الرهينه

بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الرهينه《01》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
.
.
.
الووو، وليد وين انت ! ليه ما بترد علي من امبارح بدق عليك قلقتني.. سكتت مسااافهه ولمن ما لقيت رد ؛ بعدت التلفون من وشي شويهه اشوف لو الخط فصل ؛ لقيتو شغاااال، رجعتوو ل اضاني وقلت وليد انت معاي!؟ جاااني صووت انفاااس؛ وبعد مسااافه لقيتو برد ، ما كان وليد، كان صوت ولد أخشن شويه؛ قال لي "صراحه ما عارف اقولها ليك كيف ، بس وليد دا مات ، لقيناااو عامل حادث ولحدي ما لحقنااا المستشفى لقينااا روحو طلعت" ..
ما عارفه الحصل لي ، صنيت وبديت اجمع هو بقول في شنو ؟ وليددد؟؟؟ وليد ال امبارح بالصباح اتكلم معاي وقال لي اشتاق لي وجاي يشوفني؟! وليد ال كان بااقي لي عقدي بيهو كم يوم؟! وووليد؟؟؟؟
"الووو، انتي معاي ؟" قفلت الخط في وشو ، وكل ال قدرت اعملو في اللحظهه دي اني صرخت ،،، صرخت صررخهه واحده بس ،وبعدها غمضت عيوني وما حسيت ب شئ ..

طيب دقااايق نتعرف ؛ وفاااء خريجهه طب جامعه الخرطوم ، زوله ممكن تقولو علي اجتماعيه نوعا ما عكس وليد...
كبيره بيتناا والبكر العويره، وفي نفس الوقت البت الوحيده❤ ، علشان كده ابوي مدلعني شديد ، يعني اي شئ عاوزاهوو بلقاهو ❤، واي شئ في راسي بخلوني اعملو ؛ حتى بتذكر في تالته لمن امتحنت كنت جبت 87 اول مره ؛ زعلت شددديدد واصريت اني اعيد ، كنت بقول دي اصلووو ما نسبتي ولا شغلي كان كده ؛ ابوي قدر ما حاول يقنعني اني ادخل خااص ابييت؛ قلت ليو ح اعيد واجيبها؛ وفعلا عدت بس ما جبت المجان؛ نسبتي كانت 91 ، اي هي بتدخلني مجااان بس ولايات، برضوو ابيييت واصريت شديد اني اعيد تااني ، والحمد لله في التالته جبتها ❤ ابوي كان بقول لي انتي مجنونهه والله زول يضيع تلاتهه سنين من عمرو كده؟! وانتي نسبتك الاولى ما كععبه ،، ونحن حمد لله وضعنا حلوو يعني كان عادي ممكن ادخلك خااص ، بس انا كنت مصره على القبول الحكومي ..
ما كنت زوله فارغات؛ ونادرا ما كنت اتكلم مع ولد، وحتى فكره اني احب دي كانت بالنسبه لي بعيده كلل البعد ، لحدي ما قابلت وليد❤ ، بتذكر اول يوم شفتو فيهو كنت جايه متأخره، وطبعا انا جباانه شديد ، كنت واقفه قدام باب القاعه وبقدم خطوه وبرجع خطوتين؛ خايفه اخش واتهزأ ، وفي نفس الوقت خاايفه ارجع وتفوتني حاجات مهمهه؛ في حيرررتي ديك جاء ماري جنبي ؛ طوالي وقفتوو ؛ طبعا لقيت زول يتهزأ معاي طوالي ح امسك فيهو😂😂😂 ،،، ووليد عااامه حجمو ما كان ضخم شديد، ف ما شكيت ولا واحد في الميه انو ممكن يكون خريج ما برلوم ، قلت ليو حمد لله لقيت زول معاي ؛ كده ما عندي مانع اتهزأ، ادخل انت اول انا بدخل بوراك، ولا اقول ليك انا بدخل اول بعدين انت عشان لو ح يكورك تجي فيك ، طبعا انا بتكلم بسرعه وملبوشه ونص الكلام اكلتو ما عارفاهو فهم كيف اصلا😂 ، ابتسم ابتسااامه خفيفه بعدين قال لي خلصتي؟! طيب يلا ، ومشا قدامي ؛ بسرعه لحقتو ومشيت وراهو ، دق الباب وقال دكتووور "..." كيييفك ، الدكتور سلم عليهو وانا منططه عيوني بعاين ليهم ، بعد خلصو سلام قال ليهوو؛ البرلومه دي كانت خايفه قلت ادخلها ليك ، الدكتور عاين لي بعدين قال ادخلي، وواصل وهو بضحك خيرا ما فعلت ياااخ ، انا طوالي ولا رفعت عيني عاينت ليو جريت دخلت قعدت..
تااااني مره لاقيتو فيها ؛ كانت بعد بدينا امتحانات سمستر اول ، اصلا الخريجين ما بجو الجامعه كتيير، المهم في اليوم دا الامتحان كان جاء كاااتم شديد وما قدرت احل شئ ؛ ف طلعت في نص الزمن ، بعدت شويه من القااعه وطوالي قعدت ابكي ، بكيييييت لحدي ما رقت بعدين مسحت دموعي وكنت قايمه لقيتو قاعد قصااادي ؛ قلت بسم الله ؛ ضيق عيونو وعاين لي مساافه بعدين قال البت الخوافهه؟! اووو شوف الصدف دي، بعدين شنو بسم الله دي شفتي جن؟! في نص الزعله ديك ضحكت وقلت ليو لا ياخ العفو ، قال لي ايوه كده ؛ مااالك؟ قلت ليو الامتحان كععب بس ؛ ضحك وقال لي انتي برلومه بتقولي كده؟ صريت ليهو وشي وقلت انت جاي تواسي ولا تزيدني هم 💔 قال لي يعني اكضب عليك ؟! اسمك منو انتي ؟! قلت ليو وفااء، قال لي عااشت الاسامي❤ ماف داعي ل البكا يا وفاء ، اشتغلتي كعب هنا ؛ معناها تعوضي في البعدو؛ البكا ما ماشي ينجحك ولا شنو؟! هزيت ليهو راسي وانا ساكته ، ابتسم لي وقال طيب الحقي لمي الماده الجااايه، ولو في حاجه غالباك اساليني انا توب سنيرك ؛ ووقف على حيلو كان ماااشي وقفتو قلت ليو اسمك منو صحي ؟! قال لي وليييييد❤
عدت الايام ، ولاقيتو كتير خلال السنه ديك ، ومع نهايتهااا وطبعا كانت آخر سنه ليهو ، طلب مني رقمي علشان نتواصل ، ما فكرت كتير واديتوو وفعلا كنا متواصلين واتساب ومكالمات، عدييت تانيه وتالته على الحال دا ، وكل يوم كنت ماشه اتعلق فيهو اكتر ،وفي رابعه اتأكدت من مشاعري ، ومن اني اتعلقت بيهو شديد وحبيتو، بس ما كنت متأكده من انو هو بحبني ولا لا ، لحدي ما في يوم لقيتو داقي علي مكالمات كتيره ، رجعت ليهو فصل فيني ورجع هو ، قلت ليو كنت بعيده ما سمعت المكالمات ؛ قال لي بصوت هااادي وفاء اسمعيني؛ سكتت وبقيت بسمع فيهو؛ قال لي يمكن ال اقولو يأثر في علاقتنا ، تأثير سلبي او ايجابي؛ بس صدقيني انا ما قادر اسكت ، ا انا يا وفاء ؛ ا انا ، سكتتت، بعدين قال بسرعه انا بحبك وقفل ، طبعا انا من لبشتو اتوقعت انو شئ خطير بس صراحه ما كنت متوقعه؛ يعني وليد ايوه بعاملني حلو، كلامو معاي حلو بس هو شخصيتو كده ، ظريف مع اي زول ؛ عمري ما حسيت انو ممكن يكون بعاملني كده علشان بحبني ، ف بالنسبه لي كانت صدمه ،، قلبي دق شديد ، واخدت زززمن استوعب الحاصل ؛ بعدين رجعت ليهو وانا بين مصدقه وحاسه نفسي بحلم ؛ بعد جرسين يمكن فتح؛ وكان سااااكت، اخدت صنهه بعدين قلت ليو وليد ؟! قال لي عيوني ، قلت ليو وانا كمان❤...
كنت كل ما ازهج بلقاهو بدق علي وبقول لي وين انتي؟! يلا نطلع ، كتيير سألتو انت كيف بتعرف اني في اللحظهه دي بالزات زهجاااانه، كان بقول لي حسيت❤
آخر أيام؛ لمن كنت بمتحن وخلاص خريجه، كان طبيعي بسااااهر الليل معاااي بسأل فيني ويراجع لي .. وفي آخر يوم لمن طلعت لقيتو منتظرني بره الجامعه ، كان واقف متكل على عربيتو وشغال ب موبايلو، قربت منو وقلت ليو وليد! رفع رأسو عاين لي بعدين قال اووو الخريجه؛ قلت ليو اخيرا ياخ❤ .. كيف كان امتحانك؟! قلت ليو لا ما تجيب سيرتهم تااااني انا ما صدقت خلصت ، وليد انا مبسوطه مبسوطه شديد ، عاااين لي مسااافه وهو ساكت بعدين قال لي طيب يلا ؛ قلت ليو وين؟! قال لي مفاجأه ، رفعت حاجبي، قال لي ح تعجبك انا متأكد ؛ قلت ليو نشوووف؛ ركبت معااو ومشينا مساااافه، كان مكان اقل ما يقال عنو فخم ، كان شكل حووش فيهو نجيله واشجااار، اتقدمت ودخلت قبليهو؛ بقيت بتفرج على المكان وانا مبسوطه؛ كان في طربيزه بي كرسيين؛ عليهم شموع وورود وبوكس صغير كده مقفول ؛ شلتو واتلفتت على وليد ؛ لقيتو واقف بعاين من بعيد ؛ وهو مدخل يدينو في جيوبو؛ رفعت ليهو البوكس وانا برفع حاجبي بمعنى دا شنو ؟ حرك كتفو بمعنى ما عارف ؛ اتلفتت منو وفتحتو، كان فيهو رساله وخاااتم، مسكت الرساله وفتحتها وانا بين مصدقه وما مصدقه؛ قريتها وكان مكتوب فيها : "حبيبتي وست البنات ؛ تصدقي ما عارف اكتب شنو ؟! تقريبا دي الورقه السادسه في قعدتي دي؛ بس حالف ما اشرطها؛ ما عارف ليه بس ما قادر اعبر ؛ جواي كتير يا وفاء كتير شديد بس ما قادر اعبر ؛ ينفع تفهميني؟"
اتلفت عليو لقيتو قرب مني وقال بحبك ، يشهد الله بحبك ؛ ينفع توافقي وتبقي ست قلبي ومرتي ؛ قلت ليو وليد ! ابتسم لي ومد يدو شال الخاتم ؛ وبيدو التاااانيه مسك يدي؛ كنت ساكته وبعاين ليو في عيونو، فجاءه قلت ليو وليد اخخخخخ، ضرب رجلو بالأرض وقال كنت عارف ؛ يا الله ، قلت ليو يا غبي ما بتعرف مقاس يدي؛ ومسكت اصبعي، قال لي ياخ انا عارف انو مقاسات ؛ الناس دي في الافلام بتجيبو كيف طيب ، حمرت ليو بدون اتكلم ؛ قرب مني اكتر وقال بعد غير نبرتو، بس رأيك شنو في المفاجأة دي؟! عاينت حواليني وقلت ليو حلوه❤ قال لي انتي الحلوه والله ، عارفه ؟! نفسي شديد يكون هنا في مأذون واربعه شهود واخدك لبيتنا طوالي ، ابتسمت ليو بخجل ، قال لي ما قادر انتظر عايزك معاااي في كل لحظه يا وفاء ❤

"لا تثق يا عزيزي ؛ الحياه تتبدل بين الفنيه والأخرى، فلا صديق يبقى ولا حبيب يدوم ..
لا أدرى كيف لأحد أن يعد بالبقاء ، والحياه في حد زاتها فانيه 💛"

فتحت عيوني بصداع رهيب ؛ عاينت حوالييني بعد قلت اخخ ومسكت راسي، اول حاجه شفتها امي ال كانت قاعده قدامي بتبكي ، جنبها نااااديه صحبتي ، وبالجهه التانيه ابوي وجنبوو محمد اخوي الكبير ومهدي ؛ حاولت اقوم بس امي مسكتني وقالت لي ماشه وين؟! قلت ليها ما ماشه مكان ، انتي بتبكي ليه؟! دنقرت بدون تقول شئ ؛ وفي اللحظه ديك اتذكرت المكالمه قبل يغمى علي ؛ امي ، امي وليد وين؟! بعد كانت مدنقره رفعت رأسها وعاينت لي ؛ وبدون تقول كلمه جات علي ضمتني وهي بتقول حال الدنيا يا وفااء؛ انتي زوله مؤمنه ، وربنا بحبو علشان كده رفعو ليو ، زحيت منها وقلت ليها لعلك صدقتي الزول الاتصل؟! ماما وليد ما مات ؛ مسكت يدها وكملت ، هو مش بي نفسو قال ليك بسافر وبرجع بجيب معاي بلح العقد؟! مش امبارح اتكلم معاك وقال ليك اتوسطي بينا انا ومهدي وراضيناا؟! امي في الوقت دا عاينت لي بنظره عمري ما بنساها؛ نظره خلتني ابلع باقي الكلام ال كنت ناويه اقولو بمراره، واغمض عيوني ، واتذكر ....

كده يا وليد؟! تقول لي 10 بكون عندك وتجيني 12 ?! انت عارف حصل فيني شنو؟! وليد ابتسم وقال بعد مسك يدي ، حبيبي انا كويس والله❤ معلش تاني ما بتأخر؛ قلت ليو بطفوله منو قال خايفه عليك ؛ انا قصدي جوووعت ياخ 💔 بعد كان مبتسم صرر وشو زي الشفع، قال لي هبله دي همك كلو بطنك؛ ضغطت على يدو وقلت ليو بصوت هادي انت ما خليتني اتم، جوعت بس خفت عليك اكتر ؛ اخدد نفسس طويل بعدين قال لي انتي عارفه نفسي في اللحظه دي شنو!؟ سكتت عاينت ليو قال لي نفسي اضمك علي واقول ليك ما تخافي انا عمري ما ح اخليك ؛ قلت ليو طيب انت عارف انا نفسي في شنو ؟! قال لي شنو ، قلت ليو شاورما جامبو ؛ جعاااانه يا جدي جعااانه..
اتنفضت من الذكرى دي وبقيت بردد في جمله واحده ، "لا وليد ما مات ، وليد ما مااات" كنت شايفه نظرات امي وابوي ال ما فهمتها زعل ولا شفقهه ولا ولا ؛ بس اخر شئ شفتو كانو الممرضات ال جو ناحيتي شايلين حقنه...

في مكان تااااني؛ ما بعيد ، كان بصلي ركعتين شكر لله ودمعتو سايله؛ مسحها ووقف ع حيلو لمن سمع امو بتنادي ، عبد الله ! ايوه يماا، عاينت ليو مسافه بعدين قالت مبسوط! ابتسم وجا قعد جنبها ومسك يديها وسرح بعدين قال ؛ عمري ما كنت بنبسط ب أذيه زول ؛ وطول عمري بحب الخير للناس ؛ الا موت وليد ، جاء ك آخر امل يخليني اتمسك بيها ؛ حب الطفوله❤ انتبهه لكلامو وبالزات جملتو الاخيره ؛ ف اتحرج وسكت ، اموو اتداركت الموقف وقالت ، بس يا ضناي الموت ماهو شرر، ولا أذى؛ الموت مكتوب يا ولدي ، ودا يومو الكاتبو ليو رب العباد، هزا ليها رأسو وبعدين قال صاح يا حجه ، ما قلتي لي رأيك؛ اتقدم؟! امو ضحكت وقالت ليو هي معقوله لكن الولد ترابو ما نشف، خلي الشفقه البت قاعده ما حتطير😂 قال ليها بعد ضحك ؛ بس خايف يما ؛ خاايف يخطفوها مني تاااني؛ امو قالت ليو ، لالا اطمن ، بعدين البت حسي تكون حزينه ، اديها فتره والله يقدم اللي فيهو الخير ؛ فتره؟ كم يعني اسبووع؟ ضربتو في رأسو براحه وقالت اسبوع شنو هوي ها! قول شهر..

مرت الايام ، هي الأيام كفيله انها تنسي ، بس انا م نسيت ، نسيت شنو، انا م اقتنعت اصلا ! كنت كل فتره وفتره بدق على رقم وليد ، يمكن يرد ويقول لي دا مقلب ، انا متأكده انو مقلب ، ومقلب ما حلو كمان ؛ بس وليد يظهر وانا م ح اخليهو؛؛؛ ماما حاولت معاي بكل الطرق ؛ كانت بتحاول تخليني اصدق انو مات ؛ كانت بتقول لي ابكي يا وفاء ؛ ابكي عليو ما تحبسي في نفسك ؛ وكانت بتكرر جمله البت مصدومه لأي زول يجي يعزيني ويلقااني بضحك ...
آخر شئ اتوصلت ليو امي ، انها جابت ناهد اخت وليد تقنعني انو فعلا مات ، قعدت قدامي ووشها مورم من البكا ؛ قالت لي وفااااء قولي لا إله الا الله ، انتي زوله مؤمنه، عاااارفه انو في موت ؛ وانو كلنا ماشين نموت مش؟ قلت ليها عارفه يا ناهد ، بس وليد ما مات وليد عامل فيني مقلب بس ، قربت مني مسكتني من اكتاااافي وقالت لي لا ما مقلب ؛ هو فعلا مات ؛ ونحن دفناااه يا وفاء ...

"إن أسوء ما قد يمر بأي انسان هو الفقد ، أن تعي فجاءه ان شخصك المفضل قد رحل ، دون أن تودعه، أن تلقي نظره اخيره ... ان تتحول لحظاتك السعيده معه بين يوم وليله الي ذكريات ! "
--------------------------------------

#الرهينه《02》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الرهينه《03》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
.
.
.
ناااديه قالت ليو وفاء صحبتي ؟! رد عليها ايوه ؛ اللحظه ديك حست الدنيا لافه بيها ؛ وحست بقلبها بوجعها؛ قالت ليو ايواا مبروك تاااني ؛ ومشت دخلت غرفتها قفلتها عليها؛ وبخطوات تقيله مشت ناحيه الدولاب وطلعت صوره ليها هي وعبد الله ووفاء، عبد الله كان في
النص وهي جمبو من اليمين ؛ ومن اليسار واقفه وفاء وماسكه يدو بيديها الاتنين ؛ عيونها اتملت بالدموع وقالت بصوت مخنوق؛ وفاء وفاء وفاء ؛ دايما وفاء في اي حاجه ؛ ليه كده؟! ليه اي حاجه حلوه من نصيبها هي ، طيب وانا؟؟؟ ، اخدت نفس وواصلت من صغار وهي مايله ليهو ، كنا بنلعب كلنا بس هم ما بكونو شايفين غير بعض ؛ دايما انا وجودي وعدمو واحد 💔 ،،، يمكن لو كان عرس اي واحده ما كان يفرق معاي زي لمن تكوني انتي ؛ اقول شنو ، حبيبي عرس صحبتي؛ ياااه...💔
انتفضت بصوت باب غرفتها بدق ؛ مسحت دموعها ودخلت الصوره دولابها بعدين مشت فتحت، لقتها امها، قالت ليها شنو مشيتي تسألي عشان توريني ، وبدون توريني جيتي اتغطستي هنا ؟ قالت ليها نسيت ، ودخلت قعدت في طرف السرير ، امها عاينت ليها بتفحص بعدين قالت ، طيب حسي وريني ؛ وفاء يا امي ؛ وين البنات مشو وين ؛ امها ردت وفاء ؟ الواحده دي، صحبتكم؟ ردت بضيق اي ياها يا امي ؛ مروه ومرام وينهن؟ بري ما بعرفهن ، ما في الصالون؟ قبل ترد عليها جات داخله مرام وهي بتقول انا هنا ؛ في شنو ؟ ناااديه وقفت على حيلها ومشت عليها ؛ مسكتها من يدها وقالت تعاااالي عايزاك، وساقتها واختفو من نظر امهم...
في شنو مالك يا ناديه ؟ ناديه ردت والدموع في عيونها ، عبد الله ؛ عبد الله عااايز يعرس يا مرام! ؛ مرام ردت عليها وكيف ما يعرس وانتي ما عايزه تصارحيهو؟؟ كم مره قلت ليك يا ناديه كم مره؟ انتي كنتي عايزاه يعرف بالحوى ولا كيف؟؟؟ ناديه مسحت دمعتها ال نزلت بسرعه وقالت ، طيب ليه انتي ما توري مصطفى؟ جاوبي؟؟ ولا بتعرفي تقولي لي انا اعمل وانتي بغلبك ؟ مرام وقفت على حيلها وبعدت شويه بعدين قالت ؛ لا ما كده ؛ بس في فرق كبير بين عبد الله ومصطفى ؛ عبد الله يا ناااديه صحبك من انتو صغار ؛ بعيدآ عن انو متفهم وواعي شديد ؛ يعني حتى لو قلتي ليهو وطلع ما بحبك علاقتكم ح تستمر، اي يمكن ما ترجعو زي اول بس برضو ما ح يقاطعك ، كيف تقارنيهو بالعصبي العندي دا ؟؟ ناااديه ردت عليها وهي بتبتسم من ناااحيه عصبي عصبي ما بغالطك، دا ماخد دكتوراه فيها ياخ ؛ مرام ابتسمت برضو وقالت بس بحبو❤ خليكي مني ومنو ح تعملي شنو؟؟ ناديه وقفت ع حيلها ومشت في اتجاها بعدين قالت ولا شئ ؛ ح امشي انوم الصباح وراي مشيه للعروس...

"أشد ما يؤلمني ان قصتنا انتهت قبل أن تبدأ.. ان كل أحلامي التي رفعتني ذات يوم حد السماء ، عادت تسقط بي بكل عنف ولا استطيع الصراخ"

"في الصباح"

صحيت بصوت جوطه بره ؛ طلعت لقيت البيت عمرراااان، من جهه اهل امي ، وصحباتي او "نااااديه ومرام❤" ومن جهه تانيه اهل وليد؛ سلمت عليهم ووقفت عند ام وليد اكتر شئ ؛ كانت بتتونس لحدي ما وقفت قدامها حسيت بيها بكت ؛ قلت ليها خاالتي؛؛ قالت لي عروسنا الحلوه❤ امك لمن قالت لي ما صدقت ، قلت الا اجي اشوفك بعيوني دي ؛ الف مبروك يالسمحه تتهني يارب ؛ حضنتها وبكيت ومع بكيتي هي زاتها بكت❤ طول عمري كنت بحس بيها امي التانيه ؛ وتعاملها معاااي ابدآ ما كان تعامل بت ونسيبتها؛ نااااديه دائما كانت بتقول لي يابختك بيها ؛ بعدتني منها شويه بعدين قالت ؛ يلا ما دايره اشوف دموعك تاااني انتي عروسه كمان حافظي على نورتك ، هزيت ليها رأسي ومشيت منها ، سلمت علي البقيه وآخر واحده كانت نااااديه سلمت عليها وبالمره جريتها من يدها عشان تمشي معاي ؛ سقتها وقعدنا في غرفتي ؛ كانت بتعاين لي وهي ساكته بعد مسافه قالت لي احكي؛ قلت ليها ناااديه هو انا ينفع اهرب؟؟ عدلت قعدتها وقالت بصيغه جاده ، حبيبتي مر شهر على الموضوع انتي لسه فيهو؟ وفاء وليد خلاص ؛ قلت ليها بس انا حاسه اني زي البخونو؛ حاسه اني بظلم عبدالله معاااي ما قادره انبسط بالعرس دا ما قادره يا ناااديه؛ قالت لي لا انتي ما بتخونيهو واوعك تحسي كده ، وبعدين بالنسبه ل عبدالله، سكتت مسااافه بعدين كملت : انا متأكده انك ح تسعديهو وحتللاقي السعاده معاهو❤
قعدت معاااي فتره ؛ كنت حاسه بيها متغيره او حاصل عليها شئ ، بس كل ما اسألها كانت بتقول لي ماف شي.. المساء الضيوف كلهم كانو طلعو ؛ نزلت قعدت مع ابوي واخواني ؛ كانو بتكلمو عن العرس وما العرس ، ما ركزت معاهم وسرحت، اتذكرت وليد كيف كان برتب معاااي مواضييع العرس وسفرنا وشهر العسل ، كان متحمس ودايما بقول لي "هانت يا وفو، كلها كم يوم واسوقك ونمشي بيتنااا" العبره خنقتني طوالي طلعت غرفتي وبكيت

"ان الامر اشبهه بسكين مغروس في قلبك ؛ نعم في المنتصف تماما ؛ ابقاؤه مؤذي وخلعه أشد إيذاء.. "

"عدت الايام"

وفي يوم الحنه بالصباح؛ كنت قاعده في غرفتي قاطعه موضوع ؛ ما عارفه ليه بس ال جاء في بالي وقتها اني اتصل على عبد الله واقول ليهو اني زهجاااانه، يمكن بيني وبين نفسي كنت بحاول اثبت انو عبد الله ما زي وليد ؛ انو وليد ما بيتعوض! ،،،، فعلا دقيت عليو رد علي بلهفه وفاء خير انتي كويسه؟؟ قلت ليو بتردد كويسه ! قال لي امم افهم انك مشتاقه لي طيب ! طبعا سكت ساي ما عرفت ارد ب شنو ؛ قال لي طيب انا المشتاق ليك؛ فضلت ساكته ؛ ضحك مسااافه قلت ليو بتضحك ليه ؛ قال لي بتخيل ف شكلك حسي ، ضحكت انا زاتي وقلت ليو اهبل دا !
ما قدرت اقول الاتصلت علشانو ف اتكلمت معاو شويه وقفلت على كده ... كنت رافضه اني اتحنن بس مع إصرار امي اضطريت نزلت اتحنن ...
البنات ربوهااا واشتغلو دلوكه والجو كان زابط شديد❤

في نفس الوقت دا في جهه عبد الله؛ كان قاعد و ب يمينو امو بتحنن فيهو و ب شمالو مرام بتدق في الدلوكه وبتغني ؛ شويهه وجات داخله ناااديه وملامحها متغيره ؛ قعدت في طرف السرير ، عبد الله عاين ليها وقال بصيغه هظااار كل دا عند صحبتك ، طيب وصحبك المرزوع هنا دا ماف ليو؟ ناديه ابتسمت ليو بدون ترد ؛ ملامحو اتبدلت وفضل بعاااين ليها ؛ وهي مع تركيزو فيها قلبها وجعها اكتر وحست انو دموعها ح تفضحها ف قامت وطلعت بره ؛ مرام كانت مراقبه الموقف ومع طلعتها كانت ح تمشي وراها ؛ بس عبد الله وقفها وطلع هو ،،،، لقاها قاعده في سرير في الحوش وبتبكي ؛ جاء قعد جنبها براحه وسررح ؛ ناااديه مسحت دموعها وعاينت ليهو بعدين قالت من دون وعي منها : ما قادره يا عبدالله تعبت ...
_ ح ترتاااحي
= ليه حظي دائما كده !
_ حاصل عليك شنو؟!
=ماف شئ ..
_ ناااديه انا ما خربت حنتي ؛ وقمت قبل انشفها ولحقتك عشان تقولي لي ماف شئ
= بس هو فعلا ماف شئ
_ من متين وانا بتقولي لي ماف شئ ؛ من متين في مشكله ما بتقدري تقوليها لي !
= صدقني مشكلتي كلها في اني ما بقدر اقول ليك ..!
ليه الحياه بتلعب بينا كده ؛ جابرانا على وضع ماف حد مبسوط بيه ؛ في حين انو شويه تعديل بسيط ممكن يغير كل شئ ويبسطنا كلنا ...
عبدالله عاين ليها مسااافه بعدين قال ؛ ليه ما قادر افهمك ! ابتسمت ليهو ابتسامه خفيفه وقالت يمكن عشان انا زااااتي ما فاهمه نفسي ، على كل حال يلا كمل الحنه قبل تنشف ؛ طالعه حلوه عليك !

"من قال أن الحب جميل ؟ الحب عذاب ، عقاااب، خراب 💔"

"بعدها بأيام"

ناااديه، ايوه يا خالتي ؛ يلا اتحركو على الكووفير عشان ما تتأخرو ، طيب يا خالتي ، وفااااء قلت ليها سامعاك سامعاك م تكوركي ثواني البس واشيل حاجاتي؛ قالت لي اسرعي ، دخلت لبست وطلعت معاها ، ونحن في الطريق عبدالله رسل لي انو مبسوط انو اخيرا اليوم دا جاء وكده ؛ ما كنت قادره احدد وقتها مشاعري في اللحظه ديك شنو ، قلت ل ناااديه بعد قفلت تلفوني : حسي لو سمعو كلامي وما عملو صاله كان حصل شنو! ما ردت علي ؛ قلت ليها ناااديه قالت لي ايوه معاك ؛ قلت ليها ما معاااي يا صحبتي ، وليك فتره ملاحظه ليك، قالت لي وهي بتغير الموضوع انا داخله اجيب كم حاجه من بيتنا استنيني..
وقفت ف طرف الشارع وانا بقول في نفسي لمن تطلع ما بخليها المره دي الا اعرف مالا ، في وقفتي ديك سمعت "وفو" اتلفتت ناااحيه بابهم قلت شكلها طلعت بس ما كانت جات ؛ صنيت شويه تاااني سمعتها بقيت بتلفت ، عيني استقرت عليهو واقف في طرف الشااارع وبعاين لي ؛ غمضت عيوني شديد وفتحتهم ما اكون بتخيل ! لقيتو قاعد؛ انا م بتخيل يعني ،،، مشت عليهو بخطوات بترجف وانا حاااسه نفسي بحلم ، معقول؟؟ معقول انتا حقيقي قدامي ؟؟؟ اول ما بقيت قدامو قال لي " اشتقت ليك " وليد انت حقيقي؟؟؟ كان ح يجاااوب بس فجاءه صر وشو وقال لي انتي محننه؟ قلت ليو وانا بتجاهل جملتو الاخيره وليد انت حقيقي قدامي؟؟ انت عايش ؟؟؟؟ طيب ليه، ليه عملت كده؟ ليه قلت انك ميت ؟؟ وين مشيت شهر ؟ انا ما فاهمه شئ ، قال لي وفاء ح افهمك اي حاجه بس ما حسي ، مااف وقت ، ا انتي ليه محننه؟ قلت ليو عشان عرسي الليله يا وليد! عشان انتظرتك كتير وانت ما جيت ؛ بقيت ببكي بعدين كملت ؛ شهر كامل منتظراك يا وليد وبكذبهم ؛ كلهم صدقو موتك الا انا ! كنت عارفه انو مقلب منك؛ ومقلب بايخ كمان ، ليه عملت فيني كده ، غمض عيونو وهو بخت يدينو في راسو، قلت ليو وليد انت كنت وين ؟ قال لي ما وقتو يا وفاء ، العرس دا لازم يقيف ؛ انا رجعت انتي ما لازم تعرسيهو هو بغض النظر عن هو منو ، وفاء انا بحبك ، انتي لو ،،، سكت مسافه بعدين كمل : انا لسه بحبك ، قلت ليو وليد انت واعي ل البتقولو؟ انت جاي يوم عرسي تقول لي اوقفو؟؟؟ وريني اعملها كيف دي؟ قال لي ما عارف ما عارف ؛ ومسك رأسو بيدينو؛ زي المضروب في راسو أو مصدع ، قلت ليو وليد انت كويس ! عاين لي في عيوني بعدين قال : ح ابقا كويس لو بقيتي لي، ح ابقا كويس لو العرس دا وقف يا وفاااء، قلت ليو وليد! قال لي يمكن انا الحادث ما كتلني ؛ بس لو عرستي ح اموت ح اموت يا وفاء ؛المكان كان هااادي شديد ، والشارع فاااضي ما فيهو غيرنا ، مسحت دموعي واخدت نفس طويل بعدين قلت ليو ، طيب في حل واحد ؛ انا م عارفه ح ينجح و لا لا ، وليد بلهفهه قال لي شنو ! قلت ليو انك تمشي معاااي لأبوي ، توريهو انك عايش وانك عايزني ونوقفو؛ اي هو احتمالو بسيط بس دا ال قدرت اجيبو، قال لي هشش وانا ح اعملو يا وفاء ...❤

"‏منذُ فترةٌ طويلة وأنا أُحاول إيجاد سببٌ لإعادة شغفي لهذه الحياة من أجل أنّ أستمِر ؛ وها قد وجدتك❤"‏
--------------------------------------

#الرهينه《04》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
.
.
.
بعد قال لي حأعمل فرحت شديد ، كأنو خلاص ابوي وافق ؛ قلت ليو بصوت مبحوح وليد.. ابتسم لي وقال يلا يا وفاء ماف وقت ؛ اتحركت معاااو راجعين على البيت ؛ وطبعا من اللبشه بتاعت اني شفتو نسيت ناااديه خالص ؛ طول الطريق ما اتكلم معاااي ؛ وكنت كل ما اعاين ليو بلقاهو زي المهموم او بفكر ،،،، المهم وصلنا بيتنا اصلا ما كنا بعيدين؛ وقفنا قدام الباب مسااافه بعدين دخلنا ؛ ماما وبابا كانو قاعدين في الصاله بتكلمو؛ و مع دخلتنا سكتو الاتنين، اخدت نفس طويييل بعدين قلت ليهم بابا زي ما شايف وليد رجع ، هو عمل حادث بس ما مات ، ابوي قاطعني وهو موجهه كلامو لي ؛ وليد!؟؟ قلت ليو ايوه ؛ وليد عايش يا بابا اهو ؛ واتلفتت عاينت ل وليد الابتسم لي بالجنبه؛ رجعت كملت كلامي وقلت ؛ وطبعا بعد ظهر ما ح تكمل العرس دا مش! ابوي عاين لأمي ، وامي فجاءه بقت تبكي؛ تبكي شديد لدرجه بقت تقفل فمها بيدها علشان صوتها ما يطلع ؛ استغربت رده فعلها وما قدرت افهمها ابدا ! ابوي قال لي وين ناديه مش كانت ماشه معاك ، اتغظت من حركه انو اتاجهلني دي عليييت صوتي وقلت ليو بابا انا بتكلم معاك ! قال لي ما تتكلمي معاي يا وفاء واطلعي غرفتك لحدي ما تجي ناديه تسوقك للكوفير ؛ قلت ليو لا ما ح اطلع وما ما ح امشي كوفير لاني ما ..وقبل اكملها لقيتو بضربني كف ؛ قال لي بهدوء لمن اقول ليك اطلعي تطلعي ،،، عاينت ليو بعين اني ما مصدقه ؛ بابا ! بابا ويمد يدو علي ؟؟ كيف وليه؛ بابا ياااما خلاني اعمل العاوزاه؛ ياااما مرر لي مواقف كانت اصعب من كده ؛ حصل شنو الليله؟؟؟؟ زعلت منو زعل لدرجه اتخنقت وما قدرت اتكلم ؛ ماما جات عليو وقالت ليو اسماعيل استهدى بالله ، وجهت بصري على وليد اشوف رده فعلو لقيت ملامحو جامده ؛ كأنو ما حاضر ولا سامع الحاصل ، دموعي اتملت وانا بعاين ليهو ، جات علي ماما وساقتني طلعتني غرفتي ، قلت ليها ماما انتي ما حتقولي شئ ، ما حتتكلمي مع بابا؟؟؟؟ قربت مني وبقت تمسح بيدها على رأسي ؛ بعدين قالت ابوك ما بعمل حاجه مافي مصلحتك ؛ قلت ليها انتي معاو يعني؛ قالت لي انا ما مع زول ، ولا القصه بتتقاس كده ،،، ختي مكانك محل ابوك، شكلو ح يبقا شنو وانتي بتمشي تلغي عرس يوم العرس نفسو؟ ضحكت بأستهتار بدون اتكلم ، قالت لي طيب خلي ابوك فكري في عبدالله ، عبد الله يستحق تعملي فيهو كده؟؟ سكتت ساي ما قلت شئ ؛ قالت لي وفاء الله يرضى عليك عدي اليوم ؛ وخليكي عااارفه حاجه واحده ، انو العرس دا لو كان فيهو ولو واحد في الميه ضرر ليك كنت وقفتو انا بنفسي❤ ... فضلت ساكتهه بفكر في الحاصل معاااي وفي ال حيحصل وكلام امي ؛ الباب اتفتح وجاااات ناديه داخله وهي بتقول "ي بت مش حسي خليتك ققدام بيتنا، بسم الله متين جيتي؟" امي استأذنت طلعت وقالت اخليكم انا براكم، وقفت ومشيت قفلت الباب وراها ؛ وبحذر قلت لناديه بابا عمل شنو لوليد شفتيهو؟؟؟ ناااديه بأستنكار كده قالت لي شنو؟! قلت ليها وليد ما قاعد تحت؟ كانت بتعاين لي بأستغراب ؛ قلت ليها ناااديه وليد عايش ما مات ، مسكتني من اكتاااافي وقالت وهي بتهزني لا يا وفاء ، رجعتي تااااني تقولي كده؟؟؟ لا المره دي حقيقه طيب اقعدي احكي ليك ، وفعلا قعدتها جمبي وحكيت ليها ، وبعد خلصت قلت وحاليآ انا م عارفه حصل معاهو شنو ؛ مررت يدها على وشها بعدين قالت صراحه ما عارفه ، انا لما جيت ماف زول تحت ؛ لا ابوك لا وليد، قلت ليها الله يستر ،،،،، اتحركنا بعداك على الكووفير،والمره دي وصلنا ابوي بنفسو،،، طول الطريق كنت بحاول ادق على وليد رقمو مغلق ،،،
المهم وصلت وبدو فيني تجهيز ، زي حوالي 3 إلا كنت جاهزه..

بهناك مرام اخت نااااديه ومروه وامهم، ومعاهم ام عبدالله ❤ كانو منتظرين بناااات خالتهم ومصطفى علشان يجو يسوقوهم؛ مرام قالت : يا امي كدي دقي تاااني مالم اتأخرو كده دايرين نصل بدري، ردت عليها امهم ، هووي ها حسسي قافله منهم انا اصبري لسه الزمن بدري ، بعدددين انتي ما تدقي ما عندك تلفون؟؟ مرام قالت ما حسي استهدى بالله نحن معااانا ام العريس يخوانا❤ ، بعدين عندي لكن ما عندي رصيد في داعي للحتات الضيقه دي يا حجه👈💔👉 مروه ضحكت بصوت عااالي بعدين قالت ما عجبني ليك كلو كلو❤ في وقفتهم ديك وصل مصطفى ، مرام من شافتو اتلبشت وبدت تصلح في نفسها ، مصطفى نزل وبدأ يسلم عليهم بأبتساااامه لحقوهو اخواتو " يسرى و ياسمين " ،،، ركبو بعداك العربيه ؛ يسرى وياسمين ركبو معاهو قداااام؛ ومرام ومروه وامهم وام عبد الله ركبو ورا ؛ الطريق كلو يتكلمو ويضحكووو، وأثناء ونستهم ؛ ياسمين قالت حاجه وبقو بضحكوو كلهم ؛ مرام ما كانت سمعت ف بقت بتسأل ؛ قالت شنو؟؟ قلتي شنو يا ياسمين؟؟ كلهم كانو مشغولين بالضحك وما اشتغلو بيها ؛ مصطفى عاين ليها بالمرايا وعاااااد ليها الكلام ؛ مرام حست برعشه في أطرافها؛ نبره صوتو ؛ تركيزو معاها ؛ عيونو في المرايا ؛ خلوها تتشتت ، و ك رده فعل خارج ارادتها ضحكت بخجل وقبلت على الشباك ؛ كانت بينها وبين نفسها مبسوطه ؛ رغم انو الموقف "عاااادي" بس دايما من الشخص الصح العاديه مدهشهه❤

عبد الله بعد جهز وقف مساااافه يعاين لنفسو في المرايه ، جاهو صوت صحبو بقول " ابشر يا عريس" اتلفتت عليهو وهوو بضحك بعدين قال مش يلا؟ اتأخرنا زاتوو؛ صحبو قال ليو اي اصلا جيت استعجلك؛ رد عليهو طيب اسبقني ثواني وبلحقك ، فعلا صحبو اتقدم وهو على طول شال جوالو ودق علي ، رديت الووو، قال لي وفو❤ طبعا طوالي اتزكرت وليد دايما بناديني كده ، قال لي اقول مبروك علينا ولا مبروك علي بيكي❤ ، سكتت مسااافه ما عرفت ارد ب شنو ؛ ما كان عندي مشاااعر ناحيتو ، ولا كنت بحس بحاجه وهو بقول لي كده ؛ ما قدرت اكذب عليو او اجاملو بأحساس م حاساه، و في نفس الوقت ما عايزه اجرح مشاعرو، ف اترجم احساسي في اللحظه ديك على شكل سكوت ؛؛؛؛ قال لي وفاء انتي معاي ! قلت ليو ايوه ؛ رد بعد مساافه جاييين عليكم ! ..
لحدي آخر لحظه وانا متوقعه جيه وليد ؛ كان عندي احساس قوي انو ح يظهر في الاخر ويتصرف ؛ بس احساسي ولأول مره خاب !
مرام والبنات كانو بتصورو معاااي، وبعد مكالمه عبدالله ؛ البنات بقو بتكبكبو داخلات مارقات ؛ كانو بقولو لي ما عندك دم ياخ ؛ يعرفوك عروس كيف وين توترك؟؟ المهم شويه كده وسمعنااا اصوات البوري بره ، البنات طلعو بره خلوني براي ؛ لحظتها جا في بالي الحاجات ال كنت ناويه اعملها لمن العريس يجي يسوقني❤ وكميه الكلام ال كنت مجهزاه ؛ الفستاااان ال كنت مصمماه في خيالي ، حسيت بحركه عبدالله ب وراي او بالاحرى شميت ريحه عطرو ال كانت سابقااااه ؛ اتلفتت عليو كان لابس بدله كحليه على كرفته حمراء ومنديل احمر لون توووبي "اي ما يفوتكم لابسه توووب ما زفاف👈💔👉" ومظبط حلاقتوو ، قال لي الجميله بسحروكي❤ ما رديت اكتفيت بأني اعاين في الأرض، رفع راسي ب يدو وركز عيونو في عيوني بعدين قال اقول ليكي سر ؟! تعالي ل جاي ، عاينت ليو بأستفهام؛ قال لي قربي❤ قربت منو وانا في وضعيه انو ح يحكي لي السر في اضاني ، بس هو بسرعه باسني في خدي ، لزيتو وقلت ليو عبد الله! قال لي اسف اسف ارح؛ مسك يدي وشربكها في يدو وطلعنا ؛ طبعا الجو كان حلو شديد ؛ هوا وغيوم❤ ؛ اول ما طلعنا اصحابو بقو بصفرو والبنات زغرتن💕 ، ركبنا بعداك وكنا مقسومين في تلاته عربيات : عربيه انا وعبدالله وصاحبو سايقنااا ، عربيه مصطفى واخواتو الاتنين ومرام ؛ والعربيه التالته مهدي اخوي وناديه ومروه ؛؛؛ وامهم وام عبدالله اصلا مصطفى كان وصلهم بدري💕

طبعا البنات بعد وصلهم مصطفى الكوفير ؛ اتظبطو ولبسو فيهو ؛ اهااا بعد طلعو مع مصطفى واديهم الصاله بدأ الاحتجاج؛ الفستااان دا كأنو ضيق ؛ ليه كافه الكم؟! خفوو المكياج دا شويه...الخ
ياسمين قالت ليو هوووي يا مصطفى نحن لو سمعنا كلامك ح تطلعنا اشنا ناس في الصاله، دا كلام شنو دا ؟؟ قال ليها صلحي طرحتك دي بعدين اتكلمي ؛ لابساها ليه لو حتختيها في كتفك؟ ياسمين قالت لا مصطفى دا بيهظر يسرى شوفي اخووك، يسرى بنبرتها الهاديه قالت دا عرس يا مصطفى كل الناس ح تجي عااامله كده ؛ قال ليها لا والله الا انتو صلحو طرحكم؛ ياسمين قالت اوووف ياخ حسي شوف عندك مرام ما لابساها في زول سألها؟؟ عاين ل مرام بالمرايه مساافه بعدين قال ح تلبسها يا ياسمين ح تلبسها ، مرام عاينت ليو هي برضو ؛ ف قال ليها مش كده يا مرام؟؟ هزت رأسها شكل ايوه ، هو ابتسم وكمل سواااقه بينما ياسمين قرصتها وهي بتقول عملتي شنو انتي💔...

طبعا هم وصلو قبلينا الصاله ؛ واستنونا بره عشان يدخلو معانا ، اول ما نزلنا من العربيه الصفافير والزغاااريت دي ما تديك الدرب؛ وطبعا الكاميرا كانت ملازمانا ؛ بقينا ماشين براحه وعبدالله ماسك يدي شديد ؛ وانا يدي نوع اليدين البتعرق بسرعه لمن امسك في حاجه مسااافه؛ كنت بحاول اتفكا منو بس هو كان قابضني شديد وببشر باليد التااانيه ، بعد لقاااني بقااااوي شديد، فك يدي وطلع منديل من جيبو مسح لي يدي ورجع مسكها من سكات، طبعا دا والتصوير شغاااال ، لكم ان تتخيلو شكلي 👈💔👉الصاله كانت ما كبيره وما صغيره ؛ ديكورها كلووو بالأحمر والأبيض ، من جهه اليمين قاعدين النسوان ، ومن جهه اليسار الرجال ، زفونا بأغنيه شيرين " انا كللي ملكك💕" بعد خلصت شغلو اغنيه "راضيه عليكي يا بتي❤" ... الحفله كانت راااابه لأبعد الحدود، والكل كان مبسوط ؛ أو "الجزء الاغلب"...

"العقد" اول ما زول يقول عقدو ، تلقائيا الناس بتفرح، حتى ولو كان العرسان ما من طرفهم ؛ بس كده العقد اقترن بالفرح💕 الا بالنسبه ليها ،،،، كانت قاااعده في طرف الصاله جمب ام عبد الله، بتعاين للناس والفرحه الفي عيونهم، وتركيزها الاكبر على عبد الله ورده فعلو ، فضلت هناك مده طويله ؛ على الأقل ام عبد الله كانت بتقوم ترقص شويه وتجي تقعد شويه ، أم هي ف ما قاااامت ابدا، كل شويه كانو البنات بتناوبو وبجو يحاولو يقوموها بس هي كانت مصصره .. لحدي لحظه ما بدا العقد، طوالي طلعت بره الصاله ؛ كانت شايفه من بعيد شويه اخواني ومصطفى واولاد كتار بتصورو بس ما اهتمت؛ ما بكت لكن وقفت تأخد هوا لانها حست انها انكتمت، وفجاءه حست بروحها عايزه تستفرغ؛ ما عرفت تمشي على وين ، بقت تناااادي؛ مرراااام مرووووه؛ وطبعا هم في جوطه الحفله ما حيسمعوها! بقت ماسكه فمها ما قادره تتكلم جاها مهدي اخوي قال ليها ناديه مالك؟ بقت ماسكه فمها ب يد وبتأشر ليو باليد التااانيه؛ فهمها وقال ليها الحمامات ورا الصاله ح تقدري تلحقي هناك ؟ هزت ليو رأسها شكل لا ؛ قال ليها طيب تعااالي وداها على طرف الصاله ؛ طبعا الصاله من بره نجيله الا أطرافها تراااب، وفعلا استفرغت، مهدي كان بيبعد ليها شعرها من وشها ، وفي نفس الوقت بنادي ، يااااا مصطفى ، مويه بالله عليك ! ناديه انتهت ومسكت شعرها منو ؛ مد ليها منديل و قال ليها انتي كويسه ؟؟ قالت ليو ايوه بس ممكن تنادي لي مرام او مروه ؛ قال ليها لا ما تدخلي تاااني تعالي اقعدي في العربيه اصلا باقي ليهم شويه وينتهو ، سندها وصلها العربيه ؛ وساعدها تقعد ، وهي أول ما قعدت غمضت عيونها ؛ مهدي وقف عاااين ليها مسافه بدون يتحرك ،،،، جاهو صوت مصطفى بقول امسك يا فرده ؛ مهدي قفل باب العربيه براحه بعدين قال ليو : ساعتين مشيت تصنعها انت 😂؟ خلاص البت ناااامت شكلها ...

" وما يجعل الأمر أشد حزنا ،،، ان كل الاشياء كانت تهزأ مني في وقت واحد ، حتى جسدي بات ينتقم مني الان💔! "

الحفله عدت على خيرها؛ ولمن جينا ماشين شقتنا امي جات حضنتني وبقت تبكي ؛ ما بكيت معاها ولا دمعه واحده ما نزلتها ؛ بعدها بابا وصااااني كتير وختم لي كلامو ب "حنفقدك وحتفرقي معانا شديد" ، بعدو محمد اخوي ومهدي والخ... شقتنا ما كانت بعيده شديد ؛ ونحن في الطريق عبدالله قال لي : ح نقعد فيها اسبوعين ك شهر عسل وبعدها ح نرجع بيتنا تقعدي مع امي💕 كنت بعاين بالشباك على الشارع وما رديت عليو؛ واصل وقال لي ، انتي تستحقي انك تسافري في شهر العسل الدوله العايزاها وما يغلى عليك والله بس انتي عارفه الظروف ؛ برضو ما رديت ، قال لي ح تفضلي ساكته كده كتير ؟! قلت ليو اقول شنو؟ قال لي اي شئ ؛ طيب يا ستي وريني شنو ممكن يفرحك عشان اعملو ليك💕 في سري قلت انك ما تتزوجني اصلا ؛ أو انو يكون مكانك وليد! مع كلمه وليد دي وقفت مسااافه؛ وليد؟؟ هو وين اصلا ؟؟ كيف ما جا وليه؟؟ معقول بقا م بحبني؛ بقيت ما فارقه معاه؟؟ عبد الله قال لي تاني رجعتي سرحتي ؛ قلت ليو لا معاااك؛ اممم لو عايز تفرحني فعلا ، خلي شهر العسل اسبوع واحد وبعدها نرجع ؛ عاين لي بأستغراب بعدين قال حاضر💕

"وقد كان ذنبي اني أحببت غيره ؛ وكان ذنبه بأنه احبني ؛ والان اجلس بجانبه وقد عاقبنا القدر "
--------------------------------------

#الرهينه《05》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
.
.
.
دخلنا الشقه وكانت عباره عن صاله وغرفتين ومطبخ وحمام داخلي ؛ دخلت انا اول وبقيت اتفرج عليها بينما عبدالله نزل جاب شنطتي وشنطتو دخلهم؛ قال لي عارفها ما قدر المقام بس استنى علي شويه؛ داخل على شغلانه لو ظبطت حدلعك❤ بس انتي ادعي تظبط ؛ ابتسمت ليو ودخلت الغرفه ؛ وتحديدا اتوجهت على البلكونه ؛ بقيت واقفه مسااافه بعاين في الشارع ؛ عبد الله جاء وقف جمبي وقال لي بصوت هااادي، ما جعااانه؟ اجيب اكل؟ قلت ليو لا نعسانه بس عايزه انوم؛ قال لي الساعه 8 على فكره ، قلت ليو عارفه تعبانه بس ؛ اخد نفس طويييل بعدين قال لي ، وفاء انا لمن جيت وطلبتك من ابوك متزكره قلت ليك شنو؟؟ هزيت ليو راسي شكل لا؛ قال لي : قلت ليك "اديني فرصه" صاح ولا ما صاح؟ هزيت ليو راسي شكل ايوه؛ قال لي بس الانا شايفه عكس كده ؛ شايف منك نفور ما طبيعي؛ اي نعم يمكن قصه ولد جديد في حياتك بعد وليد الله يرحمه تأخد زمن ؛ وابدآ ما عندي مشكله ولا مستعجل عليكي؛ بس دا ما بيمنع انك تتعاملي معاااي؛ اقلاها ك صاحب ،،،، انتي ما عارفه انا اشتقت قدر شنو ل وفاء صحبتي القديمه ديك💕 ، صنيت مسافه بعدين قلت ليو ان شاء الله ؛ باسني في راسي وقال لي نازل اجيب اكل واجي حاضر ...

ناااديه صحت لقت نفسها في بيتهم وتحديدا في سريرها؛ مررت يدها على شعرها وبدت تتذكر ؛ مخها وقف في لحظه "العقد" وفي فكره انو عبد الله خلاص بقا ملك لواحده تااانيه؛ قامت من السرير ومشت على بره ، لقت امها واخواتها متجمعين في الصاله ، قالت ليهم الساعه كم؟؟ امها قالت ليها اخيرا صحيتي ، مالك ها ما كنتي نصيحه؟؟ ناديه قالت ليها ماف شئ يا امي يمكن تعب بس ، انتي عارفه آخر أيام دي كنت جايه مع وفاء جري شديد وكده ؛ امها قالت اممم، تعالي اقعدي طيب ، مروه قومي جيبي ليها حاجه تأكلها؛ مروه رفعت رأسها من التلفون وقالت ليه انا ؟ مرام دي ما قاعده قدامك يا امي ، مرام قالت ليها هوي ها مرام في عينك ، الصغيره فينا منو؟؟؟ ناديه قالت ما عايزه حاجه انا ؛ عايزه اعرف الساعه كم بس ، مرروه قالت ليها 9 الا ؛ ييييك انا نمت دا كلو؟؟ ودخلت غرفتها تلبس توب ؛ امها قالت ليها وهي بتكورك عشان تسمعها؛ في شنو ؟ ماشه وين؟؟ ، قالت بأستعجال ماشه لخالتي قااااعده براها ياخ ، عبد الله وصاني عليها ؛ امها قالت ليها سمح امشي ، وحاولي جيبيها معاك تقعد معانا لحدي ما الاسبوعين ديل يعدو💕

عبدالله جا راجع شايل اكياس وبنادي وفاء ، كنت قاعده في السرير ومن سمعت صوتو ، رقدت وعملت نفسي نااايمه ، جا وقف قدامي وقال وفاء ، وفاء لمن ما رديت طلع وقفل الباب وراهو..
بالصباح صحيت متأخر شويه لأني ما نمت بدري ، طلعت بره في الصاله لقيت عبد الله مجهز لي الفطور💕 قلت ليو صباح الخير؛ قال لي الصباح ال ببدأ بشوفتك دا اكيد صباح خير❤ سكت مسافه بعدين قلت ليو الفطووور ؛ انت جهزتوو، قال لي رأيك شنو بس ، قلت ليو الزمن بدري ؛ قال لي الساعه 11 ،،،،، المهم تعالي شوفي طباخ ولا ما طباخ طيب ، فعلا قعدنا اكلنا وطلع طباااخ 💕 بعداك طلعنا فسحني بره ...
عدو تلاته ايام م كان فيهم جديد غير اني بحاول اتقبل فيهم عبدالله ؛ وهو من جهتو م كان ضاغط علي ابدآ ؛ بالعكس تعاملو كان كويس شديد ، وطبعا خلال التلاته ايام دي وليد ما ظهر ابدآ ؛ ال حاجه الخلتني اشك اني يمكن كنت بتخيلو...

في نفس اليوم دا عند مرام ؛ كانت بتستعجل ناااديه وهي بتقول : ناديه امرقي دا كلو بتعملي في شنو اتأخرنا ياخ ؛ ناديه فتحت باب الحمام وطلعت وهي بتقول لوكي الصبر دي شنو دي ياخ، مرام بتحاكيها بعدين بتقول لمن الزمن يفوت ح تقولي كنا لايكين الصبر؟؟ ناديه استغفرت وقالت ليها خشي يا مرام خشي ؛ مرام خشت تستحمى بينما ناااديه مشت قعدت جمب ام عبدالله وقالت ، يلا خالتي البسي عشان تمشي معانا💕 ام عبدالله ردت عليها لالا ماف داعي والله بقعد بستناكم ما بحصل لي شئ تب ؛ ناديه قالت ليها لالا دا كلام شنو دا ؟ انتي امبارح اصريتي م تمشي معانا جيناك ونمنا معاااك الليله دورك ارحكي ، ردت عليها يا ناديه والله مافي داعي، ناديه قالت ليها لالا انا مصره يلاكي مافي وقت ، وفعلا لبست وجهزو وبقو واقفين ، مرام كانت متوتره وكل شويه بتعاين لنفسها في المرايا وبتتأكد شكلها زابط ولا لا ؛ اما ناديه كانت بتفكر في عبدالله ، مصطفى وصل ونزل سلم عليهم؛ بعدين قال : يلا يخوانا الناس ديل وصلو قبيل..

"تجمع عائلي" ؛ كل خميس بتجمعو سوا وبتونسو، كبار صغار اطفال نسوان رجال ، وغالبا تجمعاتهم بتكون في ملاهي عشان يقدرو يقعدو براحتهم لانهم كتاااار❤ ، أم عبد الله ركبت قدام مع مصطفى بينما ناديه ومرام ومروه وامهم ركبو ورا ،، اخدو نص ساعه تقريبا ووصلو ، اول ما دخلو كان في اربعه فرشات؛ واحده للحريم اتوجهو عليها ام ناديه وام عبدالله ؛ والتانيه للرجال مشا عليها مصطفى ؛ وواحده للشابات ، والأخيره للشفع ،،، قعدو واتونسو و القعده كانت زابطه ؛ شويه كده وخالتهم "ام مصطفى" قالت : يا ناااديه؛ ناديه ردت نعم يا خالتي ؛ نعم الله عليك ما تقومي انتي والبنيات لعبن الشفع ديل صرعونا بالنقه، ناديه قالت ليها حاضر يا خالتي ؛ وفعلا قامو وساقو الشفع للالعاااااب، أثناء ما هم بلعبو الشباب جو وقفو جمبهم وواحد فيهم قال ؛ شنو يا مزز ما دايرين تلعبو انتو كمان ؛ مروه بفرح قالت ياريت ياخ💕 رد عليها طوالي ال في شنو والماف شنو ؟ تلعبو السفينه ؛ كلهم قالو ايوه الا ناديه قالت : انا ما عايزه ما بحبها ؛ العبو انتو وانا ب استنى الشفع لمن يطلعو برجعهم ، قبل ما زول يرد مرام قالت : انا كمان ما عايزه ب استنى مع ناااديه💕 منذر رد عليهم معقول ياخ ، لالا لازم تركبو ولا احنا زاتنا م عايزين ؛ ناديه قالت ليو يا منذر افهمني انا اصلا ما بحب الألعاب ال زي دي غير اني راسي ما كويس وممكن استفرغ، منذر قال ليها خلاص طيب بس مرام انتي لازم تركبي، قالت ليو انا بخاف من الحاجات العاليه زي دي ؛ مصطفى عاين ليها وقال : ما عاليه شديد ياخ اركبي ما بحصل ليك شئ ؛ رفعت رأسها عاينت ليو ولمن لقتو بعاين ليها في عيونها نزلت بصرها وقالت طيب ، وفعلا ركبو ، وقبل تبدأ كويس الصواريخ دي تصحي الميت 😂 ؛ مرام كانت اكتر واحده بتصرخ، مصطفى كان بكورك ليها مستر جرسسسه لسه ما بدت هي، وبقا يضحك ومعاهو الاولاد؛ لحدي ما شافها تكلت رأسها على ياسمين وسكتت؛ بلع ريقو وقال ياسمين؛ ياسمين شوفيها كدي ، وقف اللعبه ؛ ووووقف اللعبه قلت ليك ، اللعبه وقفت والبنات حاولو يصحوها، ما صحت معاهم ، مصطفى قال ليهم نزلوها، اسندوها ونزلوها تعالو هنا ؛ منذر جيب مويه ؛ سرييييع، منذر قال ليهو اخد نفس وروق كدي يا صحبي اغمي عليها هي،،، البت ما ماتت ! مصطفى قال ليهو بنهره كده ما تقول لي اهدأ كلو بسببك! واتلفتت على البنات ؛ لقاهم رقدوها في الأرض؛ قال ليهم لا ياخ دا شنو ؛ وجا عليها رفع رأسها وتكلو في رجلو ، بقا بضرب على وشها ضرب خفيف وبقول : مرام ؛ مرام فتحي ،،، لحقوهو بالمويه ومدوها ليهو، رشاها في وشها رشه خفيفه ، فتحت ، عاينت حواليها بعدين عاينت ل فوق لقتو مصطفى ؛ وهي تاكله رأسها في رجولو؛ حست لسانها اتبلع سكتت ما عرفت تقول شنو ، وفي نفس الوقت حست جسمها تقيل وما قدرت تقوم ؛ فضلت تعاين ليهو مسافه ؛ لحدي ما سمعت صوت يسرى بتقول ، حمد لله على سلامتك، ما عرفناها غمره ولا عمليه من كواريك مصطفى ، الكل ضحك الا هي ومصطفى، كانو ساكتين بس عيونهم بتحكي 💕

خلص اليوم ومصطفى رجعهم ؛ بعد نزلو كلهم قال ليها مرام ، قالت ليو ايوه ؛ قال ليها ما كان قصدي يحصل كده، ا انا اسف ! ، هزت رأسها وقالت ليو عااادي، ما حصل شئ خطير ، ابتسم ليها بعدين هي نزلت ...
دخلت وبعد غيرت ملابسها ؛ خشت الواتساب ؛ لقتهم مرسلين في قروبهم بتاع العيله "الشباب بس" صور اليوم ؛ من بينهم كانت صوره كل الناس بتعاااين في الكاميرا الا هي ومصطفى، كانو بعاينو لبعض❤!

عندي انا كنت قاعده بحضر في التلفزيون ؛ وعبد الله كان بتحمم، بعد خلص جا طالع وقال لي ما نعستي ؟! قلت ليو لا لسه الزمن بدري ؛ قال لي بس انا نعساااان، قلت ليو بعدم مبالاه، ادخل نوم ! ، قرب مني شويه بعدين قال بصوت واطي؛ بس انا تعبت من نومه الكرسي دي ؛ ما مريح ياخي ؛ نفسي انوم في غرفتي ؛ بعدت منو شويه وقلت : نوم في غرفتك انا بنوم في الكرسي ؛ عاين لي مسافه ، انا كنت شايفاهو بقعر عيني وعامله نفسي مركزه مع التلفزيون ؛ لمن ما ابديت رده فعل ولا قلت شي ؛ قال لي طيب تمام ، بس تعاااالي اقول ليكي حاجه قبل امشي ، قلت ليو شنو؟! قال لي تعالي بس ، قربت منو شويه مسك وشي بيدو و باسني في رقبتي ، كوركت فيهو قلت ليو عبدالله في شنو؟! مشكلتك شنو ليه بتعمل كده؟؟ وقف حكااايه خمسه ثواني مصدوم من اني عليت صوتي ؛ بعدين قال : انا؟ انا المشكلتي شنو ولا انتي يا وفاء ؟؟ ما فاهم انا ، انا بعمل حاجه غلط؟؟؟ ما رديت عليو وقبلت على التلفزيون وانا بتأفاف؛ قال لي وفاء انا بتكلم معاك ؛ لمتين ح تفضلي تعامليني كده ؟؟ انا داير اعرف اسي دي ؟؟؟ قلت ليو للابد يا عبد الله للابد ؛ لاني كنت خاااته في بالي حاجه؛ حصل حاجه تاااانيه، لأنو أحلامي كانت شئ ، وواقعي طلع شئ تاااني؛ لأنك انت ما وليد؛ ولا عمرك ح تبقا زيو ! سكت وبقيت اخد في نفسي ؛ بينما عبدالله وشو قلللب؛ حسيت كلامي ضايقو شديد ؛ عاين لي قوي بعدين طلع وقفل الباب وراهو طاااخ، جسمي كلو بقا برجف ، ومن غير مقدمات دموعي نزلو ؛ مسحتهم سريع وصلحت قعدتي وبقيت بحضر ؛ الساعه دقت 12 وعبدالله ما جاء ؛ النعاس غلبني ونمت ، جاتني صحيه خفيفه ، لمن فتحت فيها لقيت عبدالله شايلني شكلو مطلعني عشان انوم في السرير 💕! رجعت غمضت عيوني ونمت❤...

"غريبه اقدارنا ، تبكينا ؛ تسعدنا؛ تؤلمنا ، تشقينا، تفرحنا، تنجينا، تغرقنا، تضحكنا، وتضحك علينا"
--------------------------------------

#الرهينه《06》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
.
.
.
الصباح اصبح،،، قمت من السرير وانا بتذكر اني كنت في الكرسي آخر شئ ؛ عرفت انوو عبد الله؛ دخلت استحميت وغيرت بعدين مشيت ليو ، كان قاعد في الصاله بحضر في التلفزيون؛ لقيتو ما مجهز لي الشاي او الاكل ؛ عرفتو زعلان ؛ ما فتحت خشمي معاو ب كلمه ؛ بهدوء مشيت المطبخ وسويت شاي ؛ شلتو مشيت بيهو الغرفه وبقيت اشرب ، عدا اليوم ونحن كل واحد في مكان ؛ ما حاول يتكلم معاااي ولا انا حاولت ؛ بالعصر كده جاني دق لي الباب وفتحو؛ الزمن دا انا كنت في البلكونه بعاين في الشارع ؛ قال لي تعالي الغداء ، قلت ليو ما عايزه ، بدون ما اعاين ليو ؛ حسيت بحركتو جاي على اتجاهي ؛ اتلفتت عاينت ليو كان شايل توب في يدو ؛ قرب مني وهو ساكت بدأ يربطو لي ، قال لي بصوت هادي ليه ما عايزه تاكلي ؟؟ غمضت عيوني اخدت نفس بعدين مسكت يدو بعدتها وكملت باقي ربط التوب ؛ قال لي انتو البنات غريبين خلاص ؛ يعني فوق ما انك غلطانه في حقي ؛ زعلتي انتي؟؟؟ ما رديت عليو قال لي وفاء بتكلم معاك انا ؟؟ يمكن لو كان واحد تاااني مكان عبدالله كان كفتني ؛ ما عارفه من سوء حظي ولا من بختي انو بالو طويل ! قلت ليو م زعلانه واتلفتت تميت سرحتي في البلكونه؛ قال لي طيب يلا تعالي اكلي ...
عدا كم يوم وكان باقي للاسبوع يوم ونرجع بيت عبد الله، اليوم دا عبد الله كان راقد في السرير وشغال بتلفونو، وانا كالعاده قاعده في البلكونه وبتفرج، الشارع كان فاضي وهاااادي ؛ شووويه وجاء واحد ماشي وبتمايل زي ال ما قادر يمشي كويس ، كان مبهدل ولابس هدوم مبهدله وحالتو بالبلاء ؛ قلت في نفسي حرام ياخ ؛ ليه في ناس بتعمل في نفسها كده ؟ ووين اهلو ياربي؟؟ فضلت اعاين ليهو ولمن ركزت لقيتو وليد! شهقت وقلت بصوت عالي نسبيا وليد ! ما عارفه سمعني كيف رغم بعد المسافه، بس رفع رأسو عاين لي ، عيونو كانت حمرا زي ال ما نايم ليهو مده ، غلبني اقيف جريت علي الباب ونزلت ليهو ، اول ما شفتو من قريب بكيت؛ وليد كان مبتسم ومع بكيتي ضحك ! استغربت فيهو وقلت ليو وليد ؛ قال لي ما وليد انتي جايه هنا ليه؟؟ اطلعي بيتك ؛ اطلعي لراجلك يا مدام ؛ قلت ليو وليد انت بتقول في شنو ؛ كان ما قادر يقيف وقع على ركبو زي وضعيه الركوع؛ مشيت عليهو عشان اقومو قال لي ابعدي مني انا وليد ما عبدالله، انتي ؛ انتي اخترتيهو هو ، امشي ليهو ليه واقفه هنا ؛ عاينت ليو وانا ساكته، بنهره قال لي امشي! مع نهرتو بقيت ابكي ب صوت ، قلت ليو انت عارف اني ما اخترتو صح ؟؟؟ عارف اني ما كان في يدي شئ اعملو ، لقيت دموعو نزلت ، قعدت في الأرض بقيت طولو ؛ قلت ليو ما تحاسبني على حاجه انا ما كان في يدي اني اصلحها؛ بعدين انت ليه بتتكلم على اساس اني مذنبه براي ؟؟؟ ، لو نحن هنا اليوم ف هو كلو بسببك انت يا وليد ، لانك ،،،، لانك خليتني براي ؛ كان مفروض تقيف معاي بس انت ما وقفت، قال لي؛ ما قدرت اتحمل ! ابتسمت بعدين قلت ليو حاولت انساك واكمل حياتي ؛ رغم اني عارفه انو شبهه مستحيل ، بس حاولت ، وعارف حصل شنو ؟؟ لمن بديت اتأقلم على حياتي والوضع الانا فيه ؛ ظهرت لي من تاااني ! قال لي حاولتي؟؟ تتأقلمي؟؟؟ بس ، بس انتي ما غبتي من حياتي ابدآ عشان ترجعي تظهري ؛ كنتي دايما معاااي ؛ وقفت علي حيلي بعدين مديت ليه يدي ، بعد مني براحه و قال : ما تلمسيني؛ انتي بقيتي متزوجه، مااا ينفع يا وفو ؛ اقصد وفاء ؛ لمن قال ووفاء قلبي وجعني ، قال لي خسرتك يا وفاء ، خسرتك للابد ، قلت ليو لا لا ما حصل؛ وليد انا هنا ؛ ا انا هناااا ، انا ح أطلق يا وليد ؛ رفع عيونو عاين لي وقال صحي! قلت ليو ايوه ح اعمل مشاكل لحدي ما أطلق، عبد الله مصيرو يزهج ويطلقني ، انت حسي امشي ، انا بتصرف صدقني حاضر ؟ هز لي رأسو شكل طيب ؛ سندتو قومتو ووقفت اعاين ليهو مسااافه وهو ماشي ؛ كنت بفكر في ال حيحصل ، وبالتحديد في عبدالله ، كيف اخليهو بدون ما اجرحو؛ بعد معاملتو لي ما نفسي ابدآ اذيهو ، لفيت راجعه بعد مسحت دموعي ، لقيت عبدالله واقف في باب الشقه وشايل توب لي وبعاين لي !

في نفس الوقت دا ؛ ناااديه اشترت كم حاجه من الدكان ؛ وكانت ماشه على بيتهم ؛ طلعو ليها مجموعه من الشباب وبقو بشاغلوها ، ناديه كانت ماشه ما شغاله بيهم ؛ لمن كتروها وقفت وقبلت عليهم وقالت بزهج: بالله شوفو ليكم شغله اعملوها وابعدو من سكتي ؛ لاني اقسم بالله العظيم لو قبلت عليكم يحلكم مني الحله بله ؛ واحد رد وهو بضحك الحله بله شنو ، قالت ليهو بتستظرف كمان دقيقه بس ، بقت تقلب في شنطتها وهي بتقول خلي مويه النار دي تجاووبك ، الاولاد اتلفتو وبراحه عملو انسحاب تكتيكي😂 ، ناااديه بقت تضحك وكملت مشيها ؛؛؛ مهدي ! انت هنا من متين؟! ضحك ضحكه خفيفه وقال من هرشتيهم؛ كنت ناوي اتدخل ، بس طلعتي بميه راجل ياخ ؛ قالت ليو لازم ؛ ما انا راجل بيتنا وعكازهم لو ضعفت بقويهم منو؟!💕 مهدي ابتسم ليها بعدين قال راجعه بيتكم؟! هزت رأسها شكل لا بعدين قالت : ماشه ل خااالتي قاعده معاها لحدي ما الاسبوعين يعدو💕 قال ليها اهااا طيب بمشي معاك انا زاتي ماشي في الجهات ديك ، جيبي الاكياس اشيلها؛ قالت ليو لا ياخ ما تقال ؛ مد يدو شالهم منها وقال : الاخبار شنو بلاي ؟!

عندي انا فضلت اعاين ل عبدالله وانا ساكته ، ما عارفه اقول شنو او ابرر ب شنو ؟! قال لي وفاء انتي بتعملي شنو هنا؟ وبدون توب؟ استغربت من سؤالو معقول ما شاف وليد ؟! اتلفتت وراي لقيتو اختفى من الشارع ؛ اخدت نفس طوييييل؛ نفس راحه ، بعدين اتلفتت عليو وقلت لا ما ماف شئ ؛ قرب مني ولفا حوليني التوب وقال ما تنزلي كده تاااني معقول انا اوريك الحاجات دي ؟! لمن اتطمنت انو زعلو كلو عشان طلعت كده ؛ وانو ما شاف وليد، قررت اقلب الطاوله على حسابي ! قلت ليو : يعني انت مشكلتك شنو ؟! الجوطه دي كلها عشان نزلت بدون توب؟؟ طيب بابا ما كان بيمنعني انت منو عشان تمنعني؟؟ قال لي وفاء انتي فاهمه بتقولي في شنو ولا بتتكلمي ساي ؟؟ من متين بتمرقي بالبجامه في بيت ابوك؟؟؟ وكمان ما بيمنعك؟ بعدت منو وكوركت انت قصدك انا كذابه يعني؟؟؟ مسكني من اكتافي وقال انا م قلت كده ، انتي دايره مشاكل وخلاص؟؟ فكيتو وقلت ليو انا ما قلت كده برضو؛ بس لو انت ما عايز مشاكل خليك بعيد مني ؛ ومشيت علي اتجاه الشقه ودخلت ...

ايوه، ايوه ياها انا ، صحي؟؟؟ طيب ان شاء الله ، مع السلامه ، قفلت الخط وقالت : الحمد لله ، جاها صوت مرام بتقول في شنو ؟ عدلت قعدتها وقالت ليها قبلوني، تصدقي نسيت اني قدمت للشغل دا اصلا ، مرام جات قعدت جنبها وقالت ؛ شغل؟؟؟ متين قدمتي انتي ؟ وبعدين ليه ، الحمد لله خير ابوي الله يرحمو مغرقنا ؛ ناديه مسكت يدها وقالت : عااارفه❤ بس برضو ما ح نعيش عليهو؛ القروش دي مصيرها تنتهي؛ ليه ما ابدأ شغل من حسي بدل بعدين لمن نقطع نتزنق، واهو منو ضياع للزمن ما قاعده ساي انا💕 ، مرام قالت ليها بسس، قالت ليها ما بس، ما تخافي انا عارفه بعمل شنو ، بس ما توري امي لحدي ما يظبط حاضر💕
في قعدتهم ديك جوال مرام دق ؛ عاينت ليو وقالت دي ياسمين ؛ بعدين ردت : الوو، جاها صوت ياسمين بتصرخ وووواي يا مرام بكره النتيجه وووووووواي، مرام قالت ليها انتي جاده؟؟ وضحكت ؛ ردت عليها تصدقي انتي ما عندك دم ؟ بتضحكي؟؟؟ اسفه اسفه ، مؤكد ولا اشاعات تاااني؛ ياسمين قالت : لالا سوداني رسلو الرساله😭 وااي يا قلبي ال ح يقيف ؛ مرام قالت ليها يا بت انتي هبله ؟ انتي شغلك كان سمح بتعدي ياخ💕 ناااديه أشرت ليها نظام اديني ليها ، مسكت الموبايل وبقت تطمن فيها...

تاااني يوم، مرام كانت ماشه وجايه وهي متوتره، ناديه كانت بتلبس في جزمتها، عاينت لاختها بعدين قالت : ي بت اقعدي دوختينا تقول نتيجتك انتي ، ياسمين زاتا ما بتكون متوتره قدر دا ، مرام حمرت ليها وهي ساكته؛ ناديه مشت على ام عبدالله وقالت ، خالتي انا طالعه بعد دا ؛ ما بتأخر💕 ام عبد الله ردت عليها؛ امشي يا بتي الله يوفقك في مشوارك دا ، ناديه ابتسمت وقالت اي كتري من الدعوات دي ياخ💕
في اللحظه دي الباب اتفتح، وانا وعبدالله جينا داخلين ؛ طبعا ناديه كانت لابسه عشان طالعه ؛ لكن مرام كانت قاعده بالبجامه؛ ف من شافتنا دخلت جوه؛ ام عبدالله قالت وهي مستغربه ؛ انتو مش قعدتكم اسبوعين؛ مالكم خير حصل شنو يا ولدي ؛ عبد الله عاين لي مسافه بعدين دخل قعد جمب امو وقال اشتقنا ليك بس قلنا نجيكي نونسك، ولا انتي ما دايرانا؟💕 قالت ليو دا كلام دا معقول بس💕 ، ابتسم ليها بعدين حول بصرو على ناديه وقال ، ناديه كيفك ؟! قالت ليو حمد لله انت كيفك ؟ قال ليها بخيرر، وقفت على حيلها وقالت بعد دا امشي انا اتأخرت، وقبل تصل الباب لحقتها مرام بعد سلمت..

بعد سلمت على ام عبدالله؛ دخلت غرفتنا، ما كان في زول عامل حساب اننا جايين الليله عشان كده ما كانت مرتبه؛ قعدت في طرف الكرسي ودقيت على امي ، ردت علي من اول جرسس سلمت عليها وسألتها من احوالها وكده وقفلت ؛ طبعا من يوم العرس ما اتكلمت معاها لا هي لا ابوي ، وجد اشتقت ليها ... بعد قفلت منها لقيت في رقم غريب كان داخل علي ، عايزه ارجع ليهو كده دق علي هو ، فتحت ، اول شئ قالو "اشتقت ليك" قلت ليو وليد؟؟! انت عملت رقم؟ قال لي اي عشان اتكلم معاااك؛ قلت ليو طيب ؛ قال لي عامله شنو ، قبل ارد عبد الله جا داخل وهو بقول وفاء ؛ قفلت سريع ودسيت التلفون وراي ؛ قال لي مالك ؟ داسه شنو ؟ عاينت ليو بتوتر بعدين مديت يدي وقلت ما داسه شئ ؛ ح اكون داسه شنو يعني؟ عاين لي بنظره "ليه بقيتي كده؟" وطلع من سكات ...

"عدت الايام "

ناديه نزلت شغل ؛ وضغطت نفسها شديد فيهو ، كلهم كانو بتكلمو عن اجتهادها وانو لو في موظف يستحق يترقى ف يبقا هي💕
ياسمين جابت 89 وقدمت صيدله في نفس جامعه مرام ؛ وكانت مبسوطه شديد..
مرام ومصطفى علاقتهم اتطورت وبقو يوميا بتكلمو مع بعض ؛ وكل واحد في قلبو شئ للتاني بس ما عايز يتكلم ...
واما من جهتي ؛ كنت بتكلم بشكل يومي مع وليد 💕 ، كان بقول لي لو شئ مصبرني في الحياه دي غير امل انو في يوم ح نتلمى سوا ؛ هو صوتك💕 ،،،، في نفس الوقت كنت طبيعي في حاله مشاكل مع عبدالله ؛ كنت واقفه ليهو في العزيزه، اي كلمه تطلع منو بعلق عليها ، كنت خانقاهو ب معنى الكلمه ؛ غير اني ما كنت بخليهو يقرب مني ابدا ..!
في يوم كنت قاعده مع امو برانا في الصاله،، قالت لي ، يا بتي انتي ما ملاحظه انك هامله نفسك ؛ ليك قريب شهرين متزوجه، لا اتحننتي لا اتدخنتي، قومي زبطي نفسك ؛ البهدله في المره ما حبابا يا بتي ، قلت ليها يا خالتي .. قبل اكمل عبد الله فتح الباب وجا داخل؛ اول ما شفتو قررت اني اغير مجرى الحديث كلو كلو ، قلت ليها اسمعيني هنا يا خالتي ؛ خالتي شنو قصدي حبوبه ! انتي قصدك بالكلام دا اني ما ماليه عينو ولا شنو؟؟؟ بعدين اياك ثم اياك تتكلمي معاي ب طريقه الأمر دي ، شنو قومي زبطي نفسك دي؟؟ قايله نفسك منو، انا ابوي ما امرني؟ تأمريني انتي؟؟، قبل توصي الناس شوفي نفسك بالله عليك ، فاهمه الكلام دا ؟ تاااني ما أعيدو ليك..!
--------------------------------------

#الرهينه《07》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الرهينه《08》 🖤
#بقلم_بيروحاء_سلمان.‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
.
.
.
نظرات مصطفى ليها بالمرايا؛ قلبها الداقي بشكل ما طبيعي؛ رعشه جسمها ؛ والبرد ال حست بيهو فجاءه ؛ كانت على وشك انها تعترف ليهو ب كل الفي قلبها ...
جاها صوت ياسمين بتقول : الله الله ، فنانين و اي حاجه؛ لكن انا م راضيه ما سمعت الغنيه عيدوها لي، مرام ضحكت بينما مصطفى اكتفى بأبتسامه ورجع شغلها تاااني ، وصلو بعداك الجامعه ، ونزلو وبدو في إجراءات تسجيل ياسمين...

عندي انا ؛ طلعت من الغرفه بعد لبست ، في الصاله كانو قاعدين : عبد الله وامو وناديه ؛ كانو بتكلمو ومن جيت انا سكتو ؛ عاينت ليهم كلهم بعدين قلت وانا بوجهه كلامي ل ناديه : انا جهزت يلا، عاينت لي بعدين عاينت ل عبدالله ؛ عبدالله قال لي هي ماشه شغلها لانها مستعجله، انا ح امشي معاك لأهلك،،، وفعلا هي استأذنت طالعه ؛ وقبل تطلع جات جنبي وقالت لي ، بعدين خليني في الصوره ، ووريني ب كل الحيحصل،،، طلعنا بعداك انا وعبدالله ومشينا على بيتنا ، وقفت قدام بيتنا بعاين ليهو ، كأنو لي سنتين ما شفتو ما شهرين ؛ عبدالله دق الباب ، فتحو محمد ، قال لينا اوو العرسان ، عبدالله قال ليهو نقول عقبالك يا باير ؛ محمد رد ليهو: باير شنو انا لسه في زهره شبابي ؛ بعدين قبل علي وقال لي : اشتقنا ليك راسك الكبير دا ، قلت ليو لو اشتقت كنت اتصلت، قال لي حرررم اشتقت بس قلت اخلي عندي زوق وما اتصل في شهر العسل ..!
دخلنا بعداك، بابا كان قاعد في الحوش ، من شافنا وقف وعلى وشو ابتسامه كبييره ؛ سلم علينا سلام حار ؛ بعدين قلت ليو بابا ماما وين؟ قال لي جوه في المطبخ بتلقيها، قلت ليو طيب بابا انا ... قاطعني عبدالله وهو بقول : يا عمي دقايق بس عايزك ، ابوي قال ليو طيب اتفضل معاي للصالون...
في اللحظه ديك كرهت عبدالله دا كرهه، بس قلت خير ماما قاعده ، لو منعتني اكلم بابا ح تمنعني من ماما كيف ..!

مرام ومصطفى بعد خلصو من موضوع التسجيل ، ياسمين قالت : خلصنا بدري ياخ اتوقعت يتلتلونا اكتر من كده ؛ مرام قالت ليها عشان معاك ناس عارفين الاجراءات ومرتبين اي حاجه ؛ أنتي مفروض تعزمينا على الأقل يعني ، ياسمين ردت : تصدقي فكره، لكن ما انا ؛ مصطفى قلبي💕 ح تعزمنا مش ، مصطفى ضحك وقال ما عندكم مشكله ؛ وفعلا ركبو ومشو على مطعم ما بعيد شديد؛ المطعم جلساتو او مقاعدو كانت واطيه وجلد ما بلاستيك او خشب ؛ قعدو مصطفى وياسمين جمب بعض ؛ ومرام قعدت مقاصداهم، كانت متأكده انو كل ما عيونها تلاقي عيونو ح ترتبك، بس قالت انو احسن من تقعد جنبو ..!
طلبو الاكل وقبل يبدو، سمعو صوت بقول : مرررام شخصيا ، يا سلام ياخ💕 مرام عاينت اتجاهه الصوت ؛ بعدين قالت بأبتسامه، ياهلا ب مازن ؛ مازن قرب منهم وقال وهو بعاين اتجاهه مصطفى ومرام : سلام يا شباب كيفكم، ردو ليهو السلام ، وهو واصل : تصدقي انك بت حلال ؛ حسي كنت بقول ل أمجد عندك رقم مرام ؛ مرام ابتسمت بعدين قالت ، خير في حاجه ؟ قال ليها لا كل خير، انتو ما ح تفضلوني ولا بالهظار ولا شنو يخوانا😂 ، مرام قالت ليو معقوله ياخ اتف... سكتت لمن شافت مصطفى قام وقال ليها براحه : اقعدي جمب ياسمين ؛ وانا ح اقعد هنا ؛ وووفعلا مشت قعدت جمبها ؛ والولدين قعدو جمب بعض ، مرام فضلت تعاين ل مصطفى وهو بتكلم مع مازن ؛ لحدي ما ياسمين لكزتها بيدها وغمزت..💕

ماما ، مااامااا، جات طالعه من المطبخ وهي بتقول ؛ وفاء؟! قلت ليها ياها ، جات وقفت قدامي وبقت تمرر يدها على اكتافي ووشي وبتبكي ، دموعي نزلو معاها ، قلت ليها رغم اني شايله في خاطري منك انتي وبابا ؛ لكن جد فقدتكم💔 ، حضنتني عليها وقالت ، لالا ي بتي ، م تشيلي في خاطرك ، صدقيني لو زعلناك في يوم ف عشان مصلحتك بس، بعدتني منها شويه وقالت اشتقت ليك شديد ؛ قلت ليها وانا كمان والله ؛ تعالي اقعدي انا عايزه اتكلم معاك ، مسكتني من يدي وقعدت معاي ؛ بعدين قالت احكي ..!
قلت ليها ماما الموضوع بأختصار ؛ اني عايزه اتطلق من عبدالله ؛ و وهو ما موافق، ما عايز يطلقني، امي بدلت ملامحها وقالت لي انتي عايزه تتطلقي ليه ؛ ال بعرفو انو عبدالله زول محترم وبخاف الله ، و..
قلت ليها انا م سعيده معاو بس ، قالت لي شوفي يا وفاء ؛ أنا فاهمه فكره انك كنتي راسمه في بالك حياه مختلفه تماما مع زول مختلف ؛ وبين يوم وليله كل حاجه اتغيرت ؛ ولقيتي نفسك في بيئة غيير، انتي مضطره تتعايشي معاها ؛ الموضوع صعب ما بكذب عليك ؛ بس برضو دا ما بيمنع انك تدي نفسك فرصه ، مش يمكن حكمه من ربنا كل الحصل دا حصل؟؟؟ مش يمكن ربنا شاف انو عبدالله احسن ليك من غيرو؟ الولد مادام ما غلط عليك ؛ مافي سبب يخليك تطلبي الطلاق ...! قلت ليها طيب لو عرفتي انو حبسني في غرفتي ؛ ومنعني اجيكم ح تقولي نفس كلامك دا ؟؟؟ امي عاينت لي بأستغراب ؛ وقبل ترد ، جاااني صوت ابوي بقول لي ، وفااااااء بنهره كده ؛ عاينت ليو لقيتو واقف وجنبو عبدالله ؛ قال لي مش سلمتي علينا ،قومي ارجعي بيتك 💕
واقف وجنبو عبدالله ؛ قال لي مش سلمتي علينا ،قومي ارجعي بيتك 💕 قلت ليو انا لسه م خلصت كلام مع ماما، قال لي لكن عبدالله مستعجل طالع ، قلت ليو خليو يمشي انا اصلا عايزه اقعد كم يوم معاكم، ابوي رد علي لا ماف كلام زي دا ، وتخلي راجلك براه؟ قلت ليو بابا طيب اكمل كلامي مع ماما ؛ قال لي كلامي ما عايز أعيدو يا وفاء ، ماما لفتتني من وشي و قالت لي ، اسمعي كلام ابوك ؛ قلت ليها بعد الكلام القلتو ليكي بتقولي كده ؟ قالت لي معليش امشي اسمعي الكلام ؛ قلت ليها بيأس انا بشكي همي ل منو؟! نفسي تحسسوني انو رأيى مهم ..!
عبدالله قال ، خلاص يا عمي انا بمشي وبخليها ليكم كم يوم ؛ ابوي قال ليو ليه؟؟ لا لا استنى سوق مرتك معاك .. قلت ليو لا انا م عايزه امشي يا بابا ؛ قال لي وفاء الكلام دا محسوم ؛ قلت ليو بابا انت لو خليتني ارجع معاهو؛ ح افهمها انك ما عايزني ، لأنك بالطريقه دي بتعذب فيني ما اكتر ..
عاين لي مساااافه بعدين قال ، وانا كلامي ما برجع منو يا وفاء ...!

"شحب لوني ، ذبل وجهي ، انكسر قلبي ، تعددت خيباتي ولكنها كانت الخيبه الاعظم"

"في نفس اليوم بالمساء"

عبدالله جا داخل الغرفه لقاني ببكي ، قال لي : من جينا انتي بتبكي، ما ناويه تبطلي؟ ما رديت عليو مسحت دموعي وانا ساكته ؛ طلع ورجع معاهو صينيه قال لي هاك اتعشي، قلت ليو ما عايزه ، قال لي عايزه تصلي لشنو بعدم الاكل ؟ تموتي نفسك؟ قلت ليو مش دا الانت دايرو؟ ما تمثل قدامي انك خايف علي، لأنو الحصل كلو بسببك، ملليت مخ بابا بشنو ما عارفه ؛ خليتو يعمل معاي كده ، انت عارف انت شنو؟! انت شيطان ، ما قادره اصدق اني اتخدعت فيك من وانا طفله ؛ قال لي الله يسامحك ؛ ح اخت ليك الاكل عشان تقومي تأكلي بعد انا امشي ...!
طلع وقفل الباب وراهو وهو طالع؛ بقيت بضحك واقول في نفسي بقفلو ليه وانا اهلي ال كنت ح امشي ليهم فقدتهم؟؟ ح اهرب مثلا؟ وقفت في كلمه "اهرب" دي وبقيت بفكر فيها...!

حوالي الساعه 3 صباحا ؛ مرام صحت بصوت بكا وكواريك في الشارع ؛ قامت مخلوعه وهي بتقول بسم الله ؛ خير يارب ؛ وطلعت بره الحوش ، لقت ناديه واقفه بتتصنت، واول ما شافتها قالت : مرام تفتكري الحاصل شنو؟ ردت عليها ماعارفه تعالي نشوف..
لبسو اقرب توب وطلعو على مكان البكا ، كان بيت جاره قريبه منهم ؛ بابو مفتوح وفي مجموعه من الناس ملمومين حوليو، وفي نصهم كانت ست البيت بتبكي بحرقه وهي بتقول "وووواي يا احمد ، واي يا احمد ال قطعت حشاي؛ احي يا قلبي ؛ احمد كده مات؟؟؟ فات سابني خلاص؟ مات زعلان مني؟ طيب انا دايراهو يعفي لي ؛ دايره اشوفو بس اخر مره رجعوو لي احمد؛ وووواي يا احمد "
مرام مسكت يد ناااديه شديد بعد الدموع اتملت في عيونها، ناديه طبطبت في يدها ومشو على ناحيتهم..
كان في مره كبيره واقفه وبتبكي ناديه قربت منها وقالت البركه فيكم يا خالتي ، هو احمد مات متين ؛ الخاله قالت : البركه في الجميع ان شاء الله ، احمد مات حسي بحادث تصادم، عشان كده مصدومه؛،،،،، مسحت دموعها وواصلت : ليهم فتره متزاعلين وما بتكلمو مع بعض ؛ كل شويه كنت بقول ليها يا بتي راضي راجلك دا ، يا بتي اتكلمي معاهو ؛ كانت بتقول لي يمه خليهو يجي ، بكلمو اني حامل وبعتذر لو بالمره، اهو شوفو الحصل شنو؛ رجعت بكت تاااني وهي بتقول "حليلك يا احمد ؛ ربنا يرحمك" الموت يا بنياتي ما بيستأذن؛ الزول اليوم معاك باكر تلقاهو مافي كسره الخاطر ما حبابا ...!

مرام وناديه رجعو بيتهم بعد عزوهم، وكل واحده في بالها كلام الخاله الكبيره ..
"الموت ما بيستأذن" "اليوم معاك باكر تلقاهو مافي"
مرام دخلت غرفتها سريع ودقت على مصطفى ، رد عليها بعد جرسين وبصوت ناعس : الووو
_مصطفى
="عدل قعدتو بعد عرف انها مرام" ،،، مرام خير في حاجه؟
_ مصطفى ا انا ؛ بعرف واحده بتحب واحد شديد ،،، هي ما بتحبو بس ؛ هي بتموت فيهو بس راجياهو يصارحها وهو اتأخر شديد..!
="ابتسم ابتسامه خفيفه " اممم وليه هي ما تصارح..؟
_وليه ما يصارح هو..؟
=يمكن عشان خايف ، خايف انو يترفض..!
_ليه اصلا يفكر كده
= اممم يمكن عشان هو كلو عيوب..
_بس هي متقبلاها..!
=هو عصبي شديد
_هي شايفاها ميزه..❤
=هو ما عندو غير حبو ليها
_وهي ما عايزه اكتر من كده 💕
= "سكت مساااافه بعدين قال " مرام!
_عيونها..
=بحبك❤
--------------------------------------

احدث الروايات

رواية دقة_قلب -(الفصل الاول)

رواية اغرمت_به الجزء الأول

روايه انقذتني ــ ضرتي (الجزء الاول)

رواية اغرمت_به الجزء الثاني

روايه انقذتني ــ ضرتي (الجزء الثاني)

رواية اغرمت_به الجزء الثالث

رواية أحببتها~حد~الهوس -(الفصل الاول)

رواية نوارة

رواية الوادي_الملعون -(الفصل الاول)

رواية زوجة ابني اصبحت بنتي -(الفصل الثاني)

رواية الرهينه