الهاربه
#بقلمي_فاطمه_السر
#الهاربه《01》
#بقلمي_فاطمه_السر
( كيف يعني? انتي بتقولي في شنو? صوري انا? كيف يعني? حسام ده حقير و كلب و داير يبوظ العرس بس...... يعني اسي انا اعمل شنو? امشي وين?? ...... م عندي قروش تقعدني في فندق كل قروشي خلصت في شرا الشيله.. الله يلعن حسام و ساعتو...اسي انا امشي وين? ..... طيب طيب ي ليلي حاتصرف و بضرب ليك اطمنك....... ااي حاقفلو يلا انا شلتا شنطي و طالعه..... حاضر حاضر.....م تقلقي....يلا سلام)
و قفلت الخط... و انا متوتره شديد..شلتا شنطتي و لفيت طرحتي كويس و مشيت علي الكافتيريا و انا خايفه و متوتره.. تلفوني دقي عاينت لقيت رقم اخوي ماجد خوفتا شديد و قفلت تلفوني بسرعه... لقيت بت و مرا قاعدين قلتا ليهم :( ممكن تخلو بالكم من شنطي دي)
و مشيت محل اشتريت شريحه جديده و شغلتها في تلفوني بقيت بفكر ممكن اضرب ل منو.. استنجد ب منو...م عندي اصحاب ممكن يستقبلوني في بيتهم و صحبتي الوحيده برا السودان و اهلي م ممكن امشي عندهم لانو الموضوع اكيد وصل ليهم و اخوي و ولد عمي ممكن يصلو لي.. طلبت فنجان قهوه و بقيت بفكر... جا زول في بالي بس رفضتا قلتا في نفسي:( مراد?? لالا مستحيل..ده زعلان مني و ممكن يطردني عديييل...... ي رب اعمل شنو.. مراد جدع و ولد بلد و حق شدايد ذي دي... حاعمل العلي و اتصل عليهو وافق خلاص م وافق بخليهو)
شلتا التلفون و طلعتا رقمو و انا متردده بعاين في الرقم في الاخر اتصلتا ليهو....دقي كتير بس م ردا.. قلتا يمكن م عارف رقمي.. رسلتا ليهو مسج.. قلتا ليهو..( مراد رد علي انا ملك)
بقيت بدق تاني...بعد 10 دقايق ردا علي صوتو كان صوت زول نايم..
مراد بخلعه:( ملك? خير في شنو?)
قلتا ليهو:( مراد وين انت?? )
مراد:( في البيت نايم)
قلتاليهو:( مراد معليش انا اسفه بس ممكن تجيني المطار اسي)
مراد اتخلع:( مطار? لشنو?)
قلتاليهو:( لمن تجي حتعرف سرعه بس ي مراد.. انا اسفه والله)
مراد:( حاضر حاضر مسافه السكه)
و قفل.. بقيت قاعده مستنياهو يجي.. جا دقي لي ..
مراد:( ملك انا برا جمب المطار)
قلتاليهو:( شوف في واحد من اهلي برا? ماجد او سامي? ?)
مراد اتخلع:( شنو?)
قلتاليهو:( بس شوف بعدين بتعرف)
مراد اتلفت يمين شمال م لقي زول..
مراد:( ماف زول اطلعي)
طلعتا سرعه من شفتو خليت ليهو الشنط و جريت علي العربيه ركبتا مراد جاب الشنط ختاها في العربيه و ركب..
قلتا ليهو:( اتحرك سرعه من هنا)
و اتحرك بسرعه بدون م يسالني من اي حاجه لمن بعدنا من المطار سالني..
مراد:( اوديك علي وين اسي?)
قلتا ليهو:( بيتكم)
مراد اتخلع عاين لي باستغراب..
قلتاليهو:( قول ل حبوبتك دي بت بعرفها و عندها ظروف يومين و حتمشي بس)
مراد سكت بفكر..
قلتاليهو:( مراد انا اسفه بس والله م لقيت غيرك و عارفاك م حتخزلني)
مراد:( صح م حاخزلك ذي م انتي خزلتيني)
قلتاليهو:( بعدين ي مراد ده م موضوعنا اسي)
مراد سكت و بقي سايق...
احكي ليكم عن نفسي.. انا اسمي ملك عمري 28 سنه لوني قمحي و قوامي رفيع.. عشتا حياه عاديه ذي كل الناس وضعتا متوسط.. ابوي متوفي.. عايشه مع امي و اخوي ...عندي اختي مياده الاكبر مني متزوجه و عايشه في دبي... حسام ولد جيرانا كان بحبني بجنون.. و انا علاقتي بيهو عاديه.. هو بتاع شراب و بنات و انا كنت م دايراهو عشان كده .. حبيت سامي ولد عمي و قررنا نتزوج.. سافرتا دبي لاختي اجيب شيلتي و انا و راجعه دقت لي ليلي بت عمي حكت لي قصه الصور حقتي الوراها حسام لماجد و سامي بقيت خايفه لانو ماجد و سامي صعبين شديد و ممكن يقتلوني عادي ف عشان كده استنجدتا ب مراد..
مراد شاب في التلاتين.. اسمر و وجيه شديد شغال في بنك.. امو و ابوهو متوفيين..عايش مع حبوبتو.. عندو عماتو اتنين وحده برا السودان متزوجه و التانيه قاعده هنا.. و عندو عمو متزوج و عايش هنا..
مراد جايب ل حبوبتو شغاله بتخدمها و تهتما بيها عشان هو شغال و م بقعد معاها كتير في البيت..
دخلنا بيت ناس مراد..كان الساعه10 بليل.. كان بيت ارضي م كبير شديد فيهو نجيله برا صغيره و حلوه شديد فيهو كميه ورد و شجر.. شكلو هو او حبوبتو بحبو الزراعه..قدرتا افسر نظرات مراد لي.. حسيتو م عايزني او قرب يطردني.. انا العملتو فيهو م بسيط..
مراد:( حبوبتي نايمه.. تعالي براحه)
مشينا علي غرفه فتحها..
مراد:( دي غرفه الضيوف حتقعدي فيها)
قلتاليهو:( شكرا ي مراد)
مراد:( العفو.. دايره تاكلي او اي حاجه?)
قلتاليهو:( لا شكرا)
مراد اشر لي علي المطبخ:( داك المطبخ لو احتجتي حاجه.. حامشي ادخل ليك شنطك عشان حانوم)
قلتاليهو:( طيب)
دخلتا الغرفه و هو مشي..
قعدتا في السرير و بقيت بعاين في الغرفه فيها سريرين و دولاب و كنبه صغيره كانت نضيفه و مرتبه..
جا داخل مراد ختي لي شنطي ..
مراد:( تصبحي علي خير)
قلتاليهو:( شكرا ليك ي مراد ..و انت بخير)
طوالي طلع مشي..
فتحتا شنطتي شلتا غياري و طلعتا الحمام برا استحميت و غيرتا و جيت رقدتا في السرير حسيت روحي تعبانه شديد بس مقلقه.. شلتا التلفون ضربتا ل ليلي..ردت ..
ليلي:( الو)
قلتاليها:( ليلي دي انا)
ليلي بخوف:( اقفلي اقفلي بعد شويه بضرب ليك)
و قبل م ارد عليها قفلت.. كنت سامعه جمبها صوت جوطه شديده عرفتا موضوعي كبير شديد.. بقيت مقلقه م قادره انوم بقيت ماشه و جايه في الغرفه.. بلعن في حسام و اليوم العرفتو فيهو..
بقيت مستنيه تلفون ليلي نمتا و انا م واعيه بشي.. صحيت بالتلفون عاينتا لقيت رقم ليلي رديت بسرعه..
ليلي:( الو.. ملك)
قلتاليها:( ليلي ليه اتاخرتي كده?)
ليلي:( ليلي عايني انا م عايزاك تقلقي بس خالتي تعبت و وديناها المستشفي)
انا اتخلعتا و صرختا:( امي مالا?)
ليلي:( قلت ليك كويسه بس تعبت شويه من الحصل)
قلتاليها:( انتو ياتو مستشفي?)
ليلي:( ملك اوعي تفكري تجي كلمتك)
صرختا فيها:( قولي ياتو مستشفي)
ملك:( مستشفي.......)
طوالي قفلتا الخط و فتحتا شنطتي لبستا عبايه و طلعتا بقيت بعاين في الابواب المقفوله بفتش في غرفه مراد.. مشيت علي باب فتحتو عاينتا براحه لقيت حبوبتو نايمه قفلتو و مشيت الباب البعدو فتحتو لقيتو الصالون مشيت علي اخر باب فتحتو لقيت مراد راقد نايم.. الساعه كانت 3 صباحا.. مشيت عليهو هبشت في كتفو.. قلتاليهو بصوت واطي:( مراد.. مراد اصحي)
و انا دموعي نازله.. مراد صحي مخلوع بعاين لي..
قلتاليهو:( امي تعبت ودوها المستشفي و انا ماشه اشوفها)
مراد:( نعم? انتي مش هاربه منهم?)
قلتاليهو:( ااي بس دي امي لازم امشي اتطمن عليها)
مراد:( تمشي كيف بس م حيخلوك?)
قلتاليهو:( خليهم يقتلوني بس اشوف امي.. الحصل ليها كلو بسبيي)
مراد:( اتطمني بالتلفون ي ملك)
قلتاليهو:( حتوديني وله امشي براي?)
مراد سكت مسافه شكلو زهجان شديد..
مراد:( هم بعرفوك و بعرفوني...ندخل كيف بس...لو م بعرفوني كنت مشيت اتطمنتا ليك عليها)
قلتاليهو:(ارح نصل المستشفي و بعدين ربنا بحلها)
مراد قام من السرير و شال المفتاح و قال لي:( ارح)
طلعنا مشينا انا طول السكه ببكي و خايفه علي امي شديد.. امي هي كل م فضل لي في حياتي..
وصلنا قريب من المستشفي عاينتا برا لقيت خالتي و سامي ة ماجد و كم نفر من اهلنا..
مراد:( كلهم برا م حتقدري تدخلي)
قلتاليهو:( خليهم يقتلوني بس اشوف امي)
مراد:( انتي منو القال ليك امك تعبانه?)
قلتاليهو:( ليلي)
مراد:( اتصلي عليها اتطمني علي امك و خلاص)
شلتا التلفون اتصلتا علي ليلي..ردت..
ليلي:( الو)
قلتاليهو:(ليلي انا تحت جمب المستشفي)
ليلي اتخلعت:( اوعي تدخلي ديل كلهم هنا)
قلتاليها:( اي شايفاهم.. امي كيف?)
ليلي:( سكريها مرتفع و ادوها حقنه مهدئه و اسي نايمه)
بقيت ببكي..
قلتاليها:( هي كويسه?)
ليلي:( اي احسن اتطمني م تبكي)
قلتاليها:( دايره اشوفها)
ليلي:( بحاول اخليك تشوفيها بس م اسي)
قلتاليها:( لا اسي)
ليلي:( م ينفع ارجعي ي ملك انا بطمنك بالتلفون)
مراد شال مني التلفون و قال :( الو)
ليلي باستغراب:( مرحب)
مراد:( انا مراد ي ليلي)
ليلي اتخلعت شديد..
مراد:( خالتو سميه مش كويسه?)
ليلي:( اي كويسه طمنها ي مراد)
مراد:( تمام طيب حاطمنها.. انتي ابقي طمنينا)
ليلي:( طيب)
مراد:( يلا سلام)
و قفل و مشي بالعربيه طوالي و انا لسه ببكي...
مراد:( م تبكي امك كويسه)
قلتاليه:( ادوها حقنه مهدئه عارف يعني شنو? الله يلعنك ي حسام.. الله يلعنك)
مراد:( هو حسام كمان داخل في الموضوع?)
قلتاليهو:( هو السبب في البلاوي دي)
مراد:(زمان قلت ليك م تديهو وش بس انتي م بتسمعي الكلام)
قلتاليهو:( ود جيرانا و في مقام ماجد اخوي اعمل ليهو شنو يعني)
مراد:( اختصريهو.. انتي براك اديتيهو وش ونسه و ضحك و يجي يشرب عندكم القهوه.. حذرتك منو.. حق شراب و ملفو كلو اسود م بتسمعي الكلام)
قلتاليهو و انا بكورك:( هو براهو مجنون انا م عملتا شي)
مراد:( خلاص اهدي اهدي)
بقينا ساكتين طول السكه وصلنا البيت دخلتا غرفتي بسرعه و قفلتا الباب..مراد جا وقف جمب باب غرفتي داير يدقو بس تاني اتردد.. في الاخر مشي غرفتو و خلاني..
تاني يوم صحيت الصباح و طلعتا الصاله لقيت حبوبه مراد اسمها زهره قاعده في الصاله و بتحضر في التليفزيون .. خوفتا م عارفه مراد قال ليها شنو عندي...و يمكن م قال ليها اصلا.. بقيت ماشه عليها براحه.. اتلفتت لي و ابتسمت..ن
زهره:( اهلا ي ملك تعالي)
فرحتا ب ترحيبها لي...مشيت عليها حضنتها و سلمتا عليها..
زهره:( بقيتي كيف? نمتي كويس?)
قلتاليها:( اي الحمدلله)
#الهاربه《02》
#بقلمي_فاطمه_السر
زهره:( اديك شاي وله تفطري? انا لسه م فطرتا)
قلتاليها:( بشرب شاي)
زهره نادت علي الشغاله:( حوا...حوا جيبي شاي مضبوط ل ملك)
زهره:( اخبارك شنو?)
قلتاليها:( كويسه الحمدلله.. انتي كيف صحتك ي حجه?)
زهره:( تمام ي بتي الحمدلله)
حوا جابت الشاي مقنن رهيب و مظبطو بقيت بتونس مع حجه زهره طلعت طيبه و حنينه بالجد.. عرفتا مراد طالع لمنو...
فطرتا مع حجه زهره كانت ظريفه و اتونست معاي ونسات عامه م سالتني من اي حاجه خاصه..
للغدا جا مراد اتغديت معاهم و دخلتا رقدتا في غرفتي.. كنت بتطمن علي امي كل شويه بالتلفون... مراد غير انو سالني من امي م سال من حاجه تاني..
تاني يوم تلفون ليلي م كان بدخل معاي قلقتا شديد و خوفتا امي يكون حصل ليها حاجه.. طول النهار م ردت.. مشيت ل مراد كان قاعد في النجيله و بتونس في التلفون من شافني ..
مراد:( دقايق ي بسمه برجع ليك)
و قفل...
قلتاليهو:( مراد ليلي تلفونها مقفول من الصباح و انا مقلقه شديد علي امي دايره امشي اشوفها)
مراد:( م بنفع تمشي)
قلتاليهو:( حامشي ي مراد و اليحصل يحصل)
مراد:( دقيقه انا بشوف زول يطمنا عليها)
قلتاليهو :( م حاقدر استني لمن تلقي زول)
بكلامنا ده جات طالعه حجه زهره..
زهره:( في شنو ي مراد?)
مراد اتوتر..
قلتاليها:( امي في المستشفي و دايره امشي اتطمن عليها م لاقيه زول يطمني)
زهره:( و المشكله شنو?)
مراد:( م ينفع تمشي اخوها حيضربها)
زهره اتخلعت:( ليه?)
قلتاليها:( في واحد داير يبوظ لي عرسي و لعب في صوري و وصلها ل البيت)
زهره اتخلعت..
مراد:( انا حاشوف زول ي ملك اتطمني)
زهره:( ليه تشوف زول? امشي انت)
مراد:( اهلها بعرفوني)
زهره سكتت مساافه..
قلتاليهو:( احسن اموت انا ولا تموت امي)
و ماشه علي الباب وقفني صوت حجه زهره..
زهره:( استني ي ملك انا حامشي ليك)
مراد اتخلع..
مراد:( ي حبوبه انتي م بتقدري تمشي.. حتقولي ليهم شنو بس?)
زهره:( انت مالك انا بعرف اتصرف)
و دخلت جوه بخطوات بطيئه.. و انا و مراد بنعاين لبعض باستغراب...حجه زهره لبست توب و جات طالعه..
زهره:( يلا ي مراد نمشي)
مراد شال مفتاح عربيتو و طلعو.. قعدتا في النجيله مستنياهم..
وصلو مراد و زهره المستشفي ..مراد وصلا لحدي الباب و رجع العربيه.. زهره دخلت سالت الممرضه عن امي.. ورتها الغرفه مشت علي الغرفه لقت ناس قاعدين برا و متوترين جدا..
زهره وقفت:( السلام عليكم)
ردو :( و عليكم السلام) باستغراب..
زهره:( وين حجه سميه? ان شا۽الله بعافيه)
ليلي:( انتي منو?)
زهره:( انا صحبتها من زمان)
ليلي:( اهلين اتفضلي اقعدي)
زهره قعدت..
زهره:( انتي منو?)
ليلي:( انا ليلي بت اختها)
زهره:( اها.. و سميه بقت كيف?)
ليلي:( تعبانه شديد حالتها م مستقره)
زهره:( ليه?? عندها شنو?)
ليلي:( جلطه في الراس بقت م واعيه)
زهره:( ربنا يشفيها ي رب)
ليلي:( اللهم آمين)
زهره:( ممكن اشوفها?)
ليلي:( الدكتور معاها جوه.. حالتها حرجه.. ربنا يستر)
زهره:( ربنا يقومها بالسلامه)
جو داخلين سامي و ماجد مكشرين قعدو..
زهره عاينت ليهم اتوترت من شكلهم.. كان م بطمن ابدا..
الدكتور جا طالع من غرفه امي وقف قدامهم..
الدكتور:( انا اسف..ربنا اخد امانتو)
ليلي و خالاتي بقو يكوركو شديد..
ماجد:( الله يلعنك ي ملك.. قتلتي امك الله يلعنك.. والله م حاسيبك والله اقتلك ب يديني ديل)
زهره بقت مخلوعه شديد انو سميه ماتت م قدرت تصدق.. اهلي بقت حالتهم كعبه و م وعو ل زهره.. زهره انسحيت طلعت مشت ل مراد في العربيه و هي مخلوعه شديد.. ركبت و قعدت..مراد عاين ليها باستغراب..
مراد :( في شنو ي حبوبه?)
زهره:( امها ماتت)
مراد اتخلع:( شنو? متين?)
زهره:( اسي)
مراد :( لا حول ولا قوه الا بالله..ربنا يرحمها)
زهره مسحت دموعها:( اسي اقول ل البت شنو?)
مراد:( لا حول ولا قوه الا بالله.. ربنا يصبرا)
كنت ماشه و جايه في الحوش متوتره من سمعتا صوت عربيه مراد جريت فتحتا الباب.. جو داخلين مراد و زهره.. وقفتا قدام زهره..
قلتاليها:( لاقيتي امي? هي كويسه? اتكلمت معاك?)
زهره سكتت م قدرت ترد...سكاتها وترني ..عاينتا ل مراد في وشو نزل راسو علي الارض.. خوفتا شديد و جسمي بقي برجف قلتاليهم:( حصل شنو ي حجه زهره? حصل شنو ي مراد?)
زهره دموعها نزلت..
مراد:( امك الله يرحما)
اتخلعتا م فهمتا مراد قال شنو.. الدنيا دي اسودت في وشي و م وعيت الا و انا راقده في سريري في غرفتي.. صحيت بقيت بكورك و بصرخ:( امي.. امي مشت.. انا قتلتا امي)
مراد و زهره جمبي بهدو فيني.. بقيت بصرخ شديد و ببكي م قادره اصدق الحصل..قمتا علي حيلي..
زهره:( ماشه وين ي ملك?)
قلتاليها:(اشوف امي)
زهره:(لالا م ينفع)
بقيت ببكي و بكورك:( م بقدر م اشوفها م بقدر...لازم امشي ليها لازم اتكلم معاها اخليها تعفي لي في الحاجه الانا م عملتها اصلا لازم امشي و البحصل يحصل)
شلتا عبايتي و لبستها.. مراد و زهره حنسوني كتير بس م سمعتا كلامهم.. في الاخر مشو معاي الاتنين علي البيت.. مراد وقف برا بعيد عشان م يعرفو اني معاهو و اعمل ليهو مشكله و تاني حاجه حيعرفو اني قاعده عندو و ب كده م حاقدر اقعد عندو..
دخلتا علي البيت و زهره ماشه معاي لقيت امي شايلنها و طالعين من شافوني سامي و ماجد جايين علي وقفهم عمي الكبير انو عيب بقو بعاينو لي ب زعل شديد مستنيين فرصه يضربوني.. نزلو لي السرير في الارض قعدتا في الارض جمبها و الناس كلها بتعاين لي..
قلتاليها و انا بشهق بالبكاء:( امي.. انا م عملتا حاجه والله.. انا م ذنبي في كل الحصل...والله م عملتا حاجه.. اعفي لي ي امي.. اعفي لي و سامحيني.. انا اسفه والله..عشان كنت جبانه و م جيت واجهتا زول.. ي ريت لو جيت و واجهتهم لو كانو قتلوني كان احسن لي من اني اكون السبب في موتك.. انا م كنت قايله حالتك كعبه ماف زول حكي لي.. انا اسفه والله انا اسفه)
و بقيت ببكي بطريقه كعبه شديد..
الرجال جو رفعو السرير و مشو بيهو.. خالاتي و عماتي بعاينو لي بنظره كعبه شديد ماف زول فيهم حاول يقرب لي او يرفعني.. جات زهره و ليلي رفعوني من الارض.. ماجد خلي الرجال يتحركو ب العربات و جا راجع لي تاني.. انا كنت قاعده في الكرسي و مدنقره و ببكي.. فجاه سمعتا صوت ليلي بتكورك باسمي..رفعتا راسي لقيت ماجد جاي علي و شايل سكين..
ماجد:( م حاسيبك ي حقيره)
م هماني ماجد يقتلني.. اتمنيت انو يقتلني عشان ارتاح من الانا فيهو ده.. جا جاري مراد من هناك مسك ماجد..
مراد:( اهدي ي ماجد في شنو?)
ماجد:( فكني فكني خليني اقتلا.. فكني ي مراد)
مراد:( استهدي بالله ي ماجد) ماجد بقاوم في مراد عشان يصل لي..
اللحظه ديك ليلي مسكني من يدي و قالت لي :( اهربي)
زهره:(اجري ي ملك)
قلتاليهو:( انا م عملتا حاجه.. حسام الحقير ده عايز ينتقم مني عشان دايرني و رفضتو)
ماجد:( كذابه حسام م دخلو.. فكني ي مراد)
مراد حاول يلخم ماجد و انا جريت ب الشارع الورا و لقيت ركشه ركبتا فيها و مشيت.. دخلتا البيت و انا حالتي كعبه قعدتا في الصاله و بقيت ببكي...شويه كده جو داخلين مراد و زهره .. زهره جات علي قعدت جمبي و حضنتني.. و مراد قاعد في الكرسي الجمبي بعاين لي..
لحدي بليل انا في الحاله دي ببكي و م قادره اسكت ابدا.. مراد عندهم جارتهم دكتوره جابها لي ادتني حقنه مسكنه حتي نمتا.. زهره مشت نامت و مراد قاعد جمبي حارسني م قدر يمشي ينوم و يخليني.. تلفونو دقي عاين لقاها بسمه حبيبتو عملو صامت م ردا ليها.. بقي بعاين في ملامحي...اتذكر زمان لمن كنا بنحب بعض.. نطلع و نتونس و نضحك و نهظر مع بعض.. مراد كان بحبني شديد و مبسوط بي جدا.. بس لمن سامي ولد عمي جا من الامارات.. عجبني جدا و بقيت بهمل في مراد و اهتم ب سامي.. شويه شويه لمن حبيت سامي و خليت مراد.. قلتا ليهو انا بقيت م بحبك.. و لازم نخلي بعض.. فعلا خلينا بعض.. مراد م كان راضي بس كرامتو م بتسمح ليهو يستمر مع وحده بقت م بتحبو...اتعذب و اتالم شديد في بعدي .. و انا بهناك كنت عايشه قصه حب حلوه جدا مع سامي.. بعد سنه من علاقتي ب ساامي.. حددنا العرس...و سافرتا لاختي عشان اجيب شيلتي و مجهزه نفسي ل حياه زوجيه سعيده.. بس في لحظه اي شي اتلخبط..
صحيت لقيت مراد راقد في الكنبه قصاد سريري قمتا مراد حسي بي..
مراد:( ماشه وين?)
قلتاليهو:( دايره مويا)
مراد:( خليك انا البجيب ليك)
هزيت راسي و قعدتا في السرير.. مراد جا داخل شايل صينيه فيها كبايه مويا و حليب.. قعد جمبي في السرير و مدا لي كبايه الحليب..
مراد:( اشربي الحليب ده انتي من الفطور م اكلتي)
قلتاليهو:( دايره مويا بس)
مراد بصوت حنين:( اشربي الحليب ااول.. هو و المويا واحد)
شلتا منو كبايه الحليب و شربتا شويه..
مراد:( تمي الكبايه)
شربتا الكبايه كلها..
مراد ابتسم لي:( ايوا كده..يلا بعد ده نومي)
اتذكرتا امي و دموعي نزلت..
مراد:( لالا.. ليه كده?)
قلتاليهو و انا ببكي:( انا السبب)
مراد:( انتي م ليك دعوه..انتي مظلومه)
قلتاليهو:( م حتكون عفت لي.. حاعيش كيف انا بدون عفوها)
مراد:( امك عارفاك كويس و عارفه انك مظلومه.. لانو انتي بتها و الام بتعرف بتها كويس و بتحس بيها.. عشان كده اتطمني و ربنا م بظلم زول و اكيد حيثبت برا۽تك)
هزيت راسي و انا ساكته..
مراد:( يلا ارجعي نومي و ادعي ليها بالرحمه م تفكري في اي حاجه تاني)
قلتاليهو:( انت امشي نوم في غرفتك بكرا عندك شغل)
مراد ابتسم:( بكرا م ماشي حاقعد معاك)
قلتاليهو:( مراد لا امشي م تحسسني بالذنب.. انا اسفه اني دخلتك في مشاكلي و ..)
قاطعني..
مراد:( م تعتزري.. ماف اعتذار بينا..يلا نومي)
رقدتا في سريري و اتغطيت.. مراد مشي قعد في الكنبه بعاين لي..
#الهاربه《03》
#بقلمي_فاطمه_السر
الصباح قاعدين زهره و مراد في الصاله بشربو الشاي ..
مراد:( انا مقلق عليها شديد ي حبوبه..زعلانه شديد)
زهره:( ي ولدي دي امها كيف م تزعل.. كمان حاسه بالذنب شديد عشان كده حالتها كعبه.. بس احنا جمبها م بنخليها.. لمن تبقي كويسه)
مراد:( اي عليك الله ي حبوبه خلي بالك منها)
زهره:(دي في عيوني.. حسيتها ذي بتي والله)
مراد:( اسي هي م عندها غيرنا لازم نحافظ عليها و م نخلي زول يصل ليها.. ماجد ممكن يشك فيني و يجي هنا يفتشا)
زهره بكل قوه:( منو ده البقدر يدخل بيتي هنا? والله اقطعو حتت و ارميهو في الشارع)
مراد ابتسم:( عارفك قويه ي حبوبه.. الله يخليك لي)
زهره:(و يخليك حبيبي...المهم متشيك كده ماشي علي وين?)
مراد:( ماشي ل ايمن في المكتب و حالاقي بسمه بعدين)
زهره:( يحليلا سلم عليها)
مراد:( يوصل ان شا۽الله.. لو احتجتي حاجه كلميني)
زهره:( حاضر حبيبي)
مراد قام حبي علي راس حبوبتو و شال مفتاح عربيتو و طلع مشي..
قاعده زهره في الصاله معاها جارتها اسمها امل ..
جات حوا ختت صينيه قهوه قدامهم و مشت..امل شالت التنكه و كبت القهوه..
زهره:( و العروس كيف ي امل?)
امل:( والله كويسه الحمدلله بتجهز في حاجاتها لسه م خلصت)
زهره:( ربنا يسعدها ي رب)
امل:( اللهم آمين.. والله شايله همها)
زهره:( في شنو?)
امل:( حاجاتها لسه م جهزت و الاسعار بقت في السما)
زهره:( اي والله.. م تقلقي ربنا بسهلا عليها)
امل:( شيلتها لسه م جابتها و راجلها اداها قروش بسيطه هو ذاتو م معاهو كده)
زهره:( والله الحال بقي كعب الشباب كلهم م قادرين يعرسو.. ربنا يسهل ليهم)
امل:( ان شا۽الله والله)
جبت طالعه من الغرفه و جيت عليهم..
امل عاينت لي باستغراب.. زهره ابتسمت لي..
زهره:( تعالي ي ملك)
و عاينت ل امل..
زهره:( دي ملك بت صحبتي..ملك دي امل جارتي)
جيت سلمتا عليها..
امل:( اهلا و سهلا)
قعدتا جمب زهره..
زهره:( حوا اعملي فطور ل ملك)
طبعا صوتي كان تعبان و شكلي كمان و لابسه اسود و الحزن باين علي..
قلتاليها:( لالا م دايره اكل ..دايره معاكم قهوه بس)
زهره:( لازم تاكلي ي ملك.. انا كنت حاستناك بالفطور بس انتي عارفه انا عندي السكري و م بقدر اقعد لحدي الظهر بدون فطور)
قلتاليها:( عارفه ي حجه.. انا باكل بعدين)
و مديت يدي شلتا التنكه كبيت قهوه و بقيت بشرب.. نظرات امل لي كانت غريبه ..زهره حست بنظرات امل لي..
زهره:( معليش بس عندها زول عزيز عليها اتوفي)
امل:( البركه فيكم)
قلتاليها:( البركه في الجميع)
بقيت بشرب في القهوه و سرحانه و امل و زهره بتونسو مع بعض...
قاعد مراد مع ايمن صحبو في مكتبو.. ايمن عندو معرض عربات..
ايمن:( الليله م مشيت الشغل ليه?)
مراد:(كنت مساهر بليل)
ايمن:( ايوا.. حب و كده ايامك ياخ)
مراد:( لا والله م حب...بس ملك امها اتوفت)
ايمن:( لالا يااخ.. الله يرحما.. و هي كيف? )
مراد:( حالتها كعبه شديد حاسه بالذنب نحيه امها حاسه انها القتلتها)
ايمن:( هي العملتو م ساهل)
مراد:( انا حاسي انها مظلومه.. انا بعرف ملك كويس.. و بعرف حسام.. ملك م بتعمل كده ده حسام خرب ليها عرسها و حياتها)
ايمن رجع بظهرو علي الكرسي و ربع يدينو..
ايمن:( م عارف بس ملك م ساهله)
مراد:( ماف زول بعرف ملك اكتر مني.. انا بس البعرف ملك كويس.. لانها كانت صحبتي قبل م تبقي حبيبتي)
ايمن:( و لقيت منها شنو غير وجع القلب?)
مراد:( ايوا صح تعبتا بعدها شديد.. بس معاها عشتا معاها اجمل ايام حياتي)
ايمن:( انت ليه بتتكلم كده? اوعي تكون بتفكر ترجع ليها?)
مراد شال كبايه الشاي القدامو شرب منها..
مراد:( لالا اتطمن.. انا حاعرس بسمه)
ايمن:( ايوا كده طمنتني.. بسمه بتساوي الف بت تاني)
مراد:( المهم جاي ااديك الشيك الشهر ده.. انا تعبتا من قروشك دي حتخلص متين?)
ايمن يضحك:( انت منو القال ليك تشتري عربيه غاليه.. كنت تاخد وحده رخيصه)
مراد:( اسي عربيتي دي م غاليه عربيتي معقوله...اي عربيه اقلا من عربيتي دي كعبه)
ايمن ضحك:( صح ي باشا)
مراد مدا الشيك ل ايمن..
مراد:( يلا انا ماشي عايز حاجه?)
ايمن:( حتجينا بليل في النادي?)
مراد:( اي ان شا۽الله)
و قام علي حيلو..
مراد:( يلا السلام عليكم)
ايمن:( و عليكم السلام و الرحمه)
راقده في سريري بتذكر في امي و دموعي نازله.. تلفوني دقي عاينتا لقيتها ليلي..رديت بدون م اتكلم..
ليلي:( ملك اذيك)
بقيت ببكي..
ليلي:(ملك م تعملي في نفسك كده انتي م ذنبك حاجه)
قلتاليها:( انا السبب.. انتي ليه م قلتي لي انو حالتها خطره?)
ليلي( م كنت دايره اقلقك الدكتور قال لينا في امل انو حالتها تستقر في ال48 ساعه الجايه.. بس تاني حالتها اتدهورت شديد )
قلتاليها:( الله يلعن حسام و ساعتو.. الله يلعنو والله م حاسيبو حاخد حق امي منو)
ليلي:(حسام ربنا م حيسيبو في العملو ربنا حينتقم منو.. بس انتي م تساليهو م تجيبي ل نفسك مشاكل)
قلتاليها:( هو لسه شاف مشاكل...دايره اسالك قبيل سامي م عاين لي اصلا و لا رجع مع ماجد عشان يشاكلني..ليه?)
ليلي:( سامي طيبان م ذي ماجد.. تاني شي سامي مصدوم شديد لانو بحبك.. كتم الزعل جواهو و م اظن ياذيك بس ماجد بحرشو م بسيبو)
قلتاليها:( ممكن اتكلم معاهو?)
ليلي:( حاليا لا.. كدي خلي الاجواء تهدا و اقعد معاهو اتكلم معاهو بعدين بحدد لو ينفع تتكلمي معاهو لو لا)
قلتاليها:( طيب)
ماشين مراد و بسمه في مول بسمه بتفتش في حاجه دايره تشتريها..و بتونسو..
بسمه:( والله ي مراد انا جاده في الموضوع ده)
مراد:( ي بت انتي جنيتي?)
بسمه:( ليه ي مراد? البنات كلهم بسافرو يشتغلو برا.. فيها شنو لو سافرتا? )
مراد يكشر:( م عندنا بنات بسافرو)
بسمه:( ي مراد لازم نبقي طموحين.. و بعدين ي مراد اهلي في الامارات يعني حاقعد معاهم انا هنا في غربه م هناك)
مراد:( بسمه كلامك صح بتلقي فرص احسن بس كده حتبعدي مني و انا صاعد مع حبوبتي م بقدر اخليها و مستحيل تمشي معاي)
بسمه:( لازم نستفيد من الوقت كل م نسافر في اقرب وقت حنستفيد من الفرص.. تاني حاجه انت م عندك بيت بيتكم القاعد فيهو ده حق حبوبتك اعمامك و عماتك ليهم حق فيهو انت م عندك حق غير حق ابوك.. عشان كده مفروض تسافر عشان تقدر تعمل بيت هنا)
مراد وقف عاين ليها بزعل:( و انا اعمل شنو يعني?اسي ماف اي طريقه للسفر )
بسمه:( خلاص انا بسافر و انت بعدين الحقني)
مراد بنفاذ صبر:( بسمه عايني.. الموضوع ده منتهي قلتا ليك خليهو ل قدام و بس م داير ااعاده ل الكلام تاني)
بسمه تكشر و تعاين في محل:( دقيقه اشوف المحل ده)
و دخلت و مراد واقف برا مستنيها..
قعدتا طول النهار في غرفتي م قدرتا اطلع اقعد مع حجه زهره و هي كمان خلتني براحتي م حبت تزعجني.. كنت ببكي شويه و اصلي شويه و ادعي ل امي شويه و اقرا ليها قران و تاني ارجع ابكي.. ليلي قالت لي انو مياده اختي حتجي الليله كنت محتاجه ليها اتكلم معاها ..كلمتا ليلي انو اول من مياده تجي تضرب لي اتكلم معاها .. م كنت عشمانه او متامله ارجع البيت او اهلي يسامحوني.. كل الكان هاميني امي.. و مشت.. خلاص ابقي البيت م ليهو ااي لازمه.. اهلي لو كانو حقانيين كانو جو اتكلمو معاي سالوني يختوني انا و حسام و يواحهوني ب الصور العاملا دي.. بس هم صدقوهو طوالي و كذبوني و صدقو اي كلام قالو فيني ..ابقي م يلزموني ولا دايراهم..سامي ولد عمي بحبو و كنت بثق فيهو بس بقي ذي باقي الناس صدق قيني حتي م فكر يجي يسالني يتكلم معاي ماشي بس ورا كلام ماجد اخوي.. حسيت انو م عندو شخصيه بسمع بس كلام الناس ..
و ماجد اخوي ظلمني بدون م يفكر لو للحظه انو انا مظلومه او حتي يفكر انو ممكن اختو دي تعمل كده او لا.. عشان كده هو كمان م يلزمني.. بس مياده اختي.. هي البقت لي من كل الدنيا دي.. كنت بفكر في سامي قلتا يمكن يفهمني.. شغلتا رقمي القديم و دقيت ليهو...ردا...
سامي:( انت ليك عين تضربي?)
قلتاليهو و انا ببكي:( سامي ممكن نتفاهم?)
سامي كورك:( ضاربه لي لشنو? دايره شنو? انت وحده كعبه انا اتغشيت فيك انتي بت شوارع و ........)
سمعني كلام كعب و قفل الخط...كنت مصدومه شديد و ببكي من كلام سامي و ظنو فيني...
مياده جات و اتكلمت معاي بالتلفونو قالت بتجي تزورني.. فعل بعد تلاته يوم جوني هي و ليلي.. كنت مستنياهم في الصاله انا و زهره.. مراد كان مافيش.. من جات مياده داخله جريت عليها حضنتها و بقينا نبكي الاتنين.. عزيتا بعض لمن ليلي و حجه زهره فكونا من بعض.. قعدنا في الجلوس ساكتين و لسه دموعنا نازله.. حوا جابت لينا مويا شربنا و حجه زهره هدتنا شويه و قامت دخلت غرفتها خلتنا برانا..
مياده مسحت دموعها:( احكي لي ي ملك.. حصل شنو.. ليه م حكيتي لي لمن وصلتي هنا و لقيتي الحصل ده? ليه م جيتي راجعه لي تاني?? )
قلتاليها:( انا م كنت فاكره الموضوع كده قلت يومين و بهدو و بمشي اتكلم معاهم و اكيد حيصدقوني و الموضوع يخلص علي كده.. بس م عارفه فجاه لقيت امي تعبت و بقي همي امي بس تبقي كويسه و احل الموضوع.. بعدين..بعدين)
م قدرتا اتكلم بقيت ببكي..
ليلي:( الحصل حصل ي مياده.. اسي احنا همنا نثبت براءتك بس و نحاسب حسام الحقير ده)
مياده:( م حاسببو حسام والله م حاسيبو)
قلتاليهم:(حسام حسابو عندي ماف زول يسالو)
مياده:( مستحيل اخليك ل الحقير ده براك.. انا حاقعد هنا م حاسافر الا لمن احل ليك مشكلتك)
ليلي:(صح)
مياده:( بس لازم اول اشوف ليك حته تقعدي فيها م ممكن تقعدي مع الناس)
قلتاليها:( م عندي قروش)
مياده:( انا بتصرف)
جات داخله حجه زهره..كانت سمعت اخر كلامنا..
#الهاربه《04》
#بقلمي_فاطمه_السر
اللحظه ديك جات طالعه حجه زهره.. و احنا كنا واقفين..
زهره:( انا عندي طلب عندك ي مياده.. ممكن?)
مياده:( طبعا ي حجه)
زهره:( خلو ملك عندي.. انا حبيتها و ارتحتا ليها...تقعد معاي لحدي م تحل مشكلتها و هي امانه عندي و حاختها جوه عيوني.. ممكن?)
مياده اخرجت من زهره..
مياده:( والله ي حجه طلبك غالي بس انتي عارف الناس و الكلام...)
قاطعتها زهره..
زهره:( انا عارفه انو احنا م بنبقي ليكم.. بس والله انا ارتحتا ل ملك شديد.. و نفسي تقعد معاي لحدي م تحل مشكلتها.. خلوها معاي مونساني و مونساها بدل تآجر و تقعد براها في شقه.. خلوها عندي عليكم الله و هي آمانه عندي لحدي م تتحل المشكله ان شاءالله)
ليلي و مياده عاينو ل بعض بحرج..
زهره:( م حتحرجوني صح?)
مياده:( خايفين نتقل عليك ي حجه)
زهره:( معقوله بس.. ملك دي ذي الملاك اسم علي مسمي بالجد)
برغم الحزن الكنت فيهو بس كلام حجه زهره فرحني شديد حضنتها علي و حبيت علي راسها..
مياده:( والله ي حجه احرجتينا.. خلاص العايزاهو احنا تحت امرك)
زهره:( الله يخليكم ي رب.. كنت عارفه انو م حتحرموني منها)
ليلي:( الله م يحرمك من غالي ي رب)
زهره:( تسلمو لي ب رب)
ليلي و مياده سلمو علينا و طلعو مشو..
بليل م جاني نوم.. مشيت قعدتا في النجيله برا بفكر في الحاصل.. الدنيا م بتظلم زول و تاخد منو كل الناس..ذي م اخدت امي و ظلموني اخوي و خطيبي و اهلي.. عوضتني ب حجه زهره و مراد.. و ليلي و مياده الما ظنو فيني كعب و وقفو معاي.. قدر م كنت زعلانه و مقهوره من الحصل معاي.. قدر م كنت مبسوطه ب معرفه الناس الحقيقيه المعدن الحقيقي م المزيف.. ربنا وراني معدن ماجد ابن امي و ابوي.. و وراني معدن سامي الكنت حاعرسو و اشيل اسمو .. بس سامي م زعلانه منة قدر ماجد.. ماجد عارفاهو دمو حار و كعب و ظنو كعب اصلا.. بس سامي مسكين.. لكن اتصدم.. بس مفروض كان يتكلم معاي و نتفاهم.. م يسمع كلام ماجد.. سامي عندو شخصيه بس فجاه قدام ماجد بقي م عندو شخصيه.. بقيت م عارفه سامي مظلوم وله ظالمني.. في اللحظه دي سمعتا صوت زول بقول اسمي.. اتلفتا لقيتو مراد..
مراد:( مالك مساهره?)
قلتاليهو:( م جاني نوم قلت اقعد هنا شويه)
مراد:( مفروض م تساهري انتي تعبانه..شوفي شكلك كيف)
قلتاليهو:( شويه و بنوم.. امشي نوم انت)
مراد قعد في الكرسي..
مراد:( انا كمان م جايني نوم)
قلتاليهو:( مراد.. انا اسفه والله.. جد دخلتكم في مواضيع انو م ليكم اي ذنب فيها.. بس انت عارف انا ليه جيتك من دون الناس عشان انا متاكده انك راجل و جدع و ولد اصول و حتحميني و م حتخزلني فيك.. عشان كده عشمتا فيك و جيتك.. مع انو لو واحد غيرك تاني بعد العملتو فيهو مفروض م يعبرني ولا يرد علي ولا يخليني ادوس عتبه بابو)
مراد:( والله علي قولك الولد الجدع و ولد الاصول بعمل ذي م انا عملتا بالضبط.. ملك في يوم من الايام احنا بينا كان في مشاعر جميل جدا و عشره..و انا عمري م انساها )
دموعي نزلت و قلتاليهو:( شوف الفرق بينك و بين حسام.. حسام ولد جيرانا و ماكل و شارب في بيتنا و عشرتنا معاهو ليها سنين.. شوف هو عمل شنو و انت عملتا شنو)
مراد:( علي قولك الزول بعمل باصولو.. ملك خليك من الماضي و الحصل.. اسي خلينا في المستقبل...انتي حتعملي شنو? م حترجعي شغلك?)
قلتاليهو:( م حاقدر.. ماجد ممكن يصل لي بسهوله و اصلا ممكن الموضوع يكون وصل ليهم و انا م حاقدر امشي هناك)
مراد:( خلاص انا حافتش ليك علي شغل في مكان تاني.. عارفك بتحبي الشغل و م بتحبي قعاد البيت)
قلتاليها:( ايوا صح.. طيب مراد.. انا يمكن قصتي تتطول و انا م حاقدر اقعد هنا كتير.. م صح)
مراد:( انا م عندي مشكله امشي اقنعي حجه زهره و امشي طوالي)
قلتاليهو:( اقنعا انت معاي)
مراد:( اسف م بقدر اساعدك في الموضوع ده)
قلتاليهو:( عليك الله)
مراد قام علي حيلو..
مراد:( تصبحي علي خير)
و دخل البيت جوه.. ضميري بقي بآنبني علي اني سبتا مراد ده يوم من الايام و حبيت واحد ذي سامي..
مرت الايام عاديه.. و نفسيتي م فيها تحسن شديد بس قدام حجه زهره و مراد بحاول ابقي كويسه بس اول من اقفل باب غرفتي علي دموعي م بتقيف.. ليلي و مياده متواصلين معاي بالتلفون بس..
يوم الظهر قاعدين انا و حجه زهره و امل جارتها قاعدين بنشرب قهوه و نتونس.. جات بت امل اسمها ساره.. كانت في السوق بتشتري في شيلتها.. جات سلمت و قعدت..
امل:( اها جبتي الحاجات الدايراها?)
ساره:( جبتا جبه منها و القروش خلصت.. السوق مولع نار)
قلتاليها:( انتي بتشتري في شنو?)
امل:( شيلتها عقبال عندك)
اللحظه ديك قلبي وجعني اتذكرتا شيلتي الجبتها من دبي و تعبتا فيها مجدوعه جوه في الغرفه..
زهره:( جيبي المهم بس ي بت ي ساره.. و الباقي جيبيهو بعد العرس)
ساره:( اصلا انا اختصرتا شديد.. ربنا يبارك في الجبتو ده بس)
قلتاليها:( ساره تعالي معاي)
مسكتها من يدها و دخلتا غرفتي.. جريت الشنطه من تحت السرير و فتحتها و ساره بتعاين لي باستغراب..
قلتاليها:( دي شيلتي جبتها من دبي.. بس البكا و الظروف الحصلت لي و اصلا انا و خطيبي خلينا بعض..م حاعرس اسي.. او حتي لو عرستا م حالبس الحاجات دي.. ف انتي ممكن تشيليها و تعتبريها هديه مني ليك)
ساره استغربت شديد لانو دي اول مره اصلا اشوفها.. بس هي كانت سمعت بي عن امها..
ساره:( لالا م بقدر اشيلا والله دي حقتك و دافعه فيها الشي الفلاني)
قلتاليها:( انا م حالبس منها حاجه والله.. لاني جبتها ل حاجه معينه و م نفعت.. اصلا انا م حاعرس قريب.. ولو عرستا حاجيب شيلا غير دي...اسمعي الكلام و شيلي منها)
ساره:( كلمي امي لو وافقت انا بشيل)
قلتاليها:( طبب.. ارح نسالا)
طلعنا برا كلمنا خالتو امل..
امل:( بس دي شيلتك ي ملك كيف هي تشيلا)
قلتاليها:( انا و خطيبي خلينا بعض)
امل:( احتمال ترجعو)
قلتاليها:( لالا ده من المستحيلات.. وافقي ي خالتو م تحرجيني.. قولي حاجه ي حجه زهره)
زهره ابتسمت لي:( اسمعي الكلام ي امل.. شيلو من الشيلا و تمي عرس بتك.. و ملك لمن تجي تعرس ان شاءالله شيلتها كلها علي)
ابتسمت ليها:( ربنا يخليك لي)
امل ابتسمت:( والله احرجتونا)
زهره:( يلا ادخلي ي ساره نقي الحاجات العايزاها من الشنطه)
ساره جرت ب فرح قدامي و انا ماشه وراها.. قعدت في الارض و بقت تنقي في الهدوم.. شي قمصان بيت و لبسات بيت و لبسات طلعات و عبايات استقبال.. شالت منهم الدايراهو و انا ذدتها كمان.. طلعو مننا هي و امها طايرين من الفرح.. فرحتا من جواي ب فرحه ساره.. احلي حاجه في الدنيا و اجمل احساس انك تساعد زول محتاج و ترسم الفرحه علي وشو.. بعد م كان عاجز و فاقد الامل.. جد احساس جميل شديد..
علاقتي ب حجه زهره كانت حلوه شديد خففت علي شديد الانا كنت فيهو.. بقت بتحكي لي ب الدنيا و قصص حقت ناس تشيب الراس.. حسيت مشكلتي بالنسبه ليهم ولا حاجه..
بقعد معاها النهار كلو نتونس.. و مرات بكون نفسها في طبخه معينه بعملا ليها.. هي م بتقدر تقيف في المطبخ كتير..
و انا كمان حكيت ليها ب حياتي و امي و كده.. بس سيره مراد م جبتها.. م قدرتا احكي ليها بيهو...حكيت ليها ب سامي بس..
زهره:( و حسام مالو?)
قلتاليها:( حسام.. ولد جيرانا من زمان .. علاقتي بيهو عاديه.. بجي البيت لماجد و كده.. بقعد معاهم نتونس و بحبسو في مقام ماجد.. يلا هو بشرب عندو مشاكل كتيره.. امو و ابوهو منفصلين.. يلا هو من صغير بقي مصاحب ناس كعبين علموهو الشرب و كده و بقي ماشي فيهو.. يلا في فتره كده بقي بتقرب لي و بشكي لي مشاكلو ..كان عندو مشاكل كتيره شديد في بيتهم و برا بيتهم..انا كنت بساعدو و برفع من معنوياتو و بوريهو الحل الصح.. يلا في الفتره دي قال دايرني انا رفضتو لانو مستحيل اعرس واحد كده.. قلتاليهو انت في مقام ماجد و كده بس.. المهم قال لي تمام.. لمن اتخطبتا ل سامي زعل شديد و ضرب شاكلني و كورك و انا بحبك و انتي ابيتي و كلام كتييير و انا م حاخليك تتمي عرسك ده.. م اشتغلتا بيهو قلتا لحظه غضب .. المهم تاني الايام مشت عادي و لمن حددنا العرس برضو ضرب شاكلني و قال لي تلغي العرس و تعرسيني انا و انا اسي بجيكم البيت و بتقدم ليك.. شاكلتو قلتا ليهو الموضوع ده انتهي زمان بقي بكورك و هددني حيبوظ لي عرسي قلتا ليهو اعمل الدايرو.. و قفلتا الخط في وشو.. الوقت داك كنت بجهز في حاجاتي ماشه دبي ل مياده .. المهم سافرتا قعدتا 20 يوم و جيت علي اساس اتحبس و عرسي كان مفروض بعد شهر من جيتي.. و في المطار ليلي دقت كلمتني.. قالت لي حسام جايب صور ليك وراها ل ناس البيت و سامي بالذاات و الدنيا مقلوبه هنا م تجي.. م لقيت زول الجا ليهو غير مراد.. هو الوحيد الحيقيف معاي)
#الهاربه《05》
#بقلمي_فاطمه_السر
زهره:( لكن حسام جاب الصور من وين? انتي م شفتيها?)
قلتاليها:( لالا)
زهره:( كنتي تشوفيها عشان يمكن تعرفي الصور دي كانت وين و جابا من وين و تعرفي الحصل)
قلتاليها:( م فكرتا اشوفهم)
زهره:( لا حاولي تشوفيهم يمكن تعرفي حاجه)
قلتاليها:( طيب)
فكره اني اشوف صوري اللعب فيها حسام م كانت في بالي ابدا بس قلتا اشوفها يمكن اعرف حاجه او اصل ل حاجه.. ضربتا ل ليلي قلتا ليها دايره الصور.. اتخلعت لشنو قلتا ليها بس دايراها اتصرفي رسليها لي بعد نقنقه منها وافقت.. رسلتها لي.. عاينتا للصوره لقيتها فعلا صورتي في شقه.. كنت لابسه قميص خفيف و نايمه.. بس هم لاعبين فيها و خاتين ولد جمبي.. ولد اول مره اشوفو في حياتي.. و تاني كم صوره في كم حته في الشقه مع كم ولد مختلفين..
اتخلعتا شديد و بقيت تعاين في الشقه دي وين.. م غريبه علي بس م قدرتا اعرفها لانو قاصين الصور خالين صوري بس باقي الشقه الظاهر في الصوره قاصنو.. معناها شقه بعرفها...دي شقه منو.. م عرفتا.. بقيت بس بعاين في الصور اليوم كلو بحاول اتذكر دي شقه وين م عرفتا..
حسام... ولد اصفر ضعيف في ال30 من عمره.. قاعد في بيتهم في الحوش بتونس بالتلفون..
حسام:( ي حبي ياخ انا جد مشتاق ليك .. ياخ يعني شنو ناس امك جايين.. تعالي لي اتصرفي ياخ.... ااي لازم.. حاستناك الليله في الشقه...ااي عليك الله.. اتصرفي م داير اي اعزار.... تمام ي حبي.... يلا سلام)
و قفل..
شال سيجاره جمبو لفاها و بقي بشرب و هو مبسووط..
قاعد سامي في غرفتو و هو مهموم.. الباب دقي..
سامي:( ادخل)
دخلت ليلي قعدت في الكرسي جمبو..
ليلي:( سامي.. بقيت كيف?)
سامي بصوت واطي:( كويس)
ليلي:( ي سامي.. لمتين حتقعدو انت و ماجد كده مصدقين كلام حسام الكذاب ده?)
سامي:( ده م كذب دي حقيقه.. انتو براكم الشايفين ملك دي ملاك مع انها شيطان)
ليلي:( انت ي سامي م بتعرف ملك? كيف تصدق فيها حاجه ذي دي?? )
سامي:( اصدق? انا شفتا بعيني)
ليلي:( لا انت مش بتعرف ملك.. بتعرفا قبل م تخطبها.. عرفتا ملك الحقيقيه.. و حبيتها و خطبتها و داير تعرسها.. يجي حسام يوريكم الصور تصدقو?)
سامي:( حسام وراني الحقيقه.. وراني حقيقه الشيطانه الكنت حاعرسها)
ليلي:( انت م ممكن تقعد معاها و تفهم منها الحصل?)
سامي طير عيونو:( انا اقعد مع دي? استغفر الله العظيم .. دقت لي انا شاكلتها و سمعتها فارغه)
ليلي:( ليه كده ي سامي? انت ظالمها والله)
سامي كورك:( ليلي اطلعي برا سرعه و اوعي تفتحي الموضوع ده تاني)
ليلي قامت بزعل طلعت من الغرفه..
مياده فتحت باب الحوش حق ناس حسام لقت حسام قاعد في الحوش و ريحه السيجاره ماليه المكان كشرت ليهو و دخلت وقفت قدامو و ختت يدينها في نصها..
مياده:( انت م عندك اخوات? م بتخاف علي عرضك ده شنو العملتو ده?)
حسام عاين ليها باستغراب:( اهلا اهلا ب بت الامارات.. اتفضلي اقعدي)
حسام السيجاره كانت عملت مفعولها فيهو..
مياده:( حسام ممكن تخلي البتعمل فيهو ده و توعي شويه )
حسام بجر في الكلام:( انا كده وااعي احكي و اإمري و اتدللي)
مياده:( احترم نفسك ي حسام و اتكلم كويس.. حسام ليه عملتا كده في اختي?)
حسام:( اختك منو? ...اهاااا... ملك.. ههههههه)
مياده اتغازت من ضحكتو..
مياده:( اي ملك.. ليه عملتا في صورها كده?)
حسام:( هي العملت م انا.. هي العملت)
مياده:( عملت شنو?)
حسام:( الصور دي حقيقيه ي مياده.. صدقتي وله لا ده الحصل و سامي م يستاهل يعرس وحده ذي دي عشان كده انا وريتو حقيقتها)
مياده:( انت واحد كذاب ملك اشرف منك و من عائلتك دي كلها)
حسام قام بزعل مسك مياده من يدها و لواها ليها..
حسام:( و قسما تجيبي سيره اهلي لاكون فاضحك ذي م فضحتا اختك.. خليك محترمه معاي و اوعي تعلي صوتك ده علي)
مياده كانت تتالم :( انت مجنون فك يدي)
حسام:( حافكك بس لو رجلك تاني عتبت باب بيتنا ده حاكسرها ليك.. يلا برا)
و لزاها قربت تقع علي الارض عاينت ليهو بزعل و طلعت مشت و دموعها في عيونها..
التفكير في صوري الشفتها طير مني النوم.. و دموعي في عيوني م وقفت ..طلعتا من غرفتي بليل ماشه علي المطبخ لقيت مراد قاعد في الصاله بتكلم بالتلفون.. مشيت علي المطبخ طوالي كاني م شايفاهو.. كان نفسي في نسكافي بقيت بعمل فيهو سمعتا صوت مراد..
مراد:( بتعملي في شنو?)
عاينتا ليهو قلتاليهو:( نسكافي)
مراد:( بس بسهرك)
قلتاليهو:( اصلا بساهر انا م بتفرق)
مراد:( طيب اعملي لي معاك)
قلتاليهو:( طيب)
عملتا النسكافي و طلعتا لقيتو في الصاله اديتو كبايتو و شلتا كبايتي و ماشه علي غرفتي وقفني صوتو..
مراد:( ماشه وين?)
حاولتا امسح دموعي قبل م يشوفها.. مراد حسي في حاجه.. وقف و جا علي كنت مدنقره راسي.. رفع لي راسي بيدو لقي دموعي نازله..
مراد باتسغراب:( مالك?)
قلتاليهو:( ماف شي)
مراد:( بتبكي بدون سبب يعني? اكيد في سبب.. تعالي النجيله برا عشان م نصحي حبوبه)
شال كبايتو و طلع قدامي.. و مشيت وراهو.. قعدنا في النجيله..
مراد:( احكي)
بدل م احكي بقيت ببكي ..حسيت انو في كميه بكي لازم اطلعو حتي اقدر اتكلم.. مراد بعاين لي باستغراب.. مدا يدو طبطب علي كتفي..
مراد:( م تبكي.. احكي لي)
م قدرتا اسكت..
مراد:( لو البكي بريحك ابكي خلاص)
بقي قاعد قصادي بعاين لي و انا مغطيه وشي بيديني و ببكي..
بعد مساافه هديت شويه.. مراد جاب لي كبايه مويا شربتا حبه و اخدتا نفسي ..
مراد:( احكي يلا في شنو? حصل حاجه جديده?)
قلتاليهو:(شفتا صوري)
مراد اتخلع:( اها?)
قلتاليهو:( الصور كعبه شديد)
مراد:( و م اتذكرتي اي حاجه من الصور دي?)
قلتاليهو:( لالا..بس البيت كاني بعرفو.. بس م متذكراها لانو الصور مقطوعه و ظاهر جزء بسيط من البيت و الصور اصلا مظلمه.. دي لعبه كبيره .. حسام عمل كده ده? م عارفه)
مراد:( ممكن اشوف الصور?)
قلتاليهو:( طيب)
دخلتا جبتا تلفوني و مديتو ليهو شالو بقي بعاين في الصور..
مراد:( ماف ولد من ديل بتعرفيهو?)
قلتاليهو:( ولا عمري شفتهم)
مراد:( متاكده?)
قلتاليهو:( طبعا)
مراد:( الزول اللعب في الصور دي زول رهيب شديد.. عملها كانو حقيقيه.. انا لو م مصدقك و عارفك م عملتي كده كنت قلتا الصور دي حقيقيه)
قلتاليهو:( الحل شنو طيب?)
مراد:( م عارفه اسي.. بس في حل.. و بلقي ليك حل.. بس اصبري شويه)
سكتا و دموعي نازله..
مراد:( ملك انتي قويه.. طول عمرك قويه.. مالك اسي بقيتي ضعيفه كده?)
قلتاليهو:( ان شايف الموضوع ده بسيط?)
مراد:( م بسيط بس مفروض تقوي شويه عشان نقدر نحلو و نثبت براءتك)
هزيت راسي و سكتا..مراد كان متفائل بس انا م كان عندي اي تفائل..
تاني يوم كنت قاعده مع حجه زهره الظهر.. تلفونها دقي ردت لقتو ولدها اسمو عادل جاي هو و مرتو و عيالو يتغدو عندها..
بعد قفلت عاينت لي باحراج..
قلتاليها:( انا بطلع و بجي لمن يمشو)
زهره:( لالا بقول ليهم انتي...)
قاطعتها..
قلتاليها:( لالا ي حجه خليني امشي اصلا محتاجه اطلع)
زهره:( امشي عن ساره اقعدي معاها لمن يمشو...م تمشي بعيد بقلق عليك)
قلتاليها:( ساره عروس و بتجهز في حاجاتها م دايره اشغلا)
زهره:( لالا دقيقه بضرب لامل)
و ضرب لامل.. امل قالت ساره قاعده و اجيهم.. قمتا لميت حاجاتي من الغرفه عشاان ماف زول يشوفها و طلعتا مشيت ل ساره.. قعدتا معاها في غرفتها.. جابت لي عصير و شاي و قهوه و م قصرت معاي.. بقينا نتونس حكت لي ب راجلها و تحضيرات عرسها.. ظريفه شديد و طيبانه..
قاعدين ليلي و مياده في بيتنا..كان فضي من الناس.. بس عمتي و خالاتي..
مياده كانت بتسكت في بتها الصغيره كانت بتبكي و بتتكلم مع ليلي..
جات داخله سلمي صحبتي الكانت مسافره...شالت معاهم الفاتحه و عزتهم و بكت و قعدت..
ليلي:( حمدلله علي السلامه ي سلمي متين جيتي?)
سلمي:( جيت امبارح و عرفتا الخبر و جيت طوالي.. وين ملك?)
ليلي:( ملك م قاعده في البيت)
سلمي:( طلعت يعني?)
ليلي:( لالا قاعده عن وحده صحبتها م قادره تقعد في البيت هنا)
سلمي:( ادوني رقمها او وصفو لي البيت امشي ليها)
مياده:( بنديك رقمها)
بعد المغرب جا مراد دقي الباب و قال دايرني لبستا عبايتي و سلمتا علي امل و ساره و مشيت معاهو..
مراد:( ماشي اجيب حاجات تمشي معاي?)
قلتاليهو :( ممكن)
مشينا علي العربيه ركبنا و مشينا.. وقف قدام بقاله..
مراد:( تنزلي معاي?)
قلتاليهو:( لا امشي انت بستناك هنا)
مراد:( م حاكون متطمن عليك.. ارح انزلي حبوبه كاتبه لي لسته كبيره و م ممكن الف براي اشتري)
قلتاليهو:( طيب)
نزلنا دخلنا البقاله.. اثناء م كنا بنشتري سمعتا صوت زول بتكلم في التلفون ..ركزتا صوتو م غريب علي.. عاينتا لقيتو ولد حلتنا و صاحب حسام و ماجد...اتخلعتا شديد و اتدسيت ورا التلاجه مراد عاين لي باستغراب..
مراد:( مالك?)
قلتاليهو:( الولد اللابس تيشيرت اصفر ده ولد حلتنا و صاحب ماجد و حسام)
مراد اتخلع و عاين ليهو..
قلتاليهو:( انا حاطلع بالباب الورا استناك في العربيه)
مراد:( لالا استني هو شكلو ماشي)
فعلا الولد شال بارد و مويا و مشي علي الكاشير حاسب و طلع.. اخدتا نفس بس م قدرتا اتطمن حسيت ممكن القي زول تاني.. مراد خلص حاجاتو و طلعنا مشينا البيت..
#الهاربه《06》
#بقلمي_فاطمه_السر
يوم الصباح دقي لي رقم غريب م رديت.. تاني لقيت مسج قال فيها( ملك ردي انا سلمي)
لمن شفتا المسج انبسطا.. سلمي دي من اقرب صديقاتي بس كانت في الاردن مع اهلها ليها شهرين و يدوب رجعت.. طوالي شلتا التلفون و ضربتا ليها.. سلمت علي و عزتني و قالت لازم تشوفني.. قالت لي :( انتي قاعده وين?)
قلتاليها:( عن ناس بعرفهم)
سلمي:( اديني العنوان اسي بجيك)
قلتاليها:( عن مراد في بيتو)
سلمي اتخلعت:( مراد?? شنو الوداك عندو)
قلتا ليها:( الظروف)
سلمي:( كيف يعني ظروف شنو?)
قلتاليها:( موضوع طويل لمن نتلاقي بحكي ليك)
سلمي:(تمام عندي كم شغله بخلصهم و بضرب ليك نتلاقي)
قلتاليها:( طيب)
و قفلنا علي كده..
حجه زهره قالت دايره دمعه فراخ بالقراصه.. حوا عملت الدمعه و انا واقفه بعوس في القراصه.. تلفوني دقي.. مشيت اشوفو لقيتا ليلي رديت..
ليلي بخلعه:( ملك اطلعي من بيت ناس مراد.. سامي و ماجد عرفو مكانك و جايين عليك اسي)
اتخلعتا شديد..
قلتاليها:( عرفو من وين?)
ليلي:( م عارفه اسي سمعتا كلامهم هم و طالعين يلا سرعه ماف وقت)
قفلتا التلفون و لقيت زهره قدامي قلتا ليها:( ماجد و حسام عرفو انو انا هنا)
زهره:( عرفو كيف?)
قلتاليها:( م عارفه اسي انا حامشي)
زهره:( البسي عبايتك و امشي عن ساره انا حاتفاهم معاهم)
جريت لبستا عبايه و طلعتا جري عن ساره.. قعدتا خايفه و متوتره شديد..
حجه زهره بتصلي .. الباب دقي شديد.. حوا طلعت مخلوعه فتحت الباب جوا داخلين حسام و ماجد البيت و هم غضبانين شديد و بكوركو:( وين الفاجره دي? وينا? الليله م بسيبا)
لقو زهره بتسلم..و قبلت عليهم بكل برود:( خير انتو منو?)
ماجد:( انا اخو ملك وين ملك?? )
زهره باستغراب:( ملك دي منو?)
ماجد:( اسمعي ي حجه م داير معاك كلام كتير ورينا ملك وين سرعه)
زهره:( م عندي وحده اسمها ملك هنا)
ماجد جرا علي الغرف بفتح فيها و بعاين ..حجه زهره اتغاظت منو وقفت علي حيلها..
زهره:( انت هوي انت مجنون كيف تفتش بيتي كده? انت حرامي? انا حاطلب ليكم البوليس اسي)
اللحظه ديك جا مراد داخل.. سامي من شافو مسكو من ليااقه قميصو..
سامي:( ملك وين ي مراد? وينا?)
مراد:( ملك? م بعرفا)
ماجد جا علي مراد و مسكو مع ماجد من قميصو..
ماجد:( اسمع هنا وريني ملك وين سرعه )
مراد لزاهم الاتنين و كورك فيهم:( م بعرف ملك وين انتو مجانين وله شنو? ملك زمان خلتني و كل زول مشي في حالو)
زهره كوركت:( هوي انتو اوعو تتبلو علي ولدي ساي انا حاطلب البوليس يجي يتفاهم معاكم)
و شالت التلفون..
ماجد بتهديد:( لو عرفتا ملك كانت عندك م حاسيبك ي مراد م حاسيبك والله)
و جرا سامي من يدو و طلعو الاتنين.. مراد قعد زعلان و مكشر في الكرسي و زهره كمان..
بعد اتطمنتا انو ماجد و سامي مشو جيت داخله لقيتهم قاعدين في الحاله دي قلبي وجعني عليهم طوالي مشيت علي غرفتي بقيت بلقط في حاجاتي و ببكي.. حجه زهره جات داخله الغرفه..
زهره:( بتعملي في شنو ي ملك?)
قلتاليها:( ماشه)
زهره:( ليه?)
قلتاليها:( انا م دايره ادخلكم في مشاكل ذنبكم شنو تتحملو كلام و جوطه سامي و ماجد)
زهره:( انتي في حمايتنا و م حنقصر معاك و الحصل ده عادي)
قلتاليها:( لا م عادي انا لازم امشي)
زهره جات علي مسكتني من يديني..
زهره بحسم:( م حتمشي)
قعدتا في السرير و بقيت ببكي و زهره قعدت جمبي..
قلتاليها:( م عندكم ذنب تتحملو الحصل.. م ذنبكم حاجه.. دخلتكم في مشاكل ساي .. ماجد شراني انا بعرفو و ممكن عادي يضر مراد.. خليني امشي ي حجه.. الله يخليك خليني امشي)
زهره:( والله م بتمشي حتقعدي هنا لمن ترجعي بيت اهلك او تمشي بيت راجلك.. ماجد و سامي تاني م حيجو...يلا قومي غسلي وشك و ارح ناكل انا جيعانه.. يلا اسمعي الكلام ي بتي)
قمتا غسلتا وشي و قعدنا ناكل انا و زهره و مراد.. م كان عندي نفس بس جاملتهم.. مراد كان ساكت و م اتكلم.. اكل شويه و قام دخل غرفو...حسيت مراد زعلان من الحصل.. اكيد قالو ليهو كلام بايخ و شاكلو.. كلو مني اسي اعمل شنو ..دايره امشي بس حجه زهره م حتخليني.. راسي جاط شديد و م قدرتا اتفاهم في شي.. ليلي دقت لي سالتني من الحصل و هم عرفو كيف قلتاليها م عارفه..
ليلي:( انتي قلتي ل منو انك هناك?)
قلتاليها:( ولا زول ااصلا م متواصله مع زول)
ليلي:( سلمي دقت ليك?)
قلتاليها:( اي)
ليلي:( قلتي ليها انتي قاعده وين?)
قلتاليها:( ايوا)
ليلي:( معناها هي الكلمت ماجد)
قلتاليها:( لالا مستحيل)
ليلي:( ماف زول غيرا عرف.. اعملي حسابك منها)
قلتاليها:( سلمي صحبتي من زمان مستحيل تعمل كده)
ليلي اصرت انو دي سلمي بس انا م صدقتها..
تاني يوم جيت طالعه العصر ماشه الاقي سلمي لاقيت مراد في الباب.. عاين لي باستغراب ..
مراد:( ماشه وين?)
قلتاليهو:( الاقي سلمي صحبتي)
مراد:( سلمي حقت الاردن?)
قلتاليهو:( اي)
مراد:( م ينفع تمشي براك .. اخوك ممكن يكون مراقب البيت)
قلتاليهو:( م حيحصل حاجه م اظن)
مراد:( طيب.. اديك العربيه عشان لو حصل حاجه تبقي تعرفي تتصرفي)
قلتاليهو:( ماف داعي بركب تاكسي)
مراد:( لا ..هاك)
مدا لي المفتاح.. شلتو و طلعتا مشيت..
دخلتا المحل لقيت سلمي مستنياني.. قام سلمت علي و حضنتني و عزتني في امي.. و قعدنا..
سلمي:( اخبارك شنو?)
قلتاليها:( كويسه الحمدلله..انتي كيف?)
سلمي:( تمام الحمدلله.. احكي لي ده شنو الحصل وانتي اسي عايشه كيف)
بقيت بحكي ليها الحصل كلوو..
سلمي:( حسام حقير بالجد)
قلتاليها:( م حاسيبو بعرف اخد حقي منو كيف)
سلمي:( كدي احكي لي التفاصيل انا م فاهمه شي)
حكيت ل سلمي الحصل قالت لي حسام حقير و اوعي تسيبيهو..
موضوع منو الكلم ماجد ب مكاني ده كان محيرني جدا و محير مراد برضو .. و فعلا جا سالني.. لقاني قاعده في الصاله جا قعد قصادي..
مراد:( ي ملك منو العارف مكانك هنا تاني?)
قلتاليهو:( ماف زول)
مراد:( سلمي عارفه?)
قلتاليهو:(اي وريتها)
مراد:( سلمي بتعرف ماجد و سامي?)
قلتاليهو:( ايوا طبعا)
مراد:( هي الحتكون كلمتهم?)
قلتاليهو:( لالا مستحيل)
مراد:( ليه?)
قلتاليهو:( لانو سلمي صحبتي من سنين)
مراد:( بتثقي فيها?)
قلتاليهو:( طبعا.. ذيها و ذي ليلي و مياده)
مراد:( م عارف بس شاكي فيها)
قلتاليهو:(ليلي برضو شكت فيها بس م اظن)
مراد:( طيب ماف زول عارف مكانك.. هم عرفو من وين? )
قلتاليهو:( يمكن شكو فيك عشان يوم العزا كنت في)
مراد:( لالا مستحيل يوم العزا كانو جيت عادي اعزي و م رجعتي معاي اصلا.. و انا قعدتا معاهم مساافه بعديك حتي جيت م اظن.. و لو ظنو كانو جو طوالي اليوم داك م يدوب امبارح)
قلتاليهو:( م عارفه والله)
انا و مراد احترنا شديد و سكتنا بنفكر...
يوم كنت بفتش في لابتوبي.. لقيت صورنا انا و مراد ما بعض بقيت بتفرج فيهم حسيت اني مبسوطه شديد بيهم.. فجاه حسيت باحساس حلوه شديد اتجاه مراد.. و حسيت اني دايره اشوفو.. خليت اللابتوب و طلعتا لقيتو واقف في النجيله بتونس بالتلفون كالعاده و ماسك الخرطوش حق المويا برش في الشجر ..وقفتا ورا الشباك بقيت بعاين فيهو...كان بتونس و بضحك .. منظرو كان حلو شديد لانو فيهو ضحكه تجنن.. بقيت واقفه في مكاني م حسيت بالزمن.. الا صوت زهره بتفتش فيني مشيت دخلتا ليها جوه..
بسمه بتتكلم بالتلفون مع مراد و طالعه في السلم..
بسمه:( حاضر حبيبي بخلص و بكلمك... اي اكيد حاتغدا خالتي م بتخليني.......حاضر ...... ان شاءالله.... يلا انا وصلتا لبعدين.. باي)
و قفلت.. دقت باب الشقه.. جات فتحت ليها خالتها ايمان..
ايمان بفرح:( بسوم حبيبتي)
حضنتها و سلمت عليها..
بسمه:( كيفك ي خالتو?)
ايمان:( تمام الحمدلله.. ادخلي ادخلي)
ايمان مره في نهايه الاربعين..دكتوره في الجامعه و كل حياتها متمحوره في الجامعه و التحضيرات...زوجها اسمو راشد شغال في شركه هندسيه.. حياتهم كويسه بس مشكلتهم م عندهم عيال.. ايمان سافرت كتير و عملت عمليات بس ربنا م رزقهم..
قعدت بسمه في الصاله و ايمان جمبها..
ايمان:( زعلانه منك احنسك تحانيس عشان تجينا)
بسمه:( والله ي خالتو بس الشغل)
ايمان:( طوالي حججك كده..الشغل الشغل..اها الشغل كيف?)
بسمه:( تمام والله ي خالتو)
ايمان:( ناس امك م جايين قريب?)
بسمه:( بجو للعيد ان شا۽الله)
ايمان:( كويس والله العبد هنا موضوع م ذي الامارات هاديه.. اها انتي و مراد م قربتو?)
بسمه:( ان شاءالله دعواتك بس)
ايمان:( ان شاءالله.. طبعا عامله ليك كل الاكل البتحبيهو)
بسمه:( ليه بس متعبه روحك)
ايمان:( ان عندي كم بسمه في الدنيا.. هي وحده بس)
بسمه:( الله يخليك لي ي رب)
ايمان وقفت علي حيلا..
ايمان:( دقايق و الاكل حيكون قدامك.. راشد جوه بصلي اسي بجي)
لمن ايمان جابت سيره راشد ..بسمه اتوترت و وقفت علي حيلها..
بسمه:( حاساعدك ي خالتو)
ايمان:( لا والله انتي جايه من الشغل و تعبانه.. خليك هنا انا الشغاله بتساعدني.. دقيقتين و بجي)
و مشت طوالي علي المطبخ.. بسمه قعدت مكشره و قالت في نفسها( هو بلاي راشد بعرف ربنا?)
دقيقتين جاها راشد من جوه مبتسم.. بسمه عاينت ليهو و كشرت..
ماجد راقد في غرفتو تلفونو دقي.. عاين لقاها رباب حبيبتو.. عمل التلفون صامت دقت كم مره.. في الاخر ردا عليها بزهج..
ماجد:( ايوا ي رباب)
رباب قاعده في غرقتها و دموعها نازله..
رباب:( ماجد انت ليه م بتتكلم معاي?)
ماجد:(لاني م داير اتكلم معاك)
رباب:( طيب انا ذنبي شنو? انا م عملتا شي)
ماجد:(اي عارفك م عملتي بس انا م داير معاك علاقه نفسي طلعت منك و من البنات كلهم)
رباب:( ي ماجد العملتو ملك م تحاسبني بيهو)
ماجد:( ياخ كلكم ذي بعض و انا م دايرك ي بت الناس شوفي طريقك و خليني اشوف حالي و م تضربي لي تاني)
و قفل الخط.. رباب ختت التلفون و رقدت في السرير بتبكي..
#الهاربه《07》
#بقلمي_فاطمه_السر
كنا قاعدين نتغدا انا و حجه زهره و مراد.. انا كل شويه برفع راسي بعاين ل مراد...لمتا نفسي شديد اني فرضتا في واحد ذي مراد و حبيت سامي ده.. بقيت جد ندمانه.. و مراد بقي شاغل تفكيري الوقت كلو.. بس هو بقي م شغال بي كتير.. من يوم جيه سامي و ماجد و هو بقي م بتونس معاي ولا بتكلم.. كم كلمه في اليوم و خلاص.. بقيت بتمني يتكلم معاي و يتونس و يضحك ذي م بتونس في التلفون.. عارفه انو عندو وحده.. حجه زهره في يوم في نص الونسه قالت لي..
راشد جا قعد قريب من بسمه.. بسمه زحت منو و ختت شنطتها بينهم..
راشد:( ليه بتبعدي مني كده?)
بسمه:( راشد لو سمحتا م تبدا)
راشد:( شفتي بقدر اجيبك كيف و اشوفك.. م تحاولي تبعدي مني)
بسمه:( انا جيت عشان خالتي اصرت اني اجي لو م كده م كنت جيت هنا)
راشد:( انا القلتا ل خالتك تعزمك عشان اشوفك لاني جد اشتقتا ليك)
بسمه بخوف:( راشد لو سمحتا اسكت خالتي ممكن تسمعك)
راشد:( انا م شغال ب خالتك دي انا مستعد اقول ليها و اقول ل الناس كلها اني بحبك و دايرك بس انتي وافقي بي)
بسمه تعاين ليهو بزعل:( انت جنيت انا مستحيل اعاين ليك)
راشد:( ليه يعني? عشان م وجيه ذي مراد بتاعك ده)
بسمه:( عشان انا بحب مراد و حاعرسو.. و انت راجل خالتي مستحيل في يوم من الايام اعاين ليك)
راشد:( بسمه افهمي.. انا داير عيال وداير اعرس..و دايرك انتي عشان بحبك..خالتك م بتولد.. انا من حقي اجيب عيال)
بسمه:( امشي عرس براحتك بس م تدخلني في الموضوع)
راشد:( انا عايزك انتي)
بسمه:( ده من المستحيلات انسي الموضوع ده)
و قامت بزعل مشت علي المطبخ تشوف خالتها.. راشد يبتسم و يعاين نحيتها..
ليلي دقت لي قالت لي ارح معاي السوق.. طلعتا مشيت معاها لفينا شويه و اتونسنا و حكينا.. احنا و في السوق دقي لي مراد..
مراد:( ايوا ي ملك وين انتي?)
قلتاليهو:( انا في السوق مع ليلي مش قبيل قلتا ليك)
مراد:( طيب ممكن تجي لي المعرض عن ايمن)
قلتاليهو:( لشنو?)
مراد:( دايرك تسوقي لي العربيه م قادر اسوق و ايمن شغال م فاضي)
قلتاليهو:( طيب)
مراد:( مش متذكره المعرض?)
قلتاليهو:( ايوا متذكره)
مراد:(تمام.. جيبي معاك ليلي م تخليها تمشي بنوصلا)
قلتاليهو:( طيب)
مراد قفل و عاين ل ايمن و بفرح:( انبسط ي صحبي جايبها ليك لحدي عندك الباقي عليك)
ايمن بفرح:( شكلي كويس? القميص ده سمح?)
مراد:( اي اتطمن...يلا اطلب لينا الغدا و علي حسابك)
ايمن:( حااضر من عيوني)
ركبنا تاكسي انا و ليلي و مشينا علي المعرض.. دخلنا شفنا ايمن و مراد قاعدين في مكتب ايمن جوه لانو مكتبو كلو زجاج و بتشوف الجوه..
ايمن صاحب مراد من سنين.. و ايام كنا انا و مراد مع بعض كنت مرات بنجي ل ايمن هنا.. و مراد قبل م يجيب عربيه كان بجي يآجر عربيه من ايمن.. ايمن وضعو كويس و المعرض مدخل ليهو قروش كويسه.. امو متوفيه.. عندو ابوهو و مرت ابوهو و اخوهو الكبير متزوج.. ايمن علاقتي بيهو م كانت قويه.. سلام و كلمتين و خلاص.. في عرس اخوهو مشيت انا و ليلي مع مراد..
بسمه اتغدت مع ايمان و راشد و شربت معاهم الشاي و استاذنت تمشي..
راشد:( انا نازل اصلا بوصلك معاي)
بسمه خافت شديد..
ايمان:( ايوا خليهو يوصلك)
بسمه:( لالا انا طلبتا تاكسي اسي حيجيني.. يلا سلام)
سلمت عليهم سرعه و طلعت..
ايمان عاينت باستغراب لراشد..
ايمان:( مالا بسمه فجاه كده?)
راشد بكل برود :( م عارفها)
و دخل علي غرفتو...
مراد و ايمن وقفو و اشرو لينا..دخلنا سلمنا و قعدنا..
ايمن:( شنو الغيبه دي ي ملك?)
قلتاليهو:( والله قاعده ي ايمن بس الدنيا...انت كيف و ابوك و اخوك?)
ايمن:( تمام الحمدلله)
ايمن عاين نحيه ليلي..
ايمن:( كيفك ي ليلي)
ليلي:( تمام الحمدلله..انت كيفك?)
ايمن:( الحمدلله)
الولد الشغال جا يسالنا نشرب شنو..
ايمن:( لالا م تجيب حاجه ديل حيتغدو معانا )
عايننا ليهم باستغراب..
قلتاليهم:( غدا شنو الزمن اتاخر)
ايمن:( لا والله الا تتغدو.. انا طلبتا الاكل اسي حيجي)
ليلي:( انا حاتاخر)
ايمن:( م بتتاخري بخلي عربيه توصلك لحدي البيت)
مراد:( خلاص اسمعو الكلام م بنتاخر)
بقينا نتونس عادي كلنا مع بعض...ايمن ظريف و دمو خفيف و عندو قصص حلوه جدا.. لمن كان صغير كان مجنون.. حكي لينا كميه قصص عندو ضحكنا فيها.. الاكل جا اكلنا و لمن خلصنا طلعنا انا و مراد برا نغسل يدينا.. و خلينا ليلي و ايمن بياكلو و ايمن كان بحكي ليها في قصه..
لمن جيت دايره امشي علي المكتب..مراد وقفني..
مراد:( ملك دقيقه)
قبلتا عليهو و انا مبتسمه اصلا شوفتو و كلامو بقيت بنبسط بيهم شديد..
مراد:( تعالي نتفرج علي العربات..خلي ايمن و ليلي براهم شويه)
قلتاليهو باستغراب:( ليه?)
و مشينا علي العربات..
مراد:( ايمن عاجباهو ليلي.. متذكرها من يوم عرس اخوهو و تاني انا و انتي لمن انفصلنا هو خلي الموضوع.. لمن رجعنا تاني قال لي داير يشوف ليلي.. و لمن قلتي لي ماشه معاها السوق لقيتها فرصه انو تجيبيها و يشوفها و كده)
ابتسمتا قلتاليهو:( طيب مش تقول من الاول.. بدل م قادر اسوق و حركاتك دي)
مراد:( م داير ليلي تعرف.. خلي الموضوع عادي كانو م عارفين و جا صدفه و كده.. و تكون مصدقه انو انا م قادر اسوق)
ملك:( يعني حتخليني اسوق احنا و راجعين?)
مراد:(ايوا)
ملك:( طيب)
بقينا بنتفرج في العربات و بنعلق.. كنت مبسوطه بيهو شديد .. قدر م حاولتا اتحكم في احساسي م قدرتا.. خلصنا كلام و طلعنا مشينا انا و ليلي و مراد.. وصلنا ليلي قبل البيت بكم شارع و مشينا البيت..
بليل دقت لي ليلي قالت لي ايمن شال رقمي و داير يتواصل معاي رايك شنو و كده.. قلتاليها ايمن علاقتي بيهو سطحيه بس هو زول كويس و انتي عارفه مراد م بصاحب اي زول..
قالت لي صح عشان صاحب مراد انا اتطمنتا ليهو.. قلتاليها خلاص ماف مشكله اتواصلو و شوفي البحصل.. حسيت من صوت ليلي انها مبسوطه بيهو..
ايمن قاعد في البلكونه الصباح و قدامو شاي و بسكويت و الجو كان حلو شديد.. شال التلفون دقي ل ليلي..ليلي كانت بتصلي لمن م ردت ايمن قال بتكون نايمه.. صلت و شافت مكالمتو طوالي رجعت ليهو..
ليلي:( صباح الخير)
ايمن:( صباح النور.. م اكون صحيتك)
ليلي:( لالا كنت بصلي بس)
ايمن:( تقبل الله)
ليلي:( منا و منكم)
ايمن:( ماشه الشغل?)
ليلي:( ايوا شويه كده و بطلع)
الوقت داك مشت المطبخ كبت كبايه شاي و بقت تشرب فيها..
ايمن:( داير اتكلم معاك شويه بس م دايرك تتاخري)
ليلي:( ممكن تتكلم معاي لحدي م اتم كبايه الشاي ده)
ايمن ابتسم:( كويس طيب و انا كمان قدامي كبايه الشاي)
ليلي طلعت البلكونه و بقت تتكلم معاهو...
سامي بلبس طالع الشغل سمع تلفونو بضرب مشي عاين للاسم لقاها سلمي.. شال التلفون ردا..
سلمي:( صباح الخير)
سامي:( صباح النور)
سلمي:( وينك م بتسال مني)
سامي:( والله مشغول)
سلمي:( مشغول علي انا?)
سامي:( لالا معقوله)
سلمي بدلع:( انا زعلانه منك)
سامي:( معقوله بس كلو الا زعلك)
سلمي:( خلاص صالحني)
سامي:( عيوني ليك اطلبي)
سلمي بدلع:( اعزمني الليله غدا عشان ارضي)
سامي:( كده بس? من عيوني)
سلمي:( تسلم عيونك ي رب.. خلاص اتفقنا 4 بتصل عليك)
سامي:( اوكي اتفقنا)
و قفلو علي كده..
بسمه قاعده في مكتبها شغاله الباب دقي..
بسمه:( ادخل)
جا داخل وائل.. شاب في الاربعين وسيم لابس بدله و مبتسم..
بسمه وقفت علي حيلها:( اهلا اهلا مستر وائل اتفضل)
وائل جا عليها مبتسم سلم و قعد..
بسمه:( شنو الغيبه الطويله دي ي مستر? عشان خلصتا شغلك معانا يعني?)
وائل:( معقوله بس.. لالا والله بس المشاغل والله عارفاني م مستقر هنا كنت بجي لامي الله يرحمها و بعد امي اتوفت بقي ماف حاجه بتجيبني السودان)
بسمه:( الله يرحمها)
وائل:( اسي جيت عندي عرس ولد عمي و قلتا اجي اسلم عليكم)
بسمه:( ماشاءالله والله.. الف مبروك ليهو)
وائل:( الله يبارك فيك)
بسمه مسكت سماعه التلفون:( تشرب شنو ي مستر?)
وائل:( اي حاجه)
بسمه:(الو.. اتنين قهوه مظبوطه هنا)
و قفلت السماعه..
بسمه:( الاخبار شنو تاني?)
وائل:( تمام الحمدلله انتي اخبارك شنو? م عرستي لسه?)
بسمه:( لسه والله.. عارف البلد هنا كيف..العرس بقي صعب شديد)
وائل:( انسه بسمه.. انا جاييك مخصوص عشان الموضوع ده.. انا من زمان معجب بيك جدا .. انا داير اتقدم ليك و اسوقك معاي لندن تعيشي هناك ملكه .. صدقيني حاريحك جدا من الشغل و التعب و اي حاجه.. جد حاعيشك ملكه.. انا زول جادي و شارييك دايرك في الحلال .. فكري في كلامي ده كويس و ردي لي ..م حاحدد ليك وقت.. زمن تفكري و تقرري اتصلي علي كلميني)
بسمه كانت مخلوعه بتعاين ل وائل و ساكته م قادره تقول كلمه...
قاعدين سلمي و سامي في مطعم بتغدو.. سامي عشان هو ولد وحيد وارث من قروش كويس شديد و عمل ليهو شركه مقاولات و ماشه معاهو كويس شديد..
سلمي:( و ملك?)
سامي برفع راسو يعاين ليها باستغراب:( مالا?)
سلمي:( ماف احتمال انو ترجعو?)
سامي بحسم:( لا)
سلمي:( يعني شلتها من بلان حياتك خالص?)
سامي:( طبعا)
سلمي:( و م بتفكر تعرس غيرا?)
سامي:( حاليا? م اظن)
سلمي:( ليه?)
سامي:( سلمي.. انتي عارفه ملك بالنسبه لي شنو.. م كانت بس خطيبتي و بت عمي...لا...كانت كل دنيتي.. و انا لسه بحبها بس م بقدر ارجع ليها اكيد بعد العملتو...بس محتاج وقت اتخطي الازمه دي و اقدر افكر في وحده غيرها)
سلمي:( طيب م محتاج وحده جمبك لحدي م تتخطي الازمه دي?)
سامي يعاين ليها مساافه..
سامي:( انتي?)
سلمي:( اكيد)
#الهاربه《08》
#بقلمي_فاطمه_السر
سامي:( بس انتي صحبتها)
سلمي:( سامي.. اي ملك صحبتي من سنين.. بس بعد الحصل انا م بقدر ابقي صحبتها.. م بقدر ..سمعتها بقت كعبه و الناس كلها عرفت الحاصل عليها.. و انا لو بقيت صحبتها معناها انا ذيها و انا مستحيل اكون ذيها.. عشان كده انا م حاقدر اتواصل معاها تاني)
سامي:( كلامك صح.. معاك حق)
سلمي ابتسمت:( عشان كده ماف حاجه تمنع اني اكون جمبك)
سامي ابتسم:( تمام طيب)
قااعده بسمه في غرفتها معاها صحبتها اسمها ريم..بشربو في شاي و بتونسو..
ريم:( اها العرس متين?)
بسمه:( لسه والله م حددنا.. مراد م عندو قروش اسي.. داير يتم اقساط العربيه بعدين يشوف العرس)
ريم:( طولتو والله)
بسمه:( اعمل شنو بس)
ريم:( خليهو ..شوفي غيرو)
بسمه:( لا طبعا انا بحب مراد و حرستناهو)
ريم:( ي بسمه انتي بت و العمر بجري بيك)
بسمه:(لالا انا م بتخلي عن مراد ي ريم جد بحبو و م شايفه غيرو)
ريم:( عايني الحب حاجه و العرس و المسئوليه حاجه تاني.. اي مراد مسئول بس وضعو م خالص كده و ده غير حبوبتو القاعده معاهو دي)
بسمه:( احنا حنسافر و حنحسن وضعنا و حنعيش مرتاحين)
ريم:( انا زمان كنت بفكر ذيك.. بس من جاني احمد و لقيتو زول كويس طوالي خليت الحب و الكلام و عرستو و اهو شايفاني عايشه مبسوطه و الحمدلله.. ي بسمه الحب م باكل عيش فكري كويس)
بسمه ابتسمت :( بالمناسبه الليله جاني عريس كويس شديد)
ريم بفرح:( ده منو?)
بسمه:( واحد من عملاء الشركه عندنا...اسمو وائل عايش في لندن و وضعو كويس شديد)
ريم بفرح:( طيب اقبليهو)
بسمه:( انتي هبله لا طبعا.. م بقدر اسيب مراد)
ريم:( انتي ي بت مجنونه دايره تضيعي واحد عايش في لندن عشان سي مراد بتاعك ده)
بسمه:( ااي برفضو م بخلي مراد.. ربنا بسهل علينا)
ريم حاولت تقنع بسمه بس بسمه رافضه تخلي مراد مهما حصل..
كنت بضرب ل سلمي بس م بترد علي م عرفتا مالا.. خليتها قلتا بترجع لي.. سمعتا حجه زهره بتناديني طلعتا لقيتها واقفه في االحوض حق الحمام و بتستفرغة.
قلتاليها بخوف:( مالك ي حجه?)
زهره بصوت تعبان:( تعبانه عندي مغص فظيع ..اضربي ل مراد يجي يوديني الدكتور)
قلتاليها:( حاضر حاضر تعالي اقعدي اول)
سندتها قعدت في الكنبه..
و جريت شلتا تلفوني و دقيت ل مراد..
مراد كان قاعد هو و بسمه في مطعم بتغدو و بتونسو.. مراد سمع تلفونو بدق عاين ليهو و خاف قدام بسمه يرد علي عملو صامت و خلاهو..
بسمه:( ليه م رديت?)
مراد:( م بستقبل مكالمات الشغل بعد اطلع من المكتب)
بسمه:( كويس)
بقيت ماشه و جايه في الصاله متوتره و دقيت ل مراد تاني.. بعد مكالمتين ردا علي..
مراد:( الو)
قلتاليهو و انا بكورك:( مراد الحق حجه زهره تعبانه)
مراد وقف علي حيلو مخلوع..
مراد:( مالا?)
قلتاليهو:( م عارفه تعال سرعه بس)
بسمه واقفه مخلوعه بتعاين ل مراد..
بسمه:( في شنو?)
مراد:( حبوبه تعبانه..ارح)
و طلعو بجرو من المطعم.. وصل البيت دخل جري علي الصاله لقي حجه زهره راقده و انا جمبها..
مراد جا قعد جمبها..
مراد:( مالك ي حبوبه?)
بسمه واقفه مخلوعه بتعاين لي م عرفت انا منو..
زهره:( تعبانه ي مراد.. عندي الم رهيب في بطني استفرغتا كم مره)
مراد:( ارح الدكتور سرعه)
انا لبستا توب و سندنا حجه زهره انا و مراد و بسمه و طلعنا..
ركبنا و مشينا المستشفي.. دخلو حجه زهره الغرفه و احنا ال 3 برا...و نظرات بسمه م فارقتني.. و دايره تسال مراد مني بس م قدرت لانو مراد كان مقلق علي حبوبتو شديد..
جا طالع الدكتور جرينا عليهو..
الدكتور:( عندها حاله تسمم حنعمل ليها غسيل معده)
مراد:( هي كويسه?)
الدكتور:( بتبقي كويسه ان شاءالله..عن اذنكم)
و دخل الغرفه..
مراد قعد في الكرسي مقلق مشيت عليهو ..
قلتاليهو:( مراد م تقلق حتبقي كويسه)
مراد:( خايف عليها شديد.. كانت تعبانه)
قلتاليهو:( هي فطرت عادي م اكلت حاجه تاني)
مراد:( حتكون اكلت حاجه م نفعت معاها)
سكتا شويه..قلتا ليهو:( صح اتذكرتا.. قالت حاسه سكريها منخفض و اكلت من الباسطه الجبتها انت امبارح)
مراد:( معناها الباسطه)
قلتاليهو:( احتمال)
بسمه قاعده بتعاين لينا و مخلوعه فيني شديد و م قادره تسال مراد.. عملو ل حجه زهره غسيل معده و طلعت كويسه.. دخلنا نتطمن عليها.. جيت جاريه من هناك حضنتها..
قلتاليها:( خوفتينا عليك حجه)
زهره بابتسامه:( الله يخليك ي ملك اعفي لي)
بسمه ركزت لاسمي شديد و بقت تقول في نفسها:( ملك.. ملك?? دي منو?)
مراد قعد جمب حبوبتو..
مراد:( حمدلله علي سلامتك ي حبوبه.. بقيتي كيف?)
زهره:( كويسه الحمدلله)
و عاينت جهه بسمه..
زهره:( تعالي ي بسمه)
انا زحيت ل بسمه.. جات سلمت علي حجه زهره و قعدت..
زهره:( حاطلع متين?)
مراد:( بس تخلصي الدربات دي و تطلعي ماف حاجه تاني)
زهره:( اي دايره ارجع بيتي م دايره اقعد في المستشفي)
قلتاليها:( معليش اسي بتطلعي)
زهره:( الله يرضي عليك ي ملك اديني مويا ريقي نشف)
شلتا كبايه المويا و سندتها..
مراد:( براحه ي ملك)
ملك:( حاضر)
بسمه حست روحها خلاص حتطرشق من الزعل..وقفت علي حيلها..
بسمه:( يلا حمدلله علي سلامتك ي حجه انا ماشه اتاخرتا)
زهره:(الله يسلمك ي بسمه)
بسمه:( تعال ي مراد)
طلعت و مراد لحقها وقفت جمب الغرفه برا و ربعت يدينها و الزعل كان باين علي وشها..
مراد وقف جمبها عاين ليها..
بسمه:( دي منو ي مراد? )
مراد:( منو? ملك?)
بسمه:( ايوا)
مراد:( دي ملك)
بسمه:( ملك منو? بت اهلك?)
مراد:( اي)
بسمه:( من متين عندك بت اهل اسمها ملك? مراد م تكذب علي)
مراد اخد نفس ..
مراد:( بسمه انا تعبان و اعصابي بايظه ب خلعتي ب حبوبه لو سمحتي ارحميني م داير مناقشات...ارح اوصلك)
و طلع قدامها...بسمه وقفت مساافه مكانها و تاني لحقتو.. ركبو في العربيه و اتحركو..
بسمه عارفه انو حبيبه مراد زمان كانت اسمها ملك بس استبعدت انها تكون دي هي.. كيف وحده كان بحبها نجي تقعد معاهم في البيت..
بسمه:(مراد لاخر مره بسالك.. البت دي منو?)
مراد:( بت اهلي)
بسمه:( كذاب دي م بتبقي ليك.. م عندك بت اهلك اسمها ملك)
مراد:( بسمه بعدين...بعدين لو سمحتي)
بسمه سكتت و كشرت...مراد وصل قدام بيت بسمه.. بسمه نزلت طوالي و قفلت الباب بزعل.. مراد مشي طوالي ولا سالها..
لمن مراد رجع قال لي اهلي جايين ارجعي البيت..
قلتاليهو:( دايره اتطمن عليها)
مراد:( هي كويسه بس تخلص الدربات و بنجي)
قلتاليهو:( طمني بالتلفون)
مراد:( حاضر)
و طلعتا مشيت البيت..
جيت داخله البيت ل حجه زهره بعد اهلهم مشو لقيتها راقده في السرير..
قلتاليها:( حمدللله علي السلامه ي حجه)
مراد:( م تشوفي شر ي حبوبه)
زهره:( الله يسلمكم)
قلتاليها:( اجيب ليك حاجه تاكليها?)
زهره:( لالا م دايره حاجه بس دايره انوم)
قلتاليها:( خلاص حاجيب ليك لبن بارد كويس عشان معدتك عشان م تنومي معدتك فاضيه)
مراد:( ايوا اللبن كويس)
طلعتا طوالي مشيت علي المطبخ..
مراد قعد حمب حبوبتو و ماسك يدها..
مراد:( حاسه ب تعب?)
زهره:( لالا كويسه بس نعسانه دايره انوم)
مراد:( اشربي اللبن و نومي)
جبتا ليها كبايه اللبن شربتها و رقدت تنوم و انا و مراد طلعنا خليناها..
مشيت علي غرفتي ..كنت حاسه اني تعبانه شديد لاني من الظهر في المستشفي..
مراد:( ملك)
قبلتا عليهو...
مراد:( اعفي لينا تعبناك معانا)
ابتسمتاليهو:( لالا هو انا عندي اغلي منكم عشان اتعب ليهم?)
مراد ابتسم لي..
قلتاليهو:( داير حاجه اعملا ليك?)
مراد:( لالا حانوم طوالي)
قلتاليهو:( كويس و انا كمان حانوم)
مراد:( تصبحي علي خير)
قلتاليهو:( وانت بخير)
و كل واحد مشي علي غرفتو..
صحت ايمان من النوم لقت راشد مافيش في السرير جمبها.. قامت عاينت للساعه لقتها 2 صباحا.. قامت مشت برا الصاله لقتو ماف سمعت صوت في الغرفه التانيه.. مشت براحه وقفت قدام الباب سمعتو بتكلم في التلفون بصوت واطي و بضحك.. وقفت قدام الغرفه مسااافه و هي زعلانه بس م بتقدر تسالو لانو هو شايف العيب حق االولاده منها.. كيف تسالو.. و عارفه عندو علاقات كتيره بس كلها في التلفون م بتذيد من كده.. دموعها نزلت مسحتها و مشت علي سريرها رقدت..
قاعده بسمه مع ريم صحبتها في المكتب.. بسمه كانت زعلانه و متضايقه شديد من مراد.. دقي الصباح يصبح عليها ذي كل يوم م ردت ليهو..
ريم:( انتي حاسه انو دي منو? )
بسمه:( م عارفه بس م من اهلو انا بعرف اهلو...دي شكلها قاعده معاهم في البيت و هو م قال لي)
ريم:( يمكن بت اهلو و عندها ظروف عشان كده م قال ليك)
بسمه:( لالا حاسه في شي داسيهو مني)
ريم:( و الحل شنو?)
بسمه:( م حاتكلم معاهو ولا ارد ليهو لمن يجي يوريني دي منو)
ريم:( خايفه الموضوع يكون بسيط و انتي مكبراهو)
بسمه:( ياخ هو اصلا كبير.. يدس علي كيف و ليه?)
ريم:( كدي انتي ردي عليهو و خليهو يفهمك الحاصل)
بسمه:( لا م برد ..بوريهو انا)
صحيت من الصباح بدري جهزتا الشاي ل حجه زهره و حضرتا ليها الفطور..
قاعده زهره في الصاله جيت ختيت قدامها الشاي الساده.. هي بتحب الشاي بعد الفطور.. زهره بتعاين لي ب فرح..
زهره:( الله يباركك ي بتي تعبتك معاي الليله)
قلتاليها:( تعبك راحه ي حجه)
زهره:( خلي حوا تعمل الغدا م تعملي انتي)
قلتاليها:( انتي بس قولي نفسك في شنو و خلي الشغل علينا انا و حوا)
زهره:( البتاكلو انتي و مراد انا باكلو)
قلتاليها:( انا باكل اي حاجه م عندي مشكله.. حاشوف مراد بحب ياكل شنو?)
زهره:( مراد بحب الملوخيه و الزر.. من صغير بحبها)
سكتا و اتذكرتا صح هو بحب الملوخيه.. من زمان بقول لي كده..
ابتسمتا قلتاليها:( خلاص حاعملا ليهو)
زهره:( الله يباركك ي بتي)
قلتاليها:( العفو ي حجه زهره.. يلا اشربي الشاي برد)
#الهاربه《09》
#بقلمي_فاطمه_السر
طالعين بسمه و ريم من الشغل لقو مراد واقف ليهم قدامهم المدخل..
بسمه عاينت ليهو و كشرت..
ريم ابتسمت:( مراد كيفك)
مراد:( تمام ي ريم.. كيف انتي?)
ربم:( الحمدلله)
مراد:( بسمه كيفك?)
بسمه:( كويسه)
مراد سكت بعاين ليها ..
ريم:( عن اذنكم ي جماعه)
و مشت..
مراد:(ارح نتكلم)
و مشي و هي مشت وراهو مكشره.. ركبو العربيه و مشو..
قاعدين ايمن و ليلي في مطعم بتغدو..
ايمن:( والله ي ليلي انا اكون صريح معاك انتي من زمان عاجباني من قبل م ملك و مراد يسيبو بعض.. كنت داير اتعرف عليك بس لمن ملك و مراد خلو بعض م لقيت طريقه الاقيك بيها و تاني نسيت الموضوع.. بس اسي لمن ملك جات قعدت في بيت مراد.. جاني امل في الموضوع و كلمتا مراد.. و اهو ربنا سهلا)
ليلي:( يعني الجيه للمعرض م عشان مراد م قادر يسوق.. عشان تجيبوني انا)
ايمن ابتسم:( بالضبط كده)
ليلي:( ملك كانت عارفه?)
ايمن:( لالا ملك عرفت بعد جيتو)
ليلي:( كويس)
ايمن:( المهم انا جادي جدا و مستعد اصل البيت الليله قبل بكرا)
ليلي:( لمن نتعرف علي بعض اول)
ايمن:( تمام م عندي مشكله..حاحكي ليك عن حياتي)
ايمن بدا يحكي ليها عن ابوهو و مرت ابوهو و اخوهو و حياتو كلها.. و ليلي بتسمع فيهو..
جيت طالعه من الغرفه حقتي لقيت حجه زهره راقده في الصاله في السرير..
زهره:( مراد دقي قال حيتغدا برا م حيجي)
احبطا شديد انو م حيجي.. كان نفسي يجي و ياكل الاكل العملتو ليهو..
زهره:( كلمي حوا تخت الاكل)
قلتاليها:( طيب)
و مشيت علي المطبخ...
قاعدين مراد و بسمه في مطعم ..
مراد:( بس دي كل الحكايه)
بسمه الزعل باين علي وشها:( بكل بساطه كده.. تفتح بيتكم ل وحده كنت بتحبها زمان .. حبيبتك زمان ? انت مجنون ي مراد? في زول بتصرف تصرف ذي ده?)
مراد:( البت لجات لي و م بقدر اخزلها فيني)
بسمه تكورك:( تخزلا? هي اصلا تجيك ليه? م تشوف اي زول من معارفها تقعد عندو)
مراد:( الناس كلها بقت م عايزاها)
بسمه:( ايوا.. و انت الصدر الحنين الفتحتا ليها بيتك و قعدتها في نصكم.. و كيف انت م تحكي لي من اول يوم? ليه م جيت حكيت لي بالحصل ده?)
مراد:( عارفك م حتتقبلي الموضوع)
بسمه:( عشان م حاتقبلو تدس مني? ده الحل يعني? مراد انت شايف العملتو ده صح? في بت في الدنيا ممكن تقبل حاجه ذي دي?? انا م حاتكلم معاك لمن تمشي البت دي من بيتكم)
مراد:( م حاقدر امشيها.. بسمه ممكن نتفاهم)
بسمه وقفت علي حيلها:( اسفه)
و شالت شنطتها و طلعت م ردت علي كوراك مراد ليها..
مراد كشر وشو و قعد م عرف يتصرف..
قاعدين انا و زهره في الصاله بنتونس جا داخل مراد مكشر قال السلام عليكم.. ردينا ليهو و طوالي دخل غرفتو.. زهره عاينت ليهو و رجعت عاينت لي باستغراب..
زهره:( مالو?)
قلتاليها:( م عارفه)
حسيت انو اتشاكل مع بسمه.. و ب سببي.. لانو بسمه امبارح شافتني و اكيد سالت مني و لمن عرفت انا قاعده هنا عندهم و انا حبيبتو زمان رفضت و زعلت.. معاها حق ماف وحده بترضي بالوضع ده انا لو كنت مكانها كنت حارفض..
سلمي و سامي علاقتهم ماشه كويس بتلاقو طوالي و تلفونات طبعا سلمي هي البتبادر بالاتصال او انو تشوفو.. و سامي طبعا لقي قدامو بت جميله و ظريفه اكيد م حيرفض..
قاعدين مياده و ليلي في الصاله بحضرو في التليفزيون.. الباب دقي..ليلي قامت فتحت لقتها رباب.. ليلي عاينت ليها بخلعه..
ليلي:(رباب.. اتفضلي)
رباب سلمت علي ليلي..
رباب:( كيفك ي ليلي?)
ليلي:( تمام الحمدلله.. ادخلي)
دخلت ليلي و وراها رباب..
رباب سلمت علي مياده وقعدت..
رباب كانت ساكنه جمبهم زمان يعني بت جيرانهم..
مياده:( كيف ناس امك و ابوك و اخوانك?)
رباب:( كويسين الحمدلله.. انتو كيف عاملين?)
مياده:( تمام الحمدلله)
ليلي وقفت:( دايرين نشرب قهوه تشربي معانا?)
رباب:( ماف داعي انا ماشه طوالي)
ليلي:( ماف مشي م صدقنا جيتينا.. دقايق بس)
و مشت ليلي علي المطبخ..
مياده:( مالك ذي الزعلانه كده?)
رباب:( ماجد اخوك م قعد يتكلم معاي قطع علاقتو بي كلو كلو)
مياده اتخلعت:( ليه?)
رباب:( م عارفه بدون سبب.. من وقت الحصل مع ملك و هو بقي بكرهني ليه م عارفه)
و دموعها نزلت..
مياده:( اهدي ي رباب.. ماجد من وقت الحصل و هو بقي كعب شديد مع كل الناس.. حتي معاي انا اختو بقي كعب معاي انتي عارفه ماجد صعب شديد و عقلو اتجاه واحد)
رباب:( بس انا ذنبي شنو في العملتو ملك)
مياده:( ملك م عملت شي ده كلو من تحت راس حسام الحقير ده.. و انتي م ذنبك شي...بس اصبري عليهو شويه)
رباب:( انا صابره عليهو كم شهر و برضو م عبرني)
مياده:( اصبري تاني)
رباب:( اتكلمي معاهو ي مياده.. انا بحبو و م قادره اعيش بدونو عليك الله اتكلمي معاهو)
مياده:( حاضر ي رباب ان شاءالله بحاول)
جات ليلي ختت صينيه القهوه و بقت تكب في القهوه عاينت ل رباب لقت شكلها ذي البتبكي..
ليلي:( مالك ي رباب?)
مياده:( ماجد متغير منها و حاسبها بالحصل مع ملك)
ليلي:( والله ماجد ده جنا اسي انتي ذنبك شنو.. يلا هو م معاك براك.. كلنا تعاملو معانا بقي كعب)
رباب و هي بتبكي:( والله انا م ذنبي حاجه براهو فجاه كرهني و بقي م طايقني)
مياده:( اهدي ي رباب و ان شاءالله بنتكلم معاهو و نشوف البحصل)
مراد دقي ل بسمه بس رفضت تتكلم معاهو رسل ليها مسجات انو يتفاهمو مع بعض رفضت ردت ليهو بمسج واحد بس:( ي انا ي هي ..لمن تطلع من بيتكم انا برجع ليك)
مراد بقي محتار م بقدر يطلعني من البيت و م بقدر يقعد بدون بسمه.. م بقدر يزعلها.. بقي في موقف لا يحسد عليهو..
بسمه قاعده تبكي و ريم جمبها..
بسمه:( شفتي مش قلتا ليك ي ريم.. حبيبتو القديمه قاعده معاهو في البيت قال عندها مشاكل مع اهلها)
ريم استغربت:( كيف يعني عندها مشاكل مع اهلها تجي تقعد مع ولد غريب.. في بت ناس بتعمل حركه ذي دي?)
بسمه:( عشان كده انا خايفه منها عشان م بت ناس و مراد زمان كان بحبها يعني ممكن بحركتين منها يرجع يحبها)
ريم:( يمكن اصلا رجع ليها و بينهم في شنو م معروف ...هي ي بسمه حدديها معاهو ي انتي ي هي بس)
بسمه:( ااي كلمتو بس هو م راضي مصر عليها)
ريم:( خلاص طوالي خليهو.. و بجيك سيد سيدو... كيف هو يرضي ليك وضع ذي ده و يرضاهو لنفسو...لالا مراد ده بالغ عديل والله)
بسمه:( بالجد رضي وضع كعب ليهو و لي...ياخ لو كان قال لي كنت ممكن اقبلا شويه بس اكتشفها براي و القاها قاعده معاهم ليها كم شهر و انا م عارفه)
ريم:( حتي لو كان قال ليك كيف ترضي ب حاجه ذي دي? اوعي ي بسمه.. دي بتكون من النوع البتستغل الناس تقعد مجان اكل و شرب و كل حاجه مجانيه. و اسي تلاقيهو مراد بصرف عليها.. و لو اداها وش حتقعد معاهم كده طوالي و م بعيده لمن تعرسو تلقاها قاعده في وسطكم.. اوعي ي بسمه اوعي ترضي ب البت دي.. خيريهو بينك و بينها بس)
بسمه سكتت و بتفكر..
مراد قاعد مع ايمن في المعرض و كان زعلان شديد..
ايمن:( ي مراد اقول ليك الصراحه بسمه ليها حق ماف بت في الدنيا ممكن تقبل الحاصل ده)
مراد:( عارف معاها حق بس انت عارف وضع ملك يعني اعمل ليها شنو? اقول ليها اسف م بقدر استقبلك في بيتي? اقعدي في الشارع?)
ايمن:( اي صح البت لجات ليك م ممكن تخزلها.. بس ي مراد هي موضوعها ده مطول شكلو خليها تمشي تاجر شقه صغيره تقعد فيها)
مراد:( انا م رافض بس حبوبه رافضه قالت م بتطلع من البيت الا تحل مشكلتها)
ايمن:( خلاص كلم حبوبتك انو تخليها تمشي عشان بسمه عملت معاك مشكله)
مراد:( م حترضي حتقول ده بيتها و هي بتخلي فيهو الدايراهو و م شغاله ب بسمه)
ايمن:( لا حول ولا قوه الا بالله...و الحل شنو?)
مراد:( م عارف جد زهجتا انا)
ايمن:( خلاص انا بتكلم ليك مع بسمه)
مراد:( لالا خليها انا بخليها يومين و بحاول معاها تاني)
ايمن:( تمام و وقت م تحتاج اني اتكلم ليك معاها انا جاهز)
مراد:( ان شاءالله)
و وقف علي حيلو..
ايمن:( لسه بدري)
مراد:( من عمرك...يلا السلام عليكم)
ايمن :( و عليكم السلام)
واقف ماجد في المطبخ بعمل في شاي جاتو مياده وقفت جمب باب المطبخ.. عاين ليها و سكت..
مياده:( ماجد ممكن اتكلم معاك?)
ماجد بزهج:( قولي)
مياده:( خلص الشاي و تعال برا الصاله)
و طلعت قعدت في الصاله.. شويه جا ماجد شايل كبايه شاي و قعد..
مياده:( ماجد انت ليه بتلخبط الكيمان مع بعض?)
ماجد :( كيمان شنو?)
مياده:( ظالم رباب بسبب موضوع ملك ليه?)
ماجد طير عيونو:( هي اشتكت ليك?)
مياده:( ي ماجد انت زول كبير البتعمل فيهو ده م صح)
ماجد كورك:( اسمعي هنا انا بعرف الصح و الغلط براي م محتاج زول يوريني)
مياده:( ي ماجد البت م ذنبها حاجه.. هي بتحبك ليه تخليها ?)
ماجد:( ياخ انا م دايرها انا حر في حياتي.. اعيش معاها غصب عني يعني?)
مياده:( طيب ممكن تقول لي هي عملت شنو?)
ماجد:( م محتاج ابرر لزول لا انتي لا هي لا اي زول تاني)
مياده:( ماجد رباب بت كويسه شديد م تضيعها من يدك)
ماجد بحسم:( مياده م تتدخلي في حياتك وريتك للمره الاخيره... و رباب تفاهمي معاها براهو)
و قام شال كبايه الشاي و مشي..
مياده كشرت و سكتت..
#الهاربه《10》
#بقلمي_فاطمه_السر
مراد قعد يومين مزاجو كعب م بتونس ولا بتكلم معانا..
تالت يوم قلت اتكلم معاهو.. استنيتو يطلع من غرفتو طلع بليل قعد في النجيله...طلعتا ليهو قعـدتا جمبو..
قلتاليهو:( مراد انت مالك?)
مراد:( مشاكل في الشغل)
قلتاليهو:(مراد م تكذب علي انا بعرفك كويس.. انت متشاكل مع بسمه صح?)
مراد عاين لي باستغراب..
قلتاليهو:( و بسببي صح?)
مراد اتخلع ذياده..
قلتاليهو:(انا ركزتا ليها يوم المستشفي.. و اكيد سالتك مني.. مستحيل م تسال و اكيد قلت ليها الحقيقه عشان عارفاك م بتكذب.. و هي زعلت صح?)
مراد:( لا ده كلو م حصل)
قلتاليهو:( لا حصل)
مراد:(ملك لو سمحتي اسكتي لانك م عارفه حاجه م تتكلمي ساي ...اي انا و بسمه متشاكلين بس م بسببك بسبب عرسنا الاتاخر و اهلها بدو يعترضو)
قلتاليهو:( اهو عندك البيت )
مراد:( ده بيت ورثه في الاخر حيتقسم.. انا مفروض يكون عندي بيتي براي بس انتي عارفه الوضع و الحاصل)
قلتاليهو:( ابدو بالقليل لمن ربنا يسهلا)
مراد:( ان شاءالله)
حسيت انو المشكله البينهم بالجد ب سبب تاخير العرس.. م ب سببي انا.. لمن كنت بقول ل مراد عرسو بالموجود ده و ابدو بالقليل قلبي كان بتقطع بس ماف كلام غير ده ممكن اقولو..
نظرتي ل مراد رجعت ذي زمان.. زمن كنت بحبو.. بقيت كل يوم الوم نفسي اني خليتو.. انا و معاهو م كنت حاسه بقيمتو بس اسي شفتا فيهو الرجوله و الحنيه.. .. و وقفتو معاي ب الدنيا كلها..بقيت بتمني من جواي هو و بسمه علاقتهم م تمشي عشان يرجع لي.. بس م معروف حتي لو خلي بسمه ممكن يرجع لي? ممكن يثق فيني تاني? بالجد لو مراد ده فكر فيني تاني جد حابقي اسعد وحده في الدنيا..
تاني يوم صحيت ب صوت حجه زهره بتتكلم في التلفون..
زهره:( لا حول ولا قوه الا بالله.. الله يرحمو ... اللهم آمين)
قمتا مخلوعه طلعتا لقيت مراد برضو طالع من غرفتو كان الوقت 8 صباحا..
مراد:( في شنو ي حبوبه?)
زهره:( ااي خلاص اسي بجهز..و عليكم السلام)
و قفلت..
زهره:( ابوالقاسم ولد امنه مات في حادث اسي الصباح)
مراد:( لا حول ولا قوه الا بالله.. الله يرحمو)
قلتاليها:( البركه فيكم ي حجه)
زهره:( البركه في الجميع)
مراد:( العزا وين?)
زهره:( مدني ..اسي عمك عادل جايني حامشي معاهو)
مراد:( تمشي مدني?)
زهره:( اي مالو? ده في الحسبه ولد عمك لازم امشي ليهم)
مراد:( نعزي بالتلفون بس)
زهره:( لالا امنه دي في وفاه ابوك جات قعدت معاي هنا اسبوع اصلو م بخليها بمشي ليها.. انت لو داير عزي بالتلفون)
مراد:( انا من عزا ابوي م شفتهم)
زهره:( خلاص عزي بالتلفون انا حاحضر شنطتي و ماشه)
و قامت و انا مشيت وراها...حضرتا ليها شنطه صغيره فيها غيارين ..و جاها عادل طلعو مشو...مراد لبس مشي الشغل..
قعدتا في البيت براي.. حوا جات اشتغلت و طبخنا انا و هي و العصر جا مراد.. ختيت الغدا اكلنا ... حوا مشت بيتهم..
المغرب قعدتا في الصاله بحضر في فيلم جا مراد قعد في الكنبه..
مراد:( الفيلم ده عرض اول صح?)
قلتاليهو:( ايوا)
مراد:( ايوا شفتا اعلانو.. بدا متين?)
قلتاليهو:( م كتير تلت ساعه)
مراد:( كويس بلحقو)
قلتاليهو:( اي)
بقينا نحضر في الفيلم ..كنت مبسوطه شديد ب مراد انو قاعد يحضر معاي .. كنت خايفه يقفل نفسو في الغرفه و م يتكلم معاي طول وقت حجه زهره ماف.. في الدعايات قمتا عملتا شاي و جبتا كيك و بقينا نحضر.. الفيلم كان بحكي عن وحده خلت حبيبها عشان واحد تاني و عرست و حبيبها دخل في حاله نفسيه شديده.. لمن الفيلم انتهي.. كنا ساكتين ساي.. مراد فجاه قال لي..
مراد ببرود:( هم البنات كلهم م عندهم احساس كده?)
استغربتا من سؤالو شديد..
قلتاليهو:( كيف يعني?)
مراد:( يعني ببيعو الحب بسهوله و بخلو الزول وراهم ولا بسالو منو)
قلبي وجعني عرفتو بتكلم عني..م كان عندي رد حاولتا ازوغ من الموضوع..
قلتاليهو بتوتر( قصه الفيلم كده بس حلو شديد)
مراد عاين لي في عيني مساافه..
مراد:(م تزوغي من السؤال ردي علي)
قلتاليهو:( م فهمتك)
مراد:( انتو كلكم كده بتبيعو الحب بسهوله و تمشو تعيشو حياتكم و مبسوطين و تخلو اي حاجه بوراكم?)
قلتاليهو:( والله م كلنا.. حسب الظروف)
مراد بزعل:( م تقولي لي حسب الظروف ماف ظروف بتخلي الوحده تخلي حبيبها)
قلتاليهو:( الظروف بتختلف من وحده ل التانيه)
مراد:( و انتي ظروفك كانت شنو?)
شبكتا يديني ببعض و دنقرتا راسي..
مراد:( مالك سكتي? م عندك سبب?)
قلتاليهو:( مراد.. انا م عارفه الحصل شنو والله.. بس فجاه لقيت روحي بقيت بعيده منك.. لقيت نفسي فجآه مايله ل سامي)
مراد بزعل:( عجبك سامي..لقيتيهو ولد نضيف و ظريف و جاي من الامارات.. عجبك.. قلتي ااخير لي ده جاهز و بنعرس بسرعه بدل مراد المرتبو م بكفيهو 10 يوم في الشهر صح?)
قلتاليهو:( لا ي مراد الموضوع م مادي)
مراد قام جا قعد جمبي..
مراد:( لا مادي ي ملك.. اخترتي سامي و خليتيني عشان قروش سامي)
اللحظه ديك دموعي نزلت...
قلتاليهو:( مراد والله م كده.. انا عمري اهلي م قصرو معاي في شي عشان احتاج ل زول يصرف علي.. انا عمري م عاينتا للقروش.. لو بعاين للقروش كنت اخترتا ناس احسن من سامي ب ميه مره.. بس هو كان بهتمي بي و كده...الوقت داك انت مدروش في شغلك.. انا نص ساعه في اليوم م كنت بتكلما معاك)
مراد:( انا عمري م اهملتك ي ملك.. كنت بهتما بيك و انا في اصعب حاله.. عمري م اهملتك.. كنت خاتيك جوه عيوني..انتي كنتي عندي بالدنيا دي كلها .. كنتي دنيتي و فرحتي و حياتي و ابتسامتي الما بتغيب عن وشي كنتي الامان بالنسبه لي.. امان الكون ده كلو فيك....فجاه شلتي اي حاجه و مشيتي.. شلتي الفرح شلتي الامان شلتي اي شي و خليتيني عايش في جحيم)
اللحظه ديك بقيت ببكي.. لانو مراد ذاتو دموعو نزلت.. مديت يدي مسكتا يدو ..
قلتاليهو:( انا اسفه والله انا اسفه.. انا م حسيت بقيمتك الا اسي.. م حسيت بقيمتك الا لمن لجآت ليك و حميتني من اهلي.. حسيتك راجل بالجد.. الراجل الوحيد في نظري.. ندمتا سبتك والله.. ندمتا شديد.. و اتمنيت العمر يرجع عشان ارجعك لي)
مراد ابتسم بسخريه.. و فكا يدي من يدو و قام ماشي علي غرفتو.. دخل و قفل الباب..
كان نفسي اقول ليهو انا لسه بحبك و دايراك بس م قدرتا.. قعدتا في الكرسي و بقيت ببكي..
مراد رقدت في سريرو و دموعو في عيونو..
مراد في نفسو:( انا لسه بحبك ي ملك لسه بحبك بس م قادر اسامحك و م داير اظلم بسمه)
بسمه قاعده في المكتب تلفونها دقي.. لقتها ايمان خالتها..
بسمه:( خالتو حبيبتي)
جاها صوت ايمان تعبان:( بسومه كيفك حبيبتي?)
بسمه ركزت لصوت خالتها التعبان:( مالك ي خالتو?)
ايمان:( تعبان والله من الصباح حيلي م شايلني و عندي حمه)
بسمه:( الف سلامه عليك.. اسي انا بجيك)
ايمان:( الله يخليك م كنت دايره اتعبك بس لو بتقدري تجي تعالي)
بسمه:( اكيد بقدر اسي بجي)
ايمان:( و دايراك تغشي الصيدليه الجمبنا اديني الدكتوره اوصف ليها العندي ده شنو)
بسمه:( نمشي الدكتور عديل)
ايمان:( لالا كفايه بس الصيدليه.. يلا م تتاخري)
بسمه:( حاضر حاضر)
و قامت سرعه شالت شنطتها و طلعت...
مراد قاعد في مكتبو سرحان م قادر يشتغل.. كلامنا حق امبارح جاط ليهو احساسو شديد..
انا قاعده في البيت غير مراد ماف حاجه في راسي ..م قادره افكر في شي.. بقيت حاسه اني بحب مراد اكتر من اي وقت تاني..
بسمه بتدي في خالتها في الحبوب و المويا.. شربت و رقدت..
بسمه:( كنا نمشي الدكتور)
ايمان بصوت تعبان:( انا كويسه بس محتاجه ارتاح و البندول ده حينزل الحمه)
بسمه:( خلاص ارقدي نومي و لمن تصحي حتلقيني عملت ليك اكل)
ايمان:( في شوربه و فراخ كنت بعمل فيهم امشي تميهم بس عشان راشد بجي جيعان)
بسمه اتذكرت راشد اتضايقت..
بسمه:( حاضر ي خالتو يلا نومي)
بسمه غطت خالتها و طفت النور و طلعت.. مشت المطبخ وقفت بقت تعمل في الاكل..
قاعده مياده في غرفتها بتتكلم بالتلفون مع رباب..
مياده:( شاكلك ليه?)
رباب :( قال لي تشتكيني للناس و انا حاندمك علي العملتيهو ده و تاني انا م دايرك و لو بقيتي قبله م بقبل عليك و جاط كتير و قفل الحظ و تاني بقي تلفونو م بدخل معاي)
رباب كانت زعلانه و دموعها نازله..
مياده:( والله ماجد ده جنا.. اسي دي حركات راجل كبير عاقل? اسمعي ي رباب اسكتي منو لا تضربي ليهو لا تعبريهو مش قال م دايرك قولي ليهو تمام وانا كمان م دايراك و خلي علي كده بتآدب و برجع ليك براهو حيلقي احسن منك وين بس)
رباب:( بالجد اعمل كده?)
مياده:( ايوا اعملي كده و اسمعي كلامي و لو دقي ليك زاتو م تردي ليهو الا يجي يعتزر و يرجع معاك كويس)
رباب:( طيب حاجرب)
مياده:( ااي و خلي البكي ده و قوي قلبك شويه.. انتي بتحبي ماجد الصادق يعني الحمدلله بس)
رباب:( اعمل شنو بس بحبو والله)
مياده:( ربنا يسهل ليك و يهديهو.. بس اعملي القلتو ليك و وريني البحصل)
رباب تبتسم:( شكرا ي مياده تعبتك معاي)
مياده:( العفو حبيبتي احنا اخوات)
راشد جا داخل لقي بسمه في المطبخ ايمان كلمتو انها تعبانه و بسمه حتجي.. عاين علي غرفه ايمان لقاها مقفوله طوالي جا علي بسمه و بسمه م حست بيهو فجاه حست ب زول واقف وراها اتخلعت قبلت لقتو راشد..
بسمه:( زح مني انت جنيت?)
راشد بقي بقرب عليها و هي بتزح منو..
بسمه:( راشد حاكورك و الم الناس)
راشد:( انتي بس وافقي بي و جد حترتاحي معاي)
بسمه:( انت مجنون? والله لو بقيت اخر راجل م حافكر فيك)
راشد جا عليها و مسكها شديد ..بسمه حاولت تزح منو بس قبصتو عليها كانت قويه.. بعد كم محاوله حتي قدرت تزح منو و جرت طلعت برا المطبخ.. راشد عاين ليها ب عين كلها اصرار و تحدي..
يتبع......
التسميات
روايات حزينة