رواية تزوجني وانا مشلوله -(الفصل الاول)

تزوجني_وانا_مشلوله-(الفصل الاول)

#بقلم_سميه_عثمان

 

 #تزوجني_وانا_مشلوله《01》 💖​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

   ولأنك لم تتخابث يومًا، لم تنجح علاقاتك كثيرًا
ولأنك أنقى مما ينبغي .. فأنت تُقتل في أضعف ركن بقلبك
ولأنك تمنح جدًا وتغفر دومًا .. يُستهان ُبطهرك

تبداء القصه ب بت ف وسط اسره عايشه حياه طبيعيه زيها وزي كل البنات ماعندها علاقات مااجتماعيه زوله عايشه ف حياه كدا بس والسلام
نحكي عن بطله الروايه وصفها زوله جمالها متوسط. طولها متوسط شعرها عادي م طويل وم قصير لونها اصفر عيونا سوداء ف بدايه العشرينات بتقراء ف الجامعه مامختلطه بنات فقط
ويمكن جذبا اكتر ل الجامعه انها م مختلطه
 حااحكي بلسانها هي ::
اسمها تغريد
مستوي 3
كلية القانون❤️
انا زوله بحب القانون شديد يعني رغبتي وبحب انو يكون عندي سلطه ويكون عندي اسم ومركز ودا الخلاني اخش المجال دا دايره اثبت ذاتي
نحنا اسره من 5اشخاص انا الاكبر والباقي اصغر مني كلهم اولاد
صحباتي ف الجامعه 5شله متماسكه شديد وبنحب بعض وعايشنها ع الحلوه والمره😍❤️ انا زوله سنقل م بحب العلاقات
ومع ذالك امنيتي احب لي زول يغير كل شي في حياتي حب صادق زي حق المسلسلات داك بتعرفو صاح🌚
يعني الزواج التقليدي مافي حسابي ولاحااتزوجو نهائيا دي قاااااعده او مبدء ب النسبه لي وماكنت عارفه ح تتقلب الموازين ويحصل عكس الاانا خاتاهو ف راسي
لكن مش بقولو ما كل  العايزنو حانلقاهو ف الدنيا دي💔💔
صحيت الصباح وزي كل يوم متفائله صحيت ب صوت نبع الحنان
:قومي ي تغريد الحقي مش قلتي عندك سمنار بدري اليله يلا قومي قمتا سريع وعلي الحمام واقرب عبايه مكياجي دا اهمه شي عندي الله م يجيب البحرمني منو ولبستا عبايه قصيره من تحت واسبورت بنبي وطرحه فيها ورود ب البنبي  وجدعتا الطرحه واتعطرتا وركبتا سماعاتي وبسمع اغاني من صباح الرحمن  والجامعه جاك زول لقيت شلتي العاطله قاعدين 😂
سلمتا عليهم ودخلتا قدمتا سمناري وبقيت مارقه قعدنا اتونسنا وقطعنا كدا شوف دي وشوف ديك  لمن شبعنا خلصنا محاضرات خشينا اتمكيجنا اخر ميكب ناقصني زمام بس لكن وييين ياااا طبع ممنوع وفق قوانين البيت دي اول حاجه حااعملها بعد اتزوج اعمل زمام يلا واخر عطور ويا الشارع جاك زول بنطلع سوه بس اي زول بيتو براهو
انا واقفه مواصلاات ماف ومعاي صحبتي واحده بنركب سوه بس بنزل انا اول قلتا ليها ي زوله ارح نشرب لينا قهوه ع بال المواصلاات جات قالت لي خلاص قدام ي زوله 😊
مشينا قطعت هي اول انا بتكلم ب التلفون جيت قاطعه بعديها وانا ف الزلط جات عربيه  ب سرعه خياليه  تاني م حسيت ب حاجه انا. بس سامعه صوت بعيد بقول عمليه مستعجله وتاني م وعيت ب حاجه
--------------------------------------

 #تزوجني_وانا_مشلوله《02》 💖

 تمنيت أن يكون اعتزال ما يؤذيني لا يؤذيني، تمنيت لو كان الأمر بتلك السهولة🖤

انا بعد الحادث كنت ف غيبوبه تامه وم حاسه ب حاجه صحيت لقيت روحي ف غرفه عباره عن اجهزه وممرضات اتنين وبحاول اجمع انا وين ب الضبط وحاسه جسمي تقيل وماقادره اتكلم اول م صحيت الدكتور جاء المتابع حالتي ومعاه كم واحد  وانا بس مفتحه وبعاين م قادره اتكلم بحاول انطق بس صوتي اقرب ل الهمس 💔 قال لي انتي كنتي نايمه ليك كم قلتا لي زي يومين كدا 😐 قال انتي مامتذكره قلتا لي متذكره اني عملتا حادث. قال لي انتي كنتي في غيبوبه ليك حاولي 3شهور 💔💔 كنت مصدمه. شديد كيف المده دي كلها انا م واعيه بداء يسالني من اسمي وعمري وسكني من الدكتور عرفتا انو زي الشاكي انو ذاكرتي طشت بس بديت اجاوب ببعض الكلمات وبعدها قال لي حاولي انك تحركي رجولك او الاصابع بس كانت الصدمه انو ماقدرتا احرك رجولي 💔💔💔💔💔وانهرتا رسمي وبداء صوتي ارجع وابتديت اصرخ بصوت عالي شديد جو ناس امي وابوي وكان معاهم راجل او ولد كدا عمرو كم و30انصاري سنه من شكلو كدا  بس طبعا م قادرين يعملو حاجه بعدها اخدتا مهدي ب القوه ونمتا تاني 💔💔💔💔💔💔
#جاني شلل نصفي
ضربه ف الراس ودي مرات الذاكره بطش وبتكون ف دوخه لفتره مؤقته 💔
يعني انا كدا خلاص انتهيت يعني خلاص ماحااقدر امش يعني ح اكون علي كرسي متحرك يعني ماحاامش اي مكان عايزاهو يعني حااكون تحت رحمة الناس وهم يحركوني 💔💔😭😭😭😭لي كدا انا عملتا شنو ولااعمل اي شي خلاص انا ياريت لومتا كنت ارتحتا كان احسن لي ب الف مره من الاانا فيهو 💔💔💔💔😭😭😭😭استغفرالله العظيم يمكن دا عقاب ربنا لي ف عمايلي
💔💔💔💔مستقبلي ادمر حياتي انتهت احلام اتحطمت 💔كل شي بقي رماد وشالو الهواء كل شي خلاص
😭😭😭😭دايره اموت خلوني اموت احسن اموت الموت راحه وانا بكورك كدا وغير الكلام دا م بقول حاجه
الدكتور قال لو فضلت علي الوضع دا انا ماحااضمن احتمال تجن لاانو اصلا الذاكره م مستحمله اكتر من كدا
تاني اخدتا مهدي 💔 ونمتا
صحيت بعد كم ساعه شايفه زول قاعد جنبي صحيت قلتا ليهو انت منو الجابك هنا شنو وانا وين 💔💔ديل منو انا دايره امش بيتنا الجابني هنا شنو دايره اقوم ماقدرتا💔كوركتا امي تعالي رجولي م بتتحرك تعالي ساعديني عشان اقوم 💔💔ودي كانت الصدمه التانيه انو الذاكره طشت وبقيت م متذكره انا وين والاالجابني شنو جاء الدكتور وبداء يسال تاني بس المره دي م جاوبتا لاانو م متذكره حاجه 💔💔

 #تزوجني_وانا_مشلوله《03》 💖

 " إن اللّٰه أرحم مِنْ أن يُعطي العبْدَ شُعوراً لا يستطيعُ تحمله"ُ

 

الحمدلله علي قدر الله
رجعتا البيت بس علي كرسي متحرك ماعلي رجولي عدت فترة شهر ضقتا فيها جميع العذاب ناس بيتنا ماقصرو وقامو ب اي شي متعلق بي وب علاجي وب اي شي بخصني وفي فترة الشهر دي الولد الكان ف المستشفي المدين كان بجينا ف الاسبوع مرتين
الفهمتو انو بعد العربيه ضربتني سايق العربيه هرب والولد دا وداني المستشفي ووقف معااااااي شديد ف دكتور ف الاردن هو قال بعرفو وقال ليهم جيبوها هناك
بس بقت المشكله الحايمش معاي منو ويكون مسؤل من علاجي هناك انا اكبر زول ابوي الماسك البيت
وفي يوم وانا راقده ف الغرفه امي جات قالت لي جايننا ضيوف اليله قومي خليني اجهزك قلتا ليهو ضيوف شنو وانا مالي ومالم😑 قالت جاين يتقدمو ليك قلتا ليها معقوله زول يقبل بي كدا وانا ف الوضع دا اكيد دي شفقه منو بس ومادايراه قالت بطلي كلام وانتهينا
قومي بس استحميت وسرحو لي جو بعد المغرب تلاته نسوان اتنين شباب كدا وواحده كبيره والرجال ف الصالون 😊بس قاعدين كدا سمعنا ضرب سلاح عقدو
وانا ف حالة بتاعت صدمة جات الام الكبيره سلمت لي وباركت لي قالت مبروك ولدي كلمني والشي البسعدو بسعدنا نحنا
اما البنات الااتنين كان بعاينو لي نظرات كدا م بتتفسر كلها كراهيه ونظام انك مشلوله وكدا
💔💔
امي جات قالت لي راجلك جاي يبارك ليك
جا۽ داخل اصلا راسي دا مارفعتو قاعده ف الكرسي وبس بفكر في نظرات البنات لي وببكي ببكي لمن كاتمه ماقادره اتنفس😢😢😭😭💔بس احس ب زول رفع راسي ومسح لي دموعي قال لي ماف عروس بتبكي يوم العقد حقها🌚 بقيت عامله كدا😱😱😱دا الولد الكان معاي في المستشفي والكان بجينا مولانا المتدين 😱😱😱قال لي مالك ف شنو😂قلتا ليهو انت قال لي ااااااي انا وماحااخليك تاني لحظه واحده ح تكوني معاي في اي مكان واي زمان
وطلع طوالي بقيت افكر هو الجابرو شنو الشيخ دا يختارني انا لي بس عقلي طوالي قال لي دا اكيد شيخ وداير يعمل فيك حسنه عشان يكسب اجر بسسس مااكتر ولااقل قلتا اصلا بس ياها كدا
امي جات داخله شايله لي الحاجات الجابوها شنو المافيها حاجات اصلا اول مره اشوفا😂😂😂😂😂ي لطيف حاجات كدا فظيعه وراقيه كنت بشوفا بس عند الناس قلتا اكيد الود دا غني معناها جد داير يكسب فيني ثواب تلفوني ضرب لقيتو دا هو قال لي كيفك قلتا لي تمام😊 قال لي بكره ح اجيك بدري نمش نطلع الجواز اصحي بدري قلتا لي حاضر ياوسكتا اتخيلو اسمو م عارفه 😂😂😂😂 قال لي عدي اسمي عدي قلتا لي حاضر ي عدي  وقفلتا منو..........
#في بيتو هو
خلاص بنات الدنيا كملو ي عدي عشان تعرس مشلوله خلاص مافي بت ملت عينك غيرا مالك الناقصك شنو تختني ف الامر الواقع تقول لي تعارف وتعقد ماعافيه منك حرقتا قلبي حرقتا قلبي ي عدي ي امي قولي بسم الله دا كلام شنو احترمي قراري دا ولو لي مره واحده
اختو ومرت اخو اي صاح اسي دا اختيار ليك مالم البنات الرشحناهم ليك عيب مافيهم جمال اخلاق عز بس انت قاوي فقر م اكتر من كدا😏😏
اموو : بحترمو احترم الحاجه لوكانت صاح بس دا غلط ف غلط
عدي:اسي وين الغلط دا اختياري العاجبو اهلا وسهلا والماعاحبو يحترم ب رايو لي نفسو
امو:خلاص قنعتا مننا لي درجة كلامنا م مهم كويس ي عدي بكره ح تندم وتجي ندمان
عدي :كويس لمن اندم ماحااجيكم زاتو كدا كويس وطلع طواااالي
--------------------------------------

 #تزوجني_وانا_مشلوله《04》 💖

 سيُزهرُ الطريق الذي سلكته يوماً وسيتلاشى عنك كل التعب، ستُشرق روحُك بعد ذبول ظننته لن يزول،ستلمع عيناك بعد أن خفّ بريقها💜🌸

      صحيت بدري من النوم امي ساعدتني عشان اجهز وانا بسرح ف شعري
عدي كان جا۽ وقاعد مع امي بشربو في الشاي انا سرحتا خلاص ولبستا ملابسي بس جات امي ساعدتني لحدي ماوصلتا الكرسي وطلعتني لي عدي سلم علي
قال لي كيف اصبحتي قلتا لي تمام
وانت قال لي بخير 😊قال لي امي خليها انا حاا اوصلا لحدي العربيه خليك انتي
وصلنا لحدي العربيه قلتا لي  انا بتحرك وبمساعده ممكن اركب عادي ف العربيه قال لي لا قلتا لي كيف لا🙄🙄بس فجاه لقيت روحي شايلني ف الجو🥺 لحدي م دخلني العربيه وربط لي الحزام ودخل الكرسي بتاعي وجا۽ ركب وساق طوالي
مافي زول فينا اتكلم لحدي م وصلنا الجوازات نزلني ركبني ف الكرسي بتاعي ودخلنا طوالي ف مكتب قعدونا فيها كان فيهو زول بعرفو خلصنا الاجرا۽ت وطلعنا طوالي 😊 قال لي حاناكل ف مطعم كدا قلتا لي انا مانازله انزل انت قال لي لي قلتا لي بس كدا قال طيب تمام
نزل هو ومشا جاب الاكل اكلنا ف العربيه وجينا علي البيت وصلنا قال لي امي وابوي  الجمعه الجايه حانتم العرس عشان الاحد نسافر طوالي 🌚قالوا ليهو تمام قال لينا خلاص هو واختو حايجيبو الحاجات من السوق نظرا لحالتي 💔
وحانعمل عرس بسيط من غير جوطه ونخلص علي كدا 💔
تاني يوم اتصل لي قال لي لوعندك حاجه معينه نجيبا ليك عشان نحنا ف السوق قلتا لالا ماعندي
#المغرب كدا جو وجابو الحاجات وانا م طلعتا
امي جهزت ليهم العصير والشاي والكيك
جات اختو واحده اول مره اشوفا جاتني ف الغرفه سلمت علي وباركت لي قالت لي انا كنت مسافره جيت ياداب عشان كدا م جيت العقد 🥺🥺قلتا ليها م مشكله اتونست معاي ظاهر عليها طيبه وحنونه شديد دي المشت السوق جابت الحاجات🥰
وطلعو علي كدا بعد شربو العصير والشاي
امي صحتني بدري قالت لي قومي شوفي حاجاتك والناقصك شنو قلتا ليها ماحاتفرق كتير ي امي كلو واحد
قالت دا كلام شنو انتي حاتتعالجي وتبقي. كويسه قلتا ليها ان شا۽ الله 😊
جابت لي الحاجات وجو بنات خالتي
جهزو لي الكريمات وماساكات وحاجات اصلا ماعندها اي لازمه 💔
جات المره البتعمل الارياح تجهز وكدا
والناس كلها شغاله تتكلم ب الله مالقا غير المشلوله دي مالو مابشوفك اكيد يكون كتبتو عند شيخ وكلام كلو يورم القلب💔💔 يوم الاربعا۽ عملو لي حفله حنه صغيره جوني صحباتي الفي الجامعه وبنات الحله عملو زي قعده كانت حلوه كنت بعاين اصلا ماقادره اعمل حاجه بس بصفق من بعيد ل بيعيد💔 بس كنت حاسه نفسي مرتاحه زي الغريق البتعلق ب قشه
#يوم الخميس جات البت عملت لي حنه وعملوا لي شعري 😍😍
بنات خالتي جهزو لي ملابسي وحاجاتي كلها
بليل اتصل لي شيخ عدي فعلا شيخ كدا
سلم علي وقفل
بعديهو جاتني رساله هزت كياني كلو
محتواها (لاانتي مفتكره نفسك شنو مجرد واحده عزيره مشلوله ماعندها قدر لي شي وماليك اي لازمه دي مجرد شفقة من عدي انو يعاين ليك او يتزوجك بس حدو قريب اول م تجي من الاردن حايطلقك وعمرك م حاتتهني ولاحاتسعدي بيهو ولاحاا اخليكي تعيشي يوم سعيده وحااكون وراك طول ماانتي في عصمتو)
في حته تانيه وفي غرفه فخمه شديد كانت بتضحك قالت مفتكراني حااخليهو ليها😎❤️بتحلم دي انا عمري كلو جاريه وراهو تجي تلاقا جاهز كدا وراك وراك .........
انا.
الرساله دي وانا بقراها دموعي ابت تقيف
كنت ببكي بصوره هستيريه
ماقادره اتحمل كل كلمه كانت بترن في اضاني لحدي الصباح ماقدرتا انوم
عيوني اصبحت مورمه شديد 💔

 #تزوجني_وانا_مشلوله《05》 💖

 " ستظل تتفاجأ بردود الأفعال التي لم تتخيلها ، ثم ستصل إلى يقين تام بأن أي شيء ممكن أن يحدث و من أي شخص ، و أن الله هو الأمان الوحيد في فوضى هذه الأرض. " 💜🌸

حاسه راسي عايز يتفجر صداع علي تفكير وصلتا لي معلومه انو بجد البت دي بتهمو لو مابتهمو اوماقريبه ليهو عرفت رقمي من وين والاعرفت اني حاامش الاردن كيف اكيد دي قريبه وقريبه شديد كمان
💔
بعد مااتعلقتا ب الامل الوحيد تجي تشيل من فرحتي كدا لي بس 💔استغفرتا ربنا
وكنت قاعده جات امي قالت لي مالك بسم الله في شنو قلتا ليها ماف حاجه قالت وشك دا مالو قلتا ليها مصدعه بس
قالت لي خلاص خليني اقومك عشان تجهزي قومتني دخلتني استحميت وجيت شربتا الشاي
وقلتا بس اواجهو وارتاح هو م مجبور طالما انو في زوله في حياتو
اتصلتا ليهو تلفون طوالي اداني الخط مشغول😑قفلتا جات بت خالتي قالت لي يلا بتنا البت حاتجي تمكيجك هناك هنا في جوطه وخالااتك
ارح نطلع
نحنا عملنا مناسبه صغيره بتلم الاسره فقط
قلتا ليها طيب لبستني ملابسي رجع لي هو
قال غروده صباح الخير طبعا بقيت عامله كدا😳😳قال م سامعاني قلتا لي سامعاك قال لي كنت مشغول ف حاجات عايزين يجبوها البيت بوصف ليهم قلتا لي تمام م مشكله
سامعه بنادو فيهو قالتا لي خلاص امشي م مشكله
قال لي متاكده😊قلتا لي اي امش
قفلنا علي كدا
مشينا بيت ناس خالتي جهزوني ولبسوني توب وعملوا لي ميكب فظيع لمن انبرشتا ف روحي
🤭😍😍
بت  خالتي جات لبستني الشبشب والخلاخال لمن نسيت اني م بتحرك لي لحظه حسيت روحي اني حااقوم وامش وبديت احاول احرك رجولي بس بدون فايده 💔💔💔💔الحمدلله نفسي كان في يوم زي دا البس زفاف واقوم واتحرك وارقص واعمل اي حاجه ف الدنيا دي حقت العروس بس الله غالب💔
التوب كان حق جرتق. حلو تشكيلتو كدا راقيه شديد ومطقم كامل بطريقه حلوه
بقيت جاهزه خلاص بنات خالتي شغالين يجهزو هم مسكتا تلفوني بلعب بيهو قلتا لحدي م يجهزو
في بيت شيخ عدي💜
جهز ولبس جلابيتو وطالعين خلاص امو وقفتو قالت ليهو اها خلاص قال ليها اي
قالت ليهو انا م عارفه اقول ليك شنو بس عمري كلو ماحااتقبل مرتك ولاب الغلط
لاانو انت دمرتا نفسك ب نفسك
قال ليها:دا ماوقتو ياامي ولافي يوم زي دا
اختو اسمها اسمهان :قالت ليهو ماما الكلام القالتو صاح انت بتغلط ودا م غلط صغير ي عدي عيد حساباتك
قال ليها:لوسمحتي م تدخلي وطلع طوالي
😊
ركب عربيتو ومعاهو اصحابو واتحركو جاين علي اتصل لي وصفتا ليهو البيت جاء داخل والزغاريت دي ماتديك الدرب
جاني ف الغرفه الاانا كنت فيها كنت قاعده ف السرير م قعدتا ف الكرسي
جاء داخل سلم علي و باس لي راسي وقال لي ان شاء الله كل شي حايكون حلوخليها علي ربنا وبتهون
قلتا ليهو ونعمه ب الله😊 ي يمه الجلابيه دي والحنه دي والدقن دي والكحل دا مباااااالغه انبرشتا فيهو عديل لكن بعرف اتحكم ف روحي عملتا رايحه
جاب الكرسي وجاء يحركني قال لي مالك حلوه كدا اليله ابتسمتا شالني ختاني ف الكرسي قال لي التوب دا ماخفيف 🙄
بعد كلمتو بقيت اضحك بصوت عالي قلتا لي انت ماجادي اسي دا منو فاضي الشغله عشان يعاين لي وانا كدا
قال لي انا😏سكتا طوالي ساقني ركبني ف العربيه وصلنا بيتنا نرلوني وعملو لينا الجرتق وشيخ عدي قراء لي قران
وامو واخواتو قاعدين اي واحده شغاله تعاين من فوق لي تحت شالو حاجاتي ختوها ف العربيه وجينا طالعين قال ليهم نحنا ماجرين جنب المطار هناك يوم الاحد طيارتنا الساعه 3
ترتاح يوم بكره والاحد نسافر طوالي مافي داعي تتعبو روحكم وتجو انا بواصل معاكم خطوه خطوه سلمتا علي ناس بيتنا وودعتهم امي وابوي قالو لي ان شاء الله حاتجينا ب رجليك 😍😍😍وطلعنا اتحركنا طوالي علي شقتنا
انا بس ساكته ماقلتا ولاكلمه في الطريق نزل جاب حاجه وانا تاني نمتا 😴م صحيت الا صحاني قال لي نحنا وصلنا
نزل جاب الكرسي ختاني فيهو وصلني لحدي جوه ومشا جاب الحاجات من العربيه وجاء دخلم الغرفه ودخلني
بقيت افكر اليله الحايوديني الحمام منو والحايساعدني اغير ملابسي منو اعمل شنو 💔💔💔 قربتا ابكي بس سكتا قلتا انا م ضعيفه ل الدرجه دي. جاء قال لي نحنا اتزوجنا ومافي داعي تحسي ب روحك انك انتي م قادره علي شي انا شايفك كامله وم ناقصه حاجه ودي فتره مؤقته وحاتعدي. قلتا لي طيب🌚
قام  فتح الشنطه طلع منها غيار دخلو الحمام وجاء طوالي طلع لي شبشبي والخلاخال جاب السفنجه لبسني ليها وطلع لي توب انا بس ساكته ماقلتا ولاكلمه  ودخلني الحمام قال لي خلصي حمام وانا بره اندهي لي منتطرك تمام
خلصتا واتوضيت ناديت ليهو جاء طوالي دخلني الغرفه قلتا لي عايزه المصلايه اداني ليها واداني عباية الصلاه ودخل الحمام صليت ونمتا ف الكرسي حقي دا 😴سامعه زول بصحي فيني صحيت
قال جنك نوم 😅بقيت اضحك قلتا لي تعبانه لقيت روحي ف السرير وجاب لي العشاء اتعشينا وهو نام ف الكنبه وانا نتمتا ف السرير صحيت تاني يوم بعد الضهر لقيتو قاعد ف الكنبه او ماقمتا طوالي وداني الحمام واتوضيت صليت الصبح والضهر واكلنا وقاعدين نحضر ف التلفزيون تلفونو ضرب شالو ودخل جوه شغال يتكلم قريب ساعه ونص
خلاص بس جاء ف بالي انو دي البت واتذكرتا طوالي قلتا واوجهو وارتاح من الهم دا

 #تزوجني_وانا_مشلوله《06》 💖

 نحن لا نولد إلى الحياة مرة واحدة بل مرات عديدة، عندما نبلغ حُلمًا مُنتظرًا، عندما نتعلّم ونودّع ظلمات الجهل، عندما تتقد شعلة الوعي في عقولنا، عندما نحتضن دهشة جديدة، عندما نعانق روحاً تشبهنا، عندما نعيش تجربة ملهمة، عندما نخرج من عتمة اليأس إلى نور الإيمان .💙✨

 

بس جاء زهجان ووشو مابتفسر سكتا طوالي م اتكلمتا ولاقلتا حاجه
م اتكلم معاي خاااالص بليل طلع جاب لينا العشاء اتعشينا قال لي نومي لاانو باقي كم ساعه
نمتا صحاني الساعه 2قال لي يلا عشان تجهزي جهزتا وطلعنا علي المطار طوالي
كنت متفائله وحاسه نفسي حااجي ب رجولي 😎
مواعيد طيارتنا جات جينا وف سلم الطياره شالني لحدي المقعد وقعد ربطنا الاحزمه واتحركنا 😍كانت اول مره اركب فيها طياره كنت مبسوطه شديد ومتحمسه شديد
شيخ عدي: شكلك متحمسه
انا: شديد والله
شيخ عدي اول مره تسافري?
انا:
اي كنت ناويه اسافر بعد اتخرج ☺️
شيخ عدي:ب المناسبه دي بتقري شنو اتني
انا:بقراء قانون
شيخ عدي :م ظاهر عليك انك بتقري قانون وكدا ومبتسم 😁
انا :ب الله 😒 المفروض اكون شايله ميزان العدل في يدي مثلا
يااخ لمن قلتا الكلمه بضحك بصوره مبالغه لمن الناس الجنبنا لاحظو لينا
طبعا انا مستغربه ف الكلمه دي هي بضحك
غايتو 😏
قال لي انتي م نصيحه شغال بطني وبضحك لمن دموعو نزلتا
🤓اكتشفتا انو عندو وجنه لمن يضحك وبععععلي
اول مره نتونس المسافه دي من اتزوجنا
حاجه حلوه ب النسبه لي
في جانب اخر :
ي بيبي اسمعيني هو سافر الليله ي داب لكن مصيرو يجي كما جبتو انا الحاتجيبو منو يااخ انا اتحجبتا عشانو وعملتا اي شي عشانو اتنازل كدا مستحيل طبعا
ي بت ناويه تعملي شنو :
حايطلقا ي مزه ولاعلي كيفو جربوعه انا تختفو مني انا معليش بس اصبري بعد يجي كمابقيت مرتو مايكون اسمي قمر 😌
ي مزه انا اسم علي مسمي كيف مااكون مرتو
نرجع :
وصلنا الاردن ونزلنا من الطياره علي االشقه  الحانقعد فيها حاجه كدا فخمه مبالغه 😍😍
طوالي دخلنا الغرفه
عدي ك العاده طوالي دخل لي غياري وداني الحمام استحميت طلعني بره صليت وصلي هو قال لي نحنا بكره طوالي المواعيد مع الدكتور قالتا لي طيب عايزه اتصل لي ناس امي قال لي ماف طريقه لكن الواتس لحدي م اجيب ليك شريحه قلتا طيب م عايز تكلم ناس بيتكم انك وصلتا قال لي لالا كلمي اهلك انتي انا عايز انوم
دخلتا واتس كلمتا ناس بيتنا 😍😍وسلمتا عليهم وقفلتا الشبكه
بس كان داير ف بالي انو لي ماكلم اهلو اكون السبب انا ياربي بعد تفكير شديد نمتا بس صحيت بليل بصداع مبالغه م قادره اتحرك ناديت عدي بس شكلو تعبان م صحا لي
بحاول انو اقوم بس م قادره الكرسي مسافه بحاول اصلو بس م قادره💔💔💔😢بمد يدي قربتا بس م بتصل 😭😭😭وراسي عايز يتفجر الحبوب حقتي في بس م جنبي مويه بحاول وبحاول بس وقعتا من السرير علي راسي 💔💔💔💔💔💔عدي صحا جاء جاري قومي راسي اضرب لمن عمل علامه قال لي مالك بسم الله م يكون حصل ليك حاجه قلتا لالا انا تمام. قال لي عايزه شنو قلتا لي دايره مويه ابلع مسكن انا مصدعه  لي م صحيتني صحيتك م صحيت لي
وبقيت ابكي 💔💔💔😭ابكي ابكي يمكن حسيت ب العجز انو حاجه عايزه مااقدر اصل ليها 💔بقيت ابكي بس
:اهدي بسم الله م حصل حاجه اهدي
جاب لي مويه وبلعتا حبوبي ورقدتا
بداء يقراء لي قران في راسي وماسك يدي ب يدو التانيه لحدي م نمتا
💔
صحيت الصباح لقيتو لابس وكانو جاي من بره قال لي صباح الخير ي منكشه
😂😂😂ي لطيف كنتي نايمه في غابع انتي
بقيت اضحك 😂
قلتا لي جاي من وين انت قال لي مشيت اشتريت ليك كرسي ب ازرار يعني ممكن تتحركي بيهو براك شالني قعدني فيهو وراني بشغلو كيف
وكدا قال لي يلا عشان اجهزك ونطلع ورانا مشاوير
يلايلا قلتا لي طيب
قال لي دقيقه عايزه تتدخلي الحمام ب شعرك كدا 🙄قلتا لي مالو قال لي م صاح
دقيقه مشا جاب بانده لماهو لي قطع نصو ولما لي الباقي 😂😂😂كتمتها ف حناني مشيت منو حاسه روحي صدعتا تاني جهزتا وطلعنا طوالي
الدكتور قال لينا في فحوصات حاتتعمل عشان نشوف الحاصل والبحصل شنو
عملوها لي وطلعنا النتيجه بكره الحاتحدد
انا حاامش او لا 💔💔
حاجه مصيريه ب النسبه لي كانت
قال م تخافي يازوله بتعدي ان شاء الله
خلينا نطلع
طلعنا مشينا كم مكان بس والله م حاسه ب اي حاجه بس بالي في بكره والبحصل لي شنو مخي شغال اخماس في اسداس
جينا الشقه🌚
قال لي اخليك اجيب حاجات واجي قلتا لي طيب تمام قلتا ب المسافه دي ادخل واتس اكلم ناس امي
دخلتا كلمتهم طمننوني انو بتعدي زيها وزي اي محنه 💜
لفت نظري رقم غريب بس الصوره الفي البروفايل بعرفا
اها. اتذكرتها دي اخت عدي اسمهان
قلتا اشوفا دايره شنو
كاتبه لي
والله عال م صدقتي ختفتي مننا ولاحتي رساله م جاتنا منو عدي الكان لو سافر لي بيت عذاء ف البلد بتصل يطمنا خلاص العندو رضاء امو ب الدنيا اسي خلاص
  م عايزو. 😏كان تصبري ي فلانه شهر ساي مامن البدايه كدا.
قريت الرسايل دي حيلي مات م قدرتا اعمل حاجه قفلتا الشبكه
راسي يودي ويجيب يااخ انا القاها من منو ولامنو الفيني مكفيني يااخ
💔💔💔💔💔الحمدلله
دي امتحانات ربانيه ولازم اتجاوز الامتحان دا
#واهلو ديل صفر علي الشمال م ناقصه هم
مالي ومال قلنا قال لابتكلم ولاغيرو
احسن لي اكون ساكته
#عدي جاء قال لي وين ي غروده قومي بطلي كسل ختي لينا الغداء والاالعشاء م عارف 😂😂قلتا لي اقوم قال لي اااااي 😂انا جايب الكرسي دا عشان م تتدلعي فيني قمتا مشيت نزل لي العده كلها ف الطاوله والحاجات كلها قال لي يلا م تحركيها عشان تشتغلي بيها كدا قلتا لي حاضر وطلع
بجد حسيت روحي اني م مشلوله لاانو حااعمل اي شي م ضعيفه انا قويه وبقدر اكمل مشواري 😍😍
بخت فيهو كنت مبسوطه ونسيت اي شي
عدي دا حاجه كدا م بقدر اوصفا
عرفتا لي قال لي ختي الغداء اداني احساس انو انا م ناقصه
اتغدينا مع بعض 😍😍
وقمنا صلينا وعايزين ننوم كلي امل لي بكره ومتفائله
قبل انوم قلتا لي عدي كلمتا ناس بيتكم قال لي لالا لكن بتكلم معاهم ان شاء الله يلا نومي انتي
قلتا لي تصبح علي خير 😊
قال لي وانتي كل الخير 💜

 #تزوجني_وانا_مشلوله《07》 💖

  ثم تكتشف انك قلقت أكثر من اللازم، وخفت أكثر من اللازم، وظننت بالله الظنون واهلكت نفسك ف التدبير معتقدا ان الامر بيدك، وتمر العاصفة فترى تدبيره وحكمته ف الأمر فتستحي من نفسك وتطلب عفوه وتتاكد ان رب الخير لا يأتي الا بخير🖤.

 

صحيت بدري شديد وكنت متوتره صحيت قبل عدي صحيتو وصلينا قال لي نشرب الشاي ونطلع قلتا لالا خليهو بعدين خلينا نطلع
قال لي اصلا الزمن لسه قلتا لي اشرب انت انا ماعايزه حنسني قال لي يازوله خير خلي عندي ثقه في ربنا وكل شي بهون قلتا ليهو ان شاء الله💜🥰
بعدها جهزنا وطلعنا علي المستشفي كنت حاسه ب حاجه قلبي م مطمن بس بقاوي ف الاحساس دا💔💔
انتظرنا لحدي مواعيدنا ودخلنا طوالي الفحوصات كانت قدام الدكتور قال لي طيب انا شفتا الفحوصات الحمدلله كويسه بعض الشي لمن قال الكلمه دي خلاص اعصابي تلفت😭😭
عدي قال ليهو كيف ي دكتور قال ليهو والله نظرا ل الفحوصات دي العمليه حاتكون ناجحه بس ماب النسبه الكامله حاتكون بنسبة %قبل م يقول كلمتو دي كان دوختا انا لاانو اساسا م متحمله
💔💔💔
صحيت لقيت مركبين لي درب وعدي قاعد جنبي قال لي بسم الله عليك
اهدي وقولي ي الله
م اتكلمتا معاهو ولارديت ليهو بس خلاص حسيت روحي ادمرتا وانتهيت والعشم الكان عندي خلاص راح 💔💔💔💔💔💔💔بقيت اشوف سراب
حسيت الدنيا دي اتقفلت في وشي وفقدت اخر امل لي 💔💔💔الحمدلله يارب الحمدلله
#جاء الدكتور قال لي تغريد م رديت ليهو عاينت ليهو بسسس وكنت ساكته ارد اقول شنو مثلا
#قال لي م خليتيني اتم ليك كلامي
قلتا ليهو ف حاجه لسه قال لي اي في
خلي الخوف دا وانا مقدر وضعك بس العمليه انا قلتا ح تكون ناجحه ب نسبة 90%وال 10ح تكون علاج طبيعي لمدة شهر وتقومي علي رجليك
الكلام دا لمن سمعتا نفضتا ليك الدرب دا هناك وجدعتا ليك الفراشه دي بعيد قلتا لي قول. والله قال لي والله
#م عارفه حاساك بتكذب علي عشان حالتي
#قعد يضحك قال لي لاوالله نحنا حانبداء ف الاجراءت طوالي وبكتب ليك علاجات تمشي عليها
عدي قال ليهو خير يادكتور.  اسبوع وكان العمليه طوالي
كنت مبسوطه وفرحانه وحسيت روحي اتجبرتا😍😍😍😍😍😍😍😍😍
حسيت ب راحه نفسيه
😍😍😍قلتا لي عدي سمعتا قال لي اااااي سمعتا ماقلتا ليك بتهون قلتا لي ونعمه ب الله 😍😍😍
قال لي ارح يااخ انا جعان والله قلتا لي طيب طلعنا مشينا مطعم اكلنا اصلا ماف كلام بيني وبين عدي طبيعي بنكون ساكتين باكل وبعاين ف الناس الماشي والجاي البلد دي جميله شديد 💜الشوارع العربات الناس الماشه
قال لي يلانطلع مشينا جينا البيت
قاعدين بنحضر قال لي تغريد قلتا لي نعم
قال لي قبيل اتكلمتي مع الدكتور لمن ضحك عاينتا ليهو كدا 🙄🙄🙄🙄
قلتا لي كيف يعني قال لي قلتي لي كلام لمن وهو طالع بره بضحك وقلتا لي يعني شنو انا قلتا ليهو انت كذاب بس قال لي ايواا طيب تمام تاني م تضحكي ليك زول نهائي انا قدامك لو دايره ضحكيني انا بس
#سكتا ساي ولاقلتا لي ولاكلمه
بقيت شغاله ف العلاجات وبتكلم مع ناس بيتنا وعدي اتصل لي اهلو والااتشاكل معاهم م عارفه بس سامعه بتناقش بصوت عالي
م ركزتا معاهو🌚
يوم صحيت وانا حاسه بطني دي بتتقطع ودايره اموت من الوجع شغاله بس ابكي وجع مبالغه 😭😭😭اتذكرتا البريود
عدي جاء داخل قال لي مالك قلتا لي بطني بتوجعني شديد 💔💔💔قال لي اكلتي شنو انتي قلتا لي ولا حاجه
بس شغاله ابكي جاب لي مسكن بدون فايده
انا بطني دي قلبتا قلتا دايره امش الحمام
شالني جاري بس شغاله استفرغ بطني دي لمن بقت فاضيه
دخلني قال لي خليني اوديك الدكتور قلتا لالا م ماشه قال لي لابتمشي 💔💔💔قلتا اصلا كدا قال لي هو شنو اصلا كدا م شايفه روحك جسمك دا بفقد ووراك عمليه ناسيه انتي
قلتا اي عارفه بس دي البريود🥺🥺
#طوالي سكت
مشا عمل لي شاي وطلع جاب لي حبوب من الصيدليه واعشاب كدا زاتو م عارفها جابا لي ف كبايه قال لي اشربي دي قالو كويسه شربتها ونمتا😴

 #تزوجني_وانا_مشلوله《08》 💖

 أنا أُؤمن بالحبّ الذي يجعل داخل الإنسان في حالة دائمة من الأمان مهما بلغت شدة تقلباته وعواصف الأيام من حوله ، الحب الذي يُحوله لطفل سعيد وضاحك ، أو لشاعر ، أو لفنان ، أو حتى لإنسان يُمارس سكينته التامة براحة بـال ، الحب الواضح في الصمت قبل التبرير ، في الغضب والعتاب قبل الرِضا 💙

 

#صحيت الصباح كنت مرتاحه حسيت روحي مابراي في الدنيا دي معاي سند بجد❤️
جاء داخل قال لي صباح الخير بقيتي كيف
قلتا ليهو انا تمام احسن قال لي الحمدلله
يلاعشان نطلع عايزين نشتري لينا حاجات
شربنا الشاي وطلعنا مشينا السوق ولفينا كتير
#اول مره طبعا من بقيت علي الكرسي امش السوق
اشترينا حاجات وملابس عدي خلاني ومشا جاب لي جزمه كدا حلوه شديد❤️لبسني ليها وشافا قدري والا لا اشتراها لي جاب لي حاجات كتيره شيله عديل 😂قلتا لي واخيرا اشتريت شيلتي النفسي فيها قعد يضحك😂😂
#طلعنا مشينا مطعم اكلنا واكلنا ايسكريم
بعدها جينا راجعين كان باقي لي العمليه يومين كنت في الشقه م بطلع بس اكل وعصاير
#قبل العمليه بيوم طلعنا عشان ح نكون ف المستشفي عدي جهز الشنطه حقتنا ملابسنا وكل شي بعد داك اتحركنا علي المستشفي وصلنا الغرفه حانقعد لحدي مواعيد العمليه قلتا ليهو بعد اعمل العمليه حانطلق 🌚 قال لي شنو😳😳😳قلتا ليهو عشان نعرس من اول
قال لي لاحول الله حرام عليك خلعتيتي يااخ وضحكنا 😂😂
#قلتا لي عدي م لقيت تلفوني ممكن تلفونك عايزه اتصل لي ناس امي
قال لي اتفضلي هاك 😊الرقم م خشا لي
دخلتا واتس رسلتا ليهم ودعو لي لي يوم بكره
عايزه اطلع جات رساله حبيبي وينك
اصلا متوقعه حاجه زي دي بس م فتحتا ولاحاجه بس رجعتا التلفون لي عدي قلتا ليهو عايزه انوم انا قال لي مالك قلتا لي نسعانه قال لي طيب
فتح تلفونو وشغال بيهو لحدي م نتما😴
#ف جانب اخر:بيت عدي اسرتو
ي اسمهان عدي اتصل وقال بعد العمليه حايجو هنا طوالي لحدي بيتم يخلص
يجو وين البت دي م بتجي هنا خلي ياجر ليها
عدي دا داير يجي يخنقنا حتي بعد عرس ياماما م صدقتا ارتحنا منو ومن الاوامر حقتو
ي بت كفايه شنو هو دا اخوك
ي ماما يااخ زهجنتا م قادره اتحمل افففف يااااا
يالطيف
ي خالتو🌚:دي مرت اخوهو
مالك انتي التانيه لي عدي ينزل هنا مايشوف ليهو اي شقه
ماعارفه وبعدين دا بيتو برضو دا من حقو
يعني انا صاح بكره البت دي بس هو كمان ولدي انتي وراجلك اقعدو فوق وخلو غرفتكم ليهم
لي ياخالتو انا وراجلي نطلع عشان شنو
دا كلام عدي قال كدا لمن يجي اتفاهمي معاهو
كويس حانطلع :بي جواها حدو قريب كماطلعتها من عيونك اكون بت حرام حدو قريب ي عدي انت ومرتك دي زاتو م تامه مره نص مره ههههههههههاي
نرجع :
صحيت عشان تجهيز العمليه كنت نافره من عدي من المسج الشفتها قال لي يلاعشان تجهزي قلتا لي خير
جهزتا ودخلوني علي التخدير
وبعدها العمليه صحيت بعد كم ساعه
عدي كان جنبي وبقراء لي في قران 💜🌸
قال لي حمدالله علي سلامتك 💜
قلتا الله يسلمك.
جاء الدكتور قال لي كفاك نوم يلااصحي حركي اصابع رجلك حركتهم قال لي عال العال بس مع العلاج الطبيعي حاتكوني كويسه مبروووك 😍❤️
#عدي كلم ناس بيتنا وبيتم
حااكون ف المستشفي لفترة اسبوع وبعدها اسبوع  وممكن نرجع السودان 😍😍😍❤️
#العلاج الباقي ح يكون ف السودان
عدينا الاسبوع وعدي كان واقف معاي ل اخر مرحله في فترة العمليه ماكنت بقدر امشي ب الكرسي كان بوديني وبجيبني
رجعنا الشقه وقعدنا اسبوع بغسل لي ملابسي وبشيلني لحدي الحمام ومرات بسرح لي شعري انا من التعب بس بكون نايمه كان قايم ب اي شي بخصني
كبر في نظري شديد اصلا هو كبير من اول بس ذاد الكبر  ولي اخر درجه 💜🌸
حاجه كدا مافي منها اتنين
مرات ازهج مرات ابكي مرات اقول دايره امي ماحصل   زعلني ب كلمه بس بستحملني في كل مزاجاتي
🥺🌸
‏يختار رب الأقدار الأرواح المُتشابهة
ويجمعها ببعض 🌸💛
..
الحمدلله علي نعمة السند
وبكره كان مواعيد رجعتنا لي بلدنا الحبيبه الامان والحنان ❤️

 #تزوجني_وانا_مشلوله《09》 💖

 ما في زوول في الحياة دي بستحق إنه يزعل وما في زوول بيستااهل انك تزعل نفسك عشانه .. عندك نصيب وافر من السعادة💞 ما تخلي سعادتك تنقص بي سبب حاجات تافهة عابرة بتاخد زمنا وبتمشي .. عيش سعادتك كاملة✨🌸💛

#جهزنا حاجات وكل شي لي يوم بكره
عدي قال لي خلينا نطلع نتعشاء بره ونودع البلد دي قلتا ليهو طيب
#بديت اجهز قلتا مالو يااخ م اخت لي ميكب مشيت فتحتا العلبه حقتي الماحصل فتحتها من جبتها
😂
ختيت لي ميكب وعملتا تسريحه حلوه ولبستا فستات اسود ساده 😍عاينتا ف المرايه كدا قلتا بس كان ناقصني المشيه
عدي جاء داخل قال لي قريب ان شاء الله لبسني الشبشب بتاعي وطرحتي وحجب لي الطرحه 😂قال لي كدا احسن ارح 🌚
طلعنا مشينا اكلنا واتونسنا عرفتا شغال شنو وقراء شنو اخواتو كم واخوانو كم
وعمرو برضو 39سبحان الله م ظاهر عليهو
وانو امو وابوهوانفصلو من بدري اطلقت وعرست الراجل دا يعني ديل اخوانو واولاد امو انو ابوهو من طلق امي اختفي
#قال لي اشتغلتا وتعبتا وضقتا المر وعملتا شغلي والبيت القاعدين فيهو ناس امي اسي وقرايب اخواني علي اخواتي
زوجها واحد سكرجي وبتاع نسوان حاجه م عملا ليهم انا بنيت اي شي ومن الصفر وبعد داك مافي شي عاجبم وشايفني واحد متعقد عشان بقول دا حرام ودا حلال💔💔💔
لمن سمعتا الكلام بقيت قاعده ابكي بس
😭😭😭😭😭😭😭😭💔💔💔💔
شغال يسكت فيني بعد هديت شويه قاعد جنبي
قال لي يعني اسي انتي البتحكي م انا😂😂😂😂 شغاله تبكي كدا
#بعد داك رجعنا الوقت كان متاخر
اصبح الصبح :
صحينا وجهزنا والمطار طوالي ركبنا الطياره ويابلدي الحبيب جينا مشتاقين💜🌸
عدي قال لي حانقعد مع ناس بيتنا لحدي بيتنا م يطشطب لاانو عرسنا جاء فجاه وماكنت عامل حسابي
قلتا ليهو م مشكله في اي مكان بقعد معاك 🥰🥰
عاين لي بنظره كدا بريئه شديد
قلتا ليهو لكن ح امش اول ناس بيتنا اشتقتا ليهم قال لي خلاص حانمش ونجي قلتا ليهو طيب😍😍😍😍

#بيت عدي :

نضفتو الغرفه دي قالت ليها اي قالت بس م اجي القا فيها حاجه عدي المساء بكون هنا
ي خالتو انا غرفتي دي ماهاين  علي اخليها
لاتخليها عدي دا بقت عيونو بتولع شرار ومابتفاهم
طيب تمام اقفليها بعدين اوك
#نحنا وصلنا من المطار جابو لي عدي عربيتو دخل فيها الشنط حقتنا
ومشينا بيتنا لاقيت ناس امي وابوي واخواني اشتقتا ليهم شديد وقعدنا اليوم كلو معاهم😍😍😍
لحدي المغرب عدي قال لي نصلي ونطلع
صلينا وطلعنا
ف الشارع قال تغريد قلتا لي نعم
قال لي ناس بيتنا ديل انا بعرفم دايرك تستحملي واي شي بحصل وريني انا بوقفم ف حدهم قلتا لي حاضر 😊
بعد كلامو دا لمن خفتا
#وصلنا ف الباب فتحت امو وسلمت علينا قعدنا جابو لينا المويه والعصير جو اخواتو الااتنين وجات اختو المشت لي السوق ومرت اخوهو واخوانو 3
2بقرو واحد متزوج
دقايق كدا عدي قال ليهم يلا تصبحو علي خير جيبو لينا العشاء ف غرفتنا نحنا تعبانين يلا ساقني ومشينا
#يااخ البيت حقهم دا عباره عن تحفه🤤🤤حاجه كدا في منتهي الوبععععلي
دخلنا غرفتنا فتحنا الشنط عدي دخلم ف الدولاب
جابو لينا العشاء مرت اخوهو
عدي جاتو مكالمه طلع
وهي قعدت قالت لي طبعا دي غرفتي لكن عدي قال لينا نطلع فوق لاانو انتي م بتقدري تطلعي 😊💔
قلتا ليها اي صاح المهم بقت تسالني اها اخباركم انتي وراجلك كيف يعني انتي في الكرسي عدي جاء  دقا الباب مسافه ودخل   طوالي قبل ل وراء. قال ليها الباب دا انا دقيتو عشان شنو عشان تغطي شعرك انا ماناقص ذنوب
قالت ليهو ب مياعه كدا انت زي اخوي
قال ليها الدين دا مافيهو اخو وانتي م اختي لمن ادق الباب دا غطي شعرك ونبهتك كم مره ف الحته دي
طلعت طوالي 😴
جاء دخل الحمام واتعشينا
لي لحظه خفتا من عدي حسيتو زول متشدد شديد خفتا بجد ومن جواي وانا تصرفاتي كلها همجيه قال لي مالك مابتاكلي قلتا ليهو شبعتا
جابني لحدي السرير ورقدني مشا يودي باقي الاكل المطبخ
#انا م قادره انوم
جاء داخل رقد جنبي ف الناحيه التانيه
كان اول مره زمان بنوم ف الكنبه
طوالي عملتا نايمه 😴😴
امو بدري بدق ف الباب صحيت انا لقيت عدي ماف
طبعا ماف طريقه اقوم قلتا اتفضل
جات داخله قالت قومي ي بت دا كلو نوم
علما ب انو ياداب الناس صلوا ف المسجد😏😏قلتا ليها طيب حااقوم بس الاعدي يجي ختت يدها ف كوعا قالت لي اجي
دا ماسمعنا بيهو قبل كدا واحده تقول م بقوم الا راجلي يجي اطلعي يلاكفاك دلع
قايله روحك عروس لسه
وطلعت قلتا الخاله دي بتستهبل فيني والاشنو اقوم كيف انا مشلوله 💔
واقفه جنب الباب لمن عدي جاء قالت ليهو مرتك قالت م بتقوم الاانت تجي
🙄اجي ي السواطه المن اسي
قال ليها اي كلاما صاح وجاني داخل قاعد يضحك ساي قلتا لي خير ضحكنا 🙄🙄
قال لي عجبتني الا راجلي يجي دي بس
قلتا ايوااا قومني قعدني ف الكرسي قال لي اجهزي ورانا مستشفي عشان الجلسات قلتا ليهو طيب جهزتا وطلعنا شربنا الشاي بس امو دي بتعاين لي كدا😒😒😒اجي ي ناس
مرت اخوهو جات صبحت الحنه كيف والرسم كيف عاينت ل روحي اظافري مافيها حنه
قال لي يلا طلعنا ماشين علي المستشفي قلتا ليهو عدي بعدين عايزه امش الكوفير قال لي طوالي حااااضر نطلع من المستشفي ونمش مشيت عملتا جلسه والجلسات ح تكون يوم بعد يوم 🥰🥰
جينا كوفير كدا دخل كلم ست الكوفير وجاء دخلني قال لي بنتظرك طيب
قلتا ليهو طيب😌😌
ست الكوفير قالت لي عايزه شنو قلتا ليها شوفي وضعي كيف اعملي لي اي شي
قالت لي بزبطك طوالي اصلا راجلك وصاني عليك
وبدت لي من شعري لحدي الاظافر حقت الرجول
اتصلتا لي عدي يجي يدفع الحساب تغريبا 4ساعات😂😂😂😂
حنني كيف 😢
جاء دفع واقف ساعه يعاين لي بس لحدي ست الكوفير ضحكت بعدين انتبه لي نفسو قال لي يلا ركبني العربيه شغال يتبسم ساااااي 🌚قلتا ليهو مالك بتعاين لي كدا
قال لي مرتي والا اميرتي
قلتا ليهو مرتك قال لي خلاص طيب 💜🌸
--------------------------------------

 #تزوجني_وانا_مشلوله《10》 💖

 إن الفتاة، رغم أنها تشكل انطباعآ يوحي بأنها وحش مفترس ، تظل رؤوفة وخجولة في أعماقها حتى الهوس 💙🌸!

#رجعنا البيت دخلنا كدا لقينهم كلهم متجمعين
عدي قال ليهم ف الحرم ان شاء الله
قالوا ليهو امييين
اختو اسمها نجمه وفعلا نجمه💜🌸(دي الجابت حاجاتي)
قالت لي غروده ماشاء الله ذدي حلااااا🤤قلتا ليها شكرا
دي الوحيده العلقت لي🌚باقي القوم كانوا م شافوني
ماعلينا دخلنا غرفتنا
عاجباني الحنه كيف 😍اشيل واعاين ليها
عدي قال لي عاجبك 😏قلتا ليهو اي قال لي انا برضو🤤
طبعا سكتا طوالي🥰
قال لي انا حاانزل شغل من بكره وحااكلم بت تجي تساعدك تكون معاك لحدي دوامي يخلص عشان م تكوني براك قلتا ليهو م مشكله بدبر نفسي😊قال لي لالا
جاء رقد طوالي
#استغربتا المفروض يقعد مع ناس بيتم حبه من جاء من السفر م قعد معاهم
تاني قلتا اخلي التفكير دا وارقد انا احسن لي
#رقدتا كدا الباب دقا عدي قام قال ليهم منو امو قالت ليهو دايرين قروش دخل اداها
جاء رقد تاني الباب دقا اخوهو جاء قال ليهو داير لي شاحن
#طبعا خلاص قلتا تاني لوزول دقا الباب بقوم يضبحو والله من الزهج
شغال يطنطن ساي ب تحت انا م سامعاهو
#م عارفه والله بس بقيت اضحك 🌚قلتا ليكم تصرفاتي همجيه
ولكم ان تتخيلوا زول ف قمة الزهج يضحكوا فيهو بس بضحك والله م عارفه زاتو البضحك شنو
والله الساعه الجاء ماشي علي طوالي سكتا بقيت عامله كدا🥺🥺🥺🥺
قال لي اضحكي اضحكي 😒قلتا ليهو شنو🥺🥺طبعا قربتا ابكي خلاص قال لي مالك اسي سالتك انا
قلتا ليهو لكن حاتسالني😢😢قال لي لكن م سالتك قلتا ليهو اي🥺🥺
م عارفه حسيتو كيف كيف ف اللحظه دي قال لي اسي انا ماسالتك ولاحااسالك تمام
حاولي نومي ورقد هو
يمكن حاسب انو انا بجد خفتا منو💔💔ملامحو جامده شديد وكانت بتخوف
في جانب :
مرت الاخ كانت قاعده وبتاكل ف لبانه وبطق فيها اففف يااا انا م صدقتا يعرس ويفضي الجو يقوم يجينا هو ونص مرتو دي لكن كويس برتاح منكم انا
#اتصلت تلفون وين ي مزه وين مختفيه معقوله عشان عدي عرس تقطعي علاقتك بينا
$م كدا بس مشغوله
#مشغوله وين ي بت هييي م تخليك مسكينه رجعي حبيبك انتي متخلفه انا راجل زي دا بفكو كما عويره انتي
$اتصلتا ليهو والله بس قفل فيني
#ي بت قفل شنو اتصلي تاني ماتتنازلي شدي حيلك وانا بدعمك
$عليك الله جد
#اي انا بحبك وبقيف معاكي
$طيب تمام اتفقنا وقغلت الخط
#اها كدا السناره ورميناها بس صبرك علي ي شيخ عدي ي مولانا وراك وراك.
نرجع :
عدي كان نايم وزي البهضرب كدا صحيت قلتا ليهو عدي م ردا لي عدي عدي قال لي اي ف شنو قلتا ليهو قول بسم الله  مالك قال لي بسم الله  مالي قلتا ليهو بتهضرب قام قعد عديل قال لي يمكن تعب بس
رقد راجع تاني
#عدي دا زول جواهو حزن كدا مبالغه من العيون حقتو ظاهر شديد وظاهر انو اتظلم شديد ف حياتو عشان كدا جامد من الملامح بتاعتو كنت بعاين ليهو في وشو وملامحو حسيت نفسي زي شايفه شايفه بس م متذكره لكن حسيت ب كدا
💜🌸م غريب علي ولي حسيت اسي يمكن دي اول مره اعاين ليهو من قريب 💜🌸
#قلتا لمن يقوم حااستفسر من الحاجه دي وانا بعاين ليهو كدا فتح عيونو 😐😐😐😐😐😐😐واي 😑😑😑
طبعا طوالي عملتا نايمه
بضحك لمن سامعه الصوت وبحاول يكتم الضحكه
😞
قلتا ليهو يااخ مالك قال لي ماف حاجه 😂نومي نومي انا طالع
طلع.  طوالي فتحتا عيوني وبقيت اعاين فوق جاء داخل شال التلفون قال لي مالك ماجاك نوم قلتا ليهو اي قال لي اطلعك بره قلتا ليهو لالا مرتاحه هنا ❤️❤️🌸قال لي طيب جاب لي عصير والحبوب
قلتا  طوالي اعرف منو
قلتا ليهو عدي قال لي اها ياقلبي
سكتا طوالي😂😂قال لي مالك
قلتا ليهو انا حصل شفتك قبل كدا قبل نتزوج يعني  قال لي اااااي
قلتا لي وين 🙄قال لي المستشفي قلتا ليهو يااخ لا مره تانيه قال لي لا قلتا ليهو بس حاسه اني شفتك
قال لي يمكن حلمتي بي😍😍😍💜
قلتا ليهو لا انت متاكد قال لي لالا م متاكد
صاح نحنا اتلاقينا قبل كدا قبل الحادث
زي 3مرات كدا انا شفتك فيهم قلتا ليهو وين 😳😳😳😳😳😳😳😳
قال لي بجد انتي م متذكرا انو نحنا اتلاقينا قبل كدا
قلتا ليهو م متذكرا بس حاسه اني شفتك
قبل كدا عشان كدا سالتك

 #تزوجني_وانا_مشلوله《11》 💖

 شكراً للبحبونا زي ما نحن 🌸 معولقين و مبهدلين و شينين و عنيدين و راسنا قوي و م بنسمع الكلام🌸🖤 وشكراً للبحبونا بكل حالاتنا بغض النظر عن المثاليّة المفرطة 🌸🖤للبحبونا ونحنا ناقصين في كل حاجة وكاملين في كل حاجة✨🌸🖤

  قال لي اااي اتلاقينا قدام جامعتكم كنا بنجي نشرب قهوه انا واصحابي
مره شفتك كنتي جايه من بعيد عاينتي مالقيتي مكان تقعدي فيهو انتي وصحباتك ومشيتو طوالي
المره التانيه ف ولد جنبنا انتو قاعدين مسافه مننا جاب كرسي وجاء قعد جنبك قمتي نبزتي وطردتي 😂قلتا اي اتذكرتا دا
التالته انا كنت ماشي مستعجل امي ف المستشفي وانا قاعد مع اصحابي وماشي سريع   وضربتك ماشفتك  متذكر كلمتك (عامل فيها انصار سنه كمان)م قدرتا اقيف واتكلم معاك واوضح ليك
اليوم الكنت ناوي اعتزر علي الموقف دا كان حصل ليك الحادث 💔💔
ماعارفه احساسي كان شنو بس بكيت 💔💔💔
قال لي م تبكي كلو بتعوض والله خلاص اهدي
قلتا لي طيب
#تاني يوم عدي جهز عشان الشغل وجات البت عرفني عليها اسمها شهد😊حاتكون معاي وتساعدني
قال لي لو احتجتي حاجه اتصلي لي قلتا لي طيب
طلع لمن‏ وصل الباب قلتا لي عدي اتلفت قال لي مالك ف شنو قلتا لامافي حاجه
شكلو حسا بي لاانو جاء راجع💜🌸
انك تكون ف بيتك كل الناس الفيهو بكرهوك وزول عايزك ماف دي ف حد زاتا سجن 💔💔
قعد جنبي قال لي م بتاخر ان شاء الله بحاول اجي بدري تمام قلتا ليهو طيب
باس لي راسي وطلع💜🌸
جات البت جهز لي غياري وحاجاتي عشان الحمام واتعرفتا عليها ظريفه قلتا علي الاقل يكون معاي زول مااكون براي
#زي ساعه كدا بترجع فيها البيت وبتجي ب النهار
كنت قاعده حاسه ب فراغ مبالغه💔فقدتا عدي شديد
شلتا التلفون اتصلتا عليهو م ردا لي قلتا بكون مشغول شويه رجع لي قال لي اهلين كيفك قلتا ليهو تمام قال لي مشغول م رديت ليك عشان كدا قلتا ليهو م مشكله طيب
اتونسنا حبه كدا وقفلتا❤️
الاكل شهد جابت لي  الفطور
الغداء بنتظر عدي ناكل سوه
ياخ زهجتا شديد وحسيت نفسي مخنوقه طلعتا بره ب الكرسي عادي بتحرك
كنت قاعده بره جاء ود خالة عدي سلم علي وقعد بس نظراتو كيف كيف😑😑😐م حبيتا دايره ادخل جوه قال لي بساعدك قلتا لي لالا بقدر اتحرك بحب اعتمد علي نفسي جيت دخلتا 😊قاعده وزهجانه ومصدعه ومنكشه شعري
عدي جاء داخل قال السلام عليكم
قلتا لي وعليكم السلام قال مالك منكوشه كدا😂😂😂😂
قلتا لي مصدعه قال لي سلامتك
قال لي انا برضو يمكن عشان طولتا من الشغل
ف ونستنا دي سامعين جوطه بره طلع عدي وسامعه صوت عالي
طلعتا طوالي لقيتو بكورك مع ودخالتو😑😐
جوطه وشكله كدا خليتم وجيت قلتا م ادخل
عدي جاء هايج قلتا لي ف شنو قال بهظرو قالوا
قلتا طيب ف شنو
قال لي الود دا حزرتو قلتا ليهو تاني هظار هناك مع الاولاد مامع البنات ديل بس بعرف اوقفو ف حدو 😑
قلتا يمكن م قاصد حاجه قال لي انا بعرفو
وفاهم حركاتو دي
انتها النقاش علي كدا تاني يوم مشينا الجلسه وعدي جابني ومشا الشغل طوالي
وشهد كانت معاي
وطوالي علي كدا بقيت احس عدي بقا بعيد مني حتي لمن يجي م بكون بتكلم معاي زي زمان وكدا 💔حسيت انو ف حاجه وطوالي ماسك تلفونو وم شغال بي الشغله الموضوع دا بجد فارق معاي شديد💔
بقت فجوه بينا بس اعمل شنو انا ولاعارفه الحاصل بقيت عايشه علي كدا ونفسياتي مدمره
والجلسات الدكتور قال اكتر من شهر لاانو التحسن بسيط 💔
يوم انا كنت قاعده ف المطبخ بعمل ف سندوتشات اصلا المطبخ دا غير البت الشغاله والبتطبخ ماف زول بجي داخل
قلتا احسن اعمل حاجه بدل الملل دا
قاعده سامعه مرت اخوهو بتتكلم ب التلفون م ركزتا معاها قلتا انا مالي😪
بس لفت انتباهي قالت ليها ي زوله عدي دا كدا خلاص جاك  ف يدك تاني دايره شنو انتي كسبتي ماتنسي حلاوتي لااني بساعداك وبوريك جاء متين طلع متين اتصلي متين 🤓😎
راسي دا لمن ضرب بس سكتا قلتا لوعملتا اي ردت فعل بتحس بي
#قالت ليها تاني ي بت اساسا نحنا ف البيت م شغالين بيها كانا عايشه براها ياهو عدي واسي برضو فقدتو وماتنسي الحاله النفسيه ف العلاج مهمه ودي راااااحت عليها ومعاها ضحكه هههههاي 🤭
قالت ليها يلا لحدي بعدين اسكتي خلاص🤫يلااااا
انا خلاص حيلي مات شديد وبقيت م قادره جات شهد قلتا ليها وديني الغرفه دخلتا مخي بداء يودي ويجيب وحكيت ليها اي شي لمن بكت 😢😢
قالت اسمعي هنا هوووووي والله م نسكت
رجعي راجلك ي متخلفه احسن ليك ماتتنازلي وانتي لي تكوني صعيفه الكلام دا قواني
شويه ❤️
قعدتا كداااااا وبديت افكر قلتا ليها عايني انا م فطرتا ح اقعد كدا لحدي بعدين جسمي حايهبط واتصلي لي عدي
وريتا تعمل شنو
فعلا عشان العلاجات قويه لمن العصر جاء خلاص هبطا وحسيت حيلي م شايلني🌚
اتصلت ليهو قالت عدي الحقني تغريد دايخه
تاني م حسيت الا وانا ف المستشفي
عدي قاعد جنبي😌😌😌
فتحتا وتاني نمتا😴
قال ليها الحاصل شنو قالت ليهو م عارفه بس تغريد دي مابتاكل ولابتاخد العلاج ولابتشرب عصير لمن اتكلم معاها بتقول لي م تتكلمي معاي💔لودايره تقبلي كدا خلاص م دايره خليني 💔
ومن غرفتا م بتطلع بس عايشه علي كدا
الكلام دا اثر فيهو شديد 💔😢
(شهد دي بت لذينه لقيتا 😂😂😂)
قال ليها طيب ارجعي البيت انتي خلاص م مشكله قالت ليهو طيب
جاني راجع لقاني صاحيه قلتا ليهو عدي انا دايره امشي بيتنا م دايره ارجع
قالي لي في حاجه🙄قلتا ليهو كدا بس م مشكله من هناك ابوي بوديني المستشفي م تشغل نفسك قال لي لالا م بخليك تمشي لمن تكوني كويسه قلتا لي قلتا ليك ماشه يعني مااااااشه م بقعد
قال لي خلي العناد دا خلاص بوديك بعد يومين تكوني كويسه عشان شلتا ايجازه يومين قبل شويه قلتا ليهو طيب ب جواي (💃💃💃💃😍😍😍)
طلعنا طوالي جينا البيت  امو سلامتك مالك قلتا ليها بس دوخه بسيطه قالت اها  الشهر الكم عاينتا كدا   🙄🙄🙄
عدي قال ليها لالا ي امي ماف حاجه بس تعب
قالت ليهو ي حرام يااخ قايلاك داير تفرحني بس م مشكله
ارتاحو (سبحان الله بتحبني كدا من متين  اها دايره تحسسني ب النقص وكدا وانو حتي بيبي ماجبتو )
عدي دخلني وقاعد جنبي وساكت كدا حاسه راسو دا ف كتفي عملتا رايحه اتلفتا لقيتو نايم  🥺 وب جزمتو رقدتو وحاولتا طلعتا ليهو الجزمه بس حسيت روحي طلعت عديل لمن طلعتها
#تلفونو ضرب طلعتو وقفلتو رسسسسمي
ورقدتا عدي دا راجلي وحاجه بتخصني وقف معاي ف اي شي مابخلي لي زول حتي لوكنت ناقصه دا م بيعني اتنازل عنو الااكون ميته بس انا حيه مسسستحيل

 

(ربي إنك تعلم مافي نفسي وتعلم ماهو خير لي فأنت سبحانك علام الغيوب ، ربي قد فوضت لك أمري كله ، فدبرني احسن تدبير فأنت حسبي وأنت نعم الوكيل 💛🧡)