رواية المحتال -(الفصل الاول)

المحتال

#بقلمي_عوض_ابوعلامه

 

#المحتال《01》
#بقلمي_عوض_ابوعلامه
#(المقدمة)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 
المحتال هو مصطلح يطلق على كل شخص يقوم بعمل بوجه غير مشروع والحصول على كسب مالي او مادي دون رضاء الشخص او علمه ..
وانتشرت ظاهرة الاحتيال في السودان كثيرا وبصورة مفزعة ومخيفة ...
سوف نقوم بسرد رواية من محض الخيال ومن الواقع المعاش يحكي لنا فيها  شخص   قصته مع الاحتيال  وماقام به من خداع للناس والطرق التي اتبعها في عمليات الاحتيال.........

الهدف من الرواية تبصير المجتمعات ولفت الانتباه لمايحدث من عمليات خداع واحتيال يومية انتشرت كثيرا في الاونه الاخيرة في المجتمع السوداني وبصورة ملفتة للانظار واصبح الاحتيال كشرب المياه وبمعدلات مخيفة جدا .....

 مقدمة تعريفية :

انا واعوذ من كلمة أنا ...كنت أكبر محتال في البلد دي ولي اكثر من عشرين سنة في الاحتيال وسوف احكي لكم قصتي في الاحتيال من اول يوم بديت فيهو المهنة حقتي وانا قلت مهنة لانو انا كان الاحتيال بالنسبة لي مهنة وهواية واكل عيش وعادة ولو مااحتلت علي زول بخش في حاله عجيبة يعني زي الزول الرامياهو الجبنه ... وغايتو احتلت علي كترة بشر بمختلف المقامات وبطرق كتيرة وكنت كل فترة بغير طريقة الاحتيال حقتي ....
وعشان ما اطول عليكم وابدا ليكم قصتي طوالي اعرفكم بنفسي اول حاجه :
الاسم: حسنين بابكر
العمر : حاليا 35سنة
المهنة : محتااااااال درجة اولى
الحالة الاجتماعية :
خلوها بالنية واثناء القصه بتعرفو حالتي الاجتماعية كويس ...
السكن : الحي الجنوبي
الأسرة :
الوالد منفصل عن امي وانا عمري 5سنة واتربيت في بيت حبوبتي مع الوالدة وابوي اتزوج وسكن بحري وانا عشت مع أمي وهي برضو اتزوجت وكنت مدلع شديد من بدري وانا عمري صغير  وابوي وضعو المالي كويس خالص بس ماكان بصرف علينا وامي كانت بتحاول توفر لي اي حاجه بطلبها ...
بس اكتر شي غير حياتي وانا بعتبر انو دا السبب الأساسي الخلاني اطلع محتال وهو زواج ابوي بعد طلاق امي باسبوع بس وهي برضو اتزوجت سريع وانا  بتذكر انو انا كل يومين ببيت مع ابوي وتجي امي تسوقني معاها ومشاكل ماليها اول ولا اخر وانا بقيت ضحية صراع بين ابوي وامي وبدون مايكون عندي ذنب ...
طبعا انا ماعندي اخوان اشقا من ابوي وامي وعندي اربعة اخوان اولاد  ابوي ولدين وبنتين وثلاثة أخوات بنات من امي ولمن اكون قاعد مع اخواني اولاد ابوي بحسن كانو انا مااخوهم او كانو جايبني من دار الايتام
وفي الاكل والشراب بحقرو بي ودا كلو من راس زوجت ابوي وهي الشحمه والنار مع امي مع انو امي متزوجه وماعندها علاقة مع ابوي بس بتكجنها كجينة عدوك وهي لمن تلقاني قاعد مع اخواني بتحمر لي وبتقول لي قوم التقوم قيامتك اتخارج وامشي علي بيت ناس امك المنحوسة وانا بطلع زعلان وببكي ولمن اصل بيت امي بلقا زوجها قاعد برة في الشارع وهو عاطل وبجر في شيشة ولمن يشوفني جاي عليهم بكورك فيني وبنهرني الجابك هنا شنو يالمنحوس وبقول لي امك مسافرة وتاني ماتجي هنا وانا برضو برجع زعلان وبمشي بيت حبوبتي وبقعد معاها ودي الحتة الوحيدة الكنت برتاح فيها وامي طبعا شغاله موظفة ومرتاحه وما شغاله بي برضو نفس حنك ابوي وبتهتم ببناتا اكتر مني ودا كلو عشان خاطر ابوهم والشريحة المركبها فيها وهو مسيطر عليها وماكل قروشا كلها ....

الحاجات دي كلها اثرت فيني كتير وبقيت عندي نزعة اجرامية وانتقامية من الناس الحولي وبكره   اي زول ماعدا حبوبتي الربتني .....
وبعد كبرت شوية بقيت احتال علي ابوي وامي وبقلع حقي منهم قلع وبعمل فيها عيان واتعلمت شوية شوية الاحتيال .....
•••••••••••••••••••••••••••••••••••••••••••••••••••••••••••

#المحتال《02》
#بقلمي_عوض_ابوعلامه
#(بداياتي_مع_الاحتيال)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​
 قبل أكثر من عشرين سنة :

اول بداياتي  في الاحتيال  كنت بدرس في الأساس  وكنت مشهور  على مستوى  المدرسة وكنت ملقب بـ حسنين الشفت وفي الفصل ماسك الألفة وناس الفصل كلهم بخافو مني ومدخل فيهم جنس شرايح(اريبا وموبتيل وسوداتيل وكنار) وبجي المدرسة متأخر وبثبت بفهم انو انا الالفه و...و......
بتذكر لمن يجي وقت  الفطور في المدرسة كنت بجازف من الأولاد المرتاحين والمرطبين وبجيبو لي معاهم حشوات وحتى حق الشهر وحق الطباشير وقروش درس العصر بقلعها من اولاد المرطبين وبفهم انو ما اسجلهم في قائمة المهرجلين وكنت بترصد اخطاء الطلاب المعاي وبمسكها ليهم زلة وكرت ضغط عليهم عشان ينفذوا لي كل طلباتي .
طبعا الحاجه الماعارفنها انو انا ذكي شديد وشاطر بس مع دا كلو  ماحصل يوم واحد قريت فيهو وفي الواجبات المدرسية بنقل من أول الفصل او بمعني كنت هارشو وهو بكتب لي كل الواجبات في كراسي وفي الامتحانات بجي الامتحان وماعافرو امتحان شنو  وبعتمد على البخرات ومع البخرات بجي في الطاشرات ....
واستمريت علي الحال دا فترة طويله  لحدي ما امتحنت ثامنة ونجحت بمجموع 160 والوقت داك كان المجموع الكامل 250 وواصلت في الثانوي بنفس الغش والخداع ...

في ثالثة ثانوي مشيت علمي وكنت شايل أحياء وكان معاي في الفصل 10 اولاد بس وفي الحصص العلمية بنمشى مدرسة البنات والحصص بتكون مشتركة ولانو المدرسة إدارتها مشتركة والبنات كانن زي  كم وعشرين ..
وانا عندي سببين لاختياري المجال العلمي السبب الاساسي  عشان الجكس والخلط وانا من كنت في الاساس كنت بخلط وبجكس ومعرفتي كلها بنات والحاجة المساعداني كنت وجيه جنس وجاهه  زي تامر حسني هههههها تامر شنو دا كمان الأوجه مني  وكمان لساني حلو وحنكي سنين مع انو في زمنا داك من الصعب تجكس بت او تحنك معاها بس اخوكم مكمل الشفتنه... وهدفي كان اتعرف على اكبر قدر من البنات واتقرب منهم واستفيد ماديا وعاطفيا  ولانو في الحلة جوة صعب تتقرب من البنات وشبه مستحيلة لانو هواهم كتير والمدرسة الثانوية بعيدة واقلبية الطلبة من مناطق بعيدة وكتيرة شديد ...
 والسبب الثاني حا تعرفوهو مع سرد القصة .......
يوم من الأيام صحيت الصباح بدري ومشيت علي الدولاب وطلعت اللبسة الاشتريتها قبل كم يوم وكنت مشتريها من السوق مخصوص عشان اكمل بيها  الوجاهه ولبست معاها الجزمة (لافحا من  ابوي) وشكيت وتعطرت بريحه فلير دمور تتخيلو كنت قايلها ريحه رجالية ... وطلعت المدرسة طوالي....
 اليوم دا كان اول يوم فيهو حصه مختلطة حقت كيمياء وكانت الحصه الاولي ...
وفي المدرسة بعد الطابور الصباحي شلنا كراسينا (الزمن داك كان لمن تخش الثانوي اهم حاجه  تجيب معاك كرسي من بيتكم ) ومشينا مدرسة البنات ودخلنا الفصل ولقينا الحصه بادية وكانت الاستاذة مديرة المدرسة  والأستاذ الكان بدرس  الكيمياء كان سافر اليمن وخلا المدرسة بدون أستاذ لمادة الكيمياء وسمعنا قالو جايبين استاذة ترينق جديدة لنج وسمييييحه وانا فرحت شديد وقلت في نفسي خلاص موضوع الكيمياء ظبط تب ..
ولمن دخلنا انا قعدت طرف وقريب من صف البنات وفي  الحصه ماكنت جايب خبر وكنت بتلفت زي المروحه الرحالة وكل دقيقة بكشف لصف البنات وفي واحده كانت قاعد قريب لي وهي حست بي وبقت تعاين لي برضو وانا اشيل واغمز ليها واضحك وشلت لي ورقة وكتبت فيها (انا معجب بيك شديد )
وشلتها وجدعتها ليها ولي حظي الكعب وقعت جمب واحدة تانية شييبنة جنس شنا وشالت الورقة وفتحتها وقرتها واتلفتت علي وبقت تتبسم وكتبت لي ورقة (وانا كماااااااان)وزولتي التانية كانت شايفة المنظر كلو وتشيل وتحمر لي سااااي وممغوسة جنس مغسة(زي الزول العندو  كلورا )  وكان نفسها تعرف انا كتبت في الورقة شنو ؟
واستمر الوضع دا لحدي ما الحصه انتهت وانا ماجايب خبر ولا عارف الاستاذة المديرة قالت شنو ....
لمن طلعنا من الحصة مشيت المزيرة عشان اشرب موية وفي الحقيقة ماكنت عطشان بس كل مافي الموضوع انو زولاتي الاتنين ست الورقة(سحر) الشمار حارقهاوعايزة تعرف انو كتبت ليها شنو والاستلمت الورقة (إلهام) استلمت الماسورة واتعلقت بي ومعاهم كم بت بشربو من المزيرة .....
•••••••••••••••••••••••••••••••••••••••••••••••••••••••••••

#المحتال《03》
#بقلمي_عوض_ابوعلامه
#(اول_كذبة)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​
في المزيرة لقيت زولاتي بشربن وبضحكن وانا جيت شايل الكرسي حقي فوق ضهري ووقفت جمبهم ومنتظرهم عشان يدني الكوز عشان اشرب والكوز كان عند إلهام بتشرب ولمن شافتني قربت تشرق وبقتت تقحقح واتكبكبت جنس كبكبه وانا بدون مقدمات قلت ليها سلامتك دا منو القطع فيك دا ما كان كوز العمل فيك كدا واريتني لو كنت الكوز
*معلومه(الكوز انا قاصد بيهو الكباية ماتمشو بعيد )
هنا طوالي في بت كانت واقفه معاهم  شالت الكوز منها وضربتها في ضهرها عشان العشراقة تروح ، وملت الكوز موية وناولتها لي عشان اشرب وقالت للبنات التانيات عن ازنكم نخليو يشرب عشان مايقيف كتير ويتخارج......
في واحدة قالت ليها ياااريت يقيف نحنا لاقين ......
انا بي جاي راسي طار السماء وطرشق المزيرة من زمان وحسيت بنفسي روميو ....
وبعد شربت خليت باقي في الكوز لانو انا اصلا ماعطشان دا حنك ساي وعملت فيها داير ادفق الفضله طوالي ...
إلهام قالت لي لا لا ما تدفقها دي بركة خليها نتبرك بيها وشالت مني الكوز وشربت الباقي وهي تعاين لي وتتبسم وقالت لي ما اتعرفنا عليك ....؟
قلت ليها : اسمي حسنين ...
في واحدة قالت ليها انتي شيلي حسن وانا بشيل حسن اتفقنا ....
وهنا البنات كترو في المزيرة وجو البنات الادبيات حصتهم انتهت وبقو متلمين حولي وانا اشيل واهظر واضحك واسلم علي دي واقبل علي دي .....وسحر زولتي  كانت واقفه بعيد شوية  و منفوخه وشكلها اضايقت شديد وبدت تغير من البنات ....
وبعد مسافة كدا وانا سارح مع الاجواء الممطرة دي تجي أستاذة من بعيد مسرعة وتمسكني من اضاني :
انت ياطالب المقعدك هنا شنو بعد الحصه ماانتهت ...وكمان لامي البنات وبتتونس معاهم ..
انا هنا قلت ليها لا يااستاذة انا عندي اختي هنا جيت اشيل منها حق الفطور وماشى طوالي وانتظرتها لحدي ما انتهت من الحصة ودا كل الحصل...
وهدي هي ذاتها جات واشرت علي سحر وهي كانت سامعه الحوار وطوالي الاستاذة بتعرف اسمها ونادتها تعالي ياسحر وانا يادوب عرفت اسمها سحر وهي جات  وطلعت قروش 50دينار والوقت داك كانت كتيرة شديد وادتني ليها وانا خمشتها منها وقلت ليها أمي قالت ليك لما ترجعي من المدرسة امشى ناس حبوبتك وقيلي معاهم لانو سألت منك ...
وسحر من الوهمه قربت تصدق انو انا اخوها جد جد وقالت لي تمام وحسيت بيها زي الخنقتها العبرة ودايرة تقول حاجه وسكتت وقالت لي حاضر بمشي ليها طوالي....
ورجعت طوالي والبنات احتارن وصدقن انو انا اخوها ...
غايتو الحنك مشى  فوق الاستاذة والبنات كلهم والاستاذة قالت لي تاني اوعاااك اشوفك واقف هنا تاني ...يلا امشى مدرستك سريع ...
وهي قبلت علي البنات ولقتهم كلهم متلمات وبعاينن ...وطوالي نهرتن ..في شنو ....يلا اي واحدة علي فصلها سريع ....
وقبلت علي سحر وقالت ليها تاني خلي اخوك يشيل قروش فطورو من البيت وماكل مرة يجيك هنا ....
سحر : وهي بتضحك حاضر يااستاذة ومشت علي الفصل وانا لسع واقف من بعيد وبعاين وهي ماشة علي الفصل وبتعاين لي وقربت تقع .....
نهاية اليوم طلعت من المدرسة ومشيت علي المظلة الجنب المدرسة ودي بتلمو فيها كل الطلبة الساكنين بعيد وبنتظرو المواصلات البكاسي وهي مظله كبيرة شديد ونهاية اليوم بتكون مليانه شديد واكتر شي بتكون مليانه بنات لانو اغلبيتهم برجعو باالمواصلات ...
وانا اصلا ساكن قريب تاني قرية للمدرسة وجيت المظله عشان انتظر سحر واديها القروش حقت قبيل (هههه انتو صدقتو انو حاارجع القروش ليها دا مدخل بس وانا بريد القروش اكتر من روحي يعني عادي ابيع اي زول عشان القروش مهما كان عزيز علي) والوقت داك البنات ماطلعو لسع وانتظرت في المظله لحدي ما طلقوهم (ماتمشو بعيد دي معناها فكوهم من المدرسة ههههه)
وانا كنت قاعد طرف في المظلة وسحر وإلهام جو مع بعض وانا اتخلعت قلت خلاص كتمت وكيف اقدر ارجع القروش ليها وهي اكيد حكت ليها بالكضبة القبيل وكدا انا خسرت الاتنين مع بعض..وبقيت قاعد وعملت نفسي مشغول وسارح بعيد ...
وبنات ثالثة كلهم جن بعندي وسلمن علي باسمي وكانو بعرفوني من زمان ...
وسحر وإلهام جو علي تيكا وسلمو علي و إلهام كانت متكبكبة شديد والغريبة ماقالت اي حاجه وهي طوالي قالت  يلا ياسحر انا ماشة في عربية جات ،وسلمت عليها وفاتت ...
وسحر جرتني بعيد من الناس وبقينا برانا ومافضل ليها الا تضربني كف وقال لي دي شنو الحركات البتعمل فيها دي.... ؟
انا : معليش يا سحر ماكنت قاصد حاجة واعفي لي دخلتك في حتة ضيقة شديد ....
سحر : وكمان عرفت اسم اختك ....
انا : انا تاني بعتذر ليك وماكان عندي حل تاني ولقيتك انتي قدامي بس واخترتك بدون البنات التانيات ...
سحر : علي العموم حصل خير ..
انا : وصاحباتك عارفين انا بكضب صاح....
سحر : لا مافي زول عارف حاجه انا اصلا جديدة في المدرسة وكنت بقراء في السعودية ويادوب اتعرفت علي كم بت بس وماعارفين عني حاجه وصحبتي إلهام اكتر واحدة صحبتي وقبيل سألتني وانا قلت ليها انت اخوي  والبنات كلهم صدقن .....
انا : معليش دخلتك في حتة ضيقة شديد ...
 سحر : الموضوع عادي وانا سعيدة انو اتعرفت عليك وبالمرة  تبقي صاحبي واخوي كمان ،وانا وحيدة وماعندي اخوان وقبيل لمن اشرت علي كلامك اثر فيني كتير واول مرة في حياتي زول يقول لي اختي ....وعشان كدا بطلب منك الطلب دا ونكون اخوان واصحاب ونتعرف اكتر ....
انا : جدا انا موافق...انا اسمي حسنين بابكر واديتها نبذة عني ...بس كضبت عليها وقلت ليها انا يتيم وامي وابوي متوفيين وساكن مع قرايبي بس ..وكضبت في السكن برضو ووصفت ليها حلة تانية بعيدة ...
وطلعت القروش القبيل وقلت ليها هاك دي القروش حقت قبيل
سحر : انا كدا بزعل منك ودي خليها عربون صداقة بيناتنا ...
انا : كشكرت عليها كشكيرة ميتة ...وفي الاخير شكرتها ومشيت منها.....

وانا ماشي علي البيت قابلت صاحبي ابوسمرة في الشارع وسلمت عليهو حق الله بق الله والاخبار والشمارات ودنيتك وامور فنيتك ودردشت معاهو زين ...
وقال لي بعدين العصر انتظرني جنب اللستك عندنا مداهمة دسيسة نطلع منها مصاريف شيشنة .....
•••••••••••••••••••••••••••••••••••••••••••••••••••••••••••

 

#المحتال《04》
#بقلمي_عوض_ابوعلامه
#(بقره_عمنا_حمدان)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​
العصر طلعت وتكلت في اللستك و انتظرت صاحبي سمير وهو اكبر مني في العمر واتعلمت منو الخطوات الأولى في الاحتيال وقعدت مسافة طويلة لحدي قريب المغرب وانا زهجت وقلت امشى البيت وشكلو ركبني ماسورة وداير اقوم كدا اشوف زولي من هناك جاي علي وراكب حمارتو القبيشة ومجعر ولمن وصلني كورت فيهو انا من اذان العصر قاعد هنا ما ممكن كل مرة شاريني ومقعدني في الصقيعة الحارة دي ؟؟؟
سمير : هههه البسمع كلامك دا يقوم انت قاعد ليك اسبوعين وتعال هنا انت متين قاعد تصلي وشابكني من صلاة العصر ،والا يكون خشيت الاسلام وانا ماعارف!!!!
انا : كدي اسع خلينا من نقتك الكتيرة دي وورينا الرصه شنو ؟؟ والجركانه دي داير بيها شنو ؟؟
سمير : الليلة عندي برنامج جديد لنج ...
انا : هههههههه انت مع برامج الكتيرة دي حانشغلك مخرج في قناة النيل الازرق (الوكت داك كانت  القناة جديدة لنج )....
انا :اها احكي ...
سمير :  يلا اركب نمشى وبحكي ليك في الطريق ...
وركبت معاهو ومشينا تيكا علي الساقية والوكت داك كانت الواطا فللت والعين بقت مابتشوف والساقية بقت فاضية ومافضل فيها الا الصبر (جمع صبرة)والكلاب.....
سمير : الليلة ياحسنين عمنا حمدان بقرتو ولدت ليها كم يوم وجابت تيمان وقالو بتحلب في اليوم قريب العشرين رطل ....
انا : لكين ياابو سمرة لقيتك معلم ...بس لكين احتمال يكون حلبها قريب ...؟
سمير : لا لا انا عرفت انو بحلبها الصباح بدري بعد صلاة الصبح وببيع اللبن لسيد احمد بتاع الدكان الفوقاني جم المحطه .
وبعد وصلنا الزريبة ربطنا الحماره وكشفنا تمام ومافي اي حركه او كشكشة ودخلنا ....
وطوالي سمير طلع ليهو حبل كان شايلو معاهو وربط البقرة تمااااام وقال لي امشى جيب الجركانه من الخرج وبتلقا معاها صبابة ...ومشيت اتناولتهم وجبتهم ليهو ...
وصاحبي بدأ يحلب وانا واقف جنب الباب حرس ومراقب جوي وبعد انتهى شلنا اللبن ورفعناه في الخرج والباقة كانت مناصصه
وسمير قبل مانطلع ماخلي اي اثر حتى دربنا محاحو ومشي على العجلات الصغار وفكا واحد منهم عشان لمن يجي  عمنا حمدان الصباح يلقي العجل مفكوك والبقرة مرضعه....
وطلعنا من دربنا داك للسويق طوالي وفي الشارع غشينا السبيل حق المرحوم طه وسمرة نزل من الحمارة ونزل الجركانه واتناول الكوز وتم اللبن موية من الزير وخج الجركانه تماااااام عشان الموية تتلخبط مع اللبن وانا اشيك واضحك ومنها طلعنا علي السويق ..
وهناك عندنا بتاع بقالة بتعامل معنا طوالي وبشتري مننا بسعر رخيص وعارفنا محتالين بس ماعارف انو تامين اللبن موية ...
وبعنا ليهو اللبن واستلمنا القروش واستلمت نصيبي وسمرة شال التلتين واداني تلت وانا قلت ليهو ياعمك المفروض القسمة فيفتي فيفتي
وقال لي انا الكنق و المدبر كيف اقسم معاك وتاني انا مشتري الجركانه والصبابة ...
انا بقيت اضحك ههههه وقلت ليهو اوهامك دي مابتمشي علي انا واتلقي الجركانه والصبابة لافحهم من الحاجة......
  وغشينا محل البسبوسة ضربنا لينا كم كيلو تماااام   (اسع الزمن العلينا دا الواحد ربع كيلو مابكملو غايتو اخر زمن )
ورجعنا الحلة طوالي ......
تاني يوم الموضوع مشي عادي باعتبار انو عمنا حمدان فات يحلب الدغش ولقا البقرة مرضعة .......

 في المدرسة :
  كان عندنا حصة احياء دبل والاستاذ ماجا قالو مسافر والشمار السمعتو انو طلق مرتو عشان اشترت توب(عين الكتكوت ) من قروش الماهية ...
 المهم كنا قاعدين في الفصل وجاتنا استاذة الترينق عشان تملا لينا الحصه ولمن دخلت علينا اتخلعنا جنس خلعة من السماحه والجمال الخلاق وكانو القمراء جات نازلا من السماء من شدة ماسميحه والجو كان مسخن قبل ماتجي الاستاذة وكنا بنتهبب بالكراسات من كترة السخانة ولمن دخلت الفصل نسينا السخانه وكانو الكهرباء كانت قاطعة وجات مع انو الوقت داك ماكان في كهرباء في المدرسة وكان في بابور لستر مابشتغل الا يكون في ضيوف أو موجهين نظام كسير تلج مع انو بشيلو مننا حق الجاز و المراوح كانت مركبة وكنا لمن نزهج من السخانة بنرص الكراسي فوق بعض وبنطلع للمراوح وندورها باليدين ....
المهم خلونا مع زولتنا الجديدة  وكمان حتي البنات اتخلعو من الجمال الطبيعي دا والوقت داك ماكان في كريمات وبودرة ولافير ولاكوفير ولا خلطات ولا ...ولا....
 والاستاذة قالت لينا دي حصة تعارف وعرفت نفسها لينا(سوزان فرجكان الفرجكاني) وانا ركزت معاها شديد وهي طلعت من العاصمة من اسرة مرتاحيين ومروقين شديد وهي ماقالت كدا بس حللت من خلال كلامها ولانو قالت ساكنة الرياض وهي نازله في سكن الأساتذة جنب المدرسة  وشكلها مابتعرف اي زول في الحلال (جمع حله)و عمها كان مدير المدرسة والسنة دي شالوهو مع ناس  التوجيه ....
وبعد عرفت نفسها اتكلمت لينا عن المادة الماسكاها لينا ومعلومات عامه ودردشت معانا تماااام وكان كلامها كلو درر وحكم مع انو هي تنشاف صغيرونة بس البسمع كلامها يقول دي وزيرة عدييييل ما استاذة وكمان ترينق...وانا كنت مستغرب كيف ناس الجامعة القرت معاهم فرطو فيها وما عينوها معيده معاهم ...وكمان شكلها مو متزوجة ولا مخطوبة ودا كلو عرفتو احساس مني ساي لانو انا عندي احساس عالي جدا ودا ساعدني كتير في نجاحي بنسبة 80% في الاحتيال ......
واستاذتنا سوزان في نهاية الحصة قالت لينا يلا بعد كدا كل واحد يعرف نفسو وسكنو وابوهو شغال شنو وامنيتو شنو.....؟؟
وقالت نبدأ بالاولاد لانهم شوية .....
وانا كنت تاني واحد من اليمين وطوالي اتذكرت انو انا اخو سحر وناس الفصل كلهم مصدقين الوهمة دي وانا ما متذكر ابو سحر اسمو منو ولا اسم الحلة .....
وبقيت محتار اعمل شنو ؟
وكيف اتخارج من الموقف دا .....
وزي ما بقولو حبل الكضب قصير....
مع انو سحر امس ورتني اسمها بالكامل والحلة الساكنة فيها...بس انا مافاضي من الحوامه والسرقة والكلام الفاضي ....
يقول المثل :
{علي الكذاب الاحتفاظ بذاكرة جيدة}
والطالب الجنبي قام وعرف نفسو وجا الدور علي ........
•••••••••••••••••••••••••••••••••••••••••••••••••••••••••••

#المحتال《05》
#بقلمي_عوض_ابوعلامه
#(اختلافي_مع_الحاج)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لمن جا الدور علي عشان اعرف نفسي قمت علي حيلي وانا محتار شديد وطوالي بديت اعرف نفسي بمقدمة طويلة التقول بقدم في برنامج وعرفت ليهم اسمي : حسنين بابكر وكملت باقي التعريف وقلت ليهم انو  انا اخو سحر الطالبة المعانا هنا وهي اختي من امي ودا كلو عشان مايشكو في اختلاف الاسم ....
المهم غايتو اتخارجت من موضوع الاسم وحتي سحر بعد نهاية الحصة قابلتني برة وقالت لي غايتو قدرت تقطي الكذب بتاعك ومشت عليهم بس ماكل مره بتسلم الجره
وكنت بتمنى انو علاقتنا تكون مبنية على الصدق والأخوة ....

 بعد كم شهر :
الامور كلها ماشة تمام وعلاقتي بسحر بقت قوية شديد بس المشكلة الكبيرة انو انا كل مرة بكضب عليها بحنك جديد ومرات بقول ليها انا مفلس وبقت بتصرف علي وكل يوم بتديني مصاريف وانا الموضوع عندي عادي باعتبار اختي وبتصرف علي ....

 البيت :
طبعا انا بعد مشاكلي مع امي وابوي الزمان ديك استقريت مع حبوبتي في بيتها وقطعت علاقتي مع ابوي واخواني نهائي وحتى ناس امي  برضو ومابمشى عليهم إلا أكون مفلس وبحنك معاهم وبقلع منهم قلع واتعلمت كيف اقدر اجازف قروش من ابوي ومرات بمشى ليهو في دكانو في السوق وبلقاهو مافيش وبخم الحاجة الدايره والولد الشغال بقول لي ابوك كل مرة بشاكلني انا تاني ما بخليك تشيل حاجه الا توريهو  ....
وانا قلت ليهو انا بشيل في اي وقت وعلى كيفي انت وابوي مافي زول بحميني والموضوع دا لو ما عاجبك طق السماء ....
وكمان الحاجه البلقاها مافي في دكان أبوي بمشي دكان تاني وبشيلا وبحاسبو ابوي عليها وبقيت بشيل الشباشب من الدكان وببيعا في المظلة جنب  المدرسة وبربح ربح جد .....
المهم عديت فترة طويلة بالصورة دي والقروش كترت في يدي وبقيت مرات كتيرة ما بمشى المدرسة مع انو بجي المظلة يومي
ولحدي ما ابوي عرف انو انا بشيل حاجات من الدكان وببيعا  وقام جاني في المظلة وخما مني الشباشب واداني دقه من امها قدام الناس والطلبه وانا اتشاكلت معاهو وغايتو نبذني ونبذتو وهو اتبرى مني وقال لي انت من الليلة دي لاولدي ولابعرفك وتاني مااشوفك قدامي ....
من الزمن داك بقيت مختلف مع ابوي ولو قابلني في مطب مابسلم عليهو وكانو ماعندي بيهو علاقة ....
اعمامي حالو يصلحو بيناتنا بكل السبل بس ابوي رفض وهو من النوع العنيد الاتجاه واحد ومستحيل يرجع من قرارو وبزعل سريع ونفسو حار ...
وانا مشيت ليهو في البيت واعتذرت ليهو بس هو رفض ومن الباب ماخلاني ادخل ...

 المدرسة :
بقيت امشى المدرسة طوالي ولانو الامتحانات حقت التجريبي قربت وفي حصص كتيرة ماحضرتها ومافاهم اي حاجه ...
وقابلت سحر وإلهام في الفسحه وسلمت عليهم وسحر نادتني بعيد وقالت لي انت مالك الايام دي مابتجي المدرسة الحاصل شنو ؟
قلت ليها انا عندي مشاكل مع عمي ومتشاكل معاهو والسبب انو رفض يدفع لي قروش عشان اطلع الجنسية وقروش الامتحانات وهو مابديني  قروش نهائي و....و....
المهم سحر قالت لي انا وريتك انو لو احتجت اي مبلغ وريني طوالي ....
انا: مامكن انا ضغط عليك كتير وهو دا عمي لازم يديني قروش
سحر : انا الليلة ماشايلة معاي قروش بس بكرة بجيب ليك قروش عشان تدفع رسوم الامتحانات وتتطلع الجنسية ...
انا : شكر ليك يا سحر وانا ماعارف من غيرك كنت حا اعمل شنو ...وانا ماجيت المدرسة لانو فكرت اخليها واشوف لي شغلانة تانية علشان اقدر اصرف على نفسي ...
سحر : انت زي اخوي وانا وضعي المالي كويس وفي اي زمن لو عايز قروش وريني طوالي ....
انا : تشكري يا احلي سحر في الدنيا .....
سحر : بالمناسبة إلهام صحبتي يومي وطوالي في سيرتك وشكلها اتعلقت بيك ...
انا : انتي جادة ....
سحر : امال
انا : لكين انا معجب بواحده تانيه ومن زمان ...
سحر : دي منو كمان ؟؟
انا : بتعرفيها في وكتها ..
وهنا إلهام حات و لقتنا مبسوطين وبنصحك ....
إلهام: نفسي اعرف بتضحكو في شنو ...
وكمان مبسوطين ..انتو البيت ماكفاكم من الونسة ادونا معاكم فاصل بس ....
انا : تخيلي يا إلهام مابنلقى زمن في البيت للونسة ....وانتي تخشى طوالي بدون فاصل زي النقل المباشر في التلفزيون طوالي بدون مقدمات ....
المهم اخت لي خشم خشمين مع إلهام ودردشتا معاها تمام لحدي ماجرس الحصه دقا ولمن مشيت منها غايتو لقيتا جبارة شديد وطلعت منها بكتاب احياء مذكرة فيزياء وبعتهم لواحد معانا لانو اصلا ما حصل يوم من الايام فتحت لي كتاب او مذكرة وقريت منها......

 الحلة :

طبعا مواصل مع صاحبي ابوسمرة وكل مرة عندنا مداهمة جديدة وبنطلع بفايدة دسيسة ..
بتزكر انو صادفنا الانتخابات والحملات الإعلانية وقمت مشينا انا وسمير لمقر احد الاحزاب السياسية وعملنا ليهم انو نحنا تابعين ليهم وكسرنا ليهم الحنك تمام واقتنعو ومسكونا الحملة الاعلانية في الحله والحلال الجنبنا وطلعنا منهم بقريشات لزوم الحملة وادونا شعارات وفنايل فيها شعار الحرب والمرشح ومشينا الحلة وبعناهم للشباب وطلعنا بحسابات دسيسة ومع دا كلو مشينا لحزب تاني وبرضو جازفنا منهم قريشات تمام ونهاية الانتخابات الحزب الفاز وعزونا جد والوقت داك كان امتحانات التجريبي بدت وانتهت وانا ولاجايب خبر و امتحان واحد ماحضرتو وحتي سحر سألت مني واحدة من بنات تانية  و طلعت من نفس  الحله الكنت وصفتها ليها بالغلط  وقالت ليها نهائي مافي ولد بالاسم دا ......

وبعد انتهت الانتخابات رجعت المدرسة وفي الفسحه لقيت سحر منتظراني في المزيرة العجيبة والوقفة غالباها .....
•••••••••••••••••••••••••••••••••••••••••••••••••••••••••••

#المحتال《06》
#بقلمي_عوض_ابوعلامه
#(امتحانات_الشهادة)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد إنتهت الانتخابات رجعت المدرسة ولقيت سحر منتظراني في المزيرة العجيبة وشكلها  مزعوجة شديد والوقفه غالباها ....
سلمت عليها وردت السلام ببرود شديد وانا طوالي قلت ليها :
مالك سلامك بارد كدا الحاصل شنو ؟
سحر : اسمعني كويس انا بالصدفه عرفت اي حاجه عنك وعرفتك كل تفاصيل حياتك وانك مايتيم وابوك وامك موجودين
ليه كذبت علي وخليتني احن عليك واعتبرتك زي اخوي الربنا حرمني منو وكنت كل يوم بشوفك بحس انك اخوي وكل حاجه في دنيتي ليه بديت معاي بالكذب كان من اول تقول الحقيقة وبالعكس ما كنت حا أغير في نظرتي ليك وانت عارف الكضب حبلو قصير ...

*المثل بقول :{تستطيع ان تخدع بعض الناس بعض الوقت ، لكن لاتستطيع ان تخدع كل الناس طول الوقت}..

المهم اليوم داك كان يوم صعب شديد واول مرة اشوف بت بتبكي بسببي وهي شكلها حبتني بالجد واتعلقت بي شديد وانا علي الهباله العلي اشيل واعتذر ليها واكضب ليها تاني ....
وفي الأخير قطعتو معاي ست صفر وقالت لي انت من اتجاه وانا من اتجاه وقالت لي اي مبلغ اديتو ليك عافياهو ليك لوجه الله وعشان اللحظات الجميلة العديتا معاك ما حا اشتكيك لاي زول
غايتو اليوم داك ادتني مجموعة من النصائح والإرشادات والموعظات ووصتني انو مااكضب علي زول تاني وقالت لي لو اتعودت علي الكضب صعب تتخلص منو ...و....و....وكلام كتير مابتزكرو كلو ....
وتخيلو انا لو بحس كان من كلام سحر دا كنت اتغيرت او خليت الكذب بس تقولو شنو ....
ومن اليوم داك سحر اتخلت عني والأيام مشت سريع ...
قبل الامتحانات باسبوع اتعرفت واتقربت من  استاذة الكمياء سوزان وحنكت معاها تمام بفهم انو انا طالب شاطر ومهتم بالقراية وشبكتها اسئله عن المادة وهي صدقت والوهمه مشت فيها ...
وهي من النوع المتمدن وبقت تدرسني حصص اضافية في المكتب ومعاي ولدين تانين وطبعا الحصص مجان بدون قروش ومع دا كلو نهاية اليوم بتديني قروش  اجيب ليهم حاجات من السوق (لحم وخضروات)وهي كانت ساكنة مع المدرسات في الداخلية جنب المدرسة ..
وانا كنت شغال ليهم  مراسل  وعامل فيها مهتم بيهم باعتبار انهم ضيوف والواجب اكرام الضيف ...
وكنت بشتري ليهم اللحمة الرخيصة من واحد صاحبي ببيع كيري والخدار بسرقو لي ابو سمرة من الساقية وبطلع بحسابات دسيسه واموري كانت واضحه لدرجة انو عملت لي خرتاية بدس فيها القروش وبدفنها في الواطا ...
والطلبة المعاي كانو ملقبني ب حسنين المرسال وكنت مبسوط من اللقب ما دام مستفيد وجايب لي نقاطة يومية او شبه يومية  
الامتحانات : كان فاضل ليها يوم وكنت مجهز بخرات لكل المواد والمساء خشيت المطبخ واكلت لي امشعيفه وشربت لي روب ليهو اسبوع وبالليل تعبت وودوني المركز الصحي الجنب المدرسه  وركبو لي دربات كمية والصباح قبل بداية الامتحان جوني الاساتذة وكفرو لي ومشو اتكلمو مع الدكتور وجوني راجعين وقالو لي حانجيب ليك الامتحان هنا في المستشفي وعشان ماتفقد فرصتك في الامتحان وانحنا معولين عليك شديد .
وانا بيني وبين نفسي فرحان شديد والخطه نجحت بنسبة كبيرة .
والامتحان لمن بدا انا كنت كل دقيقة اقول للمراقب بدون مؤاخذة ماشي الحمام وهناك بطلع البخرة وكنت مبخر المادة كلها
وقايتو قدر مايقلبني سؤال اطلع الحمام  وافتش في البخرات
واخلصت الامتحان بمزاج وكنت فرحان بنجاح الخطة....
وامتحنت امتحانين في المركز وكملت الباقي في المدرسة وبنفس الفهم وكنت بتحايل على الاساتذة انو يساعدوني باعتبار انو انا شاطر ومرات بشف من الجنبي وكنت قاعد قريب من أول الفصل ...
المهم زي مابقولو من سيكا لي ميكا خلصت الامتحانات والنتيجة طلعت ...
اتخيلو جبت كم ؟؟؟؟
•••••••••••••••••••••••••••••••••••••••••••••••••••••••••••

#المحتال《07》
#بقلمي_عوض_ابوعلامه
#(الخدمة_الوطنية)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد النتيجة حقت الشهادة طلعت وزاعو الأوائل في التلفزيون كنت ضامن نفسي حا اجيب كم وستين وانت نازل وطلعت مشيت المدرسة عشان اشوف النتيجة وانا داخل علي المدرسة قابلتني استاذة سوزان ومعاها كم استاذة تاني  ولمن شافتي فرحت وقالت لي الف الف مبروك يا حسنين رفعت راسنا ولو ما المرض كان جبت اكتر من كدا والحصص الاديتا ليكم نفعت معاك شديد وفي اللحظه دي ناس المدرسة كلهم اتلمو فيني وبقو بياركو لي وانا اشيل واتبسم وفرحت جنس فرح اتقول جيت اول السودان وفعلا احساس النجاح حلو بس مع دا كلو مافي فايدة طالما النسبة الجبتها كانت بطريقة غش وخداع ...
ولمن دخلت شفت النتيجة لقيت نفسي جايب 85.3%  وانا مابين مصدق ومامصدق وقلت في نفسي اكيد الناس ديل وهمانين ومستحيل اجيب النسبة دي مع انو انا في الامتحانات البخرات اغلبيتها ضربت معاي ....
سحر جابت 82% والهام جابت 73% وانا جيت الثاني في المدرسة والاول ولد اسمو حسام جايب 88% ود الولد الكنت بشف منو في الامتحانات ...
ورجعت البيت ولقيت ناس الحله متلمين كلهم والحلاوة والكركدي مدور ولقيت امي وابوي واخواني منتظرني وجو  عشان يباركو لي ..
وانا ابيت اسلم عليهم وبتكبر قلت ليهم خلاص الليلة يادوب بقيت ولدكم ...وانا امي وابوي  بالنسبة لي متوفين من زمان وطلعت من البت طوالي وخليت الجو بي وراي معكر  ومشيت لي صاحبي ابوسمرة وتكلت معاهو في بيتهم وعديت معاهو اسبوع ورجعت البيت قلت اكيد حبوبتي بتكون سألت مني وشفقت علي ولمن وصلت لقيت حبوبتي شفقانه علي شديد وماخلت زول ماسألتو مني واعتذرت ليها وقالت لي امك خلت ليك قروش معاي هنا بعد ماانت طلعت وادتني ليها ولقيتا الف دينار والوقت داك كانت كتيرة شديد ...
بعد كم يوم التسجيل حق الخدمة الوطنية بدا ومشيت سجلت واتصنفت (أ) ودخلنا المعسكر ومن اول يوم مشيت لناس المنسقية ولقيت واحد بعرفو من زمن الانتخابات وطوالي اتشربكت فيهو وركبت ليهم  مكنه على اساس انو انا مسؤل وبتاع تنسيق وجهاد وانا زولهم من زمان وعارف كل صغيرة وكبيرة عنهم  ومنها طوالي بقيت اثبت بفهم انو انا مفرغ ومسؤول المجاهدين وكنت اول مستجد اسجل للدبابين
وكل فترة المعسكر عديتا زوقانات وإعداد  برامج ثقافية ...
وبتذكر كنت بشيل قروش من المستجدين عشان اخليهم يقدو السلك وبطلعهم بحنك مني وكنت مستفيد فايدة جد ...
بعد خلصنا المعسكر واتخرجنا قالو لينا حاتسافرو الجنوب مع كتبه الدبابين والسفر بعد اسبوع وكنت اول واحد جهزت للسفر
وفي حاجه نسيت اقولا ليكم و هي انو انا جيت اول الرماية واول السلوك والانضباط تتخيلو ...
بعد أسبوع سفرونا  وكنا زي 50 مستجد من المعسكر وودونا الخرطوم وضافونا للمجموعات في الخرطوم ومنها حركونا طوالي لمناطق العمليات ....
هناك بعد ماوصلنا وزعونا على الكتايب وعشان نحنا مستجدين بخلونا في المؤخرة وبنعبي الذخائر وبنجهز الاسلحه وبنوزع الوجبات للقوات في الصفوف الأمامية ...
المهم عدينا فترة شهرين وفي ناس كتار استشهدوا الشغلانه كاتمه شديد وانا فكرت وقلت لازم اشوف لي مخرج من الورطة دي  
وحتى هم زاتو غشونا وقالو لينا كل الفترة شهرين بس واسع قربنا نكمل الشهر الثالث ومافي حس ولاخبر ..
بعد كم اسبوع ربك رب الخير كنا بنستلم المصابين وبنسلمهم الدكاترة والحالاتهم  حرجه بسفروهم طوالي للخرطوم ، ولقيت واحد من المصابين مصاب بلقم في رجلو وحالتو خطرة ولازم يسفرو سريع وكان فاقد الوعي وانا مشيت للدكتور  بتاعهم وقلت ليهو الزول دا قريبي وانا داير اسافر معاهو وحنكت معاهو وخلوني اسافر وادوني أمر تحرك للمنسقية طوالي وادوني امر تحر باسم العسكري المصاب وكان مكتوب في الأمر  يتبع لسلاح الاسلحه....
وبعد يومين من السفر وصلنا الخرطوم ومنها ودونا السلاح الطبي وهناك وصلتا كدا الزول اتوفي وانا اصلا مابعرفو لامن بعيد ولامن قريب ومن دربي داك اتخارجت طوالي وكبرتها وخليت زولي في المشرحة والورق حقو خليتو مع الدكتور و كان منتظرني عشان استلم الورق والجثمان ...
ومشيت المنسقية واديتهم أمر التحرك وادوني شهادة العمليات وانو انا كنت تبع الدبابين وعديت فترة 10 شهور في مناطق العمليات (كسرت لي 100دينار  لواحد من  الموظفين عشان يزيد لي فترة العمليات )
ودا كلو عشان استفيد ويزيدو لي النسبة حقتي ويدخلوني جامعة الخرطوم ..
وطبعا سافرت الحلة وعرفت انو نتيجة التقديم طلعت وانا ماقدمت اصلا لانو معتمد على شهادة الدبابين عشان اقدر اخش طب الخرطوم ..
سحر شالوها خاص جامعه الاحفاد والهام شالوها تمريض جامعة جوبا (بحري حاليا)..
وانا طوالي من دربي داك سافرت الخرطوم عشان اسجل للجامعه واقدم ليهم شهادة العمليات ......
يلا للحلقة الجاية نشوف الحنك شنو ...
طبعا ياشباب الكلام الحكيتو ليكم دا كلو بدايات بس ولسع ماخشينا في الغريق والاحتيال الجد جد...
•••••••••••••••••••••••••••••••••••••••••••••••••••••••••••

#المحتال《08》
#بقلمي_عوض_ابوعلامه
#(صدفه_في_البص)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مشيت موقف البصات وقطعت تذكرة مامرقمة وكان البص يادوب بادي وقعدت في مقعد في النص وبقت اكشف على الناس الداخلين البص لو طلعت جكسوية  طوالي سريع بزح على المقعد التاني على الشباك وبنتظر لو جات سالتني معاك زول بقول ليها اتفضلي لو معاي الدنيا كلها بخليها عشانك
(وكمان ماتنسو انا الوقت داك كنت وجيهوني ولحدي اسع محافظ وماتقولو عجزت  والبنات كلهم مكسرات فيني واي واحدة تجي البص مماتشوفني بتجي على نظام  مافي مقاعد مع انو في كم نفر قاعدين براهم)  ..
والمهم لو طلع راجل او مرة كبيرة بكون قاعد في محلي وبعمل فيها نايم ولو جا سالني معاك زول بقول ليهو ايوة بالحيل ...
والبص بدا يتملي سريع وجاني عمك كبير في العمر وشايل اكياس وعصايتو تلخم و سألني هاجنا معاك زول هنا ؟؟طوالي رديت  ليهو ايوة معاي زول وشكلو شماني ورجع مشي المقاعد الورا ويطنطن ساي اتقول عرف انو انا بكضب عليهو ...
وبعد شوية جات  انصارية وشايلة شافع وكان بصرح وانا مما شفتها لاوزت وكجنتها و قلت في نفسي دي لو قعدت جنبي حا اتعب والشافع المعاها دا حا يخرب لي مزاجي وكان احسن لي عمك القبيل فوتو المهم لمن سألتني جنبك زول قلت ليها في واحد كان قاعد ونزل تحت بس ماعارفو ...
طوالي اتخارجت وقعدت في المقعد الوراي طوالي ...
وخلاص البص اتملا وفضل المقعد الجنبي بس والكمسنجي شغال يكورك يلا نفر واحد نفر واحد يلا حصلو المكيف واعا تقعو الكرور  ...
وعلي حظي السمح جات بت وركبت وجا معاها الكمسنجي وبصوت عالي تعالي اقعدي هنا دا اخر مقعد وجماعتي القبيل عرفو انا كضبت عليهم ...
وانا لمن خجلت وعملت فيها نايم والبت  قالت للكمسنجي هاك ياعمو ارفع لي الشنطه دي فوق وعمك ماصدق رفع الشنطه وقال ليها بالسلامه والبت قعدت جنبي وجا الزول البسجل الاسامي عشان يسجل اسمها وقالت ليهو سحر مجدي وانا مما سمعت الاسم اتخلعت  وجاتني ام برد معقوله دي سحر زولتي وانا ماقدرت ارفع راسي وبقيت مسافه مدنقر وعامل فيها نايم ..
وماقدرت اتمالك نفسي وبصراحه خفت من ردت فعلا لمن تعرفتي انو دا انا القاعد جنبها واتوقعت تقوم تغير المقعد مع زول تاني وطوالي عملت فيها انو صحيت وسلمت عليها ونظام الولد مادب زحيت ليها شوية عشان يكون في فاصل مداري
وهي رد السلام وادتني حبت الحلاوة  ومعاها كباية الموية وشلتهم وقلت ليها شكر ليك ياسحر !!!
وهي لمن اتخلعت وقبلت عاينت لي معقولة دا انت ياخي انت مباريني في اي حته  ماممكن معاك ...
وانا سكت ساي وقلت ليها معليش الصدفة لعبت دورها ...
طوالي هدت سريع وسلمت علي من يدي وقالت لي مبروك النتيجة ...
انا : الله يبارك فيك ومبروك ليك انتي كمان ..
سحر : يباركو ليك السمح ..
المهم اتأكدت انو سحر نست الموضوع الحصل بيناتنا بس حسيت منها بقت تفهم تصرفاتي كلها ..وسألتني اها خليت الكذب والا لسع في امورك الماتمام ديك  ؟؟؟
انا : ههههه تبت توبه نصوحه ...
سحر : ما اظن وانت تعال اسألك سؤال؟؟؟ كيف جبت درجة كبيرة كدا اكيد في سر وانت متين قريت وماحصل شفتك بتزاكر واكيد انت عامل ليك حاجه ماتمام ....
انا : ههههه اخوك شاطر وزكاوة بس وانا لو قريت كنت جيت اول السودان ...
سحر : هههههه ضحكتني لكين ياحسنين انا اديك سر انا في الامتحان كنت وراك وكنت شايفاك بتشف من الولد الشاطر وعزبتو عزاب وهو لو ماانت كان جاب نسبة كبيرة ..وتعال هنا انت مما شفتك في المدرسة ما حصل يوم بقيت عيان وماتمرض الا زمن الامتحانات معقوله ...
انا : معناتا انتي ياسحر متابعاني وماعندك شغله غيري وافهم انك حاليا مو زعلانه مني ؟؟؟
سحر : كنت بس حاليا سقطت من نظري وما اكضب عليك في البداية حبيتك شديد ولمن اشوفك بحس انو انت كل حاجه بالنسبة لي بس بعد اكتشفت انك كضاب غيرت رايي فيك ..
انا : انا بوعدك تاني مااكضب وخلينا نرجع من تاني ...
سحر : ههه الكلام دا قولو لواحده تاني انا مستحيل اصدقك وبتمني انك تمشي الطريق الصاح ...

المهم بقينا نتونس لحدي ماوصلنا الخرطوم ولمن دايرين ننزل قلت ليها اديني رقمك عشان لو حبيت اسلم عليك ..
سحر : ابييييييت مابديك ليهو انت اول امسك الدرب العديل وخليك قريب من ربنا وبعد كدا انا مستعدة اديك رقمي واديك روحي كلها وانت اديني رقمك وانا بتصل عليك بمزاجي ...
انا : وحا تعرفي كيف انو مشيت في الدرب الصاح ..؟
سحر : دا سر خاص مابوريك واكيد حااعرف...
وام سحر كانت  منتظراها في الموقف(ام سحر شغاله في وزارة الخارجية واتعينت قريب واشترو بيت في الرياض  ) وانا اصلا زمان اتعرفت عليهم وسلمت على امها وباركت لي النتيجة وسألتني قبلوني ياتو جامعه وحااسكن وين وسحر كانت مستعجله ومادايراني اقيف وقالت هي مصدعه ودايرة تمشى البيت  ..
وامها اصرت امشي معاهم البيت  ...
ولمن وصلنا عندهم سماحة بيت اصلو مابتقول في الخرطوم وقلت في نفسي اسع  لو ماكان كضبت علي سحر كنت عرستها وجيت سكنت معاهم هنا والبيت السمح دا كان سجلتو باسمي بس الشفقة تطير  ...
قريب المغرب طلعت منهم ومشيت الكلاكله بت عند ناس عمي ومع انو ابوي ساكن بحري بس انتو عارفين مشاكلي معاهو عشان كدا مشيت بيت عمي وهو عارفني بجي اقعد معاهم في البيت
الصباح مشيت الجامعة واديتهم الاوراق والشهادات وغايتو اتجرجرو معاي قريب الاسبوع انا شغال  من الجامعه للبيت وفي الاخير وافقو وقبلوني وكملت باقي التسجيل والدراسة بتبدا بعد اسبوع....
 بعد انتهيت من التسجيل رجعت الكلاكله وشلت تلفوني الجديد (نوكيا3310) ولقيت نفسي مفلس وقلت احنك لي قروش من اي زول وضربت رقم عشوائي ورد علي  عمك عجوز من شكلو وقلت ليهو بصوت قوي معاك ناس المسابقة وانت فزت معانا بالجائزة وعشان تستلم الجائزة رسل رصيد في الرقم دا وبصورة مستعجله عشان ماتفقد الفرصه ...
•••••••••••••••••••••••••••••••••••••••••••••••••••••••••••

#المحتال《09》
#بقلمي_عوض_ابوعلامه
#(اول_حب_في_العاصمة)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عمك بعد سمع كلامي وانو هو فاز بجائزة قعد يكورك ويكبر بطول حسو وشبكني ليك اها المطلوب مني شنو والجائزة شنو واجيكم وين ؟؟؟
انا : ماتستعجل وحانوريك كل التفاصيل وتعمل شنو  !!!
عمك : ياسلام عليكم وجزاكم الله خير وفرحتوتي شديد .....
انا : انت في حياتك محظوظ كتير والا لا وحصل يوم  قبل كدا فزت بجائزة والا دي اول مرة في حياتك !!!
عمك : ههههه ماحصل ياولدي قبل كدا فزت باي حاجه وحتي في السيجه دائما مغلوب وملطش وفوق دا كلو بشجع الوصيفاب
انا : يلا ياابوي زي ماوريتك حاليا مطلوب منك تحول رصيد 1000 جنيه (الوقت داك العمله اتغيرت للجنيه ودا كان قبل ايام الامتحانات وحتي استفدت وبقيت احول للناس بالقروش) وقلت ليهو لازم تحول سريع في نفس الرقم الضارب ليك منو  عشان نبدا ليك إجراءات الجائزة ونطلع ليك الورق !!؟
عمك : جدا اسع احول ليكم الرصيد بس مسافه امشي الدكان واحول ليك طوالي ...لكين ياولدي ماوريتني الجائزة شنو لحدي اسع ؟؟؟
انا : الجائزة عمرة ..

بعد خمس دقائق عمك حول القروش وضرب لي من الدكان ..
وقلت ليهو العمرة هدية من وكاله واسع هم قالو دايرين الفين تاني عشان تجينا بكرة من الصباح بدري في الوكاله وطوالي تستلم الاوراق ونطلع ليك الجواز وتعمل الفحص  وتحصل عمرة رمضان وماتنسى تعزمنا في الكرامه ووصفت ليهو الوكاله وصف دقيق ....
عمك: لكين ياولدي مادعندي قروش تاني والعمل شنو ؟وانتو ماتخلوها لمن اجيكم بكرة ..
انا : مافي طريقة ياحاج ولازم ترسل الليله عشان نقدر ندفع باقي الرسوم ،وانت اتصرف بيع اي حاجه من البيت او ادين من اي زول بتعرفو ....
عمك : خلاص مامشكله انا بتدين من سيد الدكان وبكرة ببيع لي كم غنماية من غنيماتي وبكرة الفجر اكون معاكم في الوكاله ....
لحدي المساء جازفت من عمك دا 3 ألف وطوالي قفلت التلفون .
الصباح غشيت السوق العربي وبعت الرصيد في عشرة محلات (الحرص واجب وطني) واستلمت القروش وطلعت الشريحه وجدعتها وركبت واحده تاني واشتريت لي عشرة شرايح نظام رأس مال وعشان قدر ما أفلس اجازف لي رصيد وامشى بيهو اموري ....
 بحري :
عمي كان متغدي مع ابوي في بيتو في بحري وجابو سيرتي وعمي اقنع ابوي بانو يسامحني ويوافق انو اجي البيت واعتذر ليهو وقال ليهو الولد شالهو طب وبجي يوم من الايام تمرض وياهو البعالجك واسع محتاج لوقفتك جنبو وما تحرمو من حنانك ودا في الاخير  ولدك والظفر مابطلع من اللحم و...و...
ابوي بعد صعوبة وافق وقال ليهو الوليد اد طالع لامو بس الخالق الناطق وجبدتو في اي حاجه وبقي محتال وبلف ويدور زي امو ودا السبب الخلاني اطلقها واعرس غيرها .....
عمي : ما مشكله يااخوي الفات مات ولازم تبدا معاهو صفحة جديدة وخلي ولدك قريب منك وهو في الاخير ماعندو زول في الدنيا دي غيرك ومحتاج ليك في كل صغيرة وكبيرة واحسن تلمو عليك عشان مايضيع منك وماتقدر تسيطر عليهو ولانو انت عارف انو الخرطوم مليانه بلاوي ومشاكل وانا خايف عليهو من الصحبة الكعبه ...
ابوي : انا والله يااخوي ممكن اخاف علي الناس التانين من ولدي ومااظن انو زول يغشو  اويخليهو يمشى في درب اعوج لانو اصلا دربو ماعديل مما ولدوهو ....
عمي : انت يااخوي ماتريح بالك وعرس ليهو احتمال يتصلح وزي مابقولو العرس بصلح الحال وبغير الواحد مية وتمانين درجه واحتمال يلقي ليهو بنية  رضية وهدية تصلحو ويتغير بيدها وانا دا القدامك دا كنت بسف وبسجر ومن اول يوم عرست فيهو ام اولادي هرشتني فت هرشة ولحدي اليوم دا ماسفيت سعوط او سجرت تصدق ...
ابوي : ههههه انت جادي يااخوي عرس شنو وكلام فاضي انت والله شكلك مغشوش في حسنين ولدي وماخابرو تب ياخي دا مابنفع في اي حاجه واي حاجه بعملها بخربها ودا مابقدر علي المسؤلية وكمان يقدر يكون مسؤل من اولاد وشفع   ....
عمي : انت جرب احتمال يتصلح وربنا قادر.....

 الكلاكلة :
العصر رجعت بيت عمي في الكلاكلة ودخلت وغيرت وزوجه عمي جاتني في الديوان وقالت لي عمك في بحري لسع ماجا وسامح عندو كورة وهاك جيب لينا عيش من الفرن وتعال نعمل ليك الغداء ...
*(عمي شغال موظف في بنك وزوجتو استاذة ثانوي وعندو ولد اسمو سامح وبت اسمها سماح وهم تيمان وممتحنين الشهادة السنة دي يادوب يعني هم اصغر مني بسنه )
مشيت الفرن وجيت كوركت لي خالتي وجاتني سماح وشالت مني العيش وانا اخر مرة شفتها كان بدري في الحله وكنا صغار وبنلعب بالسكوكية اناوسامح وهي ..
ولمن شفتها وسلمت عليها :
انا : انتي سموووحه ؟
سماح : وكمان نسيتني ياحسنين  ياود عمي !!
انا : هههه مانسيت بس اتغيرتي وكبرتي واحلويتي ..
سماح : هرشك ما تسحرني وقول ماشاء الله ...
انا : ماشاء الله مية مرة وعليك الله حصل يوم  سمعت انو في زول سحر  القمر  ...
سماح  خجلت ودنقرت  وشالت العيش وجرت طوالي ...
وانا اخت  لي  ضحكه في سري ههههههه غايتو بنات الزمن دا اقل كضبه كضبتين تصدق وتخش في عالم تاني ودا اول حب في الخرطوم...
من الوقت داك وسماح كل دقيقة جايبه لي حاجه الغداء والشاي والجبنه والعصير وشالت هدومي عشان تغسلهم لي وتكويهم ....
وانا مبسوط وفرحان فرح جد وقلت شينه احنك من بت عمي قروش واحسن اخليها يادوب في الغسيل والمكوة ولو زهجان اخد لي معاها خشم خشمين والقروش ملحوقة واكيد حااحب بنات تانيات واقدر اجازف منهن قريشات ولانو العاصمة مصاريفه كتيرة  وبعدين بقدر ازوق منها باي حنك لو هي زوله عرس واشوف لي اي كضبه (عايز اكمل تعليمي - ابوي ماموافق -قسمة ونصيب - امي حاجزة لي بت خالي -و
....و....)
ودا كلو وانا ماعندي علم بالاتفاق الحصل بين عمي وابوي وانو وافق ارجع البيت ....
بعد المغرب :
عمي جا وناداني تعال يا حسنين دايرك في مواضيع كتيرة ومهمة شديد .....
مواضيع   معقوله سماح بالسرعه دي قالت لي عمي  انا بحب حسنين ومكسرة فيهو اصلو مامكن ....
•••••••••••••••••••••••••••••••••••••••••••••••••••••••••••

#المحتال《10》
#بقلمي_عوض_ابوعلامه
#(خبر _حزين)

ــہہہـہہـ♡ـــــــــــــہہہـہہــــــــہـــــــــــــ❥

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عمي جا وناداني تعال ياحسنين ياود اخوي دايرك في مواضيع كتيرة ومهمة شديد!!!
انا : طوالي جيت عليهو وجيت قعدت جنبو في السرير ....
عمي : انا قبيل كنت مع ابوك و.....
حكا لي كل التفاصيل وانو ابوي وافق ارجع البيت وقال حاليا عندهم صيانه في البيت وابوك قال مسافر الحلة لانو حبوبتك بعافية شوية...
  وحاتعدي معانا الشهر دا وبعديها  تلم هديماتك وتمشي تقعد مع ابوك واخوانك...
واتكلم معاي في مواضيع كتيرة واداني نصائح وارشادات وحزرني وقال لي الخرطوم دي مليانه ناس كعبين واعمل حسابك وقال انت مما جيت قعدت معانا ماشفتك يوم واحد بتصلي والكلام دا ماصاح منك ولازم تتوب وتستغفر ربنا وتبدا صفحه جديده مع ربنا ...
وساعه كامله وهو بتكلم معاي ....
وقال لي انو اتفق مع ابوي وقررو يعرسو لي وقال لي لمن تمشي البيت ابوك بوريك الحاصل وكل التفاصيل وانا قلت ليهو عرس عديل كدا انت جادي ياعمي ...
عمي : ههههه مالك خفت كدا ايوة عرس والا لسع مابقيت عليهو
انا : لا ما كدا بس موضوع عرس ومسؤولية وكلام كتير وانا يادوب خشيت الجامعه والمشوار قدامي طويل وكمان ماتنسي العرس داير مشهاد ولازم اقدر اصرف علي أولادي و....و.....
المهم عمي قال لي انا رتبت كل الأمور مع ابوك وماتشيل اي هم ...
الصباح مشيت الجامعة وكان اول يوم للمحاضرات والمحاضرة الأولى كانت ﻋﻠﻢ ﺍﻟﺘﺸﺮﻳﺢ ANATOMIE
وبعد المحاضرة تعرفت على كم بت كده على الطاير ودقة سريعة وقلت احسن ابدا بالبنات والاولاد ملحوقين وكان فهمي اثبت البنات السميحات قبل مايستلموهم ناس الدفعه القدامنا سنايرنا
وطبعا انا عندي موهبه في جذب البنات في وقت قصير جدا وكمان برضو وجاهتي مساعداني كتير وعضدت من موهبتي وحتى من كترة البنات الاتعرفت عليهم من  شدة ماكتيرات الفت كتاب اسمو
(مدخل الى قلب حواء )
وبتحدث عن كيف تخلي البت تحبك وتتعاطف معاك وتقدر تصل الى قلبها سريع واتكلمت في الكتاب عن الشواكيش والوقاية منها وطرق العلاج والكتاب فيهو فوائد كتيرة للمقبلين على الزواج او الحب واي ولد عندو بت بحبها وماقادر يصل ليها انصحو يقرا الكتاب حقي وهو لحدي الزمن دا موجود وحاليا متوفر بالمكتبات وسعرو رخيص شديد الواحد ب 500 جنيه بس .....
بس في معلومه مهمه ممنوع اي بت تتحصل على الكتاب اوتقراهو ...
نرجع للرواية
 الحلة :
 بعد كم اسبوع كنت في الجامعة عندي محاضرة وكنت عامل التلفون صامت وبعد طلعت  لقيت مكالمات كتيرة من عمي ورجعت ليهو وقال لي حبوبتك اتوفت ونحنا  اسع في الطريق مسافرين وانا ماقدرت اتمالك نفسي وبقيت أبكي بحرقة و اتأثرت كتير لانو انا بعتبرها امي وهي الربتني وتعبت علي ووقفت معاي في كل صغيرة وكبيرة ....
وعمي قال لي  اسع قربنا من العبور عشان كدا اركب امجاد وحصلنا ونحنا بنستناك في العبور ....
انا  :  ما شايل معاي قروش غير حق المواصلات ...
عمي : مامشكله القروش في  تعال انا بديك ليها لمن تصل ...
وانا عندي دفعتي اسمو شريف عندو امجاد ووريتو بخبر الوفاة وقال لي خلاص انا بوصلك العبور وانا قلت ليهو خلاص انا ماعندي قروش حاليا وداير لي دين لحدي ما ارجع وصاحبي قال لي ماعندو بس في قروش حقت اختو مصاريف الجامعه  واداني منهن 200جنيه وقال لي علي راحتك لمن ترجع واختي بوريها وماعندها مشكله بتمشي بالباقي لحدي ماتجي راجع ....  وانا شلت القروش وشكرتو وقلت ليهو يومي البرجع من الحلة بجيب ليك القروش .. وطلعنا طوالي ...
بعد وصلنا العبور نزلت من الامجاد وقلت لي صاحبي انتظرني دقيقة ومشيت لي عمي واداني 100 وقال لي خلص بتاع الامجاد وخلي الباقي معاك  ورجعت لي زولي بفهم انو انا مؤجر الامجاد وداير اديهو قروشو وقمت اديتو الدفتر حقي بتاع المحاضرات وقلت ليهو خليو معاك لحدي مااجي وصاحبي فات واتخارج ...
وجيت ركبت مع عمي في العربية وكان هو سايق براهو و زوجتو معاهو قدام وسامح وسماح راكبين ورا وركبت معاهم وكنت بطنطن ساي وعمي قال لي مالك بتطنطن
قلت ليهو تخيل بتاع الامجاد حلف ستين يمين اديهو 70 جنية حق الايجار ...
عمي معقوله 70 كتيرة شديد ..بس مامشكله
انا : بس عشان مااتفقت معاهو من الاول وركبت طوالي وقلت ليهو انا مستعجل...
ووصلنا البلد وقعدت اسبوع بعد الفراش وبتذكر انو جازفت لي 2000 من دفتر الصدقة ورجعت الخرطوم....
غشيت الكلاكله جبت هدومي ومشيت بحري طوالي ولقيتهم مجهزين لي غرفه براي وهم ساكنين في عمارة فيها ثلاثة طوابق وفيها ست شقق وابوي الوقت داك لسع ماجا من الحله

 الوكاله :
طبعا عندي جنبه ست شاي قريبة من الوكاله الكان وصفتها للزول الغشيتو بموضوع العمرة ومشيت شربت لي جبنه عندها وسألتها من الاخبار شنو والشمارات شنو ؟؟؟؟
وقالت لي اسكت ساي يومتا جا راجل كبير هنا لناس الوكاله وعمل عمايل واتشاكل معاهم شكله لي رب السماء وقال هم ضربو ليهو بخصوص جائزة وقالو ليهو فزت  بعمرة ...
ولمن عرف انو في زول احتال عليهو  جاتو صدمه سكري وقالو اسع مرقد في الانعاش وغالبا ما يكون شتت ....
انا قلت ليها معقوله في بشر بالشكل دا اصلو ماممكن غايتو البلد دي بقت صعبه شديد ....
ست الشاي : ربنا اكيد حا ينتقم منو لو طال الزمن اوقصر .....
وانا طوالي اتخارجت ومن اليوم داك ماقدرت ارجع للمحله دي ولو جيت بالشارع ساي بتذكر الكلام القالتو ست الشاي    ....
تاني يوم رجعت الجامعة وانا داخل على الباب قابلت صاحبي شريف العندو امجاد وانا متفق معاهو ارجع ليهو القروش الليله .
غايتو حاجه غريبه لمن تكون زايق من زول داير منك قروش بقابك في اليوم مية مرة وقدر ماتحاول تزوق تلقاهو في وشك .
•••••••••••••••••••••••••••••••••••••••••••••••••••••••••••

#المحتال《11》
#بقلمي_عوض_ابوعلامه
#(اتفاقية _السلام)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تاني يوم رجعت الجامعة وانا داخل على الباب قابلت صاحبي شريف في وشي وسلمت عليهو :
شريف : حمدلله علي السلامه ...
انا : الله يسلمك من كل شر ...
شريف : اها لقيت الاهل كيف ؟
انا :  كلهم تمام ...
شريف : الحمد لله ..
انا : ختيت يدي في راسي معليش ياشريف والله نسيت القروش في البيت بس اوعدك بعد بكرة اجيب ليك القروش ....
شريف : ولايهمك الحاله واحده ومافي استعجال وكت ماتجيبهم وانا لو ماقروش اختي ماكان بشيلهم منك ...
انا : معليش ياشريف دا اول تعامل بيني وبينك بس الراس ماكراس ...
شريف :ههههه بقيت نساي شديد عشان كدا احسن ليك عرس تاني مابتنسي، وكمان شايفك مثبت الجكس النضيف كلو ياخلي ماتجازف لينا معاك من تحت الطربيزة ...
انا : هههه لو عرست بجيني فقدان في الذاكرة عديييييل ، والبنات البتقولهم ديل هم براهم المكسرين فيني انا اعمل ليهم شنو ....

 البيت :
 من الجامعه مشيت علي  البيت ولقيت ابوي جا من الحله وسلمت عليهو وقال لي بعد الغداء عندي اجتماع معاك ....
وملخص الاجتماع عبارة عن اتفاقية وانو هو لسع مامسامحني بس عشان خاطر عمي خلاني اجي البيت واقعد معاهو وعندو شروط معينة لو اخليت بأي واحد منهم حا يطردني من البيت ومنها انو اخلي الاحتيال على الناس واجتهدت في الجامعة وما اعمل اي علاقة مع اي بت وختاني في الامر الواقع في انو لازم اتزوج وقال لي اختار واحدة  يا بت عمك او بت خالتك(بت زوجه ابوي من راجل تاني) واداني فرصه كافيه  عشان أختار واحده منهم ..
ومن ضمن الشروط هي اعتذر  لامي واخواني كلهم ...
وقال لي اي حاجه محتاج ليها انا مستعد  اديك ليها بس حذراك ثم حذراك من تمد يدك علي حق زول ...
وانا من كلام ابوي عرفت انو عايزني اتغير بأي شكل من الاشكال وهو قلبو علي  وهو عارف كل صغيرة وكبيرة عني وحافظني حفظ ...
وانا وافقت علي كل الشروط بس اقنعتو انو موضوع العرس اخليهو شوية واتفقت معاهو انو اختار واحدة من البنات الاختارهم لي وانو اخطب والعرس بعد سنة وهو قال  حايتكفل باي حاجه في العرس ....
معلومه (بت زوجت ابوي اسمها شيرين وهي قدري في العمر وشالوها السنة دي طب في الاحفاد مع زولتي سحر وعرفت انو هي ساكنه مع خالتها في امدرمان وبتجي كل فترة  خميس وجمعه عند ناس امها  وطبعا امها مكجناني كجنه عدوك ولمن تشوفني ساي بتحمر لي بدون اي سبب و ناهيك انو حااكون زوج بتها )...
وانا بعد كلام ابوي قررت اتعرف علي شيرين من قريب وبالمره اضيف بت جديدة لمحبوباتي  ..
بعد كم اسبوع:
الامتحانات قربت  وانتو زي ماعارفين انو قراية الطب صعبه شديد وعايزة اجتهاد كتير ولازم تكون متفرق واهم شي تكون عندك  رغبة ..
وانا من اول يوم في الجامعه ولحدي اسع عديتا كلها احتيال وغش وحبكانيات وكلام فاضي وكمان الشي الكنت خايف منو انو جامعه الخرطوم مابجاملو وامتحاناتهم صعبه شديد ولو ما شديت حيلك بفصلوك طوالي .....

 يوم خميس :
دكيت المحاضرات وقررت امشي جامعه الاحفاد وقلت اقابل سحر وسألها من شيرين وانا لحدي الوكت داك ماقابلت شيرين لانو من يوم كلام ابوي وهي ماجات لناس امها وحسب كلام امها مشغوله بالقراية ...
ولمن وصلت الجامعة اشتريت لي عيش ب20 ج وجيت للحرس سلمت عليهو وقلت ليهو  انا تبع  الكفتريا  ودخلت  جوه وشفت عجايب بنات باشكال والوان وقلت في نفسي اسع الواحد لو اشتغل هنا بواب مااحسن ليهو من الجوطه دي كلها ....
وقابلت لي بيت شكلها برلومه وسألتها بتقرا شنو وطلعت بتقرا مع ناس سحر وسألتها منها وقالت لي قاعدة بتفطر في الكفتريا .
ودخلت الكفتريا وانا شايل العيش ولقيت سحر بتفطر ولمن شافتني اتخلعت وختيت العيش في الطربيزة وجيت سلمت عليها وقلت ليها بعد تخلصي محاضرات انا منتظرك في الكافتريا الجنب الجامعه  وعايزك في موضوع مهم شديد ....
وفي الكفتريا جاتني سحر : سلمت علي وقالت لي ان شاء الله خير واتذكرتني من وين الليله ؟؟؟
انا : كل خير وحكيت ليها موضوع شيرين وانو ابوي قال عايزني اتزوجها ولمن عرفت انها بتقرا هنا جيتك طوالي عشان تتقربي منها وتشوفيها لي ....
سحر : بقت تضحك ...
انا : كلامي دا بضحك ...
سحر : غايتو سبحان الله انا شايفه انو احسن  مااوريك الحقيقة لانو زي ماقال ربنا سبحانه وتعالي الطيبين للطيبات ..
وشيرين زولتك دي طيبة طيبة جدا وزيك كدا الخالق الناطق...
انا : انتي جادة ياسحر ..
سحر : وعشان اثبت ليك كلامي شايف البت ديييييك ....
انا : ياتا القاعدة مع الولد المفلفل شعرو  ....
سحر : ......
•••••••••••••••••••••••••••••••••••••••••••••••••••••••••••

#المحتال《12》
#بقلمي_عوض_ابوعلامه
#(حبيبي _تاني)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
سحر اشرت علي بت ..
انا : ياتا القاعده مع الولد المفلفل شعرو داك ...
سحر : ايوه  ياها  دي زولتك شيرين !!!
انا : ومالا قاعدة هنا ؟؟
سحر : هههه بتجكس ..
انا : لا اصلو ماممكن ...
سحر : شيرين زولتك دي من اشهر البنات في الجامعة وجنها خلط وكضب  وزي ماوريتك هي حسنين بابكر الناطق الخالق وانت جابدها في اي حاجه وكويس شفتها علي الحقيقة بتجكس .
وانا وريتك الحقيقة عشان ماتقول كضبت عليك في يوم من الايام وانا غايتو شايفاها مناسبة معاك في اي حاجه وزي مابقولو شبهين واتلاقو واكيد حاتشكلو ثنائي خطير في الاحتيال والغش .
انا : هههه والقال ليك منو انا داير اعرسها هو دي اصلا رغبه ابوي وتاني شي احتيال شنو وكلام شنو البتقولي فيهو دا ...انا اصلا مامحتال ولابجي بعندو ساكت وانا عشان كضبت عليك قبل كدا دا اسمو احتيال ....؟؟؟
سحر : ههههه انا ياحسنين وريتك قبل كدا انو بعرف عنك كل صغيرة وكبيرة وبعرفك زي جوع بطني .. وعشان تتأكد من كلامي اخبار ابوسمره شنو ولسع بسرق اللبن من بقرة عمك حمدان و...و.....وماخفي اعظم ...
انا : انتي ياسحر جبتي الكلام دا من وين والقال ليك منو ....
انا : هههههه دا كلو عشان كنت  بحبك وخايفه عليك ...
انا : ولحدي الان ...
سحر : اسع بقيت ماضي بالنسبة لي ...
انا: مااظن ...
سحر : هوي اسع ياحسنين انت جاي عشان شيرين والا عشاني انا وقوم شوف شيرين علي وين انا مافاضية ليك والوقت اتأخر بعد كدا ...
انا : خلاص انا بمشي بس عليك الله ولو بتعزيني اديني رقمك .
سحر : ماتحلفني خلاص بديك ليهو بس ماتعملا شغلانية وكل يوم تضرب لي لانو ما حاارد ليك وبحظر رقمك طوالي....
انا : جدا ياسحورة حبيبتي ..
سحر : الحبه التخنقك ...
وانا شلت الرقم وطلعت منها ...
وسحر كوركت لي تعال هنا ....
وجيت راجع ..
انا : مالك في شنو ؟؟؟
سحر : نسيت اديك رقم شيرين !!
انا : هههه رقمها قاعد من زمن كنت في الروضة ...
سحر : هههه صدقتك ...
وانت مالك فايت طوالي ما تمشي تسلم على زوجة المستقبل ...
انا : لوسلمت عليها بخرب الحكاية كلها ودا مربط الفرس هنا ...
سحر : ههههوي ياحسنين  شكلك ناوي على نيه سوده وماتمام وحذراك من تقول لي شيرين انو وريتك عنها حاجه واوعك تحتال عليها...
انا : هههه انا ماوريتك انو شيرين امها زوجت ابوي وهي  بتحترمني وبتقدرني ومن زمان دايراني اعرس بتها بس انا كنت عايزك انتي ...
سحر : احسن انا استأذن ...
وطلعت طوالي ......
 الجامعة :
كنت في محاضرة وبعد انتهت قلت اتخارج سريع قبل ما شريف يقابلني وانا طالع في البوابه القي ليك شريف في وشي وسلمت عليهو شريف : ماشي على وين
انا :  ماشى بحري للبيت طوالي ...
شريف : خلاص انا زاتي ماشي بحري ...
انا : في محاضرة تاني ماداير تحضرها ...
شريف : اليومين ديل مفلس وقلت القط لي مصاريف ....
انا : قلت في نفسي الزول دا لا مفلس ولا حاجه وبكون لحقني من القاعة عشان القروش ، وقلت ليهو : تصدق ماوريتك الحصل لي !!
شريف : يازول مالك انشاء الله خير ؟؟؟
انا : الليله وانا راكب المواصلات اتنشلت والحرامي نشل الجزلان كلو وفيهو قروشك وبطاقات مهمة ومصاريفي ....
شريف : ههههه انت جادي وماقبضت الحرامي ؟
انا : صدق ذاق ودالكلب ولو كان قبضتو كان عملت فيهو عمايل
شريف : انت ياحسنين تحين قبيل ماجيت مع ابوك لحدي الجامعة ورجع ؟
انا : عملت فيها جاني تلفون : ايوه وين في الحوادث خلاص بجي عليكم ...
شريف : مالك في شنو ؟؟
انا : اخوي الصغير عمل حادث واسع جابوهو الحوداث وانا بنزل منك هنا وانت واصل ...
شريف : خلاص اصل معاك الحوادث ...
انا : لا مافي داعي وهو ذاتو الضربة خفيفة ....
غايتو اتخارجت من شريف بس هو عرف انو انا بكضب عليهو ودا حنك بيش....
 البيت :
يوم الخميس العصر كنت قاعد في الشارع في اللستك واشوف ليك شيرين نازلة من عربية برادو مظلله ولابسة لبس خليع وبدلع بتتكلم مع الزول في العربية يلا باي ياحبيبي بعمل ليك كول بعدين  وانا عملت فيها ماشي بالشارع وجيت قريب من العربية وتاوقت علي الزول جو العربية والوقت داك لسع هي بتودع فيهو وهي لاحظت لي واتلفت علي وقالت لي خير في حاجه وانا قلت ليها لا مافي شي بس كنت مشبة الولد المعاك دا ومعليش   وهي بحرقة قالت لي اها لقيتو ياهو ....
 ولمن شفت الولد شكلو كان غريب وموياهو الزول الشفتو مع شيرين في الجامعة ودا شكلو زول مروق ومرطب شديد  وانا اتخارجت طوالي ومارديت عليها....
المهم اخت لفتي وجيت راجع البيت ولقيت ابوي جا  وقاعد في الصالون وسلمت عليهو وساقني قال لي  تعال سلم علي شيرين وامها ....
وانا قلت دي فرصه مناسبة عشان افت الحنك قدام ام شيرين ....
•••••••••••••••••••••••••••••••••••••••••••••••••••••••••••

☆يتبــــــــــــــــــــــــــــــــــــــــــــع☆☆