رواية فقيرة في عالم الاغنياء -(الفصل الثالث)

فقيرة~في~عالم~الاغنياء

#بقلمي~ملاك~عمر(ميمي) 

 

#فقيرة~في~عالم~الاغنياء《19》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مضت ايام الامتحانات سريعة جدا على أبطال قصتنا البعض فضل أن  يتألم في صمت وكبت مشاعرة المتأججة وهذا ما فعلة آسر وملاك فلم يبادر اي احد في التكلم مع الآخر ..... البعض منهم أصيب بخيبة امل كبيرة والإحباط والندم وهذا ما فعلتة تالا التي دمرت كل شيئ بيديها..... بعض منهم لم يسمح لتك المشاعر أن تؤثر عليهم بل امتلكو الشجاعة للمضي قدما.... مثل لؤي الذي أصبح أكثر شجاعة وأكثر تقريبا من ملاك.... ومنهم من يحاول تحقيق أمنيته ويسعى ورائها مثل كيارا التي لا تزال متواصلة في إرسال الرسائل ولا تفوت اي طريقة للتقرب من آسر..... ماجد يحاول تصحيح أخطاءه و إصلاحها ويتصل مرار وتكرار ويحاول الاعتزاز من صديق طفولتة لاكنه يتجاهله... وعندما ييئس من ذالك يحاول إصلاح  علاقته مع  تالا بكل الطرق الممكنة......

من جهة ماجد وقف لي تالا جمب باب بيتها وهو بتمنى انو تسمع كلامو..... تالا وصلت البيت ولقت ماجد واقف.... قالت ليهو خير يا ماجد في شنو مية مرة قلتا ليك انا ما دايرة اسمع حاجة.... ماجد قال ليها اديني فرصة واحدة افهمك يا تالا.... قالت ليهو تفهمني شنو يا ماجد بعد خربت علاقتي مع أمير.... ما كنت شايفني مبسوطة كيف... كيف قدرت تعمل كدا..... سكت وما ردا ليها... قالت ليهو بي برود انت بتحبني يعني.... انا ما فكرت فيك اكتر من صحبي يا ماجد... على الأقل كنت جزء من تفاصيل حياتي... بس من اليوم انت ما صحبي ولا بعرفك  لأنو الصاحب ما بعمل كدا.....كانت ماشة قال ليها  انا اسف يا تالا على كل حاجة بس انا بصلح غلطي وبخليكم ترجعوا لي بعض من اول جديد...... قالت انا ما محتاجة مساعدتك..... لأنو ما بترجع المياه لي مجاريها... ومشت خلتو دخلت غرفتها وبقت تبكي على حظها العاثر دا...... ماجد كان بعاين ليها بي ألم وحزن ومشى ... وعرف انو فقدها لي الأبد....

من جهة لدن في الوقت الحالي بقت تتفادي وجودو.... حتى هو ظن انها خلت الشغل بعد كلاموا وتهديدو ليها وفضلت انها تنسحب.....

يوم جديد...... أمير كان كل تفكيرو انو تالا اختارت انو تصدق ماجد. عليهو هو .. بس هو كان بحبها ولقي رجلينو  لا اراديا بتمشي على قاعتها... لمحها ماشة في السلم وهي شاردة وخطواتها ما متوازنة... وهي شاردة اتعثرت وقربت تقع... أمير  خطا خطوة.. بس وقف لما ماجد مسكها من يدها وثبتها.... أمير فضل انو انسحب لما لقاهم مع بعض.....
ماجد بي قلق  تالا انتي كويسة شاردة وين لما قربتي تقعي...... تالا قالت ليهو بي انزعاج زح مني ما يخصك ..... قال ليها طريقنا واحد خلينا نمشي.... قالت ليهو شكلو القلتو ليك أمس ما فهمتو دايرني اعيدو ليك..... ماجد قال ليها بعمل اي شي بس اديني فرصة واحدة.... قالت ليهو دايرني اسامحك ما تعمل شي بس كدا... إذا شوفتني اتجنبني... بدل الطريق انا بمشي فيهو اي شي.. بس ما تخليني اشوف وشك كل ما اتزكر اني وثقت فييك قلبي بوجعني ....ومشت خلتو ا.....
من جهة أمير وهو ماشي لقاعتو لقى  لؤي في الطريق  .. قال ليهو مالك  واقف هنا... قال ليهو ما  فتحت تلفونك... كم مرة اتصلت ليك لي ما بترد.... أمير قال ليهو بي برود  ماجد كان بضرب لي وقفلت عشان ارتاح من كلاموا... وبعدين انا ما غبي ولامتخلف عشان افكر في  خطة  انتحارية وحتى لوكنت بفكر مستحيل انتحر  عشان بت..... لؤي قال ليهو بس هي ما عندها زنب  ماجد هو اللعب بي عقلها وافكارها.... أمير ختا يدو في كتفو وقال ليهو للسب دا ما رديت على اتصالاتك لاني عارف بتقول لي كدا وانا ما مستعد اسمعك  اساسا مع السلامة.... لؤي قال هسة ما قال ما شاف اتصالتي... غبي دا انا زاتي بدخل لي شنو......

من جهة ملاك دخلت القاعة وهي ما لابسة السلسل الهداهو ليها آسر لاحظ ليها إذا توقعاتي  كانت صحيحة هي بتحب لؤي.. ... لازم اتخلص من مشاعري بس لازم اشغل نفسي بي حاجة والحاجة دي كيارا.....
آسر كان ماشي في السطوح.. وقفتو وقلتا ليهو آسر استنى وقف وقال لي مش قلتا ليك ما داير اشوفك أو اسمع كلامك ... قلتا ليهو ما لقيت طريقة اشكرك بيها على الهدية بس انا ما بقدر البسها لي أسباب انت عارفها.... قال ليها بي انزعاج واسوارتو بقى لونها ازرق ما قبلتيها عشان لؤي..... قلتا ليهو بي برود  انتو وكيارا مرتبطين.... قال لي وانتي الدخلك شنو.... مزعوجة يعني ولا أفهم شنو.... ابتسمت ابتسامة باردة وقلتا ليهو شكلك فهمتني غلط يا آسر .. كل الموضوع حبيت ابارك ليك اول وحدة..... اتجاهلني وهو ماشي قال لي  بتعرفي الموضوع منها....  بقيت بعاين ليهو بس وهو ماشي بي برود...... وهو. نازل في السلم لقى لؤي طالع  السلم كان ماشي من دون ما اعاين ليهو وكأنو ما زول..... لؤي وقفو وقال ليهو كنت مع ملاك.... آسر ما عاين ليهو واتجاهل سؤالو وهو بحاول انو اكتم غضبوا.... لؤي بي انزعاج وغضب ما تخليني اعيد كلامي مرتين كنت مع ملاك...... آسر بي برود  ايوة كنا سوا.... لؤي بي انزعاج انا ما فاهم العلاقة البتربطكم شنو..... أسر بي برود انت بتسأل الزول الغلط.... زح من الطريق لأنو ما عندي زمن لي كلامك الفارغ دا...... لؤي قال ليهو بي حدة انا ما بقبل بي صداقتك بيها وما بقبل انو تكونو مع بعض ابدا.... وإذا لقيتك حولينها بعمل حاجة ما بتعجبك ابدا ....... آسر بي برود ما انت البتملي على افعالي  زح من الطريق قبل ما أغضب وما بعجبك البعملو فيك... كان بعاين ليهو وعيونو بقو لونهم احمر...... لؤي من الصدمة زح ليهو وبقي بس بعاين ليهو بي زهول.... في اللحظة دي انا نزلت تحت ولقيت آسر ولؤي وافقين آسر قبل على وعيونو حمرا...... ومشى خلانا....من وش لؤي عرفتو انو شاف لون عيونو وحاليا هو مصدوم...... نزلت وانا بتصنع الغباء.. رسمت ابتسامة وقلتا ليهو لؤي كنت بتفتش فيني ولاشنو...... لؤي وهو بتكلم مع نفسو دا شنو الشوفتو دا.... دي حقيقة ولا هو  خاتي  عدسات.... بس كيف لي عدسات تكون ملونة كدا...... صفقت ليهو..... انتبه لي وقال لي دي انتي جيتي متين.... قلتا ليهو هسة.... كنت بتفتش فيني؟؟.... لؤي قال لي بي انزعاج عارف كنتو سوا... ما تتكلمي مع المخلوق دا تاني... فيهو حاجة مريبة.... ما تحتكي  بيهو .... أمكن اعمل ليك مشاكل..... قلتا ليهو قصدك شنو بي مخلوق... هل عرفتا... قاطعني وقال لي الزول دا حاسي بيهو غريب أطوار... وماف زول بعرفوا بفكر كيف..... عارفك انك انسانة طيبة وانت بتشفقي عليهو لأنو وحيد ومنطوي...... الناس كلهم فشلو في أنهم افهمو شخصيتوا  وانت كمان بتتعبي روحك ساي....... قلتا بي هدؤ.... كنت في نص الطريق قربت اني أنجح بس انا حاليا بتمنى لو اني ما مشيت بالطريق دا من البداية..... قال لي قولتي شنو ما فهمتك بس الاكيد انك ما بتقربي منو تاني صاح..... ما رديت  ليهو قال لي ارح ونحن ماشين قلتا ليهو لؤي ما خايف انت.... تاني بينشرو صورنا ونبقى حديث الساعة.... قال لي كنت داير ابارك لي الزول الصورنا دا لأنو جابني سمح و سيم على عكسك 😂 ضربتو وضحك فيني قال لي يا شافعة قلتا ليهو ما تقول لي شافعة..... قال لي اكزب يعني... قلتا ليهو لو قلتها تاني لو ما نشرت الصور حقتنا حقت زمان وخليتهم اطردوك من الجامعة وبقيت بضحك.... قال لي بننطرد الاتنين هههه...... آسر كان بعاين ونحن بنضحك  وبنتونس  وقال إذا أنا العائق بين حبهم... وما في داعي اعذب روحي ساي .حاليا هم الاتنين متفاهمين ومتصالحين. لازم ما اسمح لي روحي اني اتمادي اكتر.... اتنهد بي ألم..... من بين كلهم لي انتي يا ملاك....
لؤي ودعني ومشى قاعتو وهو بفكر في عيون آسر القلبوا  لونهم احمر.... رامي جا قعد وقال ليهو بتفكر في حل عشان تلم شمل الأصحاب.... لؤي قال ليهو إذا شفتا زول بغير لون عيونو لي الون الاحمر بتعتقد شنو...... قال ليهو بي سخرية يعني ما بتعرف بعتقد انو مصاص دماء... أو مستذئب.... لؤي ضحك وقال ليهو انت غبي ولاشنو.... قول كلام منطقي يا زول.... رامي بي تفكير لو بعيد من الأساطير أمكن اكون عيان.... في ناس عيونهم بتحمر لما اكون عيانين أو في حالة الغضب..... لؤي اتنفس بي راحة.... وقال ليهو لأول مرة تتكلم بي ذكاء وتخفف عني......
من جهتي دخلتا القاعة وانا بفكر هل لؤي شك في آسر لو شك فيهو ممكن ابحث عنو والفضول اخليهو اعرف الحقيقة...لو عمل كدا  لازم اضللوا.... قعدت في الكرسي. وآسر كان متجاهل وجودي تماما.... قلتا ليهو قربت تكشف روحك قدام لؤي.. قال ليك شنو لما خلاك تغضب كدا..... قال لي حبيبك دا غبي ولا ما بثق فيك.... قلتا ليهو بي استغراب ما فهمت.... قال لي لأنو طريقة تفكيرنا شبه بعض... ما وراك انو هو بنزعج من وجودك جمبي...... أخدت نفس عميق لاني كنت زعلانة وخلاص ضاقت بي قمت فوق وضربت الطاولة وانا بصرخ فيهو...... يعني لازم اسمع أوامركم كلكم..... طيب ورائي انا... مشاعري.. والحاجة العايزاها..... ملاك تعالى... ملاك امشي... ملاك وقفي...... ملاك البتعملي غلط.... ملاك اتكلمي مع دا.... ملاك ما تتكلمي مع دا..... لي كلكم  بتمشوني على كيفهم..... تمام  بنفذ طلبكم وبختفي من هنا عشان ترتاحو مني...... شلتا شنطي وطلعت وسط دهشة الطلاب.....
 هيام كانت بتعاين لي ملاك لما طلعت وقالت بالجد وقاحتها فاتت كل الحدود .... سبأ قالت اكيف قدرت تصرخ في الملك.... قبلوا  عاينو لي آسر طوالي طلع عشان الحقني.... مؤيد بي ابتسامة قال الليلة بخلص عليها......
من جهة كيارا وتالا كانو سوا لمحوني انا ماشة كيارا قالت لي تالا غريب ملاك ماشة وين قبل ما تخلص المحاضرات كلها ... تالا قالت ليها أمكن حصلت ليها مشكلة ارح نمشي نشوف.... وهم ماشين القاعة لقوا آسر طالع كيارا سلمت عليهو بس هو ما شافها اصلا وكان ماشي بي سرعة..... تالا قالت اكيد في حاجة ارح نمشي القاعة نشوف.....
من جهتي كنت تعبانة نفسيا بقيت مضغوطة وما عارفة اعمل شنو انا حاليا في دوامة عالقة في النص وما قادرة اتحرك خطوة.... دموعي كانت بتجري بس حاسة بي قلبي يوجعني من كل شي عايزة اطلع من هنا لاني ما قادرة اتحمل اكتر .... حسيت بي زول مسك يدي قبلت ولقيتو آسر قال لي بي انزعاج ما حاسة انو ردت فعلك مبالغ فيها..... مسحت دموعي وقلتا ليهو مبالغ فيها صاح.... ايوا نسيت انو الفقيرة القروية ما عندها الحق انها تزعل أو تغضب في الجامعة دي او تتكلم مع حضرت الملك الرهيب آسر... أو بالأصح الفضائي..... عيونو اتغيرت للأزرق قلتا ليهو ايواا  انزعجت من الكلمة دي... دموعي الكنت بحاول اوقفها نزلت بي قوة... وقلتا ليهو سؤال  لي انا اهتم بي كل الناس فرحهم... حزنهم... زعلهم.... الحاجات البحبو ها والمابحبوها.... لي انا دايما الطرف المفروض اعطي اي حاجة بلا مقابل.....بحاول انو اسعد كل الناس على حسابي.....وفي النهاية اطلع انا الغلطانة...... طيب وانا مافي زول اهتم لي المي.... وحزني.... . والدايرهو شنو.. .البفرحني... والببكيني ...ياااخ   انا لي بتكلم معاك اصلا.... انت مش ما دايرني اتكلم معاك أو ازعجك.... بعد كدا انت ما بتسمع صوتي ولا ثرثرتي مش دا اختيارك وانا بنفذو..... فك لي يدي.... بقي بعاين لي... لما لقيتو بعاين لي فكيت يدي بالقوة وقلتا ليهو بتمنى انو اختفى وللأبد كمان عشان كلكم ترتاحو مني....... وطلعت وانا دموعي دي عشرة عشرة...... آسر كان بعاين لي لما مشيت وفي اعماقوا ما كان داير اخليني امشي وانا زعلانة منو... بس اكتفي بي انو ارجع شعرو لي ورا... ورجع القاعة وعيونو سوء ويخيم الحزن على تعابيرو..... آسر في نفسو هل الكلام القلتو دا قاسي للدرجة دي لي درجة انها تبكي عشانو.... قلتا الاقسي منو بس ما زعلت.....لي  قلبي بوجعني بي سببها ......
كيارا وتالا عرفوا اني صرخت في آسر وعلى حسب اعتقادهم انو لحقني عشان اشاكلني.... بس آسر جا داخل القاعة وقعد بي برود وكأنو ما حصل شي.... وشله هيام بتتسائل الحصل شنو.... كيارا قعدت في مكاني..... وآسر نزل راسو في الطاولة.... كيارا قالت ليهو مالك يا آسر قلت  حاجة لي ملاك خلاها تنزعج منك... قصدي من دون قصد.... قال ليها ما موضوع مهم.......
من جهتي وانا ماشة في الشارع وشاردة في حياتي الاتغيرت تغير مفاجأ في اللخبطة الأنا فيها ماشة بدون وجهة بدون هدف تلفوني ضرب... رديت... وما قدرت اسمع اي حاجة تاني لأنو حجم الصدمة الدخلت فيني خلتني اقيف مصدومة ومتصمغة في مكاني ما قدرت اتحرك حسيت بي رجليني بردو... ونفسي بقى متقطع.... . ودموعي دي جارية من غير توقف.... ما قدرت استوعب حاجة  دقايق وانا واقفة في مكاني ..... لما  وعيت على روحي ما لقيت  روحي غير بجري بي أقصى سرعة ودموعي دي ما قادرة تقيف... . وانا بتمنى انو السمعتو اكون غلط وما صاح..💔....

من جهة تالا بعد خلصت من المحاضرات وهي ماشة على البوابة أمير كان طالع... قررت انها تدوس على كبريئها وتتكلم معاهو... وقفتو وقالت ليهو أمير ممكن نتكلم.... أمير عاين لي ساعة يدو وقال ليها ما في شي نتكلم بي خصوصو... وانا ما عندي زمن اضيعوا ...... قالت ليهو بي حزن انا آسفة يا أمير لأني ما صدقتك.... بس خت  روحك مكاني كان عملت نفس الشي...... قال ليها للأسف كنت بسأل وبعرف الصح عشان ما اخلي الشك ادخل في النص ومشى خلاها..... تالا ركبت العربية وطول الطريق وهي بتفكر في أمير من جهة هي مرتاحة لأنو أمير ما طلع زي قال عنو ماجد.... ومن جهة هي ندمانة لأنو ما صدقتو  وحكمت عليهو  من دون ما تسمعوا وخلت الشك ادخل قلبها .......

لؤي كان واقف جمب المدخل منتظر مالاك وكيارا... كيارا طلعت مع آسر ودعتو بس هو اتجاهلها ومشى من دون ما اعبر انتباه للكان بعاين ليهو بي نظرة غضب... لؤي قال لي كيارا وين ملاك ولا طلعت قبلك... لاكن انا كنت هنا لي فترة طويلة..... كيارا قالت ليهو هي طلعت وما حضرت المحاضرات... لؤي قال ليها غريب انا وصلتها لي القاعة... قالت ليهو اتشاكلت مع آسر وطلعت زعلانة.... لؤي قال ليها بي انزعاج ولي تطلع زعلانة بي سببو..... كيارا قالت ليهو انا زاتي ما عارفة بس السمعتو انو قالت اي زول دايراها تتصرف على كيفوا... عاينت لي لؤي الكان محتار من السمعوا.... قالت ليهو ما تفكر كتير انا بتصل ليها وبفهم منها.......
 
من جهة أمير  رجع المطعم لأنو طول ما فات  ونسي اصلا الحصل شنو بينو  هو ولدن.... أما لدن كانت مرتاحة لأنو هو مافيش وافتكرت انو تاني ما جاي.. وأثناء ما هي أخدت طلب الزبون ومشت المطبخ لقت أمير هناك ... أمير عاين ليها ومشى لي ياسر وقال ليهو انت لسة ما طردت البت دي مش قلتا ليك اطردها..... قال ليهو للأسف ما بنقدر نطردها لأنو ما عملت شي غلط يسئ لي المطعم وابوك ما برضى...... عاين ليهو بي انزعاج خطرت على بالو فكرة اخليها تستقيل من تلقاء روحها..... هي بتحب الحروب يلا نبدأ..... مشي قعد في الطاولة في المطعم..... في نادلة جات تاخد طلبوا اتفاجأت لما لقتو المدير... قالت ليهو مستر أمير  دا انت.... طلبك شنو.... قال ليها انا داير النادلة التانية... قالت ليهو  ياتو واحدة في وحدات كتار هنا... قال ليها البت الوقحة ديك اسمها ااااا... ل لدن اي لدن ممكن تطلبيها هنا وما تقولي ليها انو انا المدير... قالت ليهو تمام... ومشت لي لدن ورتها انها في طلبية الطاولة ٩...... تحت أنظار باقي النادلات وهم بتسألو....
 البت ١قالت لي صحباتها عملت شنو المرة دي... البت ٢قالت ليها ما بعرفها انا ما قريبة منها لاكن لو عملت حاجة مصيرها الطرد........
 لدن مشت لي الطاولة ٩ولقت زول قاعد ومغطي وشو بي قائمة الطلبات ..... قالت ليهو مرحبا يا سيد طلبك شنو..... أمير قال ليها ما كنت عارف انو سماع كلمة من خشمك بخليني أشعر بي كمية  السلام الداخلي  ...... لدن قالت ليهو عفوا...... قال ليها عيدي الكلام القلتي دا مرة تانية.... لدن قبلت بي الجهة التانية وهي بتنبذ فيهو أخدت نفس طويل وقبلت عليهو ورسمت ابتسامة....... ممكن اخد طلبك يا سيد من دون أي خارجيات ..... أمير نزل قائمة الطلبات ... وقال ليها ما معقول كيف مستوى المطعم دا أدنى لي درجة اوظفو ناس زيك كدا. هسة دا لو زبون جا بتقولي ليهو كدا......... وهو جاي لي شنو... عشان تشيلي طلبو ولا عشان تقولي ليهو ما اجيب خارجيات... .. أمير بهدلها  قدام كل  الناس .... لدن بي انزعاج قالت ليهو خلصت   كان من المفترض اني اتوقع انو دا انت بالمناسبة انت واحد حقير..... لأنك أنت الغلطان ما انا وعملتا الدراما الرخيصة دي كلها عشان تبهدلني قدام الناس  وما بسمح ليك تصرخ فيني ولا لي اي سبب من الأسباب .... أمير قال ليها انتي كيف تتجرئي انك تنبذي مديرك .وتعلي صوتك كدا ... لدن ختت يدها في الطاولة وقربت منو وقالت ليهو اولا انت ولد المدير  البشتغل عندو يعني انت ما مديري  وضح.... وثانيا لو كررت حركتك العملتها دي ما بسكت ليك.. ...... وحاليا سكتة عشان انا اصلا ما خاتك زول.... ولا بشرفني اتكلم مع واحد زيك...... و لو كنت معتبر روحك انك مدير  الشغل دا كلو  فبحب اقول ليك انو ماف  مدير بسمح بي انو ازعج أو  اعطل موظفينو عن الشغل عشان حركات طفولية غبية... ومشت خلتو .... قال ليها ما خايفة انك تخسري وظيفتك ..... رفعت ليهو حواجبها وقالت ليهو زكائي كشف لي انو انت ما بديك الحق انك تطرد الموظفين وشي تانى انا ما بنطرد مالم اعمل خطأ يستحق العقاب.. فشنو انا مطمئنة من الناحية دي........ بتمنى انك تعمل خطط مثالية اكتر لأنو الخطط الحاليا بتعملها دي فااااشلة في أنها تتطلعني من هنا ..... ابتسمت بي خفة ومشت.......

بعد ثلاثة أيام كان الصمت والترقب والسكون يخيم على الجامعة والجميع يتسائل أين هي القروية الفقيرة  .....
لؤي وكيارا وهم ماشين بي شرود وهم بفكروا ملاك وين اختفت... ما بترد لي الرسائل ولاحتى المكالمات ما في اي آثر ليها أو وجود حصلو الجامعة البقت هادية بصورة مخيفة... تالا من شافتهم قالت ليهم وينها... قالو ليها ما عارفين مالا.... بيتهم فاضي وما فيهو زول... عيونها دمعو وقالت ليهم يعني حصل ليها شنو كيف تختفي من دون أي خبر معقولة حصلت ليها حاجة.... كيارا وهي بتحضنها وبتحاول ما تبكي ما تقولي كدا يا تالا هي كويسة واكيد بتجي الجامعة وتفهمنا الحاصل شنو.... تالا قالت ليها ولو ما جات وبقت تبكي.... لؤي وكيارا حاولو انو اهدوها وهم محتاجين زول اهديهم.... كل دا تحت أنظار آسر  الكان بعاين بي صمت وألم ..... رسل ليها وضرب ليها كتير بس ما في رد.... مشي بيتها اكتر من مية مرة وماف وجود أو أي أثر ليها حاسي كانو فقد قطعة منو دخل في حالة حزن  وخوف وكان مترقب اي خبر منها اي شي او حتى اسمع صوتها.... اشتاق لي كلامها لي شوفتها لي  ضحكتها.... ابتسامتها... ...كان بتمنى انو امسك يدها اليوم داك وما اخليها تمش..... اعتزر منها وما اخليها تمش زعلانة منو... كان خايف انو افقدها زي ما فقد مثاق طول الثلاثة أيام كان تفكيرو هي ملاك.. ومية احتمال خطر على بالو  هي وين.... الحاصل ليها شنو... وكيف تختفي ثلاثة يوم  من دون أي شي او أثر ليها  هي حاليا بتعاقب فيهو .....يعني هي ما كانت بتكزب لما زعلت منو وقررت بالجد تختفي..... و تفكيروا كلو في الكلام القالتو وبتردد في راسو جملتها الأخيرة
 "بتمنى تحصل حاجة وتخليني اختفي للأبد عشان كلكم ترتاحو مني "💔

 لا أعلم سبب تــعلقي بك
ولا أعلم سبب غيرتي عليـك
 ولا أعلم لما أنت بالذات
 ولكن…
  ما أعلمه جيـدا ً
  هـو إنني  أشتـاق لـكي و
كل المشاااعر الجميلة بقلبي ... تخصك وحدك  وحدك فقط                                                                                      

ولا أحد غيرك ... 💞.         "آسر"
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《20》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فلاش باك.....
جريت بي اتجاه البيت لقيت جارتنا وهي بتحاول تصحى امي جريت عليهم وانا ببكي وبحاول اصحيها.... قبلتا على جارتنا وقلتا ليها امي مالا قالت لي ما عارفة جيت من السوبر ماركت وقلتا اغشاها لاني طولت منها لقيتها واقعة من اللخلعة  فتشت التلفون وعلى طول ضربت ليك.... قلتا ليها لازم نوديها المستشفى.....ضربت لي ابوي ووريتو وقلتا ليهو الحقنا في المستشفى......بعد يوم كامل من امي دخلوها العناية وكانت تحت المراقبة...... الدكتور قال لينا انو عضلة القلب ضعيفة جدا ودا بيعني انو القلب بواجهة صعوبة في ضخ الدم  لباقي أجزاء الجسم..... وبنتج عنو خلل كبير في أداء الوظيفة الطبيعية لقلب......ما في داعي للخوف المريضة كويسة بس دا نتج عنو  إرهاق أو ضيق تنفس... أو زعل وأحيانا من فقد المريض لجزء من المكملات الغزائية الصحية..... قلتا ليهو بس يا دكتور امي ما زعلت من حاجة...... ونادرا ما اجيها ضيق في التنفس .. وبتاخد  الأدوية في زمنها وبنتظام.....وحتى انها كانت ماشة بي برتوكول معين...... قال لي فعلا بس انحن اكتشفنا من الفحوصات انو عندها   نقص في مستوى  الحديد ..... والحديد يعتبر من أكبر الوظائف في الجسم لأنو بنتج  البروتينات وهي بتوصل الأكسجين للأنسجة... ولما انخفض معدل الحديد في الجسم... القلب  بقى بضخ بي قوة أكبر ودا عادي بأدي للأغماء... ضيق في التنفس... وأخطر شي النوبة القلبية......والناس البعانو من نقص الحديد منهم ٢٤‰معرضين للإصابة بي أمراض القلب التاجية....... قلتا ليهو طيب يا دكتور الحل شنو..... قال لي الحل بسيط جدا.... في ناس بكتشفو النقص دا متأخر فبطلب منهم علاجات بالأدوية والعقاقير وبكون حاد جدا.... بس المريضة حاليا في نقص بسيط بس مأثر عليها بشكل أو بأخر... الحل في انو لازم الاكل اكون فيهو حديد زي اللحوم..الحمراء... والبيضاء زي الأسماك... البقوليات... وخاصة الرمان.... والخضروات الورقية......كل دا بحافظ على توازن الحديد.....
وهي حاليا كويسة بس محتاجة متابعة دورية....... وان شاءالله بترجع احسن من اول..... كلام الدكتور طمني شوية بس برضوا كنت متجرسة شديد ......بس حاولتا  اني اكون طبيعية عشان امي ما تخاف  وخصوصا انو بأثر عل نفسيتها ..... طول اليومين الفاتو كنا قاعدين مع امي ما كنا بنمشي البيت الا لي حاجة ضرورية شديد حتى تلفوني ما عارفة جدعتو وين..... أمي بقت كويسة وشديد كمان رجعنا البيت بعد عملنا كل الحاجات اللازمة من رسم للقب للفحوصات الدم ....ومستوى الأكسجين وكل حاجة...... في اليوم التالت امي حلفت اني امشي الجامعة وما اضيع محاضارتي وهي بقت كويسة.... وابوي قاعد في البيت لأنو اخد اجازة......كدا شبه بقيت مطمنة اكتر

فلاش بالك.....
بعد عملتا كل الحاجات ودعتا امي ومشيت على الجامعة... وانا بتصنع طول الفترة المضت اني كويسة..... بس احساس اني في يوم بفقدها كان مؤثر على.... ما بقدر أبكي  واضعف قدامها أو احسسها اني متأثرة لي حالتها و بس كنت بكبت دموعي.....ولسة معاناتي ما انتهت و تاني راجعة لي الجامعة  البقت لي زي الكابوس من جهة امي ومن جهة لؤي ومن جهة  كيارا ومن جهة آسر.... وانا واقعة في النص.... لي قدري اني اتألم كل ما أقع في الحب...... لما حبيت لؤي  عشت  سبعة سنوات  على اني صديقتو وبس.... ولما جا اعترف لي مشاعري انتهت اتجاهو ...... وهسة لما وقعت في حب  آسر الشاب البارد الخاتيني مصدر إزعاج..... برضو بكون سبعة سنة يعني حياتي كلها بتمشي كدا.....
اتنهدت بي تعب ودخلت الجامعة كل الناس بقت تعاين لي زي الحاجة الضايعة وكلمة واحدة بتترد يعني هي ما استقالت .... ما عاينت لي زول فيهم واتجهت لي قاعتي وسط اناظرهم.... وما لقيت ناس كتار قعدتا   هيام... وسبأ وسهي جوني.... كنت مفتكرة انهم بقوا كويسين وجاين أسلموا على بس جات و قالت لي هي انتي ما استقلتي يعني ارتحنا من شوفتك وتاني رجعتي..... المهم جو سمعوني كلام فارغ وجابو سيرة آسر وكيف اصرخ فيهو.... كانو عايزين اضايقوني بي أي طريقة... بس انا ما عملت حاجة رقدت في الطاولة وخليتهم اتكلموا قدرتهم حركتي زعلتهم وهيام ضربت الطاولة بي قوة..... كنت اصلا تعبانة وزهحانة.... قمت فوق وقلتا ليها عايني انا صرخت فيهو... خليهو اجي هنا واتكلم معاي تمام وكلمة واحدة  ما دايرة اسمعها منك لأنو انا لو قمت عليك ما بريحك عشان كدا ألزمي مكانك انت وشلتك لاني ما فاضية اسمع تفاهاتكم دي.....الشجار قرب ابقى ضرب لأنهم كانوا مستفذين شديد..... بس لؤي جا وقال في شنو.... أي وحدة رجعت مكانها...... ووراهو  كيارا وتالا  ومن جو بدوا اشاكلوني اختفيت وين والحاصل شنو ولي قافلة تلفونك... وين كنتي ووو..... قبل ما اتكلم لؤي برضو جا وتم الناقصة وشغالين اتكلموا و.... وقفتهم وقلتا ليهم واحد واحد براي مصدعة.... بعد حكيت وشرحتا  ليهم حتى هدو وبعد كدا شاكلوني وقالو لي كان تورينا كان حصلناك في المستشفى.... قلتا ليهم ما كنت فاهمة حاجة من الحصل..... وكلو جا مع بعضو... و التلفون زاتو ما كنت عارفاهو وين...... المهم شاكلوني تمام وضربو لي امي وسلموا عليها....... دا كلو وانا بعاين وبشوف آسر وين معقولة ما فقدني .......كيارا قالت لي خوفنا عليك شديد وقلنا انو بي سبب المشكلة البيناتكم انتي وآسر خليتي الجامعة..... الحصل شنو لما طلعتي بي الطريقة دي...... قلتا ليها ما في شي مهم كنت زهجانة وما عارفة لي بقيت حساسة اكتر من اللزوم..... كيارا بي ارتياح كويس كنت قايلاكم اتشاكلتو..... لؤي قال ليها خلينا من سيرة آسر اصلا علاقة الصداقة البينهم  انتهت..... لؤي قال لي خفتا عليك شديد يا ملاك تاني ما تعملي كدا... اتصنعت ابتسامة وقلتا ليهو حاضر..... قال لي ممكن نطلع بعد الجامعة منها تغيري جو عارفك بتكون زعلانة من الحصل ليك..... عاينت ليهو وفي نفسي قلتا لسة متزكرني قلتا ليهو الليلة ما بقدر خليهو يوم تاني..... قال لي  تمام.... ودعني هو وتالا  ومشو ..... بعدو بي دقايق آسر جا داخل ما ابديت اي ردة فعل ولا كأنو موجود وكان الجو متكهرب وبارد ......

من جهة آسر كنت  في السطوح ونزلت للمحاضرة دخلت و  من شفتا ملاك فرحتا شديد واخيرا جات مشيت قعدت بس هي ما عاينت لي  ولا كأنو موجود معناة هي لسة زعلانة مني كنت متمني بس اسمع صوتها.... متمني انها تعاين بس ولو نظرة واحدة..... لو شافتني كيف اني كنت متلهف انها ترجع..... لو عرفت كيف الكلام القالتو لي ما نسيتو وندمان اني ما وقفتها وما خليتها تمش زعلانة مني ....... لو عاينت في عيوني كانت لقت كمية الشوق واللهفة والحنين ليها..... كنت بسرق نظرات واعاين ليها ..... كنت داير اتكلم معاها واعتزر عن كل شي وأسألها سبب غيابها.... بس ما قدرت اتكلم معاها لأنها ظاهر انها كانت زعلانة مني وما دايرة تعاين لي اساسا وامكن اختارت تتطلعتي من حياتها زي ما طلبت منها.......

من جهتي عدا اليوم عادي جدا وما اتكلمت مع آسر خالص  وما حاولت اصلا مهما.... كان في مشكلة حاصلة بيناتنا المفروض اجي اقول لي كيفك على الأقل... في النهاية نحن كنا أصحاب حتى لو هو ما معترف بي صداقتنا... تصرفوا دا خلاني ازعل منو وما اديهو وش.......
في اليوم التاني من جهة لؤي هو كيارا ماشين مع بعض... لؤي قال ليها انتي عارفة انو ملاك دي ممكن تكون قدامك صامدة بس بي جوة هي مكسورة انا متأكد انو متأثرة لي حالة امها انا لازم اطلعها واغير ليها جو وقلتا اعزمها لي مكان  ...... كيارا قالت ليهو بي فرحة اكيد بتفرح وما تنسي توريني آخر المستجدات.... قال ليها بتعرفي منها... قالت ليهو بحب اسمع من الاتنين العاشقين ههههة......
من جهتي الليلة لؤي قال عازمني  وقدر ما حاولتا اني أرفض... ما قبل نهائي وقال لازم نطلع ما كان عندي خيار غير اني أوافق.... بعد خلصنا محاضرتنا كلها بعد العصر..... اتصلت لي امي وقلتا ليها انا بتأخر شوية ونبهتها تاخد ادويتها حتى غفلت منها..... في الطريق قلتا ليهو ماشين وين .... قال لي ماشين لي مكان بتحبي كتير... وقف جمب محل ايسكريم... نزلنا وقال لي نخش جوة ولا نقعد برة قلتا ليهو برة احسن.... انا قعدت وهو مشي جاب معاهو ايسكريم وختاهو وقال لي بي نكهة الفانيليا صاح... ابتسمت وقلت ليهو متزكر يعني... قال لي طبعا متذكر... طول القعدة وهو بتكلم اما انا كنت بسمع فيهو وما بشاركو كتير في النهاية... قال لي يلا  نمش... ونحن في الطريق قلتا ليهو شكرا ليك مع انو ما اتكلمت كتير بس صدقني فرقتا لي كتير.... قال لي انا فاهمك يا ملاك وعارف انك ما بتعبري عن حزنك بس انا هنا جنبك ومسك يدي... حاولت افكها بس كان ضاغط عليها قلتا ليهو لؤي ممكن تفك يدي انت كدا بتوترني....قال لي بي زعل كدا ونبرة حادة... بوترك صاح ما تفكري اني غبي وما بفهم  يا ملاك انا ما عارف سبب المشكلة شنو وما عارف انتي لي بقيتي تتصرفي بي برود معاي... في حين انو انت بتصرفي عادي مع آسر وانا ما بقبل بي الحاجة دي نهائيا ......... انا داير اعرف البجمعم مع بعض شنو واتشاكلتو لي... ما يحق لي اعرف..... عاينت ليهو وقلت ليهو لؤي وقف العربية.... ما اتكلم معاي صرختا فيهو وقلت ليهو قلتا ليك وقف العربية... فكا لي يدي..... واخد نفس عميق وقال لي تمام انا آسف لاني انفعلت فيك ما قصدي ..... قلتا ليهو المرة دي بي صيغة تهديد وقف العربية والا بفتح الباب والبحصل يحصل.... وقف العربية وقبل انزل قلتا ليهو غلطة لما قبلت عزومتك انت عازمني عشان تفرحني ولا عشان تجرحني بي كلامك... ونزلت اصلا المسافة ما كانت بعيدة......
لؤي وصل بيتهم وهو زعلان ولقي كيارا منتطرهو قالت ليهو بي حماس  اهااا الحصل شنو ... اتنهد بي تعب وقال ليها ما عارف انا عملتا شنو...... كيارا قالت ليهو اتشاكلتو تاني...... قال ليها بي زهج كل الموضوع انو مسكتا يدها بس هي زعلت من حركتي دي وما زعلت لما  هو  كان قريب منها وما اعترضت..... كيارا قالت ليهو قصدك منو بي هو.... لؤي وهو ماشي قال ليها ما المفترض اني اقول ليك....انا داخل تعبان ياخ .... كيارا مسكتو وقالت ليهو لو ما وريتني هو منو والحصل شنو بمشي ليها توريني هي..... قال ليها بي توتر دا آسر.... كيارا ضحكت وقالت ليهو قول كلام بتصدق.... لؤي قال ليها بي توتر تتزكري لما كنت بفتش فيها في زول رسل لي وقال لي امشي السطوح.... ولما مشيت شوفتهم وهم قريبين من بعض حتى انو.. انو   كيارا ودموعها نزلو  كمل .... قال ليها انا لقيتهم قربين لي بعض وووحاضنها 💔..... كيارا بي شهقة لؤي انت متأكد قال ليها للأسف.... كيارا انهارت وبقت تبكي...... لؤي عاين ليها وقال في نفسو آسف لاني كزبتا عليك  بس دي الطريقة الوحيدة البتخليها بعيدة من آسر...... كيارا وهي بتبكي لؤي قول انو الكلام دا غلط ملاك ما بتعمل كدا... قول لي انك ما شفتهم..... لؤي كان بعاين لي كيارا وهي بتبكي للحظة حسة انو غلط لما كزب عليها وزيف الحقيقة... بس كان زعلان من آسر وغيرتو ما خلتو اعرف حجم المصيبة العملها......

من جهة لدن وهي طول الايامات الفاتو كانت بتبتعد عن أمير وبتتجنبو بس هو دايما كان بلاحقها وبضايقها وبتعبها في الشغل وبشاكلها في اتفه الأسباب.... والليلة طلب منها تسلم الطلبات... لدن قالت ليهو انت مالك ياخ بتجي الشغل بس عشان تتسلي يعني...... قال ليها تقريبا..... انتي هنا عشان تشتغلي والليلة بتسلمي الطلبات.... لدن في نفسها الطلبات يعني اطلع من المطعم  ... والطلوع من المطعم يعني امشي للبيوت... ودا بيعني طرقات كتيرة... طيب ولو لاقاني اعمل شنو  خصوصا انو بفتش فيني .... ولو طلعت من هنا يعني انا طلعت من دائرة الأمان....... قبلت لي أمير وقالت ليهو انا ما بقدر اوصل الطلبات..... أمير بي ابتسامة  لو رفضتي دا لي مصلحتي لأنو انتي عارفة دا سبب رئيسي  بخليني اطردك من هنا...... عاينت ليهو بي بتردد وقالت ليهو طيب لاكن امشي بي شنو.... قال ليها دي ما شغلتي اتصرفي المهم الطلبية تصل والا اعتبري روحك مطرودة.... قالت ليهو واحد حقار عشان عارفني ما بعرف الطرق داير تضيعني اتحمل العواقب البتجيك...... لدن استلمت الطلبية وكانت لي زبون مهم وعندو عيد ميلاد بتو ولأنو مطعم أمير كان متميز في صناعة الكيك... ولازم الطلبية  تصل قبل ساعة من الحفلة... لدن وصلت في الزمن المناسب بعد تعب.... و الزبون أعجب بي لدن وطلب انو تحضر الحفلة... لدن حدرت ليهو تمام وطلعت وهي بتنبذ في أمير... وبتقول هسة راجل كبير ما محترم عمرو ونظراتو  الكان بعاين لي بيها...... هسة انا ما قدر بتو... وهي ماشة ضيعت الطريق وبقت تمشي من هنا وتجي بي هنا وضيعت الطريق.....

من جهتي ماشة وانا زعلانة من تصرف لؤي والكلام القالو هو قاصد شنو يعني.... يعني عمل دا كلو عشان المسرحية دي ... حسيت بي زول ماشي بي وراي... وقفت واتلفت اتصدمت لما شفتا لدن صحبتي اتفاجأت وبقيت بعاين ليها وهي بتعاين لي.... قربت منها وقلتا لدن دي انتي... قالت لي ملاك  انا بحلم جات على وحضنتني وبقت تبكى.... قلتا ليها لدن انتي في الخرطوم  بس كيف.. ... قالت لي وهي بتنهد دي قصة طويلة يا ميمي.... قلتا ليها يلا نمشي بيتنا واحكي لي... قالت لي انا شغالة في مطعم ودوامي ما انتهى ولازم ارجع الفاتورة دي..... عاينت ليها بي صدمة وقلنا ليها لدن كيف تشتغلي في مطعم جنيتي انتي... وين امك وين ابوك الحاصل شنو.... دموعها جرو وقالت لي ارح اول المطعم اوصل الفاتورة دي عشان ما انطرد..... حصلنا الظلط ومشينا على المطعم طول الطريق ولدن دموعها ما وقفت وخاتة رأسها في كتفي... وانا مليون فكرة جات في رأسي لدن جات هنا كيف... وين امها وابوها... الحصل شنو... وكيف هي شغالة في مطعم.... وما كنت فاهمة حاجة...... وصلنا لي مطعم قالت لي في حديقة ورا المطعم امشي اقعدي هناك وانا هسة بجيك وافهمك...... مشيت قعدت وانا لسة راسي ما وقف من التفكير...... لدن مشت وصلت الفاتورة..... ادتها لي ياسر وقالت ليهو انا طالعة شوية بس وجاية...... جاتني وحضنتني وبقت تبكي وتبكي بي حرقة.. .. أنا زاتي كنت ببكي على بكاها لأنو كان بكا زول مجروح شديد..... بعد هدت قلتا ليها لدن يا روحي انا مالك.... في شنو ... قالت لي وهي بتتنهد.... يا ميمي أبدى ليك من وين انا حياتي انتهت من زمن  امي وابوي اتوفو وانا عايشة في جحيم...... بقيت ببكي وقلنا ليها متين يا لدن متين الكلام دا.... قالت لي بعد مشيتو من القرية بعدها بي اسبوع ابوي مرض مرض شديد و رقد في المستشفى تلاتة يوم واتوفي.... اليوم داك كان يوم قاسي امي بعد عرفت دخلت في كومة سكري..... ابوي يا ميمي اتوفى وانا الدنيا ضلمت في وشي بقيت ما عارفة أبكي على ابوي الاتوفي ولاعلي امي الكانت ما بتتحرك ولا بتتكلم قاعدة  من دون روح....بقيت ضايعة شديد طول اليوم وانا ببكي اتمنيت لو كنتي قاعدة يا ميمي كنت خففتي عني.....ما كنت قادرة افهم حاجة حوليني موت ابوي كان بي مثابة صفعة قوية لينا كلنا..... بعد اسبوع امي لحقتو وخلتني براي.... خلوني براي أواجه الحياة القاسية دي..... انا دخلت في حالة تانية ما كنت قادرة استوعب انو انا انا فقدت أمي وابوي في زمن واحد..... بعدها عمي جا ساقني ومشيت بيتو ويا ريتني ما مشيت..... انا ضقت الويل والعزاب أضعاف مضعفة.... مرتو شغلتني خدامة عندها ياخ انا فقد اهلي ما تميت اسبوع..... بس عرفت قدر كيف انا فقدت طعم الحياة دي...... كانت بتمثل قدام عمي انها الانسانة الطيبة..... وبي وراهو انا اتعرضت لي اسوء الزلة والعزاب كانت مستخسرة فيني الاكل.....في حين اني ما عملت ليها حاجة بس كانت بتكرهني  وشايفة انو انا السبب في كل شي انا كرهت حياتي وكرهت الدنيا دي وضاغت بي...... اتخيلي حتى خالتي لما جات تشوفني.... قالت ليهم انو انا سافرت عشان اقري..... دا كلو عشان تخليني اتعزب كدا..... كانت بتحرض عمي على خلتو اكرهني وقلبت كل حاجة ضدي   . .... كنت بتتهمني بي حاجة انا ما عملتها... فكرت كتير اني انتهى من حياتي وارتاح... بس كنت بستغفر وبقول انو اي حاجة لي خير..... كنت متحملاهم عشان ما عندي سند في الدنيا.... وبقول لي نفسي في النهاية هم جزو مني واكيد في يوم مرت عمي دي بتوقف عمايلها بس ما وقفت وكل يوم بتزيد زيادة كنت بسكت وبتحمل.... انا لدن العمري ما اتزليت ولا اتهنت... وأي زول بغلط فيني بدي حقو..... بقيت عاجزة عن أي شي ما كان عندي القدرة اني ارد عليها.... احساس انك خسرتي كل شي في الدنيا دي وما فضل شي تعيشي عشانو.... بس دا كان احساسي كنت بس مستنية متين يومي أنتهي...... بعد قعدت معاهم شهر من المعاناة في يوم سمعتا مرت عمي وهي بتقول لي عمي لسة البيت  حق اخوك دا ما بعتو... قال ليها قريب بس هو مسجل البيت بي اسم بتو.... مرت عمي قالت ليهو ما جهزت ورق التنازل خليها تتنازل عن الورثة واي شي ابقى لينا في النهاية انحن البنصرف عليها واصلا كدا بقولو انو انت حفظت ليها حقها...... قال ليها  جهزتو وهسة في ناس شافوهو ودايرين اشترهو.....يعني هم دايرين ابيعو بيتنا.... انا القروش كلها ما بتهمني بس الشي الوحيد   البهمني بيتنا ما عرفتا من وين  الجرءة الجاتني ومشيت قلتا ليهم ما بتبيعو بيتنا دا لو اموت ياخ دا الشي الوحيد الفضل لي من امي وابوي كيف تقدرو تبيعهو....  لو ما أشتكيتم وخليت الناس كلهم تعرف انتو بتعملو فيني شنو..... اليوم داك انا  انضربت ضرب عمري كلو ما بنساهو..... عمي  قال لي مرت عمي جهزي ليها حاجاتها كلها ماشي اوديها لي عمها الكبير محسن  وهو بتصرف معاها لأنو شكلها كدا دايرة ليها تربية من اول وجديد.... من سمعتا اسم محسن انا بقيت برجف... لانو صعب شديد.. اصلا هو عندو مشكلة مع ابوي من زمان  وما كان بجينا نهائيا..... اذا هسة عمي دا ما مقصر فيني هو بعمل شنو... حلفت عمي وركعت ليهو في رجلينو  انو ما اوديني بس هو ما اشتغل بي وتاني يوم مشينا لي قرية بعيدة شديد...... انا اتمنيت لو ما فتحت خشمي واتكلمت اتمنيت لو ما كان عندي أهل نهائيا.... الألم العشتوا في بيت عمي أحمد ما حصل ولاربع الألم العشتوا في بيت عمي محسن.... من البداية هو بكرهنا وهسة بعد تحريض عمي ومرتو ما خلى حاجة ما عملها لي.... انت عارفة انا البنضف... البطبخ... انا البغسل.... انا البعمل كل شي بقيت خدامة عندهم... وياريت لو خدامة بس انا مرتو خلتني اخدم جيرانها  ولما اسألوها دي منو بتقول ليهم بت لقوها في الشارع ونحن ساعدناها .... كنت بضحك لما تقول كدا واقول انا بت من دمكم ولحمكم  بتعملو فيني كدا... لو كانت بت جبتوها من الشارع كان موتوها....... دا كلو هين يا ميمي الشي السئ  انو عندها ولد دايما بحاول انو اتحرش بي كل ما القى طريقة بجي بليل  سكران... انا ما كنت بنوم الليل وبخت جمبي سكين  ... انا كنت عايشة في خوف وترقب  اني ممكن انتهى في أي لحظة ما كنت بقدر احكي لي زول منو اصلا البصدقني ...... في النهاية أخدت قرار اني أهرب من المكان دا  لأنو انا اتحمل كتير وما بقدر اتحمل تاني......ما كان عندي طريقة غير جارت مرت عمي  البنضف ليها..... حكيت ليها كل شي وقلتا ليها تساعدني.... المرة حضنتني وبقت تبكي معاي انا اهلي ما اتعاطفو معاي بس هي فهمتني. ... قالت لي اشتكيهم واخدي حقك وانا بساعدك  قلتا ليها انا ما دايرة حاجة منهم دايرة أهرب من هنا بتقدري تساعديني...... قالت لي يا بتي كنتي عايشة دا كلو واتحمليهو براك..... قلتا ليها احيانا الغدر والألم بجي من الأهل وأحيانا الغرباء ببقو ليك احسن من الأهل.... انا دايرة ابعد من هنا... ما دايرة ارجع تاني واعيش في الألم دا تاني انا خسرت امي وابوي ما دايرة اخسر نفسي وحياتي دايرة أبدى صفحة جديدة بس لازم اني أهرب من هنا  .... وحقي خليتو بعدين برجع ليهم...... قالت لي بعد بكرة في باص ماشي الخرطوم وما في زول بعرفك هناك.... بس لازم تقومي بدري  جهزي حاجاتك وانا لو ما قدرت اساعدك انك تهربي... بعد العرفتو دا ما بخليك تقعدي معاهم..... قلتا ليها انا ما عارفة أقول ليك شنو بس انتي اتغذتيني قالت لي انتي زي بتي وانا لو كنت عارفة من البداية ما كنت سكتة.... يعني في شريحة زي دي في المجتمع وأهلك كمان..... قلتا ليها في قصص كتيرة مشابهة لي قصتي واسوء كمان...... مشت وجات و قالت لي شيلي التلفون دا رفضت وقالت لي عشان اكون مطمنة انك وصلتي بي أمان وما تشيلي هم السفر انتي بس امشي الموقف......شكرتها كتير لأنو اخيرا لقيت لي طوق نجاة.......

كنت منتظرة بعد بكرة اجي بي فارغ الصبر كنت عارفة حجم الخطورة الأنا بعمل فيها بس لو ما هربت هسة انا متأكدة انو في يوم  الحيوان الاسمو ماذن دا ما بيخليني ..... جهزت حاجاتي في شنطة وكنت مترقبة متين الصباح اجي.... بس بالذات في اليوم داك نسيت ونمت من دون ما أغفل الباب قريب الصبح ..... حسيت بي حركة في الباب لما قمت لقيت ماذن جاي على وهو سكران... فتشتا السكين ما عارفة ختيتها وين...... هبطة  وما عرفتا اتصرف وهو كان بعاين لي مبتسم وقال لي يا بت العم كيفك.... انا حاولت كتير بس انتي كنتي عنيدة شديد... لي كدا ياخ.... أتلفت وانا برجف وبشوف حاجة اضربها  بيهو لو قرب مني لقيت لي طربيزة   .... قلتا ليهو ماذن انت سكران وما واعي لي حاجة من الأحسن انك ما تقرب على لأنو ما بحصل خير  .... كان جاي على.... بقيت بحزر فيهو بس هو ما اشتغل بي ومن قرب على ضربتو بي الطربيزة ووقع في الأرض الضربة كانت قوية وما اتحرك من مكانو.....  اتمنيت انو اكون مات عشان الناس الزيو ما يستاهلو اعيشوا...... خليتو راقد في مكانو الزمن داك الصبح اذن قمت جهزت حاجاتي وطلعت من البيت  وكل خطوة بتلفت وبعاين أمكن في زول شافني بس ما في زول لاحظ لي ..... حصلت محلات الباص ما كان في ناس كتار في ولد جاني وقال لي انتي لدن قلتا ليهو ايوة قال لي دا رقم مقعدك.... عرفت انو من طرفها طوالي ركبت الباص وانا بتمنى انو ما تحصل حاجة او اعرفوا اني هربت من هناك.... الباص اتملي وكنت بعد الثواني والدقايق عشان اتحرك.... ومع شروق الشمس انحن اتحركنا...... لما اتحركنا انا  ياداب بكيت  طلعت قهر الشهور العشتهم.... بكيت على أي لحظة عشتها....  قطعت عهد علي نفسي اني ما اتزل تاني..... اني أبدى من جديد وانسى اي شي حصل لي.... أعيش عشان نفسي وما احتاج لي زول..... انا خليت وراي اي زكريات سيئة وركزت بس على  الحاضر .... وبديت من جديد.....
لما كانت  بتحكي انا دموعي دي كملت بقيت ببكي بي حرقة .... قلتا ليها دا كلو عشتيهو يا لدن انت ما بتستاهلي الحصل ليك دا ..... انا آسفة لاني ما كنت معاك ما كنت جمبك زمن احتجتي لي آسفة على كل شي..... قالت لي ما تتأسفي  كل شي لي خير..... قلتا ليها كنت عارفة انو اعمامك ما بحبوكم بس ما لي الدرجة دي دا اسموا ظلم.... قالت لي ميمي خلاص انا نسيت اصلا وقررت أبدى من جديد....... سمعنا لينا صوت تلفون كان بضرب لدن قالت لي تلفونك قلتا ليها دي ما نغمة تلفوني.... انا كنت مقابلها والصوت جا من ورا قبلنا بي كل الاتجاهات  وما لقينا لينا زول والصوت وقف ..... لدن قالت لي بكون واحد من الموظفين  جا ماري بي هنا.....

قلتا ليها ارح بيتنا ما بخليك تقعدي بعد العرفتو دا..... قالت لي ما تخافي ساي  انا مستقرة وبعدين  دا موضوعو كتير خلينا نأجلو يوم تاني  وانا ما دايرة زول اعرف حتى لو امك او ابوك.... قلتا ليها بس قالت لي ميمي لو سمحت ...... ما قدرت تاني بقيت ببكي كل ما اتزكر قالت لي شنو... قالت لي خلاص ياخ ما تبكي وبعدين انا كويسة واتخطيت المرحلة دي.... بعدها غيرت الموضوع وبقت تحكي الشغل ..... بعدها قالت لي انتي ولؤي ما اتلاقيتو نهائي..... قلتا ليها يا زولة نحن بنقري سوا.... و حاليا مرتبطين .... قالت لي بي فرحة اخيرا اتلاقيتي مع الزول البتحبيهو  لا وكمان مرتبطين اخيرا  لؤي اعترف ليك كنت قايلاهو بموت بي مشاعرو...... عاينت ليها بي استغراب وقلتا ليها كيف ما فهمتك يعني انتي كنتي عارفة انو هو بحبني..... قالت لي طبعا كنت عارفة بس هو طلب مني اني ما اوريك تقريبا دا قبل ما اسافر..... قلتا ليها يعني كنتو بتمثلو على...... قالت لي انا كم مرة قلتا ليك دافعي عن حبك....... قلتا ليها ولي ادافع في حاجة ما حقتي لو من البداية كنت عارفة انو دي تمثيلية ماكان خليك تقيفي جمبوا..... ضربتي وقالت لي يا أنانية.... المهم اتونسنا وعيدنا زكريتنا السمحة ما حسيت بالزمن الا لما امي ضربت لي... اديتها رقمي واخدت عنوانها وقلتا ليها يا لدن انا آسفة لاني ما كنت جمبك بس بعد اليوم ما بخليك.... وطوالي بجيك قالت لي انا متأكدة انك ما بتقصري وبعدين بنتلاقي كتير لاني عندي كلام كتير ما قولتو ليك..... قلتا ليها حتى انا يلا مع السلامة بنتلاقي في أقرب وقت ودعتها ومشيت وانا بفكر فيها العاشتو ما هين ابدا .... كيف أهلها اطلعو فظعين بالشكل دا..... طول الطريق وانا بفكر فيها..... وما مصدقة انو دا كلو حصل ليها.... حصلت البيت ولقيت امي واقفة قالت لي مالك اتأخرتي كدا..... قلتا ليها عندنا محاضرة ضافوها لينا عشان كدا اتأخرت... اتحججت ليها ودخلنا......

الصباح من جهة كيارا قامت من الصباح واتجهزت لي مواجهة البت الكانت معتبراها صحبتها واختها.... كانت حاسة بالخيانة..... طلعت بدري وما انتظرت لؤي...... اما لؤي سمع صوت العربية فطلع ولقي انو كيارا مشت.. كان حاسي بالذنب وتأنيب الضمير وكيف انو عمل كدا بس للأسف اتأخر شديد حتى عرف حجم الغلط العملو.... اتجهز سرعة سرعة عشان ألحق كيارا لأنو عارف انو ما بحصل خير الليلة.......

من جهتي دخلت الجامعة  وانا ماشة للقاعة لمحت كيارا رسمت ابتسامة ومشيت عليها وقلتا ليها كيارا كيفك...... عاينت لي بي غضب وزعل ورفعت يدها وضربتني كف.... حصلت صنة كدا..... ختتيت يدي وشي وعاينت ليها مصدومة.... كل الناس اتجمهرت حولينا وبدو اتكلمو معقولة الصحبات الليلة اتقلبو ضد بعض....... فتحت خشمي وقلتا ليها كيارا لي ضربتيني..... غلطة في حاجة انا..... قالت لي وهي بتصرخ لما الجامعة كلها نبذتك انا حميتك ودخلتك بيتنا واعتبرتك صحبتي واكتر.... بس انتي قابلتي لي الإحسان بي شنو..... انك تقربي من الإنسان البحبو وتحضنيهو كمان... قالتها  بي صوت عالي خلي البنات كلهم اشهقوا من الصدمة..... الكلام القالتو نزل على زي الصاعقة عاينت ليها وقلتا ليها شنوو كيارا انتي واعية انك بتقولي في شنو.... انا مستحيل اعمل كدا قربت عليها.... لزتني بعيد وصفقت بي يدها وقالت لي انتي بت رهيبة وعجيبة..... بتعملي عملتك ولا كأنو حاجة حاصلة.... انتي واحدة خاينة وسافلة .... وانا بشفق على روحي اني صدقتك واشفقت عليك لما كل الناس كانو ضدك........ تالا وصلت ولقتني وافقة وبعاين لي كيارا بي عدم استوعاب..... قالت لينا في شنو يا جماعة...... كيارا قالت ليها آسأليها قدامك وقولي ليها كيف قدرت تحضن آسر....... كل البنات كانو مصدومين.... البت ١قالت معقولة عملت كدا..... البت ٢ قالت ليها ما بستغرب إذا عملت حاجة زي دي اصلا ما عندها كرامة.......
 
كنت بحاول استوعب الكلام البتقولو كيارا عني والافتراء البحصل هنا ومتين انا عملت كدا..... متين.... تالا قالت لي ملاك اتكلمي.... قلتا ليها تالا انا ما عملت كدا مستحيل اسمح لي نفسي اعمل كدا...... كيارا وهي دموعها نزلو قالت لي ملاك خلي التمثيل  واعترفي... انا وثقت فيك لما كل الناس شكت في علاقتكم بس انا مسحت كل الأفكار دي من راسي..... كنت قايلاك صديقة حقيقة بس اتوقعت شنو من فقيرة قروية....... تالا قالت لي كيارا انتي واعية بتقولي في شنو ما تتكلمي كلام تندمي عليهو.... أمكن دا سوء تفاهم.......
 هيام أدخلت  قالت ليها انا حزرتك منها  وقلتا ليك ما تثقي فيها بس انتي عملتي شنو خليتي صحباتك واندفعتي معاها...... مؤيد قال اصلا الفقراء ناس انتهازيين ما كفاها واحد من الأغنياء ودايرة توقعهم كلهم.... انتي ما شبه المكان دا استقيلي......
 
لؤي دخل الجامعة ولقي الناس متجمهرة وعرف انو اتأخر مشي بي اتجاه الجماهير.... كيارا من شافتو.. مسحت دموعها وقالت ليهو اخيرا أطراف الحديث اكتملت..... لؤي قال ليها كيارا واقفي البتعملي دا..... كيارا قالت ليهو بي سخرية مستغربة كيف ترتبط بي بت زيها وانت عارف العملتو....... عاينت لي لؤي بي صدمة  وانا بحاول اني اتماسك وما أنهار قدامهم  لاني عارفة اني ما عملت حاجة غلط قلتا ليهو لؤي انت عارف شنو..... انا ما عملت كدا اقسم بالله كيارا قعدة تفتري فيني انا مستحيل اعمل كدا...... كيارا قالت لي ولي افترى عليك انتي واحدة كزابة ومنافقة...... لؤي مسكني من يدي وجراني.... كيارا قالت ليهو انا ما خلصت كلامي..... اتجاهل كلامها وجراني وسط كلامهم البقولهو عني واتجهنا على مدخل الجامعة ..... قلتا ليهو ماشين وين نحن..... قال لي لازم تطلعي من هنا... وقفت وقلتا ليهو لؤي انت مصدق الكلام البتقال عني دا.... اتنهد وابتسم ابتسامة باردة وقال لي اكيد لأ..... انا واثق فيك انك ما بتعمليها...... ممكن تتغيبي لما الأوضاع تهدي..... قلتا ليهو لؤي انا ما عملت شي وما بهرب من حاجة انا ما عملتها كفاية انك مصدقني الباقي ما مهم..... قال لي ما تكوني عنيدة يا ملاك.... قلتا ليهو انا ما فاهمة منو النشر الكلام دا منو لو عرفتو ما برحموا نهائيا  انت عرفت كيف ...... لؤي اتوتر وقال لي خلينا  ما نتكلم عن  الموضوع دا  لأنو بزعجني..... ابتسمت وقلتا ليهو شكرا لانك صدقتني ورجعنا بي اتجاه قاعاتنا.... قلت لي لؤي هسة موقفهم شنو لما اعرفو انو اتهموني من دون أي سبب..... وموقف آسر بكون شنو.... لؤي وقف وقال لي بي حدة ما تقولي لي انك قلقانة عليهو ملاك بطلي ياخ.......

من جهة كيارا وتالا.... كيارا كانت بتبكي وتالا بتهدي فيها  قالت ليها كلام لؤي الأمس كلو تالا قالت ليها حاسة انو في غلط في الموضوع .... كيارا... قالت ليها ماف اي غلط كل شي واضح جدا..... تالا قالت ليها مفروض انك ما تعملي كدا قدام كل الناس.... ختيتها في موقف صعب شديد... .... كيارا قالت ليها ما تدافعي عنها  دي واحدة تافهة ساي واتكشفت على حقيقتها.... تالا قالت ليها انتي ما سمعتيها.. أنا واثقة انها ما بتعمل كدا.... كيارا ما اتكلمت معاها ودخلت القاعة وقعدت مكاني... وقالت مستحيل اخليها تقعد مع آسر بعد اليوم واحدة حقيرة كنت شاكة فيها من البداية كويس الظهرت الحقيقة...... لؤي مشي قاعتو وانا مشيت باتجاه القاعة وكل تفكيري لي قالو عني كدا معقول في زول بالحقارة دي لي درجة اتهموني بي زي دا..... انا عمري ما فكرت بي حاجة زي دي.... لي كل حاجة بتجي ورا بعض اخلص من دي وادخل في دي...... آسر كان جاي من الجهة التانية اتلاقينا في الباب عاينت ليهو ودخلت وهو دخل بي وراي... ومن دخلتا بدو انبزو فيني وبعاينو لي نظرة اشمئزاز  حفظت كل كلمة قالوها.... بس ما ابديت اي ردة فعل وكنت ماشة بي ثقة ولا كأنو حاصل حاجة..... لقيت كيارا قعدت في مكاني ما اهتميت كتير لأنو علاقتي مع آسر بقت زيرو وقعدت مكان كيارا .... آسر كان ملاحظ انو في حاجة غريبة بس ما سأل في شنو...... كيارا قالت ليهو بي ابتسامة من الليلة انا بقعد هنا.... آسر اسوارتو وخاتموا بقى لونهم ارجواني حاسي بالفضول دي شنو التغيرات الحصلت دي......

في الكفتريا دخلت وكلهم بعاينو لي النظرة البقيت بكرها وبحس اني عاملة جريمة مشيت لي كيارا الكانت بتعاين لي بي نظرة اشمئزاز.... من وصلت قالت لي انتي مالك وقحة كدا معقولة ما عرفتي انو انتي ما عندك مكان بيناتنا... قلتا ليها كيارا صدقيني انا ما عملت كدا... اتجاهلتني تماما قربت أبكي قدامها لأنو انا مظلومة وحتى مقهورة من الحصل دا..... تالا كانت بتعاين لي بأسف... . بقوا يتكلمو عني بأقسي العبارات... لؤي جراني وقعدني في  طاولة كان قاعد فيها أمير..... أمير قال لي بي استغراب مالكم الحصل شنو اتشاكلتو انتو والبنات..... لؤي قال ليهو كل الجامعة عرفت انت كنت وين...... قلتا ليهو بي برود طلعو إشاعة عني وفي زول حكي لي كيارا اني طلعت واحدة تافهة لأنو شافوني مع آسر.... وهو قريب مني وحاليا قاعدين انبذو فيني... ما بسألك لو انت زاتك نبزتني..... أمير عاين لي لؤي بي صدمة لأنو هو عارف انو لؤي الوحيد الشافهم معناة هو الطلع الاشاعة...... لؤي اتوتر  وهزا ليهو راسو بمعني ما تتكلم.... قلتا ليهم انا ما فاهمة متين حصل كدا ولي هم بصدقو الزول من دون أدلة لي بحاول اشوهو سمعتني.... قمت ودايرة اطلع من المكان دا.....

من جهة كيارا كانت بتنبذ في ملاك ... قالت لي تالا انا متأكدة انو آسر حاسي بالخجل منها..... ما كنت دايرة انقلب ضدها بس هسة بعملها عشان الطلاب كلهم ارموها برة..... تالا قالت ليها بي صدمة كيارا متين بقيتي كدا.... حاسة اني بقيت ما بعرفك..... قالت ليها انا اصلا كدا... شافتني قامت جات على ..... و لزتني وقالت لي ما طلعتي لسة.... كنت بحاول اني اكتم غضبي في النهاية هي صحبتي  وما دايرة اخسرها.... لؤي جانا وقال لي كيارا  وقفي البتعملي دا  كيف بتعملي كدا في صحبتك..... كيارا قالت ليهو انا ما متفهمة زيك كدا   ما بفتش ليها عزر وابرئها وكأنو ما عملت حاجة.....
. كل الطلاب مستغربين لي لؤي مرتبط بيها لسة بعد عرف بخيانتها ليهو وخاتنو شاب نبيل وبشفق عليها.....
في بت قالت ما عارفة لي لؤي متمسك بيها بعد العملتو دا بس اكيد لؤي انسان محترم شديد كونو بقيف معاها...... بت تانية قالت نحن ما بقبل بالبحصل دا لازم نطلع البت دي من هنا.....

لؤي عاين لي آسر وكان داير  استفذو  وقال بي صوت عالي  لو افترضنا انو  الكلام دا صاح لي ما اكون آسر هو الغلطان..... آسر كان قاعد زي الأطرش في الزفة وما فاهم حاجة من زكرو اسمو  اسوارتو وخاتموا بقى لونهم بنفسيجي متعجب من السمعو دا....... كيارا قالت مستحيل آسر اعمل كدا مع واحدة تافهة قروية اكيد دي كلها من مخططاتها.... عاينت لي كيارا بي زعل وقبلت على لؤي وقلتا ليهو لؤي لو سمحت خلاص...... لؤي مشي لي آسر وقال ليهو بتعمل الغلط وتجي ترميهو في ملاك الناس كلها عرفت انو انت حضنتها كيف بتعمل كدا.... آسر وهو مستغرب من السمعو دا متين حصل كدا..... قلتا ليهو لؤي قلتا ليك الكلام دا غلط وما صاح دي إشاعة انا تعبت من التبرير اي زول داير افهم الدايرو وما شغالة بيهم مدام انا عارفة نفسي ما عملت حاجة غلط......
 لؤي قال لي آسر بي غضب مالك سكتا ما تتكلم ولا ماعندك جواب لو كنت راجل كان بررت موقفك..... آسر بي غضب كان داير استفذو و  قال ليهو انت مالك زعلان يعني شنو لو عملت كدا  بهمك الموضوع  لو عملت كدا ولأ  وين راحت ثقتك  فيها ...... عاينت ليهو بي صدمة ما عارفة دا شنو حاليا هو اثبت صحة الكلام دا ولانفاهو  .... لؤي ابتسم بي برود وقال ليهو انا واثق منها بس هي الفقدت الثقة فيك .... آسر أدرك انو هو بدل استفز لؤي بشكل ما اثبت صحة الكلام دا ..... عاين لي لؤي   وكان  مبتسم وقال إذا هو عمل كل دا عشان استفذني ..... طلعت من الكفتريا وحاسة روحي ضربوني مية كف..... مشيت قعدت في القاعة ورقدت في الطاولة وانا بحاول اني اتنفس لاني اختنقت وبقول دا حلم.... اكيد دا كابوس.... هسة بقوم منو.... انا الوحيد البتألم هنا واي زول مواصل حياتو عادي.... لي آسر قال كدا لي عمل كدا... ياريت لو ما لقيتو في يوم.... يا ريت لو صادفتو متأخرة ما كان حصل دا كلو.... لي كل حاجة بتحصل مع بعض لي انا كل الناس بخسرهم دفعة واحدة ..... دخلت في بحر من التساؤلات  المالقيت ليها إجابة ....

خلصنا من المحاضرات طلعت اول واحدة  و بفكر لي كل شي انقلب ضدي بس لؤي الوحيد الوقف معاي  ماشة وانا بفكر في كل الأحداث الحصلت وشاردة ما عارفة أبكي على أي شي وانا ماشة لما حصلت الظلط وانا ماشة بس اسمع ليك صوت عربية بتنبه فيني ما قدرت اتحرك امكن دي فرصة مناسبة اني اتخلص من كل شي ..... بس حسيت بي زول بجرني ما كنت عارفة دا شنو الكنت بفكر فيهو رفعت راسي عشان اشكر الزول الساعدني بس لقيتو آسر.......
قال لي دايرة تقتلي روحك.... كم مرة نبهتك انا وين عقلك..... زحيتو بي قوة وقلتا ليهو انت عارف عملت شنو الليلة انت قتلتني....... ياريت لو سكت وما اتكلمت كنت بفضل انادوني البت التافهة على البت  الاستغلوها.... انت عارف انو دا كلو غلط لي قلتا كدا.. كان تسكت وما تتكلم... انت ما اثبت صحتو وما نفيتو  كدا اي زول بألف من راسو ..... أمكن انا حكمت عليك غلط.... انت ما بتختلف عن أي زول في الجامعة ديك كل همكم  روحكم..... اتوقعت شنو من فضائي زيك ارجع للجحيم الجيت منو...... قلتا كدا لي عشان تستفز لؤي طيب ما فكرت فيني والبحصل لي...... قال لي انا متأكد انو دا لؤي سبب دا كلو.... قلتا ليهو آسر لؤي طلع احسن منك بي مية مرة..... انا بكرهك ياريت لو ما لاقيتك في يوم ... كل شي بي  سببك بتمنى لو انك تختفي من حياتي وما ترجع نهائيا.... ومشيت منو رغم اني قلت الكلام دا بس ما كنت قاصداهو..... آسر كان  ماشي وراي لما حصلت البيت حتى اختفي.....
من جهة آسر فرغ كل غضبو على أثاث البيت كسر الحاجات كلها... قعد في الكرسي وعينو لونها اسود وكلمات ملاك القاسية كانت بتترد في راسو....... عمو حسن دخل البيت ولقاهو في حالة فوضى ولقي آسر قال ليهو بي قلق   آسر مالك..... حصل شنو..... آسر رفع راسو وقال ليهو كلامك صاح   ملاك ما مجرد انسانة مزعجة انا طلعت بحبها..... والليلة جرحها بدون قصد..... عمو حسن ابتسم وقال ليهو ما كنت قايل اليوم دا بجي اعترفت ليها..... قال ليهو بي اسف أدركت الكلام دا في وقت متأخر.... لي حبيتها وموعد رحيلي قرب...... عمو حسن قال ليهو موعد رحيلك قرب متين ... آسر قال ليهو قرب شديد..... عمو حسن قال ليهو دا بختك أمام  خيارين..... قال ليهو عندي خيار واحد وهو المغادرة لاني خليتها تكرهني......

 #ثم_ماذا؟؟
ونبكي من فرط تعبنا لا من شيء ، نبكي ولا كلمات تسعفنا ولا يد تربت على أكتافنا ، نبكي ونحن نقف في منتصف معركتنا المصيرية ، نحارب بأيدي مبتورة ، نبكي لأننا اعتدنا الوحدة رغم كثرة المارين من حولنا ، نبكي لأننا طعنا ألف طعنة ولم نجد من ينتزع الخنجر من صدورنا ، وكأن الجميع يتلذذ بآلامنا ..نحن نبكي يا صديقي لأننا والله تأذينا على أيدي حرصنا طيلة أعمارنا على أن لا نجرحها💔🥀
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《21》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من جهة لؤي وأمير..... أمير  مسك لؤي وجراهو وقال ليهو دا شنو دا العملتو دا معقولة يا لؤي تأذي ملاك اكتر ما هي متأذية منك لي عملت كدا...... لؤي قال ليهو أمير انا عملت كدا عشان مصلحتها وانا بحبها وما داير الشخص الاسمو آسر دا احوم حواليها انا صاح غلطة بس كمان كدا احسن للطرفين...... وكيارا بتزعل وبكرة ترضى واصلا آسر دا ما شبها شبه كيارا واصلا هي بتحبو ... .. وانا وملاك نكون سوا.... أمير قال ليهو بي زعل لؤي انت مجنون انت اتهمتها بي حاجة خطيرة وما راعيت ليها وما راعيت لي نظرة الناس ليها ... وانا ما بقيف وبعاين ليها كدا وانا عارف الحقيقة..... لؤي قال ليهو إذا عملت كدا بتكون خسرتتي يا أمير انا عملت كدا عشان احافظ عليها ولو انت وريتها بتكرهني للأبد.... صدقني مالقيت غير الطريقةدي..... أمير قال ليهو ولو اكتشفت الحقيقة دي يعني ما بتكرهك..... لؤي ابتسم وقال ليهو انا عارف انو انت الوحيد العارف واكيد بتحفظ السر دا...... ختا يدو في كتفوا وقال ليهو دي لعبة عادلة للطرفين.... أمير زحاهو بي زهج وقال ليهو اتأكد انا ما بتكلم لاكن اكيد في يوم بتتكشف وبتكون سقطة من نظرها لأنو العملتو دا ما مبرر للحب.... ومشى خلاهو....... لؤي مشي للمدخل عشان انتظر ملاك... وهو واقف لقى كيارا قال ليها ملاك وين.... قالت ليهو بي برود اتخارجت من زمان شديد وتاني ما تسألني منها لأنو دا آخر سؤال بجاوبك عليهو..... لؤي قال ليها بي هدؤ كيارا انسى الحصل دا عشاني.... قالت ليهو بمرور الوقت بنسي لاكن في الوقت الحالي مستحيل..... حتى أنها ما أظهرت انها  ندمانة  على العملتو ولا زرفت ولا دمعة...... لؤي قال ليها ملاك ما من النوع البتظهر ضعفها قدام زول وما بتبكي قدام زول لو حالتها كانت صعبة وقاسية......

من جهتي دخلت غرفتي فتحت تلفوني وبقيت بعاين للصور وكيف كنا مبسوطين كل ما اعاين لي صورة دموعي بتجري..... امي ضربت لي الباب وقالت لي ملاك انتي كويسة مالك.... قلتا ليها انا كويسة بس نعسانه ودايرة انوم......
كيارا ما كنت احسن حال من ملاك لأنو هي برضو فقدت انسانة كانت بي مثابة اخت ليها..... والشي الخلاها ترتاح اكتر انو آسر ما عندو ليها حاجة.....لؤي اختلطت مشاعرو بين الندم والحزن على العملو بس قطع على روحو انو أصلح كل شي....

من جهة لدن وأمير.... لدن شالت الطلبية  ودخلت المطبخ تسلمها لقت أمير شغال وما ازعجها ابدا .... لدن قالت ليهو انت هنا كنت مفتكرة اني ما بشوفك تاني..... قال ليها بالمناسبة المطعم حقي اكيد بتلقيني في وشك كل يوم... واشكريني لاني كنت لطيف معاك و رجعتك  لي تسليم الطلبات..... لدن قالت ليهو في أحلامك...... قال ليها كنت بتعملي شنو اليوم داك في الشارع المشبوه..... قلتا ليهو يعني الموضوع بهمك ما مصدقة انو انت مفتكر اني بالطريقة دي..... قال لي  بي هدؤ عارفك انك ما بالطريقة دي بس لازم تنظفي صورتك قدام مديرك..... لدن استغربت منو مش قبل يومين كان بزعجني  مالو بقى اكتر هدؤ ولي بسألني...... قلتا ليهو اول شي انت ولد مديري... تأتي حاجة انا ما مضطرة اني افسر ليك لأنو ما بهمني كتير نظرتك لي لأنو الرجال  ديل كلهم  واحد...... بس اذا بتوقف من ازعاجك لي وحقارتك ممكن اوريك...... قال لي سامعك...... قلتا ليهو كان أول يوم لي اجي الخرطوم وضعت في شوارعها وانا بفتش في العنوان الادوني ليهو....كدا صورتي اتحسنت قدامك ولا لأ...... ابتسم بي رضا وقال لي شوية بس أتحسنت.... كدا بقيتي وقحة لأنك رميتي نفسك في عربيتي.....  قلتا  ليهو دا خطأك وما تلومني عليهو... شالت الطلب  وكانت ماشة.... بس أمير قال ليها لدن.... أتلفت بي استغراب لأنو اول مرة اقول اسمها بي الهدوء دا.... أمير رسم ابتسامه وقال ليها ما كل الرجال واحد... .... لدن طلعت من المطبخ وهي مستغربة منو دا مالو دا الحصل ليهو شنو جنة ولا حاجة لا كمان ومبتسم اكيد في مصيبة أكبر ما بثق فيهو.........

في اليوم التاني.... من جهتي صحيت وما اتحركت من مكاني كل ثقل الكلمات والالفاظ والآلام  كانت مكبوتة في قلبي لي درجة حاسة بي التعب وما قادرة اعمل اي شي كل الدنيا انقلبت  ضدي وما في يد بتربت على ظهري..... بتقول لي يا ملاك دي ايام بتمضي ما تيأسي.....
دخلت الجامعة وقعدت في بنش بعيد تالا لقتني وجات وقعدت.... قلتا ليها بي برود اتفضلي قولي العايزاهو سامعاك..... ختت يدها في كتفي وقالت لي ما دايرة اقول شي دايرة اعتزر ليك لأنو أمس ما كنت جمبك ياريت لو بقدر اخفف عنكم الاتنين ....ابتسمت ليها و قلتا ليها شكرا لانك ما اتخليتي عني دي براها بالدنيا ..... قالت لي ملاك انا عارفة انك ما بتعمليها بس دايرة اسمع الكلام دا منك..... قلتا ليها تالا حتى انا ماعارفة حاجة انا مستحيل اعمل حاجة زي دي.... قالت لي عارفاك ومتأكدة منك..... كيارا ما  من النوع الدائم الزعل اديها زمن وبراها بتهدي... بالرغم من انو تصرفها كان قاسي وخارج عن نطاق تصرفاتها المعتادة......
قلتا ليها مع انو حاولت الومها لأنها عملت كدا قدام كل الناس بس انا.... ما من النوع البقصب زول انو اصدقني لو صدقني كان بها لو لأ ما ببرر ليها لاني واثقة من نفسي.......
في القاعة كيارا قاعدة جمب آسر قالت ليهو سمعت بالرحلة العملوها دي ماشي انحن قررنا كلنا نمشي.... قال ليها بي برود أمكن امشي وأظن دي اخر لي رحلة على الأرض..... ما  عرفتهم بتكلمو عن شنو بس الشي الوحيد اللقطتو كلمتو الأخيرة آخر رحلة على الأرض... ثواني انا بفكر فيهو لي.....
من جهة لؤي وهو ماشي مع اصحابو.... ماجد بي سخرية سمعنا العملتو حبيبتك... البت دي  مثيرة للشبهات من جات وهي بتحاول توقع الاغنياء بنصحك تخليها.... لؤي قال ليهو انت اخر واحد بتتكلم عن الشبهات والخيانة اللزم حدك فاهم.... ماجد قال بي نبرة هادية العلاقة شنو بين العملتو انا والعمتلو هي....... رامي قال ليهو انا رائي من رائي ماجد وهي كمان فقيرة وما من مستواك... ولا حتى جميلة ولا شي..... لؤي قال ليهم الحديث معاكم بقى ممل انا ماشي......
من جهتي قاعدة بعد طلعت من المحاضرة قعدت لي في بنش.... في بنات استغلوا فكرة وجودي براي  في واحدة كشحت فيني الموية.... بالرغم من انو انا بظهر اني قوية بس تعابير وشي بتكشفني.... قلتا ليها جنيتي ولاشنو دا شنو العملتيهو دا..... البت قالت لي لو دايرة تقعدي في الجامعة دي لازم تتحملي كل البجيك من دون كلمة..... قلتا ليها انا ما  بتحمل تصرفاتكم العنصرية دي.... طيري  من وشي.... تاني رشتني بالموية.... كانت فرصة عظيمة بالنسبة لي اني أفرغ غضبي عليها الساعة الاديتها كف لما وشها حمر كانت دايرة تردها  لي بس ما سمحتا ليهو ولويت ليها يدها صحباتها بقوا بفصلونا.... أمير جا ووقف البحصل دا.. طبعا البنات من شافوهو حدرو لي ومشوا.... قعدت في البنش من دون كلمة أمير قعد... قلتا ليهو ما كان تتدخل كنت بحلها براي ما بحب زول اساعدني..... قال لي لؤي ما بسامحني لو عرف انو حببيبتو انضربت قدامي وما ساعدتها...... اكتفيت بي اني ارسم ابتسامة..... قال لي مالم معاك عشان كلام أمس..... قلتا ليهو اتخيل بس بعد اتهامهم لي ما اكتفوا بي كدا.. وهم بدخلو لي اساسا... إذا عملت كدا أو لا..... مافي زول أحق ليهو احاسبني ما عدا كيارا ولؤي..... أمير عاين لي بي حزن وكان في صراع اقول ليها ولا لأ..... في اللحظة دي كيارا وتالا كانو ماشين مع بعض.... كيارا شافتني قاعدة مع أمير لكزت تالا وقالت ليها شكلو الفقيرة شافت ليها هدف جديد.... تالا بي استغراب قصدك شنو.... قالت ليها عايني هناك.... تالا عاينت لينا وعاينت لي كيارا وقالت ليها بي زعل ما مصدقة كلامك يا كيارا كيف بتتكلمي كدا بي كل بساطة حتى أنها ما عملت شي غلط ودا افترى.... وحتى لو انتي مفتكرة انها عملت كدا وشايفاها غلطانة..... لاكن البتعمليهو دا أكبر غلط.... انا ماشة..... كيارا قالت بقيت انا الغلطانة هسة.......

من جهتي وانا ماشة على القاعة كيارا وقفت قدامي اتجاهلتا... قالت لي ما مصدقة انو  انت  بتتجاهليني  وكأني انا الغلطانة..... قلتا ليها  انا ما عارفة انتي مالك ما دايرة تصدقيني عملت كل شي دايراهو فيني وما اعترضت حتى اني اديتك مكاني دايرة شنو اكتر من كدا..... قالت لي في لسة حاجة لازم تعمليها عشان اسامحك.... قلتا ليها سامعاك.... قالت لي بي برود استقيلي من الجامعة دي وما تخليني اشوف وشك لأنو ما عندك مكانة بيناتنا...... خلتي مصدومة شديد من كلامها القاسي واتجهت بي برود ناحية آسر الكان ماشي مسكت يدو وسلمت عليهو ومشو للقاعة...... كانت تاني صدمة لي اذا انا  اهتمامي و مشاعري القدمتها ليهم ما كانو بستحقوها نهائيا ..... اتجهت للقاعة وانا حاسة اني تعبانة وما قادرة اقيف مشيت قعدت  وختيت راسي في الطاولة..... أثناء ما الدكتور بشرح لاحظ لي انا راقدة في البداية نبهني بس ما في رد..... قال لي الطالبة الجمبي صحيها.... قالت ما بقدر المسها عشان ما تنقل لي عدوى الخيانة..... كيارا بي استهزاء وابتسامة  دايما  بتنوم أثناء المحاضرات  يا دكتور مش كدا يا آسر  ..... هيام قالت ليها دي صحبتي البعرفها..... آسر وعيونو واسوارتو وخاتموا بقى لونهم ازرق... قال ليها ما تدخليني في خططك فسكوتي ما معناهو انو البحصل دا عاجبني...... كان رد صادم وقاس لي كيارا.... وهي بتعاين في عيونو قالت في نفسها قبل كدا ملاك قالت لي حاجة غريبة عن تغير لون عيونو الليلة اول مرة الاحظ ليهو....... الدكتور قال لي الطالبة الجمبي صحيها بي سرعة....... البت  حاولت تصحيني بس ما صحيت قامت من مكانها مفزوعة وقالت ليهم ما بتتحرك بتكون م م ماتت....... كيارا قالت ليها بي سخرية ما بتموت بي سهولة بتكون دي واحدة من تمثيليتها ما تتأثرو كتير...... الدكتور حصلني وبقي بصحي فيني بي قلق  بس انا ما كمن بستجيب....... آسر الكان في وضعية ترقب وخوف ما قدر انو امنع روحو من اندفع واطمن على بقى بصحي فيني ولون عينو بقى مائي... كل الطلاب لاحظو لي تغير عيونو لأنو كانو مركزين معاهو  بس ما في زول اتكلم وكلهم مستغربين والشي الاكيد  انو ما في زول بقدر اسألو....... آسر قال لي  قومي ما قمت.... رفعني من الطاولة  وبقي بصرخ وبهز فيني..... فتحت عيوني بي تعب ووشي شاحب.... وقلتا ليهو في شنو.... آسر اتنفس بي ارتياح.... أما كيارا فكانت بتعاين لينا بي انزعاج والغضب ظاهر من عيونها.... قالت ما قلتا ليكم دي تمثيلية...... الدكتور اتجاهل كلامها وقال لي يا طالبة انتي ما كويسة امشي الوحدة العلاجية حقت الجامعة وقبل لي آسر وقال ليها امشي معاها ...... كنت لسة حاسة بي لفة رأس ودوار بس ما بينت....... وزحيت آسر وقلتا لي الدكتور بمشي براي وطلعت من القاعة ...... آسر طوالي طلع وراي..... وكيارا مستغربة من تصرفاتو الغريبة دي.... وأي زول رجع مكانو..... مؤيد كان بعاين لي آسر بي خلعة لما طلع.... مجد صفق ليهو وقال ليهو مؤيد مالك مننطط عيونك كدا.... قال ليهو شوفتو تغير لون عيونو ولا بهلوس...... هيام وسبأ قبلو عليهو وهيام بتشابك يدينها وقال ليهو اي شوفناهو مع انو ماف تفسير للبحصل دا بس عيونو كانو حلوات..... مجد قال ليها الحلا وين هسة...... سبأ قالت لي هيام كلامك صاح بس حسيت بالخوف...... مؤيد ضرب الطاولة وقال ليهم قبل كدا قلت ليكم لون عيونو اتغيرو بالأحمر بس ما صدقتوني..... اقتنعتو انو هو مصاص دماء...... القاعة كلها بقت تضحك عليهو...... الدكتور قال ليهو انت غبي ولاشنو..... مؤيد قال ليهو انت شوفت لون عيونو كيف لشخص طبيعي لون عيونو اتلونو ...... الدكتور قال ليهو اكيد بتغيرو إذا طبيعة عيون  الشخص متلونة ونادارا  ما اكون في زول كدا ...... ركزو معاي...... مؤيد  بقى أضحوكة قدام كل القاعة......

من جهتي ما كنت ماشة على الوحدة الصحية واتجهت السطوح...   في زول وقفني لقيتو آسر هبش راسي وقال لي انتي كويسة عندك حمة..... زحيت يدو وقلتا ليهو انا كويسة كنت بمثل اني نايمة ممكن تمشي بعد كدا ومشيت بي اتجاهي..... قال لي ماشة وين انتي.... قلتا ليهو ماشة الجحيم ماشي معاي..... مسكني وجراني بي اتجاه العيادة..... قلت ليهو فكني ياخ مش طلبت مني اني ما أظهر قدامك وانا بعمل كدا.... من المفترض انك تعمل كدا برضو.... ما تقولي انك غيرت رأيك ..... قال لي خلي الكلام الكتير..... زحيت يدي منو وقلتا ليهو انا ماشة معاك ياتو جملة ما فهمتها تعال حركني طيب...... عاين لي وعيونو حمرو بلعت ريقي ومسك يدي واحكم عليها... قلتا ليهو انا ما بخاف منك يا فضائي.... قال لي  بي حدة كلمة واحدة بس لو ما خليتك تشوفي شي ما بعجبك واي كلام دايرة قوليهو ابلعيهو ... وجراني حسيت بالخوف من نبرة قلتا بعمل شنو يعني ما بعمل حاجة هو بخوفني بس بقيت بعاين ليهو.... قال لي بتعايني لي لي شنو.... قلتا ليهو مش طلبت اني ابلع كلامي الشي الما قادرة افهمو انت مالك بي ياخ خايف يعني ولا بتمثل.... قال لي انا بنفذ كلام الدكتور..... قلتا ليهو فكني قربنا العيادة.... وقفت وجريت يدي قلتا ليهو انا ما دايرة اشوفنا لؤي مع بعض انا ما دايرة اسبب الألم لي زول منكم بحاول اني ابعد بي قدر المستطاع عشان دا انت الطلبت مني كدا وبحاول انفذو...... آسر من سمع كلمة لؤي تعابير وشو اتغيرت واتلفت ومشى للجهة المقابلة وقال لي اذا فعلا دايرة تنفذي طلبي اطلعي من الجامعة دي نهائيا.
💔.... والا كدا بكون ما في فايدة واختفى من قدامي....... قعدت في مكاني وانا ما فاهمة حاجة لي هو بغير اسلوبو مرة كويس ومرة كعب.... هو مفتكر اني ما عندي كرامة المفترض انا اقول ليهو اطلع من هنا..... اتنهدت بي تعب وقلتا كيف بتحمل باقي الايامات دي تحت أنظار كل الطلاب وكلامهم؛ ...... من جهة آسر وصل القاعة واستند في الحيطة وعيونو كانت بتدمع... ما مصدق اني بدمع عشان بت.... مسح وشو..... كل ما اقنع نفسي اني لازم ابقى بعيد هي بتجي وتخليني اقلق عليها.... ودا تصرف اناني مني... اتنهد بي تعب وقال شكلي كدا بتألم في صمت..... دخل القاعة بعد رتب نفسو..... وكيارا كانت دايرة تموت من الزعل ولازم تعرف الحصل شنو شافتو جا داخل وقعد بي برود.... الدكتور قال ليهو الطالبة كيف...... قال ليهو ما عارفها...... كيارا كانت بتحاول انها تصدق القالو بس الشكوك أخدت محل كبير في قلبها ولازم تسمع الكلام دا من ستو.....
.
من جهتي لسة راسي كان لافي وما كنت قادرة اقعد اكتر من الأحسن اني امشي البيت ...... من جهة لؤي دخل القاعة ولقي كيارا مجهزة حاجاتها ودايرة تطلع..... قال ليها وين ملاك حصل ليها حاجة..... قالت ليهو هة حبيبتك ممثلة ممتازة وما بتلقي زيها لو لفيت الكرة الأرضية.... قال ليها ما تتكلمي بالالغاز  ووريني هي وين... قالت  ليهو انا ما بوريك ابحث عن بديل لي..... لؤي أتلفت لي سهى وقال ليها ملاك مالها .... قالت ليهو طلعت ليها فترة وما جات حتى شنطتها ما شالتها..... لؤي شال الشنطة وطلع بي سرعة......

وانا ماشة في زول غطى لي عيوني.... قلتا ليهو لؤي ياخ ما بطلت حركاتك الزمان ديك زحا يدينو وقال لي عرفتي كيف.... قلتا ليهو كأنو ما بعرفك.... قال لي الليلة ما لاقيتك كنت مشغول بي المحاضرات ومشيت هسة القاعة كيارا قالت لي كلام غريب وقالو لي طلعتي من المحاضرة خير انتي كويسة..... قلتا ليهو انا كويسة ما حصل شي..... قال لي ما نسيتي حاجة ومدا لي الشنطة... ضربت راسي وقلت نسيتها كويس الجبتها لي.... وبقينا ماشين... قطع الصمت دا وقال لي ملاك انا عملت ليك مفاجأة بتمنى تعجبك وما ترفضيها عشاني ... قلتا ليهو بي استغراب مفاجأة شنو دي قال لي في الجامعة في منتدى ثقافي بعملوا رحلات دايما يعني كل مرة بمشو مكان وبعرفو الطلبة على الثقافات والاماكن يعني ترفيهية  وثقافية وانت أمس طلعتي بدري وجونا وطرحو الفكرة للماشي وسجلنا اسامينا وانا سجلت اسمك معانا ودي مفاجأتي ليك منها نغير جو شوية  .....قلتا ليهو لؤي انت ما جادي صاح قال لي كل الجداد🌚... قلتا ليهو لؤي انت عارف اني ما بحب زول اعمل لي حاجة دا غير التكاليف وو... قاطعني وقال لي انا عملت كل حاجة انا دايرك بس تمشي معاي وبعدين يوم متين نحن بيناتنا حاجات زي دي.... قلتا ليهو ما بقدر امشي اخلي امي.... قال لي عارفك عشان كدا وريت امك وابوك ووافقو... يعني فضل موافقتك.... عاينت ليهو بي صدمة وقلتا ليهو متين عملت كدا وكيف ابوي وافق بالسهولة دي.... قال لي نسيتي انا منو يا بت...... قلتا ليهو آسفة يا لؤي ما بقدر امشي  دايرة اقعد براي وبنتهج سياسة العزلة أفضل لي.... قال لي ملاك كدا بزعل منك ما ماشة لي كلها يومين تلاتة ...... و يوم متين الحاجات الصغيرة دي بتوقفك....في نفسي قلتا ليهو  انت ما عارف  خسارة الحاجات ال بتحبها بتكون مؤلمة كيف وبالذات لو خسارة مضاعفة..... ما اتكلمت ونحن ماشين حسيت بي راسي سخن جاتني لفة رأس وقربت أقع لؤي ثبتني وقال لي ملاك انتي كويسة..... عاينت ليهو وقلتا ليهو انا كويسة بس عندي لفة رأس... في اللحظة دي آسر جا ماري وشاف لؤي وهو مثبتني عيونو حمرو وحسة بالغيرة بس اتحكم في انفعالو وجا ماري جنبنا بي برود..... لؤي قال لي ارح اوصلك قلتا ليهو انا كويسة يا لؤي ختا يدو في جبهتي وقال لي عندك حمة..... آسر قبل علينا ولقي لؤي خاتي يدو واختفى بي سرعة..... زحيت يدو قال لي ملاك أبكي و طلعي  زعلك لأنك بتتأذي انا ما واحد غريب... قلتا ليهو لؤي ما في شي بخليني أبكي انا ماشة مع السلامة... قال لي بكرة لو ما جيتي بحصلك في بيتكم وبجيبك...... رفعت ليهو يدي ✋ومشيت بي اتجاه البيت وانا بحاول اني اركز في الشارع......
من جهة تالا وماجد...... ماجد كان بحاول اعتزر منها بس هي متجاهلهو تماما... تالا لمحت أمير ومعاهو بت واقفة  من بنات قاعتو في البوابة  ... أما ماجد انسحب طوالي .... أمير وهو شايف تالا بتعاين ليهو  قال هسة بتقول اني بقيف مع البنات... ثواني وانا لي اهتم بي البتقولو عني اساسا وهي زاتها بتتصرف عادي ولاكأنو حصل حاجة......  تالا انتبهت لي انو مشي من البت وابتسمت في نفسها قالت لسة الأوان ما فات   .... نادت ليهو بس كل الكلام طار لما وقفت قداموا.... أمير قال ليها دايرة شنو..... حولت نظرها لي الأرض وقالت ليهو أمير ماشي الرحلة الأعلنو عنها دي..... قال ليها بي برود ما قادر افهم شخصتك مرة بت هشة ومرة حديدية..... قالت ليهو بي ابتسامة  شخصيتي بتتغير على حسب الشخص البتعامل معاهو..... أمير ابتسم وقال ليها نتلاقى بكرة...... كانت بتعاين ليهو ماشي وراسمة ابتسامة.......
من جهتي كنت حاسة اني بنفجر لو ما حكيت لي زول وما بقدر احكي لي تالا.... ضربت راسي وقلتا  لدن اتصلت  ليها وصفت لي بيتها وقالت لي الحقها لأنو دوامها ما خلص......

من جهة أمير مشي الشغل وهو ما ازعج لدن ولا بي اي شكل من الأشكال.... حتى لدن مستغربة بس كانت مرتاحة من التغير الحصل دا..... في واحد من الزبائن طلب انو لدن تخدموا... ومن وظفوا لدن  يوميا بجي  المطعم دا...... أمير قال ليها الزبون دا بقى بجي كتير من انتي جيتي لي بغطي وشو بي كمامة..... لدن قالت ليهو بي غرور كيف ومعاكم لدن بي عظمتها اعترف اني حسنت ميزانية المطعم.... أمير قال ليها بي برود بالمناسبة دا ما أطراء... الغريب بجي لي شنو كتير..... قلتا ليهو بجي لي شنو يعني عشان اتأملني..... ما اكيد عشان اطلب...... لدن مشت ليهو وكان دا صاحب العيد ميلاد  وعندو شركة موية وبارد البتعامل معاها المطعم يعني زبون  مهمة للمطعم.... وكان متابع لدن من اتوظفت لأنها كانت جميلة ولفتت نظروا...... لدن اتفضل يا سيد ممكن اخد طلبك.... وهو بقول ليها أثناء ما هي بتكتب في الطلب مدا يدو لي ظهرها وقال ليها انا جيت عشانك..... لدن عاينت ليهو بي غضب كشحت فيهو الموية وادتو كف لما خلت كل الناس تركز معاها.... متجاهلة انو زبون مهم ومن الاغنياء...... أمير  وياسر مشو بي اتجاهم..... لدن قالت ليهو يا تافه كيف تتجرء وتلمسني..... أمير زحاها وقال ليها دا شنو دا العملتيهو كيف تكشحي فيهو الموية  وتضربيهو دا اسلوب ليك..... قلتا ليهو يعني اقيف ليهو التحرش بي ولا فهمك شنو ..... ياسر قال ليهو يا مستر  نحن ما بنسمح ليك بي تصرف زي دا اتحرك من هنا وما تجي تاني والا بنشتكيك ..... أمير زحا الكمامة وقال ليهو انت و  كان بعاين ليهو بي صدمة..... قال ليهو كيف بتعاملوني  بي  الطريقة دي.... أمير قال ليهو دي طريقة اي زول ما بعرف الأصول والاحترام  لو سمحت ماترجع تاني هنا لأنو لو رجعت ابوي بتصرف معاك تصرف تاني..... عاين ليهو بي غضب وطلع من المطعم...... لدن كانت ماشة قال ليها ما تميتي شهر والمشاكل بدت  تلاحقنا... لدن قالت ليهو دايراني اعمل ليهو شنو يعني اجاريهو عشان ما اسبب ليك مشكلة اذا كان عملتا ليك مشكلة بي سببي  و ممكن تخسر ارتاح انا زاتي خليتوا الشغل دا.... ومشت طلعت لبس الشغل..... وشالت شنطتها وهي بتحاول انها ما تبكي بس دموعها خزلوها وهي بتتزكر معاملة ماذن ليها.. وتاني رجعت لي نفس الدايرة... مسحت دموعي  وطلعت.... وهي ماشة بي اتجاة الباب أمير ناداني  بس اتجاهلتو ومشيت فتحت الباب وطلعت.... أمير لحقني  ووقفني وقال لي تمام اهدي ما قلنا تصرفك غلط.... ما كنت بعاين ليهو.... قال لي امشي باقي يوم دا اجازة بس ما ممكن تخلى الشغل عشان ميزانية المطعم ما تتدني.....  ابتسمت ليهو وقلت ليهو تمام ومشيت  البيت ......

من جهتي لدن وصفت لي العنوان وكان بيت بسيط بس حلو استغربت في البداية وقلتا ادخل ولا استناها قلت احسن اني استناها... بعد فترة جات قلتا ليها اتأخرتي مالك قالت لي اسكتي بس حصلت دراما رخيصة ارح نخش وبفهمك.... دخلنا البيت قلتا ليها البيت دا حق منو قالت لي انت ادخلي وانا بفهمك..... دخلنا وكان في مرة كبيرة شوية في العمر لدن سلمت عليها وانا كذالك بعدها قالت ليها يا حبوبة  رشا كيفك اخدتي الأدوية قالت ليها اي يا بتي.... ساقتني وسط استغرابي وودتني غرفة كدا طلعت طرحتي وبقيت منتطراها جابت معاها الشاي وقعدت.... كبت لينا  وقعدنا في نص السرير. قلتا ليها اها احكي قالت لي تتزكري بعد طلعت من القرية   المرة الساعدتني ضربت لي وادتني العنوان دا وقالت لي دي مرت ابوها وهي عندها اولاد بس كلهم عرسو وسافرو وخلوها بس بجوها مرات مرات وهي قالت لي اقعد معاها منها اخدمها ومنها اكون عندي بيت ثابت واكيد ماف زول بعرفني هناك...... قلتا ليها كويس شديد حتى أنها ظاهرة مرة حبابة قالت لي اسكتي بس انا حبيتها ياخ  حكيت ليها قصتي... وما قصرت معاي نهائيا ولا اعترضت  على وجودي تصدقي انها احتوتني زي بتها ... قلتا ليها طيب ناس عمك ما فتشو ليك.... قالت لي فتشوا كدا وما لقوني في النهاية قالو انو انا هربت  لانو لقو ماذن  مضروب ولما بقى كويس عشان ابرر عملتو  طلعني واحدة مجنونة وعندي نفسيات بس سمعتا انو فتشوني كتير بس مالقو لي اثر واستبعدو اكون هنا لأنو ما عندي طريقة أهرب بيها....... قلتا ليها ربنا كريم وجبر بي خاطرك عن طريق المرة الساعدتك.... قالت لي فعلا وانتي مالك الحاصل عليك شنو انشغلت بي قصتي ونسيتك... ..... حكيت ليها القصة من البداية من وصولي الجامعة... لي يوم الليلة.... قالت لي ملاك كيارا صحبتك دي عندها  حق تزعل لأنها ما عارفة الحقيقة   بس كمان ما كان تعمل كدا قدام الناس..... قلتا ليها بس افترو على وهي صدقتهم و  كزبتني....... قالت لي ملاك  خلي كيارا انتي غلطي كيف تحبي  زول هي بتحبو..... قلتا ليها لدن انا ما عارفة كيف ومتين حبيتو بس لقيت روحي بغرق اكتر واكتر.... قال لي طيب هو بحب ياتو واحدة فيكم.... قلتا. ليها ما عارفة  في البداية كان ما بدي وش لي زول بس هسة بقى اكتر تقربا من كيارا..... قالت لي طيب لو طلع بحبك بتقدمي سعادتك على حساب كيارا.... قلتا ليها دا الشي المخوفني لأنو لو طلع صاح بطلع أنانية.... المشكلة ما هنا المشكلة انو لؤي في النص.... ولو طلع الكلام القتلى صاح معناة انا ما مضطرة اختار ... ولو طلع غلط إذا لازم أتجاوزو. ...... قالت لي انتي كدا بتأذى روحك وبتأذي لؤي عندك خيارين  من الأحسن تخلي لؤي هو فعلا اعترافو  جا متأخر... أو أنك ترجعي تحبي تاني.... قلتا ليها بفكر فيهم الاتنين... طيب والرحلة قالت لي اعملي البتشوفي مناسب.... قلتا ليها ريحتيني شديد ياخ  طلعنا وقعدنا مع حبوبة رشا شوية بس صراحة مرة طيبة شديد وعلى نياتها  حتى انا حبيتها.... طلعت منهم وانا مبسوطة لي لدن انو لقت بيت اضمها وممكن انسيها جزو من القهر الكامن عايشة فيهو...... وانا مرتاحة اني حكيت ليها اصلا هي بتفهمني وانا ماشة وبفكر حاسة اني لازم امشي بتكون مغامرة جديدة وانا دايما بحلم امشي رحلة واكتشف حاجات جديدة  على الأقل الهواء النقي دا بخليني اطرد البكتريا العالقة في رأسي.... اكيد ما بسمح للفضائي داك استمتع بينما أنا هنا بتعزب..... ما بعاني بي سببو بعد اليوم... وما بسمح ليهو انو اجرحني مرة تانية... ومشاعري بتتغير رغما عنها.......وصلت البيت وحكيت لي ابوي عن الرحلة ما اعترض لأنو سبقا هو عارف  امي قالت لي ما وريتينا من بدري قلتا ليها حتى انا ما كنت عارفة.... دا لؤي عملها مفاجأة.....أمي قالت لي امشي ساي وما تشيلي همي... وكل مرة تشيل وتوصيني كانو مسافرة برة السودان ..... المهم جهزت شنطتي وروحي وكل شي مستعدة لي يوم بكرة....

...... اليوم التاني...... من جهة كيارا ودعت ناس بيتها وطلعت برة لقت لؤي ضربتو بي قوة.... قال ليها مالك ياخ...... قالت ليهو كنت دايرة اضربك من البداية كيف تدافع لي ملاك وتخليني انا صحبتك.... قال ليها اعمل شنو يعني في النهاية دا كلو بي سبب آسر... ضربتو تاني. قالت ليهو ما بسمح ليك فتح ليها الباب وقال ليها حاولي انك تسامحيها لأنها زعلانة على الحصل دا... في النهاية حصلتي على الدايراهو ما تخلى شاب اقيف بيناتكم..... حمرت ليهو تمام..... قال ليها خلاص سكت يلااا

في مدخل الجامعة اتلاقوا كل الناس الماشين  اولاد وبنات...وحتي معاهم مجموعة  من  الدكاترة والمشرفين ..... تالا شافت أمير جاي بي اتجاهم.... ابتسمت وقالت ليهو جيت يعني.... قال ليها اكيد ما بضيع رحلة الجبال دي فرصة في العمر.... قالت ليهو ما تخاف طول ما المنتدى قاعد بنمشي كتير.... عاين  ليها وقال ليها انتي بتقولي كدا..... قالت ليهو أمير ما ممكن نبدأ من جديد.... أمير قال ليها اتأخر الوقت انا بحاول مرة واحدة دا مبدئي في الحياة ....قالت ليهو خلاص يعني كل شي انتهي..... قال ليها استنتجت انو ماجد بحبك ... عمل تصرفات طائشة عشانك ما تتجاهليهو.... انتي انسى وانا بنسي ولاكأنو حصل شي..... تالا كانت حاسة بالاحراج  لأنها اترفضت من قبلو....
 من جهتي وصلت الجامعة وشايفة التجمع الحولين البوابة واي زول أمر عليهو بطاعني في الكلام بس كنت بقنع روحي انو ما في حاجة انا صامدة زي الجبل وماف زول بقدر اهزني..... تالا  وأمير جو على تالا حضنتني وقالت لي جيتي فرحتا شديد... أمس فتشتك عشان اوريك  بالرحلة  بس ما لقيتك..... أمير قال لي  دي ملاك الشجاعة ياخ...... رفعت ليهو حاحبي  وقلتا ليهو  بجلالة قدرها.... أمير ضحك على كلامي لأنو اتذكر لدن دايما بترفع حواجبها لما تتكلم.....

من جهة شلة هيام...... هيام قالت كيف قدرت البت الوقحة دي تجي معانا.... سبأ قالت ليهم المفترض انو اطردوها وانبزوها ما اضحكوا معاها...... مؤيد قال ليهم اعترفوا ما بنستمتع بالرحلة بدون ما نضايقها...... مجد قال ليهو لؤي قاعد ما سمعتو حزر كل الناس..... سهى قالت ليهم يعني هو ما بنأذيها أذية جسدية..... بعض من الكلام الجارح بفي بالغرض...... سبأ قالت ليها خطيرة يا صحبتي وضحكوا بي شر.... هيام قالت ليهم لو ما عاقبتها لأنها قربت من آسر..... سبأ قالت ليها بس  ما مؤكد..... هيام قالت ليهم بتعملها القروية الانتهازية دي على كل لو ما عملتها بتتعاقب هههه.....
من جهة لؤي وكيارا وصلو وشافتني بتونس مع ناس أمير وتالا.... قبلت لي لؤي وقالت ليهو مبالغة لاكن ملاك حزينة شديد.... قال ليها هي بتبتسم قدامك بس بي جوة مجروعة..... وصلو بي اتجاهنا لؤي قال لي كنت عارف انو انت بتجي عشاني..... حولت نظري لي كيارا الكانت متجاهلاني... مشيت بي اتجاها وقلت ليها كيارا قبل ما أتم كلامي زحتني وقالت لي ما تجي على ولا تلمسيني ما دايرة اتعادي بي الخيانة....... عاينت ليها بي حزن ورجعتا مكاني..... تالا قالت ليها بتبالغي ياخ...... قالت ليهم بي صوت عالي لي بتدافعوا ليها ايواااا عشان فقيرة بتشفقوا عليها.....غمضت عيوني واخدت نفس عميق  في سبيل اني ما اغلط وامشي اديها  كف ارجع ليها عقلها بس رخيت يدي ما في داعي هي في النهاية كانت صحبتي...... لؤي قال ليها إذا تابعتي بالطريقة دي بخلي الرحلة امشيها براك...... ماجد انضم ليهم وكان متوتر..... أمير قال ليهو ما داير تقول حاجة..... ماجد بي تلعثم انا انا آسف يا أمير كان تصرف خاطئ مني..... أمير ابتسم وقال ليهو هة مع انو الموضوع ما مستاهل دا كلو بس انا مسامحك...... حول نظرو لي تالا وقال ليها وانت سامحتيني..... تالا قالت ليهو بي انزعاج مدام أمير سامحك انا كمان سامحتك....... المهم بعدها المشرفين جو وبدينا ندخل الباص السياحي انا ولؤي كنا قاعدين ورا ناس كيارا الحجزت مكان لي آسر رغم انو كل الناس فاقدين الأمل انو اجي..... أمير قعد وتالا قعدت جمبو وهو ما علق على حاجة..... هيام قالت لي هي انتي السبب في انو آسر ما جا اكيد خجلان لأنو اتورط مع بت زيك... المفروض انتي  تخجلي...... عاينت ليها من فوق لي تحت واتجاهلتا..... كيارا اتلفتت على وقالت لي بي انزعاج ما ناسياك  أمس قولتي ليهو شنو لما طلع وراك ..... لؤي عاين لي باستغراب .... كانو بعاينو  قلتا ليهم بي برود ما حصل شي قلتا ليهو تاني ما الحقني.... مش دا المفترض اقولو....   كيارا قالت لي كويس طلعتي بي فايدة المرة دي......بس لو ما ظهر خلاك خمسة دقايق ما برحمك..... قلتا ليها زنبي  شنو إذا ما جا وهو عندو  مرض التوحد..... لؤي عاين لي الجهة التانية وقال لي كيارا الملك البهمك دا جا .... آسر ركب العربية تحت فرحت البنات وتعليقاتهم..... كيارا جرتو وقعدتو في الكرسي الاصلا هي حجزتو ليهو.......

من جهة أمير بعاين الشباك وهو بتزكر لدن وكل التفاصيل العاشتها بالجد هي اتحملت كتير.... كيف ممكن تكون بت في مقتبل العمر تعيش حياة قاسية كدا..... حتى أنها بتبين قوية بس اليوم داك انهارت قدام صحبتها لدن البت الحديدية الكانت بتتحداني في النهاية طلعت زولة هشة شديد ومكسورة ورا النظرة الواثقة طلع خوف كبير .....
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《22》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 بالرغم من انو لدن العاشتو ما هين بس هي انسانة مستفزة بشكل.. .ضحك لما اتزكر انو بترفع حواجبها عشان تستفزوا..... تالا انتبهت ليهو وقالت ليهو أمير مالك بتضحك.... قال ليها ماف شي اتزكرت زول مضحك..... قبل على وقال لي يا ملاك كنت مفتكر انك انتي القروية الوحيدة العندك لسان سليط... طلعتو كلكم واحد وضحك..... لؤي حدر ليهو وقال ليهو يعني انا لساني سليط...... قلتا ليهو لي الكلام دا فجأة..... قال لي لاقيت لي بت زيك كدا..... ضيقت ليهو عيوني وقلتا ليهو دا مديح ولا إهانة..... قال لي هي اسوء منك اعتبري مديح هههه..... تالا قالت ليهو دي منو دي بعرفها.... قال ليها دي بت غريبة ما من  الجامعة وما من مستواكي استبعد انك بتعرفيها.... تالا ابتسمت وحست بالأطراء...... قبلت على لؤي وقلتا ليهو نسيت ما قلت ليك نحن ماشين وين... قال لي نحن ماشين منطقة سياحية اسمها جبل مرة بتقع في وسط  دارفور  بس ما بعرف شي عنو ..... قلتا ليهو ما بصدق انا حلمي اني امشي ليهو سمعتا انو مكان رهيب شديد ومخضر طول السنة فيهو  سلسلة  من الجبال  ما متخيلة متين نصل هناك شكلها بتكون رحلة ممتعة......قال لي بس بننزل وين ما اكون في البيوت.... ضربتو في راسو وقلتا ليهو انت غبي خلاص معقولة بعد القروش الدفعتوها دي اختوكم في بيوت ما سمعت بي فندق نيرتتي....ثقافتك محدودة خلاص.....
من جهة آسر وهو بعاين للشباك وبفكر انو تاني ما بشوف المناظر دي لما ارجع لي كوكبو.... كيارا قالت ليهو شوف المناظر دي جميلة كيف.... قال ليها وهو ما زح نظرو من الشباك... أي مكان ليهو سحرو الخاص..... كيارا قالت ليهو نحن ماشين منطقة جبلية وما ممكن انو نتسلقها صاح لأنو... بالذات في الزمن دا الأمطار بتكون كتيرة.... وخطيرة انو الزول اتسلقها..... قال ليها والوقوف على قيمتها  من دون تسلقها مش احسن.... كيارا ضحكت وقالت ليهو دا منو دا سوبر مان دا  .... الا اكون عندو قوة خارقة......
 لؤي قال لي شكلنا كدا بنستمتع شديد لأنو اي اتنين بحبوا بعض مجتمعين سوا صاح..... آسر كان مركز معانا ولون عيونو قلبوا ازرق.... كيارا  لاحظت ليهو وقالت ليهو آسر لون عيونك اتغيرو للأزرق بليق بيهم شديد اللون دا..... قلتا في نفسي ازرق يعني هو انزعج من كلام لؤي...... آسر نام وختي راسو في كتف كيارا... وانا بعاين ليهم عشان ما اركز كتير قبلت على الشباك وبقيت بشوف في المناظر الجميلة دي واتجاهات لؤي الكان بتكلم معاي....... حصلنا متأخرين شديد ودخلنا الفندق كان حلو شديد وتصميموا رهيب واحد من المشرفين قال لينا بتتقسموا لي مجموعتين بنات وأولاد.... التقسيم كالآتي اي اتنين في غرفة والداير غرفة براهو استعمل قروشو تما..... المهم بقينا ثنائيات.... أمير ولؤي.... كيارا جرت تال..... وانا وقعت مع سهى واحدة من عدواتي........ سبأ قالت لي شلتها لي انا اقعد معاها..... هيام قالت ليها الجانب المشرق  حتى وهي في الغرفة بنضايقها...... المهم كل الطلاب مشو غرفهم ...وآسر اختار غرفة براهو
... من جهة كيارا وتالا.... تالا قالت ليها  ما كان نخلي ملاك براها مع سهى خاصة أنها عدوتها..... كيارا قالت ليها خليها ساي على الأقل يشفي غليلي منها وتعاني شوية حتى اسامحها.... تالا قالت ليها بقيت ما بعرفك ومشت من جنبها...... قالت ليها طلعت انا الغلطانة خليها تضوق  الشي العملتو......
من جهتي دخلنا الغرفة سهى قبلت على وقالت لي ما تفتكري انو نحن على وفاق كونو بقينا سوى... قلتا ليها انت ساي وهمانة الداير ابقى على وفاق معاك منو امشي من وشي ما ناقصاك..... قالت لي انتي المفروض تزحي من هنا اصلا دا ما مكانك بستغرب كيف جيتي معانا هنا الرحلة دي للاغنياء بس...... قلتا ليها يا سهى اخير ليك قبل كدا عرفتيني انا عملت فيكم شنو ما تخليني اعيد ليك الكرة ولا بشوه ليك وشك العاجبك دا..... سهى عاينت لي بس وما اتكلمت....
من جهة أمير ولؤي قال ليهو لي قلت كدا عن القرويين  انهم  سليطين  اللسان..... قال  ليهو في المطعم في بت شغالة محترفة في المكاوة وحتى انها بتديك كلام على الجامد وما بتقدر تقول حرف قدامها..... غير أنها محترفة في الضرب والشتم.... لؤي قال ليهو صحي لازم تعرفني عليها........

وانا نايمة سهى ما قصرت فيني وشخبطت وشي لما اتكيفت ونكشت شعري وبقي عبارة عن لوحة فنية قذرة واخدت كم صورة ورسلتهم لي صحباتها... ما صحباتها لي كل الناس.. ما عدا لؤي ... وأبتسمت بشر......
صباح اليوم التاني كلهم  قامو وطلعو  برة اشوفو الفندق.... انا قمت وما ركزت كتير ومشيت اتوضيت وصليت اول شي ولما عاينت لي روحي لقيت في ألوان خالص ما فكرت انو دا مقلب المهم جهزت روحي وطلعت واي زول بعاين لي بضحك.... نزلت تحت الكفتريا وطلب شاي وقعدت تالين بت العميد جات وبقت تضحك فيني.... قالت لي انتي بت طبيعية.... قلتا ليها المفترض اني انا القروية الوقحة وانتي البت الراقية..... ما كنت عارفة انو الرقي بخليكم تفرضو روحكم على الناس بالجد دي خسارة..... قالت لي على الأقل انا ما خنت صحبتي... المهم بهنيك على الصورة خليتي يومنا ظريف شديد.... ومشت استغربت اي صورة.....

من جهة تالا وكيارا.... تالا شافت الصورة... وورت كيارا كيارا انفجرت من الضجك وقالت  بهني الزول العملها.... تالا ضربتا وقالت ليها صاح هي بتضحك بس لازم نكون معاها لؤي ما حزرهم ما بفهموا لي...... تالا فتشتني ولقتني في الكفتريا.... جات ورتني الصورة.... انا من شدة ما زعلت وغضبت كنت حاسة روحي ينفجر بعد شوية فيوزاتي كلها ضربت قلتا ليها عارفة العملت كدا منو وانحن ماشين لقينا شلة هيام..... هيام بي ابتسامة شوفتي الصورة حلوة كيف تستاهل جائزة للمصور...... مؤيد قال ليها صورة الوحش النائم...... ما ركزت معاهم وكنت بعاين لي سهى الكانت ورا هيام مشيت عليها الساعة الاديتها كف لما هي زاتها عرفت قدر شنو انا غضبانة منها قلتا ليها تسلمي كتير عشان اتعدتيتي على خصوصيات الناس كيف ترسليها للبنات والأولاد بالشكل دا استمتعي براك يا حقيرة...... ومشيت غرفتي وانا زعلانة لما ما قادرة اتنفس.......
كل الطلاب استعدو عشان أبدو رحلتهم..... أمير وكيارا ولؤي ماشين سوى.... لقوني انا ماشة باتجاة الغرفة.... لؤي قال لي نسيتي حاجة.... كيارا قالت لي صورة موفقة...... لؤي قال ليهم ياتو صورة.... كيارا بي ابتسامة هة ما رسلوها يعني .... أو رسلوها لي عشان انشرها لكل الناس..... عاينت ليها بي زعل وقلتا ليها ما تعبي روحك رسلوها لي كل الناس استمتعي لأنك ما بتشوفيني الليلة... ومشيت منها.....
دخلت غرفتي وانا بنبذ فيهم كانت جيتي الرحلة دي من اسوء القرار الأنا اخدتو..... أمير وصلتو الصورة ووراها لي لؤي وطلع لي فوق.....
فتحت الباب وقال لي ما ممكن عشان صورة سخيفة تضيعي الرحلة كدا اثبتي ليهم انك ضعيفة بعد كلام كتير حتى اقنعني مسك يدي ونزلنا تحت ..... آسر من شاف لؤي ماسك يدي حسة بالغيرة ولفت وشو...... تالا قالت لي لؤي كيف قدرت تقنع الصخرة دي.... لؤي قال ليها انا رجل المواقف الصعبة ههههة..... المهم بدينا الجولة والمشرف بدي احكي لينا عن المنطقة قال لينا انو من أجمل المناطق الموجودة في السودان جبل مرة. هي سلسلة بتمتد على مساحة واسعة جدا.... ابتدا من مدينة كاس جنوبا إلى ضواحي الفاشر شمالا... مساحتها تمتد لي قرابة ١٣ الف كيلو متر مربع .....  فيهو شلالات كتيرة  وبحيرات بركانية..... وجبل مرة يعتبر أعلى منطقة في السودان......بنمشي مكان وبورينا طبيعتها  يعني بجد كان منظر خنفشاري الخضار في كل مكان الهواء النقي والمنعش...... قال لينا المناخ هنا بشبةمناخ البحر الأبيض المتوسط.... وأي زول عايش في المنطقة دي زول محظوظ شديد بالمناخ دا.... لو عاينت في كل الاتجاهات بتلقو انو كلو زراعة لأنو الأرض بتسمح انك تزرعي جميع انواع الفواكه والخضروات والمحاصيل.... من زرة لي دخن وانتو عارفين أجمل حاجة موجودة هنا شنو...... المطرة الشغالة على طول  وبتخلي أراضيهم سمحة شديد من ناحية الزراعة ومن الناحية  الطبيعية....... اتصورنا كتير في المشاريع طلع أجمل ممما بتخيل بي كتير حصلنا مكان  الشلالات ياخ المكان دا حلو حلو بي صورة بعجز الإنسان عن وصفها حاجة كدا في قمة الإبداع سبحان الخالق يعني جمال طبيعي انا ما كنت عارفة انو السودان دا جميل بالشكل دا بس صراحة انا انبهرت بالمناظر دي الشلال دا جاي من وين وخاشي وين وبصب وين يعني قصة براها..... حصلنا لي شلال اسمو شلال نيرتتي ودا تابع لي المحلية الانحن فيها.... في مجموعة من الشلالات زي شلال مرتجلو... وسوني... وقلول دا اكبرهم..... المنطقة مشهورة  بي كل أنواع الزهور والنباتات الفريدة الما بتقوم في أي مكان تاني في السودان.....
انحن اتفرقنا جزو مشي للشلال وجزو للأراضي الزراعية... يعني ما خلينا حاجة ما عرفناها كانت مناظر خلابة بشكل.....
أمير و تالا كانو سوا.... آسر وكيارا.... انا ولؤي وكان دايما
معاي.... اليوم عدا حلو علي
 الناس وما ضايقوني نهائي لأنو انشغلو بي المناظر الخلابة دي......لما رجعنا الفندق شلة هيام كانو منتظراني عشان انتقموا مني لاني ضربت سهى بس انا ما دخلتا غرفتنا نهائي..... وفضلت اني انوم برا...... وبكدا خطتهم  فشلت لاكن دفنوها لي ....
في اليوم التاني مشينا قريب للجبل وانا كل ما اعاين آسر بلقاهو آخر ونسة مع كيارا وقربت تقع إلا هو مسكها...... لؤي لقاني بعاين ليهم قال لي لاحظتي تطور علاقتهم..... قلتا ليهو امممم  بتمنى ليهم كل خير....... أما أنا مشيت بعيد منهم كنت محتاجة لي هوا نظيف من دون وجود آسر وكيارا البقروا بعملو لي ضيق في التنفس..... بقيت ماشة على الجداول البسقيها الشلال... ماشة وبشوف في المناظر دي.... سمعت سهى
 قالت لي انتي قايلة انو نحن خلاص نسيناك... قبلت عليها لقيتها هي  وسبا وهيام .... قلتا ليهم انتو البديتو تستاهل الكف الاخدتيهو وهم بتكلموا وجايين على.... وانا ماشة لي ورا والحتة كانت عالية... قلتا ليهم ما فهمت عايزين تقتلوني يعني... قالو لي ما دايرين نقتلك عايزين نهددك بس.... قلتا ليهم وجاين على لي شنو طيب... سهي قالت لي دايرة اتسدا الكف الضربتيني ليهو... ....
من جهة لؤي كان بفتش على بين الطلاب بس ما لمحني سأل تالا قالت ليهو ما عارفاها... سأل كيارا وعشان هي عارفة الخطة قالت ليهو ما شفتها..... تالا قالت ليهو ما شايفة شلة هيام...... كيارا مسكت يد آسر وقالت ليهو تعال نمشي المحلات ديك بس هو زح يدها ومشي منها..... وكلهم بقوا بفتشو فيني.......
من جهتي تالا كانت دايرة تضربي بس انا زحيت منها ومسكت يدي وكانت دايرة ترفعني......
بس سمعنا صوت آسر جاي علينا..... كلهم أتراجعو.... قال ليهم بتعملو شنو انتو... قالو ليهم ولا حاجة كنا بنشوف في المناظر دي..... حمرت ليهم وقلتا ليهم دايرين توقعوني يا كزابين ما بتخافو انتو هسة لو  وقعتا موقفكم بكون شنو...... آسر بقى بعاين ليهم طوالي انسحبوا من المكان بعدها  شايفة لؤي وأمير وتالا وكيارا جو علينا وهم بسألو الحصل شنو انا ما اتكلمت وآسر مشي بدون اي كلمة..... كيارا جات على وقالت لي بهنيك دايما جازبة الانتباه وين ما مشيتي..... قلتا ليها انا ما عارفة انهم بلحقوني عشان انتقموا مني تمام.... وبعدين انا ما طلبت من آسر ادخل براهو أتدخل امشي اتكلمي معاهو ما معاي.... ومشيت خليتهم واقفين.... لؤي لحقتي وقال لي ما تزعلي من كيارا..... قلتا ليهو انا بصراحة كدا زهجت من الموضوع اول كنت بخت ليها عزر بس تاني ما بعزرها ابدا..... المهم مشينا الكفتريا وقعدنا هناك.......
من جهة كيارا قالت لي تالا انا بعد كدا بعترف ليهو.... تالا قالت ليها جنيتي انتي ولاشنو انت ما عارفة إذا هو بحبك أو لا خليهو ابادر هو إذا ضحك ليك مرتين ما معناهو بحبك ..... قالت ليها بس يا تالا هو مستحيل ابادر.. وبعدين انا لو ما اعترفت ليهو حبي بموت زي القصة الحكيتها ليكم انا حسمت قراري......
من جهة بعد رجعوا الطلاب كلهم انا طلعت فوق و كنت ماشة على الغرفة لمحت كيارا وهي بتلحق  آسر وقفتو.... انا وقفت قريب منهم اسمعهم.....كيارا فضلت انها تعترف بعيد من الناس حتى لو أحرجها تكون طلعت بي أقل خسائر....آسر وعيونو قلبو بنفسجي مستغرب هي دايرة منو شنو بس كيارا ما شافت لون عيونو لأنها كانت بتعاين في الأرض...... قالت ليهو احم آسر انا كنت دايرة اتكلم معاك لي فترة بس ما كان عندي القدرة والجرءة اني اتكلم معاك.... بس هسة انا قررت اني ابادر بي اول خطوة..... انا معجبة بيك ومن زمان كمان...... كنت بسمع فيها وانا مصدومة بقيت ما قادرة اقيف اكتر ما عندي اي شي تاني كل شي راح مع اعتراف كيارا..... زحيت من الحيطة وبقيت مرئية بالنسبة لي آسر حتى هو شافني.... ورسم ابتسامة من شافني...... عاينت ليهم للنظرة الأخيرة وهم مبتسمين ومشيت منهم....... آسر قال لي كيارا انا ما داير ادخل في علاقة حاليا اسف..... ومشى..... كيارا كانت بتعاين ليهو وهو ماشي حاليا هي اترفضت معقولة.... بعد الآمال و الأحلام الختتها اتبددت بي سهولة...... بس على الاقل هو ما داير ادخل في علاقة حاليا بس بعدين ممكن...امكن عندي فرصة تانية.......
من جهتي بقيت لافة بس في الفندق وماشة وانا بفكر انهم خلاص هم بقوا مرتبطين حاولت انفض الأفكار دي بس بقت تتزاحم لي .... بقيت بعاين اتجاه الجبال وخطرت لي فكرة ...الساعة كانت ١٢ طلعت من الفندق وانا بتسحب براحة براحة وبقيت ماشة اتجاه الجبل.... ما عندي غرفة... ما عندي حاجة طلعت اتمشى أمكن ارتاح من الهموم دي دايرة امشي ابعد نقطة وابكي لاني بقيت ما قادرة اتحمل.......
من جهة آسر وهو صاحي وبفكر..... نزل تحت وشاف ليهو زول ماشي على الجبال.... حسة بالفضول دا منو دا الزول دا..... استخدم خاصية الانتقال وبقي ماشي وراهو.... الشي العرفو انو دي بت لأنو كانت لابسة طرحة......
من جهتي وانا ماشة حاسة بي خطوات زول وراي..... نزلت شلتا لي طوبة وقبلت قلتا ليهو انت منو... وداير مني شنو..... آسر قال لي اهدي دا انا...... ركزت ولقيتو فعلا دا هو رميت الطوبة  وقلتا ليهو مالك متابعني في شنو...... قال لي بي برود ما كنت عارف هوية الزول المجنون البتمشي  بليل بي اتجاه الجبل...هو انتي..... قلتا ليهو بي برود خلاص عرفتا انو دي انا ممكن تمشي..... ما تخلي الفندق الفيهو حبيبتك براهو لأنو بتخاف عليك.....قال لي افهم  انك غيرانة منها..... قلت ليهو فسرها زي ما تحب ما بهمني كتير...... ومشيت منو قال لي وقفي يا ملاك ماشة وين انتي بليل دا .... قلتا ليهو ما شغلتك تمام ما تدخل فيني..... مسك يدي.... زحيتو  بي قوة وصرختا  فيهو قلتا ليهو انت مالك ياخ امشي وين ما دايرة.... انت قعد تعطلني مخططاتي لليلة ما بتتضمن مخلوق اسموا آسر.... فلو سمحت ما تتبعني...... كنت ماشة بس ختا يدينو في كتفي.... وطوالي انتقلنا لي قمة الجبل ..... اتفاجأت شديد انا حاليا فوق الجبل.... الارتفاع عالي.... النجوم الكانت مضيئة... وسحر المكان من فوق بعد اتأملت المنظر زحيت يدينو.. وقلتا ليهو انت مالك ياخ انا ما طلبت منك معروف وكنت نازلة .... قال لي ماشة وين النزول خطير..... قلتا ليهو انا ما دايرة اقعد مكاك في مكان واحد فهمتني..... مسكني وقال لي خلاص يا ملاك خلاص وقفت وبعاين ليهو ولون عيونو قلبو زهري........قال لي لحدي هنا كفاية  انا مهما حاولت اني اطلع من عقلي ما قدرت..... ما عارف لي ما قادر امحي الزكريات البتجمعنا سوا... ودايما ببتسم لما اتزكرها..... من انتي دخلتي الجامعة ازعاجك لي.... و محاولتك انك تطلعيني من عزلتي...... وانك تعيدي لي الرغبة في إني أعيش تاني على الكوكب دا..... ما عارف انتي عملتي فيني شنو...... ما كنت متخيل اني بقع في الحب مرة تانية بس انا وقعت... كيف وووين ومتين انا ما عارف...... ماكنت داير ابقى زي الغبي لما سمعتا انو انت ولؤي مرتبطين....كنت بعاين ليكم وانا بموت في الدقيقة مية مرة....... حبيتك اكتر من اي شي ومن دون تكلف..... بقيتي اي شي بالنسبة لي.... تصرفاتك وحركاتك وكلامك وازعاجك كل شي بقيتي جزو مهم مني انتي ما عارفة لما أنت غبتي تلاتة يوم انا حصل فيني شنو..... ما عارفة خوفت عليك لما مالقيت اي إثر ليك.... انتي ما عارفة انو انا كنت بس بتمنى اشوفك واسمع بس كلمة منك  .... انت ما عارفة انو انتي عملتي في شنو...... ايوة بعرف اني كنت قاسي وشديد كمان... بعرف اني اتصرفت تصرفات حمقاء وبعرف اني جرحتك كتير بقصد أو بدون قصد .... الشي الوحيد الأنا حاليا متمسك بيهو وعايش في الكوكب دا عشانو هو انت.....انا بعرف شي واحد بس وهو اني بحبك انتِ انتي وبس 💝...

 #ثمّ_ماذا ؟!
الحبّ، هو صداقة اشتعلت فيها النيران
 هو ثقةٌ هادئة متبادلة، هو المشاركة والغفران، هو الولاء في أيسر الأوقات وأعسرها، هو تأريخ يومٍ بيوم؛ لتلك الإنزعاجات والمشاكل والتضحيات، للخيبات الصغيرة، والإنتصارات الكبيرة، والعمل معًا نحو هدفٍ مشترك".🥀🥀💕
•••••••••••••••••••••••••••••••••••••••••••••••••••••••••••

#فقيرة~في~عالم~الاغنياء《23》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بقيت بعاين ليهو وانا مصدومة شديد..... زحيت يدي منو ومشيت بعيد دموعي خزلوني وبكيت بكيت علي
 كل شي.... أي شي حصل في الفترة الأخيرة دي بكيت عليهو... انا اول مرة في حياتي أبكي قدام زول بس حدود الكتمان فاق حدو...... آسر جا جمبي وقال لي ملاك انا زحيت منو ولزيتو... قلتا ليهو زح مني يااخ.... انت فاكر انو دي لعبة ولاشنو.... كل مرة بي وش جديد آسر ما ممكن تستغلني وتستغفلتي كدا..... مرة بكرهك ومرة بحبك ... انا تعبت وما عندي قدرة اني اتحمل تاني.... ما عارفة كيف الحب الدام لي اكتر من سبعة سنوات انتهي في شهرين..... لو بقدر ارميك من هنا بس عارفة انو بتنجو منها يا حقير كيف تعمل كدا...... قال لي كلو لي سببك لو ما دخلتي الجامعة ما كان حصل دا كلو...... قلتا ليهو انت السبب لو ما جيت من الكوكب داك.... ما كنت اتحملت شوفتك كل يوم وأنت مع كيارا وماشي وبتتضاحك ولاكانو في انسانة بتعاين ليكم وقلبها مكسور..... قال لي ما تتكلمي وكأنك انت الوحيدة البتتعزبي  انا كمان كنت بتعزب لما اشوفكم انت ولؤي واقفين سوا.... والصور البتلف  في  الصفحات..... ابتسمت بي برود  وصفقت ليهو وقلتا ليهو حلووو يعني انت عندك مشاعر.... لا كمان وبتتألم.... قبل شوية ما كنت مع كيارا واعترفت ليك وانت استقبلتها بي أكبر ابتسامة.... بالرغم من انك شوفتي....وانت عملت شنو وافقت صاح لأنك بتتألم براااافو بتمنى ليكم السعادة ..... و برفع ليك القبعة..... خدعتك دي امشي قولها لي كيارا ما لي انا تمام....قال لي بي انزعاج كم مرة قلت ليك انو انحن ماف شي بيناتنا....... قلتا ليهو طيب لي ابتسمت ليها  وحسيتك  بتطير بعد شوية من الفرحة ...... قال لي لي معلوماتك انا رفضتها وقلتا ليها انا ما بفكر في علاقة حاليا يا غبية لأنو في واحدة شاغلة بالي وما بقدر الا افكر فيها..... ما مصدق  كيف رفضت أجمل بت في الجامعة كلها عشان بت قروية وقحة ولسانها طويل وسليط..... قلتا ليهو بي غضب انت عارف.... ارجع للمكان الجيت منو ..... وكنت نازلة مسك يدي ما كنت دايرة ابعد بس انا اتجرحت كتير بي سببو وكبريائي ما سمح لي..... قبلت عليهو وحاولت ازح
يدي وقلتا ليهو مالك ياخ.... فكني والا بصرخ...... قال لي صرخة واحدة وبنقع وزول بلقى جثثنا ماف.....قلتا ليهو   انت فاكر اني بت سهلة المنال كدا بتمشيها على كيفك لا دي ما انا البت البتسمع كلمتين حلوين وخلاص الموضوع انتهى.... فكني ياخ.... قال لي انا حاليا اعترفت ليك ما دايرة تقولي حاجة...... عاينت ليهو في عيونو وقلتا ليهو آسر انا بكرهك ارجع من وين ما جيت...... آسر بي حزن قال لي اصلا ما فضل لي وقت كتير على الأرض..... انت ما  بتعني القولتي دا..... قلتا ليهو كلامي واضح جدا...... قال لي بي انزعاج انت مالك بت عنيدة كدا لما زول اعترف ليك لازم تجاوبيهو وتقولي ليهو انا كمان بحبك وبس كدا...... قلتا ليهو بس انا ما بحب اكزب... انا عنيت كل كلمة يلا فك يدي..... بقي بعاين لي عيونو بقى زهري..... اخ انا من عيونو ديل ضربتو وقلتا ليهو انت واحد حقير خلاص..... ما عارفة المشاعر الغبية اتجاهك جاتني من وين كأنك حاجة رهيبة ما انسان عادي جدا...... قال لي بي سخرية ما عارف انا الخلاني احبك شنو انت ما بتشبهي البنان بس اعمل شنو بقيت عميان في وجودك..... ضربتو وقلتا ليهو اسحب كلامك فورا...... قال لي انا بجد بحبك يا ملاك..... عيوني دمعوا وقلتا ليهو انا كمان..... زحيت نظري منو  وبقيت بعاين لي تحت بعد مسافة قلتا ليهو ننزل......

   
.....
ونحن ماشين قال لي ارح اوصلك غرفتك.... قلتا ليهو اي غرفة انا من المشكلة ديك فصلتها منها خفت اعمل فيها جريمة..... قال لي متين بقيتي ضعيفة كدا.... قلتا ليهو انا ما ضعيفة بس الفترة الأخيرة التراكمات زادت على فكنت محتاجة لي هدؤ وعزلة وفضلت اني ما ادخل في أي مشكلة...... رفعت ليهو سبابتي وقلتا ليهو اياك ثم إياك تتجاهلني والا بخلص عليك...... قال لي تمام يلا تصبحي علي خير..... مشيت منو ودخلت بس اتفاجاءت لما لقيتو لحقني قبل ادخل..... قلتا ليهو مالك قال لي عارفك ما بتنومي بعد كدا تعالى معاي......ما فهمت حاجة  واستخدم خاصية الانتقال......

من جهة كيارا كانت  بتتمشى لأنها حست بالاختناق وكانت من بعيد شايفة ليها اتنين كانو قدامها وفجأة اختفوا..... دعكت عيونها وما لقت شي ما عرفت ديل منو لأنو كانو عكسها...... جاها هبوط من الخوف وجرت على الغرفة صحت تالا وقالت ليها تالا قومي.... تالا بي نعاس في شنو يا كيارا..... كيارا وهي بترجف قومي يا تالا انا شفتا شي عجيب شوفت ش ش شبح قومي..... تالا قامت وقالت ليها مالك يا بت بترجفي كدا...... كيارا بي تلعثم كنت برة وشوفت لي زول طويل... وزول قصير تقريبا بت..... تالا وهي بتتثائب اها مالهم..... كيارا قالت ليها اختفوا كلمح البصر من قدامي وكأنهم استعملو آلة للزمن زي  الفي الأفلام...... تالا قالت ليها بكون ديل كدايس وعقلك حولهم لي شخصين....... كيارا قالت ليها اقول ليك انا شفتهم عديل كدا اختفوا من قدامي..... تالا رجعت للنوم وقالت ليها صحيتيني عشان دا..... انت كنت بتحلمي ارجعي نومي...... ونامت..... كيارا قالت ليها صدقيني.... بس هي نامت رقدت  وهي كل مرة تزح الغطي وتشوف لو في زول في الغرفة وتعاين في كل الاتجاهات وهي خايفة من الشافتو......

من جهتي وصلنا لي الشلاك قعدنا في الصخور..... قلتا ليهو منظر بديع بجد.... قال لي فعلا المكان دا ساحر..... بعد صمت قطعوا آسر لما قال لي كنت عارف انو انت بتحبيني من ليلة رأس السنة.... شهقت وقلتا ليهو بس انا ما قلتها انا لمحت ليك بس ضربتو وقلتا ليهو يا كريهة ما قلتا بتنسي كل حاجة...... قال لي كان يوم مميز وما كنت داير انساهو وكتبت تفاصيلو كلها في كتابي...... قلتا ليهو بالجد ما كنت داير تنساهو فرحتني .... قال لي اي كان يوم تاريخي..... قلتا ليهو نسيت ما سألتك يعني شنو اللون الزهري...... ضربني ضربة خفيفة وقال لي معقولة ما عارفة بعني شنو اتزكري اول مرة كانت متين...... قلتا ليهو شوفتو هسة.... وراس  السنة ايواا معناها لما تكون فرحان شديد...... قال لي غبية.....
عادة ما بتظهر إذا وقعت في الحب.... أو قربت..... أو لما اعترف..... قلتا ليهو إذا كان كدا لي ما ظهر هسة هااا...... ضحك وقال لي ما عارف انا.... ايوااا اتزكرت أمس وصلتني صورة رهيبة هتعجبك..... وراني الصورة الرسلتها هيام لكل الناس..... من الاحراج وشي بقى احمر قلتا ليهو امسحها سرعة...... قال لي بي ضحك لي ياخ عاجباني شديد وحتى انها كيوت..... قمت فوق وقلتا ليهو آسر امسحها بتخجل ياخ..... قال لي بقيتي  تحفة فنية كارثية ههههه.... زعلتا منو كيف وحاولت اسرق التلفون بس هو قال لي  ما تحاولي..... اشبكت معاهو لما لقيتو هو بعاين في عيوني.... زحيت منو وقعدت وقبلت بي الجهة التانية...... .... قلبي وجعني على كيارا ولؤي دي خيانة عظمى ليهم..... بس انا ما بقدر اتحكم في مشاعري واساسا بنرجع زي ما كنا قبل ساعات وماف شي بتغير..... هة كيارا ما بتسامحني حياتها كلها.... ولا لؤي  أوريهم كيف  واشرح ليهم بي ياتو منطق.... لازم احسم   الموضوع  بسرعة لأنو وجودي جمبو بي الكزب بجرحوا اكتر..... انا حاولت ابعد من آسر أخدت بعين الاعتبار سعادتهم كلهم ومتجاهلة سعادتي ..... بعد كدا انا ما بضحي عشان زول لاني تعبت من المعارك دي الداير احصل كلو احصل.... آسر قال لي انزعجتي قلتا ليهو لا ما انزعجت..... قعدنا نتفرج على الشلال وهو بتكلم  لما نمت بدون أشعر......

في اليوم التاني الطلاب جهزو حاجاتهم كلها مستمتعين بالرحلة السحرية الكانت فريدة من نوعها..... وملاك الاستعادت روحها بعد عرفت انو آسر ببادلها نفس الشعور...... لا أحد يعلم ماذا تخفي الايام في طياتها.... ولا أحد يعلم مستقبل هذة العلاقة...... هل ستغمض عينيها وتمضي قدما على حساب صديقتها وتستمر هذه العلاقة .... أم ستتراجع.. وتنهي ما بينهما مكان اعترفهم
.......
كل الناس جهزر وطلعو ومنتظرين نفرين ملاك وآسر.... مافيشين المفروض اكونو هنا من ساعتين كانو فاكرين انو نحن ضعنا في مجموعة مشت بي اتجاه الجبل ومجموعة بتفتش حوليين  الفندق على آسر .....
اما لؤي وتالا وأمير فكانو بفتشو في ملاك.... لؤي مشي لي سهى وقال ليها ملاك وين قالت ليهو ما بعرفها وين ما باتت معاي..... رفع ليها سبابتو وقال ليها إذا حصل ليها حاجة اعتبري روحك منتهية..... أمير مشي مع لؤي وبقو بفتشو في الاتنين المختفين..... بس البحصل دا كلو كان مريب لي كيارا مستحيل اختفوا سوى مالم  اكونو  مع بعض..... كانت بتحاول تشتت أفكارها... بس هي شاكة انو في بحصل من وراها...... ..  لؤي مشي تبع المجموعات وبقوا بفتشو فينا وبصرخوا..... كيارا قالت بتمنى تكون أتعرض ليها ذئب  ولا حاجة تريحنا منها...... تالا اتلفتت ليها بي انزعاج وقالت ليها بقيتي قاسية شديد يا كيارا دي ما انتي دي نسخة ما بتشبهك..... ومشت تفتش مع المجموعات..... أمير لحقها وقال ليها ماشة وين..... قالت ليهو اكيد ما بقعد كدا وصحبتي مختفية..... قال ليها ارجعي سرعة هسة انت لو مشيتي بتعملي شنو يعني..... قالت ليهو انتو عملو شنو بتفتشو فيهم ليكم اكتر من ساعة وما لقيتوهم... ومشت كان بعاين ليها وهي بتمشي بي اتجاه تاني في نفسو المكان خطير وممكن تقع .... امشي بي اتجاها ولا اخليها.... بس سمع صراخ تالا مشي عليها ولقاها واقعة.... قال ليها بي قلق مالك.... قالت ليهو وهي عابسة وانا ماشة رجلي التوت.... ضربها ضربة خفيفة وقال ليها انا حزرتك بس انتي رفضتي.....اتفحص مكان الإصابة.... وتالا كانت بتعاين ليهو بي إعجاب بس اتحولت تعابيرها للألم لما ضغط على الإصابة..... قال ليها ما بتقدري تمشي صاح رفعها ومشى بيها الفندق......

من جهتي فتحت عيوني ولقيت روحي نايمة جمب الشلال وآسر نايم بالجهة التانية عاينت لي تلفوني وقمت فوق المفروض نمشي قبل ساعتين.... صحيت آسر وقلتا ليهو مشو خلونا هنا.... وهو نايم قال لي لسة الزمن بدري انا  ضبط المنبه فتح عيونو ولا ما ضبطوا..... قلتا ليهو يا غبي قوم  نزلنا تحت وشايفين المكان هادي قلتا ليهو لو مشو خلونا نعمل شنو.... قال لي بتشكي في قدراتي يعني... قلتا ليهو خلاص انتقل بينا بدل نتعب في النزول وفعلا حصلنا غرفة آسر وما كان في زول هدوء تام.... و بقينا  بنفتش في أي زول.......

من جهة أمير وصل الفندق وختي تالا في الكرسي.... كيارا جرت عليها... والبنات بعاينو ليها وهم غيرانين منها..... كيارا قالت ليها مالك الحصل شنو..... تالا قالت ليها انا كويسة اتعترت ووقعت لحسن الحظ انو أمير كان موجود في المكان ..... كيارا قالت ليها بنزعاج كل دا بي سبب الكريهة ملاك لو ما اختفت ما كنت اتأذيتي  ..... تالا قالت ليها ما تختي اليوم عليها..... أمير قال لي كيارا ماف اي اخبار عنهم.... هزت ليهو رأسها بي حزن..... تالا لمحت ليها شخصين نازلين من السلم لما اتضحت ليها لقتهم آسر وملاك.... نادت على يا ملاااك..... كل الطلاب الكانو قاعدين بقوا بعاين لينا ..... سبأ قالت اخيرا جا حمد الله على سلامة الملك..... هيام قالت ليها ياداب قدرت اتنفس لاكن لي الفقيرة معاهو.... تالا وقفت وكانت جاية على وقربت تقع بس أمير مسكها...... جريت على تالا وقلتا ليها بي قلق مالا رجلك....ومتيت انضربتي.... أمير قال لي نحن البنسألك..... تالا قالت لي وين كنتي... انت كويسة..... قلتا ليها كنت مفتكرة انو انتو مشيتو..... تالا قالت لي كيف نمشي نخليكم.... كيارا كانت بتعاين لي بي غضب ومشت اتجاه آسر وقالت ليهو انت كويس خوفتا عليك.... قال ليها بي برود كنت نايم وما حسيت بالزمن...... قالت ليهو بي تردد بس انتو نزلتو سوا كيف...... أمير قال كنتو سوى ولاشنو....... بقيت بعاين لي آسر وآسر بعاين لي بقينا نفتش في كضبة بس مالقيت...... قلتا ليهم خلو السخافة معقولة نكون سوى..... كيارا جات على وضيقت عيونها وكانت دايرة توقعني.... قالت لي آسر كان في غرفتو وانت كنت وين...... اتوترت وقلتا ليها انا انا كنت...... أمير قال لينا خلاص المهم انهم سالمين..... تالا قالت فعلا كويس انهم كويسين..... أمير مشي أوري المجموعات الطلعت...... البنات فرحانات انو آسر موجود عكس ملاك.... آسر قال لي ما كنت عارف انو عندي شعبية كبيرة كدا..... قلنا ليهو بي برود رايك شنو اقلب الناس ضدك بقت لي فكرة رهيبة منها اتخلص من استفزازك لي.....ضحك بي خفة وقال لي جربي ونشوف البصدقك منو بتكوني مجنونة اكتر من ما هم خاتنك... كيارا اتلفتت لي وقالت لي بتتكلموا في شنو.... قلتا ليها ماف شي..... أمير لما ورى باقي الطلاب لؤي جا على مسرع قال لي ملاك انت كويسة مسك وشي وقبلو يمين وشمال ما حصل ليك حاجة صاح..... كيارا قالت ليهو بي سخرية اسألها كانت وين ومع منو...... لؤي اتجاهها  مسك يدي وقال لي ما بتصدقي خفت عليك كيف..... آسر كان بعاين لينا والغيرة طالعة من عيونو وقلبو زهري كيارا لاحظت ليهو بس مالقت تفسير في نفسها قالت معقولة الخرافة الكانت بتقولها ملاك صح لا لا ياخ دي شنو السخافة دي.... طيب والشوفتو أمس لا لا مستحيل......

لؤي قال لي ما تختفي تاني كدا بدون ما توريني اتفقنا.... كنت بعاين ليهو وانا حاسة بالذنب ما قدرت اعمل شي..... آسر طلع من المكان ولحقتو كيارا..... تالا قالت لينا انتهيتو يلا نطلع..... مشيت الغرفة لميت حاجاتي ونزلت تحت....
ونحن طالعين أمير لاقانا في المدخل.... قال لي لؤي طلعت بتعرف تجري ههههة... لؤي قال ليهو ظريف شديد.... عاين لي تالا وقال ليهو في زولة محتاجة مساعدتك..... أمير مشي لي تالا وقال ليها إصابتك كيف بتقدري تمشي..... تالا قالت ليهو انا تمام دا التواء بسيط..... مسك يدها وسندها وقال ليها لازم تمشي المستشفى اربطوها ليك لما نصل ومشو بي اتجاه الباص..... كنت انا ولؤي  بنعاين ليهم مبتسمين... بس ماجد كان بعاين بي قلق مشي وسألها إذا هي بخير بس هي ردت ليهو بي برود فأنسحب لأنو حسة انو هو الدخيل بينهم ...... كيارا استنت آسر بعد جهز حاجاتو وطلعت معاهو  بي اتجاه الباص...... كنت بعاين ليهم لو في شرارة بتطلع من عيوني كانت حرقتهم...... لؤي لاحظ لي واستغرب من النظرات دي..... المهم كلنا ركبنا الباص... واتحركنا وخلينا ورانا زكريات لا تنسى ومناظر خلابة وسحابة بيضاء ناصعة.... كنت بعاين لي الجبل الكنا فيهو وبتزكر كلام آسر وببتسم لحدي ما اختفي من عيوني واتجهنا لي مدينتنا...... كيارا كانت نايمة في كتف آسر وانا بعاين ليهم بس..... اكتفيت بي اني ارسم ابتسامة لي لؤي الكان حاسي انو كل شي ماشي للأحسن..... تالا كانت بتحاول انها ترجع العلاقة الخربها ماجد...... راجعين تاني لي الدراسة المتعبة والمضايقات المابتخلص
......
وصلنا مدخل الجامعة متأخرين تقريبا كدا المغرب  ونزلنا اتقسمنا لي مجموعتين اي زول شال حاجاتو جزو مشي بي رجلينو وجزو انتظرو السائق..... آسر مشي بي برود من المكان من دون أودع اي زول.... ودعتهم ومشيت بيتنا وانا بفكر في الجاي.... لؤي البغرق اكتر واكتر.وبقي متعلق اكتر فيني.. ... وصحبتي الواقعة في حب آسر.... ومستحيل تعاين لي تاني لو عرفت  انو انحن حبنا متبادل..... حصلنا البيت فتحت لي امي بعد موال السلام وبعد ارتحت شوية  بقيت بحكي ليهم عن الرحلة وعن المناطق وما خليت تفصيل ما حكيتو ليهم
. ........
في اليوم التاني كانت نتائج الامتحان ظهرت ومعلقينها في البورت زي ما اتوقعت معدلي نظيف وكمان عالي.... حتى آسر نسبتو قريبة لي.... كيارا باركت ليهو واتجاهلتني..... طلعت مشيت القاعة آسر لحقني وبقينا ماشين سوى قال لي لسة ما اتصالحتو.... قلتا ليهو لسة وما اظن نتصالح حتى أنها ما دايرة تديني فرصة....  و بقت لي شخصية تانية ما بعرفها..... قبلت ليهو وقلتا ليهو إياك تتقرب منها فاهم..... قال لي بي برود ولي اعمل كدا لأنك طلبتي مني يعني.... قلتا ليهو بالضبط...... قال لي اذا تبعدي عن لؤي.... اشحت بي نظري وقلتا ليهو ما عارفة اعمل شنو هو ما بالسهولة دي خايفة اجرحوا...... آسر وقف وبقي بعاين لي بي انزعاج واسوارتو وخاتموا وعيونو بقى لونهم ازرق..... قال لي لؤي لؤي البشر دا انا ما بطيقوا نهائيا.... إذا خليك معاهو الموضوع ما بظبط بيناتنا ومستحيل اظبط انسى كل الحصل قبل يومين ومشى بي انزعاج وهو بشتم لؤي.... وقفتو وقلتا ليهو آسر ياخ ما تقول كدا انت عارف كل شي كيف تقول كدا وبعدين كيف ننسى...... حلوو بقيت فضائي عديم المشاعر...... كيارا لمحتنا وجات علينا مندفعة قالت لي ما كفاك العملتي يا ملاك ما بتخجلي من روحك...... آسر مشي وخلانا....قلت لي كيارا احسن انك تلزمي حدك إذا أنت صدقتي الإشاعة ديك ومنزعجة منها... ما معناهو انو هو منزعج خليني اسمعها منو وهو بقول لي يا ملاك انا منزعج من صداقتي بيك ما تتكلمي بي اسمو..... ومشيت منها..... كيارا مشت سرعة وقعدت مكاني...... وهي متوترة قالت لي آسر بخصوص الكلام القلتو ليك انا آسفة لاني اندفعت بالطريقة دي...... آسر بي برود بتتكلمي عن شنو انت...... كيارا  حست بالضيق لأنو اعترافها ما كان ذا أهمية كبيرة بالنسبة ليهو.... بس على الاقل هو مابحبني... وما رفضني ودا خلي معنوياتي عالية... وعندي فرصة
......
 بعد المحاضرة انتهت وطوالي آسر طلع مشي السطوح.... انا لحقتو بس لؤي اعترض طريقي وقال لي كنت منتظرك..... قلتا ليهو عايز حاجة.... قال لي ارح ونحن ماشين قال لي انت عارفة انو فضل ثلاثة أسابيع على حفلة الفالنتين مستعدة ليها..... عاينت ليهو بي استغراب وقلتا ليهو حفلة شنو دي.... قال لي انا وريتك ليها قبل كدا لما مشيت بيتكم حكيت ليك عن الاحتفالات ودي من ضمنهم..... قلتا ليهو ما  متزكرة... الشي المتزكراهو انو انت قلتا لي امي انو نحن مخطوبين و خليتني في حتة ضيقة المهم يعني دا احتفال انا ما عندي حاجة ليهو..... قال لي بس انتي وافقتي ولازم تتجهزي من هسة عشان بترافقيني..... قلتا ليهو بي زهج انا ما بتجهز ولا حاجة وبعدين متين وافقت..... قال لي فكري في الموضوع عشاني بس..... قلتا ليهو بي برود بفكر لاكن ما بوعدك بي شي......

من جهة كيارا كانو ماشين سوي وقعدو في بنش تالا قالت ليها اتزكرت أمس انشغلنا بي اختفاء ملاك وما سألتك عن اعترافك لي آسر..... كيارا وهي بتتصنع الغباء هههه استمعت شجاعتي كلها لاكن لما وقفت قدامو راح كل الكلام..... تالا قالت ليها بركة الماعترفتي ليهو لأنو الشاب دا ماف زول بعرف تصرفاتو واهتمامو.... كويس انك ما احرجتي نفسك..... كيارا ضحكت بي غباء لأنو هي انحرجت وانتهى الموضوع......

من جهتي بعد افترقنا انا ولؤي وانا ماشة اعترضوا طريقي شلة هيام...... قلتا ليهم بي برود في شنو كمان..... هيام قالت لي ما عارفة انتي لي حايمة حولين الشباب الثلاثة ديل عندك طموحات خفية...... قلتا ليها ما كل الناس زيك..... سبأ قالت لي بس  حبيت اوريك انو علاقتك بي لؤي ما بتدوم كتير لأنو انتي مجرد علاقة عابرة وتجربة جديدة...... قلتا ليها كلامكم السخيف كالعادة..... سهى  قالت لي وهي بتضحك متشوقة اشوفك في حفلة الفالنتين واحراجك لى لؤي اساسا ما متوقعين منك حاجة..... قلتا ليهم بي انزعاج كنتو بتتنصتو علينا يعني...... هيام قالت لي سمعناكم بالصدفة بس للصراحة حتى انتي ما منتظرة من روحة حاجة...... عاينت ليها بي تحدي وقلتا ليها طيب شنو رايك نقلب الطاولة لو ما طلعت أجمل منكم .... عاينو لي والتلاتة بقوا بضحكوا..... هيام وهي بتضحك ههههة منتظرين  اليوم داك على أحر من الجمر....... مشيت منهم في نفسي قلتا انا غبية شديد كيف اغير نفسي في حدود ٣اسابيع وانا طول ال١٩ سنة ما بعرف كيف اتكلم زي الناس ولا اختار ملابس متناسقة..... لدن ما بتساعدني وكيارا ما بتتكلم معاي.... تالا هي أملي الوحيد...... مشيت وحكيت ليها اني مادايرة ابقى مسخرة قدامهم وهي قالت بتساعدني ومعاي خطوة بخطوة.......
كيارا فرحت لما عرفت انو انا ولؤي ماشين سوى.... لأنو الجو بفضي ليها وبالتالي انا حكيت لي  آسر بس ما اتكلم معاي......

خلصنا محاضرتنا وطلعت البيت وانا ماشة شايفة آسر من بعيد ندهت ليهو بس ما وقف واتجاهلني تماما حصلتو وقلت ليهو ما بصدق انو انت حاليا اتجاهلتني....... قال لي ويعني شنو اتجاهلتك بتعملي شنو يعني...... استغربت منو وقلنا ليهو آسر انت كويس..... قال لي بي حدة ماف شي ولي اكون في شي اساسا امشي لي لؤي تبعك دا لأنو بنزعج من وجودك حولي.... دا كلو وعيونو اتقلبو بالزهري...... عاينت ليهو وبقيت بضحك ضربتو في كتفوا  وقلتا ليهو انت غيران ولاشنو..... تدريجيا عيونو اتقلبو للاحمر وقال لي بي حدة ما تحاولي تستفذيني..... واختفى كلمح البصر وخلاني برجف من الخوف لأنو نظرتو كانت مميتة.......

وعن طريق الصدفة لؤي كان ماشي اتجاه بيتنا شاف آسر وهو اختفي وشو بقى شاحب وريقوا نشف ورجلينو بقوا برجفوا..... وانا قبلت كدا ولقيت  لؤي واقف في الطريق
..... اتجمدت في مكاني طوالي جا مسرع..... وهو بتلعثم في الكلام وبقول لي ش ش شوفتي الحصل شنو.... بقيت بعاين ليهو بس ما عارفة أقول ليهو شنو..... قال لي دا آسر الكان واقف هنا صاح انا شوفتو بس كيف اختفي.... هو ساحر ولا مشعوز ولا شنو...... حركت يدي البترجف وختيتها في وش لؤي وقلتا ليهو لؤي انت محموم ولاشنو انا كنت ماشة براي طول الطريق وما لاقيت آسر نهائي...... زح يدي وقال لي ملاك انا شوفتو بي عيني ومتأكد من كلامي ..... قلتا ليهو بي توتر  إذا شوفتو هو وين طيب...... انت بتتوهم ساي يا لؤي بتزكر انو بيتكم بالجهة التانية لي جيت بي هنا...... قال لي لحقتك قلت اوصلك الليلة.... طول الطريق وانا بقنع في لؤي انو دي مجرد تخيلات......

من جهة أمير دخل المطعم وبدي شغلوا من دون أي ازعاج..... لدن استغربت منو بس كانت مبسوطة من التغير الحصل دا وهي ماشة تاخد الطلبات وقفت متصمغمة وحست انو الدنيا دي بقت صغيرة وكانو ضربوها بي مية كف لما لقت اكتر انسان بتكرهو في الدنيا دي اكتر انسان بتتمني انها ماتشوفو حياتها كلها ماذن 💔كان قاعد ومديها ظهرو بس هي عرفتو رجعت خطوات لي ورا وجرى على المطبخ...
.. دخلت وطلبت من بت صحبتها انها تاخد طلب الطاولة رقم ٦ ولو سألها اي سؤال عن انو هي بتشتغل هنا أو طلب اي معلومة  ما توريهو حاجة فعلا دا الحصل وهي مشت تاخد طلبو...... ولدن قعدت في أقرب كرسي وغطت يدها بي وشها ودمعة ورا دمعة لما بقي شلال من الدموع..... أمير وياسر وباقي النادلات استغربو منها وحاول انو افهموا في شنو بس هي ما اتكلمت مع زول..... وكانت بس منتظرة متين اطلع ماذن من المكان دا وما القى اي إثر ليها هنا..... وسؤال ورا سؤال كيف ومتين  جا هنا.... والسؤال الأهم لو عرف اني هنا انا انتهيت هل هو عارف انو انا هنا... ولا جا بالصدفة.... لا لا مستحيل اجي بالصدفة.... البحصل شنو لو لقاني ورجعني مجرد التفكير في الموضوع دموعي كانت بتزيد..... معقولة انا برجع تاني لي دايرة العزاب الكنت فيهو بعد مرت نص ساعة... ولما اتأكدت انو ماذن مشي حتى انا اتنفست الصعداء..... بس كنت حاسة انو ورا الجية دي حاجات كتيرة.انا لازم احزر اكتر من كدا إذا هو عرف اني هنا معناها ما بغلبوا انو اعرف ساكنة وين.. لي يا ماذن رجعت بعد انا بديت من جديد حياة جديدة لي ظهرت تاني .... قمت غسلت وشي عادي ورجعت اخد الطلبات..... قلتا لي أمير بي برود اسفة بس تاني ما بتتكرر اعزرني......

أمير كان حاسي انو في شي ما مظبوط فجأة كدا تنهار في سبب ورا الموضوع دا بس هو شنو لما خلاها تبكي بالطريقة دي سألها بس هي ما ردت واكتفت بالصمت......

من جهتي دخلت الجامعة وانا ما عارفة اتصرف كيف مع آسر وكيارا قعدت في مكاني آسر جا داخل وقعد بي برود قبلتا عليهو مستفيدة انو كيارا لسة ما جات.... قلتا ليهو آسر مالك ياخ .. سفهني ....قلتا ليهو عاين لي واتفاهم معاي.. . قال لي بي برود لا ما بعاين.... انتي عايني قدامك عشان كيارا ما تجي ومشاعرها تنجرح...... قلتا ليهو بي غضب من متين بتهتم لي مشاعر البنات...... قال لي بي برود. واستفزاز ما بقدر اشوف البنات الجميلات حزينات قلبي بنفطر...... قلتا ليهو حلوو قلبك بنفطر رفعت ليهو سبابتي وقلت ليهو حافظ عليهو عشان ما اتفتت وابقى رملة والبنات قلوبهم هي البتنفطر ما انت وضربتو في راسو وقمت وانا بنبذ فيهو...... كيارا لقتني في الباب.... قالت لي بي زعل لي عملتي كدا...... قلتا ليها بي برود شوفتيني عملتا شنو ما في داعي اعيد المشهد عشانك امشي ليهو يا هداك ليهو قبل قلبو ينفطر أغبياء وطلعت من القاعة وعلى السطوح......
بعد فترة من الزمن في زول ختا يدو في كتفي.... قلتا ليهو ما تتعب روحك ساي بالاعتذار لاني ما بسامحك بالسهولة دي..... سمعت صوت لؤي وهو بقول لي اعتزر ليك لشنو يا ملاك..... قبلت وانا متفاجأة انو دا لؤي.... وآسر واقف في الباب...... قلتا ليهو بي توتر  لؤي دا انت قال لي طبعا منو يعني..... مسك يدي وقال لي يلا ننزل تحت.... قلتا ليهو لؤي فك يدي لو سمحت...... آسر زهج منو وعيونو بقوا ازرق ودخل ومسكو واحكم على يدوا وقال ليهو ما سمعتها قالت ليك شنو فك ليها يدها..... لؤي كان داير ارد ليهو بس شاف لون عيونو وقال ليهو بي توتر ولي افكها في النهاية هي حبيبتي انت الدخلك شنو...... قلتا  ليهم في شنو يا جماعة آسر فكوا لوسمحت قبل ما تحصل مشكلة...... قال لينا بي حدة اطلعو من هنا واختارو ليكم مكان تاني دا مكاني انا..... بقيت بعاين ليهو ولي نبرة صوتو وانا مصدومة من التغير الكبير دا لؤي جراني ونزلنا تحت...... زحيت منو من دون كلمة ودخلت القاعة.......

المساء جا ومشيت لي تالا العلمتني أساسيات التجميل كلها من لبس الكعب... للكلام.... اتونسنا شوية وامها حلفت الا اقعد اتغدي معاهم.... بعد إصرار منها حتى قعدت وطلعت منهم....... وانا ماشة قلتا اغشي آسر مرة واحد ضربت الباب وفتح لي قلتا ليهو سبرررايز..... قال لي بي برود انتي..... قلتا ليهو آسر مالك في شنو ما قادرة افهم البحصل الصباح لي قلت كدا   انت بتهظر معاي ولاشنو..... قال لي يعني اعمل ليكم شنو.... اتوسل ليك عشان تخليهو.... ما تضحكيني بتموتي وانت بتنتظري اليوم داك...... قلتا ليهو بي  انزعاج انا ما طلبت انك تتوسل واحد... اتنين انا بعد الحفل مباشرة بوريهو الحقيقة وخلصنا...... ابتسم بي برود وقال لي لي الزمن داك بكون فات الأوان...... قلتا ليهو نعععم بتفكر ترتبط مع كيارا هااا..... قال لي المشكلة وين يعني زولة كويسة شديد وبتحبني اكتر من كدا في شنو...... قلتا ليهو انت عارف غلطانة انا الجيتك غير وجع القلب ما استفدت حاجة ومشيت منو..........

في الجامعة كنت بتجاهل وجود آسر نهائيا.... أمس  ليلة اكتمال القمر ويعني انو. آسر بفقد السيطرة على قدراتو .... وانا ماشة لؤي اعترض طريقي قدام أنظار آسر..... آسر أتلفت ولقي واحد شايل ليهو عصير وطااااخ في وش لؤي بالتحديد والشاب بقى في ورطة كبيرة.... كل الناس كانو بضحكوا فيهو وصورهو حتى انا ضحكت في منظرو...   كان داير اشتبك مع الشاب بس هرب من زمان..... عاينت لي آسر الكان بضحك وعرفتا أن هو السبب......
في القاعة قبلت عليهو متجاهلة كيارا وقلت ليهو انت عملت كدا صاح.... كيارا قالت لي ما شايفة انو ما داير ارد ليك...... حمرت ليهم تمام وقبلت منهم......

من جهة مؤيد ومجد دخلو القاعة ومؤيد محبط.... قال لي مجد شكلي كدا وقعت في حب هيام..... وعارف ولا بتعبرني  لأنو كل تركيزها على الثلاثة الوسيمين...... مجد قال ليهو اعترف ليها..... مؤيد قال ليهو عارفين النتيجة يا مان ماف داعي......
بعد المحاضرة لقيت تالا وكيارا ماشين انضميت ليهم.... تالا قالت لي رجلك ما بتوجعك من الكعب العالي قلتا ليها اسكتي بس...... كيارا قالت لي بي سخرية بديتي تتغيري.... على الأقل تحصلي مستوى لؤي..... قلتا ليها انا ما دايرة احصل مستوى زول دايرة اثبت اني ببقى الأحسن لو انا دايرة.... ومشيت منهم.....

من جهة آسر وقف قدام هيام وبقي بعاين ليها..... البنات طوالي بدو اتكلموا.... استغربت من آسر دا جنة ولاشنو لي بعاين لي هيام كدا...... بعد زحا منها لحقتو.... وكيارا كانت وراي طوالي  آسر مسك يدي وانتقلنا لي السطوح..... وكيارا كانت بتعاين لي المكان المفترض انو نكون فيهو بس مافي زول كانو اختفو واتبخروا في الهواء.......

من جهتي في السطوح قلتا لي آسر انت قايل روحك بتعمل في شنو..... قال لي بي براءة بعمل شنو...... قلتا ليهو ما خايف زول اشوفك وانت بتختفي كدا أمس لؤي شافك وبقي بسأل لحسن الحظ انو هو غبي وقدرت اضللو..... قال لي بي برود ما بهمني كتير الداير اعرف خليهو اعرف..... ضيقت عيوني وقلتا ليهو وقصة هيام دي شنو كمان لو ما شوية كان طلعت الخاتم ولبستو ليها...... ابتسم وقال لي غيرانة يعني .... المفترض اني اعمل كدا صاح.حمرت ليهو بس .... قال لي أعصابك هسة بتفهمي لي شنو عملت كدا لما نصل القاعة..... انتقلنا للقاعدة عشان نشوف البحصل شنو.......

مجد ومؤيد كانو قاعدين بتكلموا.... فجأة هيام جات داخلة وفي عيونا نظرات غريبة..... مؤيد عاين لي مجد وقال ليهو براحة ما تكون وريتها بي كلام الصباح هزا ليهو راسو بالنفي....... هيام بقت تشابك في يدينها وهي متوترة قالت لي مؤيد كنت دايرة اقول ليك كلام من فترة...... مؤيد بي توتر ههة ما تكوني انزعجتي مني في حاجة انا بعتزر......
 قالت ليهو بي هدؤ انت ما  ازعجتني بالعكس كنت دايما شريك ممتاز وداعم وسند كبير في خططتي الشيطانية 🤣....... ودائما بتخت اللوم عليك عشاني..... دايراك توعدني اني بعد اقول ليك حاجة انو تسندني في أفكاري الشريرة..... مؤيد بي استغراب اكيد بوعدك...... قالت ليهو بي ثقة انا انا بحبك.....  صدمة لمؤيد ومجد والشلة وحتى الطلاب...... سبأ قالت ليها جنيتي يا هيام ما كنت مستعدة تفدي الوسيمين الثلاثة بي حياتك الاتغير شنو ..... سهى انا مصدومة  نو كومنت.🌚..... مؤيد كان بعاين ليها بي  صدمة وقال ليها  دا مقلب صاح...... هيام قالت ليهو انا جادة ياخ يعني  انا اترفضت حاليا..... مؤيد قال ليها لأ ما كدا انا مصدوم حاليا........

عاينت لي آسر بي صدمة وكان مبتسم قلتا ليهو عملت شنو انت ك ك كيف قدرت تعمل كدا ما كانت بتحبو كيف فجأة كدا بقت تحبو...... قال لي انا مزهل صاح..... قلتا ليهو بي انزعاج بس دا ما عدل انت  كدا بتتلاعب بي مشاعر الناس  ما تكون عملت معاي نفس الشي....... قال لي شنو رايك نغير مشاعر لؤي فكرة رهيبة صاح..... قلتا ليهو إياك..... مشي قعد في مكانو بي هدؤ..... مشيت قعدت في مكاني الأساسي قبل كيارا تجي..... قال لي بهدوء انت لسة بتحبيهو حاسي بالأسى على روحي فكرت اني اغير مشاعري اتجاه كيارا اساسا هي بتحبني...... قلتا ليهو جرب تخسر وشك السمح دا لو ما خلتك.... قال لي للأسف انا وشي ما بتغير يعني ارتاحي من الناحية دي..... حمرت  ليهو وهو مبسوط انو بستفذني....... كيارا جات القاعة بعد مشطت الجامعة كلها وهو بتفتش في آسر لقتني قاعدة في مكاني ما كان عندها قدرة انها تقومني لأنو الدكتور دخل قبلت وعاينت لي بي نظرات سامة قالت لي انت مالك زي اللصقة كدا ما حزرتك من انو تقربي من آسر..... قلتا ليها وانت منو لما اسمع كلامك خليت ليك مكاني عشان ترضى لما ما رضيتي بكيفك بعد كدا...... قالت لي انكشفت على حقيقتك قبل ما ارد ليها..... آسر قال لينا اطلعو برة واتشاكلو داير انوم انا...... كيارا خجلت وقبلت.... أما أنا قلت بسبب منو ما كلو بي سببك...... آسر كان حاسي بالملل الشديد..... كان بعاين للدكتور وهو بشرح وبي ورا شغال اشخبط ساي في قميصوا لما الدكتور أتلفت تجاه البورت.... القاعة كلها بقت تضحك..... قبل علينا طوالي سكتنا استغرب مننا في اللحظة ديك آسر زاد الشخبطة.... ولما قبل الدكتور كلنا بقينا نضحك...... الدكتور قال لينا البضحك شنو.... في طالب أشر ليهو على القميص..... بس هو ما شاف حاجة وظن انو الطالب كزب عليهو... وقال خلينا نرجع للمحاضرة.....آسر كان بضحك ويضحك قبلتا عليهو وقلتا ليهو آسر دا شنو دا وقف البتعملوا دا...... اتجاهلني وبقي برسم قلوب..... مسكت اصبعوا.... حرك اصبعو التاني مسكتو بقى برسم بعيونو شلتا الكتاب وختيتو في وشو وانا بحاول امنعو بس اسمع ليك الدكتور قال لينا انتو الورا براااا..... عاينت لي آسر بي زهج وقلتا ليهو اعمل الدايرو ما بشتغل بيك تاني اكشف روحك..... وطلعت... كيارا كانت بتعاين لينا بي غيظ.... وآسر طوالي طلع وهو بضحك..... كنت ماشة زعلانة شديد بس احس ليك بي زول مسك يدي قلتا ليهو فكني ياخ.... قال لي في زولة مزعوجة  شديد حاولت افك يدي منو وقلت ليهو انت ما طبيعي الليلة فكني أمكن لؤي اشوفنا سوى..... من قلتا كدا زح مني وعيونو حمر.... قلنا ليهو ما تفهمني غلط يا آسر.... قال لي ما تقربي لأنك بتتأذي واختفى من المكان قعدتا في مكاني ونزلت راسي...... لؤي شافني بالوضعية دي جا على وقال لي ملاك انتي كويسة...... قلتا ليهو بي صراخ كل شي بي سببك لي بتحبني... ولي انا ما بقدر أأذيك زي ما عملت فيني..... لي انا بهتم بي مشاعركم بينما أنا بحترق من جوة...... لؤي مافهم حاجة بس حاول اهديني لزيتو ومشيت بي اتجاه معاكس.....
......
كيارا  وتالا كانو في الكفتريا الشهد حالات كتيرة من الاعترافات والكل مستغرب من البحصل دا والسؤال الوحيد البطرح روحو كيف الناس دي في يوم واحد كلها اعترفت اكيد في سر في الموضوع دا ....

من جهتي كنت قاعدة في بينش بعيد كنت دايرة ارتاح من الحرب البتحصل قدامي دي وما قادرة اعمل حاجة..... تعبت من التفكير في كل شي بقيت ما قادرة أفرز  الصح من الغلط وكأنو  انا بدور في دايرة لا متناهية من التعاسة.... مستحيل افرح في يوم واليوم البعديهو ما اكون اليم... تعبت من التفكير في الجاي انا حاليا أعلنت استسلامي لاني بقيت عاجزة اني القى حل براقب بصمت الجاي لانو قدرتي انتهت على الكلام......

 #ثمّ_ماذا؟؟!

 مرهقة للغاية
من الخيبات التي تتواري خلف الأمل. من الفرص التي تفر  مني
من الذكريات التي تداهمني    من الخزلان الذي يتربص بي
من الأحزان التي تؤرقني
من كل الأشياء التي تزبل روحي وتبعثرها
لم يعد في حياتي كرسيا شاغرا  لخيبة اخري  تقضي على ما تبقى مني وتهلكني
•••••••••••••••••••••••••••••••••••••••••••••••••••••••••••

 

#فقيرة~في~عالم~الاغنياء《24》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
وانا قاعدة وبفكر في شابين جوا مارين..... الأول قال ليهو لاحظت البحصل في الكفتريا..... صحبو قال ليهو كيف ما لاحظت الناس كلها بتعترف..... الأول قال ليهو ما حتى صاحبنا ههههه وقف وبقي بغني دا الجنون بحد زاتو...... استغربت وقبلت كدا في بتين قعدوا وصحبتها بتشاكل فيها وبتقول ليها كيف رضيتي تقبلي بي مدثر دا بعد الكلام الفاضح القالتو ليك لو دي انا كان ضربتو كف لما اتكيف
صحبتها قالت ليها دا الحب ياخ..... البت.. قالت ليها بي استغراب متين بقيتي تحبيهو انا أعز صحبة عندك وما وريتيني..... قالت ليها اعتبريني بحبو من اليوم........ كنت بعاين وانا مستغربة قلتا الليلة اليوم العالمي للحب وانا ماعارفة... ثواني معقولة آسر وجريت على الكفتريا.......

من جهة آسر طلع من الكفتريا وكان ماشي بي برود.... كيارا أكلت سرعة سرعة وقامت تلحقوا...... اتلاقيت مع آسر قريب للكفتريا من شافني لون عيونو قلبو ازرق وكمل طريقو.... وقفتو وقلتا ليهو آسر دا شنو دا البحصل معاك دا  لي بتتلاعب بي مشاعر الناس...... قال لي بي برود انا ما بلعب بي مشاعرهم انا بسهل للجبناء المابعترفو......
 قلتا ليهو الموضوع طلع من السيطرة..... قال لي كل شي تحت السيطرة.... قلتا ليهو بي زهج آسر من الأحسن انك تطلع من الجامعة دي وتمشي بيتك قبل ما تعمل مشاكل في الجامعة..... قال لي بي برود اجبريني اني امش...... قلتا ليهو انا عارفة انك مزعوج مني واسفة شديد..... قال لي ما بهمني...... كيارا طلعت ولقتنا واقفين جات علينا بي انزعاج..... حصلتني وقالت لي انتي مالك يا ملاك بقيتي تحومي حولينو كدا...... يعني لؤي ما كفاك دايراهم كلهم..... قلتا ليها بي برود كل الموضوع اني ما دايرة اخسر زول تمام..... آسر قال لي ما دايرة تخسريني انا منو بالنسبة ليك..... ما عرفتا اقول  شنو كلامو كان صادم لي..... عاين لي كيارا وابتسم وقال ليها طالعة حلوة الليلة..... كيارا ما اتوقعت الكلام دا منو في اللحظة دي..... اكتفت بي انها ترسم أكبر ابتسامة..... وآسر مشي بي برود تحت نظرات ملاك الصادمة....... كيارا قالت لي شوفتي هو ما عندو ليك حاجة ولا معتبرك شي عشان كدا ما تلقى وتدوري...... ومشت خلتني......

من جهة آسر استعمل خاصية الانتقال  وتحديدا في السطوح.....  أمير كان بتكلم بالتلفون لما لقى آسر قداموا فجأة كدا كان مصدوم. والزاد صدمتوا انو قفل الباب بي إشارة من اصبعوا...... نزل التلفون براحة وقال ليهو بي صوت مرتجف آآسر..... آسر قبل وراهو قال ليهو بي تلعثم أمير دا انت قال في نفسو اتكشف وقبل بي الجهة التانية  ...... امير ضربو في كتفوا فجأة وآسر كان مستغرب وعاين ليهو ولون عيونو بنفسجي...... أمير قال ليهو بي حماس عملتا كيف دي.... انت ساموراي ولا جني ولا شنو كيف بتدس حاجة عظيمة كدا ..... قال ليهو هههة دا واحد من أسراري ممكن ما توري زول انا واثق فيك......
بالرغم من انو آسر اتعامل معاي بي حقارة الا اني طول اليوم كنت براقبوا عشان ما أقع في مشكلة بعد خلصنا محاضرات اتهربت من لؤي وطلعت عشان الحق آسر.......
آسر كان حاسي انو في خطوات ماشة وراهو..... قبل ولقاني انا قال لي بي برود ما تلحقيني انتي قعدة تزعجيني......
وقفت قدامو وقلت ليهو آسر من الأحسن انك ما تتعامل معاي بي حقارة.... لي بتتجاهلني كدا... انت كدا بتعاقبني يعني..... قال لي بي برود منو القال انو انا بعاقبك...... اتنهدت بي تعب وقلتا ليهو آسر انت بتلعب بي مشاعري ولاشنو.... ولا غيرت رائك وبقيت تحب كيارا وريني من هسة عشان ما انصدم بعدين اصلا بقيت متعودة على الخزلان.....  حدد موقفك يا آسر انا ما فأر تجارب... وكنت ماشة وقفني وقال لي انتي غبية انا عندي انسانة واحدة في قلبي وهي انتي..... قلتا ليهو طيب لي  بتعمل كدا..... قال لي لأنو دي عقوبتك عرفتي كيف شعوري لما تكوني مع الحقير لؤي..... قلتا ليهو آسر ياخ قعدة احاول اني ما اخسر زول افهمني الموضوع صعب...... هزا لي راسو بس.....

اليوم كان متعب شديد وانا بحاول امنع آسر من انو اعمل تصرفات حمقاء ومن وصلت البيت طوالي رقدت نومت......
من جهة آسر كان قعاد ويلعب بي أثاث البيت وبستخدم قوتو هنا وهناك..... عمو حسن دخل ولقي عدة المطبخ بتتطاير بي فوق ليهو..... عاين ليهو بي دهشة وقال ليهو أمس كان اكتمال القمر كيف نسيت ما كان سمحت ليك تتطلع من البيت..... قال ليهو انت دايما مقصر في شغلك...... عمو حسن قال ليهو كيف كان اليوم في الجامعة مشي بشكل طبيعي .... عاين ليهو وهو بفكر قال ليهو كان يوم  مثالي.......

من جهة كيارا ولؤي كانو ماشين البيت وبتكلموا عن الحصل في اليوم  دا.... لؤي قال ليها اليوم دا كان يوم أغرب من الغريب..... كيارا قالت ليهو انت ما شفت الحصل شنو  في القاعة الدكتور قميصو كان كويس بعد شوية بقى  ملان شخابيط وقلوب..... لؤي قال ليها بي دهشة حاجة غريبة كأنو في قوي سحرية بتلعب بالحاجات....... حتى انا حصل معاي شي غريب لاكن بتقولي عني بتوهم........ قالت ليهو قول ساي اصلا كل شي بقى غريب...... قال ليها شفت آسر وهو بختفي من قدامي عارف انو دا غباء وتوهم حتى ملاك قالت لي كدا...... كيارا بقت تعاين ليهو بي صدمة... وقالت ليهو بي توتر حتى انا في الرحلة شفتا لي نفرين اختفو من قدامي وحتى الليلة لما كنت بلحق ملاك وآسر وما كانت بتفصلنا مسافة بعيدة... بس في منعطف اختفو وما في أي أثر ليهم حتى اني قلتا انا جنيت...... لؤي قال ليها انتي متأكدة..... قالت ليهو أمكن نفس النفرين الفي  الرحلة هم زاتهم ملاك و
.... معناة  هم كانوا سوا ونزلو سوا دا التفسير الوحيد..... لؤي قال ليها كيارا خلي التحليلات البتقولي فيها دي....... قالت ليهو حتى انا بقيت ما عارفة حاجة ومشوشة الجواب لي اسألتنا هي ملاك...... لؤي قال ليها مهما كانت بتعرف شي ما بتوريك لأنو هي أنكرت انو آسر اختفي وقالت انو كانت ماشة براها..... كيارا قالت ليهو طيب نعمل شنو.... لؤي قال ليها ما بنعمل شي عندي احساس انو نحن البنتأذي في آخر المطاف..... قالت ليهو فكر معاي منو البختفي فيهم ماحصل كدا الا لما ملاك دخلت الجامعة   ...... قال ليها انا شوفت آسر هو الاختفي معناهو ملاك ما دخلها في الموضوع...... قالت ليهو اعزرني يا لؤي بس كلنا بنعرف انو آسر وما حصل مرة حصل شي زي دا..... بكتشف الموضوع عاجلا أم آجلا..... لؤي قال ليها اعملي الدايراهو.......

من جهة أمير دخل المطعم ومشي سلم على ياسر قال ليهو لدن ما ولاشنو.... قال ليهو جات أتلفت في كل مكان بس ما لقاها قال ليهو ما شايفها  من المفترض انو تشيل الطلبات صاح  ..... قال ليهو حولتها لغسيل العدة...
... قال ليهو كويس شديد انك عاقبتها بي الطريقة دي انا ماشي ازعجها...... ياسر في نفسو بس هي الطلب مني كدا...... لدن وهي بتغسل وشاردة وما حست بي الزول الجا وصرخ من الخلعة وقعت الصحن..... قال ليها انتي ما بتنفعي في حاجة بوري ابوي انو اطردك......  نزلت تحت بهدوء ومن دون أي كلمة وبديت  الملم  في الصحن المكسور.....سامعاهو بقول  انت عارفه جيتي براك لي مطبخي ودا معناهو انك بتعاني الأسبوع دا كلو..... ما اتكلمت معاهو أمير استغرب شديد من الهدؤ دا سكت ومشى اكمل شغلو.... وهو كل مرة بعاين ليها لأنها كانت مركزة مع الصحون وكأنها في عالم تاني..... بعد فترة صحبتها جات ليها  وقالت ليها في زول برة قال دايرك......قلت  ليها دا منو دا..... قالت لي  ما بعرف دا منو بس تقريبا نفس الزول الجا المرة الفاتت من دون ما احس الصحن وقع من يدي...... أمير نهرني وقال لي بتكسري في الصحون لو ما خصمتهم من راتبك..... صحبتي قالت لي اقول ليهو شنو..... قلتا ليها قولي ليهو انو هي ما جات الليلة...... بعد مشت انا كنت برجف من الخوف...... أمير جا على وقال لي مالك يا بت في شنو..... قلتا ليهو ماف شي..... قال لي كيف ماف شي وانت بترجفي كلك خايفة من شنو انت...... صحبتي جات وقالت وريتو و مشي بس قال لي اقول ليك انو بلقاك في يوم.....ومشت..... جاني هبوط من السمعتو دا.... أمير قال لي دا منو دا البلقاك دا زحيت منو وقلتا ليهو ما تتدخل تمام..... بس ما تتدخل خلي علاقتنا تكون سطحية كدا احسن.... مشيت بي باقي الحيل الفيني خلصت العدة عارفة انو زودتها على أمير وهو ما قاصد بس الأحسن انو ابقى بعيد مني ما بقدر ادخلوا في مشاكلي..... خلصتا وراقبت المكان حتى طلعت لما حصلت البيت اتنفست براحة بس انا لازم استعد للأسوء لأنو شكلو ماذن ما هيخليني براي وانا بعد كدا ما بسمح ليهو اتمادي اكتر لازم اتجهز لمواجهتو لمتين ببقى هربانة........

من جهتي في الجامعة وانا ماشة وقفتني كيارا وقالت لي لازم نتكلم بخصوص آسر..... قلتا ليها ماف شي نتكلم فيهو..... قالت لي أمس شوفتك اختفيتو من قدامي ما تحاولي تدسي الموضوع..... قلتا ليها بي توتر ماحصل شي زي دا انتي بتتوهمي شكلك ...... قالت لي معناة انتي عارفة وأظن انتي ورا كل دا.... قلتا ليها عفوا..... كانت ماشة بس قالت لي شي تاني ما تقعدي  مكاني ومشت على قاعة تالا..... أما أنا مشيت القاعة وقعدت مكاني.
....آسر جا قعد في مقعدي وقال لي أمس عملت حاجة غبية...... حكيت راسي نظام بفكر اممم تشخبط في قميص الدكتور.... تختفي في الممرات..... وتخلي الناس كلها تعترف لي بعض..... ما عملت شي كتير..... قال لي احزري الفوضى دي كلها بسبب منو.... اكيد بي سببك..... قلتا ليهو ولي بي سببي.... قال لي لأنك جيتي ليلة اكتمال القمر و ازعجتيني لي درجة نسيت اليوم دا...... قلتا ليهو بي استغراب والبحصل شنو...في اليوم داك..... قال بفقد قدراتي بليل واثارو بتظهر في اليوم التاني....... قلتا ليهو كان توريني المهم كيارا شافتنا لما  اختفينا وسألتني وتقريبا شاكة فيني..... قال لي كلو بي سببك......

كيارا جات مارة بي جمبي قالت لي انتي يا  ساحرة يا مشعوذة...... وقعدت بي برود آسر قال ليها لي قلتي ليها كدا..... كيارا قالت ليهو قلت شنو انا.... قال ليها انت فاهمة قصدي لي قلتي ليها يا ساحرة  ...... كيارا وهي مستغربة منو كيف بدافع ليها.... قالت ليهو لأنو هي قروية واكيد السحر من هوايتهم وعندهم زي شراب الموية..... اتصدمت منها بس اتوقعت كل شي منها  وقبلتا علي آسر وقلت ليهو ما تشتغل بها كتير....... وقبلت منهم...... كيارا في نفسها لا هو سمع كلامها حاليا....... بعد المحاضرة انتهت وانا ماشة على الكفتريا شايفة كيارا ولؤي قاعدين في بينش........

من جهة لؤي قال لي كيارا ممكن توقفي البتعملي فيهو دا.... قالت ليهو بعمل في شنو...... قال ليها تالا ورتني انك قعدة تقولي لي ملاك ساحرة انتي لسة معلقة في الموضوع داك.... قالت ليهو انا بقيت ما بطيقها نهائيا من الاشاعة الطلعت عنها... بستغرب كيف بتتصرف بي برود كدا مع انها كانت بتخونك..... قال ليها هي ما عملت كدا يا كيارا.... قالت ليهو الخلاك واثق كدا شنو.... اتنهد بتعب وقال ليها لأني انا  النشرت الاشاعة ديك..... كيارا عاينت ليهو بي صدمة وقالت ليهو لؤي انت جادي .... قال ليها انا وريتك عشان توقفي البتعملي دا لأنو انت كدا بتجرحيها وهي ما عندها زنب في حاجة......عملت كدا عشان اخليها تبعد عن آسر عارف اني غلطة بس ما لقيت طريقة قدامي .... فلو سمحتي بعد عرفتي بالحقيقة ممكن ترجعو عادي...... لؤي كان متوقع انو ردت فعل كيارا بتكون قوية وأنها بتلومو وبتشاكلو كيف اعمل كدا..... بس اتفاجأ لما قالت ليهو كويس انك عملت كدا على  الأقل استفدت من حركتك دي ..... ما تستغرب انا كمان بفضلك قدرت اكسب آسر صاح انو عملتك غلط بس يلا اصلا هي كدا كدا ما بتعرف...... قال ليها طيب وقت عرفتي ممكن تبطلي حركاتك دي...... قالت ليهو ما بوعدك بي حاجة......

من جهتي وقفت مصدومة  ما عرفت اضحك ولا ابكي على الكلام الاتقال عني دا ايوة انا سمعتهم سمعت كل شي انسحبت وطلعت وانا حاسة انو ضربوني مية كف  دخلتا القاعة وشلت شنطتي وطلعت من الجامعة... طلعت وانا حالتي حالة معقول ههههه لا لا ما بصدق لو زول قال لي ما بصدق لاكن سمعتو بي نفسي وماف زول قالو لي...... للدرجة دي انا هنت عليهم دمعة حارة نزلت مسحتها بس  دموعي ما وقفت ابدا حاولت اخد نفس وما انهار وابقى ثابتة لما حصلت البيت وانا ما عارفة حصلت كيف دخلت غرفتي وقفلتا على......

ثم ماذا؟؟
"  لا أريد أن أبكي لا أريد أن أبكي _لاكنني بكيت _بكيت كما لم أفعل من قبل _ بكيت بكل  حواسي هذه المرة 💔و حين نبكي على أية خسارة في حياتنا فنحن لا نبكي على اللحظة_ أو الموقف_ أو حتى سوء الفهم_ أو عدم انتباهه ،_ لا نبكي على ما حدث أو ما سيحدث ،_ نحن نبكي من قلوبنا على قلوبنا_ وأرواحنا ، على تَعبنا وأيامنا ،_ ذكرياتنا وليالينا الطويلة_💔 ، نبكي على تضحياتنا التي قدمناها_ وتنازلاتنا الكثيرة لإرضائهم ، _نبكي على خسارتنا لأنفسنا فنحن لا نستحق كل هذا..💔

اليوم التاني.....
دخلت الجامعة وانا بجر في رجليني جر..... وانا ماشة للقاعة لقيت لؤي وأمير قاعدين في بينش ولؤي من شافني قام وجا على وفي وشو ابتسامة كبيرة وقال لي أمس فتشتك ما لقيتك طلعتي بدري ولاشنو عاينت ليهو وانا قلبي بنزف من جوة لما شافني بعاين ليهو قال لي ملاك بتكلم معاك..... رفعت يدي وضربتو كف بي كل حرقة بقينا نعاين لي بعض.... كسرت الصمت وقلتا ليهو وانا بصرخ فيهو ومقهورة شديد.... لي يا لؤي لي تعمل فيني كدا .... انا ازيتك بشنو..... جاوبني لي كدا انا العمري ما حصل مرة ازيتك ولاحتى فكرت اني اعملها لي تقابلني بي الطريقة دي...... انا العمري كلو كنت بحبك من دون أي مقابل... بس انت عملت شنو غير قدمت لي الوجع والألم..... كنت بتجاوز كل شي عشانك وعشان انا خاتاك في مقام عالي في قلبي..... كنت عايشة معمية على اني بحبك كنت بتجرحني وبتهيني وبتزلني قدام كل الناس.... بس انا غمضت عيوني علي كل الحاصل واتجاوزت بالرغم من انو كان جارح وشديد كمان..... انا ماقادرة أصدق انو انت عملتا كدا فيني...... ازيتني كتير ولا حاولت أأذيك في يوم..... ما عرفتا كيف غلطة وحبيتك.... لأنك ما بتستاهل اي شي......ضميرك كان وين لما طلعت الإشاعات ديك عني.... لؤي معقولة انا بستاهل الحصل لي دا بس عايزة اعرف انا بستاهل ..... وين كان ضميرك  لما ما خلو لي شي وما قالو  عني انا اتعرضت لي اسوء وابذء الكلام بي سببك وانت ما رفة ليك جفن وانت بتشوف كل شي قدام عيونك...... كنت بتشوفني وانا بتعزب قدامك وما حاولت حتى انك تتدخل ومثلت انك الإنسان الرهيب داك...... انت رميتني في النار بي يدينك وشوفتني بتحرق قدامك...... لي عملت كل دا نيتك كانت شنو.... وعشان تثبت شنو.... دموعي خزلوني وضربتو وقلتا ليهو اتكلم سامعاك...... انت عارف انا وحدة غبية غبية شديد وبعترف ياخ انا كنت دايما بحاول اني ما اخسرك.... كنت  دايما بتجاوز وبتنازل عشانك.... ودا كلو لي وعشان منو اتخيل عشانك..... وانت تجي بي كل بساطة تطلعني  واحدة تافهة قدام كل الناس وما راعيت لي ........لو زول قالو لي كنت كزبتو بس انا سمعتك... وللأن ما قادرة أصدق.... قال لي ملاك انا آسفة انا..... قاطعتو وقلتا ليهو آسف آسف على شنو بالضبط كدا..... انت من البداية كنت بتنكرني شنو الماعملتو فيني آسف على شنو حدد لي حاجة واحدة اقدر اسامحك عليها..... إذا الحب كان مبرر للعملتو بحب اقول ليك انو الإنسان البحب ما بجرح..... ما بأذى... ما بخلي الطرف التاني أبكي..... بكون مستعد أضحى عشانو.... بس انت ما حببتني..... أو يمكن ما حبيتني من الأساس...... على كل انا يا لؤي انا كنت خايفة اقول ليك واصدمك بالحقيقة بس حاليا انا بقولها ليك انا بقيت ما بحبك انا بحب زول تاني عارف دا منو دا آسر.... كنت حاسة بالذنب اني بجرحك لما تعرف بس لا طلع الجرح العمتلو لي أكبر بكتير سقطت من نظري للمرة المليون ومستحيل اسامحك للأسف دايما الخزلان بجي من اقرب الناس بس ما كنت متوقعة الكلام دا صاح بس انت مثال حي يا ريت ما كنت صحبي ولاكنت بحبك في يوم... بتمنى لو كنا غرباء على الأقل الألم ما بكون عميق......💔

و  مشيت خليتو  
أمير ختا يدو على  كتف لؤي  وقال ليهو انا وريتك انك عملت أكبر غلط وفي يوم بتعرف
وبتكون خسرتها......انت ما عارف انو خيانة الثقة و كسرت النفس صعب انها ترجع
 وانا ما بلومها ابدا لأنو العمتلو  ما هين... وانت عارف انو من البداية انت الخليتها تبعد.... و زي ما قالت ليك هي بتحب زول تاني انساها لأنك أنت الاتسببت بي كل شي ولازم تتحمل
....النتائج.... قال ليهو بتعب بس انا ما بقدر انساها بالسهولة دي بحاول تاني وتاني   هي ما قالت إنها بتكرهني وبخليها تسامحني ......

 
...... مشيت بعيد شديد وقعدت ما حضرت المحاضرة الأولى  ..... وانا قاعدة وشاردة في زول قعد جمبي لقيتها تالا قالت لي ملاك انت كويسة احكي لي شكلك مهمومة ابتسمت ليها بي تعب وقلتا ليها وانا بعاين في الفراغ في مواقف بتحصل  من أشخاص قريبين منّا بتخلينا  ننفُر منهم ، هم ما  سيّئين أبداً ، هم دائما كانو  معانا قلباً وقالباً ، ولكن في  مواقف ليهم معانا سيئة في حقّنا ، بتخلينا للحظات نفكّر انو نبتعد عنهم ، خلونا محتارين نعمل شنو  ونتصرف كيف  ، في مواقف أمكن  تكون بسيطة بنظرهم لكن أحزنتنا ، إستِهتارهم بحاجات  بتخصّنا وبتعني لينا كتير ، ردودهم الباردة في عِز حرارة الموقف ، مواقف كانو شايفنها  بسيطة وفي النهاية اتهمونا بتضخيم الأمور ، وفي الحقيقة لو ختوا روحهم مكانا ، كان حسو  بنفس الشعور الحسينا بيهو  ، مواقف بتخلينا  نُقلل الحديث والتواصل معاهم ، ونخت  مسافة أمان بينا وبينهم لأنهم حسسونا  وبدون قصد أنو نحن ما  ما بنهمهم ولا راعو لي مشاعرنا ... أمكن  تكون مواقف بسيطة لكن أظهرت لينا مكانتنا الحقيقية في حياتهم......

 عاينت لي مستغربة من كلامي...... قلتا ليها ما تركزي كتير وما تشيلي  هم انا كويسة.... قالت لي ارح نمشي محاضرتنا قربت ونحن ماشين.... صادفنا بتين ماشات..... البت قالت لي صحبتها انا من القروية الفقيرة دي دخلت الجامعة كنت عارفة انو ناوية على حاجة...... صحبتها قالت ليها ما تسمعك قالو هي ساحرة وبتستعمل السحر الاسود ممكن عادي ترسل زول اقتلك ارح ارح......
 تالا قالت لي دي شنو دي السخافة البقولو فيها دي ودا منو النشر الإشاعة دي..... قلتا ليها بس انا عارفة دي منو......
كانت كيارا هي النشرت الإشاعة دي ونسبة لحاجات الحصلت في الفترة الأخيرة صدقوها..... انا وتالا كل ما نمر على ناس أبدوا اتكلمو فيني.... تالا قالت لي ما تزعلي كلنا عارفين انو انت ما كدا..... ونحن ماشين في طلاب بقوا بقولو لي  اطلعي من المكان دا يا ساحرة.... دا ما مكان للبتعملي دا..... قلتا ليهم ما بطلع  البقدر اطلعني من هنا اتفضل..... كيارا جات علينا ودخلت بين الحشد دا وقفت قدامي..... وقالت لي بي  سخرية اطلعي من هنا انتي مثيرة للشفقة ماف زول طايقك هنا...... لؤي وأمير شافو التجمهر دا وحصلونا.... أما تالا زحت كيارا وقالت لينا في شنو لي بتتشاكلو
 ما كنتو أعز صحبات...... كيارا قالت ليها كنا يا تالا وكان فعل ماضي...... غمضت عيوني وقلت ملاك اهدي.... بس هي أتجاوزت كل الحدود....... سمعتها قالت لي مالك سكتي يا ساحرة...... مشيت وقفت قدامها رفعت يدي وضربتها كف قلتا ليها انا اسفة  كلهم كانو بعاينو لينا بي صدمة...... كيارا مسحت خدها وقالت لي تضربيني حتى تعتزري....... لؤي قال لينا وقفوا البتعملهو دا...... قلتا ليهو اتأخر الزمن انت بالذات ما تتكلم..... قبلتا على كيارا وقلتا ليها  انا ما اعتزرت ليك  عشان ضربتك.... انت تستاهلي اكتر من كدا.... وما اعتزرت ليك عشان انتي صدقتي الإشاعة العارفة انها غلط واتماديتي اكتر..... انا بعتزر لاني اعتبرتك صحبتي وحبيتك زي اختي بالضبط..... اسفة لاني انا ختيتك في مقام عالي وعزرتك لأنك ما كنت عارفة الحقيقة بس لما عرفتي فضلتي انك تتغابي وتجرحيني بي أبشع الطرق ..... انا بعتزر لي نفسي لاني اتخليت عن البحبو عشانك بس انت ما بتستاهلي ...... بعتزر لي نفسي لاني عرفت قيمتها ومن الليلة انا سحبت يدي عن أي زول ما ختي لي اعتبار ولا عاملني زي ما انا دايرة....... ما أنا الطرف الببادر وبرمم كسور اي زول...... لأني استسلمت في النهاية اتخليت عن كل شي لاني حاربت.... وقاومت .... وبكيت.... واتخزلت مية مرة.... و استهلكت مشاعري في ناس ما بستاهلو ولازرة...... انا يا كيارا ما بتخلي ليك عن أي شي ولاشي.... قالت لي قصدك شنو.... قلتا ليها هة اسفة لاني ما بخلي ليك آسر بعد اليوم عرفتي قصدي.......

كيرا كانت بتعاين لي بي صدمة وكل الطلاب كذالك...... واحدة قالت لي انت خاينة كيف تعملي كدا في لؤي ..... وبت تانية قالت لي يا ساحرة اطلعي من الجامعة دي وما تصتادي الشباب...... أمير قال ليهم انتو مجانين ولاشنو.... ماف اي سحر في الموضوع........ لؤي قال لي بي زعل وينو آسر البتحبيهو دا لي ما ظهر عشان أحميك اتخل عنك ولاشنو..... قلتا ليهو مع انو موقفك ما بسمح ليك بس بحب ازكرك  انو هو حماني عدة مرات لما في زول كان ناكر وجودي نهائيا..... طوالي سكت...... كيارا قالت لي بعد صدمتها زحت ما عارفة كيف صاحبتا لي بت حزروني كل الناس منها.... اتوقعت شنو من قررية متخلفة زيك.... معقولة آسر بحب ليهو ساحرة زيك يا غبية...... قلت ليها انت فاكرة انو كدا بتحبيهو.... انت ذيك وذي كل البنات بتحبوهو لأنو  هو الشاب الغني الوسيم بتعرفي شنو عنو غير  اسمو وكنيتو  يا غبية انتي قالت لي انت منو عشان تحكمي  على.....

آسر دخل لؤي قال ليهو كلو بي سببك يا واطي...... آسر قال ليهو بي برود انت  خليك بعيد.... قبل على وقال لي خطابك مؤثر.... قلتا ليهو ما كان تتدخل كنت حليت المشكلة...... عاين لي كل الطلاب وقال ليهم يا جماعة ملاك ما ساحرة زي ما بتقولو انا الساحر..... كلهم بقوا بعاينو لي بعض..... كيارا قالت ليهو بس انا شفتها..... قال ليها بي برود انت ما شفت شي قالت ليهو ما تكزب عشان تحميها.....
؛تالا بي استغراب بقيت ما فاهمة شي..... أمير قال لي تالا براحة كلام آسر صاح لأنو شوفتو ظهر من العدم..... الطلاب صدقوا انو آسر الشاب الظريف الطيب البحاول احمي  القروية..... هيام قالت اثبت لينا انك انت الساحر ..... قلت لي آسر لا ما تتصرف تصرف غبي بي سببي...... اتجاهلني ومشى بي اتجاه هيام الكانت خايفة شال الشيت الكان في يدها وشرطو قدام كل الناس و رماهو عاين ليهو بي عيونو ركبو ورجع الشيت زي ماهو....... هيام شالتو من الأرض وهي ما مصدقة.... آسر قال ليهم بي برود قلتا ليكم انا الساحر...... بعد فترة من الصمت بقوا بصفقوا كلهم 🤣عاينت لي آسر وآسر عاين لي ومستغربين لأنو دي ما ردت الفعل الكنا متوقعنها......

بت ١قالت مززززهل.... بت ٢ قالت ليهو اعمل خدعة تانية.... هيام قالت ليهو خدعة الاختفاء..... أمير قال ليهم هسة مش طردتو ملاك لأنكم قلتو انها ساحرة.... يلا اطردو آسر..... سهى قالت ليهو بي سخرية كيف نطرد الملك الغامض...... سبأ قالت شوفتو سحرو رهيب كيف....... كيارا قالت ليهو بي إعجاب مززهل كل يوم بتفاجأني.... طبعا ما وقفت وانا بشوفها متلصقة فيهو قلت
 ليها تقريبا انا وريتك شكل العلاقة البناتنا فشنو طلعي من راسك..... كيارا  قالت لي بي سخرية وكانو هو  بعاين ليك ..... آسر بي برود واستفزاز قال ليها كلامك صاح حتى أنها  دايما بتقع في المشاكل ومزعجة كمان...... كيارا قالت لي وصلك الجواب ماف زول شغال بيك غير الغبي الوحيد لؤي......حافظت على ثباتي و قلتا ليها قبل شوية قلت شنو انا رفعت يدي عن أي شي وعاينت لي آسر وقلت ليهو حتى انت...... آسر قال لي قبل  شوية قلتي شنو.... وهسة ماشة تخلي حاجة بتخصك هنا أمكن اسرقوها ما بتخافي عليها..... قال ليهم تقريبا كل شي وضح ليكم صاح حاولو انو تضايقوها وبحصل  ليكم زي ما حصل لي الشباك داك وبنظرة من عينو إنكسر قزازالشباك... قال لي نمشي يا ملاك
عاينت لي لؤي ومشت.....
لؤي طلع من المكان وأمير معاهو
...... كيارا بقت تبكي... تالا مسحت دموعها وقالت ليها اهدي اصلا
  علاقتكم كانت مستحيلة وما وعدك بي شي ...... كيارا قالت ليها وعلاقتو مع ملاك ما كانت كدا..... مسحت دموعها وقالت ليها اتأكدت من أنها ساحرة.......

لؤي ضرب الحيطة لما يدو نزفت أمير قال ليهو وقف البتعمل فيهو دا لأنو غير بسبب ليك الألم ما بعمل شي..... كل شي وضح ما عندك حل غير انك تتنازل.... هي اتنازلت ليك
قبل كدا وانت لازم تعمل نفس الشي.....
لؤي قال ليهو انا ما بتنازل عن حاجة حقتي ما بتنازل أنا ما بسمح بكدا نهائيا لو ما كانت لي ما بتكون لي غيري.
......
من جهتي.... اليوم مشي عادي جدا من دون مشاكل بعد خلصنا محاضرتنا  وانا وآسر  ماشين في الشارع وقربنا نصل بيتنا قال لي للأن مستغرب كيف فجأة كدا جاتك الجرءة انك تقولي كدا..... قلتا ليهو حتى انا ما عارفة..... كيف في نفسي قلت من الأحسن  اني ما احكي ليهو بالحصل انا ولؤي في النهاية نحن افترقنا .... سمعتو قال لي الجامعة دي طلابها  غريبين عاينت ليهو وبقينا نضحك. 🤣🤣قلتا ليهو صفقوا ليك عديل..... قال لي ما عارف هل هم أغبياء ولا مجانين..... كنت بعاين ليهو لما كان بضحك لاحظ لي وعيونو واسوارتو بقو اتلونو بي ألوان مختلفة...... قال لي مالك بتعايني لي كدا.  ...... ضحكت وقلتا ليهو معناة تغير الألوان يعني انت حاسي بالاحراج... قال لي ما صاح.... قلتا ليهو صاح.... لما قلت عني بقع في المشاكل ومزعجة وكان ما بتعاين لي للحظة حسيتك جادي..... ابتسم بي مكر وقال لي منو القال ليك انا ماكنت جادي..... ضربتو وقلتا ليهو مدام الكلام جاب الكلام ما داير توريني مظهرك الحقيقي...... اتجاهلني.... قلتا ليهو ما اكون جلدك أخضر وعندكم قشور وزيول..... قال لي انا تمساح.....قلتا ليهو وريني ياخ..... قال لي واثقة من روحك انك ما بتخليني إذا عرفتي شكلي..... قلتا ليهو طبعا واثقة...... قال لي ياريت لو بقدر اختبرك بس نحن ما بنغير زيكم كدا بنعجز لاكن طبيعتنا زي البشر...... قلتا ليهو بس انا قريت عنكم  و... قال لي وقفي تصديق المواقع الغبية دي  بتصورنا كأننا وحوش وفي الحقيقة نحن أجمل واظرف منكم..... عاينت ليهو بي سخرية وقلتا ليهو اظرف انت جاااادي... انتظر خشنت صوتي وقلتا ليهو "لو حكيتي لي زول بقتلك"..... ضحك على وقال لي بالغت شوية معناة بقيت بضحك وقلتا ليهو انت ما بالغت انت كترت المحلبية واتقمصت الدور شديد..... ونحن ماشين وبنضحك القى ليك امي واقفة في الباب وبتعاين لينا...... وقفت... قال لي مالك وقفتي قلت ليهو امي ممكن تمشي اذ ما مرتاح.... قال لي لا عادي امي سلمت عليهو وقالت ليهو وين اختفيت من اليوم داك..... قال ليها بي توتر حصل لي موضوع مهم ونسيت اودعكم..... أمي فضلتو في البداية رفض بس تاني دخل...... بقيت بعاين ليهو وهو متوتر كدا منظرو كان بضحك وهو عشان بعاين ليهو التوتر زيادة..... قلتا ليها طبعا يا أمي دا آسر الحكي ليك عنو الكان كتلة من التلج الليلة بقى دي الطماطم وبقيت بضحك....... قال لي بي انزعاج  صحي وانت شكلوا امك ما عارفة بس انا بحكي ليها.... انتي بت كلامك كتير ومزعجة وامكن بلعت ليها راديو.... دا غير انك لسانك طويل وبتعملي مشاكل وين ما مشيتي...... قلتا ليهو بنزعاج خلي الكزب يا آسر.... قال انا ما بكزب..... قلتا ليهو انا انسانة هادية وكل الناس عارفة كدا...... أمي بقت تضحك علينا وقالت لينا انتو متأكدين انكم في الجامعة.... في البداية كنت قايلاهو لؤي بس طلعت انت غريبة صاح في شنو بيناتكم ..... قال ليها براحة  لأنو نحن مرتبطين إذا ما عندك مانع ...... قلتا ليهم بتقولو في شنو انتو.... قالت ليهو بي ابتسامة انت شاب ظريف كيف ترتبط بي البت المزعجة دي...... قلتا ليهم ثواني انتو بتقولو في شنو..... قال لي امي ما عارف كيف ارتبطت بيها بس اعمل شنو كل زول عندو عيوب ومميزات بس بي سبب عيوبها وقعت...... أمي قالت ليهو حلوو انت يا آسر من الكوكب دا لأنو كلامك حلو .... بقيت بعاين ليهو بستغرب بجيب الكلام والثقة دي من وين.... أمي وآسر اندمجو في الونسة  ...... من عيونها كنت عارفة انو امي عندها أسألة كتيرة بس اجلتها لما امشي....

كيارا من رجعت البيت وهي حابسة روحها وامها قدر ما حاولت معاها رفضت انها تتطلع....... لؤي وأمير كانو سوا ولؤي بشرب في السجاير بي إهمال.... أمير قال ليهو السجاير دي ما بتعمل ليك حاجة..... قال ليهو خليني يا أمير دا الشي الوحيد الكويس حاليا بس صدقني ما بخليها ليهو ..... قال ليهو انا ما عارف لاكن انت براك عملتها في روحك.... قال ليهو ما فهمت..... قال ليهو لأنك من البداية تصرفك كان غلط..... لؤي بي غضب انت مالك يا أمير داير تزيد لي الألم ما عارف انت صحبي ولا واقف ضدي..... وطلع مشي بيتو......

 أمير قال انا بقول الحقيقة بس وطلع مشي المطعم.... لقى لدن بتغسل في العدة..... عاينت ليهو بس ورجعت تغسل..... بعد فترة في نادلة قالت ليهو انو في زول طلب اشوفك.... قال ليها بي استغراب دا منو... قال ليهو دي بت قالت إنها صحبتك..... كان ماشي بس لدن قالت مشش دي منو دي البتصاحب ليها واحد غبي ذيك.... قال ليها سمعتك بالمناسبة الغبي البشوفيهو دا كل الناس مكرشين عليهو..... قالت ليهو امش امش هسة السألك منو بتكلم براي..... عاين ليها بي حدة ومشى......
لما طلع لقاها دي تالا سلمت عليهو وقالت ليهو متفأجا صاح...... لدن كشفت ولقت ليها بنت سمحة قالت هسة البت السمحة دي بتكرش لي زول غبي زيو هة انا مالي بيهو ورجعت للغسيل...... أمير قال ليها فعلا اتفاجات من جيتك.... قالت ليهو دايرة أعوض عن اليوم داك فعزمت نفسي.... قال ليها ما كان في داعي..... وقعدو...... من جهة لدن  خطرت في بالها فكرة وابتسمت بشر وقالت في نفسها جا دور الانتقام يا أمير...... مشيت ليهم بي أكبر ابتسامة..... أمير من شافني قال لي مكانك المطبخ بتعملي شنو هنا.... قلتا ليهو جيت اخرب ليكم القعدة.... تالا بي استغراب عفوا.... قلتا ليها بهظر معاكم جيت اخد الطلب حقكم..... أمير انزعج مني وقال لي ارجعي لي شغلك والا طردتك...... قلتا ليهو تؤ تؤ  غلطة من جديد لاكن بصلح ليك الجملة الصحيحة هي انا بطلب من ابوي انو اطردك...... عاين لي بي انزعاج ظهر عليهو وانا منجوة مبسوطة كيف..... قال لي يعني ما ماشة من هنا...... قلتا ليهو انا قعد اشتغل شغلي وبس....... قال لي بي هدؤ  وهو بحاول انو ما اصرخ فيني عشان برسيجو وكدا... امشي لما نكون دايرين نطلب بناديك..... عاينت ليهو بي لامبالة وقلتا ليهو اوكي على كيفك.... وكل ما تجيني فرصة بمشي اضايقوا الانتقام سمح ياخ...... في النهاية قعدت في طاولة ومسكت تلفوني لما نمت من تعب الغسيل....... تالا لاحظت لي وقال لي أمير شوف النادلة دي جميلة وظريفة كيف لي بتتعامل معاها بحقارة...... قال ليها لأنها مزعجةَ بشكل قبل على وبقي بتأمل ملامحي في نفسو هي اصلا  جميلة شديد..... لدن وهي نايمة كانت بتهلوس وبتقول ما راجعة انا ما راجعة معاكم فكوني....... قال لي تالا حتى وهي نايمة لسانها بكون شغال.... تالا قالت ليهو شنو.... قال ليها خلينا نطلب بعد كدا.... قالت ليهو والنادلة... قال ليها بي ابتسامة خبيثة خليها نايمة عشان امسكها ليها زلة..... تالا قالت لهو الفالنتين قرب بنحتفل سوى اتفقنا .... قال ليها ما بوعدك بحاجة للزمن داك إذا وقعت في حب زولة اعتربي اتفاقنا ملغي..... تالا قالت في نفسها مستحيل تحب ليك زولة في حدود اسبوعين انا واثقة..... المهم بعد ساعتين ودعها وهي مشت...... كنت نايمة بس اسمع ليك حاجة قالت طااخ قمت مخلوعة قال لي نايمة في الدوام..... قلتا ليهو خلاص مشت البت وداير تفك برستيجك فيني.... قال لي بنزعاج امشي كملي باقي العدة الخليتها وراك دي وما تطلعي مالم تخلصيها...... قلتا ليهو ما جادي صاح قال لي سرعة.... قلتا ليهو لي بكرة ما بخلص منها.... قال لي ما بخصني المهم انها تتغسل حدرت ليهو وبي جوة بنبذ فيهو الكريهة دا ومشيت اغسل العدة.... أمير كان بعاين لي لما نام في الكرسي... عاينت ليهو وقلتا ليهو زول كريهة استمتع بي عزابي وهو نايم... لاكن لو نظرت في الموضوع انا ما حصل مرة عملت كدا وتعالى ظريف بس  بحب استفزو ياخ بحس بي راحة نفسية عجيبة بعد خلصت العدة ولا حاولت اصحيهو بعد جهزت روحي... عاينت ليهو وقلتا ليهو مسكين لو فاكر اني بصحيك اتعزب بس بالكرسي دا عشان بكرة تقوم مكسر وضحكت ومشيت  ......

من جهتي آسر ودعنا ومشى طبعا ابوي جا لقاهو قاعد وضارب الونسة..... بقيت واقفة في الباب وبعاين ليهو  امي  ندهت لي قفلت الباب... قالت لي اقعدي.... قعدت وانا متجهزة للأسئلة قعدت وقالت لي بعد التقرير العملتو عن آسر دا .... قلتا ليها ولقيتي كيف قالت لي هو زول كويس شديد ومتفهم وزول راقي.... بس لؤي دا وديتي وين قلتا ليها يا أمي لؤي دا صحبي بس ما اكتر وقبل كدا شرحت ليك.... انا عزمتو لأنو كان داير اتشكرك واعتزر انو مشي بالطريقة ديك... قال لي اممم قلتا ليها انا ماشة غرفتي...... دخلت كدا امي جات بي وراي  قالت لي  يا بتي انا صحبتك ما تدسي على انت بتحبيهو ..... قلتا ليها امي يا صحبتي اكيد... قالت لي ما سألتك قدام ابوك لاكن انت من زمان لاحظت ليك متعلقة بي لؤي ولا ما صاح..... قلتا ليها يا أمي انا ولوئ مجرد أصدقاء وبس..... قالت لي انا ما عارفة لاكن لو  انتي متأكدة انو دا االانسان المناسب ليك بتمنى ما تكوني غلطي.... ابتسمت ليها وقلتا ليها انا سبق وغلطت وندمت بس هسة انا متأكدة..... قالت لي أن شاء الله وطلعت......

قمت من الصباح الليلة جهزت الشاي بي نفس فاتحة ودايرتا البيت وجهزت وطلعت... حصلت الجامعة واي زول بشوفني ما بقدر اتكلم معاي ولا حتى اطاعنوني في الكلام... وانا ماشة تالا جات على وسلمت على سلام حلو... قلت ليها انتي ما زعلانة مني...... قالت لي ولي ازعل منك.... عرفت من كيارا كل الحقيقة اصلا كنت عارفة انو دا افترى... المهم دا ما موضوعنا كيف قدرتي توقعي الشاب الغامض بعترف اني كنت قايلاهو عديم المشاعر بس اتصدمت ياخ ..... قلتا ليها انه الحب ههه..... لاحظت اني لابسة سلسل... رفعتو شوية واتأملتو وقالت لي سلسلة رهيب شديد.... ما شفت زيو في أي مكان... اصدارو بكون حدود.... اشتريتي انت؟؟...... قلتا ليها دا هدية من آسر..... قالت لي زوقو راااقي..... كيارا كانت واقفة بي ورانا ولما سمعت حديثنا... لفتتني وقالت لي ما خلصنا كلامنا ولزتني لما وقعت..... قلتا ليها كيارا انا ما دايرة معاك مشاكل بس بدت تتهجم على وانا ما كنت دايرة اشتبك معاها..... آسر لقانا بنتشاكل...... جراني وقال لينا دا شنو دا البتعملوا دا... قلتا ليهو فكني لو ما اتسديت منها...... استعمل خاصية الانتقال وصلنا السطوح... أي زول كان ماري بجنبنا وشافنا فقد القدرة على الكلام...... زحيت منو وقلت ليهو مالك بقيت بستخدم قدراتك قدام الطلاب جنيت يعني..... قال لي انا بهتم كتير اصلا انا الملك البسألني منو يعني.... ما تتشاكل سوى تاني حتى لو هي بدت..... دخلنا المحاضرة وطلعنا منها ونحن ماشين ختيت يدي وما لقيت المسلسل قلت بي فزع وين هو.... وحريت على القاعة وبقيت بفتش فيهو آسر قال لي مالك بتفتشي في شنو.... اتزكرت مكان اتشاكلنا ومشيت سرعة وانا بفتشو مالقيتو قعدت في الأرض وقلت مالقيتو.... ما كان البسو من البداية.... انا ما بستحقوا كيف اضيع الهدية  وختيت يدي في وشي ودموعي نزلو.... آسر قال لي مالك يا ملاك..... لؤي جا على لما شافني ببكي  جا وضرب آسر لكمة لما نزف من انفو.... قال ليهو من اول يوم وأنت بتبكيها ..... آسر علين ليهو وعينو حمرو شفي محل الألم ولاكانو حصل شي.... وضرب لؤي ... مسحت دموعي وقلتا ليهو بتتكلم عننا انا وكيارا وانت بتعمل نفس الشي.... قال لي لؤي بي برود لو ما خانتني زاكرتي بكيتها اكتر من مليون مرة من يوم عرفتك...... لؤي قال ليهو انا كنت بحاول حمايتها..... قال ليهو اسمع كلامي كويس لو كنت دايرة حمايتها كان واجهت الناس عشانها....... قال لي يا ملاك ما بخليك تكوني مع الساحر دا اكون في علمك.... آسر كان داير اضرب قلتا ليهو آسر كفاية ياخ... ومشينا خلينا لؤي البعاين لينا بي حدة..... ونحن ماشين آسر قال لي ما دايرة توريني كنتي بتفتشي في شنو... لما بكيتي عشان ... قلتا ليهو العقد الهديتني ليهو ضاع..... قال لي انت لي مهملة كدة..... كلامو خلاني ازعل اكتر من ما زعلانه....... ابتسم وقال لي بحكي ليك  سر....... السلسل ما بقعد مع الزول الشالو وبرجع ليك خليك واثقة من كلامي...... قلتا ليهو قصدك شنو....... قال ما اي زول بقدر البسو ..... ما ركزت كتير كنت زعلانة ومشينا القاعة......

من جهة كيارا كانت في الاستراحة وقفت قدام المراية وطلعت السلسل ولبستو ومن قفلتو القلب اتحول للون الاسود وبقي بضيق لما حست بالاختناق...... حاولت انو تفتحو بس ما اتفتح ليها صرخت وكل البنات حاولو اساعدوها بس ما كان بفتح...... مجد دخل ونشر الخبر وقال لي ناس هيام أجروا كيارا اختنقت وهي في الاستراحة كل البنات جروا..... آسر بي ابتسامة  قال لي ارح نمشي معاهم..... ولاقمت من مكاني قالت ليهو خليها تموت....آسر قال لي البتفتشي فيهو معاها..... فهمت قصدو وقمت عشان ارجعو ما عشان اساعدوها لأنها تستاهل...... مشينا ولقيناها قاعد في الأرض وخاتا يدينها في رقبتها  عاينت لي السلسل لقيتو لونو اسود..... لؤي وأمير  وتالا جو وحاول افكوهو بس ما اتفكي ليهم...... كيارا عاينت وقالت لي وهي بتبكي ملاك بتفكي كيف...... قلتا ليها بي برود زي ما سرقتيهو ولبستيهو فكيهو......كيارا قالت لي ماقدر هو ملصق..... آسر قال لي انتي الوحيد البتقدر تفكيهو....... قلتا دي شنو دي السخافة دي.... ومشيت فتحتو من دون أي شي تعب رفعتو كدا لونو رجع طبيعي..... حتى كيارا بقت تتنفس طبيعي ......طبعا كل الناس كانو مندعشين صراحة حتى انا...... كيارا قالت لي شكرا..... اتجاهلتا ومشيت لي آسر وقلتا ليهو دا شنو دا السلسل المزهل  دا ما طبيعي جبتو من وين  ..... أمير بي إعجاب قال كأنو هو تلفون بتفتح بي بصمة صحبو ...... آسر شالو مني ولبسني ليهو وبقي بشع وبتلألأ...... كل الناس كانو فاتحين خشوههم مترين والبنات دل اكلوني اكل من الغيرة........ وانا اشيل وابتسم بالذات لي كيارا مغرزة ساي 🤣......

في الطريق ونحن ماشين البيت..... قلتا ليهو آسر ياخ ما بتوزيني بي سر السلسل دا.... هل مصنوع خصيصا عشاني..... ضحك وقال لي لأ..... قلتا ليهو وانا بفكر اممم خنق كيارا لأنو قلبها اسود.... إذا دا سلسل فضائي...... قال لي وهو بضحك لو دققنا في الموضوع انتي برضو قلبك ما بي البياض دا 😁..... قلتا ليهو بي صراخ وريني طيب..... قال لي قديتي اضاني طيب اسمعي... السلسل دا مصنوع من أحجار ومجوهرات نادرة جدا في كوكب ايكادولي فقط..... أهداني ليهو ابوي قبل وفاتو وقال لي اهديهو لي البت البحبها وما اي بت لازم اكون متأكد من حبي ليها..... لأنو غلط صغير ممكن عادي اقتلها لو طلعت زولة غلط..... رسمت ابتسامة كبيرة وقلتا ليهو يعني البت البحبها بس هي البتقدر تلبسو.... بس سؤال إذا بقيت ما بتحبها؟ 🌚..... قال لي ما سألت عن الموضوع لاكن حابة نجربو.... ضربتو وقلتا ليهو غليظ خلاص....... حصلنا لي مفترق طريق واي زول مشي بيتو....... انا من دخلت الباب لقيت لؤي قدامي بدون ما افهم شي جرا السلسل بقيت بصرخ فيهو.... على صوتنا ناس امي وابوي جونا.... قالو في شنو..... لؤي قال ليهم انتو ما عارفين انو ملاك ماشة ليها ساحر لا كمان ومرتبطين.... أهداها سلسل وفيهو سحر وخلاها تكرهنا كلنا....... قلتا ليهو لؤي خلي الكرب....... أمي ضحكت فيهو وقالت ليهو استفيد شنو لو عمل ليها سحر وكمان لي ملاك.... لو قلت العكس كان صدقتك 🙂قال ليها يا خالتو سلوى انا جادي هو خطر عليها...... قلتا ليهو لؤي اطلع برة.... قال لي لشنو انا غلطان في حاجة اكيد قال ليك ما تحكي لزول...... ابوي قال ليهو دا شنو البتقول فيهو دا...... قال ليهو يا عمي لازم تتصرف مع الساحر داك...... ابوي قال لي ملاك هل هو بالجد ساحر....... قلتا ليهو لؤي كفاية ياخ انت لي بتحرج  نفسك كدا...... لو ما ساحر لو جا من الفضاء انا مابخليهو مطلقا..... وانت كيف تتكلم عن الاذية والحماية...... قبلت لي ناس امي وقلتا ليها لؤي الرهيب الشايفنو قدامكم لما كان بتحاهلني وبنكر معرفتو بي وعرضني بي أشد انو الألم..... الساحر داك قاعد وكان وبساعدني كل يوم..... لما لؤي الواقف قدامكم كان بشوفني  انا بختنق قداموا لانو المحلات الضيقة ما بتنفع معاي...... خلاني بكل بساطة الا الساحر جا وفتح لي الباب.... دايما السحر داك كان بساعد البت المنبوذة من كل الطلاب.... وحتى من صاحب طفولتها..... وانا ماشة على غرفتي قلتا ليهو لؤي اطلع من هنا ما تبقى روحك مهزلة ودخلت غرفتي وقفلت الباب بصوت عالي.......ابوي قال ليهو كيف بتعمل كدا يا لؤي بعد ثقتنا فيك كنت عارف انو ملاك دي أهم حاجة عندنا ونحن امناها عليك ..... قال لي ابوي وهو خجلان منو انا بعتزر عن كل شي..... أمي قالت ليهو خجلك وإنكارك لي معرفتها هو السبب في كل شي..... لؤي نزل راسو وطلع........

من جهة أمير دخل المطعم ولبس المريلة وفتش بعيونو عن لدن رجعت بتشيل الطلبات..... وقفني  وقال ليها يا حسودة كيف تخليني نايم في الكرسي.... قلتا ليهو بالجد ما شفتك ياخ.... المرة الجاية لو شفتك بفكر اول كويس.....قال لي انتي اتعلمتي فنون الرد دي من ياتو مدرسة..... قلت ليهو اتعلمتها من انا شافعة عشان الزيك ديل البوقفهم عن حدهم  منو غيرنا نحن..... كنت بنظف في الطاولة قعد فيها وكشح الموية وعاين لي..... قلتا ليهو مالك بتعاين لي كدا..... قال لي منتظرة تمسحي المكان..... رفعت ليهو حاجبي وقلتا ليهو انا امسح الطاولة الكشحت فيها الموية.... قال لي طبعا..... ضحكت فيهو وقلتا ليهو معقولة لسة ما عرفتني انا منو.... داير تمسحها امسحها انت ما داير تمسحها خليها كدا  وكمان من دون الطاولات الا دي ما بقرب عليها ومشيت خليتو...... ابتسم وقال في نفسو لو مسحتها ما كان عرفتها.... بس غريب تصرفها اول كانت متجاهلاني اما هسة رجعت لي ردودها السخيفة معاي انسانة متغيرة المزاح........ اليوم كان المطعم مزدحم شديد من دون الايام والناس كانت كتيرة شديد ولسة كانو بجو انا دوامي خلص بس اضطريت اقعد لأنو الطلبات كانت كتيرة...... بعد المطعم بقى هادي حتى طلعت شلت شنطتي ومرقتي من المطعم  تلفوني ضرب لقيتها حبوبة رشا..... رديت ليها قالت لي وينك يا بتي اتأخرتي .... قلتا ليها اسفة يا حبوبة الليلة المطعم ملان....اضطريت اقعد.... قالت لي لاكن في الزمن دا ترجعي براك.... قلتا ليها لسة العشا ما إذن بصل قبل أأذن اطمني..... قالت لي خلي بالك من نفسك.... قلتا ليها تمام..... أتلفت وراي لقيت أمير واقف قال ارح اوصلك معاي الليل جا ما تمشي براك..... قلتا ليهو يا سلام عليك الليلة جبتها من وين شكرا ما محتاجة مساعدتك.... ومشيت منو قال لي انتظري انحن حاليا مافي الشغل خلي الرسمية ما تمشي براك ما تعاندي.... قلتا ليهو تقريبا انا اتأخرت بي سببك صاح لأنك أنت القعدتني لو حصلت لي حاجة دي مسؤوليتك كان تفكر قبل تتطلعني بليل كدا..... انا ما بركب معاك..... قال لي ان شا الله ما تلقى عربية توصلك.... قلتا ليهو شفت الليلة دي عشان كلامك دا ماشة بي رجليني ومشيت منو.....

أمير قال بجد بت عنيدة وراسها يابس بس ل
و حصلت ليها حاجة بليل دا..... وانا مالي بيها شايفها لما بعدت مني.... اتحيرت اعمل شنو في النهاية قلتا ما شغلتي بيها........
كنت حاسة انو في خطوات زول وراي بس ما ركزت كتير وانا ماشة تلفوني تاني ضرب لقيتها ملاك  في اللحظة ديك انا قربت لي نص المسافة والشارع دا بالزات بخوف لأنو ما فيهو حركة.... قلت الو...... بس اسمع ليك زول بي وراي قال لي بت العم كيفك......وقفت ف
ى مكاني...... دا نفس الصوت المابغباني الصوت البفرزوا بين مية زول كنت عارفة انو بلقاني وحتى اني اتجهزت لي المواجهة دي بس جاتني رجفة من الخوف لا لا انا ما متجهزة للمواجهة لسة   بلعت ريقي وقبلت عليهو براحة وقلتا ليهو  بي صوت متقطع م م ماذن يدي الكانت ماسكة التلفون بقت ترجف فصلت الخط من ملاك....... ابتسم لي ابتسامة خبيثة قذرة  وقال لي اااخ يا بت العم اااخ منك ما بتعرفي اشتقت لك قدر كيف.... لي هربتي من البيت عملنا ليك شنو...... مثلا عايني انا عملت ليك شنو لما تتهجمي على بس كل شي منك حلو...... فتشتك كتير حتى لقيتك لي عملتي كدا ما عارفة انو انا لما ازعل بتهور...... قال لي كدا وهي جاي  على..... من الخوف الدخل فيني بقيت ما قادرة اتحرك قلتا ليهو م م ماذن داير مني شنو...... قال لي غلط ما داير منك شنو..... انا دايرك انتي زاتك.... زعلت من يوم انتي  هربتي وحلفت الا القاك وارجعك معاي شوفتي ودعمك شايل همك كيف وخايف عليك ..... بس المرة دي ما بترجعي علي اساس انك بت عمي لا على أساس انك مرتي...... ما تخافي العزاب بجي بعدين اول شي بتتعاقبي على ا
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《25》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من جهة لدن.... صحيت الصباح وصحيت حبوبة رشا وسويت الشاي واتونست شوية معاها.... قالت لي الليلة مالك فرحانة كدا.... قلتا ليها ماف حاجة لاكن حاسة انو اليوم دا حلو من بدايتو.... جهزت روحي وطلعت من البيت... وانا مروقة على الآخر وبدندن.... بس حسيت ليك بي يد بتوقفني.... قبلت كدا لقيتو أمير... قلتا ليهو انت... قال لي انا.... قلتا ليهو بستغراب الجابك هنا شنو..... قال لي انت مالك كلامك كتير كدا ...... قلتا ليهو ما تعكر لي يومي من الصباح ... ايوا داير تأخرني عشان تشاكلني.... قال لي انت مالك مافيك حسنة كدا كل الموضوع اني جيت ماري بي هنا لي شغل ولما لمحتك قلتا احسن اوصلك معاي.... عاينت ليهو بعدم تصديق... وقلتا ليهو شكرا بعرف الطريق..... قال لي انتي مالك عنيدة كدا اصلا طريقنا واحد..... في نفسي قلتا بخسر شنو إذا ركبت معاهو كدا احسن منو احصل بدري ... قلتا ليهو مع اني ما متعودة على التصرف دا منك بس يلا..... ركبت معاهو... بس غير الشارع... قبلت عليهو وقلت ليهو دا ما شارعنا بتخطط لي شنو.... قال لي انتي  مش دايرة تتعرفي على آسر .... الوقت بدري على الدوام ففكرت نمشي الجامعة..... قلتا ليهو كنت هأرفض بس الصراحة انا متحمسة اشوفو ياخ..... ابتسم بمكر وقال لي اذا اشكريني لاني حققت ليك رغبتك.... قلتا ليهو لو نزلتني بعرف امشي براي..... قال لي انت لاقية تركبي عربية راقية زي دي لما توصلك.... قلتا ليهو عربتك عادية ساي فرحان بيها لوكانت آخر موديل كان عملت شنو..... بقي بعاين وما اتكلم تاني......

من جهتي وانا داخلة على الجامعة اتفاجأت لما.  شوفت لدن نازلة من العربية وجاية على... قلتا ليها لدن انت هنا جاية لي شنو بتقري هنا  معانا مثلا؟؟؟..... قالت لي إجابة خاطئة انا جاية عشان اتعرف على حبيب صحبتي الفضائ...... ولقيت أمير ووصلني.... دخلنا ولدن دي  تكشف ساي للجامعة قعدنا في بنش قريب وبقينا نتونس... بعد شوية آسر جا داخل ... رسمت ابتسامة وقبلت لي لدن وقلتا ليها وصل..... لدن عاينت ليهو بي إعجاب وقالت لي دا هو..... ما اتخيتلو حلو للدرجة دي صراحة فاقت توقعاتي.... تقولي عارض ازياء ولا الشعر النازل..... يا بختك يا ملاك... بقيت بعاين ليها بس 😒.... آسر حصلنا وقال لينا مالكم بتعاينو لي كدا .... لدن مدت يدها وآسر مدا يدو بستغراب..... بقت تعاين لي يدو  وقالت ليهو انت عادي جلدك ما بتقشر ....... آسر عيونو قلبو ازرق.... قال ليها بتعملي شنو انت..... زحيتها وقلت ليها لدن دا شنو ياخ .... آسر عاين  لي بي غضب..... قلتا ليهو بي توتر... هههة كنت مضغوطة  فحكيت ليها كل شي.... أمير بقى بلف حولينو  ووقف قدامو وقال ليهو صدقت انك ساحر بس طلعت فضائي..... عاين لي تاني.. وقال لي بي صراخ... انتي وريتي الجامعة كلها صاح ... قلتا ليهو بي ضحكة غباء هههة سمعنا لما حكيت لي لدن دا ما زنبي..... قال لي بي سخرية ما في زول تاني عارف بالصدفة....... أمير قال ليهو لا لا ماف زول عارف نحن بس  ...
 لدن زحت أمير  ووقفت قدام آسر وقالت ليهو  دا شكلك الحقيقي...... اتصنعت البراءة وقالت ليهو لو في فضائي تاني زيك كدا عرفني عليهو..... أمير قال ليها بي انزعاج ماقلت ما شغالة بالشباب.... قالت ليهو الوضع مختلف  انت خليك بعيد..... أمير زحاها وقال لي آسر يعني دا السبب الخلاك تنعزل عن الناس.... قال ليهو بي هدؤ  نعم دا السبب كنت فاكر انو الناس بتهرب لما تعرف حقيقتي ... زي ما عملت زولة كدا..... قلتا ليهو بي انزعاج  انا ما عملت كدا..... قعدنا ولدن دي بس بتعاين ليهو بي إعجاب... لما زمن المحاضرة قربت لدن قبل تمشي قالت ليهو انا وريتك لازم تعرفني على شاب فضائي أمكن نتفاهم و  اعرسوا مجرد التفكير في الموضوع بخليني فرحانة  ...😂 أمير قال بي انزعاج  آسر ولاتفكر... الشباب ديل كلهم ما عاجبنك.... قالت ليهو انت الدخلك شنو لو لقيتو مغرزة ساي بعرسوا....😑 قال ليها وانا قاعد مابسمح ليك وبخرب مخططك كلها..... قالت ليهو ما حسود بس..... انا وآسر كنا بنضحك فيهم.....قلتا ليهم انتو اسبوقونا وانا بقدمها  وبجي.... لدن  وهي  ماشة لسة  بتنبذ في أمير......قدمتها برة الجامعة وبعد اتأكدت انها ركبت حتى دخلت... ومن دخلتي باب الجامعة احس بي يد بتجرني لقيتو لؤي قلتا ليهو فكني ياخ بس ابي وركبي العربية وأمنها وركب ودور العربية....... لؤي في نفسو  كان مصمم انو اكسبها من اول وجديد.... كنت بتكلم معاهو بس هو كان ساكت.... وانا كمان سكتة.... وصلنا لي حديقة قال لي انزلي... نزلتا وقعدنا في واحد من الكراسي.... قلتا ليهو بنزعاج لي جبتني هنا عندي محاضرة بفوتها رجعني.....قال لي  بي هدؤ ملاك انا اسف على كل شي وحتى عارف انو العملتو دا ما مبرر بس انا نيتي كانت سليمة .... انا بعرفك كويس انتي ما بتحبي آسر عملتي كدا عشان  تنسيني ... و كبريائك ما سمح ليك انك تسامحني بالسهولة دي.... لأنو تصرفاتي كانت حقيرة معاك من البداية..... طيب انا اسفة وندمان شديد.... ممكن تسامحني وانا مستعد اعمل كل شي عشانك...... قلتا ليهو بي هدؤ  وانا بوجه نظري للشجر .... انا يا لؤي بعترف اني كنت بحبك حتى قبل شهرين...... ما كنت دايرة انساك حتى بعد العملتو لي ..... ما خططت اني احب آسر ولا استغلو عشان انساك إطلاقا...... بس حصل وحبيتو من دون ما أشعر .... وامكن اكتر من ما حبيتك..... ماكنت قايلة في حياتي بقول جملة "ما بقدر اعيش  من دونك" لزول... إلا لما قابلت آسر وحبيتو..... انا ما قلت انك ما بتحبني بس احيانا الإنسان بختار الزول اللقى الأمان معاهو..... قمت فوق وقلتا ليهو رجعني..... قال لي انتي لي مستعجلة ما خلصت كلامي.... مشيت منو وركبت وهو ما كان عندو خيار الا اوصلني......

من جهة آسر فتش في كل مكان عن ملاك ولقي تالا وسألها قالت ليهو وانا داخلة شفتها كانت  مع لؤي..... وصلنا ونزلت ودخلت ولؤي وراي وأول ماشاف آسر من بعيد مسك يدي وقبلني عليهو... قلتا ليهو لؤي فكني ياخ انا وضحت ليك كل شي.... قال لي انت مصرة انك تجرحيني كدا.... قلتا ليهو إذا بالجد دايراني  ارجع زي اول اقنع روحك انو علاقتنا مستحيلة...... انا للأن ما دايرة اخسر زول انا دايرة لؤي صحبي..... لؤي البعتبرني بس صديقة طفولة وما اكتر من كدا ......فك يدي انا اتأخرت .... آسر جا ادخل وفكا يدي وقال لي لؤي بنزعاج انا ماقلت ليك انو ممنوع انك تلمسها ما بتفهم بالكلام..... لؤي قال ليهو انت ما بتوريني اعمل شنو..... آسر عيونو عمرو مسكو ولصق  بيهو الحيطة وداير اضربو وقفتو وقلنا ليهو آسر لو سمحت مسكتو وزحيتو ودخلنا...... وانحن ماشين قال لي بي برود مشيتو وين انتي وهو...... قلتا ليهو بي سخرية هههه ما تقولي انت غيران..... اتجاهلني وسبقني وقعد ونزل راسو في الطاولة..... لاحظت لي كتاب في شنطة شلتو وبقيت بشوف فيهو كانت معظمها كتابات بخط حلو وفي بطاقة في النص شلتها طلعت بطاقتو الشخصية.... ايواااا تاريخ الميلاد يوم ٤ فبراير يعني بكرة .... رجعت الكتاب....براحة من دون ما احس......

  في طريقنا للمطعم ....آسر تلفونو ضرب..... ردا بي برود في شنو يا عم حسن.... اتحولت عيونو للون القرمزي واختفى في لمح البصر..... قلتا في شنو وعمو حسن قال ليهو شنو.... واللون دا اول مرة اشوفو بس بعني شنو....
من جهة كيارا وتالا في الكفتريا.... تالا قالت لي كيارا الكانت شاردة انتي مالك ياخ بقيتي تشردي كتير كالعادة بتفكري في آسر..... قالت ليها حاسة اني انا الخسرانة الوحيدة في كل الحصل دا..... خسرت الزول البحبو عشان صحبتي... بقيت أضحوكة لكل الجامعة.. حاسة بالذنب بس كل ما اتزكر انو هو بحبها بتجيني قصة..... تالا  قالت ليها ما تزعلي روحك من البداية ما كان عندك امل.......

من جهة أمير ولؤي... أمير وهو بتزكر في لدن برسم ابتسامة كبيرة ..... لؤي لاحظ ليهو لأنو بتصرف بغرابة... قال ليهو البضحك شنو.... وما سألتك عن يدك مالك اتشاكلت مع منو..... قال ليهو أمس أنقذت لي بت..... اكتر بت مزعجة في كل العالم... وكمان ناكرة للجميل..... لؤي قال ليهو بس ما ظاهر عليك... قال ليهو بي انزعاج لا ظاهر  حتى أنها بتحلم انها تعرس ليهو زول خارج عن المألوف... بتصدق....وبتديك الكلام لما تسكتك وما بتعرف ترد ليها..... قال ليهو كل البنات كدا.... طلعو من الكفتريا ولقو ملاك قاعدة في بنش منتظرة آسر..... لؤي قال بي حزن ملاك بقت اكتر سعادة من اول..... أمير قال. فعلا بقت احسن من اول بكتير..... لؤي قال ليهو هي وعدتني انها ترافقني في حفلة الفالنتين هي بتحافظ على وعدها  ما بخليها الا تمشي معاي..... أمير قال ليهو إذا رافقتك ما معناها بتحبك.... لؤي عاين ليهو طوالي سكت.....
من جهتي كنت مقلقة على آسر حتى انو ما اتصل على واتغيب باقي اليوم رجعت البيت وانا بفكر في الحاصل ليهو.....

من جهة لدن كنت قاعدة  انا وصحبتي  لمياء بعد خلصنامن شغلنا في واحد شغال معانا جا قعد وبقينا نتونس ياخ الولد دا ظريف بشكل... قال لي انتي مالك مفترية. كدا... قلتا ليهو انا الله يسامحك معقولة انا كدا.... قال لي لأنو ما قعدة تدي زول وش وما بتدخلي في الناس..... قلتا ليهو انا لما ادخل مكان جديد بفضل ادرس الوضع حتى اتأقلم معاهو ....قال لي اي اي ظاهر شديد... لمياء قالت ليهو فعلا في البداية كانت بتتجاهل الناس والا انا اصريت أني اتعرف عليها حتى هي بدت شوية شوية تتونس..... قلتا ليهم خلاص قبلتي على.... بقينا نتونس ونضحك بس فجأة في زول ضرب الطاولة حولنا نظرنا وطلع دا أمير... قال لينا بي نبرة حادة  انتو هنا وبتضحكو والشغل خليتو لمنو والناس دي نتتظركم لما تخلصوا ونستكم ....وانتي حول نظروا على وقال لي انت  من يوم متين بتقعدي وبتتونسي لا كمان وبتتضحاكي مع الشباب  قلتا ليهو من  هسة... اشتغلنا شغلنا وماف اصلا ناس كتار  وانت شغلتك شنو اضحك ولا ابكي ما دخلك .... بقي بشاكلنا وبجوط وانا ما عارفة هو مالو هايج كدا..... بعد كلام طويل عريض قمنا ونحن بنبذ فيهو...

من جهة أمير جا دخلت  المطعم وشايف لدن بتضحك وبتتونس مع موظف  هي صاح معاها صحبتها بس انا انزعجت من وجود الموظف... مشيت شاكلتهم  ما كنت داير اجوط معاهم بس  انزعجت من كلامها القالتو لي.... بعد جوطتا تمام دخلت المطبخ وانا زهجان وغافلة معاي... طيب لي انا زهجان كدا وعشان منو.... عشان البت المزعجة الغبية... دي حاولت اشغل نفسي..... بس سمعت زول قال لي مفاااجاة... لقيتها تالا قلتا ليها تالا جيتي لشنو..... قصدي كان توريني كان جهزت ليك غدا خاص.... قالت ليهو لأ ياخ ما محتاج ماكنت عارفة انك شغال في المطبخ.... لازم تديني دروس لاني فاشلة فيهو.... قلتا ليها انا حزين على زوجك المستقبلي شكلو بعدين مضطر للأكل الجاهز...... قالت لي بس هو بعرف بطبخ.... عاينت ليها بي صدمة.... قالت لي ما قاصداك انت....
من جهة لدن  كانت زعلانة من حركة أمير دي شنو دي الحركات الجديدة دي كمان وانا باخد في الطلبات كنت بعاين ليهو هو وحبيتو ومبسوطين وبتونسو انزعجت شديد منو اشاكلني واجي اضاحك مع البنات كريه خلاص شكلو دخل في حياتي اكتر من اللزوم...إذا ساعدني ما معناة اجي اطبق فيني نظرية التحكم اضحك مع دا وما أتونس مع داك..... كنت باخد في الطلبات وانا متجاهلة وجودهم بس لما اشوفهم بنزعج ومزاجي بتعكر.... طلعت بعد دوامي خلص... وانا لسة بشاكل فيهو..... أما أمير وصل تالا بيتهم وهو بفكر في ردة فعلو الغير مبررة دي......

من جهتي بقيت بلف في البيت زي النحلة و انا بفكر في آسر الاختفي من دون افهمني حاجة.... استئذنت من امي قلتا ليها طالعة لأني زهجت وطلعت وانا ماشة خطرت على بالي فكرة دخلتا محل حلويات اشتريت لي كيكة صغيرة  ومشيت باتجاه منتزة كان قريب من الحي... مشيت قعدت في النجيلة وطلعت تلفوني وضربت لي آسر بعد ردا قلتا ليهو بي نبرة خوف وهلع آ آسر الحقني الحقني في ناس لاحقني ودايرين اقتلوني.... ما عرفت اعمل شنو انا في المنتزه القريب للحي... قربو على لازم اقفل.... وقفلت الخط.... هههة يا سلام ياخ انا ممثلة ممتازة معقولة في انسانة بالمهارة حقتي دي ما اظن😂.... بعد دقايق شايفة آسر في المنتزة وبفتش وبتلفت صرخت ليهو وصلني وهو خايف قال لي وينهم... قلتا ليهو هم منو.... قال لي بستغراب الناس الكانو بلحقوك..... قلتا ليهم ايواااا ماف زول كان بلحقني دي كلها خطة مني 🙂..... قال لي بي نبرة غضب انت جنيتي ولا حاجة كيف تخلي الزول اتخلع كدا.... بتغشيني لي يعني... قلتا ليهو مالك ياخ اقعد افهمك... قال لي ملاك... قلتا ليهو اختفيت  فجأة ومن دون ما توريني انا فكرت حصل ليك شي سيئ ... في شنو تعابير ودلت على الحزن ..... سكت وما اتكلم معاي.... قال لي دا شنو الكيس دا قلتا ليهو اقعد.... قعد وطلعت ليهو شمعة احدة برقم ٧ وواحدة برقم ١...قلتا ليهو دا رقم كم ٧١صاح.... قال ما عندي مزاج احزر وافكر اتفضلي وريني.... قلتا ليهو انت بتبقى غبي بالمسا ولاشنو.... دا عمرك والليلة عيد ميلادك ياغبي.... قال لي بي برود الليلة ما عيد ميلادي.... قلتا ليهو ما تكزب انا شفتها في البطاقة الشخصية حقتك.... قال لي بي صراخ السمح ليك منو انك تفتشي حاجاتي..... قلتا ليهو ما تصرخ فيني... كنت قايلة انو بتفرح... لي بتصرف بي برود عشان مشيت مع لؤي قلتا ليك هو اجبرني اني امشي.... وفهمتو كل شي.....انا بشرح ليك لي... وكأنك بتفهم غلطانة انا .... قمت فوق وكنت ماشة مسك يدي وقال لي تمام انا بعتزر.... في نفسو انا أفسدت كل شي... وقلت حياتك ولخبطتها.... بس اكيد برجع المياه لمجراها......

اتزكر  لما المدير جاهو في بيتو وقال ليهو انو مواعيد رحليو قرب وفضل ليهو اسبوع بس..... كان حزين  ومتالم لأنو بمشي وبخلي ملاك.... قرر اختفي بس اتزكر انو هي خسرت حاجات كتيرة بسببو.....
ابتسمت ليهو وقلتا ليهو مدام اعتزرت بسامحك المرة دي.... قعدنا وطلعت ليهو الكيكة قالتا ليهو  الناس بتحتفل بليل بس انا ما بقدر اطلع بليل من البيت عشان كدا Happy New year 💞.... من هسة ضحك فيني.... وقال لي ملاك انا انا.. وسكت قلتا ليهو انت مالك.... رسم ابتسامه وقال لي محظوظ انك كنت في حياتي...... اكتفيت بي ابتسامه بس..... المهم قعدنا شوية وطلعنا وصلني البيت  ودعتو ودخلت اما هو مشي بيتو....
آسر قعد في الكرسي وهو بعاين للسقف في نفسو قال امشي واخليها من دون ما تعرف بس اكيد بتكرهني..... أي احسن انها تكرهني انا مابستغلها عشان اقعد في الأرض.....
اليوم التاني ..... آسر اتجهز عشان امشي الجامعة بس عمو حسن.... وقفو وقال ليهو اظن انك قلتا انك تاني ما بتمشي.... قال ليهو بي حزن في حاجات لازم إصلاحها قبل امشي...... عمو حسن قال ليهو اطلب من ملاك أنها تمشي تقابل المدير معاك مدام بتحبو بعض ..... قال ليهو انت ما عارف معنى انها  تحب زول زي ... وتمثل قدام اللجنة.... انا مادايرها تعيش في عبودية زي ولأني بحبها ما بسمح بكدا وبتخلي عنها.....
آسر حصل الجامعة بدري ولقي كيارا ... قال ليها بي برود ما تلومي و تأذي ملاك وما تتخلى عنها لأنها هي ما السبب انا السبب.... انا ما حبيتك حتى لو ما ملاك دخلت الجامعة دي ماكنت حبيتك.... ملاك زولة مميزة شديد وماف زول زيها..... انا اسف لاني استغليك  عشان اخليها تغير.... انا عارف انو انا غلطت كتير بس بطلب منك آخر طلب.... افتحي صفحة جديدة... وانسى الماضي.... انت زولة كويسة شديد ما تخلي مشكلة واحدة تأثر على صداقتكم.... انتو صحبات مميزات ما تتخلو عن بعض...... ومشى خلاها..... من جهتي شوفت آسر كان بتكلم مع كيارا... لما حصلني قلتا ليهو بنزعاج لي كنت بتتكلم معاها... قال لي بي استفزاز..... انت مالك أمس اتكلمت  كدا مع لؤي..... لي ما بقدر اتكلم  كدا انا برضو..... قلتا ليهو يا غليظ هو الاتكلم ما انا.....

من جهة كيارا قعدت وهي بتفكر في كلام آسر.... قالت بس انا بحبو... للأن انا ماقادرة اتجاوزو..... عارفة انو هو ما بحبني وما كان  عندي امل... بس لي احب ملاك دا شنو الشي المميز دا.... انا احسن منها في كل شي.... عارفة اني اخطئت في حقها بس انا ما مستعدة اني اعيد علاقتنا.....
من جهتي بعد المحاضرة وانا ماشة مع تالا قالت لي مالك خليتي دروس التغير... غيرتي رايك ولاشنو.... قلتا ليها انا ما محتاجة دروس  آسر بحبني زي ما انا  ما زي لؤي طبعا..... قالت لي بالكلام عن لؤي وصلنا..... تالا مشت خلتنا..... لؤي قال ملاك انتي لسة عند وعدك صاح..... قلتا ليهو اي وعد... قال لي بترافقيني لي حفلة الفالنتاين.... قلتا ليهو بي برود انا ما وعدتك بي شي... وبعدين انا ماشة مع آسر.... مشيت خليتو لما شفت آسر.....
آسر قال لي كنتو بتقولو في شنو..... قلتا ليهو ولاشي طلب مني اني امشي معاهو حفلة الفالنتاين.... وانا ما وعدتو  بي شي..... قال لي مدام طلب منك امشي معاهو..... ما كان هاين عليهو  بس بعد صراع كبير لقى أنو كدا احسن..... قلتا ليهو لي يعني.... ايوااا كنت واقف معاها عشان تمشي انت وهي الحفلة صاح.... قال لي ما كدا مدام طلب منك ما ترفضي بعدين انتو كنتو أصحاب لاكن لو شوفتك قريبة منو ولو بالغلط بقتلو...... قلتا ليهو بس انا ما دايرة امشي معاهو ماشة معاك... قال لي بي ابتسامة مزيفة انا مُصر.... قلتا ليهو بي حزن اوكي  .....

 نهاية  الأسبوع..... في اليومين ديل ملاك كانت بتراسل آسر...... ماجد ورامي وأمير مشو رحلة عشان اخففو لي لؤي الكان قلبو مكسور في سبيل انو انسى الحصل..... كيارا كانت بتفكر في كل حرف قالو آسر واتوصلت لي انو هي اذتها كتير شديد .... وما كانت بتستحق كل دا... في النهاية دا كلو بسبب الحب..... هو ما شي بنقدر نتحكم فيهو.... اللوم بقع على قلبها  لأنها هي حبت زول مستحيل انها تمتلكوا..... وفي سبيل كدا خسرت صحبتها ......
يوم الأحد... من جهتي انتظرت آسر في مفترق الطرق لما وصل قلتا ليهو مفاجأة.... اشتقت ليك يا حبيبي الفضائي.... قال لي بنزعاج دايرة تعكري يومي بالكلمة دي.... قلتا ليهو خلاص سكت.. ارح ارح.... حصلنا الجامعة طبعا تحت انظار الطلاب البقت عادية..... ودخلنا المحاضرة...
في الكفتريا.... كنت قاعدة مع تالا وبنتونس.... مستغلة غياب كيارا.... كيارا جات قعدت في الطاولة بي برود..... وما اتكلمت معاي... تالا قالت لينا واخيرا نحن التلاتة زي ما كنا زمان..... قلتا ليها ما صاح.... كيارا قالت لي بنزعاج انا قولت ليك انك خسرت مكانك بينا لي قاعدة...... قلتا ليها منو الفقد مكانو تالا صحبتي وبقعد معاها.... ما تفتكري اني قاتلة روحي عشان اقعد معاك.... قالت لي انتي لي وقحة كدا.... ابتسمت ليها وقلت ليها شكرا ليك يا صحبتي العزيزة كيارا وقمت من الطاولة...... كيارا قالت لي تالا.. شوفتي البت دي مستفزة كيف..... تالا قالت ليها بالرغم من انو بتتبادلو الإهانات لاكن الجو كان مرحب بيكم..... كيارا اكتفت بإبتسامة.....

من جهة أمير وهو دخل المطعم بعد غياب ثلاثة يوم دخل المطبخ وفتش بعيونو عن لدن لقاها شغالة  سلم على الموظفين ردو الا لدن كانت متجاهلة وجودو تماما.... حاول انو اتكلم معاها بس هي كنت بتجاوب على قدر السؤال..... في النهاية لما لقاها بتتجاهلو  خلاها وبقي شغال...... بعد مدة لؤي جا لي أمير عشان اتكلمو في الحفلة.... قعدو وهو وأمير.... لدن جات تاخد الطلب... بس وقفت متفاجأة... ولؤي كان مصدوم..... قال ليها لدن..... قلت  ليهو لؤي دا انت... وقف وسلم على  وقال لدن بي ذات نفسها.....  قلت  ليهو دا انت مشتاقين يا زول وقعدت في الكرسي الجمبو.... أمير قال لي قومي سرعة ما عندك شغل انتي..... قلتا ليهو ما شغلتك دايرة اقعد مع صحابي لي زمن منو  وقبلت لي لؤي وقلتا ليهو ثلاثة سنة يخسي عليك .....أمير قال لي بتعرفوا بعض.... قلت  ليهو بي سخرية طبعا كان حبيبي انت الدخلك شنو  ....... لؤي قال لي أمير بي ابتسامة خبيثة  إذا دي هي البت المزعجة اللسانها طويل القلت لي عنها.....قلت ليهو بستخفاف كأنو انا زولة مهمة لما توري بيها اصحابك..... لؤي قال لي قصدك أعز صاحب ليهو...... المهم قعدنا انا ولؤي وبقينا نتونس وعدنا زكريات الماضي.... بعد فترة لؤي طلع من المطعم مع أمير..... لؤي ختي يدو في كتف أمير وقال ليهو ما حبيبتي كانت دي حركة مننا عشان نخلي ملاك تغير وتخطو خطوة جادة...... أمير قال ليهو بي توتر ولي بتقول لي كدا...ما بهمني..... قال ليهو بواسيك لما تفطر لدن قلبك هههة مع السلامة... صرخ ليهو وقال ليهو مستحيل.... دخل المطعم منزعج... وقف قدام لدن وقال ليها ما بهمني إذا كان حبيبك ما بالضرورة تظهري الموضوع ومشى خلاها مستغربة منو.....
في اليوم التالي..... تالا مشت لي أمير في القاعة لقتو بعاين برة وشارد نادتو بس ما انتبه نادتو  بي صوت عالي قبل عليها وقال ليها مالك يا لدن قالت ليهو انا ما لدن على العموم دي تزكرتين للسينما ماشي صاح.... قال لها طبعا......
من جهة آسر وملاك في السطوح. .... آسر لاحظ لي لؤي ماشي وشكلو  حزين وشارد... قال لي ملاك قلتا ليهو اممم قال لي ما وريتي  لؤي انو انت بتمشي معاهو الحفلة..... قلتا ليهو لأ... كنت قايلاك جنيت لما قلت لي كدا.... قال لي امشي هسة وقولي ليهو.... لازم تسعديهو على الأقل مرة تانية..... انا ما دايرك  تخسري و  تبعدي عن الناس البتحبيهم بي سببي...... قلتا ليهو بي حزن تمام نزلت تحت وبقيت بفتش في لؤي... وانا ما مصدقة انو آسر مزعوج عشان لؤي زعلان...... لقيتو ماشي اتصنعت ابتسامه وقفتو  وقلت ليهو لؤي  كيفك.... قال لي ملاك ورسم ابتسامة كبيرة كنت قايل انو ما بتفتشيني تاني.... قلتا ليهو لؤي نحن أصحاب ودا الشي الوحيد المابقدر انساهو في النهاية بعد كل شي..... كنت دايرة اقول ليك انو انا دايما بوفي بي وعدي وعشان كدا ماشة معاك الحفلة..... قال لي  بستغراب كيف وافقتي... وآسر كيف سمح ليك..... قلتا ليهو هو الطلب مني... ما بنزعج..... لؤي استغرب لسة الأسبوع الفات ما كان بخليها تقرب منو الاتغير شنو
...
. لؤي عارض آسر  وهو ماشي وقفو بس آسر اتجاهلو... قال ليهو كنت بتفكر في شنو لما خليت ملاك تمشي مع زول غيرك.... قال ليهو بي برود بس انت ما اي زول.... لؤي  بستغراب  شنوو..... قال ليهو  انت صاحب طفولتها وانا واثق انو اكيد ما بتعمل شي ازعجها.... لؤي قال ليهو بس انا ما صاحب طفولتها انا حاليا بحبها وممكن اعمل حاجة ما تخطر في بالك..... قال ليهو انت واحد جبان ما بتقدر تعمل كدا لأنو بتلقاني قدامك... واختفى بلمح البصر... لؤي خاف لما اختفي.... قال هسة هو هددني... الزول دا خطير احسن اني ما اعلق معاهو.....
من جهة أمير مشي مع تالا السينما بس عقلو في مكان تاني بعد وصل تالا ومشى على المطعم...... لدن كانت شاردة بعيد هي ما من عادتها انها تتصرف كدا مع شاب بس لي أمير... هل هو مختلف... طيب لي هي الوحيدة البتصرف معاها كدا..... ولي شاكلني لما لقاني بتونس مع  الشاب المعانا.... لا لا لدن ما تحلمي كتير هو عمل كدا شفقة ما اكتر ... نسيتي انو هو واحد غني ومستحيل اعاين لي.... وبعدين عندو حبيبتو.....اطلعي من عالم الأحلام دي لأنها ما بتتحقق...... خلصت شغلي وانا طالعة لاقيت أمير اتجاهلتو وانا  ماشة.... قال لي لدن مالك بقيتي تتجاهلني كدا.... قلتا ليهو عفوا لو سكت مشكلة ولو اتكلمت مشكلتين.....وبعدين انت لي بتصرخ فيني  إذا أنا سمحت ليك انك تدخل في حياتي دا ما بديك الحق انك تتحكم فيها تمام..... امشي مع زول ولا اقعد ولا اضحك ولا ابكي ما شغلتك كويس.... وبعدين انت منو.... حبيبي ولاخطيبي  .... قال لي انا.. أنا.... قلتا ليهو اتزكر انت المدير وانا الموظفة..... ومشيت منو......
في اليوم التاني..... لؤي وكياراماشين سوى..... كيارا قالت ليهو مالك فرحان كدا الليلة....قال ليها يعني الناس كلها بتحزن عشان انت حزينة..... قالت ليهو كل دا بي سببك عشان كدا ما مسموح ليك تفرح.... قال ليها ولي لأ ملاك ماشة معاي الحفلة واحزري الطلب منها منو آسر..... قالت ليهو بي ابتسامة لي ما وريتني بدعوهو انا اذا......
من جهتي في القاعة..... آسر قال لي علاقتك بي كيارا ما اتصلحت.... قلتا ليهو انا ما زعلانة منها.... لاكن ما اظن علاقتنا ترجع..... قال لي لازم  ترجعيها زي ما كانت... عشاني.. حتى لو اضطريتي انك تتنازلي عني..... قلتا ليهو مستحيل......
بعد طلعنا من المحاضرة آسر قال لي انتظريني في السطوح...... ورسل رسالة لي كيارا ومشت وهي طايرة من الفرح بس أملها خاب لما لقتها ملاك..... ومن دخلت كيارا الباب غفل..... قالت لي بنزعاج  بتعملي في شنو انت.... قلتا ليها انا المفروض آسالك ما تقولي لي انو ما عندو علاقة ب آسر.... عاينت لي بتأكيد... مشيت على الباب وحاولت افتحو بس ابي ضربتو وقلتا ليهو آسر افتح الزفت دا..... قال لي ما تحاولي ساي.... ما بفتحوا الا تتصالحو... لو اضريت إلى الأبد... وبعدين السطوح عندو مفتاح واحد ما في فايدة للصراخ...... وقفنا انا وكيارا وكنا ساكتينن..... كيارا قالت لي بي برود... سمعت انو ماشة مع لؤي الحفلة..... وآسر هو الطلب منك.... داير اتخلى عنك ولاشنو..... قلتا ليها هة هة انتي بتتمني احصل بس اطمنك لاني بحطم ليك حلمك.... هو ما بتخلي عني..... قالت لي طيب هو مسافر.... قلتا ليها لأ ما تحاولي تعزميهو..... قالت لي برضيك امشي الحفلة براي..... قلتا ليها معقولة آسر هو الشاب الوحيد ألفي الجامعة دي..... قالت لي لي بتمشي من لؤي لي آسر.... قلنا ليها كونو امشي مع لؤي دا ما بعني اني بحبوا.... عشان كدا ما تبني أحلامك عليهو.... عارفة اني سرقتو منك وما ندمانك وما بتنجحي في  استمالتو لأنو هو مختلف عن الناس..... قالت لي هو زاتو قال لي كدا ما فاهمة قاصدين شنو.... على كل انا زاتي ما ندمانة اني قلبت الناس كلها ضدك وأزيتك.... حاسة بالراحة لاني انتقمت فيك.... بالرغم من اني ما عارفة عملتها كيف لما حصل بي الموضوع بخساسة هيام وشلتها...... قلتا ليها نحن كويسين صاح  واحد لي واحد..... قالت لي بي ابتسامة  الا تخليني امشي مع آسر..... ضربتها وحضنتها ونحن دموعنا بتجري بين الندم و  السعادة ..... الباب اتفتح وآسر مشي بعد استعادت حبيبتو أعز صحبة عندها......

يوم الخميس آسر كان بعاين لي ملاك النظرة الأخيرة مع صحباتها..... وصل القاعة اتزكر كيف الايام الكان بشوف فيها ملاك على أنها مزعجة ابتسم بألم... طلع من القاعة وبقي بتمشي في الجامعة لما حل الليل..... و عيونو كانت بتزداد سواد اكتر من سواد الليل دموع حاول كبتها لاكن نزلت بغزارة مسحها لما حسة بخطوات زول وراهو.... لما قبل لقاهو لؤي.. قال ليهو بتعمل شنو في الزمن دا... آسر قال ليهو انا المفروض أسألك انت بتراقبني ... قال ليهو انا عندي بحث وكنت في المكتبة وماشي لقيتك... انا بفسر ليك لي... على كل أنسي حبيبتك لاني ما بسمح ليها ترجع ليك... قال ليهو بإبتسامة مزيفة.. إذا كنت بتحبها اتصرف على أنها أقرب صديقة ليك زي زمان.. بتتألم لما تقول ليها انك بتحبها وهي ما بتقدر تحبك....ما تكون الشاب الجبان البشوفها بتتألم وهو ما بعمل عشانها شي.... احميها كويس لأنها ما البت القوية البتظهر قدامك... ومشى بي برود... لؤي قال دا مالو ما عندو شغلة بي.... كلامو غريب كانو ماشي للأبد...
في اليوم التالي وهو اليوم البسبق حفلة الفالنتاين والبتبدء من ١٠...آسر استخدم قدرتو ووقف في غرفة ملاك الكانت قاعد بتقري... قربت  تصرخ بس هو قال ليها هسس... قلتا  ليهو بنزعاج كيف بتقتحم غرفة بت... قال لي اسف الليلة عازمك لي مكان... قلتا ليهو اتوسل لي.... قال لي بي برود اشوفك بعد ساعتين فيي منتزة.**و اختفي....لبست عبايتي ومشيت لي تالا وحكيت ليها.. قالت لي الليلة اول طلعة ليكم ارح نمشي المول وبنشتري ليك.... قلتا ليها لأ عايذة مكياج خفيف.... قالت لي مالك ياخ اعتبريهو هدية عيد ميلادك.... مشينا المول وتالا اشترت لي فستان مشكل بالاسود والأبيض بسيط وأنيق  طرحة وهليز اسود.... بعدها مشينا صففت شعري وتالا عملت لي ميكب خفيف وطلعت النظارة وبدلتها بالعدسات.... بعد جهزت تالا بقت تعاين لي بي أنبهار.. قالت لي انتي جميلة شديد لي بتخفي جمالك... لو ما عملنا الحاجات دي سوى ما كان عرفتك.... ضحكت عليها وقلتا ليها انا ماشة اتأخرتا... ودعتها وحصلت المكان القالو لي آسر لقيتو واقف وبشوف في الساعة... مشيت عليهو وقلت ليهو اسفة لاني اتأخزت... قال لي بستغراب عفوا بعرفك انا؟.... قللتاا ليهو بتحب بي وراي ولاشنو.. بعد امعن النظر قال لي ملاك دي انتي نو كومنت... ضربتو... قال لي بهدؤ انا بحسد نفسي اني عندي ملاك في حياتي طالعة حلوة شديد.... قلتا ليهو انت بتحرجني ياخ ما تعاين لي كدا..... ضحك على منظري اتمشينا في  المتتزة وما خلينا مكان أكلنا ايسكريم وغزل البنات وما خليت مكان ما اتصورت فيهو.... انتهت  العزومة الكانت رهيبة بمعنى الكلمة .... حصلنا البيت... آسر قال لي  وعيونو سودا بنبرة حزينة.. انت عارفة انو انا بحبك صاح.. قلتا ليهو.. صاح... قال لي خليك دايما البت القوية في نظر الناس... وما تتغيري عشان زول... قلتا ليهو بستغراب حاضر لي بتقول لي كدا وكأنك ماشي مكان ..... اختفي وتأني  رجع وفي يدو كيس مداهو لي معاهو ابتسامة ...واختفى آسر وقف قدام باب بيتو وهو ببكي بحرقة....
دخلت غرفتي وفتحت الكيس لقيتو فستات كبدي ملكي ومعاهو هيلز مشبك اسود.... ومعاهو رسالة ودبدوب... فتحت الرسالة كاتب فيها... "هتكوني ملكة جمال الحفلة... بحسد البنات لأنو بتتطفيهم.. اياك تتلصقي جمب لؤي دا ....." ضحكت على كلامو وقريت الجملة البعدها وكاتب فيها انا بحبك لو اشتقتي لي ودايرة تسمعي كلمة بحبك اضغطي على الدبدوب....💞 دموعي جرت وبقيت بضحك... وانا ماعارفة يوم بكرة مخبي لي شنو.....
اليوم التالي السبت ١٣من شهر فبراير بفصل عن الحفلة ١٥ساعة.....
من جهة أمير وصل المطعم وادي اجازة يوم كامل وطلع لي بيت تالا... تالا اتفاجأت بحضورو... قالت ليهو بي ابتسامه مالك جيت... قال ليها بي توتر انا ما بقدر امشي معاك الحفلة... قالت ليهو بصدمة لي عيان ولا مسافر.... قال ليها انا قلت ليك انو اتفاقنا ملغي إذا لقيت لي حبيبة... قالت ليهو بس سخرية  قصدك انت لقيت الزولة دي.... قال ليها اسف بس في زول منتظرك اطلبي من ماجد امشي معاك.... دخلت غرفتها  وهي بتبكي...
.
من جهة لدن.. مشيت المطعم وقالو لي انو عطلة الليلة رجعت البيت ولقيت علبة كبيرة في الباب فتحتها ولقيت فستان ازرق طويل معاهو كعب رقيق اسود... موجود فيها رسالة فتحتها مكتوب فيها لدن انا بعرف انك مريتي بتجارب كتيرة... بس انتي انسانة مميزة شديد بالنسبة لي... ما عارف كيف حبيتك حتى ما كنت متخيل اني في يوم بحافظ على قلبي عشان تجي تسرقيهو انت.... أدركت وأخيرا انك بتهميني ما شفقة لا انا بعترف ليك اني حبيت التفاصيل البتميزك كلامك استفزازك وكل شي فيك.... حاولت اني اكزب مشاعري بس ما قدرت.... انا ما بوعدك اني انسيك الحصل ليك بس بوعدك اني بحاول اني ارمم كل الكسور العشتيها... بحاول اني ما اخليك تزعلي تاني بسببي... أقبلي الهدية دي وانا بمر عليك ٩ واخد جوابك.... كل الحب 💞ابتسمت ودخلت البيت وريت خالتو رشا قلتا ليها شوفي المعجب السري دا.... قالت دا منو دا.. قلتا ليها دا تقريبا مديري في الشغل وريتها الرسالة قالت لي طيب امشي معاهو... قلت ليها هو بحب بت تانية.... قالت لي لو كدا ما كان عمل كل دا... قلتا ليها لأ لأ ما ماشة.. قالت لي انتي عندك الحق عشان تعيشي فرصة تانية وحياة احلى من الفاتت... شكلو زول جادي.. وانا عارفة نظراتك دي نظرات زول بحب.. قلتا ليها ما بمشي وخلاص.ودخلت غرفتي.....
 
من جهتي لبست وختيت ميكب خفيف ونزلت تحت لقيت لؤي قاعد من شافني قام فوق وفتح خشموا امي قالت لي جبتي من وين الفستان الرهيب دا قلت ليها هداني ليهو آسر بقت تحصني... قلتا ليها امي خلاص ماشة وين انا.. قالت لي طالعة سمحة ياخ... قلت لي لؤي المصدوم ممكن نمشي.. بعد طلع من صدمتو  حتى طلعنا... طول الشارع وهو بعاين قرب اعمل بينا حادث... قلتا ليهو إذا عايز تموت موت براك ياخ... قال لي بإبتسامة زنبي شنو إذا طالعة حلوة الليلة.... قلتا ليهو وفر نظرك لما نصل أحياء.....
من جهة أمير جهز روحو ومشى بيت لدن ضرب الباب بس فتحت ليهو حبوبة رشا اتوتر... سلمت عليهو وقالت ليهو ما تتورتر انا عارفة انت منو المعجب السري... أمير ضحك على كلامها.. فضلتو جوة.. قال ليها لدن وين.. قالت ليهو في غرفتها وماطلعت منها... قال ليها بي توتر مالا.. قالت ليهو ما قادرة تحدد مشاعرها... قال ليها ممكن اتكلم معاها قالت ليهو طبعا انا ماشة اجهز الشاي.... أمير ضرب لي الغرفة وقال لي لدن.... قلتا ليهو مخلوعة بتعمل هنا شنو.. قال لي جيت عشانك قلتا ليهو ما كان تجي الإجابة واضحة وهي الرفض... قال لي انت مالك ياخ... قلتا ليهو انت بتلعب بي ولاشنو تالا دي منو... ضحك وقال لي دي صحبتي ياخ وماف شي بيناتنا.. قلتا ليهو لي صرخت فيني اليوم داك... قال لي انا اعتزرت منك....قلتا ليهو انا دايرة اسمعها من خشمك... اخد تنهيدة وقال لي عشان شفتك بتتونسي مع الموظف داك وحسيت بالغيرة كدا احسن... قلتا ليهو اممم اتوسل عشان امشي معاك... قال لي في أحلامك... قلتا ليهو تمام امشي انا زاتي بمشي معاهو لأنو عزمني.... قال لي لدن بي صوت حاد قلتا ليهو اتوسل واعترف.... ضرب الباب وقال لي بزهج لدن انا بحبك ممكن تمشي معاي  رجاءا رجاءا قلتا ليهو اممم نبرة صوتك ما عجبتني بس يلا فتحت الباب وانا متجهزة.... عاين لي بي صدمة بعد وعي على روحو قال لي يعني كنت بتغشيني... قلتا ليهو ما كدا بس حبيت اعاقبك... طالعة حلوة قلتا ليهو بغرور اساسا انا حلوة.. قال لي مغرورة طلعت معاهو بعد ودعت حبوبة ومشيت ركبت واداني بوكس فيهو شكولاتات.. قلتا ليهو ما عرفتك يا مديدري قال لي دا الحب بعمل اكتر من كدا.... ضحكت فيهو وقلت ليهو ماشين وين.. قال لي ماشين حفلة في الجامعة المنتدى هو الاقامها... قلتا  ليهو حلو......
لؤي وملاك وصولو تحت صدمة كل الطلاب والطالبات وكلمة واحدة دي ملاك... أمير ولدن وصلو عاينت لي لدن وحضنتها وقلت ليها طالعة حلوة قالت لي وانت كمان ما عرفتك تصدقي ....
من جهة آسر وهو في الباب ودع بيتو بنظرة أخيرة ودع عمو حسن الحاول انو امنعوا بس فشل.... عاين للسماء لقا في ضوء بي فوق جاي من المركبة الفضائية الجاية تشيلو.... عاين لي عمو حسن وحضنو وقال ليهو الرحيل وجب بعد كدا خلي بالك من نفسك ومن ملاك 🥀... عندك فكرة بتوقف وين... قال ليهو أعلى منطقة في السوبر ماركت في السطوح.. .. ودعو  ومشى...... بس فضل شي اخير مسك تلفون ورسل آخر رسالة والدموع في عيونو .... وقفلو ومشى.....

من جهتي كيارا وتالا وصلو الجامعة ولدن كانت قاعدة معاي اتلفتت وقالت لي آسر وين ما شوفتو.....لؤي قال ليها كان بوصيني عليك كانو ماشي  راحل للأبد.... لما قال كدا كأنو ضربتي كهرباء قلت ليهم معقول كل شي كان واضح قدامي معقولة ماشي اخليني.... دموعي دي جرت بغزارة بس .. وصلتني رسالة منو فتحت الرسالة وكان محتواها....

هذه الرسالة تخصك  يا ملاكي وغاليتي 💞
...... أريد أن أخبرك الكثير من الأشياء الكثير..... لاكن ليس لدي وقت... لذا اصغي جيدا.... وافهمي ما سأقوله العالم لن يتوقف عند رحيلي.... كل شي سيمضي إلى قدره........لا تحزني من أجلي... لاتحزني لأي سبب كان... لأن  كل شي سيمر... لا تظلمي ملامحكِ الجميله بالحزن... انت لاتستحقين أن تحزني لأي سبب...... لأنني لن اكون بخير حينها.... انت جميلة مثل الزهرة لذا لاتزبلي.... بعثري تلك الابتسامة التي اضيع في سحرها في كل مكان.... كلما أحسست بالزبول اسق نفسك لتزهري من جديد لا تنتظري من أحد أن يسقيك أنت جميلة... وحتى أجمل من كل شي.... لكن تصبحين أجمل عندما تبتسمي 💞💞

"‏إننا سفترق الآن فراقًا لا لقاء بعده، ولكنكي تستطيعن أن تكون على يقين من أنني لن أحب أحدًا غيرك.... لقد استنفذت نفسي في حبك كل كنوزها... وآمالها... ودموعها.... وداعًا،  لقد أن الأوان.....ليتني أخبرك بهذا وجها لوجه لاكني لا أقوى على وداع من أحببتهم يوما..... أريد منك أن تعلمي أنني ساظل احبك حتى آخر نفس في حياتي..... 💞
و.عندما يسألوني من هي سأقول ليهم هي ملاكي 💞
وعندما يسألوني هل احببتها...
. سأقول ليهم أكثر من أي شي في العالم 💞
وعندما يسألوني ما سر جمالها.....
سأقول ليهم  كان سر جمالها انها لاتشبه أحدا 💞
احبك الوداع 💞
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《26》
#♡الاخــــــــــــــــــــــــــــــــيرة♡
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بقيت ببكي على الرسالة بي حرقة كل شي كان واضح قدامي كل الدلائل كانت بتدل على انو ماشي كيف كنت غبية كدا 💔.... دموعي ما وقفت وعلى طول جريت ...... ولدن وأمير ولؤي جرو بي وراي........ طلعت برة الجامعة بس لقيت عمو حسن الأكد لي شكوكي.....

قلت ليهم اذا هو  مصر ماشي اخليني .....انا ما بمنعوا ..... عمو حسن قال.... هو ما داير استغلك.. لو حكي للجنة وأعلن عن حبكم.... كدا بخليك انت تابعة للمنظمة دي... وبتتعاقبي معاهو إذا قصر معاك.....
 قلتا ليهو وانا الدموع في عيوني انت ما بهتم بي كل دا وما بهتم بالعواقب .... شكرا يا عمو حسن انا مستحيل اخسروا ماشة ارجعوا...... كلنا ركبا في عربية أمير ومتجهين للسوبر ماركت..... وانا دموعي دي بس بتجري مجرد التفكير في انو ماش اخليني بتخليني ارجف....قلتا ليهم لو ما كان هناك ومشينا المكان الغلط ولا اتأخرتا انا تاني ما بشوفو 😭😭...
.
لؤي قال لي بي سخرية  لي ما بتشوفيهو كانو ماشي الفضاء الخارجي.... بقينا نعاين ليهو لأنو كان بسخر من الفكرة..... لدن قالت  ليهو بي سخرية   انا بعرف النظرة دي إذا عايز تمشي معانا.... وبتقدر تقيف على رجلينك.... لازم تبدء تصدق بي وجود الكائنات الفضائية......

قلتا ليهم بي بكا هو ماشي لي مجرة  تبعد بلاااييييين السنوات الضوئية عننا.. أسرع يا أمير عليك الله ......
 بعد حصلنا السوبر لقينا الناس كتار ما قدرت انتظر اركب المصعد... وطوالي مشيت بتجاه السلالم... ناس  لدن كانو  بلحقوني بس وقفو لأنهم تعبوا.... انا انا زدت السرعة لازم اصل قبل فوات الأوان......
من جهة آسر وصل ولقي المدير ومعاهو راجلين..... المدير عاين للباب أمكن في بت تجي خاشة بس ما لقى زول وهو جاي براهو...... آسر قال ليهو بي برود نمشي...... المدير قال ليهو خاب ظني بيك كنت قايلة بتتمسك بالكوكب دا..... وتمشي على نهج ابوك..... ما لقيت ليك بت تحبك... ولا رفضتك......

 آسر قال ليهو وهو بتصنع البرود  ما شغلتك...... لأنو لو كزب لون عيونو بفضحوهو...... المدير قال ليهو إذا كنت مصر على المشي انا ما بمنعك..... سقطت كل العقوبات بسبب الاعترافات الأخيرة وعشان كدا بتعيش حياتك عادي..... آسر وهو ماشي باتجاه المركبة ولما دخل....... انا فتحت الباب و صرخت ليهو آآآآآآسر وقف يا حقير ما مصدقة انك كنت ماشي من دون توريني 😭....... المدير عاين لي آسر وقال ليهو دي منو...... آسر بي برود ما زول خلينا نمشي...... مشيت للمدير وقلت ليهو ما تخليهو امش انا البت البحبها..... آسر قال ليهو بتكزب عليك..... المدير قال  لي اثبتي الشي دا.....
قلتا ليهو لو عاين في عيوني لونهم بتغير.....  آسر بنزعاج قال لي امشي بيتكم ياخ...... قلتا ليهو ببكا انت مالك يا آسر معقول ما اهتميت لي مشاعري أو البحصل لي شنو بعد تمشي؟؟ كل البهمك هو نفسك وبس💔...... قال لي بي برود قبل تلاقيني كنت كويسة وبتكوني كويسة بعد انا امشي... في النهاية انت بشر وبتنسي مع مرور الزمن....... 😢

من جهة ناس لدن وصلو.... قالت ليهم بفرح ياااا سلام وصلت قبل امشوا.....أمير قال ليها بس بتقنعوا بالبقاء..... لؤي مصدوم نو كومنت.... حاليا هو بشوف مركبة فضائية..... قال ليهم بي صراخ دا شنو البحصل هنا دا؟؟ ..... وين ماشي آسر الحقير دا!؟ .... ولي هنا في مركبة فضائية.... ؟؟ هل هو رائد فضاء؟؟...... لدن عاينت ليهو بزدراء وقالت ليهو ياااخ معقولة انت لي  غبي كدا..... ما صدقت انو هو ما من كوكب الأرض.......

آسر عاين للشباب وقال لي ما مصدق انك جيتي وجبتي  معاك كل الجامعة.... ثواني انت جيتي كيف.؟ ؟ .... قلتا ليهو بي برود ما بخصل الموضوع...... بس انا ما بسمح ليك تمشي على جثتي...... المدير قال لي آسر بي غضب  من الأحسن انك تشرح لينا طبيعة العلاقة بينكم ما عندنا الليل كلو عشان نسمح جدالكم.......

في اللحظة دي دكتورة سمر وصلت السطوح قالت لينا حلوووو كل الناس هنا لي ما عزمتوني..... آسر انت ماشي..... قلتا ليها بنزعاج هو ما ماشي..... عاينت لي وقالت لي آسر يااا سلام البت السمحة دي حبيبتك لي ما وريتني عنها.... ثواني انت ماشي؟؟...... آسر بي برود اي ماشي...... مشيت وختيت رجلي في المركبة..... وقلتا ليهو ما مشكلة اذا انت ماشي انا زاتي معاك...... قال لي وهو بحاول انو اطلعني انت مجنونة بي مجرد ما تحصل رجلك بتموتي.....

قلت ليهو والدموع في عيوني طيب الفرق شنو إذا مشيت وخليتني...... الفرق شنو ما النهاية واحدة..... عمو حسن وراني العواقب البتقع على بس انا ما بهتم لي كل دا بوعدك اني اتحمل كل العقاب..... ضربتي  ضربة خفيفة وقال لي بتحبنيي بالقدر دا..... قلتا ليهو واكتر ☺️..... المدير قال ليهو قرارك شنو يا حقير انت ..... قال ليهو بسخرية ما بقدر اتحمل انو االبت دي تنتحر بي سببي عشان كدا بقعد في كوكب الأرض واتحملها بالقدر الفضل من عمري ومسكني ونزلنا من المركبة........

الشباب جو علينا.... أمير بي فراح اخيرا قررت البقاء..... لؤي وهو بهبش آسر في وشو بي سببابتو... قال ليهو.. انت بتشبه البشر عديل.... دا تنكر عشان تبقى زينا صاح......يا ملاك العاجبك فيهو شنو أمكن  عادي اتحول لي أنسان بشع  في أي لحظة.......

عاينا ليهو وقلت ليهو للأسف ما بحصل كدا...... المدير قال ليهو اكيد ما بتقعد هنا مالم تثبت لينا انك بتحبها..... آسر قبل عليهو بنزعاج.... وقال ليهو ما شايف السلسل دا ما أكبر دليل...... عاين في عيوني ولون عيونو اتغيرو الزهري 💝...... المدير بإبتسامة..... سعيد انك اخترت صح..... وانت يا ملاك  العقوبات ما بتكون هينة كدا...... قلتا ليهو وانا جاهزة لي تلقى المسؤلية....... سمر ختت يدها في كتف آسر وقالت ليهو في النهاية نفذت كلامي انا فخورة بيك...... قلتا ليها  انا ما سئلتك شوفتك مرات كتيرة حولينو بتكوني منو...... قالت لي هههة ما تخافي انا  مرشدتو النفسية وبس.......
المدير رجع  مع رجالو  الكوكب....... لدن قالت لي آسر بإبتسامة في النهاية اطعت أوامر الآنسة ملاك..... آسر قال لينا دا كلو بي سبب عمو حسن ما كنت قليل انو بخوني كدا..... قلتا ليهو بكون ممنونة ليهو حياتي كلها........ لؤي قال ليهو بنزعاج ما بجو عشان اشيلوك مرة تانية؟؟ بتمنى اعملو كدا 🙂...... قلتا ليهو  بي  حدة لؤي إذا داير تحافظ على باقي حياتك.... وما ارميك من البناية فأحسن انك تمشي أو تسكت...... أمير قال ليهم حاسي  انو انا في حلم..... لؤي بي سخرية  قول كابوس........

قبلت على آسر وقلتا ليهو انت جا دور العقاب لي اترددت في انك تقعد  بالرغم من اني اتوسلت ليك...... قال لي بضحكة عملت كدا عشان اختبر مدى حبك  لي....... قلتا ليهو عقاب ليك لازم تنزل بي تحت لاني تعبت من السلالم من دون ما تستخدم قدرة الاختفاء.... لأني تعبت ياخ... قال لي نسيتي اني ما بتعب بس عاين لي بنبرة خبيثة مدام كدا ما بستعمل خاصية الاختفاء.... رفعني وبي اقصي سرعة وصلنا تحت... نزلتي وقال لي بتظاهر اااخ   السلالم دي مالها يتعب الزول  كدا 🤣..... قلتا ليهو خوفتني ياخ كريهة دا......

الشباب نزلو بالمصعد انزهلو لنا لقونا مستنينهم..... لؤي كان حاسي انو دا فيلم للخيال العلمي وما قادر أصدق اي شي من الشايفو...... لدن بي إعجاب قالت ليهو مزززززهل لي ما قابلتك قبل ملاك دا ما عدل 😢..... أمير قال ليها بي برود كان أشرك لي سمر لأنها جميلة ومختلفة.... لدن عاينت ليهو وقالت ليهو قلتا لي سمر مش.... جرب وبتندم..... قال ليها ههه بهظر معاك 😁..... لؤي عاين لينا وقال احم احم قلبي الصغير لا يتحمل 🙂ما تنسوني .... ارح نمش الحفلة اتأخرنا.....

... ركبنا العربية.... آسر قال لينا  احكوا لي زول لو ما قتلتكم كلكم... وبالأخص انت يا لؤي..... لؤي قال ليهو هة ودا منو دا المجنون البصدقني لو حكيت ليهو...... دخلو الحفلة وهم مبتسمين.... ما عدا لؤي الاقتنع انو ملاك لي آسر إلى الأبد....... تالا وكياراحصلونا وقالو لينا مشيتو وين..... قلتا ليهو في زول كدا كان داير أهرب بس نحن رجعناهو...... ماجد جانا وقال لينا انتو كلكم. هنا.... ودي منو دي حبيبة أمير طالعة حلوة... لدن قالت ليهو تسلم.... أمير قال ليها براحة  ما تفترى ساي بغير رأيو لما اعرف حقيقتك... ضربتو بالكعب العالي.... تالا قالت لي كيارا وكل تركيزها على لدن ما مصدقة انو خلاني عشان  نادلة ما من مستواهو .... دنيا غريبة......

مشيت على ناس هيام الكانو مصدومين شديد مني.... هيام قالت لي ما  عرفتك...  ابتسمت ليها بي غرور وقلتا ليها ما بحرج زول وانا كدا صاح.... مجد قال لي عسل نبقى أصحاب.... مؤيد ضربو..... هيام قالت لي بي سخرية لي عمل سحر ولا شنو.... قلتا ليها ايوة رجع لي ثقتي بي نفسي 💞..... سبأ قالت لي ما بنعتزر منك لاكن ما بنضايقك تاني.... قلتا ليهم اعملو كدا وبتلقوني قدامكم..... ابتسمت ليهم ومشيت وقفت جمب آسر وبقينا نتونس....

في ثنائي كانو بعاينو لينا بألم لؤي وكيارا..... آسر استأذن مني ومشى ليهم وجاني بي ابتسامة انا بعرفها سمح 🙆‍♀️قلتا ليهو عملت شنو المرة دي.... قال لي انتظري وشوفي.....
بعد شوية اسمع ليك لؤي اعترف لي كيارا...
و ماجد لي تالا...... قدام كل الطلاب والغريبة انو هي بتحبوا ...... طبعا كانت صدمة للطلاب لؤي وكيارا الكانو الفقدو عقلهم بسبب ملاك وآسر اعترفوا لي بعض بحبهم.....
عاينت لي  آسر وقلت ليهو مش قلت ليك ما تتلاعب بي مشاعر الناس..... قال لي يعني ارضيك انهم اتألمو بي سببا.... على الأقل كدا بكونو سعيدين...... قلتا ليهو تطور ملحوظ بقيت حنين شديد 😉... قال لي دا كلو بي سبب اكتر بت رقيقة وسمحة ووقحة في العالم.... قلتا ليهو كنت بشاكلك عشان وقحة دي لاكن القبليهو غفروا ليك..... بقي بضحك فيني... قال لي ممكن اسالك سؤال قلتا ليهو طبعا.... قال لي لو رفضت ارجع معاك كان بتمشي معاي..... ابتسمت ليهو وقلت ليهو اكيد مهم جدا وجودك في تفاصيلي 💘
.......

بعد مرور عدة سنوات يصبح الثلاثي الوسيم... أعز أصدقاء...... وكل صاحب لما ازعل من حبيبتو.. بجر أصحابو وامشو افرغوا كل الشكلة 🤣........
.......

كيارا وتالا ولدن وملاك كل ما تحصل مشكلة لي واحدة ولازعلت من واحد من الشباب..... طوالي بعملوا اجتماع طارئ... بنبذوهم قدرتهم بعد اهدو شوية  حتى ترجع المياة لي مجراها 🤣
.....
أغلبية المشاكل بين آسر وملاك لأنو هو الثنائي الوحيد العنيد ولازم طلباتو هي  البتتسمع بس دايما كانو سوا......
....

علاقة كيارا ولؤي كانت مثالية لأنهم  بعرفو بعض من سنوات..... وخطوبتهم تمت......
..... تالا وماجد كانو أفضل ثنائي.... واتعينو في نفس المستشفى..... واتخطبوا بس عرسهم ما حددوا لسة ❤️
.....

أمير ولدن الثنائي المتناقض.... كل يوم  شكلة بس ما في زول بقدر اتخلى عن التاني.. أمير استلم شغل ابوهو بالإضافة لي كونو دكتور بس قدر اوفق بين الشغل هنا وهناك.... لدن رجعت تقري طب... بس ما إتخلت عن الشغل في المطعم وأمير دايما بجبرها انو تنادييهو بي يا سيد انتقاما لأيام الماضي 🤣.... وعرسهم بعد تخلص الجامعة..... ❤️
......

انا وآسر بعد اتخرجنا اشتغلنا سوا.. والحمد لله امي اتعالج وبقت احسن من اول 💝... بالإضافة لي انو نحن ما انقطعنا عن القرية...... مع انو ما قدرنا نرجع تاني... بس كنا بنساعد انو نوصل احسن المعدات الطبية... ودايما بندعمهم ماليا ❤️ ...... انا وآسر  فتحنا لينا  مكتب  استشارات وقدرنا نحقق نجاح باهر بفضل زكائي ... وقدرات آسر... وقدرنا نجمع بين الكتير من الأزواج 💝......
.....

واخيرا وليس آخرا بعد الحياة العملية الطويلة دي الليلة يوم عقد القرآن بينا انا وآسر وقاعدة متوترة....ولابسة الزفاف ومنتظراهو.... و سامعة برة أصوات الطلق والزغاريت وصحباتي كلهم 💝.... في زول فتح الباب..... ودخل  آسر بي بدلة خنفشارية 💝... قال لي كعادة طالعة حلوة..... وأخيرا يا ملاك... أو ممكن اقول يا ملاكي 💝...... ايكادولي 💘..... قلتا ليهو ايكادولي تو 💞.....
.......

 😇إيكادولي تعني  ❤️  
أُحبُّك ؛ تعني أن كل علامات الحب خرجت من خدرها فجأة عندما رأيتك ، خصيصاً لك وحدك ؛ بعد أن دثرتها طويلاً حتى أعثر عليك .

 😇إيكادولي
أُحبُّك ؛ تعني أن أتستر برداء الطهر حتي التقي بك على غير موعد ، أحفظ لك أمانتك في نفسي دون أن أراك ، لتكون أول من يوّقع علي شغاف قلبي .

 😇إيكادولي
أحبُّك تعني أنني سأعشق ملامحك يوماً بعد يوم ، وسأعيش في تضاريس وجهك حتي أموت ، سأحب فيك روحك التي بين جنبيك ، ولن ألتفت لغيرك.

 😇إيكادولي
أُحبُّك ؛ تعني أن أدمن النظر إليك ، وأعود فأغض طرفي عنك حتي تكون لي وأكون لك ، فأراك في كل العالم حولي ، وتئن كل راجفة من رواجف قلبي هاتفةً بإسمك ، تطلبك من الله ، ترجوه أن يمنحني إياك مطيباً بالحلال .

 😇إيكادولي
أُحبُّك ؛  تعني أن يضيئنى قربك ولا يطفئ شعلة روحي ، و هنا في قلبي حيث تسكن تتشابك خيوط النور فأبصر في عينيك كل الوجود جميلاً .

 😇إيكادولي
أُحبُّك ؛ تعني أن أُقبل عليك لأحدثك بخواطري ، ثم أدخر الكلمات فتحدث ضجيجاً في نفسي ، فأعقد عليها حتي يضمّنا العش وأعطيك الميثاق ، فأسكبها لحناً شجياً في أذنيك ، فيخفت الضجيج وأسكن إليك .

 😇إيكادولي
أُحبُّك ؛ تعني أن يكون حبك حجاباً لي عن المعاصي ، فصلاحك يصلحني ،  وعفافك يلهمني الشرف ، فأحبك لما أنت عليه من فضيلة ، ولما أكون عليه منها عندما  أكون معك  تقرّبني لربي ، وتجرني اليه. ، فيحبنا الله ونحبه  
 إيكادولي ..😇❤️
النهـــــــــــــــــــ❤ـــــاية