لاحظو ليهو الاحظ ليهو انا  ...... وكمان الانسان المغرور البارد المتوحد والمنفسن ساعدني تلاتة مرات  للأن ما قادرة أتجاوز الحتة دي سبحان مغير الاحوال نمت وانا بفكر في الموضوع دا.......

 عدا اليوم عادي الضهر كدا قمتا اتجهز عشان امشي لي كيارا، لبست لي فستان كدا اسود بي ابيض، طبعا بدون ميكب اصلا انا ما بحب الميكب نهائي، وما بعرف ليهو، طلعت لي امي وابوي وقلتا ليهم انا طالعة ابوي قال لي ما تتأخري كويس قلتا ليهو حاضر وشلتا تلفوني وطلعت...... حصلت الحي وشكلو حي راقي شديد وكلو عمارات إبداع بس،، وانا بشوف في العنوان اتطاقشت مع زول  لقيتها تالا، سلمنا لي بعض قالت لي ما عرفتي البيت قلتا ليها شبه كدا، قالت لي ارح  وقفنا جمب بيت كدا اللهم الثبات، ضربنا الجرس شايفة  تالا ضغطت زر. قالت ليها نحن صحبات كيارا الخادمة قال لينا ثواني بس، وفتحت الباب ودخلنا في مدخل طويل وعلي الجوانب حدايق وأشجار منحوتة وزهور ملونة ونافور حقت موية🤩 اتصدمت شديد في جمالو وتصميمو الرهيب تالا دخلت ونادتني قالت لي خلي الصدمة بعدين ارح قلتا ليها دا قصر عديل كدا ما بيت دخلنا  واستقبلتنا امها بي طريقة حلوة، كيارا قالت ليهم مبالغة لي التأخير دا قايلاكم ما جايين، تالا قالت ليها عارفاني بقوم متأخرة  المهم كيارا ودتنا غرفتها وكانت رهيبة بي معنى الكلمة  قلتا ليها بيتكم رهييب 😍تالا قالت لي انتي عارفة زمان لما اجي ما كنت برجع البيت بي رضاي ههههههه كيارا قالت لي والا انتظروها تنوم حتى اشيلوها 😹😹قعدنا  قلتا ليهم خطتكم شنو الليلة قالت لي اول شي نبدأ بي برنامج الرقص، قلتا ليهم شنو، تالا قالت لي جاية من المريخ انتي، كيارا بي غرور كدا جهزي نفسك لأنو البتشوفيهو الليلة حياتك كلها ما بشوفي زيو مشت اتجاه كتب كتيرة طلعت منها كتاب فتحتو وضغطت زر كدا حيطة الكتب انفتحت، وجوا كان في غرفة كبيرة أظن أكبر من بيتنا، وقبلت علينا وقالت لينا مرحب بيكم في عالمي ومملكتي  الخاصة 💖..... .

أقسى شعور قد تصل إليه شعور الندم ، ينخُر جسدك ، يطحن عظامك ، يدمي قلبك..
أن تندم على معرفة شخص..
تندم على حب صادق قدمته من قلبك..
تندم على وفائك ، على تمسكك بأشياء  افلتت يديها عنك..
ما أقسى ندمك في اللحظة الأخيرة التي بكيت وتوسلت تلك الأشياء أن تبقى ، حاولت بكل قواك ولم تنجح ، تندم على اختلاقك وَهمٌ لتغفر لأحدهم كذبه، تندم على وقت ضاع فيه العمر ولم تستيقظ إلا متأخراً.. 🥀🥀💔
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《07》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يلا يا بنات ندخل..... حسيت كأنو انا في فليم خيال علمي قلتا ليها  عملتيهو كيف قالت لي ما عارفة دا ابوي عملها بي طلب مني كل ما اكون زهجانة او زعلانة أو أي شي دا أفضل مخبأ لي حتى ناس البيت ما بعرفوا انا وابوي بس قلتا ليها يعني في حاجات زي دي في السودان قالت لي السودان دا فيهو اي شي ما تستغربي من شي دخلنا وانا مصدومة من المكان تالا قالت لي كنت زيك دا لما دخلتا اول مرة، 😹كيارا قالت لينا الغرفة دي عازلة لي الصوت يعني لو صرختي بي أعلى صوت ما في زول بسمعك عاينت لقيت بي الجمبة كدا شاشة كبيرة حقت العاب فيديو وجهاز بي تقنية 3D بالمحاكاة الزهنية والجهة التانية أجهزة كتيرة للعناية يالبشرة وب جهة تانية مكتبة فيها روايات كتيرة وقصاصات وورق ملون وجهاز تدليك وجهاز كبير حق أغاني انجليزية وعربية قلتا ليها مبالغة كأنو دا بيتك الخاص المهم رقصنا ولعبا وعملنا سنفرة وكل شي عملناهو ما خلينا حاجة......

من جهة لؤي كان قاعد مع اصحابو في شارع النيل ومعاهم مجموعة من البنات حولينهم وبتونسوا كلهم لؤي ورامي وماجد الا أمير ما كان معاهم لأنو شايف انو العلاقة بين اتنين بتكون مبنية على الحب  أو على الأقل ممكن اكون بين الصداقة  اما غير كدا  الاعجاب والعلاقات العابرة دي ما بتمثلوا وما معترف بيها💙 لؤي جاهو اتصال من كيارا قالت ليهو ملاك قاعدة في بيتنا إذا عايز تعتزر منها من دون ما زول اشوفك دي فرصتك لازم تجي قبل ما تمشي وقفلت منو.....

من جهتي تعبنا واخدنا بريك و طلعنا برة الغرفة لقينا خاتين لينا شاي لبن ومعاهو  كيك كيارا فتحت لينا فيلم رومانسي بس النهاية كانت حزينة لأنهم بعد حبهم  الكبير لي بعض بس مافي زول اعترف للتاني والقدر فرقهم هي اتزوجت وهو لما عرف سافر لي مكان بعيد وما في زول بادر بالاعتراف  والنهاية كانت مأساوية وقصة حبهم اتحولت لي ذكرى وبس.....
.
قلتا ليهم لا ياخ كانو مناسبين لي بعض الغلط منو لي ما حاول انو اتمسك بيها لو أصر شوية بس كانت النهاية بتكون احلى...... كيارا قالت لي شنو رايك تتصلي لي المخرج وتوريهو أمكن اغيروا ليك تالا قالت لي الشباب ديل كلهم كدا الا من رحم ربي كيارا قالت الشباب بخافوا انهم اترفضوا عشان كدا بفضلوا احافظوا على كبرياءهم  وبكدا يخسر البت البحبها..... قلتا ليهم يعني شنو لو اترفض لو هو بحبها كان عمل المستحيل واتمسك بيها يعني شنو كبريأو ما أهم منها صاح ، لو كل الناس عملت كدا إذن النهاية بتكون ذي الفلم دا  تالا قالت لي فعلا لازم واحد اتخلى عن كبريائه والا نهايتهم بتكون ذكرى مؤلمة ومستحيل تشفي مع الزمن...... كيارا عاينت لينا وقالت لينا ما دي اصلا مهمة الأشخاص المكلفين بي تحقيق الحب والاستقرار الأسرى .... عاينا ليها نظام دا شنو قالت لينا ما سمعتو نهائي بالأيكادوليين🤩.... عاينا لي بعض وقلنا ليها دا شنو كمان  احكي لينا، مشت قفلت الأضواء وخلت بس الأضواء الخافتة..... َوالغرفة بقت شبه مضلمة قعدنا في دايرة وقالت لينا أسمعوني كويس عاينا ليها بي اهتمام شديد  وبدت تحكي قالت لينا..... الايكادولين مخلوقات مختلفة عننا الرابط البجمعهم هو تحقيق الحب والزواج بيحكو انها كانت أسطورة قديمة شديد من العصور الوسطى كانو في اتنين بحبوا بعض وقررو اتزوجو بس أهل البت رفضوا  لأنو ما بدو زول غريب بناتهم نهائي، الولد حاول وحاول بس ما لقى طريقة حتى اهلو ما خلو حاجة ما عملوها بس رفضوا والولد قال غيرها ما داير  في يوم اتفقوا انهم اهربوا واعرسوا واختوهم في الأمر الواقع بس أهل البت عرفوا خطتهم وعشان بناتهم ما يفكرو زيها،  حاولو انو اعرسوا ليها بي سرعة  بس هي هربت  لقوها وجابوها  وقتلوها الولد لما عرف جن  جنونو ومشى عليهم بس هو برضوا قتلوهو  في اليوم القررو انهم اعرسوا بعض ياهو اليوم الدفنوهم جمب بعض💔 وكانت من اكتر القصص المؤلمة الحصلت في التاريخ وفي نفس اليوم قالو انو جات نازلة  حاجات من السماء فسروها على أنها شهب وكانت النجوم مضيئة بي شدة اتخيلو طلعو شنو قلنا ليها شنو قالت لينا...... أشبااااااح نططنا عيونا وقلنا شنووو ضحكت وقالت لينا بهظر معاكم قالو انهم مخلوقات جات من الفضاء الخارجي من كوكب اسمو كوكب ايكادولي 💖وهي كلمة يونانية معناها الحب وقالو انو هم شعب الايكادولين  قلتا ليها ما سمعتها قبل كدا القصة دي....... تالا قالت ولا انا قالت لينا اسكتووو خليني أتم كلامي ورجعنا تاني لي جو القصة قالت لينا مهمتهم انو امنعوا الاستبداد والجرائم ضد الإنسانية والقتل في سبيل الزواج وتحقيق الاستقرار لي غاية شريفة وعرفوا بي انهم حماة الاستبداد والظلم وعشان اتكيفو مع أهل الأرض اعتمدوا على قدراتهم  كلها عشان أجمعوا بين  اي اتنين بحبوا بعض واتوجوا حبهم بالزواج  وقالو انهم نجحو في المهمة دي........🥀

 أما الجزو التاني من القصة وهو الجزو المفضل عندي قالو انهم ناس شينين ومخيفين شديد وحتى أشكالهم مخيفة وناس قالو انهم متحولين وناس قالو انو أحجامهم ضخمة وغير عادية  اما من وجهة نظري فأنا بشوف انهم بتنكروا زي البشر عشان اقدرو  اتعايشوا معنا لأنو أشكالهم غريبة...... وقالو انهم بتمتعو بي قدرات كبيرة شديد بتخليهم أقوى مية مرة من البشر العاديين ..... قاطعتها وقلتا ليها يعني هم مصاصين دماء ولا مستذئبين ... قالت لي ما معروف أمكن إذا غضبوا عادي اشربوا الدماء ما في زول بقدر أجزم على أشكالهم...... تالا قالت لي اسكتي ياخ اهااا كملي قدراتهم شنو... ََقالت لينا الشي القريتو انو قدراتهم الخارقة، السرعة الكبيرة، وبنقلو الحاجات من مواقعها، و بختفوا في لمح البصر، وكمان عندهم قدرة بدنية ممكن اجرو آلاف الأميال من دون اتعبوا، وغير كدا هم بطيروا إذا أضطر الموضوع، ايواااا وبرضوا عندهم خاصية اسمها خاصية التركيب ...... دي  قدراتهم الأنا بعرفها عامة اما قدراتهم الخاصة بيهم ما عندهم خطوات يعني ما بتحسي بيهم لو مروا جمبك، وعندهم خاصية الشفاء بعالجوا  روحهم براهم،  و قالو أنو ما عندهم عظام، وكمان ممكن عادي اتنقلو من مكان للتاني عقليا (الحس البعدي)  وعندهم قدرة لملاحظة الحاجات من مكان بعيد، عشان كدا نظرهم حاد، ولما بحثت عنهم قريت حاجة غريبة شديد ما فهمتها قالو انو عيونهم وادواتهم البتساعدهم على مهمتهم،بتتغير على حسب احاسسيهم.......، تالا قالت ليها معقول طيب المافهمتي شنو..... قالت لينا هل عيونهم كلها هي البتتغير  ولا بس مقلة العين عرفتي انا من قالت الحاجة دي قلب عمل شححح طوالي اتزكرت آسر لما اسوارتو وخاتموا وحتي لون  عيونو لما اتغيرو بلعت ريقي وخوفت خوف.
..... عاينو لي وتالا فتحت الاضواء قالت لي هي يابت ما تكوني صدقتيها دي خرافات ساي وما صحيحة كيارا من اللة خلقها مهووسة بالكتب والاكشافات والحاجات الخيالية، والخرافات والقصص الغريبة  ما تشوفيها كدا، كيارا قالت لي ما معقولة تكوني صدقتيني 😹😹 حتى لو صاح انا متأكدة من انو ما بوزعوهم لينا هنا الساخنة ساي بتكشفهم هههههه قلتا ليها طريقة كلامك كأنها حقيقية  كيارا ضربت راسي وقالت لي دي خرافات  خرافات لو صدقتيها اظن انتي وحدة غبية بس.........

المهم غيرو الموضوع وقالو لي احكي لينا عنك شوية لاحظت لأنك بتعرفي  تتكلمي انجليزي قلتا ليهم انا ساكنة في قرية عادية بس جميلة ومناظرها خلابة بس نحن ما بي المفهوم الخاتنو عننا نحن عندنا احسن المحلات والأماكن  واحسن المعلمين واحسن ناس كمان قريتنا كل الناس بحبوا بعض وبدخلو لي بعض ونسات وجبنات ووقفة على الحلوة والمرة  ناس طيبين ما عندنا تفرقة دا غني ودا فقير لأ كلنا واحد  ذي كل القرى الموجودة في السودان  اما بالنسبة لي القراية فأنا كنت مجتهدة شديد عشان حلمي اقري طب فكانو ناس المدرسة بعملوا دروس خصوصية ولأنو انا بجي الأولي فما كنت بدفع ولا قرش عشان كدا انا بعرف انجليزي كويس من الكورسات  قالوا لي حلوو طيب زوقك شنو في الأغاني قلتا ليهم بحب الاغاني السودانية والأغاني الحزينة بسمع لي شرين المغنية المصرية بحبها شديد بسمع أغانيها على طول   كيارا قالت لي زوقك ما حلو تالا قالت ليها بالعكس حتى انا بحبها، وحتى اني بحب  الاغاني الكورية💖 كيارا قالت لينا  شيرين أغانيها حزينة بي زيادة اما الكوريين ديل نص نص  انا بحب الاغاني الإنجليزية والروك اند آول احلى من العربية والكورية..... حصلت نقاشات كتيرة تالا قالت ليها كيف تهيني الفرقة الكورية حقتي ياخ هسة جنغكوك دا عيبي لي، ولاتاي واي انا ما بسمح ليك😕 كيارا قالت ليها هسة جيسيكا ولا أليس ديل مالهم 😕 وانا بعاين ليهم ما فاهمة اي حاجة دي حرب شنو دي، قلتا ليهم اسكتووو خلاص كلهم حلوين  عاينت لي تلفوني قلتا ليهو واااي الليلة بكتلوني الليلة المغرب أذن عديل  ما حسينا على الزمن واااي، قالو لي ما اتأخر انا ماشة بعد كدا..... تالا برضوا قالت ماشة المهم طلعنا حصلنا الباب وكيارا قالت لينا تعالوني مرة تانية قلتا لو ما فيها خرافات بنجي، ضحكوا فيني وشايفة كيارا بتتلفت قالت ما جاي الكريه دا  هسة ما قال حاسي بالذنب ودعناها بس قبل ما نمشي في عربية جات مفحطة، ركن العربية في البيت التاني لي ناس  كيارا لؤي  رسل رسالة لي كيارا وقال ليها ناديني ونزل، كيارا شافت الرسالة وقالت لينا عاينو العربية دي مفحطة كيف اتخيلو دا منو  لؤي  تالا قالت ليهو نهائ ما بخلي حركاتو د، ي قلتا ليهم لؤي ساكن هنا.... 😐وفي البيت الجمبكم قالت لي ايوة ما وريتك قبل كدا، كيارا نادتو شايفاهو جاي علينا قلتا لي تالا ارح ومشينا، كيارا قالت ليهو مالك اتأخرتا امشي سرعة قبل ما تبعد. سامعاهو قال لي ملاك انتظري داير اتكلم معاك تالا قالت لي دا لؤي بناديك ما سامعاهو أمكن عايز حاجة ، قلتا ليها امشي ما تشتغلي بيهو كفاية الإهانة القالها ما عايذة اسمع شي تاني ، حصلنا بي سرعة ومسك يدي وقال لي ملاك انتظري فكيت يدي وقلتا ليهو ما عايزة اتكلم معاك ومشيت، عاين لي تالا هي فهمت انو عايذ اتكلم معاي  فسبقتني ومشت بعيد اما هو تاني مسكني بي قوة وقال لي اشتقت لي صحبت طفولتي  الوحيدة...... عاينت ليهو بس  لو كنا في زمن مختلف ومكان مختلف كان كلامو أثر معاي، بس للأسف انا بحكم بي عقلي....... فكيت يدي منو واديتو كف قلتا ليهو كيف اتجرئت ومسكت يدي قايل روحك منو انت  هل بتعرفني هل بعرفك  عيوني دموعو وقلتا ليهو كيف قدرت تعمل كدا فيني
كيف طاواعك قلبك ما فكرت فيني ولو شوية، نسيت نحن زمان كنا شنو الزول الكان بخاف على وما برضى فيني شي بقى اكتر زول ازاني وكسرني 💔 نهائ ما اتخيلتك تافه لي الدرجة دي عمري وما اتخيلت انو انخزل بالطريقة دي ومن اكتر زول انا بعرفو انت كسرتني وحطمتني وأهنت كرامتي ومسحتا بيها الأرض 💔ما اتوقعت المعاملة دي منك ياريت لو ما جيت هنا وياريت لو ما اتسجلت في الجامعة دي وياريت لو ما لاقيتك وياريت لوتتمسح من حياتي كلها وذكرياتي ياريت لو ما كنت صحبي في يوم من الايام.......

لؤي كان باين عليهو انو زعلان وقال لي انا اسف شديد ما كان  قصدي اجرحك بالطريقة دي........ هههه صحي بي ياتو طريقة طيب طريقة احسن ولا أسوء اتمنيت اني انسي  وازيف كل حاجة اتمنيت اني امسحوا من راسي واسامحك واصدقك بس انا بكزب عليك كدا، انا اكتفيت ما محتاجة لي تبريراتك لأنو اتهنت وبكيت واخدت كفايتي من الألم انا من اليوم داك اتخطيتك وقطت علاقتي بيك أنا ما محتاجة لي زول زيك لأنك أنت الاخترت كدا فعشان كدا اعمل البيريحك  قال لي ملاك بحلف ليك اني ندمان واسف على كل الحصل ليك قلتا أسفك جا متأخر عشان كدا وفر اعزارك وامشي لأنو لو فكرت اني شغالة بيك ولسة خاتاك في نفس المكانة فأنا  اسفة  لأنو  انا ما شغالة بيك انت اخترت انك تنساني  وانا كمان بعمل نفس الشي انت بالنسبة لي بقيت غريب عني وما نفس الزول الأنا بعرفوا  💔ومشيت منو   .......
لؤي كان ندمان أشد الندم على العملو كيارا جات وقالت ليهو انت الزرعتو وهسة حصدتو انت قايل انها بتسامحك بالسهولة دي، بعد كل شي قال ليها بس ردت فعلها كانت قاسية شديد انا ما كنت قاصد كدا ما كنت قاصد، كيارا كانت بتعاين ليهو  ومستغربة  وحست انو في شي غريب بينا.....
 
حصلت البيت بعد أخدت لي علقة وشكل من امي  قعدتا وحكيت ليها عن الحاجات العملناها وبعدها مشيت غرفتي صليت ورقدت قلتا كان باين عليهو انو زعلان وندمان لي عملت كدا يا لؤي انا حبيتك بي كل شي ومن دون أي شروط  ولي هسة بحبك بس لو ما عملت كدا كنت اسعد انسانة لأنو اخيرا اتلاقينا بعد مدة طويلة  كنت بعد السنوات لي اليوم دا بس انت خربت كل شي طلعت سماعتي وشغلت موسيقى هادية كدا فجأة خطر على بالي آسر لما عيونو بقو لونهم أبيض واتزكرت كلام كيارا عن الايكادوليين جسمي اقشعر  بي مجرد التفكير بيهو هسة لو فجأة ظهر لي أقبل وين غتيت وشي بي المخدة وقلت هسة في داعي للكلام القالتوا كيارا بالزات في الزمن دا اوف لاكن يوم الأحد بسألوا عشان اقطع الشك بس اليقين........

 يوم الأحد جهزت روحي وطلعت بعد ما نبهت امي تاخد الدوا حقها حصلتا ومشيت على  القاعة كان في ناس كتار مجمهرين وبعاينو في حاجة ومن شافوني زحو لي  بس قبل ما ادخل لقيت في باب القاعة في سبورة متحركة مكتوب عليها موتك قريب يا قروية يا فقيرة احسن انك تستقيلي و بي اللون الأحمر، تقولي كاتبنو بي دم ضربت السبورة وقبلتا عليهم بي زعل، وقلتا دا منو العمل كدا  هيام قالت لي شلتها من الأحسن انو تخاف لأنو الخطة المجهزنها بتودها الموت وبي تجيبها راجعة، مؤيد قال ليها من دون رجعة كمان ..... قلتا بي صوت عالي يا جبااان أظهر وخلي حركات الأطفال، مؤيد قال ليها منو الجبان يا انتي ابتسمت لأنو عارفة الكلمة دي بتستفزو مشيت عليهو وختيت يدي في كتفوا، قلتا ليهم مع اني كنت عايزة اكتم السر حقكم بس الفرصة جاتني وما بضيعها  ما في زول اتكلم ، مجد قال لي ياتو سر دا، قلتا ليهو  انكم كنتو عايزين تقتلوني هيام قالت لي الطلاب ويعني شنو لو عمل كدا حاجة كويسة شديد،، معاي يا طلاب كلهم قالو اي معاك....... 🙂عاينت لي الطلاب وقلتا ليهم قعدة اشفق عليكم بتأيدوه انو اقتلني  بس ما طلعت ضحية ليهو بس في زول طلع ضحية  سبأ قالت لينا احسن انك ما تقولها ساي لأنو ما في زول بصدقك ...... ضحكت وقلتا ليها بنشوف يا بنات
عايزين تعرفوا دا منو بي صوت عالي دا آسر ملككم  الغامض أمس مؤيد ضربو لما وقعو اللة أعلم هسة بكون في المستشفى ....... سهى قالت ليهم كزابة القروية دي لؤي كان من ضمن الوافقين عشان اصحح غلطتو أتدخل وقال انا مصدقها يا جماعة، لأنها ما قاعدة تكزب  عاينت ليهو ورفعت ليهو سبابتي وقلتا ليهو بخليهم أصدقوا بي طريقتي ما تدخل كويس.... هيام لزتني وقالت لي إياك ترفعي يدك دي تاني  تالين بت العميد قالت لي انا قلتا ليك شنو مش حزرتك قبل كدا  يا كزابة يا قروية كيارا كانت واقفة وما قادرة تعمل شي لأنو مستحيل أصدقوني بس كل شي اتغير
.........
كل شي اتغير لما آسر جا وهو لافي الشاش في راسوا لأ كمان ولابس نظارة 🙂😹 طبعا البنات كلهم بدو اسألوهو إذا هو كويس وإذا الكلام القالتو صاح انو مؤيد هو الضربك  طبعا سافهم سفهة طوالي مؤيد كان عايز انسحب طوالي آسر وفقفو مشا عليه   ومسكو من رقبتو وخنقوا وقال ليهو تعمل عملتك وتقوم جاري ما راجل انت  مؤيد قال ليهو خنقتني فكني يا زول آسر لصقوا مع الحيطة بي يد واحد وبي اليد التانية ضربو في راسو  لما نزف شكلو كان غضبان لأنو الضربة الانضربها  كانت حارة وما قدر اشفيها عشان ما تشك فيهو ملاك ولأنو استحمل الألم يومين قال ليهو المرة الجاية لما تخطط  لي حاجة يستحسن اني ما اكون موجود لأنو المرة الجاية بندمك في اليوم الولدوك فيهو  .......

في بت قالت واي حتى كلامو مؤثر دا جنتل مان..... 🤭كيارا قالت لي لؤي واي انا شوفو قوي كيف ورجولي اتعلم منو شوية  لؤي قال انا ما عارف العاجبكم شنو ما زول عادي جدا 😒 هيام قالت مبالغة شوفوهو رافعو بي يد واحدة 🤩.......

صراحة حتى انا بقيت بعاين ليهو واتزكرت كلام كيارا عن القصة الحكتها امس وقالت انهم قويين شديد نفضت الأفكار دي وقلتا اكيد عشان انسان رياضي ما اكتر...... آسر فكاهو وجا واقع ومشى دخل القاعة البنات كلهم مشوا لي مؤيد في البتنبذ وفي البتصرخ فيها، كيف انو اعمل كدا اما انا دخلتا القاعة وحاسة أنو القوة والقدرة الألاهية واقفة معاي ومبتسمة لي الضرس الأخير دخلت القاعة وطلعت تاني قلتا ليهم بي صوت عالي آسر قال ليكم حتى هيام وسبأ وسهي  كانو معاهو وحاولو اقتلوهو ما تخلوهم طوالي انقضوا عليهم😹😹 دخلت وانا بضحك ومبسوطة على الآخر دا جزائهم العفنين الحاقدين آسر شكلو زعل من كلامي و طوالي طلع ما أشتغلت بيهو لاني كنت فرحانة شديد   المحاضرة انتهت  وآسر ما حضرها .......

 جا من جهة آسر قاعد في السطوح وقال لي ساعدتها؟؟ عشان الجامعة كلها واقفة ضدها وشفقان عليها، يعني البس النظارة دي لي متين لأنو عيوني لسة ما رجوا  وهي لو ما ا اتحشرت وكشفتني ما بترتاح احسن اني اخد حزري منها.....

من جهة ناس هيام حالتهم بطالة بعد  ما نبذوهم  لأ وكمان ضربوهم 😹😹 مجد قال هههة منظركم بيش لاكن انا الوحيد الطلعت منها قالو ليهو لو ما سكتة انحن البنبقي حالتك بطالة مؤيد قال ليهم الضربة لي هسة مؤثرة معاي ومصدع وما قادر اشوف زي الناس لاكن انا ختيتها في رأسي اقسم بالله ما ارحمها واندمها على العملتو هي ما بتعرف بتلعب مع منو...... سبأ حمرت لي وقالت لي الموضوع ما وقف هنا والانتقام زاد براك  بديتيها ونحن بنتمها يا فقيرة يا متوحشة.... سهى قالت لي وكما خليت ليك القاعة دي الجحيم ما ابقى اسمي سهى عاينت ليهم وقلتا ليهم انا ما بخاف من زول منكم وأعلى ما في خيلكم اركبوهو هيام قالت لي كما خليت الجامعة كلها تطردك وتبقى عظة وعبرة لي امثالك ...... حمرتا ليهم بس آسر جا داخل للمحاضرة التانية قلتا ليهو انت كويس وأصابتك كيف وشكرا ليك اتجاهلني كأنو ما قعدة اقول في شي سكت منو وخليتو .........

بعد المحاضرة انتهت شلة هيام كانو بيفكروا في خطة قاضيية عشان اتخلصو مني، وكانو يتكلمو بي صوت عالي في ولد جاهم وهو اصلا حبيب هيام بس هي ما شغالة بيهو، هيام عاينت ليهو وقالت ليهو عايز شنو يا فادي قال ليها كيفك تمام،..... ما ردت ليهو وقالت ليهو اتخارج  من هنا ما ناقصاك قال ليها مع انو كنت حابب اساعدك بس تمام مع السلامة، هيام وقفتوا وقالت ليهو عندك شنو قال ليها عندي شرط قالت ليهو بي آخر نفس قولوا...... قال ليها عازمك غدا قالت ليهو تمام..... استغرب منها كيف وافقت بالسهولة دي وهي اسموا ما بتحب  تنطقوا  طلع من جيبوا تلفون قال ليها في التلفون دا في حاجة بتخلي القروية تختفي من الجامعة دي والي الأبد كمان قالو ليهو فيهو شنو  قال ليهم فيديو فيهو ضربة الكف  حقتلؤي  طوالي حولتو منو وهو مشي مبسوط....... كلهم عاينو  لي الفديو زمن كنت بضرب لؤي كف وقت اهاني سهى قالت ههههه الضربة القاضية سبأ قالت ليهم إذا عرفوا البنات انو حبيبهم لؤي اتضرب اتخيلو البحصل😯 شنو هيام ضحكت وقالت ما مشكلة خلينا نكتشف البحصل اتفرجو وشوفو وجهزو روحكم لأنو بكرة اليوم النهائي ليها في الجامعة دي 😋😏.........

‏لا تستهينوا بالقلوب الطيبة، فإنها ترى ما لا تراه الأعين، وتشعر بمن يبادلها الشعور ، تحب بعمق وتتألم بعمق، وقليلاً ما تكره وكثيراً ما تتغاضى، فهي لا تنسى الإساءة ولا تسامح بسهولة من لا يقدرها ولا يعطيها قيمتها وكرامتها، وكل من يستهان بها، فتقوم بفتح باب الخروج من حياتها دون رجعة .🥀🥀🖤
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《08》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد طلعنا من المحاضرة قلتا لي كيارا ما شايفة تالا الليلة مالها قالت لي من كترة مشاكلكم نسيتها مرة  واحدة اتصلنا ليها قالت عيانة شوية اتطمنا عليها وقفلنا منها قلتا ليها انا ماشة البيت ما عندنا محاضرة تانية صاح قالت لي اي انا زاتي ماشة من بعيد شايفة لؤي واقف جمب عربيتوا منتظر كيارا عشان امشوا مع بعض كيارا قالت لي الصباح قال عايز اتكلم معاك اديهو فرصة وشوفيهو، قلتا ليها ما عندي زمن للكلام الفارغ يلا مع السلامة قبل ما امشي لؤي وصل وقال  كيفكم يا بنات وانتي يا ملاك كيف عاملة عاينت ليهو بس ما رديت كيارا قالت لي ما تبالغي يا ملاك  وحولت نظرا لي آسر الكان طالع اتجاوزنا ومشى قلتا ليهم مع السلامة ماشة اعتزر منو وأشكروا على العملوا معاي وعاينت لي لؤي ومشيت لحقت آسر  كيارا بي زعل كدا قالت لي مع السلامة  لؤي بي انزعاج كدا من متين بقت صحبتوا الزول دا، كيارا قالت ليهو ما صحبتوا افهم بس عشان ساعدها ما اكتر من كدا في نفسها قالت بتمنى انو ما يكون صاحبها لأنو آسر دا زول بهمني شديد وحتى اني بحبوا وما عايزة زول اشاركني فيهو قبلت لي لؤي وقالت ليهو لي بقيت مهتمي بيها كدا الاتغير شنو قبل اسبوع كنت بتهينا سبحان مغير الاحوال  ضربها في رأسها وقال ليها انسى ارح........
لحقت آسر وناديت ليهو بس اتجاهلني حصلتو وقلت ليهو كنت عايزة اقول ليك... اااا  يعني بي صراحة انا..... ماعرفتا ابدا ليهو من وين، وهو طوالي مشي سرعة وخلاني لحقتو وقلتا ليهو شكرا لانك ساعدتني الخميس الفات واسفة لأنو بي سببي انضربت إصابتك كيف اتجاهلني، سكت وتاني قلتا ليهو احم يعني هسة انتا خاتي النظارة عشان عيونك لسة لونهم ابيض  قبل على وقال لي يعني شوفتيهم. قلتا ليهو السبب شنو في أنهم اتلونو انا اول مرة في حياتي اشوف لي زول زيك كدا عيونو بتلونو براهم ومن المستحيل  تتحول براها انت عيان ولا عندك مرض نادر يعني...... قال لي قبل كدا قلتا ليك بس شكلك ما بتفهمني تاني برجع اعيد ليك  من الأفضل انك ما تتبعي فضولك لأنو ما هيعجبك البتعرفيهو خليك في حالك وبس ...... عاينت ليهو وبي سرعة كنت عايزة اقلع النظارة بس مسك يدي قلتا ليهو لي هسة لونهم ابيض عايزة اشوفهم تاني بي عصبية كدا زحا يدي وبي صوت عالي قال لي إياك تاني تتجرئي وتعملي كدا قلتا  ما عارفة انت لي بتحاول تخفي الموضوع هسة انت زعلان عشان استغليتك يعني..... قال لي انتي نسيتي انك شنو يابت انت واحدة قروية وفقيرة وغبية إياك ثم إياك تتعدى حدودك معاي لانو قسما بالله ما برحمك العصبية والغضب الكان بيتكلم بيهو زكرني بي كلام كيارا عن المخلوقات ديك وكيف انو منظرهم بشع  طوالي خفت واتراجعت خطوات لي ورا قلتا ليهو اسفة ومشيت منو بي سرعة وانا بتنفس....... قلتا لي القصة الغبية طوالي بتظهر لي وانا لي بعمل مقارنة بينهم الصباح زمن ضرب مؤيد ما حصل شي  دي كلها اوهام مني....... حصلتا البيت ولقيت امي تعبانة  شديد وراقدة ما قادرة تتحرك  شلتا القروش الكنت بوفرها وجرى عل المستشفى ضربت لي ابوي حصلنا  هناك عملنا الفحوصات وما كانت مطمنة  قالو ليها ما ترهق روحا وما تتحرك وضربات القلب زايدة وعادي تدخل في جلطة 💔طول الليل وانا مساهرة جمبها بقت احسن بكتير الصباح قمت ونضفت وعملت اي شي وطبخت امي نادتني وقالت لي ما ماشة الجامعة قلتا ليها لأ قالت لي انا كويسة اصلا الدكاترة ديل زادو الموضوع شوية انا كويسة وبقدر اتحرك قلتا لاكن ما بقدر اخليك ومافي زول في البيت قالت لي بتحرسيني وتفوْتي جامعتك انا كويسة ولو حصل اي شي بضرب ليك أصرت على اني امشي قمت اتجهزت وانا قلبي معاها قلتا ليها ما تتحرك انا عملت اي شي كويس قالت لي تمام بست رأسها ودعتها اتزكرت أمس كيارا قالت لي اجيب معاي شيتاتي عشان عايزين نقري مع بعض شلتهم   ومشيت وانا خايفة على امي  وكلام الدكتور بزن في رأسي حصلتا الجامعة  ولقيت البنات كلهم واقفين ووشوشهم ما بتتفسر دخلتا وانا مافاهمة شي في بت قالت لي جات القروية الفقيرة  أجمعوا و اتكلمو عني كلام فارغ دا كلو وانت مافاهمة الحاصل شنو  وحدة ادتني كف عاينت ليها بي صدمة قلتا ليها كيف اتجرئتي وضربتيني في بت تانية قالت منو السمح ليك انك تدي لؤي كف لزيتها وقلتا انتي الدخلتك شنو وريني...... كيارا وهي في العربية وصلها  الفيديو قالت لي السائق أسرع........ البت قالت لي صحبتها شكلو الكف الاديتي ليها ما نفع وخلاها تفقد عقلها لاكن انا برجعوا ليها كانت عايزة تديني كف مسكت يدها ولويتها ليها  قلتا ليها عينوك ليهو محامية دفاع خليهو هو اجي واتكلم معاي . قالت لي يا ساقطة انتي فكي يدي........
في اللحظة دي مرو أمير وماجد من عندنا ماجد قال انت عارف البت منحوسة خلاص  و حظها عاثر دايما بتقع في المشاكل... أمير قال ليهو لؤي وين لازم أتدخل.... ماجد قال ليهو خلينا نستمتع شوية لأنو ما حصل مرة شهدنا حدث كبير زي دا ياداب الجامعة بقت ظابطة هههة.......
البنات بدوا اتكلمو فيني واشتموني وازلوني وفي بنات  مسكوني من شعري وبدينا شكلة بس الكثرة تغلب الشجاعة كيارا جات وجرتني من بين يدينهم ومشينا على الحمام  تالا لمحتنا ماشين على الحمام طوالي لحقتنا........
كيارا قالت لي انتي كويسة من الأفضل انك تمشي البيت الليلة  قلتا ليها شكلهم ما بعرفوني انا ما بهرب من زول عرفتى كما ندمتهم على العملوا معاي اصلي ما بخليهم تالا جات كيارا قالت ليها عرفتينا كيف هنا  قالت ليها وصلت الجامعة ولقين الناس متلمية وشوفتكم داخلين هنا..... قالت الحاصل شنو وانتي مالك حالتك كدا..... كيارا قالت ليها ما شوفتي تلفونك الليلة  نشرو الفيديو زمن ملاك ضربت آسر عاينا ليها وقلنا ليها شنوو...... حسيت بي غضب ما طبيعي ومعروف طبعا العمل كدا منو، طلعنا ومشينا القاعة  دخلت وضربت باب القاعة بي قوة وعاينت لي شلة هيام الكانو مبسوطين شديد مشيت ليهم وبي غضب قلتا ليهم عملتوا شنو انتو  عاينوا لي وقالو عملنا شنو نحن قلتا ليهم انا ما غبية عشان ما اعرف انتو الكنتوا السبب سبأ قالت ليها شكلك يا دأب فهمتي القواعد تلاتة أشخاص ما تقربي عليهم والا بتتعاقبي بس انتي خرقتي القوانين ودا خطأك البنات والاولاد بدو انبزوا فيني في اللحظة دي كيارا مشت تنادي لؤي..... قالوا لي احسن انك تستقيلي من هنا قلتا ليهم قاعدة في الجامعة دي وفي قلوبكم عايزين ولا لا، اقدروا طلعوني منها  ما وريتوني النشر الفيديو منو، مؤيد جا على ودفعني ولصقني مع الحيطة  قال لي خلينا من النشر الفيديو انا ما أخدت حقي منك ابتسمت ليهو وقلتا ليهو عايز تتراجل على بت يا ما راجل  يا جبان ، الكلمة دي استفزتوا وكان عايز اديني  كف بس في زول مسك يدوا وزحاها قبلنا عليهو لقيناهو آسر.... حمر لي مؤيد بس ومشى قعد مكانو  قال لي دي خليتك بس الحساب زاد ومشى قعد مكانو.... مشيت قعدت مكاني طوالي آسر نزل راسو عشان ما يسمع كلامي......
 كيارا جات ومعاها لؤي  ولقوا ماف اي شي قال ليها هسة ما قولتي انو بتهجموا عليها كيارا قالت ليهو فعلا بس ما عارفة الحصل شنو الدكتور دخل واي زول رجع مكانو جاتني وقال لي مش مؤيد كان عايز اتهجم عليك قلتا ليها انا كويسة مافي شي....... عاينت لي آسر وقلتا ليهو ما كنت تتدخل عشان انا ما بتستاهل، قال لي فعلا بس كنت عايز اعرف هيبتي وأفرض وجودي  عاينت ليهو وانا خلاص ما قادرة اكتم الضحكة قال هيبة قال مريض التوحد دا 😹 عاين لي بي استغراب وما علق........
في الكفتريا قعدنا تحت كلام البنات الجارح شديد وكانو بجدوعو فيني الحاجات  تالا قالت لي وهي زعلانة احسن انك تتطلعي من هنا ما قادرة اتحمل البعملو دا  قلتا بي صوت عال انا ما خايفة من زول هنا خليهم اعملوا العايزنو... كيارا  قالت بي صوت عالي  كفاية يا جماعة ما بتتعبوا انتو..... تالا قالت ما عندكم مشاعر..... طيب  ما كان لؤي هو الاتكلم عشان هو غلطان وانتو ما يحق ليكم تعملو كدا....... هيام قالت ليها انتي المحامية حقتا مالها بكماء ولا بتتعلم الكلام جديد  قالت ليها انتو اديتهو فرصة عشان تدافع عن روحها ..... سبأ قالت ليها ما بناخد الأوامر منك وما بنقيف الا تستقيل من هنا لأنو دا ما مكانها.... تالا قالت ليها سبأ دي انتي البتتكلمي هههة عارفاني بعرفك ذي عيوني وبعرف اسرارك فإذا عايزة تكون مخفية من الأحسن انك ما تردي على وضح.........
من جهة لؤي كان  قاعد براقب بي صمت وهو ما قادر اعمل شي  ماجد قال يا سلام حرب أسرار حلو المتعة زادت أمير عاين لي تالا بي إعجاب وقال كنت قايلها ضعيفة بس  طلعت عكس البتظهروا... رامي قال ليهم وكمان  جميلة 🤩  أمير قال لؤي هي..... طلع من شرودو وقال في شنو قال ليهو انا كلمتك وقلتا ليك بتندم وهسة انت ندمان........
في المعمل الدكتورة قالت لينا المشاريع ماشة كيف عارفين موعدو قرب قالو ليها ادينا مهلة صغيرة لأنو صعب شديد قالت ليهم ثلاتة ايام بس وما اكتر كلهم فرحوا الا انا طلعنا وانا بحنس آسر بس اتجاهلني كيارا قالت لي مع انو كنا عايزين نقري بس ما مشكلة بكرة بنقري جيبي معاك الشيتات وفي أذان كانت سامعانا ......
وانا ماشة للبيت دموعي ما وقفوا نهائي كان اسوء يوم لي كنت بظهر اني قوية بس انا محطمة وببكي دم على كل شي حتى انو لؤي كان براقب البحصل بي صمت وما ادخل  سقط من نظري اكتر، على الأقل آسر بعد غرورو احسن منو بي الف مرة مسحت دموعي ما عايزة مشاكلي تأثر على امي لأنو هي حنينة وما بتتحمل براها عيانة دخلت ورسمت ابتسامة مزيفة وسلمت عليها واتونست معاها حتى دخلتا غرفتي بكيت قدرتي فكرت اني استقيل لأنو اليوم دا أثر على نفسيا وجسديا........
اليوم التاني دخلت القاعة  وانا بشجع في روحي كنت متأخرة  وتعبانة من أي شي دخلت وختيت شيتاتي في الطاولة لأنو كتفي وجعني من شيلهم كنت شايلة هم امي تلفوني ضرب طلعت امي  ما قدرت أسمعها عشان كان في جوطة طلعتا برة. ..... قالت لي انتي الليلة نسيتي تديني الدوا وانا ما بعرفهم ياتو واحد فيهم قعدت شرحت ليها كل الأدوية ومتين  بتبلعهم بعد خلصت وقفلت بعد اتأكدت انها فهمتهم تمام  دخلت القاعة ولقيت انو شيتاتي اختفت فتشتها فوق تحت وما لقيتهم......
هيام جاتني وقالت لي مالك بتفتشي في شنو شيتاتك صاح جابت السلة وقالت لي هاك ليهم قلتا ليها شرطيهم اشتبكت معاها لاني كنت زعلانة شديد من الحصل لؤي واصحابوا كانو مارين شافونا بنتشاكل كيارا جرت علينا وفصلتنا......ماجد قال ناقصنا فشار بس أمير قال كفاية البحصل دا مافي زول بقدر بتحملوا يعني هي ما بتحس..... رامي قال ليهم هوليوود نقلوها عندنا 😯😹بي هنا......
طلعت من القاعة ومشيت الاستراحة غسلت وشي وحاولت امنع نفسي من البكا قلبي وجعني من كل شي 💔دخلتا القاعة بي هدؤ لأنو زمن المحاضرة جا قعدت ونزلت راسي ما قدرت امسك دموعي اكتر قلتا بي صوت واطي اسبوعين اسبوعين وانا بحاول اجمع القروش عشان اشتري الشيتات بمنع روحي الاكل والشراب وبعد كدا بمشي بي رجليني عشان أوفر حقهم لي كدا عشان هم أغنيآء وما بحسو بي حجم المعاناة البنعيشها ياخ ديل كانو شيتات أكبر مادة وغاليات شديد انا اجيب القروش من وين وكلها خلصتا في المستشفى وفي العلاج  لو قلتا تاني اني اشتريتهم ما بقدر واكيد برسب عملتا شنو في الدنيا دي عشان اعملو فيني كدا يا رب  الصبر لاني ما قادرة اتحمل الظلم  اكتر من كدا في دموع حارات جو نزلات.. .......
____
رفقا بي يا وجع 😔فلم يبقى في القلب متسع💔
مع انو كنت بتكلم بي  صوت واطي شديد بس في أذن كانت سامعة كل حرف قلتو...... صدعتا شديد بعد المحاضرة خلصت طلعت اتنفس لأنو كنت مقهورة شديد بقيت بتمشي في الجامعة واستقريت في ظل شجرة في اللحظة ديك كان في ناس فوق في السطوح مترصدني الأول قال ليهو بنرمي الاصيص دا  عشان نخوفها ونحزرها ما دايرين نقتلها كويس...... حسيت بي حاجات بتتكسر جمبي عاينت ولقيت اصيص الزهور واقع جمبي وبعدها بي  لحظات بقت تمطر اصيص زهور... جريت عشان ما اموت لو وقعت فيني واحدة... طلعتا ليهم فوق وانا ماشة اخد حقي قلتا مبالغة لاكن عايذين اقتلوني  هم قايلين الروح دي هينة كدا🙂 طلعت السطوح وما لقيت زول بس فجأة الباب غفل....... خفت شديد مشيت وحاولت افتحو بس بدون فايدة بقيت بضرب فيهو وبنادي  بس مافي جواب ضربت الباب لما تعبت وتلفوني وحاجاتي مع ناس كيارا اووف دي شنو الورطة الوقعتا فيها دي بقيت بصرخ  لؤي وماجد كانو طالعين فسمعوني بصرخ  ماجد قال ليهم دي مش القروية صوتها جاي من فوق شكلهم حبسوها ههههه...... لؤي جا جاري بي سرعة على  حاول افتح الباب بس ما قدر عليهو بقى بهديني لأنو عارف انو انا بخاف من المناطق المقفولة حاول اكسروا بس كان الباب كبير وصلب قال لي انتظري هنا بمشي بجيب المفتاح واجي ومشى قلتا ليهو على أساس بمشي مكان وانا محبوسة هنا.......
تالا وكيارا كانو بفتشوني في كل مكان لقاهم ماجد قال ليهم بتفتشو في صحبتكم قالو ليهو اي وين هي قال ليهم محبوسة في السطوح طوالي جروا على وفي الطريق لقوا لؤي قال ليهم مالقيت المفتاح كيارا قالت إذا عرفنا الحبسها بنعرف المفتاح تالا قالت ليها ما هي الجامعة كلها عايزة تحبسها ماجد عاين لي لؤي لي بي  شك  وقال ليهو غريب لي شغال بيها كتير عي كل ارح محاضرتنا بدت لؤي طوالي مشي معاهو..... تالا قالت الا نمشي لي الحارس لأنو كل المفاتيح عندو ومشوا في زول كان واقف وسامع كلامهم وقال معقولة ما عارفين انو في مفتاح واحد بس لي  السطوح......
من جهتي وخلاص بقيت بعمل شهيق وزفير لأنو حاسة بي ضيق ما طبيعي قعدت جمب الباب وقلتا لؤي اتأخر شديد لي اااخ بس لي  بحصل  كدا كأنوا ما عندهم حاجة غير يأذو الناس انا تعبت من كل دا فجأة باب السطوح فتح قمت بي سرعة وطلعت ما لقيت زول عاينت بي كل الاتجاهات ما لقيت زول نزلت ولقيت كيارا وتالا جايين على حضنتهم  وقلتا ليهم حبسوني قالو لي عرفنا من لؤي ومشينا فتشنا المفتاح وقالو انو السطوح عندو مفتاح واحد بس تالا بي استغراب طيب الفتح الباب منو قلتا ليها بكون لؤي فتحو ومشى..... عاينو لي بعض وقالو لي لؤي مشي محاضرتو من زمااااان ..... كيف يعني باب السطوح فتح ولما طلعت ما لقيت زول وما حسيت بي زول خطوات زول نازل  وانتو ما لمحتوا زول نازل هزوا رأسهم...... تالا قالت معقولة جامعتنا بقت مسكونة... كيارا قالت ليها بكون دا واحد من الحبسها  أتراجع وفتح ليك بس دا منو العمل كدا.... قلتا ليهم ما عارفة لاكن الشي البعرفو انهم شلة هيام  قلتا ليهم يعني لؤي خلاني ومشى محبوسة😨بعد معرفتو بي اني بخاف من المناطق المقفولة كيارا قالت لي ما شوفتيهو كان خايف عليك كيف قلتا ليها الأقوال مالم تتبعها الأعمال فهي بتبقى مجرد كلام ما ليهو قيمة  شخص جبان.... اسفة لأنكم فوتوا المحاضرة بي  سببي قالوا لي ما فوتنا كتير ارح نلحق مشينا ودخلنا المحاضرة....
من دخلنا كلهم فتحو خشومهم وعاينو لي بعض  سبأ قالت طلعت كيف... هيام قالت ليهم معقولة في مفتاح تاني بس كيف والمفتاح معاي  .... قلتا ليهم مالكم  شوفتوا شبح ولاشنو دي انا زاتي طلعت اتخيلوا 🙂ومشينا قعدنا  لاحظت لي آسر مافيش قلتا لي كيارا الملك مالو الليلة قالت لي لمحتو جبيل شكلو ما كان عايز احضر المحاضرة
من جهة تالا دخلت القاعة طوالي لؤي مشي عليها وسأليها وقال ليها ملاك كيف طلعتوها صاح قالت ليهو لوكنت مهتمي كان ساعدتنا لؤي رجع لي ورا وقال ليها منو القال ليك انا مهتمي بيها..... قالت ليهو إذا لوا ما مهتمي اسأل زول غيري خلي اوريك ...... ماجد قال ليهو مستحيل تطلع لأنو هو مفتاح واحد  واكيد بكون مع الحاجزها وطبعا اكيد ما بتنازل... تالا قالت ليهو معناة البتشوفو هيصدمك......
من جهتي خلصنا المحاضرة وطلعنا واي زول اشوفني معالم الصدمة بتكون في وشو  والسؤال الوحيد  منو الفتح ليها الباب..... طلعت وانا ماشة لاقاني لؤي وقفني قال لي طلعت كيف...... قلتا ليهو لسة ما طلعت دا شبحي لأني موتة زمن كنت متظرة حضرتك...... قال لي اسف ما قدرت اساعدك بس المهم انك طلعتي منو الطلعك عاينت ليهو وقلتا ليهو ما بخصك  ومشيت وقفني وقال لي علي الاقل ممكن اوصلك الليلة قلتا ليهو لأ شكرا قال لي ما تتكلمي معاي بي برود كدا  عاينت ليهو وانا زعلانة قلتا ليهو بتكفيني المشاكل الأنا فيها وما ناقصة لي مشكلة جديدة بي سببك وبعدين ممكن عادي هسة اشوفونا مع بعض وسمعتك تتشوه وانت الخسران صاح كلامي..... قال لي انا اسف يا ملاك على كل حاجة وعلى المشاكل السببتها ليك..... ابتسمت ليهو بي استهزاء وقلتا ليهو انت حتى ما معترف بي خطأك رجاءاً ما تكلم معاي تاني ومشيت خليتو.....
وانا ماشة في الشارع قلبي كان عايز اني اسامحوا بس عقلي رافض الفكرة دخلت في دوامة كبيرة قلت  انا كدا بمسح بي كرامتي بس كمان انا بحبوا اوففف دا شنو الأخيار الصعب دا..... عدا اليوم عادي وطول اليوم بفكر في كل الأحداث الحصلت دي وخاصة شيتاتي الماعارفة اتصرف فيها كيف......
صحيت الصباح وانا مادايرة اقوم امشي الجامعة  لاني تعبت من كل شي وما قادرة اكمل طاقتي انتهت بقت لي كابوس امي جات صحتني قالت لي قومي مالك الليلة قلتا ليها انا تعبت شديد يا أمي ، حضنتني وقالت لي ما تخلي حاجة في الدنيا دي تأثر على حلمك ودراستك اي حاجة بتحصل ليك لازم تكون ليك دافع قوي عشان تكملي وتثبي  نفسك تمام قلتا ليها فعلا قمت جهزت البيت وحالي وطلعت وانا بجر في رجليني بالغصب دخلت الجامعة ومشيت القاعة سلمت كعادة ماف زول ردا على عاينت لي طاولتي ولقيت حاجة غريبة شديد وصادمة في نفس الوقت لما شهقت بي صوت عالي  كلهم استغربوا في شنو  كيارا جات. لقتني في حالة صدمة قالت لي مالك اشرتا ليها على الطاولة قالت لي مافي شي غريب  هنا ديل شيتات قلتا ليها وانا ماقادرة اتكلم زي الناس ديل شيتاتي الأمس شرطوهم   عاينت لي بي صدمة مسكتهم. واتفحصتهم نفس العلامات البعملها في القراية نفس قلم الرصاص الأنا بعلملو على الحاجات المهمة مممسستحيل 😨😨🙂.........
كيارا قالت لي انتي أمس ما اشتريتهم هزيت ليها راسي وقلتا ليها ابدا واللة قالت لي وهي بتبلع  في ريقها يعني انتي قصدك انو شيتاتك الأمس اتشرطوا رجعوا واتركبوا تاني ناس هيام  جونا وقالو في شنو كيارا ورتهم وكانو مصدومين زينا كدا 🙂 ومشوا قعدو وهم بتغالطوا في انو أمكن دي ما شيتاتي... قعدنا ونحن متحيرين في الحصل دا... آسر دخل القاعة وقعد بي برود عاينت ليهو وأول ما خطر في بالي قصة  الخرافة وانو بمتلكوا خاصية التركيب....المحاضرة بدت  كنت مصدومة بس مبسوطة في نفس الزمن من الحصل لي دا 🥀 بس لازم اقطع الشك دا وأتأكد من انو آسر دا مخلوف فضائي ولا لأ، لأني بجن بعد شوية وأول شي لازم أتأكد من حاجة  قبلت عليهو وقلت ليهو آسر أمس مالك ما دخلت المحاضرة كنت مع حبيبتك صاح عاين لي وأسورتو وخاتموا بقوا لونهم  أزرق ابتسمت وقلتا إذن بتغيروا على حسب احاسيسوا دا بيعني انو 💙 الأزرق لما انزعج من حاجة و💭معناها الأبيض للألم و🖤الاسود للحزن طيب واللون البنفسجي والارجواني شنو  كنت بفكر بي صوت عالي  قلتا دا بفكر كيف انا دا غباء وتخلف ما اكتر من كدا طبعا القاعة كلها صنت وسمعوني الدكتور  قال شنو يا طالبة الكلام البقولوا  دا غباء🙂جسمي كلو  هبط وقلتا ليهو لا يا دكتور ما كدا كنت بتكلم مع آسر،،،،،،آسر عاين لي بي صدمة واسوارتو وخاتموا بقى لونهم نيلي قال شنوو،،،،، الدكتور قال لينا بتتكلمو في المحاضرة اطلعوا بررررا طلعنا برة وانا قلتا ليهو انا والله انا اسفة ما كان قصدي بس سؤال  لون اسوارتك لي بقى لونهم نيلي يعني شنو قال لي ما يخصك قلتا ليهو انا عارفة انهم يتغيروا حسب حالتك ما تخاف وريني ولا اقول ليك انتظر اسجلهم في ورقة عشان اعرفهم  كلهم 😹🤭
عاين لي بي صدمة كدا في اللحظة دي لؤي شافنا وجا علينا وقال لي انتي هنا بتعملي شنو قلتا ليهو ما بخصك قال لي وهو زهجان لي دايما بشوفكم مع بعض  كنت دايرة اغييظوا رفعت حاجبي وقلتا ليهو لي ما نكون مع بعض ما انحن أصحاب آسر طوالي مشي وقال من القال ليك كدا  قلتا ليهو مغرور ومشيت  لؤي مسكني وقال لي لي بقيتي بتمشي معاهو حبيتيهو يعني زحيت منو وقلتا ليهو المشكلة وين يعني ما بحق لي ولا اشكال زي ما بتقع في حب ناس زيكم كدا  قال لي ما تلعبي بي اعصابي يا ملاك،،،،، قلتا ليهو ما تدخل فيني على الأقل هو شخص متسامح مع نفسو ومع الناس التانيين واحسن منك ومشيت خليتو .....
في الكفتريا كنت شاردة مع الأحداث الحصلت دي وما لقيت غير بدخل آسر في كل الحاجات دي   تالا قالت لي كيارا مالها ملاك الليلة حصلت ليها حاجة كيارا قالت لي حصل شي غريب الليلة شيتاتها الشرطوهم ناس هيام لقيناهم مختوتين في الطاولة حقتها زي ما هم تالا بي صدمة كدا شنوو لو كنت ما بعرفكم كنت مستحيل اصدقكم،،،،،،، طلعت من شرودي وقلتا لي كيارا انتي معقولة الخرافة القلتيها طلعت صاح وأنهم لسة قاعدين كيارا قالت لي عليك اللة يا ملاك بطلي انتي لسة متزكراها  قلتا ليها جاوبيني وبس قالت لي قالوا إنهم كلهم مااااتو وما فضل زول عشان كدا هي قصة ما حقيقية ختيت راسي في الطاولة وقلتا كدا يا داب ارتحت كونو اسوارتو وخاتموا اتلونو دا ما بعني اي حاجة.....
مرا اليوم ما فيهو حاجة تاني يوم طلعت وانا بحاوب انسى اي شي لاقيت كيارا في المدخل منتظراني سلمت عليها وقلت تالا بتجي الساعة ٩ما في داعي ننتظرها ودخلنا القاعة طبعا لقيناهم كأنو منتظرننا وعاملين ليهم حاجة قلت الناس دي ما بتعبوا ياخ،، سمحت كيارا صرخت وقال واااي دا شنو مقرف الطلاب بقوا اضحكوا فيها قلتا ليها مالك لقيت ليك خاتين في الطاولة فترتين ميتات طبعا كلهم مترقبين انا بعمل شنو بس ما عملت شي  هيام قالت لي مالك ما صرختي أو عملتي ردة فعل كل البنات بخافوا من الفئران  سبأ قالت  مستحيل متأكدة من انك بت كلهم قعدوا اضحكوا  عاينت ليهم وقلتا ليهم هسة قتلتوهم عشان تخوفوني ما حرام عليكم كلهم سكتوا ههههه كنت قايلاكم أكثر زكاء من كدا نسيتو اني جاية من وين طول حياتي بتعامل مع الثعابين والعقارب  سؤال انتو بتخافوا منهم كلهم قالوا اكيد دي كائنات مقرفة ومغززة هيام قالت اكيد ما نحن انثويات ما ذيك كدا  لاكن كانت فكرة كويسة بس ما نفس الفعل الكنا منتظرنو  قلتا ليها ايواااا دي انتي يعني حلو طيب لو فأر جا جمبك بحصل ليك شنو قالت لي سؤالك غبي ابتسمت ليها ومشيت رفعتهم من ضنبهم ومشيت عليها  كانت بتصرخ وبتقول لي إياك تجيبها هنا رفعتو فوق ورميتو فيها بقت تجري وتدردق قلتا ليها  المرة الجاية العبي مع القدرك كويس رفعت التاني ووجهتو علي الطلاب كلهم جرو مني آسر كان واقف في باب القاعة وبعاين ليها قال بجد شجاعة دخل كدا الدكتور جا داخل قعدنا كلنا  في محلاتنا
 آسر نزل راسو في الطاولة قمت ختيت ليهو الفار جمبوا شكلوا عندوا حساسية بدأ اعطس وأسوارتوا وخاتموا بقى لونهم أخضر قلتا حلوو لون جديد لاكن معناهو شنو قمت رفعت الفأرة من جمبو وضحكت وقلتا ليهو بتخاف منهم  بتوقع شنو يعني من شاب غني وود ميكي 😹ساي  آسر كان بعطس شديد عمل  حركة بي سبابتو ورمي الفأرة بي الشباك قال لي عندي حساسية منهم ونزل راسوا وهو متوتر وقال لازم اتحكم بي قدراتي اكتر لأنو بقوا فاضحني ،،،،،،،،،، اصلا كنت في حالة صدمة ثواني الفار كان في يدي فجأة كدا وبي حركة واحدة اترمي برةلا لا نظارتي فيها مشكلة أمكن،،، أو انا رميتها وانا ما حاسة لا لا انا متأكدة انو آسر هو الرماها لأنو شوفتو حرك يدو واترمت انا خلاص جنيت
في الكفتريا كنت شاردة تالا قالت لي كيارا مالا ملاك بقت تشرد   كتير كيارا قالت ليها عندها حق الصباح ختو ليها فيران وعشان ما اقولوا هي خوافة اظطرت انها تمسكم واي انا من القرف   في بت وانحن باكل جات علينا وفي يدها عصير كبتو لي في السندويتش حقي قلتا ليها داشنو دا قالت لي مدام انتي عادي بتمسكي الفيران برضوا عادي تاكلي سندويتش بي نكهة البرتقال قمت عليها وبدينا نتشاكل

من جهة أمير قال البنات دي ما بتعبوا ما من البحصل دا   لؤي قال ليهو دا كلو بي سببي  ،،،،،، أمير شال السندويتش حقوا ومشى على جهتنا  وقفنا  وقال  لي اقعدي عاينت ليهو وقال لي اهدي شوية اداني  السندويتش حقو وشال السندويتش حقي ومداهوا لي البت قال ليها انتي ما عارفة انو دي نعمة وما صاح العبوا بيها البت خشت جوا ضفورها من الخجل  أمير قبل على وقال لي اكليهو  عشاني كويس وطلع من الكفتريا البنات كانو بنبذوا فيني سهى قالت لي الشباب كلهم شغالين بيها القروية دي
تالا قالت لينا مبالغة لاكن شوفتوهو عمل شنو ياخ داجنتل مان وظريف بالرغم من انو شكلو انثوي شوية بس راجل واللة عاينا ليها وكيارا  قالت  ليها دا حب من اول نظرة ولاشنو لأنو ماحصل مرة عملتي كدا  هو صحبي عادي اعرفك عليهو  تالا وهي خجلانة  هي منو القال ليكم حبيتو شوفوا ديل عليك اللة،،،،،طلعنا من الكفتريا ودعوتهم  وقلتا ليهم انا ماشة قالوا لي بدري قلتا ليهم امي الايامات دي عيانة شوية عشان كدا راجعة بدري  صحي يا كيارا بنقري مرة تانية يلا مع السلامة ومشيت
كيارا مشت على لؤي قال ليها الليلة ما بقدر اوصلك في زول لازم تسامحني اطلبي من السائق اجيك قالت ليهو تمام  
لؤي لحقني وناداني قلتا ليهو مالك قال لي ماشي معاك قلتا ليهو لا شكرا قال لي انا مصر قلتا ليهو الشارع حق كل الناس بس ما عايزة اسمع صوتك مشينا بعد مسافة قال لي جيتو هنا لي قلتا ليهو عشان شغل ابوي ايواا   ولدن كيف قلت ليهو طولت منها ورقمها العندي راح وما لقيتو  قال لي انا اسف يا ملاك كل شي جا مع بعضوا وانا ما عرفت اعمل شنو بس صدقيني انا ندمان على كل حاجة حصلت ليك قلتا ليهو حصلنا ممكن تمشي بعد كدا قال لي داير ادخل أسلم علي ناس البيت قلتا ليهو ابوك بيزعل لما اعرف انو ولدو دخل بيت الزول الكان بشحدوا لؤي قال لي ملاك قلتا ليهو لؤي انا ما بسامحك بي السهولة دي تمام  قال لي نسيتي انا منو انا لؤي صحبك الزمان انا عارف انو انتي زعلانة مني بس اكيد مهما يحصل في رابط بجمعنا مع بعض ما تفكري اني نسيتك ونسيت زكرياتنا انا ما نسيت حاجة وعارف انو انتي ما اتخليتي عني بي السهولة ومستحيل تنسيني في يوم  كلامو أثر على بس ما بينت ليهو قلتا ليهو إذا اسمعني كويس وافهم  البقولوا  انا حاليا ما في حالة تسمح لي اني اتكلم أو اسامحك لأنو انت العملتو كان اثروا كبير وللأن انا مصدومة منك احسن نخلي مسافة أمان عشان ماف زول اتأذي ومشيت منو،،، لؤي قال انتي ما بس مجرد صديقة انتي اكتر من كدا 🥀

لا يوجد شيئ اسمه النسيان نحن ربما ننشغل أو ندعي اننا نسينا لكن الحقيقة اننا نطمس
الذكريات خلف جدار عال بعيدا عن عيوننا كي لا نراها  لتتسرب اغنية واحدة بالصدفةإلى مسامعنا  فتهدم ذلك الجدار في لحظة وتكشف حينها هشاشة الجدار وقلبك وكل ما فيك💔  
•••••••••••••••••••••••••••••••••••••••••••••••••••••••••••

 

#فقيرة~في~عالم~الاغنياء《09》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
دخلتا البيت من دون ما اعاين وراي لقيت امي قاعدة سلمت عليهاو مشيت استحميت وصليت وقعدنا قعدة ظريفة كدا  ابوي جا بدري على غير العادة قعد معانا شوية وجاهو تلفون وطبعا امي تكشف ساي ابوي جا داخل بعد انتهى من مكلامتو امي قالت ليهو يا عمر شايفة الايامات دي تلفونك شاغلك ومكالماتك كترت أن شاء الله خير🙂 ابوي عاين ليها وقال ليها يا سلمي بتلمحي لي شنو قالت ليهو ولا حاجة لاكن اللبيب بي الإشارة يفهم🤣 ابوي ضحك وقال ليها اتطمني دا صحبي قالت ليهو بعرفو قال ليها طبعا دا يس ابو لؤي طوالي رفعت عيني امي قالت ليهو في حاجة قال ليها ايوة عازمننا عشا الليلة عندهم  وانا وافقت جهزوا روحكم امي قالت ليهو اي ياخ طولنا منهم شديد وقفت وقلت ليهم مستحيل انا ما ماشة امي قالت لي مالك دا لؤي صحبك (شكلوا ابوي ما حكى ليها)  قلتا ليها هم عازمنكم انتو انا مافي داعي امشي اصلا نعسانة عايزة انوم وما تخافوا بقفل الأبواب على ...... بعد اتجهزوا ابوي جاني وقال لي ما غيرتي رايك قلتا ليهو لا قال لي عشان لؤي قلتا ليهو دا ما لؤي الأنا بعرفوا اتغير شديد  قال لي بس امو وابوهو مشتاقين ليك قلتا ليهو معليش اعتزر ليهم نيابة عني  قال لي تمام اقفلي الأبواب كويس وانحن زاتنا ما بنتأخر هزيت ليهو راسي بس.......
من جهة الخدامة فتحت الباب وفضلوهم  وقعدوا كلهم بعد السلام الحنين واللقاء الكان من زمن طويل لؤي جا نازل وسلم على ناس امي بقى بتلفت في كل مكان ابوي قال ليهو بتفتش في ملاك ما جات معانا قال ليهو خير ابوي قال ليهو الدراسة شاغلها لأنها دخلت متأخرة عشان كدا لؤي قال ليهو دا السبب ولا سبب تاني ابوي قال ليهو زي شنو لؤي قال ليهو لا ولاشي وقام طلع غرفتو  وبقي بمشي وبجي في الغرفة معقولة انا خسرتها كدا لا لا لا انا لازم افكر في  طريقة تخليني اكسبها ما عايز اخسرها ولا بأي شكل...وبي جهة ناس امي وابوي كانو مندمحين في الونسة والضحك والزكريات القديمة .جور راجعين ولقوني نايمة..... ..
الصباح قمت بدري جهزت كل شي  وامي من صحت وسيرتهم في خشمها  قالت لي زي ما خليناهم متواضعين وراقين وحتى لؤي بقى حاجة كدا هيبة وسماحة ووو..... طلعت من البيت بعد ما كرهت اسم لؤي اكتر  من اول دخلت الجامعة واليوم عدا عادي ما فيهو شي حتى اني استغربت وقلتا دا هدؤ ما قبل العاصفة كيارا قالت لي بكون عرفوا انو تصرفاتهم طفولية.... وانحن ماشين لقينا هيام وسبأ وسهي ومؤيد وقفوا قدامنا وفي يدينهم جرادل متوسطة حقت بوماستك خالطنا بي حبة موية  بي اللون الأحمر والأسود والأزرق والأبيض  في البداية ما فهمت ناوين على شنو بس لما عدوا من واحد لي تلاتة وكشحوني بيهو يا داب استوعبت انو دي خطة منهم هيام قالت لي مفتكرة يعني نحن سكتنا واستسلمنا لا يا قروية مالم تطلعي من الجامعة دي من دون رجعة انحن ما بنخليك من شدة ما زعلتا منها لأنو منظري كان زبالة شلت من البوماستك و عملتا ليها في وشها كنا عايزين نبدي مشكلة بس كيارا جرتني قالت لي قايلاهم وفقوا حركاتهم دي قلتا ليها ما تهتمي انا ماشة قالت لي ماشة وين البيت قصدك..... قلتا ليها اعمل شنو يعني اكيد ما بزح بي موية قالت لي ارح معاي البيت قلتا ليها ولا تفكري قالت لي انت المابتفكري لو مشيتي بيتكم بي منظرك دا اكيد امك بالها ما برتاح وبراك قلتي انها بقت احسن بي كتير فلو مشيتي كدا بحصل شنو  بعد حسابات طويلة حتى وافقت.... لؤي لمحنا وجا علينا قال لي داشنو دا قلتا ليهو بي استهزاء سمعت لي شيخ قال انو دي تعويذة عشان اخلي الناس المادايراهم بعدين مني  لاكن شكلو ما أثرت معاك  🙄كيارا قالت ليهو انت غبي ما حاجة  واضحة..... السائق وصل كنا ماشين نركب لؤي مسكني من يدي قال لي أمس لي ما جيتي بي سببي يعني عاينت ليهو بي برود وقلتا ليهو انت خاتي روحك في درجة عالية شديد من الأحسن انك ما تعيش الدور دا تمام ومشينا.... وصلنا بيت كيارا وامها قالت لي بي حنية كدا مالك يابتي كيارا قالت ليها البوماستك اتكشح فيها قلتا لي امها اسفة على الازعاج قالت لي ما تقولي كدا أصحاب بتي هم برضوا زي بناتي💖 ابتسمت ليها ودخلت الحمام استمحيت تمام  وطلعت وانا لابسة هدوم كيارا لأنو هدومي شالتهم الخدامة تغسلهم لي بي  الغسالة  مشيت حضنت كيارا وقلتا ليها شكرا على كل حاجة بجد انا محظوظة بيك قالت لي ما تقولي كدا لو كنتي مكاني اكيد كان عملتي نفس الشي  عاينت لي مسافة وقالت لي انتي جميلة شديد يا ملاك شعرك طويل وحلو بدون اي شي رموشك الطوال وعيونك الحلوات البجزبوا اي زول قوامك حلو ومتناسق كل شي حلو فيك بس لو اتخلصتي من النظارات دي قلتا ليها بس كدا ما بشوف قالت اعملي عدسات قلتا ليها ما مريحة لي على كل انا ماشة قالت لي وين قلتا ليها البيت قالت لي انتي بايتة معاي ضحكت وقلتا ليها انتي ظريفة بس ما بقدر قالت لي وخطوة واحدة ما بتعتبيها برة قلتا ليها كيارا ما بقدر واللة قالت لي انا اهتميت بي موضوع البيتان ضربت لي امك وقلتا ليها  عايزين نقري لأنو عندنا مشروع  وحتى اديتها امي اتكلمت معاها وهي وافقت يعني ما عندك عزر تاني قلتا ليها بس امي براها ما بقدر اخليها ثواني بس ضربت ليها واتكلمت معاها قالت لي ما تخافي ساي وبعدين ابوك قاعد ما تشتغلي روحك خليك في قرايتك قلتا ليها طيب خلي بالك من نفسك ورى معاك ابوي تمام..... قفلت منها وكيارا قالت لي ما بتصدقي انا مبسوطة كيف لأنك بايتة معاي.بنسهر طول الليل قلتا ليها مافي اي سهرة قراية بس اتأففت وقال ارح طيب قعدنا كدا وقرينا نادونا للعشاء اتعشينا وامها كانت النوع الظريف داك بتدخل القلب طوالي اتونسنا تمام وطلعنا فوق قعدنا في السرير وكيارا قالت لي انتي يا ملاك ما ناوية تسامحي لؤي لأنو شكلو ندمان على العملوا قلتا ليها العملوا ما حاجة بتتغفر حتى لو سامحتوا في حاجة انكسرت بيناتنا ختي روحك مكاني لو صديق طفولتك عمل فيك كدا شعورك بكون كيف ولو اتظاهر بعدم معرفتك لأنك فقيرة ... بس الحاجة الكويسة انك ما بتعيشي الاحساس دا  كيارا قالت لي بي صدمة ثواني  يعني لؤي دا ياهو لؤي صحبك طيب لي ما وريتيني ما بتثقي فيني..... كيارا الموضوع ما موضوع ثقة كيف ممكن تصدقيني وإذا لؤي صحبك هو زاتو  ناكرني وبدعي عدم معرفتي  اكيد في النهاية بطلع غشاشة ومخادعة في نظرك عشان كدا قلتا ليكم دا ما هو  .... حضتني وقالت لي لو قلتي لي كان صدقتك بس معاك حق ما كنت سامحتوا  بعد العملوا  عارفة صعب عليك لأنك بتحبيهو قلتا ليها ما بحبوا قالت لي ما تحاولي تغشيني الكلام دا قلتي بي نفسك قلتا ليها فعلا انا بحبوا بس قالت لي هو عارف قلتا ليهو اكيد لأ قالت لي اعترف ليهو ضحكتا وقلتا ليها لما تعترفي لي آسر بعترف لي لؤي  قالت لي انتي بتسخري مني صاح وضربتني بي المخدة وانا رديتا وبدينا حرب المخدات...... أصبحنا وشربنا الشاي وكمان العصير حتى طلعنا لقينا لؤي طالع قال لينا صباح الخير الليلة انا البوصلكم كيارا قالت ليهو مالك فرحان كدا عشان ملاك هنا ولاشنو.... لؤي غير الموضوع وقال ليها ارح بنتأخر... قلتا ليهم معليش يا جماعة انا ما بركب مع الناس الغريبة  لؤي قال لي بتعتبريني غريب يعني قلتا ليهو انا اول مرة اشوفك كان قبل كم اسبوعين أو اكتر وكان يوم مشؤم إذا أنت أغرب من الغرباء .... كيارا قالت لينا خلاص يا جماعة اتصالحوا وانسوا الموضوع... قلت ليهم  ما بقدر كيارا لو ماشة معاي ارح لو ماشة معاهو مع السلامة ومشيت كيارا لحقتني وبقينا نمشي  وورانا لؤي ماشي وهو بفكر في طريقة عشان اصالحني وصلنا وتالا نزلت من العربية وجات سلمت علينا وقالت لي شايفاكم جايين مع بعض كيارا قالت ليها ملاك كانت بايتة معاي اما لؤي لاقانا ومشي معانا تالا قالت لينا يخسي عليكم ما كان توروني كان جيت كيارا حقت ليها لي شنو انا بيتة معاها  تالا قالت لينا الموضوع بقى يومي بسوء اكتر  المهم دخلنا  وشلة ناس هيام متوقعين  اني اجي وهدومي كلها فيها بقع ومنظري بكون بيش وزبالة بس اتفاجأو لما جيت داخلة..... هيام قالت لي سهى كيف قدرت تنظفهم  سهى قالت ليها ما بتزح الا بي غسالة اوتومتيك وحديثة واكيد ما عندهم زيها..... قلتا ليهم انا ساحرة عايزين تعرفوا الطريقة الغسلتها  بيها أغبياء... ومشينا قعدنا قبلت على آسر وانا زهجانة قلتا ليهو متين بننجز المشروع ياخ مفتكر اني نسيتو ما في زمن ياخ انا بتكلم معاك يا بشر انتا..... قال لي بي برود لا وما تحاولي اصلا قلتا ليهو لي يعني عشان انا المعاك في المشروع  لو كنت عندك مشكلة معاي أجلها لما نخلص منو قال لي اعمليهو براك اصلا انا ما شغال بيهو  حمرت ليهو وقلتا ليهو ما لاقيت انسان بارد ذيك كدا في حياتي ابتسم بس واتجاهلني......
بعد خلصنا كيارا مشت لي مجموعتها وانا بقيت بتمشي بي لؤي لما شافني براي جا على وفق قدامي غيرت الطريق ما دايرة اسمع كلاموا وقف قدامي وسد الطريق قال لي مالك يا ملاك بتتجاهليني كدا ما ممكن قلتا ليهو ما تقعد تلاحقني يا بشر لأنو انت قعد تزعجني وبعدين بأي حق بتتكلم معاي انا كل ما اعاين في وشك بتزكر كلامك انت واحد جبان وكزاب ولسة ما معترف انك غلطان لأنك للأن ما أخدت خطوة جادة لأنك خايف من المجتمع كفاية ما تخدعني اكتر انا ما عملت شي بس مشيت على كيفك..... قال لي وهو بصرخ فيني اعتزار واعتزت اكتر من كدا اعمل شنو يعني اركع قدامك عشان تسامحيني.... عاينت ليهو وقلت ليهو ما دايرة منك حاجة بس كدا ما ممكن تعمل الخدمة واعتبرها عربون اعتزار ..... لؤي طلع الصورة الشرطتها ولصقها تاني ودي الصورة الوحيدة البتجمعنا كلنا مع بعض بعد قصيت كل صورو معانا  قال لي عشان الماضي وزكرياتنا واي شي  رجاءا سامحيني ...... ابدا ما اتوقعت اعمل كدا  اتأثرت صراحة قلتا ليهو تمام بفكر ومشيت من دون ما اشيل الصورة معاي وانا بفكر قلتا كنت قايلاهو اتخلص منها فاجأني  وبعترف أثر فيني يا ربي اسامحوا........
من جهة لؤي مشي القاعة ولقي أمير قاعد منتظروا قام سلم عليهو سلام حار  قال ليهو وين انت اختفيت كدا وقعدوا الصورة الكانت في جيبوا وقعت منو وهو ما منتبه..... لؤي قال ليهو الليلة انت ما طبيعي الحاصل شنو قال ليهو شنو رايك الليلة نمشي شارع النيل..... في اللحظة دي تالا جات داخلة وعينا وقعت في أمير لما هو عاين ليها طوالي زحت نظرها ومشت قعدت مكانها..   ...امير قال لي لؤي ولو ممكن تالا برضوا تجي معانا بس ما انا القلتا ليك لؤي قال ليهو مدام عاجباك  جاريني معاك لي شنو قال ليهو انت عارفني زول جادي وما عندي الحركات دي قال ليهو طيب لو بتجيب معاك علبة سجاير بفكر قال ليهو ابدا لؤي قال ليهو خلاص انا ما مجبور... قال ليهو تمام لؤي قال ليهو بعزم معاي كيارا وملاك أمير قال ليهو فكرة كويسة ومنها تعتزر ليها ...... أمير طلع بس قبل ما اطلع لقى تالا عاينت ليهو غمز ليها وطلع ...... تالا وشها حمر وقالت معقولة لاحظ لي انو انا مركزة معاهو واي انا من الاحراج....... لؤي جا عليها  وقال لي تالا كيفك قلتا ليهو تمام قال ليها الليلة ماشين شارع النيل عاينت ليهو وقالت ليهو اكيد في سبب بتخطط لي شنو قال ليها الدعوة ما مقتصرة عليك بس ورى كيارا وملاك ما تقولي ليهم انو دا انا العازمهم  تالا قالت ليهو عشان ملاك صاح طيب وريهم انت قال ليها لو عرفوا انو انا العزمتهم مستحيل ملاك تجي عشان كدا معتمد عليك قالت ليهو تمام .......
في الكفتريا قعدنا كلنا وتالا قالت ليهم شنو رايكم نمشي شارع النيل الليلة كيارا قالت ليهم فكرة حلوة انا ماشة وانتي يا ملاك قلتا ليهم ما بقدر ماشة البيت قالو لي تمشي من الصباح دا عندك شنو اصلا المحاضرة التانية لغوها ارح نتنفس ونشم لينا هوا قلتا ليهم تمام بس ما نتأخر قالو كويس قلتا ليهم ارح نعزم زول تاني وعاينت لي كيارا قالت لي ما تقولي لي نعزم آسر.... قلتا ليها اكيد دي فرصتك امشي كلميهو قالت لي مع اني عارفة انو برفض بس يلا نجرب..... بعد طلع آسر من الكفتريا طلعنا وراهو نادتوا يا آسر رققت صوتي وابتسمت بي حنية كدا وعملت بي وشي حركة طفولية كدا  قلتا ليهو  المشروع قال لي ما بعملو يعني ما بعملوا في اللحظة دي كيارا قالت بي  سرعة  الليلة ماشين شارع النيل عزمنك معانا  عاينت ليها وقلتا  اخيرا لو ما اتكلمت كنت اتكلمت انا....... آسر قال ايواااا يعني انتو كدا بترشوني عشان المشروع....... كيارا قالت ليهو لأ لأ انا الطلبت منك ما ملاك  عاين ليها وقال ليها ما بقدر عندي مشاريع..  . كيارا عبست وشها قلتا ليهو يعني شنو لو مشيت بتموت اتجاهل كلامي ومشى.....
تالا مشت لي لؤي وقالت ليهو ارح..... قال ليها انتو اسبوقونا لأنو لو شافتني ملاك ما بتمشي تالا بي استغراب لي انت مهتم كدا ضربها ضربة خفيفة في رأسها وقال ليها امشوا وانحن بنلحقكم.... قلتا ليو نحن... قصدك منو قال ليها أمير معانا.. عاينت اتجاهو وقالت ليهو صحي قال ليها طبعا اكيد ما بفوت المتعة دي قالت ليهو تمام... وعلامات السعادة في وشها نزلت تحت وهي مبتسمة من الضرس لي الضرس كيارا قالت ليها مالك اتأخرتي كدا... قلتا ليها ومالك  فرحانة كدا فرحينا معاك قالت لينا خلو الأسئلة وارح.... ونحن ماشين لاقينا آسر طالع تالا قالت رفض الدعوة قلتا لها كيارا دعتوا بس رفض كيارا قالت ليهو بي طوت عالي لو غيرت رايك بتلقانا قاعدين هناك تمام سمع كلامها بس اتجاهلها ومشى.... صفقت ليها وقلتا ليها بقيتي شجاعة الايامات دي حلو تابعي على كدا........
من جهة بعد نحنا طلعنا لؤي وأمير كانو طالعين بس رامي وماجد شافوهم أمير قال ليهم اها نعمل شنو هسة نخليهم امشو معانا اكيد ما بخلونا...... لؤي قال ليهو ما دايراهم امشوا معانا نعمل شنو..... حصلوهم ماجد قال ليهم طالعين ماشين وين... رامي قال ليهم ما عندكم مشاريع صاح ارح نسهر لؤي قال ليهم عندنا مشاريع ماشين شارع النيل رامي قال ليهم يعني ما كنتو عازمننا ولا شنو أمير قال ليهو عارفنكم ما بتحبوا الأجواء دي مالم اكون في مشروبات وسجاير وبنات عشان كدا قلنا ما نعزمكم  ماجد قال ليهم على كل نحن فاضين ارحكم لؤي وأمير عاينو لي بعض واتنهدوا وطلعوا........
من جهة آسر ماشي في الشارع وفقت قدامو  دكتورة سمر وهي اصلا وحدة من كوكب ايكادولي 💖 اتجاهلها ومشى اعترضت طريقوا وقالت ليهو نهائي  ما بتتغير انت وما بتخلي عادة التجاهل دي.... قال ليها بي برود لي هسة مالا عادة كويسة شديد.. من وين طلعتي لي الليلة دي  قالت ليهو الناس بسلموا اول ما عندك زوق نهائي.. قال ليها ما كويس اني متحمل شوفتك في كل أسبوع قالت ليهو شوفتي سيئة لي الدرجة دي قال ليها كلامك اسوء.... قالت ليهو بي حزم انا بحاول اني أحميك لأنو ابوك كان استاذي عشان كدا انا خايفة عليك  قال ليها ما تتوفعي اني اتشكرك.... قالت ليهو انسى الموضوع... انت ما قمت بي مهامك والاسوء من كدا انك ما لقيت الحب قال ليها ما ضروري.. قالت ليهو انت عارف انو برجعوك لي الكوكب صاح  اتجاهلها ومشى وقفتو وهي بتصرخ فوقوا اللجنة جاية في زيارة قريبة جدا  وبتتعاقب عارف صاح... قال ليها عادي بتحمل المسؤلية ما تديني نصايح كويس قالت ليهو وهي غضبانة انت عارف انو انا لو رسلت ليهم تقرير عنك موقفك بضعف وكل ما سمعوا عنك حاجة اسوء موعد وصولهم بقرب فمن الأحسن انك تلحق البت ديك والا رسلت ليهم التقرير..... سمر في نفسها قالت عنيد خلاص  انا عارفة انك ما عندك زول في الكوكب دا بس لازم تحاول وتكسب ليك شخص هنا واختفت من دون تسمع ردوا.......
من جهتي شايفة النيل على امتداد واسع  والجو المغيم والناس قاعدين وبشربو في الجبنة تحت الشجر وا الهواء الطلق العليل البخليك تنسى همومك كلها  💙شفنا لينا ضل شجرة كبيرة قلنا نقعد هناك كنا شايلين معانا بارد واندومي وشبس تالا قالت لينا ثواني بس.....  شلة ناس لؤي ظهروا كيارا قالت ليها كنا منتظرين ديل  عاينت ليها وقلتا ليها حتى لؤي معاهم انتي ما عرفة شكل العلاقة بيناتنا لا وكمان عازم اصاحبوا الكريهين ديل معاهو.... تالا قال لينا ما عارفة المفترض اجي أمير ولؤي بس  كيارا قالت ليها طيب لي ما وريتينا انك عزمتيهم قالت لينا الصراحة هم العزمونا قلتا ليها شنووو.......
من جهة ماجد بعد شافنا قال الفقيرة  وصحباتها برضوا هنا  أمير قال ليهم لؤي العازمهم.... لؤي قال ليهو اسكت ياخ... رامي قال ملاك وتالا ما مشكلة الدخل الفقيرة هنا شنو... في اللحظة دي حصلونا والجو كان مكهرب أمير قال كيفكم انتظرتونا كتير  لؤي ضرب أمير وقال لينا صدفة حلوة على الأقل ممكن نطور علاقتنا.... قلتا ليهو ما تعمل لينا تمثيلية رخيصة كلنا عارفين انو انت سبب العزومة.... أمير قال ما مهم كويس اننا طلعنا من جوا الجامعة تالا قالت فعلا  قلتا ليهم اسفة يا جماعة انا ما بقدر اقعد اتزكرت عندي موضوع..... كيارا قالت لي ما تعملي كدا يا ملاك ياخ...... لؤي قال اصلا دا ما انا العزمتكم دا أمير عشان ما تتحسسي ساي أمير ضربوا وقال ليهم كزاب عشان ما تمشي بس..... كيارا قالت لي أمير اعزمنا مصلحتوا شنو.... لؤي قال ليها اصلا كان عازم تالا وانا قلت نوسع العزومة تالا قالت صحي الكلام دا وابتسمت ابتسامة تحمل الكثير..... ماجد قال ما مهم العزمنا ارحكم نقعد.... قلتا ليهم ثواني ولي انا امشي لؤي هو البمشي ما انا يلا اتخارج..... قال لي ما ماشي... كيارا قالت خلاص اي مجموعة تقعد براها.... امير قال لأ احسن زول منكم امشي..... رامي قال ليهو وانت مالك مهتمي كدا عاين لي تالا وهي كزالك ورسموا ابتسامة ...... عاينت لي لؤي بي نظرة كره.... بس هو كان بعاين لي بي رجاء واسف....  تالا بعد كانت مبتسمة معالم وشها اتغيرت لي الصدمة ولكزت كيارا .... كيارا قالت ليها مالك ياخ قالت ليها بي صوت متقطع  عا. يني. هن. اك  كيارا قبلت مكان أشرت ليها ولقتو دا آسر جاي علينا من بعيد ... كيارا قالت ما بصدق دا حلم ولا شنو..... آسر بعد كلام سمر قرر انو احاول... شايفنا من بعيد بنعاين ليهو قال ديل مالهم هسة وهو بقطع في الطريق في عربية جات عليهو بي سرعة ونحن قلنا خلاص بموت بموت.. بس بي حركة سريعة منو اتجاوزها وقفنا مدهوشين من الحصل دا  وهو حصلنا كيارا قالت ليهو كنا مفتكرنها بتدهسك ...... ماجد قال اذهلتنا يا رجل عملتها كيف دي نحن قلنا دي النهاية....... رامي قال ما بصدق كانت على بعد خطوة منك...... لؤي قال ليهو بتمارس الرياضة ولا سرك شنو كيف بالسرعة دي اتخطيتها.......
آسر اسوارتو وخاتموا بقى لونهم برتقالي 🧡وقال ليهم ايوا نعم بمارس الرياضة وكان اللون البرتقالي🧡 بيعني التوتر المصاحب للكذب.... بعد انتهى من كلاموا رجعوا عادي جدا...... لاحظت ليهو قلتا كيف اتغيرو ودا بيعني شنو ومالو خايف كدا كأنو ما دايرنا نكشفوا....
أمير قال ليهو انت فعلا ما زول عادي يا داب  اقتنعت بي اللقب الملقبنوا ليك....... تالا قالت ليهو لو زول مكانك كان وقف مصدوم وما قدر اتحرك من مكانوا شخص رائع..... قلتا في نفسي كلام مقنع بس لي انا ما قادرة افكر زيهم  ما عادي زول أتجاوز عربية كانت بتفضل منو قرابة خطوة وازح منها بي خطوة لالا مااااا عادي نهائي 😨...... كيارا قالت ليهو شكرا لانك جيت وما رفضت دعوتي... لؤي قال ليها يعني انتي العزمتيهو..... انا كنت بعاين ليهو بس وما اتكلمت وهو عاين لي وبقي بتلفت في النهاية قال لي مالك بتعاين لي كدا ..... لؤي حسة انهم بقوا قراب اكتر من الازم اما كيارا حست بي الغيرة......
المهم قعدنا كلنا تحت ضل الشجرة وأمير كان جايب معاهو قيتار وبقي بعزف في ألحان هادية قال كلكم الليلة بتغنوا بدا لؤي وماجد اغنوا مع بعض وصوتهم كان كاراثي لي ابعد درجة 😨😭.... وقفناهم  وبقينا نشاكلهم ونحن بنشرب في البارد  وهم بشربوا في السجاير قلتا ليهم ما تسجروا ياخ بكتلوني لو شموا ريحة سجاير فيني ماجد قال لي انتي مالو تفكيرك دل سطحي كدا ما عادي حتى البنات بشربوا قلتا ليهو ما كل البنات واحد تمام.... لؤي جا جمبي وقال خلاص وقفناهو قلتا ليهو شكلك السجاير دي أثرت عليك وقمت مشيت جمب كيارا وقعدت سمعنا أمير وهو بعرف وبغني وبقول🎸
على بالي ولو مش معاك🎶   غيريك ما يمهنيش 🎶

بستني لحظة لقاك علشان ارجع اعيش 🎶

واشوفك لما تضحك لي 🎶

تروح دي الضحكة دي مشاكلي 🎶

وتبقى للحياة معنى انا وياك 🎶

كفاية تكون هنا جمبي 🎶 يا فرحة بعيشها من قلبي
💖وتبقى للحياة معنى انا وياك 💝

صراحة غناها بي صوت حلو وكان بعاين لي تالا  وتالا بتعاين ليهو كلنا لاحظنا ليهم بعد خلص صفقنا ليهو وشغلناها ليهم..... بعدها قالوا تالا وكيارا دايرين اغنوا غنو اغنية مشتركة بالانجليزي واي انا من الصوت قدا لي اضاني صوتهم بخوف الزول وقفناهم وقلنا ليهم خلاص عشان ما اجيكم وجع حلق 🤣🤣
عاينت لي آسر وقلنا ليهو دورك رفض بعد شغلتها ليهو بعد تعب واستفزاز  قال لي  خايف تقعي في حبي وقت تسمعي صوتي قلتا ليهو هههة كدي جرب ونحن بنشوف فعلا غنا وأقل شي ممكن اقولو انو فتحنا خشومنا خمسة أمتار من حلاوة صوتو بعد خلص.. قال لي من شكلك واضح انك وقعتي قلتا ليهو ابدا.... بس ما بنكر صوتك حلو بس مغرور... المهم رامي برضوا غنا  صوتو ما كعب كلهم غنو وفضل انا ماجد قال لي يا قروية فضل انتي بس يلا غني... رامي قال ليهو اكيد ما بتعرف تغني وصوتها بخوف..... آسر قال لي زي ما كلنا غنينا فضل انتي بس  عارفنك فما في داعي تحرجي روحك قلتا ليهو بي ثقة خايفة اغني وتقع في حبي 😉 ضحك وقال ما تقلديني  قلتا ليهم طيب مدام مصرين اول ما جا في رأسي كلام لؤي عني من اول يوم اتلاقينا فيهو وكل زكرياتي من الطفولة للأن ما لقيت روحي غير بعاين لي لؤي وبقول
ألف شكر على الضاع   كل ما انسالك كلامك ارجع افتكروا

في الزمن دا الكدابين اتمكنوا وكتروا    ما بقوش بيبتكروا

اه خلص ما بقاش وجودك جنبي له معنى     رد طيب فين وعودك  مين الي ضيعنا

حبي ليك كان حلمي حياتي واتقلب لعنة
🎶🎶🎶🎶
شوف حقيقتك على الطبيعة     اعترف خليك شجاع

 دي النهاية مش فظيعة.      لايقة جدا على الوداع
الف شكر على الضاع.   

     🎶🎶🎶🎶🎶
هو من شال ذنب مين ايه إلى انا عملتو
بص بكرة هتبقى فين لو بابي انا قفلتو          ظلم حد أكبر حرام بس انت حللتة

لما توعد حد تاني افتكر يومها في الحياة عدة معاني نفسي تفهمها
دا اللي زيك عايش اناني حياتوا حطمها     شوف حقيقتك على الطبيعة

اعترف خليك شجاع دي النهاية مش فظيعة لايقة جدا على الوداع    
🎶🎶🎶🎶
ماعارفة لي شنو الغنية دي بالزات بقيت بعاين لي لؤي وهو بعاين  لي  شكلو عرف الكلام دا موجه ليهو صفقوا  لي قالوا ما كنا عارفين صوتك حلو كدا طلعتي فنانة  ما اتكلمت مع أي زول شلتا شنطتي وقمت  وكلهم مستغربين مني مشيت خطوتين كدا  لؤي قال لي ملاك استنى انا آسف وبتعتزر قدامك وقدامهم كلهم..... طبعا اصاحبوا مصدومين منو...... وقفت وقبلت عليهو قلتا ليهو شكلوا الشربتو دا آثر  عليك  نسيت نحن وين.... قال لي لأ رجع لي عقلي.... تالا قالت لي سامحيهو ياخ... ملاك قالت لي اديهو فرصة تانية عاينت ليهو وقلت ليهو على شنو يا لؤي اسامحك  عايزة اسمع الجملة كاملة منك  في نفسي قلتا ما تخزلني تاني  يالؤي.... .... قال لي آسف لاني قلتا ليك الكلام القاسي داك وآسف على اهانتك قدام كل الناس وسكت.💔.......  خزلني اكتر  لما ما اعترف انو بعرفني قلت   هة متوقعة شنو من واحد ما ادخل لما كانو كلهم بزلوني ولي هسة ما داير اعترف.... عاينت ليهو وضحكت وقلتا ليهو مع انو ما كان الجواب العايزاهو نهائي بس ما مشكلة انا سامحتك..... ظاهر من تفاصيل وشوا انو كان فرحان شديد قلتا  على كل انا ماشة قال لي انتظري اوصلك قلتا ليهو شكرا بمشي براي ...... من قلت كدا كلهم قاموا..... اما آسر دا قال سلام ومشى  .... قلتا ليهم مع السلامة لؤي قال نوصلك معانا قلتا ليهو شكرا بلحق آسر اصلا طريقنا واحد ودعوتهم ومشيت.......
ناديت عليهو هي يا سوبر سيرووو وقف... قال لي انتي  دا شنو دا الاسم السخيف دا قلتا ليهو عشان الليلة دي عملت حاجة الا الابطال بس بعملوها لاكن لو قلت اناديك بي المنفسن ولا المتوحد ما مشكلة ..... قال لي انتي عارفة انا لو اديتك لقب كل الناس بتمشي عليك..  صلحت نظارتي وقلتا ليهو ما مهم دا ما موضوعنا انتا كيف عملتا كدا هاااا وريني يعني انت حسيت بيها واتخطيتها بي سرعة ولا انت لعبت بي الزمن ومريت بي سرعة ما قادرة افهم  .... اسوارتو وخاتموا بقى لونهم رمادي قلتا ليهو اتوترت مالك..... قال لي بهمك تعرفي ولا دا فضول منك ....قلتا ليهو وريني انت مخلوق فضائي متخفي...... قال لي انت مستوعبة بتقولي في شنو اسكتي والا هسة خليت عربية تقتلك.... هههة ضحكتني انتا لي بتحب تتكلم كلام  الأفلام وما اي افلام افلام الرعب والجرائم والقتل  ديل بتحضرهم كتير صاح  خلي والوهمنة  يا زول....بعد مسافة كدا قال لي ممكن سؤال قلتا ليهو اكيد... قال لي انتي سامحتي لؤي بالجد  اتنهدت وقلتا ليهو ما عارفة واللة لو كان اعتزر من البداية وفضل انو انسحب كنت سامحتو بالجد بس هسة انا سامحتو بس عشان ما ازعجني واعمل لي مشاكل  لاني ما ناقصة ..... أنت عارف في حاجات كتيرة بتخلي الإنسان اعيد نظروا مرة تانية  وفي حاجات بسيطة بتخلي الإنسان اعيد ترتيب أولوياتو والشي الاتكسر عمروا ما بتصلح  الاتكسر بترمي برة وما ببقى ليهو وجود .💔..... . المهم حصلنا لي مفترق طرق ودعتوا ومشيت قلتا هو يعني ما بي البرود دا.......

 من جهة في العربية  لؤي قال ما عارف لي حاسي انو ملاك دي بتحبك آسر.... كيارا قالت ليهو مية مرة قلتا ليك هي ما بتحبو انا بعرفها كويس هي بتحب زول تاني.... لؤي بي صدمة كيييف دا منو دا بعرفوا  قالت ليهو ما بوريك اي شي لي بهمك الموضوع كتير كدا ..... قال ليها عايز اوريك حاجة ملاك ما كانت بتكزب وقت قالت بتعرفني كيارا وهي بتدعي الصدمة شنوو... قال ليها هي صحبت طفولتي واكتر كمان ودا الحقيقة  المابتعرفها هي  وموضوعها بهمني شديد قالت ليهو .... مدام بتهتم بيها وانا شااكة انك بتحبها لأنو عيونك فاضحنك  بوريك دا منو. هو زول بتحبوا شديد وبتحترموا واقرب ليها زول بس اوعدني انك تبقى الموضوع سر بيناتنا لأنو لو عرفت  بكون في مشكلة قال ليها طبعا طبعا  يلا وريني دا منو قالت ليهو دا..... انت💔
وكان خطأً قد يكلفها الكثير......
يتبع.......

كنتُ أتَعلّق بكل شيء حَولي دونَ وعي منّي ، ظننتُ أنّ تلكَ الأشياء باقية معي للأبد ، اعتقدتُ أنها لن تُفارقُني يوماً وأنه لن يأتي اليوم الذي  تنتهي فيهِ كل حِكاياتي معها..

 #ثمّ_ماذا؟؟
كانَ كافٍ أن تتغيّر تلكَ التفاصيل الصغيرة لأحزَن وأُصاب بخَيبة أمل ، أعيشُ صراع دائم بينَ قلبي الذي يُصِر على العَيشَ في وهم وعقلي الذي يعرِف حتمِيّة النهاية ، لقد مررتُ بلحظات مريرة وتألمتُ ولازلتُ أتألم كثيرا  حتى أخيراً اعتَدتُ على فراق كل ما أحبَبتُه يوماً 🥀🥀🖤.....
•••••••••••••••••••••••••••••••••••••••••••••••••••••••••••
 

 

★★يتبــــــــــــــــــــــــــــــــــــــــــــع★★