رواية اعيدي_لي_قلبي -(الفصل الاول)

اعيدي_لي_قلبي

 بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

#اعيدي_لي_قلبي《01》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

كانت مدنقرة في الشنطه وبتحاول تفتح في السسته عشان تشيل تلفونها البتصل دا وهو كان بتكلم بالتلفون وبعاين للساعه فجاة اصطدموا ببعض تلفونوا وقع وهي شنطتا وقعت نزلوا الاتنين يرفعوا حاجاتهم تاني راسها اصطدم براسوا قالت ليهو اسفه جدا ورفعت راسها في اللحظه دي كان بقول ليها انا الاسف وــ ماكمل جملتوا لمن شاف عيونها وبقا بس متنح فيها هي طوالي قالت ليه احم وشالت شنطتا واتحركت من قدامو بعدها انتبه لنفسوا وشال تلفونو واتلفت عليها هي كانت مدياهو ظهرها وماشه قال ليها ممكن ترجعي لي قلبي
عاينت ليهو باستغراب وقالت ليه عفوا قال ليها ربما اخذتي عقلي بالخطا عندما ارتطما ببعضنا للتوا عاينت ليهو بتكشيرة ومشت
--------------------------------------

 

#اعيدي_لي_قلبي《02》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

 

الابطال :
ريم محمد 21 سنه طالبه في المستوي الثاني طب جامعه الخرطوم عيونها كبار وبنيه وشها برئ وجميل متوسطه الطول
حسام خالد : 28 مهندس معمماري وعندو شركه تبع ابوهو بقا المدير بتاعها عندو كاريزما طويل  وجميل وعندو سكسوكه
حسام وامجد مشوا الكفتريا وقعدو يشربوا عصير وحسام سرح شويه وابتسم وهو بتزكر عيونها وبدون ينتبه قال بصوت عالي يخرب بيت جمال عيونا امجد عاين ليه وقال ليهو شكلو القلب دق لواحدة سريع التفاصيل ي كابتن حسام ابتسم وقال ليها القلب مازال صامد حتي اللحظة  امام تيارات الحب وابتسم بقوا قاعدين يتونسوا عادي
ريم طلعت من الاستراحه وجات للكفتريا وشافها امجد صاح ليها  ريم تعالي وحسام كان قاعد قصاد امجد ومدي ريم ضهرو فما شافتو اثناء ماهي ماشه عليهم حسام اتلفت بس هي كان حصلتهم في اللحظة دي وطوالي كشرت ليهو وشها بصورة طفوليه كدا وقالت ليهو انت
امجد قال ليها بتعرفوا بعض قالت ليهو من وين انت بتعرف الانسان دا قال ليها دا اخوي قالت ليها شنو اخوك دا مش محترم زيك دا كان بعاكسني امجد عاين لحسام باستغراب وبنظرات بتقول ليهو صحي الكلام دا
حسام عاين ليها ورجع يشرب وقال ليها يعني شان خطفتي عقلي ووريتك ابقا مامحترم طوالي غضبت ومسكت شنطتها ومشت جري حسام وراها وامجد لسه مافاهم شي وقال ليها حسام انتظري ي انسه من فضلك طوالي وقفت وهي لسه صارة وشها قال ليها بجد اسف لو ضايقتك بكلامي بس بجد انتي جميله عاينت ليهو وسكتت
امجد قال ليهم ماتفهموني حاجه ي حاجه حكت ليهو الحصل قعد يضحك وقال ليها. حسام دا مجنون ماتاخدي في بالك وتزعلي منو وبعدين هو محترم شديد قالت ليهو واضح حسام سكت وابتسم وقال لامجد ماحتعرفنا قال ليهم ريم محمد صحبتي ومعاي في الدفعه مدو يدو وقال ليها اتشرفنا عاينت ليهو وابت تمد يدها وقالت ليهو شرف الله قدرك
--------------------------------------

 

#اعيدي_لي_قلبي《03》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

امجد قال ليها ريم اتفضلي اشربي معانا عصير قالت ليهو لا شكرا انا راجعه البيت نط حسام وقال ليها انا وامجد برضو راجعين ارح نوصلك معانا امجد اتخلع ونطط عيونوا وعاين لحسام لانو اصلا هم ماطالعين حاليا ومنتظرين صاحب حسام وماشين بعد ساعه حسام نظر ليهو بحدة نظام يسكت وفعلا ماقال شي وسكت بس ريم رفضت وقالت شكرا بس امجد اصر عليها وبرضو حسام كان مصر شديد في الاخير وافقت وركبت ورا وحسام سايق وامجد قدام معاهو وكانت مارضيانه وبس صارة لانو مافاهمه شخصيه حسام فهو شغل اغنيه its you ُهي قاعدة تحب الاغنيه دي شديد بقت مقبله علي الشباك ومبتسمه تغني مع الاغنيه بهمس حسام كان بعاين ليها بالمرايا وهي سبحان الله سرح فيها وهي بتغني ومامركزة معاهو وبتعاين بالشباك وفي اللحظة دي امجد كان برد علي رسايل في تلفونو حسام بقا كل مرة يعاين ليها وهو حاسي انو هي لمست قلبو رغم انو مابعرفها
كان سايق ومرة يعاين للطريق وعشرة بعاين ليها بالمرايا امجد قال ليهو بعدين خلينا نخشي يوسف في المرض حسام بعدم انتباه وهو كان بقول في نفسو ماشاء الله ع جماله رد لامجد وقال ليهو فعلا هي جميله امجد قال ليهو شنو حسام قال ليهو هااا لا ولاشي طيب طيب وماعارف امجد قال شنو اصلا ريم رفعت راسها ولقت حسام بعاين ليها صرت ليهو ووشها كان زي الاطفال من البراءة فتلقائيا لقا روحو ببتسم ليها للحظة سرحت في ابتسامتو قام غمز ليها خجلت ودنقرت راسها بعد شويه هديل صحبتا رسلت ليها نكته قامت ضحكت حسام شافها وصر ليها وهو ماعارف ليه وبقا مركز مع سواقتو وماعرف ليه زعل وهي بتضحك مع تلفونها بقا امجد يتكلم معاهو وهو بختصرو. وبقا امجد يتكلم مع ريم وهي متفاعله معاها قام عاين ليها وصر وشو استغربت فيهو بس ماقالت شي حسام قال ليها وين ساكنه قالت ليهو الحلفايا وفعلا وصلها وهو ساكت طول الطريق لمن وصلت قالت ليهم شكرا. ونزلت حسام اتلفت عليها وهي بقت ماشه لحدي مادخلت بيتهم وقفلت الباب حتي حسام اتحرك بالعربيه امجد كان بعاين لحسام ومبتسم حسام قال ليهو ولا حرف امجد ضحك واتحركوا

عجبا لذلك المغرور ضحك له قلبي من اول لقاء.
ي لها من مغرورة تضحك في وجه الجميع وتقرن لي حاجباها في وجه قلبي
-------------------------------------- 

#اعيدي_لي_قلبي《04》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ 

‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

حسام وامجد مشوا ليوسف في المعرض
يوسف صالح : 27 سنه صديق حسام من الجامعه عندو معرض بتاع سيارات ولد شيك وجميل وانيق لايقل جمال عن حسام شاب ظريف
مشوا ليه وحسام بس بفكر في ريم سلم علي يوسف وقعد في الكرسي يوسف استغرب لانو حسام لمن يجيهو لازم يعمل ازعاج ويقول ليه ي حبيبنا ويقعد يشغلها ليهو من كل الاتجاهات المهم يوسف سلم علي امجد وقال ليهو الاخو مالو قال ليهو شكلو عيون الريم سحرتو وضحك قال ليهو ومنو الريم دي قال ليهو بت دفعتي  قال ليهو ايوااا ورفع حاجبو وابتسم ومشا ليه وطلب ليهم عصير وقال عصير ليمون لروميو وضحك حسام جدع فيه دفتر وسكت وامجد قال ليهو يوسف جيب مفتاح العربيه الصفرا دي اجربا يوسف جدع ليهو المفتاح ومشا امجد ساقها يوسف جا قعد قصاد حسام وقال ليهو ي حبينا شنو الحكايه الظاهر انو الحمدلله القلب الحديدي لان واخيرا قال ليه حسام ماعارف ي يوسف بس عيونها دي لخبطتني وبراءة وشها وطريقه كلامها وملامحها الهاديه وحلوة رغم انو ماخاته مكياج لخبطت جواي اه ي يوسف ماعارف الحصل شنو دا حتي انو ماكنت عايزها تتكلم مع امجد وانزعجتا جدا مشاعري اتلخبطت من نظرة عين
يوسف ابتسم ورفع ليهو حاجبو حسام لمن شاف ابتسم وقال ليهو بلاش النظرات دي. مابرتاح ليها يوسف قال ليهو شكلك وقعت ي وحش حسام قال ليه لاطبعا اكيد مجرد اعجاب مش اكتر انسا الفكرة يوسف قال ليه ماهي بتبدا بنظرة بعدها يدخل في العميق حسام سفهو وقال ليهو. اها اخبار الشغل ايه قال ليه ماشي الحال عندي مجموعه جديدة جايه من اليونان الاسبوع الجاي قال لي حلو بالتوفبق ي حبيب اتصل انا ماشي مشوار وحاعدي علي امجد قال لي تمام
ومشا حسام المقابر وقرا الفاتحه وهو زعلان وجا ساق امجد ومشا في الطريق امجد قال ليهو رحت المقابر صح يوسف اشر ليهو براسوا امجد قال ليهو ربنا يرحمها ي رب ووصلوا البيت وباسوا راس امهم ومشا حسام غرفته استحم وغير ونزل للغدا ومعاهو امجد
اسرة حسام :
شاديه. امو 40 سنه انيقه وجميله بتحب اولادها جدا مديرة مدرسه
والد حسام مغترب برة البلد وبجي كل فترة
وعندهم اخت اصغر منهم اتوفت بسرطان اسمها توسل عمرها كان 18 كانوا متعلقين بيها شديد وبحبوها كان موتها كسره قلب بالنسبه ليهم ودفن للفرح
نزلوا واتغدو مع امهم متعلقين بامهم شديد وحسام عندو امه خطوط حمرا لايمكن تجاوزها
اصبح قلبي يعلم انك ذلك البلسم الذي سيجعل جروحه تختفي وانكي اتيتي لتصلحيني --------------------------------------

#اعيدي_لي_قلبي《05》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

والد حسام كان دايما شغلو اهم شي ودايما في اغتراب علي طول بجي كل فترة رغم انو بحبهم بس كان شايف انو بامن ليهم مستقبلهم بالقروش كان شايف القروش هي سبيل سعادتهم ونسي دورو كاب حقيقي ومفروض يعيش معاهم كل تفاصيل
حسام كان الاب والاخ والصديق بالنسبه لامجد وتوسل وخاصه توسل اتربت علي يدينو وكان بشوفه بتو مااختو وبس كان بهتم بكل شي بخصها ومدلعها شديد بخاف عليها من الهوا الطاير كانت بالنسبه ليهو اوكسجين
جاها سرطان في الدم ودا كان الكف الاول  الذي صفعت به الحياة حسام سفرها خارج البلد وكان حزين شديد عشانها كان باكلها ودموعو بتنزل وهي بتمسحهم وتقول ليهو ي غبي انا ماحاسيبك كان بحضنها وبقول ليها ي بلوتي
كان خايف عليها شديد ووداها لاحسن المستشفيات وبكون قاعد جنبها طول الوقت ومابفارقها الكيماوي كان بالم قلبو هو قبل يالم جسدها ولمن شعرها نزل حلق هو وامجد صلعه عشانها كان لمن تضعف بقول ليها انتي البلوة التي لن تفارقني ابدا كوني قويه من اجلي واجلك كان كل مايحس بالضعف وانو خلاص ماقادر بمش يصلي ويبكي ويجي وهي بتمسك ايدو وتقول ليهو كنت بتبكي صح يهز راسو ويقول ليها لا بتقول ليهو حافظاك اكتر من نفسي ماتخاف مابموت واخليك بقفل ليها خشمها وبقول ليها انتي اصلا ماحتخليني كان يومي بتصحي وتلقا مزين ليها غرفه المستشفي بالوان وبالونات ومرات بشمع بالليل رغم انو ممنوع بس شان خاطر عيونها كان بعمل ليها كل الاشياء البتحبها
كانت هي كل حاجه في حياتو بمعني الكلمه كان يومي يقعدو ويرسموا مع بعض ويتصورا كتير بالاسناب ويعملوا فيديوهات هبله ويبتسموا يوم قاعد جنبها بالليل كانت مضايقه شديد وحاسه انها ماكويسه قال ليها مالك انتي بخير قالت ليهو بابتسامه باهته ايوا بخير بس انزل جيب لي عصير قال ليها متاكدة بخير لانو وشك شاحب قالت ليهو ببط اي امش بس جيب لي مشا وهو قلقان ونبضات قلبو زايدة وبفكر فيها نزل الكافتريا ولمن جا طالع شاف الدكاتره بجرو فجاه قلبو انقبض شديد وجرا يشوف الحاصل لقا الدكاتره في غرفتها وهي بختو ليها في جهاز تنفس وجسمها شاحب وعيونها لونهم ازرق وقعت كبايه العصير من يدو وجرا يدخل ليها بس الدكاتره منعوهو وبقا يصارع فيهم عايز يخش وامو واخوهو وابوها كانو في الطيارة جاين
حاول يخش كتير ودموعوا نازلات وبقول ليها توسل توسل وفجاه جسمها انتفض والجهاز صفر الدكاتره قالوا انالله وانااليه راجعون جرا بسرعه وهوببكي
--------------------------------------

#اعيدي_لي_قلبي《06》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

حسام اتفكا من الدكاتره وجرا ليها مسك يدها وحضنها وهو ببكي وبصرخ لالا انتي ماحتمشي تخليني انتي وعدتيني حتكوني معاي توسل لا لا انابدونك ولا شي مش قلتي انا كل حاجه في حياتك طيب ليه ماشه وتخليني ليه ي توسل لا ماتمشي خليكي انتي مامتي صح اكيد هظار بايخ منك قومي قومي ي توسل انتي مستحيل تمشي وتخليني انت كل حاجه في حياتي انتي عارفه حياتنا بدونك ولا شي توسل قومي اوعدك حاحقق ليك كل شي عايزاهو انا اسف خلاص اناموافق تقري الجامعه في لندن بس قومي. قومي ي توسل وامها اغمي عليها وركبوا ليها درب وامجد جا حضنها وقعدها جنبها في الارض وبقول ليها لالا تمشي وببكي ابوهم طيارتو كان وصلت وجاي شان يطمن عليها واول ما وقف في الباب وشافها قعد يبكي شديد وجرا عليها حسام كان حاضنها وببكي لمن ابوهو جا وحضنها وبقا يقول ليها لا لا ي بتي انت مابتمشي وتخليني انالسه ماشبعتا منك لسه مازفيتك لفارس احلامك لالا ي بتي هدا جيت جيت وحاعيش معاك بس انتي قومي اسي قومي ي بتي وبقا ببكي شديد حسام قام وبكل قوة مسك ابوهو وطلعوا برا وقال ليهو ابدا مابتك ولا انت ابوها علي اي اساس جاي تقول ابوها ابوها المابعرف عنها اي شي ولا شي مابتعرفوا عنها كم مرة احتاجتك ومالقتك كم مرة كانت محتاجه لحضنك وحنانك كم مرة كنت بعيد عنها انت اصلا ماكنت موجود في حياتا ياخي هي كل يوم بتبكي بسببك كل يوم تقول ماماشه المدرسه ببساطة لانو كل البنات ابهاتهم بوصلوهم الا هي انا البوصلها انا البحنسها انا البمسح دموعها ياخي انت مابتعرف عنها شي كانت بتتمني بس ولومرة تحضنك تحكي معاك كاي اب وبنتو كانت متمنيه تجي من المدرسه جاريه لحضنك وتحكي ليك يومها كان كيف كانت عايزة تحكي ليك عن صحباتا عن لونها المفضل عن رسوماتها كانت بتتمني تجي جاريه وهي شايله نتيجتها وانت تكافئها بس لا كل دا كنت بقوم بيهو انا وانت مافي كنت بحاول اعوضها عن وجودك بس ابدا مكانه الاب مابتتعوض انت حتي عيد ميلادها مامتزكروا اناالكنت كل سنه اجيب هديتين واحدة باسمك وبالتانيه باسمي واكذب عليها واقول ليها انت الجبتها انا الكنت بتصل ليك واحنسك بس شان تفضا دقيقتين وتقول ليها كل سنه وانتي طيبه انا الكنت بمش معاها كل مشاويرها دا حتي يوم الاباء اكتر يوم بتكرهو في المدرسه ومابترضا تمشي ولمن اغصبها ونمشي مابتطلع تقول شي ببساطة لانو ماعندها اي تفاصيل معاك. انت ابدا ماكنت موجود في حياتها وتفاصيلها
--------------------------------------

#اعيدي_لي_قلبي《07》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ 

‏​​‏​​‏​​‏​​‏​​‏​​‏​​‏​​‏​​‏​​‏

توسل اتوفت من سنتين سنتين كانت كفيله بانها تغير الاسرة دي شديد نزعت عنهم الضحكه الكانت مرسومه في وجوهم خلتهم جسد بلا روح خلفت فراغ كبيير شديد في حياتهم لانو وجودها كان عندهم بالدنيا ومافيها موتها كان اكبر صدمه في حياتهم حسام بعد وفاتها بقا يكره ابوهو شديد ومحملوا انو السبب في كل شي وقال ليهو لمن احتجنا لسند ماكنت جنبنا وطردو من البيت قال ليهو سافر زي ماعايز نحنا تاني ماعايزنك في حياتنا ولا وجودك بقا مهم اصلا بس ام حسام قالت ليهو لا ي ولدي خليهو عشان خاطري حسام خلاهو بس ماسامحو ابدا وحتي امجد الكان حبيب ابوهو بقا في حاجز بينو وبين ابوهو في السنتين ديل حسام قفل قلبو عن كل شي حياتو كانت عبارة عن شغلو وامو واخوهو بقا عايش عشانهم بحاول يتماسك عشانهم وياخد بيدهم رغم انو هو اكتر شخص محتاج يد تتمدا ليهو وتقول ليهو انا معك حسام من برا بظهر قوي ومتماسك ودايما راسم الضحكه في وشو بس من جواهو ضعيف وهش بسبب موت اختو حس انو كل شي فيه محطم زي الزجاج لمن ينكسر ولو وجودو ماكان امجد قدر يعيش حياتو كويس ولا امو حتلقا سند يسندها امهم كانت محتاجه ليهم اكتر  بعد قطعه من قلبها  ماتت وهم ماكانوا مستحملين يخسرو امهم كمان
بعد وفاه توسل وخلال السنتين ديل ابوهم حاول يقرب منهم ويعوضهم غيابو بس في حاجات بعد يفوت اوانها ماببقي عندها لازمة والاشياء البتنكسر حتي لو اجتهدنا ولميناها مابترجع زي الاول وبتبقا ظاهره عيوبها ومابتروح بس بقولوا  الزمن  قادر يشفي الجروح امهم بتتامل انو حسام يسامح ابوهو لانو عارفاهو مامبسوط كدا وبكابر رغم انو ابوهم ماموجود معاهم كتير ورغم انو حسام كبر واتعود علي الشي دا بس نحنا مابنقدر نستغني عن وجود الاب في حياة اي شخص مهما حصل بتكون محتاج لابوك وابوك بحتاج وجودك ودي حقيقه مابنقدر نخفيها
ابوهم قعد سنه كامله معاهم وحاول يعوضهم ويخلي حسام يسامحو بس حسام ابدا ماسامحو وكان بتجنبو علي طول حتي بقا يجي البيت متاخر ومرات كتيير بيبت مع يوسف ومابجي بس بطمن علي امو واخوهو بعدها ابوهم رجع سافر وياهو برضو بجي كل فترة بس مابلقي شي اتغير وبقا حاسي بالذنب بس شنو الفايدة
في السنه التانيه دي حسام بقا يهتم اكتر بمرضي السرطان وبدفع تبرعات وساهم في بناء مستشفي للسرطان وكل فترة بمش المستشفيات ويقعد مع الاطفال او الكبار العندهم سرطان وخاصه الاطفال ويشيل ليهم هدايا ويقضي اكبر وقت معاهم
كان غيابك غياب روح غياب لحظة لحظة ماتم عروس في ليل زفافها
موت طفل يوم ولادته لاب عقيم 18 سنه كان ينتظره بشغف
لم تموتي انتي بل ماتت روحي ومات الفرح في الكون واعلنت الدنيا الحداد
--------------------------------------

#اعيدي_لي_قلبي《08》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

بعد حسام شاف ريم تاني يوم جا لامجد في الجامعه وقال ليهو من اليوم انا البرجعك معاي البيت امجد عاين ليهو باستغراب وبعد ها حسام سالوا قالوا ليهو بالمناسبه وين عيون الريم قال ليهو منو قصدك قال ليهو ريم زميلتك امجد ابتسم ورفع حاجبو وقال ليهو وانا اقول الحنيه دي نازله من وين واول مرة تجيني شان نرجع سوا ع طول بتقول مشغول الحاصل شنو ي باشمهندس حسام ضربوا في راسو وقال ليهو بطل ثقاله ورد قال ليهو مع صحباتا كانت بس ماعارف وين حاليا حسام قال  ليهو طيب ماتتصل ليها تجي وخلينا نوصلا في طريقنا امجد ضحك شديد وقال ليهو ماحترضي انا عارف ريم. حسام قال ليهو جرب ياخ وفعلا اتصل امجد لريم وقالت ليهو لا اناطالعه بعد شويه ومنتظرة بنات وهي كذابه بس مادايرة تجي تركب معاهم امجد كان فاتح الاسبيكر وضحك لمن شاف صرة حسام وقال ليهو ممكن نمشي بعد دا ي روميو حسام قال ليهو اركب اركب ومشوا
ريم كان  مستغربه ليه هي ندمت انها مامشت معاهم وليه بتفكر في حسام رغم انو هي ماشافتو غير مرة واحدة حسام وصل اخوهو ورجع الشركه ببساطة لانو عندو شغل وخلاهو شان يجي يشوف الريم رجع الشركه وطبعا الكل بحبو هو شخص تعاملو حلو مع الكل بس بحب الانضباط والجديه في الشغل والمحافظه علي المواعيد وطبعا مها السكيرتيرة مكسرة فيه بس هو مامديها فرصه وصارم معاها لانو فاهم هي خاتاهو في بالها
خلص شغل ومشا ليوسف وطلعوا لشارع النيل بعدها رجع البيت حسام بحب الرسم جدا فمشا وقف قدام اللوحه وقعد يرسم فجاه لقا نفسوا رسم عيون ريم رغم انو ماكان عايز يرسم حاجه محدد لكن ماتفكر به ينعكس فيما تفعله المهم ابتسم وكمل الوجه ورسم وشها. وكتب عليها الريم
وفضل مشغل اغنيه هاديه اما ريم فمشت البيت وقعدت تقرا فجاه خطر علي بالها حسام ابتسمت وواصلت قرايه ريم كل سبت اوكل فترة بتمشي تزور مستشفي السرطان مشت تاتي يوم وشالت معاها هدايا والعاب وحاجات كتيرة وقعدت تلعب مع الاطفال حسام كان في المستشفي بس مع طفل اسمو ماجد دا كان اول طفل يلاقيهو حسام من اول مرة كان بجي فيها المستشفي ماجد كان قاعد في السرير ومدنقر راسو وحزين حسام جا مدا ليهو لعبه هو بحبها شديد بس ماجد يشيلا حسام قعد جنبو وقال ليهو ليه حزين كدا قال ليهو نفسي ابقي كويس واطلع امشي المدرسه وامشي لاصحابي زهجتا من المستشفي حسام قال ليهو انت عارف انو ربنا بحبك شديد شديد وربنا لمن يحب شخص بختبرو بمرض ونحنا لازم نصبر وندعي ربنا يشفينا صح ولالا ماجد هزا ليهو راسو بمعني صح حسام قال ليهو وانا واثق انك حتبقي زي الفل ممكن نمش ونلعب دا كل اصحابك بلعبوا برا خلينا نلعب معاهم يلا ي بطل. حسام نزل ماجد من السرير ومسكوا من يدو شان يتحركوا طوالي ماجد حضنو شديد وقال ليهو انا بحبك كتيييير حسام حضنو اكتر وقال ليهو انا كمان بحبك وطلعوا ريم كانت قاعدة وبتساعد في بنات صغار في تركيب لعبه وتشاغلهم وتضحك معاهم حسام جا سايق ماجد وشافهم بقا سارح معاها لمسافه واستغرب انها هنا ماجد كان بجر في يد حسام وبقول ليهو يلا خلينا نمشي
--------------------------------------

#اعيدي_لي_قلبي《09》❤️
#بقلمي_ريموندا🌸​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ 

‏​​‏​​‏​​‏​​‏​​‏​​‏​​‏​​‏​​‏​​‏

حسام انتبه لماجد وقال ليهو يلا ريم في بنات تاني نادوها وقالوا ليها تعالي ساعدينا في الاحجيه دي ريم عايزة تقوم واحدة من البنات باست ريم في خدها ريم ابتسمت وحضنتا كل دا وحسام لسه مركز معاها وهي ماشايفاهو ماجد قعد يلعب وحسام وكم طفل معاهو وحسام يلعب معاهو وكتير يركز مع ريم رباط الجزمة اتفكا حق ماجد حسام نزل ع الارض وقعد يربط ليهو فيه ريم عاينت في اللحظة دي وشافتو استغربت في البدايه بس تاني اترسمت ابتسامه في وشها وهي شايف حسام بربط لماجد وبعدها حسام باس راس ماجد وقال ليهو يلا يلا شان نلعب مع اصحابك ي بطل حسام اتلفت شان يشوف ريم لقاها مركزة معاهم ابتسم وغمز ليها طوالي صرت وشها واتلفت اتجاه تاني حسام قصد يغمز ليها شان يشوف صرة وشها ووتقارب حواجبها وكيف وشها بكون برئ وحلو زي الاطفال بعد ها واصلوا لعب مع الاطفال وكل واحد تركيزو مع التاني اكتر حسام جاهو اتصال وطلع الحديقه يرد في الحديقه ريم طوالي جرت لماجد وقالت ليهو حسام ببقا ليك قال ليها لا قالت ليهو ايوا وباستو وادتو هديه وقالت ليهو انابجي كتير هنا ومابشوفك كتير قال ليها لانو انابقعد اكتر مع صاحبي حسام قالت ليهو ايوا طيب العب حبيبي مع اصحابك وحضنتو ولقت نفسها طلعت للحديقه. بقت واقفه من بعيد وتعاين لحسام وهو بتكلم اتلفت وشافها طوالي دنقرت في تلفونها ورفعتو نظام عندها اتصال هو قال للبتكلم معاهو برجع ليك هي طوالي اتلفت وراها وكانت داخله للاطفال صاح ليها ريم!  اتلفت وطوالي سرح فيها فجاه انتبه وجا عليها قال ليها كيفك قالت ليهو بخير وانت قال ليها بخير قالت ليهو بصراحه مااتوقعت قاعد تجي هنا قال ليها لي فترة طويله بجي وانتي كمان مااتوقعتك تجي. قالت ليهو بصراحه انا بحب الاطفال ومابحب اشوف شخص بتوجع سواء طفل اوغيرو وبزعل شديد عليهم عارفه انو ربنا رحيم بيهم بجي كل فترة شان يحسوا انو معاهم ناس بتسندهم ناس بتهتم بيهم وتاخد يدهم كل الاطفال الهنا بكونوا خايفين انابجي شان امسك يدهم وقت الخوف دا واطمنهم شويه واحسسهم بالامل اللي هو فعلا موجود قالت ليهو عارف اكتر لحظه بتوجعني لمن اشوف واحد فيهم بياخد جرعه كيماوي طوالي حسام اتزكر توسل ولحظات وجعها وقت جرعه الكيماوي ونزلت منو دمعهااتلفت علي اتجاه تاني عكس ريم ومسحها ريم وقفت كلام وقالت ليهو انت بخير ماتكون قال ليها اي بس اتاثرتا بحالتهم ماصدقت كلامو لانو هي شافت نظرة الم وحزن في عيونو بس ماحبت تسالوا وخلتوا علي راحتو فضلت ساكته وهو ساكت قال ليها نتمشي شويه قالت ليهو ايوا

عندما رايتك علمت انك البلسم لقلبي
فما كان الله ليضعك في طريقي الا لتشفي جروحي فقد كنت اناجي الله بالشفاء لقلبي
--------------------------------------

#اعيدي_لي_قلبي《10》❤️
#بقلمي_ريموندا🌸

​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

فضلوا مسافه ماشين وساكتين قال ليها نقعد قالت ليهو ايوا بعد قعدو قالت ليهو شكلك بتحب الاطفال شديد ابتسم وقال ليها فعلا مافي احلا من الاطفال في الحياة لمن تشوف ضحكتهم وبرائهم مستحيل ماتحبهم كائنات لطيفه وقلبها ابيض صافيه ومابتحمل شوائب جواتها نعمه مابتقدري الا انك تقدريها وتحبيها قالت ليهو بابتسامه معاك حق وسكتوا لمسافه بعدها كسر الصمت وقال ليها احكي قالت ليهو بصراحه عايزة اسالك سؤال ومترددة قال ليها عادي اسالي قالت ليهو انا شايفه نظرة حزن في عيونك رغم انك طول الوقت مبتسم وقوي بس حاسه انو في حاجه حزينه جواك عاين ليها بنظرة حزن بعدها  ابتسم وقال ليها ماقلتي لي انك محلله قالت ليهو اسفه لوادخلتا في خصوصيات قال ليها عادي بس مافي شي
حسام من طبعو ما بحب يظهر لشخص حزنو اونقاط ضعفو ومن النوع الكتوم بس جاهو شعور جواتو انو بس عايز يحكي ليها بس طنش الشعور بعدها ماجد جا وصاح ليهو تعال نلعب ابتسم وقال ليها نمشي قالت ليهو ايوا مشا قدامها كم خطوة قالت ليهو حسام اتلفت عليها وقال ليها ايوا قالت ليهو كل شي بالحياة قدر ماكان حزين وبألمنا مع الزمن حيتنسي ويبقي ذكري قال ليها لا في وجع مع الزمن بكبر حتي لو الالم راح الندوب بيبقي اثرها موجود في القلب وبشوهو ومشا بس هي بقت واقفه وبتقول ي ربي المخليهو حزين كدا شنو مشت ولعبت مع الاولاد شويه وهي عيونها مع حسام وبتفكر في حزنو بعدها رجعت البيت
وارتاحت وقعدت تقرا في روايه لانها بتعشق الروايات وحسام كان بقرا في كتاب لابراهيم الفقي وفجاه الاتنين خطرو في بال بعض بعدها دخل الفيس وفتش عن صفحتها ورسل ليها طلب هي دخلت بعد ساعه وماكانت بتهتم بطلبات الصداقه بس حب فضول شافت الطلب ولقت صورو عرفتو دا هو كان الوقت داك online هو لقاها قبلت الطلب ورسل ليها الريم قالت ليهو هلا قالت ليهو بالمناسبه شايفه ماجد متعلق بيك وانت كمان شديد قال ليها اول مرة مشيت فيها مستشفي السرطان كان اليوم داك ماجد جابوهو اول يوم الكلام دا قريب لسنتين المهم ي ستي وكانت معاهو امو وابوهو اصلا متوفي كان حزين شديد وببكي وحتي امو كانت زعلانه شديد كان منطوي وبس قاعد في الغرفه قال ليها كل مااجي بلقاهو قاعد براهو في الغرفه ومابحكي مع شخص ولا بلعب وحتي برفض ياكل فاتقربتا منو وصراحه حبيتو شديد وزي ماشايفه بقت احسن وكل جلسه كيماوي ليهو انا بكون معاهو ومع اي طفل صراحه ومن وقتها اناوهو متعلقين ببعض تعرفي انامحتاج ليهو اكتر ماهو محتاجني انا معاهو بحس بحاجات حلوة شديد بشوف في عيونوا طفولتي واحلامي بشوف انو الدنيا مدت لي يدها علي هيئه ماجد في لحظات اناكنت بغرق فيها ماجد كان القشه الانتشلتني من دوامه الغرق انتي عارفه حاسس انو الحياة بتلعب معاي لعبه متناقضه مرة تصفعني بقوة علي وشي ومرة تمد لي يدها شان مااغرق قاعد استغرب شديد من الحياة دي
قالت ليهو الحياة مادايمه ورديه وايامها متقلبه ماتبكيك طول الوقت ولاحتفرحك دايما بس الشي المؤكد انك كل ماكنت قوي وعندك ارادة تعيش الحياه فمستحيل تهزمك  
--------------------------------------

يتبع.......