كسر _أُنثي 💔
بقلم : امونة_خليفه
#كسر _أُنثي《09》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
بي صوت متقطع واخر نفس عندي قلت ليها: بتقولي شنو إنتِ
قالت لي قبل شوية طلع بي ركشة صحبو لأنو كانت معاهو وعمل حادث
بقيت ابكي قلت ليها :وصفي لي المستشفي سرييع
ورتني المستشفي وأنا أصلا ما فيني حيل خالتو إحسان جات جارية لمن سمعت صوتي قالت لي في شنو قلت ليها ا ا ا ا خوي عمل حادث وهسي هو في المستشفي
_لاحول ولاقوة إلا بالله
وروك ياتو مستشفي؟ .. هزيت ليها راسي بس وأنا كلي برجف ليلي جات قالت :في شنو امها حكت ليها الحاصل
قالت دقيقة اضرب لي أمير ضربت ليهو كم مرة ما رفع خالتو قالت ليها اضربي لي عمر مش رقمو عندك؟ قالت ليها لا خالتي قالت أنا عندي هاك التلفون ضربت لي من أول جرس رفع
°الو عمر كيفك أمير جنيك.. ايو طيب تمام
وقفلت الخط قلت ليها: قال شنو قالت لي: دايرة اقوليهو اديني أمير عشان يجينا بس هو قال أمير زمان ركب عربتو وجاي عليك
انتظرنا قريب ساعتين كاني انتظرت سنتين أمي واختي كل ما أضرب ليهم ما برفع وده زيادة خوفني
بعد ربع ساعة كدا امير وصل قال لي جيت عشان أوديك لي أخوك
خالتو إحسان قالت لي دقيقة أنا وليلي جاين معاك قال ليها: مافي داعي بجيكم وبسوقكم
أنا خليتهم يتكلموا وركبت العربية أمير جاء لحقني وركب ودور العربية كان بتكلم معاي بس أنا ما كنت سامعاهو كنت بفكر في أخوي
ما كنت بتكلم معاهو غير قربنا ؟اخوي كيف ؟ما شفتو!!؟.. هو كان بهدي فيني بس لكن ظاهر التوتر فيهو
وصلنا المستشفي بعد زمن نزلت ودخلت بقيت افتش نسيت أمير زاتو وأصلاً أنا ما عارفة اخوي وين
في يد مسكتني لقيتو أمير قال لي اهدي إنتِ اخوك وين ما عارفة قلت ليهو :وأنا بتمتم وين قال لي في العملية في الطابق التاني
انهرت وبكيت هو كان بقول لي استغفري ادعي ليهو وإن شاء الله يكون كويس مشينا فوق وهو كان ساندني وصلت لقيت أمي قاعدة في الارض وتبكي وأختي جبها جيتهم وبكبنا كلنا
كان في خالتو أسماء وتهاني وأماني وسوسن وعمر وناس ما بعرفهم
خالتو أسماء وسوسن جوا قومونا قعدنونا في الكرسي
العملية كانت أكتر من ساعتين ونحنا ماسكين قلبنا في يدينا ونحنا قاعدين كدا الدكتور طلع كلنا جيرينا وراهو قال لينا: هسي ما بقدر اقوليكم وضعو كيف ح ندخلو غرفة الانعاش غشان دخل في غيبوبة وربنا كريم ومشي مننا
أمي انهارت فقدت وعيها شلناها وعملو ليها دربات
اما أنا كنت قاعدة أبكي أمير كان معاي بقول لي إن شاء الله ح يبقي كويس قلت ليهو إن شاء الله قالي يلا قومي اتوضي وصلي ركعتين وأنا كمان ح اصلي هزيت ليهو راسي مشيت اتوضيت وصليت ودعيت كتتير لمن طلعت من المسجد لقيت أمير مستنيني قالي: اها بقيتي كيف قلت ليهو هسي أحسن قالي شكلك جعانة ح أمشي اجيب ليكم سندوشتات هزيت ليهو راسي بس هو مشي وأنا رجعت لي أخوي قعت في الكرسي جنب أختي قالت لي بختك راجلك بهتمي بيك قلت ليها هسي نحنا في شنو ياخ قالت لي اسفة كنت دايرة أهدِيك بس لكن ما تشوفيني كدا أنا منهارة ربنا يشفي اخوي قلت ليها إن شاء الله
الحظتو في أختي لونها رجع زي زمان يعني بطلت تفسخ
أمي صحت مشينا ليها لقيناها بتبكي قلت ليها يا أمي كدا غلط البكاء ما بنفع ادعي ليهو ربنا يشفيهو اختي قالت اي يا أمي
قالت لينا ربنا يشفيهو بس ولدي قطع لي قلبي كلنا بكينا
طلعت براء لقيت أمير جاب السندوشات وعصاير قال لي اكلو وادي خالتي اكليها بالغصب قلت ليهو طيب
أمي في الاول ابت بس تاني شالت
قعتنا في المستشفي اسبوع وأخوي لسه ما فاق
في يوم كنت قاعدة جنبو ما كان بسمع إلا لي زول واحد كنت بمسح ليهو شعور فجأة حسيتو زي التحرك قلت يمكن بتخيل بس تاني حرك يدو فرحت فرح وبعد مسافة فتح عيونو قلت ليهو أخوي حمد الله علي السلامة الحمد الله الصحيت هو كان بعاين لي بس قلت ليهو ح اوري أهلي عشان يجوا وكمان ج انادي الدكتور خليك هادي طيب أتلفت عشان أمشي مسك يدي جيتو قلت ليهو مالك؟ في شي وأجعك سكت مسافة ونطق كلمة بي صعوبة وقال لي أختي سامحيني مسكت ليهو حشمو وقلت ليهو ما تتكلم كتتير الكلام باذيك زحيت يدو مني وقلت ليهو مهما حصل بضل أخوي وأنا ما زعلانة منك هو دمعتو نزلت مسحتها ليهو وبستو في راسو وطلعت جيت لي أمي وأنا ملهوفة قلت ليها أمي أمي مدثر صح قالت لي جادةة وقبل ما اتم كلامي قامت ومعاها اختي وجرو لي أخوي😂 أمير قال لي ح أنادي الدكتور
وأنا مشيت لي ناس أمي دخلت لقيتها بتبوس فيهو وتبكي قال ليها أنا كويس يا امي زي ما شافية قالت ليهو رجلك ويدك الشمال ملفوفة بي شاش وتقول لي كويس داير يتكلم سكتتو الدكتور جاء وفحص ليهو وقال حالتو استغرت هسي ح نوديهو غرفة عادية
حمدنا ربنا واخوي ودهو غرفة عادية في يوم كنت قاعدة ومعاي أمير قال لي بعد اسبوع ح يخرجوا اخوك إن شاء الله
طوالي اتذكرت إنو كنا بتصل ليهو وهو مابرد
قلت ليهو أنت لي: بتتعامل معانا كدا لي كدي انساني أنا أمك وأختك لي بتتعامل معاهم كدا؟!
قالي قصدك شنو ما فهمت؟ قلت ليهو: وعامل نفسك ما فاهم حاجة تتذكر لمن مشيت بعد ما رجعتني وما وريتنا كمان وبرضو لمن نضرب ليك ما بتتصل لي بتعمل كدا ناسي عندك أم وأخت يقلقو عليك
قالي :ما كدا والله أماني ضربت لي وقالت لي تعباتة تعال وديني المستشفي ولمن قلت ليها خلي زول يوديك قالت لي بخجل منهم وزاتو كيف زول يوديني وأنت زوجي قاعد قلت ليهو عرفنا طيب مشيت بدون تورينا لي؟ قالي كنتِ نايمة إنت واختي وامي ماف اطريت أمشي
سكت مسافة وتاني قلت ليهو :ولي ما بترد علي تلفونك؟
قالي كيف يعني ما برد قلت ليهو بنتصل ليك كتير بس ما بترد
مرق تلفونو من جيبو وشاف المكالمات قال لي ماف مكالمة فايتة منكم قلت ليهو كيف ده كدي جيب التلفون
شلت منو التلفون وفعلا ما لقيت مكالمات استغربت قالي: لو شفت مكالمت كان رجعت بس براك شايفة ماف مكالمات شكلكم اتصلتو في رقم غلط قلت لي كلنا يعني غلطنا في رقمك سكت مسافة وتاني قال لي مرات بخلي التلفون مع أماني قلت ليهو معناها هي قالي ما اظن اماني ما بتعمل كدا (حتي في الغلط ما داير يصدقة😒)
قالي مالك زعلتي غيرتي ولا شنو😂😂 قلت ليهو: أنا اغير لالا ما بغير ولي يعني مفتكرني بحبك مثلاً كان شايل ليهو كباية موية ضحك لمن الكوز وقع منو 😂 وانا ضحكت من منظرو المضحك😂😂 جاتنا خالتو اسماء قالت لينا اسكتوا البضحك شنو سكتنا وعاينا ليها حمرت لينا ومشت وبعد مشت تاني ضحكنا😂
قلت ليهو اسكت قبل ما تجي وتشاكلنا قالي ويعني لو ضحكنا مانفرح مثلاً رفعت ليهو اكتافي بمعني تقول شنو
في الحظة دي شايفة أماني جاية من بعيد وشكلها غضبانة جات وقفت جنب أمير قالت ليهو :مالك بتضحك قال ليها: ويعني لو ضحكتة امم خالتي أقصد أمي قالت ليك نحنا قاعدين نضحك😂
^ما قالت لي ولا حاجة شايفاكم تتبسموا من بعيد مش قلت لي ماعندي ليها حاجة بتضحك معاها لي
°ياخ إنتِ مالك حشرية كدا مش هي مرتي زي ما إنتِ مرتي هسي كان سألتك بترضي ما اتكلم معاك ولا اعاملك معالة الزوجة بترضي
^بس أنا في جهه وهي في جهه إنت اتزوجتها عشان هدف ما زي
°طيب قولي اتزوجتها عشان موضوع ابوها ما فكرتي الدخل ابوها بالزواج شنو
^ قصدك؟
° أنا لمن أفتش عن القتل ابوها يعني لمن اتزوجها ح يجي مثلا واسمعي هنا اتزوجتها بي ارادتي وانتهي
^ لالا تمام كان كدا احسن تطلقني عشان انا مابقدر اقعد مع واحد زيك
°.......
^ مالك سكتا ما تنطق
° احسن تمشي من هنا الامور دي ما ببتحلي كدا نحنا في مستشفي بعدين نتناقش
^ بس ما تنسي ورقتي تصلني
عاينت ليهو ولقيتو مضايق قلت ليهو ما تضايق كدا لو أنا مضايقاكم احسن تطلقني عاين لي وقال لي بي ضيق بتقولي شنو إنتِ ماف طلاق لا إنتِ ولاهي ...حاول يمشي بس مسكت يدو قلت ليهو صحي يعني ما اتزوجتني عشان ابوي قال لي قولي كدا ومشي مني
بسم الله مالو ده زمان قالي عشان ابوي بجد زول غريب شديد
يمكن حاصل شي تاني اتذكرت قلت بس انا اتهمتو بي قتل ابوي يعني ما هو ولا هو اففف أنا محتارة شديد
قلت أحسن أخليها كدا مع الزمن إن شاء الله بنعرف
دخلت لي أخوي جوا قالي كنتوا بتقولوا شنو ولي واقفة معاهو نسيتي هو القتل ابونا قلت ليهو بس يا مدثر ما حاسة أنو هو القتل قالي كيف يعني قصدك الزول الوراني ده كذاب قلت ليهو الوراك منو هل عندو علاقة مع أمير ولا لا قالي: عندو وبقرب ليهو شديد قلت ليهو منو قالي كان وريتك ما توري زول تمام قلت لي إن شاء الله مابوري زول بس وريني
سكت مساافة تاني قال لي عمر....
•••••••••••••••••••••••••••••••••••••••••••••••••••••••••••
#كسر _أُنثي《10》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
°عمر كيف يعني
^زي ماقلت ليك عمر الوراني وقال لي أخوي مرة كان ماشي لي أمو في قرية من قراي البلد والارض كان بليل وكان في عميد برضو ماشي ضربو بالعربية العميد مات وهو بقي عميان
°ده كلام شنو وكيف هو الضربو كان معاخو يعني
^ماعارف بس ده كل القالوا لي ورسل لي صور الحادث وأمير كان مضروب في راسو
°طيب لمن رسل ليك الصور هل كان أمير وابوي مع بعض ولا اي زول في عربية براهو!
^ الشفتو كانو الشرطة جات وشايلنهم
°يعني لمن جيتنا المرة الفاتت وشفتني زي الجسمي ورمان كنت عرفت ابوي مقتول ما مات
^اي وكنتَ ماري في حالة حزن عشان كدا لمن ضربتي لي بي بليل ما قدرت ارد ليك وكمان لو ماعمر قال لي تعال ما كان جيت بس لمن مشيت ليهو وكان جاينكم في الطريق هو وراني موت أبوي وقال لي :كنت داير اسألك لي جسمك كان كدا؟
°بي توتر"لالا ماف شي مهم ما تشغل بالك
^رغم إني ما مصدقك بس ح اسكت لكن شاكي في حاجة ومخبايها عني
غيرت الموضوع وقلت
°طيب أسمع انا حاسة أنو أمير ما هو القتل أبوي
"قام من السرير" ^كيف يعني
بي خوف جيتو ورقدتو
°اهدي يا اخوي أنت لمن حكيت لي أنو عمر قال ليك كدا بس برضو ده ما دليل كافي عشان تتهم أمير
°بس لو ماهو كيف الاتنين هو وابوي في حادث
°ح احكي لي أمير قال لي شنو والسبب الجينا فيهو القرية
بديت احكي ليهو إي شي قالو أمير أخوي سكت مسافة شكلو انصدم تاني قال لي يعني أنا ظلمت أمير .. حركت ليهو راسي بمعني يمكن .. قال لي طيب هسي نعرف القتل ابوي كيف قلت ليهو كدي أسال عمر الوراهو الكلام ده منو .. قال لي طيب هسي ح اناديهو .. قلت ليهو لحدي ما يجي ح أمشي أشوف ديل اتاخرو عشان يجيبوا الفطور لي شنو
طلعت برة لقيت كل العادة أمير وأماني بتشاكلوا الايامات دي من ما أخوي عمل الحادث قاعدين يتشاكلوا طلعت براء منتظرة أمي وأختي اتأخروا شديد بعد ربع ساعة جوا قلت ليهم اتأخروتو لي اختي قالت لي المواصلات صعبة شكلو في مظاهرات كانوا مقفلين الكبري امي قالت لي مدثر هسي كيف قلت ليها كويس قبل شوية كان بتكلم معاي
مشينا لي اخوي ونحنا في الطريق لقينا أماني كان بتبكي اختي قالت لي مالة؟ قلت ليها ماعارفة والله عاينا ليها كدا ودخلنا لي أخوي
^اتاخرتو يا أمي
°معليش يا ولدي اليومين دي في مظاهرات
^الله يهون
°أمين
أمي قالت لي نادي أمير وأماني واسماء قلت ليها خالتو أسماء مشت البيت ح انادي أماني وأمير
طلعت مشيت لي أمير لقيتو عروقو بارزات من الغضب قلت ليهو أمي بتناديكم لي الفطور قالي ماعندي نفس قلت ليهو بس .. قاطعني وقال لي ماعندي نفس ماتكتري معاي كلام قلت ليهو :عنك مشيت لي أماني وقلت ليها يلا عشان ناكل قالت لي ماباكل معاكم جبت اكلي براي أمشي أكل معاكم عشان تسمموني ...سكت منها ومشيت دخلت لي ناس أمي قالت لي وينم ماجوا معاك؟ قلت ليها قالوا ما دايرين قالت لي غريبة مالم هم قلت ليها خليك منهم أنا جعانة ارح ناكل
قالت لي ح نخلي ليهم حبه .. اكلنا وخلينا ليهم أخوي تلفونو ضرب شالوا كدا قال ده عمر شكلو جي
فتح ليهو الخط وقال ليهو جيت '''طيب تمام'''
قلت ليهو: قال شنو .. قالي :قال جاء
استنينا مسافة وعمر جاء قال لي أخوي كنت دايرني قاليهو ايوي داير أسألك عن شي قاليهو أنا يومياً بجيك لي ما سالتني من زمان😂ُ قالي :ما تكتر كلام وهمس ليهو عشان انا كنت جنبو سمعتهم قالي لمن اختي وأمي يطلعوا عندي معاك كلام عمر هز ليهو راسو
استنينا كتير أمي واختي كانو قاعدين بعد زمن أمي قالت راجعة البيت في حاجات دايرة اجيبها منو التمشي معاي قلت ليها خلي سمر تمشي معاك سمر قالت :صاح عندي غيارات دايرة اجيبها أمي وسمر مشو وفضلنا نحنا التلاتة عمر كان بعاين لي مرة ولي اخوي مرة اخوي قالي ما تستغرب أختي عارفة اي شي جبتك عنها عشان تحكي لي كيف عرفت انو أمير القتل ابوي
عمر سكت مسافة وقال عرفتة وخلاص قال ليهو :كيف يعني خلاص ماتورينا الوراك منو قالي ما بقدر وزي ما قلت ليكم أمير القتل ماف زول كان في مسرح الجريمة غيرو أخوي قالي بس أمير حكي قصة مشابه لي حقك بس ما زيها وبداء يحكي ليهو القصة عمر سرح مسافة وقام وقال معليش يا جماعة طلعوني من الموضوع ده خالص وزي ماقلت ليك البعرفو أنا أمير القاتل وطلع!
عاينت لي أخوي وقلت ليهو ده مالو قالي :في شي بس ما داير يوريتا ليهو قلت ليهو شكلو كدا
ماعارفة لي حسيت انو عمر القاتل بس زحيت الظنون من عقلي ما ممكن أحكم علي زول بدون ادلة
االيوم ده مرة وأمير وأماني ماشفتهم نهائي اصلاً امير هو البقعد معانا أما أماني بتجي مرات ما عشان اخوي بس عشان أمير
اليوم التاني جونا اسرة ياسر خطيب اختي زمان امو قالت لي: حمد الله علي السلامة ردت ليها الله يسلمك ودخلوا لي أخوي
ياسر كان معاهم أختي من شافتو طلعت وهو زي الاتحرج كان بعاين لي أخوي شديد زي الاتذكر حاجة عاينتو لي أخوي كانت ظاهر حتي امي لحظت
بعد طلعوا أمي قالت لي: مالو كان بعاين لي أخوك كدا
قلت ليها براي ما عارفة بس شكلو اتذكر شي قالت لي يمكن
بجد حاسة في شي لانو ياسر زمان بجينا بقعد مع اخوي دائما بس بعد كم شهر بقي مابحي كتتير لحدي ماقطع علاقتو معانا
°هي سرحانة وين
عاينت لقيتها تهاني قلت ليها إنتِ دايرة شنو قالت لي بتستقبلوا الضيف كدا إنتوا قلت ليها الجابك شنو قالت جيت مع خالتي وزوجي المستشقبلي في حاجة 😚ُقلت ليها :ماف حاجة يا حبيبتي بس سؤال وجواب وقمت منها قالت لي ماشة وين عاينت ليها وقلت ليها: استاذن منك يعني! ومشيت منها
لقيت ياسر بتكلم مع عمر وعمر شكلو خايف ولا شنو ماعارفة مرت جنبهم من شافوني زي الطقتهم كهرباء
ما أهتميت بيهم طلعت براء افتش علي أمير لقيتو في الكافتيرياء وخاتي يدوا علي راسو جيتو قلت ليهو مالك قال لي ماف شي قعته جنبو وقلت ليهو أحكي أنا ما غريبة قالي ياخ أماني دي زهجتني شكلنا ما بنتفق مع بعض كرهتها قلت ليهو اهدي اي شي داير روقان وحكمة قالي داير اطلقها خلاص قلت ليهو ماتتهور قالي أنا لي زمن ساكت ليها بس هي كل يوم تكون أكعب من الاول. نطلع من نقاش وندخل في نقاش
سكت ما عرفت اعمل شنو تاني قلت ليهو ما تنسي هي حامل ولو ما دايرها راعي لي بتك ولي ولدك السه ما جاء
اتنهد وقال لي عشان كدا صابر ليها والله مشكلتها مابتقدر التضحيات العملتها عشان عاين لي مسافة وقال لي حتي إنتِ ظلمتك عشان سكت مسافة وقال: برضو ظلمتك لمن مسكت يدك اليوم داك ما كنت قايلها وحدة كذابة ومنافقة كدا قلت ليهو :الماضي برمي في الماضي ماف داعي تتذكرو قالي إنتِ زولة قلبك ابيض بجد محظوظ بيك أنا ابتسمت ليهو وقلت لي: شكلك لسه ما فطرت هز لي راسو بمعني إي قلت لي: طيب استني هسي ح اطلب ليك اكل ضحك وقالي اطلب انا ولا إنتِ قلت ليهو مافرقت وقمت مشيت طلبت اربع سندوشتان اتنين لي واتنين ليهو😂ُ وعصير منقي جيتو وقلت ليهو معليش ما سألتك داير شنو بس مامهم زوقي وح يعجبك ضحك وقالي: لو زوقك ح اكلوا حتي لو كسرة بايتة ضحكت واديتو السندوشتات قالي يازولة اتنين عديل😂 قلت ليهو :بطل كلام واحدة مابتشبعني خلي أنت قالي أشعب الاكول عاينت ليهو كدا😒 ضحك وقال جيبي اصلاً أنا جيعان
اكلنا وشربنا العصاير واتونسنا مسافة😂ما كنت قايلاهو ظريف كدا بعد اتونسنا قمنا عشان نشوف اخوي ونحنا قايمن شفت أماني بتعاين لينا بي وراء شجرة من شافتني عاينت ليها اختفت عاينت لي أمير وقلت ليهو :أماني دي بتطلع بدون إذنك قالي :وده سبب من أسباب المشاكل مع بعض
قلت لي ربنا يهون قال أمين
°يلا ماشة لي اخوي
عاين لي وقال :طيب مشيت ولمن كنت مارة جنب العنبرة سمعت صوت بقول ماتقول لي عرفوا القاتل
ردليهو صوت مألوف
°لالا ما أظن
^أسمع هنا لو بالغلط زول عرف أنت براك بتعرفني ح اسوي فيك شنو تمام
°أنا فاهم إي شي بس الدخلني شنو أنا والدخل أهلي شنو
^المهم زي ما وريتك
كنت واقفة وبسمع وقدر ما حاولت أعرف الصوت ما عرفت والقاتل منو وهم بتهامسوا كدا لي تاني قلت أستغفر الله لي اتجسس علي الناس ده حرام ياخ
ومشيت دخلت لي أخوي قالي عمر حظرني من الواتس وحتي مكالمات قلت ليهو لي!
قال لي : ماعارفة بس شكلو في شي وهو خايف يا سارة أنا شاكي هو عندوا علاقة بي موت أبوي
ردت ليهو: وأنا كمان يا مدثر بس ماف دليل
قالي: لمن أطلع إن شاء الله ح اشوفو لو طلع برئ ولا منذنب
هزيت ليهو راسي وتاني إي زول سكت وكونا سرحانين في الحاصل كل ما نحاول نفك لغز الزول القتل أبوي نغرق زيادة؟
استأذنت من أخوي وطلعت كنت سرحانة وبفكر في الحاصل فجأة لقيت نفسي في نفس المكان الكانو الولدين بتناقشوا فيه ظهر لي واحد منهم لمن مديت راسي عشان أشوفو لقيتوو...
•••••••••••••••••••••••••••••••••••••••••••••••••••••••••••
#كسر _أُنثي《11》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
لقيتو عمر!
بعمل شنو هنا ويعني هو زاتو الكان بقول القاتل ما القاتل ... في الحظة دي راودني الشك بأنو هو القاتل عاينت ليهم تاني لقيت عمر بعاين لي طوالي ادسيت بعد مسافة طلعت مشيت جنب المكان الكانوا فيهو لقيتهم مافيشين؟ مشو وين ديل .. ئهه شكلهم من شافوني مشو
في الحظة دي اتذكرت كلام الطرف التاني لمن قال ليهو ماتكون وريتهم القاتل الحقيقي يعني عمر ماالقاتل؟ اخخ راسي شطب بجد قضية معقدة
من دربي مشيت لي أخوي وريتو الحاصل كلو قالي بجد موضوع غريب كل ما نقول ده القاتل بكون غلط
...كنت سرحانة في الحاصل أخوي كان مستغرب مني تاني قال لي :مالك سرحانة كدا؟ قلت ليهو: يمكن القاتل دايرنا ندخل في الدوامة دي قال لي: كيف مافاهمك
°قصدي يعني القاتل دايرنا نشك في أسرة ناس أمير نفر نفر وهو يهرب
^طيب أبوي لمن قتلوه ليهو قريب ١٠سنين مافكر يهرب إلا لمن ننحنا نعرف موت أبونا
° يمكن لأنو زمان كان عايش في أمان بس من ماعرفنا داير يهرب
^ بس كلامك ما منطقي لو داير يهرب بعرف يهرب هسي وخصوصأ نحنا ما بنعرفو
°قلت ليك ده استنتاج مني ساي وبقبل الصواب أو الخطأ
^طيب استنتاجك خطأ
= بتقولوا في شنو إنتوا
قبلنا علي مصدر الصوت كانت أختي أنا ومدثر بقينا زي الصابنا مطرة نعاين لي بعض
= مالكم سكتو استنتاج شنو وخطأ وصواب شنو في حاجة
في الحظة دي هسيت بي راحة عجيبة يعني ما سمعت إي شي إلا الكلام الاخير
°لالا يا سمر ده موضوع كدا ما تاخدي فيهو بالك
=بس...
°مابس ولا شي قلت ليك موضوع ماتهتمي
^إي أسمعي كلام أختك
=طيب تمام رغم إني شاكة إنكم خابين مني حاجة بس ح أعمل نفسي كأني مافاهمة
..وطلعت!
عاينت لي أخوي وقلت
°الحمد لله قربنا ننكشف لو أختي عرفت ح تبوظ لينا خططنا كلها
^كلامك صاح تاني نكون حزرييني عشان ما بسمعنا زول
هزيت ليهو راسي وقلت ليهو طيب ح أطلع ماشة أجيب ليك عصير داير شي
هز لي راسو بي معني لا وقال لي ما تتأخري قلت ليهو طيب
طلعت بالباب لقيت أختي من شافتني اتلبشت قلت ليها: مالك واقفة هنا قالت لي:ماف شي ومشت! في الحظة دي راودني شك بأنها تكون سمعتنا بس أختي لو سمعت ما بتخلينا إلا تعرف الحاصل هزيت أكتفي وقلت :مالي أفكر كتير أحسن أجيب العصير لي أخوي قبل ما يقولي مالك اتأخرتي.
//////////////////////////////////////////////////////
#سمر
أنا من كنت صغيرة كنت بشوف الون الابيض مقياس للجمال ولو البنت ما كانت ببضة ما عندها قيمة ما خليت كريم فسخ إلا عملتو كنت مهوسة عديل أختي كم مرة بتقول لي :ما تعملي كدا كنت بقول ليها ما عندك بي شغلة دايراني أكون زيك كل الناس مايدوني قيمة وكنت بقوليها ماف زول خسران غيرك
بس في النهاية عرفت ماف زول خسران إلا أنا ما كنت عارفة كدا ح أفقد قيمتي ومابكون عندي شخصية بي سبب إني قَلته العامة
ما كنت قايلة الفسخ حرام وكدا بكون غيرت خلقة ربنا
ما كنت قايلاهو عندوا أضرار
صاح نحنا اسرة محافظة لا نعمل مكياج. برة ولا نلبس شي فيهو زينة بس أنا كنت بفتح لوني وبقول عادي ده ما زينا
لحدي مافي وحدة خطبتني لي ولدها وقالت لي دايراني بس تاني لمن عرفت ده ما لوني فسخت الخطوبة
من يومها بقبت منعزلة من الناس بقيت شايلة المصحف وأقري وفتحت قوقل وقريت عن دينا لحدي مافي النهاية أنتقبت .. إيوا ياجماعة سمر البت الئمة الكلامها جارح ديك إختي فرحت بي وحتي أمي
لمن أخوي عمل حادث ناس خطيبي قصدي الكان خطيبي جونا شفتو زي المتوتر ما اديتو أهتمام بس لمن طلعت برا كنت دايرة أحول رصيد لقيتو بتكلم مع عمر! وبقول لي كلام كتير من ضمنو ما يكونوا عرف القاتل
بقيت مافاهمة شي وقلت مالي ومالهم مشيت اشتريت الرصيد ورجعت لي اختي وأخوي لقبتو بتكلموا موضوع أظن شبية بي كلام ياسر وعمر من شافوني كانو مطرة صبت فيههم بقيت شاكة لمن سألتهم ما وروني طلعت برانا ووقفت وسمعت أخر كلام برضو مافهمت في شنو بس شكلو الموضوع فيهو قضية بي كلام ناس عمر تاني قلت احسن ما اتجسس بالناس .. أختي فجأة طلعت من شفتها اتلبشت ومشيت منها
في الحظة دي قلت أحسن أعرف هم بقولوا في شنو ما أكون مافاهمة براي.
////////////////////////////////////////////////////////
طلعت برة عاينت لقيت أماني عاينت لي مسافة وتاني جاتني
^مفتكرة نفسك منو لمن تتونسي مع أمير لا والعجب تضحكوت مع بعض
°زوجي
(عاينت لي بي طرف عينها مع سخرية)
^مفتكرة نفسك منو يعني مجرد وحدة مابتشبة البنات قايلهو ح يفكر فيك بي شكلك ده
°وشكلي مالو يعني ! مش زي الناس بتنفس وباكل وبشرب زيك وزي إي زول ولو في الجمال ما مقياس يا حبيبة
^ما مقياس كيف منو الغشاك القال ليك الجمال مامقياس اسمعي هنا الون والجمال هم البمسكوا الرجال يا السمحة ولا اقول ليك يا شينة
° لو صاح ما كان أمير هسي بتكلم معاي عادي
^ما مجبور عشان كدا! بس ما تصدقي نفسك لحدي الدرجة دي أمير ما شايفة غيري وإنتِ مجرد حاجة عاملة لينا عائق بس
°اسمعي يا أماني أحسن ليك تختي دربي فاهمة زولة عاقلة زيك بتتشاكل عشان راجل
^لمن تخليهو بخطاك
عاينت ليها مسافة ومشيت وهي بقت تتكلم معاي بس قفلت اضيني وطلعت منها
يعني مفتكراني زيها ربنا يهديها
مشيت جبت العصير ورجعت لقيت أختي بتبكي قلت ليها مالك بتبكي كدا
البت لمن ترجف قالت لي بي صوت مطقطع سارة صاح أبوي مات
وقفت وأنا مصدومة منو الوراها
قالت لي:
احكي بتكلم معاك أنا قلت ليها: منو القال ليك ؟
قامت وهي بترجف من فوق لي تِحت وقالت لي بي صوت مهزوم يعني صا... وقبل ماتتم كلامها وقعت غمرت!
بقيت بنادي عشان يشيلوها ما كان في زول غير نور كان بتعاين من بعيد في الحظة دي اختي كانت أهم جات جارية وجاتني شالت معاي سمر وديناها لي أقرب دكتورة قالت لينا ختوها في العنبر داك خطينها في أول سرير لقيناهو فحصتها مسافة وقالت ما تخافوا سبب الاغماء هو حالة صدمة بقيت أبكي بس نور كان بتعاين لي ساي تاني ربتت في يدي وقالت لي :معروف موت الابو حار يا سارة عاينت ليها وأنا مصدومة قلت ليها: وإنتِ عرفتي كيف في الحظة دي اتلبشت مسكتها من يدينا وبقيت اهزها واقول ليها قولي عرفتي كيف قالت لي وهي بتقطع في الكلام: اصلاً أنا عارفة ومن زمان قلت ليها كيف قالت لي اسألي أخوك لي طلقني قلت ليها: نور ما تخليني افقد اعصابي قولي العندك
سكتت مسافة وقالت:
قبل سنتين في زول كان بهددني أنا وعمر ما عرفنا منو
قاطعتها وقلت ليها : والسبب؟
^أصبري جاية ليك في الكلام ..كان بهدننا بي صور أخوي عندوا صور في مسرح الجريمة
°أخوك منو؟
^أمير
° تابعي
^وقال لينا أمير القاتل وبهددنا أنو بوري الناس لحدي مافي يوم أخوي قالي نوري مدثر أول وعملنا خطة وهي اتكلمت بتلفون وجبته سيرة الحادث وأخوك دخل لي وقاال النقيب منو وكلها كانت خطة مدروسة
°يعني أخوي طلقك عشان كان قايل أمير القتل أبوي؟
^أيوا
° وطيب هو أخوكم لي يعني دايرين تكشفوا لو افترصنا هو القاتل ولا عشان ولد أبوكم؟
^لا ما كدا ما تظلمينا يا سارة بس عشان نحنا المجرم في النهاية ياخد عقابوا وعشان بنخاف الله
(ماوريتكم نور طلعت من العدنا ليها يومين بس)
°أنا ما مصدقاك ما عارفة لي بس مضطرة أصدقك
^بس كنت دايراك تتكلمي مع أخوك
°في شنو
^ إنوا أنا ما عندي دخل في الحصل عشان يطلقني
..ويلا أنا ماشة بعدين طمنيني علي أختك
ومشت!
بجد بت غريبة عاينت لي أختي الادوها حقنة مهدئة كان في بت قاعدة قلت ليها شوفيها لحدي ما أجي قالت لي: كويس
طلعت من العنبر ومشيت لي غرفة أخوي قالي اتاخرتي مالك ولي وشك مخطوف
قلت ليهو: سمر عرفت أنو أبوي قتل قالي بي صدمة: كيف عرفت؟ قلت ليهو من نور
اتكل علي السرير وقال لي: نور دي دايرة تصل لي وين
قلت ليهو كيف قال: البت دي دايرة تفرتكننا كلنا
قلت ليهو : وأنت طلقتها عشان كنت قايل أمير القاتل! طيب وهي دخلها شنو؟
قالي ما عشان ده
°عشان شنو؟!
^عشان....
•••••••••••••••••••••••••••••••••••••••••••••••••••••••••••
#كسر _أُنثي《12》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
^عشان حاجات كتيرة يا سارة لا تعد ولا تحصي مابقدراحكيها ليك كلها بس اتأكدي إنها تستاهل الطلاق
°طيب لو الحاجات دي خلاف بيناتكم عالجوهوا وارجعوا لي بعض!
^ يمكن قولي خلاف بس ما بقدر أسامحها ونرجع لي بعض تاني صعبة ياسارة صعبة ياخ
°بس.....
^قلت ليك صعبة ولو سمحتي اقفلي الموضوع ده خلاص
°طيب زي ماعايز رغم إني كنت دايرة اساعدك بس راحتك
ويلا ماشة اشوف سمر والحصل ليها
^اي أحسن أمشي شوفيها وطمنيني عليها
طلعت من اخوي وقلت: في سري مشاكل بينو وبينها مالي دخل فيها وصلت العنبر لقيت أختي بتبكي جيتها ووقفت في راسها وقلت ليها خلاص يا سمر كل نفس ذائقة الموت قالت لي: لي ماوريتنا ولي إنتِ وأخوي براكم البتعرفوا لي محسسننا ما من الاسرة؟! يعني أسمع من نور وما أسمع منك!
(ايوا يعني دي نور الورتها)
°لالا ما كدا يا سمر بس نحنا ما دايرنكم تشغلوا بالكم وتحزنو وقلنا لحدي ما نعرف القاتل حتين نوريكم
^بس إنتوا كدا خبيتوا شي كبير ما خبيتوا حاجة عادية خبيتوا موت ياسارة موت
(دنقرت راسي ماعرفت اقول ليها شنو)
^مالك سكتي ماتحكي لي ساكتة كدا
° عارفة أنا وأخوي غلطنا لمن خبينا عنكم الكلام ده بس ما كان في يدنا شي تاني
^إنتوا خليتوني زي الهبلة حركتهم دي ما بقدر اسامحكم 💔
°سمر...
^ممكن تخلوني في حالي!
°طيب زي ماعايزة لحدي ما تهتدي تمام
طلعت منها كنت حزينة إي نحنا غلطنا لمن خبينا عنها أختي كانت مدلعة أبوي عشان كدا الصدمة الدخلتها ما قدرت تتجاوزها💔
كنت سرحانة دمعتي جرت بس مسحتها فجأة في يد اتختت في كتفي عاينت لقيتها ليلي وخالتو إحسان قلت ليهم: متين جيتو
رت لي سلمي قبل شوية أخوي جاء وجيناك بي جاي قلت ليها:مابتقصروا والله ردت لي خالتو إحسان تقصير شنو يابت إنتِ زي بتي نحنا الكان نعتذر ليك ماجينا من بدري بس زي ما عارفة أمير الاخرنا
قلت ليها ما مشكلة ماقصرتوا والله قالت لي: أخوك وين حابين نطمن عليهو قلت ليها: تعالوا وراي
مشينا لي غرفة أخوي ودقيت الباب قال : اتفضل دخلت ودخلوا وراي قلت ليهو مدثر حابي اعرفك على أم أمير خالتو إحسان ودي بتها ليلي قال ليهم: اتشرفنا خالتو إحسان قالت لي: كيف بقيت ياولدي قال ليها الحمد الله كويس قالت لي : الحمد لله الربنا شفاك .. وتاني عاينت لي وقالت: متين ح تخرجو قلت ليها : في الاسبوع ده إن شاء الله .
ناس خالتو إحسان قعدتوا معانا حبه ومشوا بعد مشو أخوي ناداني وقال لي الكان مع الخالة دي منو؟ قلت ليهو دي ليلي بتها قالي : ايواا طيب أنا دايرها
قلت لي: بس أنت أول مرة تشوفهم كيف تقول دايرهم
قالي: عادي مالو لو أول مرة أعرفها حسيت بيها عندها أخلاق ما داير حاجة غير يكون عندها أدب وأخلاق ما داير أجري وراء الجمال تاني قلت لي: فعلا الاخلاق والادب أهم بي كتير
سكت مسافة وتاني قلت ليهو: ح أتكلم معاهم وأديك الخبر تمام هزر لي راسو وبس
طلعت براء لقيت أمير قاعد يتكلم مع أمي جيتوم وقعت معاهم مسافة لحدي ما قال لي: في حاجة؟
هزيت ليهو راسي بمعني إيوا أمي قالت لينا: طيب لو موضوع خصوصي ح أمشي قلت ليها: لا خليك الموضوع بخص أخوي وعاينت لي أمير وقلت لي أختك كمان
قالي بي استغراب: نور! قلت ليهو لا أختك ليلي
قالي كيف مافاهمك؟ أمي قالت لي: ليلي البت الكان مع إحسان
هزيت ليها راسي بمعني إي وعاينت لي أمير وقلت لي: أخوي طالب يد أختك عشان كدا قلت ليك الموضوع بخصوهم
قبل ما أتم كلامي قالي :لا ما موافق
قلت لي: لي يعني عشان.. سكت لمن اتذكرت أمي قاعدة
أمي شكلها ما سمعتي لمن قلت ليهو عشان وكدا طوالي قالت لي: لي يا ولدي في حاجة
أمير قال ليها: يا خالتي أوافق كيف والموافة منها!
قالت لي: طيب لو وافقت ح توافق؟
هو طوالي سكت قلت لي أمي كدي هي توافق بعين كريم يسهل
وقلت ليها : دايرة أمي في حاجة هزت لي راسها وهي وقبل ما تمشي وقفت وقالت لي صحي سمر وين هنا اتوترت ما عرفت أقول ليها شنو بي فجأة سمر جات! وقالت أنا هنا الخزن كان باين في عيونها بس كانت عاملة نفسها قوية وقالت لي أمها يلا أرح نشوف أخوي وعاينت لي بي نظرة قوية خلتني أدقر راسي وسلقت أمي وأمي مستغربة ومشت مها
سقتو بعيد وقلت لي:
يا أمير أخوي عرف غلطو وهو داير يتعتزر ليك
سكت مارد لي
تاني قلت لي يا أمير ما ترد لي ساكت قالى: يعني عرفتوا أنا ما القاتل؟
قلت لي: اي ونحنا أسفين عشان ما صدقناك وتهمناك قالي: ياسارة إي زول مكاني ح يزعل والمشكلة إنتِ عارفة كنت بريد أبوك كيف قلت لي: نحنا اسفين والله
ابتسم وقال لي: طيب مامشكلة
فرحت أمير ده قلبو طيب شدديد ماكنت قايلاهو كدا كنت قايلاهو واحد عصبي جنو مشاكل
أميرمشي لي أخوي وأخوي اعتذر لي واتصالحوا
(بتصدقوا أمير بجي يومياً المستشفي بس حصل ما دخل لي مدثر)
بعد ما أمير طلع قالي: أنا من ناحيتي موافق بس القرار قرار أختي قلت لي ما مشكلة إن شاء الله توافق
بي العصر كدا لقيت عمر وياسر بتشاكلوا مشيت منهم شكلو الأتنين خابين حاجة مننا قعدت في كرسي فجأة جاء أمير وظاهر مضايق قلت لي: في شنو قالي: حاسي ياسر عندو يد في الموضوع لقبت أدلة تضدو قلت لي يعني الادلة الزمان ديك القلت لي شاكي في زول يعني ياسر! قالي: إيوا قلت لي: ما مصدقة ياسر بتشاف مسكين قالي: ولا أنا بس المظاهر خداعة وكمان ما في زول يعرف تمام هزيت ليهو راسي بس اليوم التاتي خرجونا عملنا عزوما في بيتنا ما اكذب عليكم ليلي من الصباح جات تساعدنا أمي قالت ليها: بتتعبي يا بتي قالت ليها: ماف تعب يا أمي جيت أصلاً عشان اساعدكم
...
أمي حبتها شدديد وقالت لي لو وافقت ح تكون حاجة سمحة
اتهزت الفرصة وقلت لي ليلي دايراك في حاجة قالت لي طيب ختت المكنسة من يدها وجاتني قالت لي : في شي قلت ليها : إنتِ عارفة إنو أخوي كان متزوج اختك مش قالت لي ايوا لي السؤال!؟ قلت ليها: اصبري جاياك في الموضوع يلا أخوي قال دايرك رايك شنو دنقرت راسها وخدودها حمرو وقالت لي الموافقة من اهلي ما مني قلت ليها: أخوك موافق بس أمك ما وريتها أها وإنتِ
قالت لي: لو أخوي وافق طيب اعترض لي؟
قلت ليها وأنا الفرحة ما سيعاني يعني موافقة
قالت لي وهي خجلانة:اي
•••••••••••••••••••••••••••••••••••••••••••••••••••••••••••
#كسر _أُنثي《13》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
قالت لي:إي
فرحت شدديد بالخبر مشيت وريت أمي أمي فرحت أكتر مني تاني قالت لي وإحسان قلت ليها: لمن تجي بوريها قالت لي: عيب أول نسمع الموافقة منها يابتي
^يعني أسمع إنو دايرين تزوجوا لي أخوي بالصدمة😒
عاينت وراي وقلت لي سمر أصلاً كنا دايرين نوريك قالت لي : ظاهر😒 وتاني قالت أخوك محظوظ ليلي زولة مرحة وخدومة قلت ليها:كلامك صاح أنا عاشرتها ماشفت منها شي كعب
طبعاً سمر ببتكلم بس حاسة الحزن فب عيونها قالت يلا ماشة بعد مشت أمي قالت لي أختك مالة؟ ليها زمن زي الكأنها زعلانة من شي قلت ليها: اي صاح الله أعلم مالة قالت لي :يعني ماعارفة .. بقيت برجف بس فجأة الباب دقة وخالتو إحسان جات قلت لي أمي: ح أمشي لي خالتي أحسن أوريها جيتها لقيتها مُضايقة ما قدرت أوريها قلت :لحدي ما تكون أحسن بوريها إن شاء الله هي لحظت لي كأني دايرة أقول ليها شي بس متوترة قالت لي :في شنو؟
قلت ليها: ما كان دايرة أوريك قلت أوريك بعدين
اخت نفس وقلت ليها: أخوي داير بتك
حسيت بيها زي الفرحت والضيق زال منها قالت لي: جد
طيب أمير قال شنو قلت ليها: وأفق وحتي وريت ليلي وهي وافقت بس فضل إنتِ
قالت لي: زي أخوك نلقي وين يابتي موافقة طبعاً لمن قالت كدا قمت حضنتها وقلت ليها: إنتِ احلي نسيبة في الدنيا هي كان بتضحك بس
أمي جات وقال: ما تفرحونا معاكم قلت ليها: خالتو إحسان وافقت يا أمي 😍
أمي قالت: بجد فرحتينا يا أختي وإن شاء الله بتك نختها جوه عيونا
قالت ليها: بعرفكم والله إنتوا ناس طيبين وقلبكم أبيض وربنا يديم المحبه بيناتنا
خليتهم يتكلموا ومشيت أبشر أخوي
دخلت ليهو توووش لمن اتخلع كان معاهو عمر بدون ما أعاين لي عمر قلت لي مدثر : ابشر وافقوا
قالي: ياخ فرحتيتي قلت ليهو: إن شاء الله دائماً فرحان
عمر قال: في شنو أخوي قال لي: اتقدمت لي أخت أمير ليلي وأهلها وافق
حسيت بي عمر زي الاتخلع كدا قال: جد ماشاء الله والله طيب ح إنذنكم عندي مشوار
أنا وأخوي استغربنا بس ما قلنا حاجة هو مشي جيت قعت جنب أخوي وقلت لي: ليلي بت مؤدبة وطيبة بتصدق من الصباح قاعدة تشتغل معانا
قالي: أنا من شفتها حسيتها زولة مثقفة ومتعلمة ومتدينة عشان كدا اخترتها
قلت لي: ربنا يسعدكم ويديمكم لي بعض
هو ابتسم وقالي: أمين قلت لي: يلا عندي أشغال كتيرة ماشة اسويها مع سلامة
مشيت تميت بقاقي الشغل
بعد مسافة جونا بنات خالتي
قعدنا كلنا ومعانا ليلي إلا أختي ما جات بقينا نتونس ونضحك فجأة الباب فتح دخلت خالتو أسماء ونور نور جات علينا وقالت :
يعني دايرين تعملوا مشاكل بين الاهل لي الدرجة دي وتاني عاينت لي ليلي وقالت ليها: اصلو ما مصدقة كيف تقبلي بي زول كنت َمتزوجة منو أنا رد ليها أنا وقلت ليها : هو إختارها وإنتِ زمان اطلقتوا وفماف سبب أصلاً عشا تجي تقولي لينا الكلام ده قالت لي أسكتي ما سألتك أنا فاهمة وياخسارة بقوليك أتكلمي مع أخوك عشان يرجعني تمشي تخلي يختار ليلي!
مني قالت ليها: مالو لو اختارها فيها حاجة اتزوجها علي سنة الله ورسولة لو سمحتي يا نور انهي النقاش ده واطلعي من هنا
^مابتنهيهو
ده كان صوت خالتو أسماء جات وقفت في نصنا وقالت :
إنتوا اسرة بتحب المشاكل والفتن زيكم ما شفت وتاني عاينت لي ليلي ومسكتها من يدها وقالت ليها: يا بت إحسان اصلي من زمان ما بحبك ولا بحب أمك زي ما أمك زمان خربت حياتي جاية بكل وقاحة تخربي حياة بتي
ليلي ما ردت ليها كان بتبكي بس قمت أنا وقلت ليها مع احترامي ليك يا خالتي مافي داعي للكلام ده وليلي ماعملت شي حرام عشان تهيجوا فيها كدا
أخوي قال دايرها وهي وافقت وين المشكلة؟
قالت لي: وين المشكلة قلتي!! ما تنسي دي أخت أمير يعني زي أختها يعني زي بتي
_من متين معتبرة بتي زي بتك
دي كانت خالتو إحسان جات ووقفت جنب خالتو أسماء وقالت ليها: بتي حرة تختار الدايراهو ووولدي وأفق لو سمحتي بكل أدب واحترام أطلعي من هنا ما دايرن نعمل جوطة
°بتطردني يا إحسان بتطردني أنا
^أنا هسي تطردك! قلت لي أطلعي تفادي للمشاكل
°طيب يا إحسان ماح انسي العملتي هسي زي زمان كنتِ دايرة تشيلي عثمان مني هسي دايرة تشيلي طليق بتي بدل ما تهدي النفوس وترجعي ليها طيب يا إحسان
خالتو أسماء بعد ماقالت كلامها ده مشت وهي هايجة وتنبز فينا ونور كانت بتبكي وتعاين بس وتاني طلعت وراء أمها
بعد ما مشوا قلت لي بنات خالتي معليش يا جماعة على الحصل ردت لي وحدة منهم لالا عادي يا سارة عاينت لي ليلي لقيتها تبكي جيت قعدت جنبها وقلت ليها ماتبكي يا ليلي إنتِ ماعملتي شي غلط قالت لي وهي بتشهق أنا خايفة يحصل مشاكل ياسارة
قلت ليها: ربنا كريم أما خالتو إحسان رجعت و أمي في البيت مافيشه
هدينا ليلي شوية ومشيت لي أخوي لقيتو كان مضايق قالي: خالتو أسماء ونور عارفة الجابهم منو قلت لي عمر صاح هز لي راسو قلت ليهو: يا أخوي أنت زي ليلي دي الله أعلم لو بتلقي قالي إن شاء الله مابخليها
بعد العصر عملنا العزومة أمير وأماني جو
أمي سلمت لي أماني وقالت ليها: لي مابتجينا في النهاية ديل بنات عمك عاينت لي أمي وقالت: لو بنات عمي مابعذوني أمي دايرة ترد مسكت ليها يدها نظام خليها
أمير كان ساكت ما قال شي
بعد العزومة أمير ناداني قلت ليهو : عرفت الحصل صاح قالي: صراحة إي وخالتي ماعملت شي صاح قلت ليها ربنا كريم قالي: طيب ما راجعة بيتك قلت ليهو وين مع خالتو إحسان برجع قالي: لالا ماقصدي كدا تاني القرية ديك ما بنرجع ليها ح نأجر جنب أهلك قلت لي طيب وأماني قالي بتسكن مع خالتي سكتت ماردتيت قالي: داير أبني حياتي معاك عارف ظلمتك وعارف كدا حرام لازم اعدل قلت ليهو : وأنا كمان ظلمتك لمن إتهمتك بي قتل أبوي اسفة قال لي: اعتذارك مروفض عاينت ليهو بي حيرة كدا تاني قالي: إلا لمن تقبلي ترجعي لي ضحكت وقلت لي طيب أنا قبلانة أرجع ليك ونبني حياتنا من جديد ونعيش كأي متزوجيت وأها ح تسامحني قالي طيب سامحتك😂😂
قلت لي : أيوا كدا😂 في الحظة دي أماني جات جنبنا وهي مضايقة أمير قال ليها: في شي
قالت لي بي أخر نفس ماف حاجة بس كنت دايرة إندومي
قال ليها في الزمن ده ما اتغديتي هسي قالت لي أنا بتوحم ونفسي فيها يعني ما داير تجيب وبت تبكي قال ليها:خلاص ما تبكي هسي بجيبها ليك
هو طلع بالباب وهي قالت لي أسمعي أحسن تكوني بعيدة مننا عاينت ليها مسافة وقلت: راجلي زي ماهو راجلك أحسن ليك إنتِ كمان ما تدخلي في خصوصياتنا
•••••••••••••••••••••••••••••••••••••••••••••••••••••••••••
#كسر _أُنثي《14》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
خصوصات شنو هو إنتوا عندكم خصوصيات😂 هو طول الوقت معاي قال خصوصيات قال
وتاني شي إنتِ وحدة ماعندك كرامة بعد العملو فيك دايرة ترجعي صاح الكلب بحب خناقو
و شبنة وسودة جاية تتفتصاح معاي كمان إمشي شوفي خلقتك وتعالي تمام
^أمااااااااني
جاء أمير وهو هائج زي التور وكان شايل كيس إندومي قال ليها ده شنو البتقولي فيهو ده
°زي ما سمعت ولو داير زيادة ممكن أوريك
رفع يدوا عشان يضربها مسكتها ليهو وقلت لي عيب ما تضرب مرتك وهي حامل كمان ما بصح ترضربها
نزل يدو وقال لي إنت قلبك إبيض لي درجة لو دي هي ما كان قالت زيك تاني عاين ليها وقال
أنا سارة ظلمتها وأكتر بي سببك هي زولة زي الوردة طيب وحنونة وبتيك السعادة ما زيك طول اليوم من نكت لي نكت تعبت منك ومن المشاكل ياخ وأعرفي عشان أولادي ما طلقتك عشان ما تجتعيهم لي ويترلوا تريبة سيئة قالت لي وهي تبكي يعني أنت بحبها صاح ظاهر من ما جيت من القرية بعد وديتها اتغيرت مني ما بقيت أمير الزمان
قال ليها: ممكن تقولي كدا وحابي أقوليك زي ما إنتِ مرتي هي كمان مرتي
تاني مسكني من يدي وقال يلا نمشي من هنا
عاينت لي أماني الوشها كلو دموع ومشينا
قلت لي: ما فهمت قصدك قالي : في شنو يعني قلت لي: إنك بتحبي
سكت مارد لي عرفتو ما داير يحكي
في مشيتنا دي سمعنا صوت جوطها في غرفت أخوي
دخلنا لقينا نور بتكورك فيهو وهو ساكت أمير اتعصب وقال ليها اختشي ياخ ده شنو البتعملي فيهو
قالت لي: ماهو داير يتزوج أختك عشان كدا بدافع عنو
قال ليها وهو بجر في يدها يلا من هنا ما تعملي لينا فضايخ
كان بجر فيها وهي بتقاوم لحدي ماطلعوا
عاينت لي أخوي لقيتو ساكت قلت لي: ممكن أسألك سؤال نور عملت ليك شنو عشان تطلقها
سكت مسافة وتاني قالي: ياسارة البت بقت مافي عصمتي وأنا مابحب أفضح زول عشان كدا أقفلي السيرة ممكن قلت: لي طيب تمام ... تاني سكنا قلت لي: داير حاجة ماشة لي أمي قالي: لا قمت طلعت مشيت لي أمي كانت بتتكلم مع ليلي السة كانت متأثرة خالتو إحسان جات وقالت : أصلو بتي حساسة شديد أمي قالت ليها: معليش يا ختي لمن جو ما كنت معاكم مابحب المشاكل وأصلاً كنت في الدكان خالتو إحسان قالت ليها: ما مشكلة وزاتو المشاكل ما حلوة ما في داعي ليها
خليتهم يتكلموا وسقت معاي ليلي
قلت ليها: ماتزعلي نحنا دايرنك وأخوي كمان قالت لي: ما زعلانة أنا بس خايفة من المشاكل قلت ليها: ربنا كريم يا زولة وإنتِ ماعملتي شي غلط .. هزت لي راسها بس
اليوم انتهي وخالتو إحسان وليلي مشوا وأمير لقي ليهو بيت في نفس اليوم قالي نكون فيهو قلت لي جاهز؟ قالي إيوا جاهز حق صحبي
وريت أمي قالت لي: إيوا كوني عاقلة كدا وأمشي ما تخربي بيتك أختي قالت لي: لمن عرفتو كان متزوح زعلت بس هسي عادي يا سارة أمير ده نحنا ما فهمنوا هو زول طيب بس برانا الماقادرين نفهمو قلت ليها : فعلاً وأنا مستغربة من أختي البقت تتكلم معاي عادي
مشيت عشان أودع أخوي قالي كوني ست بيت شاطرة تمام ما داير أسمع شي يزعلني منك قلت لي: ما محتاجة وصية
ودعت أهلي ومشيت مع أمي وصلنا البيت نزلنا العفش
شلت الهدوم عشان أختو في الدولاب قالي: خلي بختو أنا قلت لي: أنا المراة ولا أنت😒 قالي: ويعني الشغلة حقتكم إنتوا بس الحياة شركة خليني اطأرتبو وإنتِ أمشي نضفي الصالة قلت لي: ما كنتَ قايلاك كدا يعني زول فاهم للحياة كنتَ قايلاك زول متعصب وشايفين المراة هي خدامة وبس
قالي: يعني مفتكراني اب جيقة ضحكت علي كلامو قالي يلا أمشي نضفي الصالة
مشيت بقيت أنضف فيها فجأة في كرتونة وقت من الحاجات الجبناها وكان فيها ورق كتير! شلت الورق عشان أدخلو جوا فجأة لقيت ورقة عن قضية أبوي وفيها أدلة كتيرة ولمن شفت فيديوا كدا أتخلعت وقلت معقول ده القاتل ياسر صاح
________
#أمير
أنا من بعد الحادث بقيت زول عصبي وما بتكلم كتير وعميت بقيت محطم أمي دائماً تسألني الكان معاك منو في العربية وهو وين هسي كنت بسكت عشان عارف دي خطة مدروسة وإنو في زول خباها ولو عرف إني عارف العملو ح يهرب بس كنت عميان مابقدر أعمل شي مرتي ما كنت بقدر أمشي ليها بس برسل ليها من بعيد مافي زول كان عارف إني متزوحة إلا أمي وأختي وده كلو عشان عمو صديق قالي أسترها يا ولدي واتزوجها وهي بي خشمها قالت :ما توري زول إني متزوجاك بعد الحصل ليها وماعارف السبب شنو ولي ما أوري زول بس قلت لي: طيب عشت معاها زي سنة وتاني عملت الحادث وبعد ٥سنوات مشيت الخارج واتعالجت ورجعت للقضية من جديد مشيت وطلبت من أختي نور تعرس لي بت صديق قالت لي :سبحان الله هم زاتهم جو عشان يتقدموا لي عشان أخوهم قلت ليها: اتصرفي بس قالت لي: بحاول بس لي دايرها أنت وشفتها كيف وأنت عميان قلت ليها: ما مهم أشوفها
في ألاول قلت اتزوجها عشان موضوع أبوها لمن عرفت هي بتو بس تاني قلت وح ستفيد شنو يعني لو أتزوجتها أولا لا القاتل يعني ح يقعد جيت لي أختي عشان أقول ليها تنسي الفكرة بس قالت لي : وريتهم ووافقوا بقي ماعندي خيار إلا أتزوجها
عد يوم وراء يوم وأنا بظلمها وكنت عارف تعبت شدديد بس لمن قالت لي أنت القتلت أبوي زعلت منها وبي سبب الكلمة دي بقيت أشوفها دائماً غلطانة وأكتر موقف أثرني لمن غمرت في يدي حسيت بي تأنيب ضمير بس كل مرة بتذكر كلمة أنت القتلت أبوي وقلبي ببقي عليها حجر
لمن جاتني بعد المشكلة دي بي شهر قلت جاية تعتذر بس طلعت ماشة لي أمي ماعارف لي زعلت من كلامها بس قلت ليها طيب وفي العربية كان نفسي أقول ليها : لي بتظلمني كدا بس سكت
عدت الايام وحسيت إني بحبها من أيام المستشفي مع أخوها من اليوم داك بقيت أعرف إني ظلمتها وشديد كمان💔
•••••••••••••••••••••••••••••••••••••••••••••••••••••••••••
#كسر _أُنثي《15》💔
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
أمير جاني وقال لي: ماشفتي بدلتي السودة
تاني سكت لمن شافني بعاين للاوراق والفيديو جاء بي اتجاهي وشالهم مني قلت لي وأنا مخنوقة يعني هو القاتل صح كنت لمن وريتني كنت شاكة بس زمان فيهو شكيت في إي زول إلا هو
قالي: تصدقي أنا زاتي ما كنت قايلو هو بس المظاهر خداعة قلت لي : طيب وهسي نعمل شنو بعد ماعرفتو ومتين جمعت ده كلو قالي لي زمن كدا بفتش والفيديو دي في زول رسلها لي زمن أخوك في المستشفي
وتاني قال: هسي لازم نوري أمك اخلعت وقلت لي بس أمي خايفة يحصل ليها شي قالي : الكاتبو الله دائماً خير بس يا سارة أمك لو ماعرفت كدا ح تزعل لو تعرف من زول تاني قلت لي خايفة يا أمير خايفة قال لي: ما تخافي أنا معاك وح نمشي ليها مع بعض بس إنتِ ثقي في ربنا سكت منو بس كنت ببكي قام مسح دموعي وقالي: ماف داعي للبكاء ماتبكي ياسارة كوني قوية هزيت ليهو راسي اليوم ده كلو قضيتو قلق عشان بكرة ماشين نوري أمي
جيت قعت جنب أمير وقلت لي : ما أحسن كنا نكلمهم في وقتو نحنا كدا زي الغشيناهم قالي: يا سارة كلو مكتوب وشغلي عقلك لو وريناهم يمكن المجرم يعرف وداير أقل سبب عشان يهرب قلت لي: كان نقوليهم أسكتو قالي: ويمكن يحكوا
قلت لي: لكن كلو مكتوب وأصلاً ربنا كاتبو لينا كدا نحنا منو عشان نقول كلام زي ده
قالي: زي ماقلت ليك كلو مكتوب يلا هسي ننوم بدري عشان بكرة عندنا مشاوير كتيرة
اليوم التاني ركبنا العربية واتجهنا لي بيت أمي وأنا خاتة قلبي في يدي أمير مسك يدي وقال : ما تخافي الكاتبو الله كلو خير قلت لي: ونعم بالله
وصلنا بيتنا ونزلنا دقينا الباب فتح لينا أخوي وهو مستغرب من جيتنا المفاجأة دي قال لينا اتفضلوا دخلنا لقينا أمي بتعمل في الكسري قعدنا جنبها قالت لينا : فجأتونا يا أولادي لكن زيارة سعيدة الحمد لله الجيتو عشان تفطروا معانا أنا وأمير كان بنعاين لي بعض أخوي حاسة بيهو زي الكشفنا عاينت ليهو من نظراتو قال لينا يعني خلاص هزيت ليهو راسي وأنا يدي بترجف يا جماعة دي أمي يعني ماشي تاني أمير ضغت علي يدي عاينت لي وعيوني ملانة دموع قالي أهدي أمي حست بينا اتفضت وقالت لي: مالك بتبكي في شتو يا بت ...هنا أنا زت زيادة هي لمن اتهجمت أخوي قال ليها : اقعدي يا أمي قالت لي: كيف أقعد ماشايفها بتبكي كيف دايرني اقعد كيف أمير قال ليها: يا خالتي بتعرفي أنو اي شي كاتبو الله لي خير صاح وكمان نحنا ما لازم نعترض علي المكتوب ونرضي بيهو ونصبر مش قالت لي: في شنو قلقتني ياولدي قال ليها : إنتِ عارفة هسي عمو صديق وين ... أمي هنا اتسمرت في مكانها زي الفقت النطق بعد مسافة قالت وين لي زمن افتش فيهو ياولدي لو بتعرق مكانو وريني وبقت تبكي كان جسمها كلو برجف أنا هنا خفت علينا قال ليها: يا خالتي اهدي أول قالت لي أهدي كيف وأنت تقولي الكلام ده
أمير سكت مسافة وقال: ربنا يرحمو يا خالتي مات في حادث قبل١٠سنة
أمي سكتت شكلها أنصدمت بعد ثواني غمرت دايرة دقع في الارض مدثر مسكها قمت أنا جريت إتجها وبقيت اصحي فيها يا أمي قومي يا أمي قومي وبقيت أبكي أمير قالي : ده ما وقتو لازم نوديها المستشفي
كربناها العربية وصلنا وهي كان ببتنفس بي صعوبة دخلنا الدكاترة كلهم جو عليها
بعد ما فحصوها قالو لينا ما تخافوا إنهيار عصبي بس ما تخلوها تنصدم كتتير براكم عارفين عندها سكري
أنا بكيت وفجأة تلفوني ضرب لقيتها أختي قالت لي وين إنتوا جيت البيت لقيت ناس أمي ماف في وحدة جارتنا قالت شافتكم لمن جيتو
حكيت ليها الحاصل كلو وهي بكت قالت لي مسافة السكة واجيكم
أمي فاقت وبقت تبكي قعت جنبها وقلت ليها الموت حق يا أمي عاينت لي بي نفس مكسورة وقالت لي: لي ما وريتني من زمان لي يا بتي خليتني أعيش حياتي على أمل إنوا يجي ويشوفكم كنت بقول لو عرس ما مشكلة بس يشوفكم لي يا بتي
أنا كنتَ ببكي ماقدرت أحكي ولا كلمة أمير جاء وقعد في الجهه المقاصداني وقال لي أمي: معليش يا خالتي كنا مضطرين عشان عمو صديق وأنا عملنا حادث .......
وحكي ليها الحكاية كلهم... هنا إمي بكت بس قلت ليها ما تبكي يا أمي كوني قوية عشان المجرم ياخد حقو قالت لي: صعبة علي يابتي والله بتعرفي غلاوة أبوك عندي ضميتها وقلت ليها: بعرف يا أمي بس كل شي بهون ما تبكي إنتِ بس
أختي جاتنا ومن شافتنا عدنا البكاء تاني أبوي ده كان أطيب زول لقانا أبو حنين بجد💔
أختي ساقتني علي جنب وقالت لي: سامحيني ياسارة عشان زعلت منكم قعدت مع نفسي كتير وعرفت إني غلطانة وإنتوا كنتوا دايرين مصلحتنا قلت ليها وأنا مبتسمة مسامحاك يا أختي هي ضمتي عليها وبكت
عدت فترة شهر وإمي كل يوم تبكي لحدي ما وضعها إتحسن أمير قالي فتحت القضية ومن بكرة إن شاء الله ح نبداء المحكة قلت لي: بس ما بدري قالي : خلاص المجرم إتعرف أنكم عرفتو وسمعو داير يحجز التزاكر قلت لي: أنت عارف يا أمير لو هرب الزول ده دمر ناس كتير تصدق الفترة الاخيرة المشاكل الحصلت دي الحمد الله الحصلت وإلا كان هو بكون معانا هسي قالي كلامك صاح بس ده لطف ربنا
الاية بتقول
بسم الله الرحمان الرحيم
"وَعَسَى أَنْ تَكْرَهُوُ شَيْئَاً وَهُوَ خَيْرٌا لَكُمْ وَعَسَيٰ أَنْ تُحِبُّوُا شَيْئَاً وَهُوا شَرٌ لَكُمُ وَاللَّه يَعْلَمُ وَأَنْتُم لَا تَعْلَمُوُنْ"
قلت لي بجد والله
عاين لي مسافة وقالي والاية دي برضو بتضمن كلامي ليك قلت لي: كيف مافهمتك قالي يعني في الاول ما كنت داير العرس ده بس هسي راضي عنو بجد إنتِ نعمة العوض العشتوا معاك نساني احزاني كلها ونساني الماضي الأليم وكمان هو شهر بس لكن كأني عشت معاك عمري كلو ضحكت وقلت لي وأنا كمان ما كنت قايلاك كدا زول فاهم وواعي قايلاك شراني وزول متحكم بالكل بس طلعت حنين شدديد والله قالي ربنا : يحفظنا لي بعض قلت لي :أمين
اليوم التاني الشرطة اتهجمت علي بيت ياسر وبقي يقول في شنو الحاصل شنو قالوا لي بتعرف في السجن ودهو واهلوا راهو ولمن عرفو هو القاتل أخوي كان داير يدقو بس مسكو أمير ياسر بقي يقول: أفهموني يا جماعة أنا ما القاتل أنتوا ظالمني أمير قال لي: بعد الفيديو الشفتها وأنت بتمسك عمو صديق وبتجروا من العربية دايرني اصدقك ياسر بقي يبكي ويقول ما أنا القاتل أنا مظلوم وأمو وأختو يبكوا وأما تهاني قالت: الحمد الله الماعرستك ولا كان هسي بقيت مرت المجرم
#يوم المحكمة جات
أمي وإختي وأخوي وأمير وأماني وخالتو إحسان وتهاني ونور وخالتو أسماء وأعمامي كلهم جو حتي عمو سمير
تق تق تق
وبدت المحكمة
•••••••••••••••••••••••••••••••••••••••••••••••••••••••••••
قلت لي بجد والله
عاين لي مسافة وقالي والاية دي برضو بتضمن كلامي ليك قلت لي: كيف مافهمتك قالي يعني في الاول ما كنت داير العرس ده بس هسي راضي عنو بجد إنتِ نعمة العوض العشتوا معاك نساني احزاني كلها ونساني الماضي الأليم وكمان هو شهر بس لكن كأني عشت معاك عمري كلو ضحكت وقلت لي وأنا كمان ما كنت قايلاك كدا زول فاهم وواعي قايلاك شراني وزول متحكم بالكل بس طلعت حنين شدديد والله قالي ربنا : يحفظنا لي بعض قلت لي :أمين
اليوم التاني الشرطة اتهجمت علي بيت ياسر وبقي يقول في شنو الحاصل شنو قالوا لي بتعرف في السجن ودهو واهلوا راهو ولمن عرفو هو القاتل أخوي كان داير يدقو بس مسكو أمير ياسر بقي يقول: أفهموني يا جماعة أنا ما القاتل أنتوا ظالمني أمير قال لي: بعد الفيديو الشفتها وأنت بتمسك عمو صديق وبتجروا من العربية دايرني اصدقك ياسر بقي يبكي ويقول ما أنا القاتل أنا مظلوم وأمو وأختو يبكوا وأما تهاني قالت: الحمد الله الماعرستك ولا كان هسي بقيت مرت المجرم
#يوم المحكمة جات
أمي وإختي وأخوي وأمير وأماني وخالتو إحسان وتهاني ونور وخالتو أسماء وأعمامي كلهم جو حتي عمو سمير
تق تق تق
وبدت المحكمة
•••••••••••••••••••••••••••••••••••••••••••••••••••••••••••
#كسر _أُنثي《16》💔
#الاخيـــــــــــــــــــــــــــــرة
#بقلمي_امونة_خليفه💜
#الجزء_الثاني
ــہہہـہہـہہہـہہـــہہہـہہـہہہـــــــــــ❥ :00:00
#المحكمة
يرجي الالتزام
لقد قدم المحترم أمير عثمان محمد
في فتح قض*ية المختفي صديق يوسف إبراهيم بعد أن كان يظن الجميع أنه أختفي
فل نبداء
*وقف المحامي الخاص بتاعنا في المنبر وقال بي صوت جمهوري
اليوم نستعيد ذكري المرحوم بإذن الله النقيب صديق يوسف إبراهيم بعد أختفاء دام ١٠سنوات والراج أنه لم يكن مختفي بل كان ميت
أريت أن يتفضل أمير عثمان محمد إلي المنبر لكِ يعطينا التفاصيل العامة
أمير قام وطلع وقال:
كنت مع الصديق قبل إن يكون مدربي في ماموري في قري سنار وفي طريقنا اصتدمنا بي شاحنة كبيرة ومات هو وأنا أصبحت أعمي لمده خمس سنوات وبعدها سافرت لي بريطانيا للعملية وعد لكِ أكمل باقي الاجراءات وتوصلت لي أن المج*رم هو
القاعة كلها في سكوت عام كنت متوقعة ح يقول ياسر بعد العملو كان دقات قلبي بتزيد كل ثانية
المجرم هو عمر
الحاضرين كلهم مستغريبن طيب الفي الزنزانة ده منو وكيف عمر خالتو أسماء قامت علي حيلها وقالت: أنتَ نصيح لو ما نصيح وريني
القاضي ضرب بالمطرة وقال : سكووت يرجى الالتزام تفضلي يا مدام
°بس...
^إذا لم تتفضلي أرحوكِ أذهبي من هنا
خالتو أسماء قعدت طوالي وهي بتبكي أما عمر الكان قاعد بقي يرجق من فوق لي تحت
عمر جاء قريب لي زمن المحكمة ما عارفة لي أتخر!
وجهه المحامي الكان مع ياسر وطيب لماذا قبضتم علي ياسر إذا لم يكن القاتل هل نحن في لعبه لكِ تضحكوا علينا
رد ليهو أمير دقيقة لسه ما جيت في الكلام
القاتل عمر والمساعد في القضية ياسر
*بقيت مصدومة من الحاصل راسي شطب ده كيف ده
بس أمير رد علي شكوكي وقال بالجة الدارجية
قبل عشر سنة كنت مع النقيب زي ما قلت ليكم ضربتنا دفار وكان فيها عمر وياسر
صاح الضربنا عمر بس الكان بستقلنا طول السنين ويخلينا في دوامة ياسر كان بساعد لي عمر وده يعني ياسر مشترك في الجر..يمة
المحامي قال لي: وعندك دليل يعني ولا كلام من راسك
قالي: إيو عندي
وطلع مسجل قديم! وقال: لقيتو في غرفت أخوي بعد ماقبضنا ياسر وأخوي بعد ماعرف أنو قبضناهو فرح والتهمة ح تزح منو وهو زاتو الصور الفيديو عشان يكون ياسر المجر*م.. وعاين لي ياسر وقال: يعني الزول الكنت بتساعدو عشان ماينكشف هو الخلانا نشك فيك هنا ياسر بقي يضرب الزنزانة وقال: دي نهايتها ياعمر بعد التضحيات العملتها ليك بتخوني كدا
القاضي ضرب المطرة وقال: سكوووت
القاضي شالو وفتحو وكان محتواهو
يا ياسر هسي نعمل شنو لو اتكشفنا عارف أخوي سافر برطانيا؟
°وسافر لي يعني في شي
^عشان يعمل عملية ويفتش القاتل خايف يتكشفني
°يازول ما تخاف ح نضللوا زي ما خفينا الجثة زمان
وطق انتهى المسجل
هنا عمر بقي يبكي وقال : والله ماقصدي كنت سكران وبضحك مع ياسر والاتنين سكرانين وماعارف متين وكيف ضربناهم بعد ساعة استعدنا وعينا ولقينا نفسنا ضربنا ناس كان اصابتنا طفيفة عشان كنا راكبين دفار جرينا نشوفهم ولقينا واحد ميت والتاني كان أخوي بقيت أرجف ما عرفت أعمل شنو بقيت أبكي ياسر قالي: لازم نخفي الجثة شلنها وعملنا الواجب من غسل وأي شي ودفناها وأما أخوي مشينا بيهو المستشفي وصاح أنا من كترة خوفي سجلت الفيديو قلت بنفعني بس لمن ماف زول سأل من المتوفي خليتو معاي لحدي ما أخوي فتح القضية وناس مدثر حسيتهم شاكين فيني عشان كدا رسلتو ليك من رقم تاني عشان كل التهم تتوجه لي ياسر وأنا أبقي برئ
أميرقال لي: رغم ذكاءك ده كلو بس نسيت حاجة أنو الظالم في النهاية بلقي جزءو وأنتَ لقيت ...بجد أنا متألم لمن عرفتك القاتل لكن العدل مهم حتي لو القاتل أخوك
هنا أخوي قام وقال بكل عصبية وكمان بكل جراءة جاي المحكمة بجد أنت إنسان محتال ما مصدق للآن إنك القاتل
القاضي بقي يضرب بالمطرة وقال يرجي عدم الازعاج
هنا مدثر قعت بس حستو ح يطق من الزعل
عمر ما قال شي بس بقي يبكي شديد
هنا كلنا بكينا لمن عرفناهو القاتل بعد السنين دي كلها ظهر الحق
أخوي كان أكتر زول متأثر بعد أهل عمر كان صديق طفولتو
وبي كل انتهي قصة موت أبوي وإي زول أخد جزاهو
أعمامي ولي أول مرة أشوفهم ببكوا كنتَ قايلاهم ما بحبونا بس طلع كلامي غلط الغربة الخلتنا بعيدين كدا أصلاً هم عايشين في الخرطوم
_________
بعد شهور
الليلة عرس ليلي ومدثر بقيت جارية من هنا لي هناك والنضافة دي أسكتو بس😂 نور بقت كل يوم تعمل مشاكل وقدر ما حاولت أعرف لي أخوي خلاها أبي يوريني وأما أنا وأمير حياتنا سمنا على عسل
وخالتو أسماء من الحصل ما جاتنا
أعمامي جو حتي عمي سمير قالي: أعفي لي يا بتي كنت قايكم عارفين بي عرس أمير
قلت لي: عادي يا عمي بس إنت إنقطعت عننا كتتتير ما شفتك في عرس أخوي يعني قبل عرسي قال: كنت مشغول ووريت أمك كنت مسافر عشان كدا
ضيفناهم وبقينا نتونس عمي أحمد قالي ح نشيلكم ونرجعكم الخرطوم تاني قلت لي: بس نحنا من ما أبوي أختفي أقصد مات ما شفناها نرجع كيف لمن أتذكرت أبوي مسحت دمعتي وقلت: وأنا متزوجة يا عمي يعني براكم ح ترجعوا ليها قالي: نسيت زواجك يا بتي طيب ح اطرح الفكرة دي لي أمك وكان وافقوا ح نرحلهم معانا قلت لي : يعني ح تخلوني براي قال لي: يا بت بطلي دلع😒 وضحكوا علي
أختي كانت مافيشه جات وسلمت عليهم وبفت تتونس معاهم
طبعاً نحنا لا ناس حفلة ولا جوطة قعد وسوق مرتك بعد العقد أمي بكت بكي ودعنا مدثر وليلي
وبقينا نخدم في الناس في الحظة دي جاتنا نور وقالت : يعني خلاص اتزوج مدثر وخلاني ووقعت في الأرض وبقت تبكي جينا مسكناها بقت تقول
الحق علي أنا الخزلتو وخنتوا بقيت أمشي كل يوم مع ولد لكن والله ماف زول لمسني وهو مرة شافني وجراني البيت وطلقني بقينا مخلوعين من كلامها وإي زول يعاين للتاني وقالت: والله تبت خلاص يا جماعة تبت أنا
ودايرة أتصلح هديتها وقلت ليها : ربنا يقبل التوابين يا نور ولو إنتِ ندمانة معانهو عندك ضمير قالت لي: ح تساعدني عشان أرجع نقيه زي زمان قلت ليها: إن شاء الله ما بخيب ظنك حضنتني وقالت لي: سامحيني عشان أذيتك يوم إنتِ زولة طيبة شديد والله قلت ليها: مسامحاكِ يا نور وإنتِ زي أختي أمي جات وقال: ربنا يحفظكم إن شاء الله نور فكتني وحضنت إمي وقالت: بجد ليلي محظوظة عشان لقت نسيبة زيك وأما أنا خسرتك وخسرت ولدك وبقت تبكي ونحنا بنهدي فيها
مشهد عظيم جداً أختي جات ولقتنا كدا كلنا نبكي جات بدون ماتفهم شي وحضنتنا وبقت تبكي معانا😂
اليوم التاني كنت أنا ونور وسمر وحتي تهاني إيوا يا جماعة ما ستتغربوا تهاني برضو جات وقالت لي: سامحيني وطلعت زولة ظريفة شدديد😂
قالت لي: إنتوا أُسرة طيبة شديد يعني بعد العملوا أخوي ما اتغيرتوا مننا قلت ليها: إنتوا ماعندكم دخل عشان نتغير .. هي عاينت لي أختي وقالت ليها : أسفة شديد ياسمر بي سببي لقيتي كتير قالت ليها: عادي يا تهاني لطف ربنا بي والحصل لي بقيت متقربة لي ربنا شدديد تلمشاكل الاخيرة الحصلت لي خلتني زي ما شايفني
قلت ليها: صحي يا أختي دايرة أتنقب نور وتهاني في نفس الوقت قالوا ونحنا كمان عينا لي بعض وضحكنا
°دايرة تتنقبي لي ماتقولي لي عشان كلام الناس أنا شايفاك أجمل زولة في الكون
^ماعشان ده يا أمير عشان أرضي ربنا وأما لو على شكلي فانا عندي ثقة في نفسب ما بتهزني كلام الناس
°كان كدا معليش اتنقبي زاتو ما داير زول غيري يشوفك
^بتغيررررر ظاهر😂😂
°إي بغير ماشفتي لمن مشينا السوق الولد داك كان بعاين ليك كيف 😠😠 كان نفسي أدقو بس إنتِ قلبك الأبيض ولا أقول ليك العوير مسكتني عشان ما ادقو
^ كان أنا ولالا ما بتقدر تدقو عشان كلو مكتوب ما تخت الوم فيني😒
°ايوا عارف مكتوب وأنا بحمد ربنا دائماً عشان اداني زيك
^طيب بطل كلام كتير شايف نحنا في المستشفي وأماني جوه قاعدة تولد
°طيب طيبب سكتا
فجأة سمعنا سراخ طفل الدكتورة طلعت وقالت لينا: مبروك جابت ولد أمير كان فرحان شديد وأنا كمان بس ما زي فرح أمير
دخلت عشان أبارك لي أماني قبلت وشها بي الجهه التانية عرفتها ما دايرة تتكلم معاي طلعت طوالي
يوم السماية الناس كانو كتار وخالتو أسماء كل ما تشوفني تتفاداني وأما سوسن مشت بيت أهلها وطلبت الطلاق
في النهاية جيت لي خالتو أسماء وقلت ليها : الحصل حصل ماعندك دخل إنتِ عشان تتهربي مني يا خالتي إنتِ نسيبتي ما تنسي ده بكت وحضنتني وقالت: ولدي يا سارة أندفن مع القتلة وإي زول لمن يذكروا بقولوا القاتل ولدي العمرو ما فكر يإذي زول قتل ولدي الطيب بقيت إبكي معاها قالت لي: إنتِ جد زي ماقالت نور زولة طيبة وكويسة سامحيني علي العملتو فيك قلت ليها: والله يا خالتي مسامحاك ما تعذبي نفسك قدر ده شوفي بقيتي كيف ما قاعدة تهتمي بي نفسك قالت لي: كيف أهتم وولد قتل
بكينا كتتير بس تاني هديتها
نور سافرت مع عمها وقالت دايرة تبداء حياتا من جديد وتكون حياة نضيفة وأنا عارفاها كمان مشت عشان ما تشوف مدثر وليلي الرجعوا بعد شهر وهي طوالي سافرت ما قادرة تشوف الزول الحبتو مع وحدة تانية💔 بتمني ليها تلقي تلبشبها والبعوضها وتقدر تنسي مدثر
وأختي جاها عرس قالت موافقة بس بي شرط هو يحفظ القران حتين يتزوجها قال ليها: موافق وزيك ما بفرط بيها ابداً
أخوي قال ح يقد في سنار ما ماشي الخرطوم يعني يقعد معاي😂
أنا وأمير حياتنا سمنة علي عسل أماني كل ما أجيها تزح مني لسه ما متقبالني بس إن شاء الله ح نكون أعز أخوات ما ضرات وبس حاستحملها لحدي ما ربنا يهون الضرة عارفاها حارة شدديد
في أخر المطاف ما تغيري شكلك عشان زول إنتِ ما بضاعة عشان يعرضوها زي ما عايزين خليك إنتِ زي ما خلقك ربنا خليك قدوة للبنات خليك قريبة لي ربنا كوني أنثي زي ما إنتِ
ما بقول ليكم النهاية ح أقول ليكم دي نهاية كتابتي للقصة ونهاية القصة عندي بس ظاهر عندها أحداث كتتتير والنهاية خمنوها إنتوا😂 وكمان الحصل لي أماني زمان مابوريكم ليهو ما بفضحها المسكينة عشان ده ما برضي ربنا نفضح الناس😔 وخصوصاً الندموا علي عملتهم
لحدي ما نتلاقة في رواية تانية استودكتم الله💜
مع تحتياتي أمونة خليفة💜💜💜💜💜
النهـــــــــــــــــــ❤ـــــاية
التسميات
روايات حزينة