اعيدي_لي_قلبي
بقلمي_ريموندا🌸
#اعيدي_لي_قلبي《11》❤️
#بقلمي_ريموندا🌸
تاني يوم ريم مشت الجامعه وحسام الشركه ريم لاقت امجد وكانت دايرة تسالوا عن حسام وليه حزين كانت مترددة تسالوا اولا بس تاني غيرت رايها وسكتت بعد نهايه المحاضرات ريم وصحباتا قعدو في بينشات عندهم بحث بكتبوا فيه وحسام جا وسال امجد انجد قال ليهو شكلك اتعودتا حسام قال ليه بطل واحكي قال ليهو قاعدة في البينشات جنب الحديقه النباتيه وعندها بحث حسام بدون تردد مشا ليها وقال السلام عليكم ردو السلام وريم رفعت راسها لقتوا هو استغربت وصحباتا سرحوا فيهو بس تاني انتبهوا لنفسهم قال لي ممكن دقيقه ي ريم عاينت ليهو باستغراب وعاينت لصحباتا العاينوا ليها بابتسامه ونظام دا منو مشت ليهو وقالت ليهو احكي كانت ساكت وماعارف بقول شنو اصلا هو ماعندو كلام بس حبا يشوفها قال ليها بتردد أ لا بس كنا طالعين وحبينا نوصلك في طريقنا عاينت ليهو بعدم تصديق وقالت ليهو لا شكرا امشوا انا حاقعد شويه فضل واقف قالت ليهو بعد اذنك اتحركت حتي هو مشا وبقا يقول دا شنو ليه انامنجذب ليها ليه حاسس انو عايزها تكون قريبه مني وبقت كل شغلي الشاغل هي وكل تفكيري متمحور حولها هي وبس ليه من بين كل البنات بكون مشدود ليها هي وبس انا مابعرفها اا الا كم يوم بس ليه حاسس اني بعرفها من سنين طويله اه ي قلبي اتمردتا علي
رجع هو وامجد البيت وقعدو يتونسوا مع امهم امو قالت ليهو حسام ماناوي ي ولدي تعيش حياتك وتتزوج قال ليها ي امي قلتا ليك لسه بدري علي الكلام دا انتي ماتشغلي بالك وخلي بالك من نفسك بس وصحتك وباسها في راسها وقالت ليهو ربنا يحفظك ي رب قال ليها امين ويحفظك ي غاليه ومشا اخد دش ونزلوا اكلوا وريم مشت اتونست مع اهلا واكلت وطلعت تنوم وجا في تفكيرها حسام قالت في ايه ي ريمو ماتهدي كدا عارفه انو جميل وبياخد العقل وقطعه كرميلا بس لا بطلي اوهام ونومي
وفعلا نامت بعد صراع مع نفسها
صحت ودخلت الفيس لقتو كاتب منشور :
في كل تلك الفوضي التي تعيش فيها تاتي هي فقط هي وليس غيرها لترتب لك دواخلك لتضئ شمعا في غرف قلبك التي ظلت سنين طويله مظلمه اتت لتنفض الغبار عن شيتات قلبك اتت لتضع نفسها في زوايا حياتك هي فقط وليس غيرها يمكنها سلب عقلك بعيناها فقط تقلب سلبيه حياتك الي ايجابيه تجعلك في تناقض مستمر وتجعل قلبك ضحيه
تري ماذا فعلتي بقلبي؟
--------------------------------------
#اعيدي_لي_قلبي《12》❤️
#بقلمي_ريموندا🌸
قلبها بقول ليها انتي اصلا بديتي تتعلقي بيه وفضلت كدا في صراع مع نفسها نزلت منشور وكتبت :
في صراع القلب والعقل تري من سيفوز?
رسل ليها ريم قالت ليهو هلا قال ليها ممكن رقمك قالت ليهو لا وقفلت البيانات استغرب انها مادردشت معاهو وطلعت تاني يوم مشت الجامعه وبعد المحاضرة مشوا البحر هو كان هو ويوسف في البحر بحكي ليوسف قدر شنو بقا ماقادر يشيلا من عقلو يوسف قال ليهو شكلك حبيتا حسام قال ليهو ماعارف يمكن انجذاب وبس وريم كان بتحكي لهديل وقالت ليها حاسه اني بقيت متعلقه بيهو وماقادر اشيلوا من بالي بس انا لسه مابعرفو كويس هديل قالت ليها لازم تعرفيهو اكتر وبعدين تحددي مشاعرك تجاهو قالت ليها خايفه يكون عندو واحدة في حياتو امس نزل منشور هديل قالت ليها معناها حاولي طلعي من بالك ريم سكتت ( كيف يمكنك استخراج شخص احتل قلبك وتربع علي عرشه واقفل خلفه كل الابواب فلاهو يستطيع الخروج ولا احد يستطيع الدخول)
حسام انتبه وشاف ريم وقال ليوسف البت دي مابس قاعدة في افكاري دي بشوفها قدامي في كل مكان قال ليهو طيب قال ليهو وين يوسف قال ليها امشي واتكلم معاها ومشوا سلموا وريم نططت عيونها لمن شافتو كانوا بتقول دا معاي في كل مكان حسام عرفها بيوسف وريم عرفتهم بهديل يوسف طوالي قال لهديل ممكن لحظه واشر ليها بعيونو نظام يخلوهم براهم وفعلا قعد معاها قال ليها بابتسامه بتحبي البحر قالت ليهوبعشقو وهي مبتسمه بقوا ساكتين وبعاينو في البحر قال ليها كانت بتحبو ريم عاينت ليهو قالت ليهو شنو قال ليها ولا شي انسي ورجع عاين للبحر ريم قالت ليهو حسام مالك كانو كان منتظرها تسال حسي انو محتاج يحكي ليها كانو قلبوعايز يكسر كل قوانينو عشانا وحس بجد انو عايز يحكي ليها كل شي في قلبو ويسلمها مفتاح قلبو قال ليها توسل كانت بتحب البحر وكل مرة تصر نجي البحر قالت بنبرة زعل منو توسل لانو كانت خاته في بالها انها حبيبتو قال ليها حبيبتي فجاه ملامح وشها اتحولت لزعل بس قبلت وشها علي البحر هو واصل وقال ليها اختي للحظة قلبها هدا وبدا يحكي ليها كل الحصل معاهو هي دموعها طوالي نزلوا بس قشتهم سرعه وقالت ليهو كنت شفتا نظرة الحزن دي في عيونك اول مااتلاقينا بس ماكنت عارفه سببها شنو كونك تفقد انسان غالي عليك دا اسوا احساس في العالم بس نحنا مجبورين نصبر ونعيش عشان الناس التانيه الفي حياتنا صح بتوجع بس دي الحياة كدا مابنقدر نعترض وربنا خلا لكل شخص اجل مسمي انت ماحتقدر تنساها بامكانك تدعي ليها وتكون قوي شان امك واخوك وعشان نفسك
--------------------------------------
#اعيدي_لي_قلبي《13》❤️
#بقلمي_ريموندا🌸
حسام انا حاسه قدر شنو انت متالم وموجوع ومافي كلام او شي بقدر يخفف عنك اويعوضك عن توسل بس توسل ماتت الله يرحمها وابوك ماليهو ذنب بموتها من قالت كدا حسام عصب وغضب شديد وعيونوا اتحولوا لشرار وقالها بصوت شبه عالي لا هو السبب هو وماغيرو وهو بقا ماابويا وماحاسامحو طول حياتي قالت ليهو حسام روق قال ليها بصوت حاد ريم زعلت ودموعها نزلوا لانو مابتحب شخص يتنهر فيها شالت شنطتا وقامت ماشه هو استغفر ولحقها وبقا بقول ليها ريم ريم اسف والله ماقصدي ومشا سريع وقف قداما وقال ليها بالجد بعتزر بس لمن اعصب بكون ماعلي طبيعي وماواعي عارف ماليك ذنب بس الشخص دا اذانا اذانا بعدم وجودو في تفاصيل حياتنا قالت ليهو حسام عارفه انك مجروح وشديد كمان منو بس انت قلتا ان واثق انو بكون ندمان واكبر دليل انو قاعد يحاول يرجعكم لحياتو ويعوضكم قال ليها بعد شنو عايز يرجعنا لحياتو بعد ماسلكنا طريق تاني واهو اصلا مافيه ونسيناهو قالت ليهو ابدا مانسيتو ي حسام انت محتاج لابوك زي ماهو محتاج ليك حسام ادي ابوك فرصه تانيه قال ليها لا ي ريم انا ماحادخلو في حياتي تاني ويمشي ويخليناعمري ماحاديهو مكانه من حياتي تاني وبعد فترة يمشي ويخلف فراغ جواي هو خلاص بقا مافي حياتي وانا قاعد اعيش حياتي بدونو قالت ليو وينا حياتك البتعيشا بدونو حسام انت محتاج لابوك شديد ماتكابر قال ليها ريم لو سمحتي خلينا نقفل الموضوع شان مااعصب وازعلك ريم سكتت بس ختت في بالها انو لازم تصلح علاقه حسام بابوهو
احيانا بنتخذ قرارات في حياتنا وبنفكر انها صح وبنتمسك بيها بس لمجرد اننا انجرحنا مرات الناس بتفكر من جانب واحد وبتنسا باقي الجوانب زي ابو حسام مثلا كان مفكر بس في انو القروش هي الحتسعد اسرتو واولادو كان قاعد يامن ليهم حياتو ويغترب ويشتغل طول عمرو لدرجه انو مامتزكر حتي ولدوهم متين كان بجي كل اجازة وبتكون بعد سنه او حاجه ويقعد كم يوم ويمشي
ابو حسام نسا انو الابو ليهو دور عظيم في حياه اولادو قدر يامن حياتهم ماديا بس عاطفيا لا ابوهو نسا انو الاولاد بحتاجو لوجود الاب في حياتهم لحنانو وعطفو عليهم لاهتمامو بتفاصيلهم لتشجيعوا ليهم الابناء بحتاجو لابوهم في كل لحظة وبحتاجو يحسوا بجد انو وراهم اب سند ليهم مهتم بيهم الحياة ما كلها قروش الحياة اب سند عطوف حنون وام قلبها طيب بتحب اولادا وتهتم بيهم
في قصه كانت بتحكي عن اسرة فقيرة بس ابوهم كان سند كان مهتم بيهم شديد وعارف كل تفاصيلهم كان نجار فقير ماديا بس ملاهم حب وحنان فكانوا اغنياء نفسيا وعاطفيا الطفله الصغيرة قالت لمن بابا يبقي غنيان حاجيب العاب وفساتين وكل شي ابوها سمعها وبقا يفتش في شغل ولقا في مكان بعيد بقا يبيت مكان الشغل ويعدي كل ايامو هنا بس برسل ليهم القروش الطفله قالت ي ريت لو ابوي فضل فقير زي زمان وقعد معانا.
علي قدر مابتحتاج للقروش شان تامن مستقبل اولادك ماديا امن ليهم حياتهم معنويا وعاطفيا اغمرهم بالحب والحنان والعاطفه وكل شي شان تبني دواخل سليمه
--------------------------------------
#اعيدي_لي_قلبي《14》❤️
#بقلمي_ريموندا🌸
حسام شان الولد الاكبر كان ابوهو بحبو شديد وحتي حسام بحب ابوهو شديد ومتعلق بيه ونفسو يسامحو من جواها بس عقلو وعصبيتو وزعلو متحكمين فيه نفسو يرجع يحضن ابوهو تاني هوضعيف ومكسور من جواهو بسبب غياب ابوهوريم طول الليل بتفكر كيف حترجع علاقه حسام بابوهو وتخلي حسام يسامحو تاني يوم في الجامعه لاقت امجد وبقت تدردش معاهو قالت ليهو امجد تلفوني مافيه رصيد عايزة تلفونك لحظة اتصل منو ادا ليها بس هي مااتصلت هي شالت رقم ابوهو امجد قال ليها اتصلي واناماشي اجيب عصير شالت الرقم وسيفتو في تلفونها ومشت رجعت التلفون لامجد حسام ماجا نهايه اليوم كالعادة كان عندو شغل مهم فهي فتحت النت ورسلت ليهو كيفك كان ماداخل قفلت البيانات وخلصت يومها ورجعت البيت بقت ماسكه تلفونها وفي الشاشه في رقم ابو حسام مترددة تتصل ولالا وحتقول ليهو شنو بس في الاخير ضغطت ع الاتصال بعد رن تلفونو تلاته مرات حتي ردا عليها قالت ليهو كيفك عمو انا زميله امجد في الجامعه قال ليها اهلا وسهلا ي بتي قالت ليهو عايزة احكي معاك ضروري في موضوع مهم قال ليها طيب افتحي. البيانات بنفس الرقم دا وفعلا قالت ليهو عمو بصراحه انا بعرف حسام ابنك ابو حسام ظهر حزن في عيونو وشوق بعد قالت ليهو حسام قال ليها بلهفه هو كويس ماحاصل ليهو حاجه صح قالت ليهو ايوا هو بخير اطمن بس بصراحه حسام حكي لي عن وفاه توسل وعن علاقتو بيك المتوترة قال ليها الظاهر عندك مكانه كبيرة شديد في قلب حسام لانو مستحيل يحكي اوجاعو لشخص ومستحيل يظهر ضعفو ريم سكتت قال ليها كملي قالت ليهو صراحه ي عمو حسام محتاج ليك وهو ضعيف بدونك اناعايزة علاقتكم ترجع كويسه مع بعض قال ليها دا اكتر شي بتمناهو ي بتي انا كمان محتاج لحسام وحاسس ظهري مكسور بدونو حسام دا انابحبو اكتر من اي شي الدنيا دي دا روحي بس هو عنيد عنيد شديد خاصه بعد يزعل من حاجه مستحيل يرجع ليها من وفاه توسل وهو للان ماراضي يسامحني قدر ماحاولتا تصدقي لي سنه ماسمعتا صوتو حظر رقمي كل مااتصل عليهو كنت بتصل برقم غريب بقول الو وانا بكون ساكت لمن يحس دا انا بقفل الخط انا عارف حسام بحبني شديد بس مابالسهوله ينسا غيابي عنو والحصل انا السبب والوصلتا حسام للحاله دي حسام في غيابي كان مجبور ياخد دور الاب والاخ لامجد وتوسل بقا عصبي بعد غيابي عنو انا كسرت في دواخل حسام حاجات مابتتصلح وحطمت صورة الاب في نظرو صدقيني انا اسي عايش جسد بدون روح بدونو نفسي يساعدني وانا اصلا جاي راجع البلد وقاعد اجهز في حالي حاعيش معاهم وماحاخليهم تاني بس بتمني ولدي حسام يسامحني كان بتكلم وصوتو مليان دموع وحزن وريم دموعها بس جاريات قالت ليهو لاتخاف عمو باذن الله حيسامك انت تعال في اقرب وقت قال ليها باذن الله شكلك بتحبيه شديد هنا ريم نططت عيونها وخجلت وسكتت قال ليها حسام محظوظ شديد بيك ومحتاج ليك لاتتخلي عنو ابدا ابدا انامادايم ليهو وهو محتاج لشخص يقيف معاهو
--------------------------------------
#اعيدي_لي_قلبي《15》❤️
#بقلمي_ريموندا🌸
ريم قفلت من ابو حسام بعد اتاكدت قدر شنو ابوهو طيب وبحبو وبستحق حسام يسامحوا وقررت تساعدو 
كانت بتدردش مع حسام في الفيس وقال ليها ريم ممكن طلب قالت ليهو اتفضل قال ليها رقمك
كان ممكن يشيلوا من امجد بس عايزو منها وعايز يكون برضاها هي طوالي كتبتو ليهو حسام بقا يجي الجامعه كتير شان يشوفها ورقم انو رقمها معاهو بس ماكان بتصل ليها وهي شبه حبتو خلاص بعد فترة كانت امتحاناتها وابوهو قال لريم حيجي بعد اسبوع خلاص ريم كانت بتضغط نفسها في القرايه وقررت بعد ابو حسام يجي حتخليهو يسامحوا كانت بتزاكر فجاه جاتها رساله من حسام مكتوب فيها :
لاتساهري كتير وتشيلي هم واثق انك شاطرة وحتتفوقي في حياتك خلي بالك من نفسك وقرايتك ابتمست وواصلت قرايه
تاني يوم حسام جاها وقال ليها عارف عندك قرايه بس جيت اديك الهديه دي ممكن تشيلها فتحتها لقت شكولاته وقلم مكتوب في اسمها ودفتر بنفسجي وملصقات مكتوب فيهم
موفقه ي دكتورتي.
يكفي نظرة واحدة من عينيك ليشفي كل المرضي.
عابنت ليهو بفرح وشكرتوا قال ليها يلا شان تواصلي قرايه فعلا مشت قرت مرة كانت منفسنه وزهجانه وفي مادة صعبه بتقرا فيها ختت يدينها في الدرج وقعدت فجاه جات رساله من حسام كاتب ليها كل شي يصبح بلسما عندما تضعين يديك عليه موفقه طوالي اتصلت وكانت اول مرة تتصل عليه حتي هو كان بس برسل ليها مسجات قالت ليهو كيفك قال ليها مالك قالت ليهو اوف ياخ المادة دي صعبه وانازهجتا منها ياخ قال ليها خمسه دقايق وتكوني جاهزة ومعاك شيتاتك قالت ليهو وين قال ليها بس اجهزي قالت ليهو حسام جد مابقدر اطلع ياخ وزهجانه قال ليها خمسه دقايق وقفل الخط فعلا جهزت واتصل بعد تلت ساعه قال ليها اناجنب بيتكم انزلي استاذنت من امها ونزلت وهي مضايقه وظاهر في وشها قالت ليهو وين ماشين قال ليها انتي بس اركبي حسام وداها لمستشفي حكوميه وعاديه وقال ليها انزلي عاينت ليهو باستغراب وقالت ليهو ليه جينا هنا قال ليها انزلي بس نزلت وجابة لناس عاملين حادث ومنظرهم بوجع دخلها جوا وشافت الناس تعبانه وحالهم فظيعه قال ليها شايفه الناس دي كلها هنا شان يتعالجواوديل منتظرين يخشوا للدكتور وديل الي الحادث لومالقوا دكتور يعالجهم حيموتوا والود داك حيفقد رجلوا لوماعالجو الجرح والكسر قال ليها الناس دي كلها هنا عشان الدكتور هو املهم هو الربنا جعل العلاج بيدو انتي عارفه الاطباء بنقذو حياه كم شخص بفضل ربنا ريم انتي حتكوني واحدة من الدكاتره ديل انتي الامل بكونوا كلوا عندك كل الناس بتكون منتظراك تعالجيهم انتي حتنقذي ناس كتير فلمن تزهجي وتغلبك القرايه اتزكري الناس ديل واتزكري انك املهم الوحيد الرسلوا ليهم ربنا ريم بكت وعاينت ليهو بنظرة كلها شكرا وامتنان وقالت ليهو بجد معاك حق قال ليها طيب ممكن تبطلي دموع منظري زي الوحش ضحكت قال ليها بعدين ابتسمي بس وكل الناس حتشفي خجلت قال ليها نمشي قالت ليهو ايوا وساقها وداها مكان هادي جنب البحر وختا طربيزة وكرسي وجاب شيتاتها من العربيه وقال ليها دا مكان حلو وطبيعي تقري بتركيز
--------------------------------------
#اعيدي_لي_قلبي《16》❤️
#بقلمي_ريموندا🌸
ريم كانت بتقرا وهو جاب ليها عصير وقهوة شان تقرا بتركيز وقعد في العربيه مشغل اغنيه هاديه وبعاين ليها وفاتح باب العربيه كانت بتقرا بتركيز وهو كان سارح فيها عندو اسكتش في العربيه شالوا وقعد يرسم فيها وهي بتقرا كانت ريم مرة ترفع راسها وتلقاهو بعاين ليها حست بالجد انو سند ليها وقرت تلاته ساعات وفعلا انجزت فيهم وقالت ليهو الوقت اتاخر نمشي قال ليها ايوا يلا لمن ركبوا في العربيه اتلفت عليه وقالت ليه حسام رفع راسو هوكان عايز يدور العربيه قال ليها نعم قالت ليهو بجد شكرا ليك ابتسم وقال ليه علي شنو ي مجنونة ووصلها وانتظرها لحدي مادخلت حتي اتحرك مشا حسام بقا ماقادر يدس حبو ليها اكتر وظاهر كدا من اهتمامو ليها وريم كمان بقت ماقادرة تدس اكتر بس خايفه تعترف ليهو وتاتي شي عايزة علاقتو بابوهو تكون حلوة يوم الاحد امتحانات ريم والجمعه ابو حسام حيجي كان اول امتحان وكانت متوترة وخايفه جاها من الصباح وقال ليها حاوصلك وامجد بمش بعربيته في الشارع قال ليها اقري قران ولاتتوتري وواثق انك قاريه كويس وحتشتغلي كويس شغل قران لحدي ماوصلوا بعدها مشت طمنها وقال ليها حتشتغلي كويس لاتخافي وانتظرها لحدي ماخلصت امتحان وفعلا كان اشتغلت كويس لقتو جايب ليها بوكس مكتوب فيه انتي لا تقرئي من اجل نفسك بل من اجل اليوم الذي تكونين فيه الفاصل بين الموت والحياة وكاتب ليها دكتورتي كان لو كوبي باسود طريقه تصميمو روووعه وبداخلو في وردة حمرا وسماعه وجهاز ضغط وكتاب قران ملون ومسبحه الكترونيه
فرحت شديد وقالت ليهو بجد ماعارفه اشكرك كيف ي حسام كان مهتم بيها شديد وبادق تفاصيلها وكل يوم برسل ليها رساله فيها كلام ايجابي وبوصلها للامتحان وبنتظرها حتي يمشي الشركة ويوسف صاحبو كان بقول ليهو اعترف ليها بس هو بقول ليهو ماوقتو خليها تمتحن ونشوف البحصل جا يوم الجمعه وابو حسام جا وحسام طوالي طلع مشا البحر وهو ماعارف احساسو شنو نفسو يمش ويحضن ابوهو بس بكابر ريم اتصلت ليهو قال ليها كويس انا قالت ليهو وين انت قال ليها خليني براي ي ريم لوسمحتي قالت ليهو حسام بالله عليك وين انت قال ليها في البحر جات ليهو قال ليها ليه جيتي قالت ليهو حسام بطل تكابر وامش لابوك وسلم عليه وسامحو قال ليها لا قالت ليهو حسام ابوك زعلان شديد من الحاصل دا وندمان وماعايز شي غير انت تسامحو اديهو فرصه ي حسام ابوك بحبك وانت بتحبو توسل ربنا كتب ليها تموت بس ابوك لسه عايش ومحتاج ليك وانت محتاج ليهو حسام الحياة مامضمونه انت خسرت اختك الله يرحما ماتخسر ابوك كمان المكابرة ماحتفيدك بشي كفايه تبعدو عنك وحاول استغل كل لحظات مع بعض ربنا بسامح ليه نحنا مانسامح. وندي فرصه تانيه دا ابوك وماحتقدر تستغني عنو انت صح عايش ي حسام بس ماعايش سعيد وبتتالم من دونه انا عارفه قدر شنو بتحب فعشان خاطري اديهو فرصه واحكي معاهو واسمعو احضنو من جديد عيش معاهو لحظاتكم دي افتح صفحه جديد وماحتندم صدقني لانو ابوك بجد بحبك وبستاهل فرصه تانيه منك حسام دموعو نزلوا مسكت يدو وكان اول مرة تمسكها
--------------------------------------
#اعيدي_لي_قلبي《17》❤️
#بقلمي_ريموندا🌸
حسام عشان خاطر امك واختك وعشان خاطري طوالي عاين ليها قالت ليهو سامحو وسامحو وصدقني ماحتندم عاين ليها شديد هزت ليهو راسها قبل وشو اتجاه الزجاج وقال ليها طيب بسامحو بس مابنسا العملوا وصدقيني مكانه ابوي جواي بقت مهزوزة كسر حاجات جواي لايمكن تتصلح او ترجع زي ماكانت قالت ليهو سيبها علي الزمن واسي سامحو وارجع ليهو انت محتاج لحضنو شديد قال ليها طيب بفرح قالت ليهو حترجع البيت وتسلم عليه قال ليها ايوا قالت ليهو yes ابتسم وقال ليها مجنونه دي قالت ليهو طيب انا راجعه البيت قال ليها حاوصلك فعلا وصلها ورجع البيت فتح الباب بتردد وبقا بمشي بخطوات ثقيله لحدي ماحصل الصاله وكان فيها امو وامجد وابوهو كلهم اتلفتوا وشافوهو ابوه كان قاعد قام علي حيلو وقال ليهو بلهفه وشوق وحنيه حسام ولدي حسام قال ليهو بعد مسافه حمدلله علي السلامه ي ابوي ابوهو ماصدق وجرا حضنو وبقول ليهو سامحني سامحني عليك الله ي ولدي قصرتا في حققك كتير وحرمتك مني انا اسف علي كل شي وبوعدك احاول اعوضكم ولو جزء بسيط من حياتي وخلاص انا تاني ماحاسافر وحاقعد معاكم للابد
بس ماداير غير تسامحوني حسام ضماهو اكتر وعيونو نزلت دموع ولاول مرة ماقشي دموعوا وقال ليهو مسامحك ي ابوي مسامحك وي ريت انت التسامحني انا اسف علي معاملتي الزفت ليك اسف علي قسوتي معاك وعلي عنادي معاك اسف علي كل شي مهمها حصل انت ابوي وتاج راسي ماكان من حقي اتعامل معاك بالطريقه دي سامحني ي ابوي ابوهو قال ليهو لالا انت ماغلطتا اناالغلطتا في حققكم كلكم سامحوني شديد حسام باس ابوهو في راسو ويدينو واتحولت نظراتو الحزينه لفرح ولاول مرة يحس قلبو مرتاح امجد قال ليهم شنو الاحضان دي مالي نصيب فيها ابوهو ضحك وحسام جراهو وحضنو ابوهم وامهم بس بتبكي ابو حسام قال ليها وانتي مادايرة حضن خجلت وابتسمت وقشت دموعها قالت ليهم انا ي داب كدا عادت لي روحي من جديد الليله بس حاقدر انوم مرتاحه وانا شايفاكم قدامي كدا وفرحانين اناكنت متعذبه كل يوم من وفاة توسل ولعلاقتكم الاتوترت الليله بس قلبي حيرتاح وعيوني تغمض بدون قلق ابوهم قال ليهم بجد بشكر البت ريم حسام رفع راسو وقال ليهو. ريم منو تقصد قال ليهو صحبتك قال ليها ليه عملت شنو قال ليهو هي القالت لي انها حتخليك تسامحني وترجعك لحضني وفعلا عملت كدا الظاهر البت دي بتحبك وشديد كمان وبهمها امرك وعلي شوفه عيني انت كمان بتحبها صح امجد قال ليهو حب من اول نظرة ي غالي وضحك ام حسام قالت ليهم انازاتي لاحظت للتغير الحاصل في حياة ولدك ليهو فترة وعرفتا وراهو بت بس هو ماقال اي شي حسام ابتسم وقال ليهم حاعرفكم عليها امو قالت ليهو خلاص اعزمها بكرة تتغدا معانا وقعدو يتونسوا وطول اليوم عدوها ونسه واتكلموا كتير وحسام كان فرحان شديد وكانو طاير من الفرح بعد خلاص نعسوا ومشوا ينوموا مشا كتب بوست :
منذ ان رايتها اول وهله عرفت بانها تلك اليد التي اتت لتمسك بي وانها الدعوة الثابته التي ترددها امي من اجلي
عرفتها انها الضوء في بدايه ووسط واخر النفق
--------------------------------------
#اعيدي_لي_قلبي《18》❤️
#بقلمي_ريموندا🌸
لم يكن يوم لقاءنا صدفه بل مرتب لهو جيدا من قبل القدر انتي هديتي التي اتتني علي طبق من ذهب قدمته لي الحياة كاعتزار علي كل تلك الصفعات المؤلمه في خدي انت العوض الذي اعطاني اليه الله لقد امتلكتي قلبي وحياتي فاصبحتي ملجئي الامن والوحيد
الي انثاي من امتلكت عيون الريم ماذا فعلتي بقلبي ?
تاني يوم حسام اتصل من الصباح بريم ووراها بالغدا وقال ليها حاجي اسوقك فعلا اتجهزت وجا وساقها في الطريق قالت ليهو اها صالحت ابوك والحصل شنو دنقر راسو وقال ليها لا ماقدرت قالت ليهو ي الله ي حسام ليه ياخ وزعلت وطول الطريق ساكته وصارة وشها ومقبله علي الشباك وهو بتبسم ابتسامه خفيفه لحدي ماوصلوا ورن الجرس فتح ليهم امجد قال ليها نورتي ي ريم قالت ليهو بنورك ودخلوا عرفها بامو السلمت عليها بحضن وحنيه كانها بتها وعرقها بابوهو وقال ليهو دي ريم ي ابوي ريم عاين لحسام وحسام غمز ليها فعرفت انو غشا عليها والا ماكان اتكلم عادي مع ابوهو طوالي صرت وشها وابوها قال لي ماشاء الله زي القمر بجد شكرا ي بتي علي اني رجعتي لي ولدي في حضني قالت ليهو العفو ي عمو ماعملت شي انا قالوا ليها اتفضلي وقعدو وضيفوها واتغدوا بعدها قعدو يتونسوا وطلعوا ناس ظريفين شديد ويخشوا القلب من اول وهله ريم حبتهم شديد وهم كمان حبوها امو قالت ليهو ي بختك وعاينت لحسام ريم عملت رايحه رغم انو فهمتا تقصد شنو ابو ريم قال ليها وين ساكنه قالت ليهو الحلفايا وبت منو ورتو اسرتها وحكت ليهم عنهم طبعا ريم ابوها وامها وضعهم المادي جيد جدا وناس طيبين ومحترمين واخلاقهم عاليه شديد ريم غنيه ماديا ومعنويا ونفسيا وعاطفيا اهلا ماحوجوها لحاجه وبحبوها شديد عندها اختين اكبر منها واحدة متزوجه والتانيه بتحضر الدكتوراه في امريكا وبعديها في ولد صغير وهو ياسر عمرو 8 سنه ريم متعلقه شديد باسرتها وبتحبهم اكتر من اي شي في الدنيا ودايما بتقول انو الانسان البمتلك اسرة تحبو ويحبها ويكونوا سند ليهو معناها امتلك نص سعادة العالم ريم كبيرة بعقلها طفله في براءتها وتفاصيل وجهها مراهقه في جنونها ريم مزيج بين العقل والجنون قلبها نقي وصافي وبتحب الخير شديد للناس ومحترمة ودا طبعا كلو بسبب تربيتها واهلها
اتونست معاهم ورجعت البيت فرحانه وقعدت تتونس مع اهلا وتتجانن مع ياسر وبعدها مشت غرفتها وكتب بوست :
التفت لهو قلبي قبل عيناي وحينما راته عيناي رات نظرة حزن صممت حواسي علي ان تزيلها
كان عنيد بعض الشي ولكن كان في داخله طفل يريد من يمسك بيده فوجدت يداي تمتدان نحوهو رغما مني ووجدت عقلي مهوس بالتفكير فيه
فيا من احتللت قلبي وقدت عقلي للجنون اما كان يكفيك قلبي فقط لم احتللت كل مافيني
اقول لك ولاول مرة انا منك وفيك واليك انتمي
سالني ذات مرة هل انتي بخير ? فاجابه قلبي لا لست بخير من دونك ونطقت عيناي اهلكتني من السهر بسببك وقال عقلي تلفت اعصابي من كثرة التفكير بك ي سارق نبضات القلبي القلب بدونك لايسوي
عملت المنشور ورقدت حسام طوالي اتصل ليها يدها ارتعشت وهي بتفتح الخط قال ليها ريم
--------------------------------------
#اعيدي_لي_قلبي《19》❤️
#بقلمي_ريموندا🌸
قال ليها ريم رايك شنو في علاقتنا قالت ليهو مافاهمه قال لي ليها حابه تكملي معاي المشوار وتكوني نصي التاني دقات قلبها زادت وسكتت ماعرفت ترد قال ليها انا عايزك تمشي معاي كل الدروب وعايزك تكوني الشمعه البتضئ لي حياتي وتنقذني من العتمه من يوم مالاقيتك وانتي صلحتي لي حياتي ورتبتي لي كل الجوطة الجواي انتي دخلتي السعادة لقلبي النسا طعم السعادة انابدونك ولا شي ي ريم وعايزك تكملي معاي المشوار عايزك اول خطوة وفي نص الطريق ولنهايتو ماعايزك تفارقي حياتي ابدا 
قال ليها موافقه تكوني نصي التاني وزوجتي علي كتاب الله وسنه رسوله ريم كانت ساكته بس قلبها كان بدق بسرعه وبحكي بتفاصيل كتيرة شديدة قالت ليهو ايوا موافقه وقفلت الخط لانو كل الكلام ضاع في حضرة وجود القلب قال ليها لوتعرفي مقدار السعادة الحاسي بيها كانوا كل سعاده الدنيا اتتني تاني يوم كلم اهلوا وقال ليهم عايزها واهلو فرحوا شديد وقال ليهم حنمش لاهلا بعد تخلص امتحانات وهي ماكلمت اهلا قالت تخلص امتحانات وباقي ليها اسبوع واحد في الاسبوع دا بقت تتجنب تشوف حسام كتير بس بوصلها الامتحان ويشجع فيها ويطمنها عارفها خجوله وهو كمان في الاسبوع رفض يتكلم معاها بخصوص اي حاجه بس برسل ليها رسايل ايجابيه ويتصل يطمن عليها حسام امو اشترت حاجات الخطوبه وجهزت كل شي ريم قالت اخر امتحان حتوري اهلها بالموضوع واللي هو بكرة اخر امتحان استغربت انو حسام ماجاها ووصلا للامتحان ولاحتي رسل ليها رساله بالصباح زي كل يوم ولمن امتحنت اتصلت عليهو كتير تلفونوا مغلق فتشت امجد شان تسالوا لقتو طلع بسرعه بعد الامتحان اتصلت تسالوا من حسام قال ليها والله ماعارف وين هو زعلت شديد وفي نفس الوقت كانت قلقانه عليه اتصلت لصاحبو يوسف قال ليها ماعارف مكانو قالت خلاص حترجع البيت بعدين تشوف البحصل جاتها هديل وقالت ليها ريم ماشه معاك البيت اليوم عايزة ابيت معاك بماانو اخر امتحان وكدا رايك شنو ريم بكل فرح قالت ليها هو انا لاقيه ومشوا البيت اول مادخلوا ريم لقت اهلا خالاتها وعماتها وكل اهلم قاعدين ولقت البيت مزين بطريقه حلوة شديد استغربت ومشت تسال الحاصل شنو امها قالت ليها امشي لابوك في الصالون وحتعرفي دخلت واتفاجئت لمن لقت حسام ويوسف وامجد وابوهم واعمامها والكل قاعد وشافت حسام لابس جلابيه شاي لبن معاهو رهيييبه ابوها قال ليها حسام عايز يعقد عليك رايك شنو نططت عيونها بعدين سكتت ودنقرت راسها ابوها قال ليهم معناها موافقه علي بركه الله مشت لناس امها والرجال مشوا الجامع يعقدو وقالت لامها الحاصل شنو قالت ليها حسام جا قبل اسبوع لابوك وطلب يدك وحكي ليهو قدر شنو هو عايزك ومتمسك بيك وابوك سال عنو ولقاهو محترم شديد ومناسب ليك وطلب حسام يعقدو طوالي بدون خطوبه وقال مانوريك وانا وابوك اتصلنا لاهلك وكلمناهم وحتي صحباتك جوا وبنات عمك بجهزو ليك في الحاجات وهديل كانت معانا عاينت لهديل وقالت يعني كنتي عارفه صح? هديل قالت ليها اكيد طبعا ومشوا حسام كان جايب ليها فستان كوبي خنفشااااري وهيلز
--------------------------------------
#اعيدي_لي_قلبي《20》❤️
#الاخيـــــــــــــــــــــــــــــرة
#بقلمي_ريموندا🌸
لاليسا هي كانت حابه شديد تتزف بيها بعدها شغلوا مجموعه من الاغاني زي
سمعني نبضك لسلمي الرشيد
فرحتنا الليله لرامي صبري
وبعدها رقصوا اسلو باغنيتها المفضله its you وكان عامل ليها مفاجئه وجاب ليها فرقه. Bts لانو بتحبها كان العرس رووعه بكل تفاصيلوا وبكل الاشياء البتحبها هي كانوا برقصوا وقال ليها :
كان قلبي صامدا امام الجميع كانت جميع ابوابه موصدة باحكام كانت امامه جيوش عظيمه تحميه لكن لا اعلم ماحدث حينما ارتطمنا ببعض ربما وقع قلبي وسقطت جيوشه وانتي سرقته بدون علمي الي التي سحرتني بعيناها ومن حطمت موازين حياتي وجعلتني بلا هويه
( اعيدي_لي_قلبي )
قالت ليهو:
لقد صنت قلبي من الجميع كي. تاتي انت وتحتله وحدك من لهو الحق في المكوث في قلبي واحتلاله فانا خاضعه لنبضاتك بدون مقاومة
انا من اوصد الابواب خلفك عندما احتللت قلبي كي لاتخرج من قلبي ولايدخل غيرك فيه
انا من قتل كل الجيوش التي كانت تحمي قلبي كي اسهل لك الاغتيال هل رايت من قبل سجين يغلق الباب في نفسه دون ان يهرب عندما نسيه السجان وغطي في نوم عميق؟
انا هي من سهلت عليك محاوله اغتيال قلبي
فكن لي الامان ي كل امني.
ريم كانت العوض لحسام البلسم الجا شان يشفي كل جروح حسام كانت الابتسامه الضايعه لحسام صح خسر اختو بس ربنا عوضو بحبيبه واخت وزوجه وكل شي
ريم صانت قلبها عشان كدا ربنا عوضها براجل وهو حسام
حسام الكان سند حقيقي لريم وحباها بكل حواسوا وكانت سعادتها ومستقبلها اهم حاجه عندو حسام كان مكافئه ريم من ربنا
كان واضح جدا الحب بيناتهم بس هم توجوهو في شكل زواج مااعترفوا بحبوا ببعض الا بعد الزواج رغم انو عيونهم وقلبوهم كانت مليانه بالحب وواضح جدا وحتي طريقه اهتمامهم ببعض.
سامحوا ي جماعه سامح الناس ماعشانهم عشانك انت عشان تعيش سعيد وادي لنفسك وللناس فرصه تانيه ربنا بسامح منو نحنا حتي مانسامح .
حبو نفسكم شديد واهتموا بيها حبو اهلكم واتمسكوا فيهم هم سعادة الدنيا والله وماحتلقوا شخص يحبكم بقدر مااهلكم بحبوكم
كونوا طيبه خاطر للناس وخير ليهم شان ربنا يوفقكم في كل حياتكم
الحياة مادايمه وبنعيشها مرة واحدة بس عيشوها بحب وتسامح وطيبه قلب وبسمه خاطر
الموت جز۽ لايتجزا مننا وكلنا راحلون يوما ما ماتدفنوا نفسكم بالحياة لانكم خسرتو ناس ادعوا ليهم وفكرو في الناس المعاكم حاليا ماحتقدرو تنسوهم بس
ماتخلوهم ينسوكم الاحياء منكم
السرطان مرض مدمر بس ربنا اذا احب عبدا ابتلاهو فاصبرو وادعوا ربنا
النهـــــــــــــــــــ❤ـــــاية
كونو بخير ❤️
ريموندا🌸
كـــــــــــــــــــــــــــــل الـــــــــــــــــــــــــــــود
ريموندا🌸
كـــــــــــــــــــــــــــــل الـــــــــــــــــــــــــــــود
التسميات
روايات حزينة