رواية المحتال -(الفصل الثاني)

المحتال

#بقلمي_عوض_ابوعلامه

#المحتال《13》
#بقلمي_عوض_ابوعلامه
#(كرت _احمر)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مشيت مع ابوي عشان اتعرف علي شيرين واسلم عليها وقلت في نفسي دي فرصة مواتية عشان افت الحنك قدام ام شيرين وقدام ابوي واخواني واخواتي ...
*معلومه(شيرين سمحه شديد بيضاء اللون وذات قوام هندي رشيق )
ودخلت الصاله مع ابوي ولقينا شيرين وامها (سعاد) واختي الصغيرة رانيا وقعدنا وابوي قال لي شيرين تعالي سلمي علي حسنين ولدي الكبير وهي طبعا مماشافتني وشها انقلب احمر والقومة قلبتها وبقت ترجف ..
وانا اشيل واضحك واتبسم وبعد مسافة جات علي وسلمت علي سلام خوف ويدها بترجف زي مكنة الخياطة ورجعت سريع ...
ابوي لاحظ ليها متكبكبه وقال ليها مالك الليله يا شيرين عيانه والا شنو ومالو وشك مشحتب كدا ...والا يكون عشان اول مرة تقابلي حسنين ..
شيرين : كلامك صاح عندي امبرد وشكلها دي مبادي ملاريا ...
ابوي : خلاص لازم تمشى تفحصي طوالي ..
شيرين : بشوف لي بكرة لو مابقيت كويسة بمشي المركز وافحص ...
سعاد ام شيرين : خلاص اسع امشي اخدي ليك نومه وفي حبوب مسكنات في التلاجه ابلعي منهم ...
وقالت لي رانيا قومي اعملي ليها عصير برتقال ....
ابوى جاهو تلفون وطلع ...
طبعا انا خشمي مافتحتو وساكت ساي وقلت في نفسي وقعتي معاي ياشيرين ...
وقبلت علي سعاد زوجة ابوي وقلت اجس نبضها احتمال تكون غيرت نظرتها لي ...
وقلت ليها :
كيف ياخالتي سعاد مع الشغل امس جيت بى عندكم وقلت اغشاكم اسلم عليكم ...
سعاد : كويسين تب ماعندنا عوجه واحسن ماغشيت لانو مابدخلو الشفع جوة ..
طبعا كلامها من تحت نخريها ...
وطوالي دخلت غرفة شيرين وخلتني براي ....
انا هنا طلعت فوق وجبت ميزان  الضغط وجيت راجع ودقيت باب الغرفة وجاتني سعاد وقالت لي في شنو ...
قلت ليها : جيت اقيس الضغط لشيرين ...
وهي حمرت لي وقال لي متين بقيت دكتور غايتو عدم الشغلة نصيبه ..ونادت علي شيرين وجاتني في الصاله وقعدت في الكنبه ...
وانا جيت جمبها وبديت اشيل القياس وأمها سعاد مشت المطبخ ورانيا جابت لينا العصير وختتو قدامنا وانا خارجتها وقلت ليها اعملي جبنه لي شيرين عشان تودر ليها امبرد وهي فاتت وهنا الجو بقي فاضي وانا وشيرين حبيبتي بقينا برانا ..
وهي من الموقف الصعب ماقدرت ترفع راسها وانا قربت اصدق انو هي عيانه جد جد..
انا : ارفعى العصير يلا ياشيرين اشربي عشان تبقي كويسة ...
شيرين : مسكت الكباية وهي بترجف وقالت لي شكرا ...
انا : اسمعيني ياشيرين اول حاجه مافي داعي للدراما البتعملي فيها دي !!! وانا عارف اي حاجه عنك ..
شيرين : اتخلعت زيادة وقالت لي : انت قبيل لمن شفتني مع الولد دا اخو  زميلتي في الجامعه وكنت معاها في البيت وجا يوصلني عشان الوقت اتأخر ...
انا : هههههه دايراني اصدقك يعني مستحيييييل واها الولد المفلفل شعرو الكنت قاعدة معاهو في الكافتريا جنب الجامعة دا برضو اخو زميلتك ..
شيرين : انت يعني متابعني والا شنو ....
انا : قولي متابعك او مراقبك او اي حاجه ..
شيرين : اسمعني كويس دي حياتي وانا حره فيها وانت ماعندك دخل ومن حقي اعمل السبعة وذمتها وانت ابعد بعيد وجر شخيت
انا : انتي ماعارفه انو انتي حاتكوني زوجتي يعني ابوي ماوراك
شيرين : انا اتزوجك انت !!! دا لو انت اخر واحد في الدنيا مستحيل ارضى بضفرك ...
انا : هههه دي محن عجيبة خلاص مامشكله براحتك وانا بعمل الفي راسي ...
وانا كوركت ياخالتي ياخالتي .....
شيرين : داير بيها شنو ؟؟
انا : مافي شى بس داير اقول ليها انو شفتك نازلة من عربية مظللة وقلتي للولد جاو بعمل ليك كول بعدين ...
شيرين : مسكت يدي وخصمتني انو اعمل رايح وقالت لي انا من يدك دي لي دي...
هنا خالتي سعاد جات وقال لي في شنو ؟؟؟
انا : داير اقول ليك شيرين  ماعندها اي حاجه والضغط كويس تب ودا حبه ارهاق بس مااكتر من كدا....
وخالتي قالت لي بسم الله خلعتني ...و رجعت المطبخ
وانا قبلت علي شيرين  وقلت ليها كول بعدين مافي لي حبيبك ومن يوم الليله انا حبيبك وعاينت ليها لقيتها شايله تلفون لقطه وشكلو رساله جديدة وقلعتو منها وقلت ليها دا عربون محبه بيني وبينك   ....
وهي قالت  لي لا تعال هنا دا ماحقي وانا شاداهو من الولد القبيل
انا : معقوله كمان بتقلعي تلفونات الناس ...
المهم انو شيرين مع مرور الايام بقت حلقة في اصبعي وكنت براقب فيها كل مالقيت فرصه وبرضو ماخلت الخلط وعرفت انو هي بتحتال على الاولاد ما اكتر من كدا وبتجازف منهم قروش وتلفونات   وفعلا شكلنا تيم في الاحتيال  مع بعض وبقت المساعد بتاعي ومع دا لو فرفرت او عملت اي حركه بطلع ليها الكرت الاحمر واكلم امها وابوي .....
الايام عدت ومشت سريع وامتحنا السمستر الاول وشلت اربعة مواد ملاحق وغايتو بالجلالة نجحت فيهم ...
في الجانب الحبكاني متواصل مع سماح بت عمي وعامل ليها شريحة حقتها وتلفون خاص وشيرين تلفون وشريحة براها ورقمي الاساسي مامديهو زول غير سحر وماعارف السبب شنو
طبعا في الفترة الفاتت دي كنت بصاحب اي زول بقابلو وعملت علاقات كتيرة مع موظفين وعمال وضباط يعني في اي ملف عندي زول بعرفو وبدخل فيهم سريع ودا كلو عندي فهم بتعرفوهو لي قدام ....

 امتحانات السمستر الثاني :
فضل اسبوع من الامتحانات وانا لقيت نفسي ماقريت نهائي واموري ملخبطه وقررت اشيل المواد بدايل ...
ومشيت لدكتور فردتي للدين وكلمتو واداني اورنيك وكتب راحه لمدة اسبوع وبتصادف بداية الامتحانات...
وفعلا الامتحانات انتهت سريع وعلي حظي الكعب الملاحق بعد اسبوع من النتيجة ...
ولقيت نفسي مجبور على الجلوس  للامتحان ....
وامتحنت والنتيجة طلعت وعلقوها في البورت ....
•••••••••••••••••••••••••••••••••••••••••••••••••••••••••••

#المحتال《14》
#بقلمي_عوض_ابوعلامه
#(الاقامة _الريفية)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لقيت نفسي مجبور على الجلوس للامتحان وامتحنت والنتيجة طلعت وعلقوها في البورت ....
وانا من الصباح مشيت الجامعه عشان اشوف النتيجة ولقيت الطلبه متلمين في البورت ومافي فرقه عشان اصل قدام واشوف نتيجتي وغايتو جازفت ووصلت قدام البورت وبديت افتش في اسمي حسنين بابكر وليقت نفسي مفصول فصل اكاديمي و رسبت  في كل المواد ونجحت في مادة طب المجتمع بس تتخيلو
وانا بقيت اضحك علي خيبتي واشيل واغني ودفعتي المعاي شغالين يباركو لي مفتكرين انو انا نجحت وعشان كدا بغني بطول حسي ...
المهم مشيت البيت عادي وكأنو ماحصل شي وماكلمت اي زول بانو فصلوني من الجامعة وبقيت بطلع يومي بفهم ماشى الجامعة وارجع في زمني عادي ...
المهم الامور مشت تمام بدون اي خزعبلات ..
بس الحاجة الماكويسة انو عدم الشغلة والعطاله مصيبه وخلتني اتفنن في الاحتيال ويومي لمن اطلع من البيت زلام اعمل لي مصيبة وكمان جادع تفنن وكل يوم فكرة جديدة وخدعة جديدة
طبعا دفعتنا طلعو اقامة ريفيه لمدة شهر وانا اسمي كان مسجل في مجموعة وبعد فصلوني طلعو اسمي من المجموعة ...
وعرفت انهم طالعين يوم الاحد وطوالي عندي صاحبي اسمو شوقي اتعرقت عليهو وهو كان دفعتنا في الطب وفصلوهو بسوء سلوك في السمستر الاول (سرق تلفون المحاضر) واتصلت عليهو وقلت ليهو انا اتفصلت واليومين ديل مفلس ودفعتنا طالعين يوم الاحد الاقامة الريفية وعشان كدا دايرك تتطلع معاي للحته الفلانية ودي فيها مركز طبي والطلبه ماوزعوهم فيهو ...
وقلت ليهو بمر عليك الصباح عشان نزور الخطاب حق الجامعة وكلم معاك الجاهه(المزة حقتو) بتاعتك عشان تمشي معانا  ...
وقمت اتصلت علي شيرين وقلت ليها انا طالع اقامة ريفية ومعانا بت عيانه ودايرك تمشى معانا وفيها حسابات كويسة وهي كانت شغاله محاضرات وقالت لي جدا اخلي المحاضرات وامشي معاكم اي حته ....
الصباح مشيت قابلت شوقي ولقيتو جهز الخطاب المزور ونزلنا اسم شيرين معانا وكتبنا اسم البت زولت شوقي ونزلنا اسم بت  تانية وكتبنا جمبها ملحوظة (راحه طبية )....
يوم الاحد طلعنا انا وشوقي والمزة حقتو(سامية) وشيرين ووصلنا الحله  وقابلنا العمده وسلمنا عليهو وضيفونا وضبحو لينا وعزونا عزة جد ...
ونزلونا في احسن بيت في الحلة وشيرين وسامية نزلوهم في بيت تاني ...
تاني يوم مشينا المركز وقابلنا المساعد الطبي وعرفنا علي اكثر الامراض في الحله ..
وانا استلمت الجو وبديت شغل طوالي ..
طبعا ناس الحله طيبين علي نياتهم وانا استفدت من الحته دي وعملت التذكرة حقت الدخول على الدكتور ب 50 جنيه وهي كانت عشرة بس وحتي الفحص والعلاج بشيل فيهو قروش زيادة وكنت ماسك المركز كلو على حسابي ..
وناس الحلة يعجبوك لمن سمعو بينا افتكرو انو جاين نظام قافله طبية  مجانية وجونا الاعمي شايل المكسر  وكنا شابكنهم دربات وحبوب مسكنه بس ...
المهم انو الشهر عدا تمام وفي اليوم الاخير عملو لينا تكريم وشهادات عرفان وهدايا وجلاليب وسبح وعطور غايتو ماخلينا ليهم سبحه من سبح الحج حايمه في الحله ....
ولمن رجعنا كنت طالع بي قريب 10 مليون وجماعتي المعاي كلهم طلعو بقروش كويسة ..
ولحدي مارجعنا شيرين ماكانت عارفه انو نحن مزورين الخطاب ....

 الخرطوم :
بعد اسبوع عندي صاحبي اتعرفت عليهو قبل فترة شغال مورد سكر ومشيت ليهو في المحل حقو وقلت ليهو عايز لي 50 شوال واديتو نص المبلغ وقلت ليهو  بجيب ليك باقي القروش لمن ابيع السكر .....
وتاني يوم لبست احسن بدله عندي وطلعت من البيت ....
•••••••••••••••••••••••••••••••••••••••••••••••••••••••••••

#المحتال《15》
#بقلمي_عوض_ابوعلامه
#(فنون_في_الاحتيال)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تاني يوم لبست اجعص بدله عندي وطلعت من البيت ....
ومشيت محل ايجار عربات ودا معرفة اسبوع وكدا  وأجرت منو عربية بكسي ابتندتين موديل السنة كرت كرتونة ومن الكيس لمده يومين وسلمتو القروش كاش داون واستلمت البكسي بدون سواق مع انو بشترطو في العربات الغالية والجديدة وخاصه البكاسي يكون الايجار بالسواق واقل من شهر ما بأجرو العربية  
وبعد إستلمت العربية اتصلت علي شوقي :
الو شوقي كيف تمام ...
شوقي : حبابك حسنين الكارثة ....
انا : اها جهزت لي الكروت ...
شوقي : بالحيل جاهزة تب وتعال غاشيني في المحل ....
انا : جدا خمس دقائق اكون معاك ....
ومريت عليهو في المحل واستلمت الكروت وهي عبارة عن كروت شخصيه مكتوب فيها (محلات ابوالعلمين  لبيع السكر والدقيق باسعار المصنع -ادارة : عصمت يوسف -ت : ....... )
طبعا رمضان كان خاشي علي الابواب وفضل ليهو شهر ..
وشلت الكروت وطوالي غشيت المخزن الفيهو السكر ورفعت عشر  شوالات واجرت لي اتنين عتاله ليومين بس و  بديت الجوله حقتي واشتريت لي دفتر عشان اسجل فيهو الحسابات ..
والجوله كانت علي بعض المؤسسات الخاصة والعامة ...
طبعا كنت بجي بالعربية الماخمج داخل المؤسسة توشك وبالباب الكبير ومكتب المدير طوالي تيكا وباشر للعتاله نزلو شوال سكر للسيد المدير  ..
وفي مكتب المدير الضيافة وحسن الاستقبال وبديهو الكرت وتعريف بالشغل والمحل حقي والسعر والعرض الخاص ...
المهم في الموضوع انو شوال السكر من المورد بطلع ب 150 و سعرو في  السوق ب200 وانا بعرضو للعمال والموظفين بنفس سعر المورد يعني خسرانه معاي ...
وفي ظرف يومين بعت السكر كلو في كم شركه ووزعت الكروت كلها وعملت مناديب عشان يسجلو في الطلبية الجاية من السكر ....
وفي ظرف اسبوع العمال السجلو 200 عامل واستلمت القروش كلها واديتهم إيصالات استلام مزورة وقلت ليهم السكر بجي  يوم الاحد من المصنع ورسلو المناديب عشان يستلمو من المخزن طوالي.....

 الكلاكلة :
اتصال هاتفي من  سماح:
انا : الو ياحياتي وعمري كلو ...
سماح : حبيبي كيفك ..
انا : مشتاقيييييين كتير ...
سماح : ياسلام عليك لو كنت مشتاق لي كان فتحت تلفونك ..انا لي يومين بضرب ليك وتلفونك مابخش معاي ....
انا : معليش ياحبي بس اليومين ديل تلفوني كعب وحبيبك مفلس وكمان معصورين في الجامعة وعندنا لابات وأعمال سنه تلخم .
سماح : اها عملت شنو في موضوعنا ؟؟؟
انا : موضوع شنو !!!
سماح :  يعني نسيت انت ما وعدتني انك تكلم عمك بخصوص علاقتنا مع بعض وانو نعمل خطوبه ولحدي ما الامور تتسهل   
انا  قلت في نفسي عانو البت الغبيانه دي هي صدقت بالجد ...
وقلت ليها : انا العصر بجي عليكم واكلم عمي وانتي افتحي اضان امك ....
سماح : انا بحبك وبمووووووت فيك ....
انا : وانا كمااااان
انا : اسمعي لو عندك رصيد حولي لي خمسين ضروري .....
العصر وصلت الكلاكله وقابلت عمي وحكيت ليهو انو انا داير سماح وهو فرح شديد وقام اتصل علي ابوي وحددو لي بداية الشهر  الجاي العقد طوالي والامور اتشربكت علي وسماح ما فضل ليها الا تنتحر من الفرحه  ....
 تاني يوم :
 مشيت لزولي بتاع المحل  سلمتو باقي قروشو الفاتت وقلت ليهو داير لي 200شوال  تاني والمرة دي بديك المبلغ كلو بعد ابيع...
المهم زولي وافق بعد مسافة ودفعت ليهو 5الف عربون وعملت ليهو مكاتبه ورقية بباقي المبلغ باسم عصمت يوسف ...
واستلمت السكر كلو في نفس اليوم ومشيت بعتو في الدكاكين حقت الاجمالي في الاسواق والشوال ربحان فيهو النص .....
وكبرتها طوالي وجماعتي جو علي حسب الزمن للمخزن عشان يستلمو السكر والشغله كتمت فيهم واتشربكو في زولي وعشان الجرجرة دفع ليهم القروش وقبل الخسارة ودا كلو عشان سمعتو في السوق وهو فتح بلاغ ضدي في القسم الشرقي بالمبلغ كلو وختو وصل الامانه معروضات وطلعو لي امر قبض وسلموهو ناس المباحث وبقو بفتشو علي وبسألو عن عصمت يوسف  
قبل موعد العقد بيومين :
فتحت حسابين في البنوك ومشيت الجوازات طلعت جواز وعندي نية سفر لبلاد برة ........
•••••••••••••••••••••••••••••••••••••••••••••••••••••••••••

#المحتال《16》
#بقلمي_عوض_ابوعلامه
#(السفر)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يوم الجمعة في صلاة العصر في المسجد الكبير تم عقد قراني علي سماح بت عمي ووسط فرحة من الأهل وناس البيت وحددنا العريس الكبير بعد ست شهور ولحدي ماسماح تمتحن الشهادة وهي عادت السنة الفاتت جابت 74وهي قالت دايرة تخش الطب ودايرة تحاكيني غايتو محن عجيبة وهو اصلا موضوع الست شهور دا حنك مني ساي ...
طبعا شيرين قبل العقد فهمتها انو انا بحبها هي بس ودي  فترة زمن ما اكتر وبعديها بتخارج من سماح  وعشان ابوي مصر انو أتزوج سماح وهي في البداية ما كانت مصدقاني بس في الاخير اقتنعت ولانو هي خايفه مني من افتها قدام امها ...
 مصر :
بعد كم اسبوع سافرت مصر عن طريق البر لموضوع  تجارة وعديت لي كم يوم شحنت   معاي تلفونات كمية وكلها صينية وهنتويش وذواكر ضاربة وكمية من الحاجات الكرور واشتريت صندل ضارب ومدتو منتهيه  والبضاعة كلها  ماكلفت معاي قروش كتيرة ....
قبل ماارجع السودان :
طبعا في الكم يوم العديتهم في القاهرة  نزلت في شقة في حي قريب من رابعة العدوية وبالصدفه كنت نازل من الشقة  قابلت في السلم بت نار منقة وشككت هل دي سودانية ام مصرية ام اتخيل لي ساي واتشالقت سالتها ؟؟؟
الاخت سودانية وقبلت علي و دايرة ترد علي    جات امها طالعه وراها وشافتني واقف معاها
وعرفتني جاي من السودان وعزموني معاهم ودخلت البيت واتعرفت عليهم وركبت عليهم مكنه انو انا دكتور واتخرجت السنه دي وجيت القاهرة ترفيه وتغير جو ...
والبت طلعت اسمها عبير وبتدرس في السودان  مختبرات في كلية خاصة وهي في اجازة السمستر وابوها سوداني  متوفي  ليهو سنتين وكان شغال فى السفارة  وهم عايشين  مع اهل امها المصرية ...
وعرفت انو عبير نازله في داخلية في السودان لانو علاقتها مع اهل ابوها مقطوعه من حياة ابوها كان متشاكل معاهم واستقر في مصر بسبب المشاكل دي ...
وفي الكم اليوم العديتهم بقت متكل معاهم في البيت وزي ولدهم وعبير خشت في الفورمه حقتي وبدت تتعلق بي وفي اليوم السافرت فيهو امها وصتني علي عبير وانو اخلي بالي  عليها في السودان وقالت لي عبير امانه في رقبتك .....

 في السودان :
بعد وصلت بديت ابيع الحاجات الجبتها سريع عشان اتخارج منها سريع سريع قبل ماتموت لي في يدي  ..
ومشيت النيمه ودا محل في السوق ببيعو فيهو التلفونات الرخيصة والمضروبه وبعت كل التلفونات والذواكر وطلعت بربح مجزي .....
ومشيت سوق ليبيا وخارجت الصندل وباقي الحاجات كلها ونزلت القروش في الحساب وراس المال كبر وماشي في زيادة رهيبه بس قروش الحرام زي مابتجي بتروح....

 الجمارك :
بعد كم شهر مشيت اتجاهات الجمارك وبقيت اتحاوم في الاتجاهات ديك وعملت لي معارف وكنت قاعد جمب ست شاي بشرب لي في شاي اشوف ليك زول نازل من عربية سمحه وبسأل من إجراءات الجمارك وين ؟
انا طوالي مشيت عليهو وعزمتو معاي شاي ودردشت معاهو وعرفت منو انو هو كان مغترب وجا السودان نهائي وعندو عربية جامبو في السعودية في جده وداير يشوف الجمارك بتكلف كم عشان يشحنها طوالي ...
وانا شبكتو ليك يازول دا موضوع هين تب وانا زاتو مخلص جمارك وعندي اخوي ضابط كبيرة شغال في الجمارك واديتو اسم مدير كبير مشهور وقلت ليهو دا اخوي لزم وانا بكلمو ليك يعمل ليك تخفيض دسكاونت وبسهل ليك امورك كلها وبتستلم في أقل من 3 يوم بس...
وعمك اتكيف شديد وبحس انو الضابط اخوي قال لي انا من يدك دي الي دي وبعد اكمل الاجراءات مابقصر معاك وبعزك تمااااام
وانا شلت رقم تلفونو وقلت ليهو خلاص خليهم يشحنوها طوالي وانا بقابل اخوي وبعدين بديك تلفون  وبوريك بتكلف كم في الجمارك
واداني صور من شهادة الوارد وفيهو نوع وموديل العربية ...
وقبل ما امشي  جازفت منو 500 حق فتحة خشم ....
في الموقف  :
داير اركب مواصلات بحري  في كسر من الثانية اشوف ليك عمك بتاع الجائزة  الزمان داك والكنت  مفتكرو شتت قاعد في نص السوق وبشحد ....
•••••••••••••••••••••••••••••••••••••••••••••••••••••••••••

#المحتال《17》
#بقلمي_عوض_ابوعلامه
#(الحاوي_البركاوي)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لمن شفت زولي الزمان داك بشحد في السوق جمب الموقف مشيت عليهو واديتو  خمسين جنيه ..
* معلومه(طبعا انا نست اوريكم انو زمان وكت مشيت جمب الوكاله وست الشاي حكت لي انو الراحل الغشوهو في الانعاش وبين الحياة والموت اتأثرت كتير واول مرة احسن انو انا بعمل في حاجه حرام ولو الراجل دا مات انا مصيري شنو وبالجد ضميري انبني شديد ولمن دمعت وخفت خوف شديد و تاني يوم سألت ناس الوكاله من المستشفي المرقد فيها  ومشيت طوالي وقابلت ولدو وحكا لي القصه كلها وعملت فيها ان انا فاعل خير واديتو 1000ج للعلاج ومشيت زرتو ولقيت حالتو استقرت واتحسن وبعد كم يوم الشيطان وسوس لي وقال لي ارجع للهواية حقتك ورجعت للاحتيال وبصور كبيرة وكانو ماحصل شي والشى الحصل لي دا كان امتحان من ربنا بس مانجحت فيهو  ..  )
بعد وصلت البيت مشيت الغرفه وبقيت سارح ومشغول ومهموم والنوم غلبني ولانو صوره الراجل الكبير دا ابت تروح من قدامي وحتى في الايام الاخيرة دي بقيت كل يوم بحلم بواحد من الناس الغشيتهم واحتلت عليهم وهم بقولو لي ماعافين ليك حقنا و...و....
بس المشكله الكبيره زي ما وريتكم انو انا كنت بعيد من ربنا شديد ما بتزكر آخر يوم مشيت فيهو الجامع او صليت متين او قريت قران كريم متين  وماكنت بصلي الا الجمعه بس وبجي والناس في الركعه الاخيرة وانا كنت شغال بالمراقبة يعني بصلي قدام ابوي وعمي بس نظام خايف منهم ومن رده الفعل او اذا عرفو انو انا مابصلي ..
وفوق دا كلو الشغلانه حقت الاحتيال بقت لي عادة وزي شراب الجبنه ولو مااحتلت بجيني صداع قوي ولاحظو معاي انو الوضع المالي في البيت كويس وابوي مامقصر معاي وبديني مصاريف يومية بس البطن اكاله ونكاره ...
 الجمارك :
تاني يوم الصباح اتصلت علي الزول بتاع الجامبو وقلت ليهو لازم  تقابلني عشان اوريك التفاصيل كلها حقت التخليص وكنت بتكلم معاهو كلام مسعول كبير ومخلص قديييييم وهو قال لي الليله ماعندو طريقة وبتو عيانه واسع معاها في المستشفي وانا عملت فيها انو داير اجيهم في المستشفي بس عمك قالي لي مافي داعي نشغلك  وهي كويسة وعندها فحوصات دورية وبكرة بجي عليك  في المكتب جم الجمارك......

 البيت :
فطرت في البيت وطلعت علي الظلط بعد كم مربوع من البيت مسافة أقل من كيلو و قلت اشرب لي جبنه برة احسن من الجبنه الفي البيت والتقول الجبنه البرة البيت بعملو فيها حاجه بتخليك تجي راجع لنفس المحل وتطلب الجبنه....
واخت قعدتي وقريب الظهر جيت راجع علي البيت وفي الشارع صادفت شفع المدرسة طالعين وزهجانين شديد قمت سألت واحد منهم مالكم زهجانين كدا ؟
قام واحد رد علي : وقال لي الحاوي ماجا ..
انا : الحاوي مالو معاكم
الولد : الحاوي البركاوي مفروض يجي الليله بس قالو امو ماتت
وانا عرفت انو الشفع كلهم طلعو من المدرسة وهم زعلانين شديد بسبب الحاوي الامو ماتت ....
طوالي من دربي داك مشيت المدرسة ودخلت ومن كلام الطلبه عرفت اسم الحاوي واسم الاستاذة الجايباهو ومشيت سألت منها ولقيتا بتصحح في المكتب وسلمت عليها وقلت ليها انا جاي من طرف احمد الحاوي وهو زميلي في الشغل وزي ما وراكم انو حصلت ليهو وفاة في البيت وانا حا أشتغل لكيم العرض  بدلو وبكرة حا اكون معاكم من الصباح.....
الاستاذة  فرحت شديد وقالت لي انت ماتتصور الطلبه كانو مزعوجين شديد بسبب انو الحاوي ماجا ..
انا : اها احمد كان متفق معاكم بكم ؟؟؟
الاستاذة : متفقين علي ثلاثة الف جنيه واديناهو الف جنيه عربون....
انا : طبعا انا لازم اتفق معاكم من جديد واحمد العربون حقكم برجو ليكم بعد يرفعو الفراش طوالي..
وانا بشتغل ليكم ب 2500ج وعملت ليكم دس كاونت 500ج قصرت معاكم ، بس عشان ناسي يجو بكرة طوالي لازم تدفو لي القوش كلها الليله وبكرة من الصباح دغشا بدي نكون معاكم ....
الاستاذة : ماقصرت تب بس المشكله في القروش الجمعناها فضل منها الفين جنيه بس و..و....طبعا حنكتني وكلامها كان سمح وبنبرة حنينه شديد واثرت فيني وقربت اخش فيها شمال واضيفها للقائمة حقتي بس لقيت المكتب مليان طلبه معاها ...
انا : مامشكله عشانك انتي يا الاخت جيبي الالفين والباقي كملوهو لي بكرة لمن نجي ...
وشلت القروش واتبرمت طوالي علي البيت ...

 الجمارك :
الصباح المغترب جاني جمب  الجمارك وقعدت معاهو في مكتب حق مخلص كان اتعرفت عليهو  قبل كم يوم بس وجبت ليهو كم نفر دايرين  يخلصو واداني عموله وبقيت اجي اتونس معاهو طوالي واشرب معاهو الجبنه ...
المهم سلمت علي زولي وطلعت معاهو علي محل الجمارك  وقلت ليهو انا قابلت اخوي المدير والشغلانية بتكلف كتير لانو الاسعار زايدة والجمارك بقت 100%وبعد تعب وبعد واسطه حايدفعوك 350 مليون بس وبديت معاهو في اجراءات الجمرك

 البيت :
العصر بعد الغداء سمعت سعاد ام شيرين بتتكلم مع زول في التلفون ...
وين قالو ساكن في فريقنا دا  مستحل وكمان قال ليهم هو حاوي !!!!!.وشال منهم كم ؟؟؟؟كر يايمه دا حرامي السرور !!!واها قبضوهو !!!!!
•••••••••••••••••••••••••••••••••••••••••••••••••••••••••••

#المحتال《18》
#بقلمي_عوض_ابوعلامه
#(العربية_الجديدة)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لمن سمعت سعاد ام شيرين بتتكلم بالتلفون عن الحاوي وشال قروش من ناس المدرسة عرفت انو الشمار انتشر بس قلت كيف انو الموضوع يصل سعاد وكمان عرفو انو ساكن في الفريق حقنا دا ....
عشان كدا حسبتها في نفسي وقلت الشغلانه دي فيها شكك واكيد وصلو لطرف خيط او الموضوع خاشه فيهو سعاد لانو هي من يومها وبتكرهني وشاماني وعارفاني محتال  وكمان علي دا جنها قوالات وشمارات حتي مسمنها سعاد شمارات ...
المهم انا من دربي داك طلعت طوالي واتصلت علي ابوي وقلت ليهو انا بايت مع صاحبي في الجامعة وعاملين معسكر لي الامتحانات   وبرجع البيت لمن اخلص  وابوي قال لي تمام بالتوفيق ولو احتجت لي اي حاجه اتصل علي ....
انا قلت ليهو مصاريفي انتهت ليها كم يوم وداير لي مذكرات وكتب كتيرة ..
ابوي قال لي تعال غاشيني في محل الشغل عشان اديك القروش
وطلعت طوالي غشيت ابوي في محل شغلو وشلت منو المصاريف ومن دربي داك مشيت لصاحبي شوقي وبت معاهو في البيت ...

 الجمارك :
طبعا الجامبو وصل من السعودية ليهو كم يوم  وبقيت يومي بجي الجمارك واقابل زولي المغترب سيد الجامبو ومرات بكون هو في المستشفى مع بتو وبقول لي امشي انت شوف الجديد شنو واديني خبر وانا كنت بتجرجر معاهو عشان اكسب ثقتو واديهو الامان وبقيت نهاية كل يوم بمشي المستشفي و بقعد معاهم وملازمهم تب واتعرفت علي اسرتو كلها وحتى البت العيانه بقت لمن تشوفني تتكيف مع انو عمرها صغير بس كنت بجي المستشفى وشايل معاي حاجات وفواكه وبدردش مع البت العيانه وماتنسو انا  دكتور وعندي خبرة في التعامل مع المرضي ..
وانا اصلا  بديت اجراءات الجمارك تمام وبصورة صحيحه ومرات بدفع ايصالات  من جيبي ونهاية اليوم بتحاسب معاهو .
ومرات المبالغ بتكون اكتر من 5 الف وبدفع عادي وبتحاسب معاهو فيما بعد وهو كل مرة بقي يديني 20 الف ومرات 30 الف وكنت بحسبها ليهو بالجنيه ومابسألني من الايصال لانو في ثقة بيناتنا ...
المهم الوضوع استمر لي كم يوم وكل مرة انا شغال ليهو جيب 50الف وجيب 40 الف وجيب 20 الف ولحدي ماوصل المبلغ المعاي 200الف جنيه والمفروض انا اورد كل القروش لناس الجمارك وبكون فضل ليهو 100 الف بس عشان الإجراءات تكتمل وانا دافع لناس الجمارمك 50 الف بس وال200 الف شلتهن   ونزلتهم  في حساباتي الشخصية  ...
والمساء مشيت عليهو في المستشفي وقعدت معاهو لحدي قريب الساعة 12 بالليل وحتي هو قال لي خلاص بعد كدا امشي البيت وانا اصريت ابيت معاهم في المستشفي والصباح بدري قلت ليهو انا ماشي البيت اغير هدومي وعندي مشوار للسوق الشعبي عندنا حاوية فيها بضاعه جايه من الصين دايرة تخليص وداير اتفق  مع الزول وانت انتظرني في المكتب عشان الليله نكمل باقي القروش ال 100الف ونستلم العربية طوالي والورق كلو خليتو في المكتب هناك ...
وعمك قال لي اها بالنسبة لي العموله حقتك مااتفقنا عليها  وانا خلاص حساباتي بقت بسيطه وانت شايف المرض والقروش الكتيرة الدفعتها في الجمارك ..
انا : معقوله ياحاج انا بقيت واحد منكم وعموله شنو وكلام شنو البتقول فيهو دا ..
وانا مابشيل منك مليم احمر الا بعد تستلم الجامبو ولو ماعندك لحدي مايشتغل ويطلع ليك قروش ...
وطلعت طوالي من المستشفى ...
واول ما ركبت المواصلات قفلت التلفون وطلعت الشريحه وكسرتها وجدعتها بالشباك ومن دربي داك مشيت اندسيت مع شوقي اسبوع كامل وانا ماطلعت من البيت وحتى شوقي قال لي شكلك عامل عمله كبيرة ياحسنين ...
بهناك في الجمارك عمك جا على حسب الاتفاق ومشي المكتب وقابل الزول الشغال فيهو واداهو الورق من الخزنة وقعد منتظرني عشان اجي المهم بعد الزمن فات عمك قلق وضرب في تلفوني ولقاه مقفول ولحدي نهاية اليوم هو منتظر ولدي مازهج وسأل مني صاحبي  الفي المكتب وقال ليهو انا برضو ما عارف الحاصل ليهو شنو  وطلع وجا الصباح تاني يوم  وبرضو الحال في حالو ونفس البرنامج وصاحبي شال منو الورق وراجعو ومشي معاهو الجمارك وقال ليهو القروش المدفوعه 50 الف بس وفضل ليك تاني 300الف وعمك هنا صدم وجاتو موجه سكري وودوهو المستشفى ومشي فتح بلاغ في القسم الشرقي ودخلو صاحبي الحراسه مع انو هو ماعندو اي دخل وبقو يفتشو لي ورفضو يطلعوهو الا يقبضو علي واعتبروه شريك معاي في الجريمة ..
والجامبو بقي محجوز في الجمارك وكل يوم بعدي عليهو غرامه أرضية ....
 عربية جديدة :
طبعا بعد القروش كترت في يدي فكرت اشتري عربية عشان تساعدني في عمليات الاحتيال وكلمت شوقي ومشينا الدلاله واشتريت لي اكسنت جديدة لنج موديل السنه وكلفت معاي150الف  ومشيت ظللتها وعملت ليها بكش وفرشة جديدة وبقيت اتجدع ..
 الداخلية  :
بعد الاسبوع حسيت  بنفسي زهجان قلت افرق عن نفسي شوية وتذكرت انو عندي حبيبة جديده اسمها عبير الامها مصرية وفتشت المفكرة حقت الارقام ودي كنت كاتب فيها اي رقم مر علي اذا كان احتلت عليهو او اتعرفت عليهو او بت من محبوباتي  ...
وطلعت الرقم واتصلت عليها واتونست معاها قريب ساعه وقلت ليها انا مشتاق ليك وعايز اقابلك وقالت لي تعال جنب الداخلية  ومشيت ولقيتها منتظراني برة ولمن شفتها ليقتا بقت اسمح من اول وهظرت معاها وقلت ليها : شكلو السودان نفع معاكي...
عبير : كيف يعني مافهمت ....
انا : هههه يعني لمن شفتك في مصر وهنا فرقه كبير وبقيت احلا واجمل بكتير  ...
عبير : انا اصلا حلوه كان في مصر والا في السودان .....
وركبت معاي في العربية ومشينا احسن مطعم بعمل  بيتزا وعدينا لحظات جميلة من الرومانسية والحب الفريد وحتي الناس الفي المطعم لمن يجو بعندنا ويشوفونا مندمجين  مع بعض يحمرو فينا ساي وحساده منهم بس وخاصه لمن جينا طالعين من المطعم  مع بعض وانا ماسك يدها وبنضحك وبنهزر بطول حسنا  والجماعة كلهم  شغالين زي الكاميرا البتصور في فلم و مبارننا لحدي ما وصلونا العربية وكلهم يشيلو ويعلقو البت عسل والولد مكمل الوجاهه ومعا دا سايق عربية اخر موديل ...
وعبير لمن اتخلعت وقالت لي انت الناس دي مالا بتعاين لينا كدا و باستقراب كمان  ؟؟؟
انا : دايرين يملو بطاطيرهم
عبير : كيف يعني يملو بطاطيرهم ؟؟؟؟
انا : لادا كلام مابتفهم ليك وشكلهم معجبين بيك بس...
المهم طلعنا وبقيت كل فترة بطلع مع عبير حبيبتي وحتي العلاقة تطورت وبقيت اتصل علي امها واتكلمت معاها انو انا داير عبير وانو معجب بيها  وعملنا  نظام خطوبه مصغرة او سرية  لحدي ما عبير تكمل الجامعة.....
 حبيبتي  شيرين بقيت بمر عليها برضو واخد لي معاها حنك حنكين وكل مرة بتقول لي اها مااتخارجت من سماح لسع وعرفت انو هي ربتت في الجامعة ومع الونسة معاها عرفت برضو انو سحر حبيبتي الاولانية  ماسكه  الأولى في الدفعة من السمستر الاول ....
 وسماح زوجتي متواصل معاها بالتلفون بس وكلامنا كلو في الشبكه والشيله والشنطه والعيزومه وشهر العسل و الكوافير والتصوير والحفله والصاله و ...و.....
 البيت :
قلت امشي اظهر علي البيت عشان طولت وعشان ابوي مايشك فيني ويقول الولد دا بكضب علي ...
وكلمت شوقي وقلت ليهو انا ماشي البيت وبعدي لي يومين تلاته  وبجي راجع ووراحكا وصلني جمب البيت وخلي  العربية معاك ولحدي مااتصل عليك تجيني ...
ووصلني قريب البيت ورجع ودخلت وسلمت على ناس البيت ولقيت سعاد ام شيرين  قاعدة واول مرة في حياتي اشوفها تضحك ومبسووووطه شديد ولمن شكيت وقلت في حاجه ماتمام
  واخت قعدتي يادوب كدا اسمع ليك  الباب بضرب بقوة ولمن اتخلعت وسعاد كورت لي قوووووم شوف دا منو في الباب !!!!!!
وماكان قدامي اي خيار تاني وقمت وانا خاتي يدي في قلبي وبرجف وفتحت الباب ....
•••••••••••••••••••••••••••••••••••••••••••••••••••••••••••

#المحتال《19》
#بقلمي_عوض_ابوعلامه
#(ما_كل_مرة_بتسلم_الجرة)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ما كان قدامي اي خيار تاني وقمت مشيت علي الباب وانا خاتي يدي في قلبي وبرجف وفتحت الباب ..
اشوف ليك زولتي استاذة المدرسة ومعاها نفرين شكلهم ناس المباحث وطولي سألوها ياهو دا الزول ؟؟؟
وقالت ليهم ايوة ياهو زاتو بشحمو ولحمو ...
وطوالي جماعتكم قالو لي اتفضل معانا نحنا ناس المباحث ودايرنك في القسم
وانا قلت ليهم خير فهمونى الحاصل شنو ؟؟؟
وقالو لي نحنا ماعندنا ليك زمن وبتعرف كل الحاصل في القسم .
وشبكتهم ليك خلاص دقيقة اكلم ناس البيت واغير هدومى دى .
العسكري قال لي انت شكلك بتاع جرجرة وطوالي جروني وركبوني في ركشة وودوني القسم ...
هناك اتحرو معاي ناس المباحث وعملت ليهم انا مابعرف اي حاجه ولا بعرف الاستاذه وفي حياتي ماشفتها ولا بالغلط ونكرتها ليهم حطب وهي تشيل وتداعي فيني وتقول ليهم شوفو كمان بتلائم كيف ...
ودخلوني الحراسة وفي بلاغ الاحتيال على استاذة المدرسة وقعدت في الحراسة خمس ايام زي الجمر وكلكم عارفين معني تكون قاعد في الحراسة وليك كم يوم لازيارة ولا دستور ولا احم ساي مافي .. ومافي زول من ناس البيت جاني وقلت اكيد ماعرفو او تكون سعاد عارفه وعامله رايحه  ويوم الخميس وكيل النيابة جا مرور وقال لي انت لسع قاعد انا مصدق ليك ضمانه ليها كم يوم وقال لي وين ناس بيتكم ومافي زول داير يضمنك ؟؟؟وقلت ليهو ناس البيت ماعارفين ...وقال الضابط خلوهو يتصل علي اهلو عشان يجو يضمنوهو ...
طبعا انا احتيالي الفات دا كلو في حتات متفرقه وكنت بحاول بقدر الامكان كل مرة اغير محل الاحتيال وعشان لو كترت الاحتيال في حته معينه اكيد حا انقبض او علي الاقل يفتحو لي بلاغات في قسم واحد او محلية واحدة  وموضوع الحاوي دا كان اول احتيال قريب من البيت ...
طبعا انا كنت ماحافظ اي رقم غير رقم سحر ومابقدر اتصل عليها لانو حاتشيل حالي وخفت منها لانو مادايرها تعرف انو انا لسع بحتال على الناس  وحتي رقم ابوي ما حافظوا والتلفونات وحاجاتي كلها في البيت والعساكر ماخلوني اشيلها معاي
وكلمت العساكر انو داير اقابل الزوله الفاتحه البلاغ فيني والمتحري اتصل عليها وفي البداية رفضت تجي بس في الاخير جاتني وطلعوني عشان اقابلها ...
 البيت :
طبعا سعاد ام شيرين من آخر يوم سمعتها بتتكلم بالتلفون عن الزول الاحتال على ناس المدرسة وهو ساكن في الفريق لبست توبها ومشت المدرسة وقابلت الاستاذة وسمعت منها القصه كلها وطرف الخيط انو انا لمن طلعت منهم من المدرسة الاستاذة رسلت لي طالب عشان اديهو رقم تلفوني وبقي جاري وراي وانا اصلا كنت ماشى سريع وماقدر لحقني ورجع للمدرسة وقال ليها الزول دا مالحقتو وهو مشي بالشارع الفلاني ولفي بعند الجامع وطبعا الاتجاه داك مافي زول بطلع بهو الا يكون من الحله لانو الظلط في الاتجاه عكس المدرسة ...
وسعاد سألتها من شكلي ولابس شنو و...و...
وفي الاخير قالت ليها دا ولد زوجي اصلو محتال ومافي زول غيرو في الفريق حقنا بعمل كدا..
والاستاذة قالت ليها انا عفيتو ومادايرة منو حاجه والقروش حقت الطلبه دفعتها من قروشى وجبنا ليهم حاوي تاني واسع انا مادايرة اعمل ليهو حاجه غير يرجع لي قروشي وانتي زي ماقلتي دا ولد زوجك انا عشانك عفيتو .
وسعاد ملت ليها راسها ومشت معاها القسم وكلمو ناس المباحث وبقو مرابطين قريب البيت ..
وسعاد عرفت انو انا زغت وابت توري ابوي وسمعت تلفوني مع ابوي بخصوص الامتحان ..
واليوم الجيت فيهو كانت متفقة مع بتاع دكان في بداية الشارع لمن اجي بعندو يتصل عليها ويوريها وهي طوالي اتصلت علي ناس المباحث وجو قبضوني ....
 القسم :
قابلت الاستاذة وحنكت معاها تمام واعتذرت ليها وحكيت ليها قصه مفبركه  وقلت ليها انا مظلوم وانا كنت قاصد اتقرب منك واتعرف عليك وكنت معجب بيك شديد ومن زمان  وما لقيت طريقة غير دي ومااتوفقت في انو اجيب ليكم الحاوي والزول المتفق معاهو خزلني وشال القروش وانا لمن كلمت مرت ابوي بانو  انا بحبك وعايز اتقدم ليك هي رفضت لانو دايراني لي بتها وهي ابت تديني قروش عشان ارجعها ليك   و...و......
المهم الاستاذة حنت علي وقبلت اعتزاري واتفقت معاي انو  بكره الصباح تجي تشطب البلاغ  وانا لمن اطلع اجيب ليها المبلغ ...
الصباح جاتني في القسم وشطبت البلاغ وانا طلعت ومشيت البت ودخلت غرفتي وكان عندي قروش في الدولاب وشلت منهم ورجعت للاستاذة القروش حقتها وهي شكرتني وحسيت انو هي صدقت بالجد وحسيت انو هي حبتني بالصح ونصاح ....
رايكم شنو في الحنك دا معلم والا مامعلم ...
لو في زول عندو حبيبتو قاطعاها معاهو ورافعه عليهو القزاز يديني خبر وبديهو الوصفة السحرية ....
وانا قلت اليومين ديل احسن اختفي من البيت لانو زوجه ابوي لو شافتني اكيد حاتعمل لي هيلمانه وغالبا ما تكلم ابوي ، وشلت تلفوناتي وطلعت من البيت وفي الباب اشوف ليك المنحوسة سعاد زوجة ابوي في وشي التقول شيطان وقلت بسم الله ..
وهي عاينت لي كدا من فوق لي تحت  وضحكت ههههه الحاوي متين طلعت من القسم ..
طوالي انا مااتكلمت معاها وكبرتها طوالي ...
في الشارع اتصلت علي شوقي لقيت تلفونو خارج التغطيه وعمل لي تيت تيت يعني الشريحه برة والتلفون ما مقفول ...
ومشيت ليهو في البيت المأجرو ولقيت ناس تانين وقالو لي الزول دا رحل ليهو اسبوع ...
وبقيت افتش في شوقي يومين ومالامي فيهو ومشيت للبت الجاهه حقتو المثبتها ولقيت اختها  وقالت لي انت وين  اختي    شالوها في اللوتري ويوم الجمعة القبل الفاتت كان عرسها من شوقي وسافرو من  اول امس  القاهرة   وهناك بمشو امريكا طوالي وعرفت انو هو زور توقيعي وباع العربية حقتي  وماعندي طريقة افتح بلاغ او اعمل اي حاجه لانو اكيد حا افتح لي ابواب كتيرة وحا اخش في حصبيص وبصبيص...
انا في اللحظه ديك  بطني طمت وراسى لفا وقلت بصوت عالي عملتها ياشوقي تخون صاحبك واول مره احس احساس الزول المظلوم والمحتالين عليهو وانا لي اكتر من 15 سنه في الاحتيال وماحصل في يوم من الايام اتغشيت او سرقوني او احتالو علي  وكنت دائما بضحك علي اي زول احتال عليهو وكنت مفتكر انو انا عندي حصانة ضد السرقة او الاحتيال ...
المهم خشيت في دوامة عجيبة وبقيت على الحديدة وشقا السنين من الاحتيال كلو ضاع ما بين يوم وليله ودا كلو مسطر ومقدر من ربنا  والمال الحرام يذهب  من حيث أتى ...
 البيت :
هناك سعاد حكت  لابوي كل الحاصل وكمان للصدفه العجيبة ابوي لمن كان في الشغل اتصل علي ولقي تلفوني مقفول وشفق علي ومشى الجامعة سأل مني وقالو ليهو الزول دا اتفصل من الجامعه ليهو اكتر من سنه .....
وانا هنا ركبت المواصلات وماشي على البيت ووصلت ..
وابوي هناك لمن عرف الحاصل عندو طبنجه في الدولاب طلعها وفتح الباب حق الشارع وانا داخل البيت وهو طالع ولقيتو ليك في وشي ....
•••••••••••••••••••••••••••••••••••••••••••••••••••••••••••

#المحتال《20》
#بقلمي_عوض_ابوعلامه
#(سائق_خاص)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ابوي شال الطبنجة من الدولاب وفتح الباب حق الشارع وفي نفس اللحظه انا داخل البيت ولقيتو ليك في وشي طوالي بدون مقدمات عمر الطبنجة وختاها لي فوق رأسي وقال لي دا كلو يطلع من راسك دا انا الليله بفجرو ليك  واستريح منك العمر كلو
وانا في اللحظه ديك كنت متوقع من ابوي يعمل اي حاجه لانو بالجد كترتها شديد وعملتها ظاهرة ...
وانا شغال لي ابوي كدي استهدا انا عملت شنو والشغلانية مابتستاهل قدر كدا ودي غلطه بسيطه ومابتتكرر.. وانا مفتكر انو ابوي عرف موضوع الحاوي والحراسة بس ماعارف انو عرف موضوع الجامعه...
المهم ربك رب الخير عمي جا داخل على البيت وكان جاي صدفة وشاف الجوطه وابوي لمن شافو هدا شوية ونزل الطبنجه من راسي وعمي قال ليهو كدي استهدا بالله وادخل جوة  البيت وناس الشارع بتلمو فينا وعشان نفهم الحاصل شنو ..
وابوي دخل مع عمي وكان جاريني من يدي جر عدوك زي الزول الجاري ليهو خروف ...
في الصالون ابوي حكي لي عمي كل الحاصل موضوع الجامعه والبلاغ حق الحاوي وعمي سكت ساي وزي الجاتو صدمه من كلام ابوي وماقدر يتكلم ...
هنا ابوي قال لي عمي عليك الله ياود ابوي وامي الولد دا مايستاهل يموت ونستريح من عمايلو دي ...
عمي : كلامك صاح وفي محلو بس دا ما الحل المناسب وفي الاخير دا ولدك  ومن لحمك ودمك ولازم تصبر عليهو لحدي ماينصلح والغلط ماغلطو هو بس انت وامو داخلين معاهو وانتو سبب من الاسباب ...
ابوي : ينصلح كيف دا شقي وعمر الشقي ماببقي سعيد وانا من اول يوم ولدوهو فيهو حياتي كلها ادهورت بسببو ومن مشكله لي مشكله وامو المنحوسه دي هي السبب وهي الجبرتني عشان اطلقها وهي من البداية ماكانت عايزاني وعشان كدا طلقتها وهي ماصدقت ومشت اتزوجت حبيب القلب وهو انت شايف من يوما العرست وماسألت منو نهائي ولا بالغلط  ..وانا اول مرة اسمع الكلام دا واعرف سبب الطلاق بين امي وابوي...
وابوي قبل علي وقال لي شوف هنا ياجنا واسمع كلامي دا كويس انت من يوم الليلة دا لا ولدي ولابعرفك وانا ولدي مات بالنسبة لي وتاني ما اشوفك نهائي قدامي ولو شفتك الطبنجة دي بفضيها فوق راسك الكبير دا ..
واسع بت اخوي العاقد عليها تطلقها اسع و قدامي وقدام ابوها ..
هنا عمي قال ليهو موضوع الطلاق دا خليو اسع وانا بكلم سماح بتي بالحصل ولو دايرة الطلاق نطلقها منو طوالي وبدون مانشاورو زاتو ...
انا شلت هدومي وحاجاتي وطلعت وماعارف امشي علي وين واقبل وين ومابقدر امشي الكلاكله لانو عمي اكيد حا يطردنى...
واتصلت علي عبير ولقيت تلفونها مقفول واتصلت علي شيرين ولقيتها في البيت مع خالتها وقلت ليها انا دايرك في موضوع مهم ..
وقالت لي اسع الوكت فات والصباح رباح وشكلها نعسانه وقفلت مني الخط ...
المهم اليوم داك نمت في الصقيعة ساي والصباح اتصلت تاني علي شيرين وقالت لي تعال لي جنب البيت وهي كانت مربته وما شغاله في الجامعه ووصفت لي البيت ومشيت عليها ....
 الكلاكلة :
عمي كلم سماح زوجتي  بالحاصل كلو و هي في البداية ماكانت مصدقة واتأثرت كتير بس رفضت انو تطلب الطلاق وقالت لابوها انا حسنين بحبو و بعيش معاهو مهما عمل وبستحمل اي حاجه وبصبر عليهو العمر كلو ممكن ربنا يهديهو ..
وام سماح ماكانت رضيانه كلام سماح واتشاكلت معاها وهي مصره انوتطلب الطلاق وهي كل مرة تشيل وتحرش في بتها وتقول ليها الولد دا مانافع وغير المشاكل مابفيدك في حاجه وغايتو الشغلانة جايطه والامور ماشة في منعطف خطير  وسماح كانت بتتصل علي كتير بس تلفوني المديهو ليها قافلو عشان عارف انو حا تتصل علي وتشاكلني وتعمل لي مجلس تحقيق وكلام كتير .....
 الكافتيريا:
لقيت شيرين منتظراني هناك جمب بيتهم وسلمت عليها ودردشت معاها وحكيت ليها قصه مفبركه وقلت ليها اتشاكلت مع ابوي وجمدت الجامعه واموري ملخبطه شديد  وقلت ليها عندي صاحبي غشاني وغشي ناس المدرسة بانو حاوي وزاغ وفي الاخير قبضوني انا ...و......و....
المهم خليت ليك شيرين تحن علي وتتعاطف معاي ....
وقالت لي زوج خالتي مسؤل كبير وهو حاليا مسافر كندا عندو مؤتمر والسواق الشغال مع خالتي عيان وسافر البلد واحتمال كبير مايرجع وحاليا محتاجين سواق عشان يرحل اولاد خالتي للمدرسة ويودي خالتي للمنظمه الشغاله فيها وقالت لي خالتي يتعرفك كويس وانا حكيت ليها عنك كتير وحااقول ليها انت في اجازة ومحتاج تشتغل
وساقتني معاها البيت وقالت لي انا بكلم خالتي واقنعها عشان تسوق ليها العربية لحدي ما السواق يرجع وهى بتكلم زوجها .
المهم الموضوع ظبط واستلمت العربية وبقيت شغال ارحل خاله شيرين للشغل وبودي الأولاد المدرسة وادوني غرفه فوق في السطوح كان قاعد فيها السواق القديم والامور مشت تمام زي ماانا داير ومخطط  وكل يوم بقابل شيرين واخر ونسه وضحك واتعلقت بي اكتر  وبقت تحبني اكتر من اول ولو في يوم ماقابلتها بتشاكلني طوالي بس المشكله شابكاني نعرس نعرس وبتقول لي كلم خالتي عشان توري امي وانا بزوغ منها بحنك سماح ولحدي مااتخارج من سماح  وهي مصدقه انو حا اتزوجها
مع مرور الزمن علاقتي مع خاله شيرين بقت قوية شديد وحتي مرات بترسلني البنك ومشاوير كتيرة وبقت تثق فيني شديد ....
ودا كلو كان في صالحي لانو كنت بفكر في موضوع احتيال جديد ...
•••••••••••••••••••••••••••••••••••••••••••••••••••••••••••

 

#المحتال《21》
#بقلمي_عوض_ابوعلامه
#(المخطط_السكني)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يوم كنت سايق خاله شيرين(سوسن) وموديها محل الشغل وهي كانت بتتكلم بالتلفون مع زوجها وقالت ليهو ايوة فضل من القروش 150الف  وحااختهم في البنك والقطعه لقيتها حيازة ماشهادة بحث ولو لقيت تاني حااوريك ...
انا هنا طوالي عرفت انو هم كانو عايزين يشترو قطعة وطلعت حيازة ماشهادة بحث ..
بعد يومين مشيت  لي سوسن خاله شيرين في المكتب وقعدت معاها وقلت ليها في مخطط سكني تبع  ناس  الصحه وهي نظام مدينة متكاملة ومحلها في شرق النيل والاسعار كويسه ورخيصه وانا بعرف المدير حق المخطط ولو عندك رغبة اشتري ليك واحدة او اثنين وعلي كيفك بس لكن الزمن انتهى وممكن احنك مع زولي يشوف ليكم واحدة باي طريقة ...
و سوسن طوالي وبدون مقدمات القطعه بكم والمساحه كم وشهادة بحث
انا : القطعة مساحتها 500متر وبسلموك شهادة البحث بعد تكملي القروش كلها وسعر القطعه 100الف وتدفعي 40 الف مقدم والباقي  اقساط ..
سوسن : خلاص انا دايرة اتنين واحدة لي والتانية لي زوجي ...
تاني يوم سقت سوسن وشيرين لمحل المخطط الوهمي وانا وديتهم لمخطط حق ناس النيابة وهم صدقو انو دا ياهو حق ناس الصحه وطوالي وافقت انو تشتري اتنين ...
وانا مشيت سحبت 80 الف من البنك من حساب سوسن عشان ادفع القصد حق القطع والمساء اتصلت علي سوسن  وقلت ليها انو دفعت القروش واستلمت الايصال والمبايعة حقت القطع من ناس المخطط واسع معاي في البيت  وشهادة البحث لمن تكملي باقي القروش
وانا طوالي نزلت القروش في حسابي وقلت في نفسي المرة الفاتت انضربت واتغشيت من اعز اصحابي وعشان كدا انا ماحااتصرف في اي قرش من القروش دي ...
طبعا بعد كم يوم سوسن قالت لي جيب المبايعة دايرة اختها في الخزنه عشان ماتروح وانا كل مرة بزوق منها وبتجرجر عليها وحتى بقيت اتهرب منها ومرات بقول ليها انا عيان وشوفي سواق تاني عشان يسوق ليكم و....و.......
 سحر :
جاني اتصال من سحر وقالت لي انو جاها عريس ودعمها والعرس الاسبوع الجاي طوالي لانو مسافر قطر واجازتو بسيطه وعزمتني وقالت لي العرس في الصاله الذهبية ...
وانا قلت ليها كيييف وافقتي عليهو وانتي بتحبيني انا ليه غيرتي رايك وانا كنت حا اجي اتقدم ليك من ناس بيتكم و....و... وعملت فيها زعلان ومصدووووم ..
وسحر قالت لي انا بصراحه كنت  بحبك ولحدي اسع بحبك  وكنت ومازلت  بتمني انك تكون من نصيبي بس مما حسيت انك بتلف وبتدور علي الناس وبتغش  عليهم غيرت رأيي وكنت منتظارك تتصلح وتبقي زول دقري وتمسك الدرب العديل بس ما اتعدلت وحتى انا لما جا ودعمي وطلب يدي اتحريت عنك وسألت قلت احتمال تكون اتغيرت وحتي كمان عرفت انو فصلوك من الجامعه وكنت مسجون في الحراسة وعشان كدا واقفت بدون تردد وبقيت في الامر الواقع وفقدت الامل فيك ....
طبعا انا مما سمعت كلام سحر سكت ساي وقلت ليها انا بالجد مااستاهل ضفر منك وانتي تستاهلي كل خير وعشان كدا  ربنا بريدك وابعدك عن طريقي وربنا يسعدكم و يتمم ليك علي خير .
وقفلت منها الخط وكنت متأثر شديد بكلام سحر ....
 الداخلية :
طبعا متواصل مع عبير حبيبتي وطوالي بجيها جمب الداخلية وبطلع معاها من حديقة لحديقة وماخلينا محل اوكفتريا مامشينا ليها ...
واتفقت مع اهل عبير انو نعمل  العرس الشهر الجاي في مصر  بعد اجازة عبير حقت السمستر الخامس و قوله خير اديتها لي عبير  قروش واصلا انا حنكت القروش من سماح وقلت ليها داير اشتري بيها الشبكه حقت العرس .. ..
واتفقت مع عبير بعد العرس نسافر ماليزيا لشهر العسل وبعديها نأجر شقة في الخرطوم وبعد تخلص عبير الجامعه نسافر القاهرة ونسكن هناك وانا احول شغلي كلو هناك ..
طبعا انا عملت دا كلو وكنت مخطط لي حاجات حااكسبها من ورا عبير وهي اول حاجه اهل عبير مرطبين وعندهم مخطط سكني كامل في  الإسكندرية واكيد ح اطلع منو بكم شقة على الاقل وتاني شي عبير عندها ورثة من ابوها وحاليا بقسمو فيها عن طريق المحكمة ...

 سماح :
مشيت الكلاكله وقابلت سماح وشاكلتني شكله من امها وقربت تطلب الطلاق بس في الاخير حنكتها بكلمه سمحه وهي طوالي رخت وفي الاخير قالت لي ماعندك حل غير انو نعمل العرس في اسرع وقت ونرحل نسكن في بيتنا واتفقنا انو نعمل العرس الاسبوع الجاي طوالي ونضبح خروف خروفين كدا ونعزم الجيران بس والاهل وهي اقنعت امها وابوها وكلمو ابوي وقال ليهم انا ماعندي ولد اصلا اسمو حسنين عشان تجو تقولو لي عرس وعيزومه وكلام فاضي  وعمي قال لي خلاص نعمل الكرامه ونختصر الحكاية ونسوكر القصه دي ...

 شيرين :
اخر مرة اتفقت مع شيرين بعد ما شغلتها لي كتير انو العرس يكون بعد عيد الضحية وقلت ليها انا اتفصلت من سماح وطلقتها بالتلاته وكلمت خالتها وهي قالت لي موضوع امها وابوي هي بتحلو وبتخليهم يوافقو وحتي لو ماوافقو انو نعرس عن طريق المحكمه وخالتها كانت فرحانه بانو انا داير شيرين بس هي ماكانت عارفه مشاكلي مع سعاد اختها وابوي ....
وطبعا انا فهمي من الاتفاقيات مع سحر وعبير وشيرين انو اتزوجهم كلهم في نفس وقت  الاتفاقيات وقلت لمن يعرفو يكون ماعندهم حل ويرضو بالأمر الواقع وفي الاخير استفيد من القروش و المكاسب من كل زواج وكنت متكتك الحكاية تمااااام وباليوم وبالثانية وافتكرت انو الحكاية بتمشي زي ماداير وبدون اي معيقات ....
بس ماكل مره تسلم الجره  .....

 الكلاكلة :
بعد اسبوع عملنا الكرامه حقت الزواج والمساء مشيت الكوفير عشان استلم العروس سماح ونمشي التصوير ومنها نمشي للحفله في بيت عمي ...
وانا نازل من العربية وداخل الكوافير عشان استلمت عروستي سموحة اشوف ليك دورية الشرطة قدامي وطوالي بدون اي مقدمات خموني ليك خمه عدوك وجدعوني في الدورية وفي مشهد مريع والناس المعاي كلهم محتارين في القصه دي معقوله عريس ماشي يستلم عروستو يجو يقبضوهو ناس البوليس ...
وناس الشمارات يعجبوك وشغالين دا مالو ؟؟؟ناس يقولو الزول دا كاتل ليهو زول وناس تقول  دي الكاميرا الخفية وانا قربت اصدق انو دي الكاميرة الخفية ...
•••••••••••••••••••••••••••••••••••••••••••••••••••••••••••

#المحتال《22》
#بقلمي_عوض_ابوعلامه
#(وظهر _الحق)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد رفعوني في العربية ودوني القسم الشمالي وهناك طوالي دخلوني علي الضابط   ولقيتو قاعد ومعاهو زولي تاجر السكر ومما شافني قرب يجي يخنقني وطوالي الضابط قال ليهو ياهو دا زولك ؟؟
والتاجر قال ليهو انا بفتش فيهو لي عشرة شهور ومالامي فيهو وانا بسببو خليت الشغل ودخلت السجن وبدل المره ميه مره ...
هنا طوالي الضابط قبل علي وقال لي اسمك منو ؟؟
انا : اسمي د.حسنين بابكر وشغال في مستشفي الحوداث   وانا الزول دا مابعرفو واول مرة اشوفو في حياتي وانا داير اعرف انتو جايبني هنا في شنو ؟؟؟ وانتو ماشايفين انا عريس ودا يوم عرسي ودخلتي وانا حا ارفع فيكم قضية رد شرف ودي اشانه سمعه و....و.....
هنا الضابط قبل علي علي التاجر وقال ليهو انت ماقلت زولك دا اسمو عيسي ودا اسمو حسنين ؟؟؟
التاجر : الزول دا كضاب وهو غير اسمو واداني اسم تاني  وهو  مصاحبني ليهو فترة طويله   عشان يحتال علي  وخلاني اثق فيهو ولحدي ماضربني وشال قروشي وشتت واختفي من الانظار
وتجي تقول لي  ياجنابو الزول دا مو ياهو الزول الغشاك وشال قروشك !!!
الضابط : انت طالما جيت هنا حقك بظهر ودا شغلنا وبنعرف انو دا زولك والا موياهو وطوالي قال للعساكر سوقو الزول دا ودخلوهو الحراسه  وفتشوهو كويس  واي حاجه عندو طلعوها وختوها في الامانات ...
وفي اللحظه ديك تلفوني ضرب ودي كانت سماح وهي ماكانت عارفه اي حاجه وكانت قاعدة جوه في الكوفير ...
وطوالي الضابط قال للعسكري جيبو التلفون دا وشال التلفون ود علي سماح :
الو : معاي منو ؟؟؟
سماح : وييين انت ياحسنين والحصل ليك شنو ؟؟وانا لسع في الكوفير منتظرنك ومالك اتأخرت ...
الضابط : معاك الملازم محمد القسم الشمالي والزول دا موجود معانا هنا في القسم ومتهم في بلاغ احتيال ...
سماح : كيف الكلام دا وبقت تكورك وتجوط حسنين مابعمل كدا والليله دا يوم عرسنا تجو تقولو لي دايرنو في بلاغ الله يجازيكم  ....
الضابط : شوفي يابت الناس نحنا اي زول متهم بنقبضو في اي حته وفي اي  زمن حتي لو كان عريس او غيرو وحتي لو ماشي الحج من الطيارة بنرجعو وعشان ماتكتري الكلام ساي تعالي لينا في القسم وعشان تعرفي الحاصل شنو وقفل الخط ...
العسكري قال لي للضابط الزول دا عندو  تلفونين تاني وطلعهم وجابهم للضابط وكمان طلع معاهم المفكرة حقت الارقام وهنا الضابط قعد يضحك وقال لي اول مرة في حياتي اشوف لي زول شايل تلاته تلفونات واي تلفون فيهو شريحتين ودا بدل على انو يا محتال يا حرامي ..
وطوالي فتح التلفونات وختاها قدامو وقال لي انا حا اخلي تلفوناتك دي كلها هنا وحا ارد علي اي زول بضرب ليك وعشان مايشفقو عليك وزي ماقلت انت زول دكتور ومسعول كبير ..
انا قلت ليهو التلفونات دي فيهاخصوصيات   وانا بحملك المسؤلية ..
الضابط قال لي خلاص البسمع كلامك دا يقول انت محامي وشنو بحملك المسؤلية وكلام فاضي ..انت هنا متهم ولو عندك كلام غير دا قولو لينا ولو عندك اثبات انك مامحتال او ماحرامي قولو لينا ...
هنا طوالي ساقوني ودخلوني الحراسه وبهدوم العرس والناس الجوه الحراسه لمن شافوني اتخلعو زول مدخلنو الحراسه ومتحنن ولابس بدله العرس ومصبغ شعرو واخر حلاقه وساونه وصنفرة تقيله والمساجين كلهم اتلمو فيني وبقو بسألو فيني مالك كتلت عروستك واي زول بسأل براهو ..
غايتو اول مرة في حياتي اقتنع انو السودانيين كلهم في اي حته غير الشمارات ماعندهم حاجه ياخي ديل مساجين جوه الحراسه دايرين يشمرو ويعرفو الحاصل شنو ...
وانا اشيل واكضب ليهم والجماعه مصدقين وانا ولاهاميني واشيل واضحك ...
سماح وصلت القسم وقابلت الضابط وحتي دخلوها علي رئيس القسم وفي البداية ماكانت مقتنعه وعملت جوطه والغربية جات بالزفاف وخلت ليك القسم قايم  علي كراع واحده واصرت انو تقابلني بس رفضو بحجه انو لسع مااتحرو معاي والموضوع طويل وبياخد وقت ..
وفي الاخير اقنعوها ورجعت البيت وهي من خلال المشاكل القديمه مع ابوي وعمي اتأكدت انو احتمال كبير يكون الكلام دا صاح ..
وغايتو مسكينه سماح خشت في حاله صعبه شديد وقربت تجن من الحصل ليها بسببي ...
تاني يوم الصباح اتحرو معاي ونكرت ليك الزول حطب وعملت فيها انو انا مظلوم ومسكين وعاملين لي عمل عشان مااعرس و....و.....

 عبير اتصلت في تلفوني ورد عليها الضابط وقالت ليهو انا خطيبة حسنين  وقال ليها الزول دا مقبوض معانا في القسم وحكي ليها كل التفاصيل  ووصف ليها القسم وهي مصدومه وفي كلامها بتقول حسنين مابعمل كدا وانتو كضابين وهي كانت خايفه شديد وكل دقيقة تشيل وتضرب وتسأل في الضابط ولحدي ماهو زهج وهي شغاله بتقول ليهو انا ماحصل دخلت قسم واجي كيف و..و... والضابط زاتو لمن حنا عليها واتعاطف معاها وفي الاخير قال ليها لازم تجي عشان تعرفي الحاصل وتقابلي خطيبك حسنين ..

شيرين برضو ضربت في الرقم العندها وبرضو رد عليها الملازم وحكي ليها القصه كلها من طقطق للسلام عليكم ووصف ليها القسم وهي طبعا قالت ليهو انا خطيبة حسنين برضو  ...
والضابط زاتو لمن احتار من الشي البحصل دا وطوالي رسل جابوني من الحراسة وقال لي شوف ياحسنين انا عرفت كل حاجه عنك واحسن ليك تعترف وتريح نفسك وتريحنا ورجع للزول دا قروشو وياباب مادخلك شر ..
وانت تعال هنا النسألك انت عندك كم حبية وكم خطيبة انت الحاج متولي ونحنا ماعارفين وشنو كل دقيقة تتصل واحدة وتقول هي خطيبتك او زوجتك !!!
طبعا انا شابكو ليك انا مظلوم ياسعادتك وانا ود ناس وماحصل غشيت زول وفي حياتي ماحصل شلت حق زول او غشيتو ..و...و.....
غايتو  جنس كضب ...

الساعه لمن عملت 9:30ص شيرين جات القسم علي حسب الوصف وجات معاها خالتها سوسن ست القطعه الوهمية 😜😜
ودخلو علي الضابط وسلمو عليهو وقعدو معاهو ....
عبير جات القسم برضو بعد ناس شيرين  طوالي وخشت المكتب وجات معاها بت صاحبتها من الداخلية (طبعا البت الجات معاها دي هي مربط الفرس )ولقو شيرين وسوسن قاعدين مع الضابط وسلمو عليهم وقعدو برضهم .....
سماح زوجتي برضو ماتجي الا في نفس الزمن وجا معاها عمي وبرضو دخلو علي الضابط وسلمو عليهو ..
هنا المكتب اتملا وكل الناس ديل جاييين لي انا والضابط ساقهم كلهم ووداهم لمكتب رئيس القسم لانو كبير ورسل العسكري قال ليهو جيب بارد للضيوف ديل ...
ورسل عسكري تاني وقال ليهو جيب حسنين من الحراسه عندو زيارة هي اقصد زيارات ....
•••••••••••••••••••••••••••••••••••••••••••••••••••••••••••

#المحتال《23》
#الاخيـــــــــــــــــــــــــــــرة
#بقلمي_عوض_ابوعلامه
#(طريق_الحق)

ــہہہـہہـ♡ـــــــــــــہہہـہہــــــــہـــــــــــــ❥
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قبل ما يطلعوني من الحراسه للزيارة الضابط شرح ليهم القصه كلها وانو انامتهم في بلاغ احتيال وحتي التاجر كان قاعد وحكي ليهم كل الحاصل والضابط قال ليهم زولكم دا مامعترف وناكر الحكاية دي وعشان كدا انا جبتكم هنا وطوالي قبل علي سماح وقال ليها انتي موش زوجتو و...و..
هنا عبير اتخلعت وجاتها لفه وقالت بصوت عالي حسنين متزوج كماااااان ..
 وشيرين وقفت علي حيلها والقعدة غلبتها وقالت لسماح انتي حسنين ماطلقك يعني..
سماح:  ايوة امس كان العرس وانتي لي شنو ماجيتي العرس كلمت ليك امك ماورتك ...
سوسن  قالت للضابط انا عندي اوراق قطعه عند حسنين ليها اكتر من شهر ماجابها لي وكل مرة بزوق وانا حاسه انو بكزب علي والكلام دا كلو كضب ..

المهم قبل مايجيبوني من الحراسه  المكتب جاط جوطه جدا وكواريك وشكله لي رب السماء وسماح وشيرين  قربو يتشمطو وعبير بقت تتكلم براها زي المجنونه.....
ودخلتي كدا للمكتب البت الجاية مع عبير من الداخلية كوركت دا الزول السرق من ابوي قروش الجمارك حق عربيتو ...
وانا قبلت عليها ولقيتا دي بت المغترب سيد الجامبو الكانت عيانه في المستشفي ...
وهي طوالي قالت للضابط الزول دا احتال علي ابوي 200مليون وهو فاتح بلاغ فيهو في القسم الغربي وليهو زمن بفتش فيهو ..
والضابط قال ليها اضربي ليهو خليهو يجي طوالي سريع  وسوسن جات علي وقالت لي ياتديني الورق حق القطعه او القروش حقتي اسع طوالي والا افتح فيك بلاغ ....
وعبير جات علي وضربتني كف وقالت للضابط انا برضو عايزة افتح بلاغ في الزول دا وهو غشاني انو بحبني وداير يعرسني وهو شال مني 20 الف للعرس....
وسماح كوركت فيها خطبية منو قلتي ؟؟؟

هنا الضابط لمن شاف الجماعه كلهم اتلمو فوقي قال للعسكري رجع الزول دا الحراسه قبل ما تحصل جريمة في القسم ...

 بعد يومين :
سماح فتحت بلاغ فيني وقالت دايرة مني 10 الف شلتها منها للعرس وطلبت الطلاق وانا رفضت ومشت رفعت دعوي طلاق عن طريق المحكمه ....
المغترب سيد الجامبو جاب خطاب  تسليم لي للقسم الغربي وقيمة البلاغة200 مليون ...

سوسن فتحت بلاغ في نفس القسم المقبوض فيهو بقيمة  80 الف جنيه وجابت شيرين شاهدة ...

عبير برضو فتحت بلاغ بقيمة 20 الف .

ورئيس القسم قال للملازم اعملو فيش لحسنين وكرت اجرام واعملو اشارة عامه لكل الاقسام بانو قبضنا علي المحتال حسنين وعشان يراجعو البلاغات القديمة حقت الاحتيال عندهم ..
وفعلا عملو لي فش وختو صورتي مع معتادي جرائم الاحتيال ورسلو صورتي لكل الاقسام ....

بعد اسبوع البلاغات المفتوحه ضدي وصلت 10 بلاغات وحتي  الزول الاحتلت عليهو الرصيد الزمان داك جا ولدو وجاب تسليم للقسم الفاتح فيهو البلاغ وفي ناس اشترو مني التلفونات الماسورة برضو فتحو فيني بلاغ ...
وحولوني السجن في بلاغ تاجر السكر وروسو لي بباقي البلاغات ...
يعني لحدي مااتحاكم في البلاغ حق زول السكر والبلاغ ينتهي وبعد داك يرجعوني القسم وينزلوني في بلاغ جديد واستمر بالطريقة دي لحدي ما اكمل كل البلاغات المفتوحه في مواجهتي  ...
والحل انو ارجع القروش حقت الناس دي كلها ولو ماقدرت ادفع ابقي  في السجن لحين السداد ...

في بلاغات قروشها صغيرة ودفعت القروش لاصحابها وشطبو البلاغ وسوسن رجعت ليها 60 الف وعفت لي الباقي وشطبت البلاغ ...
اما باقي البلاغات الكبيرة اتحاكمت فيها كلها وبقيت قاعد في السجن ...

 بعد سبعة  سنوات :
طلعت من السجن بعد عديت سبعة سنوات متواصله ومن بلاغ الي بلاغ وطلعت باعثار في بعض البلاغات وفي بلاغات اصحابها عوفني ...

طبعا في فترة السبعة سنه  العديتها في السجن تبت توبه نصوحه والحمد لله بقيت اصلي كل الصلوات في الجامع والتزمت والحمد لله ربنا اكرمني وحفظت القران الكريم في فترة السجن ...
والفترة العديتها في السجن كانت بالنسبة لي احسن فترة في حياتي واستفت منها شديد ومرو علي في السجن مجرمين بمختلف الجرائم  وفي السجن قابلت شوقي زولي الزمان داك وكان محكوم بالسجن المؤبد لانو كتل زوجتو  وبرضو قابلت ابو سمرة مسجون في شيكات طايرة ....
بعد طلعت من السجن كان اول هدفي انو امشي اطلب العفو من ابوي ومن امي في البلد وقررت اصل لاي واحد احتلت عليهو في محلو واطلب منو العفو والسماح ولو في زول عندو باقي حق عندي اشتغل وارجع ليهو قروشو وطبعا بقيت مرشد اجتماعي ودرست علوم الفقه وتفسير القران وكنت بحكي قصتي في الاحتيال للشباب عشان تكون عبرة و موعظه ليهم ....
 
 الوالد والوالده:
لمن طلعت مشيت للوالد وطلبت منو العفو ولمن شافني ولقي الدقن ماعرفني في البداية والحمد لله عفا عني وقال لي امك اتوفت ليها سنه وهي قبل ماتموت قالت هي عافية منك ورضيانه عليك ووصتني انك تدعو ليها بالرحمه والمغفرة ..

 شيرين :
كملت الجامعه واتزوجت سعودي وسافرت معاهو المملكه وشغاله هناك دكتورة ...

عمي وسوسن واختها سعاد عفو عني برضو
 وسماح بعد اتطلقت بالمحكمه اتزوجت ود جيرانها واسع عندها خمس شفع والكبير اسمو حسن وهي شكلها دايرة تسمي علي بس غيرت الاسم وهي برضو عفت عني وسامحتني ..

عبير : اتخرجت واتزوجت الملازم محمد الكان في القسم واسع هي عنها بت صغيرونه

 سحر :
طبعا اتزوجت وجابت ولد وسمتو حسنين وزوجها اتوفي وخلا الولد عمرو شهر  ولمن مشيت ليها لقيت ولدها حسنين عمرو سته سنوات وبقراء في المدرسة وعرفت انو بعد زوجها اتوفي ماعرست تاني ...
وبعد كم شهر اتقدمت ليها وهي واقفت طوالي وعملنا العرس تمره في الجامع بس ...

والحمد لله انو ربنا هداني للطريق الصحيح وانا الليله بحكي ليكم القصه حقتي دي وبتمني انكم تكونو استفدتو من الحكيتو ليكم ولكم الشكر ...

👏🏾👏🏾👏🏾👏🏾👏🏾👏🏾

وبكدا نزيل الستار عن رواية المحتال وماادراك ماالمحتال وعالم الاحتيال الذي اصبح جزء اساسي من الحياة اليومية واصبح المجتمع السوداني يتقبل الاحتيال او بمعني لايستنكر هذة الجريمة البشعة الدخيلة علي المجتمعات السودانية ..
ونتمي من الجميع ان يعملو علي مكافحه هذه الافعال او الجرائم ويكون ذلك بالتوعية وعدم الانقياد وراء العاطفه وعدم الثقة المفرطه ويجب التعامل بحزر مع كل الناس من حولك والمثل بقول المال الثائب بعلم السرقة وعشان كدا حافظو علي ممتلكاتكم وحافظو علي اعراضكم وبناتكم ..
والاحتيال مافي المال بس وفي احتيال عاطفي واحتيال فكري واحتيال معنوي وغيرو من انواع الاحتيال ...

ونشكركم علي المتابعه الشيقة للرواية ...

وكما عودناكم دائما ان تكون الرواية في شكل  قضية او رساله مجتمعية  نسعي لايحاد الحلول ولفت الانظار لها ....

ونتمني ان تكون نالت استحسانكم واعجابكم ....

والي اللقاء في الرواية القادمة ....
ألـنـهـــــــأيــــــــــــTHE ENDـــــــــــــــﻬـﮧ'ة