رواية عشقناها_وكانت_لنا -(الفصل الثاني)

عشقناها وكانت لنا

بقلم فرح الخير

 

#عشقناها_وكانت_لنا《10》❤️
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

نهائي بس سمعتا الباب ضرب فتحتو لقيتو ايمن قال لي ارح الفطور قلتا ليهو طيب لبستا توبي وجيت نازله قال لي بقيتي  كيف قلتا ليهو الحمد لله
نزلنا لقيت خالتو حياة وايباء وانا وايمن بس فطرنا وخلصنا ايمن قام يلم الصينيه حلفتا ليهو م يلمها وايباء من مكانا م اتحركت لمينها أنا وايمن وغسلتا العده وختيت الشاي في النار ودا كلو وايمن معاي في المطبخ ايباء جات داخله شالت مويه وطلعت قالت لي م قلتي عيانه اهو قادره تقيفي قلتا ليها الحمد لله بقيت احسن ضحكت ضحكه خبيثه كدا وطلعت ايمن قال لي م بتعرف تتكلم عديل اصلا هي كدا م تشتغلي بيها قلتا ليهو لالا عادي تلفوني ضرب لقيتو حبيب قال لي بقيتي كيف قلتا ليهو كويسه شديد والله قال لي في شئ مألمك 😆قلتا ليهو اي قال لي شنو قلتا ليهو قلبي😌قال ي زفته ح يرفدوني بي سببك قلتا ليهو بحبك احيييي انا ارجيني الليله وقفلتا منو ايمن شال الشاي وطلع لي امو انا جيت شربتا وطلعتا غرفتي ونمتااا. لي العصر كدا حبيب تاني دق لي قال لي اها كيف قلتا ليهو فل الفل قال لي الحمد لله قال لي الليله م بتأخر بعد المغرب بجي قفلتا منو نزلنا لقيت مزدلفه في السلم جايه علي قالت لي اسي كنتا جاياك الغداء قالت لي بقيتي كيف انا الحمد لله والله تسلمي ونزلنا اتغدينا ولمينا الحاجات وقعدنا نتونس مصطفى اتصل على ايمن قال ليهو طلع البنات وتعالو شارع المطار نشم هوا ونطلع وم تنسى حقي 😂😂طوالي ايمن جاني فوق كلمني وانا فرحتا والله لي زمن م طلعتا لبستا لي فستان اوف وايت طقمتو بي بي لون كبدي 💃 وطلعتا المكياج كان حلو نزلتا كلهم بقو يقولو ماشاء الله سلامه قالت لي الا تمكيجيني مكيجتها وطلعنا وصلنا لقينا حبيب بشرب في قهوه وبس كلنا هجمنا ليك قعدنا وضحكنا واكلنا اسكريم ولفينا في وصلنا شارع النيل واتمشينا كان يوم حلو شديد بس اشوف ليك مصعب ود جيرانا الكان عايزني وجا علينا سلم وعرفتهم بيهو طبعا مصطفي بعرفو اسم بس لكن م حصل شافو مصطفى دا وشو بقا زي الف لون عزمو قعد معانا ومسكني من يدي وقعدني جمبو شويه كدا ومصعب قال استأذن وفعلا مشا ومصطفى قرب يكسر لي عضام يدي قلتا ليهو مالك قال لي ولا شى وارح نرجع بعد كدا لاحظتا لي سلامه بتعاين في اتجاه مصعب قلنا خلاص يلا نتحرك وركبنا رجعنا وايباء كلاما اصلو م كان ظريف معاي بس طنشتها رجعنا البيت وجيت رقدتا لي مصطفى في صدرو ومسكتو من نصو😥قلتا ليهو بحبك 😔وبمووووت عليك  ياخ كمان وبعشقك قعد يتبسم حيوان بشكل قلتا ليهو حبيب بكرا عايزه امشي لي امي اقضي معاها يومين تلاته واجي قال لي امممممم 😌 طوالي بستو وضميتو قال لي طيب اجهزي بكرا وبكلم ايمن يوديكي قلتا ليها زيت قال لي شنو😂😂قالت ليهو عطرون 🙄ضربني ونمنا بكل ارتياح اصبحنا الخميس قمتا صحيتو وجهزتا ليهو حاجاتو وطلع مشا اناا جهزت لي شنطه صغيره ونزلتا عملتا معاهم الفطور  وعملنا الشاي وقعدنا نتونس قامت  اتصلت على هنديه واتونسنا كداا وضحكتني شديد قمتا ضحكتا من قلبي بصوت عالي بس اسمع إيباء بتقول دا شنو فعلا ناقصاها ترباية ابو 💔كلهم لاحظوا ليها وامها وايمن نهروها وقال لي م تخلي بالك معاها قمتا قلتا ليها لا فعلا ناقصاني ترباية ابو عشان لي كم يوم ساكته ليك وشايفه حركاتك بس انا م ح ارد عليك وبكل برود طلعتا ودمعتي في طرف عيني مشيت شلتا تاني ملابس زياده ودخلتهم شنطتي قلتا انا ي ربي عملتا ليها شنو يعني وجاتني طالعه فوق قالت لي انا اسفه والله عرفتها جبروها تجي تعتذر قلتا ليها لي أنا عملتا ليكي شنو قالت لي شلتي مني اخوي وبقى بحبك زي م بحبني قلتا ليها بس دي سنة الحياة قالت المهم اسفه برفعة نهره كدا قلتا ليها تمام ممكن تنادي لي ايمن معاكي ونزلت قلتا ليها بي قلبي م انا البت البفترو عليها وبرمو ليها كلام لكن الا تجي انتي تعتذر بنفسك وتوطي لي راسك امي علمتنا اي شئ ولا كرامتك تنداس ايمن جاني 👀دخل كنتا لابسه وحاهزه قعد يلطف الجو عارف إيباء غلطانه قلتا ليهو عادي هي اختي وقلتا ليهو شيل لي الشنطه شافا كبيره قال لي متفقين على يومين مصطفى قال لي ح تعمليها شهر ولا شنو ضحكنا وطلعنا مشيت ودعتهم خالتو قالت سلمي على امك وم تشيلي في قلبك من إيباء قلتا ليها عادي وطلعنا طول الطريق ايمن بتكلم اتصلنا على مصطفى واتكلمنا معاهو قال لي هووي🙄يومين بس وتجي طوالي سكتا اتكلم معاهو ايمن وانا دمعتي نزلت والله كلام إيباء حار علي صح ابوي م كان موجود بس امي م قصرت طوالي ايمن قفل من مصطفى ووقف العربيه وقعد يقول لي خلاص روقي حسيتو قرب يبكي معاي قال لي دقيقه اجيب ليك مويه غسلي وشك اسي امك تقول انحنا كعبين اتبسمتا ليهو ومشا جاب لي مويه وغسلتا وقال لي اي كدا دي فرح الانا بعرفا ووصلنا امي وايمن نزل اتغدا معانا وبعدين طلع قلتو ليهو خلي بالك على مصطفى 😔قال لي وااااي انا اريت لو عندي فرح تخاف علي ي بختك ي مصطفى 😂😂😂طبعا ضحكني من غير م احس ومد لي قروش قال لي دي مصطفى قال يدوك ليها شلتا منو وودعتو ودخلنا ورقدتا في حضن امي لي المغرب وتاني قمتا لقيت مصطفى اتصل علي رجعتا ليهو قال لي والله والله اشتقتا ليك 😂😂قلتا ليهو متين مشيت انا قال رجعتا البيت بس م شفتا حبيبي 😢م تتأخري علي قلتا ليهو حااضر اتونسنا كداا وقفل مني الكذب ليه انا كمان اشتقتا ليهو😥واتونسنا مع امي لامن نمنا وقمتا الصباح كان الجمعه قلتا ي ربي مصطفى الح يجهز ليهو الجلابيه منو بس طوالي اتصل ابن حلال رديت عليهو شكلو يدوب قايم قال لي جاي اسوقك الليله انا بلاك م بتحمل😔قلتا ليهو ي حبوبه قال لي هشش وقعد يونسني لامن سمعتا صوت امي بنادي ووصيتي يلبس الجلابيه السمنيه ويتحصن ويطلع الصلاة وقفلتا منو وقمتا صحصحتا ونطفتا بيتنا اختي ريان ح تجي الليله كل جمعه بتجي ..
--------------------------------------

 

#عشقناها_وكانت_لنا《11》❤️
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
زي الساعه عشره كدا ريان دخلت وحبايبي جوا عملنا الفطور وبعدو القهوة ريان باقي ليها شهرين وتلد وقعدنا اتنونسنا كداا وعملنا الجبنه وشربنا وجو نسوان الجيران قالو لي ماشاء الله ي بت مريم حلاة الدنيا عليك وام مصعب برضو جات جات قعدت جمبي قالت ي بتي والله م زعلانه منك بس مصعب المتحسس شويه قالت لي أن شاء الله مبسوطه قلتا ليها الحمد لله والله قالت لي الوحده فينا لامن قلبها يتملئ بي زول معين م بتشوف غيرو تاني واهو انت قلبك مليان 😘كلاما حلو ياخ والله من زمان بحبها كنتا بمش اقعد معاها م عندها بنات ولد واحد مصعب بس وهو ماشاء الله راجل والله😌والبيت بقا نسوان داخلات ونسوان طالعات المساء كدا بعد المغرب قلنا نطلع نأكل مجتبئ وخالد اسكريم جمبنا مكان كدا حلوو فتحو جديد سوقناهم ومشينا واكلنا الايسكريم واتبسطنا ورجعنا البيت على كدا مصطفى اتصل علي وسألني كيفك انا كويسه والله الحمدلله انت كيف 😥قال ح تجي متين والله اشتقتا ليك قلتا ليهو اسكت م تخليني اتهور قال لي عليك الله اتهوري😂😂حيوان اتونسنا لامن نمتا ليهو في التلفون 😴قمتا الصباح اتصلتا عليهو قال لي نوامه😒تنومي وتخليني  قلتا ليهو بحبك طوالي سكت😏اها أصبحتا كيف كويس قال لي اي😥قلتا ليهو حبيب م تهمل في روحك فاهم قال لي حاضر شكلك م ناويه تجي قلتا كمان شويه وبجي اشبع من امي واجيك قال طيب بكرا اغشاك من الشغل اشوفك قلتا ليهو اي عليك الله 😢قال طيب يلا خليني اقوم وانتي خلي بالك من نفسك وقفل التلفون قمنا انا وريان رتبنا البيت وشربنا الشاي مع امي ريان ولعت ليها دخان قعدتنا كلنا بعدها فطرنا امي قالت ماشه تشوف جارتنا عيانه مشت معاها ريان وقعدنا انا ومجتبئ وخالد😂😂لعبنا لعب والله لحدي العصر كدا ديل جو عملنا الغداء ريان قالت مبارك جاي يسوقا مغرزتا ليك مغرزا قربت تشلتني 😂😂 ومبارك جاها بعد المغرب وطلعوا انا وامي قعدنا ونتونس ونضحك لامن وقت النوم جا وامي مشت تنوم وانا اتصلتا على حبيب ووصيتي يلبس شنو بكرا وقلتا ليهو يلا نوم قال لي خليك شويه😔اتونسنا نص ساعه كدا ونمنا قمتا الصباح واليوم عدا عادي لامن جا المساء بعد المغرب جا مصطفى وامي قامت خلتنا برانا جا وضماني عليهو وبقى يمسح لي على شعري قال لي شنو يعني م ناويه ترجعي سكتا شويه كدا قلت ليهو امي براها حسن يجي وبرجع قلتا ليهو م اتغديت موش قال لي اي 😢جري مشيت عمملتا ليهو غداء وجيت قال لي اكليني قعدتا واكلتو وعملتا ليهو عصير وشرب واتسند كدا علي السرير وجراني عليهو حسيتو تعبان قلتا ليهو حبيب ارح نوم جوه قال لي لالا بلحق البيت عندي شغل كتير قطع قلبي ياخ وقام طالع وقفتا معاهو في الباب وقلتا ليهو خلي بالك من نفسك وحضنتو وحصنتو وطلع قلتا ليهو سوق براحه وطمني لامن تصل 😢اول م وصل اتصل علي قال لي وصلتا يلا حبيبه لي بكرا وقفل مني 😥نمتا وصحيت الصباح نفس الروتين بس في بيت ناس مصطفى مصطفى من الصباح طلع وفي زول بالو كان مشغول مشغول شديد وقام مشا لي إيباء عرفتو منو اي ياهو ايمن قال ليها  ي إيباء انتي من ناويه تمشي تعتذري من فرح وترجعيها عليك الله امشي 😔قالت ليهو ليه امش قال ليها انتي اسي في زمتك البت دي زعلتك في حاجه ظلمتك ولا كرهتك عشان تزعليها قال ليها ي اختى نضفي قلبك وراجع نفسك عاينت ليهو كدا قالت ليهو بتحبها ي ايمن 😫 قال دا شنو دا انتي مجنونه كيف يعني احبها وهي زوجة اخوي طوالي مشا خلاها الحوار دا مزدلفه كانت سامعاهو😮واتفاجأت شديد بس قالت في قلبها والله فرح تتحب في يومين بس البيت من غيرا طلم وبقى شين احنا لازم نرجعا لانو لو مصطفى عرف بالحصل ح يزعل شديد وخصوصا انو إيباء غلطانه عليها طوالي مزدلفه مشت لي ايمن قالت ليهو الليله الا نرجع فرح طبعا الفرحه ظهرت في عيونو عرفت انو بحبني بس م كلمتو وطلعت مشت لي إيباء قالت ليها اها ح تمشي من نفسك إيباء عرفتا غلطا وقالت والله انا غلطانه وبمش اعتزر منها وطوالي إيباء طلعت مشت لي ايمن قالت ليهو نمش لي فرح بس بي شرط قول لي الحقيقه بتحبها ي ايمن 😫 قال ليها اااي😥والله م عارف حصل كدا كيف بس انا ح انسى اعتبري اني م قلتا ليك حاجه وختت يدها في كتف اخوها وطلعت وانا هنا مع امي بنشاهد  في التلفزيون زي العصر كدا حسن اخوي جا وعملنا الغداء واتغدينا كلنا واليوم عدا على بس ناس إيباء غيرو رائيم انو يجو بكرا وفعلا قمتا من الصباح كالعاده رتبتاوعملنا الشاي والفطور بعد الضهر كدا الباب دقا كانت إيباء وسلامه وايمن😫سلمو علي ودخلوا وقعدنا شويه كدا امي دا استأذنت قالت لينا عندها قروش ماشه توديها وطلعت طوالي إيباء جات وقعدت جمبي وقالت لي والله اسفه 😥سامحيني وخلينا نرجع اخوات عارفه اني جرحتك بس والله اسفه طوالي سامحتها وحضنتها عشان فعلا كانت ندمانه وقمتا حضنتهم كلهم وايمن دا لاحظتا ليهو بس سااكت قلتا ليهو مالك ي ايموني 😪قال والله البيت من غيرك شين سلامه قالت النبي ارجعي معانا اسي عليك الله عاينتا ليهم كدا قلت ليهم طيب دقيقه اتصل على امي اتصلتا عليها قالت لي انا في بيت ام مصعب قلتا لي سلامه تعالي اوصف ليك البيت داك امشي نادي امي وتعالي 😂 ووصفتو ليها مشت وعلى حسب خطتي حسيتا معجبة بي مصعب من اول مره شافتو وفعلا مشت ولاقت مصعب في الباب قال ليها شكلك م غريب علي قالت ليهو اي صح انا اخت زوج فرح جيت انادي خالتو مريم طوالي سلم عليها وقال ليها اتفضلي أن شاء الله يكون الشرك زبط وشويه كدا جات هي وامي امي قالت تتهني أن شاء ودعت لي كداا وطلعنا قلتا لي ايمن وقفنا جمب اقرب كوافير إيباء قالت لي اي والله اتحنني بالمره نعمل لي صفصف مفأجأه طبعا كلهم بينادوهو بي صفصف بس انا لا ونزلنا انا وسلامه دخلنا ورسمنا قلت لي سلامه ماف زول كدا ولا كدا سكتت شويه قالت في بس شكلو من طرف واحد قلتا ليها منو قالت امممممم مصعب 😑طبعا فرحتا ليها شديد قلتا ليها اطمني مصعب  راجل والله وبكرا ح ينتبه ليكي ..
--------------------------------------

 

#عشقناها_وكانت_لنا《12》❤️
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
خلصنا حنه انا وسلافه وركبنا ركشه ورجعنا البيت اول م دخلنا لقيتهم كلهم في المطبخ سلمتا عليهم شديد وقالو لي والله اشتقنا ليكي لقيت مروج قاعده معاهم اول م جيت داخله زوبه ومروان اتعلقو فيني خالتو حياة طلعت خلتنا إيباء قالت لي واااي الحنه رهيييبه عايزه دخان بس عشان تتدوخي مصطفى قالت لي اطلعي غيري وتعالي اولع ليك الحفره طبعا يدوب لاحظنا أنو ايمن قاعد معانا في المطبخ 😲وسمع كلامنا كلووو وبعدها بقيت اهبش في الحاجات البعملو فيها لقيت بيتزا 😌 ومروج عامله بسبوسه تجنن وعاملين تاني حاجات كتييير م قصرو معاي والله ايمن 😫 قال ليهم والله يدوب البيت نور طبعا ايباء ومزدلفه عاينوا ليهو بي الجابس كدا من غير انا م الاحظ قلتا ليهو يلا ي ابو دم خفيف 😒 ارح ارفع لي شنطتي قال لي عيوني ليك انا ياخ 😂بكاش وحيوان طلع قدامي شايل الشنطه وانا وراهو دخلنا وختا الشنطه كدا قال لي والله البيت من غيرك وحش تاني م تمشي كدا😄قلتا ليهو أن شاء الله ي ايموني 😪 ضحك فيني وطلع وانا دخلتا رتبتا ملابسي ولقيت البيت كاتم فتحتا الشبابيك عشان يهوي ونضفتو وعملتا بخور طلع يجنن بعد ساعه كدا استحميت ونزلتا ليهم بعد العصر لقيت إيباء ولعت لي الحفره قعدتا ومع الحنه الدخان بقا حاجه تانيه😋قبل المغرب كدا عملنا الغداء واتغدينا ولمينا العده وقعدنا نتونس ونضحك صلينا المغرب عملنا شاي لبن بي بسبوسه وعملنا معاهو فشار وقعدنا كلنا نضحك كانت قعده حلوه شديد شويه كدا قلتا ليهم هوي بعد كدا مصطفى ح يجي اطلع افاجأو وطلعتا بالجد ياخ اشتقتا ليهو 😥 شديد لقيت عندو تيشرت في الشماعه شلتو وبقيت اشم فيهو لحد م سمعتا حركه الباب بيتفتح وانا جريت دخلتا ورا الستاره وهو شغال والله الله يخلي النطف لي البيت يعني ي فرح م ناويه تجي وخليتني برأي كدا وشويه كدا وطلعتا حضنتو من ورا شديد 😔 ااااااااااخ بس لافاني وجابني لي قدامو وعاين لي مسافه ورجع ضماني عليهو وبقى يبوس لي في رأسي وضامني شديد قلتا ليهو حبيب والللههه اشتقتا ليك قال لي هششش هشش وانا والله مشتاق ليك ولي كل شئ فيك حسيتو مخنوق من حاجه رفعتا رأسي وعاينتا ليهو قلتا ليهو ماالك قال لي هممم ولا شيء بس انا بحس بيك قلتا ليهو طيب خش استحما وصلي العشاء انا بمش اجيب ليك الاكل وبجي ومشيت طلعتا ليهو تيشرت وشورت وجيت تاني حضنتو واديتو بوسه على خدو ونزلتا عملتا ليو الاكل وخلطا ليهو عصير وشويه كدا طلعتا وقعد اكل وانا كنتا معاهو لامن خلص لميت الحاجات ونزلتا رجعتهم وجيت لقيتو نايم ومتسند على السرير جيت قعدتا جمبو وختيت ليهو راسو على كتفي قلتا ليهو مالك احكي لي مسكني شديييد قال لي فرح 😔 قالت ليهو عيون الفرح انت م تخوفني احكي قال لي أمس ناس الشركه الالمانيه اتصلو علي وقالو لي في كورس مدتو سنه ادوني ليهو منحه وهو كورس مهم شديد سكتا مسافه قلتا ليهو رايك شنو قال لي همم😔رايك انتي شنو قلتا ليهو طبعا تمشي بي بس عايزه ابكي بس قلتا دا حلمو من زمان واهو الفرصه جاتو م ح اقيف في وشو ولازم اقيف معاهو ضميتو على شديد ونمنا انا م جاني نوم 😥وشغاله ابكي كاتم صوت ومره اسرح في ملامحو وامسك يدو واقول ليهو تاني ح تبعد عني تخليني لي منو😔نمتا زي ساعه كدا سمعتا الاذان وقمتا صليت ودعيت ربي ودعيت لي مصطفى انو يتوفق ويمش ويجيني بالسلامه  وتاني مشيت صحيتو يصلي ويقوم يتجهز على بال م اعمل ليهو الشاي وطلعتا ليهو لبسه ونزلتا تحت عملتا الشاي ورفعتو معاهو بسبوسه وجيت قعدتا جمبو وكان عابس شويه مسكتا يدو 😴 قلتا ليها م تتأخر علي امش وتعال وانا معاك في كل خطوه تخطيها طوالي بستو حسيتو ارتاح قال لي وانا ح اجي عشان عايز منك حاجه 😌 قلتا ليهو شنو قال لي ملك ولاعمران طبعا خجللني الحيوان وبعدها شربنا الشاي وقام طالع قلتا ليهو اقيف جبتا معاي عطر وحبة كمون قلتا ليهو يلا اتوكل😌 وطلع وانا من بعدو رتبتا البيت وفرحتا انو هو ح ييعمل الكورس دا وكويس اني م رفضتا كانت تبقى انانيه مني ولميت الحاجات ونزلتا ليهم تحت لقيتم يدوب ببشربو الشاي طبعا من دخلتا ايمن 😫 لاحظ لي اني زعلانه وقعدتا معاهم ايمن قال لي امو انا بكرا ح افتح المعرض عندو معرض سيارات الحاجه الوحيده البحلم بيها وقام قال لينا انا م بحب شغل الجري دا احسن لي معرضي دا كان مغترب خمسه سنين عشان يعمل المعرض دا وربنا وفقو 🙂كلهم باركو ليهو وتاني لمينا عدة الشاي وعملنا الفطور وانا كان كلامي قليل خالتو حياة نادتني قالت لي مالك متغير ه فيك شى قلتا ليها لالا بقلبي قلتا احسن يجي مصطفى يكلما بعد فطرنا لميت الاكل وطلعتا فوق ونومتا م صحيت الا بعد الضهر قمتا نزلتا عايزه لي رصيد قلتا اضرب لي امو واخواني طولتا منهم نزلتا لقيت ايمن قلتا ليهو عايزه لي رصيد قال خلاص اطلعي انا بجيبو ليك ومشيت طلعت بيتي وطلعتا توبي كنتا لابسه فستان بس اللهم السلام قصير وحالتو احم  وبس نسيت الباب فاتح وركبتا سماعتي وقعدتا اسمع وكنتا واقفه في الشباك وبعاين بس م حسيت الا بي زول طلع لي السماعات من اضاني 😖واااي كان ايمن 😫 والله بقيت قدر السمسمه من الخجله م عرفتا امش وين اداني الكرت بتاع الرصيد ونزل سرييع وبقيت اشاكل في روحي دا شنو ي حيوانه نزلتا رصيد واتصلتا علي امي واباذر ومحمد حتى ريان اتصلتا عليها وتاني قعدتا لحد بعد العصر كدا نزلتا ليهم وجهزنا الغداء اتغدينا وقعدنا اتونسنا شويه كدا قبل المغرب مصطفى دخل جا قعد معانا وكلهم بي موضوع السفره خالتو حياة عاينت لي قالت عشان كدا الليله من الصباح في زول مكشر وشو طبعا كلهم ضحكو فيني وقعدنا ختيت لي حبيب الغداء اتغدا وطلعنا انا وهو فوق جابني قعدني في السرير قال لي قدامي اسبوع وانا من يوم الليله اجازه ح نعمل كل حاجه نفسك فيها الأسبوع دا ح نعيشو مع بعض وضماني شديييييد وبعدها دخل الحمام
--------------------------------------

 

#عشقناها_وكانت_لنا《13》❤️
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ومنها نمنا صحينا الصباح الساعه ٩😂😂اي حبيب ما اجز خلاص اسبوع حقي براي قمنا استحمينا ورتبتا البيت وبخرتو قال رايك شنو ننزل الفطور بس قلتا ليهو زيت 😎قال لي قلتي شنو قلتا ليهو بحبك وقعدنا نشاهد في الشريط الحنه حقو هو وبعدو حقي انا😂😂جاتني مكالمه من هنديه قالت الليله جاينك العصر انا وقندس والاء ولا كذبتا طوالي اتصلتا على براءه ويسرا يجو عشان اللمه تكمل واتصلتا عليهم قالو ايووووووووي واخيرا عزمتينا اي بنجي قلتا لي مصطفى تعال انزل جيب لي حاجات جايني صحباتي قال لي عاين باعتني فورا 😒اصبري لي بعدين كتبتا ليهو الحاجات ونزلنا مع بعض فطرنا بعد الفطور هو طلع مع ايمن وانا قعدتا مع البنات طوالي اتزكرتا انو الليله افتتاح المعرض حق ايمن فورا اتصلتا على البنات قلتا ليهم م تجو البيت بوصف ليكم معرض بتاع سيارات تجوني فيهو لانو مخي طار قالو لي اخو مصطفى ولا غيرو قلتا ليهم اي ياهو طبعا كلهم كوركو قالو لي اي كيف م بنجي😌حيوانات وقليلات ادب طوالي اتصلتا على مصطفى قلتا ليهو افتح الاسبيكر عايزه ايمن فتحو ايمن قال لي في شنو ي شيخه قلتا ليهو الليله موش افتتاح المعرض بتاعك قال لي اااي 😪قلتو ليهو بتقبل ضيوف مني😂قال لي لو م مزز م يعتبو باب المعرض 😁😁قلتا ليهو خلاص نسينا الفكره قال لي اي احسن حيوان دا قال لي بنقبل ضيوف خليهم يجو مرحب بيهم وقفلنا على كدا وهم مشو يشوفوا تجهيزات المعرض وهنا انحنا اخر انبساط وضحك الضهر اذن قلتا اطلع ارتاح بس جاتني فكره مجنونه قلتا الا اصبغ شعري اشقر 😍اخر ايام مع مصطفااي خليني اعيشا وفعلا نزلتا تاني قلتا ليهم ماشا اعمل شعري اشقر إيباء قالت لي وانا كمان والله طوالي ركشه جاك زول ومشينا عملنا شعرنا ورجعنا بعد العصر دخلنا ليقنا الاكل في قدامهم طوالي قعدنا اكلنا وشويه كدا المغرب اذن مصطفااي اتصل قال  لينا اجهزو بجي انا اسوقكم طبعا طلعنا كلنا فوق واخر شياكه ولبس لبستا توب باللون الاسود وطقمتو بالاحمر وزبطنا المكياج وطلعنا الشعر انا وايباء اي م جديد😂😂شويه كدا وجا مصطفى كلهم نزلو وقال لي إيباء غطي شعرك دا 😒وبعد نزول بقا يقرب مني قال لي فرح 😒دا شنو انا قلتا ليهو شنو🙄حلوه صاح طوالي قرب من غير مقدمات وااااااا💏 مجنون كيف قال لي عسسسل ياخ تعالي م نمشي ونقعد برانا😏حيوان قال لي طيب اسي البس شنو قلتا ليهو جهزتا ليك طقم جيلابيه يجنن مشا سريع استحما ولبس الجلابيه واااي 😔م اسحرو حصنتو دليشيون مره وطلعنا وركبنا العربيه انا ومصطفى وايباء وسلامه خالتو حياة وعمو الفاتح ومزدلفه ايمن رسل ليهم زول بي عربيتو  ووصلنا وكان وااااااو رهيييب العربات تلخم وبس من جيت داخله ايمن دا عينو م شالا مني شويه والبنات اتصلو طلعتا ليهم معي سلامه ودخلوا وجابوا العشاء وقعدنا نتونس ونتصور ومصطفى دا الا شغال لي شعرك دا لمي 😒وانا ولا شغاله بيهو جاء ايمن وقعدنا اناا وهو والبنات ضحخكهم ضحك قال لي اها م عزيت ليك صحباتك طبعا اتكببو كبكبه قلتا ليهو يلا اعزل اسي دي نعقد عاين لي كدا 🙀قال لي أنا عيني مليانه ومكتفي م عايز😌وقام مشا وقعدنا انا والبنات واخر ونسه اشتقنا لي بعض ياخ العرض انتهى وطلعنا مصطفى قال لي أنا ح اخطفك الليله ايمن قال ليهو وين قال ليهو وانت مالك 😏قال ليهو غايتو اتصرف سوق البنات وطلعنا انا وحبيب وصلنا شارع النيل قعدنا ومصطفى اجر لينا يخد وقال ح يسوقو واااااااي 😍😍ياخ مجنون وصلنا نص البحر وقعدنا نتكلم قال كلام حلو شديييد قال لي عايز لما امش تخلي بالك من نفسك وانا مهما بعدتا انتي مرساي في النهايه وقال لي م تخبئ علي لو زول ضايقك انت روحي 😔وفضلنا نتكلم كدااا وقمنا رجعنا وفي الليل داك مشينا حفيانين علي الشاطئ ورجعنا زي الساعه وحده بالليل طوالي نمنا وصحينا الصباح واحنا كل يوم. بتبسط اكتر مرت خمسه ايام وجا اليوم البكرا مفروض مصطفى يسافر حاسه روحي دي ح تتطلع من محلها ورتبنا الشنطه مع بعض وانا دي ماسكه روحي بالرجاله طوالي دخلتا الحمام بكيت وغسلتا وتاني رجعتا اكمل طوالي جاني قال لي عليك الله م تعملي كدا وضميتو شديد خلصنا الشنط نزل شويه وقعد مع ناس البيت العشاء ازن طلعنا تاني فوق طيارتو بكرا الساعه 8ص  اتونسنا بس نمنا في النهايه قمتا بدري صليت ودعيت لمن ببكي وبشهق وتاني صحيتو وجهزتا ليهو الملابس ونزلتا اعمل ليهو الشاي على بال م يستحمى ووديتو ليهو شرب الساعه عملت 6ونص قام لبس سريع ووالله قريب ربع ساعه ماسكاهو وبوصي فيهو وطلعنا لقينا ناس البيت كلهم واقفين وانا دي م قادره خلاص والله احساس صعب والله مهما وصفتو م ح تشعرو وبس بدأ يودع وتاني جا علي وقال لي خليك قوييه راجع ليك انا وقال ليهم امانتي دي خلو بالكم عليها وطلع انا الا البنات مسكوني وطلعتا غرفتي تاني م نزلتا الا جاتني سلامه قالت لي النبي انزلي افطري أصرت علي نزلتا والله م قدرتا اكل بس بالجبر دخلتا الاكل عدا اليوم دا زي الخيال ونمتا م حسيت بي شئ الصباح قمتا ونزلتا ليهم شربتا الشاي وبس التلفون ضرب كان حبيب😔قال لي وصلتا وانا ح اكون كويس لو انت خليتي بالك على نفسك وقفل عدت الايام ورا بعض وانا مره امش ناس امي ومره هنا وفي يوم وانا في بيت امي جاتني سلامه و اتونست معاي كدااا وبس طلعت ومرقتا اقدامها لقينا مصعب  وقف معانا في الباب وعينو م شالا من سلامه اطمنتا ليها وبس شويه واشوف ليك ايمن دا جاي علينا ووشو م بتفسر وقال لي بي نهره كدا خشي جوا انتي وانتي ي سلامه امشي اركبي العربيه وجاط مع مصعب دا جوطه وجا دخل علي انا دي زعلتا منو زعله قال لي اسف بس والله م بتحمل وطلع قعدتا كم يوم مع امي في يوم بالعصر كدا جاتنا ام مصعب وقالت لينا والله مصعب شاف اخت زوجك وقال عايزا😍😍ايووووووووي
--------------------------------------

 

#عشقناها_وكانت_لنا《14》❤️
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اليوم البعدو اتصلتا على مصطفى وحكيت ليهو في البدايه عااند شديد وحلف لا ماف حاجه زي دي تحصل بس فهمتا وحكيت ليهو الحاصل وانو انا كان عايزني زمان بس اسي والله سلامه بس الفي قلبو قلتا ليهو فكر في سلامه طيب وشويه شويه لامن اقنعتو وبكرا من بعد الفطور مشيت لي بيتي اول م دخلتا لقيت ايمن ولا عاينتا ليهو طوالي دخلتا سلمتا على ناس البيت واتونسنا شويه كدا قمتا طالعه قلتا لي سلامه ارح معاي فوق ودخلنا بس قلتا ليها اقعدي ومسكتا التلفون واتصلتا لي مصطفى وفتحتا الاسبيكر قال ليها ي سلامه دايره مصعب دا الزول دا اتقدم ليك وطبعا م صدقت كانت بالنسبه ليها مفاجأه العمر انا قلتا ليهو اي ياخ عايزاهو تاني قال ليها سلامه عايزاهو قالت ليهو اي قال ليها الف مبروك أن شاء الله ونادينا ايمن وكلمنا سلامه طلعت وقال لي والله اسف ي فرح 😔حسيتو مقهور قلتا ليهو خلاص ولا يهمك حصل خير قال لي يعني اتصافينا قلتا ليهو ايون يلا عشان تدي رقم ابوك لي يوسف من أمس راجيني ويوسف اتصل اديناهو الرقم واتصل على على عمو الفاتح وكلمو ووافق وسلامه الموضوع عندها زي الحلم اصلو م مصدقا عدا شهر وعملوا الخطوبه وقالو العرس الا مصطفى يجي وعدت سته شهور على غياب حبيب وانا اتأقلمتا وفي الوقت دا ايمن كان زي اخوي بس هو يومي بتعذب وبتجرح لامن اقول ليهو اخوي كلهم عرفو انو هو بحبني عدا انا وسلامه وامو وأبو وطبعا اخوهم الكبير الفاضل ومعين جوا قضو شهرين اجازه ومع لمة الناس خففو علي غياب مصطفى وهو كل يوم بتصل علي وباقي تلاته شهور علي جية حبيب كل يوم فرحي بزيد وفي مره ايمن دا كان طلع لي فوق وقال لي انزلي الاكل وبس م وطلع مني بس م سمعتا الا صوت وقعه في السلم نزلتا لقيت ايمن دا خلاص فقد الوعي وطوالي ودينا المستشفى دخلو العمليات فورا جاو نزيف دماغي 😭وانا والبنات كلنا نبكي العمليه استمرت تلات ساعات والدكتور جا طالع قال ليهم عدت على خير بس عندو كسور على عميقه شهرين حتى يقدر يرجع يمش كويس قعدنا اسبوع في المستشفى حتى ايمن دا صحا دخلو عليهو امو وأبو وشويه كدا انا واخواتو ضحكنا شويه ولامن جينا طالعين منو قال لي فرح 😔 تعالي شويه بي قلبو هو كان مشتاق لي شديد وعايز اي حاجه تخليني اقعد معاهو قلتا ليهو هاا قال مويه😖عايز مويه اديتو مويه وشربتو قال لي مصطفى كيف قلتا ليهو كويس والله يومي بيسأل عنك جيت طالعه قال لي صلحي لي المخده دي قربتا وبقيت اصلح ليهو المخده جاني احساس كدا بس فورا طرتو لانو فعلا زكرني بي مصطفى طلعتا بره واتزكرتا حبيب تلقائيا بكيت ومنها رجعتا البيت ومعي سلامه وايباء لانو ايمن بكرا بطلع من المستشفى مشينا رتبنا البيت وجهزنا كل شئ وجا يوم بكرا ايمن طلع من المستشفى وجو البيت كلنا كنا مهتمين بيهو بس هو لو عايز اي شئ يناديني ي فرح اعملي لي دا وخلي دا وانا بخدمو زي اخوي واكتر بس هو مبسوط بالاهتمام دا ويومي حبو لي بيزيد ويتعذب وماف زول قادر يساعدو ولا هو عايز يساعد نفسو بأنو يحاول ينسى أو يحب وحده تانيه بس كأنو قلبو بقول ليهو في حاجات ح تحصل وتغير مجرا الحياة العايشنها دي عدا شهر وشويه شويه اتحسن وباقي على رجعة حبيب شهر وسلامه متواصله مع مصعب وايباء فسخت خطوبتهاومزدلفه بقت بتراقب لي ايمن شغلو وعدا الشهر التاني وايمن دا خلاص بقا فل ورجع زي اول واحسن الحمدلله بعد اسبوع  مصطفى كان ح يرجع إيباء وسلامه قالو لي الا نجدد البيت وفعلا غيرنا الستاير وحاجات كتيره وبكرا مصطفى ح يجي مشيت رسمتا وادخنتا طولتا من الحاجات دي م كان عندي ليها نفس وجئنا البيت  وطلعتا شقتي ورتبتا كل شئ وسلامه دي حبسنها ليها شهر عشان مصطفى يجي بعد اسبوع طوالي نعمل العرس كل شئ كان جاهز والليل جا وانا دي النوم غلبني م قادره اصبر عشان اشوفو لي سنه سنه ي ناس منو وم شفتو 😔 مستنيه قلبي يرجع ورحي الليها سنه ضايعه ترجع لي قمتا مبسووو!طه وعملتا ليهم الشاي انا وعملنا حلويات لامن الضهر اذن ايمن قال أنا طالع مصطفى دا ح يصل بعد كدا بمش استناهو في المطار قلتو ليهو النبي سوقني كلهم ضحكو قالو لي اصبري اهو جايك وطلع ايمن وانا مشيت بيتي فوق ومتوتره توتر م عادي وبعد ساعه نزلتا لبستا لي فستان بسيط ابيض كدا وطرحه عنابي وبس اسمع ليك الباب دا فتح وقمتا والله من غير وعي وبس اشوفو ليك واااااااي😭قلبي دا طلع من محلو وجريت عليهو ضميتو لامن قرب يقع وهوبس ضاميني وساكت وايمن دا طوالي مشا خلانا رفعتا رأسي وعاينتا ليهو قال لي فرح ي مجنونه ح تموتيني انتي وبقا يبوس فيني ويشم في ريحتي والله فرحه م بتتوصف ومسكتو من يدو ودخلنا ليهو جوا ومشا يسلم على امو ويبوسا وسلم على البنات وانا دي عينا م شلتها منو م مصدقه انو رجع خلاص ارتحتا وناري هدت روقنا شويه وقعد زي ساعه يتنونس امو قالت ليهو اطلع استحمى وانزل الاكل وقالت لي ي فرح اطلعي معاهو وطلعنا اول م دخلنا ضمينا بعض تاني وقال لي مشتاق ليك والله مشتاق ليك وقعدنا شويه بعد خلصنا بكيتنا قلتا ليهو يلا عشان تاكل وبعدها ترتاح طلعتا ليهو غيار ودخل الحمام وطلع طوالي نزلنا الغداء خالتو حياة من شافتني قالت والله لي سنه م شفتا البت دي بالفرحه دي قالت لي أن شاء الله دايما فرحانه ي فرح ربنا يسعدكم ويهنيكم خلصنا الاكل وقعدنا شربنا الشاي واتونسنا اي المغرب حبيب قال ليهم انا والله ماش انوم وعليك الله ي ايمن في شنطتين طلعهم لي والشنطه الأكبر وحده دي خليها هنا دي حقتكم وطلعنا انا وهو واول م دخلنا طوالي ضماني ومشينا الغرفه رقد في رجولي وانا امسح ليهو في راسو لامن نام
--------------------------------------

 

#عشقناها_وكانت_لنا《15》❤️
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 صباح اليوم التاني قام نشيط وطبعا الناس بدو يجو عرس سلافه بعد خمسه ايام واليوم دا م تعبنا شديد قاعدين كلهم جا المغرب مصطفى دا كان فوق مروج قالت لي اطلعي لي راجلك ي عويره مشتاق ليك لسه م فهمتي انتي ووفعلا طلعتا ودخلتا الحمام لبستا لي قميص نوم ابيض استغفر الله بس وجيت اسرح شعري مصطفى دخل الغرفه وقعد في السرير مشيت قعدتا جمبو طوالي جراني عليهو قال لي اشتقتا ليييك  وقرب وباسني في خدي وتاني في رقبتي وتاني احم احم حصل الحصل 👒😌كانت من الايام المميزه فعلا  قمتا الصباح لقيتو سرحان فيني قال لي صباحو حقي انا قلتا ليهو صباح الخير لي وش الخير ❤ قال لي انت ح تقتليني أنا عارف وضماني عليهو وقعدنا حوالي ساعه كامله بنتونس وبعدها قمنا  ونزلنا ليهم تحت والناس كترو والبيت ملان نسوان ويوم بعد يوم بيمر طبعا مصطفى حرد النوم معاي اي البنات كلهم طبيعي قاعدين فوق والضيوف داخلين ومارقين وجا اليوم المنتظر سلامه ومصعب والله يستاهلو كل خير طلعوا احلى ثنائي وبالجد كان عرس رهييييب انا والبنات كلنا طقمنا بالكبدي انا وموروج تياب وديك مزلفه وايباء فساتين والله عرس كان حديت السنه وانا مصطفى دا عزبنا عذاب الا نرقص يقول لي وايمن دا قدر م جبتا صحباتي وقعدتهم معاهو م جامل ولا وحده وطبيعي كان سرحان لامن شفتو كدا سوقتا قلت ليهو الا ترقص معااي في البدايه قال لي لالا م قادر قلتا ليهو لا بس تمش معاي ولا ح تخلي مرت اخوك براها وقام معاي مصطفى برقص مع سلامه والناس دي كلها مبسوطه وايمن دا الارض م شايلاهو وكانا كل شويه بنمسك يدين بعض انا بمسكو كأخو وهو ماسكني كحب من طرف واحد روحي دي كانت بتتطلع مزدلفه لامن شافتو ماسك يدي كتير قالت لي إيباء الحق ايمن دا قبل م قلبو يتقطع ويتجرح اكتر وفعلا إيباء جات بقت ترقص معاهو وبعدين الجرتق وسلامه دي البكاء شقاها وجاتني حضنتني شديييييد وقالت انت فعلا اطيب اخت ومرت اخو لاقتني في حياتي 😂 شويه وجا مصعب ومصطفى قلنا ليهو امناك البت دي خلي بالك منها ومصعب قال لي شكرا 😁وطلعو مشو كان يوم من الموت ورجعنا البيت تعبانين واي زول نام طوالي الصباح حسيت بي زول حاضني ونايم وراي اتلفتا لقيتو حبيب قلتا ليهو الجابك هنا شنو اسي لو زول دخل وشافنا بالمنظر دا ح يقول شنو قال لي ح يقولو مره وراجلا 😂😂وفعلا مزدلفه دقت الباب قالت لي مصطفى ناس خالتي ديل مسافرين عايزين يودعوكم قومو بعد كدا قمنا واستحمينا ونزلنا ليهم وودعناهم وبدينا نرتب البيت حبه حبه لامن العصر جا وفي اليوم دا نهائي م شفنا ايمن وكلهم بقو يسألو عنو وجا المغرب واحنا بنشرب في الشاي كدا جا ايمن داخل وكان ظاهر في وشو حزن م بتفسر والله م كنتا فاكره اني سبب الحزن دا حتى ولا هظر معانا بس جا وقعد وقال لي امو انا مسافر م بقدر تاني اقعد هنا قالت ليهو مالك ي ولدي فجأه كدا اهو شغلك ماشي كويس كلكم عايزين تبعدو وتخلوني طوالي دمعتو جرت قال ليها ي امي عليك الله والله بسأل عنكم وايباء ومزدلفه ديل البكاء شرطهم هم الوحدين العارفين هو بتوجعو من شنو اليوم دا عدا ومشينا نمنا الصباح بس نشوف زول واقف بالشنط وانا ومصطفى نازلين في السلم كلهم استغربوا قال ليهو م كنا عارفين انك ماشي بالسرعه دي والله بكينا بكا يعني سلامه وايمن سابو البيت بقا وحش من غيرهم وعدا أسبوعين على الكلام دا وانا دي طوالي في حالة صداع وعايشين انا ومصطفى احلا ايام ومشيت عديت اسبوع وشويه مع امي حسن سافر ومصطفى كان كل يوم بيجي يشوفني ويسلم علي وريان اختى وضعت وقاعده معانا ومصطفى جاني يوم خميس قال لي كفاك ارجعي والله اشتقتا ليك امي قالت لي امشي مسكناك معانا كتير ي بتي ولميت حاجاتي وطلعنا ووصلنا البيت بس مع دخلتنا كدا سمعنا صوت خالتو حياة بتتكلم مع ايمن من جيت قالت ليهو اهي فرح 😔 يدوب جات من ناس امها وادتني التلفون قال لي فرح 😔 كيفك قلتا ليهو كوييييس ي جافي حتى م بتتصل تسأل عني ولا تقول اختي دي كيف قال لي حقك علي واتونسنا شويه واديتو مصطفى وقفل وقعدنا مع ناس خالتو حياة شويه وبعدين طلعنا فوق فتحتا شبابيك الشقه ونفضتها ومصطفى ساعدني وعملنا البخور مصطفى دا نزل تحت عمل لينا سندوتشات بتاعت بيض وجابوهم وقعدنا ناكل فجأه نفسي دي طمت وحسيت اني عايزه استفرغ وجريت الحمام مصطفى دا وقف لي في الباب قال لي مالك حسيتي بشنو قلتا ليهو بس بطني طامه وجاني صداع كدا مصطفى قال لي ادخلي نومه ح اعمل ليك شاي حلبه بنفعك ونزل عملو لي وقبل المغرب نزلنا الغداء كنتا شويه احسن وعملتا ليهم الشاي بس شميت ريحة اللبن بطني دي تاني قلبت وطلعتا نمتا م صحيت الا الصباح كنتا الحمد لله كويسه نزلنا شربنا الشاي وبقينا نعمل في الفطور مصطفى دا كان ماش يجيب العيش قلتا ليهو م تمش انت ادي ايمن 😫 بس يدوب اتزكرتا انو ايمن ماف عشان اتعودنا عليهو ونزل مصطفى يجيب العيش بس قلبي دا كان ماكلني م عارفه ليه شويه كدا وسامعين الناس دي بتكورك وجوطه بره شديده ايباء مشت على الباب قالت لي شكلو حادث خلي مصطفى يجي يجيب لي الشمار وبتتكلم وهي واقفه في الباب انا والله رأسي دا حسيت بيهو تقيل وايباء جات داخله وقفلت الباب شويه كدا والباب دا تاني ضرب بطريقه غريبه بس فتح ليهو عمو الفاتح وقال ليهو مصطفى مصطفى ي عم الفاتح ضربتو العربيه انا دي خلاص الكلام دا وقع علي زي الصاقعه وبس طلعتا بي شكلي داك جاريه وكلهم بي وراي وصلتا لقيت مصطفى دا الدم في كل مكان وقعدتا في الارض ومسكتا راسو وشغاله ليهو مصطفى ي حبيب النبي قوم بس هو كان فاقد الوعي وجات الاسعاف وانا لسه قاعده بس قلتا ليهم بركب معاهو انا وركب معاي عمو الفاتح إيباء دي جابت لي توب وغطتني تاني م صحيت الا قريب العصر وانا في المستشفى وبس قمتا وانا بقول ليهم مصطفى مصطفى كيف ووينو كانت معاي إيباء ومروج جات ممرضه صغيره كدا قالت لي م تتحركي انت حامل طبعا م صدقتا وبس قلتا ليهم ودوني لي مصطفى وساقتني مروج ودخلنا...
--------------------------------------

 

#عشقناها_وكانت_لنا《16》❤️
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ودخلتا لقيتو راقد كان معاهو الدكتور قال لينا أن شاء الله يعدي منها انا دي قعدتا في الارض وبقيت ماسكه يدو وبس ببكي ناس مروج وايباء كلمو خالتو حياة اني حامل فرحت شديد بس كيف تتم الفرحه من غير مصطفى جابو لي كرسي قعدتا ولسه ماسكه يدو لامن غفيت جمبو م حسيت الا بي ايمن بصحي فيني قال لي فرح 😔 وبس حضنا بعض وقعدنا نبكي بكيت بحرقه م يعلم بيها الا ربنا جا الدكتور طلعنا وعدا يوم كامل انا دي خالتو حياة قالت لي اكلي عشاان ولدكم الفي بطنك دا وناس امي وحسن ديل من أمس معانا في المستشفى وانا دي دمعتي دي لامن جفت جا زي المغرب كدا الدكتور دخل عليهو وطلع قال لينا حمدالله على السلامه المريض صحا انا دي م صدقتا جري دخلتا اول م شفتو 😔 حضنتو وهو شغال لي بي مجنونه اسكتي م بمش اخلليك أنا وشويه كدا كلهم دخلو وجا ايمن وسلم عليهو وقعد ليهو في الارض وكلهم طلعوا قالو لي كلميهو بالخبر وبس جيت عليهو بعد قفلتا الباب مسكتا يدو وختيتا في بطني قلتا ملك ح توصل بعد تمنيه شهور أن شاء الله لاني كنتا حامل في شهر طبعا م قادره اوصف المنظر دموعو طوالي نزلو وجبتا الكرسي وختيت رأسي على صدرو وقلتا ليهو اسرع قوم عشان انا حاسه انو الشليقه الجايه دي م بقدر عليها برأي وفضلنا زي نص ساعه كدا كنت حاسه انو دي بت وإحساس قوي كمان قام قال لي فرح نادي لي ايمن وتعالي وفعلا ناديت ايمن وجيت قعدني جمبو وايمن في الكرسي قال لي ي فرح 😔 يا روحي انتي لو حصلت لي اي حاجه ايمن دا وصي عليكي انتي وبتي قلتا ليهو اسكت دا شنو البتخرف فيهو دا وقعدتا ابكي وقال لي ايمن فرح وبتي امانه في رقبتك لي يوم الدين لو م طلعتا منها خلو بالكم عليها والله كلامو دا كان بقطع قلبي من جوه .. بس فجأه سمعتا الاجهزه بتصفر وانا دي قلبي وقف وكرعيني ديل م شالوني والدكاتره ديل ملو الغرفه وايمن دا طلعني بالرجاله بعد نص ساعه جا الدكتور طالع قال لينا الكبد م اتحمل والطحال منتهي رسمي البركه فيكم شدو حيلكم 🙁انا دي بقيت م مصدقه قلتا ليهو انت بتخرف في شنو زح لي ودخلتا والله م حسيت بي حاجه وبقيت اقرب واقول ليهو مصطفى 😭حبيب النبي فيك بطل هظار وقوم 😢اهي ملك ح تزعل منك وديل كلهم دخلو وراي وفتحتا وشي وشغاله اقول ليهو قوم ياخ😭😭ارجع ح تخليني تاني بتك في الطريق م تمش قوم بطل هظار بس هو كان في دنيا تانيه وم حاسي بي م حاسي بالقلب المتقطع ومتعزب فضلتا اكورك وأبكي وصوتي راح 😭😭😭😭بس ماف امل مااااف ياخ والله احساس يقلع قلبك من محلو وفقدتا الوعي صحيت اليوم التاني وانا في المستشفى معاي إيباء ومركبين لي درب فتحتا عيوني زي الساعه ١٠ص قلتا ليها يعني خلاص حبيب خلاني😭😭😭مشا بقى ماف النبي فيكي صحيني من الحلم دا جا المساء وايمن دا ساقنا ومشيت قعدتا مع خالتو حياة بس حضناها وبنبكي عدا اسبوع وناس امي ديل طوالي معاي وانا تعبتا والشهر مرا وحالتي نهائي م كويسه الاكل بس كان عشان ملك وكنتا محبوسه فترة العدة 😢وناس إيباء طوالي معاي وسلامه جات والله عدت خمسه شهور انا كأنو عمري خمسين سنه وتاني مشيت بيت امي وقعدتا معاها وطوالي هم معاي ايمن دا م قصر والله بجي يودينا المقابلات واتحمل فترة وحمي وتعبي كلها باقي لي شهر من الولاده جات خالتو حياة وقالت لي امي النبي فيك تخليها تجي توضع معانا خلي أول ولد لي مصطفى يكون في بيتنا ويملأ لينا البيت امي قالت ليها طيب بس انا قلتا ليها م بقدر اي شيء هناك يذكرني بي مصطفى م بقدر والله عمو الفاتح دا جاني داخل في الغرفه قال لي ي بتي مصطفى لامن مشا خلاك امانه في رقبتنا وامنك لي ايمن دا انتي وبتك دي وصية راجلك امشي معانا واملي علينا البيت وخلي مصطفى يفرح في قبرو كلامو دا شويه ريحتي لميت حاجاتي وجا ايمن ساقنا ومشيت بيتي اتحملتا ودخلتا وايباء دي طوالي معاي هي وايمن وعدا الشهر وفي اليوم داك من الصباح مقلقه وماشا وجايه ببطني بدت توجعني زي الضهر كدا انا خلاص وصلتا الحد بس وقعدتا اكورك إيباء دي جرت نادت ايمن والله اتعذبتا عذاب وجا بس ننزل سلم واكورك في السلم التاني لحدي م نزلتا مشينا المستشفى ومعانا إيباء ومزدلفه وامي جات مع حسن ومروج وريان اختي كلهم كانو معاي وجات ساعة الولاده الساعه الاتولدت فيها ملك الحته من مصطفى الروحي من جديد اتولدت معاها سمعتا صرخات بتي وتاني م حسيت الا بي روحي الا بعد ساعه قمتا قلتا ليهم وينا وينا ملك😭😭طوالي ايمن جا داخل بيها وشايلا في يدو وجابا لي ياخ مسكتها وضميتا كاأني ضامه مصطفى ورجعنا البيت وعملوا الكرامه وكلهم كانو واقفين معاي وقفه حلوه شديد ايمن دا بقى راضي انو بحبني من طرف واحد وعايشه مع نسابتي عدت سنه وملك كل م شويه تحلا اكتر ومره احنا قاعدين كدا كلنا ملك مشت وهي تتسند وتقع لامن وصلت ايمن قالت ليهو باااابا للي اول مرة تتكلم ايمن شالا وبقى فرحان بيها فرح لانو هو الرباها من سنه افتكرتو ابوها ومشيت شلتها ولعبنا بيها وفرحنا بيها فرح ايمن قال لي ارح نطلع نفسحا الليله وطلعنا انا وهو وايباء مشينا ودينها مكان العاب ظريف ايمن دا م خلى لعبه م اشتراها ولام لعبا ليها ورجعنا بعد المغرب كدا لقيت عمو الفاتح وخالتو حياة والفاضل ومعين ومروج وامي وحسن كلهم قاعدين قعدتا معاهم عمو الفاتح ناداني ونادا ايمن وقعدنا وفتح الموضوع قال لي ي بتي م حابي اضغط عليك جا الوقت التبقو لي البت دي وتشوفو مصلحتا ولا عايزاها تكبر من غير ابو وانا لو م مصطفى كلمني قبل م يكلمكم م كنتا فتحتا معاك الموضوع  دا وقال لي لو انتي عايزه مصطفي يرتاح في قبرو عيشي بتو دي زي م قال ليكي وانحنا م بنجبرك على شئ تلقائيا مسكتا ملك وطلعتا ودموعي دي عشره عشره مشيت ونمتا مع بتي صحيت الصباح الباب دقا جاني ايمن داخل طوالي ملك جرت عليهو جا قعد وهو حاضن ملك قال لي ي فرح 😔 عارف الموضوع صعب بس عشان البت دي وعشان مصطفى يرتاح وتريحي ناس كتير انا ملك اتولدت في يدي وانا اول من شلتها انا ابوها ومصطفى ابوها نزلتا رأسي وقعدتا ابكي قال لي فكري وم ح تندمي وقال لي سايق ملك عشان تاكل وطلعو مشو وانا قعدتا افكر كدا صاح ولا غلط واتزكرتا وصيه مصطفي
--------------------------------------

 

#عشقناها_وكانت_لنا《17》❤️
#الاخيـــــــــــــــــــــــــــــرة
#بقلمي_فرح_الخير

_ _ _ _ _ _ _ _ _ _ _ _​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
واستخرتا ونزلتا وقلتا الفيهو الخير ربنا يقدمو ومشيت لي عمو الفاتح وقلتا ليهو موافقه قال لي خير م عملتا وانا متأكد مصطفى ح يكون مرتاح بعد اتطمن علي بتو وعليك وطلع كلمهم ايمن دا الفرح ظاهره في عيونو شايفنها إيباء ومروج ومزدلفه بعد اسبوع إيباء قالت لي ارح ارسمي شكل خفيف وادخني بس ليك سنتين م عملتي شئ 😡قلتا ليها طيب بعد تحانيس ومشينا رسمنا فرهدتا يدوب وجا المسا لبستا فستان بسيط وعلى كدا اتزوجنا انا وايمن واتكتبت قصه جديده كلهم نزلو وخلوني انا وايمن فوق حتى ملك نزلوها ايمن قال لي أنا ح اكون سندك انتي وملك بس دموعي جرت قال لي عارفك تعبانه بس ادعي ربنا وانا ح اكون زي م انتي عايزاني ودخل الغرفه التانيه وانا نزلتا جبتا ملك ونمتا عدت شهور وانا بنوم في غرفتي ومعاي ملك ويومي تصحا نص الليل تقول لي الا توديني لي بابا اسوقا اوديها وارجع تاني انوم عدت سنه على الحال دا ومصطفى في قلبي زي ماهو وفي يوم جاتني امي قالت لي ي بتي العمر ماشي جيبي ليك اولاد ينفعوك وايمن راجل وسيد الرجال م تدمري شبابك كدا انت حلوه وصغيره ومصطفى اكيد م راضي زعلك دا وبي كترة الكلام من الناس والزن نظرتي لي ايمن كأنو اخوي اتغيرت وبقيت احس انو هو فعلا ابو ملك ومره ملك تتجاري في الهول وانا ايمن بنشاهد جاتني اختي ريان بي اولادا قعدو اتونسو معاي كداا وطلع بس لاحظتا لي ملك قلتا ليها مالو الحلو مكشر قالت لي انا ليه م عندي اخو كلهم عندهم اخوان وايمن كان قاعد جا شالا مني قال ليها عايزه اخوان قالت ليهو اي تتير قال ليها جدا نجيب طوالي وغمز لي ساقا ونزلوا وفي اليوم دا كان في مطر ورعد بالليل عجيب ويخوف ملك دي صحت وانا الخوف كاتلني وبقت تبكي ووديني لي بابا بس مشيت وديتا قمتا طالعه نادوني الاتنين ايمن 😫 وملك قالو لي م تمشي تنومي براك 😖 ولاول مره احس بأنو في زول زي مصطفى نايم جمبي نمتا وانا مطمنه من تلات سنين صحيت الصباح وكانت انفاسي مع أنفاس ايمن  سوا ختيت يدي على خدو وقلتا ليهو قدر شنو بتشبه حبيب واتاريهو هو صحا من قبلي ولامن حسا اني ح اقوم رجع عمل نفسو نايم واديتو بوسه خفيفه في انفو ونزلتا بفتش لي ملك نزلتا إيباء قالت لي جيت داخله لقيتا في باب غرفت ايمن سوقتها ونزلتا الحمد لله الما دخلت كانت شافتني انا وايمن 😲ونزلتا اتسوكتا وجيت راجعه لي ايمن صحيتو ي ايمن 😫 ي ايمن قوم كفاك مسكني وجراني عليهو في السرير مسكني من نصي قال لي والله والله ي فرح بحبك 😖سكتا ساي وعاينتا ليهو قال لي م تردي اسي طيب وارح نفطر ونزلنا فطرنا وايمن دا عيوني م شالا مني مروج جات قالت لي والله بقينا غبش عديل ارح نرسم ونجي ندخن و مشينا رسمنا وجينا اتدخنا المغرب اذن طلعتا فوق ملك دي نامت جمب إيباء قالت لي خليها الليله تنوم معاي قلتا ليها بتتعبك قالت لي لالا م مشكله دي حبيبتي ياخ وطلعتا لقيت ايمن في التلفزيون مشيت استحميت وغيرتا لبستا لي قميص ظريف وقعدتا اسرح في شعري جا ايمن داخل وقف في الباب كداا وجا علي باسني في جبيني وسكتا وفضل يعاين لي قال لي عارفه ي فرح 😔 عارفه حبيتك من متين من اول م شفتك والله والله حبيتك واخلصتا ليك وكان ماسك يديني قال لي م عايز حاجه من غير رضاك بس ادينا فرصه عليك الله وهزيت ليهو رأسي بأني موافقه وقرب على اكتر واكتر لامن انفاسي اخطلت بي انفاسو وكانت بدايه حياة جديده لينا انا وايمن وعشنا ليله حلوه وعدت الايام وايمن كل يوم بيحكي لي عن زمان لامن كان بحبني وبعد شهرين مره مشيت الدكتور مع مروج عندها مقابله قالت لي افحصي ليك كم يوم تعبانه احتمال في حاجه وفعلا فحصتا وطلعت النتيجه اني حامل ورجعنا البيت واستنيت ايمن لامن جا وقلتا ليهو ايمن 😫 قال لي ها قلتا ليهو في حاجه حصلت قال لي شنو الحصل مالك فيك شى قلتا ليهو حامل 😬قال لي شنو انتي جاده وشالني وحضني وبقا لافي بي قال ااااااااااخ الحمد لله يارب والف مبروك لينا ولي ملك كمان ونزلنا كلمنا باقي البيت وفرحو شدي وايمن دا عزبتو عذاب الا جيب لي داك ودا م عايزاهو عدت التسعه شهور قرب يولد معاي 😂😂😂وتاني جا موعد دخول الغرفه الاتولدت فيها ملك ودخلنا وكان ولد يضوي وسميناهو مصطفى وعشنا احلا حياة مع بعض وبعدهم جبنا عمران وميس ..وانتهت الحكايه

العبره في الموضوع انو اتنين بحبوك في نفس الوقت واحد ملكك والتاني عندو يقين تام انك ح تكون ليهو
❤ ويصبر عشانك ويحترمك ويجي اليوم الح تكون مكافأتك انو يقدمو ليك حبك الصبرتا عشانو وقت عاش مع غيرك عشان يبقى ليك انت للابد ..
 خليكم بخير❤

النهـــــــــــــــــــ❤ـــــاية