رواية أحببتها~بت~رجال -(الفصل الاول)

أحببتها~بت~رجال

#بقلمي~براءه~احمد❤️

 

#أحببتها~بت~رجال 《01》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
و انا صغيره بحكم اني البت الوحيده وسط الاولاد في البيت 😂 و البت الوحيده في الحله القدري كلهم اولاد 😂كنت غبشاء و منكوشه 24 ساعه امي دي تسرحني بجاي اطلع الشارع يا اتمردغت في التراب و جيت شعري محشي حشي تراب 😂 يا اتشاكلت و جيت ممعطه و كل شعره واقفه في اتجاه امي دي فترت من غسيل الشعر و التسريح 😂 بقت توديني الحلاق مع اخواني  😂بقيت م بتفرز  منهم الا بالحلق بس دا لو لبستو طبعا  😂 وفي ناس اصلا قايلننا ٣ اولاد م عارفين امي عندها بت 😂
________________
اسرتنا بسيطه شديد عايشين رزق اليوم باليوم 🖤 كنت بلبس ملابس امجد  اخوي الكبير البتصغر فيهوو... و بعد تصغر فيني يلبسها احمد 😂🖤 الموضوع كان بالنسبه لينا عادي شديد نهائي م حصل واحد فينا حس بالنقص او اتعقد من  الحاجه دي او حس. انو اقل من غيرو بالعكس كنا حاسين بالتميز  لانو حرفيا امي و ابوي زرعو فينا الحاجه دي من نحن صغار  🖤 ابوي كان بقول لينا عاين للحاجه العندك و ما عند غيرك و احمد ربنا عليها 🖤 قبل تعاين للحاجه العند غيرك 🖤
_______________
يلا نحن سبعه اولاد في الحله 😂 انا و اخواني الاتنين 😂 جيرانا باليمين ناس محمد... فاتح فيهو بيت ناس نذار.... . و في الناصيه ساكنين حسن و حسين بيتهم فاتح في الميدان ديل تيمان امهم مدلعاهم دلع جايباهم  في. الكبر البهبشهم ساي بتجيهو مفحطه شايله توبها في يدها تلطشو ليك اول شي بعدين تلبس توبا و ترجع بيتها 😂 مسمنها الكشه. مره فقريه خلاص مشاكلها كلها في الشفع و راجلها لا بهش لا بنش عافصاهو تحت اباطها 😂
بس يوم العصريه  مشينا الميدان نلعب كوره  نحن السبعه اتلمو علينا اولاد الحله الورا بقينا كتار شديد... انا طوالي كوركت اول لي عزله .. واحد من اولاد الحله الورانا كورك طوالي ورايي تاني لي عزله 😂 وبقا كل واحد  يعزل في ناسووو.. الفريقين تمووو فضل حسين واقف مصنصن براهو زول عزلو ماف 🤣🤣
احمد اخوي بي طبعووو حنين شديد احن واحد فينا قال لي يا اسلام انا بلعب الشوط الاول دخليهو بدلي الشوط التاني قلت لي م مشكله عشانك بس مع اني ود امو دا  اصلي م بدورو  😂
انا : التيم قفل يا حسين لكن م مشكله العب الشوط التاني بدل احمد😂
حسين كان قاعد ليهو في طوبه جاني منفوخ زي كيس الشبس و من جوه فاضي م عندو حاجه لسان بس 😂  : انتي قايله نفسسسك منوووووو بت في نصنا م قلنا شي عزلتينا م قلنا شي كمان جايه تدخلي و تمرقي على كيفك كمان
امجد : اقول ليك حاجه م بتلعب زاتووووو ارجع اقعد في الطوبه بتاعتك و لمن الكوره تطلع برا اجري جيبا لينا 🤣 و بقينا نضحك كلنا 😂
حسين قام شال الكوره ووقف في نص الميدان قال لينا انا كمان لو م لعبت الكور دي م بتدتقا  في الميدان دا 😂
انا : والله اعد لحدي تلاته ختيت الكوره دي ختيتها م ختيتها حتدقا انت و الكوره 😂
واحد من اولاد الحله الورا بقا ينقنق م ممكن ياااخ م حصل  مره لعبنا معاكم كوره من غير مشاكل... واحد تاني نطه قال ليه ما حصل لعبنا معاهم كوره للنهايه  زاتو كل مره بختموها بي مشكله 😂
امجد: شكلو كدا ي اسلام ما الكوره و حسين بس الحيتدقو في الميدان دا 🤣 جبببب اولاد اللزينه سكتوووو 🤣 و انا بديت اعددد واحد ي حسيييين خت الكوره 😂 اتنين ي حسيين خت الكوره 😂 تلاته دي طوالي خمشتو ليك من لياقه فنيلتو  و بقيت كراهو بالواطه و هو يفرفر زي خروف الضحيه 😂 كريتو ليك لحدي باب بيتهم جريت السلكه جدعتو جوه و قفلت الباب 🤣 مع القفله الباب قبلت كدا لقيت ليك ولد طوييل كدا في وشي خلعني زاتوووو 😳
الولد :  جاري الولد دا  كدا بالواطه اسي كان انحرح ليهوو بي قزازه  😡
انا : خلعتي اسي انا قايلاك المره ام اربعه قرووون دي🤨.. زح من وشي اسي بتجيني مارقه🌚  و مع بتجيني مارقه الباب فتح... لزيتو ليك م عارفهاهو وقع ولالا م عاينت  تاني وراي و فحطته بي نمره تلاته 🏃‍♀️🏃‍♀️🏃‍♀️🏃‍♀️🏃‍♀️و بقيييت اكوووورك الكشششششششششششاااااااااااااووووووو 😂 مع قولت الكشه دي ناس امجد واولاد الحله الورا كانو فحطوووو اي زول علي اتجاااااه 😂😂😂😂
انا خلاص نفسي قطع 😂 بقيت م قادره اجري عتر لي حجر جيت مكومه على وشي في التراب بسسسسس مسكتني ليك😭😭😭😭......
•••••••••••••••••••••••••••••••••••••••••••••••••••••••••••
 

#أحببتها~بت~رجال 《02》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
انا خلاص نفسي قطع 😂 بقيت م قادره اجري عتر لي حجر جيت مكومه على وشي في التراب بسسسسس مسكتني ليك😭
رفعتني بي  يد وااااااحده لقيت عيونها دي شرار... وانا زي    السافه صعووووط شلاليفي دي بقت مليانه تراب... قالت لي ي حيوااااااااااانه انتي كاره الولد دا كدا مالك يكوروك في النار  شاحده الله 😭 بتكلم معاك انا رديييييي....وانا خشمي مليان تراب وبقول ليها ارد ليك  كيف و انا خشمي ملان تراب 😂😂 وتف تف تف التراب دا لكد لكد بجيها في وشها و انا قاصده اشييل و اتكلم و اتفتف فيهااا لمن التراب خشااااا ليها في عيونها  فكتني و مسكت عيونا  😂 دايره اجري مسكني حسين ي ربي دي ورطه شنو دي الوقعت فيها دي 😭 بعد شويه فكت عيونها  بقت تكورك😂 قدت لي عيني الحيوانه دي امسكها مسكتك من وين امسكها   كرها زي م كرتك اخد حقك   😭😭 من بعيد شفت الولد القبيل  جاي علي شايل توب ام حسين شكلو وقع منها لمن كانت  جاريه وراي و بقول ليها انستري ي خالتي 😂😂 وراهو امجد  و احمد... امجد لمن شاف الولد بمد التوب لي ام حسين مسكووووو خنقوووو بي التوب... حسين   بالخلعه فكاني جيت واقعه  في حجر ضربت جبهتي.. بقيت ماسكه راسه  ووشي كلو دم و شايفه طشاش طشاش😭😭... اخر حاجه شفتها احمد الكان بكفت في حسين و دموعو دي عشره عشره  بعدها م وعيييت بي شي....
_________________
 فتحت عيوني و انا مصدعه وراسي دا ملفلف بي الشاش  لقيت روحي في المستشفي حوليني ناس بيتنا 🥺❤️ و احمد دا بسسس ببكي  وامجد دموعو في عينو و بقول ليهو ارجل ي ولد م تبكي  😂❤️
امي: اسلام ي بتي انا مش قلت ليك أختي اولاد عوضيه ديل 😭
انا :دايراني اخلي حقي يعني والله م بخليهو 😭
ابوي: ي نور عليك الله دا ما وقتوووو خلي الكلام دا  بعد نرجع البيت 🙏
وفعلا خرجونا ورجعنا البيت
_______________
 في البيت...
امي: امشوووو استحمووو لحدي م اخت  العشاء و يا اسلام م تغسلي شعرك عشان الجرح دا م يصلو مويه و يلتهب 😂
امجد: هو وينو الشعر البغسلوهوووو 🤣
احمد: 😂😂😂 امي دي زاتا بتقول كلام غريب خلاص 😂
انا: يااااااا ابويييييي😭
امي:ابوي شنو ابوي انتي الليله دي خشمك م تفتحيهو كمان بتقولي ابوي امشي يلا خشي الحمام استحمي و تعالي و حزرتك شعرك م تهبشيهو   😡
امجد و احمد :شعرك تاني شعرك ي امي 🤣🤣
ابوي: نور اسي نحن م سمعنا القصه من الاولاد م تكوركي في البت ساي نحن م عارفين الحاصل شنو 😂امجد و احمد امشو استحمو و خلو البت دي في حالا 😂 تعاالي ي اسلام الحصل شنو 😂 مالك مع عوضيه وولدها 😂
انا: دقيقه ي ابوي بحكي ليك دقيقه  😂يا احمد امشي استحما اول 😂امجد تعال انت الولد الخنقتو بالتوب داك منو عليك الله اول مره اشوفو في الحله
امجد:غايتو  الحاجه الوحيده البتدل على انك بت شمارك دا 😂 م عارف والله خنقتو كدا انتي جيتي واقعه فكيتو جريت البيت اكلم ابوي 😂
ابوي: ايواااا ي اولاد اللزينه عاملين فيها عصابه في الحله اقعد ي امجد اقعد ولد شنو الخنقتو 🌚
احمد كان  داير يزوغ يمشي الحمام ابوي قبضو ليك تعال تعال ماشي وين زايغ 😂
اقعدو لي التلاته هنا الحاصل شنو 🌚
وبدينا نحكي في القصه من البدايه 😂 ابوي نهائي م قاطعنا لحدي م خلصنا  قعدنا قدامو التلاته  و قال لي اسلام انتي غلطانه 💔
انا: ابوي هو لكن بتقوي بي اموووو كل مره 😭
ابوي: انتي زاتك ي اسلام بتتقوي بي اخوانك 🙂 ونفس الاحساس الانتي بتحسيهو لمن هو يتقوي بي امو.. هو بحسو لمن انتي تتقوي بأخوانك ي اسلام 😊 ربنا لمن يديكم الحاجه م تفترو بيها على خلقو عشان م يعاقبكم ي اولادي الله يرضاا عليكم 😊🙏( حرفيا ابوي و امي ديل نعمه نعمه كبيييره من ربنا❤️)
يلا امشو استحمووو عشان تجو تتعشو امشي ي اسلام استحمي❤️ و ما تنسي  شععر.... اقصد راسك عشان الجرح 😂😂
امجد و احمد بقو يدردقو بالضحك وانا بعد مديت بوزي مترين  بقيت اضحك في ضحكهم 😂😂😂❤️

استحمينا و اتعشينا ونمنا على كدا❤️
_________________
تاني يوم صحيييت الصباح بدريي الشاي  م شربتو.. شلت لي عصايه و مشيت على بيت ناس حسين... بيتهم كان فاتح على الميدان بي جهه.. و البجهه التانيه فاتح على بيت بشطبو فيهووو ... شلت لي طوبه ختيتها جنب البيت البشطبو فيهووو.. و بقيت شايله عصايتي و مقاصده بيتهم مستنيه متييين حسين يطلع......
•••••••••••••••••••••••••••••••••••••••••••••••••••••••••••
 

#أحببتها~بت~رجال 《03》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
 بقيت شايله عصايتي و مقاصده بيتهم مستنيه متييين حسين يطلع🙂.. قاعده  مستكينه في طوبتي لقيت محمد جاي علي مخلوع شكلو جاي  من الفرن شايل ليهو كيس عيش...
انا: تعال تعال الله جابك.. انا والله جعانه الشاي م شارباهو والعيش دا شكلووو حاااااار
محمد:اسلام راسك مالووو وقعتي ولا شنوووو.. وقاعده هنا من صباح الرحمن مالك ؟ 😳
انا:اديني عيشه كدي.
محمد: انا بتكلم معاك لي اصلا انا بمشي لي عمي حسين اسي اقول ليهو اسلام قاعده في طوبه و شايله ليها عصايه مشركه ليها لي زول.. انا عارفك حتكوني طالعه بالدس ( طبعا ابوي برضو اسمو حسين)
انا: محمد والله اديتني عيشه اديتني م اديتني انا اصلا جعانه و اخلاقي في نخرتي... بفتح ليك راسك بدل حسين و اتفشاهو فيك 🙂
محمد:  بالله دا حسين الفتح ليك راسك 😂 عشان كدا امبارح لمن سألت منو حسن في صلاه العشاء  قال لي مشا ناس حبوبه اتاريهو نفد بي جلدووو ..
وانا بتكلم مع محمد كدا جانا احمد قال لي امي بتفتش فيك انا قلت ليها في الحمام... اجري البيت انا ماشي الدكان..
قلت لي محمد ارح عشان اتلب بي حيطه بيتكم م بقدر اخش بالباب عشان ماف زول يشوفني   
وفعلا تلبت بالحيطه و مشيت على المطبخ لقيت امجد بكب في الشاي طققققق اتزكرت وبصوووت عاليي قلت وااااااي  ياااااخ نسييييت ...
امجد:مالك ي بت نسيتي شنو بتكوركي مالك انتي الضربه دي اثرت في راسك. ولا شنو؟
انا:بوريك دقيقه بس كب لي معاك شاي ماشه و جايه..
و مشيييت طوالي علي الحيطه البينا و بين ناس محمد و بقييييت اكووورك ليهووووو  ي محموووووووووااااااااااااد
ي ولد ي محمووووواااااااد
محمد: ي بت الناس. الدنيا صباح مالك تاني  يااااااخ انا داير انووووم صحوني من الدغش .... قبضوك ولا شنو
انا: قبضوني شنوووووو العيييييشه العيشششه م اديتني ليهاااااا.. فن لي عيشتين بالحيطه دي اشرب بيهم الشاي والله العيش يكون برد م اخلييك.
محمد: انا غايتو زي جحمك دا م لقاني جحمانه خلاص.. و بقا يطنطن م سمعتو بقول في شنو.. بعد شويه جاني كيس العيش طاير بي فوووق و تاني م سمعت صوتو شكلو مشا
امجد: ابوي بجيب العيش من نفس الفرن اسي في داعي يعني اسي دي الحاجه المهمه النسيتها  
انا:  نفسي في عيش محمد دا بس لو م اكلت منو بتجيهم حاجه
امجد:اطفحي اطفحي شاييك دا عشان ننضف و نغسل امي دي تعبانه لحدي اسي ضغطها مرتفع من فلقتك حقت امبارح 🙂
انا: لاحظ فلقتك يعني انا مفلوقه وراسي دا فاتح ح انضف معاكم كيف😒
احمد جا داخل: كيف يعني تنضفي كيف.. هو زوووول عندوو  قدره يشيل ليهو عصايه اطول منو.. عشان يفتح بيها راس زول من الصباح... م  بقدر ينضف 😂انتي ي بت مستهبله ولا شنو..
امي جات داخله وراهو: راس منو الدايره تفتحو ي احمد تقول لي في الحمام ... انتو ي اولاد كان م كتلتوني م بترتاحووووو...ابوك امبارح قال ليك شنو مش قال ليك م تفتري على خلق الله ي اسلام لو دايره رضاي  اختيهو  ود عوضيه دا😭
انا:وراسي دا حقي يا امي اخلي حقي يعني.. خلي بس يجي من ناس حبوبتو يا انا ي هو في الحله دي.
امي: اسلام حقك اخدتيهوووو تالت و متلت ي بت الولد ضهروووو كلووو اتظلط امو ضربت لي تشكي  منك🙂
احمد: هو مشا خلا ليك الحله تاني ي انتي ي هووو كيف دايره ترحيليهم. ولا شنو
امجد:و فرجتي فيهو خلق الله في الميدان تاني دايره شنو
انا: بطني دي م بردت لكن 🙂
احمد: اها دايره تكتليهو يعني ولا كيف
امجد:بطنك دي اقرشي ليها تلج  
امي: استغفر الله بس استغفر الله ي الله الصبر 🙂
انا: ماشه انووووم انا زاتي ارتاحووو كل م تلقو ابوي ماف تنفردو بي
امي: امشي نوووومي نوووم الظالم عباااااده امشي اتخمدي 😒
احمد و امجد شالو مقاشيشهم و نضفوووو البيييت زييييين وولعو داك ي البخور... بعداك خلصو ختو ليهم طشييين دورو ليك في الغسييل.. بعد انتهووو بقو زي الجنايز اي واحد رقد لي في سرير
_________________
العصر نذار دق الباب شايل ليهو كوره شراب.. قال لي امجد ارح نلعب كمبليته... انا بس سمعت اسم كمبليته قمت زي الحصان... امي قالت لي حيلك حيلك ماشه وييين بي راسك المفتوح دا اقعدي ورقي معاي الخدره دي... انا طبعا م ببكي بجعررررر جعريييي عدييييييل الحله دي كلها بتسمع و الواطه دي بتتهزاااا  تاني البسكتني م بعرفوهوووو... بس بقيت اجعررررررررر واكورك  يعنيييييي لا اخدته حقييييي و كمان مااااااا اطلع الشاااااااااارع وااااااااااع 😭 جو نذار و امجد و احمد جارييين... لقو
امي عاضه يدها و بتتكلم بي تحت اسنانها ( حركت الامهات ديك😂) وبتقول لي  : اسكتي سكتتتتتت حسسسك فضحتينااااا في الحله اسكتييييي امشيييي امشي غوري اطلعي الشارع لكن م تلعبي اتفرحي بسسسس و م تهبشي زول والله زول يجي يشتكي لي منك اكتلك و ارتاح منك انا 😡

انا طوالي وقفت الجعري البلا دمووووع داااااك و قفلت خشمي و طلعت حفيانه قبل امي تغير رايها...
جا امجد فلقني بي سفنجاتي... قال لي هاااااك سفنجاتك ديل
نذاااار: والله ي اسلام انتي عارفه انا بسمع صوووت جعييييرك دا في بيتنا لكن اول مره اشوفك مباشر كدا بتجعري... لمن شفتك فاتحه خشمك دا لمن اتخلعت يوووووم بتشفطي ناس بيتكم دييييل في جعره  و انتي م قاصده..
احمد: خشمها الصغير دا انا نفسي اعرف لمن تجي للجعييير بتمطوووووو كييف والله محيراني عديييل😂
و بقووو يضحكو قلت ليهم خلوني في حالي احسن ليكم و  امشو دقو لي محمد و حسن الباب انا بنتظركم هناك... مشيت لقيت طوبتي و عصايتي قاعدين في مكانهم... قعدت انتظرتهم في الطوبه و شايله عصايتي زي العمده... لحدي م جوووو.... كوموووو ترابتهم و جابو باغتهم... و بدو يلعبوووو... نزار و امجد ضد  احمد و حسن ... و انا قاعده في الحجر  بعاين ليهم جات الكوره طاااااايره بي جمبي... امجد كورك لي جيبييي الكوره.... رميت ليهم الكوره هم واصلو لعب و انا سرحت بعيييد... سرحت و جاني شريط امبارح و بقيت اقارن  حسين كان قاعد في الحجر و بتفرج... و انا هسييي برضو قاعده في الحجر و بتفرج... حسين قلنا ليهووو لمن الكوره تطلع برا جيبها لينا و ضحكنا... اسي انا القاعده و انا الجبت الكوره لمن طلعت برا ... طقققق جاني كلام ابوي في راسي م تفترو على خلق الله عشان ربنا م يعاقبكم 💔 وبقيت افكر ي ربي دا ياهو العقاب الضربه الفي راسي الانا هسي بسببها قاعده القعده دي ولا في عقاب تانييييي...
قطع افكاري صوت ولد راكب في الدفار فوووق بكورك لي ناس منذررر افتحووووو الشارع ي اولاد العربيه دي حتضربكم اعملو حسابكم ..... عاينت كدا لقيتو ولد امبااااااارح المابغباني ذاتو شكلو البيت البشطبو فيهو دا بيتهم....
•••••••••••••••••••••••••••••••••••••••••••••••••••••••••••
 

#أحببتها~بت~رجال 《04》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عاينت كدا لقيتو ولد امبااااااارح المابغباني ذاتو شكلو البيت البشطبو فيهو دا بيتهم... جا نازل من الدفااااار و اتجه علي طوالي لا اتلفت يمين لا شمال.. جاني عدييييل... وقف قدامي وداير يتكلم كدا قاطعتوووو..
اسلام:يعني انت خليت الخنقك واقف هناك و جيتني انااااااا
الولد: انا جاي اشوف راسك  م جاي اسألك.. و بعدين فارق يعني  خنقه ولا وقعه م لزيتني لو م الله ستر كنت ح اكون مطقم معاك. ولافين لي مترين شاش في راسي دا...
انا: دا التحشر  اتحشرت المره الاولي كنت حتفتح راسك...م تبتا جيت تاني اتحشرت خنقوووك...
الولد دا فكاها ضحكه: و قال لي عليك الله اسمك منو.. و بعدين انت مش مفروض ترتاحي... شايل العصايه دي كدا اسي كان ضربتك في  راسك دا
عاينت ليهو وانا مستغربه فيهو البضحكو شنو... م استغربت انو قايلي ولد لاني متعوده على المواقف دي وطوالي قلت ليهو بتلقائيه  : انت م تبت من التحششششر دا لسه م تميت كلامي... امجد جاهوووو مسكووو وهو اطول من امجد.. امجد دا واقف على امشاطو عشان يصلو.
الولد وهو بضحك: براحه براحه ي الحبيب... وفكا يدين امجد من قميصووو ... م اي شي يدك تكون قدام افهم الحاصل اول شي انا اخوك دا والله ما جيت جنبوو داير تطبق فيني نظريه امبارح تاني... يعني عشان جليت امبارح من موته عايز تقتلني الليله
انا طوالي نطيت و قلت ليهو حاول قلل من التحشر عشان م تموت
امجد قال لي اسلااااااام.. طوالي سكتتتت.. وداك يضحككك بس.. و بقا يتكلم مع امجد م عارفاهم بقولو في شنوووو...
مشيت خليتهم لقيت ناس احمد و منذر و محمد معاهم اولاد  بنزلو  في العفش من الدفار... و حسن بتفرج فيهم طبعا خايف امو تشاكلو.. غايتو المره دي كتلت قلب اولادها دي كتل حنيت عليهو للحظه كدا و هو بعاين للناس شغاله  نفسو يشارك و ما قادر الخوف قاطع قلبو...
  كوركت لي محمد الكان قاعد في الدفار فوق و بناول في الناس التحت  :يااااا محمد نزل لي الترابيز دي
محمد وهو بناول ولد كدا  في الترابيز :اسلام بي راسك دا زحييي بعيد عليك الله حيل م عندك  م تعملي لينا زحمه
انا ولا كضبت مسكت من الولد التربيزه خليتو متنح بعاين فيني مستغرب انا بقابض مالي.. وقلت لي. محمد : ح اشيل بي راسي ولا يديني و بعدين انت القال ليك منو م عندي حيل اشتكيت ليك 😒
و شلت التربيزه دخلتها و جيت اشيل اختها محمد قال لي :والله لكن عيشنا عامل شغل اسي الصباح نفسك م كنتي قادره تشيليها... ضربتي العيش حقنا دا شلتي تربيزه عديييل... هاك هااااك و اداني التربيزه التانيه... حدرت ليهووو و شلتها كدا جااااني الولد:اسلام م تقعد تحت رجلين الناس دي حتنضرب...شكلو عرف اسمي لمن امجد هرشني قدامو قبيل ... ولا اشتغلت بيهو شلت التربيزه دخلتها لاقاني احمد  قال لي راجله والله ارجل من القاعد هناك دا و عاين لي حسن و ضحكنا  😂
جا الولد  تاني لاحقني و سايق امجد معاهو  قال ليهو سوق اخوك دا  البيت.. احمد و امجد كاتمين الضحكه مستمتعيين من قصه انو قايلني ولد دي... و انا نهائي ما حاولت اصحح ليهو المعلومه...امجد قال لي: امشي البيت المغرب قرب يأذن.. انا و احمد بننزل معاهم باقي العفش دا  و نجي البيت...مشييببت و انا زعلانه من امجد شديد و العبره خانقاني  لانو هرشني قداموووو و كمان مشا ليهووو كلمتو و خلاني امشي البيت.. كان ممكن اعاند و م امشي لكن ..  انا فيني طبعه انا ممكن اكسر كلمه اي زووول مهما كان هو منو   لكن كلمه اخواني م بكسرهاااا نهاااائي قدام الناس❤️ ابوي كان بقول لي اسلام اخوك لو كسرتي انتي كلمتو قدام الناس..حتكسري شوكتوووو و اي زول تاني حيمشي كلمتو عليهو.. تعالو هنا اتشاكلو اتماوتو في البيت م مشكله لكن احترمو بعض قدام الناس ❤️ و الحاجه دي شفتها في حسن و حسين م كانو بحترموو بعض قدامنا نهائي... عشان كدا ماف زول احترمهم
_________________
دخلت البيت لقيت امي قاعده في الحوووش ماسكه مصحف و بتقراااا❤️ سلمت عليها قالت لي اخوانك وين قلت ليها بعتلو مع الجيران الجداد في العفش..
امي: كوور علي اولادي من الصباح بنضفو و يغسلوووو تعبوووو الليله الله يقويهم
انا:امي عليك الله لو لقيتوني جنب جامع كلميني بالواضح م بزعل..  ومشيت على  المطبخ... قامت كوركت ليييي اسلاااااااااااااام تعاالي هنااااا دا دايراك انااا في موضوع
انا: دايره اشرب مووويه ي امي ريقي دا ناااااشف جايااااك....شربت و جيت قعدت جنبها قلت ليها اهاااا قولي لقيتوني جنب ياتو جامع..
امي غصب عنها ضحكتتت : جامع شنووو ياااا بت والله الضربه دي قدر الفي راسك روحتووو... دايراك في موضوع تاني كدا أم و بتهاااا مدام العزابه ديل ماف..
انا:اها ي امي غايتو كان مرسلاني لي وحده من نسوان الحله ديل م ماشه عديييل كل وحده تقعد تنظر لي البسي حلق البسي طوق اعملي افعلي .. م ناقصه نظريات انا
امي: اللهم طولك ي روح خليني اتم كلامي ي بت الناس..
انا : كملي كلامك ي امي سامعاك لكن وريتك بس لو مرسلاني لي نسوان الح.... قبل اتمهاااا امي قرصتني في جضمي و قالت لي  اسكتي واسمعيني... انا بعد القرصه دي خشمي م فتحتو تاني تبتا  😂.. فكت جضمي و بقت تضحك باستني في جضمي القرصتو... دايره اتكلم كدا قرصتني تاني قالت لي اصلو الزول م يديك وششش اسكتي...و قدنا نضحك الاتنين 🤣...
بدت تتكلم قالت لي: يا بتي انتي بت في النهايه م ولد... اقعدي في البيت حبه م تباري اخوانك ي اسلام انتي شويه كدا و حتبقي بت كبيره و حتتحاسبي على كل صغيره و كبيره... و بدت تحكي لي عن انووو الانسان بمررر من هو طفل لحدي م يموت بمراحل كتيييره... و في مرحله في النص اسمها مرحله البلوغ...دي الفاصل خلاص بعد المرحله دي ماف حاجه اسمها دا شافع ساي.. اي حاجه بعملها الزول بتحاسب عليها... و حكت لي كل التفاصيل ❤️.. حتي قالت لي انا لمن كنت قدرك كنت مره عديل... اسي انتي حايمه لي من شارع لي شارع 😂اهل ابوك جبدوك بالجسم القِليل.. يلا انا ماشه اسوي الغدا بعد دا ابوك بجي.....
مفترض الحاجات دي اكون درستها في المدرسه لكن دا ياهو حال المدارس الحكوميه... الاستاذ يغيب السنه كلهااااا يجي نهايه السنه يدينا المقرر كلو في حصه وااااحده شي يشرحو و شي م يشرحووو...( م كلهم طبعا.. في اساتذه بستحقو كل الاحترام و التقدير والله❤️)
جو داخلين امجد و احمد  ....
امجد قال لي : اخوووونااااا
احمد: يا امجد سوق اخووك دااااا البيت.. و يضحكو الاتنين
انا نسيت الزعله بعد ونسة امي معاي لكن تاني اتزكزتها بعد جمله احمد دي قلت ليهم : اختوني.. و انت يا امجد بالزات اختااااني..
امجد: اختاك متأكده والله عندي ليك شمار زي الشمار... انا الشمار حرقني لكن اصلو ابيت اتنازل...
احمد: اختاها ي زول قالت ليك.. تعالي انا بوريك ...
امجد: والله توريها اتشاكل معاك..
احمد: م تخلي يدك قدام انا اخوووك دا والله م جيت جنبو(بحاكي في الولد😂) ....
انا هنا فصلتتتتتت.... وبقيناااااا نضحححححك... جا ابوي قال لينا ضحكونا معاكم اها الليله داقين ولا دقوكم ...بي صوت ابوي امي جات طالعه من المطبخ... قال ليهاااا نوووور البيت باسها في راسهااااا... ابوي و امي عمرهم م خجلو انهم يظهرووو حبهم لي بعض قدامنا بالعكس كنا بنعيشو معاهم ❤️.... بعد سلم على امي جا سلم علي بنفس الطريقه... بعدها سلم على اخواني الاتنين... و قعد انا طوالي نطيت قلت ليهو ي ابوي امجد شاكلني قدام ود الجيران و قال لي خشي البيت...
امجد: ي اسلام انا اتكلمت معاك عادي م كان قصدي اشاكلك.. انتي براك بتكبري الموضوع... يا ابوي كانت عايزه تعتل معانا عفش الجيران بي راسها الفاتح دا
انا:اي اي غير الموضوع و بقيهو لي صالحك.. اسي الجاب سيره العتاله منو..
ابوي: المدارس الاسبوع الجاي اخوك كلامو صاح انتي ما عايزه تنزلي ولا شنوووو حافظي علي الجرح دا عشان تبقي كويسه و تنزلي مع الناس ... ويا امجد اي لعب عندك كملو الاسبوع دا عشان انت ممتحن لعب تاني ماف غير نهايه الاسبوع... و اختك دي م تشاكلها قدام الناس ميه مره قلت ليك
امجد: حاضر ي ابوي و سكت على كدا.. ما كان عايز يجاريني في الكلام قدام ابوي ..
امي جابت الاكل قالت لينا اكلو وامشو طلعو حاجات المدرسه... عشان الدايره خياته و تصليح اخيت كل مره حبه حبه ... اسلام سابع دي اجتهدي فيها عشان السنه البعديها انتي ممتحنه  و خلي المشاكل و شارع كتييير تاني ماف زي م قلنا قبيل نحن بعد دا حنبقا ناس كبار ... و انت ي امجد تامن دي انت و منذر السنه الفاتت كلو واحد نتيجتو ازفت من التانيه... اجتهدو عشان تنجحووو زي محمد شفتو النجاح فرحتو حلوه كيف..
ابوي:سمعتو كلام امكم دا ي اولاد..
انا و امجد بي نفس الصوت: واحمدد
احمد اتلفت بي خلعه كان مركز مع الاكل وقال: احمد مالوووو كمان..
انا: سادس دي شكلو ما فيها وصايا بختك
امي: احمد ي يمه ولدي العاقل عارف نفسو بقرا متين و بلعب  متين... احمد قايلنو زيكم احمد ما داير ليهو وصيه..
احمد دا بقا يتبسم ساي  شويه و حسيتو راسو دا حيطق... بعد كلام امي دا لمن شبع و خلا الاكل..مشا يغسل يدينو
امجد:احمد  اعمل حسابك  م تقع من الفرحه
احمد: ما بقع م توصيني انت قايلني زيكم انا  ما داير لي وصيه... 😂
احمد م فشل في يوم انو يضحكناااااا ابدا.....❤️
________________
تاني يوم كان مفترض امشي انضف الجرح في المستشفي..و ما حيكون عندي زمن الصباح اعرف شمار امجد.. وانا الشمار صراحه حارقني شديد اكتر من الزعله زاتو...لازم لازم  اعرفو في باقي الليل دا مستحيل ابيتووو....
•••••••••••••••••••••••••••••••••••••••••••••••••••••••••••
 

#أحببتها~بت~رجال 《05》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تاني يوم كان مفترض امشي انضف الجرح في المستشفي..و ما حيكون عندي زمن الصباح اعرف شمار امجد.. وانا الشمار صراحه حارقني شديد اكتر من الزعله زاتو... لازم  اعرفو في باقي الليل دا مستحيل ابيتووو...امجد اختصر علي الطريق لما جاني و قال لي اسلام.. ابيت ارد عليهو كلو كلو عامله فيها زعلانه..
امجد:اسلام اسي ازعل انا ولا انتي.. انتي الولد جااا عليك كدا اشرتي ليهو علي قلت ليهووو تخلي الخنقك واقف هناك..دا م حريش عديل اسي..
اسلام:  امجد م تهظر معاي انا جاده
امجد:اسي انتي شايفاني غلطان يعني
انا: اييييييي تمشي ليهو كلمتووو و تشاكلني قدامووو  دا م غلط  و دموعي دي جرت كنت زعلانه شديد من امجد لانو حسيت الولد كدا انتصر علي...
امجد: انا م مشيت ليهو كلمتووو... انا عملت الشايفووو صح وهو لو م كان قال لي... انا كنت ح اقول ليك امشي البيت اسي لو حاجه وقعت في راسك؟ ...انا اتكلمت معاك براحه ...انتي الشايفاني شاكلتك... اسلام انتي بس اللهم عايزه تطلعيني غلطان و خلاص
انا بقيت بشهق بالبكا: هسي انت لسه قاعد تشاكل فيني ي امجد
امجد جا مسح لي دموعي و قال لي عايني ي اسلام كان بكيتي كان سكتي انا حاجه شايف فيها مصلحتك بعملها...حتى لو بتزعلك... امشي غسلي وشك دا و تعالي الله يقرفك مخاخيتك حدها الارض...لمن قال لي كدا قعدت اضحك و دنقرت فيهو بي حركه سريعه نضفت نخرتي بالتشيرت اللابسو و جريت قلت ليهو كدا اتسديت حقييييي ....امجد و احمد كانو واعييين شديد مقارنه بي اعمارهم.... لانو ابوي من  هم صغااار بتكلم و بتعامل  معاهم كأنهم رجال اعمارهم فوق ال30.. مديهم مساحتهمم و بخليهم يقولو رايهم بعداك يوريهم الصااااح من الغلط❤️..و انا كنت العوقه الوحيده في البيت 😂
غسلت وشي وقلت خلاص امشي  لي احمد لانو امجد بعد حركتي دي م حيقول لي الشمار... لقيت امجد  غير فنيلتو و قاااااااعد  مع احمد.. قلت ليهووو بسم الله...
احمد: خلاص كملتي كلووو بقيتي قرفانه كمان.. شكلو امجد حكا ليهو..
وانا بضحك :معليش ي امجد والله معليش..متين لحقت حكيت ليهووو...اسي يا احمد لو كان خلاني  اعتل معاكم دا كلو م كان حصل ليهو
امجد:معليش بتأكل عيش؟..
احمد: قبيل وقت النضافه م كنتي مفلووقه و راسك فاتح وعايزه تنومي .. وقت العتاله بقيتي شديده..
انا:خلاص ي امجد بغسلو ليك مش التشيرت دا.. لكن توريني الشمار شنووو..
امجد و احمد بقوووو يضحكوووو و كل واحد بقول لي التاني عليك الله خليني اوريها انا...و يقفل للتاني خشموووو عشان م يتكلم ... وانا الشمار حارقني... قالو خلاص حجره ورقه مقص.... فاز امجد... داير يتكلم كدا احمد سبقوووو بي سرعه  قال لي: ولد الجيران الجداد اسموووو حسييييين برضووووو.. ووقع من الضحك..
امجد وهو زعلان: والله انت مرراااا خلاص.. اصلو دي م حركات رجال..وجا علييهو داير يخبتو..
احمد جرا و بصوت نسواني بحتت قال ليهو:اجييي ياااااا امجد من متين بترفع يدك على مرااااا.. امجد دا قرب يقع من الضحك..
انا : واالله م ممكن عديييييل كدااااا يااااخ...يعني انا حسين داااك عرفت فيهوووو شنووو لمن بقووو لي اتنين كل واحد في ناصيه.. اسي دا شماركم البتتعاورو عشانو من قبيل ... طممتو لي بطني ماشه انوم...  مشيت وانا اخلاقي دي في نخرتي... خليتهم مره بتناقرووو عشان احمد وراني قبليهو ... و مره يضحكووو فيني...
_________________
صحتني امي الصباح قالت لي قومي صلي و اجهزي عشان تطلعي مع ابوك المستشفى... و انا داخله الحمام امجد رمى لي الفنيله حقتو في وشي قال لي غسلي قرفك دا معاك و مشا.. تقريبا هو صحا بدري مخصوص عشان يعمل الحركه دي بس لانو رجع نام تاني...
صليت.. و غسلت تشيرت احمد.. و جهزت بقيت منتظره ابوي عشان نشرب الشاي سوا.. بعد شويه ابوي جا قال لي ارح..
اسلام: والشاي انا منتظراك ؟
ابوي: شربت الشاي مع نور البيت ❤️
اسلام:و انا لمبه محروقه صاح كويس ي ابوي...
ابوي بقا يضحك: خلاص م تزعلي بشرب معاك تاني
انا:م دايره شاي انا خليتو...
ابوي: بسوقك معاي الدكان الليله... انا طوالي اتشعبطه في رقبتو قلت ليهوووو قووول والللللللللله..
ابووي: بشرط تشربي الشاي معاي.... انا طوالي كبيت الشاي لي و ليهو ..و بقيت اشرب مستعجله عشان نطلع  قربت اخنق...
و نحن طالعين ابوي قال لي امي انا سايق معاي اسلام الدكان بعد المستشفى يلا لا اله الا الله
امي قالت ليهو محمد رسووول الله.. غايتو ي حسيين انا اصلح فيها بي جاي انت تجي تخربها بي جاي.. و بقت تستغفر.. ابوي ضضحك و قال ليها اخر مره صح ي اسلام... قلت ليهووو اااااااااااااي بي صوت عالي تقول مغالطني و الابتسامه دي من الضرس للضرس.. و طلعنا
________________
ابوي كان ماسكني من يدي و ماشين... فجأه وقفت في نهايه الشارع و بقيت بعاين لي بيت ناس حسيين.. و اقبل بالجهه التاتيه.. اعاين لي بيت ناس حسين التاني.. ابوي قال لي مالك ي بت م حنلقا مواصلات بالطريقه دي ..
وانا بأشر علي البيوت  قلت ليهو: هنا في حسييين.. و هنا في حسييين
رد لي ابوي و هو بأشر على روحو و بضحك: و هنا في حسييين برضو
انا:م دي المشكله هنا ي ابوي لازم نغير ليك اسمك..انت م بتشبهم واحد قلبو خفيف  والتاني حشري..
ابوي بضحك: ارح ي اسلاااااام ارح قدامي..
مشينا المستشفي نضفو لي الجرح بعد كواريييييك و قومه و قعده... و طلعو لي الشاش قالو عشان الجرح ينشف و الخيت بقع براهو تاني ماف داعي اجي.. طلعنا و مشينا على الدكان..
_________________
ابوي فتح الدكان..كان بسيط شديد فيهو زنكيه براا خاتي فيها تلاجه...حولين الدكان كلها بيوت ببنو فيها  منطقه كدا كلها عمال بجو  يشيلو  منو حاجات الفطور.. والبيوت الساكنين فيها اسر بالعدد ...
فتحت التلاجه شلت لي بارد و كيكه.. ابوي قال لي خلاص عايزه تخسريني...قعدت اضحك قلت ليهو انت زاتك دقست جبتني معاك...
جا  راجل كدا  كبيير في السن قال ليهووو حسين مالك الليله متأخر ي ولدي دخلت فينا جوعه الليله .. عليك الله داير لي 6 بيضات.. م عملت الفول الليله شكلك..
ابوي: ظروف والله يا عمي مختار..الليله اتأخرت م شديت الفول معليش..
عم مختار: الله يفتحها عليك ي ولدي ماشاء الله دا ولدك.. م قايلك عندك ولد غير احمد و امجد...
ابوي بي ضحك: دي بتي ي عم مختار الاكبر من احمد..
عم مختار: و مالك حالقلهاا كدا ي ولدي...
انا لمن لقيت الموضوع حيطول شلت لي كيس ختيت فيهووو 6  بيضات و قلت ليهووو عم مختار هاك هاك البيض...شكلك جعااااان ي عمييي... قال لي اي والله الله يحفظك ي بتي... حاسب ابوي وانا مشيت سندتو  عشان ينزل العتبه  ... لمن جيت ابوي قال لي خارجتي الراجل سرعه سرعه 😂 دا الغفير بتاع.العماره دييك و اشر لي على العماره .. نحن في نعمه ي اسلام والله...قلت ليهو الحمد لله و بقيت بعاين ليهو وهو ماشي يالله يالله و بحمد في ربنا...
عيني وقعت في مراا داخله الدكان...طوالي قلت لي ابوي م ناقصه نظريات كفايه علي نسوان الحله و مرقت براااا وقفت جنب الدكان و كملت باردي... لمن المرا طلعت دخلت اخت القزازه في الصندووق... اسمع ليك ولد بقووول لي.. االشبلي خت معاك القزازتين ديييل عليك الله... و كورك لي ابوي عم حسيييين الشبلي دا تبعك... قال لي اي دي بتي.... عاين لي كدااااا و قال لي اسمك منو ي حلوه.. قلت ليهو بي اخر نفس اسلااااااام ... قال لي ابوووي ادي الحلوه دي لبانه على حسابي و سلم علي و طلع شكلو حس بالزنب...
ابوي قال لي وهووو ميت بالضحك واحد من اتنين  يا تلبسي ليك حلق.... يا اعلق لي يافطه جنبك اكتب فيها دي بتييي.. م. ممكن كل م يجي زول اقول ليهو دي بتي.... اختاري..
انا: و اجيب حلق من وين اسي انا.. علق يافطه ساااي...
ابوي: هاك..مد لي طقم كدا فيهو سلسل و حلق و خاتم و اسوره.. قال لي  دي بضاعه قديمه اصلا كنت جايبهم ليك في البيت و كل مره بنسى لي خير غايتو  ... لبسني ليهم قال لي كدا الما حيشوف الحلق بشوف السلسل😂...بقيتي حليوه❤️
انا: اصلا انا حليووووه😂 اديني لبانتي.. عشان تكمل االصوره
ابوي: لو لبستي ليك فستان كدا والله تاني م سائله في بتتت..
انا: م للدرجه دي كمان ي ابوي...
كمل اليوم بين دا داخل ودا مارق ...و بين الونسه و نصايح ابوي ❤️
________________
و نحن داخلين على الحله شفت ليك حسين الجديد.. بنزل في حاجات من تك تك... ابوي لمن شافوو مشا عليهووو و قال ليهووو.. دقيقه اساعدك ي ولدي....واتلفت علي قال لي اسلام اجرييي انتي البيت..
حسين سلم على ابوي بي حراره كدا و قال ليهو م بحتاج ي عمي انت جاي تعبان.. وسلم علي.. سلمت عليهو بدون نفس .. وبيني و بين نفسي كنت مستغربه هو بعاين لي كدا مالو يا ربي عشان فكو لي الشاش بعاين للضربه... نسيت كلو كلو اني لابسه السلسل و الحلق...
•••••••••••••••••••••••••••••••••••••••••••••••••••••••••••
 

#أحببتها~بت~رجال 《06》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
حسين سلم على ابوي بي حراره كدا و قال ليهو م بحتاج ي عمي انت جاي تعبان.. وسلم علي.. سلمت عليهو بدون نفس .. وبيني و بين نفسي كنت مستغربه هو بعاين لي كدا مالو نسيت كلو كلو اني لابسه السلسل و الحلق...قلت بكون عشان طلعو لي الشاش شكلو بعاين للضربه م اشتغلت بي الموضوع كتيييير...
ابوي و حسين كل واحد كان  بحلف علي التاني... انا طوالي مشيت على التك تك طلعت فوق  بديت انزل في الحاجات في الواطه... كلها كانت حاجات خفيفه خفيفه.. قلت ليهم بدل تضيعو الزمن دخلو الحاجات النزلتها دي ... انا بنزل ليكم في الواطه و انتوو دخلو جوااا...
ابوي:اللهم لا اعتراض في حكمك ي بت انا مش قلت ليك. امشي البيت
حسين دا  من شده م مستغرب م فتح خشمو زاتو عشان يتحشر... بعاين بعيونو بس...
محمد و منذر جوووو من الميدان لقو المنظر دا قدامهم... انا فوق التك تك بنزل ليهم في الحاجات ... و ابوي بقول لي اسلام انزلي انتي امشي البيت  نادي ناس امجد... و حسين بعاين لينا الاتنين
محمد: اسلاااااام غايتوووو الشكل نهائي ما جاي مع الشخصيييه... طلعي حاجات االبنات دي... و اتفاهمي مع ابوك  راجل لي رااااجل ...هنا يادوووب انا ركزت انووو حسين اصلا قايلني ولد...اتفاجئ لمن شاف السلسل و الحلق
منذر: الشكل بت والشخصيه عتاااالي....
حسين وابوي  ديل قربو يقعو علي وشهم  من الضحكك.. وانا قلبي ميييت بقيت بضحك. و قلت ليهم محمد و منذر والله اسي افلقكم بي الحاجات دي اعمل ليكم وحده زي دي و اشرت على الضربه الفي راسيييي...
منذر : اسي نمشي. وين يا محمد ماعندنا بيت ناس حبوبه زاتو نمشي ندسا فيهوووو...
ابوي : معقوله ي اسلام  حسين لحدي اسي م جاااا من ناس حبوبتو ولا شنوو...
منذر : ما جا والله ي عمي الخوفه الدخلت فيهو تاني م طلعت..
محمد : عطلنا الزول دا ي جماعه ارح ارح ي منذر نزل الحاجات دي... ي عمي سوق اسلام و امشووو بيت نحن بننزلهم سرعه سرعه...
حسين هنا يادوووب انتبه انو جدجد انو حاجاتو جزو في الارض و جزو لسه م نزل ..م عارفاهو كان مركز مع كلامنا... ولا مصدوم لسه انو انا طلعت بت 😂
________________
امجد و احمد و امي كانو بنضفو في الفول في الحوش... اول م جينا داخلين انا وابوي..
امي:حلقققققق... و الله يحسين عملت الما قدرت اعملو انا...
امجد: وسلسل ي امي سلسل عدييييييل...
احمد و هو برفع ليهم يدي فوووق: و غوبيشه ي امي..
انا: غويشه اسمها  غويشه م تلفح ساااااااي...
احمد: كلو وااااااحد ي زوووله.... ابوي انت البت دي مشيت بيها المستشفي ولا مشيت لي شيخ عمل ليها رقيه...
نحنا اتفقعنا بالضحك... قلت ليهم الزول م يعمل تغيييير اصلو في البيت دا... م سألتوني زاتو قالو لي شنو في المستشفى انا والله شكلي جدجد م بتكم..
امجد: تغيييير قدر داااا لكن ي اسلام كان تقصديها لينا م ممكن تلبسيهم كدا كلهم مره وحده.. عايزه تقتلي واحد فينا انا هسي هبطته عديييييل...
ابوي قال ليهم انتو م شفتو الحصل شنو لكن و بقا يحكي ليهم الدرامات الحصلت... احمد قال ليهووو والله يا ابوي كان اخير تقول ليهم دا ولدي و ترتاح و تريحنا  ولا تلبسها حلق لا تعلق يافطه... اسي انا الخلعه الدخلت فيني تاني م حتطلع...
امي دموعها دي جرت بالضحك: ما تشتغلي بيهم ي بت... والله حلات الدنيا علييييك.. ديل حاقدين ساي
رديت ليها وانا بلعب بالحلق مكاواه لي احمد و امحد : اصلا م شغاله بيهم ي امي.. كان اتخلعو كان هبطوو انا تاني حلقي دا من اضاني م بمرق 😂
احمد: ابقي قدر كلامك دا...  البسيهو بس  ابقي بت و ساعدي في شغله البيت..
امجد: م بتساعد دي.. الليله برضو شردت من شغله البيت و مشت مع ابوي الدكان.. و نحن نضفنا البيت ... غايتو الحياه في البيت دا ماشه بالمقلوب.. نحن ننضف الفول و البيت .. و هي تمشي الدكان..
انا :امي عليك الله دايرين ناكل انا جبت ابوي بدري الليله عشان الاكل ختي لينا الاكل... الاولاد ديل صدعووو بي
احمد: والله صدع بيك الحلق دا عشان جديد عليك... م تختيها فيناااا
ابوي: البت دي خلوها عليكم الله ما عارفه  تلقها من محمد و منذر ولا منكم..😂..و بقا يحكي ليهم... و هم يضحكوووو... بعد شويه قال ليهم انتو ود عوضيه صحي لحدي اسي م جااااا...
امجد : يجي كيف بتك قاطعه قلب الولد..بتتشاكل معاهوو صباح و مسااا..
انا: والله انا م بهبش لي زول الا يهبشني 😒
ابوي : حسين دا من هو صغير انتي معزباهوووو ارحميهووو حبه... امك كانت بتقول ليهو لمن تكبر بعرس ليك اسلام بتي عشان انت شاطر و بتسمع الكلام.. كان ببكي بدموعوو بقول ليهم م تعرسوها لي اسلام بتدقني..
انا : سبحان الله من صغير قلبو خفيف 😂.. بجي لكن بعد دا ي ابوي المدارس قربت م. حيقعد عند ناس حبوبتو للابد..
حسين اكبر مني بشهور .. صح  كان خواف لكن كان شاطر شديد لمن شااااااذ... كان  مفترض ننزل  الاتنين  سابع السنه دي  ... لكن هو فطا سنه تانيه و سنه سادس.. و امتحن مع محمد السنه الفاتت... عكس حسن الكان م بحب القرايه و اسي حيعيد سادس تاني... صح هم تيمان لكن نهائي ما كان بتشابهووو...
انا مشيت  خليت ناس بيتنا بتونسو... صليت و نمت بالتعب..
•••••••••••••••••••••••••••••••••••••••••••••••••••••••••••
 

#أحببتها~بت~رجال 《07》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عدا الاسبوع في لمح البصرررر بين لعب في الشارع و مناقره مع اخواني..و خلاص بكرا مدارس و حسين لسه م جاااا من ناس حبوبتو ... و حسين الجديد تاني م ظهر..
امي العصريه رسلتني لي وحده من حريم الحله  تسحن ليها القرنفل عشان تلخبتو بالحنه لي شعرها.. ❤️ بعد تحانييييس مشيت سحنت القرنفل و انا راجعه البيت .. سمعت الاولاد بكوركوووووو الكشااااااااااااوووو و كل زول جرا بي اتجاه... الا انا بي حكم اني م عملت شي لي اول مره... ماف سبب بخليني اجري... جات لقتني الوحيده الواقفه مسكتني و جرتني عليهاا... القرنفل اتكشح في وشي و شعري و جسمي كلووو و بقيت اعطسسس..كانت شايله ليها عود بتاع نيمه
قلت ليهاااا ي خالتي عوضيه انا م هبشت زووول حسييين وماف.. امشي شوفي حسن ولدك اتشاكل مع منووو... قالت لي لميضه لماضه  حسين م طفشتيهو انتي... و بقت تضرب فيني بالنيمه في رجليني... بعد اتفشت فكتني... ومشت و هي بتنبز فيني.. انا نهائي م بكيت قدامها... بعد مشت... قعدت تحت الشجره بكيييييت قدرتي ...سمعت زول بقول لي مالك ي اسلااااام بتبكي و دا شنووو المكشوح فيك دا ... رفعت راسي لقيتو حسين التاني قلت ليهو مالك و مالي انت كمان انا الحله دي كرهتها  ...
حسين بهظار: محمد ولد الشاكلك منوو..هو انتي في  زول بقدر يشاكلك يعني.. الواحد بقا م عارف انتي بت ولا ولد حيرتينا معاك
اسلام: بتحول انا... مره بنقلب بت مره بنقلب ولد حسب مزاجي .. عليك الله زح لي من وشي انا م ناقصه حشريتك دي جنك تتحشر..
حسيييين وهو بضحك مشا جاب ليهو مويه من الزير قال لي هاك غسلي وشك دا... قلت ليهو زح مني ياخ م عايزه اغسل وشي.. ماشه لي امي كدا عشان تصدق اني سحنت القرنفل و عوضيه كشحتو فيني.. جاتني طايره من وين م عارفه كان يسموها عربيه م عوضيه....
و مشيت خليتووو واقف بضحك.. جدجد كنت بقول دا مالو جنو ضحك كدا... و مستغربه هو بضحك لي... لانو انا متعوده ناس الحله ديل لمن اتكلم بقولو علي قليله ادب... لكن هو كان بضحك... و اهم نقطه انووو م اشتكاني لي ابوي رغم اني لزيتووو و اتلائمت معاهوو .. دا لو كان اي زول من الحله كان مشا اشتكاني لي ابوي ولا امي... لكن هو م اشتكاني..
دخلت البيت استحميت و غيرت وقلت لي امي القرنفل اتكشح..اخدت شكلتي.. لكن م حكيت لي زول  قصه عوضيه لاني م ح استفيد حاجه عارفه امي و ابوي م بحبو المشاكل... قفلت الموضوع على كدا قلت بتسدا حقي براي في واحد من اولادا  
________________
اصبح الصباح.. و الليله مدارس.. شربنا الشاي...مشينا لي امي و ابوي قلنا ليهم يلا نحن طالعين  لا اله الا الله...  ردو الاتنين محمد رسول الله..و كل واحد بدعي لينا بالنجاح و التوفيق..❤️
وزي م اتوقعت حسين رجع من ناس حبوبتو كان واقف مستني الترحيل ... انا طوالي اشرت ليهووو من بعيددد و قلت ليهو اصبرررر لي .... و قلت لي اخواني اسبقوني انتو انا نسيت حاجه... بجي وراكم...
مشيت شلت اقرب بهاااار لقيتو قدامي...ومشيت لي حسين كبيتوو ليهووو في راسووو... قلت ليهو عشان امك تاني م تهبشني بلا سبب..
وجريت لحقت اخواني... وصلوني مدرستي... و هم مشو مدرستهم.
_______________
اسلام الفي المدرسه كانت مختلفه تماما عن اسلام الفي الحله..
زوله هاديه و في حالي... و م عندي صحبات ولا بحتكا بالبنات كتيييير... بدخل الحصص بفطر... نهايه اليوم بستنا اخواني جنب كفتريا كدا... يجو يسوقوني  البيت... يا جو ساقوني من المدرسه... م بسأل زول ولا زول بسألني...
حرفيا  كلام ابوي صااااح... انا جدجد بتقوا بي اخواني❤️... لاني عارفه البهبشني.. مستعدين يكتلوهووو..❤️
دخلت المدرسه كدا جرس الطابور ضرب... وبدا البرنامج الصباحي...بي اسلام حسين احمد... اطلعي برا...
طلعت وكانت الصدمه بالنسبه لي انو دي عوضيه ام حسين... م عارفاهااا بقت مشرفه مخصوص في المدرسه عشان تكرهني ليها ولا صدفه... مشيت قلت ليها نعم ي خالتي عوضيه...
قالت لي يخلخل ضروسك انا  م خالتك... سامعه انا هنا ست عوضيه....
•••••••••••••••••••••••••••••••••••••••••••••••••••••••••••
 

#أحببتها~بت~رجال 《08》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قالت لي يخلخل ضروسك انا  م خالتك... سامعه انا هنا ست عوضيه... وطوالي نزلت الصوت في ضهري ... قالت للطلبه بي صوت عااالي... اي زول حيقل ادبو تاني دا حيكون مصيروووو..... يلا اي وحده تتلمى تمشي علي فصلها.. وانتي ي اسلام تعالي وراي المكتب...
... في المكتب  قالت لي تاني كان مررررره مدي يدينك ديل على حسين... عشان اقطعهم ليك...
طوالي رديت ليهاااا قلت ليهااا لو المديره عرفت كلامك دا يوووم واحد م بتقعديهو في المدرسه دي لكن  انا م بشكي لا لي مدير لا لي وكيل... لا لي امي ولا لي ابوي... انا باخد حقي بي يديني ديييل... مش جلدتني اسي.. ح ارجع البيت اجلد حسيين.. و حسين كان راجل خلي يمد يدو علي.. عشان امجد و احمد.. يجيبو ليك يدينو في كيس.. و مشيت خليتها...
انتهى اليوم.. و مشيت قعدت في كراسي الكفتريا انتظر احمد و امجد... وانا منطربه بتاع الكفتريا دايما بشغل اغاني.. لحدي م جوو ورجعنا البيت... وبقينا نحكي لي امي و ابوي عن اول يوم في المدرسه و الحصل... لكن نهائي م جبت سيره عوضيه
_________________
تاني يوم االصباح جريت خرطوش وصلتو في المويه ... ومشيت لي حسين واالترحيل كان واقف... حميتو من راسووو لي رجلينوو... و قلت ليهووو يوم واحد بس خليك راجل و ما تشتكي لي امك... و مشيت خليت الترحيل كلو بتفرج فيهو ...
عدت السنه وكل يوم  امو بتجلدني.. و انا اجي اجلدوووو... دايما كنت بسأال نفسي لي حسين... لي دايما بتسدا في حسين.. ما انا ممكن اتسدا في حسن..... يمكن عشان اموو كانت بتتحداني بيهووو... او يمكن عشان امو بتريدو شديد وانا عايزه اوجع ليها قلبها  زي م بتوجع لي جسمي  بالضرب  م عارفه... لكن الحاجه العارفاهااا انو عوضيه دي كانت بتكرهني.. و عشان شنو عشان  مشاكل شفع لو م هي ادخلت يمكن انا و حسين ما كان حنتشاكل اصلا وكان زينا زي اي ولدين  اتشاكلنا و اتصالحنا ... لكن هي دايما كانت بتدخل...
..حرفيا اي زول في الحله كنت بتشاكل معاهوو.. بنرجع نلعب عادي... بعد دقيقتين.. الا حسين💔
 يوم جيت من المدرسه لقيت الناس دي كلها ملمومه و في عربات شرطه...و محمد و منذر واقفين... قلت ليهم في شنو.. محمد قال لي عوضيه مسكت ولد من اولاد الحله الورانا.. خبتتوو خبت الجن.. اموو طوالي ضربت لي التلاته تسعات.. اسي جو يرفعوهاااا....وراجلهااا رما عليها الطلاق قدام الحله  كلهااا.... عايني هديييك المره.. و اشر لي. على المره... الجابت لي عوضيه الشرطه...قال لي لقت البدخلها في علبهااا.. لكن بتطلع بي ضمان..
منذر: المرا دي والله سريييعه سرعه... اسرع من عربيه ابوي معزبنا كل يوم ندفرهاااا الصباح.. ابوي لو شاف عوضيه دي وهي بتحري.. بحرد عربيتتو والله
انا هناااا قعدت اضحك قلت ليهو كتلت المرا لكن  دا حقي تستاهل... و في راسي كان في  صوت بقول لي طيب و حق حسين.. ياربي حق حسين ياها الضربه الفي راسي دي... بقت لي علامه عديل الزول من بعيد بشوفها حرف (ح).. ابوي لمن الجرح بقا كويس قال لي بقيتي ماركه مسجله البشوف الحاء الفي جبهتك دي بعرفك بت حسين... 😂احمد قال ليهووو.. و الضربها حسييين.. 😂..
رغم اني كنت بكره حسيين كره العما بسبب امووو جو في بالي هو وحسن  ياربي حالتهم حتكون كيف ... فتشتهم بقيت بلز في الناس في. نص الزحمه ديك و بفتش فيهم ... حيكونو كيف ابوهم طلق امهم قدامهم بعد تعب من حركاتها ... و اسي سايقنها القسم قدام كل الناس...م لقيتهم نهائي... في الاخر قلت خلاص ح اخش البيت بكونو هناك وفعلا لقيتهم ببكوووو بكا يقطع القلب... بقيت ببكي بي ببكاهممم.. واتخيلت نفسي مكانهمم.. قلت ليهم بين دموعي خالتي عوضيه حترجع انا سألت محمد قال لي بتطلع عادي بضمان.. طوالي ردو لي ولو م طلعت ي اسلام💔..خليتهم و جرييييت براااا للمرااا الاشر لي عليها محمد.. كان ظاهر عليها طيبانه بس فترت من حركات عوضيه مع الشفع عايزه تأدبها .. مسكتها من يدهاااا قلت ليهااا ي خالتي عليك الله م تدخليها السجن.. و جريتها من يدهاااا... تعالي شوفي حسن و حسين حالتهم كيف...مشت معاااي لقتهم زي الميت ليهم زووول... قلت ليها كفايه عليها الطلاق عليك الله م تدخليهااا... انتي. بترضيها لي اولادك؟.. المرا طوالي مشت سحبت البلاغ.. ❤️.. و قالت لي عوضيه المره دي عفيتك لكن لو كررتيها بدخل فيك اعدام و مشيت.. و اي زول بعداك مشا على بيتووو..
محمد قال لي والله ي اسلام انتي. زوله غريبه خلاص ومشا خلاني.. 😂.. صح انا كنت بتاعت مشاكل ولئيمه .. لكن لو حسيت اني في يدي اساعد زول بعمل العلي.. حتى لو كان الزول دا بكرهوو كره العمااا. كرهي ليهو حاجه.. و كونو اساعدو دي حاجه تانيه خالص.... امي كان بتقول لينا قدمووو الخير دايما بتلقو قدام.. و ابوي بقول لينا اقيفو مع الناس وما تنتظرو من زول حاجه.. اعملو الحاجه لوجه الله تعالى❤️
_______________
عدت فتره الامتحانات و جات النتايج... احمد و محمد  نتيجتهم  كانت حلوه شديد كالعاده❤️ امجد و منذر كانووو مستنين نتيجه تامن...  حسين اصلا م داير ليهو اتنين تلاته مقفل المجمووع و ناس المدرسه... عايزينو يقرا تانيه ثانوي في الاجازه...وحيعملو ليهو امتحان لو نجح  يمتحن شهاده السنه الجايه طوالي..يعني رغم انو قدري في العمرر لكن اكاديميا حيكون اكبر مني بي تلاته سنه ... وانا انا نتيجتي زي الزفت بي سبب عوضيه.. يالله حتدخلني تامن... لو كان نقصت شويه كنت  ح اعيد السنه. 💔 و حسن المره دي درجتو حلوه شديد لانو حسين اجتهد معاااهو عشان يعدي السنه..
________________
ناس حسين  التاني رحلو و استقرووو  خلاص في الحله ..معاهو  امو و اختو في عمري... بقا عندنا بت في الحله.. امي مشت ليهم بالفطور اتعرفت عليهم...  و من ونستها مع ابوي عرفت انو ابوهم متوفي 💔وحسين شغال .. و بقرااا في الجامعه ..
امجد احتكا بي حسين شديد الفتره دي... و بقا يقارن بيني و بين حلا اخت حسين.. ومعامله حسين لي اختووو..
•••••••••••••••••••••••••••••••••••••••••••••••••••••••••••
 

#أحببتها~بت~رجال 《09》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
امجد احتكا بي حسين شديد الفتره دي... و بقا بقارن بيني و بين حلا ومعامله حسين لي اختووو..
حسين كان بغييير علي اختو شديد.. كان طلعت بقول ليها خشي البيت .. البسي ليك طرحه... كان ماشه الدكان بشيل منها القرووش و يمشي هووووو.. لاحظت انو امجد بقا يعمل نفس الحركات...لمن اطلع يقول لي ماشه وين جايه من وين.. م تمشي... م تعملي... خلاص انا زهجت و بقيت حاسه بي ضغططط...مشيت طوالي لي ابوي في الصالون لقيتو براااهووو... قلت ليهو ابوي.. امجد اتغيير معاي شديد من بقا صاحب حسين...
ابوي: اتغير كيف يعني من ياتو ناحيه ي اسلام..
انا: اي شي عييب.. اي شي غلط..و ما دايرني اعتب عتبه الباب
ابوي: اسلام امجد كبررر.. الفتره  دي و عايز يثبت وجودو .. م عشان بقا  صاحب حسين  ..انا زمان م كنت بسألك كنت بقول صغيره و بتعقل... لكن اسي انتي بقيتي بت كبييره ي اسلام زووله ممتحنه تامن تاني في شنووو..
انا: م كدا ي ابوي انت م فاهمني..
ابوي: فاهمك ي اسلام امشي لي امجد عدييل... م تختي حواجز بينك و بين اخوك امشي شوفي الغيروو شنووو و مالو و اتفاهمووو...ارح انا بمشي معاااك ليهووو...مشينا سألنا منو احمد  قال لينا مع حسين في الشارع... انا اتغزتتتت شديد قلت ليهم حسييين حسيييين حسييين... كرهتو كرهتوووو الاسم دا انا... كرهتوووو عدييل.. في الشارع حسين.. في المدرسه حسيين... امجد وين مع  حسييين... ابوي غيييير اسمك داااا انا زهجت...
ابوي و هو مستغرب انا مالي : دايره تسميني منووو طيب
احمد نطه : نسميك الضوووو يا ابوي عشان جاي مع اسم امي.. الضو و نووور...جايه مع بعض  شركه والله...
انا : احممد دا م وقت هظااااارك..
احمد : انا جادي والله.. عشان زي م بقول ليها نووور البيت... تقول ليهو ضوووو البيت.. 🤣
ابوي و هو كاتم الضحكه: خلاص يا  اسلام اعزمي بكره الناس قولي ليهم سمايه ابوي.. دايرين نسميهووو الضوو.... انا والله الاسم عجبني...
انا : احمد دا فايق و رايق... خلي يعزم الناس هووو... و مشيت خليتهم الاتنين... لفحت لي طرحه ختيها في رقبتي عشان كواريك امجد و طلعت على الدكان اشتري لي اي حاجه اكلها و انشغل بيها  
________________
في الشارع لقيت حسين الجديد لي شقاوتووو.. قال لي اسلام كيفك..
انا: اللهم لا اعتراض في حكمك.. انا عملت شنو في حياتي دي..
حسين: بسم الله يا بت.. نفسي افهم انتي شاماني كدا لي...
انا: تشم العفنه بركه النبي... كفايه اسمك حسين دا سبب كافي يخليني اشمك زح من وشي... ودخلت الدكان.. جا داخل وراي..
..  لقيت محمد شايل ليهو قطعه  بسبوسه في طبق... حلا اخت حسين بتخت صينيه البسبوسه في الدكان  بتبيعها بالقطعه ..
قلت السلام عليكم.. و مشيت على التلاجه عاينت كدا مسافه في صينيه البسبوسه...بتاع الدكان قال لي عايزه شنووو... قلت ليهو عايزه البسبوسه الفي يد محمد دي.. ختفتهااا و حاسبت عليهااا..
محمد: ي بت الناس الصيبينه دي مليانه... م عجبتك الا الفي يدي دي
انا: محمد انت شايل القطعه البتكون في ركن الصينيهر..و انا بحبهااا.. امشي شيل ليك اي قطعه تانيه..انت بتاكل من نص الصينيه من الطرف من الجنبه.. الصينيه زاتا بتاكلا م عندك مشكله  .. لكن انا بحب القطع البتكون في  الاركان..
محمد: اركان شنووو.. صينيه بسبوسه هي ولا حزب سياسي...نفسي يوم اكون شايل لي حاجه و م تقابضي.. المشكله بتقابضي في حاجاتي بس.. عيش عيش لو شايل عيش ناشف بعجبك عندي 😂.. بتاع الدكان وحسين بضحكو ساااااي.. حمرت ليهم طوالي سكتو
انا: محمد عليك الله خلي الدرامات و م تكبر الموضوع.. شيل اي قطعع تانيه..ومرقت خليتو بنضم براهووو... حسين..طلع وراي.. قلت ليهووو والله والله تجي وراي اكورك الم فيك الحله دي وريتك بس.. وواصلت  دخلت البيت..
_______________
امجد استلمني ليك من الباب المرقك الدكان شنوو.. احمد قاعد كان ترسليهووو...
انا: شوف يا امجد انا زهجت.. لا انا حلاااا.. لا انت حسييين...كل زول يعيش وضعووو م تقعد تحاكيهو لي ...
امجد : ماف زول قال ليك انتي حلا.. لكن انتي بت.. و حلا بت.. وزي م حسين بغير علي حلا لانها غايله عليهووو.. من حقي اغيررر عليك ي اسلام لانك غاليه عليييي...
انا هنااااا بكييييييييييت و تلبت فيهووو حضنتووووو... و م قدرت اقول ولا كلمه 😭
امجد بهظار : فكيني يااااخ كتمتي لي نفسي.. انا طوالي لزيتووو.. قرب يقع.. قلت ليهو م بتستاهل
امجد:  عايزه تفتحي لي راسي تعملي لي (ح) زي حقتك يا غيوره..
انا : والله كان ما سكت اعمل ليك جمله عدييل في راسك دا م حرف بس .. 😂
امجد: خلي العنف دا امشي لي حلا اتعرفي عليهااا.. صاحبيهاااا بعد دا انتي زوله كبيره.. اعملي ليك صحبات تمشي ليهم و يجووك.. انا لو م خايف عليك ي اسلام م بقول ليك كلام يزعلك عارفك م حصل احتكيتي بي بنات لكن حاولي.. حتلقي الموضوع بسيط..❤️ امجد دا حرفيا انا م بقدر اوصفو غير انو عباره نسخه مصغره من ابوي.. بقلدو حتي في كلامووو.. لمن مرات بحس نفسي بتكلم مع ابوي... جد جدانا في حياتي م كان عندي صحبات.. اصحابي  ياهم ناس بيتنا ديل وناس منذر و محمد.. م حسيت اني محتاجه يكون عندي صحبات.. تاني.. لكن قلت ومالو نحاول على قول امجد.. ❤️
•••••••••••••••••••••••••••••••••••••••••••••••••••••••••••
 

#أحببتها~بت~رجال 《10》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مر الشهر والشهرين.. وانا م قادره اتعرف على حلا الموضوع بالنسبه لي كان صعب شديد...و اصلا  كنت مكبارهو في راسي..ما كنت حاسه انها حتتقبلني نهائي...دايما كان بجيني احساس انا ماف زول بستحملني غيرر ناس بيتنااا عشان كدا م حاولت اتعرف على ناااس جديده اكتفيت بيهم بس.. وناس منذر ومحمد اصلا اتربينا سواااا.. زيهم زي ناس احمد وامجد..مجبروين يستحملوني... ما عندهم حل❤️
يوم نتيجه منذر و امجد... البيت دا كلو كان متوترررر.. و امجد و منذر ديل داخلين و مارقييين خايفييييين خوووف اي واحد خايف اكتر من التاني  ..جا احمد جاريييي نفسو دا قايم و شايل التلفون حق ابوي في يدوووو.... و بكووورك يااااامنذر يااااااااا امجد الحقو الحقوووو... نحن الكان راقد.. قام.. والكان قاعد وقف... والكان جوااا طلع براااا.. قالنا ليهوووو اهااااااا النتيجه طلعت .... احمد قال ليهم الحقوووووو النتيجه لسه م طلعت و قعد يضحححححك.. محمد دا الا مسك امجد ... لانو حرفيا كان حيقتلووو.. 😂...واحمد جرااااا...
بعد شويه تاني جااااا راااجع و بكووررك الحقووووووو..... امجد قال لي محمد فكني ليهو الولد دااااا..
احمد وهو بضحك : جاديييي انا اقسسسم باللله المره دي... جيت انا طوالي قلت ليهو ياخي دا م وقت هظارك وبضحك في منظر احمد ومنذر خانقوووو  وهو بقول ليهوو حموووووت .. ختفت منو التلفووووون... قلت ليهم نجحتووو ي امجد نجحتووووو و بقيت اقرا في الرسايل ... امجد حسين احمد نجاح (266) ..منذر عبدالله الهادي.. نجاااح (268)... امجد و منذر ديل مسكو بعض و يبكووووو.. و امي دي م خلت زغاريت لمت الحله كلهااااااا في البيت... الناس دي كلها جات تبارك... احمد شغال لي منذر شفت كنت حتقتلني ساي... دايما ظالمني بتكلم براهو زول شغال بيهو ماف..
و انا اوزع في الحلاوه والبارد ابوي تقريبا نقل دكانو كلو في البيت..جات داخله عوضيه و اولادا الاتنين.... و نسوان الحله... و نور و امهاااا...الحله كلها كانت في بيتنا❤️
عوضيه بي صوت عالي قالت واتعمدت تسمع كل الناس .. اها جابو كم شقيتو الحله بالزاغريت .. امي سلمت عليها وورتهااا.... قالت ليها حسييين يا يمه الفاطي سنتين زاعوهووو م عملنا كدا... البسمع الزغاريت يقول قفلو المجمووع... غايتو مره جنها بوباااار.. و مابتنعدل كلو كلو...
انا م رديت احتراما بس لي امي وللناس القاعده  والا كنت ح اسمعها وسخ اضانهااا... اكتفيت بس بي اني اوزع لي الناس دي كلها حلاوه و بارد... الا هيييي فطيتهاااا..خليت الناس دي كلها تتفرج عليهااا... لمن اتغازت قالت لي النعمه م جديده عليك ي بت نووور عشان كدا... ارح ارح ي اولاد و طلعت...
كوركت ليها نعامه ترفسك انتي واولادك الاتنين شاحده الله..
حسين اخو نور جا داخل لقاني بنبح .. و شايل معاهو صندوق بارد.. بارك لي امي و ابوي وناس امجد و طلععع.. اتجنبني عشان م انفجر فيهو...ماشاء الله من شده ما الناس الجات تبارك كتيييره الصندووق انتها في وقتووو..
نور لمن جات طالعه.. قلت ليهااا الصندوق شيليهو معاك عشان اخوك يرجع القزاز الدكان و ما يتكسر... استغربت فيني طبعااا و قالت لي حاضر..حاولت تشيلووو م قدرت... انا قلت خلاص دي فرصتي اني اصاحبها.. قلت ليها جيبيهو انا بوصلو ليك البيت...وهووووب شلت الصندووق... احمد اتاريهو مراقب الموقف من بعييييد... اول ما شلت الصندوق كورك لاحولااااااا شالتوووو  انوثه ماااااف... والله الصندوق دا انا م بقدر اشيلو الا معاي زوول.. و يقوم و يقع بالضحك...
امجد وهو بضحك قال ليهووو بدل تتعاور كدا امشي شيلو منهاااا... و جاني قال لي دا شنووو ي اسلام..
انا: م قلت لي اصاحب حلااااا...دايره اوصل ليها الصندوق بتاع البارد
امجد : انا قلت ليك صاحبيها ولا وريهااا عضلاتك... جيبيهوو انا بوصلووو ليهااا
احمد: البت خافت ي اسلام... معليش ي حلااا اختنا دي اعزريها.. قيلاك محمد ومنذر... محمد عشان تصاحبو  ردمت معاهم الحوش بقو فرد... و منذر بتلز معاهو عربيه ابوهوو كل يوم الصباح.. .. اخوك نزلت معاهووو العفش لكن م اتفقووو شايفهمم.... انتي اسي عايزه تشيل ليك صندوق البارد .. دي طريقتها في تكوين العلاقات فهمتيني....
نور دي بكت عدييييل بالضحك : قالت لي عليك الله تعالي اشربي معاي شاي المغرب بعدييييين...
احمد :  اتعلمي اتعلمي شوفتي البنات بصاحبو بعض  كيف.. تعالي اشربي معاي شاي قهوه كداااااا...مش تقول لي انتي...
انا بس م فضل لي الا انشرط بالضحكك... و امجد بضحك لمن قرب يكسر القزاز الشايلووو....يعني انا ما لاقاني زول ما جادي في حياتو اكتر من احمد..😂❤️
_________________
مشيت لي حلا المغرب ❤️... و الموضع طلع بسييط شديد... ابسط من ما انا متخيله بي كتيييير...اتخيلت اني ح افتش الكلام فتيش... عشان اقدر اتونس معاها.. لكن بالعكس...لقيتها متجاوبه معاااي... اول م جيت قالت لي مش عامله فيها شيال التقيله تعالي شيلي الشاي و انا بجيب  الكيك..
قعدت اضحك قلت ليها انا زول بشغل الضيوف دا م بنفع معاي.. غيرت راي م دايره اصاحبك..اصلا صحبه البنات دي. م بتنفع معاي.
حلابضحك : انا اصلا م قادره اصدق انو نهائي م اتعاملتي مع بنات... م عندك بنات خالات ولا عمات ي اسلام معقوله.
انا:نهائي م حصل.. تعاملي مع البنات حتى في المدرسه محدود شديد.. انا و امي و ابوي عرسو بعض بدون رضا اهاليهم  عشان كدا اهلنا مقاطعننا و ما بنعرف عنهم حاجه.. يعني انا م بعرف خيلاني ولا اعمامي عشان اعرف بناتهم..
حلا حستيتها اتحسست.. 💔 قلت ليها ي بت انتي عويره م تتحسي.. بالعكس انا اول مره اتكلم مع زول في الموضوع دا حتي مع ناس بيتنا م بنفتح مواضيع زي دي.. قلت ليها و انا دموعي في عيني انتي عارفه.. انا يادوووب عرفت لي الزول محتاج يصاحب زول في عمرو ... .لانو بالجد في حاجات م بتقدري تحكيها لي ناس بيتكم.. خصوصي انهم كلهم اولاد... وامي حتتحسس شديد لو فتحت معاها مواضيع زي دي ...قلت ليها يمكن امجد عشان كدا اصررر علي اني اصاحبك.. ❤️.. حلا حضنتني عليهااا و بكت..حرفيا البت دي حينيه شديد...قلت ليها والدموع دي عشره عشره حلا  الشاي برد الا تسخنيهووو من جديد... 😂 وبقينا بنضحك في نص بكانا داك 😂..
مشت تسخن الشاي... لمن اتأخرت طلعت اشوفها مالا... لقيت حسين اخوهاااا بره بتكلم بالتلفون سمعتو بقول...
•••••••••••••••••••••••••••••••••••••••••••••••••••••••••••
 

#أحببتها~بت~رجال 《11》 ❤️  
#بقلمي~براءه~احمد❤️
★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
لقيت حسين اخوهاااا بره بتكلم بالتلفون سمعتووو بقول....
انا امي دواها حيقطع و ما معاي ولا جنيه...اتصرف لي بي اي طريقه  القروش لازم تصلني الصباح...
بيني و بين نفسي  قلت هسي دا فرقو من عوضيه شنو في داعي للبوبار جايب صندوق بارد لي وهو امو م جاب ليها الدوااا.... قفل الخط اتلفت لقاني سرحانه ...قال لي بسم الله اسلام قرنفل شخصيا في بيتنا... من يوم اتكشح فيني القرنفل وهوو بقول لي اسلام قرنفل عشان يغيزني...
انا: اسي اليقول بسم الله منو انا ولا انت...خايفه اقولها م القاك قدامي.. زح لي كدا ولا كدا يقرقر اضنيك بركه الله
حسين : في الشارع زح.. في الدكان زح.. في بيتنا برضو ازح...والله دي قصه دي..
انا: هسي تاني بقولها ليك زح لي من وشي... جات حلا لقتني خاته يديني في نصي و بردح لي اخوهاااا... قالت لينا مالكم  بسم الله..
حسين قال ليهااا: والله انا زاتي قلت بس  بسم الله زيك كدا ...سمعتني مقال...الزول الله م يذكرو
انا: حلا عليك الله نفسي اتسدت ارح خليني اشرب االشاي انا ماشه بيتنا..
حسين: نفسك اتسدت وماشه تشربي الشاي دي كيف..
حلا: حسين زح خلي االبت في حالا..
حسين : انتي برضو زح اها زحييت و طلع خلا البيت كلوكلو..
شربت الشاي و حلا قدمتني لحدي البيت... وتاني قدمناها انا وامجد... ورجعنا 😂
_________________
الصباح بدري صحيت كنت بشوف ابوي بخت القروش في ظرف وبديها للناس ...قلت يمكن في حكمه من موضوع الظرف دا .... عملت لي ظرف من الورق ودبستوو .. و ختيت فيهووو قرووش كنت موفراهااا...و شلت من ابوي و امجد و احمد و امي... قلت ليهم اي زول عندو قروش بالجنبه يديني ليها عايزه اديها لي زول محتاج.. القروش م كانت كتيره شديد لكن بتمشي... حتى لو م كفت ممكن يزيد عليهااا... و ختيت الظرف في علبه طحنيه صغيره و لصقت العلبه و ختيتهااا في كيس..دا كلو عشان عارفه بتاع الدكان شمشار..مشيت.. قلت ليهوو الولد البجيب ليك صينيه البسبوسه عرفتووو...
بتاع الدكان: اي اي عرفتو مش الولد الطويل الرحلو جداد..
انا: بس ياهووو لمن يجيب صينيه البسبوسه اديهو الكيس دا... دقيت ليهم الباب م فتحووو..
بتاع الدكان: اقول ليهو دا شنوو.. غايتو شمشار خلاص لكن قلت ي اسلام امسكي لسانك
انا: قول ليهو قرنفل مسحووون.. و مشيت خليتوو..
_______________
تاني م اتصادفنا انا وحسين خاااالص... لحدي م عرفت من حلا انوووو. صحبو رسل ليهو اقامه وحيينزل معاهو شغل.. و خالهم حيجي يقعد معاهم... قلت ليها و جامعتووو.. قالت لي جمد السنه..
ونسبه لي اني بقيت م بطلع الشارع كتيييير بقيت م بلاقي حسين ود عوضيه كتيييير... الفتره الاتعرفت فيها على حلا دي كانت فتره سلااااام كدااا في حياتي ماف مشاكل..
______________
عدت الاجازه... ونزلنا انا وحلا المدرسه سواااا... بقينا نمشي و نجي مع بعض.. امتحنا تامن... و جبنا درجات حلوه شديد... انا جبت 261‪ وحلا جابت 272❤️
وحسين امتحن تالته زاعوهوو... و كمان شالوهوو منحه في جامعه في ماليزيا ... مشيت باركت ليهووو و شلت معاي علبه حلاوه... حسين  كان مستغرب و مخلوع فيني...وما هو بس بيتنا كلووو...
احمد اليوم كلو شغال: اعوذ بالله من الشيطان الرجيم... بسم الله الرحمن الرحيم... و بقول لي امي و ابوي بتكم دي اتلبست..
وامجد شغال لي.. لو حاسه بي حاجه ي اسلام عشان نمشي نفحص ليك..
امي : قشران.. مسمسه الحلاوه انتي ولا شنووو..
انا: والله اتمنين اكون مسمماها.. بعد عوضيه قالت لي دايره تصلحي علاقاتك بعد عرفتي ولدي مسافر مانيزيا...المره المخستكه دي قلت ليها كدي انطقيها اول بعدين اتبوبري..
ابوي بضحك: اها و انتي بالحد عايزه تصلحي علاقاتك شكلوو كدا...
كلهم بقو يضحكو... اصلح علاقاتي شنووو الحلاوه دي  كرامه.. كدا ح اتفكا من الحسينات... الحمد لله.. لعنه و فكت 😂
فضل لينا حسييين واحد.. حبيب الكل شجره الضل.. ❤️
_______________
من الحسينين اتخارجو من حياتي.... وانا حياتي ماشه سمن على عسل... سنتين عدت.. من غير مشاكل.... الحله رايقه... بس مرات بلاقي عوضيه في الشارع بنترادح زييين وبرجع بيتنا...
محمد ومنذر  مره جو لقوها بتنبز فيني... وانا برد ليهااا
محمد شاكلني قال لي  : اسلاااام خشي بيتكم يا بيت ناس حلاااا...وقفتك في الشارع دي كدا م صاح.. ومنذر قال لي عوضيه.. خشي بيتك ي خالتي.. اسلام عايني ماشه بيتهم.. قالت ليهو تمشي في النار و دخلت..
انا: انت وامجد فلاحتكم بس فيني.. وصريت وشي ودخلت بيتنا
منذر قال ليهوو يا محمد انت عوضيه دي مش مشاكلها مع اسلام. كانت عشان حسين اسي حسين سافر تاني مالا..
محمد : خرمه ي منذر... عوضيه لو م اتشاكلت مع اسلام بتصدع عديييل... وضحكووو ومشووو.. انا فعليااا كدا  كان  عندي اربعه اخوااااان م اتنين بسسس. ❤️
كل يوم كنا بنشرب الجبنه المغرب بعد  ابوي يجي من الدكان  امي بتقلي  البن في الحوش...بنتلما انا واخواني ... مرات معانا حلا... ومرات معانا محمد ومنذر ... ضحكاتنا دي لنهايه الشارع بسبب احمد طبعااا كان عندو نكهه كدااا في البيييت... وابوي دايما بختم القعده بنصايحووو... ويوصينا كلنا على قرايتناااا .. ويقول ليهم انا بدل اتنين.. بقا عندي اربعه اولاد وبتين بدل وحده ❤️...
احمد طوالي لفح الكلام..البت التانيه وينا م شايفهاااا..
حلا: قصدووو انا يا احمد
احمد: اي انتي شايفك.. لكن ما شايف بت تانيه.. ابوي انت غلطان في الحساب قصدك خمسه اولاد وبت..😂
________________
يوم وانا عند ناس حلااا.. بنتونس ... بابهم دقااااااا شديييييييييد.... لمن اتخلعناااا... يعني الكان بدق في الباب دا بدق دق زول حاصله ليهووو مصييبه.... حلا دي جرت من غير م تلبس ليهاا توب فتحت الباب... وانا بقول ليهااا حلا منو الفي الباب يا حلاااا... م ردت علي...طوالي مشيت على الباب  لقيت امجد و احمددد... ديل حالتهم بالبلاااا... انا هنا قلبي اكلني... بقيت اقول بصوت عالي زي الماواعيه  ... امجد امجد  م ببكي الا يكون حاصله لي زول من ناس بيتنا حاجهه....و لزيتهم و جرييييت حفيانه......
•••••••••••••••••••••••••••••••••••••••••••••••••••••••••••
 

 

★★يتبــــــــــــــــــــــــــــــــــــــــــــع★★