رواية اغرمت_به الجزء الثالث

 #اغرمت_به

#اغرمت_به13

قبل م ننوم قولته ليهو فارس❤️قال لي ايوة❤️طبعاانا م عندي عايزة اقولو بس كنت حابهه اسمع صوتو🙈قولته ليهو ماف شي😥ضحك قال لي متأكدة؟قولته ليهو ايوة❤️قال لي طيب تصبحي على خييير❤️طبعا هو راقد وانا راقدة جنبو على طوول غطااااني كويس وخته يدو حولين خصري❤️طبعا م قادره اوصف احساسي في اللحظهه ديك طبعا م بين خاااايفه وبين احساسي بالدفى والأمان وانا نايمهه جنبو كدة❤️الصباح فتحته عيوني لقيتو حااضني لسسه اتلفته عليهو وشي بقى مقاااابل وشو هو اول م حس بي حركهه يدي فتح عيونو ❤️قال لي صباح الخير ي منكووووشهه❤️قولته ليهو اممممم صباح النور ي حبشي😅ضحك قال لي حبشي بالنسبه لشنووو؟😂قولته ليهو بالنسبهه للفنيلهه البرتقاليه اللابسها 😂😅ضحك قال لي ايييييك عندي برتقالي واحمر وليموني😅قولته ليهو حبشي جد جد😂قال لي اليوم الصبح فاتني💔قولته ليهو انا سمعتو بس م حبيت اصحيك عشان مرهق وكدة💔قال لي كان تصحيني يااااااخ ومسح وشو بي يديهو وقعد يعاين لي❤️ قولته ليهو شوف الغمام دة كيف شكلها اليوم حتجي مطره غزيره❤️قال لي خليها تجي ساااي اصلا اليوم م عندي دوااااام❤️قولته ليهو هو اصلا الجو دة م جو شغل نوووهاااائئ❤️قال لي بإبتسامهه خبيثه اها جو شنوووو وبقى يقرب مني😅قولته ليهو فااارس هيي انا م قصدي كدة انت ليه دايما فهمك كدة😒👊💔قال لي طيب جووو شنووو قولي؟قولته ليهو جو سمك حااار وربي😍قال لي انا زاتي قصدي اقول ليك جو سمك😍بس انتي العقلك وسخان😂😂😂😂😂👊💔وقعد يضضضضحك قولته ليهو فااارس يااخ انت غياااظ😒قال لي مالي انا أسي؟قولته ليهو يلا انا زاتي نازله ❤️نزلته من السرير طوالي رجع اتغطى بالملايه❤️جريتها منو ومشيت تاني رجع اتغطى❤️مشيت استحميت واتسوكته وجيت شلته لي جك مووووووويهه ورشيتو بيهو😂قال لي شهد وربي اليووووم م بخليك جريت وجا جاري وراي قولته ليهوفااارس وربي بس كنت عايزة اصحيك عشان تصلي الصبح😂مسك مني الجك ورشاني بالمويه قال لي كدة كيف معاك؟قولته ليهو شوووف رجليني اتوسخو بالرمله كيف وانا اسي استحميت😔قال لي احلى شي عشان نرجع تاني نستحمى 😆قولته ليهو فارس😒انا ماشه انضف زاتي يلا😒👊💔قعد يضضضضحك بعدها دخل استحمى جى طالع لقاني خلصته نضافهه❤️قال لي اساعدك؟قولته ليهو جدا ساعدني طوالي وغسل لي العدة😅ضحك قال لي بسسس كدة حاااااضر طوالي اغسل ليك العدة انا عندي كم شهد ياخ❤️قولته ليهو اننن😴استظرف استظرف😒ضحك قال لي جاااادي معاك والله حأغسلها ليك❤️طبعا صدمني م اتوقعتو يكون جادي وحيغسلها بجد 😨قولته ليهو طيييب امشي شيل الجردل من المطبخ وتعال مشى جاب الجردل ❤️انا كنت ماسكهه الخرطوش وبررش في الحوووووش جا ماري قعدتهه ارش فيهو قال لي وربي ي شهد اذا جيت بحميك😂قولته ليهو خلاث خلاث امشي غسلها نضيف فهمتهه😂قال لي ي شييييخهه فوق م انا متبرع اغسل ليك العدة كمان بتتأمري😒😂👊💔قعدتهه اضحك ملى الجردل مويه ومشى قعد يغسل في العدة جيت براااحهه شلته تلفوني صورتو ورجعتهه جا داخل لقاني بضحك قال لي مالك؟دخلته التلفون تحت المخدة قولته ليهو ماف شي🙊😷😂👊💔بعدها لبس وقام طالع قولته ليهو ماشي وين؟قال لي طالع قريب وجاي❤️طلع مشى وانا قعدته اشوف في صور فارس وهو بغسل في العدة ياااااخ شكلو عثل بجد😂🙈🙈❤️اثناء م انا قاعدة كدة جاتني حبوبه فاطمهه سلمت علي وجابت لينا عصيدة بملاح روووب❤️قالت لي فارس ليهم كم يوم م جاني اسي جا سلم علي لقاني بعمل في العصيدة دي عشان كدة جبته ليهو منها عشان هو بالحيل رياااد للعصيدة وانتي طبعا كان جبتها ليك م بتاكليها😂قعدتهه اضحححك❤️بعدها طلعت مشت شويه كدة جا فارس داخل شايل في يديهو اكياس❤️قولته ليهو مشيت وين؟قال لي مش انتي قولتي نفسك في سمك؟مشيت جبتو ليك وجيت❤️قولته ليهو ي سلاااام ياخ سممممك😍قال لي ومعاهو جبنهه وزيتووون وبيبسي كمان😅قولته ليهو هييييييييييينا ياااه🙈😍قال لي هييييينا دة انا زاتي والله 😂😂😂قال لي بطلي ثقاله وهاااك جهزي الفطور❤️جيت شلتهم منوو وطلعتهه مشيت❤️قعدتهه اجهز في الفطوور سمعتهه حبوبه فاطمهه بتنده علي❤️طلعته قولته ليها نعم ي حبوبه❤️قالت لي اديني ملح ي بتي ملحي انتهى❤️قولته ليها طيب حاضر مشيت المطبخ كنت بااكل لي في جبنهه ❤️جا فارس لاحقني قال لي حبوبه فاطمهه دي قالت عايزة ملح منتظراك❤️قولته ليهو عااارفه عايزة اديهو ليها❤️جا داخل وقف جنبي قال لي انا زاتي عايز والله❤️قولته ليهو عايز شنوو؟بدأ يقرب مني ومدة يدو على شفايفي💔طوالي قولته ليها حبوبهه فاااطمهه بصوت عااالي وطلعته مشيت وهو قعد يضحك😂بعد م جيت قال لي مجنونه في جبنه ملصقهه في شفايفك كنت عايز اطلعها ليك وكنت عايز اقول ليك عايز زيتون ياخ انتي انسانهه عقلك وسخان بشششكل م طبيعي وبتقولي انا العقلي وسخان😂😂😂😂👊💔💔طبعا سكتتته ساااي م قدرته ارد عليهو 😷😷غياظ خلاص❤️بعدها جهزته الفطور وقعدنا نفطر قال لي يااااسلاااام عصيده ياااخ ❤️قولته ليهو جابتها ليك حبوبه فاطمه❤️قال لي احلى حبوبه واحلى عصيده❤️قولته ليهو بتحبها للدرجه دي؟قال لي دي العشق ياخ الواحد في الشهر بياكلها مره واحدة❤️قولته ليهو بس انا م بحبها😥قال لي بس انا م ود ميكي زيك كدة😂👊💔قولته ليهو ظريف😒👊💔بعد م فطرنا وشربنا العصير اتصل علي مجتبى اخووي❤️سلم علي قال لي بحبها ي شهد❤️قولته ليهو بتحب منو م فهمتك؟قال لي شهد انتي فااهماني دة م وقت غباوتك قصدي تبيان❤️بحبها عندي فتره بس م كنت قااادر اصارحها عشان عمرها صغير بس بعد الحصل معاها دة بجد انا اكتئبتهه ي شهد م عارف اعمل شنوو💔بس انا مستعد اتزوجها اليوم قبل بكره واتحمل مسؤليتها واستر عليها م بهمني اي شي 💔لأنو بجد كل م اتزكر حالتها قلبي بتقطع انا💔قولته ليهو بجد كلامك دة بسطني وتبيان ماف منها والله بريئهه شديد لو م لقاها التافه دة وكزب عليها💔قولته ليهو انا م عندي مشكله افاتحها في الموضوع واكلمها ❤️قال لي اسي م تكلميها بعد م تهدأ شويه تمام؟قولته ليهو تمام❤️بعد تلاته يوووم اتصلت علي اسيل الصباح قالت لي نحن في المستشفى💔اتخلعتهه طبعا قولته ليها لي في شنوو الحصل شنوو ابوي كويس؟قالت لي نحن كويسين لكن تبيان دي امس اتزلقت ووقعت في الحمام وجاها نزيف واجهضت والله ونحن اسي في المستشفى❤️قولته ليها شنوو؟كيف يعني😱وليه م كلمتيني؟اسي هي كيف؟قالت لي الحمدلله بس❤️لبسسستهه وطلعته اجرته لي امجاد مشيت ليهم طبعا لمن شوفته حاله تبيان بكيت بكى ياخي قلبي اتقطع عليها💔قولته ليها اسيل انتي متأكدة انها وقعت ي اسيل😭؟قالت لي وربي اتزلقت ي شهد انا زاتي كنت معاهم❤️بعدها خرجوهم رجعناها البيت طبعا منهاااره تمام يعني انا كل م اعاااين ليها بقعد ببكي بس م بيدي حاجهه اعملهاليها😭المساء جا فارس سلم عليهم وساقني ورجعنا بيتنا طبعا مشيت دخلته البيت قعدتهه ابكي على حالتها💔جا قعد جنبي قال لي شهد بطلي بكى❤️قولته ليهو فااارس انت م شووفته حالتها بجد انا قلبي واجعني عليها😭😭😭قال لي انا م شفتهه حالتها بس شوفته حالتك انتي وانا م قادر اشوفك وانتي بتبكي كدة مسح لي دموعي قال لي خلاص بطلي بكى💔قولته ليهو بس انا م قادره اشيلها من بالي ي فاارس م قادره😭قال لي هسسس خلاص تبيان فترره وحتعدي وبكره حتتجاوز القصه دي وحترجع طبيعيه بس محتاجه شويه وقت ❤️عشان كدة بطلي بكا فهمتي انتي عارفه ي شهد انا قلبي بتقطع لما اشووفك بتبكي وبعدين انتي مالك بتحبي البكى كدة😂 💔 وهو بمسح لي دموعي ضماني عليهو قال لي شوفي المعادله دي غريبه كيف انتي بتهتمي بي تبيان وقلبك معاها❤️وانتي بتهميني وقلبي معاك❤️وانا ماف زول بهتم بي ولا حتى بفكر فيني💔قولته ليهو كيف يعني ماف زول بهتم لأمرك وانا مشيت وين؟قال لي طيب لو بهمك جد بطلي بكى عشااااني❤️قولته ليهو حاااضر😔😔بعد اسبوعين جانا ابوي قعد اتونس معانا كدااا قال لينا اسيل زاتها اتقدم ليها ولد واحد من اصحابي قال دايرها واسي قالو بجو يوم الجمعهه يعملو خطوبه وبعد شهر بنتم العرس انشاءالله❤️قولته ليهو بجد عمو محمووود خطب اسيل لي ولدو ماهر😍😍❤️طبعا انا عارفه انو اسيل بتحب ماهر ود صاحب ابووي وليهم سنتين مع بعض😂👊💔ابوي عاين لي بإستغراب قال لي لحقت تضرب ليك وتكلمك؟سكتتته ساااي🙊😂بعد م مشى اتصلته عليها قولته ليها ي جزمه ليه م كلمتيني انو ماهر جاي يخطبك يوم الجمعهه😍👊💔اتونسته معاها كداا بعدها قفلته منها❤️بعد اسبوووع جا يوم الخطووبه طبعا ياخ اسيل طلعته حلوة حلا موبالغهه والعجب ماااهر❤️روان قالت لي فديتو انا سنتين زواج وطوالي فكر في العرس😍علا قالت ليها بجد راااااجل وقدر كلمتو ياخ❤️تقولي لي الحيوان التافه الاسمو😒عاينت لي طوالي روان غمزت ليها💔طبعا علا بي كلامها دة زكرتني هاااشم اتضايقتهه واتخنقتهه بجد لمن دموعي جات نازلهه❤️بعدها جا وقت الخطوبه عشان يلبسو الدبل وكدة❤️قولته ليهم ياخي حلوين حلا😍روان قالت لي ربي يحفظهم بجد متاسبين لبعض وقعدنا نعلق عليهم وانا بضحك وبتكلم😍😂❤️شويه كدة جا فااارس وقف ودخل يديهو جوة جيوبو❤️جيت وقفته جنبو قولته ليهو بجد حلوين ولااااايقين على بعض بصوره فظيعهه❤️قال لي طيب ونحن م لايقيت على بعض؟طبعا انا لابسه لي فستان لونو حلاوي كنت مفصلاهو تفصيل❤️ولابسه اكسسوارات باللون البني❤️وبااارمه شعري القدام والورا فاكاهو ساااي م كنت عايزة اللبس طرحه بس فارس قال لي الا تلبسي طرحهه عشان كدة لبستها🙈قال لي م جاوبتي نحن م لايقين على بعض😅قولته ليهو انت شايف شنوو؟مسكني من يدي وضغط عليها شديد قال لي انا شااايف انو ماف زينا وماف احلى مننا وماف ناس بتشبهنا❤️فجأة روان ندهت علي قالت لي شهد❤️طوالي فكيت يدي منو ومشيت للبنات طبعاكل تصرف بتصرفو وكل حركه بعملها بلخبطني بيها❤️بقيت واقفهه وم مركزة وكل شويه اتلفت اعاين ليهو❤️علا قالت لي واااااي ي شهد فارس دة مااااااااافااارس بجد احيييي ي قلبي انا زحولي اتمردق في التراب دة انا قرن شطه انا لمن حظي م يكون زي حظك دة😭قعدته اضحك بعد الخطوبه خلصت فارس رجع البيت وانا قعدته رجعته اليوم التاني المساء وصلني مجتبى❤️دخلته البيت فرشتته الفرشات ورشيت البيت فارس جا داخل اول م جا قعدته اقول ليهو م شوفته بعد م مشيت يوم الخطوبه حصل كدة وحصل كدة وهو بعاين لي وبضحك❤️اليوم التاني كنت بنضف سلمت علي ساره قالت لي ي كعبهه الا يسألو منك؟قولته ليها لا م كدة والله اسي كنت بفكر اجيك قعدت اتونست معاي كداا بالحيطهه❤️بعد م خلصته نضاف مشيت ليها قالت لي والله ي شهد اليومين دي عندي صداع غريب خلاص💔قولته ليها م تكوني حااامل😱😱😱قعدت تضحك قالت لي ي مجنونه الحمل بالصداع؟قالت لي انتي لسه صغيره على الحجات دي لمن يجي زمنك حتعرفي😂قولته ليها اصلا م حيجي زمني ولا عايزة افكر فيهو💔قالت لي ليه مالك انتي وفارس م حصل بينكم احم احم؟😅قولته ليها م حصل ولا حيحصل يلا💔قالت لي واااي ي شهد انتي جااااادة؟قولته ليها ايوة مالك ههه❤️قالت لي شهدانتي هبله دة راجلك وانتي حلالو❤️ليك علي اليوم احننك شوفتي ي شهد اعملي كدة وكدة وكدة قعدت تشرح لي❤️المساء فارس جا داخل البيت فتحته ليهو الباب طبعا اول مره افتح ليهو الباب❤️لابسه لي بجامهه صغنونه وطبعا حننتني حنه بسيطه حلوةحلا ياخ عجبتني الحنه في رجولي زاتها🙈😍وشعري لافاهو كعكتين ومتريحه ❤️هو زاتو استغرب عاين بإستغراب قال لي مساء الخير❤️قولته ليهو مساء النور قولتها ليهو بحنيه كدة❤️م اتكلم معي دخل استحمهه طوالي بعد م جا طالع قولته ليهو اجهز ليك العشاء؟قال لي لأ م عايز طالع الخماسيات اللعب كوره ❤️طبعا صدمني كلامو اول مره يرجع من الشغل ويقول ماشي يلعب حتى م عاين لي حنتي ولا عاين لي😭💔طوالي لبس ووصل تلفونو في الشحن وطلع❤️بعد م طلع قعدتهه ابكي قولته اساسا هو م بحبني وانا الغلطانه لأني اندفعتهه شديد في مشاعري تجاهو دة كلوو من ساره غلطانه انا البسمع كلامها💔قاعدة وببكي كدة تلفون فارس اتصل في البدايه م رديت تاني اتصل لما اتصل كتييير مشيت رديت اول م فتحته الخط لقيتو صوت بت قالت لي منومعاي بمياعهه كدة؟قولته ليهاانتي منوو؟قالت لي انا عايزة صاحب التلفون❤️قولته ليها صاحب التلفون ماف معليش💔قالت لي طيب انتي منوو علشان تردي على جوالو؟قولته ليها انا مرتو انتي المنوو علشان تتصلي عليهو بالليل كدة وبينك وبينو في شنووو؟قالت لي البيني وبينو اكبر من انو انتي تعرفيهو يلا سلام❤️طبعا بعد كلامها دة قولته خلاص معناها هو بحب واحدة تانيه عشان كدة م مركز معاي طيب هو ليه متزوجني😭😭بس اصلا انا الغلطانه لأني رميت نفسي عليهو😭😭نمته وانا ببكي اليوم التاني صحيت لقيتو مشى الشغل 💔المساء جا طبعا زعلانه منوو زعل ومتضايقه ولا اتكلمته معاهو💔هو عرف انو انا متضاايقهه منو جا سألني انتي مالك من امس؟قولته ليهو ماف شي💔قال لي لا في ملاحظ ليك مالك في شنوو احكي؟قولته ليهو عايزة اسألك سؤال واحد بس انت من البدايه اتزوجتني ليه ي فارس جاوبني بصراحه❤️قال لي وسبب السؤال شنووو؟قولته ليهو انت جاوبني💔قال لي شوفي ي ستي اتزوجتك عشان كنت عايزك تبقي مرت الكمساري الانتي بتقرفي منو دة وعشان اوريك انو الكمساري دة كمان بشششر وعندو حق يعيش زيو وزي باقي الناس وعشان اوريك انو الكماسره ديل فيهم الدكاتره والمهندسين والمتخرجين من افضل الجامعات بس الظروف هي الجابراهم💔دموعي جات نازله قال لي بس م فهمته انتي مالك؟قولته ليهو طيب في واحدة في حياتك؟قال لي ايوة في انتي❤️قولته ليهو لا انا م بتكلم عن نفسي💔قال لي غيرك لأ ماف طبعا قولي في شنوو مالك بتكلم معاك انا❤️قولته ليهو امس بعد م انت مشيت التمرين في واحدة اتصلت عليك ولما سألتها انتي منوو؟قالت لي البينك وبينها اكبر من انو انا اعرفو دي منوو دي؟😭😭😭😭قال لي دي دكتوووره عينوها جديدة معانا اسمها رويدا بتتصل علي نظام عايزة تتظارف معي بس انا م مركز معاها اساسا💔حتى بحاااول اتجنبها هي اخصائيه نساء وتوليد💔قال لي انا بعد رجعته برضو لقيت منها كم مكالمهه بس م رديت عليها حتى شووووفي فتح لي التلفون قال لي دي كلها مكالمات منها 💔وبالجد المره لتيخهه متصله عليهو كميه من المكالمات😡ضحك قال لي انتي بتغيري ؟قولته ليهو اغير من منووو وانا بس شعري يسواها😆قعد يضحك قال لي واضح واضح من دموعك دي انك م بتغيري😂👊💔❤️ قولته ليهو لا بس هي عشان غاظتني❤️مسك لي يدي قال لي بالمناسبهه الحنهه م قادر اوصفها💔طوالي قمته من جنبو قولته ليهو ليها يومين وانت ي دووب جاي تعلق عليها يلا م تتكلم معي❤️

بعد يومين جا راجع البيت بعد م استحمهه وغير قال لي شهد عندي ليك خبر بمليون جنيه❤️قولته ليهو بجد يلا قووول😍😍قال لي حنرحل الرياض❤️قولته ليهو حنرحل كيف يعني؟ولشنوو؟قال لي حنرحل في شقهه هناك انتي مش قولتي المكان هنا م عاجبك وعايزة ترحلي؟قولتته ليهو لا م عايزة ارحل من هنا زمان م كان عاجبني بساسي عاجبني وانا اتعودته عليهو وعلى ناسو 😭م راحله من هنا انا😭قال لي ي شهد اضاافه الى ذلك انا الفتره دي مضغوووط ومقصر في شغلي واحيانا بطلع قبل ساعات الدوام عشان احصل هنا بدري لأني بقلق عليك عشان كدة من هناك المستشفى قريب لي❤️قولته ليهو لا م ماشه وم عايزة ارحل ارحل براك لو عايز😭😭😭قال لي اللهم طولك ي روووح💔وانا ببكي شلته توبي وطلعته مشيت لي حبوبه فاطمهه وانا ببكي لمن اتخلعت قالت لي مالك ي بت؟فارس زعلك؟والله امشي اشاكلو ليك قولي لي عمل ليك شنوو قطعتي قلبي❤️قولته ليها شوفتيي ي حبوبه فارس بعد م شافني اتعودته عليكم وعلى العيشه هنا جا قال عايز يرحلني😭😭😭وانا م عايزة ارحل ي حبوبهه 😭😭😭😭قالت لي قطعتي قلبي انا قولته يمكن الموضوع كبير 💔قالت لي ثمح م تبكي اسي انا بمشي بتكلم ليك معاهو ساقتني ورجعنا قعدت تتكلم معاهو فارس قعد يقنع فيها قال ليها والله ي حبوبه انا زاتي الرحول دة صعب علي وم عايز ارحل لكن مجبوور ظروف شغلي فرضت علي كدة اعمل شنو؟وانا بقول ليها حبوبه الله يخليك م تخليهو يرحلني من هنا م عايزة ارحل انا من جنبكم😭😭حبوبه اتكلمت معي قالت لي ي بتي بقولو المره في طرف راجلها وفارس ولدي دة حنين لو م مجبور م برحل وانا زاتي قلبي وجعني لأتو فراقكم م هين علي لكن اها اعمل شنو؟عشان كدة اسمعي كلام راجلك بس اصلا الدنيا دي هي كدة وبعدها اتكلمت معي كدااا وطلعت❤️بعد م طلعت قمتهه ماشهه على الغرفه فارس قام مسكني قال لي شهد انتظري 💔قولته ليهو اؤحل براك انا م عايزة ارحل 😭😭حضني قال لي عارفها صعبه عليك بس والله صعبه علي انا كمان💔قولته ليهو انت بعد م عرفتني اتعودته عليهم عايز ترحلني صح؟قال لي لي وحاتك معقوله انا اعمل كدة لو م مجبوور رفع لي راسي قال لي انتي اولوياتي وبتهميني ولو م مجبووور م بخليك تبكي فهمتي مسح لي دموعي دخل الحمام استحمى انا رقدته في السرير طبعا ابكي ساااي💔جا رقد جنبي قال لي متضايقهه مني؟قولته ليهو لا😭قال لي طيب متضااايقهه من شنوو؟قولته ليهو متضايقهه من الظروف دي 💔قال لي ارحل اخليك طيب؟قولته ليهو لا😔قال لي اها ي شهد فهميني اعمل شنوو؟قولته ليهو ولا شي😔قال لي تعالي طيب رقدني في حضنو قال لي ليك علي اجيبك زياره لي ناس حبوبه كل شهر❤️قولته ليهو شهر😱قال لي طيب كل اسبوعين😒قولته ليهو لا كتييره😭قال لي طيب كل اسبوووع واحلق لحيتي تاني م بنقص😂👊💔قولته ليهو كلام رجال؟قال لي وانا قاعد اكزب كمان اكيد كلام نسوان اقصد رجال😂😂😂💔👊ضربتو قولته ليهو غيااظ💔قعد يقلد في صوتي قال لي (غياااظ)قولته ليهو زاتي قايمه من جنبك يلا😒مسكني قال لي لاااا تعالي تعالي طيب ي بكايه ياخي انتي المفروض يدخلوك موسوعهه جينتس لأنك محطمهه الرقم القياسي في الدموع😂😂👊💔قولته ليهو استظرف استظرف😒قال لي اصلا انا ظريف😂 ....

#اغرمت_به14

قولته ليهو طيب حنرحل متين؟وانت حتأجر الشقهه دي بكم الإيجار حيكون غااالي ي فااارس وفوق طاقتك عشان كدة خلينا هنا افضل❤️قال لي حبيبتي طبعا لما قال الكلمه دي لمن جسمي برد🙈قال لي انا م حأأجر الشقهه انا مشتريها بالتقسيط كل فتره وفتره حأدفع جزؤ من القروش لحدي م اخلص💔قولته ليهو شنوو ي فااارس انت م جادي وبالتقسيط دة حتخلص متين؟لالا م عايزنها خلينا مأجرين كدة احسن وبعدين الخرطوم دي م فيها موضوع زاتها😔قال لي انتي بس عايزة ليك اي حجه عشان م نرحل بس ي شهد لو جينا حسبناها من كل النواحي حنلقى افضل لينا نرحل يعني مثلا الاتنين مليون البدفعها في الايجار افضل ازيد عليها وادفعها في بيت مستقبلي صح ولا م غلط؟طبعا هو بتكلم وانا بلعب ليهو في زراير فتيلتو سكتتته مسااااافهه قولته ليهو م غلط😔قال لي ايوة م غلط وبعدين نحن حنعيش كل الوقت في بيت ايجار؟لا طبعا عايزين نشتري بيت مستقبلي لينا ولي اولادنا..😅لما قال لي اولادنا قلبي عمل شحح😷قال لي ولا انتي رايك غير كدة؟قولته ليهو انا نعساااانهه بس😔قعد يضحك😂صباح اليوم التاني هو مشى الشغل ❤️جاتني ساره قالت لي جارتنا تهاني دي عندها يومين في مستشفى الولادة اتوجعت وامس جابت ليها بنوووتهه❤️طبعا تهااني دي بتريدني بصووره موبالغ فيها اول م تجي تقع فيني احضان وونسه بتقول لي ياخ انا بريدك لله في لله كدة😂قولته ليها ليه م كلمتوني وااي💔👊👋😕قالت لي والله نسيت واسي انا ونسوان الحي ماشين عليها تمشي معانا؟قولته ليها ي دووب صاحيه من النوم ولسه م عملته اي شي 💔قالت لي ننتظرك؟قولته ليها لا حتتأخرو انتو امشو وانا بلحقكم❤️قالت لي تمام بعد م طلعت نضفت بيتي ورتبتو وقولته اجهز امشي ❤️اتزكرته انو انا م بعرف مستشفى الولادة ولا بعرف المواصلات الحتوصلني ليها💔فتحته محفظتي م لقيت فيها قروش كافيه عشان اامشي أأجر لي امجاد توصلني وترجعني💔طوالي اتصلته على فارس حكيت ليهو القصهه💔قال لي شهد في قروش في الدولاب شيلي العايزاهو💔قولته ليهو مشكلتي م بعرف اركب من وين لي وين😭😭قال لي ي شهد انا مشغول اعمل ليك شنوو في الحاله دي 💔قولته ليهو طيب تعال خمسه دقايق وصلني وارجع الله يخليك حبيبي😔😭قال لي شهد بتبالغي اخلي شغلي واجي لحدي امدرمان علشان اوصلك وارجع؟قولته ليهو طيب ي فارس م تجي خليت المشى وقفلته الخط😔قااعدة حوالي الساعهه اربعهه كدة جا البيت💔قولته لي جاي لشنوو؟قال لي يعني والله ي شهد انتي القعاد معاك براهو حسنات لأنو كل شويه الواحد بستغفر بسببك💔مش قولتي ماشه ؟قولته ليهو يعني جيت توصلني😍🙈قال لي ااايوان جيت اوصلك يلا اجهزي سووورعهه على بال م اصلي العصر❤️قولته ليهو حااااااضر❤️اتحركته عايزة امشي كدة مسكني قال لي اسمعي قوليها تاني❤️قولته ليهو اقول شنووو م فهمتك؟قال لي الكلمه القولتيها لي قبيييل لما كنتي بتتكلمي معي في التلفون سكتته ساااي قولته ليهو العصر اذن وقلعته ليهو عيوني واتفكيت منو وجريت😂🙈جهزته طلعنا لقيتو جاي بي عربيه صحبو قال لي جيت بيها عشان ارجع بدري ❤️قولته ليهو يعني حترجع تاني😥قال لي ايوة لازم شغال دوام مسائي اليوم❤️وصلنا المستشفى حاولنا ندخل قالو زمن الزياره انتهى💔والحرص بتاع البوابه صعب يااخ كريه لي درجه مبالغهه نحن واقفين نص ساعهه💔فارس قال لي تلفوني قافل كهربه عندي اصحابي معظمهم شغالين هنا 💔قال لي نرجع؟قولته ليهو لا م نرجع😔قال لي طيب ي شهد حنقيف كدة؟فضلنا قاعدين للساعهه 6ونص جات فارس قال لي شهد بعد كدة انا لازم ارجع المستشفى💔قولته ليهو هم م بدخلو الا النسوان الحوامل؟قال لي ايوة الا الحوامل ومعاهم مرافق واحد😂سكتتته مساااافه ولته ليهو طيب انا عندي فكره💔قال لي شنوو؟قولته ليهو مش دي بقالهه؟عاين لي قال لي ايوة مالك؟شلته قروش من جيبو ونزلتهه قال لي ماشه وين؟قولته ليهو جايه💔مشيت لبتاع البقاله قولته ليهو عايزة كوره❤️اشتريتها منوو وجيت راجعهه ركبته العربيه❤️قال لي انتي عايزة تعملي شنوو ي مجنونهه😨قولته ليهو مش قولته م بدخلو الا الحوامل يلا ثواني طبعا انا كنت لابسه توووب وتشيرت ومعاهم بنطلون😂طبعا م قاااعدة اللبس توب خالص وانا طالعهه مكان بعيد لحسن الحظ💔 الا اليوم دة لبستو ❤️قولته ليهو ارفع القزاز رفعو وهو بعاين لي بإستغراب وبضحك❤️قولته ليهو يلا غمض عيونك💔قال لي اغمضها لشنوو وهو بضحك😂قولته ليهو غمض ياخ خته يدو في وشو وعيونو مفتحه💔قولته ليهو فااارس😕👊💔قال لي طيب طيب حأغمض زوله غريبه خلاص عمري م شوفته لي مره بتخجل من راجلها😂👊💔دخلته الكوره بي جوة للتشيرت اللابساهو وصلحته توبي قولته ليهو يلا ننزل💔قال لي شهد انتي مجنونهه بجد😨قولته ليهو يلا يووووخ انزل💔نزل وهو بضحك ومييييييت من الضحك😂مسكته فيهو قولته ليهو بطل ضحك حتفضحنا 💔👊وصلنا البوابه بقيت اصرخ واقول استغفر الله العظيم ي رب💔فارس بطني ي فاارس انا عاايزةامووووت طبعا دموعي قريبه قعدته ابكي واقول ليهو دة كلوو بسببك انت الله يخرب بيتك انا شويه كدة حأموووت💔وهو بضحك قال لي استحملي شويه كدة💔قولته ليهو مقادره م قااااادره والله م قااادره ي فارس💔طبعا فكرته لقيت الناس كلها بتعاين لينا القدامنا والورانا💔الحرص عاين لي فارس وابتسم قال ليهو اتفضل ربنا يحلها بالسلامه والله يعينك على الأم والشافع الجاي😂دخلنا طبعا فاارس دة فكاها ضحكه بأعلى صوتو قال لي انتي انتي م نصيحهه والله💔دخلته اتصلته على ساره وصفت لي مكانها مشيت سلمته عليها قالت لي طبعا سميت البنوتهه على اسمك طبعا حبيتها البنووتهه صغنونه وحلاتها فارس م دخل معي انتظرني بره💔بعد المغرب كدة طلعته منها قال لي اتأخرتي كدة مالك؟قولته ليهو كنت بتونس معاها دقيقه راجعهه مشيت الحمام لبسته الكوره تاني وجيت طالعهه قال لي ماف داعي كان😂ونحن طالعين الحرص قال ليهو بعد دة كلوو لسه؟فارس ضحك قال ليهو لسه والله قال لي اتعلمتي الحركات دي وين؟قولته ليهو شفتهافي فيلم😂طلعنا ونحن في الطريق قعدته احكي ليهو قولته ليهو كان شوفته ي فااارس البنووتهه حلاتها وسمتها علي بجد البيبي عثثل حبيتها😍🙈قال لي انشاءالله تطلع تشبهك بس م تشيل طباعك لأنها حتطين عيشه الراجل الحيتزوجها😂قولته ليهو هي قصدك شنوو؟قال لي ولااا شي اسي انا قولته شي وهو بضحك😂💔وصلنا البيت قولته ليهو حترجع؟قال لي ايوة بس حأشرب لي مويه ❤️نزلنا دخلنا البيت وانا نسيت اطلع الكوره😂اول م دخلته الغرفه جا لاحقني مسكني قال لي على فكره شكلك عثثثل وانتي حااااامل ماسكني وبلعب لي في شعري❤️طبعا جسمي كلو برد💔قولته ليهو فااارس الزمن اتأخر امشي الشغل💔قال لي خليك من الشغل م نفسك تجيبي لينا بنوته زي البنوته السموها عليك دي؟م عايزة زيها ؟سكتتته سااي بقيت بعاين ليهو بس💔قولته ليهو فارس 😥قال لي عاارف الشغل طاااااالع طالع طيب باسني في خدي وطلع🙊ياخي بجد بعد طلع كان نفسي امسكو واقول ليهو انا عايزة بيبي بشبهك تماما بنفس مواصفاتك وحنيتك دي بس مسكتهه نفسي لأني م بقدر اقول ليهو كدة😔💔

بعد اسبوووع رحلنا بيتنا الجديد طبعا ياخي اصعب شي لما جينا نرحل ياخي بكيت بكى اكتر ناس بفرقو معاي ساره وحبوبه فااااطمهه حنييينين علي وبعاملوني كأني واحدة منهم واول شي بعملوهو الصباح بفقدوني وبشوفوني اذا اصبحته كويسه ولا لأ💔فطرتهه ولا لأ💔كانت لحظهه صعبه ياخي كأنو انا عاااايشهه معاهم عندي سنيييين م شهرين ونص💔رحلنا البيت الجديد طبعا البيت مفروووش جاااهز يعني نحن شلنا شنطنا وبس💔الراجل الحارس بوابه العماره جا سلم علينا وجاب معاهو مرتو وولدو الصغير❤️مرت البواب قالت لي انا نضفته ليك الشقه غاايتو ولو احتجتي اي مساعدة تعالي لي تحت❤️قولته ليها حاااضر تسلمي ي رب❤️بعد م طلعو قعدته اعاين للبيت فيهو تلاتهه غرف ومطبخ وهووووول كبيير يعني هي حلوة بجد لكن انا م كنت مرتاااحه فيها لأني اتعودته على البيت العادي والرمله والشجر وبروووودة الأرض لما ارشها دة كلوو م قادره اشيلو من بالي💔جا فارس قال لي عجبتك؟قولته ليهو لا م حلوة م حبيتها خلينا نرجع💔قعد يضحك قال لي كلها كم فتره وتععودي عليها❤️قال لي تعالي دخلنا المطبخ وطلعنا ودخلنا الغرف واخر شي دخلنا غرفه كدة قال لي دي غرفه نومنا❤️اول م قال كدة قولته ليهو انا عطشانهه😂طوالي طلعته💔هو قاعد يفهمني وبعمل رايح💔بعد يومين اثناء م نحن نايمين تلفونو ضرب نص الليل 💔صحيت مخلوعهه بي صوتو وهو برد على التلفون فجأة قال بي خلعهه شنووو في المستشفى؟من متين؟جاي اسي في اي مستشفى انتو؟طبعا فارس دة نزل مستعجل وجسمو كلووو بررررجف حتى م شايف قدامو💔قولته ليهو فاارس في شنوو؟قال لي طالع ي شهد بحكي ليك بعدين 💔مسكتو قولته ليهو لا م بخليك تمشي وانت بالحاله دي 💔فتحته شنطتي لبسته لي توب وطلعته 💔نص الليل وطبعا عربات ماف وقفنا مساااافه جا بتاع امجاد وقفناهو قال لينا م بقدر امشي💔فارس قال ليهو عندنا ناس في المستشفى والله والموضوع مستعجل وصلنا الله يرضى عليك❤️قال لينا طيب اتفضلو ركبنا فارس دة يهز في رجلو وجسمو دة بقى زي التلج مسكتو من يدو قولته ليهو فارس م في شنو خوفتني الحاصل شنوو؟لمن م قادر يتكلم قال لي بحكي ليك لمن نصل ي شهد....

#اغرمت_به15

وصلنا المستشفى فارس طبعا جاري بصوره مبالغ فيها وانا ماسكه فيهو و جاريه بقول ليه يا فارس فهمني في شنو طبعا خلاص حيلي مات💔😭 فارس طلع تلفونه اتصل علي زول قال ليهو انتو وين بالزبط انا في المستشفى💔طيب تمام جاي عليكم بعدها قفل و بقى ماشي مستعجل وصلنا الطابق التاني فارس اتلفت شاف ليهو واحد واقف جرى عليهو مسكو حضنو وبقى يسال فيه بيقول ليه ابوي مالو يا محمد فهمني الحاصل عليهو شنوووو💔 طبعا انا واقفه مصدومه ما عاارفه اقول شي الولد قال ليهو ابوي وقع فجأة 💔 فارس قال ليه وين ابوي حاليا💔 وهند مالها 💔الحاصل في البيت شنووو لمن جبتو ابوووي وهند الاتنين مع بعض في المستشفى💔وين امي ووين فاااااادي؟الولد قال ليهو واقفين هناااك💔جرى عليهم💔طبعا انا ماشه وراهو زي الهبلهه💔في بت جاتو جاريه قالت ليهو فااارس حضنتو وقعدت تبكي قالت ليهو ابووي ي فااارس م عاارفه الحاصل عليهو شنوو وكمان هند😭😭😭😭بقى حاضنها وبقول ليها رووقي💔فجأة فكاها ومشى على مره لابسه توب قال ليها امي مسكتو وقعدت تبكي وبتقول ليهو دمرهم الله يدمرو كتل اختك ي فاارس وداااير يكتل ابوووك الله ينتقم منوو😭😭اختك حاااامل ي فااارس م خااااف الابووووي😭😭😭😭س😭جيت قربته منهم عاينته ليها المره دي شكلها م غريب علي شوفتها وين ي ربي شوفتها وين💔المره بقت تبكي وبتها تبكي جا واحد قال ليها ي ااامي م قلته ليكم م تبكو ياخ بتبكو فينا مالكم؟وقال للبت يااااامزززن والله اجي اللقاك تبكي بكفتك فاهمهه ولا م فاهمهه؟انا زاتي بقيت ببكي معاهم مع اني م فاااهمهه حاجهه بس منظرهم وهم ببكو بقطع القلب والله💔فارس سلم على الولد 💔شويه كدة بقو ماشين وجاين وماف زول فتح خشمو بي كلمهه حالهه هدؤ كدة غريبهه💔وفارس دة قاااعد وبهز في رجلو والعرق نااازل منوو انا بس بعاين ليهو وببكي 💔شويه كدة جاتهم ممرضه قالت ليهم الحاج دة صحى انتو اولادو؟فارس قال ليها كيف هو كويس؟حالتو مستقره؟ بتكلم وهو ملهووف لدرجه فظيعهه💔قالت ليهو الحمدلله كويس بس محتاج راحه حندخلو العنايه المركزة لمدة 24ساااعهه 💔جات ام فارس قالت ليها طيب بتي وين وكيف حالتها؟الله يرضى عليك طمنيني عليها😭😭البت جات مسكت في فارس قالت ليهو انا عااايزة اشوووف ابووووي😭😭😭😭الممرضهه قالت ليها ماف طريقهه والله الا بعد م يتم 24ساااعهه في العنايه❤️وكمان ي خالتو بتك دي دخلوها عمليه مستعجلهه لأنو حالتها صعبهه شوييه ولسه م طلعوها لكن بحاول اشوفها ليك💔بعد الممرضهه مشت اتلما فااارس ومعاهو اخوانو الاتنين وقعدو يتكلمو مشو مننا بعيييد طبعا💔اخت فاااارس الصغيره جات قعدت جنبي وبتبكي 💔مسكتها قولته ليها م تبكي ادعي ليهم انشاءالله كل خيير❤️قالت لي هند اختي حااامل دة اووول ليها بيبي 😭😭😭طبعا عايزة اسألها الحصل شنوو بس قولته دة م الوقت المناسب💔قعدته اعاااين لي امهم واسأل في نفسي بجد انا شوفتها وين؟بعد ساااااعهه جا دكتوور ام فارس قالت ليهو طمني ي ولدي الله يرضى عليك بتي كيف؟الدكتور قال ليها والله ي امي حالتها لحدي الأن مستقره ولأنو حالتها كانت صعبهه ومتأخره شديد اتضطرينا نعمل ليها عمليه اجهاااض للأسف بس حاليا جسمها متأزي شديد وعندها كسر في يدها💔فجأة تاااني اختها قعدت تبكي وتصرخ وامهم وقعت جو ناس فارس جارين رفعوها دخلوها غرفهه كدة 💔فارس طلع من الغرفهه وعيونو زي الشرار مسكتو قلته ليهو فاارس في شنوو فهمني الله يخليك انت ليه م عايز تتكلم معي وتفهمني؟قال لي بي نهره وصوووت عاالي ي شهد اسي شايفاااني في وضع اقعد اشرح ليك وافهمك فيهو؟مش قولته ليك بعدين معناها بعدين وفكه يدي ومشى😭😭الناس كلها قعدت تعاين لينا 💔صدمتني ردة فعلو وطريقهه كلامو معي لمن بكيت💔امهم اتصدمت عدييل ركبو ليها دربين💔نحن مساااهرين في المستشفى لمن الصباح اصبح والسااااعهه 10جات نحن قاعدين منتظرين م نمنا ولا بالغلط💔شويه كدة الدكتور جا قال ليهم ي شباب وضع الحاج مستقر الحمدلله م عندو عوجهه 💔فارس قال ليهو مالو الحاصل عليهو شنوو هو اساسا؟قال ليهو ضغطو ارتفع شديد عشان كدة وقع وفقد الوعي وفي جلطهه خفيفه في الرجل لكن الحمدلله ضغط بدأ ينزل شويه شويه لي نهايه اليوم كدة انشاءالله حنطلعو من العنايه 💔اخت فارس الصغيره جات قالت ليهو طيب لو كويس مدخلنو العنايه لي م تكزبو علينا 😭😭الدكتور قال ليها عشاان نراقب حالتو بس م اكتر بس هو كويس الحمدلله ووقفتكم دي م منها فايدة ارجعو ارتاحو وتعالو المساء❤️فارس قال لي اخوهو وصل مزن البيت ي محمد❤️مزن قالت ليهو لا م ماااشه انا😭جا اخوها الاسمو فاادي قال ليها اسمعي الكلام وامشي البيت 💔قالت ليهو انت من امس بتصرخ فيني انت فاكر انو الفي العنايه دة ابوووك براااك😭فارس مسكها قال ليها اسمعي الكلام امشي البيت ارتاحي شويه وتعالي تمام؟قالت ليهو بس ي فارس💔قال ليها مزن قلنا شنوو؟قالت ليهو حاضر طيب😔💔فارس قال ليهو محمد يلا سوقها وامشي البيت انت زاتك❤️محمد ساق اختو وطلعو مشو❤️جا فادي ضرب فارس في يدو قال ليهو انت زاتك سووق مرتك وامشي البيت ارتاحو❤️فارس قال ليهو لالا انا م بقدر امش لو م اتطمنتهه عليهم وبعدين امي براها هنا ماف زول معاها💔فادي قال ليهو طيب خليها تمشي البيت من امس قاعدة في مكانها دة💔جا فارس قال لي شهد ارجعي البيت 💔قولته ليهو وانت؟قال لي انا م بقدر امشي ي شهد م تنتظريني امشي البيت ارتاااحي انا بلحقك💔قولته ليهو لا انا كمان م ماشهه طيب😔قال لي شهد م تتعاندي دة م زمنك💔قولته ليهو م ماشه قولته ليهو خلاص الموضوع منتهي💔قال لي طيب تعالي مشيت وراهو دخلني الغرفه القاعدة فيها امو قال لي خليك قاعدة هنا وطلع مشى💔امهم من الصدمهه ناااااايمهه عيونها م فتحتهم💔لما جات الساااعهه 1كدة قالو ليهم ابوكم فتح مشو ليهو 💔فارس اول م دخل وقعد جنب ابوهو مسك ليهو يدو💔ابوهو بقى يقول ليهو اعفي لي ي ولدي اعفي لي انا ظلمتك💔فارس قعد يبكي وبقول ليهو اهم شي صحتك ي ابوووي صحتك دي براها عندي بالدنيا م تتكلم اسي❤️شويه كدة الدكتور جا طلعهم من الغرفه فارس قال ليهو انا دكتور برضو ممكن تخليني اقعد معاهو في الغرفهه؟الدكتور قال ليهو طيب💔

انا في غرفه ام فارس بقيت مركزة في شكلها فجأة اتزكرته وقولته:دي نفس المره الجاتني لما كنا في بيت الفتيحاب وكانت بتسأل عن بيت زول كدة😨ي ربي دي هي ولا بتهيأ لي؟عاينته ليها تاني قولته دي هي زاااااااتها وربي😱بس هي الجابها بيتنا شنو؟يعني دي ام فااارس😱

فارس طلع من غرفهه ابوهو ومشى على غرفهه اختو 💔دخل عاين ليها غمض عيونو وقال استغفر الله ي رب😣الممرضهه قالت ليهو حاليا حالتها اتحسنت من امس وتنفسها منتظم 💔طلع من الغرفه وقعد يبكي ويمسح في دموعو علشان ماف زول انكدة💔 جا داخل لينا في غرفه امو قال لي م صحت؟قولته ليهو قبلي شويه اتحركت بس تاني رجعت نامت💔قعد جنبها شويه كدة فتحت عيونها قالت ليهو ابووووك بقى كويس؟وهند بتي طلعوها من العمليه ؟فارس قال ليهاا اهدي هم كويسين وحالتهم مستقره💔قامت عايزة تنزل من السرير فارس مسكها قال ليها امي اسي انا كنت مع ابوي وهو مويس الحمدلله واتونس معي عاادي❤️قالت ليهو واختك هند كيف ي فارس؟ كتل ليها جنى حشاها الله يقطع قلبوو😭😭😭فارس قال ليها امي استغفري واهدي الله يرضى عليك ورجعها رقدها في السرير💔طلع بره قال للممرضه امي دي اديها تاني درب مهدأ💔طلعته لحقتو قولته ليهو فارس؟قال لي برجع ليك ي شهد انتظري❤️قعدنا لحدي م الساعهه جات 6ونص طبعا انا قاعدة زي الهبله م فاااهمهه اي شي من الحاصل دة💔جا فارس قال لي يلا نمشي❤️قولته ليهو نمشي وين؟قال لي البيت ارح خليني اوصلك❤️قولته ليهو طيب وامك نخليها براها؟قال لي مزن ومحمد جو حيقعدو معاها لمن اجي راجع❤️طبعا امو بعد م ادوها الدرب تاني رجعت نامت💔لما قومته طالعهه قولته لي مزن خلي بالك منهاوراقبيها التكيف دة باارد شديد 💔قالت لي بتصل اسي على محمد يجيب معاهو مفرررش تقيل❤️بعدها طلعنا مشينا طبعا طوووووول الطريق فااارس ساااكت وم فتح خشمو معي ولا بكلمهه💔وانا كل شويه اقول اسألو بس خايفهه يشاكلني ويتنرفز فيني😭😔وصلنا البيت طبعا بقيت ساااكته ولا اتكلمتهه معاهو قولته اخليهو على راحتو💔فارس دخل الحمام استحمه وغير ملابسو 💔انا دخلته وراهو على طوول استحميت جيت دخلته المطبخ خلطتهه ليهو عصير جبتو ليهو قولته ليهو هااك اشرب العصير دة❤️قال لي م عااايز💔طبعا زعلتتتته ختيتو ليهو في الطربيزة عايزة امشي وقف على حيلو مسكني قال لي أسف وضماني عليهو💔قولته ليهو على شنوو؟قال لي عشان امس اتزهجتهه فيك لما كنت متضااااايق💔قولته ليهو عاااادي اصلا انا م زعلته بس كنت خااااايفهه ومقلقه عليك انت 😔😔قولته ليهو م عايز تحكي لي الحصل شنوو وديل منووو ي فارس انا م فاهمهه شي احكي لي الله يخليك اذا ديل اهلك انت عايش براك مالك؟وليه م قاعد تمشي ليهم؟وهم من زمان وين؟😔قال لي تعالي طيب قعدنا في الكنبه قال لي بصوووت مبحوح ديل اهلي امي وابوي فادي دة اخوي الكبير وانا اصغر منو ومحمد دة اصغر من هند واختي الصغيره مزن💔قولته ليهو اهلك عديل؟قال لي ايوة❤️قولته ليهو طيب ليه م عايش معاهم؟قال لي حاصله بيناتنا مشااااكل كدة💔قولته ليهو مشاااكل شنوو ي فارس فهمني😔مسح وشو بي يديهو 💔قولته ليهو طيب اذا م حابب تحكي لي م تحكي💔قال لي لأ حأحكي ليك قبل اربعهه سنهه انا كنت ولد طايش كدة في الزمن داك انا كنت برلوم في الجامعهه طبعا هند اختي دي متزووووجهه ود عمتي معتصم طبعا لما اتزوجتو كل ناس البيت رفضو لأنو م كان انسان مسؤؤل نهاائي 💔اتزوجتو غصب قالت بس عايزاهو وم عايزة غيرو💔الموهم ابووي عرس ليهم وسكنهم جنب بيتنا م بعيدين مننا في نفس صف بيتنا❤️ابووي كان متكفل بي كل شي بخصهم اكلهم وشراابهم وعيشتهم اي شي تطلبو هند اختي دي ابوي موفرو ليها❤️لي درجه انها سفرت معتصم دة السعوديه بي قروشها ساافر قعد كم شهر وجا راجع من غير اي شغل وم كان برسل ليها مصاريف حتى💔جا قعد كم شهر هنا في السودان ساافر دبي وبعدين اكتشفنا انها باعت دهبها علشان تسفرو💔في يووووم كان عندنا عرس ود عمي وكلنا كنا في بيت العرس❤️قبل الحفله م تبدأ بساااعهه اتصل علي ابوي قال لي تعال سوقني انا في المصنع❤️قولته ليهو في المصنع بتعمل شنو ي حاج؟قال لي الليله كان عندنا جررررد وشايل القروش معي م قااادر امشي البنك بالليل دة الا الصباح❤️قولته ليهو طيب تمام ي حاج مشيت عليهو بي عربيتي سوقتو وطبعا الشنط حقت القروش تلاتهه شنط شلناها واتحركنا على البيت اثناء م نحن راجعين قعدته اتونس واهظر مع ابوي قولته ليهو ي حاج اسي ولدك في حوجهه لي 100مليون كدة م بلقاها عندك😂ابوي قال لي م عندي ليك ولاااخمسين قرش كفايه مشتري ليك عربيهه💔قولته ليهو لكن ي حاج انت العربيه دي مشتريها لي وعاملني زي السواق والله😂الموهم وصلنا البيت❤️وبيتنا اساسا كان فااضي دخلنا وشلته شنط القروش دخلتهم لي ابووي في غرفتو حقت الخزنه فتح الخزنه دخل القروش وقفل الباب بالمفتاح ومسك المفتاح في يدو❤️قولته ليهو شنو ي حاج ماسك المفتاح دة كدة؟ابوي قال لي دي اماااانات ناس انت قايلها مسؤليه ساااهلهه💔طبعا المصنع دة شراكهه بين ابوي واصحابو 💔قولته ليهو خلاص ي حاج انا طالع عشان الحفلهه والجكس م يفوتني😀ابوي قال لي شنوو؟قولته ليهو لالا ولا شي قولته ليك بس محتاج حاجه؟قال لي جيب لي مويه بس❤️مشيت جبته ليهو مويه وطلعتهه ❤️اثناء م انا طالع وسايق عربيتي شايف عربيه معتصم جا وقفت 💔وصلته الحفله حضرتها تمام ونهايه الحفله سامع معتصم بنادي على هند اختي مشيت قولته ليهو انت قبل ساعتين مش كنت في البيت؟قال لي لأ انا م رجعتهه البيت من زمن الغدأ 💔استغربته طبعا لاني شوفتو وشوفته عربيتو جنب بيتنا بس قولته يمكن شبهتو وطبعا معتصم راجل اختي دة م بطيقني نهااائي ولا حتى انا بطيقو💔رجعنا البيت صحيت الصباح كنت مؤجز طبعا صحيت لقيت الساعه 9 تاني رجعتهه نمتته❤️حوالي الساااعهه 12كدة اصحى على صووت ابووي بدق لي باب الغرفه بصوت عالي فتحته ليهو بعد مسافهه 💔قال لي وين القروش؟قولته ليهو قروش شنو ي حاج؟ضربني كف قال لي قولته ليك وين القروش افضل تتطلعها انا م قدرك عشان تهظر معي💔قولته ليهو والله ي حاج انا م عارفك بتتكلم عن شنوو حتى انا كنت متفاجأ من كلام ابوي💔قعد يضرب فيني ويصرخ ويقول لي حرامي دي قروش ناس شلتها ليه على الاقل كان داير تسرق اسرق ليك مليون ولا اتنين لكن تسسسرق تلاتهه مليار ي كلب انا مقصر منك في شنوو؟💔قولته ليهو ي حاج انا اسرقهم كيف يعني واعمل بيهم مصلحتي شنو اعمل كدة؟قال لي ماف غيرك شالهم اصلا ماف زول غيرك عارف انو البيت دة فيهو قروش💔الموهم ابوي شال التهمهه كلها وختاها في راسي وحلف قال ماف غيري سرق القروش دي وقال لي انا افضل اربي لي كلب ولا اربي لي حرااااامي زيك💔وبسبب المشكله دي انا اتسجنتهه اربعهه شهوور💔وفترت الأربعهه شهور دي نا قضيتها كلها عزاب وضرب في السجن واعمال شاااقهه💔طبعا ابوي عشان يدو واصلهه طلب منهم يعملو معي كدة وهو بحكي لي دموعو جات جاريهه💔قال لي طبعا معتصم بعد موضوع السرقهه دة بشهرين بس وضعو اتحسن وشغلو بقى تمام ورحل من جنبنا ومشى أجر ليهم بيت في العمارات وعمل ليهو منظمهه وفتح ليهو معرض بتاع ملابس بقى يسافر دبي يجيب بضاعهه ويجي راجع اتخيلي دة كلوو خلال شهرين بس من قصه السرقهه❤️وانا بعد م طلعتهه طبعا طالع ومقرر سلفا انو م ارجع بيتنا وحااالف بيتنا دة لو بقى قبله م اقبل عليهو💔 قررته اتحمل مسؤليه نفسي براي واشتغل اي شغل وبالفعل ي شهد انا اشتغلته اي شغل في الدنيا دي كمساري وااي شي وحتى كان لما يكون م عندي مكان انوم فيهو كنت بنوووم في الشااارع عااادي❤️❤️اشتغلته وقريت نفسي وانا قبل م ادخل السجن كلمته ابوي قولته ليهو معتصم اليوم داك برضو كان في البيت بس طبعا معتصم نكرر وانا متأكد شوفتو بعيوني بس م عندي الدليل القاطع وابوي قال لي علي كذاب وانو انا عايز اكذب وألفق التهمهه فيهو💔قال لي ي بااااطل تسرق وتتهم راجل اختك بالسرقهه💔💔 وكل م يتكلم دموعو بتزيد زياااادة💔عايز يكمل مسكتو من يدو وقعدته ابكي قولته ليهو كفااايهه م تكمل ياخي حسيت كأنو القصه دي حاصله معي انا والعزاب الإتعزبو دة إتعزبتو انا قلبي اتقطع عليهو وهو بحكي 💔😭😭😭قولته ليهو اسفهه لأني سألتك وزكرتك بالموضوع😭مسحته ليهو دموعو قولته ليهو الحصل معاك دة كلوو امتحان من ربنا وبس💔قال لي دة الحاصل💔قال لي بعد كدة انا حأرجع المستشفى عشان اتطمن على هند💔قولته ليهو طيب هنا الحاصل عليها شنوو؟اول م سألتو جاتو مكالمهه فتح الخط قال :طيب تمام جااااي أسي❤️قام على حيلو قال لي انا لازم امشي برجع بعدين كدة تمام❤️قولته ليهو طيب سوقني معاك م تخليني براي😥قال لي لا انتي خليك هنا ارتاحي انا برجع بعدين تمام؟قولته ليهو فارس الله يخليك😔😥قال لي شهد اسمعي الكلام 💔قولته ليهو طيب حاااضر😥😔قام ماشي على الباب قولته ليهو فارس؟قال لي ايوة❤️حضنتو قولته ليهو خلي بالك من نفسك😔قال لي وانتي كمان م تنسي اقفلي الباب كويس طيب؟قولته ليهو حااااضر😔...

#اغرمت_به16

في المستشفى فارس قال لي فااادي وين معتصم اسي؟فادي قال ليهو مسكتو الشرطه في السجن اسي❤️فارس قال ليهو تمام❤️احكي لي الحصل شنوو بالظبط؟فادي قال ليهو والله ي فارس انا زاتي م عارف الحصل شنوو💔مزن جات قالت ليهو تعال انا بحكي ليك الحصل💔

)معتصم ليهو فتره بقول لي هند الا تقولي لي ابووووك دايره قروش لأنو انا وضعي المادي م كويس ومطااالب ديون وم عندي قروش💔وشال منهادهبها كلوو💔طبعا هند قالت ليهو م بشيل من ابوي قروش مش انت راجل مالك م بتعرف تطلع قروش من عرق جبينك؟طول عمرك حتفضل عايش تحت خير ابوي كدة لمتين؟وبكره انا راجياني ولادة ومحتاجهه تجهيزات البيبي من اسي بديت أجهز وادينته من امي قروش م بقدر اشيل ليك قروش من ابوي ولا شي اتصرف برااك💔قال ليها نتي دايراني اتسجن يعني؟قالت ليهو اتسجن السجن زاااتو حق الرجال 💔بعد كلامها دة قعد يشااكل ويضرب فيها الكلام دة حصل قبل اسبووووع وهند حكت لي لأنهام بتخبي علي شي حكت لي كل الحصل دة حتى انا مشيت ليها عشان اسوقها اجيبها بيتنا ابت تجي معي قولته عايزة اكلم ابوي وامي واتشاكل مع معتصم حلفتني م اكلم زول ولا اتكلم معاهو💔 قعدته معاها خمسهه يوم بعدها رجعتهه بيتنا❤️وفي نفس اليوم الرجعته فيهو بيتنا حوالي الساعهه 12كدة قاعدة بتكلم مع ابوي كنت عايزة احكي ليهو عن الحاصل مع هند بس م قادره عليهو كنت خايفهه ضغطو يرتفع سااي قولته ليهو بابا هند دي حامل والحمل براها صعب عليها خصوصا انو دة اول بيبي ليها رايك شنوو نجيبها تكمل باقي حملها هنا وبالمره نخلي بالنا منها عشان هي تعبانهه بجد💔قال لي فكره والله لكن تخلي راجلها لمنوو؟خليها تقعد لمن تدخل في السابع جيبوها تقعد هنا❤️طبعا ابوي م عارف الحاصل عليها والعذاب والشقاوة الهي عايشاهم💔😀 بس فجأة تلفونو اتصل💔قولته ليهو دة منو البتصل عليك الساعهه 12دة😱ابوي بتخلط نص الليل امي م شايفهه شغلها الا احرشها ليك😂👊💔رفع لي التلفون قال لي اسي كان طرينا خزنه م كان لقيناها دي اختك هند مالها ي ربي ضاربه النص الليل كدة؟قولته ليهو دقيقه دقيقه فتحته الخط وفتحته السماعهه الخارجيه قولته ليهو دايره اسمع الشمار شنوو😂💔 فتحت الخط ساااامعين صووووت صراااااخ هند وهي بتقول ليهو اللحقني ي ابوووي داير يكتلني ي ابووي😭طبعا ابووي فجأة بقى يرجف وبقول ليها في شنوو ي بت مالك؟وهند بتصرخ وبتقول ليهو والله م افتح ليك الباب اي انت السرقته قروش ابوي وفارس اخوي اتسجن ظلم ي سكااري انا متحملاك كل الوقت دة😭وابوي كان بسمع في صوت ضرب الباب طاخ وفجأة سمع هند بتصرخ وبتقول وااااي ولدي كتل لي ولدي ي ابووووي اللحقني وسااامع معتصم بقول ليها والله اكتلك واكسسر راسك دة ي حيوانه عامله فيها م بتسمعي الكلام👊💔وهند بتصرخ بأعلى صوتها وبتقول ليهو اللحقني ي ابوووي اللحقني ولدي مااات😭فجأة ابوووي التلفون وقع من يدو مسكتو قولته ليهو ابوووي وقعدتهه اصرخ 💔فادي قال ليهو انا جيت لقيت ابوووي حالتو صعبه شديد شلتو جبتو المستشغى ومحمد وامي مشو لحقو هند💔مزن قالت ليهو طبعا حالتها اللقيناها فيها كانت م بتهوون حتى على الكاافر ضاربها بي عصااايه العسااكر م مخلي جزؤ في جسمها سليم حتى في بطنها ضاربها لقيناها قرقااانهه في الدم،💔ولسسه كان عندو نفس يضربها لو م نحن جينا وضربنا لي ناس 999جو ساقوهو بس محمد م قصر منو ضربو ضرب لمن خلاهو يطلع دم بي مناخرو💔👊فارس بعد الكلام دة بقى ماشي وجاي قال ليهم لسه م طلعوهو من السجن صح؟قالو ليهو لأ💔بعد شويه قالو ليهم اختكم دي فتحت فارس جرى على غرفتها اول م شافتو قعدت تبكي وتبكي وهو ببكي كلهم بقو قاعدين يبكو💔بقت تقول ليهو كتل لي ولدي ي فارس 😭اربعهه سنه انا م كنت بطلب من ربنا غير انو يرزقني ولد واسي مات بسبب الحيوان دة الله ينتقم منوو انا دايره ولدي😭😭مززن مسكتها قالت ليها هند اصبري واستغفري وقعدت تبكي فيها💔قالت ليها مزن مش نحن كنا بنجهز ليهو؟قبل كم يوم مشينا جبنا ليهو تجهيزاتو😭فارس طلع من الغرفه بقى م قادر يشوووف منظر اختو وهي بالحالهه دي💔..

انا في البيت جاتني غفوة نص ساعهه كدة صحيت مخلوعهه طبعا كنت بهلوس وخاته في بالي انو فارس حصلت ليهو حاجهه💔صحيت فتحته تلفوني اتوقعته انو اللقى مكالمات منوو بس م لقيت😔لقيت مكالمات كتيره من روان واسيل طوالي اتصلته على اسيل💔قالت لي ي حيوانهه بتصل عليك من الصباح راجعهه لي الساعهه 11ونص باليل؟قولته ليها معليش م كنت في البيت والله💔قالت لي كنتي وين وجادعهه تلفونك وين؟انتي عارفه عرسي فضل ليهو اقل من تلاتهه اسااابيع؟والمفروض من بكره امشي اشتري الشيله وانتي ولا على بالك اها بكره شيلي شنطتك وتعالي لازم نشتري الشيله الاسبوع دة عشان اتحبس😭قولته ليها بكره م بقدر والله لأنو ابو فارس واختو في المستشفى❤️قالت لي بإستغراب ابو فارس واختو؟هو فارس دة عندو اهل يعني م مقطوع من شجرة؟قولته ليها تخيلي عندو اسره وكبيره ومعروووفهه كمان؟وقعدته حكيت ليها القصهه كولها من الألف للياء💔طبعا بقت ساااكته وم عارفه تقول لي شنوو قالت لي شهد بجد م عارفه اقول ليك شنوو انا اتصدمتهه💔قولته ليها انا مصدووومهه اكتر منك والله فاارس لو شوفتيهو حالتو حااالهه ملهوووف وخايف على اهلو بصووره خياليه 💔قالت لي واااي لكن موبالغهه ي شهد طلعت ليك نسيبه وحموات 😂قولته ليها دة م وقت ظرافتك يلا💔قالت لي انتظري هم في اي مستشفى؟قولته ليها في مستشفى...قالت لي تمام طيب❤️بعد م قفلته منها اتصلته على فاارس م ردة علي اتصلته عليهو كم مكالمه م ردة اتجبرته انوم برااي💔صحيت الصباح جهزتهه ومشيت المستشفى💔

في المستشفى فاااررس قال لي فااادي ارح للزول دة في السجن؟فادي قال ليهو لشنوو؟قال ليهو نتفااااهم معاهو بس ارح❤️مسكو من يدو وقامو طالعين❤️محمد جا لاحقهم قال ليهم ماشين وين؟فارس قال ليهو راجعين انت خليك هنا تمام؟قال ليهم تمام❤️طلعو مشو السجن دخلو لقو ضابط في السجن بعرفوهو سلمو عليهو فادي قال ليهو عمي عباس اخبارك شنو ياخ طولته مننا💔الضابط قال ليهم والله تقولو شنو ي اولادي الحكومهه م مخلياني محل واحد كل فتره محولني ولايهه جديدة💔خير انشاءالله ي شباب الجايبكم هنا شنوو؟قالو ليهو والله عندنا حساب مع زول كدة بس جاين نصفيهو 💔ضحك قال ليهم حساب شنوو؟خير انشاءالله ي رب😂كدة تعالو 💔دخلو جوة قالو للضابط عايزين نشووف معتصم 💔قال ليهم زي الزمن دة م عندنا زياره والله💔فادي عاين للضابط الاسمو عباس دة نظام اتكلم معاهو يدخلنا وكدة💔طوالي الضابط عباس مسكو وساقو بعيد اتكلم معاهو جا قال ليهم اتفضلو طيب❤️فادي قال ليهو شكرا طبعا فارس دة قاااعد على اعصاابو خشمو م فتحو 💔اول م دخلوهم معتصم لما شافهم زاتو اتخلع فارس اول م دخل وقع فيهو ضرب بقى يضرب فيهو ويضرب فيهو فااادي في البدايه مسكو قال ليهو فارس انت مجنون؟فارس لزاهو قال ليهو وقسمابالله ي فادي تمسكني بضربك معااهو✋فادي لما شاف فارس منفعل شديد هو زاااتو بقى يضرب معاهو بقى فارس يضرب وفادي يضرب ومعتصم يصرخ ي عسكري اللحقني دايرين يكتلوني وينك ي جنااابو💔فادي قال ليهو جنااابو ي مره؟اسي الضرب بقى ليك حار؟طيب وين كان احساسك دة لما كنت بتضرب في مرتك؟وين كان احساسك لما كتلته ولدك؟وريني؟عزبته لي اختي لكن الليله انا بوريك العزاب الألله خلقو ي حيوان عشان تاني يدك دي م ترفعها تضرب بيها مره واختي تسلمني قسيمتها ي كلب فاااااهم ولا م فاهم؟هم بقو بضربو فيهو وبره الضابط عباس بقول للضابط الحارس اصبر اصبر دي تصفيه حساب عاااديه الزول دة خواف ساااي بعيط زي دة😂💔👊فضلو يضربو فيهو اكتر من تلت ساااعهه تقريبا لمن بقى يصرخ بأعلى صوتو بعدها العساااكر جو مسكوهم وطلعوهم بره💔الضابط قال ليهم بسجنهم💔فارس قال ليهو بعد كدة اعمل الدايرو تمام وطلع مشى💔

انا وصلته المستشفى لقيت فااارس ماف بس اتفاجأته ليك بي امي وابوي واسيل في المستشفى خلعوني طبعا اسيل الكلمتهم💔ابوي قال لي ليه من اول امس م كلمتينا ولا اتصلتي علينا؟قولته ليهو تلفوني م كان معي كان في البيت جات مزن سلمت عليهم وقالت ليهم انا اخت فارس الصغيره❤️ابوي قال ليها ماشاءالله ربنا يحفظك بعدها دخلنا على ابو فارس سلمنا عليهو ابوي قال ليهو عوافيكم انشاءالله ي رب م كنا عارفين والله سمعنا امس نص الليل💔ام فارس قالت ليهو تسلم تسلم الله يديك العافيه❤️مزن قالت ليهو بابا دة والد شهد زوجه فارس وامها واخوانها ❤️ودة ابوي طبعا ي عمو ودي امي❤️قعدو مسااااااافهه اتونسو وكدة❤️بعدها طلعو مشو لي هند حمدلو ليها السلامه وفضلو قاعدين معاها❤️انا طلعته بره وقفته وبقيت اتلفت م شايفهه فارس وانا مقلقه عليهو جا محمد قولته ليهو فارس وين؟قال لي فارس دة والله طلع مع فادي اسي لكن م عارفهم مشو وين💔واقفه وبتونس معاهو كدة جو داخلين فارس وفااادي مع بعض❤️طبعا من بعيد ماشين م طبيعين خالص اكيد عاملين مصيبهه😂لما وصلو شكلهم مغسلين وشوهم وروسينهم زي الزول الطالع من الحمام ي دووب💔محمد قال ليهم كنتو وين انتوو؟قولته لي فارس مبلولين كدة في مطره بره؟فارس قال لي لأ صباح الخير❤️قولته ليهو صباح النوور❤️قال لي نمتي كيف امس م قدرتهه اجي راجع البيت💔قولته ليهو بالي كان مشغوول عليك بس طول الليل م قدرته انوم كنت بفكر فيك😔قعد يعااااين لي مساااااافهه بعدها مسح وشو بي يديهو قال لي تعالي مسكني من يدي قال لي هند صحت؟قولته ليهو صاحيه وقاعدين معاها ناس امي❤️قال لي عمي وعمتي جو؟الكلمهم منوو؟قولته ليهو اسيل كلمتهم دخلنا الغرفه سلم

عليهم❤️شويه كدة فااارس قال ليهم تعالو نمشي الكفتريا ي جماعهه نفطر ونشرب الشاي بالمره❤️امي قالت ليهو نحن جبنا فطووورجاااهز ي ولدي م محتاج نمشي الكفتريا ❤️محمد قال ليهم طيب تمام احلى شي نشيل فطورنا ونمشي الكفتريا نفطر😂قولته ليهم طيب انتو امشو افطرو وخلوني انا مع هند بفطرها انا❤️مزن واسيل قالو لي نحن زاتنا حنقعد معاك طيب❤️طلعو مشو اول م طلعو فارس اتصل علي قال لي حبيبتي م تنسي تفطري فهمتي لأنو من اول امس م اكلتي حاااجه💔قولته ليهو حاااضر وانت كمان ❤️ 

قال لي انا حأفطر بس لما اتأكد اووول انو انتي فطرتي❤️طبعا اسيل دي مجنونه ونسه وضحك قعدت توني ليك في مزن وهند وتضحك فيهم ياخي للحظه حسيت هند نست الحصل معاها لما شوفتها بتضحك❤️عدت اسبوعين وطبعا في الاسبوعين ديل كل يوووم ماشين وجاين في المستشفى 💔بعد الاسبوعين ديل خرجوهم طبعا ابو فارس دةكان المفروض يخرجوهو من الاسبوع الأول بس كانو خايفين من جلطه اليد💔يووم الخرجوهم مشينا وصلناهم البيت طبعا بيتهم كبيير وفظييييع يعني البشوف المكان والبيت الكان عايش فيهو فارس م بقول ديل اهلو خااالص💔وصلناهم الساااعهه 10صباحا كدة وقمنا طالعين❤️امو قالت ليهو ي ولدي م تقعد تبيت دة م بيتك مالك ماشي طوالي زي المطرود 💔قال ليها والله ي امي م بقدر عندي شغل في المستشفى لازم امشي البيت ارتاح شويه واطلع الدوام❤️قالت ليهو حيييي ي ولدي طيب خلي مرتك هنا💔قولته ليها بخلعهه كدة ملابسو م جاهزة لازم امشي اكويها ليهو وكدة💔فارس طوالي عااين لي وابتسم❤️قالت لينا ايواا طيب ❤️جات مزن قالت ليهو فارس حتمشي تاني؟😔😥قال ليها بجيكم انشاءالله❤️قالت ليهو انت كزاب😭قال ليها وربي م كزاب بزوركم كل يوم انشاءالله ❤️قالت ليهو طيب وشهد حتخليها تجي؟قال ليها شهد انا م ماسكها في زمن عايزة تجيكم تجي اسي لو عايزنها خلوها معاكم😂😂😂😂😂😂👊💔طوالي حمرته ليهو😒فتحت لي اسنانو وعمل لي كدة😸😬قال لي طيب دقيقه اكلم الحاج دة واشوف هند بالمره قبل م اطلع💔طلع فوق وجا نازل قال لي يلا ودعتهم وطلعتهه مزن دي مشت معانا لحدي الباب شغاله تقول لي شهد حلفتك تعالينا وجيبي معاك اختك العسل ديك ❤️قولته ليها حاضر😂جا فااادي قال لي فارس انتظر اداهو مفتاح العربيه قال ليهو امشي بيها وبجي بشيلها منك بكره💔فارس قال ليهو لا م بشيلها والله💔فادي حلفو كداا فارس حلف م يشيلها فادي قال ليهو طيب اركب اوصلكم برضو قول م ماشي😒ركبنا وصلنا بيتنا ورجع وصلنا حوالي الساعهه 12كدة💔فاارس كان متضااايق وانا حسيت بيهو كان مخنوووق لأنو رجع دخل البيت الاتظلم فيهو داك لأنو لما دخل اتزكر الحصل من اوول وجديد💔بس هو م كان عايز يتكلم وانا م حبيت تاني افتح الموضوع واسألو واتضايقو💔قولته ليهو انت ارتاح وانا حأعمل لينا حاجه ناكلها،💔قال لي تمام❤️دخل الغرفه وانا دخلته المطبخ عملته لينا بطاطس وبيض وجبنه وزيتون وخلطتهه العصير وانا جعااااانهه💔جهزتو وختيتهم في طربيزة المطبخ وطلعته مشيت ناديتو كدة م ردة علي فتحته باب الغرفه لقيتو استحمه وغير ملابسوو ونااااااام 💔حنيت على حالتو بجد نااااايم كأنو زوول ميت من شدة الارهاااق في فترة الاسبوعين دي كل الوقت ماشي وجاي ولا بلحق ينوم حتى💔دخلته استحميت وطلعته والله لما شوفتو ناااايم الجووووعه زاتها طارت من بااالي😥جيت رقدتهه جنبو وقعدتهه بس اعاااين ليهو🙈ختيت راسي في كتفووو ونمتتتتته انا زاتي نايمين من السااعهه 12م صحينا الا الساااعهه 5مساء❤️فتحته عيوني لقيتو لسسه نايم وخاتي يدو في راسي نزلتها من راسي وقربتهه منو براااحهه وبوستو بوسه خفيفه وربي🙈ياخي شكلو يخليك تعمل اي شي😬💔👊اها مع البوسه دي كانت الوقعهه السودة هنا هو طوالي فتح عيونو😭طبعا انا مخلوعهه وبعاين ليهو (طبعا الزول العامل عمله دة شكلو معروف😂)عاين لي قال لي الساعهه كم اسي؟قولته ليهو 5😥قال لي مالك مخلوعهه كدة؟_وبعاين لي ❤️قولته ليهو ماف شي وحكيت راسي😂قال لي عيني في عينك كدة؟وبقى يقرب مني ؟قولته ليهو فارس ياخ وربي ماف شي❤️قال لي وشك وش زول عامل عمله وخايف😀قولته ليهو اعنل شنوو يعني افجر فيك البيت دة مثلا😒رفع لي حاجبو قال لي يمكن😂قولته ليهو انا زاتي نازله يلا ماشهه أكل،❤️مسكني قال لي يعني م اكلتي مش قولتي جعانهه قبيل؟قولته ليهو بس انت كنت نااايم أكل كيف😔قال لي دقيقه دقيقه انتي م اكلتي عشان انا كنت نايم؟قولته ليهو ايوة😔قال لي يعني م بتاكلي من غيري؟😬قولته ليهو م كدة ياخ بس 😔قال لي بس شنوو قولي وبرجع لي في شعري لي ورا❤️قولته ليهو م انت كنت نايم ياخ حيكون بس شنوو😔قعد يضحك قال لي بس دة كل السبب طيب تعالي مسكني من يدي وطلعنا مشينا على المطبخ طبعا الأكل مرصوص جاهز ❤️قعدنا ناكل في نص الأكل قال لي على فكره انا عارفك عملتي شنوو؟طبعا اتخنقته عااد اودي وشي وين الأكل بقى واقف في حلقي لا قادره ابلعو لا قادره اطلعو😷اداني كبايه المويه وهو بضحك قال لي مالك؟قولته ليهو العصير في التلاجهه عايزة اطلعو❤️مشيت فتحته التلاجه شلته جك العصير قام على حيلو وجا قف جنبي وقفل باب التلاجه قال لي انتي مالك بتتهربي مني؟قولته ليهو انا خالص والله وضربات قلبي ماشه تزيد💔قال لي طيب نحن متزوجين ولا م متزوجين؟قولته ليهو متزوجين😥قال لي طيب انتي شايفه نحن بنعمل في شي غلط؟قولته ليهو انا متين قولته كدة؟قال لي طيب قولي لي عملتي شنو وانا نايم ؟طبعا خلااااص اتلخبطتهه بقيت م عارفه اقول ليهو شنوو💔قال لي بوستيني ولا لأ وهوببتسم؟من الخلعهه قولته ليهو كانت خفيفه وربي😬😸😱😷قعد يضضضحك قال لي يعني عملتيها ؟بقيت ساااااكته ساااي💔قرب مني قال لي قولتي لي خفيفهه😂قولته ليهو فارس وربي انت حيوان بششكل يعني كنت صااحي😥😷😒؟قال لي لأ بس صحيت بيها احساس بس تخيلي❤️بقيت سااااكته ساااي وماسكهه جك العصير ومنزله راسي تحت💔حضني وهو بضحك قال لي وكمان بتخجلي الخجل يخلوهو ليك على فكره دوور الشريره م جاي عليك😬😂عاينته ليهو وقولته ليهو انا متين كنت شريره؟😒تاني رجع ضماني قال لي ماف داعي ازكرك ياااخ😂خلينا كدة حلوين😬فضل ضاميني مسااافه بعدها قال لي دة شنوو الشي البارد الفي بطني دة؟قولته ليهو دة جك العصير ضربني في راسي قال لي مجنونهه بجد😂😂😂😬😸👊💔....

استغفر الله ي ربي تغفر لي🙌 

#اغرمت_به17 

قولته اساسا انا زعلانهه منك يلا زح مني😔قال ليه مالك😬قولته ليهو كنت ناااوي ترجع البيت وتخليني مع ناس امك عااادي صح؟ضحك قال لي اي عاادي وين المشكلهه😂😬😸👊💔قولته ليهو والله؟😒طيب ماف ليك عصير يلا😒قال لي لا ياخ وربي م قصدي حبيبتي معقوله تهوني علي اخليك ورااي دي كانت حركهه مني سااي😥قولته ليهو برضو ماف ليك عصير يلا😆😒سمع تلفونو بضرب فكاني ومشى دخل ردة وجاني طالع قال لي اساسا حأمشي اشرب لي احلى كبااايه عصييير من بره خلي جك العصير حقك ينفعك😝😂👊💔قولته ليهو يلا بلا لمهه😒م كنت مصدقاهو طبعا دخل الغرفه غييير ملابسو وجا طالع قولته ليهو انت جادي يعني😥ضحك قال لي ايوة جاااادي وحوووص لي عيونو وهو بضحك😂قولته ليهو فارس طالع ماشي وين😥قال لي عازمني كبايه عصييير😸انتي فاكره كل الناس غاااسيه زيك😝قولته ليهو العازمك منوو😥قال لي زول بس😅قولته ليهو طيب خلي الزول دة ينفعك😔قعد يضحك وصل جنب الباب قال لي ماشي المستشفى والله م تشغلي بالك سااي😂😬😸👊💔قولته ليهو بجد؟قال لي وربي اتصل علي دكتور خالد اسي عندي مقابلات مع مرضى عاملين عمليات ❤️قولته ليهو طيب انتظر❤️مشيت كبيت ليهو عصير في كبايه وجبتو ليهو قولته ليهو طيب هااك😔قال لي مالك مدياني ليهو بي زعل كدة م راضيه بيهو😂قولته ليهو لا 😔قال لي طيب زعلانه مالك؟قولته ليهو علشان انت ماشي الشغل حأقعد براااي😔قال لي كلها كم ساااعهه واجي راجع تمام ولا تزعلي روحك ❤️قولته ليهو حاضر بس م تتأخر فهمته؟قال لي حااضر وربي اول م اخلص بجي راجع❤️قولته ليهو وكمان جيب لي معاك بيتزا وانت راجع 😥قعد يحاكي في صووتي ويضحك قال لي طيب حاضر❤️قعد يشرب في العصير وانا قعدته اصلح ليهو في قميصو❤️بعد م خلص قال لي حبيبتي انا طالع حضني وباسني في راسي قال لي كم سااعهه وارجع تمام❤️قولته ليهو حاضر خلي بالك من نفسك❤️وطلع مشى انا رجعته لميت المكان الأكلنا فيهو ومشيت شغلته التلفزيون شويه كدة اتصل علي قال لي عايزة بيتزا بشنوو بعدين؟قولته ليهو بالجبنه لا بالفراخ❤️قال لي اثبتي على حاجه واحدة😂قولته ليهو بحبهم الاتنين😥قال لي طيب طيب تمام وقفل الخط❤️ قعدته احضر في التلفزيون للساعهه 11منتظراهو م جى نمتتتته في الكنبه ديك💔جا داخل البيت الساعهه 12ونص انا كنت نااااايمهه كان في مطر وشكلو المطره لاقتو في الشارع 😂👊💔دخل غير ملابسو صحاااني كداا طبعا انا ثقيلهه لما انوووم والله❤️قال لي قومي جبته ليك البيتزا❤️قولته ليهو ياخي ياخي م عايزة💔شالها دخلها التلاجهه❤️بعدها جا شالني دخلني الغرفه ❤️الصباااح صحيت اتفاجأته بي انو هو نايم جنبي وانا م متزكره شي😂نزلته اتسوكته واتوضيت صليت اثناء م انا بصلي كدة جا وقف عاين لي كداا ومشى بعد م خلصته صلى لقيتو طالع من الحمام وخاتي البشكير في راسو قال لي تقبل الله😅قولته ليهو امين❤️امس جيت متين ياخي انا منتظراك للساعهه 11ونص قال لي انا دخلته البيت الساعهه12لقيتك نايمهه زي البغلهه😂😬😸👊💔قولته ليهو بغلهه في عينك ي بعيد😡جراني عليهو قال لي طيب انا يااااهو قريب كدة كيف❤️😸🙈قولته ليهو غياظ دة واتفكيت منو😂👊💔طلعته المطبخ جهزته ليهو شاااي❤️فجأة تلفوني اتصل لقيتها اسيل قالت لي شهد ي سجم وربي بالغتي معاي ياخي انا عرسي بعد تلااااتهه اسااابيع م عايزة تجيني؟قولته ليها جاااياك والله بس😬قالت لي بس شنو وين فارس بتاعك دة اديني ليهو👊💔قولته ليها فارس في الغرفه بجهز طالع الشغل ❤️فجأة فارس جا طالع قال لي الشاي جاهز؟قالت لي سامعهه صوتو اديني ليهو قولته ليك❤️قولته ليهو فاارس هاااك دي اسيل قالت عايزاك❤️مسك التلفون اتونس معاها وضحك تمااام قال ليها حااااااضر ي ستي اجيبها ليكم طواااالي اليوم قبل بكره طلبااااتك اوااامر ي عروووستنا❤️بعد م قفل قعد يعاين لي قولته ليهو مالك_؟قال لي مجبوور اخليك تمشي تقعدي مع اختك العروس تلااااتهه اسااابيع❤️قولته ليهو شنوو😥قال لي على الأقل حأرتاح منك ومن كلامك الكتير دة 😸😬😂👊💔قولته ليهو بالله؟طييب😒طوالي دخلته الغرفه ملابسي في الشنطهه جااااهزة قفلتها وغيرته ملابسي جا داخل الغرفه مسكني وقفني جنب المرايه قال لي شووفي روووحك وانتي زعلانه بتتنفخي كيف😱لا حولا شويه كدة حتتفجري 😱عاينته ليهو كدة😒قولته ليهو فكني وبطل استظراف😒ضمااااني عليهو قال لي بهظررر معاك ي هبله ياخي انا لو فكيتك انا الحيفضل لي منوو؟انتي بقيتي كل شي بالنسبهه لي فهمتي ي. مجنونه ولو م كانت اسيل اختك طلبت مني كدة وانا م حبيت احرجها م كنت حأخليك ولا ثانيه بعيدة مني فهمتي 👊💔طبعا بعد كلامو دة بقيت م عارفه اقول ليهو شنوو بقيت متعلقهه فيهو بس💔قال لي كل يوووم حأجي اشوفك وحأتصل عليك كل ربع ساعه ولا اقول ليك كل نص ساااعهه عشان تشتاقي لي 😂😬😸👊💔قولته ليهو مجنون انت يلا🙈جهزته وطلعته معاهو وصلني ودخل سلم على ناس ابوي وطلع مشى الشغل❤️فضلنا نجهز في حجات العرس وحبسه اسيل وكل يووووم جاااارين السوق وجاااين راجعين مجتبى قال لي الا تتصلي على تبيان وتتقولي ليها تعالي اقعدي معانا فتره العرس دي❤️اتصلته عليها قالت لي م بقدر اجي ي شهد والله وبقت تجيب لي اعذار اصريت عليها عليها وفضلته احنسها لمن وافقت جات❤️قبل العرس بي اسبووع جو صحبات اسيل وجات حنين اختي من امريكا😍😍😍وجات روان وعلا قعدو معانا الموهم البيت اتملا وبقت احلا لمه❤️المشكله انو حبسو اسيل وحبسوني انا زاتي معاها😂👊💔يوووم الجنه طبعا كانت بي طه ❤️ياخي هججنا ورقصنا رقيص فظيع😂👊💔يوم العرس نحن كنا في الكوفير وفارس كان لابس جلابيه رسل لي الصووره ياخي قربته اطلع ليهو بي شاشه التلفون وابوسو🙈🙈جهجهني بالصوره دي الجلابيه ولفه العمهه يخلوها ليهو 🙈🙈🙈🙈رجعته البيت زمن الغداء كان في حجات جيت اشيلها وراجعهه الكوفير كانو معي اسيل وروان جينا داخلين لقيت هاااشم وواقف ليهو مع شباب كدة لما جينا قعد يعااااين لي بصووره كدة غريبه وانا كأني م شايفاهو اتونس واضحك مع ناس روان عاادي بجد غريبه انا لما شوفتو م حسيت بي أي شي لا قلبي وجعني ولاااااا اي شي كأني م كنت بعرفو قبل كدة💔دخلنا شلنا حجاتنا المحتاجنهم وجينا طالعين روان قالت لي نسيت تلفوني في الغرفهه 😬قولته ليها وربي انا تاني م راجعهه ارجعو انتو ❤️قالت ليها علا ارح ارجعي معي مسكتها من يدها وطلعو مشو❤️بقيت واقفهه منتظراهم الناس البجو داخلين بسلمو علي وبمشو فجأة اشوف ليك هاشم جااي علي طبعا وقفته في محلي ولا اتحركته 💔جا سلم علي قال لي مبروووك للزوله دي كمان ياخ❤️قولته ليهو تسسسلم والله عقبال م نفرح بيك انت وتسنيم كمان عن قريب انشاءالله 😍😊❤️طبعا استغرب من كلامي وردة فعلي الطبيعيه معاهو❤️قال لي وين راجلك م عرفتينا عليهو وم شوفناهو❤️ضحكته قولته ليهو معليش علشان الملايكهه م بتتشاف😂قال لي معقوله للدرجه دي المميز فيهو شنووو؟قولته ليهو ارجل منك دة الشي المميز فيهو☺️بتكلم معاهو كدة فارس اتصل علي قولته ليهو حبيبي❤️قال لي اتغديتي؟قولته ليهو لا لسسه م اتغديت جيت البيت وطالعهه على الكوفير اسي💔قال لي طيب وين انتي اطلعي لي قدام الباب جاي عليك❤️قولته ليهو انا اسي جنب الباب تعال❤️عاينته لي هااااشم لقيتو بعاااااااين لي وصاااري لي وشو م اتوقع مني اكون طبيعيه كان متوقع حيلقاني لسسه مكسوووره ويااائسهه💔رفعته ليهو التلفون وابتسمته قولته ليهو شايف م قولته ليك الفرق بينو وبينك انو ارجل منك؟كفااايه جدا انو بهتم بأبسط تفااااصيل يومي وشايلني في عيوني وكمان خلاني انسااااك في أقل من شهر بقيت اشوفك زيك وزي اي زووول مره علي في الشااارع😊☺️فجأة اشووف ليك فااارس جااااي علينا ياااخي لابس جلابيه ولااافي العمهه والعجب الجزمهه واااي انا اتدردقت في مكااااني🙈🙈🙈🙈🙈جا سلم علي والله بقيت فاتحهه خشمي وبعاين ليهو زي الهبلهه بعدها سلم على هااشم طوالي مسكته فاااارس من يدو قولته ليهو فااارس اعرفك دة هااااشم خطيب تسنيم بت خالتي❤️هاااشم دة فاارس الكنت نفسك تتعرف عليهو☺️فارس قال ليهو ابو شباب خبراتك؟هاشم قال ليهو تمام الحمدلله ❤️فارس قال ليهو عقبال م نشوووووفك انت عريس كمان ياخ وضربو في كتفو❤️بعدها فاااارس مسكني من يدي قال لي تعالي هنا انتي وساقني بعيد وخلينا هاشم واااااقف💔قولته ليهو مالك ي فارس؟قال لي اوووول مشتااااق ليك تاني شي انا كل شويه اقعد اتصل عليك وازكرك بمواعيد الأكيد💔قولته ليهو اولا انا كمان مشتااااااقهه ليك❤️تاني شي ايوة تتصل انت عندك منو غيري علشان تهتم بيهو😆قال لي م دي اامشكله هنا انو انا م عندي اهم منك😂👊💔وانا ماسكاهو من جلبيتو نزل لي يدي قال لي بشوفنا زول اسي😬😂👊💔اتلفته لقيت هاشم لسه واقف وبعااااين لينا وملامح وشو لمن اتغيرت💔جو ناس روان سلمو على فارس وقالو لي بعد كدة نمشي لأنو الزمن اتأخر ❤️قولته ليهم طيب تمام ❤️فارس قال لي بصووت واطي خلي بالك من نفسك تمام؟قولته ليهو حااااضر😘 في الكوفير اسييييل طلعت قمررر 14ياخ ناس الكوفير شغالين يقولو ليها بسحروك بسحروك😂👊💔وانا فستاني كنت قاصاهو قص قماشتو كانت باللون الأسود بس قصتو بسيطه وخنفشااااريهه❤️لبسته معاهو حلق وسلسل رفيع وساعهه واسوره رفيعه كلهم باللون الكبدي❤️كل الفي الكوفير قالو لي فستانك دة جايباهو من وين؟قولته ليهم والله فصلتو وطقمتو لي واحدة صحبتي شديد بس❤️قالو لي ابدعت والله بجد فيهو❤️لبسنا وسرحو لي شعري انا كنت رااااسمهه بس م كتير شديد❤️طبعا انا بالعادة بحب الحجات البتكون بسييييطهه دي حتى يدي خليتهم يرسمو لي في انااااملي بس❤️الموهم جهزنا بعد م جهزنا اتصل علي فارس قال لي عندي ليك مفاجأة❤️قولته ليهو شنوو؟قال لي قولته ليك مفاجأة تقولي لي شنوو؟😂قعدته احنس فيهو قال لي لمن اجي م تطلعي من الكوفير الا انا اجي فهمتي؟ 😂😬😸👊💔قولته ليهو بس م تتأخر👊💔قال لي تمام❤️شويه كدة جا ماااهر ساق اسيل وجا معاهو مجتبى وعمر وتلاته من اصحاااابو كل واحد فيهم سااايق عربيه ياخي الكوفير دة بقى من بدايتو لي نهايتو عباره عن عربات بس💔اسيل وماهر في عربيه براهم❤️مجتبى ساق تبيان وروان ساقها عمر طبعا عمر ربط معاها الجزمه وم كلمتني😒👊💔😂فضلت علا وانا ومزن اخت فااارس❤️اصحاب ماهر قالو لينا طيب تعالو نحن حنوصلكم❤️قولته ليهم لأ انا حأنتظر فاارس قال جاي علا انتي امشي مع واحد ومزن انتي كمان امشي مع التاني علشان الرصهه زاتها تكون حلوة كل اتنين يمشو مع بعض❤️علا قالت لي بسسي انا ابو سكسوكه دة كسسرني مسكيني فيهو اصلي م بمشي مع زول غيرو والله لو خاطب ولو متزووج ولو عندو حبيبه انا قررته حأشلبو حأشلبو وماف زول يمسكني منو لو سمحتو😔قولته ليها حيوانه م بتخلي حركاتك دي اصلا طيب تمام امشي معاهو وي مزن انتي امشي مع التاني وانا م حأتأخر تمام قالو لي تمام وطلعو مشو❤️انا فضلته قااااعدة مستنيا فارس واتأخر بتصل عليهو م برررد خلاص قلقته عليهو فضلته اتصل عليهو كتييير في الأخير رد قبل م اتكلم قال لي عااااارفك اتضااايقتي وقلقتي علي اااسف حبيبي❤️قولته ليهو وين انت؟قال لي قريب وصفي لي الكوفير اسمو شنوو وجنب شنو بالظبط؟وصفته ليهو قال لي ايوااا تمام ربع سااااعهه واكون عندك❤️قعدتهه مسااافهه اتصل علي قال لي انا قدام الكوفير تعالي منتظرك انا❤️طلعتهه لقيتو واااااقف لابس ليهو فنيله سوداء وبنطلون جينز لبني وجزمه سوداء وبدله باللون الكبدي❤️طبعا بقيت وااااقفه وبعااااين ليهو وهو زااتو بقى يعاين لي بس🙈جا مسكني من يدك قال لي احصنك كيف انا اسي ولا ادسك وين وم اخلي زول يشووووفك ؟قعدته اضحك😂قال لي عايني م تضحكي جااادي معاك انا❤️قولته ليهو طووول م انا معاك م خايفهه من شي وم حيصيبني شي❤️قال لي تعالي اوريك المفاجأة مسكني من يدي ووقفني قدام عربيه توسان لونها اسووود كدة❤️قولته ليهو وينها؟قال لي القدامك دي؟قولته ليهو جبتها من وين؟قال لي صرفتها لي المستشفى اصلا هي بالقرعهه سنويا بطلعو خمسه عربات لي دكاتره واسمي وقع في القرعهه❤️قولته ليهو لا بجد م مصدقهه😍قال لي لا صدقي ي وش الخير انتي تعالي فتح لي باب العربيه ركبته وجا ركب قال لي كيف المفاجأة❤️قولته ليهو حبيبي فررررحته ليك بحد م فرحته ليك بس انا عايزة اطييير من الفرح ياااااخ😍قال لي انتي بس خليك مبسووووووووووووطه وبتضحكي كدة على الدواااام وانا حأكون بخيير❤️وصلنا الصاله الفنان كان بغني في غنيه (سكر بعشرق في الحلق❤️) ياخي لما نزلنا وجينا داخلين طبعا فارس ماسكني من يدي الناس دي كلها قعدت تعاين لينا ملفتين للنظر بصووره موبالغ فيها 🙈❤️ونحن داخلين فارس قال لي في اضاني اسي بالله نحن فاضين للعرسان ؟قمته ضحكته في اللحظهه ديك بس المصوور ثبتنا في الشااااشهه روان وعلا قعدو يصرخو لي وبقولو لي قال ليك شنووو ؟الشباب قالو لي اي قاليك شنوو ضحكته كدة💔؟انا بقيت اعاين ليهم واضحك❤️بعدها قعدنا في الكراسي مع اهل فارس امو وابوهو ومزن اختو وفادي ومحمد❤️قعدنا نتونس جات علا وتبيان قالو لي قومي نرقص مشينا قعدنا نرقص ❤️فجأة جا مجتبى وعمر اخوي قعدو يرقصو معانا فجأة لاحظته اشوف ليك هااااشم واقف جنبي 💔طوالي اتحركتهه من جنبو❤️تسنيم كانت شايفااااني ومتغااااااااظه مني وعايزة تتفجر وانا اساسا م مركزة معاها💔

فارس كان واقف وبتكلم بالتلفون بره جا داخل تسنيم طوالي مشت قالت ليهو ممكن اتكلم معاك خمسه دقايق؟قال ليها اتفضلي على طول❤️قالت ليهو انت مرتك دي م بتقدر تلمها؟قال ليها بسم الله في شنوو وبعدين م ممكن تتكلمي بي اسلوب؟قالت ليهو اجيب الاسلوب من وين ومرتك متلصقهه في خطيبي الكان حبيبها القديم زي القرادة؟قال ليها كان حبيبها القديم وهي بت خالتك وانتي وافقتي تخطبي حبيب بت خالتك القديم عااادي كدة؟قالت ليهو دة م موضوعنا💔قال ليها ودة م مجال اختصاصك اللمها او لا لأني بعرف تماما مرتي هي شنوو وبعرف اخلاقها ولنفترض انو مرتي متلصقهه في خطيبك انتي مالك م بتعرفي تلمي خطيبك؟يلا عن ازنك😊ومشى خلاها جا لقاني قاعدة مع ناس امو وبتونس مع مزن ونضحك❤️وانا شوفتو بتكلم مع تسنيم❤️قال لي تعالي نرقص ❤️قولته ليهو يلا مشينا وقعدنا نرقص قولته ليهو تسنيم قالت ليك شنوو؟قال لي م تركزي م عندها موضوع سااي💔قولته ليهو اكيد قالت ليك انو انا وهاشم زمان كنا بنحب بعض وكذااصح؟ اتضايقتهه؟قال لي شهد م محتاج انك تحكي لي وتبرري لي عااارفه لي؟لأني بثق فيك حد الجنون وانا عارف انو انتي اتزوجتيني بقنااااعهه صح ولا لأ؟قولته ليهو ايوة❤️قال بسسس خلاص لحدي هنا نحن كويسين وانا والله ي شهد مش لو جات بت خالتك وقالت عنك كلام غلط انا لو جاتني امك زاتها وقالت لي شهد بتي دي صفتها وصفتها بكزبها وحتى لو شفته بعيوني بكزب عيوني عارفه ليه؟لأني عااارف ومتأكد بنسبه 100%انو انتي انسانه قلبك ابيض وجواك ابيض وانا عمرو احساسي م بخيب❤️طبعا ياخي حسيد روحي بكماء م قاااادره اتكلم واقول ليهو شنوو قولته ليهو يااااااخ والله انت الله يخليك لي بس 🙈🙈🙈العرس خلص واسيل رحلناها وانا فضلته مع امي في البيت علشان براها وحنين اختي رجعت على طول علشان مدارس اولادها انا قاعدة مع امي تلاته اسابيع دة كلووو بس بنرتب في البيت وجوووطهه العرس وكدة💔بعد التلاته اسااابيع دي ابوي قال لي انتي م ناويه تمشي بيتك؟قولته ليهو بتطردني ي بابا ي مفتري عايز الجو يصفى ليك؟😒😊قعد يضحك قال لي حركاتك دي بطليها واعقلي😂رقدته ليهو في رجليهو قولته ليهو يدوب عمري 21سنه اعقل لشنو هم العقلو عملو شنوو😕الموهم بعد يومين رجعته بيتي طبعا ياخ انا رجعته بيتي كأني عروس جديدة حنه ودخان وامي ادتني شنطهه بتاعهه ارياح😂😬👊💔فارس في الفتره دي كان ببيت في المستشفى علشان كان مضغووط وكدة💔بعد م رجعته البيت قال لي كان تقعدي لسه في بيتكم؟قولته ليهو تعال وقفتو قدام المرايه قولته ليهو شوف لما تزعل بتتنفخ كيف وااااي شويه كدة وحتنفجر 😱😱😱😱قعد يضحك قال لي غياااظه ياخ مشتاق ليك بجد وربي ومشتاق لي كلامك المابخلص دة 😅❤️قولته ليهو م بتلحقني ياخ بس ارهااق العرس وتنظيم البيت هدة حيلي😴قال لي معليش حبيبتي انشاءالله في عرسي التاني م حأخليك تتعبي حأجيب ليك كميه من الشغالين 😂😬ضربتو قولته ليهو جررررب بس وانا اهد البيت في راسك وفي روسين الشغالين😡قولته ليهو بالمناسبه بكره حأعزم اهلك واهلي يجو يتغدو معانا مش بكره الجمعه؟قال لي ايوة❤️قولته ليهو بس تمام لأنو شينه مننا م حصل عزمناهم ولا بالغلط في بيتنا دة💔قال لي معاك حق والله❤️طيب تمام اسي بكلمهم❤️صباح اليوم التاني صحييييت بدررري ووقعته ليك في البيت نضااافه واتصلته على روان وعلا علشان يجو يجهزو معااي❤️خلصته نضاااف فاارس مشى السوق جاب لي الخضار وجا راجع لقاني بغني وبرقص سااي قال لي مجنونهه😂😬بعدها جهز للجمعهه لبس الجلابيه والطاقيه وقام طالع قعدته اعاين ليهو واتبسم ساااي❤️قال لي بي صووت حنين كدة م تعايني لي كدة بخجل ياخ🙈😆فكيتها ليك ضحكه قولته ليهو حلفتك عيدها تاني😂قال لي انا طالع ي زوله😂وصلنا جنب الباب قعدته اصلح ليهو في زراير جلابيتو قولته ليهو حصنتك من كل خفيفه ولفيفه ومن عيون الخالات البايرات ومن بنات الحله والجيران قعد يضحك قال لي دة كلام شنوو؟قولته ليهو مش بحصنو كدة؟قال لي طيب التحصين دة م معاهو حاجه كدة ولا كدة😅لزيتو قولته ليهو الخطبه حتفوتك ي سجم😂 وجوني البنات اشتغلو معي الغداء كلووو انا عامله تقريبا 20صنف ❤️بعد م جو اهلي واهلو وضيفناهم بدينا نجهز في الغداء بعدها قعدو كلهم في الصفره بتتغدو وانا قاعدة بعيييدة من فارس بس هو بعاين لي وانا بعاين ليهو بقى كل م يعاين لي انا برفع ليهو حاجبي ❤️وهو يتبسم بقيت اشاغل فيهو وهو بشاغل فيهو على مبدأ الهظاار وانو ماف زول شايفنا وكدة😂قمته قولته ليهم ثواني اجيب معااالق للكبسه قمته مشيت المطبخ فااارس على طول جا لاحقني ورافع لي حاجبو مسكني قال لي اسمعي بتشاغلي مالك؟قولته ليهو فااارس فكني الناس قاعدة منتظراني❤️قال لي ويعني؟قولته ليهو ياخي فكني لنفترض جا زول؟على طوول باسني قال لي خليهو يجي❤️انا من الخلعهه سكته مسافهه بعدها قعدته انادي ي روان❤️وهو بضحك على حالتي حيوان خلاص👊🙈💔طلع مشى قعد في محلو روان جات قالت لي مالك؟قولته ليها ماف شي الحاجه اقولها ليك زاتها طارت من بالي الموهم تعالي ارح طلعنا قعدته في مقعدي وانا ملخبطههه وهو يعاين لي ويتبسم سااي بقيت م بعاين ليهو وكل شويه اخت يدي في شفايفي ...👊💔

#اذكرو_الله🙌

#اغرمت_به_الاخيرة

بعد م خلصو غداء وشاااي وكدة قعدو اتونسو لمن اذا العشاء اذن بعدها طلعو وفارس طلع معاهم علشان يوصلو البنات ماشاءالله م قصرو معي غسلو لي العدة ورتبو معي البيت بعدها طلعو❤️انا من التعب مشيت وقعته في السرير وشالتني نوووومهه فارس جا لقاني نايمهه رقدني كويس وغطاني الصباح صحيت لقيتو ماف طلع الشغل بدري م صحاني يمكن قال عشان مرهقهه وكدة💔صحيت دخلته الحمام استحميت وطلعته لقيتو مجهز لي الشاي وكاتب لي في ورقه م حبيت اصحيك وانتي نايمه بس اول م تصحي اتصلي علي عايز اسمع صوتك❤️على طول شلته التلفون اتصلته عليهو م ردة قولته يمكن في عمليه او كذاا💔فتحته الأنستغرام لقيت منزل صورتو في قروب بتاع مشاهير والله بالصدفهه بس جيت ماره بيها لابس جلابيه والعمهه تقريبا كان متصورها يوم عرس اسيل وتاني منزل صورتو وهو لابس اللابكوت بتاع الدكاتره وخاتي السماعهه في رقبتو والناس منبرررشه فيهو والعجب البنات راقدين رز في واحدة قالت ليهم رووووقو متزووووج يلا وم عندو شي لي زول ود جامعتي❤️واحدة قالت ليها حتى لو متزوووج يتشلب عااادي😆اتغظتهه غيييييظ 😡رجعته اتصلته عليهو تاني م ردة علي💔قفلته اتصلت علي روان قالت لي اليوم صحيت من الصباح عيااانه ي شهد تعالي امشي معي الدكتتور💔قولته ليهااممم طيب تمام بجيك ❤️لبسته وطلعته مشيت ليها لقيت معاها علا بعد م مشيت ليها قالت لي ياخ انا اتحسنته وبقيت كويسه الحمدلله م ماشه بعد كدة💔قولته ليها حيوانه طيب جايبانا مالك من البيت؟علا قالت لي دي تافهه ساااي😒👊💔قعدنا نتونس كداا 💔علا قالت ليها عايزة اكوي شعري وين مكوة السيراميك حقتك ي روان ي سجم؟روان قالت ليها في الضلفه الاخيره دي ايوان طلعتها وقعدت تكوي ❤️قالت لي شهد تعالي اكوي ليك كوت لي شعري وبعدين روان قالت لي علا تعالي اظبط ليك حواجبك الزي حقات الراجل ديل😒علا قالت ليها بري م عايزة شوفي شهد جات ظبطت لي حواجبي ❤️قعدته معاهم للمساء بعدها استحميت وطلعته قولته ليهم بعد كدة لازم امشي قبل فارس م يجي❤️علا قالت لي بتخافي منوو؟😒قولته ليها لا بس م صح اطلع من غير م اكلمو حيقلق علي واسي الساعهه كم عاينته ليها قولته ليها 6ونص😱الله يخرب بيوتكم😱جات ام روان ريحتني قالت لي م تطلعي كدة❤️علا قالت ليها شهد بس طيب وانا😥قالت ليها انتي لمن تعرسي ومعاك البايره دي😂روان قالت ليها ماما انا م بايره الناس ميته علي موووت بس في زول واقف لي في الطريق وموقفني وقعدت تعاين لي❤️قولته ليها جزمهه فاهماك فاهماك انا😂👊💔بعدها طلعته مع علا وروان ❤️علا قالت ليها روان وصليني انا اول علشان ابووي م يشاكلني💔قولته ليها لا وصليني انا علشان دة زمن فاارس😴روان قالت لينا والنعمهه ارجع واخليكم تمشو بالمواصلات وبعدين ي شهد انتي انسانه متزوجه خليني اوصل فلانه دي علشان اهلها م يشاكلوها💔مشينا وصلناها وبعدها وصلتني البيت طلعتهه مستعجلهه💔لقيت عمو البواب قولته ليهو فارس دة جا؟قال لي م شوفتو والله ي بتي💔وصلته فتحته الباب البيت مضلم لأنو الانوار مطفيه دخلته وقفلته الباب كدة بس الأنوار نوورت طبعا لمن اتخلعتهه وعايزة اصرررخ بس لقيتو ليك فاارس ❤️😂طبعا م اتعرفته على شكل البيت تورته وعشاء وشمووووع واكياس هدايا وبوالين❤️طبعا واقفه مصدومه قولته ليهو في شنووو؟جا مسكني من يدي وحضني قال لي كيف في شنوو واليوم عيد ميلااااد غلاااااي❤️قولته ليهو وااااي نسيت انت اتزكرتو وعرفتو كيف😱قال لي هسس المهم عرفته وخلاص انتي مالك؟حضنتو قولته ليهو فااارس الله م يحرمني منك يااااخ بحبك في لحظهه انفعااال قولته ليهو الكلمهه دي🙈قال لي وانا بموووت فيك ي اخلى شهدي في الدنيا❤️قال لي دقيقه دخل الطبخ انا دخلته سرعهه الغرفه برضو كان مزخرفها وعاملها مبالغهه غيرته ملابسي واتعطرته وجيت طالعهه لقيتو طفى الأنوار وولع الشموع ❤️قال لي تعالي طفيت الشمووع قال لي اول سنه وانا معاك فيها وانشاءالله م تعدي سنه وانا م اكون معاك فيها عساك دايما موجودة في حياتي ومبسوووطهه وضااااحهه كدة❤️قولته ليهو حبيبي الله م يحرمني منك اساسا دي سببها انت خليتني احبك من غير م أحس اصلا انت اكبر نعمهه اداني ليها ربنا وم عايزة اتحرم منك❤️قال لي حبيبتي انتي ملاااكي انا بقيتي لي كل شي في الدنيا ام واخت وصاحبه انتي محوور حياتي كلها م عايز شي تاني من الدنيا اصلا انا عندي انتي تاني محتاج شنوو بس كدة قولي لي؟دمووووعي جات جاريه قولته ليهو عااارف انا زعلانه على الأيام الما كنت معاها فيها💔قال لي دموعك م تنزليها مسح لي دموعي قال لي م عايز اشوفك بتبكي تاني فهمتي؟قولته ليهو حاااضر❤️قال لي دقيقه فتح علبه كدة طلع سلسل كدة لبسني ليهو وباسني في رقبتي وطلع دبله ولبسني ليها في يدي قال لي م عارف حيعجبوك ولا لأ لكن..قاطعتو مسكتو من يدو قلته ليهو فاارس شكلهم م مهم حتى ولو كانت هديه بسيييطه الموهم انو جايات منك انت وانا اي حاااااجهه منك انت بحبها فهمت❤️قال لي م اتحرم منك انتي ياخ بعدها قعدنا اتعشينا وقطعنا الكيك طبعا هو الكان بأكلني بعد م خلصنا قال لي نسيت شال البخاخ وقعد يرش فيني قولته ليهو لا ياخ 😂شلتو منو وقعدته اارش فيهو هو ❤️بعدها دخلنا غرفتنا قفل الباب ❤️طبعا بعد م قفل الباب قلبي عمل شححح😥قولته ليهو عملته دة كلوو براك؟قال لي ايوة❤️قولته ليهو معناها انت كنت متفق مع البنات صح؟قال لي تقريبا😅قولته ليهو غياااظين😕مسكني قال لي الموهم انو عملته ليك احلى مفاجئه والأهم انو انتي حاليا معي وموجودة في حياتي فهمتي❤️قولته ليهو والأهم من الأهم انو انا ولهاااانهه بيك بجد❤️كنت بلقاك في كل وقت محتاجاك فيهو وقفته معي في اسوأ ظروفي وكمان علمتني يعني شنو حياة وكيف نعيشها علمتني البسااااطهه وغيرتني 360درجهه حبيت كل شي فيك طباعك بسااااطتك طريقه تفكيرك ونظرتك في الحياة وإحتوائك لي حبيتك لأنك بتحبب الناس فيك تلقائيا❤️قال لي وانتي طفلتي المجناني وسبب فرحتي ومكمله حياتي في نفس الوقت❤️حضنتو قولته ليهو م عارفه اقول ليك شنوو يووووخ🙈قالةلي م تقولي ولا شي خليك حاضناني كدة بس❤️ياخي لما ياخدني في حضنو انا بنسى الدنيا كلها بحتويني بي كل معاني الإحتواء🙈❤️قولته ليهو عارف قبيل لقيت صورتك نازله في الانستغرام والبنات كانو بقولو كلام م حلو 😔ضحك قال لي وانتي غيرتي؟قولته ليهو كيف م اغير وانت حااجهه بتخصني انا وبس 😔قال لي وانا اساسا م شايف ولا واحدة غيرك في الدنيا فهمتي الحاجه دي خليك واثقهه منها ❤️قال لي تعالي قعدني في السرير مسك لي يدي قال لي شوفي انا بس اعاين ليك بحس روحي م عايز ارفع عيوني منك كيف تتوقعي مني اعاين لي غيرك؟قولته ليهو حتى ولو برضو بغيير عليك مش انت حقي انا🙈🙈قال لي طيب 😂بدأ يقرب منيى قال لي انا م عايز استعجل واخطي خطوة انتي م جاهزة ليها💔قولته ليهو حبيبي مش انت قولته انو نحن متزوجين وم بنعمل شي غلط؟قال لي ايوة ❤️قولته ليهو وانا م بخاف منك بالعكس وانا جنبك بحس بالأمان فهمته؟باسني في راسي قال لي الله يخليك انتي بس بعدها حصل الهناي وهناي الهناي البحصل بي اي اتنين متزوجين🙈صحيت الصباح لقيتو ماف جنبي نزلته من السرير طلعته بره الغرفه لقيتو بتكلم بالتلفون وبقول :جبته راسها واخدته العايزو❤️طبعا قال كدة وهو م شافني بعدها اتلفت علي قال للزول البتكلم معاك طيب يلا سلام نكمل الموضوع دة بعدين طبعا انا بعد سمعتهه كلامو دة اتجمدتهه وقفتهه في مكاني وبحاول استوعب هل السمعتو دة صح؟فااارس قال لي حبيبتي صباااح السرور وحضني قال لي م حبيت اصحيك لأنك كنتي نايمهه صحيت جهزتهه ليك الشااي تمام ❤️قولته ليهو تمام ❤️باااسني قال لي لو مجبور م كنت حأمشي الشغل حأشتااق ليك خلي بالك من نفسك لمن لرجع تمام؟سكتته سااي هو طلع وانا وقعته في الأرض وقعدته ابكي واقول السمعتو من فارس دة بجد صح؟انا كيف صدقتو؟واصلا انا مفروووض بعد عمله هاااشم معي م اثق في راجل تاني😭😭😭قعدته ابكي وابكي 💔قولته اعمل شنوو ي ربي؟اكلم ابووي بس اقول ليهو شنوو؟😭واسيل في شهر العثل💔امشي بيتنا وم احكي ليهم شي ولو سألوني اقول ليهم ماف شي طوالي مشيت استحميت وغيرته ملابسي وانا قرفاااانهه ومحتقره نفسي لدرجهه 💔م شلته معي ولا شي غير شنطتي بتاعه اليد مشيت بيتنا امي قالت لي مالك م طبيعيه قولته ليها مصدعهه بس ماف شي جيت اقعد هنا كم يوم وطوالي طلعتهه غرفتي وقفلتها علي وقعدتهه ابكي امي جابت لي الفطور م اكلته والغداء برضو م اكلتهه💔ابوي جا المساء سلم علي قال لي قومي اوديك الدكتور❤️قولته ليهو عندي بندول سعودي م عايزة امشي الدكتوور❤️طلع خلاني المساء فارس جا طبعا قفلته تلفوني نهااائي❤️امي جات قالت لي راجلك دة جى قومي سلمي عليهو💔قولته ليها قولي ليهو نايمهه بس❤️اليوم التاني جى برضو ابيت اطلع ليهو اليوم التاالت جا امي دخلتو لي وطلعت 💔انا م عايزة اشوفو لأني عاارفه نفسي حأكون ضعيفهه قدامو وعااارفهه انو حأنهار قدانو💔اول م جى داخل قعد جنبي في السرير وهبش لي راسي قال لي شهد مالك في شنوو؟عيانه انتي وليه م كلمتيني وطلعتي من البيت بتكلم بلهفهه كدة فظيعهه قال لي قومي ارح نمشي المستشفى اسي اعمل ليك فحوصات 💔وهو بتكلم كان نفسي كلامو دة وخوفو علي دة يطلع صح كان نفسو اقوم امسكو واحضنو واقول ليهو انا مشتاقهه ليك😭سكته م رديت عليهو💔قال لي شهد اسمعي الكلام انا بتكلم معاك قومي عايز يقومني كدة قولته ليهو فك يدي وم تقرب مني تاني لو سمحته💔قال لي شهد بسم الله مالك في شنوو ودي شنوو التصرفات دي؟قولته ليهو م تتغابى تمام؟وماف شي بس انا م عايزة اشوفك وتاني لو سمحته م تجي تعتب عتبه بيتنا اتفضل اطلع بره💔مسكني قال لي شهد انتي جنيتي دة شنوو البتقولي فيهو دة؟قولته ليهو العربي دة واااضح اطلع من غرفتي 😊مسكني من يدي جريتها منو قولته ليهو انت م بتفهم؟قال لي طيب اهدي طلع من الغرفه وهو مهموووم لمن دموعو جرت وانا بعد م طلع قعدتهه ابكي طوول الليل ببكي انا م قادره اشيلو من بالي وم قادره اشيل معاملتو معي💔فتحته تلفوني كتبته في الفيس وكان قلبي بذلك الملتحي هيمان♡بعد نص ساااعه شكلو ظهر ليهو البوست على طوول كتب وماذااال قلبي بمدلله ابيها ولهان♡♡طبعا بعد م شوفته البوست دة اتصل علي كم مره عايزة ارد عليهو بس مسكته نفسي ورجعته قفلته التلفون الصباح دخلته استحميت وصليت ❤️امي قالت لي مجتبى امشي وصل الشاي دة لي شهد البت دي بتموت بالطريقهه دي م قاعد تااااكل عدييبل💔ابوي قال ليها مالها هي؟امي قالت ليهو بررري💔مجتبى وصل غرفتو وقعد ينادي امي اللحقي بتك💔جو جارين امي لما شافتني قعدت تصررخ وتبكي مالها مالها؟مجتبى شالني قال ليها م عارف انا زاتي شايفها غرقانه في الدم قطعت شراينها شكلها امي دي بقت تشيل وتكورك💔شالوني ودوني المستشفى💔الدكتور قال ليهم نزفت دم كتيير شديد والله💔ودوني نفس المستشفى الشغال فيها فارس 💔امي قاعدة تبكي وتقول ليه قطعتي قلبي عليك ي بتي ليه بس💔مجتبى قال ليها اكيد راجلها دة عامل ليها حاجه والله ي امي يطلع هووالسبب الا اكتلو في المحل دة😡دكتور خالد جى لقى ابوي ماشي وجاي قال ليهو عبدالله خلعتني في شنوو؟ابوي حكى ليهو دكتور خالد قال ليهو لا حولااا بتك جنت ولا شنوو؟ابوي قال ليهو وين فارس؟دكتور خالد قال ليهو في عمليه اسي بكلمو ابوي واقف كدة وهو مقلق جا فااارس جاري بأقصى سرعهه قال لي ابووي شهد مالها ووينها اسي؟ابوي قال ليهو دخلوها الغرفه ديك💔جا مجتبى مسكو قال ليهو عملته ليها شنو انت لمن خليتها دايره تنتحر فارس اتفكه منو ولزاهو وجرى على الغرفه المدخلني فيها اول م شاافني وقف مصدوووم💔بعد م طلعوني وحالتي استقرت فارس قال لي ابوي عمي والله ي عمي ماف اي مشكله بينا وانا زاتي محتار في تصرفاتها وصلت بيها حد الانتحار وانا عندي كم يوم بحااول اتكلم معاها م قاعدة تديي فرصهه❤️قعدته اليوم الأول واليوووم التاني بعد م صحيت لقيت فاارس دة قاااعد وخاتي يديهو في راسو طوالي اتلفته منو ودموعي جات جاريه 💔اليوم الرابع الدكتور قال ليهم حنخرجها عاادي بعد كدة💔امي بتتكلم معي قالت لي ي بتي مالك عامله في روحك كدة المزعلك منوو؟طبعا ساااكته سااي ودموعي جاريه وفارس دة واقف وبعاين لي بس💔ابوي جا داخل غضبان طبعا وعيونو دي مولعهه شرار قال لي اخر م في الأخر عايزة تنتحري عايز يضربني كف كدة بس فارس وقف قدامو وانا مسكتهه في قميص فاارس 💔ابوي قال ليهو فكني ليها بالله اشوفها عايزة تنتحر كيف؟امي مسكتي قالت ليهو م كدة ي حاج💔ابوي قال لي وكمان اقول ليك حاجهه اسي دة ترجعي بيتك وم تجيني في بيتي فهمتي اوووعى حزرتك انا ياهو وطلع مشى💔قعدتهه ابكي م قدرته اتكلم بعدها فااارس لبسني وساقني ابوي قال لي امي ومجتبى البمشي معاها فيكم م يحصلني في البيت فهمتو؟فارس ركبني العربيه وقال لي امي م تخافي عليها ❤️وصلنا البيت دخلني وقفل الباب مسكني قال لي م عايزة تتكلمي وتحكي لي الحاصل وتفهميني؟قولته ليهو ابعد مني وم تلمسني عايز مني شنو تاني كان تخليني امووت مش اخدته مني العايزو وجبته راسي؟وقف مصدوم قال لي شنوو؟دة كلام شنووو البتقولي فيهو دة انتي ي شهد_؟والقال ليك كدة منوو؟قولته ليهو م محتاجه زول يقول لي سمعتك بي اصاني دي وانت بتتكلم بالتلفون فهمته وانا ببكي💔قال لي متين الكلام دة جنيتي انتي ي شهد؟قولته ليهو ابعد مني م تقرب م تقول لي متين لانك عارف متين صباح اليوم التاني بعد عيد ميلادي💔خته يدو في راسو ومسح وشو عايز يضربني مف ختيت يدي في وشي مسكني حضني قال لي مجنونه انتي ي بت الناس مجنونه اعمل فيك شنو انا اعمل فيك شنوو؟؟معقوله تتوقعي مني انا اقول حاجه زي دي لأصحابي ي بت انتي مرتي وعرضي مهما كنت تافه م بصل للمرحله دي انا فهمتي؟عايزة اتفك منو ضماني عليهو شديد قال لي لي اليوم داك صح اناكنت بتكلم بالتلفون بس انتي فهمتي غلط دة احمد صحبي كان بحكي لي عن واحدة كدة واثناء م هو بحكي لي انا قولته ليهو اخدته منها العايزو وجبته راسها💔لو سمعتي محادثتنا من البدايه كنتي حتفهمي 💔كنتي عايزة تموتي بسبب موضوع زي دة شهد انتي جااادة؟قعدته في الكرسي وقعدته ابكي قولته ليهو اعمل شنو طيب م كنت بفكر في شي غير كدة اتوقعتك انت كمان خزلتني😭😭😭انا بحبك بجنون ي فارس وكل شويه كنت بحاول اتصل عليك وبعدين بتراجع كرهتهه نفسي بحد💔فجأة لقيت دموعو نازله قال لي انا مهما كنت تافه م بعمل كدة فهمتي وانا زاتي كنت مصدووم من تصرفاتك جوطتي افكاري م عرفته اعمل شنوو؟قولته ليهو اسفهه😭مسح لي دموعي قال لي لو جيتي سألتيني كان حكيت ليك باسني في راسي قال لي قومي تعالي ساقني دخلني الغرفه رقدني وغطاني وبقى قاااعد معي اسبوووع بس علشان يخلي بالو مني🙈ومدلعني اخر دلع 🙈بعد م بقيت كويسه والحمدلله قال لي انتي ي مجنونه يوووم حتشلي ليك زول بالزات ابووك عشان كدة لازم تعتزري ليهو وتقولي ليهو كان سؤ تفاهم م اكتر فهمتي لانو م كان زعلان كان خايف عليك بجد😂قولته ليهو حاااضر😥اليوم التاني ساقني ناس امي اعتزرته لي ابوي قال لي انا عارفك مجنونه دي حاجهه ثابتهه😒ابو فارس جانا في البيت وطلب من فارس يرجع البيت وكدة بس فارس ابى قال ليهو ي ابوي انا وصلته المرحله دي بسبب القسوة الحصلت معي واتعلمته منها حجات كتيره انت ابوي وعلى عيني وراسي وبجيكم كل يووم بس م بقدر ارجع والله💔وطبعا هند اختهم راجلها طلقها💔واسيل رجعت من شهر العسل حاامل😂وروان وتبيان ومجتبى وعمر كلهم خطوبتهم تمت في يوووم واحد وكان احلى يوووووم في بيتنا😍علا حباها صاحب ماهر القالت الا تشلبو داك طلع اساسا م مرتبط😂

تسنيم وهاااشم فركشو خطوبتهم بسبب كترت المشاكل والنقاشات بينهم في النهايه هاااشم قال ليها انا من طريق وانتي من طريق وتاني م تتصلي علي تمام؟ولا اقول ليك شريحتي زاتها حأغيرها عشانك اتصلت علي تشاكل فيني وي شهد انتي السبب دة كلو عشان هاشم بفكر فيك وانتي صفتك وانتي صفتك 💔قولته ليها م انا السبب بس قلبك الوسخان هو السبب شايفه الحصل ليك شنوو هااشم العملتي روحك اخدتيهو مني وخسرتيني كبت خاله واخت اسي دااام ليك؟لأ طبعا م دام ليك وانا كنت متوقعهه حاجه زي لأنو هاااشم وانا بعرفو تماما هو شي اسي اتلقيهو جات واحدة عملت معاك زي م انتي عملتي معي❤️على العموم ي زوله م تخافي حتتجازيها القصه دي زي م انا اتجاوزتها بس اتعلمي منها لأنو الشي الماحقك عمرو م ببقى حقك😊وقفلته فيها الخط قعدت تبكي جات تبيان قالت ليها شلبوك؟دقيقه دقيقه انا لما اعترضته على خطوبتك منو قولتي غيرانه منك صح؟اها ياهو طلع زي م قولته ليك راجل الشلب مشلوب ربنا حاسبك على العملتيهو مع شهد وأدة شهد راجل بسد عين السمس بي رجولتو افضل من الحرحر بتاعك الباكيه فيهو دة يلا☺️قالت ليها تبيان طيري من وشي😡تبيان قالت ليها اساسا طايره انتي اقعدي مع نفسك وعيدي حساباتك☺️

انا في بيتنا راقدة في رجلين فارس قولته ليهو حبيبي😥قال لي روح حبيبك انتي❤️قولته ليهو انا عايزة بيبي😔قال لي نجيب طوالي بيبي وقعد يضحك ضربتو قولته ليهو جادة معاك انا❤️قال لي وانا جادي وعملنا الغحوصات كلها ماف شي ي شهد كل الفحوصات نضيفهه الحمدلله❤️قولته ليهو لو مثلا يعني انا طلعتهه م بجيب اطفال قفل لي خشمي قال متوقعه مني اسيبك يعني؟مجنونه انتي انتي اساسا طفلتي انا فهمتي وحتى لو ربنا م كاتب لينا نجيب اطفال عادي وين المشكله؟اهم شي عندي انتي فهمتي وانا تفكيري م زي الناس التفكيرهم عقيم ديل انا لما اتزوجتك م عشان تجيبي لي اطفال وتخدميني فهمتي وتاني م اسمعك تفتحي اموضوع فهمتي عشان م نختلف❤️قولته ليهو حااضر قمته على حيلي حضنتو قولته ليهوبموووت فيك انا🙈قال لي وانا بعشششقك ي مجنونه خنقتيني 😂وبعدين م تنسي الاسبوع الجاي حتنزلي الجامعهه وحتواصلي دراسه عاادي زي م اتفقنا❤️قولته ليهو حاااضر😍🙈قال لي ياخي لما تقولي حاضر دي بتكسريني😂بقيت اقول ليهو حاضر حاضر حاضر❤️قال لي م قولته ليك علقي كمان ي سجم😂👊💔بعد م نزلته الجااامعهه واجزتهه طبعا ناس علا في في رابع وانا في تانيه❤️في يوم فارس جا داخل البيت لقاني راقدة وببكي ساااي💔قال لي بي خلعهه مالك؟قولته ليهو انا اليوم مشيت للدكتور😭قال لي دكتور منوو ومالك في شنوو؟قولته ليهو الدكتور قام قال لي انا حامل😭سكتته مسااافهه وقعد يضحك قال لي والببكي شنوو انتي حامل وحضني❤️قولته ليهو انا خاااايفهه من الولادة😭😭😭قاال لي ي مجنونه بتخافي وانا قاااعد ي ستي انا حأخلي بالي منك ومن البيبي الاتنين مع بعض اصلا حيكون عندي طفلين انتي والفي بطنك دة😂👊💔عدت الشهوووور طبعا اروى اختى جابت ليها ولد سمتو عبدالله على ابوي❤️وانا حقااره بس تابعته مع الدكتورة الكانت بتتصل على فارس نص الليل ديك بس عشان اغيظها😝😂👊💔وكل م اجي اعمل موجات صوتيه بدخل معي فاارس يشيل ويونسني ويضحك كأنها م موجودة😂لحدي م جى يووووم الولادة ياااخي عملته فيهو عماااايل صرختهه فيهو صريخ احلى شي انو هو دخل معي غرفه الولادة وماسكني خطوة بخطوة لحدي م جبنا لينا بنوووووووووتهه حلاتها 😍كنت عايزة اسميها روان بس علشان علا م تزعل سميتها لجين❤️🙈وبالجد على قول فارس بقى عندو طفلتين بعاملني انا وبدلعني زي م بدلع بتو واكتر🙈😍لجين كبرت وعمرها وصل تلاته سنوات طبعا بتنا واااحدة بس بس ماااليه علينا حيااااااتنا وانا خلصته جاااامعهه بس م اشتلغته علشان كنا بنسافر طوالي فارس بقى يمشي يشارك في منتديات طبيه وكدة خارج السودان وبسوقنا معاهو واحيانا اول م يأجز بطلعنا إجاازة❤️حياتنا بسيطه موجود فيهم التفاهم واااااهم شي الحب وبتنا في نصنا طبعا لجين كل م تكبر بترجع تشبهني انا بس شااايله طبااااايع ابووووها ودة احلى شي فيها وانا بالجد عايزاها تطلع نسخهه من ابوها في الطبع❤️🙈❤️كنا في إجازة قاعدة مع فارس قال لي انتي عااارفهه انا الدنيا لما ضحكت لي جابتك لي❤️قولته ليهو وانا اطلب شنو من ربنا تاني بعد م دخلك حياتي ات اكبر نعمهه ولو طلبته اكتر من كدة من ربنا حأعتبر نفسي طماعهه❤️قولته ليهو تتزكر يوم كشحته فيك العصير في الجامعهه؟😂قال لي ياخ استحقرتك كيف اليوم داك😂قولته ليهو ولا لما اتشاكلته معاك في العربيه وربي اتغظته منك غيظ واستفزيتني بشكل كان نفسي اكتلك😂قولته ليهو اسي ممكن اكشح فيك العصير عاادي؟😬قال لي اسي اكشحي اي شي😂😂😂مسك لي يدي قال لي بحببك ي سجم😸😬قولته ليهو المشكله انو انا زاتي بعشقك ي سجم انت،😂نكش لي شعري قولته ليهو شوفته دي الحركه البكرها فيك انت وبتك😒قال لي م انتي بتي كمان🙈😍طبعا بعد كلامو دة سكتتته وم عرفته اقول ليهو شنوو🙈......

#وشكرا❤️