رواية رحلة~كفاح -(الفصل الثاني)

رحلة~كفاح

#بقلم~هيام~عبد_القادر{السمحة♥️}

#رحلة~كفاح 《11》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قال لي اها عرفتو آثار اليدين الفي رقبتو جات من وين.. قلتا ليهو لالا لسه ما عرفنا، ثواني انت عرفتا من وين وانا ما بتذكر اني كلمتك..... حسيت ملامح وشو اتغيرت وباين عليها الصدمة قبل ما يجاوب على سؤالي تلفونو ضرب واستئذن مننا وطوالي مشى حسيتو ما صدق انو تلفونو ضرب عشان يتهرب من جواب السؤال بس صحي هو كيف عرف وانا ما كلمتو.. دينا قالت لي سرحانه في شنو.. قلتا ليها شهاب سألني عن العلامات في رقبة ابوي مع اني ما بتذكر اني كلمتو غريبة ح يكون عرف من وين.. قالت لي ما تختي في بالك احتمال قلتي ليهو بس ما متذكرة والا ح يكون عرف من وين.. قلتا ليها دا الشئ المحيرني عرف من وين وانا متأكدة اني ما كلمتو.. قالت لي ما تركزي في الموضوع كتير بتكوني نسيتي هسي خلينا نمشي نأكل لاني ميتة من الجوع.. قلتا ليها عليك الله انتي متين بس ما كنتي جيعانه وريني.. قالت لي ما بتذكر.. قلتا ليها مجنونة، قبل ما نمشي جات واحدة من بنات الدفعة قالت لي انتي يا الاسمك هيام في شنو بينك وبين دكتور إدريس.. قلتا ليها ح يكون بين شنو يعني.. قالت لي انا جاية أسألك علاقتك بيهو شنو.. قلتا ليها وانتي مالك ومال العلاقة بيني وبينو وبي صفتك منو اصلا جاية تسأليني امي انتي ولا ابوي لمن تدخلي فيني يابت احسن ليك امشي شوفي ليك شغلة غيري لاني ما فاضيه ليك.. قالت لي تفضي لي وبدخل انتي عايزة منو شنو ولي مهتمي بيك للدرجة دي.. قلتا ليها وانتي مالك ولو حابة تعرفي جواب السؤال دا امشي لي دكتور إدريس واسأليهو لو كان عندك الشجاعة تقيفي قدامو وتسألي وثانيا انتي بتتحشري في موضوع ما بخصك لي شنو.. قالت لي ما بسألو بسألك انتي وجاوبي على سؤالي.. قلتا ليها ولو ما جاوبتا ح تعملي شنو يعني ولا اقول ليك ما ضروري اعرف انتي واحدة فارغة وانا ما عندي ليك زمن، دينا خلينا نمشي.. قالت لي تمشي وين ح تجاوبي على سؤالي الأول.. قلتا ليها يا بنت الناس لي مصلحتك ابعدي مني.. قالت لي ولو ما بعدتا ح تعملي شنو.. قلتا ليها انتي اسمك منو.. قالت لي اسلام عايزة بيهو شنو.. قلتا ليها حلو يا إسلام بعد شوية نتقابل في مكتب دكتور إدريس وهناك تحكي ليهو مشكلتك شنو وتسأليهو علاقتي بيهو شنو اوك.. كنتا ماشة.. قالت لي تعالي هنا انتي ماشة وين.. قلتا ليها لي دكتور إدريس واتفاهمي معاهو بي طريقتك واسأليهو اي سؤال بخطر على بالك لو كان عندك نفس الشجاعة الوقفتي وسألتيني بيها.. قالت لي خلاص ما ضروري ما عايزة أعرف.. قلتا ليها لالا معقوله ياخ ضروري تعرفي.. في نفس اللحظة دكتور إدريس جاء قال لينا في شنو يا طلاب مجتمعين لي شنو.. قلتا ليهو يا دكتور جيت في وقتك لانو في بعض الطلبة كان عندهم أسئلة عايزين يسألوك ليها.. قال لينا اتفضلو عايزين تسألو عن شنو.. قلتا ليها يا اسلام تسألي انتي ولا اسألو انا بالنيابة عنك.. قالت ليهو يا دكتور ماف شئ انا كنتا بهظر مع هيام وظاهر عليها اخدت الموضوع جد ماف شئ.. قلتا ليها معقوله غيرتي رأيك بالسرعة دي بس هسي لمن كنتي بتسأليني ما كان ظاهر عليك بتهظري هسي الاتغير شنو وثانيا انا ما صحبتك ولا بنعرف بعض كويس عشان تهظري معاي.. الدكتور قال لينا انتو عايزين تسألو ولا تتجادلو في شنو.. دينا قالت ليهو يا دكتور كنا حابين نسألك عن آخر نقط شرحتها وما فهمناها.. قال لينا حاضر المحاضرة الجاية ذكروني اشرحها ليكم اول وبعدها نبدأ محاضرتنا الجديدة.. دينا قالت ليهو حاضر.. طوالي مشى.. قلتا ليها اسلام مالك لمن الدكتور جاء سكتي القط اكل لسانك ولا شنو ولا شجاعتك اختفت لمن شفتي قدامك ودا درس ليك عشان تاني مرة ما تتجرأي وتسأليني سؤال زي دا والمرة دي اعتبريها تحذير ليك لانو المرة الجاية لو عدتيها كلامك القلتي كلو ح يصل للدكتور وبعدها هو ح يتصرف معاك بي طريقتو.. دينا قالت لي خلاص خلينا نمشي.. قلتا ليها اصلا ضيعتا زمني بما فيهو الكفاية، مشينا.. دينا قالت لي انتي ما حاسة انو دكتور إدريس بهتمة بيك زيادة عن اللزوم.. قلتا ليها وانا اعمل ليهو شنو يعني المشاكل العندي كفاية ما ناقصة افكر فيهو كمان.. قالت لي ما هسي بس ضروري تلقي حل معاهو.. قلتا ليها لمن أفضى بشوف قصتو شنو بس حالياً دا ما وقتو نهائي، مشينا الكافتيريا لقينا شلة البرجوازيين قاعدين اتجاهلتهم وطوالي مشيت قعدتا دينا جابت لينا الفطور بدينا نأكل.. سمعتا البنت الكبيت فيها العصير بتقول ليهم ما تتخيلو انا خفتا لي ياتو درجة لمن انحبستا في المكتب ولي السبب دا يومين ما جيت الجامعة.. رد عليها الولد الاتشاكلتا معاهو قال لي عشان تاني تعرفي انو ما لازم تغلطي مع الكبار لانو ح تندمي والحصل دا كان درس بسيط عشان ما تعيديها.. دينا قالت لي ديل قاصدنك ولا شنو.. قلتا ليها ما تركزي معاهم واعملي نفسك كأنك ما سامعة شئ.. الولد قال ليها شايفة كيف الدرس جاب نتيجتو وبقو ناس مساكين بس للأسف وين طولت اللسان الاتكلمو بيها المرة الفاتت.. قلتا ليها انتي عارفة يا دينا ما كعب انك تكون بتاع بنات الكعب من انك تتصرف زيهم وما تكون راجل وتقيف وراء الشئ العملتو خسارة الشنب والدقن والله انا بشوف احسن تمشي تحلقهم وتبقى زي البنات المعاك احسن لأنك ما بتفرق منهم بي شئ ياخ حتى المطاعنات حقت بنات يخسي.. جاء وقف قدامي وضرب الطربيزة بقوة قال لي انتي قاصدة شنو.. قلتا ليهو عفوا مضايق مالك انا قلتا دينا وما اعتقد انت اسمك دينا ولا شنو يا شباب.. جات البنت قالت ليهو يا مجاهد أهدأ وما تركز مع كلامها وما تنزل من مستواك عشان واحدة زيها.. قلتا ليها دينا انتي لقيتي الكلام على مقاسك ولا شنو عشان كدا زعلتي اهدي العصبية ما كويسة في النهاية انا بفكر فيك ولا شنو.. قال لي انتي عايزة تصلي لي شنو بي كلامك دا.. قلتا ليهو ما عايزة اصل لي شئ بس نصيحة لوجه الله المرة الجاية لمن تكون عايز ترد تصرف اتعمل معاك ردو زي الرجال واقيف قدام الزول وخلي يعرف انك رديتو ليهو بس حركات البنات وانك تغدر بالزول دي ما حركات رجال بتمنى تكون فهمتا الدرس وان شاء الله ما تضطرني اعيدو ليك مرة تانية يلا باي وطلعنا من الكافتيريا.. دينا قالت لي انتي المرة دي زودتيها شديد.. قلتا ليها ما زودتها ولا شئ يستاهل اكتر من كدا عشان المرة الجاية ما يتصرف تصرف يحرجو بالطريقة دي.. قالت لي انا غلبني البسوي معاك انتي لي بتجيبي لي نفسك المشاكل.. قلتا ليها اعمل شنو لو المشاكل بتلاحقني مكان ما امشي.. قالت لي اتجنبيها واتجاهليها وما تركزي معاها فاهمة.. قلتا ليها بحاول ان شاء الله.. فتحتا الشبكة لقيت محور الكون مرسل لي ظاهر عليك مضايقة.. قلتا ليهو عرفتا كيف.. كان متصل رد علي قال لي احساس بس.. قلتا ليهو احساسك في محلو انا مضايقة وشديد كمان.. قال لي احكي لي بترتاحي في شنو.. حكيت ليهو الحصل معاي.. قال لي ما تركزي مع ناس زي ديل واتجاهليهم لي مصلحتك وهسي انا عندي شغل لي بعدين تمام.. قلتا ليهو تمام وقفلتا الشبكة شغلتا قرآن بصوت حمزة بوديب وقعدتا استمع ليهو وخليت دينا بتطبز في تلفونها.........

_______♥️_______

 في مكان اخر:-

كمال انا الف مرة قلتا ليك ما تجيني البيت من دون ما تكلمني انت ما عارف انو عبد القادر ممكن يجي في أي وقت.. قال ليها انا ما بهمني خلي يجي ويشوفنا عشان يطلق ونتزوج ونرتاح من العيشة دي.. قالت ليهو انت جنيت ولا شنو طلاق شنو.. قال ليها انتي مش بتحبيني وعايزاني اطلقي منو وخلينا نتزوج ونعيش مع بعض بدل كل مرة اقعد اجيك زي الحرامي.. قالت ليهو ح أطلق منو بس ما هسي افهمني محتاجة شوية وقت.. قال ليها وقت لي شنو فهميني.. قالت ليهو هسي دا ما وقتو امشي عبد القادر ح يجي بعد شوية.. قال ليها ما بفرق معاي خلي يجي وهسي لازم تفهميني ما عايزة تطلقي منو لي شنو.. قالت ليهو هسي لو اتطلقتا منو ما ح احصل على أي شئ منو عشان كدا بالأول عايزة اخليهو يسجل لي البيت بي اسمي واخد منو قروش كفاية وبعدها بطلق منو.. قال ليها يعني دا السبب الوحيد وماف سبب غيرو.. قالت ليهو اكيد ح يكون شنو غيرو انت عارف انا بحبك وهسي امشي قبل ما عبد القادر يجي.. قال ليها خلاص حاولي انجزي سريع عشان انا ما قادر اصبر اكتر من كدا.. قالت ليهو حاضر بحاول معاهو في اليومين الجايات.. قال ليها ما بستاهل حضن.. قالت ليهو اكيد بتستاهل وحضنتو.. البحصل هنا شنو وانتو بتعملو في شنو.. علوية اتخلعت لمن شافت عبد القادر قدامها قالت ليهو اصبر افهمك.. قال ليها عايزة تفهميني شنو انك بتخونيني في نص بيتي ومع منو مع صحبي.. كمال قال ليهو الموضوع ما زي ما انت فهمتو.. قال ليهو كيف يعني ما زي ما فاهمو وانا شايفكم بتحضنو في بعض في تفسير تاني للقصة دي غير انكم بتخونوني وبتستغفلوني.. علوية قالت ليهو عبد القادر اديني فرصة خليني اشرح ليك.. قال ليها تشرحي لي شنو يا رخيصة انا قصرتا معاك في شنو عشان تخونيني وفي نص بيتي ومع صحبي البعتبرو زي اخوي انتو مصنوعين من ياتو طينة ما خجلتو من نفسكم وانتو كل يوم بتعاينو لي وبتكذبو علي وبتخدعوني انا.. فجأة مسك صدرو وحس بي ضيق ما طبيعي وبقى ما قادر يتنفس وبعد مسافة وقع في الأرض مغمى عليهو.. علوية قالت لي كمال هسي تعمل شنو الراجل ح يموت.. قال ليها خليهو يموت ساي وبالمرة نرتاح منو ونعيش مبسوطين.. قالت ليهو انت جنيت ولا شنو لو حصلت ليهو حاجة ح نقع في مصيبة.. قال ليها ولو عاش برضو ح نقع في مصيبة أكبر خليهو يموت.. قالت ليهو انا مستحيل اسمح ليهو يموت انت اطلع من هنا المصائب دي كلها حصلت بي سببك امشي وانا بتصرف.. قال لي ما ماشي خليني هنا اشوفو وهو بموت.. قالت ليهو دا ما وقتك اطلع سريع قبل ما زول يجي يشوفك كفاية المصيبة النحنا فيها هسي امشي.. قال ليها انا هسي ح امشي بس اكيد ح اجي راجع وطلع.. طلعتا تكورك يا الصادق الحقني اخوك ما عارفه حصل ليهو شنو.. جاء الصادق من بيتو قال ليها في شنو يا علوية.. قالت ليهو اخوك جيت داخلة الغرفة لقيتو واقع في الأرض وما بتحرك.. قال ليها كيف يعني ما بتحرك مالو.. دخل لقاهو واقع في الارض اتلبك ما عرف يعمل شنو جو اخواتو سندو معاهو عبدالقادر وركبو العربية واتحركو بيهو على المستشفى أول ما وصلو دخلو على غرفة العمليات طوالي.. يا حليلك يا علوية انتي سويتي شنو دا كلو منك يا كمال يا وش الفقر المصائب نزلت علي بي سببك انا لازم اكلم هيام تجي وارمي فيها مصيبة الحصل فيها ابوها عشان ما يشكو فيني بس لو صحى وكلمهم بالحصل ح أقع في مصيبة أكبر منها بس هسي الأولوية انو اخت السبب في هيام والباقي بلقى ليهو حل ما مشكلة.. جات هيام وكالعادة عملت مشكلة ما جديد عليها انتظرتا لمن الدكتور طلع من غرفة العمليات وطمنا انو عبد القادر حالتو استقرت بس ح يحصل شنو لو صحى واتكلم.. الليلة كلو بقيت مقلقة لو صحى اتكلم انا ح انفضح وسط الناس وح تدمر حياتي.. لمن جينا وهيام قالت لينا انو ابوها صحى انا حيلي برد وحسيت خلاص نهايتي قربت.. لمن الدكتور طلع وقال لينا انو عبد القادر حصل ليهو شلل وبقى ما بقدر يتكلم حسيت نفسي على شوية ح اقوم واطير وازغرد من الفرح بس قدامهم مثلتا اني زعلانة وانا من جواي شغالة حفلة ما ح يقدر يتكلم معناها ماف زول ح يعرف بي علاقتي انا وكمال وكدا شغلي ح يسهل وبقدر اشيل منو البيت والقروش وبعدها اخلص منو هو وبنتو للأبد وارتاح ونعيش انا وكمال حياتنا البنتمناها.. خليتهم وطلعتا اتصل على كمال وابشرو بالخبر الحلو دا.. ضربتا ليهو قال لي انا تحت وراء المستشفى تعالي لي سريع.. قلتا ليهو حاضر هسي بجيك.. مشيت ليهو قال لي اها عبد القادر حصل ليهو شنو.. قلتا ليهو اتشلى والدكتور قال ما بقدر يتكلم تاني افرح يعني ما ح ننكشف.. قال لي هسي البفرح في الموضوع شنو ممكن عادي بعد فترة مع العلاج يرجع يتكلم وح ننكشف نحنا محتاجين لي حل جذري للموضوع دا عشان نرتاح وما نكون دائما عايشين في قلق انو ممكن يوم يتكلم ويفضحنا.. قلتا ليهو يعني عايزنا نعمل شنو ما كفاية نحنا وصلناهو للحالة دي.. قال لي ما تكوني كمان بتشفقي عليهو نحنا بالحالة دي بي سببو وطول ما هو لسه عايش نحنا ح نكون في خطر.. قلتا ليهو عايزني اعمل شنو يعني.. قال لي لازم تقتليهو.. قلتا ليهو اقتلو كيف انت جنيت ولا شنو وبعدين لو زول قبضني بروح فيها.. قال لي هو في المستشفى يعني لو مات ماف زول ح يشك في شئ لو جاتو جلطة وثانيا طول ما هو عايش نحنا ما ح نعرف نعيش حياتنا فكري فيها هو العائق الوحيد بينا لو مات ماف شئ تاني ح يفرقنا وح نعيش مع بعض ومبسوطين وما ح نخاف من أنو يجي يوم ويمسكنا.. قلتا ليهو انا ما بقدر اعمل كدا البتطلبو مني دا مستحيل ما بقدر.. قال لي معناها انتي ما بتحبيني ولا عايزة تكوني معاي.. قلتا ليهو ما تقول كدا انت عارف انا بحبك قدر شنو.. قال لي لو بتحبيني كنتي ح تعملي اي شئ عشان نكون مع بعض.. قلتا ليهو انا بعمل اي شئ بس انت منتبه لي نفسك بتطلب مني اني اقتل زول فاهم انت بتقول في شنو.. قال لي اي فاهم انا لو كان بي بيدي كان مشيت هسي وخلصتا عليهو وعشنا مع بعض بس انا غريب لو شافوني أكيد ح يشكو فيني بس انتي مرتو ماف زول ح يشك فيك.. قلتا ليهو لالا انا ما بقدر اعمل كدا.. قال لي لو ما عملتي كدا مستقبلنا ح يضيع وما ح نقدر نكمل باقي حياتنا مع بعض، ايواا انا فهمتي معناها انتي ما بتحبيني زي ما انا بحبك وما عايزانا نكون سوى والا كان نفذتي القلتو ليك.. قلتا ليهو انا اكتر منك بتمنى اننا نكون مع بعض بس ما بالطريقة دي.. قال لي في طريقة تانية وانا ما جربتها عشاني اعملي كدا وخلينا نرتاح من الهم دا.. قلتا ليهو لالا ما بقدر.. قال لي طيب على راحتك واعتبري اي شئ بيناتنا انتهى طالما انتي بتحبي راجلك للدرجة دي وما عايزة تتخلي عنو انسيني وانسي اي شئ عشاناهو وانسي حبك لي وامسحي رقمي وإياك تتصلي لي مرة تانية.. قلتا ليهو كمال عليك الله ما تقول كدا انا ما بقدر اعيش من دونك ولا بتخيل حياتي وانت ما موجود فيها خلاص موافقة ح اتخلص منو.. قال لي حبيبتي انتي جادة.. قلتا ليهو اي جادة انا ما بتحمل خسارتك انتظرني هنا وانا ح اجي واجيب ليك الأخبار الحلوة.. دخلتا المستشفى  اتجهتا على غرفة عبد القادر وانا ميتة من الخوف لمن وصلتا قدام الغرفة ما لقيت أي زول قلتا خلاص دي فرصتي اتخلص منو وماف زول ح يشوفني دخلتا الغرفة عبد القادر اول ما شافني ظهر التعصيب في وشو وعيونو بقت حمر من الخوف قربتا عليهو وخنقتو بي يديني لمن الأجهزة صفرت وظهر في الشاشة انو النبض وقف زحيت منو والممرضات والدكتور جو داخلين طوالي طلعتا بقيت واقفة برة مستنية الدكتور يجي يقول لي انو عبد القادر خلاص مات وارتحنا منو بعد شوية هيام جات ومعاها مرة وبنت ما ركزتا معاهم هيام قالت لي في شنو.. قلتا ليها ما عارفه كنتا عند ابوك فجأة الأجهزة أدت انزار والنبض حقو وقف واحتمال يكون مات.. الصدمة ظهرت في ملامح وشها وانا دا الكنتا بتمناهو بس لمن الدكتور طلع وقال لينا انو حالتو استقرت وما مات انا بقيت مصدومة كيف ما يموت وهو النبض حقو وقف.. رسلتا لي كمال رسالة اني حاولتا اقتلو بس ما نجحتا ولو حاولتا مرة تانية اكيد ح انكشف عشان كدا بلاش الخطة دي ونفكر في واحدة تانية وتكون اضمن وما تعرضنا الاثنين للخطر.. رجعتا البيت اصلا ما فارقة معاي بعد كدا لو عاش ولا مات ما مهم المهم كيف اقدر احصل على البيت والقروش ونعيش انا وبناتي وولدي وكمال مبسوطين ونرتاح من هيام وابوها بقيت بقلبها في رأسي وافكر في خطة واحسبها من كل الجهات عشان ما أقع في مصيبة أكبر من الواقعة فيها دي وللزمن داك هيام لازم تفضل بعيدة عننا وعن البيت عشان انفذ العايزاهو لانو وجودها ح يصعب اي شئ وح يخلي مهمتي شبه مستحيلة.. علوية فكري كويس واعرفي رتبي خطتك مظبوط عشان تكوني انتي الربحانة وبس.........

_______________♥️

انت تريد شئ والله رب العباد يريد شئ آخر ولا لا يحدث إلا ما يقدره الله ويكتبه♥️♥️♥️♥️
 في امان الله♥️
•••••••••••••••••••••••••••••••••••••••••••••••••••••••••••
 

#رحلة~كفاح 《12》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 شهاب:-

انت عارف يا يونس انت ضربتا في وقتك وانقذتني من ورطة كبيرة.. قال لي عشان تعرف قيمتي كويس بس ورطة شنو الانقذتك منها.. قلتا ليهو هسي كنتا واقف مع هيام وبتكلم معاها وغلطتا وسألتها عن ابوها والآثار الفي رقبتو ونسيت انو هي حكت لي محور الكون ما لي شهاب.. قال لي انت الجابرك شنو تكمل في القصة دي ما تمشي تعترف ليها انو محور الكون وشهاب نفس الشخص وترتاح.. قلتا ليهو ح اقول ليها بس ما هسي لمن يجي الوقت المناسب.. قال لي وقتك المناسب دا ما عرفتو بجي متين.. قلتا ليهو انت ضربتا لي كنتا عايز شنو.. قال لي تصدق نسيت ضربتا ليك عشان شنو لمن اتذكر بوريك.. قلتا ليهو خلاص كويس يلا لي بعدين.. مشيت دخلتا المحاضرة بعد طلعنا مجاهد قال لي شهاب ماشي وين.. قلتا ليهو عندي حاجة عايز اخلصها وبلحقكم انتو امشو الكافتيريا وبجيكم.. قال لي حاضر بس ما تتأخر.. مشيت المكتبة كان عندي شوية أوراق طبعتهم وشيتات طلعتهم طلعتا برة الجامعة سلمتا الأوراق لي واحد من الشركة ورجعتا جوة وانا ماشي لي ناس مجاهد شفتا هيام ماشة مع دينا وظاهر عليها مضايقة اول شئ جاء في بالي انو احتمال ابوها يكون جاتو حاجة فتحتا الشبكة ورسلتا ليها عشان اطمن عليها.. لمن حكت لي انو ناس مجاهد هم الحبسوها في الغرفة حسيت الدم بغلي في عروقي من متين هم بتصرفو تصرفات رخيصة للدرجة دي مشيت ليهم وانا ما شايف قدامي من الغضب مهما تكون المشكلة كبيرة بينهم بس ما تصل لي درجة يقفلو عليها في المكتب.. وقفتا قدامهم وضربتا الطربيزة بكل قوتي قلتا ليهم دي شنو التصرفات الانتو بتعملو فيها دي صغار انتو ولا ما بتفهمو.. مجاهد قال لي شهاب عليك الله دا ما وقت مواعظك الفينا مكفينا.. قلتا ليهو دا وقتها المناسب انا كل مرة بقول انكم بتكبرو وتعقلو وتخلو تصرفاتكم دي بس كل مرة انتو بتثبتو لي اني غلطان لي متين انو ح تفضلو كدا انتو قايلين في الدنيا دي ماف زول غيركم وانتو الدنيا بدور حولكم انتو وبس.. ميادة قالت لي انت في شنو يا شهاب وعملنا شنو لي درجة تصرخ فينا وتتكلم معانا بالأسلوب دا.. قلتا ليها يعني ما عارفة عملتو شنو ولا بتستهبلي علي ولا شنو.. قالت لي استهبل لي شنو بالجد انا ما فاهمة انت بتتكلم عن شنو.. قلتا ليها بتكلم عن البنت الحبستوها في المكتب عملت ليكم شنو لمن تتصرفو معاها بالأسلوب دا.. بكل دم بارد قالت لي عملنا كدا عشان هي بتستاهل هي قايلة نفسها منو لمن تتصرف معانا نحنا بالأسلوب دا وتقلل مننا وتحرجنا قدام الناس.. قلتا ليها دا السبب مهما كان العملتو معاكم بس دا ما بسمح ليكم تعملو فيها كدا.. مجاهد قال لي دا ما موضوع بخصك وعلى أساس شنو جايي تدينا أحكام ومواعظ وثانيا بي صفتك منو جاي تدافع عنها موكلنك محامي دفاع ليها.. قلتا ليهو اي موكلني محامي دفاع ليها لانو ولا واحد منكم ح يقبل لو اتصرفو معاهو بالطريقة دي لنقول انكم ما فكرتو فيها طيب ما فكرتو في أهلها ح يحصل ليهم شنو لو في اليوم داك ما رجعت البيت وهم ما عارفين هي وين ولا حاصل عليها شنو وهل هي كويسة ولا لا ولا ما فكرتو في احساسها وهي محبوسة في مكان براها وبتكورك وماف زول سامعها ولا زول جايي يساعدها انتو مصنوعين من ياتو طينة.. مجاهد قال لي عليك الله ما تقعد تعمل لينا فيها الشريف الرضي اي نحنا العملنا فيها كدا وما ندمانين ولو رجع بي الزمن بعمل فيها كدا واكتر لأنها بتستاهل وبعدين بتعرفها من متين لمن بتهتم بيها وبي البحصل ليها انت خليك في شغلك الأحسن ونحنا بنعمل العايزنو.. سارة قالت لي شهاب انت مكبر الموضوع على شنو كلها مزحة صغيرة ما فيها حاجة.. قلتا ليها ما فيها حاجة بالنسبة ليكم انتو وانا اول واخر مرة بحزركم هيام تبعدو عنها خالص وحركاتكم البايخة والسخيفة زيكم دي اعملوها لي زول تاني.. هشام قال لي شهاب انت في شنو ومهتمي بالبنت دي زيادة عن اللزوم لي شنو انت ملاحظ انك دي اول مرة تتكلم معانا بالأسلوب دا وكلو بي سببها.. قلتا ليهو انا بتكلم معاكم بالأسلوب دا لأنكم غلطو وما راضيين تعترفو بي غلطكم انتو ما نفسكم اصحابي الانا بعرفكم متين بقيتو كدا وقلوبكم قاسية للدرجة دي.. هشام قال لي نحنا قلوبنا ما قاسية بس هي غلطت علينا وكان لازم تدفع ثمن غلطها الموضوع بالبساطة دي.. قلتا ليهم مجاهد، ميادة، سارة، وهشام كلكم انا بحزركم لي اخر مرة هيام ح تبعدو عنها والحصل بينكم خلاص انتهى وتاني ما يتكرر منكم تصرف زي دا انا اتجاهلتا تصرفاتكم واغلاطكم كتير وخلاص طفح الكيل منكم وتاني تعملو اي تصرف غلط ولو حتى صغير اتأكدو انكم ح تخسروني وانا ما بشرفني اعرف واصاحب ناس بعتبرو انو اذيت الناس شئ عادي وعلى ما اعتقد كلامي فهمتو واستوعبتو وما مضطر اكررو مرة تانية ومشيت خليتهم.. صراحة انا المرة دي اتمليت منهم وعصبتا شديد كل مرة كنتا بفوت ليهم وبصلح من وراهم كل ما يغلطو وبقول بتعلمو وبعقلو بس كل مرة بثبتو لي اني غلطان.. في عز تعصيبي تلفوني ضرب طلع دا شادي رديت عليهو قال لي والفرحة باينة من نبرة صوتو شهاب انا بقيت اب آمنة ولدت وانا بقيت اب واخيرا وانت بقيت عم.. قلتا ليهو قول والله.. قال لي والله العظيم انا ما قادر أصدق اني بقيت اب.. قلتا ليهو الف الف الف مبروك ليك ويتربى في عزنا ان شاء الله، اها ولد ولا بنت.. قال لي اللهم اميين وعقبال نشوف أولادك يارب، جاني أمير صغير وحلو.. قلتا ليهو ربنا يجعلو من البارين المستورين والحافظين لكتابه يارب.. قال لي اللهم اميين يارب، يلا تعال سريع منتظرنك.. قلتا ليهو حاضر اخلص سريع وبجيكم انتو في ياتو مستشفى.. قال لي في مستشفى... قلتا ليهو ساعة ساعتين كدا وبكون معاكم وقفلتا.. دي نفس المستشفى الفيها ابو هيام قلتا كان خلصت عشان اوصلها معاي طالما طريقنا واحد ضربتا ليها ما ردت رسلت لي رسالة انا دخلتا المحاضرة بعد اطلع برجع ليك.. قلتا ليها بعد تخلصي ما تمشي محتاجك في موضوع.. قالت لي حاضر.. بعد روقتا شوية دخلتا المحاضرة الثانية خلصناها وطلعتا لقيت مكالمة من هيام التلفون خليتو صامت لمن دخلتا المحاضرة رجعتا ليها قلتا ليها انتي وين.. قالت لي برة جنب البوابة.. قلتا ليها خلاص خليك مكانك هسي بجيك.. قالت لي حاضر.. مشيت ليها لقيتها واقفة مع دينا بعد سلمتا عليهم قلتا ليها انتي ماشة لي ابوك في المستشفى صح.. قالت لي اي صح.. قلتا ليها طيب خليني اوصلك اصلا ماشي هناك.. قالت لي عافية أن شاء الله عندكم زول عيان.. قلتا ليها لالا بس زوجة اخوي الليلة ولدت وماشي ازورهم.. قالت لي ألف مبروك ويتربى في عزكم.. قلتا ليها اميين يارب.. دينا قالت لي ألف مبروك ليكم وانا بستأذن منكم بعد كدا.. قلتا ليها خلينا نوصلك.. قالت لي لالا طريقي ما نفس طريقكم وبعدين انا ابوي جايني.. هيام قالت ليها خلاص لمن تصلي طمنيني عنك وسلمي على خالتو حنان.. دينا قالت ليها يوصل ان شاء الله ومشت.. قلتا لي هيام نمشي بعد كدا.. قالت لي اي.. ركبنا العربية واتحركنا وتلفونها كل شوية بضرب وهي بتصمتو قلتا ليها ظاهر أنو في شئ ضروري عشان كدا الاتصال اتكرر ردي.. قالت لي لالا ما عايزة ارد دي مرة ابوي وعمي وما عايزة اتكلم معاهم.. قلتا ليها لي شنو احتمال يكون في شئ ضروري بخصوص ابوك ردي عليهم.. قالت لي ما عايزة ارد ولو كان في شئ بخص ابوي الدكتور كان اتصل علي.. قلتا ليها مش مرة أبوك معاهو الدكتور يكلمك لي شنو، قلتا ليها كدا عشان انسيها سؤالي واخليها ما تركز اني عارف اي شئ.. قالت لي لاني غيرتا ليهو غرفتو وماف زول عارف غرفتو الجديدة غير انا والدكتور والممرضين بس.. قلتا ليها ولي شنو دي مرتو واخو ومن حقهم يعرفو ويطمنو عنو.. قالت لي انا بعمل كدا عشان احميهو.. قلتا ليها تحميهو من اقرب الناس ليهو.. قالت لي اي.. قلتا ليها طيب السبب شنو.. حكت لي الحاصل كلو.. قلتا ليها يا ساتر ياخ دي سلامة كبيرة انو طلع منها بخير بس انتي اخدي حزرك بس لي متين ح تفضلي تحميهو كدا وانتي شغالة جامعة وبتشتغلي في نفس الوقت.. قالت لي بلقى ليها حل بس هسي الأولوية عندي اني احمي ابوي.. عشان اغير الموضوع والحمدلله انها ما اتذكرت كلامي حق جبيل قلتا ليها انتي بتعرفي في أغراض الأطفال وخصوصي الاولاد صح.. قالت لي اي بعرف لاني عندي ولد وانا بشتري ليهو كل حاجاتو.. قلتا ليها حلو طيب ممكن اطلب منك طلب.. قالت لي اي اتفضل.. قلتا ليها عايز اشتري هدية لي ولد اخوي وأنا صراحة ما بعرف في الحاجات دي ممكن تساعديني.. قالت لي طوالي بساعدك بس ما حاسي انو لسه بدري شوية.. قلتا ليها لالا ما بدري دا اول ولد لينا ولازم ندلعو.. قالت لي طيب دلعو.. قلتا ليها انتي ولدك عمرو كم سنة.. قالت لي 5 سنوات.. قلتا ليها ربنا يحفظو ويخلي ليك.. قالت لي اللهم اميين يارب.. مشينا دخلنا أقرب مول قدامنا وخليتها تختار لي ولد شادي الهدية وقلتا ليها شيلي هدية معاك لي ولد عمرو 5 سنوات.. قالت لي لي شنو.. قلتا ليها ساي بس انتي اختاري.. قالت لي حاضر.. بعد خليتها تختار الهدايا مشيت دفعتا الحساب وطلعنا مشينا المستشفى لمن كانت عايزة تنزل مديت ليها كيس الهدية.. قالت لي مديني ليهو لي شنو.. قلتا ليها دي هدية بسيطة لي ولدك.. قالت لي ماف داعي جبتها لي شنو.. قلتا ليها في داعي وكان ما شلتيها معناها انتي ما معتبراني صديقك.. قالت لي القصة ما كدا بس.. قلتا ليها ما بس ولا شئ شيليها.. قالت لي شكرا ليك.. قلتا ليها ولو العفو.. وطوالي نزلت ومشت وانا نزلتا ضربتا لي شادي سألتو عن رقم الغرفة الموجودين فيها وطلعتا ليهم باركتا ليهم واديتهم الهدية.. آمنة زوجة شادي قالت لي لي شنو تعبتا نفسك.. قلتا ليها ماف اي تعب والله وما تنسي دا ولدنا الأول وبقاني عم لي اول مرة.. قالت لي كويس بس انا متأكدة انو الزوق دا ما زوقك انت خليت منو يشتريها ليك.. قلتا ليها واضح للدرجة دي انو زوقي ما حلو.. قالت لي ما كدا بس أغراض الأطفال حديثي الولادة ما اي زول بعرف يختارها بي عناية وخصوصاً انتو الرجال وظاهر انو الاختارتها دي ام.. قلتا ليها كلامك صح.. قالت لي طيب دي منو الاختارتها.. قلتا ليها سر.. قالت لي من متين في أسرار بيناتنا.. قلتا ليها من هسي ولمن يجي الوقت المناسب بوريك.. قالت لي كويس نشوف وقتك المناسب دا بجي متين.. طلعتا قعدتا مع ناس امي برة.. شيماء اختي قالت لي شفتا البيبي صغير وحلو كيف.. قلتا ليها اي شفتو زي القمر.. قالت لي بس صغير شديد.. قلتا ليها انتي زاتك لمن ولدوك كنتي قدرو كدا وهسي شوفي كبرتي وبقيتي زي القمر.. قالت لي انت لي كدا.. قلتا ليها كدا كيف.. قالت لي حنون وظريف ولطيف وبتعاملني بي طريقة حلوة.. قلتا ليها لانو دا واجبي وما تنسي انو ربنا سبحانه وتعالى والرسول صلى الله عليه وسلم وصونا عليكم وانو لازم نحافظ عليكم لانو انتو احلى شئ في الدنيا.. قالت لي انت عارف انا بحبك شديد.. قلتا ليها وانا بحبك.. شادي جاء قال لينا شنو الخيانة الحاصلة من وراي دي.. قلتا ليهو ماف اي خيانة في حب اخ لي اختو بس.. قال لينا وانا ما لي نصيب في الحب دا ولا شنو.. شيماء قالت ليهو اكيد ليك نصيب انت اخونا الكبير ما تنسى.. امي قالت لينا الله يديم المحبة بينكم دائما يارب.. قلنا ليها اللهم اميين ويخليك لينا وما يحرمنا منك.. قالت لينا اميين يارب...........

_______♥️_______

من جانبي:-

لمن شهاب قال لي اختار هدية لي ولد عمرو 5 سنوات نهائي ما جاء في بالي انو ممكن يكون جايبها لي باسل ما عارفه اقول شنو عن شهاب دائما بخجلني بي كرمو وفي كل مرة بساعدني حتى من غير ما اطلب منو وبسمع مشاكلي مع انو ما مضطرة على شئ زي دا كان بإمكانو يتجاهل اي شئ وما يهتم بالحاصل معاي بس هو اختار انو يسمعني ويساعدني ما عارفة هو لي بعمل كدا بس تصرفو عجبني وبسطني.. مشيت لي الدكتور طمني على وضع ابوي وقال لي انو بكرة  بقدر اخرجو من المستشفى شكرتو ومشيت شفتا ابوي وقعدتا معاهو تلفوني ضرب رديت دي امي قالت لي طمنيني عليك انتي كويسة وابوك بقى كيف.. قلتا ليها نحنا كويسين الحمد لله وابوي بكرة مخرجنو.. قالت لي حمد لله على السلامة.. قلتا ليها الله يسلمك، بابا جمال واخواني كيف.. قالت لي كويسين الحمد لله وبسلمو عليك.. قلتا ليها الله يسلمهم.. قالت لي انا جايك عايزة حاجة.. قلتا ليها اي جيبي لي معاك ملابس واللابتوب حقي في غرفتي جيبي لي معاك وجيبي باسل معاك.. قالت لي حاضر مسافة الطريق وبنكون معاك.. قلتا ليها طيب في انتظاركم وقفلتا.. بقيت بفكر انا ح أقبل بالشغل العرضو علي شهاب لانو بعد الحصل مع ابوي صعب يرجع يشتغل تاني وح يكون في مصاريف علاجو وجامعتي وباسل ودا غير مصاريف البيت واخواني ماف زول بعد ابوي بقدر يهتمة بيهم غيري انا عشان كدا ح احاول أوافق بين الجامعة وشغل المطعم والشغل مع شهاب في الشركة لانو غير كدا ما بقدر الحق على كل المصاريف وانا معتمدة على شغل واحد.. يارب ساعدني اقدر اتحمل المسؤولية دي واكون قدرها يارب اديني القوة والصبر عشان اعدي الفترة الصعبة دي يارب.. بعد مسافة امي ضربت لي قالت لي انا قدام غرفة ابوك بس هو ما فيها انتو وين.. قلتا ليها انا نسيت اكلمك غيرنا الغرفة، وصفتا ليها مكان الغرفة الجديدة جاتني بعد سلمت علي قالت لي غيرتو الغرفة.. قلتا ليها بحكي ليك بعد شوية.. بسولي حبيب ماما انا اشتقتا ليك.. قال لي وانا اشتقتا ليك شديد يا ماما انتي ما عايزة ترجعي البيت.. قلتا ليهو حبيبي بكرة راجعين البيت.. قال لي أوليه يعني ما ح تقعدي في المستشفى تاني.. قلتا ليهو اي ح نرجع البيت، واتفضل دي هدية جابها ليك عمو شهاب.. قال لي عمو شهاب دا منو.. قلتا ليهو دا زميلي في الجامعة، بعدين بديك تشكرو كويس.. قال لي كويس.. قلتا ليهو هسي امشي هناك العب بيها انا وحبوبة عايزين نتكلم في موضوع مهم.. قال لي حاضر ومشى.. امي قالت لي شهاب دا منو وزميل شنو كمان وبي صفتو منو بجيب لي ولدك هدية.. قلتا ليها امي روقي شوية اولا شهاب زميلي في الجامعة وثانيا هو الكان وصلني يوم بابا جمال عمل حادث وبرضو لمن ابوي جاتو جلطة هو الجابني المستشفى ما قصر والله وثالثا جاب لي باسل هدية لانو كان مشينا مول عايز يشتري لي ولد اخو هدية واشترى لي باسل معاهو دي كل القصة.. قالت لي حتى ولو متين علاقتكم بقت قوية لمن يجيب لي ولدك هدية وتمشي معاهو موالات كمان.. قلتا ليها امي انتي لي مكبرة الموضوع كدا ما فيها شئ وهسي دا ما مهم عايزة اقول ليك اني ح ارجع بيت ابوي اقعد معاهو.. قالت لي انتي مجنونة ولا شنو البرجعك تقعدي مع الحرباية علوية شنو ما ح اسمح ليك والموضوع انتهى.. قلتا ليها امي اسمعي اول انا عايزة اقول شنو.. قالت لي ما عايزة اسمع اي شئ ما ح تمشي والموضوع منتهي.. قلتا ليها يا أمي أنا ماشة اقعد معاهو عشان في زول حاول يقتل ابوي في المستشفى.. قالت لي كيف يعني حاولو يقتلوهو انتي مستوعبة نفسك بتقولي في شنو.. حكيت ليها الحصل كلو قلتا ليها عشان كدا انا ضروري ارجع البيت عشان اعرف الحاول يقتلو منو وضروري احميهو امي افهميني انا ما عايزة اخسر ابوي.. قالت لي برضو لكن انا ما قنعانة منك والحاول يقتل ابوك ما بعيد يحاول يقتلك انتي برضو.. قلتا ليها امي انا بعرف احمي نفسي كويس بس انا خايفة على ابوي وضروري اكون جنبو عشان اعرف دا منو وعايز منو شنو.. قالت لي انا ما مطمنة نهائي لي قعدتك معاهم بس دا في النهاية ابوك وما بقدر اقول ليك ما تمشي ليهو بس باسل ح يقعد معانا.. قلتا ليها اصلا ح اخلي معاكم انا بخاف عليهو يعملو ليهو شئ عشان كدا ح يقعد معاكم وانا كل يوم بجيكم بي هناك.. قالت لي برضو خلي بالك من نفسك وانتبهي كويس وإياك تأكلي أو تشربي شئ انتي ما عاملاهو بي يدك ومتأكدة انو نضيف ما فيهو شئ.. قلتا ليها حاضر يا أمي.. قالت لي بعد كدا نحنا نمشي عشان ما تتأخر.. قلتا ليها حاضر خلي بالك من نفسك.. قالت لي وانتي كمان.. وودعتا باسل وطلعو مشو فتحتا لابتوبي وبديت شغل على المشروع القالو لي شهاب قعدتا لي الفجر حتى خلصتو قمتا صليت ونمتا شوية.. تاني يوم من الصباح خلصتا إجراءات الخروج وطلعتا ابوي من المستشفى ووديتو البيت اتفاجأتا بي عمي وعماتي ومعاهم جلال في البيت دخلتا ابوي غرفتو جيت قعدتا معاهم.. قلتا لي جلال انت الجابك هنا شنو.. قال لي جيت عشان ارجعك على ذمتي..............

______________♥️

جايلي بتقول اني ارجعك.. ارجع على ايه ولمين وازاي.. ارجع علشان تقتلي الجاي.. ارجع واصف واقول بقى غير وانا عارفة طبعاك قاسية ازاي.. قلاب، نساي، ولا فيك ميزة وبتعشق قلب الطربيزة.. لو يعني ح احن وامنلك وانسالك كل العملتو فانا عمري ما هنسى شعوري معاك خلتني شيطانة في عين نفسي وانت الملاك💔💔
"فارس قطرية "
 في امان الله♥️
•••••••••••••••••••••••••••••••••••••••••••••••••••••••••••
 

#رحلة~كفاح 《13》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قلتا لي جلال انت الجابك هنا شنو.. قال لي جيت عشان ارجعك على ذمتي...... قلتا ليهو ترجع منو.. قال لي ارجعك انتي زوجتي تاني.. قلتا ليهو انت ظاهر عليك جنيت صح ولا بستهبل دي منو البتقبل ترجع لي واحد ذيك في زول بشوف الأرض الناشفة وبدخل في الطين تاني، انا ما بقبل ارجع ليك وهسي اطلع من البيت دا سريع.. عمي الصادق قال لي يا بتي عيب البتعمليهو دا.. قلتا ليهو عيب انتو لسه ما شفتو العيب انا هسي محترماهو عشان هو في بيتنا والا كان عندي معاهو تصرف تاني.. عمي قال لي اسمعي عايز يقول شنو وبعد كدا قرري وما احسن ليكم ترجعو لي بعض.. قلتا ليهو عمي انت سامع نفسك بتقول في شنو ارجع لي منو انا الموت أهون لي من اني ارجع ليهو وما عايزة اسمع ولا كلمة منو وقراري ما ح اغيرو ما عايزة ارجع ليهو وماف زول بقدر يجبرني اني ارجع ليهو وهسي اطلع من بيتنا سريع.. جلال قال لي صدقيني ح تندمي على كل كلمة قلتيها لي.. قلتا ليهو أنت ما بتعرف غير تتكلم على الفاضي بس ولو فاكر اني ح اخاف منك ح تكون غلطان وهسي لو عندك باقي كرامة بتطلع من البيت دا وما عايزة اشوف صورة وشك مرة تانية.. قال لي ح نتواجه وطلع.. عمي قال لي ليه اتصرفتي معاهو كدا هو جاء وعايز يصلح البينكم ويرجعك تردي عليهو بالشكل دا.. قلتا ليهو عمي انت ما عارف شئ عشان كدا ما تحكم علي والموضوع دا ما عايزاهو يتفتح مرة تانية.. قال لي دا اسلوب شنو البتتكلمي بيهو دا وانا شايفك الايام دي بتتصرفي من نص رأسك وما خاتة اعتبار لأي زول ولا محترمانا.. قلتا ليهو انا ما قللتا من احترام اي زول بس ما بسمح لي زول يدخل فيني وفي تصرفاتي وقراراتي.. قال لي ماف زول ادخل في قراراتك بس كونك تنقلي ابوك غرفة تانية وما تورينا وانك تمنعينا نشوفو دا ما قرار بخصك ابدا.. قلتا ليهو لو بخص سلامة ابوي معناها من حقي أقرر.. قال لي سلامتو مالنا ح نأذيهو يعني.. قلتا ليهو احتمال ما عارفة.. قال لي كيف يعني ما عارفه.. قلتا ليهو عديل كدا ابوي لمن كان في المستشفى في زول حاول يقتلو وانا بحاول احميهو لاني ما عارفه العمل كدا منو عشان كدا مشيت فتحتا بلاغ وابوي طول ما هو في البيت لو حصل ليهو اي شئ ومهما كان صغير ح تكونو انتو المتهمين الوحيدين.. عمي قال لي انتي سامعة نفسك بتقولي في شنو معقوله نحنا نحاول نقتل اخونا انتي جنيتي ولا شنو.. قلتا ليهو ما جنيت ولا شئ وانا ما عارفه منو فيكم عايز يقتلو ولي شنو.. عمتي سلوى قالت لي انتي جنيتي حقيقي كيف يعني نقتلو.. قلتا ليها ما عارفة وهدي انا بحزركم كلكم ابوي طول قعدتو في البيت دا لو جاتو حاجة انتو المسؤولين الوحيدين وفي أول غلط ليكم الشرطة ح تجي وتعتقلكم كلكم.. عمتي محاسن قالت لي انتي اكيد ما طبيعية ومحتاجة تمشي لي دكتور يفصح مخك دا فيهو شنو واصلا غلطانين نحنا البنجي هنا ونسمع الكلام الفارغ دا.. عمي قال لي قريب ح تفهمي انك ظلمتينا بي كلامك دا لانو ماف زول ح يحب اخونا ويخاف عليهو اكتر مننا وقاموا طلعو.. مرة ابوي ما قالت اي شئ وفضلت تعاين لي بس.. انا كذبتا عليهم ما مشيت فتحتا اي بلاغ بس لو ما عملتا كدا ما ح يخافو ويبعدو عنو أصعب إحساس انك تكون شاكي في كل الحولينك وما عارف تصدق منو وتشك في منو حتى اقرب الناس ليك انت ما قادر تثق فيهم وتأمن ليهم، الشك لمن يدخل قلب زول بخرب ويدمر اي شئ حلو جواهو وبخليهو ما عارف يثق في منو وما يثق في منو بكون جوة دوامة وما عارف يطلع منها كيف.. بقيت بفكر فترة انا بكون في الجامعة وبعدها في الشغل اخلي ابوي مع منو يهتمة بيهو ويديهو الأدوية ويأكلو بعد مسافة اتذكرتا انو عندنا ولد جيرانا اسمو سمير كان قرأ كورس بتاع تمريض وفتح دكان قريب مننا في الأول اترددتا امشي ليهو ولا لا بس مسافة قررتا امشي ليهو وفي النهاية انا ما خسرانة شئ اجرب حظي ونشوف لو بقبل مشيت ليهو وسلمتا عليهو.. قال لي اتفضلي عايزة شنو.. قلتا ليهو ما عايزة حاجة بس ممكن اطلب منك طلب.. قال لي لو بقدر اساعدك اكيد قولي.. قلتا ليهو انت عارف بالحصل مع الوالد والفترة الجاية محتاج زول يكون معاهو ويساعدو وانا شغالة جامعة واليوم كلو ما موجودة في البيت فلو بتقدر تهتم بيهو وتديهو الأدوية حقتو وتساعدو تكون ما قصرتا ولو ما بتقدر ما مشكلة.. قال لي اكيد بساعدك عمو عبد القادر العملو معاي ما هين ودي فرصة عشان ارد ليهو شوية من جمايلو علي.. قلتا ليهو شكرا ليك وبالنسبة لي الاكل انا ح اجهزو ليك والأدوية بكلمك بي مواعيدها ولو احتاجتا لي اي شئ بس اتصل علي دا رقمي وشلتا رقمو ومشيت البيت.. دخلتا المطبخ جهزتا لي ابوي الاكل اكلتو واديتو الأدوية وحولتو لي الديوان بالكرسي المتحرك عشان سمير ما يضطر يدخل جوة البيت ويزعجهم.. سألتا مرة ابوي قلتا ليها انتي أولادك وين.. قالت لي مشو بيت ناس حبوبتهم.. قلتا ليها ما عارفين ابوي حصل ليهو شنو.. قالت لي لالا ما عارفين ما حبيت اخوفهم واصلا هم بكرة جايين بي رواقة بكلمهم.. خليتها ودخلتا غرفتي نضفتها وبخرتها نسيت اعرفكم على اولاد ابوي الكبيرة اسمها هالة وعمرها 16 سنة بعدها نور عمرها 10 سنوات وأصغر واحد هادي عمرو 7 سنوات ممكن اقول انو هادي من اقرب اولاد ابوي لي وبحبو اكتر واحد فيهم وهو برضو بحبني..

بعد العصر اتجهزتا وماشة المطعم عشان ارجع لي شغلي كفاية اجازة بعد كدا وشلتا لابتوبي معاي عشان اوري شهاب الشغل العملتو، ضربتا لي سمير قلتا ليهو بعد ساعة تجي تأكل ابوي وتديهو الأدوية.. قال لي حاضر.. طلعتا مشيت المطعم.. سميرة قالت لي كيفك واشتقتا ليك.. قلتا ليها انا كويسة الحمد لله والشوق كتير.. قالت لي ابوك بقى كيف.. قلتا ليها احسن الحمدلله.. ادتني ظرف قالت لي دا مرتبك قبل يومين وزعوها وعشان ما عارفتا اصل ليك كيف.. قلتا ليها شكرا ليك ما قصرتي، استاذ يونس قاعد.. قالت لي اي قاعد.. مشيت ليهو في المكتب دقيت الباب ودخلتا.. قال لي اووو هيام كيفك.. قلتا ليهو كويسة يا استاذ انت كيف.. قال لي انا كويس الحمد لله اها الوالد بقى كيف.. قلتا ليهو احسن الحمدلله وخرجتو من المستشفى.. قال لي ربنا يتم عافيتو أن شاء الله.. قلتا ليهو أن شاء الله، ممكن اطلب منك طلب.. قال لي اتفضلي.. قلتا ليهو لو ما عندك مانع ممكن اخد راتبي على أجزاء يعني كل نهاية اسبوع اصرف.. قال لي اكيد ماف اي مانع واصلا نحنا بنخلي الموظف يحدد عايز مرتبو كل أسبوع أو اسبوعين أو كل شهر لانو زي ما عارفة الناس ظروف ونحنا قدر ما نقدر بنحاول نراعي لي الظروف دي.. قلتا ليهو شكرا ليك كتير.. قال لي ولو العفو.. طلعتا برة ربنا لمن يحب يفتحها على زول وييسرها ليهو بي ابسط الأسباب ح تفرج الضيق الهو فيهو سبحان الله كنتا شايلة هم اني كيف اقنع استاذ يونس انو يقبل يصرف لي مرتبي كل أسبوع عشان اقدر الحق كل المصاريف العلي بس بفضل الله وتيسيره اتفرجت من غير ما اتعب ربنا سبحانه وتعالى كريم شديد وكل ما يتقفل في وشك باب بفتح ليك بدلو الف باب وباب.. انا ك هيام لو زول قبل 6 شهور قال لي اني ح ارجع اقرأ جامعة واشتغل واعتمد على نفسي كنتا ح اضحك على كلامو واقول ليهو انو دي مجرد احلام ما اكتر بس هسي أحلامي دي اتحولت لي واقع انا عايشاهو انا بحمد ربنا الف مرة انو انقذني من جلال واداني القوة عشان ارجع ابدأ حياتي من اول وجديد واحقق أحلامي وطموحاتي واعيش عشان نفسي وثانيا عشان ولدي.. بديت اشتغل وانا متحمسه ومبسوطة بس فرحتي ما تمت جو شلة البرجوازيين على المطعم مشيت ليهم عشان اخد الطلب.. واحدة من البنات قالت ليهم شايفين امبارح في الجامعة بتكبر في الكلام وعاملة نفسها عندها برستيج وهسي شوفي شغالة خدامة في المطعم.. البنت الثانية قالت ليها اصلا الزيها دا مستواهم خدامات ما عارفة كيف العميد قبل واحدة زيها تقرأ معانا في نفس الجامعة.. عاينتا ليهم من فوق لي تحت قلتا ليهم انتو لسه بتفكرو بالعقلية الرجعية دي صدق القال القلم ما بزيل بلم انتو بتقرو جامعة على شنو وعاملين نفسكم مثقفين وانتو لسه بتقيمو الزول بي شغلو وقروشو والعربية السايقها وثانيا انتو على أساس شنو جايين تنظرو علي على الأقل انا بشتغل وبكسب مصروفي من تعبي ما زيكم بشيلو جاهز من ابوي عليكم الله انتو ما بتخجلو كبار طول وعرض ولسه الواحد بشيل مصروفو من ابو زي شافع الروضة انتو لو عايزين تأكلو وتشترو ملابس الا تشيلو قروش من اهلكم يخسي شوية شفع جايين يتبوبرو بي قروش أهلهم انتو البنات انا ممكن اعزركم تشيلو من أهلكم بس الخيبة على المفروض انهم رجال وبشيلو قروش أهلهم لسه انتو المفروض تخجلو ما انا ومشيت خليتهم.. مشيت قلتا لي سميرة تمشي تشوف هم عايزين شنو خربو لي مزاجي بي جيتهم.. بعد مسافة شهاب جاء قعد وجبتا ليهو طلبو وسألني من ابوي بقى كيف قلتا ليهو الليلة خرجتو وديتو البيت.. قال لي كويس والله ربنا يتم عافيتو.. قلتا ليهو أن شاء الله يارب، جبتا اللابتوب حقي ووريت شهاب الشغل العملتو.. قال لي صراحة أبدعتي نهائي ما اتوقعتا يطلع معاك بالطريقة الحلوة دي.. قلتا ليهو شكرا ليك وعايزة اقول ليك اني موافقة اشتغل معاكم بس بشرط اني ح اواصل شغلي في المطعم عادي.. قال لي ما عندي مشكلة بس ما شايفاها صعبة عليك جامعة وشغلين.. قلتا ليهو هي صح صعبة بس انا ح اقدر عليهم.. قال لي انتي متأكده ح تقدري على الاثنين انا مقدر انك محتاجه لي الشغل وخصوصا بعد الحصل لي ابوك والمسؤولية كلها بقت على كتفك انتي بس دا ما ببرر ليك انك تهلكي نفسك بالطريقة دي.. قلتا ليهو انا لو ما كنتا متأكدة اني ح اقدر عليهم ما كان وافقت اني اشتغل معاكم خليك واثق فيني وانا بحل كل شئ.. قال لي طيب بس لو حسيتي نفسك ما ح تقدري تكملي في الشغل كلميني.. قلتا ليهو حاضر.. كملتا شغلي ورجعتا البيت سلمتا على ابوي واتأكدتا انو اخد ادويتو طوالي دخلتا غرفتي ورقدتا نمتا، تاني يوم مشيت الجامعة ولقيت منزلين لينا جدول امتحانات الميد تيرم {امتحانات نص السمستر} خفتا شديد لاني ما مجهزة نفسي كويس ولا قارية عديل لاني الفترة الفاتت كنتا مضغوطة.. دينا قالت لي هسي ح نعمل شنو والامتحانات قربت وضروري نضمن درجات الامتحان دا عشان معدلنا يكون عالي.. قلتا ليها ما تخافي أن شاء الله ح تتسهل وح نجيب معدلات عالية

مرو اسبوعين وانا في الأسبوعين ديل بقيت ما فاهمة اي شئ من الصباح بصحى اتجهز امشي اسلم على ناس امي واطمن على باسل وبعدها امشي الجامعة اخد محاضراتي ولو في امتحان بمتحن وطوالي بمشي المطعم اشتغل وكل ما لقيت زمن فاضي بقرأ شوية عشان ألحق وبعدها أرجع البيت اطمن على ابوي وطوالي بقعد اشتغل على التصميم الداخلي ومرات برسم التصميم اول في الورق حتى اظبطو في اللابتوب في اليوم بالكتير بنوم من 3لي4 ساعات بس عشان اقدر ألحق على كل شئ وما أقصر.. بقيت احس نفسي كأني روبوت بشتغل 24 ساعة من غير ما يقيف من جهة شغل ومن جهة جامعة وقراية كل شئ جاء فوق بعضو ومرض ابوي زاد على المسؤولية وبقت مصاريف البيت واخواني علي انا وماف زول بساعدني أو الأصح انا ما بقبل مساعدة من زول حتى اخواني عمار وعامر لمن حاولو يساعدوني انا رفضتا الشئ دا وبالسبب دا زعلو مني وبقو ما بتكلمو معاي بس انا متأكدة لو كان ابوي في مكاني ما ح يقبل هو صح ما ببين لي بس حاسة بيهو انو مضايق من اني بشتغل وبصرف عليهو وهو قاعد بس نعمل شنو هو في وضع ما بسمح ليهو انو يشتغل وانا بصرف عليهو زعلان فكيف لو عرف انو غيري بصرف عليهو اكيد ح يضايق اكتر واكتر.. وفي الفترة دي دينا وشهاب ما قصرو معاي نهائي ووقفتهم معاي ما بنساها ليهم ابدا دينا دائما كانت بتلخص لي المحاضرات وبتشوف الحاجات المهمة وبطلعها لي عشان اقرأ وشهاب في كل يوم بقعد يشرح لي ويحفظني المواد ومرات حتى وانا شغالة بكون واقف معاي وبحفظني ويشرح لي، هم اكتر اثنين وقفو معاي ودعموني وكل ما احس اني خلاص تعبتا بدوني دفعة إيجابية وبحفزوني ويرفعو لي من معنوياتي.. في يوم كان مفروض أقدم التصميم الداخلي حق البنايات الصممها شهاب وكنتا طول الأسبوعين الماضيين شغالة فيهو واخيرا خلصتو وح أقدم العرض الليلة قمتا من الصباح بدري اتجهزتا وجيت اراجع التصميم من اول وجديد عشان ما اكون نسيت حاجة او غلطتا في شئ لقيت الملف الخاتة فيهو التصميم ماف فتشتا اللابتوب كلو ما لقيتو اكيد في زول دخل وهبش اللابتوب دا مشيت لي مرة ابوي وبناتها قلتا ليهم الدخل غرفتي وفتح اللابتوب بتاعي وحذف الملف منو، كلهم سكتو وماف زول فيهم ردة علي.. قلتا ليهم بصوت عالي الدخل غرفتي وفتح لابتوبي منو جاوبوني سريع.. هادي قال لي انا جبيل شفتا هديل دخلت غرفتك لكن ما عارف لو فتحت لابتوبك ولا لا.. قلتا ليها هديل انتي الدخلك غرفتي شنو.. قالت لي كنتا حابة اعرف انتي بتسوي في شنو وبالغلط اتمسح.. قلتا ليها ياخ انتي مالك ومال انا بسوي في شنو بتدخلي في موضوع ما بخصك لي شنو، مسكتا يدها ولويتها ليها قلتا ليها تاني تهبشي حاجة من حاجاتي يدك دي بكسرها ليك فاهمة إياك تقربي على حاجة بتخصني.. مرة ابوي قالت لي فكي لي يد بتي ح تكسريها.. قلتا ليها أن شاء الله تنكسر عشان تاني ما تهبش حاجاتي ياخ انا اسبوعين بتشغل ليل ونهار عشان منو ما عشانكم انتو انا مجبورة بيكم اكيد لا طيب انتو ليه بتعملو كدا ح تستفيدو شنو لمن تضروني بالطريقة دي أن شاء الله تكونو مبسوطين بالعملتو خليتهم ودخلتا غرفتي قعدتا ابكي هسي انا اقول لي شهاب شنو ولا اقول للعملاء المنتظرين التصميم شنو بي ياتو عين بقدر اقيف قدامهم واقول ليهم انو التصميم التعبتا عليهو طول اسبوعين راح في الهواء واتمسح يارب اعمل شنو والحل شنو.. تلفوني ضرب لقيتو دا شهاب ما قدرتا ارد عليهو وكان رديت اقول ليهو شنو.. بعد مسافة رسل لي رسالة قال لي المستودات الرسلتيها لي اتمسحت وكنتا عايزة اقول ليك ترسليها لي تاني بس اتذكرتا اني نسختها عشان كدا اتصلتا عليك.. نسخة صحي انا امبارح لمن راجعتا التصميم عملتا منو نسخة عشان لو حصلت اي مشكلة ارجع ليها يارب تكون موجودة فتشتا في الملفات لقيت نسخة من التصميم سجدتا سجدة شكر  حمدتا ربنا انو تعبي طول الأسبوعين الفاتو ما راح على الفاضي مسحتا دموعي وقمتا صليت ركعتين شكر واتأكدتا من التصميم مرة تانية وانو مكتمل قمتا لميت اغراضي ومشيت لي ابوي صبحتا عليهو وقلتا ليهو ادعي لي لانو اليوم دا مهم شديد بالنسبة لي وطلعتا مشيت الجامعة وانا مبسوطة لاقيت دينا.. قالت لي اها متحمسة.. قلتا ليها شديد ومتوترة في نفس الوقت لانو لأول مرة ح أقدم واشرح ليهم عن تصميمي.. قالت لي ما تتوتري انتي قدرها انا واثقة فيك وكنتا بتمنى اني اكون معاك في اليوم دا بس انتي عارفة.. قلتا ليها ما مشكلة انتي الفترة الفاتت كلها كنتي معاي وما قصرتي في شئ وانا عازراك.. قالت لي بس اول ما تطلعي من الاجتماع كلميني كويس.. قلتا ليها حاضر من عيوني الاثنين.. بعد خلصنا محاضرات مشينا الكافتيريا وبقيت مستنية شهاب عشان يجي ونمشي طبعا شلة البرجوازيين كالعادة كانو قاعدين وما بفوتو فرصة عشان يسمعوني كلام فارغ بس انا ما كنتا شغالة بيهم ولا مدياهم اي اهتمام ولا مركزة معاهم لانو دي تصرفاتهم معاي طول الأسبوعين الماضيين.. جاء شهاب قال لي نمشي بعد كدا عشان ما نتأخر.. قلتا ليهو اي نمشي وطلعنا ركبنا العربية ومشينا قلتا ليهو انت عارف اني متوترة شديد وخايفة.. قال لي تخافي لي شنو انتي مش متأكدة من شغلك خليك واثقة من نفسك وكل شئ ح يكون تمام.. قلتا ليهو بتمنى.. قال لي انتي حاولي اهدي واتصرفي طبيعي واخدي نفس عميق وح تبدعي كالعادة.. وصلنا الشركة وطوالي دخلنا مكتب الاجتماعات بعد مسافة جو العملاء سلمنا عليهم وطوالي بدينا الاجتماع شهاب اول شرح ليهم مخطط البناء بعد خلص انا بديت اشرح ليهم التصميم الداخلي ح يكون كيف حسيت واحد من العملاء بعاين لي بي طريقة غريبة لمن اتعقدتا بس واصلتا عادي بعد خلصتا قالو انو التصاميم عجبتهم شديد ووقعو عقد مع شهاب انو يشتغلو معاهو لي 5 سنوات قدام واي مشروع بخصهم شركة شهاب ح تكون مسؤولة عنو وبعدها ودعناهم ومشو.. مشيت الحمام عايزة اغسل وشي جيت اقفل الباب جاء الولد الكان بعاين لي في الاجتماع لزاني جو وقفل الباب.. قلتا ليهو انت الجابك هنا شنو وقفلتا الباب لي شنو.. قال لي يعني ما عارفة انا جيت لي شنو ولا ما لاحظتي لي بعاين ليك كيف.. قلتا ليهو زح من قدامي وافتح الباب سريع.. قال لي ما بزح لو ما اخدتا منك العايزو.. قلتا ليهو بصرخ وبلم عليك خلق الله احسن ليك تفتح الباب.. قال لي ما بفتحو.. بقيت اصرخ زول يجي يساعدني.. بقى يقرب علي شوية شوية.. قلتا ليهو احسن ليك تبعد عني.. قال لي ولو ما بعدتا عنك ح تعملي شنو.. ضربتو ولزيتو في الأرض لمن وقع وحاولتا اشيل منو المفتاح ما قدرتا عايزة أجري مسكني من رجلي لمن وقعتا وبقى يقرب علي بقيت بضرب فيهو عشان يزح مني بس هو ما شغال بي بقيت اصرخ زول يجي يساعدني ماف زول سامع صوتي.. قال لي ما تتعبي نفسك ماف زول سامعك.. قرب علي وحاول يبوسني اديتو كف على وشو.. قال لي انتي كيف بتتجرأي تضربيني كان ما خليتك تندمي على الكف دا.. ومسك طرحتي قلعها لي ومسك قميصي وبدأ يشرطو لي وانا بصرخ وبحاول ابعدو عني بس ما قدرتا.. واصل شريط قميصي وانا ما بضربو وبحاول ابعدو عني بس ما برد علي حسيت خلاص نفسي ح يتقطع وفقدتا الأمل انو زول يجي ويساعدني.........
•••••••••••••••••••••••••••••••••••••••••••••••••••••••••••
 

#رحلة~كفاح 《14》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
واصل شريط قميصي وانا ما بضربو وبحاول ابعدو عني بس ما برد علي حسيت خلاص نفسي ح يتقطع وفقدتا الأمل انو زول يجي ويساعدني.... قلتا انا لازم اساعد نفسي براي ما عارفة من وين جبتا القوة ضربتو بي رجلي في المكانة الخطرة ولزيتو وشلتا منو المفتاح سرعة فتحتا الباب وقمتا جارية طلعتا من الممر اول شئ شفتا شهاب في وشي  ادسيت وراهو وبقيت ببكي وببكي.. قال لي هيام في شنو وبتبكي مالك.. أتلفت علي لمن شاف حالتي وملابسي المشرطة كان لابس جكت قلعو ولبسني ليهو.. قال لي العمل فيك كدا منو وريني.. انا بقيت بشهق من كترت البكى وما قادرة اقول اي كلمة.. قال لي خلاص اهدي الكابوس دا انتهى ما ح يقرب عليك تاني.. الولد داك جاء قال لي مفكرة نفسك ح تهربي مني تاني.. شهاب وقفو ونزل فيهو ضرب لمن وشو بقى يكب دم.. جو الموظفين وفرقوهم من بعض وشهاب كل شوية يتفكى منهم ويرجع يضربو تاني حسيت الولد ح يموت بين يدينو الا الموظفين شالو الولد طلعو برة واحتمال يودوهو المستشفى.. انا قاعده في الأرض وببكي وبرجف وكل شوية اتذكر منظرو وهو بقرب علي وبشرط لي ملابسي احس روحي ح تطلع.. شهاب جاء قعد قدامي ويدينو مليانه دم قال لي هيومة اهدي خلاص الكابوس انتهى.. قلتا ليهو زح مني ما تقرب علي زح مني زح.. قال لي هيام عايني لي انا شهاب خلاص ماف شئ اهدي.. واصلتا بكى وقلتا ليهو زح مني ما تقرب علي.. قال لي تمام ما ح أقرب عليك انتي بس بطلي بكى واهدي.. نادى واحدة من الموظفات سندتني ودخلتني غرفة كدا وبعد مسافة جابت لي ملابس غيرتا ملابسي وطلعتا قلتا ليهو وديني لي ولدي.. قال لي حاضر هسي بوديك لي ولدك.. مشينا ركبنا العربية ومن جواي انا خايفة وميتة من الخوف لأنو كل ما اشوف وشو بتذكر وش الولد داك وبتخيلو انو دا هو وبقرب افتح باب العربية وانط منها.. شهاب قال لي بيتكم بي وين.. وصفتا ليهو مكان البيت لمن وصلنا باسل كان في الشارع بلعب مع الأولاد ناديتو وقلتا لي علي يكلم امي اني سقتو معاي لاني عارفة لو دخلتا وامي شافتني بالحالة دي ح تخاف وتسألني حصل شنو وانا ما حابة اتكلم مع أي زول ولا احكي ليهو الحصل.. باسل قال لي ماما انتي كويسة لي عيونك وارمة كنتي بتبكي.. قلتا ليهو لالا ما بكيت بس دخل تراب في عيوني عشان كدا.. قال لي ماما انتي مصرة كل مرة تكذبي علي صح.. شهاب قال ليهو يا بطل ماما كويس بس تعبانة شوية عشان الفترة الماضية كانت مشغولة وعايز منك طلب انك تفضل مع امك وما تخليها نهائي.. باسل قال ليهو كويس بس انت منو.. شهاب قال ليهو انا شهاب وشغال مع امك وبنقرأ في نفس الجامعة.. قال ليهو انت عمو شهاب الجبتا لي الهدية.. شهاب قال ليهو اي عجبتك.. قال ليهو شديد وشكرا ليك.. شهاب قال ليهو ولو العفو.. بعدها وصلنا بيت ابوي ومشى مشيت سلمتا على ابوي وطوالي دخلتا غرفتي وحضنتا باسل وبقيت راقدة ومن غير ما احس دموعي بقت تنزل.. باسل قال لي ماما انتي لو مضايقة ابكي ح ترتاحي ما تحبسي شئ في قلبك ابكي.. بقى قاعد جنبي وبمسح على رأسي.. حرفيا بقيت قاعدة وببكي على كل الحصل لي في حياتي والاتحملتو وجع سنين في قلبي الليلة طلعتو دائما كنتا بحاول اكون قوية عشان ولدي بس الليلة انا انهرتا الحصل لي الليلة خلى الكأس يفيض ويدفق واطلع كل الجواي.. مرو يومين وانا بالحالة دي لا بتكلم مع زول ولا برد على زول اني وابوي حاولو يتكلمو معاي بس ما كان عندي قدرة ارد عليهو حتى بابا جمال واخواني جوني ما قدرتا اتكلم معاهم ودينا برضو جات قعدت معاي وبتتكلم معاي بس ما كنتا قادرة ارد عليها ما عارفة مالي بس الحصل دا هزاني من جوة وكسر شئ فيني ما عارفة لو ح يرجع يتصلح ولا لا انا دي اول مرة يحصل لي شئ زي دا ما قادرة لسه اتخطى صدمة الحصل.. تاني يوم قاعدة وانا بفكر قلتا لي نفسي انتي يا هيام لي متين ح تفضلي بالحالة دي خلاص الحصل حصل يعني لو قعدتي واتكئبتي كدا الحصل ح يتغير اكيد لا انتي لي متين ح تفضلي موقفة حياتك عشان الحصل انتي أحمدي ربنا لانو ما كمل الكان عايز يعملو وانك نجيتي منو انا دائما متعودة عليك قوية وبتتحملي وكل صدمة ما قتلتك بتقويك وانتي ح تبقي قوية خلاص حزنتي وعشتي حزنك زي ما عايزة كفاية لي هنا ح نحاول نبدأ صفحة جديدة مع بعض وننسى فيها الفات كلو ونبدأ بداية جديدة ونعتبر الفات كان ماضي وما نتذكرو تاني ونركز مع الحلو الجاي وبس ومن بكرة ح نبدأ حياتنا الحلوة اتفقنا يا هيام.. أي اتفقنا يا نفسي......

#كسرة:-

انا ما عارفة لي نحنا بنحاول نتجنب نزعل على الشئ البزعلنا ونبين قدام الناس اننا أقوياء ونحنا من جوة مكسورين ومنهارين ومدمرين نفسيا لي نحنا ما بنسمح لي نفسنا نعيش حزنا في وقتو وفرحنا برضو في وقتو.. الحزن الكتير لمن يتكتم في القلب وما نعبر عنو لي قدام بإذيني اكتر ما بيإذي الناس الحولنا لانو مع الوقت بتحول لي غضب والغضب دا ممكن يحرق اي شئ حلو في حياتنا ليه نحنا بنستكتر على نفسنا انو نعبر عن مشاعرنا من دون ما نفكر انا زعلانة ومالو خليني ازعل ولو فرحنا برضو خليني افرح نحنا ليه بنهرب من مشاعرنا وبنتجاهلها وما بنديها وقتها الكافي عشان تختفي ولي قدام ما تسبب لينا مشكلة.. نحنا ليه ما بنعيش ضعفنا وقوتنا واستسلامنا وثقتنا في نفسنا وبنتهرب من أي شعور ممكن يحسسنا انو نحنا ضعفاء.. الضعف عمرو ما كان عيب ولا حرام ولا ذنب كلنا بتمر علينا أوقات بنضعف وبنزعل واحتمال نصل لي درجة نحس انو الحياة خلاص وقفت وظلمت في عيونا وانو ماف امل نرجع نقيف على رجلينا من اول وجديد في اللحظة دي بالذات مفروض نقرب من ربنا ونصلح علاقتنا معاهو ونشوف نحنا قصرنا في شنو ونحاول نغطي التقصير دا لانو ربنا سبحانه وتعالى الوحيد المابتخلى عننا لو الدنيا كلها اتخلت عننا مفروض لمن نحس بي ضيق وقهر جوانا نمشي نتوضى ونقفيف في المصلاية ونصلي ونحكي لي ربنا اي شئ جوانا ونفضفض ليهو وندعيهو لانو ربنا هو الجبار والوحيد القادر يجبر الكسر النحنا حاسين بيهو ولانو ربنا الوحيد الفي اي وقت نحتاجو ونطرق بابو بستقبلنا حتى ونحنا مقصرين في حقو وبسمعنا وبجبرنا وبخفف عننا.. ندعيهو ونحنا متأكدين ومتيقنين من جوة قلبنا انو سامعنا وح يستجيب لي دعواتنا وحاشاهو يرجعنا خايبين بعد اتوكلنا عليهو ولجئنا ليهو، ربنا كريم شديد وبحبنا شديد ورحيم وعطوف علينا حتى ونحنا مقصرين في حقو عشان كدا في أول مشكلة تواجهنا واي مصيبة نلجئ لي ربنا لانو بابو مفتوح لينا في أي وقت وربنا بحب العبد اللحوح في الدعاء عشان كدا في أي وقت واي زمان ندعيهو ونتوكل عليهو.. وفي ختامي بقول ليكم انو ربنا موجود معانا في كل لحظة في حياتنا وعمرو ما اتخلى عننا ونحنا مفروض ما نتخلى عنو وبدل كل ما تحصل لينا مشكلة نلجئ لي الناس من الأحسن نلجئ لي ملك الملوك والبيدو يقضي لينا كل حوائجنا لانو ربنا قادر على كل شئ وفي كل لحظة نقول ونردد ربنا لك الحمد والشكر على كل الماضي والحاضر وربنا نحنا بنحبك شديد❤️❤️

_______♥️________

 شهاب:-

لمن شفتا هيام بالمنظر داك حسيت كأنو شياطين الإنس والجن كلهم بنططو قدام عيوني ودمي بقى يفور ويغلي غليان ولمن شفتو جاي ما حسيت على نفسي إلا وأنا بنزل فيهو ضرب وبطلع غضبي فيهو بعد خلاص حسيت نفسي اتفشيت زحيت منو خليت السكرتيرة تدخل هيام غرفتي وتديها ملابس عشان تغير بقيت خايف عليها شديد وخايفة من ردة فعلها ح تكون شنو خصوصا انو الحصل ليها ما هين وصلتها لي بيت امها وساقت ولدها باسل ولدها ظريف شديد وعسل وبعدها وصلتها بيت ابوها واتحركتا على بيتنا وصلتا لقيت ناس امي قاعدين وبتونسو.. ابوي قال لي اها بشر الاجتماع كانت كيف.. قلتا ليهو كان كويس ووقعنا معاهم على عقد مدتو 5 سنوات وح نكون مسؤولين عن كل مشاريعهم الجاية.. ابوي قال لي ألف مبروك ليك وانا فخور بيك شديد.. امي قالت لي انا فرحانة ليك شديد وكنتا متأكدة من انك ح تنجح.. شادي قال لي عملتها ووصلتا للعايزو الف مبروووك ليك.. قلتا ليهم الله يبارك فيكم.. امي قالت لي طيب مالك ظاهر عليك ما مبسوط.. قلتا ليها ماف شئ بس ظاهر علي ح الغي الاتفاق معاهم.. ابوي قال لي لي شنو الاتفاق دا ح يرفع منك ومن شركتك لي أماكن ما بتقدر تتخيلها.. قلتا ليهو انا ما بقدر اشتغل مع ناس ما بتحترم المرأة وبتستغلها.. شادي قال لي كدي فهمنا انت قاصد شنو.. حكيت ليهم الحصل لي هيام.. امي قالت لي يستاهل تعمل فيهو اكتر من كدا لانو واحد تافه يا حليلها هسي البنت المسكينة ما معروف تكون حالتها كيف.. ابوي قال لي كان تشتكو عليهو الزيو بستاهلو ينسجنو العمر كلو.. شادي قال ليهو يا ابوي انت عارف القانون في البلد دا لو طلع عندو واسطة في يومين بطلع منها زي الشعرة من العجين وما ح يتعاقب بس نحنا ح نعمل فيهو الأسوء من السجن عشان لو زول قال ليهو يتجرأ يعيد التصرف دا ما اي بنت تانية.. قلتا ليهم انا ح اخليهو يندم على اللحظة الولدوها فيها ولو ما خليتو يمشي في الشارع ويتكلم مع نفسو زي المجنون ما بكون اسمي شهاب الدين الطاهر ح اخليهو يخسر أي شئ هو بملكو لانو لو ما كانت هيام ممكن تكون اي واحدة في مكانها وممكن تكون اختي أو غيرها.. امي قالت لي اعمل وما تقصر فيهو لانو بستاهل.. ابوي قال لي الموضوع دا خليهو علي وانا بتصرف فيهو بي معرفتي انت خليك مرتاح.. قلتا ليهو كويس يا ابوي، شادية وشيماء وين.. شادي قال لي مع آمنة فوق.. قلتا ليهم واولاد شادية.. قال لي كلهم فوق.. طلعتا ليهم فوق قلتا لي اولاد شادية ما اشتقتو لي خالو.. قالو لي اشتقنا ليك شديد انت مشيت وين.. قلتا ليهم مشيت الشغل وهسي جيت.. شادية قالو لي خالو تلعب معانا.. شادية قالت ليهم خالو هسي جاء من الشغل وتعبان خلو يرتاح شوية وبلعب معاكم.. قلتا ليها خليهم امشو غرفتكم جهزو الألعاب وح اجيكم بعد شوية.. قالو لي حاضر.. قلتا ليهم قبل تمشو ماف بوسة لي خالو.. قالو لي في باسوني الاثنين على خدي ومشو غرفتهم.. سلمتا على آمنة وشيماء وشادية وشلتا أمير لعبتو شوية واديتو لي امو ومشيت غرفتي.. جات شادية لاحقاني قالت لي انت الليلة ما طبيعي حاصل مع شنو.. قلتا ليها ماف اي شئ.. قالت لي عايز تخبي علي انا شادية اختك وصحبتك وحافظاك زي ما حافظة اسمي وبفهم عليك من نظرة عيونك وهسي احكي لي في شنو.. حكيت ليها الحصل كلو.. قالت لي الحمدلله ربنا سترها وما حصلت ليها حاجة.. قلتا ليها الحمدلله بس انا خايفة عليها وما عارف هسي حالتها ح تكون كيف.. قالت لي عايزة أسألك سؤال وجاوبني بي صراحة.. قلتا ليها انتي عارفة اني ما بكذب عليك.. قالت لي انت خايف وقلقان عليها عشان هي موظفة عندك ولا في شئ تاني.. قلتا ليها شئ تاني زي شنو هي موظفة عندي وزميلتي في الجامعة والحصل الليلة معاها بكون ذنبي انا لاني في الاجتماع شفتو بعاين ليها كيف بس نهائي ما اتوقعتا يطلع منو التصرف القذر دا.. قالت لي انا فاهمة انها موظفة عندك وزميلتك بس الغضب الجواك دا سببو شنو.. قلتا ليها سببو اني فكرتا لو واحدة منكم كان مكانها الفكرة ساي بتخليني اجن.. قالت لي انت متأكد من كلامك دا لاني ما بظن انك زعلان وغصبان بس عشان الأسباب دي.. قلتا ليها شادية انتي قصدك شنو انا ما قادر افهم.. قالت لي قصدي انك ممكن تكون اتصرفتا كدا وانفعلتا لأنك معجب بيها ويمكن بتحبها.. قلتا ليها انتي جنيتي ولا شنو انا ما بحبها ولا شئ هي مجرد صديقة ما اكتر.. قالت لي ما تحاول تنكر الشئ دا لانو ما بتقدر انت ما لاحظتا لي نفسك لمن تذكر اسمها أو تتكلم عنها قدامي عيونك بتبدأ تلمع وبكون في لهفة في صوتك والوقت كلو انت بتتكلم عنها عملت شنو ومشت وين وجات من وين انت مهتم بي أدق تفاصيل حياتها ومتذكر مرة انت كنتا بتتكلم معاي وقلتا لي انو الليلة غريبة جات والخاتم البتكون لابساهو دائما الليلة ما لبستو ولا المرة ديك لمن قلتا لي انو عملت شئ لي عيونها وطلعت حلوة شديد ودا غير انك في الأسبوعين الماضيين ما كان عندك سيرة غيرها هي وبس الزول لو ما بحب الشخص ما بركز معاهو للدرجة دي ولا بكون مهتم بي تفاصيلو انا لي اول مرة بعد سنين بشوف نظرة الحب دي في عيونك التفاصيل البتحكيها لي دي كلها تفاصيل صغير وماف زول بركز فيها غير البحب بالجد وانت شكلك وقعتا في حبها.. قلتا ليها كلامك واستنتاجاتك دي كلها غلط في غلط ماف شئ بالشكل دا انا صح مهتمي بيها بس ما بحبها وبطلي تخترعي سيناريوهات من رأسك وتحاولي تقنعيني بيها.. قالت لي دي ما سيناريوهات دي الحقيقة الإنت رافض تتقبلها انت واخيرا بعد سنين وقعتا في الحب.. قلتا ليها انا قلتا ليك ما بحبها فاهمة.. قالت لي طيب ح أسألك أسئلة وانت جاوب لي عليها.. قلتا ليها عليك الله دا ما وقت اسألتك.. قالت لي ما عايزة اي اعتراض ح تجاوب عليها.. قلتا ليها أمري لله اها اسألي.. قالت لي اكتر أكلة بتحبها شنو.. قلتا ليها بطاطس محمر مع كاتشب.. قالت لي اكتر لون بتحبو شنو.. قلتا ليها اللون الكبدي.. قالت لي اكتر زول بتحبو منو.. قلتا ليها ولدها باسل.. قالت لي طيب انت بتحس بي شنو لمن تشوفها.. قلتا ليها بحس انو عايزها تفضل قدامي وما تبعد من نظري ولا ثانية وكل ما اشوفها بحس ضربات قلبي بتزيد.. قالت لي طيب بتعرف كيف انها مضايقة أو زعلانة أو أنها عايزة تحكي ليك شئ.. قلتا ليها من نظرة عيونها بقدر افهم هي عايزة تقول لي شنو.. قالت لي ولمن تبعد عنك بتحس بي شنو.. قلتا ليها بحس كانو في زول كاتم على نفسي وأحاسيس كتيرة ملخبطة ما بقدر افسرها بس اول ما اشوفها برتاح.. قالت لي وبعد دا كلو تقول لي ما بتحبها وانت عارف كل صغيرة وكبيرة عنها طيب عشان اأكد ليك انك بتحبها انت متذكر حبيبتك السابقة.. قلتا ليها هسي دي الذكرك بيها منو انا ما عايز اسمع شئ عنها.. قالت لي ما ح تسمع شئ عنها بس ح أسألك نفس الأسئلة وجاوب لي انت متذكر هي بتحب شنو وبتكره شنو.. قلتا ليها ما متذكر واصلا انا ما كنتا بعرف هي بتحب شنو اي صح كنتا بحبها بس عمري ما اهتميت بالقصص دي وانا معاها.. قالت لي شايف الفرق ديك انت ما بتتذكر ولا كنتا مهتم تعرف الببسطها شنو بعكس هيام الإنت حافظ كل شئ عنها وهسي شوف اول ما ذكرتا اسمها ظهرت نفس اللمعة البتظهر في كل مرة نتكلم عنها.. قلتا ليها معقوله اكون بحبها.. قالت لي اكيد انت بتحبها ولو عايز اسأل اي زول بجاوبك.. قبل تخلص كلامها جاء يونس قالت لي هدا جاء الزول البتسئلو.. يونس قال لي تسألني عن شنو.. شادية قالت ليهو يونس جاوبني انت بتكون مع شهاب في أي مكان وعارف هو بفكر كيف وحافظو صح.. يونس قال ليها اي انا حافظو اكتر من نفسو.. قالت ليهو طيب جاوب على سؤالي شهاب ظاهر عليهو بحب ولا لا.. يونس قال ليها ما ظاهر وبس هو البشوفو بتعامل مع هيام كيف وبخاف عليها وبهتم بيها بيعرف انو هو بحبها من اول نظرة.. قالت لي شايف حتى صحبك عارف وانت ما مركز وعرفها حتى من دون ما اقول اسمها في دليل أكبر من دا على انك بتحبها.. قلتا ليهم حتى لو انا بحبها بس ما عارف لو هي بتحبني ولا لا.. شادية قالت لي الموضوع سهل اسألها.. قلتا ليها انتي ما جادة عايزاني اقيف قدامها واقول ليها انتي بتحبيني ولا لا مستحيل.. يونس قال لي ماف شئ مستحيل اسألها ما ح تخسر شئ.. قلتا ليهم هيام هسي ما بهمها ولا حب ولا زواج مركزة على مستقبلها وأهم شئ عندها انو ولدها يكون مرتاح مع الشخص الهي ح تختارو.. شادية قالت لي يبقى لازم تتعرف على ولدها وتخليهو يحبك وتهتم بيهو.. قلتا ليها ولدها اصلا بتحب وظريف ومن اول ما شفتو حسيت قلبي اتعلق بيهو.. شادية قالت لي عظيم ما فضل شئ طالما انت حبيتو اكيد هو مع الزمن ح يحبك وح تبقو عائلة سعيدة.. قلتا ليها أن شاء الله... مرو يومين وانا بتصل على هيام عشان اطمن عليها وكل مرة برد علي باسل ولدها وبقول لي انو امو ما قاعدة تتكلم ولا بترد على أي زول.. صراحة خفتا عليها شديد وكان نفسي امشي واطمن عليها بس بي صفتي منو ح امشي هناك واسأل عنها قدام أهلها والمشكلة انو ما عندي رقم اي زول من ناس بيتهم حتى صحبتها دينا ما عندي رقمها.. في نفس اليوم اتكلمتا مع الشركاء الوقعنا معاهم العقد وشرطي عشان أكمل معاهم الشغل كان انو يطردو الحقير داك من الشركة وما يكون ليهو اي علاقه بي شغلنا وهم بعد عرفو العملو وافقو على شرطي من دون ما يعترضو وبي كدا تكون خطة دمارو بدأت وح اخلي يندم على العملو..... ثالث يوم انا خلاص قلقتا على هيام شديد وقلتا ح امشي ليهم في بيتهم والح يحصل خلي يحصل المهم اني اطمن عليها واشوفها حتى لو لمحة بس وقلبي يرتاح واكحل عيوني بي شوفتها.. طلعتا من غرفتي مستعجل وماشي امي نادتني وقالت لي ما تطلع جايانا ضيفة.. قلتا ليها امي الضيفة جاياك انتي ما اما انا وهسي انا عندي شغل مهم وطالع اول ما فتحتا الباب شفتها قدام عيوني حسيت بي صدمة وبعد مسافة حتى قدرتا اتكلم قلتا ليها انتي الجابك هنا شنو...............

_______________♥️

وبعد غياباً طويل لقد عدنا والتقينا في نفس المكان الذي بدأ منه كل شيء♥️♥️
 في امان الله♥️
•••••••••••••••••••••••••••••••••••••••••••••••••••••••••••
 

#رحلة~كفاح 《15》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قلتا ليها امي الضيفة جاياك انتي ما اما انا وهسي انا عندي شغل مهم وطالع اول ما فتحتا الباب شفتها قدام عيوني حسيت بي صدمة وبعد مسافة حتى قدرتا اتكلم قلتا ليها انتي الجابك هنا شنو..... امي قالت لي دا اسلوب شنو البتتكلم بيهو مع ضيفتنا.. قلتا ليها ضيفتك انتي ما انا وما عايز اشوفها اصلا.. قالت لي شهاب لي بتتكلم معاي بالأسلوب دا انا عملتا ليك شنو.. قلتا ليها ما عملتي لي شئ بس ما حابي اشوفك فهمتي وهسي ممكن تبعدي من قدامي لاني مارق.. قالت لي يعني ما ح تقعد معاي.. قلتا ليها انا ما فاضي ليك وطوالي طلعتا، يا الله دي هسي الرجعها تاني شنو وبعد السنين دي كلها ولي هسي بالذات في الوقت الحياتي بدت تتغير فيهو وتتحسن رجعت لي شنو وامي عزمتها بيتنا لي شنو مع انها عارفة اني ما حابي اشوفها غيرتا خططي كلها ومشيت لي يونس في المطعم.. أول ما شافني قال لي مصيبة شنو الحاصلة لمن مضايق كدا.. قلتا ليهو تنزيل رجعت تاني.. قال لي اي عارف.. قلتا ليهو كيف يعني عارف وجات متين.. قال لي جات قبل أسبوعين ومتذكر يوم ضربتا ليك وكنتا عايز اقول ليك شئ ونسيت بس دا الكنتا عايز اقولو ليك انها جات بس انت مضايق لي شنو.. قلتا ليهو الليلة لقيت امي عزمتها بيتنا واتفاجأتا لمن شفتها قدامي.. قال لي تتفاجئ لي شنو انت كنتا عارف من البداية انو ح يجي يوم وترجع تاني.. قلتا ليهو انا ما عندي مشكلة ترجع وكلها على بعضها بقت ما بتهمني بس جيتها في الوقت دا بالذات ما لي صالحي وخصوصا انو امي اتفقت معاها حاسس انو في شئ ح يحصل..قال لي شئ زي شنو يعني.. قلتا ليهو ما عارف بس ما مطمن لب جيتها ابدا.. قال لي انت ما تشك في أي شئ احتمال جات تسلم على امك وبس ما فيها شئ.. قلتا ليهو انا متأكد انو جات عشان شئ والايام ح تثبت ليك كلامي.. قال لي الكلام دا كلو هسي ما مهم وتنزيل اعتبرها ما جات وما تركز معاها ولا تديها اي أهمية ، انت الفترة دي حاول تبعد عنها وما تحسس اي زول بي شئ لحدي ما تتأكد من مشاعر هيام اتجاهك وهي لو عايزاك ولا لا.. قلتا ليهو اصلا دا الح اعملو بس انا عايز طريقة أصل بيها ليها واطمن عليها.. قال لي بنت الحلال من ذكرها بتبان.. قلتا ليهو قصدك شنو.. قال لي هديك حبيبتك جات عاين.. عاينتا مكان أشر لي وفعلا هي جات وبي نفس ضحكتها ونشاطها لمن شفتها حسيت اني عايز امشي اضمها واقول ليها قدر شنو انا فقدتها واشتقتا ليها بس اتمالكتا نفسي وسلمتا عليها عادي وسألتها من أحوالها وباسل وناس أمها كيف.. قالت لي كلهم كويسين الحمد لله وانا فل الفل زي ما شايفني.. قلتا ليها طالما انتي فل الفل ليه اليومين الفاتو ما قدرتا اصل ليك.. قالت لي اكتئبتا من أثر الصدمة وحسيت نفسي ضعيفة بس هسي خلاص هيام الضعيفة ماتت وجات واحدة تانية مكانها.. قلتا ليها بسطني كلامك دا وان شاء الله الأيام الجاية ح تكون احلى.. قالت لي أن شاء الله، وهسي بستئذن منك لازم ابدأ شغلي.. قلتا ليها اخدي راحتك.. بقيت قاعد وبراقبها وسرحان فيها.. ما عارف الحصل لي شنو ومتين لحقتا اني أحبها بالسرعة دي بس يمكن عشان هي مختلفة عن باقي البنات عندها إصرار وعزيمة وقوة تحمل وصبر ووش مبتسم رغم كل الظروف وضحكة تخلي الزول يتوه فيها ويحس كأنو في عالم تاني وكأنو كل مصائبو بتهون بس هي تضحك وعندها طاقة إيجابية لمن تدخل أي مكان بتملاهو إيجابية وبتخلي الناس سعيدين انا ما عارف كيف زوجها فرط فيها بس بقول الحمد لله انو فرط فيها عشان اكسبها وتكون لي انا وبس.. جات صحبة هيام دينا سلمتا علي ومشت وقفت معاها ولاحظتا ليهم بعاينو لي وبتكلمو.. بعدها جاني يونس قال لي يا صحبي عملتها ظاهر ما كدا لكن.. قلتا ليهو شنو هي العملتها ظاهر.. قال لي نظراتك ومراقبتك ليها وبسمتك الهبلة لمن تعاين ليك.. قلتا ليهو للدرجة دي باين علي.. قال لي واكتر من كدا وهسي لمن جايي سمعتهم بتكلمو عنك وانك بتعاين ليها كدا لي شنو.. قلتا ليهو عايز اكحل عيوني بي شوفتها.. قال لي انت خلاص غرقتا في حبها الله يعينك، بس حاول خفف من نظراتك عشان ما تعقد البنت ساي.. قلتا ليهو قاعد احاول بس ما قادر اعمل شنو.. قال لي خلاص قوم اطلع من المطعم.. قلتا ليهو ما طالع ح استناها هنا عشان اوصلها.. قال لي توصلها برضو انت كدا كترتها شديد وح تخليها تشك قبل ما تعرف مشاعرها اتجاهك.. قلتا ليهو خليها تشك ولا اقول ليك خليها تعرف احسن.. قال لي اتمهل شوية ما كدا انت لازم تديها وقت تتعرف عليك وما تنسى انها طالعة من تجربة فاشلة ويمكن ما عايزة تجرب تاني فأحسن تتمهل ولو في بينكم قسمة ربنا ح يجمعكم أن شاء الله.. قلتا ليهو أن شاء الله والله بتمنى من جوة قلبي انا ما عارف متين اتعلقتا بيها بالسرعة دي.. قال لي يا صحبي الحب ما عايز وقت الحب حلاتو انو بجي فجأة من دون ما نكون مخططين ليهو هوب بتلقى نفسك حبيت ووقعتا خلاص.. قلتا ليهو ظاهر علي وقعتا وقعة سوداء بس احلى وقعة فيك يا دنيا، قلتا ليهو هيومة ساعة دوامها انتهت لي شنو لسه ما طلعت.. قال لي بتكون قربت تطلع اصبر اشوفها ليك بس ملاحظ في تطور ملحوظ من هيام بقت هيومة.. قلتا ليهو ما تركز وشوفها وين.. مشى وجاء قال لي طلعت.. قلتا ليهو كيف يعني طلعت ومتين.. قال لي سألتا الموظفين قالو طلعت مع صحبتها الجات قصدهم دينا.. طوالي طلعتا من المطعم فتشتهم وما لقيت ليهم اي أثر اتصلتا على هيام ما كانت بترد انزعجتا وطوالي رجعت البيت لقيت امي قاعدة قالت لي شهاب تعالي عايزة اتكلم معاك.. قلتا ليها امي لو عايزة تتكلمي معاي في موضوع تنزيل احسن ما نتكلم لاني ما حابي الموضوع دا يرجع ينفتح من اول وجديد نحنا كان بيناتنا قصة وخلصت وهسي اي زول شايف حياتو واحسن لينا نفضل بعيدين عن بعض وما تحاولي تجمعينا بي أي طريقة لانو الباب دا انا قفلتو خلاص وياريت ما نرجع تفتحو من جديد وطلعتا غرفتي صليت العشاء ما عارف لي جاني احساس اني مفروض اصلي استخارة وادعي لو كانت خير لي ربنا يجمعني بيها ولو ما كانت خير لي ربنا يجعل لي فيها الخير ويجمعني بيها بعد خلصت صلاة واستخرتا ودعيت طوالي رقدتا نمتا...........

_______♥️________

 دينا:-

رجعتا البيت وانا بالي عند هيام ح تكون حالتها شنو ما عارفة الحصل معاها شنو خلاها تصل للحالة دي ما بترد علي اي زول وطبيعي سرحانة.. امي قالت لي لقيتي هيام كيف.. قلتا ليها لسه على حالها ما بتتكلم مع زول ما عارفة حصل معاها شنو لمن وصلت للحالة دي.. قالت لي احتمال المرت بيهو وهي متزوجة ما هين وهسي بقت ما قادرة تتحمل وعايزة تعيش حزنها وتطلع الوجع الجوة قلبها لانو فاض بيها خلينا نديها وقتها واكيد ح تتعافى وترجع زي زمان براها.. قلتا ليها أن شاء الله ترجع في أسرع وقت.. قالت لي امشي جهزي الضيافة.. قلتا ليها الجاينا منو.. قالت لي خالتك وولد خالتك.. قلتا ليها امي لو عايزين يتكلمو في موضوع كل مرة احسن ما يجو لانو ردي ما ح يتغير انا ما عايزاهو ومستحيل اغير رأيي.. قالت لي انتي يا بتي لي رافضاهو في النهاية هو ولد اختي ما غريب.. قلتا ليها يا امي ما عايزة نرجع نتكلم في الموضوع دا تاني ولد اختك دا انا ما بطيقو ولا عايزاهو وخلقة وشو ما عايزة اشوفها خلي لمن اعرسو وكل يوم اتصبح بي وشو بموت.. قالت لي يا بتي الله يهديك حاولي اديهو فرصة.. قلتا ليها امي ما ح اديهو اي فرصة ولو حاولتي تقنعي اختك وولدها بالكلام دا بكون احسن.. ابوي جاء داخل قال لينا في شنو جايطين.. قلتا ليهو ابوي شوف امي دي لسه بتتكلم معاي في موضوع ياسر ولد خالتي وهي عارفة اني رافضة القصة وما عايزاهو.. ابوي قال ليها حنان انت مالك مع البنت خليها على راحتها طالما هي ما عايزاهو ماف زول بقدر يجبرها وانا عايش.. امي قالت ليهو انت اقعد يا عمر قوي رأس البنت علي هسي ولد اختي مالو.. ابوي قال ليها ولد اختك ما فيهو عيب بس البنت ما دايراهو والزواج الموضوع الوحيد الما بتحمل انك تجبري زول عليهو لانو دي حياة بعيشوها الاثنين سوى ولازم يكونو متفقين ومتفاهمين.. امي قالت ليهو انا عارفة الكلام دا بس هي حتى ما ادتو فرصة تعرفو وتتفاهم معاهو.. قلتا ليها امي انا ما ارتحتا ليهو وما عايزة اتعرف عليهو فياريت الموضوع دا ما ينفتح تاني.. ابوي قال لي امشي ارتاحي وخلي الموضوع دا علي انا.. قلتا ليهو حاضر وطلعتا غرفتي وبقيت قاعدة اتمنيت لو كان عندي اخ او اخت اقدر احكي ليهم انا حاسة بي شنو والمضايقني شنو بس للأسف ما عندي اخوان انا وحيدة امي وابوي وما عندهم غيري رقدتا في سريري وبقيت افكر سمعتا صوت حركة طوالي غمضتا عيوني وعملتا نفسي نايمة.. امي قالت لي مثلي انك نايمة كويس نشوف لي متين ح تفضلي بالحالة دي بتتهربي.. بعدها طلعت وقفلت الباب بتمنى لو كان عندي اخ او اخت أو صاحب وقت احتاج ليهو القاهو صح هيام ما قصرت معاي والله بس هي المشاكل العندها بتكفيها وما حابة أزيد عليها المشاكل اكتر واشيلها همي فوق الهموم الشايلاها كفاية المشاكل العندها.. صحيت تاني يوم الصباح بي صوت تلفوني بضرب لمن رفعتو ولقيت هيام الضاربة لي كنتا ح اطير من الفرح رديت بعد سلمتا عليها قالت لي بعدين تعالي لي في المطعم عايزاك في موضوع.. قلتا ليها حاضر من عيوني ح اجيك.. بعد العصر كدا استئذنتا من امي ومشيت لي هيام في المطعم سلمتا على شهاب ومشيت لي هيام لاحظنا لي شهاب بعاين ليها طوالي.. قلتا ليها شهاب مالو بعاين ليك كدا.. قالت لي انا زاتي ما عارفة، خلينا منو انتي مالك.. قلتا ليها انا مالي.. قالت لي ما تفكري اني ما منتبه ليك انا حاسة انو في شئ انتي مخبياهو علي في شنو وما تحاولي تكذبي علي.. حكيت ليها بي قصة ولد خالتي.. قالت لي انتي ادرى بي مصلحة نفسك بس نصيحة مني ليك ما تتزوجي عشان اهلك عايزين ولا عشان ما تزعلي زول لانو انتي الح تعيشي معاهو ما زول غيرك وانتي طالما ما عايزاهو وما مقتنعة بيهو إياك تتزوجي لأنو الزواج ما يوم ولا اسبوع الزواج عمر بحالو فأحسني الاختيار عشان بعدين ما تندمي.. قلتا ليها حاضر، انتي الايام دي مالك وحصل شنو.. لمن حكت لي الحصل انصدمتا وحمدتا ربنا انو ما حصل ليها شئ وشهاب كبر في نظري ونظرها بعد التصرف العملو في الولد لأنو بستاهل اكتر من كدا.. بعد هيام خلصت شغل طلعنا ابوي جاء وصلنا هيام بيتهم وبعدها نحنا مشينا البيت..............

_______♥️_________

 من جانبي:-

بعد خلاص رجعتا لي حالتي الطبيعية وبطلتا اكتئاب ونفسنة جيت داخلة غرفتي لقيت باسل بتكلم بالتلفون واخر ونسة وضحك استغربتا دا منو البتكلم معاهو وبضحك شلتا منو التلفون لقيت دا شهاب الضارب اتكلمتا معاهو وقال لي انو في مشروع جديد وضروري نبدأ تجهيزو.. قلتا ليهو تمام بكرة بعد الجامعة نلتقي في المطعم عشان نشوف مخطط البناء ح يكون كيف وعلى اساسو ح ابدأ تصميم البناء من جوة وبعدها قفلتا.. قلتا ليهو شنو يا استاذ باسل أخر ونسة وضحك مع عمو شهاب.. قال لي ماما عمو شهاب ظريف وبضحكني وبقيت احبو.. قلتا ليهو تحبو عديل.. قال لي اي يا ماما وياريت لو بابا كان زيو كل يوم يتصل ويتكلم معاي ويضحكني.. قلتا ليهو بسولي حبيبي انا كلمتك قبل كدا بابا بكون مشغول.. قال لي وعمو شهاب برضو بكون مشغول ومع ذلك بلقى وقت يضرب لي عكس بابا.. صراحة غلبني ارد عليهو واقول ليهو شنو لانو كلامو كلو صح ابوهو ما عندو عزر عشان ما يتصل ويطمن عليهو تقول ما ولدو ولا بتذكرو بعكس شهاب ما ليهو كم يوم بعرفو بس بتصل يتكلم معاهو اعمل شنو كل ما يكبر كل ما ح يوعى اكتر وما ح اقدر اكذب عليهو وألقى اعزار لي ابوهو في كل مرة.. قلتا ليهو باسل خليك من الكلام دا هسي ما وقتو امشي نوم، حسيت بيهو زعل بس اعمل شنو ربنا قسم ليهو انو ابوهو يكون كدا ربنا يقدرني اغطي الفراغ الخلاهو ابوهو في حياتو.. تاني يوم بعد وصلتا باسل الروضة ومشيت الجامعة كان عندنا محاضرة مع دكتور إدريس وكالعادة اول ما جاء سألني كنتا غايبة لي شنو بعد خلص المحاضرة وطلع.. دينا قالت لي انتي الدكتور دا مالو مركز معاك للدرجة دي.. قلتا ليها انا زاتي ما عارفة.. قالت لي خلاص امشي اتكلمي معاهو وشوفي مشكلتو شنو لانو ما حلوة في حقك كل ما يجي يسأل عنك ويخلي الطلاب يشكو فيكم.. قلتا ليها كلامك صح الموضوع دا زاد عن حده.. دينا مشت معاي وقفتا برة وانا دخلتا اتكلم مع دكتور إدريس.. قال لي خير يا هيام عايزة تسألي عن شئ.. قلتا ليهو يا دكتور انا حابة اعرف انت مالك كل ما تجي داخل القاعة بتسأل عني وأغلب المحاضرة بتكون بتعاين لي والشئ دا مضايقني وتصرفاتك بتخلي الطلاب يشكو انو في شئ بيناتنا والكلام دا ما حلو لا في حقي ولا في حقك ممكن افهم في شنو.. قال لي انا آسف لو ضايقتك أو سببتا ليك مشكلة بس وشك دا.. قلتا ليهو وشي مالو.. قال لي بتشبهي اختي الله يرحمها شديد وانا كل ما اشوفك بتذكرها عشان كدا بقيت مهتمي بيك زيادة.. قلتا ليهو الله يرحمها ويغفر ليها، بس ممكن تبطل تهتم بي انا محترمة اني بشبه اختك ومقدرة موقفك بس انت زاتك قدر موقفي وما تختني في موقف محرج مع باقي الطلبة.. قال لي انا اسف وان شاء الله ما ح تكرر تاني.. قلتا ليهو بتمنى وطلعتا.. دينا قالت لي اها قال ليك شنو.. حكيت ليها الكلام القالو لي.. قالت لي انا ما مصدقة كلامو واحتمال يكون بكذب.. قلتا ليها ما اظن لانو نظرات عيونو ما بتبين انو كان بكذب.. قالت لي برضو اخدي حزرك.. مشينا القاعة جاتني بنت قالت لي انتي هيام عبد القادر.. قلتا ليها اي.. قالت لي العميد عايزك في مكتبو ومشت.. قلتا ليها دينا عارفة مكتب العميد وين.. قالت لي اي عارفة بس ما تمشي احتمال تكون دي خدعة زي المرة الفاتت.. قلتا ليها ولو ما كانت خدعة وبالجد العميد عايزني.. قالت لي خلاص بمشي معاك.. مشينا مكتب العميد دقيت الباب ودخلتا كان قاعد العميد ومعاهو راجل كدا ظاهرة الروقة من وشو.. قلتا ليهو يا عميد طلبتني.. قال لي تعالي وقفت بعد ثواني جاء مجاهد داخل اتخلعتا طبعا الجابو شنو جاء وقف جنبي.. العميد قال لي مجاهد انت عارف انا ناديتك لي شنو.. مجاهد هزة رأسو بمعني لا.. قال ليهو ناديتك قدام ابوك لانو في شكوى مقدمة ضدك انك حبستا هيام في مكتب دكتور إدريس انا اتغاضيت كتير عن اغلاطك وكنتا بسامحك عشان ابوك بس المرة دي ما ح اقدر اشفع ليك.. ابوهو قال ليهو مجاهد الكلام دا صحي.. العميد قال ليهو يا استاذ عصام اسأل الطالبة وهي ح تجاوب ومستحيل تكذب في موضوع زي دا.. استاذ عصام قال لي يابتي صحي ولدي مجاهد حبسك في المكتب ولو حبسك ما تخافي وقولي وعليك مني انو ح يتعاقب واليوم دا ح يكون آخر يوم ليهو في الجامعة عشان ما يرجع يكرر تصرفو دا.. لي لحظة حسيت اني مفروض اقول ليهم الحقيقة وخلي يحصل فيهو البحصل بس قلبي ما طاوني انو يترفض من الجامعة بي سببي ويدمر مستقبلو مع انو ما يستاهل الجميل البعملو معاهو بس احتمال يتغير.. استاذ عصام قال لي سرحتي وين ما تخافي وقولي.. قلتا ليهو يا استاذ كلام زي دا ما حصل ومجاهد ما حبسني في المكتب الباب اتفقل على بالغلط وهو جاء وفتحو لي ما عارفة الفهمكم القصة غلط وقصدو شنو بس متأكدة انو مجاهد ما بعمل كدا نحنا زملاء وكان بشرح لي دائماً وما عارفة الكلام دا جاء من وين.. العميد قال لي انتي متأكدة من البتقولي دا ومجاهد ما حبسك.. قلتا ليهو انا متأكدة وغير دا ماف سبب بخليني اكذب وهو لو كان عمل كدا انا بذات نفسي كان جيت واشتكيت عليهو.. عاينتا لي مجاهد وكان باينة الصدمة في ملامح وشو ما اتوقع اني اقول الكلام دا حتى انا ما اتوقعتا أني ممكن في يوم ادافع عنو.. العميد قال لينا طالما انتي قلتي كدا كويس بس دا آخر تحذير ليك يا مجاهد واحسن ليك تبطل مشاكل.. مجاهد قال ليهو حاضر.. استاذ عصام قال لي ولو ولدي غلط معاك بي أي اتصرف كلميني وانا بعرف شغلي معاهو.. قلتا ليهو حاضر واستئذنتا منو وطلعتا لي دينا.. قالت لي العميد كان عايز شنو ومجاهد الجابو شنو.. قبل ما اتكلم مجاهد جاء قال لي لو مفكرة بالعملتي جوة ح تخليني مديون ليك بتكوني غلطانة انا الحركات دي ما بتمشي علي.. قلتا ليهو تصدق انا الغلطانة اني دافعتا عنك كان اخليهم يطردوك مالي ومالك.. قال لي بطلي دراما رخيصة تمشي تشتكي علي وبعدها تدافعي عني عشان تظهري بطلة بس الحركات دي ما علي انا.. قلتا ليهو انتي خليك بي عقليتك المريضة دي انا ما بهمني ولو بالجد انا اشتكيت عليك هسي ما كان دافعتا عنك ويا ريتني ما عملتا كدا، وسقتا دينا ومشيت.. قالت لي انا ما فاهمة شئ شكوى شنو ودافعتي عنو في شنو.. حكيت ليها الحصل.. قالت لي انا غبية مالك ومالو لمن تدافعي عنو كان تخليهم يرفضو.. قلتا ليها ما بقدر اعمل كدا انا ما زيهم هم عندهم عادي انو يدمرو مستقبل زول ويهدو كل احلامو بس انا عندي ما عادي وما بقبل الشئ دا لاني ما سيئة زيهم فهمتي.. قالت لي انتي طيبة قلبك دي ح توديك في داهية البشوفك بقول قاسية وما بفرق معاها اي شئ ولا بهمها زول بس البقرب منك بعرف قدر شنو انتي قلبك ابيض وبتحبي الخير لي خيرك وما بنتمنى ليهم الأذى ياريت بعد دا يقدرو البتعملي عشانهم.. قلتا ليها بي راحتهم ما يقدرو انا مستنية الخير البعملو كلو ربنا يردو لي ما مستنياهو من الناس.. دينا قالت لي صحي نسيت اقول ليك نتيجة الامتحانات طلعتا ونحنا الإثنين درجاتنا أعلى درجات في القاعة.. قلتا ليها كذابة.. قالت لي والله العظيم جد ولو واصلنا كدا ح نجي البروفات عديل.. قلتا ليها أن شاء الله ما خشمك لي باب السماء، بعد خلصنا محاضرات دينا مشت معاي المطعم انا بقيت اشتغل وخليتها قاعدة بس مسافة جاء يونس قعد معاها خلصتا شغل هي مشت بيتهم وانا رجعتا البيت وغريبة الليلة شهاب ما جاء المطعم ولا شفتو في الجامعة.. دخلتا البيت قدام الباب لقيت في شنط مرصوصة دخلتا لي مرة ابوي قلتا ليها خير في شنو ودي شنط منو القدام الباب دي.. قالت لي دي شنطك انتي وابوك.. قلتا ليها نعم ولي شنو خاتاها هناك.. قالت لي عايزاك انتي وابوك المعاق دا تطلعو لي من البيت.. قلتا ليها ما على كيفك دا بيت ابوي وما طالعة منو وانتي مفروض تطلعي ما انا.. قالت لي كان بيت ابوك وهسي بقى بيتي...............
_______________♥️
 في امان الله♥️
•••••••••••••••••••••••••••••••••••••••••••••••••••••••••••

#رحلة~كفاح 《16》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قلتا ليها ما على كيفك دا بيت ابوي وما طالعة منو وانتي مفروض تطلعي ما انا.. قالت لي كان بيت ابوك وهسي بقى بيتي..... قلتا ليها انتي اكيد بتكذبي ابوي ما سجل البيت بي اسمك انا ما مصدقة.. قالت لي بي راحتك لو عايزة تصدقي ولا لا ما بهمني وما عايزة معاك كلام كتير تشيلي اغراضك وانتي وابوك تطلعو لي من البيت.. قلتا ليها ما قادرة أصدق أنتي ليه بتعملي كدا ابوي دا مش راجلك ومش عمل اي شئ عشان يسعدك ويخليك مبسوطة كدا بتردي ليهو الجميل العملو معاك بتتخلي عنو في اكتر وقت هو محتاجك فيهو انتي شنو ياخ ما بتحسي على دمك انتي مصنوعة من ياتو طينة.. قالت لي محاضراتك وكلامك الفارغ دا وفري لي نفسك وهسي اطلعي من بيتي.. قلتا ليها ما طالعة لانو القصة ما على كيفك.. قالت لي على كيفي ونص كمان وبقت تلز فيني يلا اطلعي سريع.. قلتا ليها كويس بالجد انتي طلعتي رخيصة وما بتستاهلي اي شئ ابوي عملو معاك في واحدة عندها قلب بترمي راجلها وهو بالحالة دي.. قالت لي كان راجلي بس انا وابوك أطلقنا وماف شئ بجمعنا وانا ذنبي شنو اكمل باقي حياتي مع واحد معاق وبطلي كلام واطلعي لي من بيتي.. قلتا ليها انا طالعة بس خليك متذكرة تعاملك وكلامك معاي كويس والدنيا مصيرها تلف وح تحتاجي لي ووقتها انا بوريك.. قالت لي بطلي تهديد على الفاضي واطلعي.. اخوي هادي على أصواتنا جاء قال لي هيومة انتي ماشة وين.. امو قالت ليهو خليها تمشي مكان عايزة انت مالك ومالها.. ما قدرتا ارد عليهو طلعتا الشنط برة وجيت اسوق ابوي.. هادي قال لي هيومة عليك الله ما تمشي وتخليني انا ما عايز اقعد هنا ولو ماشة انا زاتي بمشي معاك.. قلتا ليهو هادي حبيبي تمشي معاي وين انا زاتي ما عارفة امشي وين خليك قاعد هنا مع اخواتك وامك.. قال لي انا ما عايز اقعد معاهم انا عايز اقعد معاك انتي.. قلتا ليهو هادي اسمع الكلام وخليك قاعد هنا.. قال لي انا ما عايز اقعد معاهم ولو ما عايزة تسوقيني انا بعرف امشي براي.. ملامح وشو ونبرة صوتو بتبين قدر شنو هو جادي وانا خايفة يطلع وتحصل ليهو حاجة وهو براهو احسن يكون معاي وقدام عيوني ومطمنة عليهو.. قلتا ليهو حاضر امشي جيب حاجاتك وتعال، ح يقعد معاي يومين وبعدها ح يقول عايز يرجع لي امو.. قلتا لي ابوي صحي انت طلقتا علوية.. غمض لي عيونو بمعني اي.. قلتا ليهو طيب لي سجلتا البيت بي اسمها هسي نحنا ح نمشي وين.. ما رد علي وعاين بعيد ونزلت دموع من عيونو.. قلتا ليهو ما تبكي انا ح احل كل شئ انت خليك واثق فيني.. هادي جاء قال لي خلينا نمشي جينا طالعين امو قالت ليهو هادي ماشي وين.. قال ليها ماشي مع ابوي واختي ما قاعد معاكم.. قالت لي برضو حرضتي ولدي علي وعايزة تأخدي مني.. قلتا ليها شغل التحريض دا بتعرفي لي انتي ما انا فاهمة وهادي ما شافع عشان احرضو.. قالت لي لو ما حرضتي ح يطلع من البيت لي شنو.. قلتا ليها بسبب عمايلك وحقدك وقلبك الأسود بقولو الأطفال بقدرو يميزو بين الزول الكويس والكعب وشكلو ولدك ميز عشان كدا ما عايز يقعد معاك.. قالت ليهو هادي ما تسمع كلامها تعال راجع ما تمشي معاها.. قال ليها امي انا ما عايز ارجع وقلتا ليك ح امشي مع ابوي ما عايز اخليهو براهو.. طلعنا قعدت تكورك ليهو بس هادي ولا رد عليها انا مستغربة انها سوت شنو لي درجة ولدها ما طايقها ولا عايز يقعد في نفس المكان الهي قاعدة فيهو.. مشيت لي عمي الصادق على أمل انو هو يساعدنا ويخلينا نقعد معاهو في بيتو لانو فاضي ومرتو مسافرة دقيت الباب فتح لي قال لي الجابك هنا شنو.. قلتا ليهو عمي جيت طالبة مساعدتك علوية مرة ابوي شالت البيت وطردتنا منو.. قال لي وعايزاني اعمل ليك شنو.. قلتا ليهو عمي كيف تعمل لي شنو اقول ليك طردتنا وما عندنا مكان نقعد فيهو وانت براك شايف حالة ابوي كيف ح امشي بيهو وين.. قال لي تمشي بي مكان ما عايزة انا ما شغلتي بيكم اتصرفو وتاني ما تجوني هنا.. قلتا ليهو عمي دا اخوك انت كيف تقبل انو يقعد في الشارع وانت عندك بيت.. قال لي بي طريقتك اتصرفي وقفل الباب في وشي.. قعدتا أدق في الباب مسافة ما جاء فتح لي مشيت لي عماتي واحدة واحدة عشان يساعدوني ولا واحدة فيهم قبلت انها تساعدني وكلهم طردوني وقفلو الباب في وشي خليهم نقول انا ما عايزني طيب ابوي دا مش اخوهم لو ما فكرو فيني على الأقل يفكرو فيهو هو اصلا حالتو الصحية تعبانة ووضعو لسه ما اتحسن صدق القال انو الأقارب عقارب وانو أهل الأب كعبين بقينا قاعدين في الشارع ومحتارة انو نمشي وين لمن خلاص كل الطرق اتقفلت في وشي ما لقيت حل غير اني اضرب لي عمار اخوي يجي يسوقنا البيت ضربتا ليهو وقلتا ليهو انت وعامر تعالو لي قدام بيت ابوي سريع.. قال لي في شنو ما تخوفيني.. قلتا ليهو مافي داعي تخاف بس تعالو سريع وما تتأخرو.. جوني بعد مسافة قالو لي انتي الموقفك في الشارع في الوقت المتأخر دا شنو والشنط المعاك دي شنو.. قلتا ليهم بشرح ليكم لمن نمشي البيت هسي خلونا نمشي قبل ما يجي زول ويشوفنا.. عمار وعامر شالو الشنط وانا سقتا ابوي بالكرسي المتحرك وهادي كان معانا ومشينا بيت ناس امي كنتا خجلانة اني امشي ليهم وخصوصا انو ابوي معاهم وقعدتنا كلنا في بيت واحد ما صح بس دا حل مؤقت لحدي ما القى لينا بيت ونعيش فيهو.. وصلنا بيتنا دخلتا ابوي الصالون وانا شايفة نظرة الانكسار في عيونو والحزن باين من عيونو بس اعمل شنو ما بي يدي شئ بس ان شاء الله ح احاول القى حل بأسرع وقت.. امي قالت لي في شنو يابتي والمطلعكم من البيت في الزمن دا شنو حاصل معاكم شنو.. قلتا ليها ابوي طلق مرتو وهي طردتنا من البيت وقالت ابوي سجل البيت بإسمها وهسي ما عندنا مكان نقعد فيهو فإتحملونا اليومين ديل لحدي ما نلقى لينا بيت.. امي قالت لي انا كنتا عارفة السوسة دي وراها مصيبة بس ما اتوقعتا ابوك يسجل البيت بي إسمها.. قلتا ليها انا زاتي ما اتخيلتو يعمل كدا بس انا متأكدة انها هددتو بي شئ حتى سجل ليها البيت هسي دا كلو ما مهم المهم اننا لازم نلقى لينا بيت بأسرع وقت.. بابا جمال قال لي مستعجلة على شنو البيت كبير وبشيلنا كلنا.. قلتا ليها لالا يا بابا جمال كدا ما صح وانا ما حابة اتقل عليكم كلها يومين وبلقى لينا بيت.. قال لي عيب عليك تتقلي علينا في شنو لو البيت ما شالكم بنشيلكم في رأسنا.. قلتا ليهو بابا جمال ما تضغط علي انا كدا ح اكون مرتاحة.. عمار وعامر قعدو يعاينو لي وما قالو ولا كلمة بس انا فهمتا عايزين يقولو لي شنو.. امي قالت لي طيب هادي الجابو معاك شنو.. قلتا ليها لمن شافنا طالعين رفض يقعد مع امو وقال الا يجي معاي انا وابوي.. امي قالت لي اكيد ما قدر يتحمل امو وتصرفاتها.. قلتا ليها احتمال لكن يومين بالكتير وبقول عايز يرجع ليها.. استئذنتا منهم ودخلتا حاجاتي وحاجات هادي غرفتي وفرشتا ليهو هو وباسل السرير وعشيتهم ونومتهم ومشيت عشيت ابوي واديتو الدواء وخليتو عشان ينوم.. جيت مسكتا تلفوني وبقيت بفتش عن بيوت للايجار قريبة من جامعتي عشان تاني ما ح يكون في زول يهتم بي ابوي وضروري اكون قريبة منو.. رسلتا لي شهاب ودينا وطلبتا منهم يفتشو لي بيوت او شقة للايجار شرط انها تكون قريبة من الجامعة لمن سألوني عن السبب قلتا ليهم بعدين بشرح ليكم المهم ضروري تلقو لي في اليومين ديل ووصلتا تفتيش لحدي ما نعستا ونمتا.. صحيت تاني يوم من الفجر صليت واتجهزتا وطلعتا بدري عشان الحق افتش لي بيت قبل ما زمن المحاضرة يقرب فتشتا بس للاسف ما لقيت نهائي مشيت الجامعة ولاقيت شهاب ودينا هناك بعد سلمتا عليهم.. قالو لي انتي موضوع البيت العايزة دا لي شنو.. حكيت ليهم الحصل وقلتا ليهم ضروري بأسرع وقت القى بيت او شقة قريبة من الجامعة بعد خلصتا كلامي لقيت مجاهد وواقف ورانا عاينتا ليهو من فوق لي تحت وقلتا لي شهاب لو لقيت لي الطلبتو منك كلمني وسقتا دينا ومشينا القاعة الدكتورة الكان مفروض تدينا المحاضرة الليلة ما جات وبدلها جاء دكتور إدريس قبل يبدأ المحاضرة قال لي يا هيام نسيت اوراق في مكتبي بتلقيها في الدرج الاول على يدك اليمين جيبيها لي.. قلتا ليهو حاضر يا دكتور وطلعتا حالتي امبارح اتكلمتا معاهو في الموضوع وهو لسه مصر يرسلني انا مشيت فتحتا نسيت قال لي الاوراق في ياتو درج بقيت افتش في الادراج لفت انتباهي صورة كانت موجودة في الدرج ومقلوبة الفضول خلاني اقلبها واشوفها لقيتو دا دكتور إدريس ومعاهو بنت بتشبهني شديد لي لحظة كنتا ح اقول انو دي انا معناها كلامو صح لمن قال لي اني بشبه اختو شديد اخدتا لقطة للصورة بي تلفوني ورجعتها مكانها وفتحتا الدرج الثاني شلتا الاوراق ومشيت وديتها ليهو.. المحاضرة كلها انا ما قادرة اركز عديل وما صدقتا انها خلصت وريت دينا الصورة وقلتا ليها ما طلع بكذب شوفيها بتشبهني كيف.. دينا قالت لي بخلق من الشبه اربعين بس دي صدفة غريبة انك بتشبهيها للدرجة دي وحقو الدكتور يركز معاك لانو شايف فيك اختو.. قلتا ليها انا زعلانة من نفسي عشان قلتا ليهو الكلام داك.. قالت لي ما تزعلي انتي من وين ح تعرفي انك بتشبهي اختو، وهسي خلينا من الموضوع دا وارح نمشي نفطر لانو ورانا شغل كتير.. قلتا ليها معاك حق عندي مواضيع اهم افكر فيها...................

_______♥_______

%:-*

انا ما قادر افهم البنت الاسمها هيام دي عايزة شنو يعني تمشي تشتكيني عند العميد وبي سببها كنتا ح اترفض من الجامعة ولمن تجي قدامهم تنكر القصة وتحاول تبين قدامي انها بطلة وانقذتني انا ما حصل لاقتني بنت متناقضة زيها انا لاول مرة احس اني بكره بنت للدرجة دي من اول ما شفتها نازلة فيني نصائح ومواعظ وعاملة نفسها كأنها ملاك وانا الشيطان الدائما بغلط انا البهدلة البهدلتني ليه امي ما حصل اتعاملت معاي بي نفس اسلوبها واحدة مستفزة وكريهة وغياظة وبتقيف لي الزول زي شوكة الحوت وبعد دا كلو بتحاول تبين انها مسكينة وبريئة بس هي خبيثة وبي وشين بي سببها انا كان مستقبلي الدراسي ح ينتهي وتجي ببساطة عايزة تقنعني انو ما هي الاشتكت علي اصلا منو غيرها ح يعمل كدا ومنو العارف اصلا بي قصة انو حبسناها غيرها هي ونحنا بس وما اظن واحد من شلتي ح يعمل فيني كدا..مشيت لي شلتي لقيت ميادة وسارة قاعدين هم ما شافوني عشان جيت من وراهم عايز اتكلم سمعتا سارة بتقول لي ميادة انتي ليه عملتي كدا في مجاهد هسي لو اترفض من الجامعة.. ميادة قالت ليها ما تخافي عليهو ما ح يحصل ليهو شئ لانو ابوهو وراهو وبعدين هو كان لازم يعمل الف حساب قبل ما يفكر يزعلني.. سارة قالت ليها حتى لو زعلك شاكليهو بس انك تمشي وتشتكي للعميد وتحكي ليهو العملتو في البنت ديك وبعد دا كلو ترمي اللوم عليهو براهو انتي ما ملاحظة انك ذودتيها حبتين.. ميادة قالت ليها ما ذوتها ولا شئ هو يستاهل ويحمد ربنا اني ما عملتا ليهو اكتر من كدا.. سارة قالت ليها انتي ما خايفة مجاهد يعرف.. ميادة قالت ليها ح يعرف من وين اصلا ح يفكر انو البنت هي الاشتكت عليهو وما ح يخطر في بالو اني عملتا كدا الا لو انتي وريتي.. سارة قالت ليها انا مستحيل اعمل شئ زي دا اطمني.. ما قدرتا اقيف اسمع باقي كلامهم معقولة البقول عنهم صحباتي وزي اخواتي يعملو فيني كدا ياخ البنت المستفزة الكريهة فكرت في مستقبلي اكتر منهم وبعد دا كلو انا طلعتا ظالمها صحي الطعنة بتجيك من اكتر ناس انت بتثق فيهم ومديهم قيمة في حياتك وميادة عملت دا كلو عشان مشكلة بسيطة بيناتنا بس انا الغلطان عشان طاوعتها وقبلتا اني اعمل في هيام كدا انا غبي وبستاهل تعمل فيني اكتر من كدا وفوق دا كلو بعد العملتو معاي هيام انا مشيت وشاكلتها بالجد انا غبي وشديد كمان وما اظن انها تقبل اعتزاري بعد كل المضايقات الضايقتها ليها ياريتني ما سمعتا كلام ميادة ولا رديت عليها انا غلطتا غلط كبير وعاديت الزول الغلط، انا وثقتا فيها وقلتا هي صحبتي تعمل فيني كدا ولا فكرت اصلا ح يحصل لي شنو بعد عملتها دي ولا فارق معاها اصلا ومرتاحة معقولة انا كنتا مؤذي للدرجة دي بأذي كل الحولي وما بفكر في مشاعرهم بس هدا العملتو اتردى لي وحسيت بي نفس الشعور البكونو حسو بيهو الناس الاذيتهم يمكن ما بقدر اغير الحصل بس على الاقل بقدر اعتذر على العملتو ومن الليلة انا ح اتغير وما ح أأذي اي زول تاني وح احاول اكون شخص كويس وبساعد الكل وبفضل هيام انا اتغيرتا لانو علمتني درس كان مفروض اتعلمو من زمان.. تاني يوم جيت الجامعة بدري وعايز اشوف هيام واعتزر منها شفتها واقفة مع شهاب وصحبتها البتكون معاها دائما استجمعتا شجاعتي عشان اقيف قدامها واعتزر سمعتها قالت بتفتش عن بيت ولا شقة اول ما شافتني وراها عاينت لي من فوق لي تحت وساقت صحبتها ومشت.. سألتا شهاب عن موضوع البيت العايزاهو.. قال لي حاصلة ليها مشكلة وضروري تلقى بيت قريب من الجامعة وبعدين انتي من متين بقيت مهتمي بيها كدا.. قلتا ليهو نقول فتحتا عيوني وبطلتا الكنتا بعملو.. شهاب قال لي احسن ليك انا عارفك انت ما زيهم بس الله يهديك تابعتهم وبقيت منهم.. قلتا ليهو من الناحية دي اطمن خلاص الله هداني.. قال لي فرحتني والله وبعدها مشى.. فكرتا انو لو لقيت ليها بيت ممكن تقبل اعتزاري اتصلتا لي صحبي كان عندو عمارة فيها شقق للايجار جنب الجامعة على بعد شارع واحد بس من الجامعة اتكلمتا معاهو وقال لي انو عندو شقة ارضية فاضية ليها شهر.. قلتا ليها حلو بعدين ح نجيك ونشوفها لو عجبتنا ح نأخدها.. قال لي تشرف في اي وقت.. نهاية الدوام لاقيتها هي وصحبتها طالعين ناديتها قلتا ليها ممكن اتكلم معاك.. قالت لي ماف شئ بيناتنا نتكلمو فيهو.. قلتا ليها خلاص انا عندي شئ اقولو ممكن تسمعيني.. قالت لي عايز تقول شنو وحصل ليك شنو عايز تتهمني بيهو تاني.. قلتا ليها عايز اعتذر منك على كل تصرف عملتو معاك.. قالت لي ضربتا رأسك ولا حصل ليك شنو لمن بتعتذر مني.. قلتا ليها ما ضربتا رأسي بس عرفتا الصح من الغلط ما اكتر وعشان اثبت ليك حسنة نيتي انتي مش بتفتشي على بيت انا لقيت ليك شقة وقريبة من الجامعة بعيدة منها شارع بس.. قالت لي انت عايز تصل لي شنو وخطتك شنو.. قلتا ليها والله ماف اي خطة.. صحبتها قالت ليها هيام انتي ما خسرانة شئ خلينا نمشي نشوف الشقة وما تنسي انتي محتاجة ليها ضروري ودا ما وقت تكبري رأس ولو فكر يتصرف اي تصرف غلط ح يشوف.. قلتا ليها اسمعي كلام صحبتك انا والله نيتي صافية وما عايز شئ غير اساعدك.. بعد تعب حتى قبلت هي وصحبتها يمشو معاي لي صحبي وصلنا اتصلتا ليهو نزل لينا تحت خليناهم دخلو شافو الشقة وقالو عجبتهم واتفقو معاهو وخلال ثلاثة ايام ح تنتقل وما ح تتعب لانو الشقة اصلا مفروشة.. الفرحة الشفتها في عيونها وضحكتها خلتني في عالم تاني لاول مرة اجرب احساس اني افرح زول بس هي فرحتها عندي غير ما عارفة لي شنو بعدها شكرتني وهي وصحبتها مشو.. وصيت صحبي انو يخلي مرتو تهتم بيها وما يقصرو معاها في اي شئ.. رجعتا البيت لقيت امي قاعدة سلمتا عليها قالت لي الليلة وشك منور من الفرحة فرحني معاك.. قلتا ليها يا امي ماف شئ وانا طبيعي بكون فرحان.. قالت لي بس الليلة فرحتك غير.. قلتا ليها صدقتي الليلة لاول مرة جربتا احساس اني اساعد زول واخليهو يفرح بي سببي.. قالت لي انت الغيرك شنو.. قلتا ليها زولة غيرت حاجات كتيرة جواي وفتحت عيوني عن الغلط الكنتا بعمل فيهو.. قالت لي عاد ربنا يفتحها عليها وييسر ليها مكان ما تقبل قدرت تعمل الكنتا سنين بحاول اعملو الله يديها العافية.. قلتا ليها شنو وانا ما لي نصيب منها.. قالت لي انت ذاتك ربنا يسعدك ويفتحها عليك ويديك بنت الحلال البتسعدك.. قلتا ليها اميين يا غالية.. طلعتا غرفتي استحميت وغيرتا ملابسي وصليت وطلعتا اغير جو شوية وانبسط وافرق عن نفسي.................

________♥________

 من جانبي:-

انا لي هسي مصدومة من تصرفات مجاهد معاي حصل ليهو شنو خلاهو يتقلب كدا ويغير معاي ما عارفة بس مساعدتو لي جات في وقتها الشقة كانت كبيرة وواسعة واهم شئ انها ارضية وابوي ما ح يتعب شديد ولو عايز يطلع برة الطلعة ح تكون ليهو وساهلة وغير دا قريب منها في روضة ومدرسة يعني ح اقدر اسجل باسل وهادي فيهم وح اكون مطمنة عليهم وفي اي وقت بقدر اجي اشوفهم المميزات الكنتا عايزاها كلها لقيتها.. مشيت المطعم وانا مبسوطة انو مشكلتي خلاص اتحلت ولقيت البيت.. شهاب جاء قال لي انا لي هسي ما لقيت بيت بس قريب بلقى ليك.. قلتا ليهو ماف داعي تتعب نفسك انا لقيت.. قال لي كيف ومتين.. قلتا ليهو لو وريتك ما ح تصدق بس مجاهد ساعدني كان عندو صحبو عندو شقة قريب من الجامعة ومشينا اتفقنا معاهو وخلاص اجرتها.. قال لي مبروك والله وان شاء تشوفي الخير على وشها.. قلتا ليهو ان شاء الله بس انا مستغربة مجاهد الغيرو شنو بالطريقة دي.. قال لي مجاهد انا بعرفو هو طيب بس نقول شنو اصدقاء السوء خربوهو بس ظاهر عليهو هسي اتأدب وبطل حركاتو.. قلتا ليهو بتمنى والله لانو مجاهد الشفتو الليلة بختلف تماما عن مجاهد الشفتو قبل كدا حتى طريقة كلامو اتغيرت.. قال لي في الايام الجاية ح تلاحظي تغيرات كتيرة.. قلتا ليهو نستنى ونشوف.. بعد خلصتا شغل رجعتا البيت وكلمتهم اني لقيت شقة ويوم الجمعة ح ننتقل هناك في البداية كلهم اعترضو وقالو انو البيت بشيلنا وماف داعي وح تبعدي انتي والاولاد عننا.. قلتا ليهم نحنا كدا ح نكون مرتاحين وفي اي وقت بتقدرو تجونا ونحنا بنجيكم بس احسن لينا انو ننتقل لي بيت برانا.. كلهم زعلو مني وماف زول قبل يتكلم معاي نهائي حتى امي بقت ما بتتكلم معاي بس ما مشكلة مع الايام ح يتعودو بس فكرة انو كلنا نقعد في بيت واحد ما صح ولا ظابطة.. تاني يوم مشيت روضة باسل شلتا اوراق نقلو ومشيت مدرسة هادي برضو شلتا اوراق نقلهم ومشيت مدارسهم الجديدة وبعد تعب حتى قبلو يسجلوهم.. رجعتا وقعدتا اتكلمتا مع هادي وباسل وفهمتهم الوضع وانو يحاولو يتأقلمو مع المكان الجديد لانو كل شئ ح يتغير عليهم واتكلمتا مع ابوي برضو.. ومشيت لاقيت شهاب وبدينا في المشروع الجديد.. يوم الجمعة من الصباح بدينا نقل اغراضنا لي بيتنا الجديد ولي نهاية اليوم كدا خلصنا وخلاص استقرينا في شقتنا الجديدة وعشان اغير ليهم المود حقهم عزمتهم على المطعم الشغالة فيهو واتغدينا واكلنا ايسكريم وعرفتا ابوي على يونس وشهاب والشئ الاحظتا ليهو انو شهاب اتفق مع باسل وهادي وابوي بسرعة وبقو يتونسو وانا همشوني كاني ما قاعدة معاهم بس انبسطتا انهم اتفقو مع بعض والغريبة اكتر انو شهاب كان بفهم على ابوي بسرعة مع انو ابوي ما بقدر يتكلم بعكسي انا بأخد زمن حتى افهم هو قاصد شنو والبشوفهم بقول كأنهم بعرفو بعض من زمان ما اتعرفو هسي بس الشئ دا كان باسطني شديد واتمنيت لو نفضل كدا مع بعض العمر كلو لي لحظة اتمنيت لو شهاب يفضل معانا يمكن انا حبيت وجودو في حياتي ووقفتو معاي ومع باسل وحبو ليهو وتعلق باسل بيهو ياريت لو اتعرفتا عليهو في ظروف غير دي وياريت لو عرفتو من زمان هسي كان ممكن نكون مع بعض ونتزوج بس ما اظن هسي يقبل بي وانا عندي ولد وكل مرة عندي مشكلة جديدة.. ياريت لو كان اتقابلنا في ظروف غير دي وحبيتك في وقت غير الوقت دا يمكن كل شئ كان اتغير وكان عندنا فرصة انو نكمل حياتنا مع بعض ياريت لو يتغير كل شئ.. بعدها رجعنا البيت الليل كلو فضلتا افكر في شهاب ما عارفة متين حبيتو بس القلب وما يهوى ما بقدر امنع قلبي من اني احبو مع اني كنتا متخيلة اني مستحيل ارجع احب تاني وافكر في الزواج بس المرة دي بالجد اتمنيت لو انا وشهاب نتزوج واكمل باقي عمري الجاي معاهو بس دي كلها مجرد احلام وبس وهو مستحيل يفكر فيني ولا يحبني اصلا انا الخلاني احبو شنو وانا عارفة انو مستحيل في يوم يكون لي يارب دي ورطة شنو الوقعتا فيها دي بس اعمل شنو ما بي يدي حبيتو♥♥♥...............

________________♥

اصابتني لعنت حبك أصبحت تجري في عروقي مجرى الدم لا اعلم كيف ومتى ولماذا حدث هذا!! كل الذي أعرفه انك أصبحت أقرب إلي من نفسي تتحملني في حالات قلقي وبرودي🥶 وعصبيتي😈 وكبر رأسي ومزاجيتي السيئة وجنوني وغضبي😠 من غير مبرر وتقبلتني بكل عيوبي اتقنت فن التعامل معي وحينها أدركت انك الوحيد الذي لا أستطيع التخلي عنك أصبحت سكني♥ ومسكني♥ وراحتي♥ وعافيتي♥ ومكاني الذي اهرب إليه حينما يرفضني كل العالم♥
وتعالجني لارجع قوية وصامدة ومتفائلة كما كنت دائماً
فاللهم لا تحرمني من شخصي المفضل واحفظه لي من كل شر ❤️❤️🤲🤲🤲
 في امان الله♥️
•••••••••••••••••••••••••••••••••••••••••••••••••••••••••••

 

#رحلة~كفاح 《17》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 شهاب:-

خلاص انا ما قادر اصبر اكتر من كدا لازم اعترف ليها واعرف لو هي بتحس بنفس المشاعر الانا حاسي بيها اتجاهها ولا لا واعرف لو هي حابة تكمل معاي عمري الجاي ولا لا بس اول زي ما انا اتعرفتا على عائلتها هي زاتها مفروض تتعرف على اسرتي واخد رأي امي فيها بس لو قلتو ليها تعالي اعرفك على عائلتي ما اظن ح تقبل فلازم القى طريقة اجيبها البيت.. اتكلمتا مع يونس قال لي انت مش بينكم في شغل.. قلتا ليهو اي.. قال لي بس مشكلتك اتحلت.. قلتا ليهو كيف.. قال لي بطبيعة الشغل هي مفروض تستشيرك في التصميم خليها ما تقدر تصل ليك وح تضطر تجي تسألني عنك وانا بجيبها بيتكم وكدا المشكلة اتحلت.. قلتا ليهو انت عبقري بس خايف تزعل.. قال لي ما ح تزعل هي جاية عشان الشغل وطالما جات بيتكم اكيد ح تتعرف على اهلك لانو موجودين الموضوع بسيط شديد.. قلتا ليهو اتفقنا.. رسلتا لي هيام قلتا ليها ترسل لي مسودة عن التصميم رسلتها لي وقلتا ليها في تفاصيل راجعيها ورسليها لي سريع لانو الايام الجاية ح اكون مشغول شديد بالكتير ضروري بكرة اراجعو.. قالت لي حاضر.. مشيت لي شادية وقلتا ليها بكرة هيام ح تجي وعايز اعرفكم عليها.. قالت لي واخيرا ح نتعرف على البنت القدرت تسرق قلبك.. قلتا ليها اي واخيرا.. قالت لي انا متشوقة شديد عشان اشوفها.. قلتا ليها لو شفتيها ح تعجبك اكيد.. الليل كلو ما قدرتا انوم من الحماس انو اخيرا ح اعرفها على اهلي وقريبا نتزوج وتجي تعيش معانا ما عارف فضلتا صاحي لي متين.. تاني يوم العصر يونس رسل لي رسالة انهم طلعو وجايين مشيت كلمتا شادية انهم ح يجو بعد شوية.. بقيت قاعد في الصالون وماشي وجاي متوتر انها ح تجي ومبسوط في نفس الوقت.. امي قالت لي شهاب انت مالك.. قلتا ليها ماف اي شئ.. قالت لي طيب اقعد لفيت رأسي معاك ماشي وجاي.. قلتا ليها اسف.. سمعتا صوت الجرس طوالي مشيت فتحتا الباب لقيت تنزيل واقفة قدامي قلتا ليها اتفضلي.. قالت لي ما اتوقعتك تفتح لي.. قلتا ليها دا بيتنا اكيد ح افتح الباب وهسي داخلة ولا ماشة.. قالت لي اي داخلة.. يا الله هسي دي الجابها شنو ياخ.. بعد مسافة الجرس دقة تاني مشيت فتحتا الباب واخيرا يونس وهيام جو لمن شفتها حسيت كأنو لي سنة ما شفتها اشتقتا لي ملامح وشها وعيونها الحلوة وضحكتها وكل شئ.. يونس قال لي ح نفضل واقفين في الباب ما ح ندخل يعني.. قلتا ليهو معقولة اتفضلو.. فضلتهم جوة وعرفتا هيام على امي واخواتي وزوجة اخوي.. شادية قعدت تأشر لي بعيونها انا فهمتها عايزة تقول شنو.. هيام قالت لي اسفة جيت من غير ما اكلمك بس ما امبارح بحاول اوصل ليك ما قدرتا فإضطريت اجي هنا.. قلتا ليها ولا يهمك انتي تجي في اي وقت، باسل وابوك واخوك كيف.. قالت لي كويسين الحمد لله، جبيل باسل سأل عنك وقال طول ما شافك.. قلتا ليها انا زاتي طولتا ما شفتو واشتقتا ليهو.. تنزيل قالت ليها باسل دا منو.. هيام قالت ليها باسل دا ولدي.. قالت ليها يعني انتي متزوجة.. هيام قالت ليها كنتا متزوجة بس انفصلنا.. قلتا ليها تنزيل ممكن ما تدخلي وتستفسري في مواضيع ما بتخصك.. هيام قالت لي خليني اوريك التصميم وامشي عشان ما اتأخر.. امي قالت ليها يخسي عليك يا بتي اقعدي اتغدي معانا.. هيام قالت ليها ما بقدر يا خالتو خليت ابوي واخوي وولدي في البيت براهم ومفروض ارجع سريع مرة تانية ان شاء الله.. امي قالت ليها ما بقبل اي اعزار.. شادية قالت ليها انتي جيتينا لاول مرة وعيب عليك تمشي ساي عليك الله اقعدي.. قلتا ليها اقعدي وما بتتأخري وبعدين انا بوصلك.. قالت لينا طالما اصريتو بقعد.. شادية وشيماء وامنة  ساقوها معاهم فوق.. امي قالت لي تنزيل اطلعي ليهم فوق.. تنزيل قالت ليها يا خالتو هم لو كانو حابين انو امشي معاهم كان نادوني بس براك شايفاهم ساقو البنت ديك معاهم وخلوني.. قلتا ليها البنت ديك عندها اسم اسمها هيام وكويس انك لاحظتي انو ما مرغوب بيك هنا فبتمنى تحسي وتمشي.. امي قالت لي شهاب في شنو وليه بتتكلم مع تنزيل كدا.. قلتا ليها ماف شئ وطلعنا البلكونة انا ويونس.. يونس قال لي انت مشكلتك مع تنزيل شنو القصة بينكم انتهت معقولة لي هسي شايل في قلبك منها.. قلتا ليهو انا ما شايل في قلبي واصلا انا نسيتها بس انا اكتر واحد بعرف تنزيل ومتأكد جيتها لي بيتنا وراها سبب.. قال لي انت مالك دائما بتفكر بسلبية.. قلتا ليهو القصة ما اني بفكر بسلبية القصة اني فاهم تنزيل واصبر الايام ح تثبت ليك كلامي.. نزلنا تحت لقيت ابوي وشادي جو اتغدينا وشربنا الشاي وهيام ورتني المشروع وراجعناهو وبعدها ودعت اهلي ووصلتها البيت وسلمتا على ابوها وباسل وهادي ورجعتا البيت.. قعدتا مع ناس امي قلتا ليهم رأيكم شنو في هيام.. شادية قالت لي والله البنت عجبتني ظريفة وتحس بيها قريبة من القلب.. شيماء وامنة قالو لي نحنا برضو حبيناها.. امي قالت لي انت بتسألنا عن رأينا فيها من ياتو ناحية.. قلتا ليها من ناحية اني حبيتها وعايز اتزوجها.. امي قالت لي انت جنيت.. قلتا ليها جنيت لي شنو.. قالت لي صح البنت حلوة وظريفة بس انك تتزوجها انا مستحيل اوافق.. قلتا ليها ولي شنو ما توافقي المانع شنو.. قالت لي انت عايزني اعرس ليك واحدة مطلقة وعندها ولد كمان انا ما مستغنية عنك انت ولدي واول عرس ليك تعرس واحدة متزوجة قبل كدا.. شادية قالت ليها يا امي انتي من متين بتفكري بالطريقة دي ويعني شنو لو كانت متزوجة قبل كدا.. قالت ليها بيعني لي كتير انتي مستحيل اوافق تتزوج مطلقة وعندها ولد والموضوع دا اتقفل هنا.. قلتا ليها لا يا امي ما اتقفل لاني بحبها وعايز اتزوجها وقراري في الموضوع دا ما ح يتغير.. قالت لي كمان عايز تعارضني هسي انت العرفك شنو هي عملت شنو وخلت راجلها يطلقها.. قلتا ليها هي ما عملت اي شئ وثانيا هي الطلبت الطلاق.. قالت لي اهو باين عايز دليل اكتر من كدا كيف اطلقت من راجلها عشان تسرح وتمرح على كيفها وتعلق الاولاد الاغنياء فيها وتستفيد من وراهم وانت زي الغبي وقعتا في شباكها.. قلتا ليها امي انت ملاحظة لي نفسك بتقولي شنو انتي البنت لسه ما عرفتيها كويس ليه بتتكلمي عنها بالطريقة البشعة دي.. قالت لي لاني بعرف البنات الزيها كويس كل البهمهم القروش وبس وما بفكرو في شئ تاني.. قلتا ليها هيام ما زيهم وعشان اطمنك هي لي هسي ما عارفة اني بحبها وعايز اتزوجها.. قالت لي وانت صدقتا التمثيلية دي هي بتكون من البداية مخططة انها توقعك في حبها وتستفيد من وراك وانت قايلة انها ما عارفة بحبك ليها الزيها بكون دارسين ومخططين من البداية.. شادية قالت ليها امي انت حاصل عليك شنو وليه بقيتي تفكري بالطريقة دي الحياة كلها عندك بقت ماديات وبس.. امي قالت ليها حتى انتي واقفة في صف اخوك وقبلانة انو يأخد واحدة مطلقة.. شادية قالت ليها والمطلقة مالا يا امي ما بشر زينا ما فكرتي في يوم انو واحدة مننا انا وشيماء ممكن تكون مكانها برضو كان ح تتصرفي معانا بالطريقة دي.. امي قالت ليها انتو وهي ما واحد.. شادية قالت ليها واحد وماف فرق في النهاية مطلقات صح ولا لا.. امي قالت ليها انتو بنات عز وما ح تكونو زيها طمعانين في القروش.. قلتا ليها امي انتي بس همك القروش في حاجة تانية في الحياة غير القروش وهي الحب  والمشاعر وحياة الناس انتي ليه بتتصرفي كدا ما عايزاني اكون مبسوط وسعيد ومتهني في حياتي.. قالت لي دا الشئ الوحيد البتمناهو.. قلتا ليها دا كلو بتحقق لمن هيام تكون في حياتي.. قالت لي ما بتحقق انت لمن تجي تتزوج مفروض تتزوج واحدة من مستواك زي تنزيل مثلا.. قلتا ليها تنزيل لو تكون اخر بنت في الدنيا انا مستحيل اتزوجها.. قالت لي وهيام لو تكون اخر واحدة ما بقبل انك تتزوجها.. قلتا ليها كويس خليك انتي مصرة على كلامك وانا زاتي مصر على كلامي ونشوف منو فينا ح يتراجع وطلعتا غرفتي جو ناس شادية قالو لي ما تخاف نحنا ح نحاول.. قلتا ليهم انتو امي مالا من متين بتفكر كدا.. امنة قالت لي انا زاتي ما عارفة خالتو نهى ما كانت كدا.. شيماء قالت لي جبيل تنزيل كانت بتتكلم معاها وخايفة تكون هي الملت رأسها بالكلام دا.. قلتا ليها تنزيل ح تكون عرفت من وين.. شادية قالت لي انت براك عارف تنزيل بس ما تخاف نحنا بنتكلم مع امي وبنقنعها.. قلتا ليها كويس انا اليومين ديل بمشي اقعد مع يونس عشان ما عايز المشكلة بيني وبين امي تكبر اكتر وعشان اريح نفسي شوية.. شادية قالت لي انت امشي ونحنا بنحل كل شئ امنة ح تتكلم مع شادي وانا بتكلم مع امي وابوي ولمن ترجع بكون كل شئ اتحلى.. قلتا ليها ان شاء الله وطلعتا مشيت لي يونس.............

________♥________

 في مكان اخر:-

انا كلمتك يا خالتو نهى وقلتا ليك انو البنت دي لعبت بي عقل شهاب وخلتو يحبها ومخططة انو يتزوجها عشان قروشو.. قالت ليها كلامك صح ولا شهاب ولدي البخليهو يقول عايز يتزوج مرو مطلقة وعندها ولد شنو.. قلتا ليها خالتو نحنا لازم نتحرك سريع انتي براك عارف قدر شنو انا بحب شهاب وندمانة اني سبتو قبل كدا وهسي رجعتا عشان اصحح غلطي دا ومحتاجة مساعدتك.. قالت لي تنزيل ما تخافي انا دائما معاك وصدقيني مستحيل اسمح ليهو يتزوج البنت ديك لو مهما حصل.. قلتا ليها خالتو طيب ح نعمل شنو انت براك شفتي شهاب متمسك بي قرارو كيف وحتى بي سببها خلى البيت وطلع.. قالت لي دا اكتر شئ واجعني ولدي يكسر كلمتي ويطلع من البيت ولا يسأل مني ودا كلو بي سبب بنت ما ليهو بيعرفها كم يوم.. قلتا ليها اكيد يا خالتو هي عملت ليهو شئ لانو شهاب البعرفو مستحيل يعمل شئ زي دا اكيد في شئ غلط.. قالت لي طيب انا ح امشي اتكلم معاها واخليها تخلي ولدي.. قلتا ليها خالتو انتي طيبة شديد انتي متوقعة اشكال البنت الطماعة دي ممكن تتخلى عن شهاب بالسهولة دي اكيد لا لانو شهاب بالنسبة ليها مفتاح لي حياة الرفاهية والعز البتتمناهو وبتحلم بيهو.. قالت لي طيب ح نخلص من المصيبة دي كيف وريني.. قلتا ليها انتي خلي القصة على وانا بتصرف وح اخلص منها وح نرتاح وبعدها شهاب ح يرجع لينا وينساها على الاخر وح تكون مجرد غيمة سوداء ومضت.. قالت لي انتي ح تسوي شنو ما يتعملي شئ يدخلنا في مشكلة.. قلتا ليها ما تخافي انا ح احل اي شئ وطلعتا من غرفتها لاقيت شادية قالت لي انتي عايز تصلي لي شنو.. قلتا ليها ما فهمتا قصدك.. قالت لي رجعتي لي شنو انا وانتي عارفين كويس انك ما بتحبي شهاب عايزة منو شنو.. قلتا ليها من الاحسن ليك ما تدخلي ولو بحب شهاب ولا لا دا شئ ما بخصك.. قالت لي بخصني وحابة اطمنك انو البتخططي لي ما ح ينجح وشهاب ح يتزوج هيام وانتي ح تطلعي من حياتنا زي ما طلعتي قبل كدا ونرتاح منك.. قلتا ليها بتحلمي ونشوف كيف اخوك ح يتزوجها دا لو كانت قاعدة.. قالت لي قصدك شنو.. قلتا ليها ح تفهمي قريب وطلعتا.. انا مستحيل اخلي واحدة زي الاسمها هيام تخرب لي خططي شهاب ح يكون لي انا معقولة اخلي شهاب واسمو وممتلكاتو لي واحدة جربوعة زي ديك مستحيل انا الوحيدة البستحق اكون زوجة شهاب وبعدها ح اخليهو يكتب لي كل شئ عندو وفي النهاية ح اخلي وامشي اصلا انا ما بهمني شئ غير قروشو ولو حصلتا عليها ح اخليهو وارجع اسافر تاني بس لازم افكر في خطة اخلص بيها من الحاجز الح يقيف قدام تحقيق احلامي بس انا بعرف اتخلص منها كيف وبطريقة نهائية واضمن انها ما ح تظهر في حياة شهاب تاني وبعدها ببساطة بقدر اقنع شهاب يتزوجني واخد منو كل شئ واسافر والباقي ما بهمني بس هسي الاولوية اني اتخلص من هيام وازيحها من طريقي والباقي ساهل وعشان كدا لازم اروق وافكر في خطة ممتازة و ناجحة وما فيها اي اخطاء ولا ثغرات عشان ما انكشف ويضيع تعبي كلو على الفاضي.................

_________♥_________

 من جانبي:-

لمن مشيت مع يونس بيت ناس شهاب صراحة اتفاجأتا تحس البيت حقهم عامل زي القصر ما بيت والعجب من جوة تحس كأنك برة السودان بشبه بيوت الاتراك الاغنياء البجيبوهم في المسلسلات كل شئ عندهم بختلف عن العندنا نحنا بالجد يستحقو يقولو عليهم برجوازيين بس اهلو تعاملهم معاي كان راقي شديد وخصوصا اخواتو ومرة اخوهو ظريفين شديد وعسل والعجب اولاد اختو الصغار قطعة سكر بس يعني عائلة كدا تبارك الرحمن عسل وانا معاهم اتمنيت لو اكون جزء من العائلة دي رجعتا البيت وانا مبسوطة انو اتعرفتا عليهم الحمد لله كل شئ في الفترة دي ماشي للاحلى باسل وهادي اتأقلمو على الوضع الجديد وابوي بدأ يتحسن وشوية شوية بقى يحرك يدو الشمال وبنطق شوية كلمات وناس امي برضو اوضاعهم كويسة شديد يعني كل شئ ماشي في السليم وانا زاتي امتحانات السمستر الاول قربت ومفروض اجتهد بعد كدا واركز على قرايتي.. في يوم شهاب طلب يشوفني وقال لي عايز اتكلم معاك في موضوع فعلا طلعنا ومشينا قعدنا جنب البحر.. قال لي ممكن اسألك سؤال.. قلتا ليهو اتفضل.. قال لي انتي سبب طلاقك شنو.. قلتا ليهو دي قصة طويلة.. قال لي برضو احكيها لي انا حابي اسمع.. قلتا ليهو طيب من البداية انا وطليقي جلال اتزوجنا زواج تقليدي وما كنا بنحب بعض بس بعد العرس كل شئ اتغير واتعرفنا على بعض وحبينا بعض وحياتنا كانت ماشة حلوة شديد رغم المشاكل الكانت بتحصل بيني وبين اهلو لانهم ما كانو بحبوني بس برضو دا ما كان عائق وعشنا حياتنا وبعدها بفترة حملتا بي باسل وولدتا وبعد الولادة برضو حياتنا كانت ماشة بس ما عارفة فجأة طريقة تعاملو معاي اتغيرت شديد كانو دا ما جلال الكنتا بعرفو وكذا مرة قبضتو بتكلم بالتلفون واول ما يشوفني بقفل ولمن اسألو بتكلم مع منو بتهرب من الجواب وبعد فترة اتعودتا وبقيت ما بسألو ولا بركز معاهو واهتمامي كلو بقى متركز على باسل ولدي وفي مرة مشيت قعدتا عند امي يومين ورجعتا جاتني جارتي وقالت لي وانا ما فيشة كانو بسمعو صوت مرة مع جلال وقايلنها انا ولمن يندهو على ما برد عليهم.. قلتا ليها بتكون دي اختو الجات حاولت اتهرب من الموضوع وانا من جواي متأكدة انو دي ما اختو، وفي مرة رجعت البيت وشفتا مرة طالعة منو ولمن مشيت سألتو ما نكر ولا خجل من العملو مشيت لي ابوي وقلتا عايزة اطلق وبرضو رجعوني ليهو واستحملتا قرفو البعمل فيهو وكل ذرة حب جواي ليهو اتحولت لي كره وقرف اشمئزاز وبقيت ما قادرة اتحمل وهو ولا همو مواصل في القرف البعمل فيهو وانا اخر شئ ما اتحملتا وطلبتا الطلاق والمرة دي كنتا مصممة على قراري وهددتو لو ما طلقني ح افضحو ولمن خاف طلقني وارتحتا منو ومن قرفو وبديت حياة جديدة مع ولدي.. قال لي انتي كيف قدرتي تتحملي دا كلو وتقعد مع عديم الشرف دا.. قلتا ليهو الظروف جبرتني بس هسي خلاص ماف شئ جابرني واتحررتا منو، اها انت ما كان عندك حبيبة.. قال لي كان عندي.. قلتا ليهو منو.. قال لي تنزيل الشفتيها لمن جيتي بيتنا كنا بنحب بعض والاصح انا كنتا بحبها بس هي لا بعد اتخرجتا من الجامعة اول شئ فكرتا فيهو اني اتزوجها واهلي كانو موافقين واي شئ بس انا قبل كل شئ كنتا مقرر اني ما عايز اي شئ من اهلي واني ح اعتمد على نفسي وأأسس شغلي الخاص واستقل بي نفسي بس ما عارف ليه تنزيل كانت رافضة الفكرة وقالت اني اشتغل مع اهلي ولمن انا رفضت واصريت اني ابدأ من الصفر واعتمد على نفسي انفصلت عني ببساطة وسافرت ولا سألت عني.. قلتا ليهو يا حليلك يا البتفهم من القصة دي انها كانت حاباك عشان قروش اهلك وانت لمن قررتا تتخلى عن كل شئ وتبدأ من الصفر هي زاتها اتخلت عنك.. قال لي بالضبط كدا طلعت مادية وما بتحب غير القروش وبس.. قلتا ليهو ما تزعل ربنا بعوضك بالاحسن منها.. قال لي اصلا ربنا عوضني بالاحسن منها.. لمن قال كدا حسيت بسكين جوة قلبي.. قلتا ليهو بصوت مخنوق ودي منو سعيدة الحظ دي.. قال لي انتي.. مسافة وانا سرحانة فيهو وبحاول استوعب كلامو، قلتا ليهو كيف يعني.. قال لي سعيدة الحظ السرقت قلبي هي انتي♥ والبتمنى اكمل معاها باقي حياتي انتي وبس♥♥.. قلتا ليهو دقيقة خليني استوعب انت بتقول في شنو ما قادرة اصدق اكيد انا بحلم.. قال لي انتي ما بتحلمي ولا شئ انا بحبك♥.. قلتا ليهو انت بتحبني انا.. قال لي اي بحبك♥ مالك مستغربة كدا.. قلتا ليهو يعني مشاعري ما طلعت غلط انت بتحبي قمتا من مكاني وبقيت امشي واجي ومرة اضحك وما عارفة نفسي بعمل في شنو بقيت زي المجنونة وكل شوية اقول ليهو انت بتحبني انا الكلام دا بقى لي زي الحلم قريب لي ساعة انا لافة في المكان وبردد في كلمة هو بحبني قلتا ليهو شهاب لو بتهظر وريني والله انا ما حمل هظار.. قال لي والله ما بهظر معاك يا بت الناس انا بحبك♥ وعايزك تكوني مرتي♥ وشريكة حياتي♥ ونصفي الثاني♥ وكل شئ بالنسبة لي♥ تقبلي تتزوجيني♥♥.. قلتا ليهو اكيد بقبل انا ما مصدقة انك بتحبني♥ زي ما انا بحبك♥ دا كان حلم بالنسبة لي وهسي اتحول لي حقيقة يا الله انا ح اطير من الفرح ما مصدقة.. قال لي لا صدقي ودا ما حلم انتي اجمل صدفة حصلت معاي في حياتي♥.. قلتا ليهو شهاب انا ما قاعدة احلم صح.. قال لي حبيبي دي حقيقة انو نحنا بنحب بعض.. والله بقيت زي الهبلة وما قادرة اصدق الحصل دا قضينا باقي اليوم مع بعض وبعدها وصلني البيت انا اليوم داك من الفرحة ما قدرتا انوم الليل كلو بفكر في حياتي انا وشهاب ح تكون كيف.. الصباح اول ما صبح ضربتا لي دينا قلتا ليها تجيني ضروري.. جاتني قلتا ليها ما تصدقي الحصل شنو.. قالت لي قولي سريع.. قلتا ليها شهاب امبارح اعترف لي بحبو.. قالت لي كذابة.. قلتا ليها والله العظيم حتى انا في البداية ما صدقتا بس طلع بحبني زي ما انا بحبو.. قالت لي حبيبتي انبسطتا ليكم شديد وعلى فكرة كان ظاهر حبو ليك.. قلتا ليها ما كنتا عارفة بس امبارح اتأكدتا انا حاسة نفسي ح اطير من الفرح.. قالت لي الله يديم الفرحة عليك ويجمعكم مع بعض.. قلتا ليها ان شاء الله يارب.. الايام مرت سريع وانا كل يوم بتعلق في شهاب وبحبو اكتر واكتر وبحس يومي ما بكمل لو ما شفتو وسمعتا صوتو وهو نفس الشئ كل صباح ومساء ضروري يتصل علي ويسمع صوتو وحتى علاقتي مع اخواتو ومرة اخو بقت حلوة شديد.. وحتى مجاهد علاقتي معاهو شوية اتحسنت وبطلنا مشاكل وبقى لو زول جاء يشاكلني هو بقيف ليهو حتى صحباتو ناس ميادة لو قالو لي كلمة بالغلط كان بقيف ليهم وصراحة شهاب بقى يغير من معاملتو لي وبقول لي لي مصلحتك تبعدي عنو عشان ما ارتكب فيهو جريمة انتي بتخصيني انا وبس فاهمة.. قلتا ليهو فاهمة.. جات فترة الامتحانات وكنا مضغوطين بس شهاب ومجاهد ما قصرو معاي انا ودينا نهائي ودائما كانو بشرحو لينا ولمن نزهج بفرقو لينا وبحفزونا ونحنا ياما ايام الامتحانات بنبكي وبخففو علينا وبطلعونا نغير جو وننبسط وبعد كل امتحان بنلقاهم واقفين لينا برة وعايزين يعرفو اشتغلنا كيف.. وحتى ناس امي عرفو بي قصة انو شهاب عايزني واتعودو عليهو وهو بقى كل كم يوم بمشي يسلم عليهم عائلتي كلها اتعودت على شهاب وحبتو وحياتنا كانت ماشة حلوة وفي اخر امتحان بعد طلعنا والحمد لله اشتغلنا فيهو كويس شديد شهاب ومجاهد طلعونا واحتفلنا برة ويونس واخوات شهاب واخوهو ومرتو كلهم طلعو معانا وانا سقتا باسل وهادي معاي وقضينا يوم حلو شديد وانبسطنا واتصورنا صور كتيرة وحسيت انو خلاص الدنيا ضحكت لي والفرحة ما ح تفارقني وح اعيش باقي حياتي مبسوطة وماف شئ ح يعكر علي حياتي واخيرا ح انبسط بعد الزمن دا كلو وح افرح زي باقي الناس واعيش مرتاحة الحمد لله يارب على النعمة دي.. في يوم كنتا عايزة اوصل باسل الروضة لانو قاعدة في البيت وما عندي موضوع طلعتا اوصلو قال لي ماما انا نسيت بوتل الموية جو ماشي اجيبو.. قلتا ليهو انت خليك هنا انا هسي بجيبو ليك ما تتحرك كويس.. قال لي ماما انا بحبك شديد.. قلتا ليهو وانا بحبك يا قلبي وحضنتو علي شديد وباسني في خدي وقال لي انتبهي على نفسك كويس واياك تنسي في يوم اني بحبك.. قلتا ليهو ما ح انسى وانا كمان بحبك.. اديتو ظهري واتحركتا خمسة خطوات بس سمعتا صوت عربية وراي وناس بتكورك لمن قبلتا وراي شفتا باسل واقع في الارض وجسمو كلو مليان دم وما بتحرك من الصدمة ما قدرتا اتحرك وبقيت واقفة وبعاين ليهو وجسمي كلو متشنج....................

__________________♥

لم اعلم انها اخر مرة احتضنك فيها واسمع منك كلمة احبك.. لماذا لمن تخبرني انك سترحل💔 صدقني حينها لم اكن لاتركك لحظة واحدة تبتعد عني فيها💔💔.. لماذا تركتني وانت تعلم انك كل حياتي💔💔 ولا يسعني العيش في حياة انت غير موجود فيها💔💔.. لماذا ذهبت يا نور حياتي وتركتني اعيش بقية حياتي في الظلام💔💔💔
 في امان الله♥
•••••••••••••••••••••••••••••••••••••••••••••••••••••••••••

 

#رحلة~كفاح 《18》
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 علوية:-

خطتك نجحت يا كمال وعملتا زي ما قلتا وهدا البيت مسجل بي اسمي.. قال لي انا مش قلتا ليك ح تنجح.. قلتا ليهو في الاول شكيت بس لمن مشيت ونفذتا الموضوع اتحلى.. قال لي احكي لي بتفصيل عملتي شنو.. قلتا ليهو شلتا الورق الاديتني ليهو ومشيت قلتا لي عبد القادر يوقع عن اوراق تنازل البيت ويسجلو بي اسمي في الاول رفض بس بعد قلتا ليهو اني ح اقتل ليهو بنتو هيام لو ما وقع وهو عارف اني بعملها وما بهمني خاف ووقع على الورق بدون ما يعترض وبعدها خليتو يطلقني وطردتو هو وبنتو من البيت وارتحتا من همهم واخيرا ح نقدر نعيش حياتنا مبسوطين بدون ما زول يمنعنا.. قال لي قربت وح نكون سوى بس متين ح تسجلي البيت بي اسمي.. قلتا ليهو اسجل البيت بي اسمك لي شنو.. قال لي انتي بتقبلي انو يقولو انو راجلك ساكن في بيت مرتو شايفاها حلوة في حقي.. قلتا ليهو انت عارف انا تعبتا قدر شنو عشان احصل على البيت دا وعايزني بالبساطة اتخلى عنو.. قال لي هسي البيت بقى اهم مني عندك وبعدين انا الساعدتك عشان تحصلي عليهو ولولاي لي هسي ما كنتي قدرتي تأخدي منو.. قلتا ليهو حتى ولو بس البيت دا انا ما بقدر اتخلى عنو.. قال لي كويس يعني كلامك انك بتحبيني واني اغلى حاجة عنك طلع كلام ساي واستخسرتي انو تسجلي البيت بي اسمي وانا ما بقبل اني اقعد في بيت مسجل بي اسمك وشكرا ليك اثبتي لي انك ما بتحبيني.. قلتا ليهو ما تقول كدا انت اكتر واحد عارف انا بحبك قدر شنو وضحيت بي شنو عشان اكون معاك وهسي جايي تقول ما بحبك.. قال لي لو بتحبيني كان سجلتي البيت بي اسمي وثانيا انا وانتي واحد ولو كان البيت مسجل بي اسمي ولا اسمك ما بتفرق المهم نكون مع بعض.. قلتا ليهو وانت قلتا براك ومافي داعي انقل البيت بي اسمك.. قال لي في كل مرة انتي بتثبتي ليهو البيت عندك اهم مني وبحسسيني اني ما عندي اي قيمة عندك.. قلتا ليهو عليك الله ما تزعل انت عارف انو زعلك ما بهون علي قال لي لو بالجد زعلي ما بهون عليك كان سجلتي البيت بي اسمي وهسي انا ماشي ما بقدر اقعد في بيت انا ما مقيم فيهو وطلع.. انا ما عارفة اعمل شنو وخايفة اخسر كمال لو ما سجلتا البيت بي اسمو وبرضو ما عايزة البيت يضيع من يدي بس خسارة كمال ما بتحملها والبيت ما مشكلة اكيد ما ح يفكر يخوني ويطلعني من البيت كمال ما بعمل كدا انا واثقة فيهو وهو بحبني.. جاتني هالة قالت لي انتي يا امي هادي ما ح يرجع.. قلتا ليها خلي يقعد مع ابوك واختو ان شاء الله ينفعو اصلا ما زمان متلصق في اختك خلي يقعد معاهم.. قالت لي ما بتفكري تمشي تجيبي منها.. قلتا ليها لا خلي معاها.. قالت لي عمو كمال وين.. قلتا ليها مشى.. قالت لي امي انا ما عايزة اتكلم بس الانتو بتعملو دا غلط.. قلتا ليها انتي بنت متين لمن جاية تعلميني الصح من الغلط طيري من قدامي سريع يلا.. بقيت بضرب لي كمال ما برد علي مرة اسبوع وانا بالحالة دي بتصل عليهو وما برد لمن قنعتا انو يرد رسلتا ليهو رسالة اني وافقتا اسجل البيت بي اسمو حتى قبل ورد علي وجاء البيت ووقعتا الاوراق وخلاص البيت بقى بي اسمو.. بعدها مرة ثلاثة ايام واختفى فيها وتلفونو مغلق بعد ظهر فجأة قلتا ليهو كمال انت اختفيت وين ولي قافل تلفونك.. قال لي انتي ما شغلتك تلفوني وانا حر فيهو.. قلتا ليهو انت ليه بتتكلم معاي بالاسلوب دا.. قال لي بتكلم بالاسلوب البعجبني لو ما عجبك اطلعي من البيت.. قلتا ليهو انت قصدك شنو وكيف يعني اطلع من البيت.. قال لي عديل كدا تسوقي بناتك وتطلعو من بيتي سريع.. قلتا ليهو كمال لو بتهظر دا ما وقت هظارك نهائي.. قال لي البخليني اهظر معاك شنو انا جادي اطلعو لي من بيتي.. قال لي كان بيتك بس هسي بقى بيتي انا وما عايز اي قرف في بيتي يلا اطلعي.. قلتا ليهو هسي انا يا كمال بقيت قرف مش قبل كم يوم كنتا بتقول انك بتحبني.. قال لي احب ليك شنو انتي واحدة رخيصة وتافهة وما عندك احترام لي نفسك ولا بتخجلي البخليني احبك شنو.. قلتا ليهو انت يا كمال البتقول لي الكلام دا انا سويت ليك شنو.. قال لي اي انا البقولو لانو دي الحقيقة واحدة رخيصة زيك بتخون راجلها ما بتستاهل غير المعاملة دي.. قلتا ليهو انت بتتصرف معاي كدا لي شنو انا عملتا ليك شنو.. قال لي انتي لسه بتسألي عملتي شنو واحدة خانت راجلها في بيتو بدون اي ذرة خجل وفوق دا حاولت تقتل راجلها وهددتو عشان يسجل ليها البيت وبعد بتسألي انا بعمل فيك كدا لي شنو انا العملتو فيك بسيط انتي انسانة كل عبر الدنيا السيئة فيك ما خليتي شئ ما عملتي.. قلتا ليهو انا عملتا كدا دا لاني بحبك.. قال لي تحبيني شنو انتي واحدة خاينة وانا ما بشرفني تقعدي في بيتي يلا سوقي بناتك واطلعي سريع.. قلتا ليهو كمال عليك الله ما تعمل كدا انا ما عندي مكان امشي ليهو ما تتخلى عني.. لزاني وقال لي ما عايز اسمع منك اي حرف اطلعي يلا وسوقي بناتك وبقى يضرب فيني بناتي جو يحجزوني منو هم زاتهم ضربهم وطلعنا من البيت وفضحنا قدام الحلة كلها والناس كلها بقت تعاين لي بي قرف واسمئزاز وشماتة في اللحظة ديك اتمنيت انو الارض تنشق وتبلعني وما اشوف نظراتهم دي لي ولي بناتي بس انا استاهل براي دمرتا حياتي بي يدي عشان واحد ما بستاهل حتى بناتي بقو يعاينو لي بي قرف مشيت لي اخوات عبد القادر وماف واحدة فيهم قبلت تدخلني انا وبناتي حتى اهلي لمن مشيت ليهم ما دخلوني واتبرو مني وقاطعوني وقالو لي انتي من الليلة بالنسبة لينا ميتة واياك تجي هنا مرة تانية حتى بناتي رفضو يقعدو معاي وامي شالتهم مني قالت لي ما بخلي البنات معاك عشان يطلعو فاجرات زيك ومن الليلة تنسي عندك بنات وتنسي شارع البيت دا وما اشوفك قربتي عليهو نهائي حتى اخواني واخواتي ما قبلو يتكلمو معاي ولا يدخلوني بيتهم كلهم اتخلو عني ولا زول منهم وقف معاي ودا كلو حصل بي سبب كمال ياريتني ما عملتا العملتو ودمرتا حياتي الناس كلها بقت تكرهني وماف زول قبلان يشوف وشي ولا يتكلم معاي حتى بناتي اتخلو عني انا هسي امشي وين ولي منو ما عندي مكان اقعد فيهو ولا قروش اعيش بيها هسي انا اعمل شنو وامشي لي منو.. هيام اكيد لو مشيت لي هيام ح تساعدني ما لي غيرها متأكدة ما ح تتخلى عني لازم امشي ليها بس هسي هي وين انا ما عارفة بس انا بعرف مكان جامعتها بمشي ليها هناك واكيد بلقاها قاعدة وح تساعدني هي الفرصة الوحيدة الفضلت لي وما عندي غيرها.................

_________♥_________

 من جانبي:-

لمن شفتا باسل بالحالة ديك ما عرفتا اتصرف كيف وبقيت واقفة وبعاين ليهو وجسمي كلو برجف ودموعي نازلة زي الشلال 💔💔وما قادرة اتحرك حسيت قلبي ح يطلع من محلو والدنيا بقت لي سوداء ما عارفة مجاهد جاء من وين ركبني العربية وشال باسل مسكني ليهو واتحرك بسرعة البرق على المستشفى.. قال لي هيام دا ما وقت تتصدمي خليك مركزة معاي باسل ح يكون كويس انتي حاولي اضغطي على رأسو عشان توقفي النزيف واتحسسي نبضو شوفي دقات قلبو قوية ولا ضيعفة.. قلتا ليهو ما بقدر ما بقدر.. قال لي لو ما عملتي كدا ح نخسر باسل وانتي اكيد ما عايزة تخسري اعملي القلتو ليك.. ضغطتا على الجرح الفي رأسو وبقيت بشوف نبضو لقيتو ضعيف شديد💔💔 قلتا ليهو بسولي حبيبي خليك معاي انت ما ح يحصل ليك شئ هسي ح نوصل المستشفى وينقذوك انت وعدتني ما تتخلى عني💔 وح تفضل معاي دائما💔 وانا هسي محتاجاك شديد ما تمشي💔💔 وتخليني انا ما بقدر اعيش من دونك💔💔 انت حياتي كلها ما تخليني.. مجاهد قال لي ما تخافي باسل بطل وح يقوم منها بخير.. وصلنا المستشفى مجاهد فتح الباب وشال مني باسل وجر بيهو جوة وانا جريت وراهو وديناهو الاسعاف الدكتور فحصو وقال طوالي يدخلو غرفة العمليات ودخلو العملية ونحنا بقينا قاعدين برة قعدت في الارض وبقيت ببكي وحاسة كانو في الف سكينة مغروزة جوة قلبي💔💔.. مجاهد قال لي ما تبكي باسل ح يكون كويس.. قلتا ليهو انت كيف ما عايزني ابكي وانا قطعة من روحي💔💔 جوة وما عارفة لو ح يعيش ولا لا💔💔 انا بموت لو باسل حصلت ليهو حاجة هو الامل الوحيد المخليني لسه اتمسك بالحياة💔💔 ولو فقدتو انا بموت💔 لي هسي متذكرة اول مرة مسكتو بي يديني فيها انا معاهو عشتا تفاصيل عمري ما بنساها وعشانو انا قاومتا واتحملت وصبرتا وهسي لو خسرتو قلبي ما بتحمل وبوقف💔💔.. قال لي ما تقولي كدا اتفائلي ح يكون كويس ويطلع منها لانو قوي زي امو وهو مستحيل يتخلى عنك لانو عارف قدر شنو انتي بتحبيهو وخلي ثقتك في ربنا كبيرة وان شاء الله ح يقوم بالسلامة.. يا الله احفظ لي ولدي انا ما بقدر اتحمل اني اخسرو 💔💔يارب ما تكسر قلبي وتحرمني منو انا ما لي غيرو هو سبب فرحتي في الحياة يا الله ما تضوقني العذاب دا💔💔 انا والله ما بقدر اتحمل💔💔 انا خسرتا حاجات كتيرة وصبرتا واتحملت بس المرة دي غير باسل دا قطعة من قلبي💔 ومن روحي💔 يارب ما تحرمني منو انا والله ما بقدر اتحمل💔💔 وبقيت بشهق من البكى الفكرة ساي كانت بتقتلني💔 من جوة يارب انا ما لي غيرك. اقيف معاي يارب.. مجاهد شال تلفونو وما عارفة اتصل بي منو وبقى يتكلم معاهو.. كل ثانية كانت بتمر انا حاسة روحي بتطلع معاها احساس الخوف كان متملكني.. طلعت ممرضة من غرفة العمليات قلتا ليها ولدي عايش صح هو كويس.. قالت لي هسي ما بقدر اقول ليك شئ بس ضروري ننقل ليهو دم لانو خسر دم كتير، بتعرفي زول زمرة دمو B+ لانو في المستشفى ما لقينا.. مجاهد قال ليها انا زمرة دمي B+.. قالت ليهو ممكن تجي معاي نعمل الفحص.. قال ليها طوالي مشت معاهو.. بعد مسافة امي واخواني وشهاب وابوي وبابا جمال ودينا وامها كلهم جو اول ما شفتا امي مشيت حضنتها وانهرتا بالبكى💔💔.. ولدي يا امي ولدي وقطعة من قلبي وروحي جوة هناك انتي ما شفتي منظرو كان كيف جسمو كلو مليان دم ونبضو كان ضعيف💔💔 خايفة يا امي ما ارجع اشوفو واسمع صوتو انا قلبي من جوة محروق 💔يا امي محروق💔 وبتقطع💔 حاسة بيهو ح يطلع من مكانو من الوجع انا قاعدة اموت واااي💔 يا الله وااي قلبي واجعني شديد💔💔 حاسة روحي بتطلع يا امي💔💔.. قالت لي ما تقولي كدا باسل ان شاء الله ح يرحع لينا بالسلامة ما تبكي ما بتحمل اشوف دموعك.. قلتا ليها والله يا امي ما قادرة صعب صعب شديد💔💔 حاسة كانو في صخرة تقيلة قاعدة في قلبي ومانعاني اتنفس💔💔 انا قلبي واجعني شديد💔💔 كلو مني انا ياريت لو ما اتحرك وخليتو هسي دا كلو ما كان حصل كلو بي سببي انا ما قدرتا احمي ولدي.. دينا جات حضنتني وقالت لي ما تقولي كدا ربنا مقدر ليهو يحصل معاهو كدا انتي ادعي ربنا انو يقوم بالسلامة وخليك واثقة في ربنا وان شاء الله ح يتعافى.. احساس الذنب قاعد يأكلني من جوة.. مرو ثلاثة ساعات ولسه الدكتور ما طلع وما طمنا عليهو انا الثلاثة ساعات مرت علي كأنها ثلاثة سنوات اصعب احساس يمر علي في حياتي عمري ما فكرتا اني ممكن اخسر ولدي وقلبي يتحرق عليهو💔💔 بعد طول انتظار الدكتور طلع من غرفة العمليات جريت عليهو دكتور الله يرضى عليك قول لي ولدي عايش وطمن قلبي واطفي النار الجواي عليك الله قول لي لسه عايش.. قال لي اطمني يا مدام هو لسه عايش.. لمن سمعتا كلامو سجدتا في الارض وحمدتا ربنا وشكرتو انو حفظو لي.. قال لينا بس هو لسه ما اتجاوز مرحلة الخطر لانو الضربة الاخدها في رأسو كانت قوية شديد.. قلتا ليهو قصدك شنو يا دكتور.. قال لي جهزو نفسكم لي كل الاحتمالات والساعات الجاية مهمة شديد وليها اثر كبير على صحتو وعليهو العافية ومشى.. قلتا لي امي الدكتور قصدو شنو يعني ممكن اخسر ولدي.. امي قالت لي فكري بإيجابية وان شاء الله باسل ح يتعافى ويرجع لينا بالسلامة.. ملامح الخوف والحزن الشفتها فيهم اثبتت لي انو قدر شنو هم بحبو باسل وبخافو وخصوصا شهاب ومجاهد.. نقلو باسل غرفة العناية المركزة وبقيت واقفة وبراقبو من وراء الزجاج وجسمو كلو ملفوف بالشاش والاجهزة المركبنها ليهو هو صغير شديد بس شوف هو وين هسي ياريت لو كنتا انا مكانو ياريت قدرتا احميهو جاني عمار قال لي ما تلومي نفسك انتي ما عندك ذنب الحصل كلو قدر وربنا كاتب يحصل كدا وماف زول فينا بقدر يقيف في وش القدر عشان كدا ما تختي اللوم على نفسك وادعي ربنا انو يشفيهو ويديهو الصحة والعافية.. قلتا ليهو ان شاء الله يارب.. امي جابت لي ملابس وبدلتا ملابسي الكانت مليانة بي دم باسل ومشيت انا ودينا المسجد وصلينا وقعدنا ندعي لي باسل بعد صليت ودعيت وقعدتا اقرأ قرأن شوية حتى حسيت قلبي ارتاح شوية واطمنتا.. طلعتا فوق لقيت مجاهد وشهاب الاثنين وافقين وبعاينو لي باسل.. بابا جمال ناداني قال لي انتي كلمتي جلال بي حادث باسل.. قلتا ليهو والله نسيت.. قال لي ما صح منك تعملي كدا في النهاية هو بكون ابوهو ومن حقو يعرف.. قلتا ليهو ابوهو الما بسأل عنو ولا بجي يشوفو اصلا.. قال لي حتى ولو برضو مفروض يعرف.. قلتا ليهو طيب اتصرف بي معرفتك وكلمو لاني ما حابة اشوفو ولا اسمع صوتو مع اني متأكدة انو ما ح يهمو ولا ح يجي اصلا.. قال لي يابتي عيب ما تقولي كدا في النهاية هو اب.. قلتا ليهو دا ما بستحق يكون اب اساسا.. ومشيت وقفتا معاهم وبقيت براقب في باسل ولا واحد فينا اتكلم كلنا بقينا ساكتين.. بالمساء كدا بابا جمال ناداني قلتا ليهو جلال ما قبل يجي صح.. قال لي القصة ما كدا.. قلتا ليهو اها كيف.. قال لي جلال في السجن.. قلتا ليهو عمل ياتو مصيبة.. قال لي متهمنو بي قضيتين اغتصاب وضدو شكاوي كتيرة حقت نصب واحتيال وما ظاهر عليهو ح يطلع منها لانو كل الادلة ضدو.. قلتا ليهو اصلا ما استغربتا ويستاهل وان شاء الله يقضي باقي عمرو كلو في السجن وارتاح منو وهدا حقي طلع من جوة عيونو وبتمنى يتعذب اكتر واكتر والله ينتقم منو على كل شئ عملو فيني وربنا يطلع لي حقي منو دنيا واخرة.. ومشيت لقيت شهاب قعد يعاين لي ومن نظرة عيونو فهمتا هو عايز يقول لي شنو.. بعد تحانيس حتى الدكتور خلاني ادخل لي باسل في العناية لمن شفتو ما قدرتا امسك دموعي ونزلو غصبا عني قعدتا في الكرسي الجنبو ومسكتا يدو بسولي حبيب قلب ماما انت عارف ماما بتحبك قدر شنو وما بتقدر تعيش من دونك وانت احلى شئ في حياتي وعشان انت ولد ماما الحلو ح تتحسن وتتعافى وترجع احسن من اول وما ح تسيب ماما براها ابدا لانها عايشة عشانك وبتحبك اكتر من روحها وانت اغلى شئ عندها وح تفضل معاها للابد وبستو في رأسو وطلعتا.. مرو ثلاثة ايام ولسه باسل وضعو على حالو وماف اي تحسن وانا صراحة بديت اخاف اكتر من اول.. مجاهد قال لي عارفك خايفة ومتوترة وحقك بس اياك تفقدي الامل انو هو ح يتحسن واحسني الظن بربنا واكيد ما ح يخيب ظنك لانو ربنا عند حسن ظننا بيهو.. خلال الثلاثة ايام دي مجاهد ما فارقني نهائي حتى ناس امي اصريت عليهم وبقو يمشو المساء ويجوني الصباح بدري بس مجاهد نهائي ما بمشي اليوم كلو هو ودينا بكونو معاي وشهاب زاتو مرات بمشي وبجي راجع وحسيت شهاب مضايق من قعدت مجاهد وقبل كدا اتكلم معاي في الموضوع دا قلتا ليها ما بقدر اقول ليهو امشي وما تنسى لولاهو ما كنتا عارفة ح اسوي شنو ولو باسل عايش هسي فافضل برجع ليهو لانو هو الاتبرع ليهو بالدم ولو عايز تطلب مني اقول ليهو يمشي ما بقدر وح يفضل هنا وياريت ما نرجع نتكلم في الموضوع دا تاني ومشيت خليتو وفي يوم اخوات شهاب جو وكفرو لينا وشافو باسل من وراء الزجاج ومشو تاني يوم حسيت نفسي اضايق وقلتا اطلع برة واشم حبة هواء طلعتا من المستشفى بقيت قاعدة برة من بعيد لمحتا شهاب واقف ومعاهو امو والمكان حولهم كان فاضي ماف اي زول قلتا يمكن تكون جاية تشوف باسل قلتا امشي اسلم عليها وبالمرة تدخل معاي لو عايزة تشوف باسل اتحركتا عليهم ولمن قربت اصل سمعتا ام شهاب بتقول ليهو انا والله ما كنتا متوقعة تنزيل ح تعمل كدا لمن قالت لي انها ح تخلص من هيام فكرتا انها ح تبعدها من حياتك وما ح تعمل كدا.. شهاب قال لي انتي يا امي ليه بتعملي كدا انتي عارفاني بحب هيام ليه بتمشي تتفقي مع تنزيل عشان تفرقنا وبعدين تنزيل عملت شنو.. امو قالت ليهو غلطتا يا ولدي وهي اقنعتني انها ح تبعد هيام عنك وانا دا الكان بهمني بس ما اتخيلتا انها ح تتمادى بالطريقة دي.. شهاب قال ليها امي فهميني تنزيل عملت شنو.. امو قالت ليهو هي جات اعترفت لي انها حاولت تقتل هيام وتضربها بالعربية بس ضربت ولدها بالغلط بس صدقني انا ما كنتا عارفة انها ح تفكر تقتلها وانو ولدها ح يكون بدلها.. بقيت واقفة وما قادرة استوعب اي شئ كيف يعني هم السبب في الحصل لي ولدي وكنتا ح اخسرو بي سببهم الغضب عمى لي عيوني وبقيت ما قادرة افكر ما لقيت نفسي الا وانا بخنق ام شهاب وبقول ليها انتي لازم تموتي زي ما كنتي ح تقتلي ولدي.. بي صعوبة حتى شهاب فكاها مني وقال لي هيام انتي جنيتي عايزة تقتلي امي.. قلتا ليهو اي بقتلها لانها بتستحق انو تموت واي زول بفكر يأذي ولدي انا مستعدة اقتلو.. امو قالت لي انا والله اسفة ما كنتا عارفة تنزيل ح تعمل كدا.. قلتا ليها واسفك ح يغير لي شنو ح يغير حقيقة انو ولدي جوة المستشفى وانو هو بين الحياة والموت ولا ح يغير احساسي ووجع قلبي عليهو اسفك ح يرجع لي ولدي ولا ح يعمل لي شنو ياخ انا اذيتكم في شنو لمن تعاقبوني بالطريقة دي انتي بس لو مرة واحدة جيتي قلتي لي انك ما عايزاني لي ولدك صدقيني انا كنتا اختفيت من حياتكم ونهيت علاقتي بي ولدك.. شهاب قال لي كنتي ح تتخلي عني بالبساطة دي.. قلتا ليهو لو الموضوع بخص ولدي انا بتخلى عن الكل وما بفرق معاي المهم ولدي يكون بخير ياريتك جيتي قلتي لي ياخ انتي ام وعارفة شعور الام لو شعرة من ولدها اتلمست انتي ليه عملتي كدا.. امو قالت لي انا ما عملتا اي شئ.. قلتا ليها عملتي انتي زاتك شاركتي التافهة ديك في خططها وبي سببكم انتو الاثنين انا ولدي في المستشفى الله ينتقم منكم ويحرقك قلبكم زي ما حرقتو قلبي على ولدي وان شاء الله ما تتهنو في حياتكم وربنا يأخد لي حقي منكم وانا بدعي عليكم بي قلب ام محروق على ولدها والله على الظالم والمفتري.. شهاب قال لي هيام خلاص فهمنا انك مصدومة بس ماف داعي للدعوات دي.. قلتا ليهو انت ما ح تفهم شعوري لانك ما عندك ولد ولا عارف معنى انو تشوف ولدك قدامك بموت وانت ما قادر تعمل ليهو شنو ما جربتا احساس انك تكون قاعد على اعصابك وانو في اي لحظة ممكن يجو ويقولو ليك انو ولدك وقطعة من قلبك مات ما جربتا الاحساس دا عشان كدا ما ح تفهمني.. قلتا لي امو ما تفكري انو العملتو ح يمر بدون عقاب انا ح ارفع عليكم قضية واخليكم تعفنو في السجن لانو دا المكان البتستاهلو تكونو فيهو وبس لانكم مجرمين.. شهاب قال لي هيام انتي بتقولي في شنو اكيد ما ح تعملي كدا.. قلتا ليهو صدقني ح اعمل وما بهمني لو كانت امك ولا لا ومن يوم الليلة كل شئ كان بينا انتهى وانسى انك بتعرف واحدة اسمها هيام لاني مستحيل اكمل مع ولد المرأة الحاولت تقتل ولدي وما عايزة اشوف صورة وشك تاني وما بيناتنا كلام غير في المحكمة وبس وخلي امك تنفعك ومشيت خليتو هو وامو بكوركو لي.. قلتا ليهو الكلام دا وانا قلبي بتقطع من جوة وانا داخلة المستشفى لاقيت طليقت ابوي قلتا ليها ما عايزة اسمع منك ولا كلمة وظاهر انتي زاتك اخدتي نصيبك ولو فاكرة اني ح اساعدتك تبقي غلطانة شديد وهسي اختفي من قدامي وما توريني وشك تاني عشان ما اتصرف معاك بي طريقة ما بتعجبك وانا قلتا ليك ح يجي يوم وتحتاجي لي وهدا جاء اليوم بس ما تحلمي اني اساعدتك وهسي امشي من هنا.. دخلتا المستشفى وانا حاسة انو الفيني كلها كملت خلاص وقلبي فضل شوية ويطلع من مكانو من الوجع الكسر الحاسة بيهو.. طلعتا ليهم فوق لقيتهم كلهم قاعدين وببكو قلتا ليهم في شنو وبتبكو مالكم ماف زول رد علي.. قلتا ليهم انا بتكلم معاكم زول يرد علي في شنو ما تقطعو قلبي مالكم بقيت بصرخ انا بتكلم معاكم زول يرد علي بتبكو لي شنو.. مشيت لي امي سألتها ما ردت علي ومشيت لي بابا جمال واخواني ماف زول رد علي مشيت لي دينا قلتا ليها كلهم ساكتين وما بردو علي على الاقل انتي جاوبني في شنو.. قالت لي وهي بتشهق من البكى باسل.. قلتا ليها باسل مالو حصلت ليهو حاجة.. قالت لي باسل................
 في امان الله♥
•••••••••••••••••••••••••••••••••••••••••••••••••••••••••••
 

#رحلة~كفاح 《19》
#♡الاخــــــــــــــــــــــــــــــــيرة♡
#بقلم~هيام~عبد_القادر{السمحة♥️}

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد مرور 7 سنوات:-

يعني ضروري اشوفك كل يوم من الصباح واتصبح بي وشك دا.. قال لي انتي لاقية هو تتصبحي بي وشي مفروض تحمدي ربنا صباح ومساء لانو بتشوفيني.. قلتا ليهو مالك بقيت سيدنا يوسف لمن انبسط بي شوفتك.. قال لي ابوي عمي انت ما تتكلم مع بتك دي ضروري كل ما اجي تسمعني الكلام دا.. قلتا ليهو ما تدخل ابوي بيناتنا وبعدين ماف زول عزمك تجي هنا.. قال لي ما ضروري يعزموني وثانيا انا ما جايك انتي انا جايي اشوف عمي وحبايبي الحلوين وانتي موتي يا مسفوها يلا.. قلتا ليهو منو القال ليك انا مسفوها.. قال لي ظاهر ما مسفوها لي درجة كل يوم بتشحدي زول يتونس معاك.. ابوي قال لينا كفاية مشاكل انتو كل يوم على نفس الحالة دي انتو ما بتتعبو ولا بتزهجو.. قلتا ليهو ابوي انت براك شايفو هو بتعمد انو يغيظني ويحرق دمي.. قال لي حبيبة انتي طبيعي دمك محروق ما ترمي اللوم علي اليوم كلو مركبة وش الكلب في البيت وفي الشركة.. قلتا ليهو شفتا يا ابوي هو بعمل شنو.. قال لينا خلاص انا تعبتا منكم حلو مشاكلكم براكم انا ما دخلني.. قلتا ليهو اولا انا ما مركبة وش كلب انا كوني مديرة ضروري اكون حازمة معاهم عشان ما يستهينو في شغلهم.. قال لي ماف زول قال ليك ما تكوني حازمة معاهم بس على الاقل اضحكي شوية اليوم كلو صارة وشك زي اخر الشهر مسيخة دي.. قلتا ليهو انت امسخ منك الله ما خلق ثقيل دا.. قال لي شوف منو البتكلم اثقل اكره انسانة موجودة على كوكب الارض.. قلتا ليهو شكرا يا عياظ.. باسل وهادي جوهو جاريين عمو مجاهد.. مجاهد قال ليهم حبايبي كيفكم.. قالو ليهو نحنا كويسين الحمد لله واشتقنا ليك.. مجاهد قال ليهم وانا اشتقتا ليكم شديد وارح اجهزو عشان نمشي المدرسة واخلص من امكم الكلامها كتير دي.. هادي قال ليهو ماما هيام كلامها ما كتير.. قلتا ليهو شايف حتى ما احتجتا ادافع عن نفسي.. قال لي كويس بجيك يوم.. وبعدها ساق باسل وهادي عشان يوصلهم المدرسة ومن هناك ح يجي الشركة اتصلتا على امي صبحتا عليهم وقلتا ليها اها جايين متين.. قالت لي طيارتنا الساعة 7 والمساء ان شاء الله بنكون معاكم.. قلتا ليها طيب في انتظاركم وخلو بالكم من نفسكم.. قالت لي حاضر وانتو كمان.. اتحركتا على شركتي واول ما وصلتا كالعادة الموظفين كلهم استنفرو واستعدو لانو بخافو مني لاني دائما بكون صارمة معاهم عشان ما يغلطو ويتعملو بسرعة على عكس مجاهد البقضي اليوم كلو هظار وضحك وونسة مع الموظفين.. اول ما  دخلتا مكتبي السكرتيرة جابت لي كباية الشاي حقتي وورتني مواعيد الاجتماعات وطلعت، بقيت بشرب في الشاي وسرحانة في حياتي الاتغيرت 180° وشوف هسي وصلتا لي وين واسستا انا ومجاهد شركتنا الخاصة بي تصميم البرامج وادارة الصفحات الاعلانية لاكبر الشركات وعندنا قسم مختص بالتصميم الداخلي، كل شئ كنتا بحلم بيهو قدرتا احققو ووصلتا لي المكانة الكنتا بتمناها وبطمح اني اصل ليها.. مجاهد بعد وصل الاولاد جاء الشركة وبدينا الاجتماع مع الشركة الح نتفق معاها جديد ودي ح تكون اكبر صفقة بالنسبة لينا وح تنقل مستوى شركتنا لي اماكن مختلفة شديد وبحمد الله نجحنا في انو نقنعهم يشتغلو معانا ووقعنا العقد واتفقنا معاهم انو المساء يكون في حفلة عشان نحتفل بالاتفاق الجديد.. المساء كدا مشينا مكان الحفلة واحتفلنا بي توقيع العقد واتعرفنا على باقي شركاء الشركة بعد خلصنا الحفلة انا ومجاهد مشينا المطار عشان نستقبل ناس امي انتظرنا مسافة حتى شفناهم طالعين من المطار اول ما شفتا امي جريت حضنتها وبقيت ببكي.. قالت لي انتي شافعة لمن تبكي.. قلتا ليها اشتقتا ليك شديد اعمل شنو.. قالت لي وانا اشتقتا ليك.. اخواتي قالو لي يعني ما اشتقتي لينا نحنا.. قلتا ليها معقولة بقدر ما اشتاق ليكم والله اشتقتا ليكم كلكم.. وبعدها سلمتا على بابا جمال وعامر وعلي وعمار ومرتو سلمى ومجاهد سلم عليهم واتحركنا على البيت وهو عمارة مقسمة لي شقق في شقتنا القاعدين فيها انا وابوي واخواني وشقة قاعد فيها مجاهد وشقة لي عمار ومرتو وشقة لي ناس امي والباقين مأجرنهم.. وصلنا البيت وضيفتهم وقعدنا اتونسنا مسافة حتى اي زول مشى على غرفتو ونمنا.. تاني يوم ما مشيت الشغل عشان اقضي اليوم مع ناس امي ونلف في دبي ونتسوق ونقضي وقت حلو لانو طولتا ما شفتهم وما قضيت معاهم وقت وفي اليوم دا استمتعنا شديد وانبسطتا بي وجود كل الناس البحبهم حولي ومعاي.....

عارفاكم مستغربين وما فاهمين الحاصل خلينا نرجع 7 سنوات لي وراء واحكي ليكم حصل شنو:-

قلتا ليها دينا باسل مالو حصلت ليهو حاجة.. قالت لي باسل واخيرا صحى والدكتور هسي عندو.. قلتا ليها طيب بتبكو لي شنو.. قالت لي دي دموع الفرح.. اتنهدتا تنهيدة طويلة وحسيت الحمل الكان على قلبي كلو انزاح واتلاشى بعد مسافة الدكتور طلع وقال لي اطمني ولدك صحى ووضعو هسي مستقر وبتقدري تشوفيهو بس حاولي ما تخلي يتكلم ويتعب.. قلتا ليهو حاضر طوالي دخلتا ليهو اول ما شفتو عيوني اتملت دموع مشيت حضتتو وبقيت ببوس فيهو كان عايز يتكلم قلتا ليهو حبيبي ماما هسي ما تتكلم عشان ما تتعب لمن تتحسن بها اتكلم فهمتا، شوفتو قدامي ردت الروح لي وخلتني اطير من الفرح بعد المسافة الممرضة جات وقالت لي ممكن تطلعي عشان نخليهو يرتاح لانو لسه ما اتحسن.. قلتا ليها حاضر وطلعتا برة لقيت مجاهد لافي وبوزع في حلاوة وبلح لانو باسل اتحسن.. دينا قالت لي باسل بقى كويس وصحى انتي ليه ظاهر عليك مضايقة كدا.. قلتا ليها نادي مجاهد والحقوني تحت ما عارفة الخلاني اقول تجيب مجاهد معاها لي شنو بس حسيت اني محتاجة انو يكونو معاي في الوقت دا بالذات.. قعدتهم قدامي وحكيت ليهم الحصل كلو.. دينا قالت لي ما قادرة اصدق الناس ديل معقولة يكونو بشر ذينا كيف الواحد منهم قلبو بطاوعو انو يقتل ليهو انسان ما قادرة استوعب.. قلتا ليها ديل ناس قلوبهم ميتة بس انا اكتر شئ صدمني ردة فعل شهاب مع انو عارف انو امو غلطانة وانها ارتكبت جريمة برضو واقف معاها.. مجاهد قال لي مصدومة لي شنو كنتي عايزاهو يعمل شنو يقيف معاك ضد امو.. قلتا ليهو انا ما اتوقعتا انو يعمل كدا بس على الاقل ما يدافع عنها وهي مجرمة وشاركت البنت الاسمها تنزيل، بس صدقني ما ح اخليهم في حالهم.. قال لي ح تعملي شنو.. قلتا ليهو ح امشي للشرطة واشتكي عليهم.. قال لي انتي متخيلة الشرطة ح تصدقك اكيد لا لانو ما عندك اي دليل ولو اتهمتيهم عادي ممكن ينفو الكلام دا كلو وبالمقابل يرفعو عليك دعوة تشهير وافتراء وانتي الوحيدة الح تروح عليك وماف زول ح يكون خسران غيرك انتي وبس.. قلتا ليهو عايزني اعمل شنو اقعد اتفرح على الحاولو يقتلو ولدي ويحرموني منو وهم عايشين مبسوطين وما على بالهم.. قال لي منو القال ليكم انهم ح يعيشو مبسوطين انتي ناسية انو ربنا موجود وشايف وسامع كل شئ وقادر على كل شئ ولو القانون ما جاب ليك حقك رب العباد بجيبو ليك منهم لو ما في الدنيا في الاخرة وصدقيني عقاب ربنا ح يكون اكبر من اي عقاب ممكن يأخدو من القانون لانو ربنا سبحانه وتعالى ما برضى الظلم لي عبادو والله على الظالم والمفتري وانتي لو خليتي حقك على ربنا واتوكلتي عليهو ح يطلع ليك حقك من جوة عيونهم لانو الدنيا دي ما سايبة وفيها رب كريم وعادل وما تنسي كما تدين تدان والبتعملو مصيرو يلف ويرجع ليك عشان كدا ما تتعبي نفسك وقلبك وتحقدي عليهم خليها على ربنا وان شاء الله ح يجيب ليك حقك منهم.. دينا قالت لي مجاهد كلامو فيهو وجهة نظر وبعدين انتي عارفة ناس شهاب بكونو عندهم واسطات في اي مكان وعادي يطلع امو والتافهة ديك من القضية بريئيين بس انتي لو رفعتي قضيتك لي محكمة السماء عند رب العباد حقك ح يطلع من عيونهم ولو بعد حين فخليها على الله واطمني انو حقك ح يرجع ليك.. بقيت افكر في كلامهم ولقيتو معقول وغير كدا نحنا ما حمل جرجرة في المحاكم وانا ما عندي امكانية اتحمل ولا باسل ح يتحمل مشية المحكمة مع اني من جوة قلبي كنتا عايزاهم يدفعو ثمن العملو مع ولدي بس ربنا موجود وما ح يضيع حقي وحق ولدي بس انا اكتر شئ واجع قلبي انو شهاب ما وقف معاي عارفة هي بتكون انو بس الغلط غلط لو منو ما كان عملو لا دا ما غلط دي جريمة وانا اتوكلتا على ربي في انو يحاسبهم على العملوهو لانو اصلا في بلدنا دي ماف قانون القانون الوحيد الماشي هو قانون القروش والواسطة وبالقروش اي قضية بتتقفل والظالم بطلع من اي جريمة عملها بس عشان عندو قروش وواسطة بس حتى لو نفدتو من محكمة الارض ما ح ينفدتو من محكمة السماء وربنا ح يحاسبهم على العملو.. بعد يومين باسل حالتو اتحسنت ونقلناهو من غرفة العناية لي غرفة عادية.. كان في كلام في قلبي ضروري اقولو لي شهاب وامو والكريهة تنزيل طلبتا من مجاهد يوديني بيتهم.. في الاول رفض بس بعد اصرار مني وقلتا ليهو لو ما وديتني انت انا ح امشي براي قبل يوصلني لانو خايف انو يعملو لي شئ.. لمن وصلنا قريب لي بيتهم كان في عربات كتيرة واقفة والشارع مليان ناس كان في بنت واقفة ناديتها قلتا ليها لي لو سمحتي هنا في شنو ولي الناس متلميين كدا.. قالت لي الليلة عقد شهاب ولد الطاهر على تنزيل بنت صاحب ابوهو.. لمن قالت لي كدا حسيت قلبي اتكسر لي مئة قطعة والعبرة خنقتني يعني ما صدق انو خلينا بعض طوالي مشى اتزوج وما لقى يتزوج غير البنت الحاولت تقتل ولدي خلاص بطني طمت منو وقلبي اباهو وكرهتو بس كان ضروري اسمعو الكلمتين الجيت اقولهم وارجع.. مجاهد قال لي انتي متأكدة انك لسه عايزة تشوفيهو.. قلتا ليهو اي متأكدة.. مشيت وراء بيتهم ومجاهد مشى يناديهو لي بعد مسافة جاء مجاهد وجاب شهاب معاهو.. قلتا ليهو اوو حضرة العريس الف الف مبروك وان شاء الله بيت مال وعيال وربنا يسعدك مع مرتك المجرمة.. قال لي هيام على الاقل انتي ما تقولي كدا انتي عارفة اني بحبك بس كنتا مجبور اني اوافق.. قلتا ليهو اولا انت ما بتحبني ولا شئ وثانيا انت ما شافع عشان يجبروك تعرس وثالثا مبروك لي مرة تانية لانك خزلتني وكسرتا قلبي وقررتا تقيف مع امك ومرتك المجرمات.. قال لي عايزاني اعمل شنو امي مريضة ضغط وسكري وما بتقدر تتحمل انها تدخل السجن وانا ما بقدر اعمل شئ وتنزيل هددتني لو ما واقفتا اتزوجها لا تدخل امي السجن انتي عايزاني اخسر امي.. قلتا ليهو امك غلطت ولازم تدفع ثمن غلطتها وانت لو من البداية دافعتا عن الحق ما كان اضطريت تتزوج زي ما بتقول، انت عارف تستاهل الحصل ليك لانو شبهك تكون مع واحدة زي تنزيل ويا خسارة حبي وثقتي فيك ياريتني ما عرفتك ولا شفتا وشك انا ندمانة على كل لحظة من حياتي ضيعتها معاك وانت علمتني درس مستحيل انساهو لو فضلتا عايشة الف سنة لي قدام وعلى قدر ما كنتا على ما بقيت احتقرك واقرف واشمئز منك.. قال لي هيام ما تقولي كدا انت كنتا مجبور اعمل كدا على الاقل انتي افهميني.. قلتا ليهو افهمك انت حاولت تفهمني ولا تعرف انا حسيت بي شنو لمن شفتا ولدي مرمي قدامي على الارض والدم مغطي كل جزء في جسمو، حاولتا تفهمني وتستوعب اني عارفة الحاولو يقتلو ولدي بس انا ما قادرة اعمل ليهم اي شئ انت لي مرة واحد حاولت تخت نفسك مكاني وتقدر مشاعري اكيد لا فما تطلب مني اني افهمك واخر شئ عايزة اقولو ليك ياريت بعد اليوم ما اشوفك ولا توريني صورة وشك والله ينتقم منك انت وامك ومرتك على العملتوهو فيني.. ودخلتا لي امو ومرتو جوة قلتا ليهم انتو لو فاكرين نفسكم ما ح تتعاقبو على العملتو بتكونو غلطانين الله يحرق قلوبكم زي ما حرقتو قلبي وينتقم منك على كل دمعة نزلت من عيني بي سببكم وبدعي من جوة قلبي انو ما تتهنو في حياتكم الجاية ولا تفرحو ابدا.. لمن جيت طالعة شفتا اخوات شهاب ومرة اخوهو حاولو يتكلمو معاي بس منعتهم وما سمعتا اصلا هم عايزين يقولو شنو وطلعتا مجاهد وداني البحر قعدتا بكيت لمن حسيت دموعي خلصت بس قلبي منو جوة كان بتقطع من الالم وحسيتو شوية ويطلع من مكانو تقول اتكتب علي اني ما افرح في حياتي نهائي....
بعد كم يوم طلعنا باسل من المستشفى ورجعنا البيت وكلهم بسألوني عن شهاب.. قلتا ليهم من الليلة ماف زول اسمو شهاب في حياتنا وح تنسوهو للابد وما عايزة زول فيكم يذكر اسمو قدامي ولو بالغلط ساي وماف زول يسألني عن السبب شنو لانو اظن كلامي واضح ودخلتا غرفتي قفلتا على نفسي الباب وبقيت ببكي... مرت سنة ونص وانا خلال السنة ونص دي ما شفتا شهاب ولا سمعتا صوتو واتأقلمتا على غيابو وبقى ما بفرق معاي.. وطليقت ابوي من يوم شفتها في المستشفى وبعدها اختفت وماف زول عارف عنها اي خبر هي اصلا ليها عين تظهر بعد العملتو وفضيحتها قدام الناس كلها وعرفو الوسخ الكانت بتعمل فيهو نهائي ما اتوقعتا انها في يوم ح تنزل للمستوى دا بس تستاهل كل الحصل ليها ودفعت ثمن غلطها واولادها اتخلو عنها وبناتها قاعدين مع حبوبتهم وهادي قاعد معانا.. في يوم كنتا قاعدة جاتني دينا وملامح وشها ما بتطمن ابدا وظاهر انو في شئ حاصل.. قلتا ليها دينا مالك في شنو.. قالت لي شهاب.. قلتا ليها ما عايزة اسمع اي شئ عنو.. قالت لي الليلة اخت شهاب الصغيرة وولدو ماتو.. قلتا ليها شنو كيف يعني ماتو.. قالت لي اختو كانت شايلة ولدو وماشة في الشارع جات عربية ضربتهم والاثنين ماتو.. قلتا ليها لا حولا ولا قوة الا بالله ربنا يرحمهم ويغفر ليهم، بس انتي الكلمك منو.. قالت لي وراني يونس.. قلتا ليها انتي متواصلة معاهو يعني.. قالت لي اي متواصلة معاهو والحقيقة نحنا بنحب بعض بس خفتا اكلمك وتزعلي مني.. قلتا ليها ماف شئ بخليني ازعل دي حياتك وبعدين انا يونس ما عندي معاهو اي مشكلة وربنا يجمعكم في حلالو يارب.. قالت لي الله اميين يارب.. لي لحظة حسيت انو الحصل مع شيماء وولد شهاب دا كان بي سبب دعوتي على اهلهم قلبي وجعني ياريتني ما دعيت عليهم.. قلبي ما طاوعني وما قدرتا الا مشيت بيت ناس شهاب وراقبتهم من بعيد والحزن وكسرة القلب والحرقة ظاهرة من ملامح وشهم، ربنا عادل ولو مهما طال الزمن الظالم ظلمو ح يرجع عليهو.. بعد الوفاة بكم يوم شهاب وعائلتو سافرت واختفت وتاني ما سمعتا عنهم اي خبر.. وبعد فترة يونس ودينا عملو خطوبتهم وح يتزوجو قريب..بعد تخريج مجاهد سافر الامارات وبدأ يشتغل هناك وبقينا نتواصل بالانترنت ونتكلم يوميا وبقى اقرب زول لي وبحكي ليهو عن اي شئ بحصل معاي ووقت ما احتاج ليهو بلقاهو معاي وعمرو ما خذلني..وبعد فترة انشغلنا لي تحضيرات عرس دينا ويونس وانا حرفيا انتقلتا بيتهم وبقيت قاعدة معاها لحدي ما العرس انتهى ويوم العرس طلعت حلوة شديد زي الاميرات ويونس ظاهر عليهو بحبها شديد وح يعيشو مبسوطين وبعد العرس سافرو قطر شهر العسل، وانا فضلتا قاعدة بين البيت والشغل وحياتي كلها عبارة عن شغل وبس ماف اي شئ تاني ومرت السنين سريع واخيرا اتخرجنا وشلتا شهادتي ومجاهد طوالي ما اتردد وقدم لي في الشركة الشغال فيها والحمد لله تم قبولي فيها وطوالي سافرت الامارات وبديت شغل هناك ولمن اموري ظبطت رسلتا لي ابوي وباسل وهادي وجو استقرو معاي................

نرجع للزمن الحاضر:-

كنا قاعدين انا ومجاهد بنتكلم وقررنا انو نعمل رحلة ونمشي مزرعة ونغير للموظفين جو ونطلعهم من مود الشغل الممل وحجزنا المزرعة وتاني يوم من الصباح اتحركنا على المزرعة وعزمنا شركاءنا الجداد يجو معانا لمن وصلنا هناك وانتظرنا بعد مسافة جو واتفاجأتا انو شهاب جاء معاهم بعد السنين دي كلها رجعتا شوفتو كنتا متخيلة انو لو شفتو مشاعري ح تتحرك بس لمن شفتو ما حسيت بي اي شئ ولا كأني في يوم كنتا بحبو مشاعري اتجاهو كلها اتبخرت سلمتا عليهو وعلى باقي الشركاء عادي.. عطشتا دخلتا جوة عشان اشرب موية جاء شهاب لاحقني قال لي دعواتك استجابت وربنا انتقم مننا وحقك طلع من جوة عيونا.. قلتا ليهو انت قاصد شنو انا ما فهمتا.. قال لي من يوم دعيتي علينا ونحنا ما عشنا يوم حلو كل يوم مشاكل ومصايب ومن يوم خسرنا شيماء وولدي وحياتنا ادمرت امي كل يوم حالتها ماشة تسوء وبقت عايشة على المهدأت وما بتتكلم مع اي زول بقت جسد من غير روح وانا وتنزيل اطلقنا واتعاقبنا على العملناهو فيك.. قلتا ليهو ربنا يشفي امك ويعافيها والحصل فيكم دا من عمايلكم وصدقني انا ما مبسوطة على الحصل ليكم بس نقول دي عدالة السماء.. قال لي انا لسه بحبك ما نفسك نرجع لي بعض تاني.. قلتا ليهو نحنا ماف شئ بينا عشان نرجع والشغل هو العلاقة الوحيدة البتجمعنا ما اكتر وياريت لو ما نرجع ونتقابل مرة تانية.. جاء مجاهد قال لي انتي موجودة هنا ونحنا بنفتش فيك.. قلتا ليهو جيت اشرب موية وشربتا يلا خلينا نطلع.. طلعنا وقعدنا نلعب مع الموظفين في واحدة من الموظفات قالت لي استاذة هيام صراحة انا مستغربة انو انتي بتضحكي وبتلعبي زينا كدا.. قلتا ليها لي انا ما بشر زيكم.. قالت لي ما كدا بس قصدي انك في المكتب غير عن هنا.. قلتا ليها لانو انا في مكتب ضروري اكون كدا بس هسي نحنا برة المكتب واكيد ح اتصرف على طبيعتي.. قالت لي ممكن كل فترة ننظم رحلة زي دي.. قلتا ليها اكيد.. في نهاية اليوم كلنا رجعنا وانا مجاهد مشينا سوى.. قال لي شهاب قال ليك شنو.. قلتا ليهو ولا شئ حكى لي الحصل معاهو في الفترة الفاتت وقال انو عايزني ارجع ليهو اول ما قلتا كدا مجاهد داس على الفرامل لمن قربنا نطير من العربية.. قلتا ليهو انت مجنون عايز تقتلنا.. قال لي كيف يعني ترجعي ليهو بعد العملو فيك كلو.. قلتا ليهو اهدأ شوية انا رفضتا وقفلتا على الموضوع.. قال لي لو ما كنتي عملتي كدا كان انا جيت خنقتك.. قلتا ليهو اطمن انا ما غبية عشان اغلط نفس الغلط مرتين.. قال لي فالحة دي البنت الربيتها انا.. قلتا ليهو ربيتني متين كدي شوف ليك شغلة وخلينا نرجع البيت.. اتحركنا ووصلنا البيت لقينا خطيبة مجاهد منتظرانا سلمتا عليها وطوالي دخلتا البيت عشان ارتاح وخليتهم على راحتهم بعد مسافة رسل لي رسالة انو حددو العرس بعد اسبوع.. نزلتا ليهو تحت قلتا ليهو انت جادي ح تعرس بعد اسبوع.. قال لي اي انتظرنا بما فيه الكفاية وخلاص انا عايز استقر واكون عائلة.. قلتا ليهو الف مبروك ليك وربنا يسعدكم ويهنيكم.. قال لي اللهم اميين يارب.. وبعدها طوالي بدينا في تجهيزات العرس والاسبوع مر اسرع من سريع ودينا ويونس وبتهم نسمة جو حضرو العرس وقررو يستقرو معانا في دبي ونكون كلنا قريبين من بعض وبعد العرس مجاهد ومرتو هديل سافرو جزر المالديف شهر العسل

بعد فترة كان في حفلة جوائز لي الشركات وبكرمو اكتر شركة متميزة وبدو المدراء جائزة افضل سيد و سيدة اعمال للسنة انا ومجاهد اتجهزنا وسقنا عائلاتنا معانا بدت الحفلة وبدو يكرمو الشركات ولمن جاء تكريم افضل سيدة اعمال للسنة قالو السنة دي غير لانو افضل سيدة اعمال للسنة دي انسانة شابة قدرت تثبت نفسها قدام كل العالم واثبتت انو العمر ما مقياس عشان الزول ينجز ويحقق احلامو رغم صغر سنها بس قدرت تتحدى كل الظروف وبنت اسم لي نفسها وتركت بصمة بنقدم ليكم افضل سيدة اعمال للسنة السيدة هيام عبد القادر♥.. المزيعة لمن قالت اسمي حسيت جسمي هبط وما قدرتا اتحرك الا بعد مسافة اتحركتا ومشيت استلمتا الجائزة.. قلتا ليهم انا فخورة بي نفسي♥ اني قدرتا اصل للمكان الانا فيهو حاليا وشاكرة اي زول وقف معاي ودعمني ووثق فيني♥ وفي قدراتي وبشكرك عائلتي واصحابي لانو ما اتخلو عني وسندوني♥ وانا في المكان دا بفضلهم وبفضل تعبي والجائزة دي انا بقدمها لكل زول تعب معاي وساعدني اني انجح واصل هنا واستلم جائزة كانت بالنسبة لي حلم بس الليلة اتحقق وانا بشكركم لانكم شفتو اني بستحق الجائزة دي شكرا ليكم من جوة قلبي.. انا لمن بديت بديتي كان بداية صغيرة ولو زول شافني مستحيل يتوقع اني في يوم ح اصل هنا واقيف في المكان دا واتكلم معاكم عن تجربتي كانت كيف والرحلة المشيت فيها والتحديات الواجهتني واتخطيتها عشان اصل هنا انو تحلم شئ ساهل بس انك تحول الحلم دا لي حقيقة هو الصعب لانو طريق النجاح مليئ بالحجارة والعثرات والناس المحبطين بس انت كيف تحول كل السلبيات دي لي حوافز تحفزك عشان تواصل وتتقدم وتنجح هو الاختبار الحقيقي.. المتعة ما في الصعود للقمة المتعة الحقيقية انك تستمتع في رحلة الصعود للقمة واخير نصيحة بقدمها لي الجيل الجديد انو الحقو احلامكم واسعو في انكم تحققوها وما تيئسو ولا تفقدو شغفكم البداية ساهلة بس انك تواصل رغم العوائق هو الاختبار الحقيقي وانت بتقرر لو ح تنجح في الاختبار دا ولا ح تفشل القرار بي ايدك انت وبس والظروف عمرها ما كانت عائق في تحقيق حلم بس نحنا كيف نخلي الظروف هي تساعدنا عشان نتقدم دا شئ بإيدنا نحنا وبس وشكرا ليكم♥♥.. كلهم صفقو لي وبعد نزلتا من المنصة وانا مبسوطة بي الجائزة وبي نظرة الفخر الشفتها في عيون ولدي وعائلتي لي وفخورة اني وصلتا للمكانة دي.. انا هيام الاتحديت كل الظروف والعوائق وحققتا البحلم بيهو واخترتا اني احارب للنهاية عشان اخلي ولدي واسرتي يفخرو بي وقررتا اني بقدر اعيش واكمل حياتي بدون ما يكون في راجل معاي لانو نحنا الاناث قادرات♥ وقويات♥ وبنقدر نحقق احلامنا♥ من دون ما يكون في راجل معانا وقدرتا اثبت للرجال انو حتى المرأة بتقدر تكون ناحجة زيهم واكتر وبتقدر تستغل بي نفسها♥ وتكون شغلها واسمها الخاص♥ واثبت انو المطلقة برضو قوية وقادرة تبدأ بداية جديدة بعد زواج فاشل♥ وتثبت للمجتمع انو المطلقة ما مكانها البيت وانها تربي ولدها وتتخلى عن احلامها♥ وتقعد مستنية اي راجل يشفق عليها ويتزوجها تاني لا هي بتقدر تتحدى كل الظروف وتحارب♥ وتنجح♥ في اي شغل هي بتحلم بيهو وتخلي اولادها فخورين انو عندهم ام زيها ♥♥... بعدها رجعنا البيت وعشتا مبسوطة وسط عائلتي البتحبني♥ واصحابي ♥وخليت ولدي♥ يفخر بي زي ما انا فخورة بي نفسي♥♥ وكدي كانت رحلة كفاحي♥ لحدي ما وصلتا للانا بحلم بيهو♥

انا من خلال الرواية دي حبيت ارسل رسالة مهمة لكل مطلقة♥ انو الطلاق ما نهاية الحياة لا بالعكس الطلاق طريق عشان تبدأ بعدو حياة جديدة♥ بي احلام ♥واهداف♥ وطموحات جديدة♥.. وما عشان انتي اطلقتي تسمحي لي الناس يعايروك بالشئ دا بالعكس المطلقة اكتر انسانة بتستحق الاحترام♥ والتقدير♥ وانها رفضت تكمل مع واحد بهينها وبزلها وبقلل من احترامها لي نفسها وبخونها.. المطلقة انسانة عظيمة شديد♥ وقادرة♥ ومحاربة قوية♥ والاهم من دا كلو انها ام عظيمة جدا♥♥ ومن هنا انا بقول لكل مطلقة انو الطلاق بداية مشوار جديد ليك♥ بتقدر من خلالو تحققي كل البتحلمي بيهو♥ بدون ما تركزي انو المجتمع ح ينظر ليك كيف ولا تهتمي بي رأيو♥
هاشتاق#المطلقة_عظيمة_وقادرة♥♥

ولي هنا خلصت رحلتي معاكم بتمنى تكونو استفدتو من الرواية ونالت اعجابكم♥♥ ولحدي ما نلتقي في رواية تانية ابقو عافية وفي امان الله♥♥
النهـــــــــــــــــــ♥️ـــــاية