رواية الحُب~التائب

الحُب~التائب

#بقلم~مأمن~أحمد🖤✨

 

#الحُب~التائب《01》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
_عمر..
=يا عيونهُ
_حابة أحكي معاك ف موضوع مهم وحساس...
=اتفضلي..
_اتفضلي تاني؟ 🙂💔
=😂😂😂.. نسيت والله انك بتكرهي الكلمة دي.. اها احكي لي مالك؟
_م عارفة ابدأ ليك كيف!
=اتصل ليك مكالمة؟
_لالا.. اوعك. م بقدر اسي
=طيب احكي ساي.. بأي إسلوب انا ح أفهمك.. أطمني ياستي♡
_طيب. أنا عارفة كويس إنه علاقتنا دي علاقة صُحبة وإخوة صادقة ونيتنا نضيفة تجاه بعض.. وواثقة فيك اكتر من روحي عمرك م تتأذيني بأي شكل.... بس رغم ده انا إكتشفت ف الفترة الأخيرة دي علاقتنا ببعض دي غلط وم بترضي ربنا حتى لو كنا م بنعمل ف حاجة غلط.
=بسم لله الرحمن الرحيم.. كدي وحدة وحدة.. كيف يعني م بترضي ربنا؟..
_ف الإسلام ماف حاجة إسمها صُحبة بين ولد وبت. إما يكونوا اخوان.. او متزوجين.
=بس ف الإسلام ف حاجة إسمها صلة رحم.. ونحن بنتواصل ع أساسها..
_م تغش ع نفسك.. نحن م بنتواصل ع الأساس ده.. لأنه لو جينا لصلة الرحم ح يكون عندنا ملايين الناس بينا وبينهم صلة رحم بس م قاعدين نتواصل معاهم...
=من الآخر.. كلامك ده معناه شنو؟
_معناهُ.. نحن لازم نقطع علاقتنا وتواصلنا ده لأنه حرام.
=😂😂😂😂.. والله حيرتني يابت الناس بقيتي كل مرة تطلعي بموضوع جديد.. م عارف إنتي الفترة دي حاصل ليك شنو.. ليه كل مرة بتخترعي ليك حجة عشان تبعدي عني؟.. لو م عايزاني ف حياتك كلميني عديل ماف داعي لفلسفة واللف والدوران.
_فعلاً انا الفترة الفاتت كنت بخترع قصص وحجج ومشاكل من ماف عشان ابعد عنك بس السبب كان ياهو ده.. بس ف كل مرة بحظرك وبفقل صفحتك واقول تاني م ح ارجع اتكلم معاك.. بلقى نفسي ضعفت ورجعت ليك.. عشان كدة المرة دي حبيت اكون صريحة معاك.. وتعرف تواصلنا ده غلط.. وبعدين بنتحاسب عليه ومهما كنا أصحاب مثاليين ف الدنيا يوم القيامة ح نجي خصمين قدام الله.. فأكيد ده م بهون عليك.. فعايزاك تعيني ع طاعة ربنا دي وتحظرني.. ومهما رجعت حاولت اتواصل معاك م تديني فرصة...
=يابت كدي أستهدي بالله.. إنتي الكلام دي جبتي من وين؟.. إنتي وحات الله اتغيرتي وبقى اي كلام بأثر فيك وبتابعيه بدون م تفهمي معناه ..
_استغفر الله العظيم.. ده م كلام ساي ي عمر.. ده كلام ربنا..
=طيب كلام ربنا ده يادوب عرفتي اسي؟.. نحن علاقتنا دي ليها أكتر من5سنة... يادوب الليلة بقت غلط؟
_م كنت عارفة.. كلنا ولدونا م بنعرف حاجة وكل م نكبر بنتعلم.. وانا يادوب اتعلمت وعرفت الشيء ده غلط.
=عرفتي من وين؟.. اديني دليل طيب ي فاهمة
_﴿... وَلا مُتَّخِذي أَخدانٍ... ﴾.. ﴿.. وَلا مُتَّخِذاتِ أَخدانٍ... ﴾.. الأخذان يعني الأصحاب.
=يابت إنتي عويرة؟.. أمشي ابحثي ف قوقل عن معاني الآيات دي تاني تعالي كملي لي باقي فلسفتك"(آخر كلمة دي غلبتني كان إملاءتها غلط أتجاوزوها🤣💔)دي..
_انا عارفة معناها..
=معناها شنو؟
_🙂
=قولي؟
_انت م عارف؟
=م عارف.. عرفيني إنتي..
_امشي اسأل قوقل بوريك
=لالا.. عايز أعرف منك إنتي. عشان أعرف رأسك ده مليان كلام ساي.. ولا عارفة معنى الكلام البطلع منك ده..
_اكيد عارفة معناهُ..
=طيب يلا وريني قاصدين بالآيات دي شنو؟.. ونزلوها متين وع منو وليشنو؟؟
_م بقدر..
=عشان تعرفي انتي حتى م عندك الجرأة تناقشي معاي ف موضوع زي ده.. يبقى كيف المعنى ده ينطبق علينا؟... ي هبلة أنا اخوك والبينا ده م فيه أي حُرمة.. ف اي مجتمع ف صُحبة بين البت والولد.. ف الدراسة ف الشغل ف اي مكان.. بس كلو بحدود.. ونحن م قاعدين نعمل حاجة غلط عشان تقولي كلامك ده.. نحن بينا لحم ودم.. وبراك قلتيها إنك بتثقي فيني أكتر من روحك م ح أقدر أذيك.. طيب تاني ف شنو؟!
_م عارفة ي عمر ياخخ.. بس المهم انا متأكدة تواصلنا ده غلط..
=أقنعني طيب؟.. الغلط فيه شنو؟
_م عارفة.. بس خلينا نبعد عن بعض عليك الله.. اثق ف كلامي وصدقني..
=مأمن.
_اها
=إنتي ف حاجة حاصلة وم عايزة توريني ليها؟
_والله العظيم ماف حاجة غير السبب ده..
=طيب فهمك ده غلط.. انسي الكلام ده.. الناس دي بقت بتحرف وبتلعب وبتلفسف ف الدين ع كيفها... م اي كلام معناها صح ونحن مفروض نشتغل بيه... الدين واضح وم معروف وكلو بكتاب الله وسنة رسوله صلى الله عليه وسلم..
_بس انا خايفة يطلع الكلام ده صح ونتحاسب عليه بعدين.. عشان كدة احسن نبعد وم ينكتب لينا ذنوب اكتر..
=مأمن. إنتي بتصدقي كلامي ليك ولا لا؟
_اكيد بصدقه.
=طيب معناها صدقي كلامك ده غلط.
_بس ي عمر... 😔
="الأعمال بالنيات" ربنا عارف نيتنا شنو.. طلعي التفكير ده من رأسك ده وهم ساي.. كوني متطمنة♡.
غلبني البقوله_طيب.
=عارفك م ح تقتنعي بسهولة.. بس اسي طالع ع المسجد.. أصلي و ح أرجع ليك بمكالمة بعدين.. انا برضو عندي موضوع عايز اتكلم معاك فيه.. وم محتاج وصية ح ادعي ليك معاي ف الصلاة.
_طيب منتظراك.. م ننحرم♡.
إتفاعل مع آخر رسألة لي بقلب وطلع من الواتس.. بقيت براجع ف الدردشة وأفكر ف كلامه.. معقولة كلامه هو صح وانا غلطانة!.. انا دائماً بتنفق مع عمر ف اي حاجة بقولها مهما كنت ف البداية مقنتعة برائي.. بحسه هو قدوتي ف الحياة دي واي شي بقولوا هو صح.. بس المرة دي مترددة.. ياربي الصح شنو؟.. اديني إشارة وحدة أعرف تواصلي معاه ده برضيك ولالا....
...
أنا مأمن 19سنة بقرأ مختبرات سنة تانية.. أمي نعمة وأبوي أحمد. وحيدة أمي وأبوي.. ساكنين الخرطوم♡(يارب ردّنا ليها عاجلاً غير آجلاً سالمين غانمين يااااررب😭💔💔).
عمر ود عمي ابوهو وابوي اولاد عم.. كانت علاقتنا ببعض سطحية لحدي ما رسل لي طلب ف الفيس بقينا نتواصل مع بعض وبقى كل شيء ف حياتي.. كان اول راجل يدخل حياتي وآخر راجل.. لقيت نفسي بحبه وغرقانه بيهو بدون م أحس.. بس عمري م بينت ليهو ولا هو بين لي مرة إنه بحبني.. علاقتنا علاقة صحُبة.. بس م بينا حدود.. 24 ساعة بنتكلم مع بعض..عارفين اقل تفاصيل عن بعض.. 5سنوات عمري م حسيته زهج مني او اتغير علي.. م كنت بحس بفراغ عدم الأخ لأنه هو دائماً معاي.. ف اي موضوع بجري ليهو أول زول عشان احكي ليهو واستشريه فيه كان بسمعني بدون زهج.. بوريني الصح.. بدعمني.. بطمني.. حافطني وبفهمني من نبرة صوتي.. صحباتي البنات م قدرهن يكونن زيه.. وجوده ف حياتي بعتبرهُ أحلى شيء.. برسألة منه بنسى كل زعلي ومشاكلي وأحزاني وببتسم تلقائياً♡.
قريت معاهو ف نفس الجامعة والمجال اللي هو مختبرات وطبعاً ده كان بإقتراح منه ووافقت انا عليه.. قرينا ف نفس المجمع انا أولى وهو رابعة.. كان السنة دي أحلى سنة ف حياتي بما إنه كنت بشوفه كل يوم♡.
....
 بعد مرور ايام:
ف فترة الايام دي كان ضميري بوجعني لو كان تواصلنا ده فعلاً غلط انا بعدين اقول لربنا شنو؟ َ.. وكيف يهون علي عمر يتعذب بعدين بسببي وهو أحب شخص لي ف الحياة دي.. بقيت دايماً افكر ف الموضوع ده.. وسبحان الله كل م افتح الميديا ألقى كلام عن الموضوع ده وإنه فعلاً حرام.. سألت كم نفر حوليني ف منهم البيئد كلامي وف منهم البعارضني بس م قدر زول يقنعني الكلام ده صح 100٪... ف النهاية قررت انا أبعد عن عمر غصباً عني لأنه م ح يقتنع بكلامي مهما حاولت.. وهو انا ممكن م مقتنعة بيهو بس خايفة يكون فعلاً حقيقي وده سبب كافي عشان ابعد منه. ليه نصيب بالحلال ح أخده.. ولو م لي اكيد ح يعوضني بالأحسن منه.
جيت رقدت ف سريري وبقيت أفكر واتذكر ف مواقف كتيرة بيني وبينه....

------------------------------------------------
 موقف ف الماضي1:
كان أول يوم لي ف الجامعة.. كنت متوترة شديدة.. اول م وصلت الجامعة لقيت عمر منتظرني
_برلومتنا الحلوة نورتي الجامعة
=منورة بيك
ضحك_البرلومة باين عليها خايفة.. لو خايفة من البرلمة اتاكدي لو ف زول برلمك م بكون غيري
حمرت ليهو
ضحك_بهظر معاك.. يلا سمي لله وارح نبدأ ف مشوارك الجامعي..
أتحركنا ومشينا بقى يعرف علي ع دفعته ووداني قاعتنا وبقى يتعرف ع البرالمة ع اساس إنه برلوم زيهم😂.. كنت اول مرة أعرفه مجنون ودمه خفيف.. بقيت بعاين ليهو بإستغراب كان بضحك وبغمز لي.. كان يوم حلو بالجد شبعت فيه ضحك ونسيت التوتر. والخوف وكل شيء.. كان معاي طول اليوم حتى المحاضرات حضرها معاي ف القاعة.. لحدي م ركبني المواصلات حتى فارقني
--------------------------------

 موقف ف الماضي2
كان بكرة يوم نتيجتي بتاعة أولى.. اتصل لي بليل
_بتي
=عمررر
_م نومتي؟
=م جايني نوم..
_نومي يبت وبطلي جِرسة.
=م قادرة
_ف عينك.. خلينا من ده.. بكرة لو م جبتي لي بسوبستي م تجي
=بسبوسة شنو؟.. انا اقول ليك اليوم ده كله م اكلت وم قادرة أقوم من السرير من التوتر.. تقول لي بسبوسة؟!
_ياخ دي أمور برالمة ساي زمان عديناها.. المهم البسبوسة م تنسيها
=انت واحد بالجد م عندك إحساس
_الإحساس خليناه ليك إنتي..يلا طيري نومي عشان تصحي بدري تعملي لي بسبوستي
=فهمنا خلاص
_تصبحي بخير
=تلاقي الخير. تيت.. تيت.
قفلت منه ودخلت الواتس لاحظت ليهو إنه متصل.. بعد شوية رسل لي تلاوتة قرآن"افتحي التلاوة دي ونومي بيها ح يخف منك التوتر ان شاء الله" إتفاعلت مع رسألته بقلب وفعلاً قفلت البيانات وفتحت التلاوة... شوية كدة لقيت إني نومت.
صحيت من الفجر صليت ودعيت وقريت شوية قرآن وقومت عملت البسبوسة وجهزت نفسي طلعت ع الجامعة.. مشيت كالعادة المكان البنقعد فيه انا وهو لقيته منتظرني
_اوو الجرسة شخصياً.. صباح الخير
=صباح النور
_مالك الليلة طالعة سمحة كدة؟
ضحكت غصب عني=ضاحك علي ي عمر صح؟
_استغفر الله.. هو انا بعرف أكذب؟
=م هو ماف شيء مميز عملته الليلة.. جريت أقرب عباية سوداء وطرحة سوداء من الدولاب لبستهم وجيت مارقة..
_وده المميز ف الموضوع إنك تكوني عادية جداً بدون اي شيء..
بقيت أعاين فيه واحاول افهم كلامه..
_اها بسبوستي وينها؟
فتحت شنطتي وطلعت ليهو البوكس مديته ليهو=أتفضل
إبتسم إبتسامة عريضة_انا شايل هم بعد اتخرج من الجامعة دي ألقى زي بسبوستك دي وين! ..
ضحكت=ولا يهمك.. وين م مشيت ح أعملها وأجيبها ليك
_م ننحرم يااخي
=آميين
_م جبتي معاك سيرمس شاي لبن؟
حمرت ليهو=نفسك فاتحة كمان؟.. قوم اتلم مني ي ولد
ضحك_تعالي شاي اللبن ع حسابي والله
...
الناس بقت تكتر والنتيجة قربت وفجأة حسيت نفسي متوترة تاني..
_اسي م كنا كويسين!.. مالك تاني؟
=عمر اسكت مني.. انت م قادر تحس بي
_ماف حاجه بتوترك انتي زاكرتي كويس واشتغلتي ف الامتحانات كويس.. ف شنو تاني؟
=م عارفة ياخ
_ إنتي م عندك ثقة فيني... بما إنه انا الكنت بشرح ليك ومتابع معاك محاضرة محاضرة.. معناها م مقتنعة بقرايتي ليك
=م كدة والله.. عارفاك م قصرت وواثقة ف شرحك والله.. بس م بيدي خايفة
_طيب غمضي عيونك..
=ليه؟
_غمضي يابت
=اها"غمضت"
_اخدي شهيق وزفير 10مرات..ورددي ف سرك انا ح انجح واجيب معدل حلو شديد.. انا ح انجح واجيب معدل معدل حلو شديد...
عملت كدة وفتحت عيوني.. لقيت تلفون عمر قدامي مصور فيه البورت.. مسكت منه التلفون بسرعة ونزلت سريع بنظري بفتش ف إسمي.. تالت إسم"مأمن أحمد إبراهيم..نجاح.. 3.81..إمتياز"..جدعت التلفون وقمت انطط
_ يابت عويرة أقعدي ساي.. الناس بتعاين ليك😂😂
وعيت ع نفسي اتلفت حوليني خجلت شديد.. وقعدت راجعة مكاني وهو شغال يضحك..
_مبروك ي سنيرنا
دموعي نزلوا وم قدرت أرد ليهو
_اسي الببكي شنو؟
=مبسوطة
_المبسوط ببكي يعني؟
=انت العرفك بالحاجات دي شنو؟.. أصلاً م عندك إحساس من يومك
قعد يضحك_خلاص ياخ دي دموع فرحة ولا زول مات.. افصلي.
أخدت نفس ومسحت دموعي.. وإبتسمت ليهو
_م قلت ليك انا اصلاً واثق ف بتي ح تنجح نجاح م عادي..وقد كان
إبتسمت.
_قومي امشي الإستراحة صلي ليك ركعتين شكر وتعالي لي..
عاينت فيه مسافة
_قومي يابت يلا..
فعلاً مشيت صليت وشكرت ربنا وجيت راجعة ليهو.. أول م وصلت مد لي شيء مغلف شكل هدية.. ختيت يدي ف خشمي وشهقت.. بقى يضحك
_امسكي هديتك ي دكتورة
=حتى متين مشيت جبت لي هدية وجيت؟؟!..
_مجهزها لي كم يوم.. سلفاً عارفك ح تنجحي..
إبتسمت وشلتها منه..
=شكراً ي عمر لأنك كنت أكبر داعم لي ف نجاح اليوم ده♡.
_لا شكر ع واجب يابت حشاي
تقريبا قعدت أضحك 10دقايق كاملة ف كلمته الأخيرة دي.
...
رجعت البيت فتحت هديته لقيتها دستة حجابات رأس ملونة ومعاهم لفة دبابيس اكبر حجم.. ومعاهم ورقة مكتوب فيها"بالحجاب بتكوني حلوة شديد.. م تطلعي يوم بدونه♡"
.
-------------------
 مؤقف ف الماضي3:
كنت بشرب ف شاي الصباح وبفكر الليلة تخريج عمر الكنت منتظراهُ لي سنين بفارق الصبر.. نفسي شدييد أحضر اليوم ده واشاركه فرحته..هم عزمونا بس المشكلة ماف زول من بيتنا ماشي.. وم بقدر اقول ليهم عايزة أمشي خاصة أبوي..
اتصال من عمر:
_ صباح الخير
=عمر. صباح النور.
_صباح النور كدة حاف؟ م نفسك تقولي حاجة تاني بما إنه اليوم ده مميز وكدة
=انت عارف فرحتي ليك ف اليوم ده لو م كانت قدر فرحة خالتو فاطمة" ام عمر".. م ح تكون اقل..يارب دائماً التوفيق يرافقك والنجاحات تملأ حياتك.. وانا فخورة بيك جداً رغم الظروف والصعوبات اللاقيتها ف المشوار ده قدرت تنجز وتصل هنا.. وياارب بعد دي م تلقى إلا الأفراح ف حياتك
_عارفة اتصلت ليك ليه؟
=اممم. ليه؟
_عشان أحس فعلاً أنا فرحان ف اليوم ده.. كلامك دائماً بحسسني بقيمة الفرحة الحقيقية.. ووجودك ومشاركتك كل أفراحي بضاعف لي فرحتي حتى لو إنتي بعيدة.
=الله م يحرمك مني
ضحك_آمييين كبييرة.
=اها جهزت؟
_لسة من سريري م قمت.. أخدت لي نومة بعد الصلاة وصحيت اسي.. قلت ابدأ يومي بيك أول عشان يطلع سمح زيك..
=المزاج رايق الليلة شديد باين من كسير التلج ده
ضحك_اصلاً الزيك نهائي م يستاهلوا يعبروهم
=وانا قال منتظراك تعبرني ي محور الكون؟.. انا معبرة وشبعانه فيه.. ريح نفسك انت بس ياللخو.
_والله العظيم زول شغال بيك ماف ي مسفوهه.. قال شبعانة فيه قال. لو م انا قاعد أعبرك كان زمان لقوك ف البحر بتحاولي تنتحري..
ضحكت
_اها خلينا ف المهم.. الليلة كيف وكيف؟
=انا آسفة من كل قلبي بس م ح اقدر اجي..
_بس ليه؟
=انت عارف وانا عارفة
_ماف اي طريقة يعني؟
=للاسف لا.
_والتخطيط الكنا بنخطط ليهو طول السنين الفاتت ليوم ده.. ح يروح ساي؟
=انا آسفة ي عمر.
_انتي مكبرة الموضوع بس ي مأمن.. م فيها شيء لو قلتي لعمي جاية تحضري تخرجي وشجعي يجي ويجيبك معاه.
=م ح ينفع والله.
سكت مسافة _خير ي زولة
=عمر م تزعل مني عليك الله
_البينا اكبر من كدة..
فضلنا مسافة ساكنين
_استأذنك يلا.. ماشي اشوف ألبس شنو
=إذنك معاك.
....
بعد ساعة من المكالمة لقيت مرسل لي صور أقمصته وبناطلينه الجديدة عاوزيني أختار ليهو يلبس شنو كالعادة
انا_ف قميص ناقص ف أقمصتك دي
=الأسود لا.
_والله العظيم أحلى قميص ف ملابسك دي كلها.. بتكون رهيب وانت لأبسه.. انا بقرب اسحرك والله..
=😂😂.. بس م ممكن ألبسه ف كل مناسبة يابتي
_انت مالك بكلام الناس.. اسمع كلامي انا وألبسه🙂
=لا. المرة دي م عايزه. اختاري لي واحد غيره
_لو م عايز تلبس الأسود م فرقت تاني.. ألبس اي واحد..
=😂😂.. طيب رأيك شنو ف البترولي ده؟ ألبسه مع البنطلون الأبيض؟
_والله مشاء الله بقينا نعرف اللون البترولي من الاخضر😂😂
=البركة فيك يابتي
_ياخ انا والله م عارفة انت كنت بدوني ح تقدر تعيش كيف🤦‍♀️..
=ده م وقت نرجستك اسي.. اختاري لي يلا سرعة م اتأخر....
أخترت ليهو يلبس شنو من رأسه لرجيلنه.. وقفلت منه وبقيت مقلقة.. كيف يعني م امشي تخريجه؟ ده أقرب شخص لي معقولة م أمشي ليهو ف يوم زي ده!.. ف تفكيري ده جات أمي داخلة سألتني مالك؟.. حكيت ليها الحاصل.. وشجعتني أمشي.. م صدقت من الفرحة قمت طوالي لبست عبايتي وظبطت نفسي واتحجبت وشلت ليهو هديتي المجهزاها ليهو لي زمن وطلعت جري..
اتصلت ليهو:
_عمر
=أحكي لي
_وصلت؟
=اي قاعد مع الشباب..
_تمام مع السلامة
=انتي متصلة عشان شنو طيب؟
_اطمن عليك وصلت كويس ولا لا.
ضحك=طيب ياستي اطمني وصلت كويس
_الحمد لله.. كمل باقي ونستك مع الشباب لبعدين
=طيب. تيت.. تيت.
وصلت مكان التخريج وبقيت اسأل منه بعد وصفه لي مكانه.. اول م وصلت المكان شوفته كان واقف مع أصحابه وبضحك لابس قميصه الأسود البحبه فيه♡ ضربات قلبي زادت وبقيت أخد ف نفس عشان أهدى.. بعد شوية حتى قدرت أقول لواحد نادي لي عمر داك"وصفته ليه".. الولد مشى عليه بقى يتكلم معاهو بعد آشر ليهو علي طوالي غطيت وشي بطرحتي قبل يشوفني.. جاء طوالي عليّ بنظرات إستغراب"شكله م عرفني".. اول م وصلني فتحت وشي
_سبرااااايزز
بقى يعاين لي كأنه م مصدق ويتلفت ساي... نزل رأسه وبقى يمشي يده فيه بوراء=مأمن!
أخدت ضحكتي ورديت_رأيك شنو ف المفاجأة دي بالله؟
=ف داعي اسي تكذبي علي؟!
صريت ليهو وشي
ضحك=أحلى مفاجأة والله..
إبتسمت_أتفضل دي هديتك ي دكتورنا
=هدية شنو بالله!.. جيتك دي براها عندي بالدنيا
غطيت وشي بطرحتي"نظام خجلانة".. ضحك
=بالجد م كان ف داعي
_الواجب برضو
=م ننحرم يارب..
_آميين
=اها رأيك شنو "أشر لي ع لبسه"
_ماف اي كلام والله👌
=الفضل يرجع ليك برضو
_العفو😌.. ح تخليني أقيف كدة كتير؟..
=اي صح تعالي شوفي البنات وين..انا الليلة مشغول والله
_ولا يهمك.. نبأ جات؟
=والله م عارف.. م لاقيتها الليلة.. تعالي اسألي منها..
إتحركنا لقينا بنات دفعتهم قاعدات وصلني ليهن وفات.. طبعاً بعرف منهن جزء كبير بما إنه ف اغلب اليوم بلقهن عمر قاعد معاي.. اتونست معاهن... لحدي م جاءني راجع وناداني مشيت ليهو
عمر_معليش خليتك براك وإنتي جاية عشاني اليوم ده
=ولا يهمك.. عارفاك مشغول الليلة.. والبنات م قصرن ونسني..
_طيب ناس أمي وصلوا لو حابة امشي عليهم
وقفت كم ثانية مترددة م قدرت أرد ليهو
_مالك ف شنو؟
=م عارفة
_قولي ليهم جاية احضر تخريج صحبتي من دفعتنا نحن
رفعت رأسي سريع وعاينت ليهو مستغربة
_م لازم تحكي لي اي شي.. انا بفهمك قبل م تتكلمي..
تلقائياً لقيت نفسي ببتسم لضرس الاخير
_يلا كفاية امشي.. طيرتي علي الفراشات كلها الليلة بوفقتك معاي دي
حمرت ليهو.. قعد يضحك.. اتحركت من جنبه ومشيت..
..
مر اليوم كنت مبسوطة ليهو شديد لدرجة لقيت دموعي بتجري بعد جاء طالع بروب التخرج.. انا عارفة قدر شنو عانَ ف مسيرته الجامعية دي.. كم مرة خلاها وفقد الشغف من ناحيتها بس دائماً انا كنت بشجعة يرجع.. كنت بقعد ازن ازن ازن لحدي م يرجع يقرأ تاني..قعدت اصور فيه صور كتيييرة.. بعد شوية جاءني والفرحة مالية ملامحه
_باركي لي
=الف مليون مبروك.. وعقبال أشوفك عريس قريب يارب
_ أطمني ح تشوفني قريب شديد "غمز لي"
ضحكت=انا ح أمشي بعد ده
_وين؟
=البيت
_م ح اتمي معاي باقي اليوم؟
=م ح أقدرر اكتر
_كيف الكلام ده؟
=معليش والله
سكت مسافة_طيب م مشكلة
=أشوفك بخير.
_طيب ممكن طلب أخير؟
=أتفضل بدون إذن.
_صورة وحدة مع بعض
اترددت مسافة.. بس م قدرت أحرجه=طيب.
طلع تلفونه واتصورت معاه وهو لابس الروب وماسك الشهادة بيده♡.
_شكراً ليك ي دكتووة ع وقفتك معانا دي. م ح ننساها ليك نردها ليك وإنتي خريجة.
=ياااا.. خريجة دي بعيدة.. أنا عايزاك تردها لي وانا عروس
حمر لي وضربني ف رأسي_امشي طيري يلا مع سلامة.
...
المساء فتحت الواتس لقيته خاتي صورتنا ف الحالة بس عامل ملصق ف وشي م ظاهر.. وكاتب فيها "شُكراً ليك لأنك كنتِ الداعم الأكبر لنجاح اليوم ده❤️.".. رديت ليهو "لا شكر ع واجب ياود حشاي❤️."

♡.
-------------------------------
رجعت لواقع بعد اتذكرت المواقف القليلة دي بالنسبة لي الكان بينا.. عمر كان اخ وصاحب واب وحتى حبيب لي بدون م يعرف وكل شيء ف حياتي.. انا كيف ح أقدر استغنى عنه بالسهولة دي؟!... يااارب العالمين انا خليته عشانك.. فأكرمني ورجعه لي برضاك بالحلال😭💔.

 كَم هو كافِي ان أنظُر إليكِ وكأنّكَ العَالم♡.
•••••••••••••••••••••••••••••••••••••••••••••••••••••••••••
 

#الحُب~التائب《02》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
"جيتني من وين شان تفوت ... يا دافي زي ريحة البيوت...❤️!. "
 بعد مرور سنتين:
 كانت أسوء ايام ف حياتي.. كم مرة ضعفت فيها وحاولت ارجع لعُمر..بس بتطمن عليه وبرجع احظره تاني لحدي م اتعودت اكون بدونه.. وهو م كان بضغط علي وخلاني ع راحتي.. بس انا كنت بتعذب حقيقي بدونه.. ف الفترة الأخيرة شايفة نفسي بقيت أحسن.. كل م احس إني مشتاقة ليهو ببعد التلفون مني وبشغل نفسي بأي شيء.. وأحسن طريقة لقيتها أقوم اصلي ركعتين وأدعي واتكلم مع ربنا بكل الفي قلبي.. بقوم من المصلاية مرتاحة وعزيمتي تاني بترجع قوية...
...
ف يوم دخلت الواتس لقيت أمنة"اخت عمر" منزلة صورة عمر وهو مادي يدهُ ولابس دبلة ف الحالة.. كاتبة فيها "أخوي حبيبي عقبال نشوفك عريس🥺❤️"
أول م قريت الكلام وقع التلفون من يدي.. وبقيت أرجف من تحت لفوق.. رفعت تلفوني ورجعت قريت الكلام تاني..وطق طق لقيت دموعي جرت..جدعت تلفوني وبقيت أبكي... ليه ياربنا حرمتني منه💔!.. انا والله بحبه م بقدر اعيش بدونه.. كنت واثقة فيك ح تجيبه لي بالحلال.. بس اسي خطب وحدة غيري.. يعني م كان بحبني ولا حباني ف يوم..انا م كنت غير صحبة وأخت ليهو بس بعد ده كلوو.. يارب ليه رميت قلبي ف إنسان م بحبني😭💔...
بكيت قدرتي ف اليوم داك.. بس ف الآخر البكاء م بغير الواقع💔.. إستغفرت وقويت نفسي اكيد لخير😔.
......
بعد شهرين:
نعمة_اها ي بتي رأيك شنو؟
=م عارفة ي أمي.. إنتي عارفة البيئر وغطاها
_عارفة. عارفة الراجل الكنتي كل السنين دي منتظراهُ يجيك بالباب ويختارك تكوني مرته.. إختار وحدة غيرك واسي مبسوط وهو معاها.. وإنتي لازم برضو تشوفي حياتك بعد ده وتختاري شريكك.. مادايماً البنحبه والبنتمناهُ هو الخير لينا.. بس اكيد البتختاره لينا ربنا هو الخير بدون شك. وإبراهيم ود عمتك م فيه كلمة.. وانتي عارفاه اكتر مني..
=طيب ان شاء الله بعد استخير أول..
_أخدي راحتك م تستعجلي ولا تضغطي ع نفسك.. قسمتك ح تجيك كاملة مهما يحصل.. المهم إنتي تكوني مرتاحة بس.
مسكت يدينها=شكراً ي أمي♡
 ضغطت ع يديني وإبتسمت لي.
أمي كانت صحبتي الأولى.. عدم الاخت م كنت بحس بيه لأنها هي كانت أختي.. كنت بحكي ليها كل تفاصيلي وكل شي بيني وبين الناس الحولي..
امي وابوي ربوني ع الثقة والحرية الكاملة.. لو طلبت نجوم السماء عادي بجيبوها لي.. ايمكن عشان انا البت الوحيدة ف حياتهم.. بخافوا ع زعلي ف كل شيء حتى أحياناً بحسهم حتى الغلط بمشوا معاي فيه.
...
المساء بعد صليت وأستخرت وجيت ارقد ف سريري بقيت أفكر.. أنا عارفة إبراهيم من زمان بحبني وعايزني قبل كدة فتح معاي الموضوع بس انا صديته بحجة م عندي حاجة للإرتبطات والكلام الفارغ ده.. العايزني بجد يصل باب بيتنا لأبوي.. وقفلت منه ع كدة... م مفتكرة بعد كل السنين دي يكون لسه مفكر فيني ويجي اسي يتقدم لي رسمي..انا عارفة هو إنسان كويس فعلاً وحنين وطيب وكل الصفات الحلوة فيه بس انا بحب عمر ..دائماً بحلم أكون مع عمر.. فكرة أكون مع غيره م بتدخل لي ف رأسي.. م عارفة بالجد أعمل شنو.... ف الآخر نومت وانا بفكر.
....
بعد مرور ايام:
إستخرت ولقيت نفسي مرتاحة للموضوع ووافقت.. والليلة خطوبتنا تمت انا وإبراهيم .. بس سبحان الله نهائي م كنت حاسة بفرحة البحسوها الناس يوم خطبوتهم.. كان إحساسي عادي جداً..
بعد الخطوبة إبراهيم كان بتصل لي.. مرة ارد ومرة لا. ومرة أختصرهُ.. م عارفة انا ليه اصلاً وافقت بيهُو.. ايمكن عشان تمسك أبوي وأمي بيهو.. ولا عشان هو كان أقرب شيء يخليني انسى عمر. ولا ولا.. م عارفة أي شيء كل البعرفه هو بقى خطيبي ولازم اتعايش مع واقعي واتقبله

....
 بعد مرور 3شهور:
أمي_يلا يابت إتاخرنا.. أبوك منتظرك
=اهو جيت.
كنت بعاين لي نفسي ف المرايا.. لابسة فستان بنفسجي غامض وطرحة بنفس اللون محجباها.. طلعت من غرفتي وانا بظبط ف إسورتي.. رفعت رأسي لقيت أمي وأبوي بعاينوا لي
أبوي:دي شنو الحلاوة دي كلها ي ناس!!
أمي_الليلة بسحروك علي يبت
غطيت وشي بطرحتي"انا"=م تخجلوني كدة ي أخوانا..
ضحكوا
:تعالي أحصنك تعالي
مشيت ع أبوي وقفت قدامه حصني.. باس رأسي:الله يحفظك لي ي حِلوة حياتنا
بوسته ف خدهُ=ويحفظك لي ي جميل
_إحم إحم.. انا هنا
ضحكنا:عايني أمك غارت مننا
مشيت عليها=صحي!.. غيرتي بالله! "وانا بضحك"
لوت لي خشمها.. ضحكت وبوست خدودها ورأسها.. وهمست ليها=أعتبري البوسات دي من أبوي.. أنا برضو بته م فرقت يعني"غمزت ليها" .
وجريت قدامهم وانا بضحك وركبت العربية.. جوا لاحقين بعد شويه ركبواا وإتحركنا...
وصلنا بيت العرس كان الليلة حنة مروة بت عمتي "أخت إبراهيم".. وبكرة عرسها..
....
وصلنا بعد المغرب كدة.. بدأت الحفلة.. 10 دقايق بس حسيت بصداع.. أصلاً لي كم يوم حاسة نفسي م كويسة.. كاني عيانة.. لفيت البيت حتة حتة عشان ألقى مكان هادي أقعد فيه م لقيت.. ف الآخر طلعت الشارع كانت ف مسطبة جنب الباب قعدت فيها وختيت رأسي ف رجولي.. بعد شوية أحس زول وقف جنبي.. رفعت رأسي وعاينت لقيته إبراهيم
_إنتي كويسة؟
=أيوة كويسة الحمد لله.
_مالك قاعدة هنا؟
=ساي
_أدخلي جوة م تقعدي ف الشارع
=مصدعة والجو جوة ح يزيد لي صداعي..
قعد جنبي_بما إنه م ح تقدري تقعدي جوة.. انا ح اقعد معاك هنا..
=لا ماف داعي.. خلاص انا داخلة زاتي"قومت وقفت"
_ليه؟ عشان م نقعد مع بعض يعني؟
م عرفت أرد ليهو بشنو
_أقعدي.. بعد شوية ح ندخل م تخافي..
عايزة أتكلم قاطعني_ممكن تقعدي عشاني؟..انا عايزك شوية
م قدرت أحرجه. وقعدت راجعة.. طلع تلفونه واتصل ع وحدة قال ليها جيبي لي حبة بندول جنب باب الشارع.. قفل منها وبقى يعاين لي... بعد شافني إتوترت بقى يضحك ونزل نظره مني..
_مأمن انا....
قطع كلامه جية اية"أخته الصغيرة"
أية أول م شافتنا بقت تتبسم ساي
_مالك يبت بتضحكي براك!.. جنيتي؟
: لالا ولا حاجة.. هاك دي الحبة والموية.
_المصدع مأمن م أنا..
عاينت لي:كرُرر علي ي خطيبة أخوي سحروك لي..
إبراهيم ضحك_اديها الحبة وخلي الرغي الكتير
:اي هاك"مدت لي الحبة وكباية الموية جيت امسكها بقيت أرجف" مالك ي بت بترجفي بسم لله "مسكت يدي" واااي لا حولا ولا قوة الا بالله دي حمة شنو دي؟
إبراهيم مخلوع_حمة؟ "طوالي مسك يدي".. يبت انتي عيانة وتقول لي كويسة!.. "قام وقف" تعالي ي أية اقعدي جنبها مسافة أمشي٠ وأجي..
واتحرك سريع.. أية جات قعدت جنبي وحضنتي عليها
:إنتي مادام عيانة الجايبك هنا شنو ي هبلة؟
م رديت ليها.. يادوب حسيت المرض اتملكني خلاص وم قادرة اتكلم.. بعد دقائق جاء إبراهيم بركشة.. نزل منها.. جاء يقومني من يدي م قدرت.. عايز يسندني عليه.. بعدتَ منه..
وجه كلامه لأية_قوميها إنتي
قومتني وركبتني ف الركشة.. ركب جنبي..
=خلي أية تمشي معانا..
عاين لي كم ثانية وعاين لسيد الركشة_اتحرك لو سمحت.
اتغيظت منه.. انا م عايزة أمشي معاه براي لأنه هو م محرمي ولا ليهو حق يسوقني براي.. بس أقول شنو وانا اصلاً حيلي يادوب شايلني.. وصلنا مستوصف.. نزل هو مسافة يجي ينزلني بالجهة التانية لقاني نزلت واتحركت ع المستوصف.. جاء مسكني من يدي ودخلني جوة.. بعد قابلنا الدكتور كتب لينا فحوصات.. مشينا المُختبر.. قعدني ف الكرسي وقال ليهم أفحصوا ليها.. أثناء م نحن قاعدين جاء دكتور داخل
_اوو ود العم.
رفعت رأسي لقيت إبراهيم بسلم ع الدكتور.. ركزت ف ملامح الدكتور كان عمر.
فجأة ضربات قلبي زادت.. عمر❤️.. لي قريب من 3سنين م شوفته.. كان متغير شدييد.. ربى ليهو لحية طويلة وحسيت الوقار بقى مالي ملاحه.. بقيت متحنة فيه مسافة وهو بتكلم مع إبراهيم.. اتخيلوا حتى م وجه نظره علي ابداً.. لحدي م سمعت إبراهيم بقول ليهو
_جايب مأمن بت خالي أحمد دي عيانة.
فجأه عاين فيني كم ثانية.. وطلع ع طول برة.. م عارفة ماله!.. نظرته لي كانت م مفهومة.. ولا حتى سلم علي.. معقولة زعلان مني!.. بعد شوية جات بت داخلة
_الدكتور عمر وين؟.. قولي ليهو منتظرينك..
البت:دكتور عمر م بفحص لمرأة إلا ف الضرورة. لأنه م بصافح.. انا ح أفحص ليها..
عمر م بصافح!.. عمر منع المُصافحة يعني تلقائياً لقيت نفسي ببتسم.. قاطع تفكيري نظرة إبراهيم لي.. رفع كتافينه"ف شنو؟".. نزلت نظري منه وعاينت تحت..
فحصت.. واتصل لي ابوي حكيت ليهو الحصل..
_م كان ف داعي تكلمي خالي وتقلقيه عليك.. كان تخلينا بعد نرجع البيت..
 م رديت ليهو.. أصلاً من قبيل غايظني م خلى اية تجي معانا..
بعد شوية أبوي جاء داخل..قعدنا قريب الساعة حتى نتيجة الفحص طلعت.. اتمنيت عُمر يجي يطل علينا تاني بس م شوفته تاني بعد طلعنا.. طلع عندي ملاريا وجينا البيت.
...
بيتنا عند ناس عمتي.. الليل كله أفكر ف عمر وشكله الأتغير.. وليه م سلم علي.!.... جاء الصباح حسيت نفسي بقيت أحسن.. كان اليوم ممل وم فيه شيء يذكر غير شوفة إبراهيم وهو بتخافف مع البنات وبضحك معاهن.. زعلت وإتضايقت شديد ف الحتة دي. م عارفة ليه أول مرة ألاحظ واركز معاه كدة!.. معقولة انا بغير عليه!!.. بقيت أضحك بعد خظرت الفكرة دي ف رأسي.. م فهمت نفسي وبقيت ملخبطة.. عدى الصباح لحدي المساء عملوا حفلة العرس ف صالة متحركة جنب البيت.. انا حضرت بدايتها وجيت راجعة البيت ارتاح.. كان فاضي كلهم ف الحفلة إلا الاطفال النائمين.. مشيت إتوضيت وصليت العشاء وقعدت ف المصلاية استغفر وأدعي.. فجأة سمعت صوت طفل بضحك ف الحوش.. طلعت برة ألقى طفل عمره كم شهر شايله راجل وبضحك فيه.. ركزت ف ملامح الراجل لقيته عمر.
م قدرت اتحرك من مكاني.. بعد مسافة إنتبه لي.. صلح قعدته.. وقام وِقف وطلع من البيت.. جريت لحقته ف الشارع
_عُمر.
ناديته.. وقف لي. مشيت عليه.. وصلته.. م عرفت اقول ليه شنو!
=السلام عليكم ورحمة الله.. كيفك يابت عمي ان شاء الله كويسة؟
_كويسة.
=الحمد لله رب العالمين..
سكتنا مسافة.. وإتحرك..
بدون م أحس_ده ولدك؟
إتلفت نايحتي=أيوة.
حسيت قلبي وقع مني_عرست يعني!
ضحك=لو عرست عرسي ح يتدس منك؟!.. ده ود أختي امنة
حسيت لساني ارتبط وإني وحدة هبلة شديييد..
=عن إذنك.
إتحرك وفات. وده كله وهو م رفع نظره علي ولا ثانية.
...
عدى اليوم ورجعنا البيت.. دخلت غرفتي ع طول.. غيرت ملابسي ورقدت ف سريري.. امي جات داخلة لي بأكل.. جات قعدت جنبي..
_قومي اتعشي
=م عندي نفس والله ي أمي
_يبت قومي أكلي عشان تبعلي حبوبك
مدت لي اللقة ف خشمي.. غصباً عني قومت وبقيت أكل..
_أبوك زعلان منك.
=نعم؟! زعلان ليه؟
_عشان م قلتي لينا إنك عيانة من البداية. . ومشيتي مع إبراهيم المستوصف براكم..
=اول شيء م كنت حاسة بحاجة عشان أكلمكم.. اما مشيتي مع إبراهيم دي انا زاتي م كنت عايزاها بس من التعب م قدرت ارفض.. حتى قلت ليهو خلي أية تمشي معانا بس م سمع كلامي..
_المهم م تكرر تاني..
=حاضر.
...
اتصل لي إبراهيم.. اترددت كتير ارد ليهو ولا لا!.. ف الآخر رديت
إبراهيم_  السمحة.
=اهلين
_وصلتوا كيف؟
=كوسين الحمد لله.
_حسيتي بحاجة تاني؟
=لا كويسة الحمد لله.
_بلعتي حبوبك؟
=اي
_اكلتيها قبليها حاجة؟
=اي اكلتَ.
_الحمد لله رب العالمين..
=هنيئاً لمن حمد
_يهنيني ربنا بيك ونحن ف بيتنا يارب.
م رديت
_مأمن.
=نعم
سكت مسافة_نعم الله عليك. ولا شيء.. أخدي راحتك ونومي..
=طيب. تصبح بخير
_وإنتي من اهلي يارب.
م رديت وقفلت الخط وختيت تلفوني ونومت.
...
صحيت نص الليل بصداع شديد بقيت أبكي.. فجأة جاء أبوي داخل"دائماً بجي يفقدني نص الليل بغطني وبطلع".. جاء وقف جنبي سمع صوت انيني
_مأمن مالك؟!!!
=مصدعة شدييد ي ابوي
_بسم لله عليك ي بتي.. استني ثواني
مشى جاب لي بندول وموية وقومني قعدني وبلعني الحبة.. وقعد جنبي ورقد رأسي ع رجوله
_غمضي عيونك وحاولي نومي
هزيت ليهو رأسي بأيوة. بقى خاتي يده ف رأسي وبقرأ لي قرآن حسيت الصداع بقى يخف... لحدي م نومت..
..
صحيت لقيت أبوي ف نفس قعدته الأمس ونائم تاكل رأسه ع رأس السرير.. وأمي نائمة جنبي.. بقيت بعاين ليهم وانا مبتسمة.. رفعت رأسي من رجول أبوي وقومت براحة عاينت لتلفوني لقيت الساعة 3ص..مشيت الحمام وجيت صليت لي كم ركعة.. ف صلاتي ديك جوا طالعين امي وابوي عاينوا لي وقعدوا جنبي بعد صليت..
أبوي:بقيتي كيف من الصداع؟
انا:كويسة شديد الحمدلله.. أمشوا خدو راحتكم وكملوا نومكم..
امي:لو حسيتي بحاجة تاني صحينا
انا:حاضر.
قاموا مني مشوا إتوضوا ودخلوا غرفتهم.. كملت صلاتي وقعدت ادعي.. لحدي أذن الصبح طلع ابوي المسجد وانا صليت ورجعت غرفتي.. نومت شوية وصحيت جهزت وطلعت ع الجامعة..
بعد وصلت لقيت مكالمتين من إبراهيم.. م اشتغلت بيهو.. ودخلت الواتس اثناء م برد ع الرسائل.. رسل لي
هو_صباح الخير
=صباح النور
_أصبحتِ كيف؟
=كويسة الحمد لله
_نومتي كويس؟
=اي الحمد لله
_صحيتي متين؟
=لي ساعتين كدة..
_م رديني ع مكالماتي
=معليش كنت ف المواصلات م سمعتها
_مواصلات؟؟.. طلعتي وين من الصباح؟
=الجامعة طبعاً
_جامعة شنو وإنتي يادوبك شادة حيلك
=بقيت كويسة الحمد لله
_م تهملي نفسك ي مأمن.. عايني لصحتك..
=ان شاء الله
_فاضية اسي اتصل ليك؟
=محاضرتي باقي ليها كم دقيقة وتبدأ..
_طيب بعد تكوني فاضية اتصلي لي عايزك ف موضوع
=ان شاء الله.
 قفلت منه ومشيت حضرت المحاضرة الأولى وطلعت لقيت أبوي متصل لي 17مكاامة..وأمي 24مكالمة...خوفت شديد الحصل شنو
!.. رجعت طوالي لأبوي
 _يابت الناس إنتي من قبيل وين م بتردي ع تلفونك؟؟؟؟
=كنت ف المحاضرة وتلفوني صامت.. بسم الله ف شنو ي ابوي؟
_محاضرة شنو وجامعة شنو؟؟ انتي عيانة ف روحك تقولي لي جامعة.. "جاني صوت أمي".. مادام ماشة الجامعة م تكلمينا أول قبل م تطلعي.. ع الاقل يمشي معاك واحد فينا
=امي انا كويسة والله م تكبروا الموضوع..
_عندك محاضرة تانية؟
=اي بخلص بعد 3ساعات كدة..
_طيب أمشي أفطري اسي.. ونحن جاينك بعد شوية..
=جاين ليه؟؟.. ماف داعي وحات الله انا كويسة؟
_نحن م بنأخد ف رأيك.. المهم م تحركي من مكانك بعد نجيك. تيت.. تيت.
قفلت الخط. قعدت أضحك.. ومشيت حضرت باقي محاضراتي..
خلصت وطلعت من القاعة لقيتهم قاعدين منتظريني.. مشيت عليهم وخاتة يديني ف عيوني:الجامعة نورت يااخ..
قعدوا يضحكوا
أمي:انتي كويسة صح؟
:شايفيني كيف بالله؟
ابوي:الحمد لله.. يلا نمشي..
مسكتهم من يديهم وانا ف نصهم واتحركنا:إحساس إني لسة ف الروضة ده أظنه م ح يفاارقني ابداً حتى بعد دخلت الجامعة..
أبوي:وحتى مهما تكبري ح تفضلي طفلتنا البنخاف عليها..
أمي:فعلاً.. وهو عندنا غيرك منو؟!
:م ننحرم يااخي♡.
.
.....
رجعت البيت وم شوفت تلفوني الا اليوم التاني.. لقيت إبراهيم متصل لي كم مكالمة.. كنت طالعة ع الجامعة.. قلت بعد اصل بتصل ليهو.. فعلاً وصلت الجامعة واتصلت ليهو
_اخيراً اتذكرتيني
=معليش والله تلفوني كان م فيه شحن والكهرباء قاطعة.. بعد جات ختيته ف الشحن ونومت بدري
_خير ي زولة. بقيتي كيف؟
=بخير الحمد لله.. انت كيفك؟
_بخير مدامك بخير.
=دايمة يارب.
_بوجودك. وصلتي الجامعة؟
=ايوة.
_بتخلصي محاضراتك الساعة كم؟
=4
_طيب ح تلقيني منتظرك برة
=ليه؟
_لو عايز أشوف خطيبتي وأقضي معاها شوية وقت محتاج سبب؟
م عرفت ارد بشنو
_يلا يوم دراسي موؤفق.. لبعدين أشوفك
=طيب مع سلامة
_ف امان الله. تيت.. تيت.
...
مر اليوم وطلعت لقيته فعلاً منتظرني.. وصلته مد لي يدهُ وهو مبتسم.. سلمت عليه.. بقى ماسك يدي مسافة وضاغط عليها وبعاين لي جوة عيوني.. جهجهني وخلاني م عارفة أعمل شنو..
انا_إبراهيم.
=عيونه"وهو لسة ف نفس الوضعية"
_ممكن تفك لي يدي.. نحن ف الشارع.
=خجلانة يعني؟.. حاضر ياستي.. هدي فكيتها..
سكتنا مسافة وهو لسة بعاين لي
_تحبي نمشي وين؟
=ولا مكان.. ياريت لو قلت كلامك هنا وخليتني امشي بيتنا
_بيتكم م طاير.. ح نقعد مع بعض شوية وح ارجعك بيتكم.. يلا ارح..
اتحرك قدامي وتابعته م عارفة ماشين وين..لحدي م وصلنا كافيه دخلنا وقعدنا فيه.. كان هادي وأغلبه فاضي..
_مأمن أنا عايز اسألك كم سوال وياريت تكوني صريحة معاي..
=أتفضل
سكت مسافة_إنتي ف زول جابرك ع الخطوبة دي؟
استغربت=لا ابداً.
_متأكدة؟
=اكيد.. ح يجبرني منو يعني.. ليه السؤال ده؟
_تعاملك معاي بقول كدة..
م رديت
مسك يدي_أنا بحبك ي مأمن.. م بستاهل تعامليني بالجفاف ده كلو..
فكيت يدي منه
_يعني انتي لسة خجلانة مني؟.. ولا م قادرة تتعودي علي ولا مالك بالضبط؟
=ماف شيء بس ده التعامل المفروض يكون بين اي خطيبين.
_كيف يعني م فهمت؟
=نحن خطيبين وبس. لسة م اتزوجنا عشان تعاملنا مع بعض يتغير..
سكت مسافة_يعني افهم إنتي محتفظة وخاتة كل الحواجز دي بينا لحدي م نتزوج؟
=اكيد
_ماف سبب تاني اكيد؟
هزيت ليهو رأسي بأيوة
_طيب مدام الموضوع كدة.. ممكن نعمل العقد اسي.. عشان نكسر الحواجز دي؟
عاينت ليهو وانا مصدومة
_عقد بس لحدي م تخلصي دراستك..
=لا..انا كدة مرتاحة
_ بس انا م مرتاح.. م قادر أتحمل بعادك مني ده أكتر ي مأمن.
م رديت
_عشان خاطري وافقي.
 =م تضغط عليّ ي إبراهيم لو سمحت.
_طيب انا آسف.
=نحن من البداية متفقين نعمل خطوبة بس.. وهدي كلها سمستر واحد وح أخلص تاني نعمل العرس.
_كلها سمستر!. بتقولي فيها كأنها ساعة وحدة!.. عايزاني اتحمل ده كلو ي مأمن؟
م رديت
بعد مسافة_طيب ياستي اي شيء عشانك ح أتحمله.. المهم راحتك عندي.
سكتنا مسافة
=بعد كدة ممكن امشي؟
_مستجعلة شديد..
=المغرب ح يأذن وانا برة البيت.. وابوي وامي ح يقلقوا عليّ..
_طيب م مشكلة.. يلا.
قام وقف ومشينا..
..
رجعت البيت وكلام إبراهيم ف بالي.. انا هل فعلاً ظالمة إبراهيم!.. اي صح كلامي نحن مفروض م نخط حدودنا بما إنه لسه خطيبين وبس. لكن برضو انا فعلاً م حاسة بحاجة إتجاه ولا عندي رغبة وشغف أكون معاهُ ف يوم.. انا عاارفة ف ناس كتيرة بتعرس بدون حب وبحبوا بعضهم بعد الزواج... بس خايفة م أقدر أحبه بعدين.. انا لسة بفكر ف عُمر ونفسي اكون معاهُ.. بس عمر بحب وعايز غيري.. وانا إبراهيم بحبني وعايزني.. م عارفة بالجد أعمل شنو!.. متوكلة عليك يالله متأكدة مستحيل تخذلني😔💔.
-----------------

ومن كان في حنايا الروح مسكنه فلا فرق إن رأته العين أو غاب...♡.
•••••••••••••••••••••••••••••••••••••••••••••••••••••••••••
 

#الحُب~التائب《03》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كلميهُ يا نسّايم قولي ليهو الشوق غلبني💔!

.
مرت ايام ماف جديد يذكر.. ف يوم لقيت تحفيظ قرآن فتحوهُ جنب الجامعة .. الفكرة اصلاً ف بالي من زمان بس كنت كسلانة.. مشيت سجلت فيه وبقيت بداوم فيه بعد المحاضرات.. الشيخة بقت تحكي لينا عن النقاب وفضله وحبيت الفكرة شديد وقررت ألبسه وأمي وأبوي رحبوا بالفكرة وشجعوني ولبسته فعلاً.. كنت مبسوطة ببهو شديد..   
ف يوم طلعت من الكلية.. ألقى إبراهيم واقف.. إستغربت مشيت وقفت جنبه.. بقى يعاين لي كأنه م عرفني
ضحكت_ م تعاين لي كدة.. انا مأمن
عاين فيني بصدمة
ضحكت_رأيك شنو بالله؟
=لابسة نقاب ليه؟
_إنتقبت.
=متين؟
_ده اليوم التالت.
فجأه ملامحه ظهر فيها غصب
=تعالي معاي
اتحرك وتبعته.. كان ف ست شاي مشى جاب لينا منها بنبرين"مقعدين" وجاء ختاهن تحت شجرة فاضية.. وقعدنا
_إبراهيم مالك؟ انت كويس؟
قبل م يرد لي تلفوني إتصل.. شلته رديت.. كانت صحبتي معاي ف التحفيظ عايزة تشوفني وين.. قلت ليها شوية وبجي وقفلت منها.
=ده منو؟
_صحبتي.
=جاية ليها وين.. بعد الزمن ده تاني؟
_تحفيظ
=تحفيظ؟
_اي سجلت ف تحفيظ قرآن
=من متين؟
_طولت.. لي إسبوعين كدة..
فجاة هاج بنبرة عصبية=تسجلي ف تحفيظ وتطلعي وتنزلي الايام دي كلها وانا م أعرف..تقرري و تلبسي النقاب وانا م أعرف.. تاني بالله قاعدة تعملي شنو بدون اناا م أعرف؟
_ف شنو اسي ف الموضوع ده عشان تعصب بسببه كدة؟
=م خاتة لي إعتبار وكل شيء ف حياتك بتقرري براك وتنفذي بدون م يخطر ف بالك تشاورني انا موافق ولا لا.
_وليه م توافق؟.. انا عملت شيء غلط؟
=أفهمي يابت الناس إنتي خطيبتي وح تكوني مرتي.. انا لي الحق أعرف وأدي رائي بأي قرار بخصك..
م عرفت أقول شنو سكت ساي..
_طيب ممكن امشي اسي عشان الحلقة م تفوتني
=ماف مشي الليلة لو م وريتني مالك إنتي..
_قبل كدة سألتني وقلت ليك ماف شيء.. خليني أمشي اسي.. وبنتفاهم بعد تهدى بعدين..
وعايزة اتحرك.. مسك يدي.. فكيتها منه سرعة
_ كفاية ي إبراهيم م ليك اي حق تمسك يدي.. ياريت تحترم الحدود دي
فجأة تلفوني تاني إتصل.. شاله من يدي وجدعه ف الأرض.
=لو جاتك مئة مكالمة الليلة م ح تتحركي من الحتة دي..
قومت من جنبه.. مسكني قعدني راجعة
 _انت مختلف؟.. م بتفهم!.. قلت ليك م تمسكني تاني..
=م إنتي البتحددي أمسكك ولا لا.. دي آخر مرة تعملي فيها حاجة بدون م تأخدي إذني.. ومن دربك ده تمشي البيت م عندي أي مرأة تاني بتطلع مكان براها بعد الوقت ده
_انا م ماشة اقل أدبي أفتكر.. انا ماشة اتعلم
=والله العظيم الليلة تمشي اصلو م ح يحصل خير بحذرك.
_وانت منو عشان تفرض رأيك عليّ.. ح أمشي.. وأعمل العايز تعمله..
=بعنادك ده ح تندمي وح تندميني معاك
_ماف حاجة خايفة منها عشان انا أندم عشانها.
واتحركت منه.. مشيت رفعت تلفوني.. لقيت شاشته الخارجية إنكسرت بس لسة شغال.. جاء إبراهيم لاحقيني ولسة الغضب ف عيونه
=مدام كدة.. معناها انا م لازماني مرأة م بتسمع كلامي
طوالي طلعت جونتيَّ و٠طلعت الدبلة من أصبعي
أديتها ليهو_وانا م لازمني راجل ح يكون عندهُ إعتراض ف شيء انا بعمله عشان طاعة ربنا.
ومشيت سريع قبل م يتكلم... وركبت مشيت التحفيظ.
.....
رجعت البيت بعد المغرب.. جيت داخلة لقيت أمي وأبوي قاعدين قدام التلفزيون وقدامهم كيك وشاي لبن...
انا_ايوووا.. م صدقتوا لقيتوني ماف.. طوالي عايزين تعملوا خيانات... خيانتكم كعبة لكن إلا الكيك بشاي اللبن ده.
ضحكوا.. امي:مُخلية ليك نص الصينية ف التلاجة والشاي معاها..
_كان كدي خلاص معليش..
ابوي=تعالي أقعدي جنبي
_ثواني بس وجاية
طلعت عبايتي ومشيت جبت لي كباية وصنينة الكيك وجيت.
قعدت جنبه:أحكي لي ي حِلو اها؟
=أحكي لي إنتي يومك كان كيف؟
_كويس والله الحمد لله.
=وصلتي الجزء الكم ف التحفيظ؟
_التاني يادوب🤦‍♀️.
=شدي حيلك.. عايزين نكرمك قريب بالثلاثين.
_ان شاء الله.
أمي:بكرة عازميننا تعارف أية بت عمتك.. عارفة؟
_اي شايفاهن بتكلمن عنه البنات ف القروب..
:جهزي نفسك من اسي.
_لا. انا م ماشة معاكم..
=ليه؟
_ امشي أعمل شنو؟
=ايمكن يعجبك واحد هناك.. تفركشي لي ود أختي بسببه
ضحكت
:ارح معانا ساي غيري جو
_م عايزة.. احسن استغل وقتي ف شيء ينفعني.. بقى عندي قراية جامعة وحفظ قرآن.. ان شاء الله انوم ساي احسن لي.. امشوا إنتوا وأنبسطوا
...
كملت شاييَ.. ومشيت غرفتي صليت العشاء ونومت ع طول..
صحيت الصباح مشيت الجامعة والتحفيظ وجيت راجعة.. لقيت ناس أمي وابوي جاهزين طالعين.. عاينت لأمي إنخلعت
_امي!!!!
:بسم لله الله اكبر.. م تعايني لي كدة اسي بتسحريني..
ضحكت ومشيت عليها_دي شنو دي كل الرهابة دي ي مرأة!!!؟
:شوفتي كيف؟.. مفتكرة النقاب رهيب فيك براك؟!
_ياخ انا شنو!.. انتي طفيتيني وطفيتي كل نساء الأرض باللبس ده
ضحكت:ياخي خلاص م تقعدي تخجليني كدة زي أبوك..
_كدي أقيفي أحصنك.. متأكدة أبوي حصنك.. بس تاني أحصنك انا.. الليلة الله يستر م يسحروك نسوان اهل راجلك ديل..
هي تضحك وانا حصنتها.. كان لابسة عباية خليجية فارة بالابيض ومعناها نقاب وطرحة بنفس اللون.. جاء أبوي طالع لابس جلابية بيضاء لافي عمة وشال ف كتفه. ولابس مركوب
=بتحصني أمك بس يعني؟ "غمز لي"
ضحكت ومشيت عليه_انتوا الليلة دي بتقتلوا ليكم زول بسماحتكم دي.. هوي ي مرأة لمي راجلك ده.. الليلة م يقوم يجيب لينا وحدة تانية
حمرت ليهو:هو كدي اللقدر يعملها...
=أقدر كيف وإنتي متحكِرة ف القلب ده كله.."آشر ع قلبهُ"
ضحكنا وحصنت أبوي..
 : م غيرتي رأيك تمشي معانا؟
_لا والله تعبانة عايزة أنوم
=طيب براحتك..نحن م ح نتأخر عليك.. المهم خلي بالك من نفسك وتلفونك جنبك ويكون عاااام.
ضحكت_حاضر من عينيا.
إتحركوا طالعين.. لحقتهم ومسكت يدينهم رفعتها بوستها.. وشربكتها ف بعض
_كدة ح تكونوا أحلى♡.
عاينوا لي بإبتسامة وطلعوا.
.
دخلت غرفتي وكنت مبسوطة عشان أمي لبست النقاب.. قعدت أدعي ليها ربنا يثبتها.. طلعت عبايتي ومشيت اكلت وصليت العشاء ورقدت ف سريري .. تلفوني إتصل.. رفعته لقيته إبراهيم.. عايز شنو مني تاني؟.. صمت التلفون وختيته.. بقيت أفكر سبحان الله من فركشنا أمس تاني م جاء ف بالي.. ولا حاسة بزعل إتجاه الموضوع ده.. ايمكن بالعكس حاسة حمل ونزل مني ومرتاحة كدة.. بس الله يستر م يعرفوا أمي وأبوي الليلة هناك ويجوا يعملوا لي موضوع..
سمعت صوت رسألة.. فتحتها كانت من إبراهيم"ردي بس ثواني.."... اتصل تاني.. رديت
_مأمن
=نعم؟
_انتي كويسة؟
=الحمد لله
_لسة زعلانة مني؟
=انا م زعلت منك اصلاً
_جد؟
=اي
_ليه م جيتي مع ناس خالي؟
=م قدرت.
_كنت عايز ارجع ليك دبلتك بعد تجي
=انا م عندي دبلة عندك..دي دبلتك وأخدتها ماف شيء بخليك ترجعها لي
_إنتي عارفة كويس انا بدونك م ببقى..
=قلتها براك بلسانك انا م بلزمك
_كنت زعلان.. وانا زعلان بقول اي شي بدون م اعرف معناه.
=من الآخر عايز شنو؟
_نرجع
=لعبة هو؟
_انا آسف.. م ح تكرر تاني..
=المشكلة م في تكررها.. المشكلة إنك بتلومني ف حاجات مفروض تكون انت اول واحد تشجعني عليها.. م بقدر اتجاوز انك منعتني أمشي التحفيظ عشان اتعلم كلام ربنا..
_انا م عندي مشكلة تتعلمي اكيد.. بس انتي حاجة بتخصيني وم بتحمل فكرة م خاتة لي قيمة واعتبار عندك
=انا قلت ليك قبل كدة نحن البينا خطوبة وبس.. يعني انا ف ذمة أهلي هم ليهم الحق يعرفوا اي شي عني بس انت لا.. انت م عاقد عليّ ي إبراهيم أفهم.
_قلتي كدة يعني؟
=اي
_ابشري. حلك عندي. تيت.. تيت.
قفل الخط ف وشي.. م فهمته قصده وناوي ع شنو!..
ختيت التلفون وطفيت النور ونومت.
....
صحيت ع أصوات صراخ وبكاء.. قومت مخلوعة قلت بسم لله الرحمن الرحيم المات منو من الجيران يالله.. فتحت النور لقيت عبايتي بتاعة الصلاة لبستها وجريت برة ألقى الناس واقفين جنب باب بيتنا جوة البيت.. ويبكوا مشيت عليهم وبقيت اسأل ف شنو؟ ف شنو؟.. النسوان بقن يمسكن فيني ويبكن ويعزن فيني..وانا م فاهمة اي شيء.. بعد شوية جابوا جنازتين وراء بعض مغتطينهم بملايات دخلهم جوة بيتنا.. والناس بقت تبكي زيادة.. جريت لحقتهم وقعدت جنبهم وانا قلبي عايز يطلع مني من الخوف.. بقيت اصرخ ديل منو؟ ديل منو؟.. فجأة جاء إبراهيم قعد جنبي ضماني عليه وبقى يبكي.. بعدت منه بسرعة
_ديل منو ي إبراهيم؟
=مأمن. خالي ومرأة خالي مشوا لربهم💔.
-------------------
بلسان إبراهيم:
مأمن بقت تعاين لي مصدومة مسافة.. وفجأة قامت جرت فتحت الجُثة الأولى لقته خالي. حسيت بيها هبطت ومشت حبيان لحدي م وصلت الجُثة التانية فتحتها لقتها أمها.. بقيت أعاين ليها م عملت اي ردة فعل وعيونها بقت تصغر شوية شوية لحدي م غمضتهم ووقعت ف الأرض وفقدت الوعي.. جريت عليها حاولت أصحيها.. م صحت شيلتها وجريت بيها المستشفى..
----------
بلسان مروة"اخت إبراهيم" :
جيت قعدت مع مأمن ف المستشفى وإبراهيم رجع الدفن.. كنت قاعدة جنبها ف السرير.. صحت وبقت تعاين لي
_مروة
=اي حبيبتي
_بتبكي كدة ليه؟.. انا كويسة ي هبلة "إبتسمت لي"
=الحمد لله.
_أمي وين؟.. وابوي؟.. كلميهم خلوا يجوا يشوفوني أنا كويسة.. عارفاهم ح يكون قلقانين وخايفين علي..
حضنتها وبقيت أبكي زيادة=ربنا يرحمهم ويجمعك بيهم ف الجنة ياارب..
فجاة بعدت مني_هو انا لسة م صحيت من حلمي ده يعني؟؟!.. "رفعت رأسها لفوق وغمضت عيونها" يارب كفاية انا عايزة أصحى من الحلم المؤلم ده...
مسكت وشها ولفته علي=مأمن إنتي م بتحلمي.. نحن ف الواقع.. انتي إنسانة مؤمنة.. خالي أحمد وخالتي نعمة عملوا حادث وهم جاين عليك وربنا كتب أجلهم يكون فيه.. أستغفري وأدعي ليهم بالرحمة
بقت تعاين لي وساكتة.. فجأة رقدت ف السرير وغطت وشها.. خليتها واتصلت ع إبراهيم
_ألو
=اي. مأمن صحت؟
_صحت الحمد لله.
=كويسة؟
_م عارفة لسة ف حالة صدمة ومفتكرة نفسها بتحلم.. حاولت أوريها ده الواقع.. بعد كلامي ليها رقدت وغطت وشها.. شكلها يادوب بقت تبكي..
=طيب تمام.. انا جاي عليكم..
...
شوية وإبراهيم جاء لقاها بنفس حالتها ديك.. ناداها
_مأمن. "م ردت"
_مأمن أرفعي وشك.. إنتي كويسة؟ "م ردت"
_مأمن. "م ردت.. جاء يقومها.. مسكت انا يدهُ"
=خليها انا بقومها. "مسكتها ورفعت ليها رأسها.. م كانت ولا دمعة ف وشها.. بس ساكتة وبتعاين فينا"
_مأمن م تخوفينا عليك إنتي كويسة؟ "م ردت"
=باين عليها لسة الصدمة م فكت منها "بقيت أبكي ع حالتها"
_لازم نطلعها من الصدمة دي وتقدر تبكي
=ارح البيت.. ايمكن هناك تقدر تبكي.." قومتها ومشينا البيت"
..
دخلنا البيت لقينا كل الناس بتبكي.. مسكوا مأمن وبقوا يبكوا معاها..
مر اليوم وهي لسة مصرة م تنزل ولا دمعة منها.. البشوفها بتعاين كيف ف الناس بقول بكمة وطرشة..!
---------------
 بعد مرور إسبوع
 بلسان مأمن:
صحيت من النوم لقيت عمتي نُسيبة" أم إبراهيم" نائمة جنبي ف السرير.. قومت براحة من جنبها مشيت غرفة أمي وأبوي وبقيت أدق ف الباب مسافةةة.. ماف زول فتح لي.. بقيت انادي أمي.. أبوي... ماف رد.. ف الآخر مسكت مقبض الباب فتحته ودخلت.. عاينت ف كل الغرفة م لقيت زول.. بقيت انادي ليهم بأعلى صوتي.. جات عمتي نسيبة داخلة
_يابتي بسم الله مالك؟
=عمتي م لقيت امي ولا أبوي.. ح يكونوا مشوا وين ف الليل ده؟
وطلعت من الغرفة أفتش ف كل البيت.. لقيت ناس كتيرة نايمة إلا أمي وأبوي جيت غرفتي أفتش ف تلفوني وعمتي لاحقاني من حتة لحتة تتكلم معاي م عارفاها بتقول ف شنو..
_يابتي كفاية تعملي ف نفسك كدة
=شوفتي تلفوني ي عمتي؟
_عايزة بيهو شنو؟
=عايزة اتصل ع أبوي اشوفهم مشوا وين ف الليل ده
قعدت تبكي_ادعي ليهم ي مأمن.. هم مع ربهم اسي
=انتوا ليه مصرين كلكم تكذبوا علي.. حرام عليكم.. حتى انتي ي عمتي بتمني ليهم الموت!!..
طلعت من الغرفة ورجعت غرفة أمي و أبوي وبقيت أصرخ ليهم.. فجأة أحس عمتي قدامي بتضربني كف..
_خلاص ي مأمن اوعي.. امك وابوك ماتوا ماتوا.. أرجعي لوعيك وأبكي.. م تعملي كدة حرام عليك.. ده حكم ربنا أرضي بيهو ووحيدي الله يابتي..
 قعدت ف الأرض و جواي تردد جملة" امك وابوك ماتوا ماتوا" بقيت افكر فيها وحسيت نار اشتعلت جواي وصلت حلقي.. دموعي نزلت وبقيت أبكي بحرقة شديد...
....
 بلسان إبراهيم:
كنت راقد ف الصالون وبسمع ف كلام أمي من قبيل مع مأمن.. جواي رغبة شدييدة أمشي عليهم وأشوف مأمن.. ف الآخر م قدرت وتابعت رغبتي بعد سمعت صوت بكاءها.. قومت مشيت عليهم تابعت الصوت لحدي م وصلت الغرفة.. لقيت مأمن ف حضن أمي وهي بتبكي.. جيت جنبهم
قلت ليها_مأمن
أمي =أطلع من هنا.. م شايفها م لابسة كويس..
_حاضر بس سكتيها.. البت بتموت بالحالة دي..
=خليها تبكي.. احسن من الصدمة الكانت فيها إسبوع دي... اطلع يلا..
طلعت من الغرفة وقلبي مقطع عليها واتمنيت ف اللحظة دي لو بقدر أخدها ف حضني واواسيها.
.
------------------------
 بعد مرور إسبوع
 بلسان مأمن:
قبل م أحكي ليكم الحصل ف الإسبوع ده شنو تعالوا اوريكم إنه عندي عمة وحدة ياها نسيبة دي.. أبوي الكبير ف أخوانه.. بعده عمتي نسيبة.. وبعدها عمي مصطفى ..جدي وحبوبتي متوفين.
عمتي نسيبة عندها إبراهيم الكبير.. ومروة قدري فرقنا شهور بس.. وأية بعدها.
عمي مصطفى عنده ولدين وبت صغار يادوب ف الإبتدائي.. البت أصغر وحدة عمر سنتين.
خالتي هنادي وحدة عايشة برة السودان وبرضو جدي وحبوبتي متوفين.. يعني انا بقيت وحيدة بالمعنى الحرفي💔.
....
أحكي ليكم شنو بس!!.. وهو ف كلام بوصف شعور فقدان أغلى شيء عندك ف الدنيا وللأبدددددد💔.
حرفياً كان أسوء ايام حياتي.. عايشة بإسم عايشة.. فكرة موت أمي وأبوي حرفياً كانت ف غمضة عين م قادرة اصدقها.. بقيت ساكتة وشاردة وراقدة ف سريري طول اليوم.. بأكل بدون إحساس بشرب بدون إحساس حتى الصلاة بصلي بدون إحساس.. كانوا طول الفترة دي عمتي وعمي وأولادهم حارسيني وقاعدين معاي ف بيتنا.. خالتي جات عزت ورجعت  سافرت..
...
كنت راقدة ف غرفتي الصباح الباب دق.. قلت اتفضل.. دخل عمي مصطفى جاء قعد جنبي..
_مأمن بتي أصبحتي كيف؟
=الحمد لله رب العالمين
_يتقبل حمدك يارب
=آميين
_مأمن عمتك الليلة راجعة بيتها.. وانا برضو.. فعايزك تجهزي شنطتك وتمشي تعيشي معاي ف بيتي
=بس ي عمي انا عايزة أعيش ف بيتنا ده. م نفسي أطلع منه دي الزكرة الوحيدة البقت لي من أمي وأبوي
عيونه إتملت دموع غمضتها وفتحها_بس انا عايز أرجع بيتي واولادي كمان عايزين بيتهم
=أرجعوا اصلاً كفاية م قصرتوا.. انا ح اقدر أعيش براي م مشكلة
_ تعيشي براك كيف يعني؟.. ف زول بعيش بعيد من أبوه وهو لسة عايش ف الدنيا دي؟
رفعت عيوني فيه
_صح أبوك أحمد بقى ماف ف الوجود بس ابوك الصغير قاعد.. الله يقدرني وأبقى ليك زيه ولو بسيط..
سكت ونزلت عيوني.. ضماني عليه وباس رأسي وطلع..
نهائي م نفسي أطلع من بيتنا بس م بقدر أبقى أنانية وأخليهم يخلوا بيوتهم ويقعدوا معاي انا.. واكيد مستحيل يخلوني براي.. خلاص انا بقيت مشردة ومقطوعة من شجرة غصباً عني اعيش بالحال الكاتبه لي ربنا 💔..
قومت ألم ف حاجاتي واتذكر موقف اي حاجة قدامي جابوها لي امي ولا أبوي ودموعي شغالة تنزل... فجأة جات عمتي داخلة
_مأمن
مسحت دموعي وإلتفت عليها=نعم ي عمتي
جات جنبي قعدت وقعدتني_مأمن بتي م نفسك تمشي تعيشي معاي انا؟
م عرفت أرد بشنو؟..
_م ح أضغط عليك.. لو عايزة عمك أمشي معاهُ هو أصلا مُصر يسوقك.. بس انا قلبي م ح يكون مرتاح وأنتي بعيدة مني..
سكت مسافة=م فرقت ي عمتي لو معاك او معاهُ.. مدام هو مُصر ح أمشي معاه اسي.. واكيد ح اجيكم انتوا كمان.. أصلاً بقى م عندي غيركم أمشي ليهو
نزلت وشي وبقيت أبكي.. ضمنتي عليها وبقت تبكي معااي💔...
.....
 بعد مرور شهرين :
مشيت وقعدت مع عمي. ومرات عمتي تجي تسوقيني أعدي معاهم ايام واجي راجعة لناس عمي.. بس م كنت مرتاحة بالجد وحاسة مرته م عايزة وجودي ف البيت.. خاصة بيتهم ضيق ووضعهم ع قدرهم.. بس جمدت قلبي وقعدت.. لحدي ف يوم جاء عمي يتكلم معاي
عمي _مأمن. إبراهيم ود عمتك جاني أمس وفتح معاي موضوع عرسكم
رفعت رأسي وأنا مخلوعة
_عارف إنتي لسة حزنانة وم بتفكري ف الموضوع ده اسي.. بس هو فتحه معاي قبل كدة وانا قلت ليهو ده م وقته.. بس امس تاني جاني وقال لي ان شاء الله اسي تعملوا العقد بس والعرس يتأجل ع راحتك..
قاطعته=بس أنا م عايزة إبراهيم ي عمي
_شنو؟.. كيف؟
=نحن فسخنا خطوبتنا قبل وفاة امي وابوي
_بس هو م جاب لي سيرة زي دي
=اتصل ليهو اسأله اسي لو م مصدقني
_لا م قصدي كدة.. اكيد مصدقك
سكتنا شوية
_طيب معنى كلامه لي هو لسة عايزك.. انتي رأيك شنو؟
=م عايزاهُ.
_ليه؟
م عرفت ارد بشنو
_طيب أهم شيء راحتك..
=عمي إنتوا مضايقين من وجودي معاكم انا عارفة.. الله يخليك خليني ارجع بيتنا..
_ده كلام شنو ي مأمن بتي؟.. اوعك تفكري كدة لحظة.. هو نحن م صدقنا لقينا ليها بت كبيرة حلوة زيك ملأت علينا بيتنا.. وكان ع العرس اتاكدي تماماً م ح اجبرك تعرسي واحد انتي م قبلانة بيهو لو عيشتي عمرك كلو معاي.
=بس..
قاطعني_انتي مُصرة تزعليني وتحسسيني بتأنيب الضمير عشان فتحت معاك الموضوع ده؟
=لا والله ي عمي م قصدي
_طيب خلاص انسي وعيشي ف بيتك ده طبيعي.. ولو م شالك البيت يشيلك رأسي يابتي.
......
اليوم التاني كنت برة البيت جيت داخلة سمعت مرأة عمي تتكلم بصوت عالي
أميرة"مرت عمي"_وانا ذنبي شنو اتحملها؟.. م كفاية متحملاك انت معيشني ف بيت زي ده كمان جايب لي بت أخوك تشاركني فيه وتقعد ف غرفة كاملة وتمسكها ع حسابها؟!
=ربك كريم ساعي أشوف لينا بيت أحسن..
_وليه تشوف؟.. عرس ليها إبراهيم ود عمتها بس وخلي يسوقها.. كمان هي الزيها ترفض ليه؟ مفروض تحمد ربها ف راجل عايز يعرسها ويلمها عليه
فجأه عمي بقى جايط ويكورك.. دخلت طوالي يادوب هم انتبهوا لي كنت وراهم.. م اديتهم مجال يقولوا شيء دخلت غرفتي ورقدت واتغطيت وبقيت أبكي ع حالي ده💔.
...
المساء طلعت من غرفتي.. مشيت المطبخ اشرب لي موية.. لقيت أميرة مرأة عمي هناك.. كانت بتعاين لي ساي
قلت ليها_انا آسفة والله ع وجودي المضايقكم ده.. بس صدقيني انا عايزة أرجع بيتنا بس عمي الرافض..
م ردت لي
_لدرجة زعلانة مني؟
=أمشي ع غرفتك.. انا م سألتك ده كان نقاش بيني وبين راجلي انتي م عندك دخل فيه.
سكت ورجعت غرفتي وانا زعلانة وندمانة ع كلامي معاها.. ف لحظة خطرت لي اخلي البيت وأطلع منه.. وفعلاً م كذبت لبست عبايتي وشلت شنطتي وجيت طالعة..تقريباً كان عمي ماف.. طلعت لقيت أميرة واولادها قاعدين
_ماشة وين يبت ف انصاص الليالي؟
م رديت ولا اتلفت عليها واصلت ومشيت
بقت تنادي فيني وتجوط..طلعت وبقيت ماشة م عارفة أمشي وين!.. خطر ف بالي أمشي بيتنا بس وفعلاً ركبت مواصلات ووصلت حيّ بيتنا.. جيت مارة ببيت جيرانا و صحبتي بتقرأ معاي ف الجامعة.. بدون م أحس لقيت نفسي بدق ف بابهم.. فتح لي أخوها
_ي اهلاً
=أحمد كيفك؟
_مأمن!!.. الحمد لله.. إنتي كويسة؟
=كويسة. نرجس قاعدة؟
_اي. ادخلي اتفضلي
=لالا بس ناديها لي..
مشى ناداها.. ثواني وجاتني جارية
نرجس_مأمن حبيبتي😭"حضنتي طوالي"
أحمد:م تقيفوا ف الشارع ادخلوا جوة.
مسكتني نرجس ودخلتني.. اهلها سلموا علي ورحبوا بي ونرجس ساقتني غرفتها.. رفعت النقاب من وشي..
_ده شنو؟ مالك بسم لله؟
فجأة إنفقعت بكاء.. ضمتني علبها وبقت ساكنة... خلتني بس أبكي مسافة طويلة.. بعد سكت مشت جابت لي موية شربت وغسلت وشي..
_الحاصل شنو؟
=جيت اقعد ف بيتنا.. وقلت اغشاك قبل أمشي
_بيتكم؟ براك؟
=اي..
_م جادة طبعاً.. عمك سمح ليك كيف تجي؟
م رديت.
_م تقولي لي جاية بدون م يعرف!..
م رديت
_مأمن بتكلم معاك انا..
=اي م عارف وم عايزة يعرف
_بتبالغي.. تطلعي ف وقت زي ده براك وم تكلمي ولا زول!.. م خوفتي ع نفسك يحصل ليك شيء!؟
=ياريت لو بحصل..
ضربتني ف كتفي_تفي من خشمك ي حيوانة.. الحالة دي إنتي الإنسانة الواعية والمؤمنة بربنا تقولي كدة!.. تبري لي انتي.. انا تاني ألقى لي صحبة وين؟
ابتسمت ليها
_اتصلي ع عمك كلميه.. ح يكونوا قلبوا الوطة عليك..
=م ح اتصل ع زول
_حرام عليك ي مأمن تخوفيهم عليك. اتصلي بس طمنيهم انك كويسة..
=انا ماشة بيتنا خلاص
_ف عينك.. والله م تطلعي شبر من الببت ده.
م رديت. ولبست نقابي وقومت طالعة.. مسكتني
_بطلي عنادك عليك الله.. اقعدي ي مأمن
=ح اجيكم وقت تاني.. أصلاً ده م وقت زيارة..
فجاة جات أمها داخلة.. نرجس حكت لأمها اي شيء.. وجبروني أبيت معاهم وم قدرت أرفض.
...
الصباح:
_مأمن لسة مُصرة م تكلمي عمك؟
م رديت.
_والله حرام عليك
..
بقيت قاعدة أفكر.. متأكدة ماف زول ح يخليني أقعد ف بيتنا براي...ماف حل غير أرجع بيت عمي واوافق ع زواجي من إبراهيم اصلاً ماف حل غير كدة💔.
قمت صليت ركعتين الضحى وبدعي لأمي وأبوي.. ولنفسي يسهل علي الإبتلاء الصعب الكتبه لي ده..
بعد الفطور أثناء م نحن قاعدين نتونس انا ونرجس جات أمها داخلة
:مأمن عمك ده برة بسأل منك
عاينت ليها مصدومة.. عمي عرف من وين انا هنا؟!.. معقولة كلمه أهل نرجس!.. لبست عبايتي وطلعت ليهو.. كان قاعد براهُ.. بقى يعاين لي نظرات لهفة.. مسكني وضماني عليه
_الحمد لله إنك كويسة.. الحمد لله رب العالمين "باس رأسي وبعده منه".. م عارفة كنت خايف عليك كيف! .. ليه عملتي كدة ي مأمن بتي؟.. انتي صغيرة عشان تعملي فينا كدة؟
م رديت
_انتي بقيتي أمانة ف رقبتي ربنا وابوك وامك بسألوني منك بعدين.. لو حصل ليك شيء أقابلهم بياتو وش؟
م رديت
_م تعملي كدة ي مأمن تاني مهما يحصل.. فاهمة؟
هزيت ليهو رأسي اي
_طيب يلا نمشي بيتنا..
=طيب. ثواني اجيب شنطتي من جوة
_أسرعي. ود عمك ده برة منتظرنا
ود عمي!.. استغربت ود عمي منو؟.. بس م سألت.. واصلت ع طول جوة.. ودعت ناس نرجس وجبت شنطتي و طلعت...
طلعنا برة الشارع اتفاجأ ألقى عمر ف وشي.. عاين لي ثواني..وفجأة غمض عيونه ونزل رأسه ف الأرض.. وركب العربية بدون م يقول لي شيء.. عمي فتح لي باب العربية الوراء وقال لي أركبي.. ركبت وهو ركب قدام مع عمر الكان سائق هو...
بقيت أفكر عمر الجابه شنو هنا؟.. وليه م بتكلم معاي وبتجاهلني كدة!.. حتى مستخر يعزيني بكلمتين ف وفاة أمي وابوي... لدرجة دي انا بقيت م بعني ليهو!!! 💔.
وصلنا البيت وكالعادة عديت يومي ف غرفتي كلو.. م اتكلمت مع اي زول من جيت بس حابسة نفسي ف الغرفة.. وفكرة أكلم عمي بمؤافقتي ع زواجي من إبراهيم مسيطرة ع عقلي.. قدر ما فتش لحل غيرهُ م لقيت.. ف الآخر بعد المغرب صليت ركعتين وإستخرت.. وطلعت أشوف عمي وين عشان أكلمه...مشيت لعمي.. أول ما شافني
_مأمن تعالي بتي.. أقعدي هنا
مشيت قعدت جنبه
_معليش أميرة.. ممكن تقومي تكبي لمأمن شاي من جوة؟
ردت ليهو:حاضر. وقامت مشت
=عمي انا عايزة اتكلم معاك ف موضوع..
_وانا كمان عايز اتكلم معاك ف موضوع
=أتفضل اتكلم انت أول..
_انا عرفت ليه إبراهيم.......
-------------------

أحًتٍآجُگٍ فُقط ، ولّآ آستٍطيِع وصِفُ آلّمٌزُيِد ..
•••••••••••••••••••••••••••••••••••••••••••••••••••••••••••
 

#الحُب~التائب《04》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
"شاقي البلود كايس الديار .. كان ألقى في عينيك وطن....❤️. "

 بلسان عمر♡:
أنا عمر .. 26سنة.. اتخرجت لي 3سنين.. أصغر واحد ف أخواني..أمي فاطمة. وأبوي عبد الرحمن. عندي أختي الكبيرة أمنة وبعديها أخوي محمد.. ساكنين الخرطوم.
طبعاً عارفين مسبقاً علاقتي بمأمن.. اكيد ح تكون حكت ليكم.. وهي اصلاً لو م حكت بي تحكي بمنو؟!.. عارفاها ميتة بدربي وشرقانة بي😂❤️.. بس ال م عارفهم إنتوا إنه انا بتنفس حاجة إسمها مأمن بدل الأوكسجين♡.
.. تقريباً حبيتها من أول يوم شوفتها فيه.. بقت ف خيالي دائماً لحدي م قررت اصل ليها وفعلاً نجحت لحدي م بقيت بصبح بوشها كل يوم مدة سنة كاملة.. وكانت من أجمل سنين عمري♡.
 م قدرت اصارحها بمشاعري رغم متأكد إنها م ح ترفض مشاعري ليها لأنها بتحبني.. حُبها لي كان ظاهر ف كل حركاتها وكلماتها وأفعالها.. بس حسيت هي تستاهل إعتراف أعظم من الإعتراف العادي البحصل بين اي إتنين.. تستاهل إعتراف يليق بعظمتها عندي.. إعتراف يكون قدام الخَلق كلها و القسيمة البتربط بيني وبينها ف يدي.. كنت ناوي أعترف ليها بالفعل قبل القول♡.
كانت علاقتنا سمنة ع العسل.. لحدي ف الفترة الآخيرة بقت تخترع مشاكل وحجج من ماف عشان تحظرني وم تتواصل معاي.. كنت متعود ع الحاجات دي ف علاقتنا دائماً.. عارفها عندها كدايس ونفسيات مرات بتقوم عليها وبتشاكلني وبترجع لي تاني ف ساعتها.. بس ف الفترة الاخيرة زادت بصورة م طبيعية وبقت تقدر تغيبي عني بالايام وماف اي تحنيس وإعتذار بنفع معاها.. بقيت اشك دخل زول غيري حياتها وبطلت تحبني.. قلبي كان واجعني جداً من الفترة ديك وخلاص فكرت إني خسرتها.. بس خليتها براحتها َ.. لحدي م جات ف يوم قالت لي لازم نقطع علاقتنا ببعض لأنها حرام.. م كنت مقتنع بالكلام ده.. وحاولت افهميها ماف شيء زي ده.. بس م اقتعنت وعملت الفي رأسها.. بعدت مني وحالتي بقت حالة💔.. م اتخيلت ابدا ف يوم مأمن تقدر تبعد عني بس فعلاً عملتها.. كان دائماً بدور ف رأسي هي كيف قدرت تعمل كدة!.. انا عارف قدر شنو هي متعلقة بي.. كنت دائماً براجع دردشاتنا القديمة وبقيت أفكر ف اخر كلام كان بينا.. هو فعلاً بعدت عني عشان تواصلنا كان حرام!!.. معقولة يكون عشان كده ماف سبب تاني؟..
ف يوم مشيت لإمام المسجد الجنبنا وسألته من الموضوع وطلع متفق مع رأيي مأمن.. بقيت أمشي للإمام ده كتير واتعلمت منه حاجات كتيرة م كنت عارفها.. بقيت أحضر محاضرات دينية كتيييير ف اي مكان.. واي زول أحسه متدين بقعد وبتونس معاهُ .. فجأة حسيت نفسي كنت إنسان جاهل بالمعنى الحرفي رغم عندي شهادة جامعية بمرتبة شرف.
بقيت بس نفسي اتعلم عن الدين وعن ربنا ورسوله... لقيت نفسي بقى الأصحاب الحوليني كلهم شيوخ وناس مشاء الله ف علم الدين وشجعوني ع حفظ القرآن والأحاديث وقراية كتب السيرة النبوية وقصص الأنبياء والصحابة وهكذا... وفعلاً حياتي مشت ع النهج ده.....  وأبشركم بفضل الله خلال السنوات دي اتمتت حفظ الثلانين جزءً من القرآن عن ظهر قلب.. ومئآت الأحاديث لرسول الله صلى الله عليه وسلم♡.
كنت ف كل سجدة بدعي ربنا يغفر لي وليها عن السنين الكنا متواصلين فيهم.. رغم كنت بحبها حب طاهر وعمري معاها م فكرت أذيها بأي شكل وأعمل معاها حاجة غلط.. كان تعاملي معاها تعامل أخ مع أخته بالضبط. بس الغلط يفضل غلط حتى لو النية سليمة. فكنت دائماً بدعي يغفر لينا ويجمعنا بحلاله♡.
اليوم الجات فيه المستوصف عيانة مع إبراهيم وكلمني فيه إنهم إنخطبوا زعلت شديييد بس كان ف إحساس جواي بقول لي مأمن م ح تكون لغيرك.  كنت شايف فكرة تكون لغيري دي حاجة بعييدة شديد.. م عارف اليقين ده جبته من وين!.. بس كنت واثق ف ربنا م ح يخذلني.. وفضلت أدعي زي ما كنت وأكتر كمان إنها تكون من نصيبي♡.
وفاة أمها وأبوها أثرت فيني شديد وهزتني.. طول الفترة دي انا بفكر فيها اليوم كله.. بتعمل ف شنو؟.. حاسة بشنو؟.. حياتها ماشة كيف بدون اهلها؟.. بتأكل؟.. بتشرب؟.. بتنوم؟.. بتبكي؟.. قلبها واجعها؟.. قدرت تتقبل الفكرة ولا لسة مصدومة؟.. عيانة؟.. عمها واولاده بعاملوها كويس؟...إلخ.......
دي كل الأفكار البتدور ف رأسي ف اليوم ألف مرة.
.
الليلة الصباح أبوي قال لي ماشي أزور عمك مصطفى وقلت ليهو عايز أمشي معاك. رغم عندي دوام ف المستشفى.. م عارف كنت عايز أمشي ليه!.. بس جواي رغبة أمشي المكان الفيه مأمن.. رغم عارف م ح أقدر اشوفها. بس إحساس هي معاي ف نفس المكان بطمني.. وأعرف إنه م حاصل ليها شر كفاية عندي.
مشينا ووصلنا.. دقينا الباب فتح لينا ولد عمي مصطفى الصغير عمر6سنوات.. سألناه أبوك وين؟.. قال لينا:"مشى يفتش لمأمن بت عمو أحمد من أمس طلعت بليل زعلانة من أمي وم لقيناها."
جن جنوني ف اللحظة ديك وم عرفت أعمل شنو.. غير ركبت عربيتنا حتى م انتظرت أبوي يركب.. واتحركت..بعد مسافة وعيت ع صوت منادتته لي.. وقفت ليهو ركب ورجعنا البيت..اتصلت ع عمي مصطفى وسألته لقاها ولالا؟ قال م لقاها. طلعت طوالي وبقيت لافي براي ف الشوارع..واشيل واتصل ليها تلفونها مغلق..وبدعي ف سري تكون كويسة وألقاها.. م خليت مكان م خظر ف بالي هي ح تكون فيه و م مشيت ليهو.. حتى الجامعة وبيتهم مشيت... كنت عايز أجن بآلاف الأفكار البتدور حالياً ف راسي💔... بس بدعي يالله يالله يالله💔...
ف الآخر جاني إتصال من رقم غريب.. رديت
 _ألو. السلام عليكم
جاني صوت بت.. رديت ليها=وعليكم السلام ورحمة الله
_عمر عبد الرحمن؟
=ايوة. أتفضلي.
_معاك نرجس.. صحبة مأمن بت عمك كنا ف الجامعة سوا لو بتذكر..
اتذكرتها ع طول لأنه مأمن م كان عندها صحبات كتير ف الجامعة.. تقريباً نرجس دي أقرب ليها وحدة لأنها جيرانهم بمشوا وبجوا سوا ف احيان كتييرةة
=أيوة اتذكرتك..
_معليش ع الإزعاج بس م قدرت اصل لرقم زول من أهل مأمن غيرك.. شلته من قروب الجامعة.. مأمن طلعت من بيت ناس عمها وجاتني قاعدة معاي من أمس بدون م تكلم زول.. ياريت تطمن ناس عمها عليها إنها كويسة..
سكت مسافة غمضت عيوني وانا بردد جواي الحمد لله رب العالمين♡
=ممكن ترسلي لي مؤقع بيتكم ف الواتس؟
_طيب. تيت.. تيت.
اتصلت ع عمي مصطفى وكلمته بالحصل.. وصف لي مكانه مشيت ليهو و مشينا لمأمن..
قبل م  نصل هناك كنت بفكر ف الكلام القاله لي ولد عمي مصطفى.. مأمن خلت البيت بسبب زعلها من مرأة عمها.. يعني مأمن م كانت مرتاحة معاهم.. انا كيف اسمح لنفسي مأمن تنذل وتزعل وانا موجود ف الحياة دي💔.. سألت عمي مصطفى بدون مقدمات
:لسة مأمن مخطوبة لإبراهيم؟
عمي عاين فيني كم ثانية استوعب سؤالي ليهو..وانا متوتر وخايف من الرد يكون اي💔.. بقيت أحوقل وأدعي ف سري م يرد لي بالرد ده.
رد
:لا. إنفصلوا زمان من قبل وفاة أخوي ومرته الله يرحمهم.
غمضت عيوني وحسيت هواء بارد دخل ملأ لي ريئتين.. حمدت ربنا ف سري بدون اقول لعمي حرف زيادة.
وصلنا.. خليته يدخل يجيب مأمن و أنا انتظرته برة.. بعد جات طالعة م قدرت م أعاين ليها وأطمن قلبي عليها.. وياريتني م عاينت.. م شوفت غير عيونها المُتورمة والمُحمرة والمليانة دموع.. ف الثانية العاينت ليها فيها دي حسيت بطعنة سكين جوة قلبي. عمضت عيوني ونزلت رأسي وركبت العربية.
كنت سائق وماف غير فكرة وحدة ف رأسي"أنا ح أتزوج مأمن ف أقرب وقت ومهما كان التمن.".
وصلنا البيت وعمي عزمني أشرب القهوة معاه وم رفضت لأنه اصلاً لو م عزمني كان عزمت نفسي براي عشان افاتحه ف موضوع حُلم العُمر الكنت منتظرهُ لي سنين♡.
م قدرت أجل الموضوع أكتر وأنتظر أكلم أبوي وناس بيتنا.. واصلاً ف كل الأحوال انا ح اتزوجها حتى لو م وافقوا لي.. بس متأكد م ح يكون عندهم مشكلة..
أثناء بنشرب ف القهوة بدون مقدمات
_عمي انا بطلب مأمن بت أخوك لي على سنة الله ورسوله♡.
عاين فيني بصدمة
_بعد إذنك.. لو م عندك مشكلة يعني..
سكت مسافة=أكيد أنا م ح يكون عندي مشكلة.. بس هي م عارف...
قاطعته_هي اسألها وأخد رأيها براحتكم.. رغم انا متأكدة من جوابها
=كيف؟؟؟؟!!
_م تفهمني غلط. مأمن بت أخوك أشرف بت وم عملت ولا بتعمل شيء غلط.. بس نحن كنا بنقرأ سوا زي ماعارف..وأنا كنت عايزها من الزمن داك وحسيت هي كمان م كان عندها مشكلة.. بس حسب ظروفي م قدرت اجي اتقدم ليها بحياة عمي أحمد ربنا يرحمه.. ويادوب ربنا راد الليلة أجي أطلبها منك..
حسيته بقى يفتش ف كلام يقوله لي بس م لاقي
=خير.
.
--------------------------------------
 بلسان مأمن :
عمي _انا عرفت ليه إبراهيم إنتي رافضاه..
عاينت ليهو "قصدك شنو؟"
_وأحب أبشرك الراجل الكنتي منتظرة من زمان يجيك .. جاء الليلة وطلبك مني.. وانا وافقت بس برضو عايز اتأكد من مؤافقتك.
عاينت ليهو ببلاهة بستوعب ف كلامه!!!!...
ضحك_اي عُمر ود عمك عبد الرحمن م غيرهُ❤️.
بقيت أعاين ليهو مصدومة مسافة....
_اها قلتي شنو؟
م اديت اي ردة فعل وحسيت كل حواسي وقفت م قادرة أعمل اي فعل او حركة... بس فجأة دموعي نزلوا بعد استوعبت الكلام ده...
إبتسم لي_خلاص أمسحي دموعك.. ردك وصلني♡.
باس رأسي وقام خلاني.. م عرفت اعمل شنو؟.. بس قومت رجعت غرفتي وقفلتها علي وانا حاسة إني ف حِلم.. كيف عمر جاء اتقدم لي بعد السنين كلها!!.. معقولة يعني كان بحبني زي م انا بحبه!!. َطيب كيف عمي عرفني انا كنت عايزاهُ من زمان!!!!.. الف فكرة والف لخبطة ف رأسي بقيت أفكر فيها لحدي م نومت.
...
صحيت الفجر صليت وم قدرت اطلع من غرفتي.. م عايزة اشوف وش عمي.. م عارفة ليه!.. ايمكن خجلانة!.. المهم م عارفة بس قعدت ف غرفتي لحدي الساعة 9...فجاء باب الغرفة دق.. قلت اتفضل. دخل عمي وف يده كباية شاي.. أول م شوفته نزلت عيوني ف الأرض.. جاء قعد جنبي وخت الكباية ف الطربيزة
_انتي كويسة؟
=ايوة الحمد لله
_قلقنا عليك م جيتي شربتي الشاي معانا
م رديت.
_ها؟ بتكلم معاك انا.. مالك؟
=ماف شيء
عاين للارض جهة نظري.. ورجع عاين لي_الأرض دي فيها شنو الليلة بتعايني ليها كدة؟!!!
م رديت. رفع لي وشي بيدهُ وهو بضحك_عاملة فيها خجلانة يعني؟؟!.. ماف شيء بخجل انا واثق فيك م عملتي حاجة غلط.. ولا عُمر ود أخوي بعمل شيء زي ده. بالعكس أهنيك لأنك عرفتي تختاري الراجل الصح. راجل بمعنى الكلمة وانا مبسوط ومطمن شديد لأنه هو ال ح يكون راجلك.. وواثق فيه م ح يندمني ع إني أديتك ليهو بالبساطة دي.
بقيت أعاين ليهو ف عيونه عشان أطمن إنه الكلام ده حقيقي فعلاً..
_يلا أشربي شائك ي عروستنا وقومي ساعدي أميرة ف المطبخ.. عريسك وأبوه قالوا جايننا بعد شوية يشربوا معاي القهوة" غمز لي وهو بضحك وقام طلع".
فعلاً لسة م مستوعبة الكلام ده.. وحاسة إني بحلم.. رغم ملايين الأسئلة والإستفاهمات والتعجبات جوه رأسي. م لقيت جواب غير عندي رب قادر على المعجزات.  يقول لكل شيء كُن فيكون ف اقل من رمشة عين♡.     كنت بدعي طول السنين الفاتوا ديل من كل قلبي بكل إخلاص وثفة ف ربنا يجمعني بِـعُمر ف بيت واحد بالحلال.... حتى بعد خطب وانا إنخطبت وأملي إنقطع وبديت أنساه وأفكر ف حياتي مع إبراهيم... بعد ده كله آخيراً ربنا راد يستجيب دعواتي الزمان الليلة ويقول ليها كوني وقد كانت♡.
من غير م أحس لقيت دموعي بنزلوا♡.. أخدت بيكيتي وقومت غسلت وشي واتوضيت وجيت صليت الضُحى.. شكرت وحمدت ربنا من كل قلبي.. كانت دي أول لحظة أحس إني مبسوطة من يوم يوم وفاة أمي وأبوي.. أتمنيتهم لو كانوا عايشين وشاركوني فرحتي دي.. بذات أمي كانت فرحت لي شدييد لأنها عارفاني لي كم سنة منتظرة اللحظة دي.. ربنا يرحمهم ياااارب💔.
مسحت دموعي ومشيت ساعدت أميرة مرأة عمي.. لقيتها شغالة م سألتني ولا قالت لي حرف.. أصلاً من جيت امس م فتحت خشمها معاي.. جهزنا القهوة والحاجات المعاها.. عمي جاء داخل قال لينا وصلوا وشال الحاجات ومشى الصالون.. رجعت غرفتي وقعدت فيها...
بعد كم ساعة جاني عمي داخل
_مأمن عمر طلب مني أعقد ليكم بكرة بدل نعمل خطوبة.
قلبي وقع مني. وم عرفت أقول شنو.
_م تخافي العِرس لسة بدري عليه و م ح يتم إلا ف الوقت البتحددي إنتي.. بس ده ح يكون عقد ساي.. صراحة عارف إنه إستعجل وانا قلت ليه كدة.. بس هو قال لي شوف رأيها هي أول.. فلو مؤافقة انا وكلنا طبعاً م عندنا مشكلة..
م رديت
_اها قلتي شنو.. مؤافقة؟
من غير م احس هزيت ليهو رأسي أي.
_مدام كدة ع بركة الله. ربنا يسعدكم ان شاء الله
وقام طلع.
م عارفة ليه م رفضت!.. بس برضو م عارفة لو رفضت كان ح يكون السبب شنو؟.. ماف سبب يخليني أرفض أرتبط بالإنسان البحبه وبحلم أكون مرته طول السنين دي..
بعدت عن أغلى إنتين ف حياتي... بقى م عندي ف الحياة دي غيره. ليه أرفض قربه مني هو كمان؟.. انا فعلاً محتاجة ليهو وعايزة يكون جنبي ف اللحظة دي قبل اللحظة البعديها💔.
...
 قاعدة أفكر ف يوم بكرة وجواي شعورين متضادين. فرح. وحزن💔. م قدرت أنوم كنت بتقلب للصباح ومعنديها كل الليل بكاء كالعادة...
قومت صليت الفجر حاضر وعملت أذكار الصباح وقعدت أقرأ قرآن لحدي الساعة 7ص..قومت صليت الضحى..
اتذكرت لي فترة طويلة قافلة تلفوني وجادعة ف الشنطة من يوم جيت ناس عمي.. مشيت جبته لقيت شحنه بسيط ختيته ف الشاحن ومشيت أستحميت وجيت سرحت شعري.. حسيت نفسي يادوب نعست.. رقدت ونومت ع طول و نسيت اي شيء الليلة....
.
--------------------------------------
 بلسان عمر:
 اليوم المنتظر♡.
لو قلت ليكم غمضت عيني ف الليلة دي لحظة. أكون كذبت عليكم.. قدر م حاولت أنوم م قدرت.
إنتوا قادرين تستوعبوا لحظة خلاص بينك وبين المشوار التعبان فيه سنين وبتحلم بنهايته كل يوم.. بينكم بقت بس لحظات وتصل ليها.  إحساس م بتوصف بالجد❤️.
بعد غلبني النوم خلااص. عاينت للساعة كانت2ص وحاجة.. قومت اتوضيت وقعدت أصلي وأقعد اقرأ قرآن شوية وتاني أقوم اصلي كم ركعة.. واقعد  اقرأ واحمد ربنا ع نعمته علي دي.. فضلت ع الحال ده لحدي م جات أمي داخلة غرفتي لقتني بقرأ.. جات قعدت جنبي ف المصلاية خلتني بعد أكمل قرأيتي
أمي"فاطمة"_ربنا يتقبل منك يارب" وهي بتمسح ع شعري بيدها♡."
رفعت يدها التانية وبوستها فيها=آميين يارب
_عُمر إنت م شايف إنك إستعجلت ف العقد ده؟..
=لا ي أمي. بالعكس انا إتاخرت شديد..
عاينت لي "م فاهمة قصدي"
=دي الياها الكنتي بتسمعيني ليك سنين بدعي ربنا يجعلها من نصيبي
م ردت.
=أيوة ي أمي. انا من زمان بحب مأمن وعايزها. والحمدلله الليلة ربنا ح يستجيب لدعواتي ويحققها لي
دموعها نزلوا وضمتني ع حُضنها_الحمد لله ي ولدي إنه إستجاب ليك.. يارب م اشوفك إلا سعيد ومبسوط..
رفعت رأسي منها ومسحت ليها دموعها وبوست رأسها=أطمني ح أكون سعيد ومبسوط مدام هي ح تكون مرتي♡.
_بإذن لله "ربتت ع خدي بيدها وقامت طلعت".
قومت رجعت اكمل صلاتي وقعدت أدعي لمأمن وأدعي لعمي أحمد وخالتي نعمة بالرحمة وأدعي...إلخ.... لحدي وقت الأذان قرب طلعت ع المسجد...
صليت وقعدت أسبح وأستغفر لحدي شروق الشمس كالعادة.. وقمت صليت ركعات الضحى ودعيت يتمم لينا اليوم ده ع خير.. ورجعت البيت.  
جيت داخل البيت حسيت بالبهجة فيه.. شوفت كل ناس البيت شغالين يجهزوا ومبسوطين واي واحد يشاغل فيني براهُ"امي.. ابوي.. أخوي ومرته.. اختي وراجلها وأولادها..." قعدت شربت الشاي معاهم.. أمي قالت لي أمشي نوم ليك كم ساعة قبل صلاة الجمعة.. قمت دخلت غرفتي.. بقيت اتقلب ف السرير استغفر وأصلي ع النبي صلى الله عليه وسلم عشان أقدر أنوم بس م قدرت.. كل م أغمض عيوني بشوف صورتها الأمس بالنقاب قدامي.. مأمن إنتقبت❤️..  م كنت عارفاها إتنقبت.. اول يوم أمس أشوفها بيهو وبالجد فرحان من كل قلبي ع إنها لبسته وماشة ف الطريق ده♡.
بقيت أفكر فيها.. أصلاً م بتمر علي ساعة ف حياتي بدون م أتذكرها .. بتعمل ف شنو اسي ياربي؟.. شعورها كيف اسي؟.. ياربي لسة بتحبني زي زمان ولا حبها لي قل؟..؟؟؟؟....مليون سؤال خطر ف بالي.. مسكت تلفوني من غير أشعر وكتبتها رقمها الحاذفه لي زمن من تلفوني عشان م أضعف واتصل ليها.. بس للأسف حافظه ف رأسي🤦‍♂️. كتبته وضغطت ع إتصال.. كنت متوقع القاه مقفول. بس دخل رنين... لحدي م فصل م ردت.. جيت اتصل تاني.. بس اتراجعت. أصلاً م من حقي اتكلم معاها اسي.. انا صبرت كل السنين دي.. الشيطان عايزني يضعفني ف الساعات الآخيرة دي!.
قفلت تلفوني وختيته وبقيت استغفر.. ومسكت سبحتي وبديت ف الصلاة ع الرسول بما إنه الليلة يوم الجمعة....
...
الصلاة باقي ليها ساعتين قومت لقيت مفاز بت أختي آمنة كوت لي جلابيتي.. جهزت وطلعت ع المسجد حضرت الخطبة وصلينا وناس العقد جوا..
اتصلت ليها اسمعها العقد بس برضو م ردت.
وعقدنا❤️.
سلموني قسميتنا بعد المُباركات والأحضان.. م قدرت اتكلم لحظتها مع زول.. دخلت صليت ركعتين جوة المسجد.. أول م سجدت دموعي نزلوا.. شكرت ربنا ودعيت يقدرني اسعدها وأقدر أحافظ عليها... وطلعت طوالي ماشي عشاان أكحل عيوني بشوفتها😔❤️❤️❤️❤️❤️....

--------------------------------------.

 بلسان مأمن:
كنت نائمة صحيت ع إحساس زول فتح باب غرفتي دخل وقفل الباب.
زحيت التوب من وشي لمحت راجل لابس جلابية واقف ف الباب ..قومت مخلوعة من السرير أغطي جسمي وشي بتوبي.. رفعت رأسي عليه:أنت م...... قطعت كلامي بعد شوفته منو. إتجمدت مكاني زي التمثال.
جاء قرب علي لحدي م وصلني.. نزل التوب من وشي وإتفحصه بعيونه لمدة كم ثانية... وع طول أخدني ف حُضنه❤️.
-------------------

وشعرت حضنك دافئًا و رأيتني رغم الحياء اذوب فيه وارتمي♡.
•••••••••••••••••••••••••••••••••••••••••••••••••••••••••••
 

#الحُب~التائب《05》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
"طروني ليك.. وانا كنت قاايل اصلي ما بطراك تاني..
كنت فاكر طول فراقك يمحو ريدك من زماني.. الا تاري البينا لسه ما نسيت ولا نساني❤️. "

.
حضني لمسافة طويلة.. م كان ف أي صوت إلا صوت أنفاسنا..
أوصف ليكم شعوري كان كيف؟..
هو ف كلمة بتوصفه بالله؟!!!!.... ماف والله.
بعد رفع رأسه من كتفي.. شوفت وشه البقى أحمر والدموع مالية كل وشه... بقى يمسح ف وشه وانا بس بعاين ليه بدون ردة فعل... عاين لي ف عيوني وقرب باس جبيني♡.
وانا لسة زي م أنا بعاين ليهو بدون ردة فعل.. بعد شوية بقى يضحك.. قعدني ف السرير وقعد جنبي..
_إنتي داخلة ف حالة صدمة ولا شنو؟
م رديت
_ليك حق والله.. زول نام باير.. صحى لقى نفسه معرس وعريسه قدامهُ!.
طلع القسيمة من جيبه وفتحها_عايني شوفي نحن عقدنا خلاص.. يعني أنا وإنتي. بقينا راجل ومرته♡.
عاينت للقسيمة ورجعت عاينت ليهو بدون رد..
_ ي هبلة خلاص صدقي.. دي شنو اللتخة المُعرسها انا دي!!
بقى يضحك وضماني عليه.. فجأة حسيت بالعبرة ف حلقي ودموعي بدوا ينزلوا..ضمنيه علي شديد وإنفقعت بكاء......
...
بكيت وتميت بكيتي بدون م يقاطعني بأي حرف... بعد سكت رفع رأسي من صدرهُ ومسح لي دموعي بكفة يدهُ♡.
_مرتي♡.
رفعت عيوني فيه
_رأيك شنو ف لقبك الجديد ده بالله؟
نزلت عيوني منه م رديت ليه.
رفع لي وشي بيدينهُ_لو تعرفي ي مأمن أنا مشتاق ليك قدر شنو!... مشتاق لكلامك ضحكك هظارك جنك زعلك نكدك... مشتاق لأيامنا القديمة شديد.. من يوم بعدتي مني انا منتظر اليوم ده يجي وترجعي لي ..والحمدلله ربنا العالمين رجعك لي الليلة بدل صحبتي وأختي.. رجعتي لي مرتي ونصي المكملني والمكمل ديني♡.  من اللحظة دي بقيتي كل شيء ف حياتي وعمري م ح أفرط فيك تاني...وأوعدك زي م كنت ليك الأخ ف يوم.. ح أكون ليك الأم والأب والأخ والأخت والصحبة وكل شي بتمنيه♡.
إبتسمت ليهو وأنا عيوني مليانة دموع
_كفاية بكاء خلاص. "قرب مني شديد.. إتوترت. غمضت عيوني..مسك يديني البرجفوا بيدينه وضغط عليهم.. طبع قلبتين ع جفوني♡."
فتحت عيوني بقى يعاين لي مسافة جوة عيوني_قلتي لي كنتي نائمة!.. مفروض والله دي تسجل ف التاريخ.. عروس شغالين يعقدوا ليها وهي ف سابع الف نومة.
قالها بطريقة ضحكتني
_دي أسي ضحكة ولا ردة روح لقلبي؟!
نزلت عيوني منه.. رفع لي رأسي
_أفضلي أضحكي دائماً.. لأنه الحُزن م شبهك والله ي مأمن..
هزيت ليهو رأسي بأي. باس راسي.
_ياريت لو بقدر أقعد معاك وم أطلع من هنا تاني.. بس لازم أمشي.. بس قبل م أمشي قومي جيبي لي تلفونك..
جيت أقوم التوب عايز يقع مني.. بقيت ماسكاه وم قادرة أتحرك.. عُمر مسكه من يدي ولفاه لي حولي ولبسني ليهو.. وانا بعاين ليهو وخجلانة
_يلا كدة أمشي جيبيه.
مشيت ع الطرببزة جنب باب الغرفة فكيت تلفوني من الشحن وجيت مديته ليهو..مسكه وختاه تحت مخدتي
_خليه جنبك ع طول لأنه من اليوم ده انا م عايز أقلق عليك تاني ابداً.. بعد إذنك يعني أتفضلي علي خليني مطمن عليك ع طول..
هزيت ليهو رأسي أي..
_الليلة قلتي لي شغالين إشارات ساي.. بنوفر ف الكلام.. "ضحك".. يلا م مشكلة اصلاً ده ياهو الهدوء قبل العاصفة.. أحسن أسمتع بيهو ساي اسي..
ضحكت.. قام وقف قصادي
_م فيها حُضن وداع تاني؟ "غمز لي.. وفتح لي يدينه"
إبتسمت ليهو وقربت حضنته♡.
_خلي بالك من نفسك شدييد لأنه ف قلب هنا بخاف عليك ونبضاته ح تقيف لو صابك مكروهُ.
بعدت منه.. باس جبيني_ف آمان يقلبي♡.
وطلع.
قعدت ف السرير أستوعب الحصل ده.. واااي ي جماعة م قادرة أصدق.. ف غمضة عين بقيت مرته!!!!... رفعت رأسي ووجهت نظري لفوق:الحمد لله الحمد لله الحمد لله ياارب♡.
اتذكرت م صليت الظهر.. إستغفرت وقومت سريع اتوضيت وجيت صليت وشكرت ربنا من كل قلبي ع إنه ناول قلبي مراده♡.. جيت قعدت ف سريري إنتبهت لتلفوني مسكته.. فتحته لقيت مكالمتين من "عُمْـرَّ قَلبِـي🌍❤️.".. قبل م أرجع ليهو إتصل تاني..رديت
--------------------------------------

بلسان عُمر:
طلعت منها رغم مفروض أكون مبسوط.. بس جواي إحساس بوجع قلبي كل م أتذكر شكلها كان كيف.. بقت باهتة شديد والحُزن مالي ملامحها.. عمري م شوفتها كدة قبل ده... مأمن إنسانة دائماً ببان عليها مرحة والضحكة م بتفارقها بريئة ومجنونة.. حتى زعلها بكون حلو وهي صارة وشها... بس المرة دي الحُزن مغير كل ملامحها حتى ضحكتها باهتة....  قلبي وجعني عليها شديد واتمنيت لو أقدر أكون معاها وم أبعد عنها لحظة تاني....
وانا سائق العربية ماشي ع بيتنا كل مرة أعاين للساعة.. عايز أصل البيت ف أسرع وقت عشان اتصل ليها.. بس ف الآخر شوقي غلبني.. مديت يدي وفتحت تلفوني واتصلت ليها م ردت. فضلت أتصل لحدي م ردت
_اها بدينا خرخرة من اسي؟.. ولا ده نظام عاملة فيها تقيلة وكدة؟..
ضحكت.
_أضحكي بصوت عالي عادي م ح أسحر ضحكتك انا..
لحظات صمت
_عارفة إتصلت ليك بالسرعة دي ليه؟
=ليه؟
_إشتقت ليك بس والله.  
=وأنا إشتقت ليك..
_والله؟
=والله.
_قدر كيف طيب؟
=إنت سائق اسي صح؟
_أي. بس وريني إشتقتي لي قدر كيف؟
=بعد تصل بيتكم بالسلامة ارجع لي عشان أوريك قدر كيف.
_خايفة علي؟
معسلامة. تيت.. تيت.
...
دخلت البيت لقيته مليان ناس... مسكوني مبروك مبروك وانا بالي ف مأمن... ف الآخر طلعت المسجد لصلاة العصر. وجيت راجع طوالي دخلت غرفتي وقفلتها علي.
إتصلت ليها:
_قلبي
=عُمر
_إشتقت للإسم ده منك والله..
سكتت مسافة=انا م بحلم صح؟
_لا م بتحلمي. عمر عبدالرحمن شخصياً بذات نفسه بقى راجلك ف الواقع. نلتي والله يابت أحمد
ضحكت.. "لحظات صمت".
=أنا م نفسي اسألك من أي شيء حالياً عن السنين الفاتت وكيف وليه وو؟ .. بس عايزة أقول ليك أنا كنت من زمان منتظرة اليوم ده يجي.
_عارف. وغيرهُ؟
=عارف؟!
_م هو انا حبيتك قبل م إنتي تعرفيني.. وحاولت أوقعك ف شِباكي وإنتي طلعتي هبلة ساي ووقعتي بكل سهولة.. بس م كان نفسي أعترف ليك إلا بالطريقة دي...
لحظات صمت.
نبرتها باكية=عُمر انا بحبك شديد والله♡.
غمضت عيوني وأخدت نفس عميق وانتهدت.
ورديت ليها_وأنا بتنفس حُبك يابت الناس♡.
.
 --------------------------------------

 بلسان مأمن :
م حسيت إلا وأنا بقول ليهو بحبك.. م لقيت رد غير كدة.. ايمكن عشان طول السنين دي حابساها جواي وم قدرت أبوح بيها.. حسيت ده ياهو الوقت المناسب.. م استغربت بعد قال لي انا كنت بحبك من زمان لأنه كنت حاسة بمشاعره لي.. بس عشان م حصل صارحني بيها ولا لمح لي ف يوم.. كنت بكذب الإحساس الجواي وبقول لنفسي هو م بحبني.
فضلنا نتونس ونسترجع ف ذكريتنا القديمة لحدي م حسيته نعسان.. حاولت أقفل منه بس رفض.. ف الآخر صوته بقى شوية شوية يختفي لحدي م سكت عرفته نام. قفلت الخط..
بعد شوية قومت طلعت برة.. لقيت عمي
_العروس النوامة
نزلت رأسي وإبتسمت
_تعالي جنبي
مشيت قعدت جنبه.. ضماني عليه وباس رأسي
_ألف مبروك وربنا يسعدك ياارب العالمين
=آميين.
لحظات صمت
=م سامعة حس زول ف البيت
_أميرة والأولاد مشوا بيت أهلها يغيروا جو..
=اهاا..
_إحتمال يبيتوا هناك.. المهم إنتي أخدي راحتك ف البيت.. وكل شيء عندك ف التلاجة
=إنت اتغديت؟
_اسي م جعان.. أكلي إنتي.. بأكل بعدين انا
=طيب.
قام مني وطلع.. وانا رجعت غرفتي وم عرفت أعمل شنو.. غير مسكت تلفوني فتحت الداتا لقيت رسائل وإشعارات كتيرة أغلبها تعزيات.. م كان نفسي أرد لزول.. قفلت تلفوني. وقعدت كالعادة أتذكر ف أمي وأبوي وأبكي.. انا مشتاقة ليهم شددييييد 💔.. م عارفة الفترة دي مرت علي كيف بدونهم...
قعدت أبكي شديد بعد حسيت روحي ح تطلع بعد شوية.. ف الآخر قاطع بكائي صوت اذان المغرب.. إستغفرت وقومت صليت.. وقعدت ف المصلاية عملت اذكار المساء واسبح وبقيت أدعي.. لحدي العشاء أذن.. صليته وقومت رجعت سريري حسيت كأنه البكاء خدرني وطوالي نومت.
.....
صحيت ع صوت عمي
_مأمن قومي أتعشي
=م عايزة. أكل إنت
_شنو م عايزة؟.. غلطان انا القلت ليك اتغدي براك.. ليه م اتغديتي؟
=م حاسة بجوع بس والله
_قومي كدي غسلي وشك وتعالي..
=والله...
قاطعني_قومي قلت ليك يلا
قومت مشيت وجيت لقيته جايب عشاء من برة. انجبرت أكل معاهو.. ورجعت غرفتي.. فتحت تلفوني لقيت 10مكالمات من عمر.. رجعت ليهو
_م كان تردي بالله!
=كنت نائمة والله..
_إنتي النوم ده م بتشبعي فيه نهائي؟
=أمس بليل غلبني للصباح.. عشان كدة
_شعور متبادل يعني؟
=كيف؟
_أنا كمان أمس غلبني النوم.. كنت م مصدق ح تبقي مرتي خلاص.. بس طلعت مُكبر القصة ساي. الموضوع طلع إيزي.
ضحكت=سبحان الله ي عمر رغم شكلك إتغير جداً.. بس طبعك وإسلوبك زي م إنت.. لو م حسيت بي مغيوظة منك م برتاح..
_يعني اسي إنتي إنغظيتي من كلامي ده بالله؟.. ياخ راحت علي أستمتع بملامح وشك وإنتي مغيوظة مني..
ضحكت
_مأمن.
=أحكي لي
_م نفسك تجي تعيشي معاي ف بيتنا؟
م رديت.
_طبعاً م قصدي نتم العرس اسي.. قصدي عايزك تجي تقعدي معانا من اسي.. لحدي وقت العرس..
=لا م بنقدر نعمل كدة..
_ليه؟
=لأنه ده الطبيعي.. م ح اقدر اجيكم إلا نتم العرس أول
_ليه يعني؟.. مش ده بيت عمك زي م داك بيت عمك؟.. حتى لو م كنتي مرتي م ح تجي تقعدي معانا ساي؟
م رديت.
_مأمن والله كفاية كل السنين دي بعاد.. أنا م عايز أبعد عنك أكتر.. عايز اتهنى بشوفتك قدام عيوني ويكون قلبي مطمن عليك..
=وأنا ي عمر والله عاوزة كدة.. بس الناس..
قاطعني_لو سمحتي الناس بعيد من هنا. دي حياتنا الخاصة انا وإنتي. ماف زول عنده دخل فينا منو م كان.. بس وريني إنتي موافقة؟
=م عارفة.
_إذن موافقة. بس خايفة من شيء معين. والشيء ده حله عندي.
=قصدك شنو؟
_م عليك. انسي.
.....
.

 بعد مرور يومين:
_ألو
=صباح الخير ع أميرتي ال ح تنور بيتي الليلة.
_صباح النور♡.
=انا طالع عليك.. ساعة بالكتير وأكون معاك.. خليك جاهزة...
_حاضر.
...
الليلة ح أمشي أسكن مع ناس عُمر ف بيتهم..عمي رفض أول شيء ف البداية بس عمر أصر عليه شديد وجاب أبوه وبرضو أصر ع عمي.. ومرأة عمي بعد عرفت م صدقت إنهم عايزين يسوقوني وبقت تضغط ع عمي عشان تقنعه يخليني أمشي.. وهو بعد عرفني موافقة ع المشي وإصرار عمر واهله وضغط مرته عليه ف الأخير وافق.   وأنا م كان عندي خيار غير أوافق.
...
جينا داخلين بيتهم.. خالتو فاطمة مسكتني وقعدت تبكي وبكتني معاها.. كنت خايفة من ردة فعلهم ف البداية .. بس كلهم رحبوا بي بكل صدر منشرح وحسيتهم مبسوطين بجيتي.. وكنت كل م أتلفت ع عمر ألقاه بعاين لي ومبتسم لآخر ضرس
خالتو فاطمة:ي مفاز
مفاز:نعم يمة
ف:ودي مأمن جوة.. "وجهت كلامها لي".. قومي يابتي طلعتي عبايتك وتعالي..
جات مفاز مبتسمة_ارح.
قومت معاها ومشينا.. "مفاز بت أخت عمر الكبيرة عمرها16سنة.. قاعدة مع ناس عمر."
_يااا.. انا والله مبسوطة شديد بجيتك دي.. م تصدقي الوحدة هنا قاتلاني كيف! 😭
=كان كدة ي بختي لقيت لي أخت صغيرونة وأخيراً🙈.
_اي أحسن نقول أخوات.. لأنه م ممكن اقول ليك خالتي وأكبرك من اسي قدام راجلك
ضحكتنا.. وصلتني الغرفة وطلعت...طلعت عبايتي وفتحت شنطتي.. طلعت لي توب من تياب أمي الجيبتهم معاي من بيتنا.. مسكته وقعدت ف السرير أشم فيه ودموعي نزلوا💔... سمعت حركة الباب مسحت دموعي سريع.. دخل عمر وقفل الباب. بقيت اعاين ليهو ف حالة لا وعي مسافة وتاني قومت مخلوعة لبست توبي سريع.. وهو ساند نفسه ع الباب وبعاين لي ويبتسم ساي..
حركته غاظتني شديد_إنت م بتعرف حاجة إسمها إستئذان؟؟!
=بعرف والله.. بس استئذن وانا داخل غرفتي دي م حصل سمعت بيها والله🤷‍♂️.
_غرفتك؟
=اي والله غرفتي
بقيت أعاين ليهو مستغربة و م عارفة أقول شنو!
_عشان أثبت ليك يعني... دقيقة.
إتحرك ع دولاب وفتحه_عايني دي ملابسي...وعايني ده سريري.. وعايني ديل حاجاتي الفي الطربيزة ..
فعلاً اي شي بوحي ع إنه دي غرفته وبتخصه هو بس
=م كنت عارفة والله.. مفاز الجابتني هنا.. وحتى لقيت شنطتي دخلوها لي هنا.. إفتكرتها غرفة مفاز او كدة... شكلها مفاز غلطانة. آسفة
_م تعتذري ومفاز م غلطانة. دي ياها ح تبقى غرفتك زي م هي غرفتي.
بقيت أعاين ليهو مصدومة=قصدك ح نشتارك الغرفة دي سوا؟
_اي ماله!.. اي راجل ومرته ف كوكب الأرض ده بتشاركوا ف الغرفة سوا..
م رديت ليهو.. ومشيت ع الباب=زح لي.. انا طالعة.
م رد. وبقى يعاين لي ساي.. قربت ليهو أكتر مسكت مقبض الباب.. طوالي استغل الفرصة وعايز يحضني.. بعدت منه
الباب دق. :مأمن أمي فاطمة بتناديك..
كان صوت مفاز.. رديت ليها :جاية.
=عمرر...
_يارووحهُ
فصلني الحيوان م قدرت أتكلم.. سكت مسافة... وهو بس يعاين لي ف عيوني...
=ممكن تزح لي أطلع..
_ولو قلت ليك م ممكن؟..
=عليك الله..
قعد يضحك.. رفعت نظري فيه قربت أقع من طولي.. عنده ضحكة وااااي بس😔❤️.
_حننتيني والله.. خلاص ح أزح ليك...... بس بشرط.
رفعت نظري ليهو
_ صلحي توبك فيك أول زي الناس
=انت أطلع لي عشان انا أصلحه
_يعني إنتي كنتي عايزة تصلحي برة قدامهم... وم عايزة تصلحي قدامي؟
م رديت.
_صلحيه.. انا ح أغمض ليك عيوني
=وليه تغمض؟..اطلع بس
غمض عيونه_1..2..يلا سريع قبل اصل ال30
ضحكت
_سرييع يبت
بقيت بصلح فيه وانا متوترة واعاين ليهو م يكون فتح عيونه.
_افتح؟
=لسة
_أفتح
=لسة
لبسته وجررري فتحت الباب وطلعت وخليت هو مغمض 😂..
جيت لقيت خالتو فاطمة ومفاز قاعدات منتظراتني والفطور جنبهن"اي عُمر جاني من الساعة 8 ساقني.. فطور م خلاني أفطر عند ناس عمي🤦‍♀️♡".. مشيت عليهن وانا خجلانة يكون عارفين عمر كان معاي ف الغرفة..
خالتو فاطمة:تعالي يابتي.. اقعدي جنبي..
قعدت جنبها وبقينا نفطر... خالتي كانت تشيل ف الأكل وتخت لي جنبي.. وكل م اكون قائمة تحلف علي أقعد أكل تاني.. بعد كملناا..
بعديه مفاز قامت شالت الصينية ودخلت المطبخ..
ف_م عايزاك يابتي تحسي إنك غريبة ف البيت ده.. ولا تعاملنيني ع إني نسيبة ليك. أنا ح أكون أمك قبل أكون أم عمر راجلك. أمك نِعمة م كانت هينة علينا ولا أبوك.. كانوا غالين علينا شدييد.. ربنا يرحمهم ويكرمهم بأعلى الجنان.. وانتي م ح تكوني  هينة وغالية علينا برضو .. اتعاملي من اليوم ده ع إنه ده بيتك ونحن بقينا أهلك.. وربنا يقدرنا وم تشوفي مننا إلا كل خير..
م قدرت أقول ليها شيء غير إبتسمت ليها.. مفاز جابت الشاي وبعد شوية جات نهلة مرأة محمد أخه عمر. ساكنين جنبهم وعدينا طول اليوم ونسة مع بعض..
من يوم وفاة أمي وأبوي م حسيت إني مرتاحة كدة.. لقيت نفسي بضحك وبتونس معاهم بكل تلقائية.. بالجد الواحد مهما كان وين م برتاح إلا ف المكان البلقى نفسه مقبول ومرغوب فيه من ناسه.
...
المساء أتذكرت إني تاني م شوفت عمر من الصباح... اتخيلوا أهله نسوني ليهو🤦‍♀️.. قلت أمشي أشوفه ف غرفته بس تاني نهرت نفسي. المشكلة حاجاتي كلها ف غرفته حتى تلفوني...
مشيت لمفاز لقيتها قاعدة ف غرفة.. جيت قعدت جنبها
_مفاز
=نعم؟.. محتاجة حاجة؟
_اي والله.. لو م فيها تعب أمشي جيبي لي شنطتي من غرفة عمر.. قبيل شكلكم دخلتوها لي بالغلط هناك..
=منو القال ليك بالغلط؟
عاينت فيها وانا مستغربة!!
_خالي عمر خلاها ليك.. هو قال ح يقعد ف الصالون أو اي مكان تاني..
=ليه لكن؟.. لالا. ح أقعد معاك ف غرفتك دي.. هدي فيها سريرين ح تشيلنا سوا
_ انتي بقيتي واحدة من اسياد البيت ده.. من حقك يكون عندك غرفة براك. أما انا ضيفة "رفعت الملاية" هدي شنطتي يومين وبمشي أهلي.. أقعدي ف غرفتك ساي يابتي
ضحكت =لا انا عايزة أقعد معاك.. بعد تمشي تاني بنشوف البحصل شنو
_والله انا م عندي دخل داك راجلك.. امشي كلميه بعد يجي كان سمح ليك تعالي..
=هو فات وين؟
_م عارفة والله..
طلعت منها مشيت لخالتي
_خالتي
=اي يابتي.. تعالي مالك؟
_خالتي انا عايزة أقعد مع مفاز.. خلي عمر يرجع غرفته.
=ليه؟
_سااي
=بس هو العايزك تقعدي ف غرفته عشان تأخدي راحتك.. غرفة مفاز اي زول بجي بقعد فيها.. م غرفة خاصة يعني. أقعدي ف غرفتك ساي. عمر م ح تفرق معاه ح يقعد ف الصالون.
م عرفت اقول ليها شنو  
=يلا أمشي أخدي راحتك.. تصبحي بخير
_تلاقي الخير
طلعت منها وإتوجهت ع الغرفة.. مشيت رقدت ف السرير شميت ريحة عمر ف كل مكان.. مسكت المخدة ضمينتها علي وإسنتشقت ريحتها شديد♡. وختيتها وع طول نومت. جاتني صحية نص الليل إتذكرت أمي وابوي كالعادة وبقيت ابكي..... بعد تميت بكيتي عاينت للساعة كانت 2ص.. قومت طلعت وانا ف طريقي للحمام سمعت صوت تلاوة قرآن كان صوت جميل شديد مشاء الله.. م عرفته جاي من وين.. المهم واصلت مشيت اتوضيت وجيت راجعة صليت كم ركعة وقعدت ادعي لأمي وأبوي.... بعد شوية باب الغرفة فتح..دخل زول فتح النور الخافض. وجه نظرهُ ع السرير بعد لقاهُ فاضي بقى يجول نظره ف كل الغرفة لحدي م وقعه عليّ. فجأة إبتسم إبتسامة عريضة وجاء قعد قصادي ف المصلاية.. كان لسة آثار الدموع ف عيوني.. مسحهم لي بكفة يده.. وباس جبيني ومسك يديني
_تقبل الله..
=آمين
_إشتقت ليك.
=وانا كمان.
_م أظن. لو مشتاقة ع الأقل كان أتصلتي
=كنت وين؟
_ف الشغل
=وين مكانه؟
_مستشفى "....".
=جيت متين؟
_الساعة 9..ولقيتك نائمة.
=ربنا يوفقك
_آميين ويوفقك ي حبيبي
سكت وم رديت
_حبيبي
رفعت نظري
_خجلتك حبيبي دي؟
م رديت.
_طيب لو قلت ليك بحبك وبعشقك؟!
م رديت. ضحك وضماني ع صدره
_الله لا يحرمني من شوفتك جنبي دي يارب♡.
رفعت رأسي منه=عمر أرجع غرفتك.. انا تاني ح انوم مع مفاز ف الغرفة ديك..
_والله لو حانة ع حالتي لدرجة دي..ممكن تخلينا ننوم فيها سوا بس"بإبتسامة خبيثة"
ضحكت=خلاص خليك نائم ف الصالون أحسن. انا زاتي مالي ومالك تنوم وين!
_ده طرد عينك عينك.
=براك عامل فيها كريم.. خلاص اتحمل.
_دي حسنتي فيك والله
=خلاص م تعمل حسنة ف زول تاني. وقوم أطلع من غرفتي لو سمحت.
_عيب منك تطردي ضيف جاك زيارة
=م عندنا زيارة لآخر الليل معليش يعني.
_عارفك من يومك محترمة.
=بتك برضو.
ضحك_بحبك والله يابتي
=الأذان قرب.. قوم ع المسجد خلاص..
_حاضر.
=أدعي لي معاك
إبتسم_من عيوني الإتنين♡.
....
بعد شربنا الشاي.. خالتي قامت ع المطبخ تعمل الفطور.. مشيت اساعدها رفضت.. قلت ليها خلاص ح أنضف البيت.. وفعلاً كنسته ومسحته ورتبته... طبعاً مفاز مشت المدرسة وعمر وعمي عبد الرحمن طلعوا.. جوا للفطور.. فطرنا مع بعض.. دخلت المطبخ لقيت عدة الفطور..مشيت عليهم وقعدت أغسل فيهم. جاني عمر داخل وقف جنبي وسند نفسه ع دولاب العدة وبقى يعاين فيني وانا بغسل..
_عايز حاجة؟
=عايز اشبع عيوني بشوفة دولابنا ده والله عاجبني عجب..اللهم صل وسلم وبارگ على سيدنا محمد.. م مصدق عندنا دولاب عدة ف البيت سمح زي ده!!
_هه زريف خلاص.
=اسي إنتي مالك فصلتي كدة؟ الجاب سيرتك منو؟.. قلنا دولاب.. إنتي دولاب؟
_إنت م عندك شغل يلمك؟
=للأسف عندي مرأة مفروض تلمني. بس م شغالة بي..
ضحكت_عمر أمشي من هنا..خليني اشوف شغلي
=شوفيه انا م حاميك
_م بعرف اشتغل وزول براقب فيني..
=والله دي مشكلة تخصك
_عمررر..
=ي رووحي
_والله بالجد انا بخجل قدام اهلك ديل يلقونا سوا.. افهمني عليك الله..
=دقيقة.. دقيقة. إنتي ناسية إنه نحن عقدنا وإنتي بقيتي مرتي ولا شنو؟
_م ناسية.. بس برضو م ظريفة
=ظريفة دي إنتي والله.
_ياخ خلاص أمشي
=م قادر والله..
_خليك قاعد.. انا ماشة..
اتحركت منه جنبه.. مسكني
=أمشي ألبسي عبايتك سايقك مشوار
_وين؟
=م تكتري كلام.. امشي ألبسي وأكسبيه الزمن.
_عليك الله ماشين وين؟
=عايز أخطفك.
ضحكت وطلعت.
.....
مشينا محل الدهب واشترى لي دبلة بمحبسها♡.
لبسني ليهم_عشان تاني كل م تنسي انا عاقد عليك.. تعاين ليدك وتذكري
ضحكت=م ننحرم يالعاقد عليّ♡.
ضحك_آمين يالعاقد عليك🤦‍♂️.
....
مشينا السوق واصر يشتري لي ملابس.. اشتريت كم قطعة.. ومشينا اتغدينا برة وجينا راجعين وصلني البيت. ومشى شغلهُ.
لقيته مفضي لي جزء من دولابه.. رتبت ملابسي فيه ومر اليوم..
.....

بليل كنت راقدة ف غرفتي أبكي... جاني عُمر داخل.فتح النور
_صاحية؟
جاء قعد جنبي.. مسك وشي_مأمن مالك؟
رميت نفسي ف حضنه وإنفقعت بكاء
=عمر انا عايزة أمي💔.. عايزة أبوي💔. انا والله م بقدر أتحمل فرقتهم أكتر💔.. انا محتاجة ليهم جنبي هم ليه فاتوا خلوني بالسرعة دي؟💔.. حتى م خلوني أودعهم وأحضنهم للمرة الآخيرة💔..  أبوي قال لي م بنتأخر عليك.. بس إتاخروا شديد وللابد م ح يجوا راجعين لي تاني💔.. أمي طلبت مني أمشي معاهم.. بس رفضت💔.. ياااريتني لو مشيت معاهم💔ياريتني موت معاهم💔....
رفع رأسي من صدره والدموع مالية وشه_استغفري ربنا ي مأمن.. بعيد الشر عنك يطول بعمرك ويحسن عملك يارب.. م تقولي كدة تاني.. انا كمان م ح أقدر أتحمل بعادك عني.... ربنا يرحمهم ويطيب قبرهم ويجمعنا بيهم ف جنته يارب.. م طالع بيدنا غير ندعي ليهم.. ده حُكم ربنا ولازم نرضى بيه.. وانا معاك وجنبك ف كل لحظة وح أكون ليك كل شيء بتحتاجي..
باس رأسي وضماني عليه شديد_الله يحفظك لي وم يحرمني منك ف لحظة ياااربي..
بعدني منه ومسح لي دموعي. وفتح الدرج الجنبنا وطلع مصحف_ختي رأسك هنا
ختيت رأسي ع رجوله _يلا غمضي عيونك ونومي
غمضت عيوني باسني فيهم♡. وبدأ يتلي ف قرآن.وهو بمسح ع شعري♡.. حسيت إني نبرة التلاوة دي سامعها قبل كدة.. فجأة أتذكرت أمس.. يعني ده هو الكان أمس بتلي نص الليل!❤️. فتحت عيوني وعاينت ليهو و إبتسمت تلقائياً. وهو مواصل قراية غمض لي عيوني بيده راجعة.. ف الآخر م حسيت بنفسي إلا نومت ع رجولهُ♡.
-------------------
الحُب مركز الكون..بأستطاعتهَ أن يشفي كل ضرر بداخلـنا..❤️.

 أحتاجك كي أعبر
لست ضريرًا، لكني مستوحش
وهذا الدرب معتم♡.
•••••••••••••••••••••••••••••••••••••••••••••••••••••••••••
 

#الحُب~التائب《06》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
معاك إنتَ الزمن بصفى ويغفل همي في النسيان..وتمشي الخطوه ما بتفتر قدر الريده والإنسان..معاك ما بتظلم الأيام ولا بتزورني يوم أحزان... ❤️.

.
 بلسان عُمر:
. جيت البيت من الشغل الساعة 12ص..لقيت البيت هادي.. طبعاً ح يكونوا كلهم ناموا.. كان نفسي اشوف مأمن بس اكيد ح تكون نايمة. قلت انتظر للصباح ومشيت الصالون لقيتها مجهزها لي غيار ف السرير مشيت غيرت واتوضيت وصليت ركعتين وجيت أنوم.. م قدرت. بس مسيطرة علي رغبة أمشي أشوف مأمن.. وفعلاً مشيت.. لقيتها صاحية وفاتحة النور الخافض ووشها منفوخ وأحمر.. خوفت.. جيت جنبها قعدت سألتها مالك؟.. م لقيتها إلا ف حضني وهي تبكي شديد. وتتذكر ف أمها وأبوها... قلبي وجعني من كلامها والواجعني أكتر عاجز ع إني اواسيها.. مهما قلت م ح أقدر أخفف عن ألمها ده💔. بس بقيت أبكي معاها.. اتمنيت لو ف اللحظة دي لو بقدر أبقى ليها أمها وأبوها💔....
بعد هدتت قعدت اقرأ قرآن.. وم حسيت بالوقت مر كم إلا بعد كملت وردي البقرأهُ كل يوم بليل. قفلت المصحف وبقيت بعاين لمأمن النائمة ف رجولي♡.م أقدر أنكر إني حاسي بشعور حلو جداً ف اللحظة دي ع إنها هي قريبة مني بالطريقة دي♡ ... كان أول مرة أشوفها بدون توب أو عباية.. سرحت ف ملامح وشها.. وشعرها.. حسيتها أجمل من المرات الشوفتهم فيها قبل كدة.. تلقائياً لقيت نفسي بلمس ف وشها وقربت ليها استنشقت ريحة شعرها.. أظن حست بي وفتحت عيونها مخلوعة..رفعت رأسها مني وعايزة تقوم من السرير .. ثبتها
_بسم الله الرحمن الرحيم.. ده انا عمر ي مأمن م تخافي..
استوعبت شوية شالت نفسها وسكت..
_آسف م قصدي أخلعك
=م مشكلة.."سكنت مسافة".. انت ليه م مشيت كملت نومك؟
_كنتي نائمة ف رجولي.. م حبيت أقوم منك وأصحيك
إبتسمت لي.. وقربت ضمتني عليها شديد=شكراً♡.
_لا شكر ع واجب ع بت حشاي
رفعت رأسها وقعدت تضحك=انت لسة م نسيت الجملة دي؟
_مدام بسببها الضحكة بترسم ع وشك.. عمري م ح انساها.
بسخرية=حلو وإنت لطيف كدة والله..
ضحكت وضربتها ف رأسها_وحدة كانت مسفوهة زيك جديد عليها التعامل ده..
ضحكت=كتر خيرك. خلاص قوم أطلع من غرفتي عايزة أنوم..
_خلينا نصلي كم ركعة سوا وبعدين كملي نومك
إبتسمت لي=طيب.
_أمشي أتوضى واجي ألقاك اتوضيتي...
=حاضر♡.
.
 -------------------
 مأمن:
بعد طلع قعدت أتبسم ساي وحاسة بشعور حلو جواي♡.
بعد شوية قومت أثناء بلبس ف شبشبي رفعت رأسي لقيت مرايا الدولاب قدامي.. عاينت لشكل شعري الفاكي والمنكوش.. ولابسة جلباب بس مع إنه طويل. لحظتها وعيت إني كنت قاعدة قدام عُمر بالمنظر ده. قربت أبكي..انا كيف م انتبهت لنفسي!!!!.. ح يكون قال عني شنو؟... سمعت صوت حركة برة.. لبست توبي سرعة وجري مشيت اتوضيت.. جيت لقيته قاعد ف غرفتي. (أقصد غرفته القديمة🤣..لالا أحسن أقول غرفتنا انا وهو المستقبلية🙈❤️.).. فارش مصلاية كبيرة وقاعد منتظرني فيها... طبعاً انا لسة خجلانة من عملتي.. جيت وقفت طوالي وعايزة أكبر...
_هوي ها العايزة تكبري دي!.. وانا جاي هنا منتظر شنو يعني؟
=خلاص يلا قوم.
قام وهو بضحك_صحي التعامل ده جديد عليك.
م رديت ليهو وإنتظرته بعد كبر....
وصلى بي😭❤️.
م عارفة صلينا كم ركعة بس كانت ركعات كتيييرة وحرفيًا كنت مبسوطة من جواي♡.  .. بعد انتهينا رفع يدينه وبقى يدعي بصوت مسموع لأمي وأبوي مسافة طويلة.. وانا بسمع فيه تلقائياً لقيت دموعي بنزلوا... كان صوته جميييل شدييد حسيت إنه ده م دعاء زول عادي.. كأني بسمع ف صوت شيخ او كدة... م وقف من الدعاء إلا بصوت اذأن الفجر.. إلتفت عليّ وإبتسم.. مسح لي وشي بكفة يدهُ..وقام جاب المصحف ختاه جنبي
_بعد تصلي أقري شوية قرآن.
باس جبيني وطلع♡.
....
صليت و وأثناء بعمل ف الأذكار.. سمعت الإمام ف المسجد الجنبنا بدأ يصلي.. ركزت مع الصوت.. كان بشبه صوت تلاوة عمر القبل شوية.. قومت فتحت الشباك الصوت جاني واضح أكتر.. معقولة عمر هو البصلي بالناس!! م تصدقوا فرحتي كانت قدر كيف!!!!.... بالجد م بقدر أوصف ليكم😭❤️❤️❤️...
.....
بعد شربنا الشاي وقومت نضفت.. جيت أفتش ف عمر م لقيته ف البيت..
مرر اليوم ونسة مع نهلة وخالتو فاطمة.. وجات مفاز من المدرسة اضمنت للقائمة وعديناه ع كدة.... العصر جاء عمر إتغدا وغير ملابسه وتاني طلع بدون يجي يتكلم معاي😔.
مشيت غرفتي واتصلت عليه:
عمر_حبيبي والله
=ي ال ماا شغال بي
_كيف الكلام ده!!
=تطلع من الصباح وترجع راجع وتطلع تاني بدون م تقول لي يجيرك الله؟؟
ضحك مسااافة_مش إنتي براك أمس حذرتني م اتكلم معاك قدام ناس البيت.. وقلتي انك بتخجلي؟
سكت مسافة=اممم
_طيب عشان كدة سمعت كلامك وإحترمت نفسي ولميت روحي عليّ
=شاطر عجبتني برضو.
_باين الأخت إشتاقت لي..
=لا. بس عايزة أعرف من الصباح كنت وين؟.. واسي مشيت وين؟
_حاضر. بعد أجي بحكي ليك..
=واسي ماله؟
_مشغول.
=لالا تمام.
_زعلتي؟
=م شغلتك.
_خلاص أقفلي مني وكملي زعلك براحتك.
=واحد معفن.
_عايزة حاجة أجيبها ليك وانا جاي؟
=لا. وم سلامتك
ضحك_طيب مع سلامة إنتي دي.تيت..تيت.
....
عدى باقي اليوم وم جاء لحدي نومت... صحيت بليل.. لبست توبي وطلعت شربت موية وجيت مارة سمعت صوت عمر بقرأ ف الحوش ...طلعت لقيته قاعد ف المصلاية وماسك المصحف.. جيت طوالي قعدت جنبه وختيت رأسي ع رجوله. وهو م وقف ومواصل قراية.
 حاسة نفسي بتصرف بكل تلقائية واريحية مع عمر.. م عارفة ليه!.. ايمكن عشان هو بالجد م غريب عليّ ومتعودة عليه من زمان.. لقيت نفسي بكسر الحواجز الكتيرة الكانت بينا دي بكل سهولة وم أظن ف جواب ع سؤالي ده غير إنه ده "الأمان♡."
غمضت عيوني وبقيت مستمتعة بتلاوته.
...
كنت مسترخية وشبه نومت سمعته خلص قراية وسكت بس م قدرت أفتح عيوني.. فجأة حسيته باسني ف خدي.. قومت منه مخلوعة
_ف شنو كل مرة تتخلعي لي كدة؟؟.. اها المرة دي كنتي صاحية زاتك م نايمة.
=صاحية ولا نائمة.. انت بتقرب مني ليه؟؟!
_مش مرتي؟ "بِـغمزة"
بتردد=لا م مرتك ولا حاجة.
وقومت من جنبه.. مسكني قعدني راجعة وحضني♡.
بعد مساااااافةةةةةة(ركزوا ف مسافة دي كويس🌝💔.)
فكاني_إشتقت ليك والله..
=جيت متين؟
_جيت من العِشاء.. جيتك ف الغرفة لقيتك نائمة..
=كان تصحيني
_لدرجة دي كان شوقك لي كتيير!.. حتى مستعدة تصحي من نومك عشان تشوفيني وتتكلمي معاي بس؟
_دي شنو النرجسية دي!.. اسي انت القال منو اشتاق ليك؟
_عيونك.
=مشاء الله بقيت عميق كمان!
_يعني صح؟
=للآسف بعد العُمق ده طلعت غلطان😂.
_م مشكلة دي البداية.. بكرة بنتعلم العمق ع أصوله..
=اممم كويس.
_مأمن.
=اها
_الجامعة
=مالها؟
_م ناوية ترجعي تكمليها خلاص؟
سكتت مسافة=م عارفة.
_البخليك م تعرفي شنو؟
=برضو م عارفة..
مسك كفي بين كفوفه_طيب انا ح أعرف بدلك. ح ترجعي الجامعة من بكرة وتبدي تقري لإمتحاناتك الفاينل.. لأنها كلها شهر وحاجة وح تبدأ..
=وانت عرفت من وين؟
_مشيت الجامعة وسألت. اها قلتي شنو؟
=طيب.
_م عايزك تشيلي هم شيء.. دكتورك عمر الزمان رجع عشان يقريك تاني
إبتسمت=م يحرمني منه تاني ياارب♡.
_آمييين
=خلاص قوم أرجع كمل نومك..
_م نعسان.
=بس كنت طول اليوم برة.. اكيد تعبان.
_قعدتي معاك دي نستني كل التعب والله
غطيت وشي بطرف توبي..
ضحك_شافعة دي.
=عندك دوامين صح؟
_اي. دوامي ف المستشفى أغلبه بكون ف المساء.. والصباحية لو كنت فاضي بمشي بشتغل مواصلات بعربيتنا
إبتسمت ليهو=ربنا يوفقك ويعينك ويرزقك من عندهُ يارب♡.
_آمييين.. ويرجعني غرفتي يااااارب
عاينت ليهو مستغربة.. ضحك..
=قصدك شنو؟
_ولا شيء.
سكت ساي. وهو شغال يبتسم.
_مأمن
رفعت نظري فيه
_بحبك انا والله.
=عارفة.
_وخليك عارفة ع طول ف كل لحظة تمر من حياتك♡.
هزيت ليهو رأسي اي
_نعسانة؟
=لا.
_طيب يلا قومي اتوضي وتعالي نصلي❤️.
=حاضر♡.
....

 بعد مرور شهر:
رجعت الجامعة.. وطلبت من عُمر اواصل ف تحفيظ القرآن الكنت بمشي ليهو زمان. وفعلاً شجعني عليه.. وبقى يوديني ويجيبني.. كنت بجي المساء تعبانة بنوم ع طول.. و عمر يجيني نص الليل يصحيني نصلي سوا مع بعض ويقعد يشرح لي ويقريني للصباح. واستمرينا ع الحالة دي.....
...
الليلة كان يوم الجمعة خالتو فاطمة قررت تعمل كرامة السبعة لنهلة مرأة محمد ولدها ف البيت. (كرامة السبعة دي عادة بعملوا للمرأة الحامل بعد تتم 7شهور ف حملها.. وخاصة بعد تكون بكرية"أول بيبي يعني").
الصباح بعد نضفنا ورتبنا البيت انا ومفاز. مشيت غرفتي أجيب لي غيار استحم.. مشيت لقيت عمر هناك.
_انت ح تفضل كل دقيقتين ناطي لي ف غرفتي كدة لمتين؟
=بجي عشان حاجاتي ف الغرفة دي.. م بجي عشان أشوف عيونك أفتكر
_مدام كدة.. انا عندي شنطة فاضية ممكن ألم ليك فيها حاجاتك دي وألحقها ليك ف مكانك..
=والله ده إستعمار عديل بعد ده.
_البيت بيت عمي.. ح أستعمره كله لو حبيت.
=أستعمري قلبي زاتو.
غطيت عيوني بيديني_ماف زول بستعمر  شيء حقه يابيبي.
_بيبي ف عينك. جلابيتي الكانت هنا وين؟
=هديك ف الطربيزة..
مشى عليها_كويتيها انتي؟
=اييي
_قلبي والله.
=ماف داعي تديها مفاز تاني وانا قاعدة.
_ليه؟.. غيرانة من مفاز يعني ولا شنو؟
=ف عينك.
ضحك وجاء مسك يديني باسهم_يسلمووا لي ياارب♡.
....
بدينا نجهز ف الحاجات.. بعد الصلاة النسوان جوا.. كنت شغالة ف التقديم.. بعد كملته. حسيت نفسي صدعت من الجوطة.. طلعت الحوش كان الجو مغيم وحلو شديد.. كان ف سرير.. قعدت فيه وختيت رأسي ودموعي نزلوا.. بعد مسافة أشوف عمر واقف قدامي.. رفعت رأسي
_انت جيت متين من برة؟
=اسي. انتي كويسة؟
_مصدعة بس.
=وم عارفة البكاء بزيد الصداع يعني ؟..
م رديت.
=النسوان لسة قاعدات جوة؟
هزيت ليهو رأسي أي ..
=طيب زحي لي كدة..
زحيت ليهو قعد جنبي.. ونزل لي رأسي ع رجوله.. وبدأ يقرأ لي♡. غطيت وشي بتوبي وغمضت عيوني
بعد مسافة فتحت عيوني وزحيت التوب
_عُمر
وقف قراية=عيوني
_انا بحبك♡.
إبتسم وقرب وشه ع وشي.. طوالي غطيت وشي بتوبي راجع. ضحك. وواصل قراية♡.
بعد شوية جوا خالتو فاطمة ومفاز وكل النسوان الكانوا جوه طالعات ع باب الشارع  وقعدهن يعاين لينا ويبتسمهن ساي.. انا إجمدت مكاني وعملت نفسي رايحة وانا جوة توبي.. رفعت نظري ع عُمر لقيته منزل رأسه عليّ ومغمض عيونه وهو بقرأ❤️.
جو خالتو فاطمة راجعين داخلين جوة
مفاز_يااخوانا معاكم هنا سناجل م ممكن كدة..
و انا لسة جوة توبي.. خالتو فاطمة ضحكت ودخلت.
عمر=السناجل يعرسوا بس.. نعمل ليهم شنو نحن؟!
_خلاص النبي عرس لي صحبك أحمد اب سكسوكة داك..
قعد يضحك ورفع شبشه وهي طوالي جرت جوة😂... رفعت رأسي منه
_واااي يا عُمر انا أمشي كيف جوة اسي؟!..
=كيف؟
_أمك وخاصة مفاز ح يشغلوها لي😭..
قعد يضحك
=م تضحك ياعمر.. انا جادة.. والله م بتحمل نظراتهم لي
_نحن اسي عملنا شنو يعني بخجل؟
=اصلاً انت م بتفهمني.. زح مني كدة..
قومت منه ودخلت جوة خليته يضحك.. ماشة كدة مفاز ظهرت لي ف وشي
مفاز_عملتوها شاذة ي مرأة خالي.. ف الحوش ف الحوش!!
=والله انا كنت راقدة براي ..هو الجاني
_اقنعتني م كان هو عارفك هناك براك؟
=والله م عارف
_اي صدقتك.
جات خالتو فاطمة تضحك:خلاص ي مفاز سيبيهم يتهنوا ببعض
_بس مفروض يراعوا للسناجل المعاهم ف البيت.. انا خلاص ح أمشي اهلي بعد ده.. تعبت من كرمشة المشاعر البتحصل كل يوم دي..
خليتهن يتكلمهن ويضحكن وجريت دخلت جوة.. لقيت المحل الكانوا فيه النسوان مقلوب من تحت لفوق.. قعدت ألم ف العدة وأرتب.. جات مفاز ساعدتني وهي لسة بتشاغل فيني... أصلاً اتعودت دي حركاتها معااي.. خلصنا واتغدينا وعملت ليهم شاي بنشرب فيه
_مفاز انا عندي تسميع بكرة.. لو فاضية تعالي سمعي لي.. اشوف نفسي حافظة ولا لسة عايزة مراجعة
=والله نصيحة مني عن تجربة أمشي لخالي خلي هو اليسمع ليك.. ح يساعدك أكتر ف النطق الصح.. بما إنه خاتم المصحف حفظ.
_خاتمه حفظ!!!!؟
=اي. انتي م كنتي عارفة ولا شنو؟ "ضحكت"
قومت منها وجريت الصالون. لقيت عمر مستند ع الكنبة ومركب سماعة ومغمض عيونه. جيت قعدت جنبه طوالي حضنته. بعد هو إنخلع
بعدني منه وطلع السماعة_ف شنوو؟
=ياخ انا والله محظوظة شددييييد.. معقولة يكون عندي راجل سمح وحنين ومتدين وبحبني!.. ده كتيير شديد قلبي م بتحمله والله..
ضحك_مشاء الله تبارك الله. والله بختك عديل.. ربنا يحفظ ليك راجلك يارب
_آميييين ياااارب.
=الحصل شنو؟
_قلبي وقع ف حُبك للمرة الآلف.
=السبب؟
غطيت عيوني بيديني_لأشياء بيني وبين نفسي لا أستطيع البوح بها.
=خلاص قومي أمشي من هنا
_طاردني؟
=م هو انتي قاعدة يومي تطرديني من الغرفة وانا م بقول حاجة.
_بس انا م بنطرد ي حبيبي
=الكرامة زيرو.
_الكرامة دي اكلناها قبيل ف قعدة نهلة
ضحك=قومي أمشي. وتاني م تجي هنا ابداً.. لو عايزاني اتصلي لي انا بجيك جوة
_ليه؟
=ده صالون رجال. ايمكن ف اي لحظة يجي ضيف خاشي هنا
_م تقول إنك بتغير عليّ وخلاص.
ضحك=النرجسية دي حدها وين؟
_السماء. مدام راجلي انت.
=ارح غرفتنا ي مأمن
_نعم؟!!
ضحك=ارح نكمل كلامنا هناك مدام م عايزة تمشي..
_لا. خلاص ماشة
=يلا سرررعة
_آخر سؤال
=مأمن
_والله آخر سؤال
=اها
سندت رأسي ع كتفه_م نفسك تحكي لي عن التلات سنين المروا ديل وانا بعيدة عنك؟
=نفسي والله
_كلي إذن صاغية ليك..
=اسي؟؟؟!
_ايوة متحمسة والله..
مسك يدي وساقني.. جينا مارين بخالتو فاطمة ومفاز قاعدين
مفاز:تسميع موؤفق ي صحبتي"وهي بتضحك"
عمر عاين لي ورفع حاجبه
_اي صحي بكرة عندي تسميع عايزاك تراجع معاي..
دخلنا غرفتي=و ليه م قلتي لي من قبيل؟
_نسيت.
=انتي فاضية لي من الرغي ده لكن!
صريت ليهو وشي.. ضحك. وباس خدي بسرعة
_تافه. وإستغلالي.
=م جديد عليك.
مشيت جبت ليهو المصحف وفتح ليهو الجزء_هاك أمسك.. ح اقرأ ليك من الآية".." لآية". َ". لو غلطت صلحني.
مسك يدي ساقني قعدني ف السرير
_ثواني أتوضى وأجيك.
هزيت ليه رأسي اي. مشى إتوضى وجاء قعد قصادي.
=يلا أستعذي من الشيطان وسمي بالله وأبدي..
_أعوذ بالله من الـ....."قطعت كلامي."عمر م تعاين لي ف عيوني بتوتر.. عاين ف المصحف.
ضحك=حاضر.
_أعوذ بالله من الشيطان الرجيم.. بسم الله الرحمن الرحيم. كهيعص......

♡.
--------------------------------------

 بعد مرور إسبوع:
كنت قاعدة الصباح بقرأ ف غرفتي.. حسيت نفسي زهجت. قفلت الشيت وقعدت أفكر لي زمن م لاقيت عمتي... حتى عقدي من عمر م باركته لي.. وعمي برضو من جيت هنا م اتصل ولا سأل مني غير مرة مرتين بس.
خطر ف بالي أمشي ازورهم وأبقى أحسن منهم. ف النهاية ديل اهلي البقوا لي ف الدنيا دي.. وم انكر إنهم كانوا معاي واحتوني كل الفترة الفاتت.... قاطع تفكيري دخلة عمر عليّ ف الغرفة
_طالبتي المجتهدة كيف الوضع عندك؟.. ان شاء الله كلو تحت السيطرة؟
=لا والله. شكله فقدت السيطرة خلاص🤦‍♀️💔
جاء قعد قصادي_هاك دي أول
طلع لي شوكلاتة من جيبه ومداها لي.. إبتسمت ليهو وشلتها منه
=شكراً♡.
_شكراً بس؟.. م ممكن تشكريني بطريقة تانية؟
=لا. كدة بس. عجبك عجبك م عجبك قوم أطلع لي من هنا خليني اقرأ
_م طالع قبل تشكريني زي الناس..
=أحترم نفسك وقوم أطلع..
_رجعي لي شوكلاتي خلاص
=م عندك حاجة عندي.. قوم مني.
جاء يشيل الشوكلاتة... شلتها لميتها تحت مخدتي وختيت يديني فوق المخدة.. مسك يديني ورفع المخدة وشالها مني😭.
_آخر مرة ح تشكريني ولا لا؟
=اسكت مني.. م تتكلم معاي
_براحتك.
قعد يفتح فيها قدامي وهو مبتسم.. فتحها وأكل منها
مدها لي_عايزة؟
=لا شكرآ.
قسم منها حتة بيده.. ورفع عيونه فوق
_ عايني داك ضب صح؟
وانا مخلوعة عاينت فوق=وينه؟؟
لقيت الشوكلاتة جوة خشمي.. وهو يضحك
_عوويرة. كبيييرة كدة تخافي من ضب؟
=مش قلعتها مني.! . بتأكل فيني فيها تاني ليه؟
_م نفعتني بدونك والله..
=خلاص جيبها"مديت ليهو يدي"
_هاك قلبي معاها.
شلتها منه وبقيت أكل فيها وهو بعاين لي.. مديت ليهو حتة بيدي أكلها. وباس خدي
=ده شنو اسي؟
_ شُكر
=انا كفاية علي شكراً العادية.. م قليلة أدب زيك.
_بحاول ابقى مؤدب زيك خلاص.
=بالتوفيق.
ضحك_اها كنتي بتقري ف شنو غلبك؟
فتحت الشيت_الجزء ده معقد و ابا يدخل لي ف رأسي.
=بسيط. حلك عندي. بس نتفق ع السعر أول
_سعر؟
=اي. تاني اي شيء عندنا ح يكون بمقابل.
_دكتور م محترم وإستغلالي بالجد.
=اها قلتي شنو؟
_خلاص سمح م بنتخلف. ابدأ اشرح يلا..
ضحك= نشوف.
.....

بعد خلصنا من القراية:
_انا قائم أجهز للصلاة
=جلابيتك م كويتها ليك لسة..
_م مشكلة أكويها ع راحتك مسافة أستحم واجي..
قام ع الدولاب شال ليهو ملابس..
=عُمر
_عيونه.
سكتت مسافة.. إلتفت علي_أحكي لي حبيبي
=إنت الليلة فاضي؟
_أفضى عشانك. قولي..
=ممكن الليلة توديني ناس عمتي وعمي أسلم عليهم؟
جاء قعد جنبي_الليلة؟!
=اي. ده اليوم الوحيد.. باقي الاسبوع كله ح اكون شغالة جامعة
_وهو يوم واحد بدل ترتاحي وتقري فيه عايزة تطلعي؟
=اي. عايزة أغير جو
_مأمن كلها فضل إسبوع واحد.. أضغطي نفسك فيه.. وبعد تخلصي امتحاناتك اي مكان عايزة تمشيه بوديك
=لا عليك الله.. بس نمشي نسلم ونقعد ساعة ساعتين ونجي..
سكت شوية_طيب مدام مُصرة كدة. . خليك جاهزة بعد الصلاة بمشيئة الله.
مسكت يدهُ وإبتسمت ليهو=شكراً
ضحك=لا شكر على واجب يابت حشاي♡.
ضحكت.. باس رأسي وشال ملابسه وطلع.. وانا قومت كويت ليهو جلابيته😔❤️.
--------------------------------------

 كنتُ وما زلتُ أُؤمنُ
‏أنّ إظهار الاهتمام هو إظهارٌ للحُب
 ‏لا حُب بلا اهتمام
‏أو بالأحرى لا تُخبرني أنك تُحبني
‏اهتمَّ بي وسأعرفُ وحدي أنك تحبني♡.

____________.

ومن هنا بقول ليكم بدل عرسوا بيستاتكم..  بستتوا عرسانكم🙈❤️.
•••••••••••••••••••••••••••••••••••••••••••••••••••••••••••
 

#الحُب~التائب《07》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
"بقيت لي إنت واحد وبس .. وبيك قصرت حد الشوف... ❤️."

.
بعد صليت جهزت ولبست عبايتي.. جاء عمر داخل
عُمر_ حُبي.
=تقبل الله♡.
_منا ومنكم صالح الأعمال يارب العالمين
=دعيت لي؟
_عندك شك ح انساك يعني؟.. أول زول.
=قلبي والله
_خلاص نمشي؟
=اي دقيقة بس.
شلت نقابي وإتوجهت ع المرايا.. وقف قصادي بيني وبين المرايا
_ماف داعي للمرايا وانا موجود♡. "مسك النقاب من يدي لبسني ليهو وربطهُ لي❤️."
_بالمناسبة ف أول مرة شوفتك بالنقاب خطفتي لي قلبي.. وف كل مرة أشوفك بيهو بتخطفي قلبي أكترر♡.
=اما انت خطفت قلبي يوم شوفتك باللحية ف المستوصف بعد جيت مع إبراهيم عيانة.. وخطفته لما عرفتك منعت المصافحة. وخطفته لما كنت بلاقيك وبتكلم معاك وانت م ترفع نظرك عليّ ابداً. وخطفته لما سمعت صوتك وإنت بتتلي بليل.. وخطفته لما صليت بي.. وخطفته لما عرفتك إمام المسجد الجنبنا.. وخطفته لما عرفتك خاتم المصحف حفظ.. ولو جيت أوريك خطفت قلبي كم مرة قبل المرات دي والمرات البعدها معناها م ح نمشي الليلة مكان😂.
بقى يعاين لي مسافة_عليك الله ف كل المرات دي خطفت قلبك؟
=ايييييييك.. خطفته اكتر من كدة بكتيرر
_يااارب دائماً خاطفه
=آمييين شديد.
إبتسم لي ومسك يدي وطلعنا..
جينا مارين بمفاز:جابت ليها طلعات كمان؟
ضحكت ولوحت ليها بيدي وطلعنا.
...
ف العربية:
عمر_بالمناسبة
=اها
_انتي وإبراهيم جيتوا المستوصف براكم ليه؟
ضحكت=ليه بتسأل؟..
_عليك الله جيتي معاهو برضاك؟
=اكيد. لو م جيت مع خطيبي غرة عيني برضاي.. اجي مع منو؟
_غرة عينك قلتي لي؟
=أقصد كان غرة عيني*
ولا كذب.. طوالي عمل يوتير"لف العربية ع الإتجاه التاني"
=ده شنوو؟..ماشين وين؟
_البيت.
=بيت منو؟
م رد لي.
_كنت بهظر معاك والله..
م رد
_لدرجة دي غيرت؟
=والله بعد شوفتك معاهو ف المستوصف قربت أكفتكم انتوا الإتنين.. بس الله ستر مسكت أعصابي وطلعت بس
اتذكرت الموقف ضحكت لما دموعي جروا.. وقف العربية ومسكني قفل لي خشمي بيدهُ
_اسكتي خلاص..اسي البضحكك شنو قدر ده؟
وأنا لسة بضحك.. بعد مسافة حتى سكت
_اوعك تضحكي برة البيت بالطريقة دي تاني.
=ي حسوود. عشان م عندك ضحكة زيها؟
ضحك_لا. عشان بغير عليها يسمعها زول غيري ويتكسر بدربها زيي"غمز لي".
غطيت عيوني بيديني=لدرجة دي هي حلوة يعني؟
_حلوة شنو؟.. دي أحلى منها زاتو الله م خلق.
=بختك والله كان كدة.. يلا عشان ضحكتها دي مفروض توديها ناس عمتها وعمها
_م حذرتي.
شغل العربية
=آسفة والله
_آسفك مرفوض.
=عليك الله ي عُمرر
_أبيت.
سكت منه وتاني م اتكلمت.. بعد شوية لف العربية تاني عاينت ليهو.. قعد يضحك
...
مشينا ناس عمي أول اتغدينا عندهم. ومشينا ناس عمتي.. لقيت عمتي وآية ف البيت بس وابو إبراهيم مع عمر ف الصالون.. سلموا علي بكل برود وادوني موية.. وفجأة تاني م لقيتهم. بقيت قاعدة براي منتظرانهم يجوني م جوا.. مشيت المطبخ م لقيتهم.. مشيت غرفة آية لقيتها مركبة سماعة ومغمضة عيونها.. مشيت عليها
_آية
=نعم
_عمتي فاتت وين؟
=ف غرفتها مصدعة نامت
سكت شوية _سلامتها..خلاص انا ماشة. بجيكم مرة تانية..سلمي عليهم
=الله يسلمك.
طلعت منها واتصلت ع عمر
_انت وين؟
=ف الصالون.
_اطلع انا منتظراك جنب العربية.
طلعت وجاء لاحقني
_م اتوقعتك تطلعي بالسرعة دي!!
مسكت دموعي وركبت العربية بدون ارد.. جاء ركب جنبي
_مأمن ف حاجة؟
=لا. يلا نمشي..
عاين لي مسافة تاني شغل العربية واتحركنا لحدي م وصلنا نحن ساكتين.. وصلنا نزلت بسرعة ودخلت جريت غرفتي.. قلعت نقابي وبقيت أبكي.. الموقف جرحني شديد.. مهما كنت غلطانة ف حقهم ع الاقل يعاتبوني ويشاكلوني.. بس م يتجاهلوني بالقسوة دي💔.
عمر جاء داخل.. مسحت دموعي بسرعة. قفل الباب وجاء قعد جنبي
_عمر معليش.. ممكن تخليني براي شوية.
ضماني عليه=اصلاً انتي حالياً براك.. لأني انا نفسك♡.
ضميته اكتر وبكيت...
رفع لي رأسي=خلاص كفاية. مافي شيء يستاهل تبكي عيونك الحلوة دي عشانه.
مسح لي دموعي.. وساقني من يدي مشينا الحوش.. كان الجو حلو ومنعش شديد.. و ف سرير مفرش"سرير عمر".. قعدنا فيه.. كان جنبه جك موية وكباية.. كب لي واداني اشرب.
_الزعلك شنو؟
=ولا شي.
_لو خبيتي عليّ.. عايزة تحكي لمنو يعني!؟
عاينت ليهو.. وخطر ف بالي فعلاً بقى م عندي ف الحياة دي غيره💔.
=عمر انا حاسة نفسي بقيتي وحيدة وم.....
قاطعنى_هشش.. دي أول مرة وآخر مرة تفكري كدة.. بغض النظر عن الناس الكتيرة الحوليك دي. انا برضو هنا.. ومستعد أبقى ليك كل شيء.. حتى لو عمتك زعلتك.. انا ممكن أبقى ليك عمتك عادي..
ضحكت. وهو إبتسم
_ناس عمتي قالوا ليك شنو؟
=اتعاملوا معاي بكل برود.. حتى م قعدوا معاي وأي وحدة دخلت غرفتها.
عاين مسافة مستغرب_هم اصلاً بعاملوك كدة؟
=لالا بالعكس والله. دي أول مرة
_والسبب شنو؟
=تقريباً  إبراهيم
_كيف؟؟!!
=لأنه رفضت أرجع ليهو.
سكت مسافة_يعني هو طلب يرجع ليك تاني بعد فسختوا الخطوبة؟
=اي وانا رفضت.. وحتى جاء فتح الموضوع مع عمي مصطفى كم مرة بس برضو رفضت. وسبحان الله لحظة خلاص وافقت عليه ومشيت اكلم عمي بموافقتي ف نفس اللحظة فاجأني بإنه انت متقدم لي.
_عليك الله جد؟!!!.
=والله جد.
_وليه وافقتي؟
=م كان عندي خيار تاني. ماف زول ح يخليني اقعد ف بيتنا براي. وم ممكن أقعد مع ناس عمي العمر كلو.. وناس عمتي نفس الشيء واصلاً لو مشيت قعدت معاهم مصيري يزوجوني إبراهيم. فقلت أحسن أختصر واوافق من اسي.
فجأة ف كسر ثانية لقيت عُمر حاضني شديد.

--------------------------------------
عمر:
من كلامها لي حسيت إنه كان ممكن ف لحظة وحدة أخسرها للأبد💔. حضنتها علي بسرعة ورددت ف سري:الف حمد وشكر  ليك ياارب خليتني اجي ف الوقت المناسب
رفعت رأسها مني_مالك؟
=انتي م ملاحظة لخطورة الموضوع!.. يعني كان بين لحظة ولحظة كنتي ح تبقي لغيري
ضحكت وختت يدها ف خدي_عشان تعرف نصيب زول م بشيله زول. وإنه فعلاً ربنا قادر يقلب كل الموازين ف رمشة عين♡.
=الحمد لله رب العالمين ♡.
مسكت كفة يدها الفي خدي وبوست باطنها.. وضميتها علي.. بقت تعاين فوق.. وجهة نظري لمكان نظرها لقيت السماء مليانة نجوم والقمر أكتر من نصه مكتمل.. بقينا نتأمل ف السماء والجو كان حلو.... فجأة رفعت رأسي مني
_انت ملاحظ اننا قاعدين ف الحوش؟!!!!
=ووين المشكلة؟
_كيف وين المشكلة؟.. اسي لو زول جاء شافنا؟
قامت من السرير. قعدتها راجعة=الساعة ماشة ع 9..كلهم ح يكونوا ناموا خليك قاعدة معاي..
_لالا انا ماشة. فكني
=يابت الناس انا بحب فيك من وراء اهلك!.. م هو انا عاقد عليك وإنتي مرتي.. كدي عايني للدبلة الفي يدك دي.
_عليك الله فكني
=ابيت.
_ ع فكرة انا زولة عندي إمتحانات بعد اسبوع..وانت قاعد تضيع لي وقتي كله.
=اليوم كلو كنتي حايمة برة.. من جات علي انا بقى تضيع وقت؟
_انا نعست لكن
=نومي معاي هنا
_عمر م عايزة معاك هبالة.. عليك الله فكني خلاص.
=خلاص طيب بو..
قفلت لي خشمي بيدها_عليك الله ي عمر م تكون تافه كدة.. انا طول عمري بحترمك والله.. بس بقيت بحركاتك دي قاعد تسقط من نظري..
نزلت يدها وبقيت اضحك مسافة.. وهي م صدقت لقتها فرصة.. فكت يدي منها وجرررت جوة. رقدت ف سريري وكل م اتذكر كلامها الاخير القالته وهي جادة بضحك.. صحي انا شكلي معرس لي شافعة🤦‍♂️.
.
--------------------------------------
 مأمن:
ف اليوم التاني.. طلعت من الجامعة بدري .. اتصلت لِـعُمر م رد.. قلت احتمال مشغول. ركبت المواصلات ورجعت البيت براي.. دخلت لقيت مفاز براها ف البيت كانت متوترة..
_مفاز ف شنو؟ مالك؟
=ماف شيء
_وليه انا حاسة بيك م كويسة؟
م ردت.
_مفاز. طيب خالتي وين؟
=بحكي ليك بس م تخافي
_ف شنو ي مفاز وقفتي لي قلبي
=اسي ف زول اتصل وقال خالي عمر عمل حادث واسي ف المستشفى....
م خليت تتم كلامها وجريت طوالي الشارع.. بعد وصلت الظلط حتى اتذكرت ياتو مستشفى!... طلعت تلفوني من الشنطة وقع من يدي جسمي كلو برجف..رفعت واتصلت ع مفاز
_ياتو مستشفى؟
=تعالي م تمشي براك ي مأمن انتظريني..
_مفاز وريني ياتو مستشفى؟!
=....
قفلت منها وركبت... وانا ف المواصلات شغالة ابكي والف فكرة ف رأسي... يارب يكون كويس💔💔.. يارب م تيتمني للمرة التالتة💔💔💔💔.. يااارب يااارب يااارب.....
...
دخلت المستشفى عيني وقعت ف محمد أخو عمر جريت ليهو..بعد وصلته اشوف خالتي فاطمة جوة ف غرفة.. دخلت لقيت عمر جنبها.. طوالي مشيت حضنته وانا أبكي.. وهو شغال يتكلم... بس م وعيت الا بعد مسافة...
_مأمن!!.. قولي بسم الله.. ماف شيء
رفعت رأسي منه=انت كويس صح؟
_كويس والله كويس.. اهدي خلاص
=مف مفاز قالت لي عملت حادث
_اي ضربني بتاع موتر.. بس م جاتني حاجة.. زي م شايفاني قدامك اسي..
سكت وبقيت أعاين ليهو
خالتي:جاته الضربة ف يدهُ..
عمو عبد الرحمن:بس خفيفة الحمد لله.
عاينت ليدهُ ولمستها.. ملامحه ظهر عليها الألم.. قعدت أبكي تاني..
_مأمن خلاص.. كفاية م تبكي..
جاء محمد داخل:يلا نطلع ع البيت
جاء ساق عمر وطلعوا.. وخالتي مسكتني وضمتني عليها
:خلاص أحمدي ربنا جات ع كدة.. م تبكي خلاص..
وهي ماسكاني طلعنا بوراهم..
....
 بعد العشاء:
 بعد الجو هدى ونسوا الموضوع.. مشيت لعمر ف الحوش لقيته نائم.. قعدت جنبه وبقيت بعاين ليهو.. دموعي جات نازلة.. فتح عيونه.. وبقى يعاين لي..
_م خلاص؟.. ح تقضلي تبكي كدة الليلة لمتين يعني؟.. كان مجرد حادث وعدى ع خير الحمد لله.. ماف داعي لده كلو ي مأمن..
=انت م حاسي بي انا كنت خايفة عليك كيف!.. الف فكرة خطرت ف بالي لحظتها.. انا قبل كدة مجرد الحادث ده بسببه خسرت اي شيء ف حياتي💔.
نزلت وشي ف يديني وبقيت أبكي شديد....
قام من رقدته وقعد ضماني عليه فكيته ودخلت جوة مشيت غرفتي وبقيت ابكي...
--------------------------------------

 عمر:
بعد مشت حسيت بتأنيب الضمير من كلامها.. مشيت لحقتها ف غرفتها.. قعدت جنبها
_انا آسف م قصدي استخف بشعورك.. بس والله ي مأمن انا م بتحمل أشوفك وإنتي بالحالة دي..
م ردت لي وهي لسة بتبكي.. م عرفت اقول شنو عشان اهديها.. قربت منها.. قامت وقفت. قعدتها وضميتها علي غصب عنها.. وبديت اقرأ ليها  بعد هدت... رفعت رأسها مني وبقت تمسح ف دموعها.. نزلت يدها ومسحت ليها الباقي بيدي.. وبوست خدودها.
_انا آسف ي مأمن
=م تعتذر انا م زعلانة منك.. "إبتسمت" ربنا يحفظك لي وم يشوفني فيك شر يارب العالمين
_ويحفظك لي ياااربي
=يدك لسة بتألمك؟
_لا بقت أحسن
=الحمد لله.. طيب خلاص نوم هنا.. م تمشي الحوش
رفعت ليها حاجبي بتعجب
=مالك؟
_لو كنت عارف كدة.. كان من زمان شوفت لي أقرب بتاع موتر يضربني عشان تخليني انوم هنا
ضحكت=لدرجة دي عايز تنوم هنا؟
_وأكتررر
=خلاص اتهنى بغرفتي.. لاحظ غرفتي م غرفتك مركز؟.. اتهنى بيها الليلة بس.. وبكرة من الصباح اجي م ألقاك هنا..
_تجي؟.. انتي ماشة وين اصلاً؟
=ح انوم مع مفاز..
_وطيب عايزاني انوم هنا ليه؟
=عشان الحوش بارد. ويدك م ح تتحمل البرد
_وانا الفكرت عايزاني أنوم جنبك عشان تطمني عليّ🤦‍♂️
ضحكت=خلي قلة أدبك ونوم يلا..
_ح انوم ف الصالون.. نومي ف غرفتك ساي.
=لا. خلاص قلنا نوم هنا وخد راحتك..
صلحت لي المخدة ورقدتني فيها.. وإتحركت بسرعة
وقفت ف الباب=تصبح بخير
إبتسمت ليها_تلاقي الخير حبيبي.
.
--------------------------------------
 مأمن:
ف صباح اليوم التاني مشيت الغرفة جيت لقيت عُمر ماف.. شلت ملابسي ومشيت استحمت وجيت راجعة لقيته نائم فيها.. شلت عبايتي وحاجاتي ومشيت جهزت ف غرفة مفاز... شربت الشاي وجيت أطلع ع الجامعة اتذكرت تلفوني ف الغرفة.. مشيت شيلته من الطربيزة وعاينت لعُمر نائم.. إبتسمت تلقائياً قربت منه وتاني اتراجعت مترددة.. وتاني رجعت بوست جبينه وإتحركت.. فجأة أحسه مسك يدي إلتفت عليه مخلوعة
_الليلة يوم كم؟
عاينت ليهو مستغربة.
_يوم كم الليلة سريع؟
فتحت تلفوني وعاينت للتاريخ=9/3
_فليشهد التاريخ 3سبتمبر2023..كانت اول قُبلة صباحية ف حياتي من مرتي مأمن.
=اننن
_عليك الله تاني وحدة..
=فك لي يدي.
_خجلانة قلتي لي؟.. انتي بعد عملتك الأمس مفروض تاني الخجل يكون ف جهة وانتي ف جهة تانية خااالص.
=عملتي الأمس؟؟؟
_كمان عاملة فيها م مذكرة؟
=قصدك شنو؟
_حضنتيني أمس قدام أمي.. وياريت ع أمي بس كمان ابوي!.. لا. ومحمد!!.. وكل الناس الحولينا شافوك..
سكت مسافة=عليك الله؟
_انتي م مذكرها يعني؟
رفعت عيوني فيه لقيته بضحك=ويعني شنو؟.. راجلي وانا حرة.
ضحك_والله؟
خالتو فاطمة:اي كلامها صح.. راجلها وهي حرة.
إلتفت وراي مخلوعة لقيتها بتضحك.. سكت ساي... رفعت نظري لعمر لقيته بعاين لي وكاتم الضحكة
خالتي:أصبحت كيف ي ولدي؟
خليتهم يتكلموا.. وطلعت جريت الجامعة.
--------------------------------------

 بعد مرور ايام:
ف يوم كنت طالعة من الكلية لقيت إبراهيم واقف لي.. إستغربت.. جاء عليّ
_مأمن
=إبراهيم كيفك؟
_بالجد عايزة تعرفي انا كيف؟
إستغرب وهزيت ليه رأسي أيوة.
_م كويس والله
=ليه؟.. ف شنو؟
_بتستهتري بي ي مأمن صح؟
=العفو.
_ليه عملتي فيني كدة ي مأمن؟.. شوفتي فيه شنو عجبك أكتر مني؟.. انا بحبك و....
قاطعته=لو سمحت ي إبراهيم لو جاي تتكلم ف الموضوع ده ياريت تمشي من هنا.. وتخليني امشي انا كمان
_لو م جاوبتي ع أسئلتي ماف زول فينا ح يتحرك من هنا.
=ماف اي شيء اجاوبك عليه. انا خلاص اتزوجت والصفحة دي إنقفلت. وانت كمان يارب يرزقك ببت الحلال البتناسبك وتسعدك.
_أي شيء عندك ببساطة. حتى مشاعر الإنسان بستهوني بيها.
حسيت قلبي وجعني من جملته دي.. سكت مسافة
=انا آسفة بس ده نصيبنا. لو كنا خير لبعض كان ربنا جمعنا.. بس معناها ده الخير لينا.
جيت أتحرك.. مسك يدي وختاها جهة قلبه وضغط عليها بقوة غلبني أفكها.
_وريني والقلب ده أقنعه كيف....
م ركزت مع باقي كلامه بعد شوفت عمر جاي علينا.
=عمر
إبراهيم إلتفت وراه حتى انا قدرت أفك يدي منه بسرعة..
عمر وصلنا ووشه بالجد غلبني أفسره. عاين فينا مسافة.
عمر:مأمن امشي اركبي العربية.
انا=عمر و...
قاطعني بنبرة عصبية عالية:العربية ي مأمن.
إبراهيم_ م تصرخ فيها.. انا م بسمح ليك
عمر عاينه ليهو بتعجب. ومسك يدي وساقني
_عمر م..
=م عايز اسمع منك أي شيء. اركبي بس.
ركبت قفل عليّ الباب=لو نزلتي من العربية دي قبل م اجيك. صدقيني م ح يحصل خير.
مشى مني سريع وإختفى من نظري.
--------------------------------------
 عمر:
مشيت ع إبراهيم م لقيته ف مكانه.. جيت راجع العربية ركبت وانا غضب الدنيا كله فيني من المنظر الشوفته قبل شوية.
مأمن_عمر ....
=مأمن لو عايزانا نصل البيت بالسلامة أكرمني بسكاتك.
_عليك الله اسمعني
عليت صوتي=مأمن رجاءاً اسكتي خلاص.
سكتت وانا بقيت ماشي وحاسي إني م مركز وح افقد السيطرة ع السواقة ف أي لحظة. وقفت العربية ونزلت منها.. وحاولت أهدى وأسترخى....كم دقيقة ورجعت العربية وواصلنا طريقنا بدون مأمن تفتح خشمها بكلمة تانية.
وصلنا البيت ومأمن طوالي نزلت دخلت جوة. وانا مشيت الصالون.
قعدت وأخدت نفس:الله ينعلك ي رجيم. مهما كان الموقف الشوفته انا واثق ف مأمن م عملت شيء وكانت مجبورة. بس أنا م قادر م أغضب وم أزعل.. نار الغيرة إشتعلت جواي وانا شايفه ماسك يدها ومقربها منه. ده حق من حقوقي خاص بي انا بس.. كيف يتجرأ ويأخده بدلي!.
إستغفرت"استغفر الله العظيم واتوب إليه".. وقومت مشيت عليها.. لقيتها ف غرفتها.. فتحت الباب. كانت منزلة رأسها ف رجولها وهي ضامها عليها.. رفعت رأسها عاينت لي ومسحت دموعها.. مشيت قعدت جنبها.. حاولت ألطف الجو.
_اسي الببكيك شنو؟.. انا م بكيت. تبكي انتي؟
عايزة تضحك بس سيطرت ع ضحكتها=وانت الببكيك شنو؟
مسكت يدها_شوفت أملاكي الخاصة عند زول تاني م عايزاني أبكي؟
إبتسمت لي بإتصناع=برضو م ح انسى ليك انك صرخت فيني... كمان قدام الناس.
_جاهز للعقاب.
=وفائدة العقاب شنو لو م بتثق فيني؟
_م بثق ف روحي قدر م بثق فيك والله ي مأمن.
=اي بابن شديد..
_وأكبر دليل ع إني قاعد جنبك اسي..
م ردت.
_إبراهيم كان بقول ليك ف شنو؟
=ولا حاجة.
_مامن.
=جاء يسلم عليّ بس.
_يسلم عليك ف الشارع!.. انتي م عندك بيت يجي يسلم عليك فيه؟
=وانا دخلي شنو! هو براهُ الجاني.
_يعني م ح تحكي لي قال ليك شنو؟
=عشان تعرف انك م واثق فيني..لو بالجد واثق م ح يفرق معاك القاله لي.. لأنه مهما القاله لي مفروض تكون متطمن انا اتصرفت معاه ورديت ليهو الرد المناسب.
م عرفت أقول ليها شنو.. بقيت أعاين ليها مسافة "فعلاً انا واثق ح تكون عملت كدة". قربت منها.. قامت وقفت
=لو سمحت عايزة أغير عبايتي ممكن تطلع لي من هنا؟
_ووين المشكلة؟.. لو بتحبي أقدر اساعدك انك تغيرها كمان.
شالت المخدة ضربتني بيها ف وشي.. وشالت توبها وجرت برة الغرفة.
--------------------------------------
 مأمن:
المساء بعد جيت انوم قعدت افكر ف الموقف.. حسيت إنه بالجد انا محظوظة انه عندي شريك زي عُمر بثق فيني كل الثقة دي وم كبر المشكلة عشان بس م بهون عليه زعلي♡.
بالجد ماف أهم من الثقة والآمان ف العلاقة.. مهما كانت المشكلة بتكون متطمن م ح تتفهم غلط. إحساس الخوف بعيد منك ده فعلاً اجمل إحساس.
رغم عصب فيني بس مقدرة مؤقفه كَـ راجل بغير وغيرته أكيد ناتجة من حُبه الشديد لي♡.
اتذكرت كلام إبراهيم لي قبيل.. حاسة لسة قلبي واجعني عليه.. انا فعلاً غلطت ف حقه شديد يوم وافقت ع خطوبتنا وعشمته واديته أمل إني ح أكون ليهو.. كنت انانية بالجد وفكرت ف نفسي.. كنت عايزة بس أنسى عمر وادي نفسي فرصة وأبدأ حياة جديدة معاه.. وم فكرت ف النتائج بعدين اللي طلعت بالفشل إني انسى حب عمر وظلمت إبراهيم معاي بدون ذنب💔.
عشان كدة الواحد لو م جاهز لعلاقة وراغبها من كل جواه ومستعد ح يتحمل فيها اي شيء ويدي فيها بصدق. م يدخلها مهما كان السبب.
استغفر الله العظيم واتوب إليه.. قومت إتوضيت وصليت ركعتين دعيت لإبراهيم ربنا يخفف عنه ويعفو لي من حقه ويرزقه بالبتسعده اكتر مني بالف مرة يارب ♡.
--------------------------------------

في الحب لن تجد مساحة للجرح ولا التكفير الطويل ولا الحزن المرير،الحب،الحقيقي لا يلازمه سوى السكينة والراحة♡.
•••••••••••••••••••••••••••••••••••••••••••••••••••••••••••
 

#الحُب~التائب《08》 ♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
"غريبة الدنيا جمعتنا وبقولو عليها رواحةة... ❤️. "

 بعد مرور شهر ونص:
الليلة كان آخر يوم ف إمتحاناتي.. خريجة إلا إمتحان خلااص(يارب أحس بفرحة اليوم ده قريب😭💔).
كنت وافقة ف المرايا بظبط ف نقابي وانا متوترة.. جاني عُمر.. مسك مني النقاب.. وساقني قعدني ف السرير.. فتحت لي بسكويت وبقى يغمزها ف الشاي ويأكلني ليها.. وشربني الشاي.
_نفسي أعرف اكتر من شهر كامل كل يوم لازم توتري بالطريقة دي؟
=م بيدي ي عمر. بذات إمتحان مادة الليلة دي😭
_مش نحن زاكرنا كويس ودعينا وقرينا يس والأذكار سوا؟
هزيت رأسي ايوة.
_طيب تاني ف شنو؟
م رديت.. مسك كفوفي وضغط عليهم_خليك واثقة ف ربنا م ح يضيع مجهودك وتعبك بإذن لله تعالى
=ياارب
قربني وضماني عليه مسافة♡. بعدني منه ومسك النقاب ربطه لي وحصني وطلعنا.. طول الطريق كان مشغل قرآن ف العربية كالعادة.. وصلنا.دخل معاي لجنب القاعة
_خلاص اطردي التوتر والخوف وأي شيء من رأسك. وركزي ف الزاكرناه امس بس. وم تنسي الأذكار قبل تبدي ف الامتحان.
=حاضر
_انا ح امشي المسجد ح أدعي ليك.. بعد تطلعي اتصلي لي.."باس رأسي"يلا بالتوفيق ياارب
....
بعد طلعت من القاعة لقيته منتظرني برة.. مشيت عليه
_اها بشرري؟
=بتعرف عمر راجلي؟
ضحك_الإمتحان طلع قررضة زيه.
=بالضبط😌.
ضحك_الحمد لله رب العالمين
=الحمد لله شدييييد.
_ع كدة نقول مبروك إنضمامك دكترة المختبرية
غطيت عيوني=يبارك ف عمرك يااربي
_وعمرك ي حياتي...ليه م قلتي لي زفتكم الليلة؟
=لأني م عايزة اتزفى.
_ليه؟
=ساي. م نفسي فيها.. كلها ح تكون اغاني وم فيها شيء محمس يعني امشي عشانه..
إبتسم لي مسافة_عقبال تنزفي لي.
عمَّ الصمت ارجاء المكان.
ضحك_عندك حاجة تانية ف الجامعة؟
هزيت رأسي لا.
_طيب يلا بيتنا..
مسك يدي وطلعنا..
...
وصلنا البيت.. مشيت نومت طوالي. صحيت قريب المغرب.. لقيت مفاز و خالتو فاطمة ف المطبخ
انا_الليلة جايننا ضيوف ولا شنو؟
مفاز=إلا كان محمد خالي ومرته نهلة."وهي بتضحك"
سكت وم عرفت اقول شنو
خالتو فاطمة:مفاز السميد فوق جبي لي.. اعمل البسبوسة بعد ده
_عايزين تعملوا بسبوسة.. انا بعملها ليكم
:لالا.. انتي لسة مؤجرة من الشغل البيت.. لبعد بكرة حتى تنزلي تاني
ضحكت_النومة دي والله نستني كل التعب. خليني أعملها عليك الله
=اي يمة.. انا سمعت من مصادر موثقة مأمن مرأة ولدك خبرة ف البسبوسة.
:صحي؟!
_جربي وأحكمي😌.
ضحكت:طيب يلا نشوف.
عملتها وختيتها ف الفرن وطلعت لقيت مفاز بتفرش ف الحوش.
حاسة كأنه جاين ضيوف بس م عايزين يوروني.. مشيت صليت المغرب وجيت قطعت البسبوسة وختيتها ف التلاجة.. وم لقيت موضوع رجعت غرفتي.. فتحت تلفوني.. بقيت اقلب ف تلفوني فتحت الصور اعاين ف صور امي وابوي
:كنت عايزاكم تكونوا جنبي الليلة واشوف الفرح والفخر ف عيونكم بإني أخيراً حققت أمنيتكم وح أبقى دكتورة💔...
مرت على غيابكم 6شهور💔.. م عارفها مرت كيف!.. بس كل ليلة انا بتذكركم وببكي ع فراقكم.. ياريت لو بكايي برجعكم. ولو دقيقة وحدة أضمكم فيها وأشبع من ريحتكم💔.. حياتي بقت لا بهجة ولا لون بدونكم.. بس أحب أطمنكم إنه ربنا عوضني ف غيابكم بإنسان حنين عليّ زيكم.. قادر يرسم الضحكة ع وشي ويرزع الطمأنِينة والأمان فيني.. م تشيلوا همي وأرقدوا ف قبروكم مرتاحين لحدي م أجيكم💔.
الباب دق.. مسحت دموعي سريع
_اتفضل
دخلت مفاز=مرأة خالي السمحة
_حبيبتي تعالي
=بنادوك ف الحوش+محمد خالي برة معاهم عشان تغطي وشك وانتي طالعة
_حاضر جاية.
هي طلعت وانا قومت بعديها.. مشيت المطبخ غسلت وشي وشربت موية ومشيت ليهم... لقيتهم كلهم قاعدين هناك م عدا البتفتش ليهو عيوني كالعادة♡.
سلمت ع نهلة ورديت السلام ع محمد وعمو عبد الرحمن.
عمو عبد الرحمن:تعالي يابتي اقعدي جنبي
كانوا قاعدين هو وخالتو فاطمة ف نفس السرير.. مشيت عليهم خالتي فاطمة مسكتني وقعدتني ف نصهم هي وعمي وإبتسمت لي.
عمي:مبارك عليك ي دكتورتنا
انا:يبارك فيك يارب
خالتي:وعقبال نشوف باللابكوت وحايمة ف المستشفيات
إبتسمت:آميين ياارب.
مفاز:وعقبالي انا كمان ياااارب
نهلة:وأنا ياارب
مفاز:لا إنتي كفاك عبودي جايك. ولا تفكري تاني ترجعي تقري.
نهلة ظهرت عليها ملامح الزعل وإلتفت لمحمد:صحي!
محمد وهو بضحك:كلامها صح مفروض تاني تفكري ف قراية عبودي وبس.
مفاز طلعت ليها لسانها وقعدوا يضحكوا
محمد:بهظر معاك.. انا واعدك ولسة عندي وعدي حتى لو جبنا عشرة بعد عبودي كمان.
نهلة إلتفت لمفاز وطلعت ليها لسانها😂.
عديناها ونسة وضحك لحدي الباب دق.. قامت مفاز فتحته.. جاء عمر خاشي البيت لقانا قاعدين كلنا..
عمر:م حبيتها منكم والله... الأسرة الكريمة كلها متلمية وانا ماف!
جاء سلم ع محمد ورد السلام لنهلة وباس أبوه ف يده.. قرب عليّ مديت ليهو يدي جدع لي اللابكوت بتاعه ومشى باس أمه ف يدها ورأسها.. طبعاً حسيت بالإحراج وبقيت أتلفت اتاكد ف زول شاف عمر بعد فطاني وم سلم عليّ..بس الحمد لله ماف زول ركز فيها..
قعد معانا ومفاز قامت كبت ليهو شاي وجابت ليهو من البسبوسة
عمر:شايف ف إستولى جديد حاصل ع مكان من مكاناتي..
كان بعاين لي بس م فهمته
مفاز:يحليلك ي خالي اهلك طلقوك خلاص.. وبقوا يقعدوا مرتك الجبتها ليهم هي ف نصهم.
قعدوا يضحكوا..
خالتي:ده مكان صغير البيت. وهي اسي ياها بتنا الصغيرة
مسحت ع رأسي وإبتسمت.. وانا إبتسمت ليها♡.
مفاز: أيوووووة. يعني م حاسبيني أنا من ناس البيت ديل. لالا يا حاجة تمام.
قعدت أضحك وكانوا كلهم بضحكوا وخالتو فاطمة تبرر لمفاز ف موقفها.. فجأة نظري وقع ف عمر بعاين لي بتحميرة بعد قطعت ضحكتي وسكت.
تاني مد يده وشال من البسبوسة أكلها.. وطوالي عاين لي.
مفاز:اها رأيك شنو ف بسبوستي؟
عمر:عملتيها إنتي؟؟!!
مفاز:م شايفها ظابطة كيف!.. ح يكون عملها منو غيري؟
عاين لي ورجع عاين ليها:رررهيبة والله.. يسلموا لينا يدينك
مفاز:العفو😌.
وواصلوا ضحك وونسة.. وانا كل م اجي اضحك بذكر تحميرة عمر لي فبسكت.
....
بعد لمينا الحاجات واي زول فات ع مكانه.. رجعت غرفتي لقيت عمر قاعد هناك ف كرسي...
دخلت بدون م اعاين ليهو ومشيت سريري ع طول بتوبي رقدت..
_ع اساس م شايفاني يعني.
م رديت ليهو وغطيت وشي بتوبي.. جاء قعد جنبي وبعد التوب من وشي..
باس خدي_إشتقت ليك
=لِم شوقك عليك وقوم مني.. نعسانة عايزة أنوم.
_الزعل لي حبيبي منو؟
=كمان عامل م عارف!
_معقولة أكون انا؟
=لا انا.
قبلت منه بالجهة التانية. لفتني عليه.. وقومني من رقدتي وحضني😔❤️.
بعد مسافة حتى فكاني
_م سلمت عليك معاهم عشان م عايز أسلم عليك غير بالطريقة دي.. والطريقة دي م بتنفع معاك قدامهم.. صح ولا انا غلطان؟
إبتسمت إبتسامة عريييضة=غلطان.
رفع لي حاجبه
=أحبني ف العَلـن انا ليستُ خطيئة.
_والله؟!
=والله.
_مدام قلتي كدة.. عُلِم وح يُنفذ"غمز لي"
ضحكت.. وعاينت ليهو لقيته سارح فيني ومبتسم. فجأة صريت وشي.. ملامحه إتغيرت والإبتسامة إختفت منه
_مالك؟
=بتحمرر لي قبيل قدام أهلك ليه؟
_متين ده؟!
=م تعمل نفسك ناسي.
_والله م مذكر.
=كنت بضحك ع كلام مفاز لخالتي فاطمة.. عاينت ليك لقيتك بتحمر لي.
ضحك_قبل كدة حذرتك من الضحكة دي. صح ولا لا؟
=قلت لي م تضحكي برة البيت. بس م قلت لي م تضحكي نهائي.
_طيب اسي ح أقول ليك م تضحكي إلا قدامي ومعاي ولي. وقفلنا ع كدة.
=ده تحكم ولا تسلط؟
_كلوو
=خلاص سمح.
_ابقي راجلة وأضحكي قدام زول تاني.
=اي م بضحك قدام زول تاني تمام.
ضحك_مشيني كويس. وبالمناسبة..
=اهااا
_البسبوسة خطفت قلبي زي المرات الفاتت واكتر كمان..
=ممم. ح أكلم مفاز الصباح بالكلام ده.
_بطلي إستبهال. عارفك عملتيها إنتي.
=عرفت كيف؟
_آخر سنة لي ف الجامعة م كنت بأكل غيرها.. وتقول لي عرفت كيف!.. طعمها بميزه من بين مليون بسبوسة غيرها.
=ربنا يحفظني ليك و أفضل أعملها ليك دائماً..
_آمييين ياارب.... خلصت ولا فيها باقي؟
=م عارفة والله.. اشوف ليك التلاجة؟
_ياريت.
=من عيوني الإتنين.
طلعت مشيت المطبخ لقيت باقيها.. لقيت حليب بارد ف التلاجة كبيت ليهو منه وشلتهم ليهو.. طالعة من المطبخ لاقتني خالتي
خالتي_مأمن. كنت جاياك ف غرفتك
=خير!.. ف حاجة؟
_عايزة اتكلم معاك شوية برانا..
=طيب ممكن دقيقة أمشي واجيك
_عمر ف غرفتك؟
هزيت ليها رأسي أيوة.
 إبتسمت=امشي ليهو وتعالي منتظراك هنا.
مشيت ليهو أديته وجيت طالعة
_ماشة وين؟
=خالتي قالت عايزاني..
_طيب امشي.
مشيت ليها وقعدنا..
خ_مأمن بتي الحمد لله رب العالمين خصلتي دراستك. وجاء الوقت للموضوع التاني.
عاينت ليها"قصدها شنو؟!!"
_طبعاً فاهمة قصدي.. مرت 6شهور ع وفاتهم ربنا يرحمهم ويغفر ليهم.. لو الحد بجيبهم راجعين كان ح نحد عمرنا كله.. بس دي سنة الحياة ناس تموت وناس جديدة ينكتب ليهاا تجي عليها.. وف كل ده الحزن والفرح لابُد يستمروا. وهم أكيد عايزين سعادتك وح يفرحوا لفرحك وم ح يكونوا مرتاحين وإنتي موقفة حياتك عشانهم.. وغير كدة عُمر جايهُ عقد عمل ف السعودية وقال م ح يسافر قبل م تموا عرسكم وفعلاً لو مشى الجية تاني م ح تكون ساهلة عليه قريب. وطبعاً هو م عايز يضغط عليك ومتردد يفتح معاك الموضوع. بس انا جيت اتكلم معاك بدون علمه.. لأنك عارفة قبل م تكوني مرأة عُمر. إنتي بتي ف المقام الأول ومافي حواجز بين الأم وبتها.. ومهما كان رأيك انا ح أفهمك وح اتقبله.
بقيت بعاين ليها وانا ساكتة..
_م مشكلة أخذي راحتك ف التفكير.. بعد تقرري تعالي كلميني..
=انا م عندي مشكلة. موافقة ع الوقت البتحدده انتوا.
عاينت لي مسافة وإبتسمت. وقامت حضنتني
_ربنا يتمم ليكم ع خير ويسعدكم يارب العالمين.
--------------------------------------

 عمر:
جاتني مأمن داخلة وباين عليها التوتر
_مأمن!.
رفعت عيونها عاينت لي
_مالك؟.. وكنتي وين إتاخرتي كدة؟
=بتكلم مع خالتي.
_ كنتوا بتقولوا ف شنو ده كلو؟
=كلام بين أم وبتها
ضحكت_لو كدة.. معليش ع التحشر. تعالي نأكل يلا.
=إنت م أكلت لسة؟
إبتسمت_إنتي عارفة م بنفعني بدونك.
=انا شبعانة أكل ساي.
مشيت عليها وجبتها قعدتها جنبي.. مديت ليها تأكل
_م ممكن ف أي شيء لازم تتدلعي عليّ كدة
=زهجت من دلعي ده؟
ضحكت_دلعك ع قلبي زي العسل والله..
=الواحد نهائي م يقدر ينكد معاك شوية..طوالي تفصله كدة!
_دي لعبتي برضو.
ضحكت وأكلنا..مديت ليها كباية الحليب
=انا م عايزة والله.. أشرب إنت.
_طيب.
شربت منه وكشرت وشي.
_إنتي كبيتي فيه شنو؟.. طعمه كدة!!
=فيه شنو؟؟!
_ م عارف.. كدي ضوقي
بكل حسن نية شربت منه بيدي
=ماله.!!.. طعمه عادي.
_جد!.
لفيت الكباية بالجهة الشربت بيها هي وشربت منه♡
_اي فعلاً يادوب طعمه بقى حلو
عاينت لي وتاني بقت تضحك بخجل.. وقامت من جنبي.
_ماشة وين؟
=أتسوك وأجي.
_أتوضي معاك.
=حاضر♡.
بعد شوية جات راجعة. صلينا ركعتين سوا.. ورقدتها ف سريرها حصنتها وغطيتها وبوست جبينها
_تصبحي بألف خير حبيبي♡.
=تلاقي الخير ياارب..
شلت الصحن والكباية ومشيت المطبخ.. لقيت أمي هناك
_خير يُمة لسة م نومتي؟!..
=ماف شيء.. بس أبوك قال مكيف لقهوة اسي..
ضحكت
=عمر. انا اتكلمت مع مأمن ف الموضوع.
_ياتو موضوع؟
=موضوع عرسكم..
_ليه ي أمي!.. انا قلت ليك خليها وم تسأليها.. كنت ناوي براي افاتحيها ف الموضوع وأعرف رأيها بدون أحسسها ضاغط عليها
=وانا تفتكر ضغطت عليها وجبرتها يعني؟
_العفو ي أمي.. بس مأمن حساسة وخجولة أكتر من اللزوم وم ح تكون صريحة معاك عشان م تزعلك.
=انا م حسيت كدة.. وحسيت إنها وافقت بكل رغبتها...
_وافقت؟!
=اي.. قالت م عندها مشكلة موافقة ف أي وقت.
_طيب خير
طلعت طوالي منها والفرحة م سايعاني.. رجعت لمأمن..فتحت نور غرفتها لقيتها متغطية كلها بالبطانية.. مشيت قعدت جنبها زحيت البطانية من وشها.. قبل م اشوفها رجعت تاني غطت وشها..
=عمر ف شنو؟
_افتحي وشك عايز اتكلم معاك
=كدة سامعاك قول..
جريت منها البطانية.. تاني رجعت اتغطت
=ياخ انا م لابسة توبي.. مالك معاي؟
_توب ف عينك. والله م تفتحي وشك اجر منك البطانية نهائي وأرفعها فوق الدولاب.
طلعت لي وشها وهي لافة طرف البطانية ف رأسها
=اها مالك؟ خير ف شنو؟
_مأمن. إنتي"إترددت"
=انا مالي؟
_صحي موافقة ع عرسنا خلاص؟
نزلت عيونها مني=اي.
_أكيد مرتاحة لقرار ده بدون اي ضغط من أي شيء؟.. أطمني لو عندك أي إعتراض....
قاطعتني=عمر انا قلت ليك موافقة.. وم عندي أي أعتراض.
_أكيد؟
هزت لي رأسها أيوة. قومتها وقعدتها وضميتها عليّ ببطانيتها.. وهي لسة مصرة تتغطى بيها مني.
_ياخ انا عايز أكلك؟..
م ردت.
_يلا م مشكلة ايام وح نشوف ح نستمر ف التغطي ده لمتين..
رقدت وغطت وشها=أطفي معاك النور.
ضحكت وقومت طفيت النور وطلعت.
--------------------------------------
 مأمن:
م قدرت م أوافق.. او بالاصح م اوافق لمتين؟.. انا عارفة عمر عايز كدة من زمان بس م عايز يضغط عليّ.. هو فعلاً م قصر مني واتحملني كل الفترة الفاتت وم سألني عن شيء.. فيستاهل انا أفرحه واعمل شيء عشانه.
....
ونحن بنشرب ف شاي الصباح:
عمر عاين لي=انا شايف الجمعة الجاية مناسبة...
قاطعته خالتي_جمعة؟! ولا تفكر.. ايمكن الجمعة البعد بعد الجاية ولا البعدها.. تلاتة أساببع كدة مناسبة
=تلاااتة ي أمي؟؟؟.. ليه ده كلوو
_لو م جهزت بتي وبقيتها عروس بالجد ماف ليكم اي عرس
=ومحتاجة شنو مأمن؟.. انا عايزها كدة.
خجلني الحيوان قدام أمه
ضحكت_ الشفقة تطير. مستجعل ع شنو ي ولدي؟! صبرت كل الشهور دي غالبك اساببع!  
حسيته خجل=طيب أعمله العايزهم.. يلا مع السلامة..
قام طوالي طلع.. حتى م باس يد أمه كالعادة قبل يطلع الشغل..
خالتي_تمي شائك.. وقومي ألبسي.. الصباحية دي الجو حلو نمشي السوق ونجي..
هزيت ليها رأسي.. قامت دخلت غرفتها وانا قومت غسلت عدة الشاي ومشيت جهزت وطلعنا....
.....
جينا راجعين بعد الظهر.. إشترينا حاجات كتيرة ومن بينها حاجات الحبسة... وبديت ف الحبسة من الليلة واليوم مر...
....
كنت راقدة ف غرفتي بليل جاني عمر خاشي.. قومت سريع لبست توبي وغطيت وشي
_جابت ليها غطى وش كمان.
=أطلع من هنا سريع.. وتاني ماف بينا اي شوفة قبل العرس.
_ليه؟
=عادات وتقاليد.
_ف عينك إنتي والعملهم..
جاء قرب علي=أحترم نفسك وأطلع قبل م أناديك ليك خالتي.
قرب أكتر.. طوالي جريت وفقت ف الباب
=تطلع ولا أمشي أناديها..
_بطلي هبالة ياخ.. انا مشتاق ليك.. من الصباح م شوفتك
إتحركت ع برة
_خلاص تعالي.. انا طالع..
=يلا أطلع انت أول
طلع.. وانا دخلت.. عايزة أقفل الباب.. تاني دخل سريع وقفل الباب وضماني عليه.. وانا بحاول اتفك منه م قادرة. بعد شوية بعد مني وبقى يعاين لي بنظرات م مفهومة..
_يعني عشان كدة م عايزاني أقرب منك.. خجلانة مني يعني؟! "ضحك"
م رديت ومشيت رقدت ف سريري إتغطيت.. م عارفة ليه حسيت دموعي عايزين ينزلوا!!.. جاء فتح وشي مسحت دموعي سرعة.. بعد شافني إستغرب.. قعد جنبي
_مأمن!.. مالك؟؟
م رديت.وغطيت وشي
_مأمن ردي لي..  كنتي بتبكي ليه؟
=أطلع من هنا بس
_ح أطلع بس أول وريني مالك
=ماف شيء.
_مأمن أحكي لي..
م رديت.. بعد مسافة
_طيب. انا بالجد م عارف المزعلك شنو.. بس لو مزعلك أنا ياريت تسامحيني وأكيد م قاصد أزعلك والله.
م رديت. فتح وشي وباس خدودي وجبيبني_تصبحي بألف خير ي حبيبة قلبي♡.
---------------------------------------------------------

 بعد مرور 3 أسابيع :
كان الليلة الخميس وبكرة المناسبة... حنوني بس عمر رفض يتحنن وقال دي حاجات نسوان وم ح يعملها.. كان البيت جايط بالناس إلا عمتي وبناتها أتخيلوا م جوني لحدي اسي!.. المهم بعد إنتهيت من الرسم وغسلته طوالي مشيت غرفتي نومت من التعب.. صحيت الصباح إشتغلوا فيني مفاز ونهلة ونرجس "جاتني الصباح" ماسكات وكدة ولبسوني توب عرس الأحمر. عملوا صيوان برة لرجال والنسوان جوة البيت.. عمتي وبناتها جوا قريب الغداء اتغدوا وطلعوا طوالي.. حتى م حسيت إنهم فرحانين لي وعاملوني بكل برود.. كان نفسي اتكلم مع عمتي بس م قدرت قدام الناس.. جاء عمي ومرته برضو بدري شوية وفاتوا.. كنت حاسة بشعور م حلو ابداً.. م قادرة افرح ف اليوم ده.. بس كل همي ينتهي ع خير بأسرع وقت... م كان ف اغاني ولا أي حاجة من النوع ده وده كان طلب ورغبة من عمر وناس البيت أيدهُ..
....
بعد العشاء البيت بقى شبه فاضي.. كنت مصدعة شديد مشيت غرفتي.. لقيتهم جايين سرير تاني مصلقينه مع سريري والغرفة مرتبة ومبخرة ومنظرها بالجد يفتح النفس.. دخلت غيرت ملابسي وصليت وبلعت مسكن ورقدت ف سريري وإتغطيت.. دموعي بقت تنزل... م عارفة ببكي ليه وعشان شنو!.. بس كان نفسي أبكي وبكيت.
سمعت صوت الباب.. مسحت دموعي وعاينت بطرف البطانية ألقى عمر دخل وقفل الباب♡.
--------------------------------------

 أحب أن أنظر إليك
 ‏وأبتسم
 ‏هذا كل الحب
 ‏الذي بداخلي♡.
•••••••••••••••••••••••••••••••••••••••••••••••••••••••••••
 

#الحُب~التائب《09》 ♡
#♡الاخــــــــــــــــــــــــــــــــــــــــيرة♡
#بقلم~مأمن~أحمد🖤✨

ـــ★★★ــــــــــــــــ♡♡♡ــــــــــــــــــ★★★ـــ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
استودعته في صدري سراً
لا يعلم خوفي عليه
إلا من ساقه لي قدراً بين أقداري
كدمي كنبضي كطفلي الذي خُلِق مني
أحبه وأنشغل به وأخشى من الدنيا عليه
رجل الحلم في عمري❤️..

.
عمر دخل وقفل الباب.. من أمس طول اليوم ده م شوفته.. كان لابس جلابية بيضاء ولافي الشال ف رأسه وطرفه منزله ف كتفه.. سرحت ف حواجبينه الغزيرة وعيونه السوداء ولحيتة الكثيفة المالية نص وشه ولونه الأسمر الفاتح والساعة والخاتم والدبلة شايلين منه حتة.. يالله لي بس منه😔❤️...
ف نص حزني داك ودموعي لسة ف عيوني لقيت نفسي يبتسم تلقائياً... "أنت الحاجة الوحيدة البقت مُحلية لي حياتي دي.. ربنا م يحرمني منك ياعُمر❤️.".. جاء جنبي طوالي عملت فيها نائمة.. قعد ف السرير بوراي.. ورفع الغطاء من وشي.. وانا مغمضة عيوني حسيته أنفاسه قريبة مني.. طوالي إنقلبت الجهة التانية وإتغطيت.. ع اساس انا لسة نائمة.. حسيته قام مني عاينت بطرف عيوني لقيته فتح الدولاب طلع ليهو ملابس وطلع من الغرفة.
...
بعد ربع ساعة كدة سمعته فتح الباب وقفل... عديت مسافة م سمعت أي حركة تانية.. فتحت طرف البطانية براحة أشوفه.. إنخعلت بعد شوفته قدام عيوني وهو قاعد ف الأرض قصادي
قعد يضحك_عاملةة فيها نائمة قلتي لي؟
م رديت
_شنو يا!.. ما إشتقنا نحن...
=اممم
ضحك_قومي نأكل..
عاينت لدرج الجنبنا لقيت صينية أكل =م جعانة انا.. اكل انت..
قام قعد جنبي_م جعانة! وم أكلتي حاجة من الصباح!"قومني من رقدتي.شلت توبي غطيت بيهو نفسي"
=وانت عرفت كيف م أكلت من الصباح؟
مد لي_بسم الله الرحمن الرحيم "أكلني بالغصب"امي قالت لي..
م رديت وبقينا نأكل ساكتين..
...
أكلنا وشال الصينية وداها وجاء راجع.. لقاني راقدة(بحب الهبالة زي عيوني).. جاء قومني وضماني عليه.. مسكت توبي طوالي مسكه من يدي _شايف التوب ده معذبك شديد..
شاله وقام دخله الدولاب وجاء
_وكدة ريحناك منه.
حمرت ليهو
جاء قعد جنبي وبقى يعاين لي مسافة_أمي دي الليلة عملت فيك شنو طالعة سمحة كدة؟
=قصدك انا الليلة يادوب بقيت سمحة!
_من يومك سمحة والله.. بس الليلة زايدة حبتين شوية..
=شكراً.
بعد لحظات صمت.. قرب وشه مني غمضت عيوني.. باس جفوني.. فتحت عيوني
_ليه كل الحزن ده ف عيونك ي مأمن؟!
عاينت ليهو..
_مفتكرة انا م حاسي بيك؟.. ولا م بفهمك من ملامحك؟.. ياريت ي مأمن لو أقدر أعمل كل شيء نفسك فيه وعايزاهُ.. بس إرادة ربنا فوق إرادتي.. انا م بملك شيء غير إني أحبك.. عارف حُبي م ح يعوضك عن الفقدتيه.. بس بحاول أعمل كل شيء طالع بيدي عشان أسعدك.
إبتسمت ليه=وجودك جنبي أكبر سعادة ربنا اداني ليها.. وأطمن انا م بتمنى شيء ف حياتي غيرهُ♡.
_طيب ليه شايف اسي الحزن ده ف عيونك؟
=ايمكن عشان عيوني م شافوك من أمس.
إبتسم إبتسامة عريضة_جد؟
=قلنا ايمكن.. م أكيد.
ضحك وضماني عليه_وانا إشتقت ليك والله وبالي كان معاك طول اليوم ده..
=م يحرمنا من بعض يارب
_آمييبيين ياقاادر يااكرييم يااربي
بعدني منه ورقدني وجاء رقد جنبي ورفع رأسي ف حضنه♡.
_الحمدلله رب العالمين اخيراً الواحد مرادهُ تمَّ وح ينوم راجع ف غرفته..
رفعت رأسي عاينت ليهو.. ضحك
_أقصد اخيراً الواحد مرادهُ تمَّ و ح تنوم حبيبة قلبهُ ف حُضنه"غمز لي"
ضحكت ورجعت رأسي حُضنه❤️.
طفى النور وحصنا..
باس جبيني_تصبحي بالف خير ي إنتصاري العظيم❤️.
إبتسمت من جوة قلبي=تلاقي الخير يعيوني.
حاوطيني بيدينه وضماني عليه أكتر♡.
......
جاتني صحية نص الليل.. لقيت عمر فاتح النور الخافض وبعاين لي.. إبتسمت ليهو باس خدي
_ربنا يجمع كل حبيب بحبيبهُ وم يحرمه من الإحساس الحاسي بيهو أنا حالياً ده♡.
=عُمر
_روحه.
=انا بحبك شديد.
_عارف.
صريت ليهو وشي
_مش دي حركاتك؟
م رديت وعايزة أقوم.. مسكني وضحك
_انا م بحبك. انا بتنفس حُبك والله.
=عارفة.
_يارب دائماً عارفة.
قام جاب لي توبي من الدولاب. قومني ولبسني ليهو وساقني من يدي برة.. مشينا اتوضينا وجينا صلينا سوا.. قام جاب لينا مصاحف.. وجاء رقد ف رجولي وبقينا نرتل مع بعض للفجر😭❤️.
....
مشى المسجد وانا صليت و نومت راجعة.. صحيت بإحساس ببوس ف خدودي
_قومي كفاك نوم.. انا إشتقت ليك
=م تكون حقار.. خليني أكمل نومي...
_يعني م عايزة تقومي تجهزي لي شنطتي للسفر؟
فتحت عيوني سريع
=سفر شنو؟!
_زي م عارفة جاني عقد عمل ف السعودية.. وم بقدر اتاخر أكتر من كدة
قومت من رقدتي مخلوعة=شنو؟.. شنو؟..
_زي م سمعتي..انا مسافر الليلة المساء
=وأنا؟؟
_إنتي مالك؟
=عمر م عايزة معاك هظار..
_وده كلام بهظرهُ فيهُ!.. "فتح الدرج وطلع تذكرة طيران مدها لي قريتها".. اساساً من زمان مفروض اسافر بس كنت منتظر نتم عرسنا واسي تم الحمد لله.. ماف شيء بقعدني تاني.
حسيت قلبي وجعني وم عرفت أرد ليهو بشنو.. بس  رقدت وإتغطيت
_مأمن مالك؟
م رديت.
جاء يفتح وشي مسكت البطانية شديد.. قام شالها كلها مني وجدعها ف الكرسي
_إنتي هبلة؟.. هي دموعك دي هاملة ساي تنزل لأي شيء.. "مسحهم لي".. ندمتيني ع هظاري معاك والله.
=كنت بتكذب عليّ يعني؟!
_لا م بكذب.. بس انتي م فهمتي كلامي؟ ولا شوفتي التذكرة التانية الكانت مطبوقة تحت الأولى..
عاينت لتذكرة لقيتها فعلاً اتنين وانا قبيل م لاحظت.
=ح نسافر سوا يعني؟
_لا ح اسافر انا براايي. نصي عمر ونصي التاني مأمن♡. "غمز لي"
نطيت ف رقبته بوست خدهُ وحضنته سريع.. بعدت منه لقيته مبتسم
_شايف حاصل تطورات وحركات وبركات..
=تافه وقليل أدب.. زح لي أقوم أجهز شنطتي..
_التافهين وقليين أدب بقوا كتار والله..
ضحكت وقومت.. واتحركت ع الدولاب
_شايفك م إتفاجئتي بسفرك معاي ده
غطيت عيوني بيديني=سلفاً عارفة م ح تقدر تتحمل فراقي وح تسوقني معاك...
_أموت انا ف الثقة بالنفس دي..
=م ثقة بس.. وزكاء كمان.. من يوم لقيت جوازي ماف ف الدرج عرفتك ناوي تعمل كدة...
ضحك_زكاء لكن...
باب الغرفة دق.. عمر قام وشال توبي من السرير لفاه فيني.. ومشى فتح الباب..
مفاز_عرسانا.. صباح الخير
عمر=يسعد صباحك يارب
_أتفضلوا الشاي.. قلنا ندلعكم الليلة شوية.. بس م تتعودوا تاني ..
=القاعد ليك منو تاني عشان تدلعيه؟
_اي صحي.. اتزكرت يحليكم والله"ظهرت ف ملامحها الزعل"
عمر شال قطعة من البسبوسة الشايلاها مفاز ضاق منها
=البسبوسة دي عملتيها إنتي؟
_اكييد
=عشان كدة سمحة
_إحم إحم
=بس م لدرجة المرة الفاتت
عاين لي وضحكنا
_كلمتيه انك عملتيها إنتي المرة الفاتت..صح؟
انا:بري والله..
حمرت لي_اي ظاهر
=طعم مرتي بعرفه من مليون صنف
ضحكت_اشششي.. خلاص انا ماشة مافي داعي للمطعنات دي أكتر.. مدت ليهو الصينية ولوحت لي بيدها وفاتت.
.....
المساء جهزنا لبست عباية فارة من تحت بالأسود فيها خطوط رفيعة بالرمادي الفاتح..ونقاب وطرحة نص توب بالأسود وإسبورت وشنطة يد بالرمادي.. وطلعت لعُمر قميصه الأسود ومعاهو بطلون بالرمادي وإسبورت أسود. لبسهم بدون اي نقاش♡.
جاء خاشي لقاني واققة ف المرايا
_الليلة بسحرونا بالتطقبيم ده
=مدام ح تحصنا انت.. م ح يجينا شيء بإذن لله
جاء قرب مني حصني.. شلت العطر رشيته فيه
_مأمن إنتي إتعطرتي؟.
=ابداً..بس عطرتك انت عشان ألمه ف الشنطة..
_كنت عايز أقول ليك م تتعطري برة البيت مهما كنا ماشين وين..
إبتسمت ليهو=حاضر.
باس رأسي. كنت بصلح ليهو ف زرارة قميصه الفوق
=عُمر
_حبيبي
=امم.. ممكن أطلب منك طلب؟
_عيوني ليك.. أمُريني
=ممكن توديني أودع عمتي قبل نمشي المطار؟
سكت ثواني_م ح نقدر.. ح نتاخر لو مشينا ليهم والطيارة ح تفوتنا
=لسة الوقت باقي اكتر من 3ساعات لموعد الطيارة..
_مع شحن الشنط وإجراءات السفر الوقت بمشي..
=هم أصلاً ف طريقنا.. أوعدك م ح نتأخر عندهم.. 5 دقائق بس.. اسلم واجي طالعة..
سكت ثواني_عشان خاطرك عندي حاضر.
ضميته بسرعة=شكراً.
_كرفستي القميص خلاص زحي..
زحيت منه وعايزة أمشي.. مسكني سريع وضماني عليه راجعة
_أنتي مالك هبلة وبتصدقي سريع كدة!! إنتي مكرفسة قلبي وشايلة عندك.. بقت ع القميص كرفسيه ساي..
=خلاص فكني.. الوقت براهُ إتاخر..
_لناس عمتك م بتأخر.. بس لي أنا بتأخر..
ضحكت ومشيت لميت باقي الحاجات.. شلنا شنطتنا وطلعنا
خالتي أول م شافتنا بكت تبكي.. وبكتنا كل البيت غصباً عننا.. حضنت عمر وبقت تبكي معاهُ.. عمر نزل تحت وباس أقدامها.. وقام باس كفوفها وضماها عليه تاني وباس رأسها.. وإتحرك منها شوفت الدموع نازلة من عيونه.. مشى ع أبوه وعمل نفس الشيء معاه♡. وانا مسكتني مفاز وبقينا نبكي..جات خالتي فكتني منها وحضنتي وعمر ضم مفاز عليه باس رأسها ومشى ع محمد وحضنه.. حضنت نهلة ومشيت بوست يدي عمو عبد الرحمن وهو باس لي رأسي... ودعناهم وطلعنا أجرنا ترحال وإتحركنا..
كان راكب جنبي وراء.. كان لسة رموشه مبللة بالدموع.. مسحتهم ليهو بيدي إبتسم لي وضماني ع كتفه وباس رأسي♡.
....
وصلنا ناس عمتي ودخلنا سلمنا عليهم.. لقيناهم كلهم لابسين شكلهم طالعين مشوار.. قعدنا ف الحوش انا وعمر وماف زول تاني طلع علينا.. دخلت لعمتي جوة لقيتها براها ف الغرفة.. كان نفسي اتكلم وأعتذر لعمتي عن العملته ف إبراهيم بس م قدرت..
انا_عمتي انا مسافرة.. وجيت أطلب عفوك ورضاك قبل م أمشي..
عمتي=عافية ورضيانة عليك.
_من قلبك؟
=اكيد  ماف شيء بينا عشان م أعفي ليك
مشيت بوست رأسها ويدها_إبراهيم قاعد ف البيت؟
=اي.
_ممكن تناديه لي حابة أسلم عليه..
جات آية داخلة:إبراهيم م فاضي بجهز ف نفسه.. لو م انتي جيتي كان طلعنا.. ماشين نتمم خطوبته..
_الف مبروك ليهو.. وربنا يسعدهُ يارب
=آميين
_طيب سلموا عليه.. واستئذنكم انا.. وم أعطلكم أكتر عن مشواركم..
=الله يسلمك.
طالعة منهم.. سمعت صوت إبراهيم جاي علينا:أمي آية.. يلا أطلعوا إتااخرنا ع الجماعة..
جاء داخل عاين لي بصدمة
_السلام عليكم.. إبراهيم كيفك؟
=الحمد لله.
_مبروك.. انسبطت ليك.. ربنا يسعدك..
=تسلمي..
_انا مسافرة.. العفو ي إبراهيم ع كل شيء..
سكت مسافة=لله ورسوله.
طلعت منهم طوالي.. مشيت الحوش عاينت لعُمر.. إبتسم لي♡.
وصلته _كلو تمام.؟
هزيت لي رأسي أيوة.
=الحمد لله "مسك يدي وطلعنا ع المطار..."

--------------------------------------

وصلنا وكان مكان شغله ف مكة♡.. أجرنا شقة قريبة من الحرم وسكنا فيها❤️.
كان الوقت يادوب صباح نومنا ع طول.. وصحينا الظهر أحرمنا ومشينا الحرم وعملنا عُمرة😭❤️.. كنت مبسوطة شديد ودموع الفرح والحزن طالعة من جواي♡.. طول العُمرة كنت بدعي لأمي وأبوي بالرحمة والمغفرة.... وبدعي يحفظ لي عُمر وم يحرمني منه... عدينا طول اليوم هناك ورجعنا بعد العشاء البيت.
...
بعد اتعشينا.. كنا راقدين ساكتين.. م عارفة عمر كان بسبح ولا بعمل ف شنو!.. المهم كان مغمض عيونه وبحرك ف شفايفه وأنا راقدة ف حُضنهُ🌝😔❤️.
_عمر
=أحكي لي
_انا عايزة أكمل تحفيظي هنا لحدي أختم.
= حتى لو انتي م طلبتي مني كدة..تفتكري أنا براي ح أخليك تقعدي وم أوديك م تواصلي فيه..!
رفعت وشي وإبتسمت ليهو_م أنحرم منك يارب♡.
باس جيبني=ولا منك يارب العالمين.
رجعت رأسي ف حضنهُ ومسكت يده أحرك ف دبلته.. فجأه اتذكرت عمر كان خاطب زمان.. انا كيف نسيت الموضوع ده؟؟؟!!!.. قمت سريع ربعت رجليني وقعدت قصادهُ
_بسم لله مالك؟
=عمر انت كنت خاطب زمان منو؟
عاين لي بإستغراب
=عمر رد لي لو سمحت
_منو القال ليك انا كنت خاطب؟!
=م ضروري تعرف.. بس أحكي لي
_كنت خاطب بت جيرانا..
=ع اساس كنت عايزني من زمان؟.. كيف خطبت غيري؟
_ظروف.
=ظروف؟!
_اي م كانت رغبة مني يعني..
=كيف يعني؟.. احكي لي؟
_كانت هي اخت صحبي وحاصل ليها مشكلة وبخطوبتها من زول كانت ح تحل المشكلة.. وانا حبيت اساعدها وخطبتها.. بس طبعاً ماف زول كان عارف خطبتها للسبب ده ولا أمي حتى.. المهم بعد فترة بسيطة رسلت لي أختها الصغيرة أدتني ورقة كاتبة فيها رقمها وعايزاني اتصل ليها ضروري.. اتصلت وقالت لي انا م عايزاك وفخسنا الخطوبة ع كدة..
=المشكلة كانت شنو يعني م فهمت؟
_اسرار وخصوصيات ناس م بقدر أحكيها.
=ولا لي انا؟
_ولا ليك إنتي والله يعيوني
=م علينا.. بس كيف تخطب بالبساطة دي؟؟.. يعني لو م هي قالت م عايزاك كان إتزوجتها!!
_كنت عارف هي مجبورة ع الخطوبة ومصيرها هي تصارحيني بالشيء ده..
=وأفترض هي م صارحتك.. واتزوجتوا وهي رضت بيك.. وانت حبيتها وعيشتوا مبسوطين.. انا كان ح يحصل لي شنو؟؟؟!
_كان ربنا ح يرزقك بأحسن مني
زعلت بالجد صريت ليهو وشي وقبلت منه ع الجهة التانية ورقدت.. ضحك.. قام باس خدي
=زح مني لو سمحت.. لا تلمسني ولا تتكلم معاي..
_انتي ملاحظة انه اسي انا متزوجتك إنتي وماف مرأة ف حياتي غيرك.. وداك كان ف الماضي بس
=بس انت كنت مستعد تتخلى عني ببساطة وتتزوج غيري عشان تساعد ليك زول بس.
_طيب انا آسف حقكك عليّ
=كمان بعتذر!! معناها فعلاً م عندك مبرر وعارف نفسك غلطان
قومت سريع من السرير.. مسكني
_اي كنت غلطان ومعترف.. بس م أي شيء عندنا ليهو مبرر غير ف اللحظة ديك الواحد بحس نفسه مفروض يعمل الشيء ده وبتابع إحساسه وفعلاً بعمله... و كنت واثق ربنا زي م انا كان ف نيتي أفرج كُربة زول ع حساب نفسي.. ربنا اكيد م ح يهون عليه وح يناولني مرادي انا كمان..
عاينت ليهو مسافة=كلامك م أقنعني ولا ح أقدر اسامحك بسهولة..
شلت توبي وطلعت سريع برة الغرفة.. الشقة كانت صغيرة م فيها غير غرفتنا ومطبخ وحمام.. وصالة فيها طقم جلوس.. رقدت ف الكنبة وإتغطيت.. جاءني برة قعد ف الأرض قصادي
_مأمن
قاطعته=لو سمحت خليني براي.. م ح اقدر م ازعل منك مهما كان موقفك.. بس خليني وامشي و بكرة براي بتجاوز وبنسى
_لازم تزعلي هنا يعني!!.. ازعلي واتجاوزي وانسي الموضوع وإنتي ف حُضني.. وين المشكلة؟!
م رديت. فجأة حسيته شايلني وماشي بي ع غرفتنا..
فتحت وشي=إنت منو السمح ليك تشيلني؟
_راجلك سمح لي
=برضو ح اجي راجعة أنوم هنا
_لو لقيتي فرصة تاني تعالي
نزلني ف السرير وشال التوب جدعهُ ف كرسي. ورقد جنبي ع طول وضماني عليه.. وانا قدر م حاولت اتفك منه م قدرت.. ف النهاية إستسلمت وهديت.. كان بحرك يده ف وشي وشعري.. عيني تاني وقعت ف دبلته
=الدبلة دي لابسها من يوم خطبوبتكم صح؟
_تاني؟
=جاوبني.
_اي
=وليه محتفظ بيها لحدي اسي؟!
_زكرة منها.
رفعت عيوني فيه.. قعد يضحك.. مسكت يده وطلعت الدبلة من أصبعه ورميتها ف الأرض.
=امشي جيبها يلا وأحتفظ بيها أكتر..
ضحك_دي كلها غيرة؟!
م رديت.
_م كنت مفتكرك بتبقي حلوة كدة وإنتي غيرانة!
م رديت
رفع رأسه من المخدة وقاصد وشي_مأمن.
=مالك؟
_بما إنه طيرتي لي النوم من عيوني.. عايز أقول ليك حاجة
عاينت ليهو
_اسي انتي مالك خجلتي كدة؟!
عاينت ليهو بإستغراب=أخجل من شنو؟
حرك يدهُ ف كتفي من فوق لحدي وصل كفي وشربكتها ف كفهُ♡. قرب باس خدي ورجع عاين ف عيوني_عايز أقول ليك إني بس بحبك♡.
--------------------------------------

‏"هُناك من يرَى الحبَّ حيَاة، وهُنَاك منْ يَراه كِذبة
كِلاهما صَادق : فالأوَّل التَقى بروحِه, والثانِي فقدهَا."
..

وتبقى الغاية الأسمىٰ مِن الزواج هي تلك السَّكينة التي تسبق المسكَن ، والمودة قبل المُباهاة ..!

 أن يطرد الأمن الخَوف
 ويحتوي اللين الخِلاف ، ويحتضن الأمل الألم ، وينعَم الطرفان ببعضهما البعض ، كناقِص الشيء طيلة حياته ثمّ يصل للإكتِمال .

أن تسود البيت الألفة والرحمة ♥️

 هو يحفظ لها أنوثتها ؛
فيحبّها ويدلّلها ، ويوفر لها مُتطلباتها ويكون رجلاً مسؤولاً قواماً فتحفظ له -بكل الحب- قوامته ؛ فلا تُفشي له سراً ولا ترفض له أمراً ؛ لأنها تعلم جيدًا أنه جنّتها ونارها .

أن تتشابك الأيادي في الخير وتسير الأقدام في البِرّ ،
ولا تنسى العيون معروفاً !

أن يكون زوجاً كريماً فلا يبخل وتكون زوجة أصيلة لا تنكر ♡

فلقد شرع الله الزواج
لنهرب مِن وحدة أنفسنا لنعمِّرها مع غيرنا ، ونأنس مِن وحشتنا مع مَن يُشبهنا ، ونقوىٰ على عثرات الأيام بجوار مَن يقبلنا ويتقبَّلنا بكل حُبٍّ ورِضا ♥️

فاللهمّ بيوتاً آمنةً مطمئنة ، تحفّها التقوى و يملؤها الإيمان و الصلاح مع اليقين ، أن تغمر حياتنا المودة و السعادة ، ولا تَذرنا فرداً و أنت خير الوارثين .

 #بيوت_متطمنة
ممكن نصلّ على الحبيب !♥️

د/تيسير الصادق.
____________.

الحُب التائب عن الحرام حتى يؤذن له بالحلال♡. :
1.تعفف=تنال رضاء الرب... رضاء رب=برضيك♡.
2.الزوج/ة الصالح والمُصّلِح=من ترضوا دِينهُ وخُلقهُ ♡.
3.القُرب من الله+وجود شخص بِحبّّّّّّّك.=جنة الدُّنيا♡.
غير كدة كلها إشكاليات وكلام فارغ"رائي الشخصي طبعاً"🚶‍♀️.

عارفة ح تقولوا بسيطة وأحداثها سريعة وراء بعض... بس والله ده الطلع معاي ف الوقت الحالي.. م قادرة أجيب لي مشاكل من ماف وأقعد أعقدها وأحل فيها.. كفاية مشاكلنا الفي واقع اسي ده🤦‍♀️.
انا زولة رهيفة ومجففة عايزة حاجة تسبطني وتطلعني من مود واقعنا الأليم العايشنه حالياً ده.. وده الكتبته وطلع معاي وحاسة م أقدر أكتر من كدة...لأني بالجد عايشة ف وضع م قادرة أرتب فيه أفكاري وأنسقها.. ممكن تتعبروها خربشات..
ممكن أواصل وأعمل فيها جزء تاني. بس م بوعدكم.. بعد نرجع الخرطوم بإذن لله ح أفكر..
المهم يارب تكونوا إستفدتوا والشيء العايزة أوصله ليكم وصلكم.. وغيرت ليكم من نفسياتكم معاي شوية😂❤️.
و أدعوا لينا الحرب دي تقيف ونرجع بيوتنا لأنه بالجد فترنا💔.
والسلام عليكم ورحمة الله♡.   
النهـــــــــــــــــــ❤ـــــاية