توأمـــ❤ـــي

#بقلم_رشا_الرشيد❣

#توأمـــ❤ـــي《01》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏
‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
بِسمِ اللهِ الرّحمٰنِ الرّحِيم💛
بدايه كده انا م عندي علاقه بالاعلاميه 😻رشا الرشيد مجرد تشابه اسماء😅...ان شاء الله الروايه تنال اعجابكم
🤗.. متابعة طيبه😉

علت اصوات الزغاريد والمباركات في فرحه ملت البيت والحي كلو 😻
امل : الله يبارك فييكم تسلمووو كلكم وعقبال اولادكم💜💜
سميه(وحده من الجارات): اهااا يا امول اتصلي عليهم شوفيهم لسه م عقدو ولا كيفن (الشفقه🙂)
امل : لا لا ي سميه لسه اول شي مستنين ام العريس وابوهو يجو 🙂
سميه : عااد بيبالغ عريسكم ده زاتو في زول بيخطب بدون اهلو والله ي امل انا عريسكم ده اصلووو م مبلوع لي قلبي ابااهو عدييل😷بتكم شافتو وين م بعرف وشعيراتو المفلفلن ديل
امل : احنا بنعرفهم ي سميه وبعدين هو م خطب بدون اهلو جا هو و معاهو جدو وجدتو وخيلانو وراجل خالتو وخالتو زاتها ديل كلهم م ملو عينك 😒
امل زهجت من كلام سميه وقالت تمشي تشوف بتها طلعت غرفه البنات الفوق لقت الباب مفتوح وجمان ووتين واسراء قاعدين وحوالينهم صحباتهم وبيتونسو ويضحكو ولاحظت للمعه الحزن الكانت في عيون وتين 💔😔 (حيييي ي بتي ) م قدرت تناديها عشان جمان م تحس بشي 💕
الاء : اها ي خاالتو عقدووو 😃😃(ابردي ي ختي😂😂😂👋🏻)
كلهم اتلفتو لي امل لانهم اصلا م لاحظو انها كانت واقفه
امل : لسه نسيتي انهم حيمشو المطار اول ويجو هنا 😹مستعجله على شنو .... جمان حبيبتي جهزتي عشان تنزلي ولا لسه 😘
جمان : اي جهزت ☺ لكن م عاوزه انزل ليهم ي ماما عليك الله ☹️ حيقعدو يمسسكو فيني (وهي بتحاكي في النسوان )ومبرووك وكنت دايراك لوليدي لكن ماالو انتي برضو بتنا.. ويحضنوني لمن اتقطع ويبهدلوني وانا تعبت شدييد في اللبس 😪وخصوووصا سسميه دي حتقول لي لقييتي وين الولد ده وم بعرف شنو اصللي م بريدها سميه دي ولا هي ولا بتها البايره ديك 😑(جمان ي جااارحه😂😂🙊)
امل : ده شنو ي جمان🙄 ده اسلوب وحده عااقله عرسها بكره وبعد اقل من ساعه حتقابلي حماتك كيف وانتي بتتكلمي بالطريقه دي خليك محترمه وراجعي الكلام قبل م تقولي😠و هندمي لسانك ده وانزلي عشان تسلمي الناس يقولو شنو 😾
جمان كانت عاوزه ترد لكن وتين قرصتها فهمت انو لو اتكلمت كلمه تانيه م حيحصل خير
جمان : حاضر ي ماما 🙂حانزل بس شويه كده
امل : خمسه دقايق لو م نزلتي بجي اجرك من شعرك😐تجبري الزول يتعامل معاك بالطريقه دي 🙄
وتين : خلاص ي ماما ماف مشكله احنا بس حنزبطها التزبيطه الاخيره وننزلها
امل : قصدك وتنزلو معاها واتلفتت لي رؤى رؤى عليك الله م اوصيك في وتين دي ظبطو وتين برضو مهما كان هي اخت العروس والانظار برضو حتكون موجهة عليها😘..اسرراء عليك الله لو خلصتي عاوزاك تعملي معاي كم حاجه 😁
اسراء : عيووني ي خالتو
بس اول اظبط المكياج لوتين عشان ديل م يخربو ليها وبلحقك 🤗
امل ابتسمت ليها و نزلت
جمان كانت لابسه فستان لحد الركبه لونو شاي لبن كده ومن فوق كلو دانتيل بيجي كده مورد وعامله ميكب ظريف م اووفر ولا خفيف شديد ورافعه جزء من شعرها والجزء الباقي فاكاهو عادي وعامله قصه جانبيه ..
اما وتين كانت لابسه فستان طبقتين الطبقه الفوق شفون لونها وردي فاتح والطبقه التحت حرير وردي غامق ضيق من فوق لحد الخصر وبعد كده بيتنفش نفشه خفيفه اكمامو ملكيه طويله و م كانت لابسه طرحه لانهم نسوان بس وكانت عامله شعرها كعكه مرفوعه وقصه جانبيه برضو لكن اقصر من بتاعت جمان مع بعض الخصل المتمرده
.
.
&تعريف سريع&
امل " مضيفه طيران ..اسلوبها مميز بالوقار والهدوء اربعينيه العمر علاقاتها مع الناس كويسه الحمد للله واجتماعيه ثقافيه 💗عائلتها وضضعها المادي كويس شدييد وبعد م اتزوجت علي قدرو هي و علي انهم يتكافلو ويبنو الفيلا العايشين فيها
علي"طيب وحنون كل همو انو بناتو وولدو م يكونو ناقصين شي 💔خريج طب لكن م استفاد من شهادتو خلاها ودخل مجال اداره الاعمال (فكره برضو😂👍🏻)وعمل شركه شويه شويه قدر يوصل لتعاقدات مع بلدان تانيه وعمل فروع في بلدان تانيه منها قطر عشان كده اضطر يسافر قطر عشان العلاقات بين قطر والدول التانيه احسن وعشان ينمي الشركه عشان كده سافر هو ومرتو امل والتوأم (وكان عمرهم 5سنوات)وهناك في قطر املل ولدت وتين ومن ثم العائد بتاع الشركه بدا يزداد ووضعهم المادي ازدااد وبقو باختصاار مرطبيين 🐸
جمان " فتاة في الثالثه والعشرين من العمر..متوسطه الطول..سمراء اللون(السمار الحلو دااك😻)ذات عيون واسعه بنيه..كثيفه الحواجب والرموش..انيقه...اخر سنه في ادارة اعمال و ح تشتغل مع ابوها🙂👍🏻كان مفترض تخلص من السنه الفاتت لكن عملت عمليه ثقب قلب💔
يامن" (القرررض😋💔)تؤام جمان🌚طوييل القامه..اسمر قمحي..جسمه ريااضي❤(يعني مااااا معضل شديييد)ذو عينين سوداء كالليل المدلهم مع حواجب مقرونه...شعره كثيف وناعم(زي الولد الفي head and shouldersدااك🙂)وسيم بمعنى الكلمه ...في صوته هيبة..مع سكسوكة فزييعه كدا😻(شخصييييه وعامل نفسيه💔)اخر سنه برضو هندسه معمار
وتين " (اخر العنقود🙂)فتاه في السابعه عشر من العمر..متوسطه الطول..بيضاء اللون..في تفاصيلها رقه😻..كحيله العينين..محجبه(اللله اللله💕)..جمالهااا ساااحر. برلومه طب(الدكاتره كيفتمام🌚👋🏻)

اسراء : بت خالتهم عمرها 21سنة ظرييفه شديد ودمها خخفيف سنفووره 😹😹لكن سممحه عيونها ناعسه وانفها مسنن وعندها غمازه محلياها اكتر 💗بتقرا مختبرات في مامون حميده 👏🏻
الاء صحبه جمان الانتييم 💜
رؤى صحبه وتين الانتييم 💜
.
.

بعد م خلصو وانتهو من وتين وجمان نزلو وهم بيزغردوو وجزء ماشي قدام جمان وجزء وراها ووتين جمبها ماسكاها وتين كانت بتحاول تتماسك 💔واول م نزلو وقعدو كلهم وبددو النسوان يجو يباركو ويسلمو اتسحبت وطلعت قعدت في الحديقه الخلفيه وهي بتتذكر
#Flash_back...
امل : ده شنووو لسه م خلصتي الطياره حتفوتنا بسببك م معقوول 🙄
وتين : ثواني بس يا ماما انا خلصت عاوزه اظبط الحجاب عشان الطرحه تكون ثابته المسافه كلها م اقعد افكها واظبطها كل دقيقه 😁و بس اظبط الايلاينر والساعه الدهبيه بتاعتي ااا والريحه المن ديوور (كددي🙂👋🏻)شفتيها في حته م بمشي من غيرها اااا اتذكرت ماما عليك الله الشنطه الكحليه بتاعت اليد بتاعتي وين ختيتيها 🤗 واتلفتت لامل شفتي بس اتم الحاجات دي وبخلص
امل : 😳وتين م جااده انتي ولا شنو حاجاتي ولا حاجاتك والله انادي ليك ابوك اطلعي سرعه 😟
وتين : خمسااايه وحخلص🙃
امل : نشوف اخرتها شنو معاك 😐
وتين: خلاص ي ماما خليت الايلاينر زاتو م دايراهو الساعه وحاجاتي كلها ختيتها في شنطتك 😌
امل : يلا قدامي سريع ✋🏻
نزلو تحت لقو علي في العربيه بياكل في مكسرات واول م جو امل ووتين وهم جارين اول م ركبو قعد يضحكك فيهم
امل : بتضحك في شنو والطياره حتفوتنا الساعه 4 والطياره بتقلع الساعه 5 ونص معقووله بس تاخريناا قدر ده ي وتين
علي قعد يضحك تاني
وتين : ممكن افهم بس بتضحك في شنوو ☹️
علي : م شفتو منظركم وانتو متوترين وجاريين وقعد يضضحك تاني 😂😂😂😂
امل ووتين بقو يعاينو ليهو مستغربين
علي : انا عرفت انكم حتتاخرو قدر كده عشان كده قلت ليكم الاقلاع الساعه 5 ونص لكن هو حضوور المطار بس 5 ونص يعني لسسسه فضل وقت 😂😂(عااااان الابوو😂😂😂)
وتين : يااا االلله ومخليني م اعمل اي شي ولا اخلص حاجاتي 😞
امل : 😂😂المره الجايه
وتين : طيب بما انو في وقت بلليييز باابي ممكن توديني ستار بكس صحباتي متلمين هناك عاوزه اسللم عليهم
امل :وتين خلي البكش مش كنتي معاهم الصباح في المدرسه😌
علي : صحباتك ديل قرفتيهم الاسبوع الفات كل يوم بايته مع وحده وامبارح متلمين اليوم كلو والليله الصباح في المدرسه 😐
فضلو يتناقرو كده لحد م وصلو المطار ووزنو الشنط ...الخ وقعدو في صاله الانتظار ووتين شويه وتبكي عشان تاني م حتشوف صحباتها ومدرستها💔كانت لحظات صعبه شديد عليها لحد م ركبو الطياره واقلعت وهي بتبكي وتتزكر صحباتها 💔
^:^:^:^:^:^:^:^:^
في مطار الخرطوم الدولي
يامن : ياااسر عليك الله اضرب للاستعلامات تاني اسالهم الطياره لسه م نزلت
ياسر :😐✋🏻خلي عندك صبر ياخ ده شنو ده حرقت دمي يااخ الله يحرق دمك🙄
يامن : ☹️☹️اسكت عليك الله انت ودمك البارد ده 💔
ياسر : شكرا شكرا 😌💗
جمان كانت مركزه مع ياسر
يامن : ديل هم ؟؟ياسر ارح نحنكهم ندخل عليك الله كده م حيشوفونا 😂😂✋🏻
ياسر : يااااامن خللي الشففقه اقسم بالله م حيضيعو 😂✋🏻
بقو واقفين مستنينهم يطلعو وياسر جاتو مكالمه فطلع بره
بعد دقيقه كده جو طالعين كلهم وبيفتشو بعيونهم على يامن وجمان.. اول وحده شافتهم وتين وجررت علللي يامن وحضنتووو 💗(حظظظهااا☹️💔) وبعديها كلهم بقو يسلموو عليهم بفرحه ولهفه كان لقائهم مؤثر شديد حتى عيونهم بدت تدمع
وتين : واااي ياامن اشتتقت لييك شديد *وضربت جمان في ضهرها*جوجو الدببه اشتقنا لكلامك الكتير
ياامن : وتييني والله انا زاتي اشتقت ليك شديد مخلياني مع العقربه دي والله لو م خالتو امتنان كان مت
جمان : هووي هوي قلبتو علي فجاه 🙄دبه براك 🌚حاتجاوزك انت
امل : تمو شكلاتكم دي في البيت والله تعبااانه وواصله الحد 💔
يامن : اي خلاص يلا العربيات قريبه

بعد جمله يامن دي ياسر جا داخل وسلم علييهم
ياسر : حممد لله على السلااامه نورتو السودان ☺❣
كلهم باصوات متفاوته : الله يسلمك ..منور بناسو💓
وتين : احم احم لازم ينور طبعا 😌😂(ثققه🙂👍🏻)
يامن : م تتوهمني لينا كفانا جمان 😏😂على عموم ده ياسر صحبي
ياسر كان في عاالم تاني كان حاسي باحساس غريب وتين جذبت انتباهو بهيبتها وابتسامتها واناقتها واي شي
جمان اول م شافت ياسر قلبها بدا يخفق بشده وبقت تتبسم براها زي الهبله 😂 م كانت عارفه مالها او الاحساس البيجيها كل مره تشوف ياسر شنو بس كل العرفتو انو ياسر خلاها تبقى م طبيعيه
وجاااطتت💃🏼💃🏼💃🏼💃🏼
•••••••••••••••••••••••••••••••••••••••••••••••••••••••••••

#توأمـــ❤ـــي《02》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
ياسر:......
يامن:ياسر ي ولد😕
ياسر:اي معاك معاك م تكوروك🙂(كظااب يلا💃🏼💃🏼)
يامن : 🌚✋🏻اممم المهم طبعا بتعرف امي وابوي يعني 👏🏻دي وتين وهو بياشر عليها حتكون برلومتنا 😂
ياسر : ايواا ماشاء الله اتشرفنا وسلم عليهم وتين لمن ياسر سلم عليها قلبهاا عمل شحححح لكن م ركزت ...ركبو كلهم مع ياسر حتى جمان اما يامن معاهو الشنط والعفش الجايبنو...وتين وجمان كانو جمب بعض ياسر كان بيعاين لوتين بالمرايه طول الطريق بيتامل فيها وكيف هي بتعاين للشوارع بابتسام💗 بقت المشكككله ويين 😂جمان كانت متخيلاهو بيعاين ليها الاحساس الكانت حاسه بيهو بدا يتضاعف كانت بسس نفسها باي طريقه تفتح معاهو اي حوار وتتونس معاهو وتضحك معاهو م عرفت لشنوو بس كان كل همها انها تلفت انتباهو اكتر وحست بفرحه شديده انو على الاقل عاين ليها ....وصلو الفيلا بتااعتهم في كافوري وساكنين معاهم خالتهم وبنتها الوحيده اسراء ❤
ملحوظه،،،هم م اول مره يجو السودان كانو بيجو في الاجازات لكن ياسر م كان لاقىى وتين الا من بعيد
ياسر (وهو بيوقف العربيه ): حمد لله على السلامه ☺
علي : الله يسلمك ي ولدي والله تعبناك معانا
ياسر : لا لا ياخ تعب شنو 🤗
يامن كان وصل قبليهم ومستتنيهم😂 نزلو كلهم من العربيه وياسر بدا يينزل الحاجات من العربيه مع يامن ونادو البواب معاهم وطلعو الحاجات كلها ووراهم امل وعلي وجمان ووتين
اول م دخلو ..
اسراء : وتييييين 😻😻😻😻😻😻😻😻😻😻😻
وتين : سوووووو😻😻
وتين جرت عليها نطت فيها ووقعتها في الارض
جمان : قوومي منها حتقتليها قبل م نسلم عليها زاتو 🐸
وتين : 😛😛سمينه زيك قالو ليك
اسراء ضحكت وقامت من الارض وحضنتها
اسراء : اشتتتتقت لييييك شدييييييد انتي وجنونك
وتين :انااا اكثثثثثر بعدد يااااخ
اسراء اتلفت لامل وعلي
اسراء : خااالتو مشتاااقين يااخ والله نووورتو😻 وسلمت عليها بالاحضان واتلفت لعلي عموو حمد لله على السلامه ☺
امل : سووو وحشتونا ووحشتنا ونستك والله ❤نورك حبيبتي وين امك
علي : الله يسلمك ي بتيي
اسراء : والله امي بتستحما 😅😂تعالو اقعدو اكيد تعبانين شديد مشو قعدو في الصالون ومعاهم ياسر وبقو يتونسو ويضحكو واسراء مشت جابت ليهم عصير وقعدو يتونسو لحد م خالتو امتنان جات
خالتو امتنان:مااا بصدق امل❤❤ي حليلك يااخ والله(صدقي حبي🙂)
امل:منووونه 😂مشتاقه ليك شديد والله
امتنان:انا اكتر والله💕
وبقو يحضنو في بعض والبوس م يديك الدرب بس خلصو😂😂قعدو كلهم بتونسو اسراء عملت الشاي شربو واكلو الكيك
وتين:والله ي جماعه الونسه معاكم سمحه لكن تعبانه وبكره الجامعه ف استاذنكم😀👋🏻
جمان:انا زاتي طالعه انوم تعباااانه شديد
يامن:لي مالك ي جمان كنتي بتحفري! اليوم كلو نايمه🙄(برااااحه يااخ😂😂)
جمان:دا مالو دا اختاني بالله😏
يامن:امشي نومي يلا نوم الظالم عباده😏👋🏻
امل:خلاص انتو كمان مناقراتكم دي م بتخلوها🙄اطلعو نومو بكره عندكم صحيه بدري
وتين:هعههه يلا تصبحو على خير💕
كلهم : وانتي بخييير😸
*كل واحد مشا على غرفتو جمان كالعاده قبل م تنوم بتسرح شعرها اثناء م هي بتتسرح بقت بتفكر في ياسر وتفاصيلو كلها وتتبسم برااااها(😂😂اعوذ بالله) انتهت ونامت..اما وتين ولاااا لاحظت انو ياسر عاين ليها ولا حركاتو كيف دخلت غرفتها ورقدت في السرير وطوااالي نامت😂😂(احسنتِ😂😂😂😂👍🏻)
********
عند ياسر"
ياسر:معقول بس تكون بالجمال دا ماشاءالله💕والعجب ضحكتها وكلامها (ياسر شنو ي دفعه🙂)ياسر اهدأ خلاص بالطريقه دي ح تتفضح ياخ انا م كنته مؤمن بي فكره حب من اول نظره لكن بعد شفتها جهجهت لي افكاري عديييل البت دي😻❤
رقد في السرير ولسه بفكر في وتين الاستحوزت على قلبو وعقلو وبعد حوارات كتيييره مع نفسو نام
اصبح الصباح🌞الساعه6:00
امل صحت يامن وجمان وماشه على وتين
امل:يا وتين قومي الليله اول يوم ليك في الجامعه م تتاخري
وتين:……
امل:ي بت قوووومي"جرت منها البطانيه"
وتين:اي اي صاحيه انا ي ماما
امل:طيب يلا قومي
وتين:حااضر🙂
*امل مرقت بي جاي وتين نامت بي جاي😂😂😂👏🏻
بعد نص ساعه
يامن:وتين مالا م نزلت(نايمه نايمه😆💔)
امل:م عارفاها صحيتها قبيل غايتو
اسراء :وتين شنو البتصحى من اول مره كدا😂طالعه اشوفها
وتين😴😴😴
اسراء :والله كنته متاكده انك نايمه😂😂😂قومي الليله خالتو ح تشرحك قووومي ياخ
وتين:واااي انا خلاص اها قمته🙄(حاره قومة بدري والله😂)
"دخلت الحمام ادوشت واتسوكت واتوضت وجات مارقه لبست وصلت بس فضل ليها المكياج عملت ليها حاجه خفيييفه كدا(اصلا م محتاجه لكن بس تقولو شنو🙂💔)لبست ليها اسكيرت رمادي وT-shirt ابيض وطرحه مشجره وجزمه سبورت بيضاء بي رمادي كانت مزززه قااطعه❤ونزلت تحت"
يامن مع صفاره اعجاب:اووووو م اتعرفنا😉
وتين:معاك وتين علي😎
جمان:ههه خلاص راسها ح يطرشق
اسراء:لالا قرررض ي بت خالتي😍
وتين ابتسمت للاعجاب الظهر من عائلتها دا ومرقو …طبعا جمان بي عربيتها ويامن بي عربيتو اما وتين ابو يخلوها تسوق عشان بخافو عليها المهم ركبت مع يامن وصلو جامعه الخرطوم❤(الجميله😻..)
يامن تلفونو ضرب…
يامن:الو اي ي ياسر وصلته اسي ومعاي وتين هي الاخرتني😏"وعاين ليها"
طبعا ياسر من سمع وتين تفكيرو اتشلا🌚
ياسر:……(عفوا هذا الرقم خارج نطاق التغطيه حالياً😂🙂)
يامن:يااا اخينا
ياسر:اي اي خلاص بننتظرك في المدخل
"يامن وجمان وصلو في نفس الوقت"دخلو سوا التلاته(طبعا كل واحد فايت التاني بالسمااحه💕)
ياسر:اووو برلومتنا😂👋🏻
يامن:اعملي حساابك م تتبرلمي تفضحينا😂😂😂
وتين:ماااا بوعدك😂
ماهر:احم عرفونا ي جماعه🙂(اهدأ🌚💔)
يامن:طيب هههه انا يامن🙂
وتين:واااااو اصلوو م بصدق انت يامن😀(ااااه😂😂)
ماهر:ي زوووول😀
يامن:خلاص خلاص دي وتين اختي *واشر عليها*برلومه طب
ماهر:اوووو ماشاءالله فرصه سعيده🙂
وتين:انت الاسعد..قصدي انا الاسعد ولا بقولو شنو😅😅
كلهم ضحكو عليها
طبعا ياسر حالتو بقت هااايبر بس متنح في بت الناس😂😂
يامن:ويين عزوز يااخ
ياسر وماهر في لحظه وحده عاينو لي بعض واتكلمو:في الكافتريا طبعا😂😂
يامن:هههههه
جمان:يلا ي جماعه انا ماشه بعد دا👋🏻
ودعو بعض وكل زول مشا لي محاضرتو
طبعا وتين م ناقشه اي شي😂😂وخايفه تسأل زول يغشها المهم اتشجعت مشت ليها جمب شله كدا "وفي ناس حيسالو لي وتين م سالت جمان او يامن وطبعا لانها كانت مربووووكه م فاهمه راسها من كرعينها وجمان ويامن اصلا م ادوها فرصه تسال ولا وروها عشانة تتبرلم زي م اتبرلمو هم😂حاقدين "
وتين:سلام عليكم لو سمحتو ممكن توروني القاعه بتاعت برالمه الطب وين🙂
اتلفتو عشان يشوفو دا منو الجاي يتكلم معاهم دا
ردا عليها واحد:وعليكم السلام م ناخد من وقتك امشي طويل المبنى التاني داك
وتين:اهاا
الولد:بس يلا قاعتكم هناك واحسن تمشي سرعه عشان المحاضره بدت🙂
وتين:شكرا ليك😀(غشووك ي هبله😂🙂)
بعد مشت بي مسافه كدا سمعت ناس بتضحك م اشتغلت بالموضوع ومشت حسب الوصف دخلت لقت فعلا المحاضر بدأ لكن استغربت الناس ديل كلهم كبار😕طنشت القصه ودخلت
الدكتور:وين ماشه انتي يلا القاعه كلها اتلفتت الا تلاته اولاد كدا
وتين:مش دي قاعه برالمه طب😕
الاولاد التلاته حسو انهم بعرفو الصوت دا اتلفتو وفجاه بقت القاعه كلها بتضحك😂😂
وتين اتحيرت سمعت صوت بقول ليها مش حزرناك م تتبرلمي😂😂😂
طلع الولد داك وصف ليها قاعه خامسه هندسه معمار ناس يامن وياسر والجماعه ديل
طبعا وتين صبت فيها مطره تتبرلم وكمان في قاعه اخوها خلاص ح يشغلا ليها لي يوم القيامه طلعت برا وفجاه بقت تضحك بطريقه فظييعه😂😂😂😂لحقها يامن
يامن:مش دي قاعه برالمه طب😂😂
وتين:هاهاها ظريف يلا🙄
يامن:هههه خلاص اهدي ارح اوصلك
.
.
&يلا تعريف سريع للشخصيات&
شله يامن💕
ياسر:شاب في الرابعه والعشرين(ااي اكبر من يامن عادي🙂)طويل القامه..اسمر..نحيييف..مفلفل شعرو(سوداني بحته😂👍🏻)في صوته بحه جميله😻..عيونو ناعسه..انفو مسنن..سممممح..مهندم..عامل دقنو شكل سبعه(زي تويستا🙂)انتيييييم يامن

ماهر:في الثالثه والعشرين من العمر..ابيض اللون..وسيم..حواجبو مقرونه😻..عيونو بنيه..شعرو ناعم(م لدرجه يامن❤)دمو تلللجه🙂بهظر في اكتر المواقف جديه..مستهبل..عينو زايغه(بتاع جكس😂)🙂لكن كساار😻

عزام:(عزوز😂💔)عمرو23سنة..قصير القامه..ممتلىء الجسد..خضوري..ملامحو سممحه❤..ابتسامتو جذابه..م عندو شي لي زول ماشي بي مبدا بطني ثم بطني ثم بطني ثم البقيه🙂👌(والله فااااهم الرصه😂😂)
مع انو سمين لكن امانه م جراااااي😂كيف الله اعلم
•••••••••••••••••••••••••••••••••••••••••••••••••••••••••••

#توأمـــ❤ـــي《03》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
* وتين كانت ماشه ورا يامن والجامعه دي كلها بتعاين ليهم لحد م يامن وصلها القاعه بتاعتهم ويامن رجع محاضرتو وتين دخلت*
وتين : الحمد لله ماف محاضره بدت 😌
لقت اي شله قاعدين مع بعض وبيتونسو مشت قعدت في واحد من البنشات براها وبتعاين للناس شويه كده جوها تلاته بنات قعدو معاها*
....... : هلاااا مالك قاعده براك
وتين : اهلين 🙂 م اتعرفت على زول لسه ☹️✋🏻
........ : انا رؤى وانتي 😊💕
وتين : انا وتين 🙂
رؤى : اتشرفنا ديل صصحباتي اتعرفت عليهم اول يوم 😂دي يسرا ودي نهى 🌚
يسرا ونهى : اتشرفنا 😀
وتين : الشرف لي طبعا 🙂
وقعدو ييتونسوو مع بعض ويحكو عن حكاياتهم في المدرسه زمان وهي حكت ليهم عن قطر وصحباتها هناك ..وتين كانت في البدايه باارده معاهم لانها ما من النوع البيثق في الناس بسرعه شديد لكن مع الونسه الكتيره لقتهم ظريفين شديد لحد م جاا استاذ من الاساتذه السخيفين واداهم محاضره وبعد كده شافو الجدول وطلع م عندهم محاضره تاني مشو قعدو في الكافتيريا وبقو يتونسو
نهى:طبعا اخوي زاتو بقرا هنا😀
يسرا و رؤى:اسمووو منو😃(البووره🙂)
نهى:هههههه غااايتو بس اسمو حسام😂😂
وتين : عاينو ديك جمان اختي الحكيت ليكم عنها
يسرا : ديييي الدببه البتقوولي عليها سجمنااا كان دي دبه 😟
نهى : عاان ليهم كلهم طوال ☹️
رؤى : كلهم سمحات ☹️
يسرا:واااي عايني الود اب شعره داك😻
وتين : 😂😂😂ارح تعالو اعرفكم عليها وبالمره هي تعرفني على شلتها لانو م بعرفهم 🌚🖐🏼
ومشو عليهم
وتين:جمااااان ي بت
جمان م سامعاها 😂😂
وتين:طرشانه الاخت🙄جمااااان
جمان:هييي كانو في زول بنادي فيني(لالا حبيبتي نهااائي ماف زول حلقو اتقرش وهو بكورك ليك🙂)
الاء:اي البت ديك ^وكلهم قبلو عليها^
وتين:واخيرا ...المهم عايزه اعرفك على صحباتي الجداد😀(جداد ولا ديوك هاهاهااا)
دي رؤى وجمبها نهى والبي جاي دي يسرا😀
جمان:ي هلااا بيكم❤يلا اعرفكم انا زاتي دي الاء ودي نهله والوراها ديييك شمس واب نضاره داك محمد🙂
المهم سلمو على بعض واتونسو
يسرا بتتكلم مع نهى في اضانها:عايني وراك الولد اب شعره😻واااي جاي علينا
.....:مرحب مرحب شايف معاكم مزز😯👌
جمان:تعال تعال دي اختي وديل صحباتها
نهى:حساااااااااام😃
حساام:الاخت😂😂
جمان ويسرا:بتعرفو بعض😯
نهى:ااي دا اخوي القلته ليكم عنو
حسام:قطعتي فيني🙂
نهى : اقدددر😅(الخوووووف😂😂)
حسام:اها انا م حضرته التعارف😅
بالمنااسبه يسرا مقهيه في ولد الناس😂😂
نهى:ديل صحباتي رؤى و يسرا و وتين
حسام:اهلييين بيكم🙂❤يلا ي جماعه المحاضره ح تبدا
جمان:وكمان مع الراجل السغيل دا كان دخل م بدخلنا وراهو🙄(حتى انتو عندكم من الفصيله دي😀)
ودعو بعض وناس وتين قعدو يتونسو اصلا م عندهم شي تاني
********
في جهه اخرى&
ناس يامن انتهو برضو الدكتور جاهو مشوار وطلع
يامن:كدي ارح نشوف وتين دي ي جماعه🌚
ياسر:اي ارح ارح😀(في ايه ي عم الحج"بصوت اللمبي")
ماهر:ياسر في شنو مالك مستعجل😉
عزوز:يمكن ماشي الكافيتريا🙂
ماهر:قايل الناس كلها زيك ولا شنو😏(ولك ليييش هييييك😂)
يامن:انسونا يااخ ارح
طبعا ياسر ح يتشرط من الفرحه😃😃واخيييرا ح يشوف وتين تاني
رؤى:ياخ عاان اولاد الجامعه ديل عاملين كيف😻(شرقااانه بيهم😂😂👌)
وتين:عاديين ياخ انتو م شفتو اخوي❤كسااار ماشاءالله
نهى:عايني الصواريخ ديييك😯
وتين:هيي ياهو اخوي ومعاهو شلتو😂😂😂
يامن:سلام عليكم👋🏻متين لقيتي صحبات
وتين:وعليييكم السلام😉
ماهر:اها لقيتي قاعه برالمه الطب؟؟😂😂😂😂😂صراااحه منظرك كان كععب
وتين:ح تعلقو لي ولا شنو انتو☹️
رؤى:اها م ح تعرفونا🙂
وتين:اصبررري ياخ دا يامن اخووي السمح😉وديل اصحابو المفلفل شعرو داك يااسر والكاواي دا ماهر واخيييراا عزووز😂
يامن:احم اهلين👋🏻
ياسر ثبببت الراس😂😂
وتين عرفتهم علي صحباتها وقعدو يضحكو ويتونسو في البنشات طبعا ياسر بالو م معاهم😉

&يلا نعرفكم &
شله جمان "نااااس اداره😃

الاء:في الثالثه والعشرين من العمر...سمراء..طويله جسمها كغصن البان😍..انفها كالسيف..وعيناها كالغزال😯..جمييييله..مهذبه وراقيه..لها ابتسامه ساااحره😙..باختصاار كسااااره❤انتييمه جمان

نهله:في الثانيه والعشرين..ذات بشره بيضاء..طويله القامه..مستديره الوجهه💕..لها عينين بنيه..خدودها ممتلئه مع غمازتين😍😍..جسمها مفصصل..انييييقه🙂

شمس:عمرها23سنة...خضووريه🙂..ملامحها برييييئه...متوسطه الطول..عيونها واسعه وسوداء..عندها شامه في خدها😻..طييييبه ورقيقه شديد

حسام:شاب في الثالثه والعشرين...متوسط الطول..لونو بين اسمر وابيض😽..جسمو ريااضي💕...مربي شعرو ورابطو بي وراا...بحب الكوره شديييد⚽لدرجه التعصب...اخو نهى🙂

محمد:عمرو23..اسمر...طوييل😻..جسمو عادي..شعرو خشن..بلبس نظارة ظاابطه معاه...عيونو حلوه...هااادئ بطريقه غريبه (اكييد وراهو قصه😙)لكن اذا ختيت عليهو طوااالي بشخت فيك(قابل
للاشتعال🔥)
***
&يلا براااالمتنا😻&

رؤى:خضوريه..سنفوره😂..نحيفه..شعرها طويل وحلو وكل يوم بي لون🙂..عيونها كحيله حواجبها حلوه..مجنووونه😂👏🏻..حاسه انو ماف زول بحبها ف قررت تصنع شخصيه بتحبها وسمتها "احدهم"(😂😂نفسيااااات غايتو)

يسرا:(الحلبيه🌚)بيضاء اللون..قصيره..ممتلئه الجسد..شعرها طويل وحلو❤..جميله..بتحب الحكم والامثال..بتعلق على الماشي والجاي😂..مزاجيه شديد..عندها ضحكه عالم تاني😻..صوتها حنييين..مضحكه ومجنونه🙂

نهى:(المفلهمه😂)يلا دي برضو قصيره(كلهم سنافر بالمناسبه🙂)سمراء..نحييفه شعرها فزييع💕..عيونها حلوه عدساتها عسليه😻..بتقول كلام م طبيعي🙂...السبب في انهم بقولو ليها مفلهمه انو بتقول شوكلت،اكسيساريس(اكسسوارات
بالانجليزي🙂)البت راقيه بس😂😂😂
*****^^^
................. : ي اصلي شفت المزه البرلمناها قبيل 😏شفتها قبيل مع يامن
--------: اوو شكلها اختو لانها بتشبهو 😈
................ : لو طلعت اختو حتظبط معانا 😏🙏🏻
#!#!#!#!#!#!#!#
يلا ناسنا رجعو البيت وتين وجمان سوا..يامن معاهو عزوز وياسر معاهو ماهر كلهم مشو مع يامن
ياسر:مالك ساكت كدا🌚م من عوايدك
ماهر:اقول شنو اها🙂
ياسر:قول اااي شي ياااخ😅
ماهر:اااي شي ياااخ😀
ياسر:🙂ظريف ظرافه
ماهر:ظرافه ولا غزاله هاهاها
ياسر:يااااخ انت تافه تفاهه😒
ماهر:تفااهه ولا برتكااانه وااااااهاها(لااااا كدا كتيييير🌚)
ياسر:والله اديك بوكس م تفهم الحاصل🙄
ماهر:بوكس دبل كبينه ولا عادي😂😂
(ابووو سغالتك😂😂)
ياسر:ماااهر صبري ليهو حدود🙂
ماهر:حدود سياسيه؟؟!!😂💔
طوااالي ياسر وقف العربيه
ماهر:مالك؟؟!
ياسر:انزل انزل م بقدر استحملك👋🏻
ماهر:ياااا مان ابرد خلاص سكته🙂
ياسر:مااا اسمع صوتك...لكن انت عارف غلطان انا م كان اسألك زاتو 🙄(زعلان شديد😂)
المهم كلهم وصلو حتى وصل ياسر بعدهم
يامن:الاخرك كدا شنو انت؟؟
ياسر:دا الكريهه المعاي دا تاني انا وهو م بنقعد برانا😒
يامن:طيب طيب اهدأ😂😂😂😂

طبعا ناس امل وعلي وامتنان طلعو عزومه كدا....وتين كانت في غرفتها غيرت ولبست بجامة لونها ابيض وفيها نقشات بالوان كتييره كدا💕..جمان واسراء كانو في المطبخ بحضرو في الغداء وعملو عصير وكيك مع الشاي🥐🍞🥓☕
اسراء:يلاا ي وتين تعالي الاكل
وتين جات نازله وماسكه تلفونها في يدها📱 قعدت معاهم في الصفره اكلو وضحكو بعداك البنات مشو سوا في الصالون والاولاد في غرفه يامن
يامن:انتو ماهر وين😕
ياسر:وانا اقوول الهدوء الحاصل دا شنو
عزوز:احتماال... قبل م يتم كلامو قاطعو ياسر:لالا ي عزوز م اظن في المطبخ🙂🔥
"اثناء م هم بتكلمو جا ماهر داخل وفي يدو سكريه😂😂وبقا يكب السكر في الكنب😕"
يامن:ياااا زول دا شنو دا🙂
ماهر:عشاان القعده تحلا😃(م جااادي يلا👋🏻)
ياسر وقف:نحن مش قبييل اتفقنا انو م تتكلم

"ماهر جدع السكريه وبقا جاااري وديك كلهم جارين وراهو وحفيانين نزل السلم بسرعه هائله وراهو سونك داك(عزوز)والبنات بقو يضحكو في منظرهم😂😂 فضلو جاريين لحدي م وصلو الزلط ياسر كان اخر واحد وراهم تعب من الجري😂👋🏻عزوز مسك ماهر وناداهم عشان الدقه😃ياسر لحقهم حسا انو في شي عضاهو عاين لقا في نمل المهم حكاها كدا ومشا كانت واجعاهو شدييد المهم ماهر اخد دقتو ورجعو البيت وياسر حاسي رجلو تقيله"

وتين:قبضتوهو😂😂😂
عزوز:ااي حمدلله😂😂😂😂

جمان حست ياسر دا م طبيعي كل مره يحك رجلو
جمان:ياسر مالا رجلك😕
ياسر:م عارف شكلو قارصاني فيها نمله(تفتكر🤔)
وتين وهي واقفه عشان تشوف رجلو قبل تتكلم بي خلعه كبييره:لكن دي م نمله😦
•••••••••••••••••••••••••••••••••••••••••••••••••••••••••••

#توأمـــ❤ـــي《04》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
علي كان في العزومه وتلفونو ضرب لقاهو صحبو
علي : اوووو حبيبنا ويين ياخ
#### : ابو يامن حمد لله على سلامتكم والله معليش ضربت ليكم متاخر لكن بس المشاغل كترت الايامات دي
علي : الله يسللمك 💓معذووور والله لكن برضو لازم تصلونا 😉 اخبارك شنو انت
#### : والله ي علي م اكذب عليك تعبان شديد وضربت ليك عشان اقول ليك العفو والعافيه😶 بعد شويه حسافر كندا حيتابعو حالتي الصحيه هناك واحتمال اعمل عمليه دعواتك بس 💔
علي : لا حول ولا قوه الا بالله الف سلامه عليك تمشي وترجع بالسلاامه لي م كلمتني والله كان نفسي نتلاقا لكن م مشكله نتلاقى بعد ترجع لينا بالسلامه ان شاء الله
#### : م حبيت الخمك معاي ..الله يدييك اللعافيه تسلم ...يلا اودعك بعد كده
علي : يلا ولازم نكون على تواصل .. لا اله الا الله ❣
#### : اي ان شاء الله بتواصل معاك كل يوم ...محمد رسول الله❣
علي دعاا لي صحبو في سرو من قلبو ورجع يتونس مع الناس
^"^"^"^"^"^"^"^"^"^
وتين وهي واقفه عشان تشوف رجلو قبل م تتكلم بي خلعه كبيره: لكن دي م نمله 😦
كلهم بقو يعاينو ليها باستغراب
وتين وهي بتواصل كلامها بخلعه : يااسر حسيت بالحاجه دي قرصتك متين 😰
ياسر وهو بدا يحس بالخدر في رجلو وبدت ضربات قلبو تزداد بصوره مفاجئه: قبل 10 دقايق كده تقريبا اول م بدينا نجري ورا ماهر في شنو 😧
جمان وهي مخلوعه : وتيين في شنو😱
وتين وهي بتتحسس اطرافو : اطرافو بارده ❄ي جماعه ياسر قرصتو عقرب🦂 ولو م انقذناهو بسرعه ممكن يموت 😰شيلوهو بسرعه لاقرب عربيه
يامن وماهر بسرعه سندو ياسر ورفعو وركبو عربيه يامن جمان كانت منهاره خاصه وهي شايفه ياسر ظاهر عليهو انو متالم
وتين جرت جابت عبايتها بسرعه لبستهاوجابت قطعه قماش ولحقتهم وقعدت ورا جمب ياسر الكانو رافعين ليهو رجلو وبالجهة التانيه قاعد جمبو ماهر.. وعزوز قدام اتحركو على المستشفى طوالي وتين ربطت ليهو رجلو بالقطعه القماش و عملت ليهو الاسعافات الاوليه فصدت مكان القرصه وسحبو الدم الفيهو سم وصلو المستشفى ادوهو حقنتين وقعدوهو زي ٣ساعات كده💔 وديلك كانو متوترين شديد😣 وطبعا جمان واسراء لحقوهم بعربيه جمان بعد م اتصلو وعرفو المستشفى المشوها
كانو كلهم قاعدين حولين سرير ياسر
وتين : حمد لله على السلامه ياخ😀
جمان : ياسر تاني خلي بالك من نفسك خوفتني عليك اقصد خوفتنا 💔
كلهم بقو يتونسو معاهم مهما وصفت ليكم شعور ياسر برضو م بيكفى كان حاسس باحسااس لذيذ كده احساااس حلووو انوو وتين اهتمت بيهو وهي الاسعفتو وخافت عليهو😻 اول م فتح واستوعب الحاصل ولقى وتين جمبو كان نفسو يقوم ينطط ويرقص عشان وتين كانت معاهو ❤م لاحظ لنظرات الخوف والقلق الفي عيون جمان بس كان كل تفكيرو منصب على وتين وبس
وتين استغربت هي ليي خافت كده اول م فهمت انو ياسر قرصتو عقرب وبقت تحاول تنقذ فيهو 🙁 فكرت انو يمكن عادي بس كحاجه انسانيه منها م حتستحمل فكره انو زول يموت قدامها ولو كان اي زول مكانو كان حتعمل نفس الشي لكن قلبها كان رافض الفكره دي 🤐👀
جمان كانت شويه وروحها تمرق كانت خايفه على ياسر بمعنى الكلمه😪 للحظه اتخيلت انو ممكن تفقدو ممكن تفقد ابتسامتو تفقد بحه صوتو البترد روحها 😻رغم انو م مهتم بيها لكن مجرد شوفتو دي بالنسبه ليها بالدنيا💔وفي نفس الوقت حست بالغيره شديد من وتين عشان اهتمت بياسر اكتر🙄وحست بانو ياسر حيروح منها لو فضلت وتين تقعد معاهم وتثبت نفسها😐
بعد م سمحو ليهو بالخروج مشو كلهم واصرو عليهو انو لازم يرجع معاهم البيت خصوصا انو امو وابوهو سافرو و م ممكن يقعد في البيت براهو بالحاله دي بعد ترجيات وترجيات ياسر وافق يرجع معاهم ..اتوزعو في العربيات تاني ويامن وصل عزوز وماهر بيوتهم بعد كده رجعو كلهم البيت اي زول فيهم مشى ارتاح شويه ..
جمان كانت في غرفتها بتسرح شعرها كالعاده المعتاده (مهووسه بشعرها 🙄🙌🏻) فكرت انو لازم تمشي تعمل حاجه تلفت ياسر وقفت وزحت يدها من شعرها كانت لابسه بيجامه ورديه مكتوب فيها بالوان مختلفه لفت شعرها بطريقه عشوائيه ونزلت السللام وهي بتنطط لحد م وصلت المطبخ وهي بتدندن 😂(الاخت مبسوطه🌚💅🏼)اول م دخلت فحطتت لمن شافت وتين
جمان : وتيين 😳😳
وتين : انتي شايفه منو ؟🙂🙌🏻
جمان : هه ظريفه قصدي بتعملي شنو
وتين : بعمل شوربه دجاج لياسر 😋
جمان اول م سمعت اسم ياسر الغيره بدت تغلي في قلبها : ولشنو يعني 😒
وتين : عادي لقيت نفسي فاضيه قلت اعمل شوربه واشوفو لو صاحي اديها ليهو 🙄
جمان : خلاص اعمليها وانا بوديها ليهو عشان انتي تمشي تقعدي مع اسراء شويه تسليها م تكون قاعده براها 🙂
وتين : ده شنو يعني م تسليها انتي !😐
جمان : يا شاطره انا عندي قرايه وبعدين انتي حتمشي لياسر تتونسي انا حمر عليهو اديها ليهو وامشي اشوف قرايتي 🙄
وتين : على عموم هي الشوربه خلصت اصلا وانا نسيت الصحانه وين اتصرفي انتي ووديها وانا حمشي لاسراء اصلا ماف غيرها منكم بيفيدني 😑
جمان اول م وتين طلعت طوالي ختت الشوربه في صحنها المناسب ووجهزت الصينيه وختت معاها عصير وشالتها وطلعت لغرفه يامن دقت الباب دقتين جاها صوتو الدوخها : اتفضللل
جمان : مسااء الخيير 😃
ياسر : مساااء النوور 😄
جمان : اها بقيت كيف ☺
ياسر : احسن بكتير الحمد لله
جمان جابت كرسي وققعدت جمب السرير وختت الصينيه في الكومدينو الجمب السرير
جمان : يلا انا م حامشي من هنا الا تاكل الشووربه دي كلللها 🙃
ياسر : كلللها كلللها يعني لازم 😅
جمان : اي لازم لو عايزني امشي ليك من هنا😌
ياسر : خلاص خليك هنا ماف مشكله 😂
ياسر قالها عادي م كان قاصد بيها شي الا انو م عايز يشرب الشوربه جمان طبعا فهمتها بمنحنى اخر وبالمناسبه يامن كان ببستتحما
جمان : والله م خاته ليك فيها سم☹️
ياسر : ععاملااها انتي 😀!
جمان : اي 😊(كظااابه كيف 🌚🖐🏼)
ياسر : لا لا اذا كان كده لازم اخلصها
جمان كان نفسها تشربو الشوربه هي لكن قالت تحترم نفسها عشان م يقول عليها خفيفه (خفه اكتر من كده 💅🏼)ياسر شرب الشوربه كلها بعد كده قعدو يتونسو الاتنين ياسر كان كطبيعتو ونااس وبيحب الونسه كان لقى زول في الشارع اتكلم معاهو بيتونس معاهو طوالي عشان كده كان بيتونس مع جمان عادي لكن جمان كانت سااايحه م قادره تصدق انها بتتونس مع يااااسر شويه كده جاا يامن انضم لونستهم دي وبعد كده جو اسراء ووتين اول م جات وتين ياسر انقلب 360 درجه وبقا مقهي في وتين تاني
جمان بغييظ : ياااسر ياااسر وين انت 🙄👏🏻
ياسر : اي اي هنا
اسراء : 😂🖐🏼هنااا ويين لينا الساعه بنااديك
ياسر : اي اها
يامن : عايزنك تغني لينا 🌚
ياسر : لا انتو جادين كده يعني👀
يامن : اي اي وبكامل قوانا العقليه (سمحه منك ي سمح😍)😂م تخاف واثقين من قرارنا
وتين : ححرام عليكم ي جماعه🌚 خلو يرتاح مش كفايه قاعدين معاهو من قبيل😂 غايتو انا برشح انو بكره زي الوقت ده لو ربنا احيانا حتغني لينا🙃😌
ياسر : اي خلاص بكره ان شاء الله لكن الليله ولااا تحاولو (بيمشي فيهم😆)
جمان اتغاظت من وتين : ااي اي طبعا اهم شي انك تكون مرتااح🙂 ..يلا مع السلامه ماشه اقرا شويه وانوم تمسو على خير😐
وطلعت طوالي ولا حتى سمعت ردهم اسراء ووتين برضو اي وحده مشت غرفتها عشان يشوفو قرايتهم ويخلو ياسر يرتاح ويامن طبعا مع ياسر في نفس الغرفه قعدو يتونسو كتيير لحد م نامو وطبعا امل وامتنان وعلي كان جو ليهم نص ساعه كده واسراء كانت حكت ليهم اي شي بالتلفون مشو اطمنو عليهم كلهم في غرفهم ومشو نامو

ملحوظه مهمة..اصلا يامن وجمان جو السودان قبل خمس سنوات وقرو الجامعه من بدايتها في السودان وكانو في الاجازات بيمشو قطر او امل وعلي ووتين بيجوهوم في السودان وهكذا ... ويلا ناس وتين وصلو السودان يوم الاربع بليل وكانت الجامعه شغاله من يوم الاحد بس شايفه في ناس اتلخبطو شويتين

اصبح الصباااح 🌞عشان يعلن بدايه يوم جديد بيحمل امال ومشاعر جديده...
طبعا كان يوم الجمعه❣ ..وغيبه امل وعلي الطويله حصلت مناسبات كتيره فكان عندهم مشاوير كتيره يعزوو ناس💔 ويباركو لناس💜 فطلعو من بدري ومعاهم امتنان طبعا وفضلو الشباب براهم كانو قاعدين كلهم تحت في الصالون بيتونسو😋👏🏻...واسراء كانت مستغربه من غرور يامن الفجاه بيظهر وفجاه بيختفي 🌚 سمعو صوت جرس الباب
يامن : خليكم هنا بمشي افتح انا
مشى فتح الباب لقاها جارتهم
سميه : هييي ياا يمه قالو امكم جات من قطر السمحه ديك🤗 حمدلله عل السلامه لكن جاات لشنو مخليه العز والهنا وجايه للغم والسودان ده بري بري بري انا لو مكانها اصلي م بعتب السودان ده تاني 🙄
يامن طبعا كان مصدوم لانو اول م فتح الباب طوالي بقت تتكلم 😂
يامن : الله يسلمك اتفضلي لكن امي م وجوده في البيت ولا خالتي ☺😅
سميه وهي بتدخل : وحييي ي قلبي قاعدين براكم في البيت ده كلو اكلتوو ولا م اكلتو 😀
يامن : اكلنا الحمد لله 🙂شكرا ليك والله بتجي تسالي منناا
سميه وهي بتصلح توبها وبتطلع : على شنو م كلنا جيران مع بعض عاين كلم امك وخالتك قول ليهم خاله سميه جات تسلم عليكم وم لقتكم وسلمم عليهم 👀👋🏻
يامن : يصل ان شاء الله ...
اول م طلعت يامن قفل الباب وابتسم طبعا ناس جوا كانو سامعين كلام سميه وبيضحكو ويتبسمو ساي 💓
يامن : وتين م تقومي تعملي لينا شي ناكلو 😅😋جعت الصراحه
جمان : انا بقزم اعمل ليكم احلى بيتزا حتاكلوها في حياتكم 😀🖐🏼
كلهم بصوت واحد : ااي اي 👏🏻😋
جمان دخلت براها وجاطت المطبخ وبعد مسافه خلصت المطبخ وجرت استحمت ونزلت ليهم وبعد كده قعدو يتونسو فجاه شمو ريحه حريقه(احلى بيتزا قلتي لي ههههااي فشششر🙂💔)
^.^.^.^.^.^.^.^.^.^.^
.............. : عاين احنا لازم نبدا نشتغل 😒🙌🏻حنخاف منو يعني
@@@@ : والله ممكن يبهدلنا بالعندو 🙄
"""""" : هو ممكن يودينا في ستين داهيه لكن احنا منو وهو منو 😏والعملناهو ليهو قبل كده بيكون ادبو
#### : انا اقول نرجع شغلنا يامن منو اليخوفنا لانو الخزنتو عندي قرب ينتهي 😏👋🏻
.............. : خلاص نبدا طوالي 😈👌🏼
•••••••••••••••••••••••••••••••••••••••••••••••••••••••••••

#توأمـــ❤ـــي《05》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
كانو بيتونسو وفججاه شمو ريحه حريقه
ياسر : ده شنو ده 🙄
جمان : في ريحه حاجه بتتحرق شكلو واحد من الجيران حرق ليهو اكل ولا شي 🙂
اسراء : لكن الريحه قويه كانها من الم.../ جمااان البيتتزااا 😟
جمان : بيتزا شنو 🙄
يامن : ي بت البيتزا الكنتي بتعمليها نسيتيها 😾
وتين طوالي قامت جاريه وقفلت الفرن وطلعت صينيه البيتزا وهي مشرووطه ضحك 😂بقى لوونها اسوووود ومتحجره
يامن طبعا طوالي حدر لي جمان 😒
يامن : دي بيتزتك السمحه عشان كده انا من البدايه قلت وتين 😐
جمان : ياخ انا اعمل شنو انتو القعدتو تتونسو
ياسر : خلاص خلاص حصل خير بس بالله قومو جيبو لينا رقم اي مطعم نطلب ديلفري 😌
يامن : بتدفع انت 😐
اسراء : اها كلكم مفلسين حتعملو شنو 😑انا جعتت ياخ
جمان : خلاص بعزمكم انا 🙂
وتين : كدي شوفوها عيانه ولا مالها 😀حتعزمينا انتي جمان البخيله شخصياا
جمان طنشت وتين : عاينو طيب م نطلع اصلا ناكل برا
وتين : اااي اي علييكم الله خلونا اسي بعمل ليكم انا و اسراء اي شي خفيف وبعدين كده نطلع نتغدا وتفسحوني شويه 😃بلييز بلييز
ياسر : والله على حسب حتاكلونا شنو في الوقت الحاضر 😂
اسراء : نشوف بنلاقي شنو غايتو 😅
ييامن : خلاص احنا بنلعب بلي ستيشن في المسافه دي 😌
وتين : وااي انا عاايززه العبب ☹️
ياسر : بتعرفي 😳
يامن : من متين ان شاء الله بتلعبي 😳😂
وتين : احم يعني انا م بعرف لكن عاوزه اتعلم 😅😁
ياسر : خلاص امشو اعملو الاكل وبعد م ناكل بنعلمك 😂
يامن : هووي ها تعلمها براك قالو ليك ناقص اقعد اعلم فيها كمان😐
ياسر : ي زووله بعلمك انا م تشتغلي بيهو اصلا لازم يعلمك خبير زيي وكذا😎
طبعا جماان محروووقه محروووقه محروووقه وتشيل وتحمر لوتين 😂(محروقه زي بيتزتها هااهاها😀)
وتين : 😛شفت الناس ي يامن 😌يلا يلا ي اسراء عشان نخلص واجي العب 😎
وتين واسراء مشو عملو الفطور وهم بيغنو ويتعابطو 💃🏻المهم عملو الاكل واكلووو وياسر مبسووط والضحكه من وين لوين بعد م اكلو مشو اتدووشو وياسر ويامن مشو صلاه الجمعه ❣جمان ضربت ل الاء تجيها الاء كانت قريبه عشان كده جاتها بسرعه ..
وتين وهي بتفتح الباب : اهلنن اهلنن الاء صح ؟😃
الاء : ايوون ☺
وتين : اتفضلي جمان في غرفتها اوصلك ولا عارفه 😊
الاء : انا قاعده هنا 24 ساعه كيف م اعرف 😂
وطلعت لجمان وفتحت الباب طوالي لقت جمان قاعده في الارض وبتبكي 💔
الاء : جماان ي بتتت في شنوو 😨
جمان : يااسر ي الاء ياسر 😭
الاء : ياسر صاحب يامن 😳مالوو
طبعا بعيد عنكم الاء برضو كانت مكسره في ياسر لكن م لدرجه جمان
جمان : 😭😭😭
الاء قومت جمان وقعدتها في السرير : جماان في شنو قطعتي قلبي 😟
جمان وهي بتمسح دموعها وبتاخد نفسها :الاء 💔انا انا بحب ياسر انا بعشق ياسر م متخيله انا لمن اشوفو بيحصل لي شنو لمن اسمع صوتو برجف كيف م قادره استحمل انو يبعد مني 😞
الاء : ممكن مجرد اعجاب بس يا جمان وهو عارف يعني او مبادلك نفس الشعور ؟🙁
جمان : لا م اعجاب 😢هنا المشكله زاتها هو م حاسي بي نهاائي 😔وكمان بعد م جاات وتين دي😷 بقى مهتمي بيها والوقت كلو سرحان فيها 😫
الاء : وتين اختك الواحده دي 😳
جمان : ااي تخيلي بس انا القاعده هنا وبيشوفني دي السنه الخاااامسه م حس بي ولا شغال بي الشغله هي من اول لحظه جات لفتت انتباهو 😾والمشكله الاكبر انو وتين م لاحظت زاتو انو ياسر معجب بيها وانا المجنونه بيهو اخخخخ بس
الاء : وانتي ناويه تخليهو لاختك يعني ؟🙄انتي اولى بيهو منها لانك اسمح منها بكتير😌
جمان : م ناويه اخليهو طبعا 😐لكن م عارفه اعمل شنو 🙁
الاء : 😏شفتي خلي الموضوع ده علي انا بوريك حتعملي شنو ونمشيي خطووووه خطوووه وانتي اصبري بس 😌😉
جمان : الاء لكن انا م عايزه اضر وتين 😕مهما كان هي اختي
الاء : ياخ وتين م حنعمل ليها شي وبما انو اصلا هي زاتها م شغاله بيهو لمن نزح ياسر منها كده احنا م حنكون اثرنا عليها😌👌🏼خلينا الخطوه الاولى ..انتي حاولي انو تتلفتي نظرو بتصرفاتك من بعيد لكن حركات انك تلصقي فيهو دي خليها اتقلي شويتين 🙌🏻👀
جمان : على فكره هو امبارح قرصتو عقرب واهلو مسافرين وجا قعد معانا واحتمال يقعد معانا اكتر من اسبوع 😃
الاء : بسسسس كده احسنن طبعا 😆يلا حاولي اتدلعي واتهابلي واطلبي منهم انو تمشو مطعم ويلا لمن تمشي هناك.../
جمان : تم😋...احنا ماشين مطعم بعد شويه 😂عايني تعالي معانا عشان توريني 😀
الاء : امم خلاص تمام ..طيب ياسر وين هسه ؟
جمان : مشى هو يامن صلاه الجمعه 🙂❣
الاء : خلاص هسه غيري البيجامه اللابساها دي ي عبيطه والبسي ليك شي زي الناس وسرحي شعرك وطول الوقت خليك لابسه كويس عشان م يقول عليك مبهدله 😉
جمان مشت لبست فستان تحت الركبه بشويه لونو نبيتي اكمامو طويله واطرافو من تحت دانتيل اسود وضيق ومن الخصر مضيق زياده بحزام اسود وخلت شعرها بحريتو وختت غلوس وعملت كحل خفيف(اوووفر يااخ🌚✨) بعد م جهزت نزلو تحت ..
وتين : ثواني ثوااني مااشه وين😳😳
جمان قعدت في الكنبه وجمبها الاء :م ماشه اي مكان 🙂
اسراء : لابسه كده في البيت انتي جاده 😳😂
جمان : يب زهجانه وعاوزه ارفه عن نفسي 🙂
وتين : تقومي تعملي في نفسك كده😂😂 والله البيشوفوك يقول ماشه عرس
طبعا وتين واسراء لابسين جلاليب والطرح لانهم محجباات اصلا 😃
في اللحظه دي جو داخلين ياسر ويامن ..
يامن : ده شنو ده ماشه وين 😳
جمان : في شنو ي جماعه حرام الزول يدلع نفسو في البيت 🙁😌
يامن : م بالطريقه دي 😂اهلين الاء 🙂
ياسر : 🙂عاينو ممكن نطلع من اسي
الاء : هلا 🙂
وتين : طوالي كده ؟
جمان : لا خلي على العصر كده عشان الشمس🙂
اسراء : الشمس دخلها شنو غايتو انا مع ياسر زهجت ياخ 😂👋🏻
وتين : يعني م حتعلموني ☹️
يامن : بنعلمك يوم تاني ارح خلاص نمشي اي مطعم قريب بعد كده نمشي الساحه الخضراء عشان نلعب 😂
وتين : ااي نلعبب 😍😌خلاص ارررح😋
الاء : طييب انا استاذن
جمان : ليي تعالي معانا عادي ياخ
يامن : اي تعالي م هدا ياسر جاي معانا بقوه عين كمان 🤗
ياسر : عندك اعتراض ؟😌
يامن : لا سمح الله منو القال 😇
وتين : طيب انا ماشه البس واجهز حاجاتي الحشيليها
كلهم بصوت واحد : حاااجااتك 😯
وتين كانت طلعت 😂لبست بنطلون بني ومعاهو تونييك طوييله مع الركبه لونها ابيض اكمامها طويله ومعاها جاكت لونو بني بدون اكمام اطرافو مشرشره كده ولبست نضاره شمسيه ولفت طرحتها ولبست كوتشي عالي شويه بني ومن تحت ابيض ورباطو ابيض برضو وشالت شنطه ظهر بنيه💙كاانت سمممممممحه 😍مع انو اللبسه كانت عادييه شديد لكن فيها كانت كسااره
اسراء برضو لبست بنطلون وتونيكه طويله واتحجبت ..
يامن وياسر غيرو الجلاليب ولبسو بناطلين وتشيرتات ومع النضارات الشمسيه والحركات 😎
جمان لبست بنطلون اسود ومعاها بلوزه شاكاها في البنطلون لونها اببض بدون اكمام ومعاها جاكت طويله احمر باكمام ولبست اسبورت اسود ورباطو احمر وبلت شعرها وعرضتو للهوا عشان يتنفش ويبقى كيرلي وخلتو فاكي وهو منفوش كانت سممحه برضو 😌❤
اتقسمو ياسر سساق عربيه جمان وركبت معاهو جمان والاء ويامن بعربيتو ومعاهو وتين واسراء 🙂وصلو اقرب مطعم لقوهو كان ظريف كده قعدتو هادئه واضاءتو خافته قعدو وطلبو
ياسر كان في النص بين جمان ويامن وقصادو وتين بين الاء واسراء كانو كلهم بيتونسو مع بعض ويضحكو ويحكو هم اتبرلمو كيف ووتين حكت ليهم عن اخر سنه ليها في قطر واسراء حكت ليهم مواقف ظريفه في جامعتهم ...
وتين : 😐😐 عايينو ديل السخيفين المعانا في الجامعه البرلموني
كلهم اتلفتو عشان يشوفو القاصداهم وتين
جمان : 😂😂 تتستاهلي انتي زاتك هسه دي اشكال ناس يسالوهم
يامن : ديل هم متاكده !!
وتين : اي مستحيل انساهم 😑
يامن : قالو ليك حاجه تاني؟!
وتين : لا لا لي في ششنو ؟🙁
يامن : لا لا ماف شي عادي بس
طبعا نظره القلق الظهرت في عيون يامن م لاحظها الا اسراء
جابو ليهم طلباتهم والعصاير بتاعتهم واكلو والاء كانت بتحاول تتونس مع وتين اكتر عشان م تخليها تتونس مع ياسر ...
ياسر : عاينو ميكي ماوس الجايبنو ده 😂😂👋🏻وشوفو الشفع بيتصورو معاهو كيف احنا زمان معقوله كنا عوره كده برضو وبنمووت عشان نتصور معاهم ؟
وتين : الله ميييكي وييين 😍👏🏻
ياسر : 😳😳هدااك
يامن : اوعى تقولي لي عايزه تتصوري معاهو 😑
ياسر : هووي م تبالغ انت كمان😂😂قطع ضحكتو لمن سمع وتين
وتين : علييك الله يي يااامن عاايزه اتصووور م تحرمني علييك الله ☹️
ياسر واسراء وجمان والاء 😧😧
اسراء : وتين انتي جاده 😮
وتين : ااي ياخ ويعني شنو 😢
جمان : شافعه دي 🙄
يامن : اتوقعتك ططبعا قومي براك حتفضحينا
وتين : ياامن بلييز 😇 عشان تصورني زاتو
يامن ابتسم على تصرفات اختو الطفوليه
اسراء : طيب انا زاتي عايزه اتصور معاهو مدام انتو جادين كده😀
ياسر : خلاص ارح نقوم نتصصووور كلنا 🙃
جمان : ده شنو ده بطلو هظار 😐
يامن : ارح والله 😂خلاص تعالي صورينا انتي ..الاء حتتصوري معاانا ولا بريستيجك برضو 😂
الاء : لا لا اتصوور ويين
وتين : خلاص الاء صورينا بتلفوني انا 📱 وادتها التلفون وشالو شنطهم وتلفوناتهم وعصايرهم خلوها يشيلوها بعد م خلاص ماشين عشان حيتصورو ويدفعو ويطلعو
:..........*
في احدي الطاولات في نفس المكان ..
باسل : شكلو يامن ده شافنا 😒
يزن : خلي يشوفننا قلنا احنا منو وهو منو خلينا منو هو 😏طلعت دي اختو بالجد
باسل : ودي منو المحجبه التانيه المعاهم 🙄
مروان : شكلها قريبتهم برضو كدي عاين يا باسل طلع من الظرف بتاعنا حبتين كده 😈
خالد : داير تعمل شنو 🙄ده بيخلي الزول يدمن بدون تفكير اكتر من كده عايز تمشي وين
مروان : حتشوف 😏
مروان شال الحبتين وبسرعه وخفه ختاهم في عصير يامن ورجع بدون م زول يلحظو لانهم كانو مندمجين مع التصوير
'..........*
ياسر كان مبتسم ومفهي في وتين ساي
خصوصا مع الهبل الطفولي البتعمل فيهو
•••••••••••••••••••••••••••••••••••••••••••••••••••••••••••

#توأمـــ❤ـــي《06》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
"مرت قريب الربع ساعه وتين لسه بتتصور😂😂(شافعه كبيره😀)ديل خلاص تعبو من الوقفه رجعو فضل معاهم ياسر يشيلو ويتصور كملوو العواره كلها غايتو...الاء وجمان انفردو برااهم ..وبقو اسراء ويامن سوا😗"
يامن وهو بشرب في العصير:غايتو وتين دي م نصيحه😂😂(انت زااتك بعد دقايق ح تكون م نصيح😀💔)
اسراء:بالجد ياخ😂😂
يامن بعد شرب العصير حسه بدوخه كدا م طبيعيه والدنيا بقت لاااافه(و لفي بيناا ي دنيااا.. دوريناا ي دنياا💃🏼)
اسراء:😕يامن مالك؟؟؟!
يامن:كويس بس راسي لافي شويه
اسراء:من شنو
يامن:م عارف امشي نادي الشباب خلينا نرجع انا م تمام(ي ابني اسي مش قلته كويس🙂)
اسراء بسرعه قامت ونادتهم عشان يرجعو
#########
^كانو بيراقبو تصرفات يامن ويضحكو^
مروان:هه عامل لينا فيها راجل وبتهددنا😏
يزن:نشوف ح يعمل شنو هاهاهااهه(ضحكه الشر دييك)
\\\\\\\\**
اسراء:يامن بتقدر تسوق؟؟
يامن:اي اي بقدر يلا ارح
وتين:مالو هو
اسراء:حاسي بدوخه بس
ياسر:خلاص خلونا نرجع
"اتقسمو زي قبيل...ياسر اتحرك قبل يامن...يامن اتحرك بالعربيه مسافه بسيطه ووقفا"
وتين:م قادر تسوق صاح؟!
يامن بصوت متعب:اي(م قلنا نووبه!!!)
اسراء:جيب انا بسوقكم
اسراء ساقت وبقت بتتكلم مع نفسها
اسراء في سرها:ي ربي يامن دا مالو😕الايام دي لاحظته ليهو م تمام وتصرفاتو دي مااا عاجباني ي رب م يكون البفكر فيهو ياااا رب(لالا ياهو😀)
وصلو البيت يامن طواالي طلع غرفتو بدل هدومو ورقد في سريرو والصداع ح يشق راسو(يااااا حليييلك💔)ومستغرب من الحاجات البتحصل ليهو الايام دي
ناس ياسر وصلو الاء بيتها وعايزين يجو البيت
جمان:ياسر
ياسر:نعم
جمان:يامن دا مالو انت صحبو وعارفو اكييد😕
ياسر:والله م عندي فكره ي جمان وهو زاتو م حكا لي شي
جمان:امممم تمام
وصلو البيت لقو ديل وصلو يامن في غرفتو وتين واسراء في المطبخ...امل وعلي وامتنان قاعدين في الصالون وداقييين الونسه🙂طبعا م كلموهم عشان م يقلقو...جهزو العشاء وختوهو في الصفره ونادو يامن لكن كان نايم(☹️💔)المهم نزل ياسر وجمان بعد بدلو هدومهم وقعدو في الصفره اتعشو واتونسو شربو الشاي وكل واحد مشا غرفتو
وتين مع نفسها:ان شاءالله يامن يكون كويس☹️💔
جمان وهي بتسرح في شعرها(اي بس انتي اتسرحي ي ماما🙂👌)مره تفكر في كلام الاء مره في ياسر وتضحك براها تاني تتذكر ملامح يامن التعبانه وتفكر هو مالو قلبها كان حاسس انو اخوها دا م كويس(توأم وكدا😀)في النهايه نامت
********
اصبح الصباح🌞
يوم السبت طبعا عندهم جامعه الا اسراء ..ويامن قال يرتاح شويه 🖐🏻
مشو وتين وجمان وياسر بعربيه جمان وياسر هو السايق..
ياسر : بتخلصو الساعه كم انتو ؟
وتين : انا بخلص 2😌
جمان : وانا بخلص 4 😕
ياسر : انا برضو بخلص 4 😅وتين ارجعي براك 😀
وتين : 😃حاضر اصلا عايزه اجرب ارجع بالمواصلات
ياسر : 😂ايااااك ثممم ايااك م ناقصين نقعد نفتش فيك استنينا لحد الساعه 4 انقلي المحاضرات الفاتتك
وتين : كوويس ☹️
وصلو الجامعه
جمان : خلاص الساعه اربعه نتلاقى في الكافتيريا 🙂
........
اسراء : مااما بلييز خلييني امشي الاطفال حيكونو مستنيني 😪☹️
امتنان : افترضي انو انا وافقت حتمشي مع منو
اسراء : المواصلات بتسوي شنو !
امتنان : اوكي يعني حترجعي بدري ؟😌
اسراء : اي طبعا مع المغرب بكون في البيت 😀
امتنان : مع المغرب شنو 🙄الساعه 6 لو م لقيتك في البيت ماف ليك طلعه تاني
يامن جا نازل
يامن : صباح الخير ☺
امتنان : صباح النوور ..اسراء امشي اعملي الشاي ليامن 🙂
اسراء : طيب 😔
اسراء مشت المطبخ ...يامن لاحظ للدموع الفي عيون اسراء لحقها عشان يعرف مالها
يامن (وهو بيعمل نفسو عايز يشرب مويه): بتبكي لشنو!؟
اسراء : خلعتتتني يااااخ 🤕ماف شي مهم
يامن : بالجد عليك الله 😂
اسراء : بس كنت عايزه امشي مشوار لكن ماما قالت لي لا او لو مشيت م اقعد كتير عشان م ارجع بالمواصلات متاخر وم حقدر انا اتحكم في وقت قعدتي 😔
يامن : اووكي ماف مشكله بوصلك وبرجعك اصلا م عندي موضوع 🙂
اسراء : لكن انت تعبان 🙁
يامن : لا لا بقيت كويس ...عايزه تمشي متين ؟
اسراء : شكراا ياااخ 😀في اي وقت انت دايرو ..اممم يامن بما انو انت م عندك موضوع ممكن تنزل معاي المكان الحمشيهو احتمال تحبو ☺
يامن : انتي ماشه وين اصلا 😅
اسراء : بعدين كده كده حتعرف عشان لازم اخليك تنزل🙃🤗
يامن : امممم اتفقنا 🙃
"........
خالد : الليله م جاء و من زمان عامل لينا فيها راجل 😏
مروان : غايتو العملناهو فيهو زمان م كفايه لازم ننتقم انتقام صح 👿
يزن : شوف الداير تعملو واحنا م بنقصر 😏 (اووولالااالاا😯)
"."."."."."."."."
ماهر : سبحان الله م حتصدقوو الحقولو ليكم عديل🙄
عزوز : خفضو الاسعار في الكافتيريا 😀
ياسر : عزوووز انسى الكافتريا دي وانسى بطنك شويه بس 😐في شنو ي ماهر
ماهر : فقدت يامن ☹️
عزوز : ارح نمشي ليهو بعدين😌
ياسر : خلاص تمام 😂
ماهر تلفونو ضرب مشى بعيد منهم شويه
عزوز وياسر كانو بيتونسو قطع ونستهم صوت نسائي ..
........... : معليش انت يااسر بحه 😀
ياسر في راسو (..الله يفضحكم😟 الله يفضحكم 😟) : ااي 🙂
........... وهي بتتلفت للبت الجمبها : شفتي مش قلت ليكي ده هو 😂
ياسر : 🙄!؟
سمر : معليش انا سمر 🙂ودي لمار ...صووتتك كسااار ماشاء الله بالمناسبه 🤗
لمار : ازعجناكم وكده🤓 احنا برضو في دفعتكم معمار لو ما لاحظتو 😅
عزوز : اهلن اهلن وانا عزوز.. عزام 😀(ابرد ياخ..يلا اجري الكافتريا🌚👋🏻)
ياسر : لالا شفتكم قبل كده اتشرفنا والله 😊
سمر : الشرف لينا 🙂
لمار : انتو مش يامن في شلتكم ؟🙂
عزوز : اي اي بس الليله م جاا 😀
لمار : ايواا🙃
ياسر : بتعرفي يامن انتي !😅
لمار : ااي بعرفو اتلاقينا كم مره قبل كده 🤗
ماهر جاا واول م شاف البنات ميل على ياسر طوالي
ماهر : ده شنو الجككس ده ي مان م عرفتتك لكن😉
ياسر بصوت عادي : وده ماهر البايخ 😐
ماهر : اهلين 😀
لمار : اهلا انا لمار
سمر : مرحبب انا سمر
ماهر : مرحب ولا كريستاال 😀هههههه هه(واااصل يابوي🙂👌)
ياسر : مااااهرر 🙂
ماهر : اححم احم قصدي لينا الشرف 😶
لمار وسمر : 😂😂😂😂
لمار : طبعا سمر برضو نفس الحاله دي 😂👏🏻
سمر : 🙃🙃🖐🏻اها اها افضحي م كنا محترمين 🌚😂
ماهر : الحممد لله طيب لقيت زول زيي 😌
لمار : عزوز اصلا هادي كده ولا شنو 😅
عزوز : لا يعني عايز لكن بدون م.. يعني ../
ماهر وياسر : لااا م حنمشي الكافتيريا تاااني 😑
"""""""*"
الساعه 2 الظهر في البيت...
اسراء : احم يامن 😁
يامن : هلا 🖐🏻
اسراء : يعني لو فاضي ممكن نطلع اسي 😅
يامن : تمام طيب اصلا انا طول الوقت فاضي 😅(صحيي😀)
اسراء : جاهز اجيب شنطتي ولا كيف 🤗
يامن : اي حطلع قبليك عشان عشان العربيه تسخن والحقيني
اسراء جابت شنطتها سريع ولحقتو كانت متردده تقعد ورا ولا قدام لكن عشان م يقول السواق بتتاعها قعدت قدام
يامن : 😳😳ده شنو
اسراء : شنو 😦
يامن : جيتي بسرعه 😲
اسراء : ياخ انت م جادي ولا شنو خوفتني 😟
يامن : 😂😂والله لو كانت دي جمان كنت حتحلل هنا
اسراء : 😂..امم ممكن توديني لمحل ..... عايزه اشتري حاجات وهو اصلا في طريقنا
يامن : تمام
اتحركو وكانو بيتونسو في الطريق لحد م وصلو المحل ويامن لسه مستغرب لانو المحل ده محل لعب اطفال
يامن : حتتاخري ؟ !
اسراء : لا يا فالح حتنزل معاي برضو 😀😂(اتورطته💃🏼💃🏼)
يامن : 😟متتعبه
نزلو وبقو يختارو في هدايا كتيره ويامن م فاهم لشنو بس بيختار وطبعا اتشاكلو في المنو اليدفع واتفقو انو نص هي ونص هو 😂
يامن : اها المحطه البعديها وين 😂
اسراء : امشي طويل وانا بوصف ليك
يامن : طي../
يامن حس بدوخه شديده وراسو بقى لافي شديد
اسراء : يامن مالك😨
يامن وهو منزل راسو: ماف شي بس اديني من البندول الهنا
اسراء وهي بتشوف الشريط الفي الحته المؤشر عليها يامن شالت الشريط وطلعت حبه اول م طلعتها ومسكتها اتفاجات
اسراء : ياامن ده شنوووو 😧يامن انزل وخليني اسوق انا
يامن : لي بس شويه وبسوق بس اصبري 😔
اسراء : يامن قلت ليك انزل
يامن سمع كلام اسراء واتبدلو الاماكن
بالمناسبه اسراء م عندها رخصه ودايما بتسوق في مسافات قريبه يعني وغالبا م بيلاقيها شرطي 😂او م بيشك فيها
اسراء فضلت سايقه لحد م وصلو معمل تحاليل فيهو ناس بتعرفهم وكده
يامن : ده شنو 🙄
اسراء وهي بتشيل الشريط الشافتو قبل شويه : انزل بس😐
يامن من الالم والصداع الرهيب الحاسي بيهو م كان عايز يتناقش ولا يفهم
اسراء بتسلم علي القاعدين وبعد السلام الكتير ويسالو من بعض واخبار بعض ويامن ماسك راسو
اسراء : يلا ي جماعه جا الوقت التردو لي فيهو الخدمه 😂..ممكن تعملو تحليل كامل لولد خالتي وهي بتاشر على يامن
طبعا يامن اتصدم لكن هو كان فعلا محتاج للتحاليل دي عشان يعرف مالو
اسراء : وبرضو ي امنه عليك الله اعملي تحليل للحبوب دي اعرفيها عباره عن شنو
يامن شبه فهم اسراء شاكه في ششنو وهو زاتو كان شاكي في الحاجه دي لكن كان بيبعد الفكره
ساقو يامن عملو ليهو التحاليل وادوهو حبه مسكنه وارتاح شويه وقالو ليهم النتيجه بتطلع بعد 3 ساعات
اسراء ويامن شكروهم ونزلو وماف واحد اتكلم مع تاني غير بس انو اسراء وصفت ليهو المكان الهي من البدايه ماشاهو ...لمن وصلو كان بيت عادي شالو الهدايا ونزلو والحير يامن انو الباب كان مفتوح و اسراء دخلت طوالي وهو وراها زي الاطرش في الزفه 😂
دخلو غرفه كده زي الروضه اول م الاطفال شافوهم دااخلين جو جاريين على اسراء وهي ختت الهداايا في الارض وقعدت على ركبها وحضنتهم كلهم.. ويامن 😳😳😳 ..
.....: مااامااااا اثلااااااااء 😻عااني كثرت ثنتي
اسراء : حمووووودي البطلللل 😻كسرتو براك ولا ماما مرام ساعدتك😉
محمد : بلااااااي مثكتو وقمت سدييتو(شديتوو😂)وطلع دم كتيير لكن عشان انا بطل م خفت
مرافئ : كضاااب يا مااما اسرااء ققعد يبببكي ويقول م عاايز اكل م عاايز اكل عشان م ابلع الدم
اسراء : 😂هههههه ماف مشكله برضو بططل (بطل ولا شيبس هاهاه😀)..شوفو جبت ليكم شنو 😻 شالت الهدايا وادت كل واحد هديه وفضل هديه وحده
اسراء : ويين عبووود
حست بزول بيشد عبايتها من تحت عاينت لقتو واحد من الاولاد نزلت في الارض لمستواهو
مصطفى : عبوودي ماما ملام ساكلتو وهو زحلان ومسى قعد برااهو هنااك وهو بياشر على الحوش
اسراء : ايواا خلاص بمشي ليهو🤗
واتلفتت وراها عشان تتكلم مع يامن استغربت لقتو مافي مشت على الحوش عشان تشوف عبودي سمعت صوت ضحك وقفت في الباب ابتسمت وهي بتشوف يامن شايل عبودي وبيلف بيهو وبيضحك معاهو وبعد كده نزلو وركبو في ضهرو نظام حصان وكده 😂عبد الرحمن اول م شاف اسراء نزل من ضهر يامن وجا جاري عليها
عبودي : مااامااااا 😻😻ليي اتاخرتي ☹️مرام شاكلتني عشان طلعت الشارع عشان اجيك في البيت 😢
اسراء : 😻😻حبييبي بالعكس انا جيت بدري وبعدين اسمها ماما مراام عيب تقول مرام ساي عشان هي كبيره وانت ليي تطلع الشارع ولو في حرامي خطفك احنا نعمل ششنو عشان كده هي شاكلتك عشان خافت عليك🤗
عبودي : لااا انا عننديي ماااما واااحده انتتي مااما وبس😻 وعندي بابا واااحد خلى اسراء وجرى مسكك يامن من يدو وجابو باااابااا ياااامن 😻
يامن قعد يضحك واسراء ضحكت على انو اتعلق بيامن بالسرعه دي وهي قعدت اسبوعين عشان تتقدر تتلعب معاهو بس : 😂😂😂😂لكن تاني لو قلت مرام بس بزعل منك اتفقنا ؟
عبودي : اتتفقنا 😐🖐🏻
ادتو هديتو وقعدو معاهم طول التلاته ساعات ويامن اندمج مع الاطفال ولعبهم كلهم وخصوصا الاولاد لعب معاهم كره قدم واسراء سرحت للبنات ولاقت ماما مرام مديره الملجا وسلمت عليها وقعدو هي ومرام يحكو قصص للاطفال ويلعبوهم لحد م خلاص كان مفروض يمشو عشان يستلمو نتيجه التحليل ودعوهم واتحركو
يامن : اسراء 🙂
اسراء : ايوون
يامن : شكرااا بالجددد😃
اسراء : على شنو ياخ انا المفروض اشكرك على انو وصلتني لولاك م كنت حقدر اقعد معاهم😅
يامن : على انو خليتيني اعرف و اتذكر انو لسه العالم فيهو ارواح بريئه كده م اتلوثت بمشاكل الحياه ومستحملين وصابرين بدون اهل رغم اعمارهم 💔
اسراء اكتفت بالابتسام وفضلو ساكتين لحد م وصلو المعمل وسلمو و..الخ😅
امنه : التحاليل اثبتت انو في اثار حبوب ادمان في دمك والحبوب دي هي المؤثره عليك ووللاسف الشريط الاديتيني ليهو يا اسراء اتطابق مع مكونات نوع الحبوب الفي الدم ادتهم ظرف ودي هي النتيجه لو عايزين تتاكدو
اسراء شالت الظرف وعاينت ليامن مصدومه اتوقعت انو على الاقل يكون خايف مصدوم اي شي لكن لقت تعابير وشو جامده ومنزل راسو وقام طوالي ونزل ونزلت وراهو قبل م يركبو العربيه اسراء وقفت وم ركبت يامن عاين ليها
•••••••••••••••••••••••••••••••••••••••••••••••••••••••••••

#توأمـــ❤ـــي《07》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
ياسر وجمان ووتين رجععو البيت وعرفو انو ااسراء ويامن طلعو وياسر ضرب لماهر وعزوز وكلمهم انو يامن ماف اتغدو واي واحد طلع غرفتو
ياسر وقف قدام المرايه وبقى يتكلم مع نفسو بصوت عاالي شويه: اووكي طيب يا ياسر لازم تعترف لوتين الليله عشان م تضيع من يددك😌اخخخ حقول ليها شنوو 🤔امم وتيين انا من اول مره شفتك شغلتي عقلي وقلبي وبقيت م بفكر الا فيك كنت معجب بيك لكن هسه بحبك بالجد ..لا لا ياخ ده شنو كلام الشماسه ده🙄 اممم طيب وتين انا بحبك ..ياا سلام على اساس كده حتصدقني 😐 اترمى في السرير على ضهرو وهو بيفكر وفجاه قام وهو ببتكلم بس خلاص ي ياسر امشي واليحصل يحصل م عرف انو جمان كانت واقفه في الباب وسمعت كلامو كلو
ياسر طلع من غرفتو ومشى على غرفه وتين دق الباب سمع صوتها تقول اتفضل
دخل لقى جمان في وشو 🙄
ياسر : هلا جمان وتين وين !😅
جمان : وتين طلعت قبل شويه مع صحبتها 😀
ياسر : اهااا خلاص تمام
جمان : لي عايز شنو 😏
ياسر : كنت عايز اسالها من حاجه بس م مهمه
جمان : طيب 🙂
ياسر طلع وهو محبط شديد
جمان وهي بتتكلم مع نفسها : ههههههههه وتين طلعت غبيه ومشت غرفتي ساي زي العويره *جمان كلمت وحده من الشغالات تقول لوتين جمان قالت عايزاك في غرفتها وادخلي طوالي م تخبطي ولمن وتين مشت ودخلت غرفه جمان ...جمان كانت بره الغرفه وقفلت عليها بالمفتاح 👿*يلا نمشي للخطه التانيه 😏
جمان مشت لوتين
جمان : وتيين معليش اتاخرت عليك
وتين : لا لا ماف مشكله قعدت اتفرج في كتبك 😀😂
جمان : ههههه ..وتين انا عاوزه اتكلم معاك في موضوع مهم وبتمنى انك تساعديني
وتين : لو قدرت 😅وبعدين انتي اختي للاسف لازم اساعدك😉
جمان : وتين انا بحب ياسر شديد من زمان ممكن تساعديني مثلا تلمحي ليهو تلميحات بسيطه كده بدون م يلاحظ😔
وتين : 😳كضااابه وهو م عارف ؟؟
جمان : اي م عارف😔
وتين : خلاص خلي الموضوع علي 😉🤗
جمان وهي بتحضنها : عرفت انك م حتخليني وحتساعديني😏😏
@-@-@-@-@-@-@-@
قبل م يركبو العربيه اسراء وقفت وم ركبت يامن لاحظ وعاين ليها
اسراء ^وهي منزله راسها وبتشد في قبضه يدها^ : ليي عملت كده .. هاا لشنوو عندك جواب ؟ اهلك مقصرين معاك في شنو بيت وعايش في فيلا اكل وشراب بتاكل وتشرب جامعه وبتدرس التخصص البتحلم بيهو في جامعه كبيره امك وابوك وحوالينك ومدلعنك عندك اصحاب محترمين وكويسين 😠 *رفعت راسها ليهو*عملللت كدهه لشنووو فكرت في عمو علي ممكن يحصل ليهو شنو لو عرف بعد م علمك وكبرك طيب فكرت في اخواتك الببعتبروك سند ليهم وقدووتهم وبتفاخرو بيك قدام الناس حيحسو بشنو حيتكسرو كيف😷طيب خالتو امل امك الربتك الشقيت فيك وتعبت عشانك انت شنووو ياااخي عدييم احساس م عندك مشاعر م بتفكر غير في نفسك وبس 😫تتكبر وتتعجرف بس ده كل البتفكر فيهو صح😾
يامن : اسراء💔
اسراء : يااخ بلا اسرااء بلا زفت معااك حاقابل خالتو امل كيف واقول ليها ولدك مدمن مخدرات اقول ليها انتي اعتمدتي علبهو ووثقتي فيهو ورسلتيهو السودان وجيتي لقيتيهو مدمن اقول شنو 😾اقول ليها شنو 😢😥
يامن : اسرااااء
اسراء : مالك ياخ في شنو داير توريني انك ندمان وغلطه حياتك وبتاع م حسمعك وفر على نفسك اتحركت عشان تركب مواصلات
يامن جرى وراها ومسكها شداها لحد م قعدها في العربيه وهي بتبكي وامن الباب
يامن بعد م ركب : م حتقولي شي
اسراء : حتمشي تقتلني ولا حتخليني ادمن زيك 😒😟
يامن : اسراء اسمعيني واحكمي على كيفك 😔وقبل م احكي ليك والله العظيم والله العظيم م كنت عارف انو الحبوب دي م بنادول انا حاكي ليك الحكايه كلها بالتفصيييييل الممل شديييد وبعد كده الدايره تعمليهو اعمليهو في بداايه سنه رابع
Flash_back 🍿
يامن : هيي شباب م حاسين انو في حاجه غريبه بتحصل حوالينا
عزوز وهو بياكل : امممم بقو م بيختو مايونيز في الساندوتش🌚✨
ماهر : حنتخطااااك ي عزووز حنتخطااك 😐
ياسر : زي شنو يعني ي يامن 🤔
يامن : م عااارف ياخ م قادر اوصف ليكم لكن كده بتحس انو الناس ديل وراهم سر كده وبيقعدو لساعات متاخره في الجامعه م معقول يكون عادي 🙁
ماهر : واحنا ليي نتدخللل يعني بس استغفر الله 😌كل الناس بتتدخل في حياه كل الناس بطريقه تضايق كل الناس(بالمصري وبسرعه😂)
ياسر : بغض النظر عن القالو ماهر والانا اصلا م قدرت اركز وافهمو لكن فعلا ماف داعي نتدخل وبعدين ندخل نفسنا في سين وجيم ✋🏻🙃
عزوز : هسه لو كانو بياكلو نخرب عليهم🤗😌
ماهر : 😟عزوووز
ععزوز : اممم 😋
يامن : 🙁خلاص مع انو لسه م اقتنعت
بعد كم يوم وهم قاعدين في الكافتريا..
يامن : ثواني اسكتو ..
التلاته عاينو ليهو باستغراب ولقوهو مرجع كرسيهو لورا شويه وظاهر كانو بيسمع في حاجه وفعل كان بيسمع في كلام الشله الجمبهم الكان

يزن: اها جماعه نمشي نجيب البضاعه ولاشنو
خالد : اي هشام قبييل ضرب لي قال جاب بضاعه جديدة وقال نقابلوا في المحل المعتاد🌚
مروان :مالو اتأخر كدا؟؟!
خالد:والله م عارف🙂💔
يزن:مش الساعه 7:30؟!
مروان:اي زي كل مره
£££££££££
يامن (مع نفسو):انا كنته متاكد انو في حاجه لازم امسك عليهم ادله(ح تتورررررط!!)
ياسر:في شنو مالك؟!
يامن:لالا ماف شي ب بس كنت عايز اسمع نغمه كدا😅
ماهر:امممم المهم ي جماعه
عزوز:ارح ناااكل😋😋😋(واااصل👍🏻👍🏻)
يامن:اي بالله والله جيعااان ياخ
اكلو ورجعو بيوتهم...ياسر حسى بي تصرفات يامن دي غرييبه لكن طنش القصه...يامن كان عندو مخطط لازم ينفزو!

تاني يوووم في الجامعه
يامن:اها ي جماعه انا بعدين مارق عندي مشوار سريع كدا ومنو ح امشي البيت
ياسر وماهر:ماشي وين😕
عزوز:ياااخ ديل قالو بعدين مارقين
يامن:مشواار عادي يااخ😅😅
كملوو اليوم واتونسو...يامن شاف ناس يزن مارقين ...طوااالي ودعهم ومرق فضل ماشي وراهم بالعربيه لحدي م وصلو مصنع كدا قديم كان في عربات بكميه كبيره واغلبهم شاحنات طلع الكاميرا بتاعتو وصور الشاحنات والناس وكان بحاول يظهر ملامحهم في الصور..بعد نص ساعه دور عربيتو واتحرك
يامن:ديل منظمه مخدرات عديييل كدا(كضااب والله😀💔)..شكلهم شبكه كبيره لكن انا اسي عندي ادله ضدهم لكن لازم ازيدهم ي ربي ساعدني واقيف معاي
يامن وصل البيت اتعشا وطلع غرفتو عاين الصور كان فيها راجل ظاهر عليهو الوقار والثقه مع لحيه كثيفه(دا الBoos😯)ولقى في بعض الشاحنات اللوحات اتصورت دسا الكاميرا ورقد نام
£بعد كم يوم من البحث£
يامن:اسمعوني انتو هنا
يزن:منو انت ومالك ي زول😒
يامن:انا عااارف انتو بتعملو في شنو في الجامعه دي وعارف عنكم كل حاجه"جدع ليهم كم صوره في التربيزه"ودا بالنسبه للعندي ولا شي عارفكم بتجيبو الحاجات دي من وين وبتوزعيوها وين وااااي شي عنكم😏

كلهم اتصدمو من الصور لانو ظاهرييين فيها وهم بشربو مخدرات وببيعو فيها كمان😂😂
مروان:د د دا شنو
يامن:هههه بقينا نتمتم(قووي ي انت😂👌)
خالد:يعني ماشي تبلغ عننا😏
يامن:اممم والله فكره برضو يااخ لكن م عايز ابلغ عنكم اول شي عايزكم توقفو البيع دا في الجامعه لانو انتو بتازو في الناس وفي نفسكم انتو
خالد:عايز تهددنا بي شويه صور😂
يزن:هههه ياااخ خوفتنا م تعمل لينا فيها دور المنقذ😒👋🏻اعمل الدايرو م ح نخاف منك يلا يلا اتخاارج
يامن:صدقني ح تندم
مرت الايام ويامن لسسه بفتش في ادله عنهم مره صور ومره فيديوهات...ناس يزن م اشتغلو بي الموضوع شديد وطنشوهو لانو بتحصل ليهم كتيير وداايما بطلعو منها..المهم وصلو نهايه رابع والاخ لسسه في البحث بتاعو وقفو نسبه للامتحانات..
يزن:ي جماعه يامن دا شكلو ح يورطنا
خالد:اي والله دا عندو عننا حاجات كتييره شديد
مروان:كدي نهددو ونخوفو ونشيل منو الادله وخلاص
خالد:عندي فكره😈..
"يامن بقا كل م يكون سايق بشوف عربيه ماشه وراهو"
مروان:يامن اذا م ختيت دربنا نحن ح نضيعك والله احسن تنسانا
يزن وفي ثقه في كلامو:اذا م خايف على نفسك خاف على اصحابك
خالد:اختك
مروان:اهلك كلهم
وضحكو ومشو..يامن حسا بالخطر(صراااحه الطريقه القالو بيها الكلام تخوف🌚)عاارف الجماعه ديل قادرين..ناس يزن من اللحظه ديك بقو يختو لي يامن حبوب مخدره واتفقو من ناس الكافتريا(طبعا عندهم ناس في الكافتريا)يامن بدت تصرفاتو فجاه تبقى غريبه ويصدع شديد م ختا انو بكونو عملو ليهو حاجه كل م يمشي يشتري بندول من الصيدليه بغيرو ليهو الحبوب
*******
يلا نرجع للقصه
يامن:ودا كل الموضوع😔
اسراء:لاحولا الله..انت اصلا بتدخل نفسك في حتات زي دي لي ي يامن م كان تتدخل
يامن:اشوف الناس قدامي بتتعاطى ونهايتها الموت واقعد اعاين ليهم م قدرته والله💔
اسراء:المهم طيب اسي الادله وين قاعده؟؟!
في البيت داسيها في شنو؟
اسراء:احسن خليها معاي م معروف يعملو شنو
يامن:بس عليك الله م تكل../
اسراء:م تخاف الموضوع دا بينا انا وانت وانا مستحيل اكلم زول خليك وااثق وح تبدا في العلاج عشان م تدمن
يامن:شكرا ليك ي اسراء
اسراء:هههه على شنو يااخ
يامن:لانك وقفتي معااي وانتي عارفه انو الموضوع دا فيهو خطر على حياتك💔
اسراء:لو م وقفته معاك انا بت خالتك يقيف معاك منو؟؟؟!
يامن ابتسم لي كلامها وعجبتو روحها دي شديييد اول مره يحتك بيها كدا...المهم رجعو البيت وبدا اعجاب يتولد من ناحيه يامن لي اسراء❤️(وانا☹️💔💔)
#٪‏###٪‏#٪‏٪‏٪‏٪‏#####٪‏
ياسر:اااخ انا اااخ م عجبها تمرق الا اسي تاني اجيب الشجاعه دي وامشي ليها من وييين انا
يامن وهو داخل الغرفه:هي انت مالك بتنقنق
ياسر:هااا لالا يااخ كنته بغني🌚(يااا زوووووول🙂💔)
يامن:عليك الله😏تمام ي زول
ياسر:المهم انت اسي كيف؟
يامن:في احسن حال الحمدلله💕
ياسر:حمدلله
قاطعهم صوت الباب بيندق
يامن:اتفضل
وتين:ازيكم😀يامن بقيت كييف
ياسر:اهليين
يامن:الحلبيه😗والله بقيت كووويس الحمدلله
وتين:يامن🙂
يامن:ههههه قصدي وتين حبيبتي❤️
وتين:ههههاااي بطل بكش😂👋🏻
طبعا ياسر خارج نطاق الخدمه
وتين طلعت بعد اطمنت على اخوها
يامن:هوووي ي انت
ياسر:امممم
يامن:سرحان وين🌚(طوااالي في الحاله دي)
ياسر:ي ود م سرحان ولا شي😅
يامن:طيب اخر شي قلتو شنو😀
ياسر:انا سامع زول بناديني يلا ناازل تحت.."وجراا على الباب"
يامن وهو لاحقو:هههه عجبتنا الزوغه شدييد😂
نزلو سوا اتونسو مع ناس امل
جمان:ياسر ياخ م تغني لينا
وتين:اي اي عليك الله اليوم دا عزرناك
ياسر:طيب اغني شنو لكن
يامن:اي شي يااخ
ياسر بدا يغني😻عاالم اخر طبعاا
•••••••••••••••••••••••••••••••••••••••••••••••••••••••••••

#توأمـــ❤ـــي《08》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#توأمـــ❤ـــي《09》
#بقلم_رشا_الرشيد❣
══❤‍🔥═℘══❤‍🔥══❤‍🔥═℘══❤‍🔥═‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

☆يتبــــــــــــــــــــــــــــــــــــــــــــع☆☆

احدث الروايات

رواية أحببتها~حد~الهوس -(الفصل الاول)

رواية حرب ابريل -(الفصل الاول)

رواية جميلتي

رواية نوارة

رواية دقة_قلب -(الفصل الاول)

رواية رحلة~كفاح -(الفصل الثاني)

رواية الحُب~التائب

رواية فقيرة في عالم الاغنياء -(الفصل الاول)

رواية توامي -(الفصل الاول)