رواية فقيرة في عالم الاغنياء -(الفصل الثاني)

فقيرة~في~عالم~الاغنياء

#بقلمي~ملاك~عمر(ميمي) 

 

#فقيرة~في~عالم~الاغنياء《10》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من جهة تالا وهي ماشة مع أمير بعد عرض عليها انو اوصلها قلت  ليهو ما كان  في داعي توصلني... قال لي يعني امشي.... قلتا ليهو ما قصدي ياخ 🤦‍♀️بهظر معاك في نفسي قلتا معقولة زول اكون سمح وظريف وعندو صوت حلو ومحترم  ومزوق في آن واحد بجد انا محظوظة..... اتونسنا طول الطريق في النهاية  قلتا ليهو أمير سبب العزومة شنو قال لي دا لؤي المجنون دا..... كنت عايز اعزمكم واتعرف عليكم  عن قرب قلتا ليهو ايواا  حصلنا  قلتا الليلة البيت دا مالو بقى لي قريب كدا  اووف قلتا ليهو.... حصلنا ابتسم لي ومدا لي يدوا وقال لي ممكن نبقى أصحاب ابتسمت ليهو وقلتا ليهو اكيد ودعني ومشى دخلتا البيت وانا بنطط ومبسوطة شديد......
من  جهتي دخلتا البيت  كنت مشتاقة لي امي مشيت عليها وحضنتها وبقينا نتونس حكيت ليها عن المشروع وعن مشية شارع  النيل  ما كل التفاصيل طبعا 🌚قالت لي يعني اتصالحتوا لأنو آخر مرة كنت زعلانة منو قلتا ليها اممم .... قالت لي برضوا بشاكلك حتى ولو لؤي كان قاعد بس انتي هدفك القراية وما تضيعي زمنك في الفارغة وو... الخ ابتسمت ليها بس  ودخلت غرفتي ونومة واحدة... الصباح قمت اتجهزت وطلعت حصلت الجامعة ولقيت لؤي جمب عربيتوا  وشكلو مروق ومبسوط من شافني جا سلم على قلتا ليهو وين كيارا ما جات معاك  قال لي لا... هزيت ليهو راسي وكنت داخلة اتفاجأت وقت دخل معاي  قلتا ليهو ما خايف اشوفوك معاي... قال لي انا ما بخاف لاني مشهور ومعروف بي وسامتي انتي المفروض تخافي .... قلتا ليهو انا لو كنت بخاف كان من اول يوم استقلت  ولي معلوماتك اوسم واحد في الجامعة آسر ودا بي حكم الجميع عشان كدا ما تخليك مغرور.... قال لي عاجبك يعني... قلتا ليهو عارفين انو كيارا بتحبوا كيف يعني أعجب بيهو. وانت الدخلك شنو اصلا..... ابتسم وقال لي كنت عارف بس حبيت أسمعها منك طبعا مفكر انو انا سامحتوا لأني بحبوا .... كنت بعاين ليهو بي استغراب لأنو ما طبيعي الليلة.....
دخلنا وشايفة الناس دي متجمهرة في كل حيطة وكل زاوية  تالا جات جارية على وقالت لي يا ملاك احسن انك تتطلعي الليلة دي من الجامعة.... والا اقسموا انهم  ما اخلوك الا اقتلوك.... قلتا ليها في شنو قالت امشي شوفي الإعلانات ديك مشينا انا ولؤي  وشوفتا الصورة حقتنا الاديتها لي لؤي..... والبنات كلهم قالو انو في علاقة بتجمعنا وناس قالوا انو انا حببيبتو وناس بنفوا الكلام  وناس شغالة تنبذ فيني  وكلهم منتظرين تبرير من لؤي على الصورة دي ... قلتا ليهم كفاية ياخ ..... تالا قالت لي لؤي اعمل حاجة.... لؤي قال  اسمعوني يا جماعة  كلهم سكتو ودايرين اسمعوهو بقول في شنو وانا كنت مبسوطة ورسمت ابتسامة كبيرة وقلتا  انو خلاص الليلة بدافع عني وأثبت ليهم صحة كلامي انو هو بعرفني   ..... في بت قالت ليهو دي شنو الصور دي وهل صحيح انها حبيبتك.... بعد صمت دام لي ثواني قال يا جماعة الكلام دا ما صاح وقبل كدا قلتا ليكم انو انا ما بعرفها واكيد دا فوتوشوب ما اكتر من كدا..... معقولة بتصدقوا الكلام دا..... في بت قالت إذا كان كدا.... اذن هي النشرتوا  قال ليها لأ  ما نشرتو هي  لانو نحن حلينا المشكلة البيناتنا واكيد العمل كدا زول داير اوقعني في مشاكل..... من جملتوا الأولى وانا ابتسامتي اتلاشت وحلت مكانها خيبت امل كبيرة💔 البنات صدقوهو طبعا.... لملمت كرامتي وطلعت من دون ما اعاين وراي ... لؤي لحقني ومسكني من يدي وقال لي اسف يا ملاك عملت كدا عشان..... قاطعتو وقلتا ليهو عارفة يا لؤي عملت كدا عشان تحميني صاح بس في طريقة تانية ممكن تحميني بيها ولي الأبد... لؤي قال لي يا ملاك لاكن انا ..... فكيت يدي منو وقلتا ليهو محاضرتي بدت دخلت القاعة وسامعة البنات بتكلموا بس ما فتحت خشمي بي حرف..... المحاضرة بدت وآسر جا قعد مكانو ما شاغلتو ولا قبلت عليهو اتجاهلت وجودو نهائ لأنو كنت زعلانة شديد ، آسر قال لي الليلة غريبة ما اتكلمتي بقيتي بكماء يا سلام ياخ.... قلتا ليهو مش بتنزعج لما اتكلم عشان كدا فضلت السكوت... قال لي غريبة مع انك بتعرفي لاكن برضوا بتتكلمي وبثرثري.... قلتا ليهو خلاص سكتا رضيت.... قال لي طبعا.... قبلت عليهو وقلت ليهو آسر المشروع  وبعدها ما بتكلم ابدا... طوالي ختا راسو في الطاولة 🙂......
بعد المحاضرة انتهت آسر طلع وانا وراهو... لؤي شافني بس ما قدر الحقني شكلوا خجلان من القالوا.... حصلت آسر وقلتا ليهو انت لي بتهرب كدا انت عارف انو نحن في الدوامة مع بعض لو ما عملناهو بنرسب اي نقطة ما قادر تفهمها ... قال لي بي برود اعملي براك الا انا أساعدك يعني... قلتا ليهو بس هو صعب وغير كدا هو عمل مجموعات.... قال لي بي برود  قلتا ليك اني ما بعملوا معاك..... كمية الغضب الجاتني اصلا كنت زعلانة.... قلتا ليهو بي صوت عالي وبي نبرة زعل انت عارف انت واحد اناني شديد، وغبي ، ومغرور، ومتعجرف  وحقير  ووغد، كمان وما بتهمك غير مصلحة روحك، غلطانة انا البحنسك ومشيت خليتو بعاين لي بي صدمة ....
 قال بي برود  الليلة العالم كلوا جنة ولاشنو . أتلفت كدا اتفاجأ بي دكتورة  سمرة قداموا قال ليها انتي تاني مش قلتا ليك ما تظهري لي...... ابتسمت وقالت ليهو ما خليت لي خيار الا اطلع و أظهر ليك يوميا في وشك.. وبعدين شفت البت دي شكلها جادة في مساعدتك ليها وغير كدا هي محتاجة مساعدة من ناحية تانية و ممكن تساعدو بعض.....

من جهتي كنت محبطة وزعلانة قلتا دا كلو بي سبب الدكتورة المشؤمة دي، ما لقت لي مجموعة أقل شؤما ، من  آسر المشؤوم  دا، ههههههههههه ما مصدقة اني برسب بي سببَوا لاكن انا ملاك وما بستسلم بي سهولة بحاول معاهو لي  آخر يوم كدا ياداب ارتاح مني...؛ انا لازم اضغط عليهو اكتر واقنعوا....رجعت الحق آسر لما حصلتوا لقيت معاهو بت ادسيت ورا الحيطة..... قلتا دي منو دي ااااا اتزكرت دي الدكتورة  الجاتنا ايوة دي هي بس بتعمل شنو مع آسر هه عرفتا انهم بعرفوا بعض لأنو اليوم داك قالت ليهو كلام مبهم خليني اسمعهم بقولو في شنو.......

آسر قال لي سمر انتي مالك مصرة كدا ...... سمر ختت يدها في كتفوا وقالت ليهو انا دايرة ليك الأفضل فكر بالموضوع ما بتخسر حاجة انا ما قلتا ليك حبها اتظاهر بي كدا...... آسر قال ليها انتي قايلة اللجنة وكبارها أغبياء لي الدرجة دي عشان اصدقوا الخطة الفاشلة دي انتي ما فاهمة انو انا بتكشف قبل ما انطق بي حرف... سمر قالت ليهو ما بعرفوا انت بس خليك واثق من نفسك وسيطر على تعابيرك فكر بالموضوع كويس  واختفت.... آسر قال دا غباء بي أكمله.......

من جهتي  فتحت خشمي مترين وقلبي دا نزل لي بطني... وجسمي كلو برد... ما كنت قادرة اعبر  عن الشفتوا يا ربي هي شبح  .....طيب  ووين هي..... وكيف اختفت فجأة... لالا مابصدق الشفتوا دا لأنو مستحيل وقفت ذي الصنم  وانا في حالة زهول تام... آسر جا ماري بي جمبي ولقاني في حالة ثبات لوح لي بي يدوا  وقال لي هي انتي مالك شفتي شبح ... بلعت ريقي وقلت ليهو شبح الجامعة واي انا من الرعب... قال لي شنو... قلتا ليهو بهظر معاك .....ما  فكرت في المشروع لسة مشي واتجاهلني مشيت وراهو بي خطوات بطيئة  وانا بفكر بي صمت .. قلتا اكيد في حاجة خطيرة آسر قعد اخفيها هو والدكتورة .. معقولة الخرافة القالتها كيارا  طلعت حقيقة ما خرافة ساي... لانو الحصل في الفترة الأخيرة دي ما هلوسات مني لا لا دي ما تهيأت انا حاليا بقيت مصرة اعرف البحصل دا شنو واكيد الحقيقة بتظهر عاجلا أم آجلا .... قاطع تفكري يد بتجرني لقيتو لؤي قلت  ليهو جنيت انت بتعمل في شنو..... قال لي داير اتكلم مع صحبتي.... قلتا ليهو بي برود اختصر ما عندي اليوم كلو.... قال لي لي مابتعترفي ... قلتا ليهو بي استغراب اعترف بي شنو..... قال لي من متين... قلتا ليهو لؤي انا ما فاهمة بتقول في شنو عموما المحاضرة بدت ما دايرة افوتها... قال لي تمام نتلاقى بعدين انا عازمك... قلتا ليهو ما عارفة واللة بشوف لو ما عندي شي مهم... قال لي خلي الغرور دا  مستنيك يلا مع السلامة ..... دخلت القاعة ولقيت كيارا قلتا ليها مالك الليلة قالت لي صحيت متأخرة واصلا ما كنت بلحق خليك مني كنتي وين انا وتالا فتشناك ما لقيناك.... قلتا ليها كنت مع بتكلم مع لؤي......
من جهة آسر وهو بفكر في كلام سمر قال لو طلبت منها تساعدني بتساعدني  لالا مستحيل دا شنو البفكر فيهو دا .... بس دا بيعني اني اكشف حقيقتي قدامها ........

همست لي كيارا  قلتا ليها في حاجة خطيرة حاصلة في الجامعة دي بوريك ليهو بعدين  هزت لي رأسها......خلصنا وقعدنا في بنش انا وهي ... كيارا قالت لي اها احكي ما بتصدقي كنت متشوقة اعرف الموضوع الخطير دا شنو ولي  ياتو درجة حتى  اني ما فهمت حاجة من الدكتور  قلتا ليها  تتزكري الخرافة القلتيها ديك  قالت لي اهاا كل مرة بتتزكريها خفتي منها ولا شنو قلتا ليك هي ما حقيقية ولا أساس لها من الصحة وحتى لو كان صاح  بتكون أشكالهم بشعة ..... عاينت ليها واتراجعت اكيد بتفكر اني جنيت....... قالت لي بي توتر صحي لؤي ما قال ليك حاجة.... .... قلتا ليها الكريهة  الحقير اتخيلي قال عازمني بعد كل العملوا ..... تالا جات وسلمت لينا. وقعدت .. قلتا ليها أمس الحصل شنو بعد مشينا مش أمير كان داير اوصلك.. ابتسمت من سمعت اسموا... كيارا قالت ليها هو شاب ظريف.. قالت لينا وحلو كمان... ضحكت فيها وقلتا ليها في قصة حب ابتدت هنا .. قالت لينا احم احم طلب مني اكون صحبتوا أمكن أعجب بي طبعا وافقت طوالي 🤣 عاينا ليها وصرخنا وحضناها شغلناها ليها بعدها افترقنا تالا مشت القاعة وكيارا لي مجموعتها اما انا بقيت بترصد آسر محل ما يقبل بلقاني مراقباهو  حتى هو لاحظ لي.....

من جهة تالا مشت القاعة وبقت تفتش بعيونها في أمير قالت الليلة ما جا شكلو  وما لمحتو نهائ  اجي لي شنو زاتو وعشان منو اوف دا شنو دا وختت راسها في الطاولة أمير قال ليها.... بتفتشي فيني.... قالت شكلي جنيت لاني بقيت بسمع صوتو في كل مكان.... رفعت راسي ولقيتو قاعد في الكرسي الجمبي وما لاحظت ليهو ..... هههة اوعك تنكري انك كنتي بتفكري فيني.... قلتا ليهو صحي منو الفكر في منو.... قال لي شكلي السنة دي بربت عديك كدا قلتا ليهو لي ... قال لي عشان انا عقلي بقى معاك اليوم كلو... قلتا ليهو غبي امشي يلا لي محاضرتك ودعني ومشى..... بعد مشي ماجد  لقى انو مافي زول جا قعد جمبي وقال لي شايف انو علاقتكم الايامات دي بدت تطور ضربتو وقلت ليهو  وانت الدخلتك شنو قال لي داير أقدم ليك نصيحة  ما تخدعك وسامتوا وظرافتوا هو صحبي وانا بعرفوا كويس.... قلتا ليهو قصدك شنو... قال لي انتي ما بتعرفي حقيقتوا دا أكبر زير نساء.. وأطول علاقة دامت ليها اسبوع وتلاتة ايام انا وريتك عشان ما عايزة صحبتي تقع في شباكو وتنخدع فيهو وتتأذي بي سببو.... لما قال دموعي ررقروا قلتا ليهو ايواا يعني هو كدا الموضوع ختاني في قائمتوا.... قال لي المهم احزري منو وما تقعي ساي هسة هو مع واحدة لو ما كانو اتنين..... ماجد قال في نفسو اسف يا تالا لاني كزبت عليك بس انا معجب بيك  وخايف اني اخسرك  واسف لاني   بفرقكم بالطريقة دي بس انا حبيتك قبل ما هو اتعرف عليك  و اصلا هو ما بحبك ........ بعد الكلام القالوا ماجد ما قدرت اقعد طلعت مشيت الحمام وبكيت بي حرقة منت مفكرة انو بحبني واحد حقير كيف سمح لي روحو انو العب بي مشاعري  بس كويس انا بندموا.......

من جهتي  وانا ماشة على  البيت وقفني لؤي وقال لي ما نسيتي عزومتي صاح قلتا ليهو رسل لي الموقع وانا بجي قال لي انت جديدة هنا وما بتعرفي المكانات.... قلتا ليهو تمام بنتظرك قدام البيت قال لي تمام ومشى ..... عاينت حوليني ولقيت آسر مافيش  قلتا بي سبب لؤي ما عرفتو مشي وين..... حصلتا البيت دخلت غرفتي وفتحت تلفوني وبحثت عن الايكادولين 💝 لقيت تقارير كتيرة قالو انهم مخلوقات بشعة بشرتهم  بنفسجية بتنكروا بي هيئة البشر .... والشباب بتنكروا بي هيئة جميلة ومعروف عنهم أنهم وسيمين علشان اخلوا البنات احبوهم واجبروهم انو امشوا معاهم كوكبهم عشان ما اتعاقبوا من قبل المسؤولين عنهم.... قفلت التلفون وقلتا دا شنو دا الكلام دا كلو غلط.... وبعدين آسر دا حولينو كمية من البنات بس هو ما شغال بيهم دا كلام فارغ ساي حتى اني ما مصدقة روحي اني بقول الكلام دا.... دخلت تاني وبحثت عن قدراتهم نفس القالتو كيارا من السرعة للأختفاء الاني  شفاء الإصابات الطيران التنفس تحت الماء رفع الأشياء عن طريق إشارة باليد التخاطر البعدي.... بس أكبر قدرة واعظمهم هي تغيير مشاعر الشخص وتحويلها بي نظرة واحدة ...... رغم انو الكلام دا كلو يعتبر غباء بس دا التفسير الوحيد لي شيتاتي الاتشرطت واتركبت تاني أو الباب الاتفتح من غير مفتاح... طبعا بحثت كتير عنهم بعضها صاح والتاني غلط زي انهم بنفثوا النار.. ويدينهم بطلعوا حجار 🤣.. قفلت التلفون وقلتا دا شنو دا شكلي كدا جنيت مع انو الحاجة دي أقرب لي المستحيل ومع ذالك جميع الأدلة بتشير لي الكلام دا.. بتمنى اكون غلطانة ودي توهمات مني  هههههه انا بقيت  مجنونة رسمي.... طلعت برة وما لقيت لا امي ولا ابوي شكلهم مشوا المقابلة...
المهم طلعت لي عباية عادية وطرحة وشبط واطي وطلعت من البيت ما عملت ولاشي في  وشي لقيت لؤي قال لي كنتي وين ياخ من جبيل منتظرك.... قلتا ليهو كنت مشغولة  وبجهز نفسي عاين لي وقال لي ما واضح.... قلتا ليهو خلاص امشي براك... قال لي خلاص اسف ارح....حصلنا لينا مطعم فخم وراقي وحاجة كدا تفتح النفس.. قلتا ليهو لي ما وريتني أنو، جايين هنا كان عدلت روحي شوية.... قال لي اصلا ما كان عملتي حاجة ارح نقعد.... قعدنا والأسعار دي  بتشتري لي بيت عديل..... بعد مسافة كدا قلتا ما اشتقت لي القرية يا لؤي.... قال لي لأ فالخرطوم هنا احسن بي مية مرة من البلد  يا ريت لو مسحت اصلي الريفي نهائيا... قلتا ليهو لي....  يعني انت خجلان كونوا انت كنت في البلد... وخجلان من مجتمعك الكنت عايش فيهو صدقني لو اصحابك أو مجتمعك ديل بحبوبك  بتقبلوك لو جيت من المريخ  وبتلقاهم معاك في الحارة والباردة... . أما لو كانو غير كدا فديل أصحاب مصالح ودنيا بس ويوم القروش دي تنعدم منك لو لاقوك في الشارع ما بعرفوك ... قال لي بس هنا أفضل بي كتير.. قلتا ليهو تتزكر لما كنا صغار المقالب البنعملها الخطط الجهنمية البي سببها بمنعونا من الطلعة..... لما نشتري سندويتش الطعمية والا نكتر الشطة والكاتشب من عمو على كانت ايام حلوه يا ريت تتعاد تاني..... قال لي زمان ما كنا عندنا حاجة بس هسة ممكن اعمل اي حاجة انا عايزها... قلتا ليهو انت اتغيرت شديد يا لؤي.... قال لي كل الناس اتغيرت الا انتي...عاينت ليهو. وانا ما قادرة أصدق انو دا لؤي صحبي وكنا زمان مع بعض  بس القدامى دا زول تاني كأني بعرفوا قبل شهر بس بجد القروش دي بتغير اي حاجة...... قال لي ما اتعرفتي على زول لي الأن.... قلتا ليهو لي السؤال دا  قال لي جاوبي بس قلتا ليهو لا.... قال لي حتى انا.... ضحكت وقلت ليهو لؤي ما تغشني بنات الجامعة كلها مكرشين عليك.... قال لي فعلا بس انا ما عندي ليهم حاجة...... قلتا ليهو ايوا كويس.... قال لي ملاك ما جا الوقت البتتغيري فيهو..... قلتا ليهو قصدك شنو... قال لي قصدي يعني عشان تتأقلمي مع جو الجامعة وكدا.... قلتا ليهو انا عاجباني نفسي كدا ومتصالحة مع نفسي اذا دايرني اطلع النظارة أو اعمل ميكب أواطلع شعري كلوا برا واعمل خصل وكدا انا اتغيرت  اطمنك ما بعمل كدا فاهمني صاح... و قلتا ليك البحبك بحبك بي كل عيوبك ومزاياك .... قال لي احترمي رأي يا ملاك انا....... تلفوني ضرب طلعت امي رديت ليها وختمت ليها كلامي بي جاية حالا.....
قمت  فوق قلتا انا ماشة قال لي ما خلصنا كلامنا . قلتا ليهو نخلصوا في أي زمن  طلعنا...... دخلت البيت لقيت امي وابوي قالوا لي مشيتي وين قلتا ليهم جيت من الجامعة لقيتكم مافيشين طلعت اتمشى واشوف الحي عامل كيف قالوا لي ايواااا كويس بعد دخلت غرفتي امي لحقتني وقالت لي كنتي وين حكيت ليها بي لقاءنا قالت لي ايواا تاني ما يتكرر فهمتيني  حتى لو كان لؤي  قلتا ليها تمام يا أمي طلعت مني...... قعدتا وانا بفكر في كلام لؤي يعني اذا انا غيرت شكلي  هو كدا بعترف بي....
. في اليوم التاني دخلت الجامعة وقعدت لي في بنش شايفة تالا مارك بي جمبي ناديتها بس ما دن وظاهر عليها زعلانة وقفت في طريقها قلتا ليهاكيفك مالك اليلة مريتي بي سلمت عليك وما رديت وشكلك كدا ما طبيعية قالت لي انا كويسة ما في حاجة  قلتا ليها تالا مالك احكي لي أمس كنت مبسوطة والليلة زعلانة أمير زعلك يعني حضتنتي وهي بتبكي قالت لي اتخيلي طلع بلعب بي مشاعري الواطي  قلتا ليها اهدي وتعالى اقعدي احكي لي..... حكت لي الكلام القالوا  ليهاماجد قالت لي ما تشوفيهو كدا طلع واحد خبيث تحت قناع البراءة.... قلتا ليها أمير دا ما ظاهر عليهو كدا انتي واجهيهو واعرفي موقفوا شنو قالت لي اكيد بنكر بس انا ما بواجهو لاكن بوريهو كيف العب بي مشاعر الناس... في اللحظة دي كيارا جاتنا وسلمت وقعدت قلتا ليهم أمس طلعت مع لؤي وحكيت ليهم قعدنا مسافة حتى بعدها طلعنا لي قاعاتنا  ......
من جهة تالا دخلت القاعة لقت أمير قاعد منتظرها  قال ليها معقولة انتظرك قدر كدا  قلتا ليهو بالجد انتظرتني هة الداير الورود بتحمل اشواكها صاح... قال لي كلامك صاح طيب يا تالا انا عازمك لي مكان ومحضر ليك مفاجأة.... رسمت لي ابتسامة و قلتا ليهو بالجد حلو لاني انا زاتي محاضرة ليك مفاجأة (في نفسي قلتا لو ما خليتك عظة وعبرة ما اكون اسمي تالا)  بعد أمير طلع ماجد جاني وبقي بتكلم كتير عن أمير وانو مخادع وبلعب بيك ووو... . ..

من جهتي دخلنا القاعة وقعدنا كيارا قالت لي يعني كان يوم ظريف قلتا ليها طلب مني اتغير قالت لي حلو انا بساعدك عشان تتغيري قلتا ليها ما اتولد البغيرني كنا بنتكلم بي صوت عادي بس هيام كانت مركزة معانا بدت تطاعني في الكلام هي وشلتها  واقولوا على رخيصة وبتعت كافيهات قمت فيها وقلتا ليها كلمة تانية لو ما خليتكم تدخلو المستشفى سهى وهيام  قالوا  لي هي يا فقيرة يا متخلفة بتهددي منو قمت فيهم وبقينا نضارب  كيارا ومؤيد  فصلونا.... كيارا قالت لينا كفاية ما بمر يوم وما تتشاكلو .... قلتا ليها براها بدت تقول عني كدا معناها هي البتعملوا ما انا..... هيام قالت لي دايرني انتهى من حياتك قلتا ليها جربي ونشوف البنتهي من التاني منو .... هيام شافت روحها في المراية ووشها فيهو خدوش  و شعرها المبعثر وفي زر من أزرار قميصها وقع..... قالت لي بي غضب كدا يا كريهة يا متوحشة  يا قروية يا متخلفة ما كلكم متخلفين.... كنت ماشة عليها كيارا مسكتني هيام عاينت لي وقالت لي حقيرة وتافهة وساقطة..... قلتا ليها انا ساقطة مش حزرتك من الكلمة دي ومشيت عليها اديتها كف ما عارفة كيف بس حسيت بي  الكتاب في  وشي عاينت كدا لقيتو دا مؤيد قلتا ليهو يا ما راجل تستقوي فيني ...... كان الدم سايل من وشي  دكتور المحاضرة جا خاشي... بعد التمثيلية العملتها هيام وشلتها  بس الدكتور وقف معاي وقال ليهم  الحقوهو في  مكتبوا كان الخدش كبير وبنزف المهم بعد محاضرة طويلة عريضة حتى قعدنا... كيارا قالت لي ما مصدقة انو مؤيد ضرب بت الحقير  ..... قلتا ليها عادي اصلا ما خاته تبع الرجال......طبعا آسر كان قاعد وما أبدى اي ردت فعل ومن قعدتا نزل راسوا في الطاولة  واتجاهلني بس اتفاجأت لما اداني منديل عاينت ليهو بي صدمة كدا.... قال لي يدي وجعتني مسكت منو المنديل وهو طوالي نزل راسو.......
 المحاضرة خلصت وسهي وهيام ومؤيد سمعت   قالوا ليهم انو تاني اي غلطوا  بتفصلوا والدكتور اداهم بحوث وقال ليهم اتسلم بعد تلاتة يوم والا اتربدوا كلهم كانو زعلانين شديد مني...... المهم كنا ماشين انا وكيارا لؤي جاني وساقني مشينا بينشات بعيدة قال لي انتي كيف سمعت من البنات اكيد الجرح بوجعك صاح لمسوا وقلتا ليهو اي ياخ انت ما عارف انو حار...... بعد مسافة كدا قال لي ما فكرتي في الكلام القلتو ليك أمس.... قلتا ليهو يعني من المفترض اني افكر.... قال لي بس انتي مجبورة انك تتغيري عشان اتقبلوكي.... رفعت راسي وعاينت بي اتجاه السماء بعد أخدت نفس طويل قلتا ليهو بس انا ما دايراهم اتقبلوني.. . لؤي مسك يديني وقال لي اعملي كدا عشاني عشان انا بحبك واقدر اني اتماشي معاك عادي.... عاينت ليهو بي صدمة كدا وقلتا ليهو بتحبني انا.. قال لي انا بعرف انك بتحبيني صدقيني انا عارف كل شي... بعد صمت دام أكثر من ثواني لأني ما قدرت اقول شي وما قدرت اعبر عن الصدمة ال خلت فيني قلتا ليهو... كيف عرفتا  ما حكيت لي زول.... قال لي انا بعرفك اكتر من نفسك.... قلتا ليهو ايواا دي كيارا صاح هي الوحيدة البتعرف.... قال لي وهو متوتر ما ورتني انا استدرجتها في الكلام.... ما قدرت اقعد اكتر مشيت طوالي وانا منهارة على الآخر كيف قدرت تعمل كدا فيني بعد وثقت فيها .... مشيت القاعة وانا بحاول اني اكون متماسكة لقيتها مع تالا قاعدين.... قالت لي ملاك جيتي هسة كنا بنتكلم معاك.... ما اتكلمت معاها شلت شنطتي وقفتني وقالت لي مالك صرختا فيها وقلتا ليها كيف قدرتي تعملي كدا بعد وثقت فيك اعتبرتك بير أسراري تعملي فيني كدا 💔كنت مفتكراك مختلفة عن كل الناس في حياتي انا ما جربتة شعور انك تختي كل ثقتك في زول  واجي اخونك بس هسة جربتوا و طلع درس قاسي  شديد ما بتصدقي يا كيارا انا انخزلتا فيك قدر شنو💔 ياخ انا تعبت من كل شي يحصل هنا .... قالت لي انا مالي يا ملاك... قلتا ليها خيبتي أملي فيك..... ومشيت منها كنت مضايقة شديد لي درجة اني ما قدرت اتنفس طلعت من الجامعة وانا بس بلف في الشوارع.....
من جهة تالا قالت لي كيارا مالها شاكلتك كدا عملتي شنو.... كيارا قالت ليها حتى انا ما فاهمة شي اليوم عدا  عادي.. ركبت مع لؤي في العربية لؤي قال ليها مالك ظاهر عليك زعلانة كدا قلتا ليهو دي ملاك قالت اني خنت ثقتها وكلام كتير وطلعت من دون ما توريني وتفهمني حاجة... ل ؤي سكت مسافة وقال ليها انا أسف... قلتا ليهو بتعتزر لي قال لي من دون قصد  وريتها اني بعرف انها بتحبني.... عاينت ليهو من دون قصد صاح وريتها انو انا الكلمتك... شكرا ليك يا لؤي.. انت صديق رائع ومميز... وقف العربية... قال لي كيارا افهمي.... قلتا ليك وقف العربية، وقف العربية بعد نزلت اشرتا ليهو بي سبابتي وقلتا ليهو لو ما ملاك سامحني انسى انو عندك صحبة اسمها كيارا ... مشيت البيت وانا حاسة انو بالجد انا خزلتا ملاك 😔........
من جهتي وصلت البيت وناا تعبانة شديد لقيت امي سلمنا ليها وقعدت قالت لي مالك الليلة عاملة كدا كأنك شايلة هموم الدنيا كلها في اكتافك قلتا ليها ماف شي يا أمي أنا كويسة دي القراية بس ابوي جا داخل سلم لسنا وقعد قال لي مالو وشك دا ملان خدوش كدا قلتا ليهو ما في حاجة  بكون اتخدشت في الباب ....  طيب انا داخلة غرفتي وما عايزة اكل ولا حاجة عندي قراية كتيرة....
   دخلتا غرفتي انو الليلة دي كان يوم اسود  اكتر شي من  احساس الخزلان  كيف قدرتي تعملي كدا يا كيارا سر كتمتو .عشرة سنة واكتر بي بساطة .جات قالتوا لي لؤي وما راعت انو نحن علاقتنا سيئة شديد . بكيت لاني بقيت  تعبانة انا يئست من كل شي وما قادرة اتحمل  تعبت من المعركة البحارب فيها دي تعبت وانا كل يوم بتحصل حاجة جديدة بتخليني اصل القاع مية مرة 💔.....
صحيت الصباح وقلتا اني ما بهرب من حاجة جهزت روحي وطلعت لقيت كيارا منتظراني جمب المدخل ما عاينت  ليها وقفتني وقال لي انا اسفة يا ملاك انا واللة ما كنت قاصدة اني اوريهو عارفة معزتك عندي صاح .... قلتا ليها انا من يوم دخلت الجامعة دي وما حصل عشت يوم هادي وما سلمت من أي زول فيهم بس العمتلي دا كان اكتر حاجة آلمتني وزعلتني وندمتني بأضعاف مضاعفة العملوا كلو ولا حاجة مقابل العملتيهو ومشيت منها ... تالا لقيت كيارا واقفة قالت ليها ما خليتو المشكلة قالت ليها لأ انا غلطة وقت قلت لي لؤي انو هي بتحبوا.... تالا قالت ليها جنيتي انتي كيف تقولي ليهو وكدا والعلاقة بيناتهم متوترة قالت ليها بس انا كنت قايلة انو هي كدا بتفرح لأنو هو ببادلها نفس المشاعر تالا قالت ليها ما تشيلي هم اكيد بتزعل شوية وتاني بعد تهدء بتسامحك......

من جهتي قعدنا في القاعة وقبلتا لي آسر وقلت ليهو خليك جاهز لانو الليلة بننفذ المشروع قال لي بي برود ما بعملوا ... قلتا ليهو بي تحدي  وصيغة أمر بتعملوا معاي يعني بتعملوا  قبل على واسوارتو وخاتموا بقوا لونهم احمر قلتا ليك لا قلتا يهو انت مصاص دماء   ... قال لي انتي ما بتفهمني لما اقول لأ إذا الموضوع منتهى.. قلتا ليهو خليتك تغضب... قال لي لو غضبت ما كنتي قاعدة هنا.... قلتا ليهو طيب لي اسوراتك بقى لونهم احمر.... قال في نفسوا لاحظت ليهم كويس انو دي نوبة غضب طفيفة وقدرت اتحكم فيها..... بعد المحاضرة انتهت آسر مشي السطوح وانا لحقتو بس كيارا مسكت يدي وقالت لي خلينا نتكلم... قلتا ليها ما في شي نتكلم فيهو... قال لي كان بسأل منك ومن الزول الانتي بتحبيهو كان مهتمي شديد لي موضوعك ولما وريتو فرح شديد وحسيت انو هو برضو بحبك.... قلتا ليها انا ما قادرة اصدقك لأنو البتقوليهو دا ما صاح وهو ما بحبني عرفتي هسة عشان كدا انا ما دايرة اسمعك نهائي وما تبرري لي قالت لي انا ما بقول ليك اني ما غلطة بس رجاءا سامحيني قلتا ليها كيارا انا زعلانة منك وما دايرة اتكلم معاك كويس ومشيت منها....
حصلت السطوح وشفت آسر ماشي علي حافة السطوح بي خطوات ثابتة دخلت وقلتا ليهو بي صوت عالي آسر الليلة بتقع... آثر اتعثر ووقع  اما انا قمضت عيوني وقلتا خلاص الليلة دي مات وانتهى بعد ثواني فتحت عيوني وجريت اشوفوا إذا وقع من فوق نزلت تحت  وانا بلوم في نفسي..... في اللحظة ديك آسر كان اختفي عشان اتجنب الوقوع ومشى القاعة وقال انا لازم انتبه دي بت خطيرة وما ذي باقي البنات دي شنو دي......
من جهتي مشيت المحلات المفترض انو آسر. وقع فيها بس لقيت المكان عادي وما في أي أثر على وقوع زول قلتا معقولة اكون بحلم الخرافة بتقول انو هم بختفوا معناة اختفي وهو بقع.... لالا لا بقول في شنو انا عقلي بي مشوش وما فاهمة حاجة لي بربط الخرافة بي البحصل.....
، دخلت القاعة ولقيت آسر قاعد ارتحت ومشيت قلتا ليهو قايلاك وقعت... قال لي واسوارتو وخاتموا بقوا لونهم برتقالي 🧡شكلو مضطرب.... أنا قدامك ما وقعت كل الحصل انو انتي لما كنتي في حالة صدمة انا مريت بي جمبك وما حسيتي بي.... رفعت حاجبي وقلتا ليهو مريت بي جمبي وما لاحظت ليك كيف.... قال لي انتي كنتي مغمضة عيونك بتشوفيني كيف قلتا ليهو ايواا يعني كداا... وانا بفكر في اللون البرتغالي يعني شنو الا اعمل دراسة للشخصية دي ..... الدكتور دخل وكيارا قبلت على وقالت لي انتي لسة غضبانة مني... قلتا ليها انا ما غضبانة منك انا حاسة بي الخيانة.....
من جهة شلة ناس هيام كانو مراقبني سهي قالت عاينو ليها كيف قدرت تتكلم مع الملك الغامض القروية دي سبأ قالت ليها ما في شي جمعهم  الا المشروع بس بقوا بتكلموا عن المشروع... هيام قالت ليهم خلو المشروع وركزوا على خطة عشان ننتقم منها  سبأ قالت ليها بعد العملناهو ما اتأثرت ولا حتى خافت.. هيام قالت العملناهو كان سطحي هي ما بتعرفيني لما تغضب خلها تودع الحياة دي لي اخر مرة لأنو تاني ما بتشوفها قالو ليها دايرة تعملي شنو قالت ليهم دايرة اضربها بي العربية كلهم عاينو ليها بي صدمة... مجد قال ليها جنيتي عايزة تقتليها... قالت ليهم بس بنخليها مشلولة الموضوع ما خطير ..... مؤيد قال ليها خطة جهنمية🖤 لاكن وبقوا بضحكوا....المحاضرة اتلغت وكانت بالنسبة ليهم فرصة زهبية لا تعوض.. ....
من جهتي المحاضرة اتلغت وكلهم طلعوا طلعت عشان الحق آسر لي المشروع بس مسكني لؤي وقال لي خلينا نتكلم قلتا ليهو  ما عندي شي اقولو... قال لي الموضوع كيارا رفضت انها تتكلم معاي قلتا ليهو بي برود ما تعيد لي كلامها كويس... دا كلوا وانا بعاين لي آسر الاختفي من نظري... زحيت منو وقلتا ليهو عندي موضوع أهم من درامتكم دي.... جريت على اتجاه السلم وانا بنادي آسر بس هو سمعني واتجاهلني... كان مؤيد واقف في  السلم وخطرت على بالو فكرة شيطانية....
 وانا جارية عشان الحق آسر ما حسيت الا بي رجل بتعترني وقعت في السلالم درجة درجة وانا بصرخ   حسيت انو دي النهاية  فضل آخر عتبة  وقعت منها حتى سكنت  والمحلات كلها في فترة قصيرة اتملت بي الدم وحسيت رأسي اتفجر والدم دا نازل منو بي غزارة يعني خلاص دي النهاية  بعد كل شي حصل كدا وبي بساطة دي نهايتي كدا اتزكرت امي وابوي لدن كيارا وتالا لؤي كل شي اتزكرتو في اللحظة دي غمضت عيوني بي تعب شديد وانا حاسة الدنيا دي لافة بي  غمضت عيوني وانا بتمنى انو اموت وارتاح من كل العزاب العايشاهو دا     💔 ......

 #ثمّ_ماذا؟؟
لقد أنتهى شغفي في هذه الحياة ، تلكَ الإنكسارات الصغيرة  المُتراكِمة ، الخيبات المُتَتالية ، الأحزان المدفونة لسنين في قلبي كانت كافية لتنهَش بهجتي في الحياة ، لتقضي على كل أسباب السعادة لدَي ، آخر خذلان عِشتهُ ، وآخر صدمة تلقّيتُها ، وآخر ألم شعرتُ بهِ كانَ كفيلاً ليفيض الكأس ، إنهياري جاءَ من الصفعات التي تلقّيتُها دفعة واحدة من الحياة ، موقفٌ صغير أشعلَ ناراً أوقَدت على كَومة من الذكريات المؤلمه ، أشياء كثيرة كسرتني وكانت السبب بانطِفائي ، رافقني شعور الغربة في كل مكان تطَأَهُ قدماي ، أنا الآن أعيش بجسد متعَب وروح منهكَة وألم ينخُر في جدران قلبي بلا رحمة ، لم يعُد بإمكاني تحمُّل أي شيء ، حتى النظرة القاسية ستقتُلني..لم أعُد أريد يا صديقي شيء سوى أن أحظَى ببضعِ أمان..أن أُكمِل ما تبقّى لي دونَ خوف من رصاصة جديدة تُصيبني في الأعماق.. 🥀🥀🖤
•••••••••••••••••••••••••••••••••••••••••••••••••••••••••••

#فقيرة~في~عالم~الاغنياء《11》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد غمضت عيوني وانا خلاص حاسة بالتعب والضعف والهوان في عز آلامي اتزكرت امي وابوي وكيف بكون منظرهم لما اعرفوا اكيد امي بتنجلط لما تعرف بي وضعي دا  انا كدا بخسرها للأبد لازم اتحمل عشانا ما عايزها تنهار بي سببي  رغم كل الألم والوجع  الكنت حاسا بيهو بس فتحت عيوني بي بطأ  لقيت الناس دي متجمهرة فيني وما في زول قرب على ولا حتى حاول اساعدني معقولة قلوبهم ميتة لي الدرجة طيب ين الإنسانية.... شايفة كيارا جات على وهي خايفة شديد.... في اللحظة دي في واحد نشر لي باقي القاعات انو انا وقعت من السلم وامكن مت جو مندفعين بي اتجاهي و تالا جات جارية من القاعة هي ولؤي بعد عرفت بالحصل .....
من جهة هيام كانت مبتسمة هل  الآخر قالت اي زول عمل كدا وفر على الجهد.... سهى قالت ليها انشاء الله تكون إصابتها خطيرة......
من جهتي تاني غمضت عيوني وانا ما حاسة بي شي بس كيارا بقت تصحى فيني فتحت عيوني قالت لي وهي بتبكي انتي كويسة... أما آسر فمن وقعت انا هو وقف وطوالي مشا على مؤيد الكان فوق السلم وظاهر من ابتسامتو انو هو الفاعل مسكوا واداهو لكمة في وشو.. مؤيد قال ليهو بي غضب عملت شنوانت.... آسر واسوارتوا وخاتموا بقى لونهم احمر وحتى عينوا حمروا  لي درجة مؤيد شافهم وبقي يرجف براهو.. آسر مسكوا من قميصو ا وقال ليهو كنت عايز تقتلها صاح... مؤيد بي خوف دا ما انا العملت كدا..... في اللحظة دي ناس تالا ولؤي حصلوني تالا جات على اما لؤي بقى واقف قدامي وبعاين لي.. وما قادر أتدخل قدام كل الجامعة قال في نفسوا لي ما بقدر أتدخل عشان ما اعرفوني واحسوا انو في شي وعشان شهرتي وانا شايف صحبتي بتغرق في دمها وما قادر اساعدها..... آسر اشجع مني لأنو ما عندو ماضي اخجل منو يا ريت مشيت ليها وخففت عنها شوية.....
تالا مسكتني من يدي صرخت لأنو كانت بتوجعني... دموعها  جروا بقت تبكي قالت لي آسر بي غضب   عليك اللة ما تخليهو كسروا وبقي عظمة واحدة..... آسر مسكوا وجهو على السلم وقال ليهو رايك شنو اوقعك زي ما عملتا ليها عشان تتجرع حبة من الألم الحاسا بيهو ..... مؤيد بقى برجف وقال ليهو لا انا أسفة قال ليهو ما لي انا ليها هي قال لي انا آسف يا ملاك.... آسر قال ليهو برضوا ما كفاية ضربوا لما فصلوهو ناس لؤي آسر قال ليهو اعمل كدا وتاني بتلقاني في وشك لو ما قتلتك ورميتك لي الكلاب.... لؤي قال ليهو بي هدؤ  خليهو انا برفع تقرير عنو للأدارة  واكيد بتعاقب..... هيام وهي ما مصدقة دا مؤيد العمل كدا  سبأ قال ليها الملك عمل دا كلو عشان الفقيرة الما بتسوا شي قولي لي اني بحلم.. سهى قالت ليها لأ بالجد عشانا......

عاينت لي نفسي.. رجلي اتكسرت وراسي اتجرج  جرح عميق لي درجة الدم بقى نازل منو  والجرح الكان قاعد بي سبب المشكلة مع هيام فتح  وبقى بنزف  جنبتي اليمين وخاصة يدي شكلها اتلوت  والجانب الأيمن من جسمي كلو بوجعني لاني وقعت فيهو جسمي الملان خدوش وكدمات شعري الطالع كلو برا  ودموعي الكانت بتجري وانا بشوف في لؤي الواقف وما عمل شي خزلني للمرة الثالثة💔.... حاولت اني اقوم بس ما قدرت ساعدتني تالا وكيارا شلت نظارتي الوقعت مني والباندا وربط شعري وصلحت طرحتي كنت عايزة اتحرك من المكان دا تالا قالت لي جنيتي انتي ما تتحركي والا وضعك بسؤ اكتر ارح نوديك  المستشفى... كيارا كانت عايزة تضرب لي الإسعاف قلتا ليها وانا ما قادرة اتكلم ما تعملي كدا انا ما ماشة اي مستشفى وبعدين ما مستاهلة دا كلو.. كيارا قالت لي كيف يعني ما مستاهلة انتي ما قادرة تمشي وحالتك صعبة وما بتقدري تمشي البيت بي الحالة دي طيب ارح معاي بيتنا وانا بتصل لي الدكتور اجيك.... قلتا ليها ما بتفهمي انتي قلت ليك ما ماشة معاك اي مكان بعرف اتصرف براي ما محتاجة مساعدتك... قالت لي وهي بتصرخ فيني انسى يا ملاك اني خزلتك وانسى اي حاجة لي قلبك دا قاسي كدا 💔 ...... رفعت راسي وانا بصرخ فيها لاني تعبت من كل شي هنا  من الجامعة من ناسها وقلبي دا بنزف دم.. هههة انا قلبي قاسي حلوو   شنو رايك تعيشي حالتي البعيشها هسة عايزة تجربي شعوري.. لانو شعور ما بتوصف انتي عارفة يعني الألم لما تقولي كدا...... الألم احيانا ما انك تضربي زول أو تعزبيهو... الألم ما لما تضربي زول لما اغمى عليهو... الألم ما لما تخش ليك قطعة قزاز في رجلك... الألم هو الشى البحطم قلبكَ وابقى عبارة عن كومة من الفتات .. الألم هو الحاجات الدسيناها  ورا عيونا الحزينة وما قادرين نحكيها... الألم هو التعب الأتجرعناه بسبب الكتمان.... الألم لما تحسي انك فقدت كل شي وبس بقى منها زكريات بس اللحظة الببتغير فيها حياتك وطعمها بشبة الوجع و الحسرة، والحزن، العميق البسكن في قلبك وانت بتشوفي اكتر انسان بتهتمي ليهو وما قادر اساعدك،، الألم لما ما تلقى  زول تتكلمي معاهو وتحكي ليهو وجعك، وما بتقدري تلقى حل اريحك من التفكير والإرهاق، الألم لما  تبذلي جهدك كلوا في محاولة لأنك تواجهي الحاجات براك وما معاك زول اسندك، وتظهري بي وجه تاني مختلف عنك وما  بشبهك، .. الألم  لما تكوني عايزة تبكي بس تتصنعي الامبالاة عشان ما تكوني ضعيفة في عين زول وتقاومي كل شي علي حساب قلبك  💔 كل معاني الألم بسيطة الا تجربي العشتوا  عشان كدا ما تقولي لي قلبك قاسي  لأني يومي بحارب في معركة انتي ما بتعرفي  أوجاعها شنو،، وما بتعرفي المعارك الأنا بخوضها مع نفسي عشان أظهر ليك بالهيأة دي💔.......

تالا قالت لي خلاص يا ملاك كفاية انتو كنتو صحبات لي بقيتو زي الغيبات  مدام ما عايزة تمشي المستشفى أو تمشي مع كيارا ارح معاي.. قلتا ليها شكرا ليك بس انا ما ماشة مع أي واحدة فيكم كيارا وهي بتبكي انتي لي عنيدة كدا ... قلتا ليهم خلوني عليكم اللة ما قادرة اتكلم مع زول مشيت خطوات وانا بحاول اتسند في الحيطة ودموعي دي بس بتجري..... آسر قال  يا ملاك وقفي.... قبلت عليهو قال لي ماشة وين انتي.. كيارا قالت ليهو رفضت تمشي المستشفى وحتى تمشي معاي بيتنا... حصلني ومدا لي يدوا طبعا كلهم مصدومين من ردة فعلوا وحتى انا..... قلتا ليهو شكرا ليك ما عايزة اتعبك معاي اكتر بكفي انك ما قصرت مع مؤيد على الأقل عملت حاجة عشاني... كنت ماشة بس هو مسك يدي وقال لي اسمعي الكلام وارح معاي.... طبعا كلهم كانو بعاينو لينا وحتى كيارا وتالا ولؤي معالم الصدمة في وشهم  مسكني وسندني لاني كنت بقاوم اني اغمى على ومشينا......
كيارا قعدت في الأرض وقالت بعد نحن قلنا ليها تمشي معانا بس رفضت ومشت معاهو وهي عارفة كل شي .. تالا قالت ليها هي زعلانة منك والعاشتو دا ما هين خليها شوية بعد تروق بنتكلم معاها.... .. طيب هو لي مهتمي بيها كدا  تالا قالت ليها دي شفقة ما اكتر  ما تفكري في الموضوع بعدين بنتصل عليها ونطمن كويس  ..... البنات بدو اتكلمو واحدة قالت معقولة بقى بهتم  ليها  عملت ليهو سحر ولا حاجة... بت تانية قالت ليها لأ ما بهتم ليها ولا شي  بس هو قلبوا طيب واكيد شفقان عليها  ههههة في لقب جديد لي  القروية الفقيرة دي.....

لؤي مشي لي كيارا وقال ليها مشا بيها وين قامت فوق ولزتو  قالت ليهو لي ما أدخلت وساعدتها.... مسكها ومشى بيها مكان بعيد وكل الناس رجعوا محلاتهم منهم  المشي القاعة  ومنهم البنبزوا فيني واكيد مستحيل انسو اليوم التاريخي دا......
كيارا لزت لؤي وقال ليهو مش من المفترض انك تتدخل لي فضلت الانسحاب مش بتحبها لي تخلي آسر ادخل مكانك  قال ليها انتي لي زعلانة انا المفروض ازعل لأنها مشت معاهو قالت ليهو انت واحد جبان لو أدخلت ما كان دا كلو حصل بي فضلك آسر بقى مهتمي بيها اكتر وهسة ماشين وين ما معروف لؤي قال ليها ما بسمح بي الحاجة دي ولحقنا.....

من جهتي ونحن ماشين قلتا ليهو انت لي ساعدتني يا الملك الغامض اتجاهلني قلتا ليهو انت أغرب زول لاقيتو  قال لي ما تتكلمي كتير وتصدعي بي قلتا ليهو طيب جاوبني .... هو زاتو جاهل سبب مساعدتوا لي قال لي بي برود كل الموضوع اني حسيت بالذنب لأنو  انا السبب... لأنو ما وقفت لما ناديتيني واكيد   ما كان حصل دا كلو.... قلتا ليهو ما بصدق انو  آسر الملك الغامض ومريض التوحد  حاسي بالذنب.. اتجاهلني طلعنا من البوابة قال لي انتظري ثواني بس ضرب لي السائق تبعوا اسمو حسن ودا كان صاحب ابوهو وسواقوا بعد ابوهو اتوفى بقى خادم لي آسر قال ليهو اجيهوا  بي العربية..... في اللحظة دي انا قمت وقلت انا لو مشيت البيت بي حالتي دي امي دي بتموت عديل ولو ابوي شافني كدا بتجيهو كومة اعمل شنو  هسة ولو مشيت المستشفى الا اعملوا لي  إجراءات وفحوصات ودا بياخد  زمن وشكلوا في كسر عديل اعمل شنو هسة كل ما اقول الوضع اتحسن تجيني كارثة أكبر وما بقدر احمل آسر المسؤلية احسن شي اني امشي مستوصف قريب وانضف الجرح وخلاص قمت لما آسر كان بتكلم في التلفون وحاولت امشي بس آسر لمحني وجا على قال لي ماشة وين قلتا ليهو انا ما حبيت احرجك قدام الناس  بس انا ما بقدر امشي معاك قال لي وماشة وين قلتا ليهو ما بقدر امشي البيت وما بقدر امشي المستشفى.. بمشي مستوصف قريب وخلاص... كان داير اتكلم بس انا راسي وجعني غمضت عيوني بي ألم  آسر بقى قلقان واسوارتو وخاتموا بقوا لونهم نيلي عاينت ليهم وقلتا ليهو اسوارتك وخاتمك لونهم حلو  بس معناهو شنو....
 قال لي شكلو الاصابة دي اثرت في مخك في اللحظة دي لؤي جانا وشافنا جا علينا وهو زهجان  قال لي آسر بتعمل في شنو انت ها.... آسر اتجاهلو عشان ما اعصب عاين ليهو ومشى بعيد مننا... لؤي جاني وقال لي كيفك قلتا ليهو بي برود تمام قال لي ماشة معاهو وين قلتا ليهو بهمك كتير  قال لي طبعا بهمني ارح نمشي بيتنا احسن ليك من أي مكان... قلتا ليهو لا شكرا قال لي كيف يعني تمشي معاهو زول ما بتعرفي عنو حاجة او بي الأصح ما في زول بعرف عنو حاجة بتثقي فيهو... قلتا ليهو وانا بصرخ انت مالك ياخ اي بثق فيهو العملوا  دا خلاني أثق فيهو  خليني منو انت عملت شنو ما كنت واقف وبتعاين لي وما عملت حاجة خايف من مجتمع قزر زيك كدا.... ما تعمل لي  دراما رخيصة وتعمل فيها بتخاف على ما كنت  قاعد وشاهد على كل شي لي ما اتصرفت ها وريني..... في اللحظة دي العربية وصلت السائق قال لي آسر انت كويس لأنو ما حصل مرة طلبتني قال ليهو في حالة طارئة قال ليهو ايواا، آسر قال ليهو ثواني بس نده لي  وقال لي اجيهو كنت زعلانة من لؤي وعشان احرق روحوا  مشيت بي اتجاه... لؤي مسكني وقال لي آسر امشي انت هي ما جاية لأنها ماشة معاي زحيت يدي منو وقلتا ليهو ما تقرر بدل مني كويس انا ماشة معاهو لمن كنت بعاني جوة كان تتصرف بروجلة وتعمل شي كلامك دا حاليا ما بأثر معاي ومشيت على اتجاه العربية وركبت وانا خلاص كنت بجاهد عشان افتح عيوني  بس ما قدرت وراسي دا خلاص بقي بلف بي وتقل وما حسيت بي حاجة غير اني غمضت عيوني بي استسلام......

من جهة لؤي طلع من الجامعة بعد ما حسة انو ملاك  بقت بتكرهو بزيادة.... أما كيارا مشت بيتها وهي في الطريق بتفكر فينا والحصل شنو دموعها جرو وهي حاسة بي الغيرة.. قالت في نفسها انا درست معاهو أكثر ثلاثة سنة  وما حصل مرة عاين لي ساي مع اني أجمل وحدة في الجامعة بس ملاك الجات ليها كم شهر استحوذت على كل اهتماموا  هل كان شفقة منو  ولا ملاك المشت معاهو عشان تنتقم مني اوف دا شنو دا.... حصلت البيت ولقت لؤي منظرها قالت ليهو عملت شنو قال ليها مشت معاهو... عاينت ليهو بي استصغار وقالت ليهو اي زول مكانا كان بعمل نفس الشي.... وخليك عارف  تاني هي أخدت منك موقف لأنو ما أدخلت واكيد بقت تكرهك يا جبان. قال ليها ما تحبطيني اكتر قالت ليهو فكرة مشت معاهو دي براها بتخليني اجن واحد جبان وغبي ودخلت وغفلت الباب في وشو......

ما عارفة كم من الزمن مشي وانا راقدة فتحت عيوني ولقيت روحي في غرفة شكلها حقت مستشفى وراسي ملفوف بي الشاش ورجلي مجبصة ويدي كذالك وسامعة أذان دا المغرب  قمت فوق وحسيت بي راسي بوجعني قلتا الليلة امي وابوي واي اعمل  شنو وتلفوني وين قمت وانا بحاول امشي لقيت تلفوني قاعد في الطربيزة لقيت منها اتصالات كتيرة  اتصلت لها  وقبل أتكلم قالت لي ملاك كيفك تمام استغربت وقلتا ليها تمام قالت لي اتصلت ليك بس ما رديتي....  بس ضرب  لينا دكتور من جامعتكم وقالوا عندكم محاضرات عملية بتخص العمليات ولازم تحضروها وتتعلموا منها لأنها بي درجات وبتساعدكم في الامتحانات العملية قلتا ليها ايواااا صاح نسيت اوريك كنا من الصباح في المستشفى وادونا حالات ومالقيت طريقة اتكلم معاك قالت لي ايواا.... قلتا ليها تمام لازم اقفل لأنو بنادوني في مريض جا   قالت لي كويس  خلي بالك من نفسك تصبحي على خير..... غفلت التلفون وانا ما مصدقة انو انا اتحليت منها بي أعجوبة  ما بصدق  لو شافتني بالحالة دي اللة أعلم بحصل ليها شنو اكيد دا آسر العمل كدا ابتسمت وقلتا كأنوا  ملاكي الحارس حسيت بي جسمي كلو بوجعني بس راسي اكتر لأنو الضربة كانت قاسية شديد وحاسة انو راسي لافي  طلعت اصلي لما فتحت الباب لقيت ما في زول في الممر حسيت بي راسي تقل وجسمي حار  عاينت لقيت آسر جاي من الممر من بعيد ما قدرت اتماسك اكتر وغمضت عيوني ووقعت.. بس قبل ما أقع في زول مسكني بعدها ما حسيت بي شي.....

من جهة آسر حرارتها مرتفقة نادا لي الممرضة عملت لي مخفض حرارة بس حرارتي كانت عالية ختت ليها منشفة في موية وختتا لي في رأسي..... قالت لي آسر حرارتها مرتفعة شديد ولازم تنزل.. و انا عندي مريض ممكن تعمل ليها انت مسافة ما اجي... آسر قال ليها تمام ختا يدو في رأسي لقاها مولعة  بينو وبين نفسو إصابتها خطيرة اشفيها بس اكيد بتعرف خاصة انو تاني ما بتحس بي أي ألم والجرح بختفي كأنو ما كان في بعد صراع طويل حتى عالج لي الإصابة لأنو كانت خطيرة شديد....
من جهة كيارا وهي في طاولة الاكل كانت شاردة وما أكلت ولا حاجة .. امها انتبهت ليها وقالت ليها انتي كويسة مالك عيانة ولا حاجة.... كيارا  وهي شاردة قال أي قلبي واجعني شديد عندك ليهو دوا... بعد شوية انتبهت لي روحها ونزلت راسها.. امها قالت ليها بتحبي ولاشنو.دا منو .. قالت ليها دا زول غامض شديد مااف زول بقدر اتكلم معاهو بس في بت غيري قدرت.... اخ بس كيف أكون زيها... عاينت لي امها المافاهمة حاجة وقامت مشت غرفتها ضربت لي  كتير بس  تلفوني مغلق ورقدت نامت وهي بتبكي......
من جهتي فتحت عيوني. وعاينت حولي  ونزلت من السرير  حسيت روحي كويسة و قلتا أمس طلعت اصلي وبعدها لقيت آسر جاي في الممر وبعدها ما قادرة اتزكر شهقت بي أعلى صوت بس الممر كان بعيد  كيف قدر احصلني قبل أقع  وهو بعيد مني كدا .....
أمس.....
آسر جا على قبل أقع ومسكني كنت بين واعية وما واعية قلتا ليهو كيف حصلتني بي السرعة دي قال لي شكلك كدا بتهلوسي لأنو حرارتك مرتفعة قلتا ليهو لي اهلوس بيك قال لي اساسا بكرة ما بتتزكري....
كنت  محتارة شديد حتى راسي ما قعد أوجعني ضغط عليها وما وجعتني ورجلي احسن وبقدر امشي بيها وحاسة اني احسن بس كيف؟؟؟ ما ركزت كتير اتصلت لي امي وسلمتا عليها وقفلت الخط... بعد غفلت الخط طلعت برة   لقيت آسر قاعد في بينشات قلتا ليهو بيتة هنا ما ردا على  قعدت جمبو وقلتا ليهو شكرا يا آسر  حتى أمس انغذتني لما  كزبت على امي ما كنت عايزاها تعرف لأنو امي عندها قلب والدكتور قال أقل صدمة أو تعب بتحصل ليها مضفات وعادي تروح فيها عشان كدا ما كان عندي خيار.... حبيت اشكرك على كل شي  قدمتوا لي لو دا زول تاني ما كان عمل كدا... المهم انا ماشة بعد كدا... قال لي بي برود  انا ما عملت حاجة وبعدين مش دايرة ننجز المشروع  ابتسمتا ابتسامة كبيرة وقلتا ليهو اكيد قال لي ارح....
قمت اول شي صليت حتى طلعنا ركبنا في العربية طبعا رجلي لسة بتوجعني بس ما كتير... المهم العربية وقفت عاينت كدا لقيتو بيت كبير عاينت لي آسر قلتا ليهو بنعملوا هنا قال لي اي قلتا ليهو في بيتك قال لي المشكلة وين يعني عاينت ليهو... قال لي ما تخافي انتي ما براك في ناس  جوا يعني ما نحن برانا قلتا ليهو ايواا.. المهم دخلنا وفتحت لينا الخدامة الباب فضلتني وانحن داخلين قلتا ليهو امك وابوك ما بنزعجوا من وجودي اتجاهلني قلتا ليهو خلاص مرض التوحد جاك ولاشنو... البيت كان حلو وكبير من طابقين وطابعوا حديث حتى تصميموا كان احترافي وحديقة كبيرة وواسعة قلتا ليهو بيتك حلو انتو كم اصلوا لون اسوارتو اتغير وبقي لونهم ازرق يعني انزعج  قلتا ليهو خلاص سكتا... دخلنا جوا وكان البيت من جوة ديكورو بوحي انو انسان طبعوا هادي ورايق لأنو الألوان الترابية كانت طاقية على كل البيت والإنارة خفيفة استغربت كنت قايلة بكون اسود بي رمادي بس شكلوا طلعت غلطانة الخدامة جات وقدمت لي موية وعصير ....
 في اللحظة دي آسر مشي المطبخ لحقوا  عمو حسن السائق قال ليهو البت دي بتعرف انت منو؟؟ قال ليهو لا قال ليهو طيب هتوريها قال ليهو لا.... عمو حسن عارف انو انزعج منو فطلع من دون ما اسألوا تاني .....
من جهتي قعدت مع الخدامة وطلعت ظريفة حكيت ليها عن جيتي للمشروع وحاولت افهم منها حاجة او اي شي عن آسر بس هي ما قالت لي حرف واحد افيدوني.... قامت مني وقالت عندها نظافة قلتا الليلة لو كيارا عرفت بتموت بي قهرها كان اخد لي صورة اغيظها بيها اتصورت كزا صورة بي وضعيات مختلفة عشان تشوف البيت ضحكت بي مكر وقلتا واحد بي واحد.... المهم قلتا  دي فرصة زهبية خليني افتش البيت واشوف لو في شي غريب ولا حاجة تبين صحة شكوكي كونوا هو مخلوق فضائي بقيت بتمشي في البيت قلتا امشي اشوفوا واراقبوا عن كثب المهم لمحتو شكلو بطبخ لأنو شايل  سكينة وبقطع في حاجة قلتا غريب ما لقيت تقرير انهم بعرفوا اطبخوا؟؟ ... واطبخ لي والبيت ملان خدم غريب.... خطرت في بالي اني اخوفوا واشوف ردت فعلوا شنو دخلت براحة وماشة واتسحب قلتا حررررامي.. ... السكين جرحت اصبعوا ولون اسوارتو وخاتموا وعيونوا بقى لونهم ابيض قبل لي بي عصبية وقال مالك بتتسللي كدا وين الحرامي... ضحكت وقلتا ليهو خفتا ولاشنو  ضيقت عيوني وقلتا ليهو عيونك بقى لونهم ابيض زي الزول الأعمى ... اتجاهلني ومشى اغسل يدوا .. قلتا ليهو ما في داعي للحركات دي لاني شفتا اسوراتك وخاتمك وحتى في بعض الأحيان عيونك بتلونو وما لقيت لي تفسير منطقي.... آسر حسة انو هويتو  قربت تنكشف وبقت مهددة..... عاينت حولي ولقيت علبة مناديل شلتا منو واحد ومشيت عليهو مسكت اصبعوا ولفيتا ليهو بي المنديل  قلتا ليهو انت قايل الطبخ دا لعبة أطفال... ممكن اساعدك لو داير قال لي بي برود  لا شكرا... في اللحظة دي هو شفي يدوا بس خلي المنديل مربوط.... كبا لي شاي ومداهو لي قعدت وقلتا عندك اكتر من خدامة لي بتطبخ انت اول مرة اشوف زول زيك... قال لي بي برود اصلا انا بطبخ براي وما بحب زول ادخل في حاجاتي.. قلتا ليهو واضح جدا.. قال لي راسك لسة بوجعك قلتا ليهو ما كتير قال لي كيف المفترض انو ما اوجعك..عاينت ليهو بي شك و قلتا ليهو لي يعني السبب شنو  ....
اسوارتو وخاتموا بقى لونهم رمادي شكلوا متوتر  قال لي خلي الأسئلة... يا داب حسيت انو في شي ما ياهو  عندي تساؤلات كتيرة وما لقيت ليها أجوبة في الحالة دي انا بقيت شبة متأكدة انو ما بشر عادي يا ربي اوريهو اني عرفتا لا لا أمكن اقتلني لو عرفني عرفتو بس شكلو ما قاتل🤣... . خطرت في باالي فكرة عاينت لي الشاي وبي حركة سريعة كشحتها فيهو وتحديدا في يدوا عاين لي بي حدة  انتي مالك انتبهي شوية كويس انو الشاي ما سخن والا كانت نهايتك... قلتا ليهو الأفلام دي مش قلنا نخليها.. اي شي بتدخل فيهو الموت انت..... عاينت لي يدوا لقيتها زي ما هي ما اتغيرت وبقت لونها بنفسجي زي ما قريت اوفف انا جنيت وبقيت بهلوس.....
قلت ليهو  ما مصدقة اني حية للأن هههة طلاب الجامعة ديل محترفين في الإجرام عندهم خطط مثالية لقتل البشر ههههه.... قال لي وهو بخت الفطور في الصحون استسلمي واستقيلي الثقة بي النفس كويسة لاكن ما بتقدري عليهم.... قلتا ليهو ما اتولد لسة البخليني استقيل اما لو قتلوني دي مشكلة بس انت عارف بظهر ليهم على هيأة شبح واطاردهم  ههههة لو فكرت فيها بلقاها فكرة عظيمة 👀🌚... عاين لي وقال لي غبية المهم فطرنا وطبخو كان ممتاز جدا قلتا ليهو طبخك تحفة قال لي عارف قلتا ليهو مغرور....
بعد خلصنا قلتا ليهو اها كيف بننجز المشروع قال لي هو داير شنو قلتا ليهو على حسب كلام الدكتورة انو بنعمل هيكل عظمى إذا محتاجين لي عظام صناعية وموجودة في المعمل بس قالت معمل تبع الجامعة بس كيف بنجيبهم مافي حل الا تمش انت قال لي ولي انا قلتا ليهو لأنو انا رجلي ما بتتحمل عاين لي بي زهج كدا وقال تمام.. قلتا ليهو طيب انا بقول  احسن نعملوا هيكل عظمى متوسط معناة محتاجين لي جمجمة متوسطة على حسب الهيكل  وأطراف عليا وأطراف سفلي وقفص صدري و... الخ سجلتهم في ورقة واديتا ليهو.. .....

من جهة لؤي..... كيارا اتصلت ليهو وقالت ليهو ارح نتمشي ونعمل رياضة  قال ليها دا السبب الاتصلتي ليهو قالت ليهو لأ بس انا ما دايرة اقعد في البيت حاسة بي  الملل وكأني مخنوقة وعايزة زول اتكلم معاهو.... قال ليها انا زيك  تمام اطلعي طلعوا.... وبقي بتمشوا لؤي قال لي كيارا ما اتصلتي ليها قالت ليهو اتصلت بس تلفونها ما بخش معاي أمكن لسة زعلانة مني... لؤي قال ليها دا كلو بي سبب الحيوان الاسموا آسر دا.. قالت ليهو انتبه انت بتقول في شنو إياك تغلط فيهو تاني.... لؤي قال ليها تمام تمام اهدي انتي عارفة انو انا بحب ملاك بس ما بقدر اقول كدا أو اثبت الحاجة دي خاصة وهي منبوذة من قبل كل الجامعة.... هي زولة كويسة وجميلة وكل شي بس لازم تغير من شكلها شوية عشان اتقبلها واتقبلوها ناس الجامعة... وانت لازم تساعديها في  التغير دا... قال ليهو حاولت معاها كتير بس لو طلعت النظارة دي ابقى اول تغير بس هي ما عايزة تتغير... لؤي قال ليها لازم تجتهدي معاها انا معتمد عليك....
من جهة مؤيد من رجع بيتو وهو ما قادر انسى شكل عيون آسر الكانت اشبه بالوحش ومصاصين الدماء نام وهو بحلم بي الكوابيس... في اليوم التاني صحا كأنو صابة فيهو مطرة وقال كيف ممكن لي انسان عادي  شكل عيونو إبقوا حمر كدا.... انا بعد شوية بجن اكيد  ضرب لي أعز صاحب عندو وهو مجد وقال ليهو نتلاقى.. اتلاقوا في صالة الرياضة بعد خلصوا قعدوا مجد قال ليهو مالك الليلة دي ما كويس قال ليهو ماف شي مجد بقى بتكلم بس مؤيد كان شارد... مجد لكزوا وقال ليهو شارد وين بتفكر لي خطة تانية للانتقام من الفقيرة..... مؤيد من سمع اسم الفقيرة جسموا بقى برجف قال ليهو الفقيرة محمية من قبل الملك الغامض... ما شفتو عمل فيني شنو وو ، اداني درس عمري ما بنساهو... مجد قال ليهو انت زاتك زودتها يا صاحبي قربت تقتلها.... قال ليهو انا ولاهي لو كنت مكاني ما كنت عشت للأن.. مجد قال ليهو هسة انت مالك كلوا عشان ضربك الملك شكلوا الضرب دا إثر في عقلك... قال ليهو بي صوت هامس مجد عايز اقول ليك حاجة بس ما تعلق وتكزبني.. مجد قال ليهو احكي.. قال ليهو الملك الغامض مصاص دماء عدت ثواني ومجد فكا الضحكة 🤣🤣قال ليهو قول كدا قدام الجامعة عشان انتهو منك واختوك نمرة واحد في القائمة السوداء بعد الفقيرة🌚.. مؤيد قال ليهو ما مصدقني انا شفتا عيونو بقت لونها أحمر .. مجد وقف ومسك بطنو من الضحك وقال ليهو جنيت يا صاحبي شكلو الضرب بالجد إثر معاك ما تفكر كتير هههههه مصاص دماء 🤣.......
من جهتي طلعت معاهو لي باب الشارع  وقلتا ليهو ما تنسى الحاجات دي كلها لازم تجيبها  قال لي بي نبرة تهديد إياك ثم إياك تلمسي حاجة في البيت دا فاهمة ثواني بس دي يدوا الاتجرحت بقت كويسة متين وما في أي أثر للجرح شكلو ما انتبه ليها.... ردت فعل مني بس  قفلت الباب في وشو ودخلت بي سرعة .. آسر بي دهشة قفلت باب بيتي في وشي.. ومشى على المعمل تبع الجامعة..... أما أنا مشيت المطبخ اشوف المنديل  لقيتو واقع فيهو أثر  دم بس يدوا ما فيها حاجة😨 مشيت لي مراية كانت معلقة طلعت الشاش ولقيت مافي أثر  للجرح ماف اي شي حتى ما حاسة بي أي شي حتى الخدوش اختفت  حتى الكسر ألفي  رجلي الا ألم بسيط بس.... انا حاليا بقيت متأكدة انو ما بشر عادي رجعت الشاش وربطتوا ... بقيت بفتش عن أي حاجة غريبة ومشبوهة كل ما تشوفني الخدامة اعمل فيها رايحة دخلت مكتبة كدا وكانت ملانة كتب وأوراق... حسيت انو الباب فتح قمت نزلت تحت بي سرعة قلتا ليهو مالك وصلت سرعة كدا المعمل قدام باب بيتكم ولاشنو.....
لقيتو دا عمو حسن السائق قلتا ليهو اسفة قايلاك آسر كان عمو حسن اشتري حاجات حقت البيت وبقي بدخل فيها.... سألتو وقلتا ليهو انت مساعد آسر.. قال لي اي وانتي صحبتوا قلتا ليهو ايوة... يا عمو ممكن سؤال وين عايلة آسر اتجاهلني بس كررت ليهو السؤال... قال لي عايش براهو ابوهو متوفي  وامو ما عايشة هنا.. قلتا ليهو عشان كدا لما سألتو ما جاوبني.. عمو حسن قال لي انتي بت ما عادية... قلتا ليهو بي استغراب كيف يعني.. قال لي انتي اول واحدة تدخلي البيت بعدي انا والخدامات... قلتا ليهو كيف يعني ما عندو أصحاب نهائي ايواا عرفتو اكيد خلوهو عشان لسانو السليط دا🤦‍♀️ عمو حسن ضحك🤣 وقال لي هو ما كدا بس ما عندو زول هنا انتي قريبتوا قلتا ليهو لا.... انا عندي سؤال محيرني يا عمو ممكن تجاوب عليهو  قال لي اتفضلي.. قلتا ليهو مدام انت مساعدوا إذا اكيد لاحظت لي تغير اسوارتو وخاتموا وحتي بعض الأحيان عيونوا، السر شنو يعني  هو عيان ولا... عمو حسن بي توتر ولا شنو.. قلتا ليهو ما يهمك دا بحد زاتو جنون... .. ابتسم وحسة  انو انا شاكة فيهو وعايزة اسألوا إذا هو بشر عادي ولا لأ... قال لي انا ماشي وطلع.... قلتا لي اترددت كان اسألوا دي فرصة ما بتتعوض اوفف....
 لما طلع عمو حسن لقى آسر وقفوا وقال ليهو انت متأكد انو انت ما وريتها لأنو هي شاكة فيك.... آسر قال ليهو شنوو قال ليهو قبل شوية سألتني من تغير أدواتك وعيونك آسر قال ليهو كم مرة لاحظت ليهم دا الفضول الزائد  بس هي ما بتعرف حاجة وعقلها محدود اكيد ما هتعرف شي.... عمو حسن قال ليهو مع ذالك احزر منها.... ٠

كنت بفتش في الصالة بس اسمع ليك آسر قال لي بتفتشي في شنو قلتا ليو خلعتني .... جبت الحاجات  شلت جزو من الحاجات وطلعتهم قلتا ليهو جبت كل الحاجات قال لي اي قلتا ليهو طيب بنعملوا وين قال لي بي برود لمى الحاجات دي من الأرض ما انتي البتنضفي وارح معاي عوجت لي خشمي وقلت مششش مسيخ مساخة ... المهم مشينا تحت في القبو في باب كبير مختلف عن باقي الأبواب آسر ضغط الزر والباب فتح  كان في طاولة كبيرة شديد أدوات موسيقية كتيرة بس منظمة وشكلوا  الغرفة دي عازلة لي الصوت وأهم شي عندو شاشة كبيرة شديد موصلة فيها لوحة فيها أزرار كتيرة قلتا ليهو لي اخترت الغرفة دي تكون بعيدة من الناس السر شنو قال لي عشان اقتل فيها الناس.... نططت عيوني وضربتو في كتفوا وقلتا ليهو قربت اصدقك.... قال لي بي برود ختي الحاجات في الطاولة ختيتها وطلعت نموذج مرسوم واضح ومخطط قلتا ليهو لازم اكون بالشكل دا... المهم بدينا نركب الأجزاء مع بعض وقدر ما نحاول تاني اتفصل في النهاية قلتا دا مالو ياخ.... قال لي دا بي سببك هسة لو دا انا كان زمان خلصتوا دا كلوا بي سبب تعطليك لي قلتا ليهو اها اعملو وانا براقب ما قدر اعملوا لأنو متعود استخدم قدرتوا في تركيب الحاجات.... قلتا ليهو بي استهزاء البعطل التاني منو خلينا نجرب تاني... المهم ركبناهو ونحن فرحانين قال لي انتي الاخرتيني لو ما كدا كان عملتو في ساعة بس عاينت ليهو  وضحكت قلتا ليهو واضح جدا بالمناسبة لو ما انا اتدخلت ما كان عملناهو قعدنا  نشتاكل ... في النهاية حتى قلتا ليهو خلينا نوقفو عشان نشوف ثابت. ولا لا نزلناهو بي حزر بس مجرد ما نزلناة كلو وقع... أنا دي لما دمعت من الزعل... آسر قال لي انتي متأكدة من انو كتبتي كل الحاجات قلتا ليهو اي جيب الورقة جابها ولقينا انو في لاصقين مفترض نعملهم واحد لاصق وواحد مثبت آسر جاب اللاصق وعشان انا قايلة انو نفس الشي  ما كتبتو  .... طلعنا فوق قلتا ليهو لازم تمشي تجيبو رفض بعد تحنيس حتى مشي ...
 آسر مشي اجيبوا وهو بتمتم وبقول ما مصدق اني بقيت خادم القروية دي🤦‍♀️.... بعد مشي انا دخلت المطبخ وقلت اعمل حاجة بسيطة   لقيت في جلي وفي فواكه ناديت الخدامة توريني الحاجات وين في الأول أصرت انو هي تعملوا بس انا رفضت ورتني ليها ومشت تكمل نظافة  عملتو سرعة سرعة ودخلتو الفريزر  اصلا ما محتاج حاجة على الأقل اشكروا على العملوا.... آسر جا ولقاني بغسل في العدة قال لي عملتي شنو في مطبخي قلتا ليهو بلعب فيهو ... يعني عملت شنو بس لقيت نفسي فاضية وقلت اعمل لينا حاجة خفيفة لقيت جلي وعملتوا قلتا ليهو جبت المثبت  قال لي اي قلتا ليهو ارح نعملوا  قال لي بعملوا براي ما داير اسمع صوتك المزعج دا.... قلتا ليهو بطل ياخ الزمن راح.... رفع لي يدو وهددني وقال لي اوعك تنزلي تحت انا بعملو براي  كملي الكنتي بتعملي فيهو ومشى .....نزل تحت و فكا الهيكل من اول وجديد.... أما أنا طلعت الجلي اصلا عملتو في أربعة كبابي شلت معاي اتنين ونزلت تحت وانا بتزكر تهديدو لي ههههة يوم متين بسمع كلاموا نزلت تحت براحة لقيت الباب مفتوح.... آسر بعد خلص من تفكيك الهيكل العظمي استخدم قوتوا  عشان اركبوا ...... طبعا وقفت واصمغت  في مكاني وانا شايفة الهيكل العظمي  قدامي ومرفوع فوق وكل قطعة بتتركب مع بعضها رجليني بقوا ارجفوا ولساني اتربط وجاني هبوط كل شكوكي كانت حقيقة ما كنت بهلوس من دون ما احس وقعت الكاسات واتكسروا... آسر عاين لي والصدمة كانت ظاهرة في وشو حاليا موضوعو اتكشف قدام ملاك... الهيكل جا واقع من فوق من الصدمة  واسوارتو وخاتموا بقوا لونهم نيلي ... أما أنا قلبي دا كان بضرب بس وانا بعاين ليهو وما قادرة أصدق أنو قدامي ما بشر عادي قدامي كائن فضائ......
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《12》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كنا بنعاين لي بعض بس انا ما عارفة احساسي في اللحظة دي هي شنو هل انا خايفة؟ ولامتعجبة!! ما لقيت نفسي غير بجري بي اتجاه السلم.... آسر اخد نفس عميق وقال  اعمل شنو هسة انا حزرتها من النزول بس هي كسرت كلامي لازم تتدخل في كل شي استخدم خاصية الانتقال ولاقاني فوق في آخر السلم  بلعت ريقي وعاينت تحت وتاني عاينت فوق وقلت ليهو بي كلمات متقطعة  ك ك ك ي ف؟ ما قدرت انطق بي حرف تاني من هول المشهد...... آسر وهو بتصنع شخصية مخيفة عشان ما تحكي لي زول ضحك بي صوت عالي ومخيف وقال لي يعني شوفتيني .... حاولت ازح من قداموا بس وقف وسد الطريق... قلتا ليهو وانا بحاول اتماسك.. زح لي انا ماشة... ضرب الحيطة بي قوة وثبت يدوا ورسم ابتسامه شريرة وقال لي بي صوت مخيف ومرعب خلي جسمي كلو ارتعش.... اه اه لي عملتي كدا يا ملاك كنتي فضولية اكتر من اللزوم حتى انك حاولت تستدرجي خادمي... ما قلتا ليك انو الفضول الزائد ما بوصلك لي نتائج مرضية؟ هسة ارتحتي لما كشفتي حقيقتي محتار اعمل فيك شنو .. انتي جاوبي.. طبعا انا ما قدرت اتكلم كأنو خشمي دا اتربط والهواء دا انعدم..... مشي يدوا على وشي بي هدؤ وقال لي عارفة إذا وريتي زول أو حكيتي ليهو بي الشي الشوفتيهو بحصل شنو وختا يدو في رقبتي... وقال لي بي نبرة أشبه بي الهمس خلت جسمي كلوا اتلج... هه بتموتي .. وزحا من طريقي..... طلعت بي سرعة وانا بحاول اخد في نفسي ماشة وبعرج  ولسة مصدومة شديد من الحصل لي دا.... قلتا دا شنو دا الحظ دا هسة كان في داعي الكاسات اقعوا... بس خلاني اخاف وارتعب بس طلع بالجد ف ف ف فضائي ما مصدقة انو طلع كائن فضائ  هههة ما مصدقة اني بقول كدا ... طيب لي انا بالزات احصل معاي كدا حصلت البيت وانا مصدومة بالكامل.......
السؤال البطرح نفسو هل هو صدمتها بي انو هو  كائن فضائي؟؟. أم صدمتها بي انها عرفت حقيقتوا؟!!
قبل احصل البيت طلعت الجبيرة ورميتها وطلعت الشاش ألفي راسي ودخلتو شنطتي وحاولت اكون طبيعية قدر الإمكان.... امي فتحت لي الباب سلمتا عليها واضطريت أألف ليها  قصة متكاملة عن الحاجات العملناها وكل مرة تسألني عن شي جديد في النهاية قلتا ليها يا أمي أنا داخلة ارتاح لانو كان يوم صعب... دخلت غرفتي وحاسة بي ألم في رجلي عشان ضغطت عليها وقلتا هسة آسر دا لو عالج لي رجلي دي ما كان كمل جميلوا غبي خلاص 🤦‍♀️.....
....
من جهة آسر نضف هو القزار لأنو الجزو دا محرم للخدم ادخلهو وأثناء ما بنظف قعد في السلم وقال هل من المفترض اني اخوفوها اكتر ... لا لا كدا احسن اكيد ما بتفتح خشمها بي حرف بعد الشافتوا.... خلص نظافة وطلع فوق لقى عمو حسن قال ليهو شايف  البت مشت وهي مصدومة اتشاكلتوا ولا شنو... قال ليهو شافتني وانا بركب في المشروع... قال ليهو كان تنتبه اكتر انا حزرتك في العادة انت اكثر انتباه... قال ليهو ما عارف نسيت الباب مفتوح كيف.... قال ليهو وهو قلقان بس ما بتوري ليها زول... قال ليهو حزرتها بعد كدا الا لو دايرة تأذي روحها... عمو حسن قال ليهو وهو متوتر.. طيب اكسبها في صفك... آسر ابتسم ابتسامة باهتة وقال ليهو اكيد بعد العرفتوا دا تاني ما بتقرب على ولا بتحوم جنبي لأنو عرفت حقيقتي هي زيها زي كل البنات لما تعرف حقيقة الوجه  الآخر للشخص الوسيم الغامض  بتخليهو 💔 .... قال ليهو بس شكلها مختلفة....  آسر قال ليهو لاحظت لي شي غريب رغم أنها كانت مصدومة بس ما أبدت رد فعل  غريبة  يعني ما صرخت ولا اتوسلت اني اخليها.... اسوارتو وخاتموا بقى لونهم اسود وحتى عيونوا.... عمو حسن قال ليهو انت لسة عايش على زكري البت ديك وما نسيتها.... اتجاهل سؤالو ومشى خلاهو... فتح التلاجة  ابتسم  لمى لقى  الجلي اكل منو وطلع ظابط..... بالرغم  من انو قلبوا كان فارغ وكان مستحمل ملاك بي كل تصرفاتها وفضولها وهمجيتها وحتى كلامها المزعج  بس ما داير انو تتخل عنو وتزعجوا وتعكر صفو حياتوا.💝.....

من جهتي رقدت في السرير وقلتا اها وبعدين هيحصل شنو واعمل شنو اتزكرت ألوان اسوارتو وعيونوا وحتى الشيتات اللقيتها مركبة والباب الفتحوا عشاني وكل مرة ساعدني وانغذني فيها.. قلتا  ما كان اعمل معاي كدا وحتى انا حسستوا كأنو وحش.... مستحيل اكون زول سيئ بعد مساعدتوا لي في كل شي..... اتزكرت صوتوا ونبرتو الحادة والبتخوف وهو بحزرني  اني ما أوري زول  جسمي اقشعر وقلتا هه كأنوا في زول بصدقني لو قلتو لو بي الهظار ساي ما بصدقوا خلي لو  الحقيقة.. زي لما تكون نصيح وادخلوك المصلحة العقلية 🤣.... قلتا بي ثقة  بعمل كأني ما عرفتا حاجة بس القول أصعب من الفعل......
.....
من جهة تالا من زمن طلب منها أمير انو محضر ليها مفاجأة وهي بتخطط عشان تنتقم منو... أمير ضرب ليها ونزلت تحت وهي بتقول بقدر بيك قبل ما تغدر بي ونشوف النهاية بطلع منو الخسران طلعت ليهو وهي اصلا جميلة من دون شي فكيف بي المكياج..
  وحتى أمير كان طالع حلو بي الابسوا واصلا هو متأنق دايما واكيد لافت الانتباه في كل مكان ... قال لي طالعة حلوة.. قلتا ليهو بي برود عارفة كل الناس بقولوا  لي كدا....
قال لي مغرورة .... أثناء ما هو سايق   جاهو تلفون من  ماجد  اتصل ليهو عشان اسهرو مع الشلة بس هو ما ردا وخلا التلفون صامت.... قلتا ليهو لي ما داير ترد دي وحدة من حبيباتك صاح  ما تتحس رد ليها عادي....
قال لي بي استغراب  بتقولي في شنو انت .... قلتا ليهو ولا شي بهظر معاك وصلنا مطعم كان حلو شديد  اطلالتو رهيبة وطابعو عصري دخلنا.... صراحة اتصدمت منو  لأنو كل الخدامات بعرفهو وبسلموا عليهو واحدة ورا التانية  لقايت ما وصلنا طاولتنا حسيت بالغيرة كأني ما موجودة... قعدنا وعاينت برا واتجاهلت وجودو... قال لي بتتصرفي معاي بالبرود دا.... قلتا ليهو انا ما بحب الزول اتظاهر بي انو انسان كويس بس هو عكس البعملوا.....
قال لي بي استغراب قاصدة شنو انت تصرفاتك ما طبيعية حصل ليك شي ازعجك.... قلتا ليهو لا بس كل الموضوع انو عيوني فتحوا على الحقيقة .... المهم المطعم حلو وراقي شديد... قال لي كويس انو عجبك اخترت أفضل طاولة عشانك... قلتا ليهو بي برود عزمت كم وحدة مكاني هنا.... قال لي ايو عرفت يعني انتي حاسة بالغيرة عشان انا بعرف كل البنات هنا.... قلتا ليهو انا حاسة بالغيرة هه شكلك بتتوهم بس الظاهر انو كل البنات هنا بعرفوك واكيد عازمهم كلهم قبل كدا  .... وبعدين البنات الغنيات الحوليك كتار لي خفضت مستواك كتير.... قال لي بتلمحي لي شنو انت.... قلتا ليهو ما تتظاهر لي بي انك جاهل.. أنا عارفة كل شي عشان كدا بطل تظاهر.... قال لي بتعرفي شنو وريني.... وسط نقاشنا الحاد جات بت طويلة وجميلة وملفتة للنظر بي اناقتها وقفت قدام أمير وقالت ليهو اوو أمير الليلة مش يوم عطلة لشنو ما شغال  شايفاك مستمتع بي وقتك.... قال ليها ما معقولة  يا رُبا ما بحق لي اخد اجازة لي يوم واحد بعد كل تعبي دا.... قالت ليهو الكلام دا كبير عليك يا زول....كنت  بعاين ليهم بي حقد اتمنيت لو كشت فيهو العصير الجمبي دا.... رُبا قالت ليهو ما عرفتني على البت القاعدة معاك دي.... أمير قال  الجميلة دي صاح.... ابتسمت بي استفزاز وقالت ليهو صراحة  احلى بت من بين كل البنات البلفوا حولينك... قال ليها امشي يا رُبا من هنا هسة بتفكر اني واحد مخادع... ربا قالت ليهو اصلا ماشة نتلاقى بعدين ومشت.....
ما قدرت اتحمل اكتر وقمت.. قلتا ليهو وانا غضبانة شديد انت ما معقول.... ما دايرة اشوف وشك دا نهائيا ... قال لي مالك في شنو غلطّا بي شنو... قلتا ليهو كلك على بعضك غلط حقير.. وطلعت.....

أمير كان مصدوم من رد فعلها و طوالي  جا لاحقني  ناداني بس ما رديت مسكني من يدي وقال لي مالك ياخ فهميني اديني تفسير واحد يعني  عشان كلام ربا يعني ولا أفهم شنو....زحيت يدي منو وقلتا ليهو ما تلحقني تمام  ما عايزة اتصدم فيك اكتر كويس انك انكشفت على حقيقتك قبل ما علاقتنا تتطور والا  بتكون غلطة حياتي مع السلامة يا كزانوفا.... ومشيت ركبت تكسي وانا عيوني دي ما وقفت من الدموع دا الشاب الوحيد الاعجبت بيهو كنت اسعد انسانة بس ماجد جا حطم لي كل أحلامي لما و اني حقيقتو  دخلت البيت وعلى غرفتي رقدت في السرير وقلتا لي حاسة اني اتسرعت  شديد يا ربي كان عايز العب بي مشاعري ولا كان جادي......
من جهة أمير عاين لي تالا لما ركبت في التاكسي وخلتو وهو مصدوم ركب عربتو ومشى على ناس ماجد .وصل وولع ليهو سجارة اول مرة اعمل كدا ... رامي قال ليهم عصفور الحب وصل.... ماجد قال ليهو لما ما رديت كنت قايلك معا تالا... أمير عاين ليهو بي عصبية وقال ليهو ولاكلمة تاني يا ماجد.... ماجد قال ليهو هة في وحدة كسرت قلب الحبيب دا... لؤي قال ليهم لا ما اظن كدا... أمير بقى بشرب سجارة ورا التانية لؤي مسكوا وقال ليهو في شنو يا زول... ماجد وهو بفكر قال من حالتوا دي إذا تالا سمعت كلامي وخلتو يعني الطريق بقى فاضي بالنسبة لي..... رامي قال ليهم السهرة دي اتحولت لي  محطمين القلوب على الهواء انا ماشي... وماجد برضوا مشي... وخلو أمير ولؤي مع بعض..... أمير حكي ليهو القصة كلها..... لؤي قال ليهو اكيد في سبب ورا تصرفها دا... أمير قال ليهو ما في اي سبب حتى أنها ما ورتني تفسير.واحد للعملتوا دا قالت عني كزانوفا ومشت... لؤي قال ليهو حسب معرفتي في الثقافة العامة انو كزانوفا بتعني أكبر زير نساء في العصور الوسطى.🙂.... أمير قال ليهو على كل هي بت مغرورة ما عارف كيف أعجبت بيها ما بتستاهل نهائيا.... لؤي وهو محتار تالا ما كدا انا بعرفها اكيد عندها سبب عميق خلاها تعمل كدا.....

من جهتي.... في اليوم التاني قمت عشان استعد للجامعة وانا بتجهز قلتا  يوم جديد في جامعة راقية.... مع ناس عقولهم في أقدامهم... محترفين في الخطط الإجرامية.. مع شخص من عالم آخر  هههة  ....هل اليوم بحصل شي جديد زي كل مرة.... طلعت ولقيت امي وابوي قعدتا معهم وبقوا بسألو من دراستي وكدا.. ابوي قال لي شكلك خلاص اتعودتي على الأجواء دي ابتسمت ليهو وقلت ليهو اكيد وحتى عندي صحبتين ...
ابوي قال لي شنو رايك تخلينا نتعرف عليهم ونشوف صحباتك ديل.. أمي قالت ليهو ما اظن اجوا عشان هم غنيات.. قلتا ليها هم ما من النوع دا هم صاح مقرشين بس هم متواضعين شديد.. أمي قالت لي خلاص اعزميهم... قلتا ليها تمام انا ماشة وقفت وانا ماشة  بس حسيت بي ألم شديد لي درجة امي وابوي لاحظوا لي وقالو لي مالك قلتا ليهم ما في حاجة بس شكلها اتلوت انا ماشة اتأخرت وطلعت قبل ما يحققوا معاي... طلعت الشاش وربطتوا تاني....
من جهة كيارا اتجهزت ونزلت تحت وقعدت مع امها وهي بتشرب في الشاي الباب ضرب الخدامة فتحت الباب طلع لؤي  دخل وصبح عليهم وقال لي كيارا مالك بقيتي كسولة كدا..... قلتا ليهو الزمن بدري.. انت القايم نشيط السر شنوو ها... قال ليها عشان أخدت قرار مهم الليلة... قلتا ليهو بي رفعة حاجب انت وقرار مهم اها وريني دا شنو القرار الغبي الجديد دا... عاين لي امي وقال لي ما هسة... أم كيارا قالت في شنو احكي لي انا بي مثابة امك..
. قال ليها طبعا طبعا بس دا موضوع خاص ارح يا كيارا... طلعوا في العربية وهم ماشين قال ليها انا قررت اني أصلح علاقتنا واقيف جمبها قلتا ليهو هة انت واحد جبان مستحيل تعمل كدا وبعد كدا    .... قال ليها في السر طبعا ومافي زول بعرف.... ضربتو وقال ليهو انت عارف لو زول قال لي كدا كنت ضربتوا كف واخليهو اتربي... عليك اللة ما تدخلني في مشاكلك لاني تعبت من أفكارك السخيفة دي.. ملاك لي هسة زعلانة مني بي سببك... قال لي ملاك بتنسي سرعة واكيد هي سامحتك وكأنو ما حصل بينكم حاجة... وصلوا الجامعة وكيارا شافتني دخلت وجرت على.....
جهتي.... من دخلت الجامعة كيارا نادت لي وسلمت على سلمتا عليها عادي قالت لي بقيتي كيف شايفاك كويسة قلتا ليها أمم بقيت احسن.. قالت لي وإصابة راسك كانت خطيرة... قلتا ليها بقت ما بتوجعني ... سكتت مسافة وقالت لي انتي لسة زعلانة مني... قلتا ليها لأ هو انا بقدر ازعل منك. قالت لي وهي فرحانة اتصلنا ليك كتير بس ما رديتي كنت قايلاك ما بتعايني في وشي تاني... قلتا ليها وضعي ما كان بسمح لي اني ارد طوالي حضنتي.... لؤي قال لينا مشهد مؤثر... إذا أنا برضوا سامحتيني صاح قبلت عليهو وقلت ليهو طبعا مسك يديني  وقال لي آسف بجد..
... في اللحظة دي آسر دخل وشافنا واقفين مع بعض اتجاهلنا ومشى.... انا من لمحتو سحبت يديني وقلتا لي لؤي ما اشوفنا زول.... مسكت كيارا وبقينا ماشين  كيارا كانت متوترة تسألني  من الحصل ولا لا في النهاية فضولها ما خلاها وقالت لي كيف قضيتي اليومين دي مع آسر.....
قلتا ليها كنت منظراك تسأليني بس... انتي عارفة آسر دا ما زي آسر البنعرفوا هنا مختلف تمام... لؤي كان ماشي و انا  وسمعنا قال لينا آسر تاني... كيارا قالت ليهو دا كلام بنات انت الدخلك شنو... لؤي لمح أمير مشي وخلانا.... كيارا قالت لي اها احكي لي ياخ قلتا ليها انت عارفة مشينا عملنا المشروع في بيتو اول مرة اشوفوا ببتسم انا كنت قايلاهو حصلت ليهو تشنجات في عضلة الفم  هههههه... كيارا ضربتني في كتفي.. قلتا ليها ااااي ياخ نسيتي انو بوجعني... قالت لي حسيت بي الغيرة لي ما بحمعني معاهو موقف....
حصلنا القاعة  ووقفت وقلتا في نفس نسيت انو انا قاعدة جمبوا بس كيف تاني اتعامل معاهو معالم وشي اتغيرت كيارا قالت لي مالك رجلك وجعتك ولاشنو  قلتا ليها اي وجعتني ما كان في زول في القاعة وقفنا جمب الباب  وبقيت سرحانة  كيف أتعامل معاهو كيارا لكزتني. قالت لي متأكدة انك كويسة قلتا ليها اي اي... ما عدت دقايق والطلاب بدوا اكتروا  وبعاينوا لي بي نظرة حقد دفينة كيف وانا أمس الملك الغامض آسر بزات نفسو ساعدني... كيارا انتبهت لي تالا وهي ماشة وظاهر عليها  مكتئبة مشت من دون ما تلاحظ لينا... كيارا قالت لي مالا تالا ما شافتنا ولا شنو كنت سرحانة وما رديت ليها نادت لي تالا.. طوالي قبلت علينا وجات و هي راسمة ابتسامه مزيفة وسلمت على كيارا  وقالت لي كيفك يا ملاك وأصابتك  كيف كنت شاردة لكزتني كيارا  وقالت لي ملاك بتكلمو معاك... طلعت من شرودي وقلتا في شنو تالا قالت لي شاردة وين سألتك من وضعك.. قلتا ليها تمام واللة صحي شنو رايكم الليلة تزوروني في البيت امي وابوي قالوا دايرين اتعرفوا عليكم  تالا قالت لي فكرة حلوة لاني محتاجة اتكلم معاكم خلينا نبيت عديل كدا... رايك  شنو يا كيارا قالت ما عندي مشكله..... المهم دخلنا وقعدنا والبنات ديل اتكلموا ساي في بت قالت لي عملتي شنو انت أمس مسك يدك وساعدك المشهد الرومانسي دا ما اتطور... ابتسمت ليها بي ثقة وقلتا ليها لو وريتك الموضوع ما بعجبك 🙂....
هيام ضربت الطاولة وقالت لي عملتي  شنو انت يا بتعت الدرامات.. قلتا ليها مافي حاجة من ألفي بالك تمام وبعدين لو كنت مهتمة لي آسر كان تحزري صحبك من العملوا ...... سهى قالت لي لو كنا عارفين انو كدا بحصل كان رمينا مؤيد من السلم لأنو هو السبب .... سبأ قالت لي حاليا انت بقيتي تعرفي بيتو  صاح... ورينا ليهو قلتا ليهم في أحلامكم امشوا اتبعوهو وبتصلوا لي عندوا... لاكن انا ما بوريكم.. ولا امشي وقولي ليهو انت خلي اوصف ليك ...
قال لي كدا بنعلن الحرب عليك قلتا ليهم على جثتي لو ريتكم موتوا بس 😘كانو بعاينو لي بي نظرات كرة وانتقام ... آسر جا داخل وقعد نزل راسوا في الطاولة.... عاينت بي اتجاهو وقلت في نفسي ما دايرة أقع في المشاكل.... بس  ما بقدر اتخلى عنو بعد معرفتي بالحقيقة تصرفي بكون قاسي وما لائق لأنو ما قصر معاي  حاولت اتكلم معاهو بس ما قدرت كنت تحت تأثير الصدمة....
 مؤيد جا داخل القاعة وقعد مكانو بي هدؤ... هيام قالت ليهو رفعو شكوا ضدك ولا لأ بس هو كان شارد... مجد لاحظ ليهو وعرف انو لسة موضوع آسر مؤثر عليهو... قال لي هيام ما تشتغلي بيهو كتير هو لسة تحت تأثير الصدمة شكلو الضرب كان قاسي... هيام قالت ليهو فعلا آسر شكلو قوي... وبعدين انا ما فاهمة لي ساعد الحقيرة القروية دي قبلت على بي غضب وقالت لي هي انتي يعني انتي خاتة انو حياتك رخيصة لي الدرجة دي ادا الملك ساعدك وحالفك الحظ مرة دا ما معناهو بحالفك  كل مرة... قلتا ليها بي ابتسامه مستفزة كل مرة تعملوا خطة عشان تطلعوني من هنا.... كل ما انا بصر اكتر اني اقعد هنا عشان احرق قلوبكم دي بس... الدكتور جا داخل العاقب ناس هيام وطلب منهم البحوث ادوها ليهو.. كنت قايلة أنهم بتعاقبوا بس نجوا منها الكريهين بي واسطات....
 ...
قعدنا في بينشات ابتسمتا بي مكر كدا وقلت لي كيارا شوفي الصور الصورتها.. قالت لي بي فرح اكيد صورتي آسر صاح قلتا ليها شوفيهم تالا جات جمبها وبقوا اعاينو في الصور... وانا كاتمة الضحكة قالت لي ما تقولي اتصورتي  في كل البيت وكأنو بيتك عشان تغيظيني ضحكت فيها لما اتكيفت كيارا وهي بتصرخ فيني  يا خاينة ما عارفة انو دا حبيبي تعملي كدا ما عارفاني بغار... تالا قالت لينا خلاص ما تبدوا كدا اتعادلتوا..... كيارا وهي بتعاين لي بي غضب وغيرة... قلتا ليها دي نتيجة غلطك عشان وريتي لؤي.... المهم قلتا ليهم ماشة وجاية كنت محتاجة اني افكر بي هدؤ شديد مشيت على السطوح  لقيت آسر هناك.... آسر حسة بي خطوات جاية من السلم أتلفت لقاني دي انا قال مستحيل ادخل بعد الشافتو  ....
عاينت ليهو واقف  كنت عايزة ارجع بس فكرت بين نفسي واخدت قرار قلتا ليهو وانا إلتفت عشان ارجع... ابوي مرة قال لي انو الإنسان الكويس دايما بتظهر في أفعالوا وانت كذالك بدليل انك ساعدتني كم مرة وانا ما بنسي المعروف يا آسر وما انسانة ممكن اقطع علاقتي بي الناس بي مجرد حاجة ما مستاهلة ... اتلفت عليهو ومشيت ناحيتو ٠...
آسر استغرب مني استخدم قوتو واختفي... قلتا ليهو مشيت وين... قال لي بي نبرة هادية انتي ما صدقتي أمس الشوفتيهو. المفترض كل ما تشوفيني تهربي... قبلتا عليهو وقلتا ليهو ما تعمل كدا ياخ خوفتني... اسوارتو وخاتموا بقى لونهم بنفسجي وهو مستغرب من تصرفي ضرب الحيطة بي قوة وقال لي بي صوت حاد انت بتهظري معاي ولاشنو بعد كل شي عرفتيهو لسة هنا ما خايفة لي حياتك... قلتا ليهو اخاف لي وانت ما بتعمل لي حاجة... قال لي ما تكوني واثقة.لاني قادر اعرف انك خايفة لي درجة انك ما قادرة تقيفي .. .. المرة الجاية ما القاك حوليني فاهمة.....
طلعت بي سرعة وانا خاتة يدي في قلبي من الخوف قلتا هسة في داعي لي حركاتو دي كنت هادية نوعا ما بس لي  بحاول اخوفوني بي الطريقة دي؟؟...

من جهة.... كيارا وتالا مشوا الكفتريا تالا قالت لي كيارا ملاك بت قوية وما بستهان بيها شوفيها كيف قدرت تسيطر على الملك هههة وكيف قدرت تتصور في بيتو عشان تغيظك..... كيارا قالت ليها لو ما ادخلتي كنت على وشك اني اضربها حاسة بي غضب وغيرة كبيرة منها... من الأفضل اني أصدق العملتوا دا والا ما بعرف اعمل شنو لو سيطرت على غيرتي..... تالا كانت شاردة في أمير الكان قاعد في الكفتريا... كيارا قالت ليها مالك حالتك دي ما عجباني... قالت ليها مافي شي بس كل الموضوع اني خربت علاقتي مع أمير... كيارا قالت ليها انتي قايلة الموضوع لعب أطفال ولاشنو... ما اتكلمت وختت رأسها في الطاولة فجأة رفعت رأيها لما حست انو في زول واقف لقتو دا أمير... قال ليها ممكن نتكلم ... قالت ليهو ما في شي نتكلم فيهو اتفاجأت لما مسكها من يدها وطلع بيها من الكفتريا....
البنات بدوا اتكلموا واتهامسوا في بت قالت البنات ديل ما هينات وخطيرات عاملين لي الاولاد ديل سحر ولاشنو....  في بت تانية قالت على الأقل كيارا وتالا حلوات وغنيات وراقيات ما بستغرب لو الاولاد جروا وراهم... بس القروية  الفقيرة  المثيرة للشفقة دي لي آسر مهتمي بيها....
وبت تالتة قالت ما مهتم يا بنات مساعدتو ليها ما بثبت حاجة شكلوا ما بحب الظلم نهائيا......
من جهة تالا زحيت يدي منو وقلتا ليهو مالك ياخ ... قال لي لأنو انا داير منك تبرير على القلتي أمس.. قلتا ليهو لي مهتمي كدا... قال لي ايوة مهتمي وشديد كمان يعني زعلتي عشان كلام ربا.. قلتا ليهو فالنفترض انو عشان كلامها بغير شنو يعني... قال لي بغير كتير لأنو انا متأكد انو في سبب خلاك تقولي عني كدا وبالمناسبة ربا صحبتي اكتر من أربعة سنة معقولة هسة انت ما عندك أصحاب.. قلتا ليهو  عندي بس ما بي القدر الكبير دا مثلا النادلات كلهم صحباتك وامكن اكتر....... ضرب الحيطة بي يدو وهو معصب قال لي لو كان عندك مخ بي نسبة واحد في المية كان عرفتي انو المطعم دا حقنا حق عايلتنا.... ولو كان عندك مخ بي نسبة عشرة في المية كان عرفتي اني بشتغل هناك.... ولو عندك مخ بي نسبة مية في المية كان عرفتي انو انا ما عندي علاقة مع البنات وما عندي ليهم حاجة غيرك طبعا بس خيبتي  ظني فيك انت ما بتستاهلي ومش خلاني..... دموعي نزلو مسحتهم وقلتا كدا اتخلصت منو الحقير لي أبكي... مشيت القاعة وقعدت ماجد جاني وقال لي سمعت انو في مشكلة بينكم انتي كويسة... قلتا ليهو كويسة شديد لاني وقفتوا في حدو شكرا ليك يا ماجد لأنك حزرتني منو قال لي ولو دا واجبي......
......
من جهتي دخلنا المحاضرة كنت بس مركزة آسر اما هو شكلو محتار فيني كيف قاعدة عادي من دون أي خوف بعد تهديدوا لي..... خلصنا من المحاضرة طلعتا وانا ماشة لاقاني لؤي  وقال لي بتقدري تمشي اوصلك قلتا ليهو لا شكرا بقدر امشي... جو ناس تالا وقالو لي ارح... لؤي قال ليهم  ماشين وين كيارا قالت ليهو ماشين لي ملاك بيتها عازمانا الليلة.... لؤي قال لي المفترض تعزميتي انا لأنو انا الأولى منهم.... قلتا ليهو بي برود بعد ابوي شحد ابوك بقى بخجل من ملاقاتك ليهو ولا اي زول من أفراد بيتكم عشان كدا اعزرنا 🙄.... قال لي مش قلنا اتصافينا في شنو تاني.... قلتا ليهو كونوا سامحتك ما معناها نسيت كلامك في فرق كبير..... أمير جا ماشي اتجاوزنا وطلع لحقوا لؤي... أما نحن طلعنا على بيتنا الكان بسيط بس حلو بي لمة اهلو وناسو وحنيتو💝... أمي فتحت لينا الباب وسلمت على كيارا وتالا دخلتهم غرفتي وقعدنا طلعت ليهم ملابس واسعة ومريحة ... تالا قالت لي كل ملابس كدا  قلتا ليها انا ما بحب الملابس الضيقة دي ما بحس بي الراحة... أمي نادتني قلتا ليهم ارح معاي مشينا المطبخ.... طلعت امي وقلتا ليها ترتاح شوية... قبلتا لي  كيارا وتالا قلتا ليهم حصل مرة جربتو انكم تطبخوا... تالا قالت لي ما حصل الخدامة بتعمل كل شي... كيارا قالت امي هي البتعملوا وما بدخل المطبخ اساسا... قلتا ليهم طيب خليهم مستعدين عشان اعلمكم اول درس في فنون الطبخ.... عملنا الغدا مع بعض ومعاهم كم صنف استمتعنا كتير ونحن بنعمل مع بعض مرة نضحك ومرة نتشاكل وقربوا أحرقوا البيت كويس الكنت معاهم 🤣...  
خلصنا كدا ابوي جا من الشغل فرح لما لقى صحباتي معاي سلم عليهم وقعدنا نتغدا مع بعض وسط ضحكنا وحكاوينا..... خلصنا ودخلنا غرفتي هم قعدوا في السرير وانا في الكرسي  كيارا قالت لي قلتي شنو لما سألوك ناس البيت كنتي وين يوم الجمعة غطيتي كيف يوم الحادث اكيد استخدمتينا نحن كعزر... تالا قالت لي اي ورينا عشان نعرف نطلع منها لو يوم زنقونا 🤣.... قلتا ليهم ما استخدمتكم كعزر... كنت عايزة اعملها بس آسر اتصرف.. وضرب لي امي وابوي وقال ليهم انو في محاضرات عملية لازم نحضرها بي درجات خاصة في الطب بتكون مهمة لينا .. المهم اقتنعوا لما قلد صوت الدكتور 🤣🤣...
تالا قالت لي بالجد عمل كدا محظوظة انتي والملك طلع زكي خلاص ... كيارا كانت ساكتة بس... قلتا لها اكيد المخلوقات الفضائية أكثر زكاء مننا... تالا قالت لي شنو... قلتا ليها هههة دا واحد من القابو ما تركزي كتير 🤦‍♀️...
تالا هزت لي رأسها وقبلنا بي اتجاه كيارا الكانت ساكتة  تالا قالت  ليها ما تكوني حسيتي بالغيرة .... قالت لينا بي انزعاج ما قادرة افهم تصرفات آسر  دي شنو  لسة مصدومة وما قادرة اتحمل انو هو وداك المستشفى ومشى بيك بيتو عشان المشروع... وكمان كزب عشان اتستر عليكي خايفة انو اكون وسكتت.... مشيت قعدت جمبها وقلتا  ليها اطمني يا كيارا ما في شي من البتقوليهو دا صاح هو بي زات نفسو قال انو عمل كدا عشان شفقان على اكيد ما بحبني احسبيها بالعقل... ابتسمت وقالت لي مدام كدا ارتحت نفسيا من التفكير.... حاليا بقينا متفرغين نسمع مشاكل تالا العاطفية 🤣...
تالا بدت تحكي لينا عن أمير من يوم وصلها البيت للحصل الليلة... قلتا ليها ما عارفة لاكن يا تالا حاسة انك اتسرعتي في الموضوع دا انت ما سألتي عن كل شي المفروض تكون في شفافية بينكم وهو كان صريح معاك .... كيارا قالت ليها صراحة كنتو حلوين مع بعض الخلاك تشكي شنو انو هو بلعب بيك... قالت لينا كنت قايلاهو زول صادق وكويس ومختلف خاصة بعد ساعد ملاك اليوم داك بس ماجد جا وحكي لي عنو انو هو بستغلني وكلام كتير وقال لي احزر منو.... قلتا ليها ما عارفة لاكن حاسة انو ما كان تصدقي ماجد دا..... كيارا قالت لي بس هو صاحب أمير مصلحتو شنو اكزب عليهو... كويس يا تالا انك اتخلصتي منو اكيد بجيك الأحسن منو ... وانت يا ملاك اسفة جدا لاني وريت لؤي حاسة بيك بتتوتري لما تكونوا سوا... قلتا ليها ما يهمك كتير اصلا لو ما انت وريتهو عمروا ما كان عرف ودا جانب كويس على الأقل بقيت مرتاحة اكتر... صاح انو في حاجات كتيرة اتغيرت بس لسة في حاجات ثابتة.....
المهم عدينا الليل كلو ونسة وضحك نمنا متأخرين... صحينا متأخرين شديد قمنا اتجهزنا ونحن عين مفتحة وعين مغمضة شربنا الشاي .... تالا قالت لي امي اتشرفنا بيكم واللة امي قالت ليها ما قصرتو لما جيتونا فرحنا بيكم... ابوي قال ليهم اهتموا بي ملاك دي... كيارا وتالا مسكو يديني وقالوا ليهو لو ما وريتنا نحن مع بعض. طلعنا  وانا بفكر قلتا الليلة بحاول اعتزر من آسر مع انو اكيد بتجاهلني... أنا متأكدة هو فكر انو انا خفت منو وبقي بتعامل معاي بي قسوة وبرود عشان اخليني اخاف وابعد منو بس انا ما بخليهو عشان عرفتا حقيقتو  هو ساعدني وما قصر وانا كمان بعمل نفس الشي ....
كيارا لكزتني  وقالت لي رجعتي شردتي تاني... تالا قالت لي امك وابوك عثل بس وبدخلوا القلب طوالي.... كيارا قالت لي انتي بتشبهي امك قلتا ليها صحي هههة اما انا شايفة العكس..... المهم اتونسنا لما دخلنا الجامعة لؤي انضم لينا وبقينا ماشين ناس كيارا سبقوني قلتا ليهو مالك   قال لي ماشي مع صحبتي عندك مشكلة قلتا ليهو ابدا دخلتا القاعة وقعدت... آسر كان قاعد قبلت عليهو ورسمت ابتسامة وقلت ليهو  آسر كيفك تمام  مزاجك ما اتحسن شوية.. اتجاهلني ختيت يدي في كتفوا وقلتا ليهو آسر بتكلم معاك معقولة انت نايم وعيونك فاتحات  .... آسر عاين لي وهو مزهول ومتعجب مني بس اتصنع الغضب... وقال لي زحي يدك وإياك تتجرئي وتلمسيني تاني قلتا ليو تمام اهدي . وبقيت بتكلم وبتكلم وارغي ساي  معاهو... بس هو اتجاهلني و كان مستغرب في الزولة القاعدة جمبوا دي معقولة هي انسانة عادية لأ دي اكيد انسانة نادرة 💖

...........

ما أجمل ان تكون نسخة وحيدة لا تشبه أحد .
كل شيء فيك مختلف ومميز وله ثقل ..
ندرتك في الجمال الذي تتحلى به روحك وتتغنى به مبادئك .. روعتك في هيبة كيانك التي تجمل ذاتك ، فأن تثبت وجودك شيء عادي ، لكن أن تترك علامة مضيئة ومميزة في حياة الآخرين ، فذلك شيء استثنائي بل مدهش للغاية ..🥀🥀🖤

•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《13》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لما لقيت روحي بتكلم ساي قلتا ليهو آسر ياخ ما تتجاهلني والا بتسمع صوتي طول اليوم ما اشتغل بي.... المحاضرة انتهت وطوالي طلع ومشي السطوح وقال كل ما افكر في ملاك  اقول انو هي بتعمل كدا عشان تشفق عليهو ما اكتر..... من طلع آسر طوالي لحقتو لقيتو واقف في السطوح بي مجرد ما دخلت بي إشارة من اصبعوا الباب اتقفل بي قوة اتوترت شديد وبلعت ريقي وانا مترقبة البحصل شنو... لاحظت لي اسوارتو وخاتموا بقى لونهم بتغير بين الأزرق والنيلي مرة مزعوج مني ومرة مصدوم مني... في النهاية قال بي انزعاج انتي مصرة  في البتعملي فيهو دا... قلتا ليهو قلتا ليهو مصرة... قال لي انتي قعدة تورتريني مخططة لي شنو.... قربت عليهو وقلتا ليهو ما مخططة لي حاجة كل الموضوع انو انا ما عايزة اخسر صحبي الفضائي.... من قلت كدا عيونو واسوارتو حمروا وقالي بي نبرة بتخوف انتي كدا قعد تسخري فيني وبتستفزيني صاح.... قلتا ليهو بي زهج انت لي بتفسر تصرفاتي كلها على نحو خاطئ.. إذا انزعجت من الكلمة ديك خلاص حزفتها انا ما عايزة اخسر صحبي..... ابتسم ابتسامة جانبية خفيفة وقال لي دا اسموا غباء .... قلتا ليهو حتى لو ما قلت لي الناس انت منو قصدي الكلمة الماديرها 🤣. أدى روحك فرصة مع البشر لي بتحاول تبعد الناس منك....... آسر قال لي انت ما عارفة انا شنو ومن وين.... افهمي انا ما داير اصادق زول... انتي البتفسري كلامي على نحو خاطئ....
قلتا ليهو بي نبرة هادية انت لو ما معتبرني صحبتك فأنا معتبراك كدا وانا ما بقدر اشوفك منعزل كدا عن الناس.. وكمان ما بعمل روحي ما بعرفك  لمجرد حاجة بالنسبة لي ما مقياس... وخلي كلامي دا حلقة في اضانك انا ما بتخل عن صداقتك حتى لو انت طلبت مني كدا ههههه مدام انت خاتي حلق لصقوا فيها تمام..... ما عارفة كيف قدرت اقول الكلام حاسة انو جاتني قوة كبيرة وكل التوتر والخوف الكنت حاسة بيهو راح.... قلتا ليهو كدا ومشيت خليتهو......
آسر بعد مشت رفع راسوا في السماء ونزلو وفتح عيونو بي قوة وقال هه اخت كلامها حلقة في اضاني  هي ما بتخاف التهديد.....
وانا نازلة من السلم اتزكرت انو الدكتورة ادتنا مهلة والليلة آخر يوم للتسليم.... جريت فوق حصلت السطوح بس مالقيتوا..... هة ياداب الرسبت... هو ذاتو لو ما انا اصريت عليهو ما بعملو خلي هسة... خلاص يا ملاك اعتبري روحك ربيت...
في الكفتريا كنا قاعدين انا وتالا بس كيارا كانت مع لؤي بعيدين  مننا....
كيارا قالت لي لؤي اها عملت شنو لؤي قال ليها في شنو .... قالت ليهو. ما حابي تعترف انو انتو بتعرفوا بعض وكدا ممكن عادي تعلن ليهم انو انت بتحبها وتنتهي من الموضوع...  قال ليها لأ انا ما غيرت رائي... قالت ليهو بي خيبة انت واحد جبان اتوقعت شنو يعني منك... وجات قعدت معانا... بعد فترة لؤي جا قعد في طاولاتنا.... قلتا ليهو بي استغراب لؤي مالك الليلة جنيت.... قال لي حتى انا مستغرب من نفسي جاتني الشجاعة فجأة كدا... كيارا قالت ليهو جاتك حبة شجاعة والا كنت عملت أعظم خطوة في حياتك.... قال ليها ممكن يا كيارا تعيرينا سكوتك .. قبل على وقال لي لسة البنات بضايقوكي بي سببي... قلتا ليهو تعرض جسدي لأ بس بيتعرضوا لي بالكلام والمطاعنات... كيارا قالت ليهو وهي بتعاين لي بالذات بعد الحصل مع آسر وهي... قال لي فهمتي لي شنو انا ما قعد ادخل عشان ما تتأذي اكتر انا بحاول أحميك..... ما رديت عليهو لاني كنت شايلة هم نزلت راسي في الطاولة وقلت بي إحباط موضوعي انتهى الليلة موعد التسليم.... تالا قالت لي غريب ما مشيتي بيتو عشان تعملوا مع بعض ما عملتوا يعني....
انا طوالي اتزكرت نظراتوا البتخوف.. قلتا ليها انتي قايلاهو بي اللطافة دي اكيد ما عملنا... تالا قالت لي كان تأجري ليك زول اعملوا ليك... هة كانو عندي مخزن حق قروش لما أأجر... لؤي قال لي لو وريتيني كنت ساعدتك ما كان في داعي تمشي مع الحقير الاسمو آسر دا... كيارا ضربتوا طوالي سكت.....
في القاعة كنت مجهزة روحي لعلامة صفر وكل البنات اضحكوا فيني واتمسخروا على... كنت بعاين ليهم وهم عاملين المشاريع  وما أحلاها... ختيت يديني في وشي وبراقبهم بس من دون حيلة.....
هيام قالت لي وهي بتسخر مني اووو كشفوا كشفوا  الفقيرة بقت براها من دون مشروع ومن دون زول ههههة قعدة اشفق عليك لو بقدر أغير المجموعات عشانك ممكن أوري الدكتورة تديك ١٠ساي حق القعدة وبقت تضحك هي وشلتها بقيت بحمر ليها بس الكريهة دي.... كيارا ربتت على ظهري وقالت لي ما مشكلة ما نهاية العالم اصلا من البداية ما كان عندك فرصة.... الدكتورة جات وبدت تشوف المجموعات  ولاحظت لي غياب آسر وانا قاعدة من غير اي شي قالت لي بي حزم  انت ملاك صاح وين المشروع .. ما رديت عليها كيارا قالت ليها ما ممكن تمهليها يومين بس... الدكتورة قالت لا واعتبرني ووحك ربيت  يا ملاك.....
بس فجأة آسر جا داخل القاعة ومعاهو الهيكل العظمي جاهز ومتكامل  من شوفتوا رسمت ابتسامة كبيرة... أما هو فقدموا للدكتورة.. الدكتورة اتفحصت الهيكل و قالت لينا دا ما شغل طلاب اكيد عملوا زول محترف لأنو كل شي واضح من دون أي خطأ...بعد طلعت من حالة الصدمة مشيت جمب آسر وقلتا ليها عملناهو نحن يا دكتورة...
آسر قال ليها ويعني شنو لوكان كان شغلنا ممتاز بتشكي في قدراتي دايرة تعرفي عملناهو كيف لانو ما بعجبك... قالت لينا مدام كدا كويس بس انتو ما عملتو سوا صاح... قلتا ليها عملنا سوا حتى انو اخد مننا يوم كامل من التعب والتركيب...
المهم عدا اليوم وما خزلني فيهو آسر زي كل مرة ونحن ماشين انا ولؤي مع بعض علاقتنا بدت ترجع شوية شوية لما قربنا لي البيت قال لي ممكن نقعد هنا شوية قعدنا مسك يدي وقال لي انا عارف انو انا غلطة كتير وعارف اني كنت جبان في بعض المواقف بس برضوا بعد كدا انت بتحبيني صاح..... ضربتوا وقلتا ليهو فهمنا ياخ لي كل مرة بتقولي كدا... قال لي اسكتي خليني أتم كلامي انتي عارفة يا ملاك انا كنت بحبك من زمن كنا أطفال كنتي اول حب واخر حب بالنسبة لي وما حبيت غيرك ابدا.... قلتا ليهو وانا مرتبكة انت حاليا داير تنتقم مني عشان مشيت مع آسر صاح  كيف بتقدر تهظر في حاجة زي دي... ضغط على يدي وقال لي انا فعلا بحبك وانا صادق في كل كلمة قلتها ليك... دموعي نزلوا قلتا ليهو لي انت كدا واحد حقير انتظرتك  السنوات دي كلها بالرغم من انو  ما عندي امل اصلا انك  في يوم تفكر فيني..... قال لي أمكن انا حبيتك قبل ما انتي تحبيني وانتظرتك كتير بس كنت مفتكرك معتبراني مجرد صديق عشان كدا دفنت مشاعري واخترت انو نكون مجرد أصدقاء... بس هسة ما فات شي يا ملاك   بجد انا  بحبك وبعترف ليك بس في شي لازم تعمليهو انت عشان نقدر نواصل من دون ما تتعرضي لي إهانة .... قلتا ليهو بي توتر شنو... قال لي انك تتغيري شوية.... بعد كل الفرحة الدخلت قلبي لأنو الزول الحبيتو اعترف لي الليلة واحلامي الوردية الرسمتها كلها اتبددت وحلت مكانها خيبة أمل أكبر... كنت مفتكرة انو هو لسة بحب ملاك البت البسيطة بالرغم من كل بساطتها و حبها وحنيتها وطيبتا بس دي هي بتمثل روحها  وزاتها وبتختلف عن غيرها.... بس طلعت غلطانة هو زيو وزي اي زول غنيان داير ليهو بت تكون على مستوى عالمي عشان اتفاخر بيها قدام كل الناس وقدام اصحابوا.....
قلتا ليهو بي برود مع السلامة.. قال لي عارف انو اعترافي جا متأخر بس انا منتظر جوابك.... دخلت البيت وانا طول اليوم بفكر حتى اني ما اكلت حاجة ورقدت في السرير وقلتا هة اتوقعت منو شنو يعني مستحيل ارجع لؤي الزمان البسيط... هة بقى غنيان وبهتم للمظاهر... على كل شكلي اخطئت في الحكم عليهو أو حبو لي ما كافي.... اه على كل الموضوع بقى ما فارق معاي كتير بس شي غريب اني بقيت ما بتأثر أو اتألم بي سببوا...... قبلت على الجهة التانية وانا بفكر في طريقة عشان اثبت لي آسر صدق نواياي اتجاهو وما شفقة مني... بس هو عنيد وبارد وأهم شي عندو خاصية التجاهل اكيد ما بقتنع بي سهولة نمت وانا بفكر فيهو....
... في الصباح لؤي مشا مع كيارا الجامعة وهو فرحان ومبتسم وبصفر... كيارا قالت ليهو الليلة فرحان حصل شنو... قال ليها انتي احزري  ...  وهي بتفكر رسمت ابتسامة وقالت ليهو ما تقول لي ألفي راسي ملاك عملتها..... بقت تنطط
عملتها مبروك ياخ واخير.... لؤي قال ليها حاسي بالراحة بعد وريتها انتي ما علرفة انو انا كنت محتفظ بالكلام دا من زمان شديد... قالت ليهو احكي لي حكي ليها وقالت ليهو مالا طيب ما وافقت... قال ليها بكون اتصدمت بس مدام بتحبني كل شي بمشي تمام... وصلوا الجامعة وكيارا دايرة تنزل لؤي قال ليها ثواني انشغلت بي كلامنا ونسيت أسألك تالا مالها مع أمير.. قالت ليهو صحبك التافه كيف اخدع تالا واقول بحبها وهو بحب زولة تانية حقير خلاص....
لؤي قال ليها جادة امير الواحد دا  متأكدة انت..... لو شفت أمير مع بت وافقين ساي ما بصدق هي قالت ليك كدا... قالت ليهو ايوة لأنو ماجد هو القال ليها كدا وحزرها منو... نزلوا من العربية وهم ماشين قال ليها الكلام دا ما صاح انا بأكد ليك انو أمير دا ما من النوع دا... كيارا قالت ليهو يعني ماجد كان بكزب... لؤي قال ليها ما عارف السبب شنو بس انتي ما توري تالا لما نتحقق من الموضوع.... تالا وصلت وجات سلمت ليهم ومشت هي وكيارا... كيارا قالت ليها انتي متأكدة انو ماجد هو الوراك بي حقيقة أمير... قالت ليها ما تعكري لي صباحي بي اسمو.... كيارا قالت ليها يعني انتي واثقة من ماجد... قالت ليها الموضوع ما ثقة البهمني انو هو صاحب أمير اكيد ما بكزب....
. كيارا قالت اوو ملاك  وصلتي وكمان طلعتي الشاش تالا قالت لي وكمان شكلك اتعافيتي تماما.... قلتا ليهم بي توتر اي بقيت احسن... كيارا قالت لي غريب مش المفروض اكون في علامة لو كنتي غنيانة وعملتي عملية تجميل  ممكن بس كيف زحت وما في ليها أثر... قلتا ليها ناس المستشفى عندهم مرهم شكلوا فعال وظابط.....
ناس هيام سمعونا... قالت ليهم كيف اختفت الإصابة من دون أي أثر... سهى قالت ليها أمكن عملية تجميل... مجد قال ليها كأنو و عندها قروش لما تعمل كدا .... أمكن الضربة ما كانت بي السوء دا.... مؤيد وهو لسة في حالة صدمة وقاعد بس وساكت... هيام قالت لي مجد بي براحة مؤيد مالو... قال ليها ما عارف... مؤيد قال ليهم مش مشت مع الملك معقولة اكون مصاص دماء... لانو دا التفسير الوحيد لشفاء  الإصابة واختفاء ها كليا....هيام وسهي وسبأ عاينو لي بعض وفكوا الضحكة.... . مجد قال ليهو مش قلنا تاني ما تتكلم كلامك الفارغ دا... هيام قالت ليهو الليلة اتأكدت انو الضرب الضربو ليك آسر أثر على عقلك.... سبأ وهي بتحاول تكتم الضحكة انت مصدق روحك بتقول في شنو الملك مصاص دماء... احسن انك تسكت لي فترة.....
قعدتا وقبلت لي آسر وقلتا ليهو صباح الخير اتجاهلني... قلتا ليهو  بفضلك الإصابة ما خلت لي أثر شكرا ليك... قال لي بي برود ما عملت شي  دا المعقم.... قلتا ليهو عارفة انو عندك القدرة انو تشفي الإصابات فما في داعي تتظاهر بي الشي دا.... طوالي قام وطلع من القاعة.... كيارا قبلت على وقالت لي مالو طلع  قلتي ليهو شنو ... قلتا ليها ما بعرفوا.. هو رافض قدراته... وكرهان روحو انو هو مخلوق من كوكب آخر... وما قادر اتأقلم مع البشر ... معقولة الاتوصلتا ليهو صاح.... الدكتور جا خاشي وانا طبعا اعجبكم اشيل وارغي في النهاية آسر قال لي الدكتور انو انا قعدة اتكلم ووقعني🤦‍♀️ ..... الدكتور شكلوا صعب قال لي يا طالبة قعدة تتكلمي أثناء شرحي... وشايفة البنات مبسوطات لأنو شكلي بنطرد بلعت ريقي وقلتا لي الدكتور ما كدا يا دكتور بس انا عندي عادة اتابع مع الدكتور بي صوت عالي.... قال لي ايوا تمام بس حاولي تخففي منها لأنو بتزعجي الطلبة المعاك.... هزيت ليهو راسي وقبلت على آسر وقلتا ليهو لي عملت كدا فضائي كريه 🙂...
عاين لي بي نظرة غضب وعيونوا حمروا لي درجة كسر القلم من دون ما يلمسوا... وقال لي مش حزرتك من الكلمة دي قدامي... قلتا ليهو بي غيظ  بقولها وتاني بقولها بتغير الحقيقة يعني... قال لي قفلي خشمك دا.... حمرت ليهو ما كنت دايرة الشجار احتدم  اكتر واجلتوا لي زمن تاني.....
بعد خلصنا المحاضرتين و طلعنا..... آسر مشي السطوح كالعادة وانا طلعت وراهو  بيفصلنا بس مترين ... قال لي بي انزعاج انت مالك ياخ ما قادرة تستوعبي كلامي... انا مضطر اعيد كلامي مية مرة في اليوم انا ما داير اشوفك واضحة.... قلتا ليهو لي شنو يعني عشان عرفتا حقيقتك.... اهااا عرفتا لي ما عندك أصحاب وناس مقربين منك لأنك بتبعدهم عنك.. يعني انت مبسوط كونوا تغفل روحك وتعزلها...... ابتسم ابتسامة مستفزة وقال لي ما تتكلمي على أساس انك بتعرفي كل شي عني ما تخليني أغضب زيادة.... عاينت ليهو بي حدة وقالتا ليهو ماشي تعمل لي شنو يعني بتتحول لي وحش وبتقتلني.....
في اللحظة ديك لؤي كان بفتش عني دخل القاعة ولقي كيارا وسألها مني بس قالت ليهو ماعارفة أمكن في السطوح لأنها بقت بتحب تمشي هناك....قال ليها كيف تقدر  تقعد في المكان الحبسوها فيها طيب انا ماشي ليها......
من جهتي آسر اختفي في لمح البصر وبقي واقف قدامي وما بتفصلنا غير سنتيمترات رجعني لي ورا ومسك يدي ولوها  قال لي بي برود احساسك شنو حاليا وانت جمبك كائن فضائي اكيد احساس مقرف صاح... وحاجة غريبة وما مألوفة.... ما تحاولي تقنعي روحك انك ما خايفة مني..... قلتا ليهو وانا مثبتة نظري  اي ما خايفة منك في البداية كنت خايفة بعترف انو كنت مصدومة..... قال لي وقفي تظاهر  متأكد انو انت ما بتقدري تتعايشي مع مخلوق فضائي ما عارفة شكلوا الحقيقي ممكن اتغير لي مخلوق بشع في أي لحظة.... قلتا ليهو ما بهمني.... هه القول أسهل من الفعل بقى بقرب مني خطوة خطوة وقلص المسافة لما انحصرت في الحيطة... . .. قلتا ليهو بي ثقة مدام الزول القدامى دا زول كويس  وطيب وقلبو نقي ما بهتم لي شكلو لأنو الشكل ما كل شي.. بقي قريب مني شديد......
في اللحظة دي لؤي شافنا وافقين مع بعض بي الوضعية دي فكانت مشاعرو جايطة بين الغضب امشي اضرب آسر واكسر عضاموا... وبين الحزن على انو حبيتو واقفة مع زول وقريب منها كل القرب دا... بس مشاعر الندم كانت مسيطرة عليهو لأنو هو الاتسبب بي بعده عنها  وخزلها اكتر من مرة.. ورجع مكانو وهو قلبوا محطم💔.....
من جهتي آسر كان قريب مني شديد ما عرفتا اتصرف كيف اتلبشت شديد... وانا قلبي بضرب شديد وقلتا ليهو اقتنعت اني مامن النوع البتخلي عن زول بس عشان شكلوا ما مهم الشكل المهم الجوهرة وأشارت ليهو على قلبوا 💖الموجودة هنا بالتحديد .... ممكن ما اسمع الكلام داك تاني منك .....
آسر عاين لي  أسوارتو وخاتموا  المرة دي حتى عيونو بقى لونهم وردي💝.... بقيت بعاين في عيونوا ....اداركت الموقف لأنو كان قريب شديد وزحيت من جنبوا ... في اللحظة دي ممكن نقول انو كلام ملاك كان بالنسبة ليهو كافي جدا لي صدق نواياها  هي بالجد مختلفة  ومن هنا بدي حب آسر ليها لأنو دقات قلبوا وعيونوا كان أكبر دليل بالنسبة ليهو واختفى من المكان في لمح البصر ....
قعدت في الأرض وقلت لي روحي عملتي شنو انت يا ملاك كيف تسمحي ليهو أقرب منك كدا  انتي وحدة حقيرة وتافه نسيتي صحبتك.... دموعي جروا المفترض ما يحصل كدا انا عملتا غلطة كبيرة لا تغتفر... بس انا عملت كدا لأنو ما في طريقة تانية لو كنت اتراجعت مستحيل تاني اثبت ليهو انو ما بهمني هو منو ... وجاي من وين.. وحتى شكلوا شنو... بس دا ما مبرر  اااخ عملتا شنو انا.... ثواني هو اختفي لي عشان أمكن حسة اني وحدة رخيصة قروية فقيرة ااااااخ بس غبية يا ملاك غبية انتي.....

"حتي ولو بدء حب يولد من جديد فإن للقدر مشيئة وخفايا لا نعلمها... أو حتى عقبات يصعب تجاهلها.. يمكن أن تؤدي الي كسر القلوب والخواطر... نشاهد ونتفاجأ بحصولها  ولاندري ما المكتوب في طي  صفحاتها...."
قمت فوق وانا محتقرة نفسي وقلبي دا بس بضرب قدر ما حاولت ابرر فعلتي ما قدرت... نزلت تحت وعلى القاعة لقيت كيارا قعدت جمبها قالت لي ملاك مالك لي وشك دا متغير كدا... قلتا ليها ما في حاجة... قالت لي اختفيتي وين المدة دي كلها  لؤي من جبيل كان بفتش فيك... نططت عيوني وقلتا ليها شنو.. لي بفتش فيني... قالت لي ما عارفة لاكن وريتو انك بتكوني في السطوح...
وشي جاب ألوان وحسيت بي قبضة قوية قلتا معقولة معقولة اكون لؤي شافنا مع بعض لا لا... قلتا ليها ما شوفتو....
في بت من القاعة اسمها رنا جات على وضربت الطاولة رفعت ليها حاجبي بي انزعاج وقلتا ليها دايرة شنو... قالت لي شايفاك بقيتي تجري ورا الملك دايرة منو شنو ما كفاك عملتك حقت يوم الخميس دايرة تشوفي الجنة قريب...... هيام سمعتنا وقالت لي صحي الكلام دا....... قلتا ليهم لي برود  ويعني شنو لو شوفتيني دايرة تعملي شنو... ... كيارا اتلفتت على بي ضيق وقالت لي لحقتيهو لي شنو... هيام قالت لي مية مرة قال ليك ابعدي عنوا.... عاينت ليهم وقلتا ليهم اصلا هو ما شغال بيكم انتو ساي حارقين قلوبكم وعاملين ليكم موضوع. ... وبعدين لحقتوا عشان اشكروا وما لقيتوا عشان كدا اتخارجوا من هنا قبل ما اعصب عليكم .... هيام قالت بالجد ههه على الأقل نحن بنقدر نخلي أعجب بينا.... قلتا ليهم بي استهتار اعملوها وبقدم استقالتي من الجامعة دي هههة... رنا ضربت الطاولة بي غضب وقالت لي كويس بعرف انظمك كيف... ومشوا... كيارا قالت لي بي حزن لي قلتي  كدا ياخ اكتشفتي عندو حبيبة ولاشنو... قلتا ليها ما عندو ولا حاجة انا بس قلتا كدا عشان اغيظهم.....
آسر ما حضر باقي المحاضرات وكان مختفي تماما.... كيارا قالت لي مالو آسر بكون عيان ولاشنو... قلتا ليها وانا متوترة ما عارفاهو.... قلتا في نفسي لي عملتا كدا هسة اقول عني شنو....
. ونحن ماشين لاقينا لؤي ماشي وشارد وشكلو ما تمام لأنو الصباح كان فرحان بس هسة كأنو مهموم... كيارا وقفتوا وقالت ليهو لؤي مالك زي الما كويس في شنو..... ابتسم ابتسامة باردة وقال لينا مافي حاجة بس الليلة كان يوم صعب وحاسي بالإرهاق والتعب.... وعاين لي الكان ظاهر اني متوترة .... قلتا ليهو الصباح كنت بتفتش فيني كنت داير تقول شنو... عاين لي وابتسم لي وقال نتكلم بكرة تمام..... قلتا معقولة شافنا بس ما اظن لو شافنا كان أتدخل ولا اتكلم معاي..... أي زول مشي على بيتو.. حصلت البيت وانا بفكر قعدتا طول اليوم وحاسة بتأنيب الضمير... دخلت غرفتي واترميت في السرير وانا بتزكر تفاصيل اليوم دا بدقة.....
من جهة لؤي دخل غرفتو وكسر الحاجات كلها وجاتو حالة هستيرية.. قعد في السرير بي ضعف وقال لي ما ادخلتا وزحيتوا منها الحقير التافة... و ملاك لي ما اتصرفت و ضربتو أو أي شي... . معقولة اكونو بحبوا بعض لالا احتمال مستبعد خالص ما بتربطهم علاقة مع بعض... بس انا حاليا بقطع وعد لي روحي اني ما بتخلي عنها وبحافظ عليها... من الليلة انا ما بكون الشاب الضعيف لا انا ما بخليها نهائيا لاني انا الغلطة ولازم أصلح غلطي.....
.........
في اليوم التاني آسر برضوا ما جا.... سبأ قالت كلو بي سبب الحقير دي... قلتا ليهم ولي بي سببي.... هيام قالت لي عشان غيرك ماف زول بنزعجوا  .....

في الكفتريا لؤي وأمير قاعدين مع بعض لؤي  بلعب بي كوب القهوة و شارد بعيد... أمير شال منو الكوباية وقال ليهو الليلة دورك ولاشنو مالك محبط كدا... لؤي قال ليهو ولا شي أمس  شفت لي كابوس وبقي لاصق في مخي.... هه معقولة كابوس عمل فيك كدا... قال ليهو بي شرود بتعمل شنو لو زولة بتحبها بتحب زول تاني وكانت قريبة منو اكتر منك ..... قال ليهو بي صدمة ملاك عملت كدا... قال ليهو بي توتر لا ياخ انا ما بتكلم عن القروية الفقيرة هي ما بتعني  لي شي  دا مجرد كابوس.... أمير قال ليهو ما تحاول تغشني وتضللني... شايفك في الفترة الأخيرة بتنظر ليها نظرة حب... مستغرب منك كيف تحب ليك بت انت زليتها بي نفسك  بعد قالت إنها بتعرفك.... لؤي قال ليهو ما ممكن نوقف الحب لو ضرب باب قلبك....أمير قال ليهو مدام دا كابوس وما حصل حاول تشوف النقص وين وعالجوا وقدم فرصة تانية وحاول اتمسك بيها  .....
.....
صراحة ما عارفة الخلاني اقيف جمب باب بيتو شنو هل هو عيان ولا في سبب تاني لي إختفاءه على الأقل اطمن عليهو وقفت مسافة بس اواجهو كيف بعد يوم أمس لا لازم اشوفوا ضربت الباب بس ما فتح... في النهاية اتراجعت قبلت و  اتفاجأت لما لقيت عمو حسن قدامي وشكلو اتفأجا من جيتي قال لي اهلا بيك يا انسة جيتي تشوفي آسر؟؟... قلتا ليهو اهلين يا عمو هو ليهو يومين مختفي قلتا أسأل منو..... قال لي تصرفاتو كانت عادية ومرق قبل شوية.... بس انت كيف جيتي هنا تاني... قصدي يعني بعد العرفتي..
رسمت ابتسامة وقلتا ليهو لي ما اجي تاني.... صاح انو قبل كدا شكيت فيهو وخيت احتمال انو هو ما بشرى لأنو شوفتو عمل حاجات خارجة عن المألوف قبل كدا..... عمو قال لي اكيد حاول اتجاهلك وبقي اهددك🙂🤣...... قلتا ليهو اكيد عمل كدا شي معروف هو دايما كدا مع الناس.....
قال لي حتى الآن مافي زول عارف عنو حاجة لما ابعدوا عنو وفي الواقع ما اضطر ابعد زول لأنو أنت تاني زول اعرف بي حقيقتو.... قلتا ليهو مدام كدا هو زول حريص جدا طيب مدام انا التانية الأول منو؟؟؟.
قال لي بعد مدة كانت بت وهي السبب في انو اعتزل البشر ... في أول عام ليهو آسر كان مختلف عن آسر دا... بالرغم من انو ما كان مؤمن بالحب بس كان شاب مرح وظريف وعندو أصحاب .... وفي وحدة استحوذت على قلبو وعقلو وكيانو.. بالرغم من انو البنات حولو كانو معجبات بيهو الا انو اختارها هي وفكر انو هي بتبادلوا نفس الشعور... بس بعد معرفتها بي حقيقتو اتغير كل شي... وبقي ما بتكلم مع زول.... قلتا ليهو طيب عملت شنو لما حالتوا تكون كدا وبارد و  مكترث لي حاجة.... ابتسم وقال لي من الأفضل انك تسمعي باقي الحكاية منو... وتساعديهو.... قلتا ليهو طبعا....
قال لي وهو شايل شنطتوا إذا لقيتيهو في مكان قولي ليهو انو انا مسافر برة الخرطوم وبجي بعد اسبوع كدا مع السلامة.... قلتا ليهو مع السلامة.... وانا ماشة في الشارع بقيت  أتلفت أمكن المحوا لأنو بيتو بعد تلاتة شوارع من بيتنا لقيتو في الشارع التاني... رافع راسو وماشي ... كنت وراهو بحيث ما كان شايفني عايذة اناديهو  بس ظهر زول من العدم... طوالي ادسيت ورا الشجرة واتصنت عليهم.....
كان الراجل المخيف القوى البنية دا مدير مدرسة الحب الرجل الصارم البهابو الجميع... لأنو صارم وكل الناس برجفوا لما اشوفوهو..... عندو أكبر قوي في كل أنحاء المملكة... ظهر الليلة عشان اعاقب آسر لأنو بقى ما بأدي مهامو.... والأهم من كدا ما لقى حبو لسة...
المدير بكل غضب ظاهرة في نبرة صوتو... انت بتتحد قوانين المدرسه يا آسر..... آسر بي برود لأ.... المدير انا عاملتك معاملة خاصة وصبرت عليك عشان ابوك اتوفى بس طفح الكيل... انت قاعد تفقد مدرستنا مصداقيتها في المساواة بين الناس... وانا لازم اتخذ الإجراءات.... آسر قال ليهو بي برود واستهتار عايذ تعمل شنو ترجعني الكوكب داك. ... المدير بغضب دي آخر فرصة ليك وجيت شخصيا عشان انبهك.... آسر وهو غضبان لي درجة عيونو حمروا  انت عارف انو قوانين مدرستك تافهة وما عادلة... كيف أقع في الحب وانا ما مؤمن بيهو..... المدير قال ليهو جنيت كيف ترفع صوتك على..... آسر بي غضب انا ما مجبور اني انفذ قوانينك ومافي زول بجبرني عليها ولاحتى انت... امشي قول الكلام دا لي طلابك الشاطرين والمطيعين خليهم اسمعوا كلامك وخليني انا في حالي.... لأني ما قادر اتحمل شوفتك.....
 المدير ابتسم السامة غاضبة وقال ليهو شكلك ما نصيح الليلة.. الخلاك تعلن تمردك شنو ... أمك ما بتفرح لما تسمع بيك.... آسر وخلاص علامات الغضب ظهرت عليهو وجرت في كل جسموا وما قدر اسيطر عليها.... رفع المدير فوق ونزلوا في الأرض... بعد المدير قام... آسر حاول اعمل نفس الشي بس المدير نفض روحو من التراب... وقبل ما آسر اقوم بي حركة تانية لقى روحو مثبت في الأرض بي نظرة واحدة من عين المدير.... آسر قاومو ومشى عايز اضربوا بس المدير طعنوا بي حقنة في قلبوا .... "وكانت الحقنة بتحمل مخدر و فيروس ممرض من كوكبهم وما أن تلمس جسم الشخص حتى يبدأ افقد وعيوا وحالته تدهور كليا"...
المدير قال ليهو بي صوت هادي  دي عقوبت الزول البتهجم على المدير... بالرغم من انك خرقت كل القوانين بس ماكنت عايز ألجأ لي الأسلوب دا بس انت اجبرتني... ووقعو... ما قدرت اقيف اكتر من كدا وما اتحمل منظروا طوالي جريت عليهو.. وصرخت في المدير وقلتا ليهو عملت شنو انت... آسر كان بعاين لي بس ما قادر اتكلم..... قال لي وانت منو كمان.... قلتا ليهو كيف قدرت تعمل كدا لو مات هسة.... ابتسم بس واختفى بلمح البصر وخلاني في الشارع مع آسر الكان عبارة عن جثة هامدة.....

 #ثم ماذا  
نحن لا نتغيّر، مشاعرنا تبقى ثابتة ..
ما يتغيّر مع الوقت هو طاقة التحمل لدينا..
القدرة على المحاولة .. على الاستمرار .. على الكلام  .. وحتى على الصمت، وهكذا تدور العلاقات الانسانية  وتتبدّل.. لتهدَأ و تجد مكان استقرارها  فتتوقف حيث وجدت فيه الأمان..🥀🥀
•••••••••••••••••••••••••••••••••••••••••••••••••••••••••••

#فقيرة~في~عالم~الاغنياء《14》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عاينت بي اتجاه آسر المرمى في الأرض بقيت بحاول اصحي  فيهو.. بس ما كان برد.. بس بتنفس الحمد للة  اعمل شنو هسة... امشي بيهو وين بيتو مغفول وانا ما بعرف المفتاح وين... هسة في داعي عمو حسن اسافر الليلة... اعمل شنو... امشي بيهو بيت ناس كيارا... لا لا اكيد ما بسلم من كلامها اعمل شنو هسة... عاينت ليهو وهو مرمى وقلتا أفضل خيار امشي بيهو بيتنا... مع انو دي مجازفة خطيرة مني بس ما بقدر اخليهو كدا... حاولت اني اصحيهو صحي بس كان مخدر قلتا ليهو آسر ساعدني خليني  اتكلك قوم معاي... بعد جهد كبير حتى وصلتا بيتنا اترددت قبل ادخل بس اتوكلت وضربت الباب ... أمي فتحت الباب ومعالم الصدمة في وشها  قلتا ليها امي ساعديني كانت بتعاين لي بس.... بعد طلعت من الصدمة قالت لي دا منو دا والحصل شنو... قلتا ليها خلينا ندخلوا جوا وبحكي ليك اي شي... دخلناهو جوا في غرفتي... وطلعنا امي قعدتني وقالت لي ملاك دا شنو والحاصل شنو ودا منو الولد دا فهميني حاجة... قلتا ليها يا أمي دا آسر القبل كدا حكيت ليك عنو الليلة جيت راجعة  من الجامعة وانا ماشة في الشارع لاقوني ناس حاولو انهم اسرقوني واتهجموا على بس آسر حصلني واشتبك معاهم وأثناء ما بشتبكوا  ضربوهو في راسو  وجروا خلوهو....مرمى  وانا ما عرفتا اعمل شنو غير اجيبوا هنا ما عرفتا اتصرف كيف و أودى وين وما قدرت اخليهو وهو بي الحالة دي.... وبعد ساعدني عشان كدا جيت بيهو هنا
..... الليلة ولي اول مرة اكزب على أمي في حاجة عاينت ليها عشان اشوفها اقتنعت لقيتها جات على وضمتني وبقت تهبش في وشي وتقول لي انتي كويسة ما ضربوك ولا حاجة وتشيل وتحضني.... قلتا ليها انا كويسة يا أمي بس ما زعلتي مني عشان جبتوا هنا... قالت لي مدام هو ساعدك انت كدا رديت ليهو الجميل بي مساعدتك ليهو... . وشكلوا ود ناس لأنو ساعدك وما قصر معاك وفي الزمن دا ما اي زول بساعد زول هسة حمد للة على سلامتك وسلامتو... ارح نمشي نشوفوا هو كيف مشينا ولقيناهو محموم شديد وفي بقع حمرا في جسموا... أمي قالت لي امشي جيبي قطعة وبليها بي موية باردة... عملتا القالتو لي وبقت تعمل ليهو كل مرة.... كنت شايلة هم ابوي لو عرف وانا بفكر كدا الباب ضرب... خليتها مع آسر ومشيت فتحت الباب طلع ابوي... قعد في الصالة اديتو موية وقال لي امك وين قلتا ليهو ثواني وبي تجيك بس يا ابوي في حاجة انا  ما وريتك ليها قال لي قولي قلتا ليهو انت عارفني يا ابوي وواثق فيني  صاح قال لي اكيد قلتا ليهو انا عملت حاجة وما عارفة هي صاح ولا غلط... استعدل وقال لي شنو يا بتي... قلتا ليهو يا ابوي الحصل انو لما جيت راجعة من الجامعة...... الخ وهسة هو جوة وامي معاهو.... مشا على غرفتي ولقا آسر راقد وامي بتعمل ليهو في المكمدات نادا امي وقعدنا كلنا...  حتى ابوي بعد مسافة قال لي يا ملاك ما عارف اقول ليك شنو انت بتي وانا ما عندي شك وواثق شديد انك ما بتعملي حاجة غلط.... وعارف لو ما الموضوع خطير ما كان جبتيهو البيت بس دا ما بيعني انو تصرفك صاح ايوا هو ساعدك وما قصر بس.... أمي قاطعتوا وقالت ليهو يا عمر الولد ساعدها لو كانو قتلوها أو عملوا ليها حاجة... المفروض نشكر الولد دا لأنو ما قصر واللة وكونو خاطر بي حياتو ما شي هين صاح... قلتا ليهو يا ابوي انا واللة ما عرفتا اتصرف كيف واوديهو وين لما لقيتو واقع كدا خصوصا بعد ساعدني ما قدرت امشي اخليهو
.....
المهم ابوي اقتنع  بي كلامي ما كنت عايزة اكزب عليهم بس اطريت اعمل كدا وامي تشكر  فيهو ساي.... قلتا لي امي ماشة اشوفو خليتهم بتكلموا ومشيت لقيت حرارتو لسة ما نزلت ختيت ليهو القطعة بعد بليتها بي موية باردة وكان بتكلم من دون وعي وبقول مثاق مثاق... طول اليوم وهو بقول الاسم دا.... لما امي سألتني منها بس قلتا ليها ما بعرف شي امي طلعت وانا بقيت قاعدة آسر فتح عيونو براحة وقال لي مثاق ... قلتا ليهو آسر صحيت واخيرا انت كيف قال لي مثاق انتي هنا بس كيف مفترض تكوني ميتة ... قلتا شكلو بهلوس انا ما مثاق يا آسر.... تاني فقد وعيوا  ... طلعت برة وقعدت في الصالة وقلتا مثاق شكلو دي حببيبتو والا ما كان بهلوس بيها اليوم كلو.... ابقى كدا السؤال هو عملت شنو... اكيد عملت حاجة كبيرة  خلتو كدا.... بعدها فتشت تلفوني وبحثت عن الامراض البتصيب الفضائين بس ما لقيت حاجة .... المهم بليل ما جاني نوم قلت احسن اقري مشيت اشيل  شيتاتي.... وانا بطلع فيهم سمعتا صوتو بقول لي انا وين..... وحاول اقوم بس كان صعب عليهو .... مشيت عليهو ولمست  راسو قلتا ليهو لسة انت محموم... عرفتني انا منو..... قال لي دي انتي المزعجة... رفعت يدي وقلتا ليهو ديل كم... قال لي خلي العوارة وقولي لي انا بعمل هنا شنو.... قلتا ليهو شكلك بقيت احسن.. انت في بيتي.... قال كيف جيت هنا.. قلتا ليهو انا الجبتك معاي وحتى ناس بيتنا عارفين انك هنا قال لي شنووو ما متزكر حاجة... قلتا ليهو  تتزكر الراجل الضربك انا كنت هناك بي الصدفة... قال لي يعني سمعتينا قلتا ليهو ايوة قال لي ولي ساعدتيني... قلتا ليهو كيف يعني اخليك مرمى كدا في الشارع وامشي... قال لي وانت الوداك شنو... قلتا ليهو ليك يومين مختفي عشان كدا مريت بي بيتك اشوفك....اختفيت كدا لي  في صمت حل في المكان.... قال لي على كل شكرا وحاول اقوم بس جسموا تحت تأثير المخدر...وما قدر اقوم  قال بي انزعاج  في داعي استخدم مخدر قوي كدا. .... قلتا ليهو يعني دا مخدر عشان كدا وقعت على طول طيب اذا كان بس مجرد مخدر لي حرارتك ارتفعت وفي بقع حمرا في جسمك.... قال بي انزعاج ما بصدق انو عمل فيني كدا....  قلتا ليهو خطير يعني امشي المستشفى.... قال لي لا هو ما خطير زي الحساسية كدا قلتا ليهو ايواا تمام.... انت حاول ارتاح وانا طالعة......
طلعت بعد شلتا شيتاتي قريت لما حسيت روحي نعست  حتى نمت.....
في الصباح قمت متأخرة امي قومتني بس كنت نعسانة شديد وما قدرت اقوم قلتا ليها خليني شوية بس وبقوم .....

من جهة لؤي ماشين هو كيارا مع بعض بي رجلينهم... كيارا قالت ليهو شكلك ما عاجبني ما داير توريني مالك... لؤي كان ساكت وما قدر اقول ليها حاجة... كيارا قالت ليهو بتكلم معاك ياخ اتشاكلتو انت وملاك... ولا رفضتك ولا في شنو قال ليها ما في حاجة ما اتكلمت معاي لاكن انا واثق من أنها بتتغير عشاني... كيارا قالت ليهو أمكن قعد تفكر في طريقة تتخلص منك وتتجاهلك عشان ما تجرحك... لؤي عاين ليها بي حدة... قالت ليهو بهظر معاك هي بتحبك لي درجة ما شايفة غيرك..... كلام كيارا خلي لؤي ارتاح شوية .. قال ليها انتي لسة ما حاولتي مع آسر  عارفك بتحبيهو بس بي طريقتك دي شكلك بتخسريهو ومشى خلاها وهي بتفكر وعقلها ملخبط.....

ومن جهة.... أمير مشي لي قاعة لؤي لقي تالا قاعدة مشي قعد جمب ماجد الكان خجلان من صحبوا وضميرو مأنبوا... أما تالا بتعاين ليهم مرة مرة مع انهم ما كانو بتكلموا مع بعض بالرغم من انو بحبوا بعض بس الفجوة كانت كبيرة بينهم  

......

من جهتي... قمت متأخرة شديد عشان ساهرت بليل لقيت امي عملت الشاي وابوي برضوا كان قاعد مشيت اتسوكت وجيت قعدت كدا بس آسر طلع..... حسيت بيهو انحرج بس ابوي ناداهو ورحب بيهو وأشكر فيهو ساي.... طبعا هو ما عارف حاجة طوالي قلتا ليهو شكرا يا آسر أمس ما قصرت مع الحرامية ضربتهم  ضرب في البداية ما فهمني  بقول في شنو بس تاني شكلوا فهمني وبقي اقول لي ناس ابوي لا لا دا الواجب..... المهم اندمجوا في الونسة.... أول مرة أشوف آسر ببتسم وبتكلم بي هدؤ وزوق وبتونس عديل كدا.. لو قالوا لي دا آسر بحلف بقول ليهم غيروا.... المهم ابوي شكروا وعزموا تاني ودعنا وقال اتأخر وطلع مشي وهو متكيف منو... بعدها امي مشت المطبخ... طوالي قبل على وقال لي بي حدة دا شنو دا القلتي ليهم معقولة انتي... قلتا ليهو هسة ما كنا كويسين مالك قلبت وش  وبعدين اقول ليهم شنو مثلا... سكتنا شوية كدا وقال لي اهلك ظريفين شديد وابوك انسان فاهم شديد وامك حنينة شديد ظاهر في كلامها... قلتا ليهو اصلا امي مافي زيها انت عارف هي طيبة شديد وأمس كانت طول اليوم جمبك وبتتفقد حالتك... لما قلت كدا اسوارتو وخاتموا بقى لونهم اسود شكلوا  اتزكر امو طوالي سكتا وغيرت الموضوع... .. و جاتني فكرة عظيمة ابتسمت ابتسامة خبيثة و قلتا ليهو بما انو نحن قاعدين وما في أي مفر من انك تهرب لازم تجاوب على كل أسئلتي .... قال لي انا ما مضطر اني اجاوب... قلتا ليهو رجاءا يا آسر

السؤال الأول انت من وين.... قال لي بي استهتار  المفروض تكوني عرفتي اني ما من كوكب الأرض... قلتا ليهو لا العرفتو ما كافي صحي انت من كوكب إيكادولي وبتساعد الناس انهم اعترفوا لي بعض... قال لي بي استغراب عرفتي كيف ما بتزكر اني قلتا ليك حاجة... قلتا ليهو قبل فترة سمعتا خرافة بشأن مخلوقات كوكب ايكادولي وقدراتهم ومهما حاولت اني اقنع روحي انو دي خرافة.... ولا أساس لها من الصحة انت بتجي وتثبت لي صحة الخرافة بي تصرفاتك... قال لي وشكلو بفكر ما اظن عملت حاجة بتخليك تشكي هل دا تغير اسوارتي وخاتمي وأحيانا عيوني؟؟..
قلتا ليهو دا واحد من الأسباب بس عملت حاجات كتيرة خلتني أشك فيك زي انت  الركبت شيتاتي... وفتحت لي الباب حق السطوح... وحتى لما رميت الفار من الشباك بي إشارة من اصبعك.... ايوا وشي تاني الدكتورة الاختفت من قدامي كلمح البصر.... قال لي بي استغراب يعني كنتي بتراقبيتي. .... قلتا ليهو شفتها بي الصدفة لما رجعت اتكلم معاك.... وقلتا اراقبك لاني الفضول ما خلاني... قال لي دا بفسر شوفتي ليك في كل مكان امش عليهو....
قلتا ليهو عندي أسئلة كتيرة محتارة اسألك من ياتا.... اتنهد بي قوة وقال هسة في داعي اخدرني مضطر اسمع ثرثرتك دي ..... قلتا ليهو دي أسئلة ما ثرثرة و بعدين سمعتك انكم بتختفوا... وبتشفوا الإصابات....وانكم أقوياء طيب انتو بتنفثوا النار من خشومكم🙂..... عاين لي بي استغراب واسوارتو وخاتموا بقي لونهم بنفسجي وقال لي نحن تنانين.. .🤣.. من وين جاتك الفكرة دي... قلتا ليهو عملت بحث قبل كدا عنكم.... قال لي بي سخرية مواقع التواصل دي سخيفة خلاص... وما تسألني تاني عن انو نحن بناكل السحالي أو نشرب  الدم لأنو دي اسخف حاجة بتتقال عننا..... قلتا ليهو بي غباء يعني انتو ما بتعملوا كداا..... قال لي ما بصدق انك كنتي هتسأليني عن الحاجات دي... قلتا ليهو لو ما سألتك اعرف كيف انو هو ما صح.... ... طيب لو افترضنا انو انت في مصنع كبير للعربات وقدامك قطع كتيرة بتقدر انو تركبها.... قال لي بي برود طبعا بقدر.... قلتا ليهو حلووو... طيب بتقدر تتنفس تحت الموية... وبتقدر تطير🙂..... قال لي بي انزعاج عقلي اتخدر دا برضوا قريتي عننا.... قلتا ليهو اي.... اتنهد وقال لي نحن ما بنعمل كدا قوانا محدودة.... ما بنطلع حجار من يدينا.... وما بنتنفس تحت الموية... و أجسادنا ما بتتغير... وما بنخدع البنات عشان نصطادهم ونمشي بيهم كوكبنا.... تقريبا جاوبت على كل اسألتك.... عاينت ليهو بي إعجاب وقلتا ليهو ممكن تجمعوا اتنين بحبوا بعضهم  قال لي... طبعا... قلتا ليهو طيب ممكن بي قدرتكم تخلو شخص احب شخص تاني..... قال لي ممكن بس ما بنلجأ لي الطريقة دي الا اذا فقدنا الأمل من الطرف التاني...... دايراني اجربها في لؤي...... قلتا ليهو ما يحتاج اعترف لي قبل يومين.... لون عيونو اتغير للأزرق لاحظت ليهو وتقريبا بقيت عارفة انو الأزرق يعني الانزعاج يعني انزعج من كلامي ..... قلتا ليهو انزعجت عشان اعرف لي؟؟... قال لي وظاهر عليهو اتوتر بس اتصنع البرود وقال لي لأ انزعجت عشان المهمة ضاعت مني ودي ما الإجابة الاتوقعتها..... قلتا ليهو نظام كنت بتنفذ مهامك.... ابتسم ابتسامة جانبية وقال لي مش دي الإجابة الكنتي دايرة تسمعيها... ولا دايرة  تسمعي رد تاني.... قلتا ليهو خلينا نرجع للأسئلة... قال لي لسة ما خلصنا نحن... قلتا ليهو آخر سؤال.... قال لي اها اتكلمي.. قلتا ليهو احم احم انتو زي كل البشر يعني تركيبتكم زي كل البشر.... اسوارتو وخاتموا وعيونوا بقى بتلونوا بي ألوان مختلفة قال لي انتي انسانة فريدة وغريبة... قلتا ليهو نعم ولا لأ.... قال لي بي برود نعم.... قلتا ليهو تمام كدا عرفتا كل حاجة وكدا بقت مافي بيناتنا أسرار وحتى لو عرفت حاجة جديدة ما بتصدم منها.... بقينا أصحاب.... قال لي واصاحبك لي... قلتا ليهو لأنو... لانو بفكر فيها بعدين..... أمي جات وكانت عاملة لي آسر نشا سخنة واصرت عليهو انو اشربها وبقي بتونس معاها كأنو قبل كدا بعرفها واندمجوا في الونسة وانا بس كنت بعاين ليهم بي ابتسامة.....

من جهة في الجامعة كل الناس بتسأل عن آسر وسبب غيابوا لي ثلاثة أيام لأنو ما حصلت قبل كدا هيام قالت الملك ليهو ثلاثة أيام ما جا الجامعة حاصل ليهو شنو..... سبأ قالت ليها فعلا حتى انا لاحظت ليهو أمكن عيان ومافي زول بعرف بيتو غير القروية.... هيام قالت ليها القروية زاتها مختفية الليلة وما جات.... مؤيد قال ليهم الجامعة احسن من دونهم.... سهى قالت ليهو بي انزعاج مشكلتك شنو انت معاهو احسن انك تسكت.....

من جهة كيارا..... قعدوا هي وتالا في الكفتريا كيارا قالت ليها انا قلقانة على ملاك لأنو ما حصل مرة اتغيبت نهائي.... تالا قالت ليها حتى انا بتصل ليها وما بترد.... كيارا قالت ليها دايما بتخليهو في الوضع الصامت اشترتوا لي.... خلي..ملاك انا برضوا قلقانة على زول تاني.... تالا قالت ليها قصدك آسر الناس كلها قلقانة عليهو.....
كيارا قالت ليها غيابهم الاتنين مجرد صدفة....
تالا قالت ليها خلي  السخافة الدخل دا في دا شنو لسة ما نسيتي اليوم داك ...... قالت ليها حاسة اني بغير منها انا ما طلب كتير بس الحظ وجودي..... تالا قالت ليها كل الاولاد معجبين بيك وبي إشارة منك بتجمهروا حوليك خليك من آسر دا.... قالت ليها الفايدة شنو إذا البتحبيهو ما معبرك دا اسمو حظ الجميلات العاتر......
لؤي كان قاعد في الكفتريا مع أصحابو ولاحظ لي انو ملاك ماف.... مشي على ناس كيارا... وقال ليهم ملاك وين... تالا قالت ليهو ما واضح انها ما جات الليلة..... قال ليها مالها عيانة ولا الحاصل ليها شنو..... كيارا قالت ليهو اتصلت ليها بس تلفونها ما بترد... لؤي شال الرقم ... كيارا قالت ليهو المرة دي برضوا.... قال ليها ما تخافي ما شلتو منك......

 من جهتي.... امي أصرت على آسر انو اقعد افطر حتى امشي عشان تشكروا ونادتني وقالت لي امشي اجيب حاجات ناقصة من السوبر ماركت القريب دا احتجيت بس قالت لي لازم تمشي تجيبيهم اطريت امشي لبست عبايتي وشلتا القروش بعد ورتني الحاجات الدايراها وطلعت ......

من جهة كان اليوم في الجامعة ممل وبالذات مع ناس كيارا كانو فاقدني وحتى الطلاب الكانو وشلة ناس هيام اشتاقوا لي مضايقتهم لي وكان يوم ممل شديد
...... كيارا اتصلت لي وقالت لي ما رديتي على تلفونك خفنا عليك انتي كويسة... قلتا ليها نسيت تلفوني في الوضع الصامت.... قالت لي لي ما جيتي... قلتا ليها لأنو لأنو الصباح حسيت بي روحي عيانةوما قدرت اجي لاكن انا كويسة هسة..... قالت لي اشتقت ليك الجامعة من دونك مملة..... قلتا ليها اشتقتي لي ولا لي آسر.... قالت لي بي صدمة عرفتي كيف انو هو ما جا الليلة.... ما عرفتا اقول ليها شنو قلتا ليها هههه واضح من نبرة صوتك انك مشتاقة لي زول واحد.... قالت لي فعلا وما عارفة مالو الليلة ما جا... قلتا ليها ايوا تمام لازم اقفل مع السلامة...... تالا جات عليها وقالت ليها قدرتي تصلي لي ملاك... قالت ليها هسة كنت بتكلم معاها قالت إنها كانت عيانة....
في اللحظة دي مرا عليهم لؤي واتجاوزهم وهو ماشي بي سرعة كيارا نادتو وقالت ليهو مالك ماشي سرعة في شنو.... قال ليها بوريك بعدين ومشى ركب عربيتو واتحرك مشي البيت أو  بالأخص مشا بيتنا🙂🤦‍♀️.....

من جهة تالا كانت راجعة من الجامعة بس في عريبة وقفت لقتوا دا أمير مشت واتجاهلتوا بس مسكها من يدها ودخلها في العربية قالت ليهو جنيت انت داير تخطفني.... قال ليها ما خليتي لي خيار الا  بالطريقة دي.... قالت ليهو ماشين وين نحن قال ليها ماشين مكان نتفاهم فيهو....  قالت ليهو اقسم باللة اتصل بي الشرطة وشالت التلفون واتصلت.... بس أمير وقف العربية وشال التلفون وقفلو... قال ليها انتي لسة مصدقة اني بلعب بيك..... قالت ليهو بي برود رجعني البيت انا ما فاضية اسمع سخافتك وكزبك دا..... قال ليها بي حدة كنت داير أدى علاقتنا فرصة مدام انتي ما دايرة انا ما بجبرك... وما بطلب منك اي تفسير لي تصرفاتك دي فتح ليها الباب... بس ما نزلت وقالت ليهو نزلني محل لقيتني.... قال ليها ما بقدر اتحمل شوفتك طول المسافة اجري ليك تكسي.... نزلت وقالت ليهو اخيرا ظهرت على حقيقتك يا حقير.... قال ليها بي برود من الليلة انتي يا تالا ما موجودة في حياتي  وما معتبرك اي شي.. ومشى خلاها من دون ما أشوف وراهو.... قال ما مصدق اني دعست على مبادئ واتخليت عن كبريائي عشانا هي وحدة ما يستاهل العملتو عشانا......

 # ثم ماذا؟؟

 وان خيروك فاختر من يحسن إليك..... من يتشبس بك مهما
كلفه الأمر... من يراك الأجمل دوما.... من لا يرى غيرك كأن الأرض جردت من كل شيئ الا منك... من لا يستطيع الاستغناء عنك لأنك أثمن ما لديه.... من يقدر كل تفاصيلك الصغيرة الذي تجعلك سعيدا للحد الذي لا حد له..... من لا يجعلك تتسائل كل يوم بعديد من الأسئلة التي تقتل ما بينكما..... من يحي تلك المشاعر الدفينة بداخلك... الخائف من زيف المشاعر من يعرج بك على من أراضي الخيبة إلى سموات الطمأنينة.... أن خيروك فأحسن الاختيار 🥀🥀🖤
•••••••••••••••••••••••••••••••••••••••••••••••••••••••••••

#فقيرة~في~عالم~الاغنياء《15》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لما رجعت البيت بعد جبت الحاجات  الدايراها امي  شايفة لي عربية من بعيد وفي واحد ماشي على بيتنا... اقسم بالله لما شفتا لؤي وهو خلاص قرب للبيت جسمي هبط وما عرفتا اعمل شنو جريت عليهو وناديتو قبل اضرب الباب وقف.... وقال لي ملاك قلتا ليهو لؤي؟؟ الجابك هنا شنو... قصدي جيت لي... قال لي سألت منك وقالو لي انتي عيانة عشان كدا جيت اشوفك... قلتا ليهو اهااا (وفي نفسي قلت الليلة لو عرف انو آسر هنا ما بحصل خير اعمل شنو... اتصرف كيف واااي دي مصيبة شنو دي) لوح لي بي يدو وقال لي ملاك هي... قلتا ليهو اااا معاك  اي انا حسيت بي روحي عيانة عشان كدا ما قدرت اجي بس هسة انا كويسة وما فيني شي... بتقدر تمش... قال لي طارداني عديل كدا... قلتا ليهو ما كدا يعني انت جيت وشوفتني ياهو انا قدامك وكويسة شديد ممكن تمشي بعد كدا لأنو الزمن وكدا... قال لي اهدي يا ستي مالك وشك دا مخطوف كدا زي الخايفة من حاجة... وبعدين انا جيت اسلم عليك وعلى خالتو  سلوى وافطر معاكم مرة واحدة لأنو امك طباخة ولي زمن من طبخها.... قلتا ليهو هة فعلا بس يعني.... قال لي انتي ما دايراني ادخل لي في شنو قلتا ليهو ما كدا انا انا.. ...
قال لي اهدي يابت ومشى ضرب الباب وفتحوا ودخل .... قلتا الليلة خلاص.... دخل وانا دخلت بي وراهو وجسمي دا مهبط على الآخر بس مالقيت آسر في الصالة حمدت ربي ... قعدت لؤي ومشيت انادي امي وانا بصرخ يا أمي يا أمي دخلت ليها المطبخ قالت لي مالك بتصرخي كدا قلتا ليها لأنو لؤي جا قالت لي لؤي ولد عمك يس قلتا ليها اممم..... قبل ما تمش قلتا ليها امي آسر وين قالت لي ما عارفة ماف برة قلتا ليها لأ.... قالت لي بي استغراب  ما عارفاهو هسة كان قاعد .... وكانت ماشة تسلم على لؤي... قلتا ليها ممكن ما توري لؤي بي حادثة أمس رجاءا... عاينت لي بي استغراب وقالت  لي يعني قلتا ليها بس كدا ممكن بفهمك بعدين  قالت لي تمام..... مشت سلمت عليهو وبقوا بتونسوا وانا شاردة في آسر بكون مشي وين وهو ما بقدر اتحرك ولامكان.... المهم امي بقت تتكلم مع لؤي عن القرية وانا ساكتة بس وبسمع فيهم لأنو جيت لؤي كان في الزمن الخطأ....  كنت بس مراقبة  امي ما تتكلم بي أي شي أخص موضوع آسر .بس الموضوع الشاغل بالي آسر مشي وين و ما بقدر اتحرك كتير  لأنو فقد جزو كبير طاقتو ... المهم فطرنا وامي دي حلفت الا اقعد اتغدا معانا وهو طوالي قعد شكلو جاي لي فهم بس هو شنو؟؟.  

 .... ابوي جا بدري الليلة  ولقي لؤي قاعد واندمجوا في الونسة...خليناهم بتكلموا  وبدينا نعمل الغدا وانا  دي بس شايله هم ابوي اقول ليهو حاجة  بس ما فتحوا الموضوع..... انا و امي عملنا سفرة مرتبة وقعدنا  .... لؤي قال ليها طولتا من طبخك يا خالتو سلوى.... قلتا ليها فعلا طولت ما عملتا لينا سفرة ظابطة  بس شكلوا ضيف خاص.... أمي قالت لينا لؤي دا في زول زيو.... بعاين ليهم بس وهم ما عارفين لؤي الفرحانين بيهو دا  العملوا فيني شنو....
..... وهم بتكلموا امي قالت لي مالك يا ملاك ما بتتونسي معانا... لؤي قال ليها فعلا الليلة شاردة ما زي العادة.... عارفة انو بفتحوا موضوع الحرامية الألفتو طوالي غيرت الموضوع لي منحني تاني وبقيت افتح في مواضيع تانية

.... لؤي قال رأس السنة دي ماشين وين... قلتا ليهو بنمشي وين يعني ما قاعدين  في البيت..... لؤي قال لي خليني اسوقك ونحتفل منو تشوفي الاحتفالات وكدا... قلتا ليهو ولي امشي معاك  انت بالزات .... أمي حمرت لي طوالي سكتة.... قال لي عشان نحن حاليا مرتبطين....  🙂 وامكن قريبا مخطوبين... اتشرفت واللمة وقفت في حلقي وبقيت بعاين ليهو بي صدمة أو بالأصح كلنا بنعاين ليهو بي صدمة.... قلتا ليهو لؤي دا كلام شنو دا.... أمي قالت لي صحي الكلام دا وما وريتيني... قلتا ليها امي لؤي بهظر ما عارفاهو يعني بحب الهظار ..... ابوي قال لي يعني لؤي عرض عليك الفكرة وانتي ما وافقتي.... قلتا ليهو انا زاتي مصدومة متين يا لؤي قلتا الكلام دا... قال لي انا عرضت الفكرة بس هي رفضت  بتك  واحدة عنيدة شديد.... قلتا ليهو لؤي الموضوع دا ما المفروض اكون كدا تمام...... قال لي ما عادي انا بعتبرهم زي امي وابوي.... قلتا ليهو معناة انا اختك🙄 على كل انا شبعت وقمت..... قال لي بديتي تفكري في القلتو ليك قلتا ليهو لا وقمت غسلت ويدي....
. بعدها رتبت المكان وقلت لي امي انا داخلة غرفتي ثواني وجاية .... دخلت غرفتي وبقيت ماشة وجاية  لؤي دا جادي في حياتو هو بالبساطة دي الموضوع
.... باب الغرفة ضرب طلع لؤي قلتا ليهو دا شنو القلتو ليهم دا يا لؤي ما ممكن معاك نحن متين اتفقنا... قال لي هسة انتي مالك زعلانة كدا خلاص بهظر معاك.... بقي بعاين لي الغرفة ولمح البوم الصور حقي في الطاولة رفعوا قلتا ليهو لؤي رجعوا.... قال لي مالك خايفة اشوف صورك الفاضحة لما كنتي صغيرة.... قلتا ليهو بالمناسبة دا  البوم الصور حقنا مع لدن في القرية  قال لي تمام داير اشوفوا...  ... مشي عليهو وقلت ليهو لا ما تشوفوا اديني ليهو لأنو عارفة انو البشوفو ما بعجبوا.... قال لي مدام انتي مصرة  ياداب الشوقتيني اشوفوا.... فتحوا وما لقى  ولا صورة ليهو  والصور الكان ظاهر فيها مقصوصة..... عاين لي بي زعل وقفلوا ومداهو لي.... قلتا ليهو قلت ليك بس انت اصريت.... قال لي لي عملتي كدا.
..... قلتا ليهو لو ختيت روحك مكاني كان عملت شنو ... ما عندك الحق انك تسألني.... حول نظرو عاين بي اتجاه السرير لقى فيهو خاتم  قال لي دا مش  خاتم رجالي.... قلتا في نفسي دا حق آسر  أمكن وقع منو  وهو ما لاحظ ليهو.... أداركت الموقف و شلتو من يدو قلتا ليهو بي توتر  اي اشتريتو... انت عارف اني بحب الحاجات الرجالية.... عاين لي بي شك لأنو الخاتم  ظاهر انو غالي شديد ومستحيل اشتريهو... قالتا ليهو ارح نطلع برة ما حلوة نخليهم برة اقولو علينا شنو مشيت دايرة افتح الباب لؤي مسك يدي وقال لي مالك يا ملاك زي الجيتي دي ما عجبتك في شنو..... وكان قريب شديد مني زحيتو بي قوة وقلتا ليهو ماف شي يا لؤي حسيتو اتفاجأ من حركتي دي... بس طوالي انا طلعت وهو طلع وراي... ودع  ناس امي وابوي وقال لي مع السلامة يا... ملاكي  وغمز لي حمرتا ليهو بس وما اتكلمت.... بعد مشي امي قالت لي صحي الكلام دا قلتا ليها ما صاح كان بهظر معاكم ساي ما بتعرفي
لؤي يعني المهم حسيت بيها ما اقتنعت بس انا ما ركزت كتير.... ودخلت غرفتي وحمدت ربنا انو ما جابوا موضوع آسر  اصلا علاقتي بي لؤي  متوترة شديد وما دايرة ازيدها اكتر.....

 من جهة آسر... سمع كلامي مع لؤي في الباب.. أستجمع طاقتو اختفي انيا بس ما مشي مكان بعيد حصل بس بداية الشارع  حاول امشي وبعد تعب حتى وصل البيت دخل غرفتو و رقد والغرفة كلها مضيئة لأنو بتجيهو كوابيس بليل... غمض عيونو واتزكر ملاك وقال البت دي غريبة وما طبيعية بالرغم من أنها شافت كل حاجة اتجرئت وصرخت في  المدير وما خافت حتى ... بعترف انو حبيت اقعد اكتر في بيتهم عندها عايلة حلوة بالجد محظوظة  وامها حنينة شديد اكيد شايلة منها صفات كتيرة.... ابتسم وهو بتزكر فيها عاين لي روحو وهو ببتسم حاول انو اكون بارد واخفي الإبتسامة بس ما قدر... معقولة اكون جنيت  كأنو  هي بتعني لي حاجة لما بتزكرها كدا لاكن بي النظر في الموضوع هي انسانة كويسة ومختلفة .....

من جهتي يوم السبت بعد الضهر وانا نايمة اتصلت لي كيارا  رديت وقلتا ليها دا شنو دا الازعاج دا من الصباح ماممكن ياخ..... قالت لي هي يا النايمة صباح شنو دا الضهر ... قلتا ليها مالك ياخ بتتصلي على يوم السبت ما عندنا محاضرة وكمان في الزمن دا من الأفضل انو اكون موضوع مهم .... قالت لي عارفنك دايما بتقومي متأخرة الصباح  عشان كدا اتصلت هسة عشان اقول ليك قومي اتجهزي وتعالى في مكتبة قريبة منكم  انا وتالا منتظرنك سرررعة قومي وقفلت الخط من دون ما تفهمني حاجة
  .... قمت وريت امي وطلعت قلتا هسة اعرفها كيف وفي مليون مكتبة في المكان دا..... جاني اتصال من رقم غريب رديت.... وقال لي لقد تم أبلاغنا ان هذا الرقم قام بجريمة خطيرة.... قلتا عفوا.... قال لي هذا الرقم تسبب في تحطيم قلب أحدهم.... قلتا ليهو لؤي يعني لو غيرت صوتك ما بعرف
 دا ماشي بضحك تمام وما بتعرف تعمل مقالب... وبعدين عرفتا رقمي كيف... ايواااا....كيارا  قال لي انتي ضايعة ولاشنو.... قلتا ليهو اي ياخ ديل ناس.....
ثواني وانت عرفتا كيف... قال لي قبلي وراك... قبلت وكان لؤي متابعني طول الطريق بي العربية... قال لي طلعتي بدري الليلة... قلتا ليهو عرفت كيف اني طالعة.... ايواا كيارا هي القالت ليك.... قال لي ارح اركبي  بوصلك بس... قلتا ليهو شكرا ما تعب روحك بقدر امشي براي.... قال لي طيب ماشة ياتو مكتبة.... سكت شوية وقلتا ليهو يعني طلعتو مخططين لي كل شي صاح..... قال لي اركبي ياخ... ركبت وقال لي ما اتغديتي صاح......
قلتا ليهو اي... قال لي  بعد تفتيش حتى
لقيت لي زول ببيع ليهو سندويتشات طعمية خطيرة... قلتا ليهو انت  عملت كدا أثرت فيني الصراحة.... المهم لؤي مشا جاب لينا شندويتشات وجا ونحن بناكل في العربية قال لي اول أمس مالك كنتي متوترة وما طبيعية.... اتزكرت آسر طوالي سكتا... قال لي يعني ما دايراني اعرف خلاص سكتا.... وبقي بتكلم بس انا كنت شاردة وقلتا هسة آسر بكون كيف وقدر استعيد طاقتو....
لما لؤي حسة انو انا ما مركزة معاهو زعل وسكت وقال لي ملاك.... قلتا ليهو نعم..... قال لي أسألك سؤال لأنو انا بقيت ما بقدر افكر زي الناس وكل تفكيري مشغول بي سببو ولازم تجاوبي  عليهو ... قلتا ليهو دا شنو السؤال المهم دا ...... قال لي بي صراحة كدا انت لسة بتحبيني ولا مشاعرك اتحولت لي زول تاني...... حولت نظري وعاينت برة وقلتا ليهو ما عارفة واللة يا لؤي كنت بحبك لي درجة بعيدة بس تصرفاتك الحقيرة العملتها   لي لما دخلت الجامعة والاهانات الاتعرضت ليها بي سببك.... وبعد  اعترافك لي والأحداث الأخيرة دي بقيت مشوشة وما عارفة حاجة.... قبلني عليهو وقال لي وشكلو زعلان  بقيتي مشوشة من شنو بالضبط.... قلتا ليهو الحاجات اختلطت على بين السعادة والحزن والأستغراب.... ما كنت قايلاك بتحبني نهائي... طوال السنين الفاتو حبيتك من دون مقابل ومن دون أي شي وكنت مستعدة اكمل حياتي كدا..... رسم ابتسامة وقال لي ريحتيني بي كلامك دا طيب لي رافضة فكرة انو نكون مرتبطين.... قلتا ليهو وانا متوترة أمكن عشان اعترافك جا متأخر..... قال لي في زول اخد مكاني..... ما عرفت اقول ليهو شنو غمضت عيوني وفتحتهم وقلتا ليهو ما كدا انا برضوا عندي مشاعر اتجرجت  وكتير كمان ودايرة انتقم منك... قال لي وهو داير اتحرك ما مشكلة انا راضي بالانتقام بس ما بقبل بي الرفض.... قلتا ليهو ما تتوقع شي مني يا لؤي عشان ما تتخذل  في النهاية
......
من جهة تالا وكيارا في المكتبة... تالا قالت ليها ملاك ما اتأخرت.... كيارا بي ابتسامة مكر حاليا هي في موعد مدبر مع لؤي... تالا قالت ليها ما تقولي انتي العملتي كدا معقولة ما اتعظتي من الفات...... كيارا قالت ليها ما عملت حاجة بس لؤي كان يائس شديد ففكرت اعمل فيهو معروف.... تالا قالت ليها ومع ذالك كان تاخدي رأيها.....
جيت داخلة المكتبة وانا بعاين ليهم بي نظرات نارية وبي الزات لي كيارا.... قالت لي براحة يا ملاك وفري الكلام لما نطلع شوفي مكتوب هناك شنو... ممنوع الكلام.... . قعدنا وقلتا لي كيارا  ما كان في داعي  لي دا.... قالت لي انا ما عملت شي بس ساعدتو عشان  تطلعوا.... قلتا ليها منو الطلب منك بعدين انا ما وافقت أنو نرتبط تالا قالت لي سلمي اول قلتا ليهم كيفكم تمامين... ....

ومع ذالك تاني ما تختيني أمام الأمر الواقع يعني اتعمدتي ما تديني العنوان.... قالت لي لؤي حلفني ما اوريك ليهو وقال إنو بقت تصرفاتك غريبة في شنو.... قلتا ليها  بي توترماف شي... طلعوا شيتاتكم ارح نقري مش جينا عشان كدا .... تالا ختت رأسها في الطاولة وقالت انتي بس همك....القراية ...

 كنت  دايرة  الاقيكم عشان اوريكم الحصل لي شنو.... عاينا ليها وقلنا ليها احكي..... قالت لينا، اليوم داك أمير ركبني العربية بي الغصب   و قفتي في نص الشارع تعبت لما لقيت تاكسي..... كيارا قالت ليها لي عمل كدا....؟ انا بعرفك اكيد طول الطريق ما سكتي وبقيتي تردحي.....
قلتا ليها يعني هسة ماف امل علاقتكم ترجع... وروني الحصل شنو لما غبت يوم الخميس..... كيارا اتنهدت وقالت لي ما حصل شي الجامعة كانت هادية واليوم كان عادي.... بس انا اشتقت لي آسر ما لاقيتي نهائي.... قلتا ليها الاقي لي شنو..... المهم خلصنا قراية ولؤي كان لسة قاعد وما مشي وصلني حتى مشي...... دخلت غرفتي لقيت ماف موضوع شغلت لي موسيقى هادية كدا وقعدت في طاولتي العاملاها نظام مكتبة صغيرة..... بقيت بفكر في كل الأحداث الحصلت لي... المفروض هسة اكون اسعد انسانة في العالم لأنو هو بحبني زي ما انا بحبو وانتطرتا كم من الزمن عشان نكون مع بعض حتى بعد زلتوا لي واهانتو بس كنت متمسكة بيهو..... هسة وقت طلب انو نرتبط بقيت بتهرب منو..... لي اتغيرت كدا؟؟... معقولة مشاعري تجاهو اتغيرت.... انتهت كدا بي بساطة؟!.. بقي لي انسان عادي جدا ما الزول الكنت متلهفة اني اشوفوا واسمع صوتو....
دا شنو الحصل معاي خلاني اتغير كدا حسيت بي الضيق الشديد. وكأني مخنوقة ..طلعتا برة  قلتا لي امي ماشة اشتري اندومي وشبس.... قالت لي تمام ما تتأخري... طلعت وانا لسة في حالة ضياع لما حصلت الظلط وماشة للسوبر ماركت لمحت آسر في الجهة التانية صرخت ليهو... آسر انتظرني شافني وقف... بس انا جيت اقطع الظلط وحصلت نصوا بس  والإشارة بقت حمرا والعربات بقت ماشة..... آسر قال لي انتبهي يا ملاك وملامح وشو دلت على الخوف الشديد  .... مشيت سرعة وحصلتو وانا مبتسمة قلتا ليهو كنت قايلاك بتهرب مني بقيت كيف.. ومشيت وين... يوم الخميس بدون ما تورينا..
.علي كل ماشة السوبر ماركت اشتري اندومي ارح عازماك .....لون اسوارتو وخاتموا بقى لونهم ازرق شكلو كان قلقان بس قال لي بي غضب.... اسكتي ياخ ما شايفة الإشارة دي حمرا يعني... جنيتي ولاشنو
....ولا ما شفتي العربات دي جاية عليك..... استغربت منو لي انفعل بي الطريقة دي.... خوفني لأنو نبرة صوتو كانت حادة وشكلو غضبان شديد.... قلتا ليهو بس انا..... قال لي وهو بصرخ فيني  اذا كنتي دايرة تموتي موتى بعيد من عيوني وما تخليني انا سبب موتك فاهمة ومشى..... وقفت مصدومة منو... بس مشيت وراهو بي  بي هدؤ وانا مستغربة و زعلانة لي اصرخ فيني كدا انا ما بسمح لي زول اصرخ فيني .... قال لي بي صوت عالي لاحقاني مالك.... قلتا ليهو بي انفعال الشارع دا ماحقك تمام.... وانت مالك غضبان كدا حتى لو كنت انت يا آسر انا ما بسمح ليك انك تصرخ فيني كدا غلطانة انا الكنت دايرة اطمن عليك.... رجعت طوالي السوبر ماركت اشتري الاندومي والشبس..... آسر قال دا شنو دا هسة ما مفروض اني أقسى عليها كدا.... وانا ماشة حسيت بي يد بتوقفني قبلت لقيتو آسر قلتا هة صدق المشهد ادرامي العملتو برئ ياخ 🙂... قال لي مالك مصدومة كدا... قربت اضحك فيهو بس قلتا ليهو ولا شي... مشينا ومن قربنا للظلط مسك يدي بعد قطعناهو وهو لسة ماسك يدي.... قلتا احم احم.... قال لي مالك... قلتا ليهو بالمناسبة قطعنا الظلط من زمان ماسك يدي لي شنو.... قال لي ما عشان انا خايف عليك بس عشان عشان حسيت بي البرد.... قلنا ليهو ويدي دفاية يعني... قال لي انتي مالك كلامك كتير كدا.... قلتا ليهو وماشي معاي مالك... قال لي لاني انا زاتي ماشي هناك عندي حاجات وجهتنا واحدة... وبعدين مش عزمتيني.. قلتا ليهو مزاجك دايما متغير كدا وبعدين المفروض انك انت البتعزمني ما انا كعربون شكر.. واعتزار لأنك صرخت فيني  ..... قال لي هة انسى... قلتا ليهو ما كنت عارفة انو الفضائيين بخيلين كدا... ضربني في رأسي.... قلتا ليهو ايواا عرفت ما بتقدرو تعتزروا.. بس ما مشكلة انا عارفة انو انت من جواك آسف وانا قبلت اعتزارك 🙂.... قال لي ما ممكن تسكتي....

من جهة ماجد كان جاي بالشارع وشافنا انا وآسر داخلين السوبر ماركت اتصدم وقال مستحيل الملك مع واحدة دا حدث عظيم طلع تلفونو وصورنا آسر كان ظاهر بس انا لأ لاني كنت مدايهو ظهري.. ابتسم ابتسامة وقال دا حدث عالمي هههة.....

من جهتي  دخلنا وآسر اشتري حاجات كتيرة لأنو مساعدو ماف.... وانا آشتريت اندومي وشيبس.... كان في مقاعد قعدنا فيهم وقلت ليهو بتاكل اندومي قال لي طبعا قلتا ليهو انت ود ميكي ولاشنو 🤣.. قال لي شنو قلتا ليهو اتفضل... العزومة الجاية عليك شالها وفتحها وبقينا ناكل ونعاين لي الناس... بقيت بعاين ليهو... انتبه لي وقال لي مالك بتعاين
لي كدا..... قلتا ليهو ابرد ما معجبة بيك بس شكلك بقى ظريف... قال لي ظريف بس... قلتا ليهو احم ارح نمشي قبل ما امي تلحقني.🤣.. ونحن ماشين قال لي شكلو اعدتوا أحياء الحب القديم... قلتا ليهو تقريبا كدا.... انت مشيت وين لأنو ما قيتك لما رجعت البيت.  قال لي سمعت كلامك مع لؤي عشان كدا اختفيت... قلتا ليهو اهااا... قال لي انتي قايلة روحك بطلة لما وقفتي قدام المدير وصرختي عليهو.... ممكن عادي اموتك في لحظة.... قلتا ليهو ما عرفت اعمل شنو لأنو منظرك كان بخوف شديد... وبعدين مديرك دا مالو بخوف كدا.... قال لي هو صعب شديد وكل الناس بتخاف منو... قلتا ليهو الا انت.... قال لي حصلنا مفترق طرق يلا مع السلامة واختفى.... وأي ما بصدق اختفي من قدامي مع انو المفروض. أكون اتعودت بس شي بخوف واللة😢... و رجعت البيت...

دخلت الجامعة وانا بفكر في كلام لؤي... من دخلت شلة هيام استقبلوني قالوا كشفوا كشفوا الفقيرة جات وبقوا بعاينو لي... هيام قالت لي قايلنك استقلتي.... قلتا ليها بي برود ولي استقيل.... ما تكونو عملتو مقلب من مقالبكم السخيفة دي..... سهى قالت لي اكيد ما وقفنا هنا الحساب جاري....
قعدت كدا كيارا جات سلمت على وقعدت مكان آسر قالت لي الليلة برضوا ما جاي... قلتا ليها انا البعرفني شنو... قالت لي لو ما جا الليلة لازم توديني بيتو اتفقدو ما ممكن ياخ... عاينتا ليها دي شنو الجرءة الجاتا دي....
سبأ لمحت آسر وقالت آسر جا زول أسألو مالو.... كيارا قالت ليها ما تسألي انتي..... آسر دخل القاعة وكيارا قامت قالت ليهو وهي شكلها متوترة آآسر كيفك مالك اختفيت كدا....
سهى قالت ليهو واوو قدرت تتكلم معاهو....
هيام قالت ليها اكيد بتجاهلها...
آسر قال لي كيارا بي برود كنت برة البلد... كيارا قالت ليهو ايواا كنا مفتكرنك مريض حمد الله على السلامة... وقعدت مكانها.... الدكتور دخل......

من جهة لؤي كان قاعد في القاعة وبعاين   برة وخاتي سماعاتو... ماجد جا داخل بي سرعة... وقال لي رامي ولؤي في قنبلة بتفجر الجامعة كلها... رامي قال ليهو حمستني في شنو وطلع السماعة من لؤي... قال لي رامي مالك ياخ..... ماجد قال ليهم انتظروا وشوفوا طلع التلفون وفتش الصورة ووراها ليهم.... رامي بي صدمة دا مش آسر.... لؤي بقى بعاين لي الصورة بي صدمة دي عباية ملاك الامس كانت لابساها معقولة دي هي لا لا مستحيل.... قال لي ماجد المكان دا وين... قال ليهو ما عارف بس كان جمب سوبر ماركت..... ماجد بي ابتسامة خبيثة هأرسل الصورة دي لي كل الجامعة.... لؤي طوالي مسح الصورة.... ماجد قال ليهو انت غبي ولاشنو..؛ فال ليهو ما صاح نتطفل على خصوصيات الناس......

بعد طلعنا من المحاضرة ونحن ماشين انا وتالا وكيارا.... كيارا لمحت آسر ماشي على السطوح مشت لحقتو و خلتنا..... قلتا لي تالا بي انزعاج ديل مالهم قبل اسبوع آسر ما كان طايق زول... وقبل آسبوع كيارا ما كانت قادرة تعاين ليهو في وشو..... تالا قالت لي بي فرحة قررت تبادر هي وتعمل خطوة جادة... شكلي ببقى براي بعد كدا.... قلتا ليها انا معاك حبيبتي.... لقيت لؤي واقف لي تالا مشت خلتنا ونحن مشينا مكان بعيد وهادي.... لؤي في راسو مية سؤال.. أبتدأً من الخاتم . الرجالي الكان في غرفتي .. بس غير مضمون  السؤال لي الصورة الصوها ماجد..... بعد ما كنا سكاتين والجو مكهرب قال لي يا ملاك أمس مشيتي مكان بعد وصلتك البيت.....
عاينت ليهو بي استغراب وقلتا ليهو اي اشتهيت لي اندومي ومشيت السوبر ماركت اشتريهو.....
لؤي وقف ووشو بقى شاحب... أما أنا كنت ماشة لاحظت ليهو وقف رجعت خطوتين وقلتا ليهو مالك وقفت..... قال لي مشيتي براك.....
عاينت ليهو وانا متوترة ما متعودة اني اكزب.. بلعت ريقي وقلتا ليهو مشيت مع صديق...... قال لي وهل آسم الصديق دا آسر...... نططت عيونيوقلتا ليهو عرفت كيف قعد تراقبني ولاشنو..... قال لي وهو شكلو زعلان  مالك انتي بقيتي تحومي حوليهو كدا.... معجبة بيهو يعني...ولا ناسية  انو دا حبيب صحبتك........

قلتا ليهو وانا زعلانة منو..... اولا انا ما قعدة احوم حوليهو  لاقيتو عن طريق الصدفة.... ثانيا انا ما مضطرة ابرر ليك اي حاجة.... ثالثا  وفسرت ليك حاليا لأنو زي ما قلت دا حبيب صحبتي...رابعا ماتدخل فيني لأنو انت ما حبيبي ولا خطيبي ولا نحن في علاقة تجمعنا..... خامسا ممكن ما تتطفل في حياتي لأنو بعد غبت كل السنوات دي ما يحق ليك وما مسموح ليك اساسا انو تدخلها مرة تانية فاهني بقول في شنو ومشيت منو..... مسكني من يدي.... ....
 
وكان في زول في السطوح قعد اعاين لينا ايوة.
 آسر.....
لؤي لفتني عليهو وقال لي الليلة صوروكم انتي وهو لو ما انا أدخلت كنتي انتهيتي...... قلتا ليهو بي برود وحدة..... اكيد آسر ما براقبني بي صمت  وانا بنتهي من دون ما أتدخل... زحيت يدي ومشيت خليتوا

من جهة في الكفتريا كيارا قاعدة مع آسر في نفس الطاولة والبنات بعاينو ليها ومن ضمنهم تاالين بت العميد.... تالين قالت ما بصدق انو هي قاعدة معاهو مرتبطين ولاشنو ما قادرة اتحمل شوفتهم مع بعض...... واحدة قالت مرتبطين شكلهم ... بت قالت ليها إذا كانو كدا فعلاقتوا شنو مع القروية ولي ما اكون انا برضوا صحبتوا..... والشباب المعجبين بي كيارا كلهم براقبوا بي صمت وهم محطمين.....

آسر قال لي كيارا بي برود دا شنو الموضوع الكنتي دايراني فيهو.... كيارا بي توتر انا انا كيف بتقدر تسأل بت بي الطريقة دي... آسر عيونو بقى لونهم نيلي شكلوا مصدوم منها... كيارا لاحظت ليهو وقالت ليهو حلوو خاتي عداسات ولاشنو مالك مريض ولا حاجة 🙂...
قال ليها هل عدوي صحبتك عادتك ولاشنو؟؟....
قالت ليهو هة ملاك البتعاني منو ما سيئ لأنو شكلو نفع معاك.... قال ليها فعلا... كيارا وهي ما مصدقة انو حاليا بتتكلم مع الملك الغامض دا حلم ولا حقيقة.... بعد خلصوا فطورهم آسر طلع القاعة اول......

من جهة شلة هيام كانو في القاعة و مخططين اعملو مقلب فيني مؤيد قال ليهم ما حاسين انو هدية ترحيبها جات متأخرة... هيام بي ابتسامة مكر مهما اتأخرت الهدية فلازم تصل واكيد عندها معنى خاص... حاسة انو ملاك بتفرح بيها ههههه..... مجد قال ليهم كل  حاجة جاهزة صاح ما دايرين أخطاء.... سبأ قالت اتمنى انو كيارا ما تجي وتخرب المخطط دا كلو..... هيام قالت ليهم الاستحمام في الجو البارد دا ممكن اجمد كبريائها... بالرغم من أنها ما عندها ولازرة.....مجد وهو مراقب المدخل حق القاعة قال ليهم ملاك جاية بس مع لؤي... سهى قالت ليهم ولو قرر انو ادخل نعمل شنو الخطة باظت.... هيام قالت ليهم لا ما بدخل..
دا كلو والطلاب كانو قاعدين وحتى آسر كان قاعد ....

من جهتي لؤي كان لاحقاني... وقفت وقلتا ليهو مالك ياخ في شنو... لسة في كلام ما قلتو..... قال لي اسف بس ما قدرت اشوفك معاهو حسيت بي الغيرة وانا ما بقبل تكوني قريبة كدا من زول.... قلتا ليهو تمام
سامحتك... ابتسم واي زول مشي على قاعتو وانا جيت داخلة وشايفة مجد واقف برة استغربت بس ما ركزت كتير ودخلت.....

الجردل الكان ملان موية باردة وبي تلجها وخاتينو في ثلاثة طاولات ورابطنو بي حبل بي عشان مجرد ما انا ادخل اوقعوا فيني 🙂....
بي نظرة واحدة من آسر لي الجردل وبي استخدام قواهو  ما اتحرك من مكانو بعد محاولات هيام انو تجرو بس كأنو ملصق....

 ودخلت والابتسامة الكانت في وشوشهم اتحولت لي صدمة وخيبة 🤣.. طبعا انا مستغربة منهم لأنو كلهم كانو بعاينو لي قلتا ليهم مالكم بتعاينو لي كدا...... هيام قالت لي وهي مزعوجة ما شفت لي بت محظوظة زيك كدا..... مشيت قعدت في مكاني ولسة آسر مثبت نظرو على الجردل...... مجد دخل وقال غريب ما حصل مرة فشلت الخدعة نهائيا.... مؤيد بي استغراب فعلا... ومشى اتجاه الجردل وبقي بعاين ليهو بس الجردل وقع فيهو واتجمد مكانوا 🤣🤣......
 القاعة كلها بقت تضحك وتسخر  منو هيام وهي بتضحك انت بقيت منحوس يا مؤيد لأنو كل أعمالنا بتظهر فيك وبتتعاقب بدلا مننا 🤣🤣..... سهى وهي بتضحك خلاص اتأكدنا انك نزير شؤم علينا..... مجد قال غريب ما وقعت في الفقيرة ووقعت فيك تقول قاصداك 🤣... ،مؤيد طوالي طلع من القاعة......
عاينت اتجاه آسر لقيتو مبتسم ابتسامة خبيثة...... قلتا ليهو يعني كانو دايرين اكشحو الموية الباردة دي فيني..... ايواا من ابتسامتك دي  يعني انت الثبتا الجردل وحميتني تاني....آسر قاد لي بي برود اعتبريو رد للدين... .
كيارا دخلت القاعة وقربت تقع وقالت الموية دي جات من وين.... مجد قال ليها فوتي مشهد عظيم.... قالت ليهم ما تقولو لي كشحتوا في ملاك لو ما خليتكم تندموا..... عاينت لي لقتني مبتسمة للضرس الأخير... قالت لي ما عملو ليك حاجة طيب الحصل شنو... ضحكت فيهم وقلتا ليها طبعا كانو عاملين لي مقلب ومستهدفني لاكن في قوة خارقة ساعدتني والفخ النصبوهو لي مؤيد  وقع فيهو ولقي شر اعمالوا.....

بعد المحاضرة انتهت مشينا الكفتريا وقعدنا... كيارا قالت لي لؤي ما عمل خطوة جادة لسة ما بتقدرو تتواجدو مع بعض في مكان فيهو ناس..... قلتا ليها هة اتوقعت شنو يعني منو ما زول جبان ما اكتر.... تالا قالت لي انت مرتبطين صاح.... قلتا ليها حتى انا ما عندي جواب لي سؤالك دا نسبة الرفض والقبول نص النص.....
بعد خلصنا من المحاضرة الأخيرة طلعت بدري عشان لؤي ما اوصلني فاضطر امشي مع كيارا.... أما أنا طلعت كدا ولقيت آسر مشيت لحقتوا وبقينا ماشين... طلعتا ليهو الخاتم  واديتو ليهو.... قال لي يعني كان معاك قلتا ليهو شكلو وقع منك حافظ عليهو... لانو كلامي مثبت فيهو ههه.. قال لي غبية..... قلتا ليهو في سؤال بطرح نفسو يا آسر.... مدام انت باستعمال قوتك ممكن تنتقل من مكان لي التاني لي بتتعب روحك بالمشي......
قال لي بي برود ما بخصك.... قلتا ليهو مششش غليظ خلاص... قبلت ليهو وانا مبتسمة ممكن تستعمل قوتك وتوصلني البيت 🌚.... حمر لي طوالي سكتا قلتا ليهو شكلك مزاجك معكر ما قعد تنوم  انت ولاشنو..... قال لي منو الماقاعد انوم... انتو ولؤي مرتبطين.... قلتا ليهو بي برود ما بخصك...هل بهمك الموضوع في حاجة... على كل يجاوب على سؤالك لاني ما عندي عادة اتجاهل الناس.... آسر وهو بسمع فيني بي تمعن.... قلتا ليهو حاليا لا وبعدين ما عارفة  أمكن  اي وامكن لأ انا مشوشة شديد.... قبلت كدا مالقيت آسر قلتا يعني كنت بكلم الشارع انا..... بليل ما قدرت انوم نهائي كنت بفكر في آسر ما عارفة بس بقيت بفكر فيهو كتير المفروض اني ما افكر في حبيب صحبتي بس قصب عني يا ترى هسة هو بفكر فيني دي شنو دي السخافة دي ... طلعت برة في الحوش وقعدنا بس المطرة بدت تنقط ....أمي حست بي زول طلعت لقتني في الحوش والمطرة صابة قالت لي ادخلي جوا قبل ما المطرة تشد عشان ما تمرضي دخلنا جوة.......
الصباح كانت الواطة مغيمة والمطرة ملت الشوراع وبقت نضيفة وحاجة كدا تفتح النفس لبست سيوتر لأنو الجو كان بارد شديد....
الشوارع مزدحمة والحركة خفيفة... كيارا ولؤي ماشين مع بعض في الجو الظريف دا وبتونسو لما وصلوا قال ليهو الليلة الجو حلو شديد ... لؤي قال ليها ياريت لو، ما في محاضرات لأنو الجو دا جو ونسة بس..... اتلاقينا في المدخل وكيارا جاية على وهي جارية ووقعت بي الموية حقت المطرة ضحكنا فيها لما اتكيفنا🤣... لؤي مسكها وساعدها تقوم... قالت لينا الليلة دي نهائي ما بخليكم مش ضحكتو فيني... قلتا ليها مظرك كان بيش لاكن ههههة وقعة موفقة... وبقينا نضحك قالت تمام في خراطيش كتيرة  بسقوا بيها الشجر والازهار طوالي مشت ركبت ليها واحد وبقت ترش فينا طوالي شلنا باقي الخراطيش وبقينا نرش في بعض تالا جات وانضمت لينا... بعدها مشينا قاعاتنا ونحن ميتين من البرد...
لما دخلت تالا
 لقت أمير قاعد مع ماجد ورامي وهم بتونسو عاينت ليهو بي نظرة ضيق كدا وانزعاج وهو عمل نفس الشي..... ماجد من شاف تالا مشي عليها متجاهلين تماما مشاعر القاعد معاهم دا
.... ماجد مسك يد تالا و قال ليها شنو رايك نحتفل بي رأس السنة مع بعض..... تالا قالت ليهو انت بتتكلم مع الزول الخطأ لاني ما مخططة للأحتفال... قال ليها إذن احسن انو نحتفل بعيد من الأجواء دي تالا بعد عاينت لي أمير قالت ليهو اكيد فكرة عظيمة وابتسمت ليه....
أمير طلع من القاعة بعد  المنظر دا وشكلو متألم شديد💔 طبعا الدكتور جا داخل واداهم محاضرة تحت معراضة كل القاعة.....

من جهتي شلة ناس هيام ما جوا والقاعدة هادية وحتى آسر ما جا والطلبة القاعدين بساط شديد..... كيارا قالت لي مالو آسر ما جا.... قلتا ليها انتي يا المفتحة استجمعتي طاقتك كلها ودايرة توقعي في شباكك.... قالت لي طبعا ما انا أجمل وحدة هنا... ما ممكن توريني عنوانو... قلتا ليها لأ ما ظابطة وبعدين هو ما طلب منك... قالت لي فعلا كلامك صاح... طلعنا برة في حديقة كدا مفصولة لأنو المطرة بدت ترش حبة وبقينا قاعدين بس تاني احس ليك بي موية في وشي قبلتا لقيتها كيارا قلتا ليها تاني.... قالت لي ما نسيت ضحكك على... شلتو منها وبقيت برش فيها ونحنا بتشاكل فيهو.... جانا لؤي وتالا وبقوا بعاينوا لينا بس فجأة  لؤي حسة بي موية بترشوا قبل لقاهو أمير لؤي ولاكضب لقى جردل موية ملان وكشحو فيهو وبقوا بضحكوا.... بقت في حرب عديل كدا لأنو ما في طلبة ومافي دكاترة والجامعة ما فيها ناس كتار واصلا ما ركزوا معنا وبقينا قاعدين بعد حرب الموية انتهت.. قعدنا في دايرة كبيرة وبنضحك آسر جا داخل كيارا لمحتو ومشت سلمت عليهو وقالت ليهو انضم لينا  بس هو رفض قالت ليهو قايلنك ما جاي بقيت تغيب كتير ما متعودين انك تغيب  غير مرة واحد بس في كل شهر..... قال ليها  بي استغراب حتى انك بتعرفي موعد غيابي قالت ليهو طبعا.... قال ليها امشي انضمي ليهم انا الاجواء دي ما بتنفع معاي كيارا جات وهي مبسوطة قلتا ليها مالو رفض انو اجي قالت لي اي قلتا ليها راقبي واتعلمي..... شلتا لي جردل ملان موية  وقتا ليهو آسر إلتفت وقال لي مالك ابتسمت بي شر وكشحت فيهو الموية... طبعا كلهم بقوا اضحكوا فيهو.. وهو كان مصدوم من العملتو وبس كان بعاين لي قلتا ليهو أوبس 🤦‍♀️ما قصدي وضحكت وانا ماشة احس ليك بي جردك موية اتكشح فيني وكلهم بضحكوا قبلت ولقتو آسر قال لي كيف تتجرئي تعملي كدا قلتا ليهو قلتا ليك ما قصدي قال لي وانا اعمل بي آسفك شنو قلتا ليهو ارمي البحر ههههه عاين لي وشال الخرطوش الجمبو ووجهو في وشي قلتا ليهو خلاص خلاص اسفة ما بعملها تاني.... وناس كيارا ولؤي بعاينوا لينا بس وبحاولو اقنعوا روحهم انو دي حاجة عادية وماف داعي للغيرة.... بعد وقف آسر وعيوني بقت حمرا قلتا ليهو ما كدا يا آسر ياخ هسة عيوني حمروا قال لي دي نتيجة حماقتك قلتا ليهو ايواااا قلعت منو الخرطوش وعليت مستوى الموية ويلا الموية جالك زول ورشيتو لما اتكيف وهم هناك جوا على وقالو لي خلاص وقفي يا ملاك وبضحكوا في آسر قلتا ليهم دا الانتقام يا سادة 🤣... زحيت الخرطوش ونحن بنضحك فيهو... لأنو صراحة منظروا كان حاجة تانية  شعروا كلو رقد وبقي منظرو مختلف....بقيت بعاين ليهو وانا ما قادرة أوقف ضحك .... ابتسم ابتسامه كبيرة..... عاينا ليهو مستغربين منو طوالي هو عاين لي الخزان الكبير البسقوا منو الشجر استخدم قوتو وابتسم لينا بي مكر... عاينت ليهو وعاينت محل بعاين وبلعت ريقي وما احس ليك الا بي موية لا ما موية سيل جاي وغرقنا موية🤣... آسر دا ضحك فينا  لما اتكيف... ونحن حالتنا حالة ولسة هم  ما مستوعبين كيف الخزان دا اتفتح كيف... آسر بقى اضحك واشمت فينا.ولون اسوارتو لونها بقى اصفر💛 دا بدل على السعادة... كان أول مرة احس بالسعادة من زمن طويل .. قلتا ليهو الموضوع ما بضحك قال لي بالعكس 🤣... قلتا ليهو بس دا اسموا غش قال لي انتي البديتي واصلا ماف قواعد للعبة... طبعا ناس كيارا الشلة كلها مستغربة لسة في الحصل حاليا أمير قال المافهمتو كيف الخزان ادفق فينا الموية وهو بعيد مننا .... كيارا قالت أمكن الجامعة مسكونة... آسر التوتر ظهر عليهو.... قلتا ليهم بكون المطرة الصبت دي خلت  مخزون الموية كتير فبالتالي اتدفق... آسر قال لي معقولة اصدقوا..... أمير قال لي وجه نظر... لؤي قال دا التفسير الوحيد... أمير قال ليهو ومنطقي... آسر قال في نفسو اكيد الناس ديل أغبياء......

المهم الشمس شرقت بعد الحرب الباردة دي كان في كراسي قلتا ليهم ارح نقعد هناك منها نتونس منها الشمس دي تنشفنا كلنا مشينا وقعدنا بس آسر... غير اتجاهو كيارا مسكت يدوا وقالت ليهو اقعد معانا رجاءا وبقت تعاين ليهو بي نظرة بريئة وافق انو اقعد معنا... كنت بعاين ليهم وهم جاين علينا وكيارا ماسكة يدو ما عارفة لي حسيت بي غصة قعدنا وقالو لازم نتصور في اليوم التاريخي دا اتصورنا كتير آسر رفض بس صورناهو خلسة وعملنا صورة جماعية طلعت ظابطة شديد لؤي قلع النظارة قلتا ليهو لؤي رجعها قال لي لا أمير قال انت احلى من دون نظارة يا ملاك قلتا ليهو شكرا لؤي قال صورة واحدة بس صورني حتى رجعها لي... قعدنا وضربنا الونسة ما بين منازعات أمير وتالا  والضحك والهظار  كيارا كانت قاعدة جمب آسر ودا الشي الخلاني انزعج من شنو ما عارفة... لؤي
كان بعاين لي آسر نظرة كره وانزعاج... بس آسر  كان مبتسم ابتسامة مستفزة وباردة... لؤي شاف الخاتم  الكان في غرفتي لابسو آسر اتصدم وعاين لي.... عاينت ليهو بي استغراب لأنو كان بعاين لي بي حدة والصدمة ظاهرة في وشو....
......

 ثم ماذا؟؟!
أصبحنا كلما ضحكنا  نخاف.  بنتابنا جرعات من الخوف
وكأنها تزكرنا أن ننتبه للقادم   لا نستطيع المضي في فرحة ما
ونتحسس أن هناك صدمة قادمة
بسكن قلوبنا الحذر كأنها طرق مليئة بالتقاطعات 🖤🥀.
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《16》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لؤي كان بعاين لي صدمة ما فهمت حاجة بس ما ركزت كتير وهو ما اتكلم معاي في اللحظة ديك الطلاب المن التخصصات التانية بدو اطلعو البت ١ قالت ليهم عاينو الثلاثة الوسيمين مجتمعين مع بعض دي اول مرة اشوف آسر قاعد مع زول لا مع جماعة...... البت ٢ قالت ليهم ومعاهم الكريهات الثلاثة.... في ولد قال ليها ما تجمعي الثلاثة الوسيمين والبتين الجميلات ومعاهم القروية الفقيرة ..... بت ٢ قالت ليهم عرفنا أنها صحبت كيارا وتالا... بس علاقتنا  شنو هسة بالشباب ديل..... بت ١ قالت ليهم من دخلت الجامعة دي وانا بحاول أصحاب زول منهم بس ما قدرت البت دي بتعمل شنو.... البت ٣ قالت ليهم أمكن بتعمل ليهم سحر.....
في الكفتريا كيارا  مشت لي آسر.... قال ليها بي برود عايزة شنو..... قالت ليهو نحن حاليا بقينا  أصحاب صاح.... قال ليها منو القال كدا..... كيارا حست بي الزعل وكانت بتعاين ليهو..... آسر قال ليها طبعا طبعا.....وجات عينا وهي فرحانة... آسر قال عملتا شنو هسة.... يوم متين بهتم لي مشاعر البنات.... وافقت لي مع اني ما متعود على تكوين صداقات..... أمكن بعد الحصل لي في الماضي... أخدت فكرة غلط عن البشر.. لي ما أدى روحي فرصة ثانية عشان ما اندم بعدين......
كيارا جاتنا وهي طايرة من الفرح وقعدت قالت لينا واي يا جماعة انا فرحانة شديد... قلتا ليها شايفاك واقفة مع آسر.. قال ليك شنو لما خلاك تفرحي كدا..... قلتا ليهو نحن حاليا بقينا أصحاب صاح... قلتا ليها بي توتر وقال ليك شنو.... تالا قالت لي الإجابة وااااضحة... اخيرا قمتي بالخطوة الأولى. مبروك.... قالت لينا هو شكلو خجول وما بقوم بي خطوة أولى عشان كدا بادرت انا... دا كلو بي سبب ملاك... بعد شفت علاقتهم بقت تمام... ادركت انو الخجل والمراقبة ما بفيدوني في شي... شكرا ليك شديد يا ملاك..... قدر ما حاولت اني اتصنع ابتسامة ما قدرت... كيارا قالت لي مالك ما مبسوطة لي... حاولت أظهر ابتسامة غصب عني وقلتا ليها معقولة فرحتا ليك ياخ... وبعدين انا ما عملت حاجة.....

وانا ماشة البيت قلتا انا مالي زعلانة كدا.... ما عارفة لاكن الشي البعرفو بطق بعد شوية من الزعل. بخطط لي شنو آسر الحقير....
من جهة كيارا ولؤي ماشين مع بعض وكيارا شغالة تتكلم وتتكلم لما حست انو لؤي ما معاها مسكت يدو وقفتو قالت ليهو لؤي مالك..... زحا يدها بي قوة وقال ليها مالك انتي يااخ ما شايفاني ما في مزاج رايق اخليني اسمع كلامك الغبي دا... كيارا اتصدمت من طريقة كلاموا قالت ليهو لؤي مالك زعلان مني في حاجة.... قال ليها وهو بصرخ فيها كيارا امشي براك ما ناقصة..... كيارا بي صوت عالي قالت ليهو إذا كنت زعلان من ملاك ما تجي تصب غضبك فيني فاهم .... وإياك ثم إياك تاني تصرخ فيني لأنو بخليك تندم أشد الندم فاهمني ومشت خلتو.... وهو مشي بي اتجاه تاني.... قالت ما مصدقة انو هو صرخ فيني اعمل شنو يعني اذا ملاك متلصقة في آسر زي ما هو زعلان انا زاتي زعلانة.. اعمل شنو يعني اقول ليها ما تصاحبي... بس انا واثقة انو هي ما بتعمل حاجة تخليني ازعل منها.....
من جهتي قاعدة وفاتحة التلفون وبشوف في الصور الاتصورناها كانت حلوة شديد حتى آسر كنا مصورنو بقيت بفتح في الصورة كانت بتجمعنا انا وآسر بعد إصرار مني.... كانت حلوة  بقيت  بكبرها وبصغرها وانا راسمة ابتسامة... لما وعيت بالعمل فيهو رميت التلفون..وقلتا شكلي بديت اجن
....
من جهة كيارا وهي ماسكة التلفون وبتقلب في الصور و راسمة ابتسامة كبيرة شديد بس ابتسامتها اختفت لما لقت  في صورة آسر كان بعاين لي وهو مبتسم .... هة عادي يعني شنو لو عاين ليها وابتسم اصلا ملاك ظريفة وبتتحب ما في داعي أكبر الموضوع.
...
في اليوم التاني كيارا قامت متأخرة على غير العادة... اتجهزت وطلعت وهي ماشة حست بي زول ماشي معاها لقتو لؤي ما اتكلمت معاهو ولا عاينت ليهو.....  بعد مسافة وقفت وقالت ليهو منتظر شنو يعني ما تعتزر... قال ليها انا آسف ما قصدي اصرخ عليك.... ابتسمت وبقوا ماشين.. قالت ليهو ما بصدق انو انتظرت يوم كامل عشان تعتزر مني... قال ليها لو ما عملت كدا ما كان اتأثرتي هههه..... قالت ليهو بي هدؤ انا فاهماك يا لؤي وعارفة انو الشي دا صعب عليك بس المفترض انك تتدخل بعد كدا... أنا واثقة انو آسر ما بحبها..... لؤي قال ليها بتلمحي  لي شنو ملاك زاتها نفس الشي بس هي بتشفق عليهو لأنو وحيد وما عندو صاحب.... قالت ليهو طيب انت زعلان مالك خلينا نقفل الموضوع وبس... قال ليها القول أسهل من الفعل ... بتعملي شنو لو كنت محلي وشوفتي الشوفتو انا.. قالت ليهو بي توتر شفتا شنو.... قال ليها اااا لا لا ولاحاجة... بس انا ما واثق في الحقير  دا ما بطيقوا نهائي... كيارا ضربتو وقالت ليهو إياك تتكلم فيهو كدا.......
طول اليوم ولؤي بفكر في الخاتم القاهو وقدر ما حاول انو اتكلم مع ملاك بي خصوصه ما بقدر... وحتى ملاك حست انو داير اقول ليها حاجة بس هي ما ركزت معاهو وأساسا ما عندها فضول انها تعرف.....

من جهتي دخلت السطوح لأنو جاني اتصال من أمي الأدوية خلصت ودايرة أسماءهم عشان توريهم لي ابوي... لقيت آسر هناك وانا بتكلم مع امي الاتصال قطع ولسة ما خلصت كلامي..... قبلت لي آسر وقلتا ليها تلفونك ثواني بس قال لي بي برود لا... قلتا ليها ما بطول يا آسر وموضوع مهم ايواااا ولا ما عندك رصيد....ضيق لي عيونو وقال لي تمام هاك ليهو.....  شلتو  واتصلت لي امي بعد خلصتا جاتني فكرة عظيمة حولتا ليهو كل الصور الاتصورناها وفي واحدة كانت بتجمعنا مع بعض ختيتها خلفية في الشاشة وأخر شي ضربت من تلفونو لي رقمي وسيفتا الرقم حتى مديتو ليهو..... لما فتح التلفون اتصدم لما لقى الصورة قال لي دا شنو دا.... دا الموضوع المهم هسة بمسحها.... قلتا ليهو بي نبرة تهديد امسحها كما مسحتك من الوجود.. ... قال لي شكلو  سيل أمس ما أثر عليك  دايرة واحد زيو......
في اللحظة دي كيارا ولؤي كانو ماشين لؤي حسة انو في زول في السطوح  استئذن من كيارا وجرا علي السطوح لأنو عارف انو ما في زول بدخلو غير آسر وملاك.....

لؤي جا داخل واقتحم المكان خلعني ومسك يدي وجراني معاهو من دون ما أدى اهتمام لي الزول الواقف جمبوا دا....  لؤي قال لي كنتي بتعملي شنو هناك وريني... قلتا ليهو بي برود الا اشرح ليك يعني.... ضوب الحيطة بي قوة وقال لي ملاك ما تخليني اجن بي سببك ما تختبري صبري لو بتحبني خليك بعيدة من البشر دا  لو سمحتي.... قلتا ليهو لؤي فك يدي قعد توجعني.. قال لي وكمان وعرفت الخاتم ما حقك وطلع حق آسر كان بعمل في شنو داير تفسير للبحصل دا... وخايف من الشي البسمعوا.... قلتا ليها فعلا حقوا وانا ما مضطرة ابرر ليك كل تصرفاتي لو خلصت من كلامك فكني .... عشان الطلاب ما اشوفونا واقفين مع بعض وسمعتك تتوسخ... قال لي بتخافي اشوفوك معاي وما بتخافي اشوفوك معاهو... فكيت يدي منو وقلتا ليهو لو حصل اي شي ما بقيف بعاين لي زي ما عملت كدا وانا واثقة.... قال لي مالك بترمي كلامك القاسي عارف اني اتصرفت معاك بي حقارة ما جا الوقت انك تنسى.... قلتا ليهو دا ما شي بتنسي بين يوم وليلة تمام... ومشيت خليتو وهو زعلان شديد.....
من جهة تالا وهي قاعدة مع ماجد وماجد بحاول الطف الجو قال ليها طلع في معرفة بين أهلنا امكن اشتغلو سوا وحتى اقترحو نحتفل بي رأس السنة كلنا... بس شنو رايك نخليهم احتفوا براهم ونحن برانا... قالت ليهو ممكن..... كيارا اقتحمت الجو الرومانسي دا وقالت لي تالا ما شفتي ملاك وين الليلة مالقيتا من الصباح... تالا قالت ليها حتى انا ما عارفاها لاقيتا الصباح بس اختفت تاني.. ما تكون واقعة في مشكلة... كيارا قالت ليها مدا شلة هيام ما جوا ما في اي مشاكل... كنتو بتتكلم عن شنو ما اكون قاطعتكم... ماجد قال ليها بنتكلم عن رأس السنة وبنحتفل وين... كيارا قالت ليهم نسيت رأس السنة نهائيا وانتو مخططاتكم شنو.... تالا قالت ليها نحن محتفلين سوا قصدي عيالاتنا.... كيارا بي ابتسامة مكر ايواا علاقتكم بقت قوية ما بتفاجأ لو ارتبطو في السنة الجديدة دي.... تالا قالت ليها بي انزعاج دا كلام شنو ما تقولي كدا......

لؤي جا داخل القاعة وهو شارد قعد وبقي بعاين لي الشباك.. وهو بي فكر كيف الخاتم وصل لي ملاك في بيتهم الموضوع أمكن لما مشيت ليها بيتهم هو كان هناك عشان كدا رفضت اني ادخل... لا لا دا شنو انا البفكر كيف مستحيل اصلا يحصل.... بجن لو ما عرفتا في شنو والحاصل شنو وانا ماعارف..... ماجد قال ليهم لؤي شكلو ما تمام الليلة ماشي اشوفوا..... كيارا قالت ليهو ما تمش ماربنصحك شكلو في مزاح حاد......

ونحن ماشين على المدخل مع بعض ونتونس..... آسر جا ماشي بي جمبنا واتجاوزنا.... كيارا فكرت تمشي على نهجي فلحقتو وصرخت ليهو حصلتو وختت يدها في كتفوا... انزعج من الحركة دي لاحظت لي اسوارتو وخاتموا بقى لونهم ازرق معناها عييونو كدا... طوالي أدركت الموقف قبل ما يقبل واتكشف.... قلتا ليهم بي صوت عالي عاينو عاينو قبلو عاينو لي... قلتا ليهم مالك انتو منزعجبن كدا روقوا شوية.... كيارا عاينت لي بي استغراب.. بس آسر فهمني ابتسم لي ورجع طبيعي..... قال لي كيارر المزعجين بقوا كتار ضحكت وبقوا بتكلمو مع بعض لا كمان وبضحكوا.... البنات لقوها فرصة وبدو اصوروهم طلعت مشيت البيت بي خطوات ثقيلة وحزينة وانا ما عارفة احساسي شنو في اللحظة دي بس اكيد ما احساس حلو خالص...... المسا كيارا ضربت لينا مكالمة جماعية عشان تورينا الحصل معاها شنو... كنت مختصرها شديد وعي شكلها ما حست لأنو كانت طايرة من الفرح.......

من جهة هيام عملت فيديو كوول وجمعت الشلة قالت ليهم رأس السنة جا  و ما فضل ليهو  كتير  مسافرين وين.... مجد قال ليهم نحن  كشباب العايلة كلنا ماشين قطر.... سبأ قالت ليهم ابوي مصر قال انو نمش مصر لي أهلنا نحتفل هناك و عندوا أعمال عالقة .. منها نمشي نحتفل ومنها اتابع شغلوا..... هيام قالت ليها ومالك زعلانة كدا على الأقل انتي مسافرة في واحدة كدا قاعدة في البيت ههه. ما مصدقة متين امشي واجي عشان تتفاخر انو ماشين دبي.... مؤيد قال ليهم النقاش محتدم امي قالت مصر وابوي قال بوروسودان... سبأ قالت ليهو اقنعهم اجو مصر منها نحتفل مع بعض...... هيام  بي انزعاج قالت ليهم ولي تحتفلو مع بعض.... سهى دخلت وهي زعلانة... هيام قالت ليها مالك محتفلة هنا ولاشنو... قالت ليهم ياريت لو الموضوع كدا...الموضوع اكبر... هيام قالت ليها احكي... رسلت ليهم صورة اليوم حقت آسر وكيارا الكانت منتشرة في كل القروبات... هيام دي كانت بتشرب في قهوة كشحتا فيها وجرت الحمام.... سبأ وهي بتتأمل الصورة و علانة مجد قال ليها مالك انتي التانية كمان.... قالت ليهم فقدت الرغبة في أي شي حتى الكلام مع السلامة...... مجد قال ما عارف الشي السمح البخلي اختو عينهم على آسر انسان عادي لي مهتمين بيهو كدا..... لؤي قال ليهو أمكن دي قدرة مصاصين الدماد بخلو كل البنات اعجبوا بيهو عشان اخطفهم.... مجد قال ليهو مؤيد انت ما  نصيح ولا راسك دا طاشي شبكة لو كان بخطفهم كان سجلوا حالات اختفاء في الجامعة... بس الغباء إخلو لي منو.. وقطع الاتصال وخلي مؤيد بي غباء وفهمو الجديد.....
من جهتي ونحن بنتغدي.. أو ناس امي بتغدوا وانا بعاين للأكل وشاردة بعيد قلتا آسر الحقير قبل يومين ما كان طايق زول ... والليلة دي بضحك وبتونس عديل كدا... حريقة تحرقوا الكريهة.... أمي بتتكلم معاي وانا ما منتبه ليها ابوي قال ليها خليها شكلها ما معانا وشاردة بعيد.... قلتا متين كيارا بقت شجاعة فجأة كدا... هة وقالت الفضل يعود لي.. هي بتسخر مني ولاشنو.... أمي نادتني بي صوت عالي طلعت من شرودي وقلتا ليها نعم قالت لي دا شنو دا ياخ راسك دا وين قلتا ليها  آسفة انا شبعت ودخلت غرفتي.... ابوي قال ليها خليها شكلها بتعيش صراع داخلي..... اني قالت ليهو برضوا ما لي الدرجة دي.....
قعدت في الطوالة حقت  المكتبة ومسكت تلفوني اتزكرت اني شلت رقم آسر  يا ربي  ارسل ليهو لا لا ما برسل ليهو تاني ما قدرت مسكت التلفون  وكتبت ليهو كيفك يا فضائي الليلة شايفاك مستمتع... مسحتها وقلتا ما تبالغي بي ردت فعلك..... كتبت  ليهو مالا تصرفاتك بقت غريبة..... مسحتها وقفلت التلفون وقلتا ما عندي موضوع في النهاية رسلتا ليهو  افتحوا. معاهو.... مرحبا يا مريض آلتوحد أو العكس..... كان اونلاين شاف الرسالة وقال دي شنو  اكيد دي ملاك ما بستغرب منها نهائي قال برد على الرسالة دي بس.... رسل لي ما بسألك كيف اتحصلتي علي رقمي  ... ومية  مرة قلتا ليك ما تقولي لي مريض التوحد.... شفتا الرسالة ورسلت ليهو فعلا انت أتخطىيت مرحلة التوحد مبروك عبرتا شديد.... شاف الرسالة وكتب لي تطور ملوحظ صاح دايرة شنو تاني..... جاتني الرسالة منو. قلتا دا شنو البرود دا انسان دمو بقرى خلاص..... 😑قلتا ليهو مالك هسة ما كنا كويسن..مالك  زعلان كدا الصباح ما كنت مبسوط وبتضحك مع كيارا الاتغير شنو هسة...... آسر وهو بقنع روحو انو مزعوج من كلامها بس العكس.... جاتني رسالة منو كاتب فيها... في زول قال لي أدى روحي فرصة تانية مع البشر... وكلامو مثبت في حلقي.... لما قريتا طقيت من الزعل قلتا بس دا ما الكلام المفترض تثبتو غبي غبي.... رسلت ليهو قربت تكشف روحك الليلة إلا أنا أدخلت وانغذتك..... رسل لي هة بقيتي تخافي على من اني اتكشف  على كل حال ما بخصك.... جاتني الرسالة صدمتني كتير قلتا واللة صحي غلطانة انا البتكلم معاك غفلت التلفون ورقدت في الطاولة.....
آسر خطرت على بالو فكرة عظيمة عشان استفزني بيها... جاتني رسالة قمت فتحتها اتصدمت منو لما لقيتو كاتب لي... شكلك الليلة اشتقتي لي ولي صوتي السمح دا ما تنكري 🌚.....
قلتا لا هو كدا بستفذ فيني هو ما عارفني انا منو هههة اخونا الفضائي دا عبر شديد زول سبقوا ماف تمام بعرف ارد ليك كيف..... جاتو رسالة صادمة خلتو افتح خشمو مترين محتواها "هههه شكلك موهوم  شديد يا زول نزل سقف غرورك دا لأنو زول شغال بيك ماف... .🙃 ههه بس انت عارف لازم تفكر كدا لأنو  انا الوحيدة البهبب ليك..... على كل لو انت مشتاق لي قولها عديل وبي الواضح كدا... المهم أتأمل صورتي المعاك دي بتكفيك لي بكرة ههههة 💁‍♀️...."
ابتسم وقال اكيد دي اكتر بت وقحة لاقيتها في حياتي كلها.....

في اليوم التاني ونحن ماشين انا وكيار وتالا لؤي جراني وقال لي داير اتكلم معاك... قلتا ليهو في شنو في كلام لسة ماقلتو... قال لي ملاك انا آسف بعتزر على القلتو وأني صرخت فيك... بس عملتا كد عشان حبي ليك... قلتا ليهو مافي شي يا لؤي انت ساي مكبر الموضوع انا وآسر مجرد أصدقاء بس انت المادير تفهم... قال لي تمام تمام اتصافينا... ابتسمتا ليهو وقلتا ليهو طبعا... دخلت القاعة لقيت كيارا قاعدة محلي حنستني عشان تقعد وانا ما قدرت أرفض وقعدت  مكانها ما كان في طلبة كتار معظمهم سافرو .... آسر جا داخل وقعد سامعاهم بتكلموا وما قادرة اسمعهم ولي اول مرة احس بي شعور كيارا شعور كان قاسي بي معنى الكلمة 😞.....
آسر قال ليها بي برود دا ما مكانك لي قعدتي فيهو.... قالت ليهو بي ابتسامة آخر مرة قعدت هنا ما كنت قادرة اتكلم بي الموضوع اختلف هسة.... قال ليها كويس على الأقل بتخلص من المزعجة دي باقي اليوم..... كيارا حسن بي الراحة لأنو بس بعتبرني زولة مزعجة وما اكتر..... قبل كدا لقاها بتعاين ليهو قال ليها بي برود عايزة شنو... قالت ليهو انت عارف انو ما بنتلاقي تاني إلا بعد اسبوع عشان كدا فكرت اخد رقمك... قال ليها ولي اتوترت وقالت ليهو أمكن احتاج لي مساعدة في القراية... آسر في نفسو قال انا غبي لما أصدق كلامك..... قال ليها تمام بس ما تخليك متأكدة انو برد على اتصالك.... كتب ليها الرقم في دفترها.. وهي ما مصدقة انو دا رقموا وطايرة من الفرح....طول المحاضرة تشوف فيهو  
في الكفتريا كيارا جمعتنا عشان تقول لينا الخبر العظيم...🙁 قلتا ليها كل الفرح دا بس عشان قعدتي مكاني.... كيارا والابتسامة من الضرس لي الضرس حصلت على رقموا..... عاينا ليها بي استغراب.. تالا قالت ليها بي فرحة بالجد واللة انتي طلعتي خطيرة.... قلتا ليها ما فهمت يعني سرقتي تلفون ولا شنو.... قالت لي يا بت اداني ليهو بي نفسو وبي كامل قواه العقلية.... وبي خطو كمان واااي بموت بموت من الفرحة الليلة... قلتا لي بي انزعاج لا لا في حاجة حاصلة لي الزول دا اصلو ما طبيعي🙁... تالا قالت لي حتى انا فكرت زيك كدا..... كيارا قالت لينا مهما حصلت ليهو حاجة بتمنى انها ما تنتهى 😍....
تالا قالت لينا خططتم شنو لي رأس السنة... قلتا ليها ولا حاجة صاباها في البيت.... كيارا قالت لي لي كدا نحن وناس لؤي محتفلين تعالى احتفلي معانا.... قلتا ليها ابدا اخير اقعد في البيت..... قلتا لي تالا وانت... كيارا بي ابتسامة خبيثة احم احم صحبتنا بقت مقربة من ماجد  وحتى انهم محتفلين مع بعض ..... تالا قالت ليها بي انزعاج ما تقولي كدا ياخ كل الموضوع انو دايرين نحتفل برانا خارج نطاق العايلة.... قلتا ليها شكلك رأس السنة الجديدة بتكوني مخطوبة...... 😂👌
من جهة لؤي قاعد في الكفتريا وبعاين لي آسر نظرة كرة وحقد... أمير جا وقعد ولوح ليهو بي يدو... قال ليهو انت لسة ما نسيت الحصل قبل يومين لا غيران..... لؤي قال ليها الموضوع ما كدا.... أمير قال ليهو بالمناسبة انا صحبك وعارفك ما نحاول تدس مني الموضوع.... لؤي قال ليهو فعلا ياخ مزعوج من اليوم داك وصورتهم وهم بيلعبوا وبضحكوا ما فارقت بالي... كيف قدرت تتصرف بالراحة وعدم المبالة بي الطريقة دي.... أمير قالت ليهو هم أصحاب وشي عادي... لو نظرنا للموضوع بي منظورك.. بنشوف انو حتى ملاك ما قادرة تتصرف معاك بي أريحية.... لؤي قال ليهو بي انزعاج الموضوع ما كدا هي ما بتعرفو غير تلاتة شهور.. وعملت شنو مشت معاهو بيتو... وما مشت معاي انا... أمير بي صدمة مشت معاهو بيتو إذا عرفت الجامعة دي بتكون نهايتها.....لؤي قال ليهو  بت غبية خلاص وبتثق في كل الناس.... أمير قال ليهو هة ما عارف الفرق بيناتكم انت وآسر شنو... الاتنين بتعرفكم من تلاتة شهور.... ولقائكم ما كان سار ابدا....عاين ليهو بي استهزاء وقال ليهو كيف تقارنا مع بعض هي بتعرفني من نحن صغار... كيف تقارن صديق الطفولة بي واحد غريب؟؟!..

أمير عقلو وقف في الحتة دي ورجع لي  ورا واتزكر كلام ملاك عن انو هي بتعرف لؤي من زمان... انتهت بي إهانتها  قدام الناس... ولؤي لقى ليهو صفعة منها... معنى الكلام دا انو ملاك كانت بتقول الحقيقة... بس لؤي نكر الموضوع كلو وأتهمها بالكزب..... لؤي كان بتكلم بس حسة انو أمير ما معاهو لكزو.... عاين ليهو وقال ليهو لؤي ما بصدق انك استغبيت كل الناس... خليت ملاك في موقف سيئ ولا تحسد عليه... مع انها كانت بتقول الحقيقة وانو انت صديق طفولتها لي عملت كدا دوافعك كانت شنو لي درجة تهينها بالشكل دا ؟؟.... بي سببك ما خلوا حاجة ما عملوها فيها عاملوها بي اسوء الطرق.... خيلتا في عيون الناس البنت الفقيرة التافهه...البتلحق الشاب الغني.... لؤي هو مرتبك ومتوتر قال ليهو أمير انا انا... قاطعوا وقال ليهو لؤي ما تتكلم ما تقول حاجة خيبت أملي فيك... خزلتا صحبت طفولتك الوحيدة عشان حالتك الاجتماعية 💔... انت ما بتختلف عن أي واحد في الجامعة دي زيك ودي اي زول بهتم بي المكانة والشهرة... ومشى خلاهو..... أمير قال حتى  انو ما وراني الحقيقة وكان بستغباني.. كنت متفكرو أعز أصدقائي بس شكلو ما واثق فيني....
لؤي قال لساني دا يوم بسبب لي مشاكل ماليها آخر.....

طلعو بيان في اجازة لمدة أسبوع لي رأس السنة المهم ونحنا طالعين خلاص لأنو آخر يوم ودعنا بعض  لمحنا أمير كان ماشي وظاهر عليهو الحزن... تالا قالت لينا مالو أمير الليلة زي الما كويس... كيارا قالت ليها المفترض انك تكوني بتكرهيهو..... قلتا ليها لما تتلاقو بتتشاكلو في اتفه الأسباب... ولما تبعدو تعملي رادار لي احاسيسو 🤣🌚...... قالت لي خلاص غلطانة انا سحب كلامي.....  آسر جا ماشي بي جمبنا واتجاوزنا... كيارا عاينت لينا وابتسمت... قلتا ليها وانا بهز في رأسي ما تقولي لي بتعملي ألفي راسي.... قالت لي بالضبط كدا.انا اتخلصت من فوبيا الرفض مع السلامة ... و مشت وقفت آسر قالت ليهو آسر ثواني وقف ليها وقالت ليهو انت عارف انو نحن تاني ما بتلاقي الا بعد اسبوع ممكن الليلة نمشي مع بعض... قلتا مستحيل اسمح ليها تمشي معاهو..... آسر قال ليها لو افترضنا انو انا رفضت انتي اكيد بتمشي صاح.... قالت ليهو بالضبط كدا فأحسن اكون بس موافقتك... قال ليها تمام ارح.... مهما كانت صدمة ناس الجامعة ما بتكون زي صدمتني   لما شفتهم ماشين مع بعض كانو صبت فيني مطرك.... طلعت مشيت البيت براي وانا بنبذ في آسر ومغيوظة منو......

من جهة آسر وكيارا ماشين وهم ساكتين كيارا كسرت الصمت وقالت لي آسر انت قاعد في الخرطوم ولا مسافر.... آسر بي برود ما عارف ما ختيت برنامج محدد بعتمد الكلام دا على مساعدي.... قالت ليهو تمام بعد انتهى العد بتصل ليك خلي تلفونك فاتح في أي زمنولو قاعد ممكن نتلاقى.... قال ليها تمام.... حصلوا بيت كيارا قالت ليهو اتفضل عندنا..... لقايت ما تتم جملتا آسر مشي خلاها... ابتسمت ودخلت بيتها وهي بتنطط وميتة من الفرحة.....

طوالي اتصلت لينا وحكت لينا كل حاجة حصلت ليها وما خلت تفصيل صغير ما قالتو..... حتى أنها مستعدة تلغي اي شي عشان تحتفل معاهو.. ودا خلاني ازعل اكتر من ما انا زعلانة......
كنت راقدة في السرير وبفكر في كل مرة كيارا وآسر كانو سوا بتجيني غصة في قلبي ما عارفة لي حاسة كدا... فتحت تلفوني ويدي لا اراديا مشت المحادثة بس قلتا لا يا ملاك ما تعملي كدا..... آسر كان قاعد والتلفون في يدو وكان منتظر رسالة من مالاك وكل دقيقة بفتحو وبقفلو... لما فقد الأمل نزل تحت العب مع كلبو الكان مربيهو...... سمع نغمة الرسالة جاية من الغرفة... استخدم قوتو عشان اصل في أسرع وقت في وشو ابتسامة كبيرة بس الرسالة كانت من كيارا بتسألو إذا وصل... ابتسامتك اتلاشت وحلت مكانها خيبة أمل كبيرة سفها وما رد ليها جدع التلفون....
 قلتا لي اتنازل انا وأرسل ليهو خليهو ارسل هو... بس ما قدرت فتحت التلفون ورسلت ليهو.... مرحبا لاحظت الليلة انك مبسوط نغير الإمكان إلى الأبد ولا شنو.... بعد سمع نغمة تلفوني جا بي سرعة الغرفة ابتسم ابتسامة عريضة لما لقاها من ملاك بس محتواها غريب أتردد ارسل شنو.... وصلتني رسالة كاتب لي فيها ممكن بكون احسن شي.... لما قريتها لما حسيت بي دموعي دي قريبة... كتبتا ليهو يعني انت بالجد بتعتبرني مصدر إزعاج بالنسبة ليك... تمام يازول اصلا القعاد مع كيارا مريح شديد لأنها ما كلامة وثرثارة زي.... غفلت التلفون ورميتو وغطيت وشي بالمخدة.ما مصدقة اني زعلانة بي سببو  لي كدا. ... آسر حسة انو رسالتو أخدت مجرى تاني شكلو صدقتو مع انو كان بتظاهر بالبرود كالعادة فاضطر اصحح رسالتو.... جاتني رسالة مكتوب فيها في زولة قالت لي انها ما بتتخلي عني مهما حصل بس اتضح انو البشر مزاجهم متقلب..... ابتسمت لا اراديا وحضنت التلفون لما استوعبت انا عملت شنو جدعتو.....

يوم رأس السنة كيارا مشت لي لؤي في بيتو لقتو في غرفتو شارد ضربتو بي المخدة وقالت ليهو مالك.... قال ليها من المفترض انو نتلاقى المسا الجابك شنو... قالت ليهو ما بزعج  روحي بي كلام... جيت اقول ليك أنو ملاك براها في البيت شنو رايك انو تجيبها تحتفل معانا ومنها تمشو تحتفلوا سوا... لؤي مسك يد كيارا وقال ليها انتي أفضل أفضل صديقة على الإطلاق... انت عارفة ما بسألها بمشي ليها واختها أمام الأمر الواقع وقدام أهلها ما بترفض..... كيارا رجعت تجهز روحها المسا جا ولبست ليها فستان اسود من تحت فاري واكمامو نص مع جكت نص ابيض... شنطة ابيض بي اسود هيلز مشبك  اسود.. كانت طالعة جميلة بي معنى الكلمة... لؤي قميص وبنطلون اسود ساعة واسبورت مشكل بين الأبيض والأسود  كانو طالعين حلوين شديد.....

من جهتي ما كان في أي شي ملل لأبعد الحدود.. وعدم موضوع... قلتا لي امي المفترض انو نطلع اي مكان أن شاء الله خشم الباب دا بس زي كل الناس 🙁.... أمي قالت لي انتي يا بت اختلطي مع الاغنياء ثلاثة شهور وتفكيرك بقى زيهم... ثواني مش لؤي قال انكم مرتبطين كان تمشوا سوا... قلتا ليها امي عليك اللة انسى ياخ خلاص سكتا... اشتقت لي القرية ولي لدن كنا عملنا لينا أجواء ظابطة 😞... ابوي قال لي اتصلي لي لؤي خلي اجي اسوقك... مش صحبك قلتا ليهو هو ما طلب مني وانا مابضرب ليهو.... دخلتا غرفتي حاسة بي ملل وإحباط كبير لا لا ما بقدر اقعد في البيت دا... رسلت لي آسر قلتا ليهو وين يا فردة... قال لي رجعت لي الجحيم الجيت منو.... قلتا ليهو مشية بلا رجعة 🙂..... وكانت عندي خطة بديلة اصلا عشان اكسر الملل دا......

من جهة العائلتين اتجهزو وركبو عرباتهم ماشين مكان الاحتفال لؤي ماشي اركب ع بيتو  امو وقفتو وقالت ليهو ماشي وين ما ممكن تتخلف عن الموعد بعد العد انتهى أمشي مكان داير... قال ليها عارف يا أمي بس ماشي اجيب لي زول وجاي... كيارا جات طالعة قال ليها طالعة حلوة الليلة قالت ليهو عارفة وانت طالع وسيم ماشي  وين.. قال ليها مش انتي الخططي انو نمش لي ملاك... امو قالت ليهو إياك تتأخر... كيارا قالت ليها خلاص انا بمش معاهو عشان اتأكد انو ما بمش مكان تاني..... ركبو واتجهو على بيتنا....
من جهتي طلعت لي أرقى عباية عندي وشبط واطي مشبك شلتا تلفوني وطلعت أمي قالت لي على وين قلتا ليها هسة كيارا ضربت لي وقالت اجي احتفل معاها... قالت لي ما تمشي قلتا ليها ما بتأخر يا أمي اصلا بيتهم ما بعيد وبقول ليها توصلني... ابوي قال لي ما تتأخري وخلي بالك الزمن قلتا ليهو حاضر وطلعت..... كنت  ماشة وانا بعاين في الأرض عشان الناس كانو كتار لما جات عربية لؤي ما شافوني و اصلو  لي بيتنا... لؤي نزل وضرب الباب امي فتحت لهيو وقالت ليهو لؤي كيفك طالع وسيم الليلة ابتسم ليها وقال ليها شكرا إذا ما عندك مانع جيت لي ملاك اسوقها تحتفل معانا.... أمي قالت ليهو
انت عزمتها وهي أبت يعني.... قال ليها لأ بس كنت داير اعملها مفاجأة... أمي قالت ليهو بس هي طلعت وقالت انو صحبتها عزمتها.... لؤي قال ليهو ايواا تمام عام سعيد عليكم....
. ومشي كيارا قالت ليهو مالك جيت براك وين ملاك قال ليها ما وريتيها انكم محتفلين معانا .... قالت ليهو طبعا وريتيها لي السؤال قالت ليهو لأنو هي في طريقها لي بيتكم... ورجعو وهم بتلفتو أمكن المحوها في الطريق بس ما لقوها وقفو جمب بيت كيارا بس ما جات لما اتأخر الزمن مشوا محل الاحتفال.......

من جهتي لقيت روحي في باب آسر كنت عارفة انو ما عندو مخططات مريض التوحد دا اصلا شبهينا واتلاقينا.🤣.. ضربت الباب بس ما في زول جا فتحو فقدت الأمل وكنت ماشة بس الباب فتح.... آسر اتفاجأ لما شافني واقفة قال لي ملاك دي انتي قلتا ليهو لا شبحي كيفك ما قلتا رجعتا لي كوكبك ... قال لي  بي برود تمام ما مشيت... قلتا ليهو عارفاك ما عندك مشروع لي رأس السنة بس انا موجودة.... قال لي اختصري.... قلتا ليهو بي صوت براحة واتصنعت البراءة آسر يا صحبي سمعت انو في الزلط في احتفال وجوطة وانا حسيت بالملل وقلتا اشوفك لو قاعد نمشي نشوفوا.... وما في موضوع في البيت وانا ما بقدر اضيع يوم تاريخي زي دا رجاءا يا آسر رجاءا ما تكسر بي خاطري اصلا ناس امي ما عندهم شغلة بي المواضيع دي... نمش نشوف الأجواء دي وما بنتأخر عارفة انو ما عندك حاجة يلااااا واقف ارجوك.... بعد كلامي القلتو وبي كل برود العالم قال لي لأ امشي براك..🙂......

من جهة لؤي وكيارا وصلو لي مطعم كبير وحلو واطلاتو خطيرة ولوي  مزعوج وخاتي يدينو في جيوبوا وساكت ام لؤي  قالت ليهم يداب اكتملت العايلة بي وجودكم... لؤي قال ليها انا ما بحب الأجواء دي ما ممكن امش... امو قالت ليهو ابدا.... كيارا قالت ليهو ما تزعل كأنك ما بتشوفها بعد اليوم.... ابوهو   قال ليهو دي بت منو دي.... لؤي حمر لي كيارا وقال ليها دا الكان ناقصني.......

المطعم الكبير دا كان تابع لي عايلة أمير فكان هو البشتغل ايام العطل وهسة باعتبارو مشرف المطعم دا جا واتفقدهم إذا ناقصهم شي بس ما كان في شي ناقص وكل شي منظم وراقي... ابو كيارا قال ليهو مافي شي ناقص كلو تمام ابوك محظوظ انو عندو ولد زيك كدا... ابو لؤي قال ليهو لازم لؤي اتعلم منك الجد والاجتهاد.... أمير قال بي برود ما المفروض اتعلم الجد.... المفروض اتعلم الصدق اول شي... فالمصداقية في العلاقات أهم من أي شي صاح🥀 وكان بعاين لي لؤي...... ابو كيارا قال ليهو ابوك احسن تربيتك وصقل لسانك...... أمير قال ليهو شكرا على كلامك... أنا ماشي بعد كدا كل الخدم في خدمتكم وانسحب بهدؤ من المكان.... كيارا قالت لي لؤي كنت قايلة انو انت مزعوج عشان ملاك... بس اتضح انو انت وأمير متشاكلين.....بس السبب شنو.... قال ليها أمس لما كنت بتكلم معاهو لساني زل وعرف الحقيقة انو انا وملاك أصحاب من زمان زعل مني لاني اهنتها وعشان دسيت الموضوع منو...... كيارا قالت ليهو دا المتوقع من أمير... هو ما عارف انو صحبو جبان...... قال ليها فعلا بس انا حاولت احمي ملاك عشان ما تتأذي... وبالمقابل حافظت على مكانتي وصورتي.... بس من الليلة وجاي بيتغير كل حاجة.....
كيارا قالت ليهو انا زاتي كنت بخاف مواجهة آسر بس اتعلمت من ملاك انو اندفع وما اخاف الرفض.... وانت كمان لازم تعتزر منو ولو ما سامحك تأتي تحاول..... أم كيارا.. قالت ليهم بتقول في شنو براحة كدا..... لؤي قال ليها ماف حاجة.. قالت ليهم تعالو العد ببدء بعد شوية...... كيارا ختت يدها في كتفها وقالت طبيعي انو ازعل منك أمير لأنك دسيت الموضوع منو لاكن لو شرحت ليهو الموضوع بتفهمك...... لؤي قام وقال ليها اكيد بعد رأس السنة الجديدة ما بخلي في أمور عالقة بيناتنا......
أمير كان في المطبخ شغال..... بينما تالا وماجد واهلهم محتفلين في جزء  من أجزاء المدينة.....

من جهتي بعد آسر قال لي لا عاينت ليهو وقلتا ليهو تمام شكرا ليك واسفة لاني ازعجتك المرة دي غلطي انا....طيب  انا ماشة على كل سنة سعيدة عليك... ومشيت بي اتجاه الأضواء الكانت في الظلط..... بعد مشيت كم خطوة كدا سمعتو بوقفني ابتسمت لأنو خطتي نجحت..... حصلني ومشينا قال لي كل مرة بتعملي حركتك دي تاني لو عملتيها مية مرة ما بعبرك 🙄.... قلتا ليهو فهمنا ياخ.... ومشينا تحت الاضواء والناس الماشة وبتضحك  والاولاد الصغار البلعبوا بي الطلق...
قلتا ليهو بي هدوء بقيت ما بعرفك من يوم الأحد وانت بتتصرف بي غرابة كانو بقيت ما طبيعي....ما كنت متعود تتكلم مع زول.. بس فاجأتني بي صداقتك لي كيارا...... لا وكمان أديتها رقم تلفونك بكامل قواك العقليه.... و المفاجئة الأكبر وصلتها لي بيتها ما تعارفنا يا آسر.... ابتسم وقال لي  افهم من كلامك انك  متضايقة من التغيرات الحصلت و غيرانة عشان انا وصلتها البيت...... اتوترت وارتبكت.. قلتا ليهو انا وغيرانة لي اغار اساسا..... وما نسيت انك كنت بتضحك معاها شكلو الحقنة الاخدتهد أثرت في مخك ...... ضحك وقال لي لو ما عارف مشاعرك تجاه لؤي كنت فسرت الكلام دا على نحو تاني..... انتهدت بي حزن وقلتا ليهو حتى لو مشاعري اتجاه لؤي بتخليك بعيد عن أي سوء فهم  بس كونو صحبتي بتحبك بخلي الموضوع مستحيل 💔..... آسر اسوارتو وخاتموا بقى لونهم ازرق 💙.... لاحظت ليهو وقلتا ليهو ما تكون انزعجت من كلامي.... قال لي بي برود لا.... حصلنا الظلط والاضواء دي بي كل الألوان والناس دي كتيرة شديد والأطفال ديل بلعبو وبتجارو والطلق دي شغالة وفي ناس كانو بوزعو بارد ادونا انا وآسر عرفتا لي مسمينو الحي الراقي لأنو كانو منظمين اي شي  وبقينا منتظرين العد التنازلي......
لؤي ٦.   ٥
كيارا.     ٤
امير       ٣
انا        ٢
آسر بي برود     ١
وكل الناس بتصرخ والأجواء بقت رهيبة والمفرقعات الزينت السماء بالألوان والاضواء والطلق وكلنا بي صوت واااااحد

Happy New year 🎉🎉🎉🎂✨🥂
•••••••••••••••••••••••••••••••••••••••••••••••••••••••••••

#فقيرة~في~عالم~الاغنياء《17》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من جهة لؤي بعد انتهى العد التنازلي.... مشي  لي أمير الكان بعايد كل الناس  في المطبخ وقف ليهو في الباب وقال ليهو أمير ممكن نتكلم..... أمير بي برود لؤي اتخارج من هنا.... لؤي قال ليهو دي خمسة دقايق من بداية عام جديد من سنة ٢٠٢٠ خلينا ننسى الماضي ونبدأ من جديد.... أمير بي ابتسامة من الطبيعي اي زول في اللحظة دي  يعتزر عن كل الاخطاء البدرت منو.... لؤي مشا عليهو وعانقوا  وقال ليهو كنت مفتكر انو ماف اعتزار بين الأصحاب سنة سعيد عليك..... ارح نمشي نحتفل مع باقي الشلة
......
من جهتي... قبلت على آسر وقلتا ليهو Happy New year...سفهني وقال لي خلاص بدأ عام جديد وانتهينا يلا نمش.... قلتا ليهو  شكرا ليك انت بتقدر تمش بعد كدا اما انا  قاعدة شوية  ومشيت قعدت في طوبة وبقيت بعاين للناس دموعي جرت ..... جا قعد جمبي وقال لي مالك هسة... قلتا ليهو انت عارف انو الليلة عيد ميلادي وما في زول اتزكرو لا ناس بيتنا ولا حتى لؤي   ياريت لو صحبتي لدن كانت هنا  انت عارف هي الوحيدة الفرقت معاي كانت بتشتري لي كيك من الدكان وبليل بتعمل لينا شاي لبن  وبتنظم المكان وبتخت الحاجات  وبنساهر لي الصباح نتونس ونضحك  مع انها حاجات بسيطة بس كانت بتفرحني شديد كانت دايما هديتها لي الحب بدون مقابل❤️ كنت محظوظة لأنو عندي صحبة زيها هسة اتغير كل شي.... قال لي انتي قعدة تمثلي على ولا الليلة بالجد عيد ميلادك..... قلتا ليهو ما تركز كتير اصلا ما موضوع مهم... قبلت عليهو وقلتا ليهو انت عمرك قدر عمرنا صاح..... قال لي شنوو لي بتهينني كدا انا أكبر منك بي خمسين سنة 🌚... عاينت ليهو وفكيت الضحك  🤣😂.. ما جادي صاح 😂😂عاينت ليهو لقيتو جادي قلتا ليهو بي صدمة  وهسة عمرك كم يعني.... قال لي ٧٠  سنة  تقدير الوقت بين  كوكبي وكوكب الأرض ما واحد فكوكبنا بمر بي بطأ شديد مقارنة مع كوكب الأرض...... عاينت ليهو قلتا ليهو مززهل.. طيب من المفترض انك تكون حاليا عجوز ما قصدي الإهانة 🌚🤣.... آسر قال لي نحن ما بنكبر نهائيا يعني انتي بعد ٥٠ سنة من هسة انت بتكوني عجوزة وعمياء 🌚.... أما أنا بكون في عز شبابي إذا ما رجعت كوكبي..... فتحت خشمي مترين من الصدمة قلتا ليهو كنت قايلة انو كدا جاوبت على كل الأسئلة بس اتضح انك فتحت مية باب من الأسئلة البدور في رأسي... لما ارجع البيت بكتب الملاحظة دي.......

من جهة لؤي مشوا لي الساحة الخضراء كان في احتفال كبير هناك قعدو... أمير قال ليهو لي كزبت علينا.. ... لؤي قال ليهو انا ما لؤي البتعرفوا هسة دا... أنا ما ولودوني وفي خشمي معلقة من الفضة..... قبل تلاتة سنة ولي تحت انحن كنا عايشين حياة الفقر في القرية يعني زينا وزي ناس ملاك.... وهي فعلا صحبتي من الطفولة... جدي الله يرحموا مات وخلها ليهو ورثة وابوي ازدهر في شغلو وبقينا شبة أغنيآء انتقلنا عشان نعيش هنا في العاصمة..... ما كنت عايذ اكشف روحي وأني جيت من وين.... خفتا اعملو فيني زي ما عملوا في ملاك.... كنت خايف انو مكانتي تتشوه... أنا عراف انو العملتو غلط.... بس كنت حاسي بالضياع والخوف......
أمير ضربو في كتفوا وقال ليهو انت عارف انو انا التفاصيل الصغيرة دي ما بتهمني كتير.... لؤي قال ليهو دا انت بس الجامعة وشبابها ومجتمعاتها.... اكيد ما زيك...... أمير قال ليهو اديك نصيحة مني يا لؤي... أو ممكن ما اقول نصيحة خليها مبدء لي كل  علاقاتك

"صديقك الحقيقي لا  يهتم بما تملك من مال أو حسن
صديقك الحقيقي هو البهتم بيك كإنسان عندو قلب و مشاعر لازم انك تقدرها
 الصداقة الحقيقية ليست كلمة تقال بل حب يسكن في الوجدان والصداقة الحقيقة أن تكون أنت مرآة لصديقك ❤️
الفرق في الأفعال ما في الكلام 💞😊

لؤي حضن أمير وقال ليهو انا محظوظ انو عندي صديق زيك... أمير زحاهو وقال ليهو الناس اقولو شنو عننا... قال ليهو أثرت فيني ياخ 😂😂....

من جهتي بقينا قاعدين وبنشوف في الاحتفال دا سرقت تلفون آسر وبقيت بصور فيهو وفي الاحتفال وبقول ليهو انت مالك ما تستمتع... وهو بحاول امنعني من التصوير تلفونو ضرب... شالو مني بي سرعة قلتا ليهو بي استغراب الضرب ليك منو.... ابتسم بي خباثة وردا وقال مرحبا يا كيارا انتظرت مكالمتك كتير.... عاينت ليهو بي صدمة وقربت اسمع بقول في شنو...... كيارا كانت مصدومة منو قالت ليهو بالجد انتظرني هة الاحتفال حق العايلة انتهى هسة انت في الخرطوم...لو قاعد خلينا نتلاقي..... قال ليها عرض مغري... ضربتو في كتفو وقلتا ليهو كريه انا ماشة   .... قال لي جنيتي انتي.... كيارا قالت لهو عفوا انت معاي.... قال ليها ما بقدر اطلع هسة حصل  لي موضوع طارئ  وغفل الخط من دون اسمع ردها....... وخلاها تفكر دي منو الكانت معاهو .

من جهة لؤي كان بشرب في سجاير كمل علبة كاملة أمير قال ليهو مالك بتشرب كدا اكيد حاصلة ليك حاجة.... قال ليهو خليني اشرب دا اليوم الوحيد البسمحوا لي اني اشرب من دون حكم ومواعظ... وانا الألم  الفي قلبي كبير حتى كيارا ما المفترض انها تعرف  ما وريتها.... أمير قال ليهو وترتني وقلقتة بي في شنو احكي..... طلع السيجارة الفضل فيها آخر حاجة قال ليهو مشاعر ملاك زي السيجارة دي كنت بمتلكها براي بس هسة بقت فاضية وبقيت بعاين ليها وهي ما بقت فيها حاجة وفي النهاية بتترمي.امير ... ملاك بقت ملك زول تاني.... أمير قال ليهو انت مزعجوج عشان علاقتها مع الملك... ما تسيئ بيها  الظن... هي قالت ليك انها ما بتحبك .....؟؟
قال ليهو  لقيتهم وهم وفي السطوح وكانو قريبين لي بعض وهي ما عملت حاجة.... ما عارف الحصل شنو بعد مشيت امكن أمكن وسكت ... بس الحسيتو انو قلبي اتمزق لي أشلاء..... داير اكسر جسموا واضلاعو...كلها  يا ريت لو بعرف مكان بيتو...... أمير بي صدمة بتلمح لي شنو أمكن ما حصل شي.... أمكن انت فهمتها غلط...... لؤي قال ليهو ما في غلط في الموضوع بقول ليك كان قريب منها وما بستبعد اي شي 💔حاسي بالاسي اتجاة كيارا لو عرفت اكيد بتتألم زي كدا وانا ما بسمح بي الشي دا عشان كدا بخفي منها الموضوع..... أمير قال انا فخور بيك ما توري كيارا... بس قبلي كل شي اتأكد من مشاعر ملاك كونو هي قريبة منو ما بتعني حاجة....... لؤي قال ليهو حاولت اقنع روحي انو دا غلط بس ما قدرت... أمير قال ليهو دا شعور الغيرة ما ترهق نفسك بي التفكير.....
من جهتي... وانا ماشة  وقفني وقال مالك... قلتا ليهو ولا حاجة قلت امشي اخلي ليك مساحة خاصة تتكلم فيها..... قال لي بالجد بقيتي مزوقة.. قلتا ليهو كيف دا كلامك... بس سمعنا صوت المفرقعات عاينا فوق ورفعت البارد وقلتا ليهو نخب السنة الجديدة ونخب الصداقة بين البشرية والفضائي.... ضربني ضربة خفيفة.... وقال لي اول حاجة بقولو  بنخب) (تاني حاجة ما تقولي فضائي مية مرة نبهتك......
بعد مسافة كدا قلتا ليهو آسر  مثاق دي منو...... اتوتر و عيونوا ولون اسوارتو وخاتموا بقى لونهم رمادي ملامح وشو دلت على الحزن وشرب البارد دفعة واحدة....... قلتا ليهو آسفة إذا زكرتك بالموضوع ما مشكلة ما ترد على....... قعد وقال لي عادي الموضوع اصلا بقى من الماضي.... قعدت وقال دي بت حبيتها لما جيت هنا كنت قايلها بتحبني بي صدق... كنا بنحب بعض لي درجة بعيدة وفي يوم وريتها حقيقتي... في البداية ما صدقت وكانت قايلاني مجنون.... واتصنع ابتسامة باردة كأنو نسي القصة دي وما بقت مؤثرة عليهو بس العكس ......
بعد ما وريتها حقيقتي والحاجات البقدر اعملها كانت بتبكي بي هستريا وبتطلب مني الرحمة... وانو ما أأذيها...... عيونو اتحولت تدريجيا إلى الأسود.... 🖤كنت ببكي بي صمت لأنو  نبرة صوتو كان بتدل على مقدار الألم والوجع والحزن والحسرة...... بعدها تابع وهو بحاول اكبت دموعو وبقي بتنفس بي قوة وقال لي... من اللحظة ديك وهي بتتهرب مني كل ما تلقاني.....  وفي يوم من الايام وأثناء ما هي كانت بتهرب ... سكت  وقال لي ضرباتها عربية واتوفت.... هي ماتت 💔بي سببي.... كان دموعو بتنزل وتابع وقال لي من اللحظة ديك قررت اني ابتعد من جنس البشر لاني ما بتحمل انو اموت زول تأتي بي سببي💔...... اتزكرت اليوم داك لما قطعت الظلط  وقربت تضربني انفعل فيني إذا دا السبب....  قبلت عليهو وانا بحاول انو دموعي ما تخزلني.... ربت علي ظهرو وقلتا ليهو آسر ما تلوم نفسك.... كان ممكن انها تموت بي أي شي تاني أو ممكن تكون اسوء من العربية..... في النهاية دا قدرها وما في زول بوقف القدر..... ويعني شنو إذا أنت فضائي ما كان المفترض انها تهرب منك... لي يعني الفضائين ما عندهم مشاعر..... قال لي بس في النهاية كنت انا السبب......

من جهة لؤي شرب كتير لي درجة انو بقى بهلوس أمير حاول انو اسندو... كان بقول ملاك انتي لي وما بتكوني لي غيري.... أمير قال ليهو لؤي اثبت ياخ وما ترمي ثقلك على قربنا نصل للعربية.... لؤي وهو بصرخ لو ما خليتو اندم لو ما كسرتو وبقيتو قطعة واحدة.. آسر الحقير. ... أمير قال ليهو ما تصرخ في  اضاني لما تلقاهو اعمل الدايرو انا  اضاني زنبها شنو... وصلو العربية وعلى طول لؤي نام... وطول الطريق اسم ملاك ما فارق خشموا...... لما حصل بيتو ابو لؤي قال ليهو مالو لؤي ود ي شنو الريحة دي شرب كم واحدة اصلا..... قال ليهو قول كم علبة... ابو لؤي قال ليهو ولي ما منعتوا... أمير قال ليهو حاولت بس ما قدرت وصلهو الغرفة.. وأمير طلع على بيتو.....

من جهتي ما قدرت امسك دموعي وجو جاريات بدل ما انا اخفف ليهو بقى بقول لي خلاص اسكتي الناس شايفننا... مسحت دموعي وطلعتا النظارة وقلتا ليهو آسر ما تلوم روحك دا قدرها.... هز لي راسو بس..... وبقي بعاين لي من دون نظارة وقال في نفسو فعلا جميلة من دون نظارة عيونها ساحرات شديد......مسحت دموعي ولبست النظارة وقمنا عشان نرجع البيت  ونحن ماشين  قلتا ليهو آسر ممكن أسألك سؤال بين الأصحاب وجاوب عليهو بي صدق ... قال لي كأنو لو رفضت ما بتسأليني... قلتا ليهو.... زكي.... هل المظاهر هي كل حاجة يعني هسة انا عشان شينة بكون منبوزة من قبل الناس.... قال لي ما كويس  مدام انتي عارفة روحك شينة.بتسألي لي..... كشرتا ليهو  وشي وقبلت منو وقلتا ليهو انت واحد غليظ.... قال لي انا بهظر... انتي انسانة جميلة من دون أي تكلف... بس تقريبا استايلك هو المشكلة.... قلتا ليهو ايواا انت زاتك بتدعم التغير يعني من المفترض اني اعمل ميكب وابقى البت الوااو ديك  واطلع النظارة واعمل عدسات..... قال لي انا ما قلتا كدا بس مهما انتقدوك الناس ما تفقدي ثقتك في نفسك... إذا أنت ما دايرة تتغيري لازم تحبي ملاك الحالية زي ما هي بي شخصيتها و تصرفاتها الوقحة والفضولية والثرثارة ولي اسلوبها وطيبتها يعني خليك بتشبهي روحك وما تكوني نسخة بتشبه زول..... وإذا انت دايرة تتغيري عشان ترضى الناس معناة انتي كدا بتمسحي شخصيتك الحاولتي تبنيها لي مدة ٢٠ سنة وتكون بدلها ملاك تانية بتكون بي رضا الناس... في النهاية اختاري البرضيك..... ابتسمت وقلتا شكرا على  كلامك أثرت فيني الصراحة حتى لؤي  اقرب الناس لي حاول انو اغيرني عشان نظرة الناس...... قال الثقة بالنفس بالزات بخليك تبقى ملكة وانتي اصلا ملكة....💞 عاينت ليهو بي صدمة قلتا ليهو شنووو متأكد انك كويس.... قال لي بالمناسبة انا ما وريتك انو البارد أو أي مشروب غازي نحن بنشربو بخلينا ننسى الزكريات الحاليا بنعيشها وما بنتزكر منها إلا شوية بس وبعدين بترجع لينا  تدريجيا..... قلتا ليهو غريب كلكم كدا يعني... قال لي طبعا.... صاح ما فيهو اي كحول بس بعتبر غازي وبأثر علينا عشان كدا انا ما  بشربو ابدا لأنو ما بيخليني اتزكر ولا حاجة .... وبعدين انتي ما فضائية عشان تنسى...... قلتا ليهو أمركم غريب طيب مدام انت ما بنتزكر شي... انت يا آسر بتعتبر وجودي ازعاج ليك صاح... قال لي لا بعترف انو من البداية كنت بتزعجيني بس بعد معاملتك لي وانك ما اتخليتي عني وحاولتي انك تطلعيني من عزلتي... بعتقد انك رجعتي لي الثقة في البشر من جديد ودا شي بعني لي الكتير..... ابتسمت بي سعادة لاني قدرت اغير مفهومو..... قلتا ليهو مدام انت اصلا ما بتتزكر  حاجة انا عايزة اصارحك بي حاجة شكلت لي هاجس.... بقيت افكر فيك كتير.... ما عارفة السبب شنو.. في البداية كان فضول مني اني اعرف بتخفي في شنو... وحاليا انا خايفة من المجهول.... علي كل اصلا انت ما بتتزكر حاجة بتمنى انك تدي روحك فرصة تانية مع الشخص الصح وما تفكر المحاولة الأولى فاشلة معنى  كل المحاولات كدا أهم شي اكون اختيارك هو الصح مع الشخص الصح.... حصلنا شكرا على كل شي.... ابتسم لي بس واختفى من المكان.... دخلتا البيت و لقيتهم نايمين
.....
من جهة آسر وصل على غرفتو ووقف في المراية وعيونو لونها زهري.. قال ما بصدق انو انا وقعت في حب المزعجة دي بس  حتى كلامها بدخل القلب طوالي  دا شنو دا البحصل لي دا... حاول انو اتحكم في شعورو بس كانت عيونو أكبر دليل... قال هة في النهاية ما بتزكر اليوم دا... يا ريت لو اتزكرتو حياتي كلها..... لأنو كان يوم تاريخي  وافضل يوم وأول مرة تحصل لي حاجة غريبة كدا ابتسم وهو بتزكر تفاصيل اليوم دا بي أدق تفصيل......
قمت من الصباح وانا مصدعة شديد لأنو أمس ساهرت وانا ما متعودة على كدا...قعدت في نص السرير وانا بتزكر تفاصيل يوم أمس... نططتا عيوني واااي عملتا شنو قلتا شنو... أول شي احتفلنا بي رأس السنة الجديدة وتاني.... وحكي لي عن حببيبتو الماتت.... وووبلعت ريقي وقلتا انو انا..... لا لا لا معقولة انا غبية كدا كيف بعمل كدا ما بصدق ضربت راسي وقلتا متخلفة انتي متخلفة يا ملاك هسة اقول عني شنو وافسر كلامي كيف اخت عيني كيف في عينو هههه لا هو قال انو بنسي الكلام كلو يا ريت انسى وين كان عقلي وقت قلتا الكلام دا وين بالجد غبية هو انسى وانا اعاني...اووووف... قمت لقيت امي قاعدة ومن جيت بقت تعاين لي بي حدة وقالت لي أمس كنتي وين بلعتا ريقي وقلتا ليها مع مع قالت لي أمس كيارا جات هي ولؤي عشان اطلعوا معاك..... قلتا ليها اي اي ما لقيتهم في بيتهم وجيت راجعة صادفت انو عاملين جوطة في الظلط كشفت شوية وبعدها جيت... عاينت لي بي شك كدا وقالت لي.... شوية انتي جيتي متأخرة عديل كدا... قلتا ليها ناس الحي كلهم طلعو والناس كانو كتار وفي كل مكان لاقيت لي مجموعة وجيت معاها.... أمي كبت لي الشاي وقامت وانا بشرب في الشاي قلتا لؤي جا لي شنو.. وكل مرة اتزكر انا عملتا شنو بنبذ في روحي.......

من جهة آسر عمل ليهو شاي بالليمون عشان ازح أثار المادة الغازية وقعد وهو راسو بوجعوا... الباب ضرب فتحو ولقاهو عمو حسن مساعدو... قال ليهو كيفك.. قال ليهو تمام وين اختفيت كدا المدة دي كلها..... عمو حسن بي استغراب ما ورتك الشابة صحبتك انو انا سافرت برة البلد.... قال ليهو ياتو صحبة دي قصدك ملاك... قال ليهو اي كنت منتظرك اوريك انو في موضوع طارئ جاني ولما لقيتها قلتا ليها توريك ما ورتك يعني..... آسر قال البت دي غبية وما بعتمد عليها.... عمو حسن قالو ليهو آسف لأنو خليتك تقضي رأس السنة براك.... آسر قال ليهو بي برود بفضل المزعجة ديك ما خلتني اقضي براي ولسة مستمرة في إزعاجها.... لي  عمو حسن بي ابتسامة انت متأكد من أنها بتزعجك.. لأنك بقيت سعيد بي وجودها.. بقيت مختلف ومتغير...... آسر قال ليهو بي برود بعترف انها ما  كدا..... قال ليهو طيب ما رجعت ليك إيمانك بي الحب... قال ليهو هة ما تبالغ.. أنا أحب الغبية المزعجة دي..... ابتسم وقال ليهو بس ظاهر  في عيونك انك بتحبها لي بتقول العكس .... آسر وهو بتصنع الانزعاج لا ما صاح ولون عيونو واسوارتو لونهم بقى برتقالي من الارتباك.... عمو حسن بي ضحك قال ليهو امش شوف روحك في المراية لأنو  لون عيونك بقى لونهم برتقالي.. ومشى خلاهو.... آسر مشي غرفتو ووقف في المراية وقال  الليلة انا بكتشف حقيقة مشاعري رجع شعرو لي ورا وقال ..... أنا بكره ملاك لون عيونو انقلبوا برتقالي... ابتسم وقال ما لي الدرجة انا في النهاية ما بكرهها..... عاين لي روحو في المراية وقال.... أنا بعتبرها انسانة عادية وما بتعني  لي اي شي.... لون عيونو اتغيرو تاني.... قال بي توتر لالا في النهاية علاقتنا كويسة في حدود المعرفة... بجرب مرة تانية ملاك مجرد صديقة.. لون عيونو اتغيرو تاني.... وقال لي اتغيرو  لا لا انا ما بكزب ابدا .... مع انو دا ضرب من الجنون وشبه مستحيل لاكن لازم اعرف اتنهد وقال انا بحب ملاك  المزعجة وشاف عيونو في المراية انقلبت زهري زي اليوم داك لما كان  في السطوح....... ضرب يدو في الحيطة بي قوة وقال لي هي بالزات من بين كل بنات الجامعة وقعت في حب البت المستحيل تكون لي ابدا.... بكره الشعور دا.....

من جهة لؤي كان كل شي تمام الجو مشمس والطيور في كل مكان والاشجار في كل مكان  وضحكات ملاك الكانت بتملي الحي وانا بعاين ليها بي ابتسامة ولي وضحتكها الحلوة البتظهر جزو من  وجنتها الخفيفة على الجهة اليسرى انسانة مختلفة وفريدة قاعدين جمب البحر وبترسم في الطين قبلت على وفي عيونها  كلام دايرة تقولو لي رفعت رأسها ودايرة تتكلم فجأة الدنيا ضلمت  وسودت في وشي وبقيت بعاين لي الظلام.... فجأة شوفت ملاك مع زول وبتونسو دا آسر.... قبلت على صرخت وقال لي انت يا لؤي خسرتني وخسرت مكانتك  وحبي ليك من اليوم  الانت زليتني واهنتني فيهو ونكرت وجودي في حياتك... وانا  ما بحب لي انسان اتخلى عني عشان غرورو وكبريائو......  صحيت وانا مخلوع وبتنفس بي سرعة... عاينت حولي لقيت انو انا في غرفتي وما في زول انا بحلم رقدت في السرير وانا بفكر في الكابوس دا ... فتشت تلفوني وضربت لي ملاك بس ما كانت بترد.......

مرت ايامات الاجازة ثقيلة وبي بطأ ومملة.... طول الفترة الفاتن كانو على تواصل كيارا وتالا ولؤي كانو طوالي بتكلموا وبتونسو وبحكوا تفاصيل يومهم.... ملاك اخفت موضوع الاحتفال مع آسر لما سألوها كزبت عليهم... كانت بتحاول تحكي لي كيارا  وما تخفي عنها حاجة بس ما قدرت وفضلت السكوت وتجاهل اي مشاعر اتجاه آسر لأنو ما مستعدة تخسر اي زول في لحظة واحدة...... فكانو مشغولين بي القراية لأنو نازلين امتحانات على طول ونزلو الجدول.... ملاك كانت بتغرق روحها بي القراية عشان تتجاهل اي حاجة وتخلص من الموضوع..... أما كيارا بقت اكتر جرءة وبقت بترسل لي آسر وتتصل ليهو..... آسر كان نادرا ما يرد على اتصالاتها بس برد على رسائلها  وكان منتظر رسالة من ملاك بس ما رسلت وفكر انها بقت تتجاهلو........

يوم جديد وبداية  جديدة وحرب جديدة  قاموا كلهم اتجهزوا لبداية الامتحانات وصلو الجامعة من دون استثناء... وكان حديث الساعة رأس السنة الجديدة والأماكن المختلفة المشوها ما بين الصور والفديوهات.... ورجعت ملاك لي معناتها مع الشلة بعد ارتاحت منهم.... شافوا ملاك داخلة على القاعة سهى لكزتهم وقالت ليهم اشتقنا لي مضايقتها ارح نلحقها مشو كلهم و دخلو القاعة وقعدو.... هيام قالت ليهم ما شوفتو الإحتفال في  دبي كيف حاجة رهيبة والبنات ديل سمحات سماحة والعرض الحصري...  و الساحر الحضرناهو بي صوت عالي عشان انا اسمعهم...... كيارا دخلت القاعة وسلمت لي وقعدت قالت لي قاعدين اطاعنو في الكلام ولاشنو.... ابتسمت وقلتا ياهو حالهم بستغرب منهم بحبوا اللف والدوران لو جو حكو لي عديل كان سمعتهم.... مؤيد قال يا ترى وين احتفلت القروية والفقيرة.... قلتا ليهم في البيت.... هيام قالت لي لو كنا عارفين كنا وديناك معانا بس معليش المرة الجاية.... قلتا ليها بي برود مع انو احتفلت في البيت بس كان  أجمل احتفال حضرتو..... سبأ قال لي معزورة هو شوفتي شنو انت... ابتسمت ليها بس... آسر كان واقف في الباب وسامع وجا داخل... كيارا كانت قاعدة في مكان. قامت وقالت أوو آسر جيت... انتبهت ليهو وارتبكت وقلتا ما يكون سمعني بس....قبلت وشي بي اتجاه تاني.... سامعة كيارا بتقول ليهو يوم رأس السنة كنت وين ودا شنو الموضوع الطارئ الحصل ليك....... عاينت ليهو بي توتر... وهو عاين لي بي نظرة خبيثة وقال كان في موضوع غبي شديد اضطريت انو اهتم بيهو.... كيارا وهي بتقنع روحها انها ما سمعت صوت بت معاهو..... كان بعاين لي وترني شديد وارتبكت وما عرفتا اعمل شنو... قبلت عليهو وقلتا ليهو آسر مالك بتعاين لي كدا وترتني ياخ..... قال لي الحصل شنو يوم رأس السنة عاينت ليهو بي صدمة وقلتا ليهو مش قلتا ما بتتزكر حاجة..... قال لي معناة حصلت حاجة وريني الحصل شنو يللا..... قبلتا قدامي وقلتا ليهو بي برود ما حصل شي انت ساي بتتوهم.... قرب مني وبقي بعاين لي وقال لي اتكلمي.... قلبي دا شغال  دلوكة بس.... زحيت منو لي ورا وانا متوترة قلتا ليهو تمام بوريك .... حكيت لي قصة  مثاق... قال لي بي انزعاج.. القصة بس... قالتا ليهو اي.... رجع مكانو... وبقيت بتنفس بي ارتياح لأنو قربوا بقى بوترني شديد ......

من جهة أمير ماشي هو وماجد لاقو تالا الكانت بتعاين لي أمير بي برود... ماجد سلم لي تالا وقال ليها تميتي باقي اليوم كيف بدوني.... قالت ليهو يعني ظريف شديد بعد طلعتو..... أمير قال ليه بتتكلموا عن شنو.... ماجد قال ليهو احتفلنا كلنا مع بعض.... أمير قال ليهو ايواا كويس ظاهر انو انبسطتو ومشى خلاهم وهو داير اموت من الغيرة .... قال محتفلين مع بعض كمان متين علاقتهم اتطورت كدا......

المهم طلعنا من الامتحان وقعدنا في بينش ونحن بنراجع... قلتا لي كيارا انتي بتحبي آسر صاح... قالت لي بحبو اكتر من ما بتتخيلي.... لي السؤال... قلتا ليها حتى لو آسر البتعرفيهو دا شخص تاني ما ذي البتعرفيهو هل بتتخلي عنو في يوم.... قالت لي كيف يعني شخص تاني ولي  اتخلى عنو... قلتا ليها ولا حاجة.. بقت تحكي لي عن الرسائل والمكالمات الكانت بيناتهم..... كنت بسمع كلامها بس وما بتفاعل معاها.... دخلنا القاعة وقلتا ليها ما شفتا لؤي الليلة ما جا معاك... قالت لي اشتقتي ليهو ولا شنو... قلتا ليها ما كدا... عاينت بي اتجاه الشباك وقالت لي زكر القط فجاء ينط..... لؤي دخل القاعة قدام كل الطلاب وما كان شايف زول غير ملاك.... دخل وحصل طاولتي بقيت بعاين ليهو مستغربة... قلتا ليهو وانا راسمة ابتسامة كيفك يا لؤي ما شفتك الصباح....لما لقيتو ساكت وبعاين لي ابتسامتي اتلاشت وبقيت بعاين ليهو وكل القاعة بتعاين لينا... فجأة مدا يدو ومسك يدي وبقي بعاين لي.... من الصدمة الدخلت فيني ما عرفتا اعمل شنو كنت بعاين ليهو بس .... وآسر كان قاعد وعيونو بتشع من الغيرة والغضب وكان متابع بي صمت..... قرب لي اضاني وقال لي بي صوت أشبه بالهمس.. اشتقت ليك يا ملاك... من اليوم ما انا الشاب الجبان البتعرفيهو انا واحد تاني حاولت ابعد يدي منو قلتا ليهو لؤي لي بتعمل كدا كلهم بفهمونا غلط..... بعد يدك عني..... قال انا ما شغال بي زول يا ملاك... لؤي الجبان  اتغير وما بسمح لي اي زول انو اسرقك منو لأنو انتي ملكو واعرف انو انا متمسك بيك لي آخر لحظة.... قلتا ليهو بي تلعثم ش ش شنو..... عاين لي كل الطلاب وقال ليهم لو سمحتو من الليلة ما في زول أتعرض لي ملاك لأنها اكتر انسانة بتهمني وغالية على شديد واي زول بتعرض ليها أتعرض لي اول شي تمام قبل على ورسم ابتسامه ..... ومشى خلي الطلاب  مصدومين من العملو منو الكان بتخيل انو وسيم الجامعة الغني.. بحب القروية الفقيرة والكان بكرها.....
كيارا قالت لي واخير اتخلص من جبنو وغرورو وحاليا أعلن انو انتو مرتبطين بمعنى تاني أنتي  حببيبتو.... لسة متفاجأة من التغير الحصل دا..... كنت في حالة صدمة كبيرة نهائي ما اتوقعت العملو دا ابدا.....

شلة هيام.... لؤي دا عميان ولاشنو... هسة القروية دي عندها شنو ولازرة انوثة.... سبأ بي إحباط لؤي وسرقتو الفقيرة..... الملك في علاقة مع كيارا نحن موجودين لي طيب.... هيام قالت ليها ما عندي مشكلة مع كيارا..... لاكن انا مستحيل اسمح للفقيرة دي انها تسرق لؤي.... مستغربة منها جات الجامعة وليها ثلاثة شهور بس وقدرت تلفت الانتباه لي الدرجة دي.... معقولة لؤي الشاب الغني والذكي دا وقعتو في شباكها بي السهولة دي... لو ما انتقمت منها وخليتها تعرف قيمتها ما بكون اسمي هيام والايامات بينا..... سهى قالت ليها ما سمعتي كلام لؤي ماشة الجحيم بي رجلينك.... هيام قالت ليها يوم متين ونحن بنخاف التهديد حبيبتي انا.....

طلعتا من الامتحان وانا ما فاهمة حاجة من الكتبتو آسر جا ماشي قلتا ليهو هي مريض التوحد قبل على وهو منزعج وقال لي بي صوت عالي مالك ياخ مية مرة قلتا ليك ما تقولي كدا... استغربت من غضبو الغير مبرر لاني طوالي بقولها ليهو .... قلتا ليهو آسفة يا آسر ما بتسمعها مني من اليوم... و إلى الأبد.... التفت عشان امشي مسكني وقفني وقال لي الكلام القالوا لؤي دا صاح... حاليا انتو مرتبطين.... حاولت ازح يدي قلتا ليهو ما عارفة هل بهمك الموضوع.... قال لي بقى بهمني....ما تحاولي تخليني اغضب ردي علي سؤالي.بقيت  بعاين ليهو بس .... كيارا لمحتنا ونادتني فكيت يدي منو ومشيت ليها وهو بي دورو مشي من دون ما أتلفت.... كيارا قالت لي بي انزعاج  مالو كان ماسك يدك.... قلتا ليها ماف شي كل الموضوع انو قلتا ليهو مريض التوحد وهو زعل..... تالا جاتنا ونزلنا تحت وبقينا نتكلم عن الامتحانات... كيارا لمحت  آسر اسئذنت مننا ومشت ليهو.... تالا كانت بتحكي لي عن الاحتفال وأمير لما عرف انو كانو محتفلين سوا.... بس انا ما كنت منتبهة معاها كنت منتبهة  مع الواقفين مع بعض  والبضحكو  كنت بعاين ليهم  وانا بقول لي قلبي احسن انك تبعدي وتنسحبي بي  هدؤ وبي أقل الأضرار ما تتعلقي في حاجة ما ليك
 لأنو كل شي بقى واضح وكنت بردد جملة واحدة بس في رأسي  " هذا الحب ليس لك كل التجارب تُخبرك بذلك لن ترزقي به 💔   

 
 #ثم ماذا؟؟

 " هو ليس لِي " 🖤 !

• جميعنا في هذهِ الدنيا سنلتقي بشخص
لا تنساهُ الذاكرة ، والعجيب ، أنّهُ لن يكون لنا ..

• ستُعجب بهِ ، ستكون به جميع المواصفات الّتي قَد
نقشها قلبك في عقلك ، سيكون أنتَ في مكان آخر.

• ستعيش معهُ حياة مختلفة ،
لن تقدر أن تقترب ولا أن تبتعد.

• هو مرّة صديقك ، ومرة أُخرى غريبك ، وتمضي الأيام.

• تتمنى أن تجد سببًا لتكرهه ولن تجد ،
تخشى التعلُّق بهِ وأنتَ فعلت حقًا وأحيانًا.

• أحيانًا فقط سَتظنّ أنّه لك ، و لكنّك ستأخذ
بتنهيدة صامتة وتقول ؛ " هو ليس لي" 🖤 !
•••••••••••••••••••••••••••••••••••••••••••••••••••••••••••
 

#فقيرة~في~عالم~الاغنياء《18》
#بقلمي~ملاك~عمر(ميمي) 🥀🖤
♡ـــــــــــہہہـ٨ـــ٨ــــہہہـ٨ـــ٨ــہہـ٨ــــــــــــــ♡​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
من جهه كيارا قالت لي آسر عند زمن يا آسر... آسر بي برود دايرة شنو..... عاينت ليهو بي نظرات واثقة عارفة انك فاضي... واصلا انتي قاري للامتحان عشان كدا ما بترفض عرضي..... قال ليها بي ابتسامة يعني حاصرتيني... تمام عرضك شنو.... كيارا غرقت في سحر ابتسامتو وبقت تعاين ليهو بي شرود... لوح ليها بي يدو... طلعت من شرودها قالت لي بي خجل آسفة كنا بتكلم عن شنو... اااا اتزكرت في مطعم فتحو جديد ممكن نمشي ليهو  ومنها نقري مع بعض... آسر ابتسم ليها وقال ليها تمام قالت ليهو عندك ابتسامة حلوة... ضحك وهي زاتها حست روحها زودتها وبقت تضحك على ضحكوا ومشو مع بعض.....
من جهتي بقيت بعاين ليهم بس تالا قالت لي ملاك وين شارة يا بت... قلتا ليها.. ااا قلتي شنو... قالت لي انسى ياخ.... وين عقلك بتفكري في شنو.... قلتا ليها بفكر في لؤي والعملو  اتخيلي جاني في القاعة وقدام كل الناس وقال ليهم انو نحن مرتبطين من دون موافقتي ومن تلقاء نفسو  كيف عمل كدا.... تالا صرخت وحضنتني وقالت لي فرحتا ليك ياخ... وما تزعلي هو لو ما كان بحبك ما كان عمل كدا قدام كل الناس....لؤي جا نازل من قاعتو بعد الامتحان وفي وشو ابتسامة مشرقة وقف قدامي... قلتا ليهو بي انزعاج لي عملت كدا يا لؤي قدام كل الناس.. ولي ما اخدت رائي في الموضوع الاتغير شنو..... قال لي ملاك أنا قلتا ليك قبل كدا انا بحبك وما مستعد اخسرك نهائي... قلتا ليهو حلوو.... بتحبني يعني بالجد... لؤي انت عندك انفصام في الشخصية ولا شنو... قبل ثلاثة شهور كنت بالنسبه ليك نزيز شؤم نزل ليك من السما..... الاتغير شنو ما فاهمة..... أنا بكره الناس المتقلبين يا لؤي اثبت على موقفك ما تلعب بي مشاعري تمام... هة انت إذا عيد ميلادي ما اتزكرتو وبتقول بتحبني.. ومشيت خليتو ما عارفة لي بقيت  كدا لي عملت كدا وانزعجت الموضوع ما مستاهل دا كلو.. اخ بقيت مشوشة ...... لؤي وتالا كانو مصدومين من ردة فعلي الكانت مبالغ فيها.... لؤي قال وهو ندمان ياريت لو رجعت بي الزمن لي اول لقاء لينا  ومسحت كل الحصل بس ما بقدر افتكرت انها نست كل حاجة لي بتتصرف كدا ..... تالا قالت ليهو بي هدؤ.... لؤي انت ما ذي كل الناس انت انسان غالي شديد عليها.... والإنسان لما انجرح من أغلى شخص عندو محتاج زمن حتى ارجع زي ما كان... وعشان هي بتحبك ما بتسامحك بي سهولة لأنك ما اي زول...... لؤي قال  عيد ميلادها كان يوم رأس السنة كيف نسيت......

من جهة كيارا وآسر مشو المطعم وحست بيهو بقى اكتر اجتماعية من اول وحتى انو بقى يبتسم بي صورة دايمة... كانو بقرو وهي بس مركزة معاهو وغرقانة في سحر وجودو معاها... كان بشرح وهي ما عارفة بقول في شنو الحاجة البتعرفها انها فرحانة من التغير دا.....
من جهتي حصلت البيت وعقلي ملخبط شديد وعايشة صراع كبير... اتزكرت ردة فعلي في لؤي ما كان اعمل كدا في النهاية كنا بنرتبط لي انفعلت كدا.... وكونو هو حاليا قعد أصلح في اغلاطوا عشاني.... .ما حاجة ساهلة بس انا ما قادرة أفهم شي كل الحاجات بقت لي جايطة  ... ..حتى انو  اعترف لي قدام كل الناس المفروض اكون مرتاحة بس  بالعكس حسيت بالضيق... لا بالغيرة ... أنا لازم اطلع الأفكار السخيفة دي من راسي واعتزر منو لأنو غلطة في حقوا وقلتا ليهو كلام قاسي ....
من جهة لؤي وهو قاعد في كرسي برة البيت بالرغم من الجو البارد كان بفكر في كل الحصل دا.... يعني هي بالجد انزعجت مني عشان انا نسيت عيد ميلادها دا السبب...في الماضي  كنت دايما بنسي عيد ميلادها بس دايما كانت بتقابلني بي ابتسامه صافية وبتقول لي "وجودك في حياتي أفضل هدية حصلت عليها وما مهم لو اتزكرت عيد ميلادي ولا لأ..اساسا ما بحب احتفل بيهو..... طيب الاتغير شنو فجاءة كدا...... كيارا وصلت مع آسر بيتها بعد إصرار منها انو اوصلها ودعها ومشى.... لمحت لؤي وهو شارد بعيد مشت عليهو وقالت ليهو لؤي مالك قاعد برة في الجو البارد دا... اتحولت لي أحد الأموات..... قال ليها هه هه ما بضحك.. خليني براي.... قالت ليهو مالك يا لؤي حزين كدا ملاك عملت شنو المرة دي..... قال ليها خلي ملاك انا العملت شنو... كونو نسيت عيد ميلادها بخليها تزعل مني.... كيارا ضربت راسو بي خفة... وقالت ليهو انت غبي كيف بتقول بتحبها وإذا انت ناسي أهم تفاصيل في حياتها.... قال ليها  ما تعيدي نفس الكلام  اساسا  ملاك ما زي كل البنات  ما بتحب تحتفل بيهو.....قالت ليهو بي ابتسامه لؤي كل بت بتحب انو الشخص البتحبو اهتم بي أدق تفاصيلها .. وأهم شي عيد ميلادها.... وكل بت بتحب تتعمل ليها جوطة وقومة وقعدة وكمان اهدوها هدية.... ومهما هي بينت العكس بس في داخلها بتكون مهمة شديد عندها وعشان هي ما لقتو بتخلق اعزار عشان  تعوض النقص دا ..... لؤي حكا راسو وقال ليها يعني الموضوع كدااا..... انتو البنات ديك معقدات لو صرحتو بالدايرنو عديل كدا ما احسن من انو نقعد نفكر ونعاني كداا...... قالت ليهو لازم تفكر في حاجة عشان تسعدها يا زكي......

من جهتي يوم جديد.... دخلت الجامعة وكل الأنظار موجه لي واي زول الاقيهو اطاعن فيني بالكلام دخلت القاعة ولقيت آسر قاعد مع انو كنت اموت واعرف أمس اتكلموا في شنو بس ما قدرت اسألو... اكتفيت بي آسر كيفك تمام.... قال لي بي برود دايرة شنو... قلتا ليهو يعني كونو سلمتا عليك معناة دايرة حاجة.... قعدت وانا زعلانة شديد في داعي لي كلاموا دا... لي الدرجة دي بقي ما بطيقني... ولي بتكلم معاي بالأسلوب دا فعلا  مريض التوحد...... كيارا جات متأخرة وما حكت لينا آخر التطورات الحصلت... بعد طلعنا لمتنا كلنا ومشينا الكفتريا... قلتا ليها مستغربة  مالك جارانا كدا.... تالا قالت لي بي ابتسامة انتظري وشوفي..... قلتا ليها ما حكيتي لينا أمس الحصل شنو يا كيارا .... قالت لينا مشينا مطعم وقفنا وعاينا  ليها بي صدمة وفي زمن واحد شنووو... قالت لينا وهي بتضحك اي اي  ما تستغربو عزمتو... ووافق.. وكمان قرينا سوا..... حاسة انو علاقتنا بقت ظابطة..... قلتا بي صوت براحة بقيت متأكدة انو الحقنة أثرت فيهو... كيارا قالت لي شنو قلتا ليها ولاشي... قالت لينا ارحكم ياخ بنتأخر على لؤي وجرتنا.... ثواني انا سمعت اسم لؤي وقفت وقلتا ليها لؤي... بتخططو لي شنو انتو..... تالا بي توتر ولا حاجة بس طلب انو اشوفك.... كيارا بي تلعثم اي اي وحتى انو كان حاسي انو أخطأ أمس.... قلتا ليهم انا زاتي أخطأت في حقو ولازم اعتزر منو....
وصلنا الكفتريا وقعدنا وما في أثر لي لؤي.. قلتا ليهم غريب وينو ولا اتأخرتا.... تالا قالت لي بي ابتسامة هو في الكواليس بظهر هسة... قلتا ليها شنو ما فهمتك وكانو بعاين لي بعض نظرات غريبة خلتني أشك انو في الحاجة في الموضوع...... بعد شوية اسمع زول بغني وبقول غنية عيد ميلاد قبلت ولقيتو لؤي وفي يدو قالب حق كيك بي الشوكولاتة وفيهو شموع واحدة بي رقم 2ووحدة بي الرقم 0
وجاي على ابتسمت بي فرح وانا بعاين ليهم ختا الكيك وقال لي يلا اطفي الشمعة واتمنى أمنية..... كيارا كانت بتقول لي لؤي براحة ما قلت ليك انو اي بت بتحب انو اتزكرتو عيد ميلادها... قال ليها يا دأب  عرفت وتاني مستحيل انسى.... كيارا وهي بتعاين لي الشمعة غمضت عيونها وقالت بتمنى شي واحد بس انو علاقتي تتحسن مع آسر.... فتحت وطفيت الشمعة وبقوا بصفقوا كيارا وتالا ولؤي مع بعض... Happy birthday 💞💞... لؤي قال لي اتمنيتي شنو هل  انا من ضمنها... قلتا ليهو ما بوريك وما  كان في داعي لي دا كلو..... تالا قالت لي ما تتظاهري لأنو ظاهر انك اسعد انسانة حاليا.... قلتا ليها فعلا انا اسعد انسانة بي وجودكم جمبي... لؤي قال لي اسف لاني نسيتو.... قلتا ليهو حتى انا اسفة لاني قلتا ليك الكلام القاسي داك ما كان مفترض اقولوا.... قال لي طيب حاليا نحن مرتبطين صاح... كيارا لكزتني... قلتا ليهم يعني حاصرتوني طباعا نحن كدا.... كان بعاين لي وظاهر انو مبسوط شديد قال لي ما بتخلي عنك ابدا يا ملاك ابدا.....
كل الناس بتعاين لينا والخبر انتشر زي النار في الهشيم وما قصروا صورونا ونحن بنقطع في  الكيك وبقينا حديث الساعة..... ماجد ورامي كانو ماشين ماجد وصلتو  صورة العيد ميلاد... وراها لي رامي وبقوا بعاينو من غير تصديق.... رامي قال ليهو دا لؤي والصورة دي هسة في كفتريا الجامعة..... ماجد قال ليهو الحصل شنو لي لؤي أكد جننتو الفقيرة... رامي قال ليهو لا لا ياخ شوفوا فرحان كيف.... وهم ماشين القاعة لاقونا في السلم   رامي  طلع تلفونو  وجاب الصورة وقال لي  دا شنو.... تالا قالت ليهو دي  ملاك ودا لؤي.. ولؤي حضر ليها عيد ميلادها أعمى ولا ما بتفهم ..... رامي اتجاهل كلام تالا ووجه لي السؤال حاليا انتو مرتبطين يعني .... عاينت ليهو بي ثقة وقلتا ليهو ولو كان كدا.. الموضوع ازعجك ..... آسر كان ماري وسمع الخبر واتأكد منو.... عيونو قلبوا لي اللون الاسود  ما يدل على الحزن.... لما شفت آسر ما قدرت تاني اتكلم وسكتا.... بعدها دخلنا لي القاعة عشان الامتحان.....
تالا وهي طلعت من الامتحان اعترض طريقها ماجد.. وقال ليها جميلتي الليلة ما في مزاج رايق.... قالت ليهو ولي مزاجي ما رايق.... قال ليها لو طلبتي من السائق اجيك خليهو انا بوصلك.... قالت ليهو ماف داعي بحب امشي براي..... قال ليها انا ما بسمح لي  جميلتي انها تمشي براها وانا قاعد.... قالت ليهو تمام يلا..... وهم طالعين شافهم أمير وهم  بتونسو وب ضحكوا كأنو ما حصل حاجة... كان حاسي بي الغضب وخيبة الأمل....

.ويمضي  هذا اليوم منهم من هو خائف من القادم  ... ومنهم  من ينتظر تحقيق أمنية❤️... منهم من هو سعيد.. ومنهم من هو حزين ومنها بدءت علاقات 💙وعلاقات أخرى انتهت 💔.. وتمضي الايام

في مكان آخر لقد وصلت تلك الجميلة زات الإبتسامة الساحرة والنظرة الواثقة  وهي تجر معاها حقيبتها و جميع انواع الألم والأسى في قلبها هاربة  من  ظلم الزمان... وخيانة الأقارب.... تمشي ب خطوات متعثرة نحو مستقبل مجهول الهوية..... وراء تلك النظرة الواثقة  ألم مخبأ وثقل كبير روح متعبة  وحيدة وغارقة في بحر من اليأس 💔..... وها هي تتخبط في دهاليز مظلمة... في طرقات مظلمة مليئة بالتقاطعات.... تنتظر أن يضيئ طريقها من جديد وتستعيد بعض أنفاس الامل.....

من جهة أمير ولوي قاعدين كالعادة في مكانهم المفضل.... أمير وهو شارد وبعاين لي الفراغ... لؤي كان بعاين ليهو وهو بحاول اخمن مشكلتو.... قال ليهو مشكلتك شنو يا أمير الليلة انت ما تمام.... قال ليهو بي برود ولا حاجة مبروك واخيرا حصلت على الدايروا... قال لي اي ياخ ما شايفني فرحان كيف بقينا أشهر ثنائي في الجامعة  وموضوع الساعة.... طيب انت وتالا كيف خلاص يعني علاقتكم انتهت..... أمير بي برود ما كان في شي اصلا لما انتهى... بس شايف العلاقة اتطورت بينهم هي وماجد..... لؤي ضرب راسو وقال ليهو نسيت ما وريتك.. قال ليهو شنو.... قال ليهو حسب ما عرفتو انو ماجد هو الكان بحرض تالا وبقول ليها انك شاب محتال وبتلعب بي مشاعر البنات وقال ليها انو انت عندك حبيبة وبتغشها.... أمير عاين ليهو بي صدمة وقال ليهو شنو... منو... متين حصل كدا... انت متأكد.... لؤي قال ليهو متأكد عرفتا من اقرب صحبة ليها.... نسيت اوريك ياخ معليش.... أمير  ضرب الطاولة  ماجد الحقير ... لو ما حطمتوا وكسرتو ا ..... لؤي قال ليهو اهدي... قال ليهو هل هي غبية عشان تصدقوا.... أنا  ماشي... لؤي قال ليهو ماشي وين... أنا زاتي ماشي معاك..... قال ليها ما مكان بس حاسي بالاختناق لؤي قال ليهو انت  اكيد ما ماشي تعمل حاجة غبية .... أمير وهو بتصنع الإبتسامة ما تخاف ما ماش ليهو  بنتظر لي بكرة....
أمير طلع وهو سايق عربيتو وماشي وما عارف روحو ماشي وين كأنو ماشي نحو المجهول وهو ماشي وما مركز ظهر في وشو زول وقرب اضربو.... وعشان اخفف من حجم الصدمة   داس فرامل في اللحظة الأخيرة .... ووقعت في الأرض اتضح انها بت قامت من الأرض وبقت تنفض في روحها ..... أمير كان مزعوج وقلبو مفطور ... وحاسي بالخزلان.... وشايف انو الناس كلهم غلط نزل من العربية وهو بصرخ ما شايفة زفت العربية دي  ولا ما بتشوفي.... ولا الشارع دا حق ابوك وانا ما عارف .... البت قالت ليهو انا الغلطانة ولا انت لأني ما انا  السايقة عربية وبمشي بيها وانا في عالم الأحلام ... انت فاكر حياة الناس دي لعبة ولاشنو إذا اتشاكلت مع زول... ولا ضربوك... ولا حبيتك خلتك ولا زعلتك..... ما تجي تضرب بنات الناس.... أمير قال ليها شنووو.... قالت ليهو السمعتو.... وعاينت في الأرض ولقت هدومها كلهم في الأرض صفقت ليهو بي يدها... وقالت ليهو فوق ما غلطان بتصرخ اعتزر سرعة..... أمير قال ليها اعتزر انا منك انتي هة... البت عاينت ليهو من فوق لي تحت وبقت تلم في حاجاتها عاينت ليهو بي انزعاج وقالت ليهو واقف لي مدام ما داير تساعدني طير يلااا واحد حقير..... هة ما بصدق من اول يوم جيت وانا بلاقي  في الأغبياء  بشك في إني مغناطيس بجرب  الحمقى  ..... قال ليها انا حقير.... وانتي شنو... عاين للشارع  وقال ليها في بت في الشارع وفي آخر الليل وفي شارع مشهور بي اسوء الحاجات  بتكون ماشة فيهو ...... البت وقفت وبقت تعاين ليهو بي حدة وهي بتقرب  شوية شوية... قالت ليها بتلمح لي شنو انت هاااا... قصدك شنو ..... قربت منو وقالت ليهو قصدك اني واحدة تافهة.... .... عاين ليها وقال ليها تقريبا.... البت عاينت في كل الاتجاهات وبي ابتسامة ماكرة وجهت ليهو ضربة قوية في وشو ومشت خطوة ورجعت ضربتو بي سرعة وبي خفة ضربة في رجلو خلتو اترنح واجي واقع على طول..... شالت شنطتها وقالت ليهو أظهر قدامي تاني عشان اوريك التافهات بعاملو الزيك كيف.... رمقتو بي نظرة غضب وواصلت طريقها وهي بتفتش في البيت الوصفو ليها .....

أمير كان مصدوم صدمة عمرو.... كيف  بت زي دي اكون عندها ضربة قوية كدا... لا كمان حاسي بي رجلي اتشنجت..... أنا في حياتي ما في بت ضربتي... دي منو البت دي.... لاكن ما مشكلة لو ما رديتها ليك ما  اكون اسمي أمير.....
في اليوم التاني دخل أمير  قاعة لؤي  وفي عينو  نظرة شر وضرب الباب بي قوة تحت أنظار كل الطلاب واي زول بعمل في حاجة خلاها وكانو بعاين لي أمير الكان ماشي لي ماجد وقدام تالا ضربو ضربة خلتو أقع في الأرض... مسكوا من قميصوا وداير اضربو تاني بس  لؤي ورامي مسكوهو.... تالا جرت على ماجد وقالت ليهو انت كويس... قال ليها انا كويس وحول نظرو لي أمير وكان مصدوم منو.... قال ليهو مالك حلمتا بي ولا شنو .... أمير قال ليهم فكوني خليني احطم عضاموا... يا حقير كيف قدرت تعمل فيني كدا.... انت فرحان هسة كدا صاح.... ماجد قال ليهو قصدك شنو.... لؤي قال ليهو خلاص يا أمير ما تعب روحك ما يستحق منك اي شي.... أمير قال ليهم تمام فكوني ما بعمل شي... فكوهو.... قال لي ماجد ما تتصنع الغباء تمام.... انت الوريت تالا اني بلعب بي مشاعرها.. وأني  واحد بتاع بنات... وعندي مية حبيبة صاح.... انت صاحب مزهل وما أظن القى زيك في كل مكان.... ماجد كان ساكت وبعاين لي تالا العلي وشك انو اخسرها..... تالا قالت ليهو مالك معاهو ارتكب جريمة يعني ..... عشان  حزرني منك ووراني حقيقتك...... أمير مشي عليها وقال ليها تالا جيتي سألتيني إذا كان الكلام السمعتيهو صاح ولا غلط كيف تصدقي...... قالت ليهو ما عندو سبب اخليهو اكزب...... لؤي قال ليها الكلام دا ما صاح ممكن تسألي اي زول هنا وبقول ليك الحقيقة...... تالا عاينت لي ماجد وقال ليهو ماجد قول انو الكلام القلتو صاح..... أمير قال ليهو اتكلم ولا لسانك اتبلع.... ..ماجد كان ساكت وما اتكلم واتجاهل نظرات تالا...... تالا كانت بتعاين ليهو لما لقتو انو ما اتكلم.. قالت ليهو ماجد انا وثقت فيك..... أمير رسم ابتسامة مزيفة  و  قال ليهم واخيرا اتضحت الأسباب ما كنت قادر انوم بي سببو... وظهرت الحقيقة وممكن اقول الليلة انو نحن انتهينا..... وطلع من القاعة من اول خطوة واتلاشت ابتسامتو..... تالا كانت بتعاين ليهو بس...... كلهم كانو  بعاين  لي ماجد  بي خيبة أمل... رامي قال ليهو كيف قدرت تعمل كدا في أعز اصاحبك...... لؤي قال ليهو حتى إذا كنت بتحبها... ما معنى تتصرف بالطريقة دي عشان تحصل عليها... في النهاية خسارتك بقت مضاعفة......
ماجد قال ليهم خلاص كفاية.... عارف انو تصرفي غلط... أنا زاتي ضميري أنبني.... كل يوم وانا بفكر انو بتكشف عاجلا أم آجلا..... أنا زاتي متألم من الحصل دا... وعاين لي تالا الكانت قاعدة وما قادرة تقول شي من حجم الصدمة وعقلها كلو مشي مع أمير....... لؤي قال ليهو كان تفكر في العواقب قبل تعمل كدا لازم تتصرف وتحلها...... ماجد كان بحاول اعتزر من تالا بس هي احزرتو انو ابعد منها لأنو ما دايرة تسمع ولاحرف... وطلعت وكانت ماشة بي شرود  والحزن ظاهر في وشها كيارا طلعت من الامتحان ولقتها وبقت تسرد ليها الحصل معاها....
من جهتي  لؤي دخل القاعة بس ما لقاني لاني طلعت ورا آسر وقفتو وقلتا ليهو آسر لي بقيت بتتجاهلني وبتتفاداني...... أنا ضايقتك في حاجة..... قال لي ببرود ما الحاجة البتضايقتي انتي كلك على بعضك بتضايقيني عاينت ليهو وانا قلبي وجعني  من كلامو .... مسكني علبة في يدي..... وقال لي ما داير منك اي أسئلة وما تظهري قدامي تاني.... ومشى بي برود واتجاهلني على الآخر..... وانا ماشة على المدخل فتحت العلبة ولقيت فيها سلسل فضة على شكل قلب 💝...  السلسل كان بدل على زوق آسر الرفيع  والراقي والبسيط..... قلتا وااو حلو شديد... بس لي أهداني ليهو لما كنت دايرة ارجعها لقيت منو رسالة فتحتها اتأثرتا  لما لقيتو كاتب لي عارف انو جات متأخرة  happy birthday 🥀.... كنت عايزة الحقوا بس سمعتا صوت بناديني وقفت في مكاني وناس كيارا وتالا لحقوني قالو لي انتي ألبرت أينشتاين.... طلعت الليلة   بدري يا حفارة... كنت شاردة تالا قالت لي هي يا بت معاك انا... انتبهت ليهم وقلتا ليهم قلتو حاجة.... كيارا قالت لي بقيتي تشردي كتير اموت واعرف بتفكري في شنو..... تالا فالت ليها في منو يعني ما في حبيب القلب لؤي.... ما ابديت اي ردة فعل غير انو بقيت بحمر ليهم بس.... كيارا قالت لي تالا احم تمي لينا الحصل شنو... ....
قالت لينا ماجد القالو كلو طلع مجرد كزب وافتراء وانا الغبية صدقتو وخسرت أمير للأبد... وبقت تبكي كيارا حضنتها وبقت تواسي فيها اما انا كنت في عالم آخر........

من جهة آسر دخل بيتو وقعد في الكرسي وهو بفكر في ملاك... بتلبسو ولا لأ..... ما بستغرب إذا ما لبستو في النهاية هي بتحب لؤي.... ما كان أهديها ليها  أمكن تسيئ الفهم.... وهو في الحالة دي ظهرت دكتورة سمر..... قال ليها بي برود لي بتتدخلي في بيوت الناس ما اتعلمتي الاستئذان.... قالت ليهو  عارفة انو انت ما بتفتح الباب... قال ليها لي جيتي.... قالت ليهو قررو موعد نقلك وقريب جدا.... في أعلى منطقة في المدينة اما تجي بي رفقة حبيبتك أو أو بترجع تاني الكوكب والي الأبد.... بتعمل شنو....
قال ليها بي برود لما احين الموعد بعرف اتصرف كيف... قالت ليهو مستحيل تتغير يا كتلة الثلج... بالمناسبة سمعت انك اتهجمت على المدير وعاقبك انت كويس..... اتزكر لما كان في بيت ملاك ابتسم وقال ليها كنت كويس بي فضل صديقة..... قربت منو وقالت ليهو ابتسامة وصديقة.... بعرفها انا... ثواني بتعرف حقيقتك..... قال ليها بي برود اي عارفة حقيقتي بس انا أنهيت صداقتنا.... على كل هي مرتبطة بي زول تاني ...... د/سمر بعد كانت فرحانة ومعنوياتها ارتفعت  اتبدلت لي خيبة وإحباط..... قالت ليهو بي حزم آسر لازم تحارب عشانا   هة امك ما بتكون مسرورة إذا رجعت الكوكب  هتعاني كتيير......

من جهتي  دخلت البيت وعلى غرفتي فتحت الرسالة وعاينت ليها بي ألم..... هو مريض نفسي ولاشنو..... كيف ممكن اكون انسان متناقض بالشكل دا..... من جهة  اقول ما داير اشوف وشي تاني.... ومن جهة اهديني هدية وامشي من دون شي..... أنا بقيت ما فاهمة حاجة...... ولا قادرة افهم نفسي بعمل في شنو.... هل هو انزعج عشان ارتبطنا انا ولؤي.... اتنهدت بي تعب وقلتا لي انزعج اساسا هو  لا بحبني ولاخاتيني صحبة مقربة اصلا...... و ما خاتي لي اي اعتبار أو وجود... و اساسا انا الفارضة وجودي.... اعمل بي هديتو شنو هسة ما بقدر ارجعها وما بقدر البسها.انا مشوشة شديد......

من جهة أمير ما  مشي الشغل اكتر من اسبوعين بي سبب الامتحانات ولقي انو في تغير كامل للاصطاف... وابوهو  (وياسر) المشرف الكان بدلوا. عينوا موظفين جداد بدل الاستقالو... وحاليا رجع لي إدارة الشغل لأنو خلص امتحاناتو .... ياسر قال ليهو ارح اعرفك على الموظفين الجدد.... أمير لبس المريلة وقال ليهو بتمنى انو اكونوا موظفين جادين وجدرين بي الشغل دا.... ياسر قال ليهو ما بتثق بي اختياراتي انا لي اكتر من عشرين سنة في المجال دا وبشم ريحت الموظفين الكفؤين على بعد كيلومترات 😂.... قال ليهو بي ضحكة  إذا ما خليت لي شي اقولو... مشو للموظفين في المطبخ وياسر قال ليهم اعرفكم على أمير..... أمير قال ليهم انا أمير... بكون مسؤول عنكم من اليوم وانا المسؤل عن كل المطبخ.... اهم حاجة عندي الانضباط والرقي في التعامل مع الزبائن ووو... الخ....... كانو البنات بعاينو ليهو بي إعجاب ... بس في واحدة سمعت صوتو  الزول دا ما غريب عليها لما اتلفتت لقت انو دا نفس الشاب الكان داير اضربها بي العربية اتفاجات لأنو ما كانت عارفة انو دا صاحب المطعم .... بعد ياسر مشي... مشت وقفت قاداموا وربعت يدينها وقالت ليهو  بي نبرة سخرية يا سلام ياخ شفت الدنيا دي صغيرة  ودوارة كيف... منو الكان بتوقع انو انا اشتغل مع الشاب الحقير  ومع بعض وفي مطعم واحد...... أمير قال ليها عفوا ... ما عرفها دي منو لأنو كانت لابسة لبس النادلات وكانت جميلة بي صورة ساحرة.... ابتسمت بي سخرية وقالت ليهو نسيتني هة  داير ليك ضربة تانية انعش بيها زاكرتك.... عاين ليها بي صدمة وقال ليها انتي التافهة.... قالت ليهو بي غضب انت داير تخليني اموتك في أرضك ولاشنو.... ابتسم بي سخرية وقال ليها مستغرب من الجابك هنا شنو وفي المكان الراقي دا ماشبهك نهائيا ولا لي امثالك.... عاينت ليهو من فوق لي تحت وقالت ليهو هة انا المستغربة  كيف قبلوك انت هنا.... قال ليها ما محتاج اني اتقبل في مطعم من مطاعم عائلتى.... عاينت ليهو وفكت الضحكة 😂😂ضحكت لما مسكت بطنها... قالت ليهو انت شكلك مجنون كيف أكون المطعم ذات الخمسة نجوم ملك لي عائلتك ههههه....بنتحر لو طلع صاح....صوتها اتغير  قالت بي حدة اطلع من هنا والا.... قبل ما تتم جملتا أمير نادي ياسر وجاهو بي سرعة... قال ليهو بي انزعاج من اسسنا المطعم دا اكتر من ٢٠ سنة و كان بقوم على أجود الطعام وأفضل خدمة الزباين كيف قدرت توظف ناس تافهة زي دي... اتأكدت منها قبل توظفها...... البت قالت ليهو هههههي  انت  اتكلم معاي بي اسلوب تمام..... وانت منو اساسا لما تقرر إذا أنا بتوظف  ولا لأ...... ياسر قال ليهو اسف يا أمير شكلها موظفة  جديدة ولسة ما عرفت اسلوب الشغل لاكن هي مؤهلة.... أمير بي حدة افصلها طوالي ما ألقاها بكرة هنا..... البت رفعت حواجبها وقلت ليو عاين يا ود ميكي انت🌚 امشي شوف ليك شغلة تلمك الداير اشوف وشك منو  العامل زي حلاوة مصاصة 😂ما تعمل لي جوطة في رأسي ما ناقصاك انت يلاااااا...... أمير بي صدمة شنووو انا بتقولي عني كدا... ياسر قال ليهو انا بهتم بي الموضوع يا أمير ما تشيل هم.... أمير مشي وهو غضبان ومستغرب كيف استحقِر من قبل بت لاقاها في الشارع........ ياسر قبل على البت وقال ليها جنيتي انتي كيف تتكلمي مع المدير كدا.... البت بلعت ريقها وقالت ليهو لي بتقول ليهو مدير... ما تقول لي انو هو ما بكزب و بالجد مدير المطعم دا...ياسر قال ليها حكمتي على نفسك بالهلاك.... وحاليا بيترصد اول خطوة تعمليها عشان اطردك بررررة لازم ما تجازفي لأنك محتاجة للشغل دا وبشدة كمان ومافي غيرو وانت براك عارفة كدا .... البت قالت ليهو شكرا ليك.... بحاول اتفاداهو .... ما عارفة إذا لاقيتو بعمل ليهو شنو الكريه دا.... ياسر قال ليها بتعرفي يعني؟؟ .... قالت ليهو دا واحد سكير ومتهور صدمني بي  عربيتو وحتى ما اعتزر مني وختا  اللوم على انسان غبي وحقير وشاب متهور وكمان ود ميكي وعلى العلي ما عندو فهم نفسي أدى كف اعدل ليهو ملامح وشو ....
 سمعتا صوتو قال لي تابعي تابعي بلعت ريقها  وقبلت لقتو أمير قال ليها  بي صوت تهديد  انتي يابت مالك.... انا لو قبلت عليك  صدقيني ما بخليك تعيشي في سلام وبدمرك صدقيني..... بالرغم من انو البت كانت خايفة بس قالت ليهو بالجد 🤨ما خايفة منك انا.... ...أمير ابتسم  وقال ليها إذا شكلنا كدا بنستمتع في الحرب  دي وواحد بطلع خاسر صدقيني لو ماخليتك تندمي على كل كلمة قلتيها ولو ما خليتك تترجيني اني اعفوا عنك ولو ما خليتك تكرهي اليوم الخلاك تلاقيني فيهو وتسفي التراب  ..... مدا ليها يدو وقال ليها.... ما اكون اسمي  أمير ..... البت ابتسمت بي ثقة ورفعت حواجبها  وقالت ليهو بي ابتسامة  بالمناسبة انا بحب الحروب وبعلن فوزي من هسة.. لو ما خليتك تسحب كلامك دا وابقيك عظة لي الشبهك..... ومدت يدها ما بكون اسمي لدن.......

 #ثمّ_ماذا؟؟!
مرهقةٌ أنا وخائفة ، مشتّتةٌ هي أفكاري ، عاجزة عن التقدّم خطوة ولا أستطيع التراجُع من مكاني ، مُثقلَةٌ أنا من ماضي لم أستطِع نسيانهِ ، حزينةٌ من حاضِرٍ أخفَقَ في احتِوائي ، لا مكانَ لي فيما مضى ومقعدٌ فارغٌ في انتظاري ، مشلولةُ الحركة أنا ، حذرةٌ من الإقترابِ ، جميعُ من أحسنتُ الظنّ بهم ، خذلوني بالأعماقِ ، فاقدةٌ للثقة حولي ، أخشى أن أمضي فيكون هلاكي ، معلّقةٌ بمشنقةِ الحياة ، إن تحرّكتُ كانَ انتهائي..باقيةٌ لازلتُ هنا ، أنظُرُ في خلاصي..ياربّ لم يعُد لديّ حيلةٌ ..إرحمني وانتَشِلني من ضياعي..أنا القلبُ الذي لازالَ ينبُض ، يبحث عن الحياةَ في ظل الحياةِ
🥀💔"لدن" "
•••••••••••••••••••••••••••••••••••••••••••••••••••••••••••
 

 

★★يتبــــــــــــــــــــــــــــــــــــــــــــع★★