اسد~في~زمن~الذئاب ❤🩹
By:Hadeel~Nabil
#اسد~في~زمن~الذئاب《19》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
انا:وانا م طلبتة من زول يعتذر والموضوع ايزي ماف اي مشكلة.
رونق:بجد اسفة.
انا:ولا يهمك عادي حبيبة..ودخلنا انا وماذن وطبعا ماذن وشو عامل كده😰😰..طبعا صاني.
انا:مالك😂😂.
ماذن:مستغرب الحاصل شنو امس م كنتو كويسين😂.
انا:اسكت اسكت بوريك بعدين.
ومشينا على القاعة حضرنا محاضرتنا والناس دي كلها بتتغامز😂😂 نظام في شنو؟؟ونحنا نتونس ولا شغالين بالفارقة😂😂.
بعداك خشينا الكفتريا سوا فطرنا وشربنا لينا عصير قعدنا نتونس..تلفوني ضرب.
بسام:امرقي ارح.
انا:على وين.
بسام:البيت يعني حيكون وين؟
انا:م جيت معاك عشان ارجع معاك وطلعنا انا وماذن وصلني لحدي البيت..دخلتا غيرتا.
ومشيت جبتا وسيم من خالتو لقيت جسمو ده نار..طبعا خلاص رضعتو وبقيت ماسكة وهي يبكي..
بسام:مالو؟؟
انا:م عارفة بس هو محموم.
طوالي جرينا بيو الدكتور قعد اضحك قال لينا ده اول مولد ليكم..
انا:في شنو ي دكتور مالو؟؟
الدكتور:كويس م عندو اي حاجه بس بدا يسنن والتسنين بتعب الشافع بس خليكم معاو..اثناء م نحنا في الطريق دقة لي ماذن فصلتا فيو.
بسام:ردي عادي من بتين بقيتي تخجلي؟؟
انا:لمن اخجل م بخجل منك وعليك النبي خليني في حالي..ورجعنا البيت رجعتا لي ماذن اتكلمتا معاو كدا لحدي الساعة 8نومتة وسيم ونمتة..صحيت بيو الصباح ببكي..حاولتة اهديو لكنو لسة مواصل بكى..لبستة ولبستو..
ودقيت لي ماذن وطلعتة معاو طوالي..ماذن:ده شافع منو؟؟
انا:ده ولدي.
ماذن:ولدك؟؟
انا:يب يب😊😊..
ماذن:حلاتو.
انا:شكرا تسمن..طول الطريق بتكلم معاي حتى هو م حاول يسألني من اي تفصيل وطريقة كلامو معاي عادية وده الشي الخلا ماذن يكبر في عيني..
طبعا القاعة كلها اتلمت كل م يبكي يلفحو زول😂😂 وبرضو زول سألني او حاول يستفسر ماف عشان انا م جبتة سيرة وهم م حالو يتحشرو..في شلة معينة بس الطلعو فيني اشاعات حتى انها وصلت العميد وطلبني.
انا:السلام عليكم.
العميد:انفضلي ريناد صح؟
انا:يب يب.
العميد:انت متزوجة؟؟
انا:والله ي دكتور على عيني وراسي بس انا م بحب افتح حياتي الشخصية وحياتي الدراسية.
العميد:انا سألتك عشان حاصلة شوشرة وانا سألتة منك الدكاترة قالو انت شاطرة ومتوقعين منك كتير.
انا:بجد تسلم لكن انا م عاوزة افتح الموضوع ده وشكرا ليك وعلى اهتمامك وطلعتة..
ماذن:ده مالو؟
انا:ده انا زاتي م عارفة معقولة الناس دي كده فولة م بتتبلى😂😂.
ماذن:انت شفتي حاجه..ورجعتا مع ناس رونق زي الاول والزعل كلو راح..وكل يوم انا وماذن بنقرب من بعض اكتر واكتر كان انسان يتختى على الجرح يبرى لحدي م يوم سألتني شجن..
شجن:انت ماذن ده بالنسبة ليك شنو..
انا سرحتة مسافة وم عرفتة ارد ليها فعلا انا ماذن ده موقعو من حياتي شنو بقى بالنسبة لي زي الاوكسجين بنتكلم مع بعض كتير بنذاكر سوا غير كده انو بهتم بي وسيم اهتمام شديد وغير ده كلو انو شاب جذاب❤.
شجن:الووووو انا معاك وبتأشر.
انا:نحنا اصحاب بس.
شجن:بعد السرحة دي كلها اصحاب ي بت انتو بتحبو بعض..
انا:شجن امشي راجعي محاضراتك وبدل تنكتي علي و تحبي لي شوفي لي نفسك عريس 😂😂.
شجن:انا بي زولي وان شاء الله جاي انا سمح يعني اتجهز وضحكنا مع بعض😂😂..
بعد مرقت بقيت افكر في رد سؤلا ده وبقول بغض النظر عن هو بالنسبة لي شنو انا بالنسبة ليو شنو ونمته على كده..
مرت السنوات والحمد لله انا متفوقة في دارستي وم مركزه مع اي شي واتفوقتنا في الكلية انا وماذن وحصلنا على منحة دراسية لي فرنسا..وانا بقيت متحيرة امش ولا لا؟؟وخصوصا انو فرنسا دي وحدة من احلامي البتذكرني بي الماضي بتاعي وبي مصطفى..والمشكلة طول السنوات دي انا م قادرة اخطي خطوة في حياتي وامش لي قدام بخاف اعيش نفسي التجارب الانا عشتها خصوصا طوال السنوات دي ابوي م حاول يفتش علي او يسأل مني زاتو بقيت عايشة في ظلام دامس وم عارفة اطلع منو وبقيت اقول انا جامعة وخلصتا وهسي جاتني منحة امش ولا لا؟؟وبلد م بقدر امشيها براي كده و وسيم ده صغير عمرو ي دوب4سنوات تصدقو طوال السنوات دي انا م قادرة اعامل وسيم زي اي طفل طبيعي ودايما في حواجز بيني وبينو كنتة بشوف فيو محمد وم كنتة قادرة اتقبلو بس في نفس الزمن هو بقى لي سند..في يوم اتصل علي ماذن..وطلعنا مع بعض مشينا شارع النيل قعدنا..
ماذن:اها حتمشي؟؟
انا:والله م عارفة م قادرة احدد امش ولا لا؟؟وامش براي كيف يعني بلد غريب عجيب..
ماذن:اخد نفس عميق وقال لي ريناد انا م عارف اذا الشي البتقال عنك صح ولا غلط بس الشي الانا متأكد منو انو ريناد القاعدة معاي حاليا مستحيل تغلط..انا طوالي ختيت يدي في يدو وقلتة ليو اهدى..واستكين.
انا:عارفاك الليلة انا عاوز تسأل من شنو وانا حأرد على كل اسألتك ي ماذن انا متزوجة مرتين والاتنين اخوان واحد مات والتاني اطلقتة منو وحكيت ليو كل التفاصيل الحصلت معاي..ضماني عليوو شديد وقال لي شفتي انا كنتة واثق منك❤ وي ريناد انا عاوزك بالحلال نسافر فرنسا ونكمل دراستنا ونربي ولدنا...
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《20》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
انا لمن دموعي جرت بجد كنته محتاجة الحضن والدفىء دة من زماان وبكدة حسيت انو خلاص شقاي كلو انتهى وممكن اقول انو الماضي كابوس وانتهى..
ماذن:اها ردك شنو؟؟ي ريناد انا م حصل طلبتة منك شي بعرفك من اربعة سنوات م حصل مسكتة يدك ساي عشان انا كنتة عاوز احافظ عليك لحدي م تبقي لي انا براي كنتة دايما بحس انك انت شايلة هم وانا عاوز اخفف عليك عاوز اكون ابوك واخوك وصديقك وزوجك وعاوز اربي وسيم وعيش حياتي الباقية كلها معاك بحبك وبحبك وبحبك وبحبك وبحبك وبحبك❤ وبعشقك❤❤.
انا:ساكتة م عارفة ارد ليو اقول ليو شنو..
ماذن:بتديني شرف انو انا احافظ عليك واحميك وعاوزك تكوني من ممتلكاتي الخاصة عارفة يعني شنو يعني اطمع بيك وابخل بيك واغير عليك❤❤..واعوضك عن اي وجع انسيك اي شي مريتي بيو دنيا فيها انا وانتي ووسيم❤❤ واخواتو❤.
انا:🙈🙈
ماذن:م تردي ياخ💔.
انا:اي بديك الشرف دة❤❤.
اتعشينا ودردشنا مع بعض قال لي عاوز اعرفك على ناس بيتنا❤ وفي نفس الوقت يتعرفو على وسيم❤ وعندي ليك مفأجأة عاملنها ليك انا وشجن..
انا:مفأجأة شنو؟؟
ماذن:اسمها مفأجأة 😑 ولو وريتك ليها كيف تبقى مفأجأة..
انا:ايووووواة وصلت من بتين انت وشجن عندكم اسرار بتخبوها علي؟؟
ماذن:انا وشجونة من زماااان بس انت م ناقشة😂😂.
انا:والله تطور هسي كنتة بتكسر لي وجاي تقول لي شجونة👊.
ماذن:حلاتوووو الغيوووور❤.
انا:ماذن بجد في شنو؟؟
ماذن:اي شي في زمنو حلو وارح يالله عشان م تتأخري على ولدنا❤.
قلبي يودي ويجيب ي ربي الاتنين ديل ناوين على شنو ومن بتين بقو قراب من بعض للدرجة دي غريبة طيب مفأجأة شنو المحضرنها لي سوا؟؟طيب هم الببربطهم بي بعض شنووو؟؟
وصلتة البيت خشيت لقيت شجن بسمتها لي اخر ضرس 😂😂 ورونق معاها عاينتة ليهم الجوز وبقيت اقول كانو فردي وم بدرسو مني حاجه بس ماذن سرقهم مني 👊.وم فكرتة أسألهم زاتو..
شجن:ترفع لي في حواجبينا وتتعولق..
رونق:بتتضحك زي المشعوزة😂😂 حمانا الله وأياكم تشفو المنظر😂😂.
انا:خيييييير بتلمحو لي شنو انت الجوز وي شجن م لميتي حاجبك معاي موس في الشنطة بشرحك بيها👊👊.
رونق:وكلبوجتي😍😍 اها يومك كان كيف حكي؟؟
انا:واحكي ليكم شنو؟؟
جو علي الاتنين وبعاينو لي بعض انا خيكم بعاد طلعتة مشرط😂😂😂..
شجن:ي بت انتي رباطية😂😂😂..وكلكوني وشغالين لي احكي احكي احكي احكي..انا:خلاص بحكي بحكي والله بحكي..بنوت ماذن طلب يدي❤..
بسام:وانتي ردك كان شنو؟؟
طبعا اي وحدة فينا قلعت عيونا شجن انسحبت وانا جريت 😂😂 وخلينا رونق..اتلفتت يمين واتتلفتت شمال وقالت ليو اللبن بتكشح انا خاتة في النار😂😂..ي ناس الزول ده نحنا بنخاف منو اب وش😑😑..وانا زاتي م انتبهتة ليو😢😂.
خشيت استحميت بي مزااج و قعدتة اسرح في شعري و سرحانة(اي ياها عمايل جوليت😂😂) واتبسم ساي اول مرة اسوي حاجة بي رضاي وبجد حسيت انو ماذن ده سعادتي معاو م حتخلص قلتة لازم اشكر ربنا فعلا اتوضيت وصليت لي ركعتين و قريت قران وجيت لقيت وسيم نايم بستو وقلتة ليو م حتلقى احسن منو يكون ابوك❤❤..تلفوني ضرب..
انا:الوووو..
ماذن:ي مزتي😂😂.
انا:اهلين ي منحط😜😛.
ماذن:بنتفاهم في الرد الساخن ده بعدين😂😂 كيف الجو عندك بالله..
انا:كلو زغاريت😑 عادي حيكون كيف..
ماذن:بكرة حنمشي نشتري شقة انا في وحدة عجبتني لكن قلتة اخد رايك..
انا:اذا نحنا عاوزين نمش فرنسا الشقة لي؟؟
ماذن:اي ولمن نجي السودان نقعد في الشارع👊..
انا:اممممم اها يعني انت بتفكر مستقبلا Ok افوشك بكرة..
ماذن:تاني في شي❤.
انا:في شنو؟؟
ماذن:حنمشي نشتري الدبل واشتري ليك سد..
انا:ولزمو شنو دبلة عرفناها سد لي؟؟
ماذن:ظي اول هدية اهديها لي مرتي❤❤..
انا:طيب تسلم لي.
ماذن:ي بت انت رخمة لي هسي م قلتي لي اذا بتحبيني 😂😂..
انا:وانت داير تسمعها مني يعني؟؟
ماذن:سجمي شكلي وقعتا وم استخرتا😂😂 وادبستا.
انا:دبيسة من ابو لستك بحبك ي ابو وسيم❤..
ماذن:اخخخخخخ قلبي❤ ي امي الحقي كتلو ولدك كتل😂.
انا:جنيت انت👊..حتناديها😰😰..
ماذن:هدي جات..سامعها بتقول ليو مالك قاعد تحتضر 😂😂.
ماذن:ي حاجة شنو شابكاني احتضر احتضر قاعد ليك في حلقومك😂😂..البت دي كتلني كتل.
امو:بت منو..
ماذن:والله ي امييي كسارة هاك ليها.
ام ماذن:الووو.
انا:اهلين خالتو اذيك❤.
ام ماذن:اخبارك ي بتي عملتي للولد دة شنو كاتل حيلو كده😂😂😂.
انا:خالتو ولدك مستهبل م عملتة ليو شي.
ماذن:ي امي قالت لي بحبك❤.
انا راسي بقى كبييييييييير واحاسة لمن لافي 😂😂.
طوالي قفلتة الخط اقول شنو يعني..
تاني رجع لي حلفتة كان ارد 😂😂😂.
نمتة صحيت الصباح بدري على رنة منو...انا:احي ي رخم م صاح تصحي زول وهو نايم..
ماذن:اللبسي ليك عباية ولا توب وامرقي لي لانو فلان ده بحمر لي وانا عارفو م بدورني خليني اقطع وشي من وشو👊👊.
فلان ده بسام طبعا نحنا الاتنين بنشمو على حد سوا 😂بقينا نقول ليو فلان..
غسلتة وشي و اتسوكتة و صحيت وسيم ومرقتة لابسة توب وشبشب بيت..
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《21》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
ومرقتة..بسام:على وين؟؟
انا:ولا حتة وم تشغل بالك كتير..
طبعا وسيم بريد ماذن الى مالا نهاية ❤❤ جرى عليو طوالي ماذن نزل وشالو ودورنا مشينا خلينا فلان بعاين لينا ساي{برغم من حتتة انو انا م بفهمو بس بسام ده فيو هدوء كدة غريب لدرجة انو م بتقدر تتوقع منو اي تصرف كنتة دايما بحس الهدوء بتاعو ده م بطمن هدوء م قبل العاصفة زول رايق ودمو شدة م بارد التقول ولدو في القطبي الشمالي👊👊}..
مشينا شفنا الشقة فعلا كانت جميلة شديد فيها تلاتة غرف وصالون ومطبخ وفي كل غرفة حمام داخلي وفيها نظام صالة كده حلاتة م كبيرة وم ضيقة غير كده انو شكلها مريح انا عجبتني شديد❤ وفعلا اتفقنا مع المقاول واشتريناها❤..قال لي اها العفش كيف؟؟
انا:ي زول هوي انا فترانة..ولا اشتغل بي مشينا محلات العفش اشتريت طقم بتاع جلوس للصالة واحد للصالون كل واحد تشكيلة مختلفة و طقمين طربيز برضو و غرفة وسيم اشتريناها جاهزة بس فضل غرفتنا و غرفة الضيوف غرفة الضيف اشترينا ليها دولاب بتلاتة ضلف و سريين وشاشة وغرفتنا سرير دبل وشاشة وتسريحة و مكتب كده صغمبوتي❤..ياخ انا طلعتة مرهقة ارهاق يوم كان متعب بعداك شحنا العفش و وصلو لينا ودخلنا الحاجات ورتبناها وكان المفروض العرس يتم خلال اسبوع عشان مفروض نسافر فرنسا❤❤..
رجعتا البيت زي الساعة 7 بعد اتغدينا برة انا وسيم نمنا زي الاموات😂😂 م صحينا الا الصباح زي الساعة 8 بي مكالمة من ماذن{اخخخ انسان مزعج}..
ماذن:ي بت اقشري انا جاي عليك..
انا:تجي وين؟؟
مرقتا لقيت البيت يسوي كدي😂😂 وانا اقول ي ربي الحاصل شنو..
رونق:جاات حضنتني تخيلي الليلة جايين يتقدمو لي شجن.
انا:ولي ماف زول وراني👊👊.
رونق:عاملنها ليك مفاجأة لقيت شجن ي يمة الرسم ده خلي ساي وفستان نفسيات نفسيات❤..
انا:الف مبروووووووووووك حبيبة❤.
شجن:الله يبارك فيك وعقبالك❤.
انا:اها اها ي رونق دايرة تحسسنا نحنا بايرات..رونق: اي بتقهر فينا😂😂.
انا:هسي م وريتوني اللبس شنو على الاقل كان اشتريت لي فستان😒.
شجن:معقولة انساكم شعبوباتي❤ فسااتينكم في غرفتي😂😂 بالله انا ورونق جرينا فووو وخلينا واقفة 😂😂 زوق ماف جينا مارين فيها زي الصاروخ.
لقينا فستانين واحد مكتوب فيو ريناد والتاني مكتوب فيو رونق ي ساتر الاتنين فظيعاااات اي واحد تشكيلتو براو انا حقي بالاسود لانها عارفة م بلبس غيرو اما رونق حقها بسماوي هادي وهي لابسة بالوردي لكن م صارخ.
شلنا فساتينا وبسنها بوس😂😂.
شجن:حتخربو الميكب اب ياخ.
انا:يكبكب لحمك الميكب اهم من قبلتي ليك قومي غوري 😂😂.
شجن:بطلو واقشرو سريع لانهم15دقيقة ويصلو❤.
طبعا انا جري خشيت استحميت ومرقتة لي رونق وبديت اللبس لبستة فستاني فضل التسريح والمكياج صحيت وسيم خليتو استحمى{ولدي فالح بستحمى براو} ومرق لبستو وقتة ليو م تتوسخ❤.
خليت شعري فاكي وعملتة ميكب خفيف كنته متخيرة اتروج كيف هسي؟؟وانا م بحب الالوان في النهاية عملتة لي مرطب بس اوريكم فستاني{كان اسود طويل اكمامو نص❤ كلو مورد بي طريقة عجيبة مخصر من فوق ومن تحت فاري على خفيف وفيو ورده كبيرة على جابنب الخصر}ركبتة في شعري مشبك على شكل زهرة وعملتة لي عيوني ميكب خفيف اسود بي فضي ولبستة لي كعب عالي❤..
اما رونق كعبها بالاسود وعملت ميكب كده خفيف باسماوي وروج احمر صارخ{فيها فظيع فظيع فظيع}..
رونق:ي بت بكونو وصلو؟
انا؛ي بتي انت من جبيل م سامعة صوت العربات..
رونق:نمرق كيف بصفتنا منو؟
انا؛انا شخصيا م مارقة قشرتة عشان م ابقر😂❤.
رونق:دقة ليها بسام وقال ليها وين انتي وطلعت خلتني قاعدة براي بفكر ي ربي بسام قافل على الزولة دي تلفوني ضرب..
انا:الوووو مالك ي مازن؟
ماذن:ي بت انا جوة م شايفك شايف رونق..قفلتة ي ربي ماذن الجابو شنو طلعتة..
خالتو:هاك ي بتي قدمي ليهم العصير دة..
انا:انا ي خالتو لالا.
خالتو:هاك بلا لالا م شايفاني شغالة شلتة العصير و ماشة على الصالة اول م دخلتة عيني تقع على بسام ابتسم لي..براي قلتة ده مالو؟
المرة رفعت عينا قالت لي بسم الله م شاء الله دي بت منو؟
بسام:دي الشغ...قاطعو ماذن:ي امي دي البت الدايرها انا وحكيت ليك عنها❤..وهو قصد يقاطع بسام وبسام كان قاصد يحرجي وانا م بتحرج لانو الشغل عمرو م كان عيب❤ دي قناعة بالنسبة لي.
خشيت قدمتة ليهم العصير وعاوزه اطلع..
ماذن:م عاوزة تسألي الجابني هنا شنو؟؟
انا:لالا ❤.
امو:تعالي اقعدي قعدتة بعد شوية نزلت شجن معاها رونق وقعدو وكانت المفاجأة..
امو:ي بسام بشرفني اني اطلب يد اختك لي ولدي وانا بقيت بعاين لي ماذن وهو ابتسم لي ابتسامة سخيفة وعاينته في الصالة ماف غير بسام وماذن والشي الفهمتو انو عايزين شجن لي ماذن..
بسام:والله وانا م عندي اي مشكلة طالما كدة وانا سألتة منكم وطلعتو ناس كويسين وفي النهاية الرد رد شجن.
انا ساكتة وبتفرج في خلق الله ديل بقولو في شنو وم قادرة استوعب بعد شوية جا ولد داخل ماسك تلفون رفعتة عيني وعاينتة ليو بقيت فاتحة خشمي مترين جا قعد..
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《22》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
قعد عاين لي قال لي انا من جبيل بتصل ليك م بترفعي مالك وشجن تضحك وانا منظري زبالة الصراحة😂😂.
جا قفل لي خشمي وكل الحوليني بضحكو عدا بسام بعاين لي بي استفزاز كدة👊👊.
الولدين مرقو م هم ولدين واحد ماذن غايتو😂😂 وجو داخلين قالو لي حذري فزري ماذن وين بنبرة احدة.
م جنيت لكن شكلو ماذن عندو اخو تؤام نفس الطول واللون واللحية وانا م كنتة عارفة الا هسي👊👊 والانتين وقغو قدامي انا صنقعتة وقغتة على حيلي والكل بضحك بقيت لافة والاتنين بعاينو لي وقفتة قدامهم وهو الاتنين بحركو عيونهم شمال ويمين بالله حسيتهم نسخخخخ بس وقعت عيني على شامة في وش واحد طوالي قلتة ليو انت م ماذن وهدا ماذن😂😂.
الاتنين ضحكو قالو لي عرفتي كيف؟؟
انا:ماذن م عندو شامة جنب لحيتو..
ماذن:ي خسارة ي مان انا م قلتة ليك شامتك بتخرب الرصة👊👊.
مؤيد:م علينا المهم عرفتك لو م عرفتك كان تبقى ورطة 😂😂 كل يوم تشوفني تشاغلني..وقعدو يضحكو.
انا:انتو ملاحظين انا قاعدة؟؟وانت ي حقيرة م وريتيني خلي ماذن لي قدام ينفعكم انت وهي😏😏..وانت ي حقير م اعرف عندك اخ تؤام الا هسي👊👊.
ماذن:حبيت امقلبك وشكلو المقلب مشى عليك👊..
فعلا بسام وافق انو يزوج شجن لي مؤيد وكان العرس يوم الجمعة👊..كان المفروض انو انا و ماذن نتزوج في نفس اليوم👊👊..بس انا رفضتة فكرة انو اللبس زفاف تماما.
ماذن:انا م قاصبك لكن عيب انا واخوي نعقد وفي الحفلة تلبس شجن براها زفاف..بعد اصرار شديد وافقتة فعلا..
طلعنا في نفس اليوم كنا ماشين الجوازات اطلع جوازي انا ووسيم اتأخرنا شديد وقالو نجي نستلمو بعد تلاتة يوم حوالي الساعة10:30كنا ماشين على البيت انا وماذن و بندردش وشجن المسكينة دخلوها حبس على طول 😂😂.
اول م نزلتة جا بسام عيونو شرار{انا م عارفة ود الناس ده م بطيق ماذن لي؟؟وماذن م عندو اي فكرة والغريب م بطيقني انا زاتي}.
جا بسام بدون تفاهم👊👊 ي ريناد نحنا م عندنا بت بتجي بي عربات اخر الليالي.
ماذن:دقيقة دقيقة انا سكتة ليك كتير ي مان بس ريناد وراها ولي الهو انا تمام بعدين هي كانت معاي انا هي بنهار خطيبتي وبليل اختي وي ريت افكارك المعفنة دي تحتفظ بيها لي نفسك.
بسام:انا افكاري اولا م معفنة ثانيا اتكلم معاي بأسلوب ثالثا انا م سألتك انت خصيصا👊👊.
انا:ماذن خلاص بنتفاهم بكرة.
بسام:رجلك برة البيت م بتختيها.
انا:ولي م اختها برة البيت عاين انا عارفة فعليا انت خاتي في نفسك شنو وانت بتكرهني وانا كمان غارفة بس م بضرورة كل مرة ابرر ليك👊👊.
بسام:عايني ي بت الناس طلعة ماف.
انا:بطلع واخر م في خيلك اركبو😏😏.
وم احس الا بي حاجة انطبعت على وشي وديني اداني كف قدام وسيم لاحظو لمن نزفته هنا اشتبكو هو و ماذن وبدو يضاربو الاتنين.
انا:ماذن سيبووو😡😡.
ماذن:لا م حأسيبو👊👊.
انا:ماذن اذا في زول م عندو احترام لي نفسو نحنا م ننزل مستوانا...طوالي ماذن فكاو وركب عربتو وشال وسيم وقال لي اركبي👊👊.
مشيت على باب العربية وعاوزه افتحو عاينتة لي بسام احتقار شديد وخشمي نازف.
بسام:حتمشي معاو ي ريناد يعني في الاخر فضلتيو علي انا؟
انا:ولا حياة لمن تنادي وطلعتة مع بسام ومشينا الشقة الانحنا اشتريناها دخلتا هديت وسيم لانو لونو كان مخطوف وكان خايف شديد بعد نام نمتة جنبو وطلعتة لقيت ماذن راقد ومغمض وخاتي يدو في وشو رجعتة نمتة مع وسيم.
صحيت الصباح لقيتهم فطرو ماذن و وسيم وقاعدين يلعبو ساي👊.
صحيت مصدعة شربته الشاي و لقيت حطب دخاني وحاجات الحبس كلها قاعدة بعداك ماذن طلع فات بيتهم خليت وسيم وبديت ادخن يومين ولا بسام سأل ولا انا عبرتو👊👊 لحدي م رونق ضربت لي يوم الخميس.
انا:رونق بسم الله مالو صوتك وده منو البجعر جنبك..{زول يضحك ماف الموقف حساس😂😂}.
رونق:شجن لازم تجي هسي بسام داير يفسخ العرس.
انا:راسي بقي كبيييييير وبقيت اقول ليها ك ك كيف يعني يفسخو.
رونق:ضرب لي مؤيد وقال ليو انو م عندنا بنات لي عرس.
انا:اديني شجن.
رونق:م بتقدر تتكلم من البكى وامس بسام قرب يضربها كما امو حجزتو..انا طوالي قفلتة الخط و اتصلتة على ماذن قال لي امشي فعلا لبستة وسيم واستحميت عشان ريحة الدخان وم ظيفة احوم بيها بعد عركتة جسمي تمام ولبستة لي شربات..ومرقنا ركبتة واول م وصلتة سامعة جوطة في البيت.
لقيت اول شي ابو ناس شجن وبسام طبعا اول مرة اشوفو بس عرفتو لانو بشبهم اسمو قصي{وجعع حاج راقي} وشوية طلع فوق..دخلتة البيت بعد دخل.
بسام:مسكني من يدي انت الجابك هنا شنو؟
انا:بسام عليك الله فكني.
بسام:عاين لي كدة وعاين لي يدي وشاف اثر الدخان.. وقال ي شيخة لحقتي تدخني ليو👊..طبعا بدون م احس قشطو كف{والله بدل اصلح الاوضاع ازمتها وانا م شايفة سبب مقنع يخلي يكرهني بس هو يشوف العمى وم يشوفني👊.
فكى يدي ومسح وشو وقال لي ي بت الناس اطلعي قبلي م اشرشحك قدام الناس.
انا:بسام انا اسفة م كان قصدي اضربك.
بسام:ي بت اطلعي من هنا.
انا:بسام شجن الدخلها شنو تنهي سعادتا..
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《23》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
انا:بسام شجن الدخلها شنو تنهي سعادتا.
بسام:اولا دي اختي ثاتيا انا عارف سعادتها وين ثالثا ي ريت خليك في حالك.
انا:انت م عارف شي انت بس عاوز ترد الصاع صاعين.
بسام:ي بت اطلعي من هنا.
انا:بسام لي انت بتعمل معاي كده انا عملتة ليك شنو؟
بسام:اسمعي ي بت الناس حأديك من الاخر كدة شجن م حتتزوج مؤيد والزواج ده ملغي فاهمة.
انا:ومؤيد مالو.
بسام:بكفي انو اخو ماذن.
انا:ايواة فهمتا الموضوع كده.
بسام:اي شغلي معاي مخك ده انت مش عاوزه تعرسي عرسي لكن تديني وسيم.
انا:ش ش شنو كيف يعني اديك ليو جنيت انا جبتو من بطني دي بسام اكون صريحة معاك انا م بحبو بس كمان م أم سيئة للدرجة دي.
بسام:ريناد لو ربا معاك حيقوم انسان ملوث فاهمة.
انا:طيب اطلب اي طلب تاني..في اللحظة دي ماذن جا داخل وانا ختيت وسيم ومشيت عليو.
ماذن:ريناد حنقعد يوم الجمعة بس انت صبري وطولي بالك عليو..ومرق فات.
انا:خلاص م ماشة معاو ودخلتة جو وشجن دي مفقوعة من البكا اول م شافتني ادتني ضهرا انا طوالي طلعتة و فتحتة البرندة وقعدتاا..بليل ادخنتة وكان تاني يوم العقد كان يوم الجمعة..اثناء م برسمو لي نشفت الحنة وغسلتها واصلا الرسم فيني م شاء الله كنتة مبسوطة اخر بسطة بعد شوية جو الناس كلهم عقدو ليك مبروك مبروك كل زول ببوسني وبارك لي قبل التاني❤❤. بعد شوية عقدو على شجن❤ شجن دقت لي باركت لي وباركتة ليها اتصلتة على ماذن م ردة مرة واتنين وتلاتة..قلتة بكون مشغول مع الرجال وانا اصلا بعد الموقف داك حق شجن رفضتة اللبس زفاف..جو النسوان لبستة لي توب بالاسود وشبشب عالي وظبطة شعري والميكب اب وطلعتة ليهم اثناء م انا ماشة جاتني بت قالت لي في زول دايرك في الديوان مشيت على الديوان وكانت الصدمة..
اخش اشوف بسام شايل وسيم وابوي واقف بعاين لي.. انا:ابوي الجابك شنو؟؟اوعك تكون عملتا شي من وراي واصلا عرفتة محلي كيف لمن جيت..
ابوي ساكت خشمو م فتحو ولا قال لي اي شي فعلا كان نفسي احضنو جريت حضنتو..
ابوي:مبرووك.
انا:انفقعتة بالبكى بس وبقيت ماسكة في الجلابية حقتو.
ابوي قال لي بسام خلي بالك منها انا بعد كنتة حاضناو فكيتو.
انا:لالا ابوي ده م هو زوجي اسمو ماذن..
ابوي:لالا انا عقدتة ليك على ده.
بدون م احس القى نفسي بضرب في ابوي انت لي بتعمل معاي كدة وريني تفففففف عليك ياخ خربتا حياتي اطلع منها انا اتجاوزتك واتجاوزتة حقارتك..بس م احس الا بسام صمتني كف لمن وقعدتة وقال لي انت دايرة تربية وبقى جاريني.
انا ابوي ابوي ابوي م تخلي يعمل فيني كدة ابوي ارح برجع معاك ابوي م تخلي يعمل فيني كدة انا م بتك ابوي عاين لي انا ريناد ي ابوي وبقيت اصرخ بس ابوي كل العملو اداني ظهرو...اتفكيت من بسام بقيت ماسكة في الجلابية حقت ابوي ابوي عاين لي ابوي انا بتك ريناد ابوي م تخلي يسوقني ي ابوي ابوي انت بتكرهني لي ؟؟ ابوي بس اكتفى انو يديني ظهرو واكتفى بالصمت.. انا تف عليك تف عليك اكيد بعتني...وعاينتة لي بسام وابتسمتة..
ابوي المرة دي ادوك كم 30ولا20مليون وريني عربية ولا بيت اغراك كيف واقنعك وصفقته وقلتة ليو طلعتة زكي ونبيه وعرفتة تلعبا صح وفي الوقت الصح فعلا هدؤك م قبل العاصفة ي سيد بسام..
تاني جا بسام وبقى جاريني وانا منقهرة من البكاء خلاص حسيت الدنيا دي بضيق علي مصطفى مات وماذن اتخلى عني وبقيت اقول انا لي اي زول بقرب منو ببعدني و ببكي وبعاين لي وسيم ومشيت علي اديتو كف للحظة حسيت انو هو السبب لكل البحصل معاي دة جا بسام وبقى يضرب فيني.
صحيت الصباح لقيت بسام راقد جنبي نزلتة ولميت شعري وراسي حاسة بي خلاص من الصداع ختيت يدي في راسي واتلفتة عاينتة لي بسام ابتسم لي ابتسامة سخيفة حقت انتصار ومسافة حتن استرجعتا امس الحصل شنو لبستة هدومي سريع سريع ولفحتة توبي مشيت الديوان وتاني خشيت الغرف بفتش على ابوي م لقيتو لقتني خالتو احسان عاينت لي من فوق لي تحت وانا فهمتة نظرتا دي معناها شنو وقالت فعلا جبناك خدامة ولفيتي ولدي طبعا م اتناقشته معاها وطلعتة الاوضة فوق لقيت بسام بتكلم بالتلفون رقتة في السرير وبقيت ابكي..
جات خالتو دقت لينا الباب وقالت لينا الفطور..
بسام؛يالله.
انا:م عاوزة.
بسام:عشان م اجرك احسن تزلي..فعلا نزلتة واول م قعدتة في السفرة خالتو احسان تجدع في الكلام شمال ويمين وناس شجن كانو مسافرين الليلة ماشين يعسلو في كندا.
شجن:ي امي هسي الكلام دة لزمو شنو؟
مؤيد:شجن اهدي.
وبسام اكتفى بالسكوت...انا طوالي رميت الصحن لمن كسرتو وقتة ليها ماف داعي تجدعي الكلام قولي لي عادي اي نعم انا رخيصة وهربتا من بيت ابوي تاني في شي عاوزه تزكريني ليو وريني.
رونق:ي ريناد اهدي.
انا:اهدى كيف اهدى وريني انت المهزلة الحاصلة دي عاجباك؟؟اسمعوا هنا واحد واحد انا رخيصة وم ناوية انعدل وي ستي انا م طلبتة من ولدك يعرسني وصلت.
بسام بعد سمع كلامي قام قشطني كف لمن خشمي نزف..
انا:اي ده الشي بس البتفلح ليو تمد يدك علي امك من جبيل بتجدع..
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《24》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
انا:اي دة الشي الانت بتفلح ليو تمد يدك علي وامك من جبيل بتجدع في الكلام لي م سألتها.
بسام:عشان هي م قالت اي شي غلط.
انا:طوالي ركبتة فوق وبقيت قاعدة بس م عارفة شمالي من يميني..جا مؤيد دقة لي الباب ودخل.
مؤيد:ريناد انت كويسة؟
انا:اي شكرا على السؤال...انت ماذن وين؟؟
مؤيد:ماذن سافر على فرنسا من جاو خبر انو ابوك عقد ليك على بسام.
انا ايواااة واكتفيت بالصمت...
بسام:انا م عرستك الا عشان وسيم خليك عارفة..كويس ولو في اي لحظة قلتة حأتزوج م تستغربي لانو مستحيل اواصل معاك..فضل يقول لي انو انا وحدة مقطوعة من شجرة وم لي زول وبت م كويسة لحدي انا م صدقتة كلامو واقتنعتة حتت انو اي زول بسيبني عشان انا رخيصة...وفتح اللابتوب بقى شغال وشايل وسيم في ركبو..
انا:اتغطيت لحدي وشي وبقيت راقدة..قريب الساعة وحاجة..
بسام جا طبطب على وشي..ريناد قومي عشان بكرة حنسافر على فرنسا..ومرق تاني جا لقاني متقلبة على بطني وكورك انا مش قلتة ليك قومي وشال الغطا واتفاجا بأنو الغطى كلو دم وانا قاطعة شرياني..الفرش كان ابيض..بس وشالني وجرا وضربات قلبي خلاص بقت تنخفض وجسمي كلو بقى بارد وانا م بين واعية وم واعية...وصلتة المستشفى بعد ركبو لي درب وادوني كم حقنة ربع ساعة وفتحتة وكان دمي ضعيف وقالو لازمني نقل دم بس بسام ابى وفات جاب لي قضيم و بليلة حاجات بترفع الدم..
بسام:اشربي العصير ده.
انا:ما عاوزة وماف داعي وشكرا ليك.
بسام:انا م بعزم فيك انا بجبرك فاهمة.
شلتة العصير من سكات شربتو جاب لي البليلة اكلني كورة..وبتا في المستشفى كل دقيقة ي عصير ي اكل بليلة تاني يوم كان معدل دمي كويس وخرجوني ومن المستشفى للمطار وسافرنا فرنسا وانا اصلا م عارفة الحاصل شنو ولي اصلا نحنا مسافرين...بعد وصلتا حتن عرفتا انو بسام عندو شغل وقال لي تنزلي مش عندك منحة دراسية؟؟
انا:لا م عاوزة اقرى ولا شي..مضى اسبوعين على الحالة دي انا م بتكلم لا مع بسام وبقيت بكرة وسيم و بحاول ابعدو مني واكل وانوم..مرقتة لقيت كتب و سيدهات حقتي انا الحاجة الفاتتني وكتب شلتها دخلتا بيها غرفتي وفتحتة اللابتوب بتاعي وبقيت اراجع واخت خطوط تحت الحاجات المهمة وكدة...قريت كويس كدة ومشيت كويس في الحاجات الفاتتني👊👊..حسيت نفسي جعانة مشيت على المطبخ شايفة بسام جواو طوالي لفيت عاوزة ارجع هو لاحظ لي{بقيت بتجنب الاحتكاك بيو نهائي}قال لي تعالي عادي اصلا انا طالع منو لفيت تاني رجعتة دخلتة المطبخ فتحتة التلاجة شلتة قارورة موية و تفاحة واثناء م انا طالعة بسام مسك يدي ورفعا فوق وانا بقيت احرك في معصمي عشان اتفكا منو عاين للعلامة لمن حاولتة انتحر وقال لي ريناد انا اسف م كنتة عاوز اغصبك على شي يوم العرس لكن انتي جبرتيني لمن اتصرفتي بعدوانية مع ابوك تاني سكت مسافة وهو لسة ماسك يدي وتاني قال وم كنتة عاوز اسيء التصرف او اسيء ليك بي اي كلمة وم كنتة عاوز اضربك..
انا:عادي ولا يهمك اتعودته والموضوع بقى مبأثر..
وفكيت يدي منو ومشيت..يوم صحيت جسمي كلو مكسر وم قادرة اقوم واليوم كلو راقدة وم بقدر اتحرك عاينتة لقيت تلفوني جنبي شلتو اتصلتة على بسام.
انا:انت وين؟
بسام:في البرندة.
انا:تعال لي في غرفتي..جاني داخل.
بسام:مالك؟
انا:بسام انا م قادرة اتحرك..جا علي حرك لي رجلي بقيت اصرخ وي الله قومني من السرير مشينا المستشفى ..عملنا كم صورة وشوية تحاليل.
الدكتور:عندك تخمة.
انا:كيف يعني.
الدكتور:الشحم ضاغط على العضام.
انا:دكتور وزني49كيلو.
الدكتور:والمانع شنو كونو تجيك تخمة وريني بتقضي يومك كيف؟
بسام:اكل ونوم.
الدكتور:بس لازم تتحركي والزول لمن وزنو يذيد وهو بتحرك بكون شي طبيعي بس وانت م بتتحركي بكون التأثير سلبي..
وطلعنا على كدة بقيت اتبع تقارير الدكتور بس يا الله عشان اتكلم مع بسام..في يوم.
وسيم من اصبحت ببكي وانا شغالة اقرى بس لمن خلاص صراخو ذاد دخلتة اصابعي في اضنيني..بسام جا مارق لقى ببكي شالو وهداو وجاني مارق..
بسام:انت م شايفة وسيم ده ببكي بطريقة ظي انا قلتة م معاو زول تطلعي قاعدة..
انا:عاين لي هنا انا بكرهك وبكرهو معاك ولو اختصرتو نفسكم يكون احسن..بقى بسام يراقب تصرفاتي كلها..
جاني من الصباح قال لي قومي اللبسي.
انا:على وين؟؟
بسام:قتة ليك اللبسي..لفحتة اقرب توب ودخلتة فيو..
وصلنا مستشفى انا في زول عيان..بسام م ردة علي لحدي م دخلنا على دكتور والظاهر انو سوداني وبعرف بسام وتقريبا هم من نفس العمر..سلم عليو وقعدنا..
بسام:دي مرتي وعاوزك تتابع معاها.
الدكتور:جدا اهلا انا دكتور احمد.
انا:يتابع معاي شنو انا كويسة.
بسام:لا م كويسة انت م ببتكلمي معانا وبتكرهي ولدك و بقى يتحسس من الحتة دي انت لي م عاوزة تفهمي انو وسيم بدا يكبر وبفهم.
انا:انت م عندك دخل في حياتي احرق اولع اكرهو احبو ي ريت تخلي حالك في حالك.
دكتور احمد:اهدو انتو الاتنين.
انا:وانت دكتور شنو اصلا.
دكتور احمد:انا طبيب نفسي.
انا:اخر م توصلتا ليو تطلعني..
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《25》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
انا:اخر م توصلتا ليو تطلعني منفسنة ي بسام.
دكتور احمد:لالا م كدة بس انت لمن تطلعي الجواك بتقدري تتأقلمي مع الوضع وترجعي لي حياتك الطبيعية.
بقى بسام يجيبني الجلسات بالغصب وانا خشمي م كنتة بفتحو بي اي كلمة{مرازة بس}.
دكتوراحمد:ي بسام ماف فايدة هي م بتحكي بي اي شي.
بسام:والحل ي دكتور.
احمد:والله بس حأسألك انت ريناد دي كانت كدة تصرفاتها مع وسيم من بتين؟؟
بسام:من م اتولد ريناد م محتكة بيو نهائي تعاملها معاو سطحي التقول م ولدا حتى انها م حصل مرة لعبتو ولا اي شي..
احمد:اها م لاحظتة شي غير كده.
بسام:ريناد دي م بتلبس غير اللون الاسود ولا لون م بتلبسو.
احمد:طيب انا عاوزك تلبس ليها ملون وتلاحظ ردت فعلها مع كل لون.
بسام:ياهو الفضل ابقى ليها طيور الجنة انا اصلا الشافعة دي م عندي ليها حاجة هاميني وسيم وبس.
احمد:هههههه طيب م حصل طلبت الطلاق؟
بسام:ابدا ولا بتجيب سيرتو..واتكلمو مسافة.
احمد:كويس الشي الفهمتو انك انت م ابو طيب ابو منو وين؟
بسام:انا م عارف اي حاجه والله وهي م بتجيب سيرت الموضوع نهائي ولو انسألت م بتجاوب.
احمد:معناها الحل في شخصتين ماذن وابو وسيم ديل حيكونو العلاج اول شي تتجاوب مع ماذن وتتفهم فكرة انو هو خلاص برة حياتها وتحاول تتقبلك بس قبلي كدة لازم تتقبل وسيم..فهمتة يعني لازم نحنا نمسك طرف الخيط في حياة الزولة دي..
فعلا بسام بقى كل يوم يلبس لون قدامي وانا اعاين ليو بس لحدي م جا يوم ولبس احمر طبعا انا بس دموعي رغرقو وبقبت بس شايفة صورة مصطفى قدامي.. وجريت على اوضتي م مرقته طول اليوم بسام اتصل على احمد وحكى ليو واتفقو على شي..
تاني يوم مرقتة لقبت ديكور البيت كلو احمر في احمر انا حسيت بي ضيق..
انا:بسااااام ده شنو.
بسام:وانتي شايفة شنو انا بموت في الاحمر.
انا:ي تغير الزفت ده ي اطلع اخلي البيت لبستة توبي ومرقتة..بسام جا لاحقني وقال لي بغيرو بغيرو فعلا رجع الديكور زي م هو..
تاني بسام فات لي ماذن فعلا اتقابلو ماذن رفض انو يتفاهم مع بسام..
بسام:خلاص عشان خاطر ريناد..من بسام قال لي ماذن كدة ماذن وافق فعلا وعمل الشي الطلبو منو بسام.
تاني يوم سامعة صوت الجرس مشيت فتحتو لقيت ماذن طبعا بقيت بعاين ليو بس م اتواصلته معاو خشيت اوضتي جا بسام دخلو وقعدو في غرفة وسيم والغرفة التانية جاي فيها دكتور احمد ومرتو{البيت بقى تكية} وهو جا قعد معاي في غرفتي برضو الحال في حالو تعاملي معاهم واحد...هبة حاولت تدخل فيني فعلا دخلت وبقينا اصحاب.
انا:هبة انت م عندك بيبي؟؟
هبة:لا لسة بدري واصلا م فكرنا.
انا:اها متزوجين ليكم كم سنة؟؟
هبة:سنتين.
انا:لا حبيبة بعد كدة شدي حيلك😂😂.
هبة:بعد تشدي حيلك انتي وبعدين ي ريناد انا زاتي م بشوفو كتير وانا زاتي مشغولة بي قرايتي{بتقرى في طب}وطبعا احمد وبسام اصحاب شديد..بعدين انت م بتشكي من بسام م بجيك متأخر.
انا:ويجي متأخر لي قال{في قلبي قتة يومو كلو في وشي}.
هبة:م هو برضو دكتور.
انا:😳😳 اندهشتة{اول مرة اعرف😂}تاني بعداك م فتحتة خشمي واخفيت الدهشة.
وتاني قطعنا سيرتهم وبقينا نتونس عادي..بعداك مشيت كان اودي عصير لي ماذن في الغرفة..وبسام قاطع وجاي داير يشوف الحاصل.
هبة:تعال اقعد وشغلت الكميرا وبقو شايفين وسامعين طبعا ركبو كميرات مراقبة عشان يشوفو تصرفاتي.
ماذن:م صحت لينا فرصة عشان نتكلم في الشي الحصل.
انا:ولي الحصل شنو؟
ماذن:اقعدي خلينا نتفاهم..انا قعدتة واتربعتة في الواطة.
بقينا نتكلم في الحاجات الحصلت فعلا اتصافينا وبقينا نتونس عادي..
احمد:اها كدة حلينا موضوع سيد ماذن..فضل ابو الوسيم.
بسام:اتصل على رونق بس رفضت تاني يوم مرقو كلهم وخلو لي وسيم اول م صحيت لقيتو نايم في حضني اتخلعتة ونزلنة بقيت بعاين ليو بس ومرقتة خليت ليو الاوضة وبقبت اتنفض...واقول اخخخ..طبعا هبة لمن بكت وقالت معقول في ام بتتصرف مع ابنها بالطريقة دي حرام هو لسة شافع.
بسام رسل الفيديو لي رونق بعداك رونق حكت ليو الحكاية من اولها..لحدي م وصلت الخرطوم..بسام ختة يدينو في راسو قال معقولة البت دي كانت متزوجه و عمرها12سنة وطلب منها صورة لي مصطفى و وقالت ليو في صندوق لونو وردي لو جابتو فيو جوال فيو صور لي مصطفى.
فعلا بسام خلاني نايمة ونكت الصندوق وفتحو وفتح مزكراتي والصندوق حق الاحلام..وشكر هبة واحمد و ماذن وكلهم فرو..
في يوم صحيت مصدعة صداع وجسمي نار وم قدرتة اقوم واليوم كلو راقدة لمن ليلت وصحيت الصباح لقيت وسيم راقد وشايل مكمدات ويخت لي في جبيني وراقد جنبو بسام..طبعا بقيت اعاين ليو وسيم كل شوية يخت يدو في جبيني ويشوف حرارتي وكان باين التعب في عيونو اول م شافني فتحتة زحة يدو وعاوز ينزل..
انا:اخسسس تمش وتخلي ماما عيانة.
وسيم:لالا م احلي ماما نزلتة وشلتو وبقبت ابوس فيو وحضنتو وبقيت ابكي في حين انو انا طول طفولتو م لعبتو ولا حصل ساهرتة معاو وهو عيان كنتة بنوم وم كنتة بحب اشيلو...
اليوم داك قضيتو كلو لعب مع وسيم..
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《26》❤🩹
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
اول مرة اعرف انو وسيم متعلق بي للدرجة دي وبحبني كدة❤❤ صحا بسام وقال لي شنو التغيرات الحاصلة دي..
انا:ولا شي..وقضيت يومي عادي جا بسام جاب لي توب وقال لي ماشين ناس هبة لونو احمر عاينتة لتوب وم قلتة ليو شي وطلع فات الشغل اول مره اعرف انو بسام خريج طب ومن جامعة فرنسية ومتخرج بي امتياز.
فتحتة ضلفتو لقيت توب اسود قريب لتوب الاحمر رجعته الاحمر ولبسته الاسود لمن شافني م قال لي شي مشينا وقيلنا لمن جينا راجعين نومتة وسيم.. دخلتة غرفتي وملصتة توبي الاسود جا بسام قال لي قبلي قبلتة ربط لي عيوني وقال لي مفاجأة...تاني م احس الا بي يدينو في خصري.
انا:بسام انت بتسوي في شنو.
بسام:اصبري قلتة ليك...بعد شوية فكة الرباط من عيوني لقيتو ملبسني التوب الاحمر وحاضني بي ورا قال لي شايفة اللون دة بليق بيك كيف و نحنا لايقين على بعض اكتر الثنائي المثالي...ريناد انا عارف اي شي.
انا:وعرفتة كيف؟؟
بسام:م مهم المهم انو انا اسف وانو نحنا مع بعض تاني لفتني عليو وختة يدينو حولين خصري وقرب علي شديد لدرجة انو انفاسو اختلطت بأنفاسي انا طوالي اتفكيت منو ولزيتو وطلعتو برة غرفتي عاوزة اقفل الباب مسك يدي وبقى يرجع في الباب لحدي م فتحو..
بسام:ريناد نحنا لبتين حنكون عايشين زي المطلقين انا زوجك فاهمة لازم تتقبليني وتحاولي تتأقلمي.
انا:حاضر..
بسام:بتوعديني؟؟
انا:بوعدك..
بعداك طلع خلاني قفلتة الباب ورقدتة وبقيت بفكر في كلام بسام لحدي م نمتة في نومتي دي رجعتة بقيت احلم بكل الاحداث الحصلت معاي مصطفى محمد ماذن لحدي م عقدو لي على بسام قمته مخلوعة اتكتفتة وقلته هسي لي انا كل حاجة احلم بيها بتحصل ي رب ثبت ايماني كبيت لي موية شربتة تاني يوم برضو نفسي شي بقيت بضايق لمن جسمي بقى مرهق بقيت م بعرف انوم كل م انوم بحلم بي شي..
بسام:كانو الفترة دي م قاعدة تنومي.
انا:بسام انا تعبانة م بقدر اركز م بقدر انوم..م بقدر اذاكر حتى..
بسام جاب اللابتوب والكتب وبقى يراجع لي وشغال معاي راجع معاي لحدي الساعة8..واي واحد فينا فات على غرفتو..انا م قدرتة انوم بقيت اتقلب يمين و شمال واكتر شي مخوفني بقبت احلم بي وسيم كأنو ببعد مني وده شي كان بالنسبة لي كابوس..نزلتة مشيت لقيت بسام شغال باللابتوب اول م شافني قال لي تعالي خشيت قفل اللابتوب ورقدني في حضنو❤ وبقينا نتونس كل الليل وخلاص قررنا انو ماف طلاق حنواصل مع بعض بعد انا حبيتو وعرفتة انو تصرفاتو معاي كلها عشان كان بحبني❤..
انا:بسام انت من بتين بتحبني؟
بسام:والله م عارف امكن من حسيت انو ماذن بقى يشاركني فيك وبقى قريب ليك.
انا:اهااا يعني انت كنتة بتغير من ماذن.
بسام:وشدييييييييد كمان...انت عارفة انا اعجبتة بيك اول مرة كنته بتكلم في التلفون وانت كنتي تحت بقبت بعاين ليك من فوق بس...والشي الحببني فيك برغم من انك اربعة سنه عايشة براك ريناد م حصل يوم ضعفتي كنتي انسانة قوية وحافظتي على نفسك❤ وكنتي بتعرفي حدودك كويس واحلى شي ردك الساخن انا بقبت كان م اختلفتة معاك خلال اليوم يومي م بمر نهائي بقيتي بالنسبة لي ادمان❤...وانتي حبيتيني بتين؟
انا:لا انا م بحبك.
رفع راسو وقال لي جد؟
انا:يب يب م بحبك...قال لي نشوف وبقى يقرب مني.
انا:بسام ياخ عيب..
بسام:عيب في عينك😂😂 ي بت انت مرتي.
انا:برضو عيب😒😒...بعدين وسيم هسي بصحى👊.
بسام:خلي يصحى...تاني يوم الصباح.
بسام:صباحو.
انا:صباح النور.
بسام:قومي سوي لي الشاي.
انا:يشوي عنقرتك جسمي كلو مكسر😒😒وانت هامك الشاي.
بسام:اصلوو م ممكن المكسرو شنو😏😏..
انا:بسام بطل قلة ادب👊.
بسام ضحك ضحكة سخيفة وفي نفس الوقت خبيثة وجا رقد جنبي وقال لي صحي جسمك مكسر😂😂..
انا:بسام اقطع وشك ده مني لانك قليل ادب وشديد كمان ودايرة اقوم مسكني وقال لي ارتاحي انا بسوي ليك الشاي❤..
بعد 18سنة..
وسيم:صحي النوم ي احلى ام لاني محضر ليك مفاجاة.
انا:بسام تعال امسك ولدك ده مني.
بسام:وسيم خلي امك في حالا ماشيفها مشغولة وصحي اخواتك ديل..
وسيم:ورد و وفاء قومو اصحو ي رخمات وي بايرات.
ورد:باير انت ي كان في البلاء م قادر تحنك وعد لي هسي.
انا:وعد منو ي ورد؟
ورد:ماما انت عجزتي وعد بت هبة.
بسام:منو البقول عن جكسويتي عجوز😂😂.
انا:😒😒 غايتو اللهم لا اعاقة.
وسيم:ي وفاء الطيارة حتفوتنا بي سببك.
انا:وسيم المفاجأة شنو؟
وسيم:احلى مفاجاة لاحلى ام.
نزلنا السودان كلنا و جينا قدام عمارة كبيرة مكتوب عليهت عمارة الدكاترة.
انا:بس انا م دكتورة👊😒.
بسام:اي خربتي الرصة😂😂 امش اشوف لي دكتورة اعرسة.
انا:ي راجل م تستحي ولدك خاطب.
دخلنا واتفأجأتة انو في رونق وراجلها و شجن وهبة ومحمد وسعاد واخوات وسيم❤..العمارة دي فأجاني بيها وسيم ولمة شمل العيلة..متحيرين صح.
انا من بسام جبتة ورد و وفاء ومتزكرين محمد ابو وسيم عندو ريم ورهف محمد بقى ولد بين خمسة بنات وعلاقة بسام و وسيم ماشة بي سلاسة وسيم اتفهم انو بسام م ابو لكن هو الرباو..
H. N★
•••••••••••••••••••••••••••••••••••••••••••••••••••••••••••
#اسد~في~زمن~الذئاب《27》❤🩹
#♡الاخــــــــــــــــــــــــــــــــــــــــيرة♡
By:Hadeel~Nabil
ــہـ٨ــــہہہـ٨ـــ٨ــــہہہـ٨ـــ٨ــہہـ٨ــــــــــــ★★★
وسيم بقى الولد البار برغم من انو كان بعيد عن ابو بس احترمو وجابو وعزاو وبحب اخواتو...انا م اتوقعتة انو بسام هو يكون الاسد دة في يوم من الايام عقلتو مختلفة وم بنفهم على بعض وحتى وجهة النظر مختلفة بس الحب بغطي اي شي❤ لغة الحب براها كفاية بسام كان بفتش وبشوف الاحسن لي ريناد وبيتخذ جميع القرارات لحدي م ريناد اتعلمت وعرفت انو العملو كلو عشانها عشان مصالحها...نزلنا السودان عشان زواج وسيم من وعد بت هبة(ارجعو بألحداث دكتورة هبة ودكتور احمد) و ورد بتي من مهندس كمال
وسيم:ي مزة جبتة ليك فستان حياكل منك حتة❤.
انا:وانا اللبس فستان لي مستحيل.
بسام:عرس ولدك ي مرة لازم تعزيو.
فعلا حجزنا الصالة ويوم الزفاف انا و وسيم في عربية و ورد وبسام في عربية و وعد وهبة في عربية و كمال و هاجر في عربية{ام كمال}.نزلنا رقصنا اسلولي انا و ولدي😂😂 وبسام و ورد وكمال وهاجر و وعد و احمد بعداك اي زول استلم موقعو انا رجعتة لي بسام و وعد وسيم و ورد وكمال وهاجر و عبدالله واحمد وهبة كلنا في الساحة واي جوز لوز مع بعض❤❤..بعداك خلينا العرسان مع بعض{وعمرو العمر م بأثر في المشاعر ريناد ام ثلاث اولاد لسة بألنسبة لي بسام المراهقة زات17سنة الشافها اول مرة...وهو بالنسبة ليها الشاب الطايش الحشور الما بخليها في حالا❤ الله يرزق الجميع الحب الحلال❤)
....بسام بحبني زي بتو حتى في تعاملو معاي طلعني من الازمة النفسية الانا كنته فيها و تجربة وحدة فاشلة م معناها انو التجربة التانية حتكون فاشلة..
بسام:ي جماعة ارح نفتح مستشفى.
وسيم: انا موافق.
شهد:انا بممول المشروع م نحنا بقينا من كبار التجار😌.
شجن:انا م عندي مشكلة.
رونق:ولا انا.
رماح وريم:ظابط.
انا:افتحوها لكن شجن دي م تدخلوها غرفة العمليات 😂😂 بتشوهة سمعة المستشفى.
شجن:اه ي زبالة😂😂.
بسام:انا معاك ي حبي❤👊.
وسيم:ي مزة انتي م ترجعي تقري طب.
انا:مستحيييييييييييل دي ستة سنة ي ابني بعدين انا مبسوطة بالغات بتعتي من دولة لي دولة❤.
بسام:ده م كان حلمك اقري ياخ.
انا:دي قراية بعد عمري ده ولا بقرى ولا شي قراية وامتحانات ابيييييييييت.
صراحة بعد اصرار وافقتة و سجلتة في الجامعات المفتوحعة عشان شغلي وكده..
ي عالم التعليم م بخلص والتجارب م بتخلص الرواية دي اتناولت زواج القاصرات_زواج الارامل_زواج المطلقات_تعامل الازواج مع ابناء الزوجات والعكس.
استروهن م تدفنوهن☺☺ ريناد عندنا في السودان موجودة وبكثرة...ي جماعة المرة دي الجنس الاخر او الجنس اللطيف م بتتحمل الضرب هو فيها شنو عشان تنضرب {رفقا بحواء ي ادم} وعادي الوحدة يكون عندها ولد تتزوج عمرو الحلال م كان عيب العيب انو نحنا ننظر ليها بطريقة م مريحة ... م عيب انت كأب تفتش لي مصلحتها بس العيب انك تفتش مصلحتك..م عيب انت كشاب تساعد ليك بنت م ليها لا حول ولا قوة العيب انو انت مقابل انك ساعدتها تكون عاوز تستغلها..بسام ساعد ريناد وقعدت معاو تحت سقف واحد لمدة اربعة سنوات م حاول ولا مرة ولا فكر حتى انو يستغلها...
عاوزين نعاين لي الناس بنظرة صحيحة نعاين لي مشاكل المجتمع بأكتر من وجهة نظر...ان شاء الله الفكرة تكون وصلت وبقول للبنات التعليم مهم للبنت زي م هو مهم للولد كحد سواء اتعلمو وسامحو وحبو مرة ومرتين وتلات لحدي م تلقو الزول الصحيح❤..الدنيا م بتتوقف على وجع ولا على شخص...وي بنات العمر مرة اختاو الانسان الصحيح عشان تكملو معاو وقبلي م يكون زوجك وصاحب الامر الناهي يكون صديقك الانسان البفكر فيك سعادتك زعلك حزنك الانسان البسندك لمن تقعي وعمرو المرأة م كانت جسد المرة روح احساس كيان امان ودفى وطمئنينة....
ان شاء الله تكون كل الجوانب الاتناولتها الرواية وصلت و الفكرة تكون وضحت ورايكم بهمني عشان اواصل رايكم في الرواية❤..
النهـــــــــــــــــــ❤ـــــاية
التسميات
روايات حزينة