شهــــر _العسـل
#شهــــر _العسـل.. 《11》
ــہہہـہہـہہہـہہـــہہہـہہـہہہـــــــــــ❥ :00:00
كمال كان مبسوط وماقادر يعبر عن فرحتو إنو بقى أب العرفتو هو متزوج أروى ليهو سنة وكم شهر قرابت السنتين يعني معاملتو معاها أصلا حلوه وحملها خلاهو يذيد من اهتمامو بيها طلبتا كلها مجابة وتتنفسن فيني وتقول أني غيرانة منها وخايفة على روحا مني عشان ما ارميها وتجهض يحذر عشرومية مرة أني أكون بعيدة منها والبكا الما طبيعي المهم مرا علي شهر في معاناة معاها كانت ممغصة علي حياتي وياما اتكفت بسببا وفي يوم قالت ليه ما عايزاني معاها في البيت وفي خلال كم يوم أجر لي شقة صغيرة بعد قعدت فيها حسيت نفسي منبوذة اتذكرت الجامعة الكل البيكون فيها صداقات جديدة إلاّ أنا الكنت بمشي برأي وبرجع برأي وحتى الصاحبوني عشان مصلحة وبعد المصلحة بيختفو اكتئبت كنت أغلب الوقت بنوم وهو بيجيب معاهو الأكل وما بيقعد دقيقتين وبيطلع الكنت عارفوهو إنو حنطلق قريب وفي يوم وأنا نايمة سمعت صوت التلفون رديت عليه. لقيت بت خالتي إسمها علا متزوجة وعايشة في الإمارات وعندها ولدين أكبر مني 4سنين شغالة مهندسة معمارية شاكلتني ليه ما جيتا وكدا وأنها زعلانة مني أنا وهي كنا قريب من بعض وأصحاب قالت لي عازماك إنتي وراجلك تجوني عشاء وهي ما عارفه الحاصل علي شنو اتحججت إنو كمال شغلو ما بيسمح ليه وكدا وبعد كتير من النقاشات والتأليف اقتنعت إنو اجيها برأي واليوم التاني جيتا طبعاً هي اتغيرت تغيير توتلي من وش لي جسم لي شعر اليشوفا ما يقول دي مخلفة ولدين كانت زمان معصعصة وخضراء وحاليا ناصعة البياض وأنيقة قالت لي ي بت دا شنو العامله في روحك مالك مبشتنة كدا راجلك كدا عيونو بتزوغ ويعرس فيك اعملي حسابك وقلت ما لك ما سمنتي المهم شغاله تنصحني أني أهتم بنفسي وكدا وافتش وظيفة هنا واشتغل طلبت منها أنها تفتش لي وظيفة قالت غالية والطلب رخيص المهم بعد ونسة طويلة اكتشفت إنو هي وزوجها في خلفات بينم وطلبت مني إنو نكون على تواصل رغم أنها بقت هاي هاي ما اتكبرت ولا شي كانت ياها علا. الاتربت معاي ما حكيت ليها بالحصل لأنها حتوصل المشكلة لي أبوي رجعت البيت منهكة وزعلانة وزنت طلع وزني 37 فقدت شئ اسمو امل ويئست دخلت البيت وأنا وشي ما بيتفسر لقيت كمال قاعد ومقلق عاينت لي وقعدت في الكنبة قالي كنت وين بنهره قلت لي حتفرق معاك في شنو أنك تعرف ولا فضول شاي قالي سألتك كنتي وين قلت لي مشيت لي بت خالتي عندك في دي مانع قعد في الواطة قصادي ومسك وشي بين يدو وقالي مالك وشك متغير إنتي تعبانة حاسه بشئ. نحفتي ووشك شاحب زحيت يدو وقلت لي. شبيهت اللبنانية منتظراك هنا هوضحك 😂😂😂😂 قال لي شبهتيها باللبنانية عايني أنا اليوم عايز اتغدا معاك لأني قلت لي أروى عندي شغل وأنا اليوم فاضي وجيت بدري لقيتك مافي واتصلت عليك ومارديتي وقام وقعد في الكنبة قلت لي حتصل ليها وافتن بيك واقول ليها زوجك معاي 😂😂😂 قال لي أنا يوم بكسر ليك رأسك الكبير دا
فضلت ساكتة وما اتحركت قالي ما تتحركي وجهزي لي الغدا مرأة كسلانة دخلت المطبخ كانت في بامية سخنتها وأسود وقطعت سلطة وعملت ليه مندي دجاج رصيت السفرة واكلنا لي الحق طبخي ما بيلحق بي حق اللبنانية دي بتعرف أصناف كتيرة أكل مصري ولبناني سوري يعني هي شيف وسريعة في الطبخ عرفت ليه متمسك بيها بعد أكلنا حاول يفتح معاي مواضيع سفهتو ودخلت غرفتي ورقدت عشان انوم لأني اتعودت انوم طبعاً حكاية أني أمشي منو وأخلي براه أكلت معاو جمبة. جاني
في غرفتي وقالي أنا جاي عشان اتونس معاك وأنتي راقدة بمزاج قصدك شنو بالحركة دي قلت لي أنا نعسانة واتعودت انوم ذي الزمن دا وأنت. أمشي لوزهجان أنا مابقدر أتخلى عن النوم عشان حضرت جنابك زهجت وعايز تمرر وقت معاي وتجيني وقت فراغك
قالي بنهره تمام راحتك غلطان أنا جيت وقلت اتونس معاك نومي ي رغد قلت لي ما تتونس معاي. مش حترجعني لي أهلي بعد كم يوم. ف ما في داعي للحركات دي وانك مهتم بي الحركة دي زبالة أنك تدي إنسان أمل وبعدها تسحب منو الأمل جا وقف جمبي وحضني بقوة وما أتكلم لزيتو فضل ذي خمس دقائق وبعدها ذحا مني وشو قفل الباب وطلع حركتو مغصتني نمت صحيت بدري وفتشت مكان زومبا علا رسلت لي عنوان وقالت لي دا عنوان المدرسة الحتشتغلي فيها وسألت من مكان زومبا وفعلا لقيت المكان قلت استعيد ثقتي بنفسي وفعلا بديت استعيد ثقتي بنفسي وواصلت في الزومبا ونظام الأكل الصحي وانشغلت بي الشغل الجديد وبقيت مستقلة بنفسي وكونت صداقات كمال بجي ويخت مونة البيت وبيطلع وما بيتكلم معاي بس اتجاوزت الحكاية دي وما فرق معاي كتير وانقضت فترت شهر والمفروض إنو أنا وكمال نطلق وارجع السودان..+
•••••••••••••••••••••••••••••••••••••••••••••••••••••••••••
#شهــــر _العسـل.. 《12》
ــہہہـہہـہہہـہہـــہہہـہہـہہہـــــــــــ❥ :00:00
كنت منتظرة جيت كمال وجا فعلاً قلت لي التلاتة شهور مرو وذيادة أنت نسيت الطلاق ولا شنو قال لي شايفك مستعجلة اكتر مني مانسيت بس ما بقدر ارجعك براك لازم انزل معاكي وحاليا مابقدر أنزل معاك بسبب شغلي لأني كنت ماخد إجازة قريب ومابدوني ننتظر شهر شهرين وبعدها نطلق وطلع بعد كلامو ما اهتميت كتير وقلت فرصة كويسه عشان اجتهد في نفسي واصلت شغلي وتواصلي مع بت خالتي وكل يوم بمشي الزومبا ونفسياتي استقرت اكتر وكمال كالعاده مابيعاين في وشي. وكنت ماشة في تحسن ملحوظ جو الإمارت نفع معاي وزني في خلال شهر ونص وزني وصل 50كيلو كنت مبسوطه وحطير من الفرحه قربت اتشلا ما مصدقة نفسي وبقيت اتسوق مع علا واشتريت شنط وساعات أحذية نسائية ماركات عالمية وفساتين لأنو أغلب لبسي كدا شكل جسمي بقا ملفت للنظر بس كنت محترمة نفسي وبلبس عباية وطرحة وكل اسبوع في الكوافير بعمل أظافر وشعر حتى وشي ملامحي وضحت وبقت أحلا
وبقيت أطلع واتفسح وكشخات ومنو الذي المهم في يوم لابسة ملابس تلت أربع ورابطة شعري ذيل الحصان وشويه خصل كدا مارقة ومنضفة وشي وراقدة في الكنبة وفاتحة التلفزيون وبتكلم مع علا كمال جا داخل لاقني بضحك لا ي حبيبي ما كدا أصلي بغير عليك فجأة قلع من يدي التلفون وقال الو منو معاي واكتشف أنها علا سلم عليها واتظرف معاها. أنا وقفت وربعت يدي وعاينت لي وقلت ليه قلعت التلفون قالي افتكرت بتتكلمي مع حبيبك ولقيتو بيعاين لي من فوق لتحت كانو بيفصلني قلت لي تعال اكلني مالك بتحمر لي قالي اكلك جادة إنتي بعدين ما في تراجع وقرب مني قلت أنا ما قصدت الانتا فهمتو أنا قلت كدا من باب ال.. قالي وأنا قصدتا شنو وقرب علي رجعت وراء قرب خطوتين مني لقيت نفسي قعدت في الكنبة قعد جمبي وقالي أنا نيتي صافية شكلك إنتي عايزه أقرب منك وأنتي صرحي بي كدا وأنا ما عندي مشكلة كفتو كف لأمن يدي وجعتني 👋ضحك فيني وفأجاني بي بوستو لزتو ورصعتو الكف التاني قالي كل ما حتضريني حبوسك وباسني للمرة الثانية قلت أحسن انسحب براحة منو وقمت عايزه أمشي لقيتو حضني من وراء وقالي ماعلقت ليك وشك وملامحك اتغيرت وبقيت أحلا وحتى جسمك بقى أحلا كلمتو الأخيرة طممتني فكيت يدو وقبلت علي وقلت لي أول مرة بعرف أنك إنسان شهواني وتافه يعني انتوا كل الرجال بتفتشو في المرأة في الجسم بس صدق طلعت من رأسي قال لي أنا إنسان شهواني وتافه ي رغد اها التحليل دا وصلت ليه متين فهمت عليك إنتي حالياً غيرتي من نفسك وقلت. أطلق وازوج واحد تاني بس أحب أوصل ليك معلومة ي رغد. يلا إنتي حتفضلي كدا معلقه لا متزوجة لا مطلقة..+
•••••••••••••••••••••••••••••••••••••••••••••••••••••••••••
#شهــــر _العسـل.. 《13》
ــہہہـہہـہہہـہہـــہہہـہہـہہہـــــــــــ❥ :00:00
بس أحب أوصل ليك معلومة ي رغد إنتي حتفضلي كدا لا متزوجة ولا مطلقة معلقة كدا قلت 😏😏😏لي أنت قايل ما عندي أهل ولا شنو لو فتحت خشمي إنتي تاني تكون تحت التراب والمحاكم بيناتنا وربنا قادر على الظالم والمفتري 😡😡😡😡😡طلع وهو مكشر وغضبان بعد طلع رغم القوة الكنت بمثلا وإني ما فارق معاي واللامبالاة الظهرت ليهو كانت شي بس أنا كنت بتقطع من جواي بكيت بحرقة يمكن عديت زمن وأنا ببكي في النهاية صدعت بلعت مسكن وقلت اتناسى ونومت على كدا كنت محتاجه أحكي لي زول واشكي ليه همي ويمكن دي كانت غلطة الوحيدة العملتها دخلت في الفيس وجروب استشارات نسائية وكتبت فيهوكلمة واحدة بس وهي موجوعة وايموشن دا😔 لقيت تفاعل كبير وتعليقات كتيره ومن بين التعليقات دي لقيت تعليق مكتوب فيهو "ليه تزعلي نفسك الدنيا ما بتستاهل زعلك. افرحي وانبسطي وارمي الزعل وراك واضربي الهم اطلعي اتفسحي وعيشي يومك كانو الأخير اعملي فيهو اي شئ بيبسطك وماتركزي مع زول أبدا ويعني شنو لو واحد طلع من حياتك في النهاية راحت نفسك أهم شي أنت بعد تموتي ما في زول بيدفن معاك الحيكون معاك صلواتك وقرآنك وقربك من ربك لا يحزن قلب قريب من الله أحمد ربك على العندك وماتفكري في الضاع منك وكل شيء لخير بس إنتي اصبري واحتسبي الأجر وماضاقت إلا اتفرج" قريت التعليق وطلعت منو بعد كم دقيقة لقيت طلب صداقة ومكتوب الإسم هرمون السعادة وافقت على الطلب أنا اصلا كنت راجية الهبشة عرفت إنو ولد وكمان من الامارات وساكن في نفس المنطقة الأنا ساكنة فيها اتونست معاه في البداية كنت مفكراه بنت وبعدها اكتشفت إنو شاب في نهاية العشرين يمكن حكيت ليه عن حياتي كلها ما عارفه عملت كدا ليه المهم حاولت اخفف عن نفسي كنت عارفه إنو دا غلط نمت بعد ما سهرت معاهو هو ما سألني عن إسمي ولا أنا سألتو من اسمو نوعاً ما يمكن خففت شوية من الضيق بس ما كلو لأنو كنت حاسه بتأنيب الضمير نمت وصحيت لقيت رسائل منو رديت عليها وبقيت اشاركو تفاصيل يومي المهم في يوم طلب إنو يشوفني بعد جدل واصرار اتكلمت معاهو فيديو وقابلتو في مطعم دوامي يمكن ما اتكلمت معاهو دقيقتين ذي الناس شفت أروى قاعدة هي طبعاً ماصدقت وقالت لي شوف مرتك ربنا عاقبني على غلطي كمال قام على حيلو وأنا العرق دي ذي المويه وداك يكسر لي في تلج ويقول لي كنت عارف أنك جميلة بس طلعت احلا مما اتخيل وكمال واقف وراهو بدون مقدمات ضربو واضاربو وحجزوهم بجلالة بعدها قبل فيني ورصعني كف لأمن صدعت واضاني صنت وجراني من يدي بالغصب ووداني الشقة حقتي أنا من الخوف كنت في عالم تاني كنت بفكر في الموت والكفن عارفه نفسي غلطانة وهو هادئ دا الخلاني اتوتر قالي بهدوء دا منو وما تكذبي وبتعرفي من وين ما قدرت أفتح خشمي وبقيت أبكي وختيت يدي في وشي 😭😭😭😭😭 قالي دموعك م بتشفع ليك وقالي بنهره اتكلمي دا منو الكنتي معاهو ي بت حرام 😭😭😭 قلت لي واحد اتعرفت عليه من الفيس قالي جيبي تلفونك قلت ليه قالي جيبي اديتو ليه قالي افتحي النمط فتحتو. ودخل الدردشات وكل مكالمتو والرسائل النصية وعاين لي وقالي كنت بحب حاجه وحده فيك أنك ما بطلعي اسرارنا بره واليوم طلعتيها لي برا وفوق دا كلو طلعتي معاهوويمكن كمان كنتي بتجيبي هنا في البيت طالما انتي قاعدة براك وكدا والجو فضا ليك كلامو حرقني وكفتو قالي لو كنتي 🤬🤬كان عادي تتصلي علي وتصرحي قلت ليك الكلام دا قبل كدا بس إنتي اتصلتي بزول غريب اشان ...... وضرب بالتلفون الحيطة وضربني بكل قوتو وقالي لازم احلل قروشي الدفعتا فيك مع الضرب والزلة اغتصبني وخلاني مرمية وقالي قبل ما يمشي يلا أنك لسه عذراء دا برضو ما بيشفع ليك لأنك كنتي ناوية تجيبي في البيت لأنك ما استحملتي الفترة الفاتت دي كلها دخل استحمى وطلع ولا سأل مني فضلت أبكي في مكاني وحبيت لحدي الحمام استحميت وبلعت مسكن جسمي كلو كان عبارة عن كدمات وجاتني حمى واستفراغ وكنت حاسه بنذيف وما بقدر أتصل تلفوني وانكسر بقيت ارجف في مكاني ودايخة..+
•••••••••••••••••••••••••••••••••••••••••••••••••••••••••••
#شهــــر _العسـل.. 《14》
ــہہہـہہـہہہـہہـــہہہـہہـہہہـــــــــــ❥ :00:00
دايخة وحاسة روحي بتسحب مني بصعوبة قدرت اغطي جسمي بي بجامة وقعدت في الواطة واتكرفست وماقدرت أصل السرير ودموعي ابت تقيف وحاسه بنذيف ختيت يدي في رأسي حسيت بشئ سخن عاينت لي يدي لقيتو دم و ركبتي الفيها خدوش لأنو كان كاريني ذي الغنامية سمعت حركت زول جاي صلحت البجامة كويسه وحاولت أقاوم وما قدرت فضلت راقدة وبعاين لزول الجاي منو بس عينو كانت طاشه طوالي غمضتها صحيت على كمال صوت كمال وهو بيصرخ فيني وبيقول لي بطلي تمثيل فتحت عيوني هو كان بيعاين لي بحقد وقالي دي أمك اتكلمي معاها. صوتي كان متغير حاولت اخلي طبيعي وما اخوفا عارفها زولة سكري وما بتقدر تتحمل أي صدمة قلت كيفك قالت لي أنت كيفك وسألتني ليه صوتي متغير وكدا وهي اتعودت أني كل يوم أتصل ليها وكدا وقلقت علي لأنها شافت منام سئ وكدا طمنتها وقلت ليها أنا كويسه وتلفوني خرب وكدا المهم اختصرتا واديتو التلفون كنت بغمض عيوني من الألم مسك طرف بجامتي وعايز يرفع فوق مسكت يدو وزحيتا قالي عايز اشوف من وين جاي الدم دا قلت لي ما شغلتك
بعد غصب عني زحا يدي ورفع البجامة ضميت رجولي في بعض زحهام قالي إنتي أصلا عندك ذرة خجل أنا أصلا ما كنت قادرة أرد لي واغمى علي رشا فيني مويه وفتحت عيوني وبعدها أتصل في وحدة وقال ليها كيفك ي تبو تمام والله عايزك في حاجة ضرورية جداً أي والله لا لا ياخ أروى بخير والجنين كمان ولو ما إنتي معرفة وكدا ماكان طلبت منك تسلمي ي ذوق حرسل ليك العنوان ما تتأخري يلا سلام وبعد ربع ساعة جات وحده سمعت بتقول ليه أنت مجنون ي كمال دا شنو العملتو بديت أخاف منك والله آخر زول بتوقع منك حاجه ذي دي ودخلت علي وبعد فحصتني قالت لي وديها المستشفى أحسن قال ليها إنتي اتصرفي هي هدي كويسه قدامك ما تكبري الموضوع قالت لي كمال قال ليها اسمعي بتقدر اشتغلي ما بتقدري الله معاك فتحت شنتطا وكتبت لي روشتا وقالت لي جيب معاك الحاجات دي بسرعة ادتني حقنة وحسيتا اتعاطفت معاي بعد جا شالت منو الأدوية وقالت لي خليك برا المهم بعد خلصت قالت لي أنا حكون قاعدة معاها لحدي ما تتحسن وأنت خليك بعيد عنها في الفترة دي عدت معاي فترة اسبوع كممرضة وحاولت تصلح نفساتي ةوكدا بعدها هي مشت وأنا اتحسنت الحصل كلو بيرجع لي في شكل شريط فيديو بقيت أتجنب اقعد في البيت برأي بمشي شغلي وازور بت خالتي ويوم بعد رجعت البيت متأخرة لقيت الاضواء مطفية فتحت الاضواء ودخلت الحمام واستحميت ووقفت قدام المرايا وسرحت شعري كان في شلخة ظاهرة في جبيني كنت سرحانه فجأة لمحت زول مشيت على الباب عشان اقفل لزاهو بقوة لحدي ما وقعت مع لزتو وقفت وعاينت ليه لقيتو كمال حمرت ليه وقالت لي عايز شنو قال لي 😏😏😏😏 يعني حكون عايز شنو منك إنتي عارفه وما صغيره
عاينت لي بي احتقار وقرف ما اتفاهم معاي وقرب مني ورفعني ورماني في السرير بقوة واغتصبني وبعد خلص رقد جمبي ونام وأنا غطيت نفسي وقعدت أبكي المهم بعد زمن صحا عملت نفسي نايمة. شرب سجارتو. ورجع رقد نام الصباح بدري صحا قبلي استحمى
جدع لي قروش و مشا..+
•••••••••••••••••••••••••••••••••••••••••••••••••••••••••••
#شهــــر _العسـل.. 《15》
ــہہہـہہـہہہـہہـــہہہـہہـہہہـــــــــــ❥ :00:00
بعد مشا استحميت وطلعت كنت زهجانة ومتنرفزة وطلعت ذهجي في الطلاب رجعت البيت وأنا حاسه نفسي مزلولة لقيتو مربع يدو وقاعد في الكنبة قلت لي أعوذ بالله شنو الجابك هنا قالي حكون جاي لشنو يعني دائما بتسألي أسئلة متكررة وغبية أمشي جهزي غدا وبعدين انتي ليه عفنة كدا لا بتنضفي الشقة ولا نفسك من الريحة ما قدرت اتحملك دقيقتين
قلت لي ما مجبور تقرب مني وما في واحد ضربك في يدك
قال لي بضحكة مستفزة😏😏😏😏😏 في ناس كدا. لو ما قربنا منهم يفتشو في الحرام وبعدين ليه اتحاسب بذنب ما ذنبي
اتنفخت وشلت الكيس وضربتو في وشو وانفعلت فيهو ما بتذكر قلت شنو بس التأكدت منو. إني سبيت واتجاوزت الحدود
ماوعيت إلا على كف وعيوني حمر قالي بنبرة حادة
أمشي جهزي الأكل إنتي فاهمة اتحكمت في أعصابي وجهزت ليه الأكل قالي أمشي استحمي وغيري من الكيس الجبتو ليك ما اشتغلت بي كلامو وواصلت في الأكل نهرني قمت بذهج ومشيت استحميت وفتحت الكيس
لقيت فيه فستان عنابي مورد بالاسود ضيق من الخصر والصدر ومنفوش من تحت بعد الركبة بشوية لبست لأنو عجبني ويمكن وقفت زمن طويل بتأمل في الفستان حسيتو فصلاهو لي جاي مع جسمي قطع لي التأمل صوتو المزعج طلعت لي بالفستان وفي وشي تكشيره كان قاعد وقف على حيلو وعاين لي مسافة معاينة تدقيق وتفصيل وحفظ ملامح قال لي الفستان دا ما ليك. انختا في كيسك بالغلط كنت جايب الفستان دا لي أروى
ودخل جو وفتح الكيس الأنا مافتشت في محتوياتو وطلع لي كيس صغير واداني ليه قالي جبت ليك دا وابتسم عارف الهديه حتعجبك 😁 فتحت الكيس لقيتو عبارة عن قميص نوم شفاف أسود رميتو ليهو في وشو كان كاتم الضحكه وقالي معليش شكلك بتحبي اللون الأحمر تمام طيب شيلي دا لونو أحمر وشكلو حلو شلتو وضربتو بيه في وشو ضحك بصوت عالي وأنا كنت عايزه اطق من الزعل قلت لي تجيب ليها فستان وأنا قميص نوم شكراً بالنون وهو لسه كان بيضحك. استفزيتك ههههه 😂😂😂 عموماً الفستان لايق عليك واصلا جايبو ليك وجراني قعدني في رجلو جيتو قريب لي وشو وعملت نفسي بشم في ريحتو وقلت ما في ريحة اي نوع من المسكرات أو الحشيش ضحك 😂😂😂 تاني وقالي لا ماشارب شي بس أروى مشت لي أهلا تقعد معاهم اسبوع..+
•••••••••••••••••••••••••••••••••••••••••••••••••••••••••••
#شهــــر _العسـل.. 《16》
ــہہہـہہـہہہـہہـــہہہـہہـہہہـــــــــــ❥ :00:00
أروى مشت تقعد مع أهلا أسبوع وعندهم مناسبة بت خالتا وقلت اقعد هنا اشان في ناس ماينحرفو قلت والله ما بتقصر 😒😒😒 أنت واحد حيوان وما اكتر ضحك 😂😂😂😂😂وقالي. اخخخخ إنتي ما بتعرفي بعد ما اخليك تتغاظي واحرق دمك بكون مبسوط قدر شنو وكمية الراحه النفسيه البكون فيها وختا راسو في كتفي ويدو طبقا على بطني قلت كمال بصوت هادئ قالي ماتنطقي إسمي بطريقة دي وإلا بتتحرك فيني حاجات استغفر الله العظيم قال مع ضحكه مستفزه قلت ليه انكتمت اها قالي. إنتي فهمك ذبالة صفي النيه أنا ما قصدت الانتي بتفكري فيه طبعاً رفع لي كثافتي قلت لي عامل فيها ظريف فكني. ياخ 😤😤😤😤 أمك اتحومت بي شنو أنت عشان تطلع إنسان ثغيل كدا ودمك بقري. هو بيضحك 😂😂😂😂حاولت اتفكا منو بس طبق يدو اكتر عليي وباسني في رقبتي😽😽😽😽🙈 فكا لي شعري وقالي أنا بحب الشعر الطويل والكثيف ومشى على الغرفة وفضل يكركب وأنا وقفت في محلي طلع وداسي شئ في يدو وكان في وشو ابتسامه غريبه وطفولية عاينت ليه بي استغراب طلع من وراه المشط والفرشة الكان داسيها وقالي عايز اسرحك اقعدي تحت ولا أقول ليك اقعدي قدام التسريحة قلت في قلبي 💔 أكيد الأخ دا عندو مرض نفسي جراني بيدي وقعدني في كرسي التسريحة وفضل يمعط في شعري ويشد فيو قربت ادمع هو مبسوط لي الضرس الأخير وفروة رأسي دي حكها لي حك حسيتا اتجرحت. ولا شغال بي يجرو بيجاي وجاي في النهاية طفح الكيل قلت ليه خلاص كفايه معطت شعري ورفعتو لي فوق عايزه الفو مسك يدي قالي خليهو كدا عاجبني كدا مش قلت ليك قبل كدا أنا بحب فيك شعرك عايزه أمشي دفرني بقوة على الحيطه وشال يدي الانتين وختاهم فوق راسي بيدو الواحدة والتانية ختاها وراء ضهري وباسني في رقبتي ورجع يدو ومسك وشي وباسني بعنف. 😽😽😽😽🙈 لدرجة حسيت بي الم وانو شفايفي انجرحت وخلاني اكتم نفس بعد زمن زح مني ولصق انفو مع أنفي وكان بيتنفس بصعوبة اتخلطت انفاسنا مع بعض كان بيعاين في عيوني نزلت تحت قلت ليه بتكون عنيف معاي تاني خجلت وما قدرت أكمل 🙈🙈🙊🙊🙊 فتح لي سستت الفستان تلفونو اتصل قعد في السرير وكان بيحاول يهدئ نفسو وأنا كنت واقفة في محلي ومتصنمة رد على التلفون أيوا ي أروى. أنا يادوب طلعت من الشغل إنتي في الشقة طيب أنا جاي عليك الفستان جبتو ليك تمام وأنا كمان بحبك مسح وشو بيدو وقال اوووووف عاين لروحو في المرايا طلع عطر ورشه منو دخل الحمام غسل وشو وطلع عاينت ليه ووركزت في شفايفو هو لاحظ لي دنقرت منو تحت 🙈🙈🙈🙈🙊 طلع وتاني رجع وباسني وقالي راجع ومشا وأنا قلبي 💔 مابقا ليه إلا يطلع بدق ذي دلوكة أنصاف مخي بس كان برجع لي بوستو لي وقفت قدام المرايا وعاينت لي نفسي شفايفي لأمن حمرو يمكن اتحستت قرابة الدقيقة كاملة وفضلت أمشي وأرجع قعدت في الصاله هو مشا شقتو. هي طبعاً شكت فيهو كان جايب ليها فستان سهره وسلسل وحلق طقم..+
•••••••••••••••••••••••••••••••••••••••••••••••••••••••••••
#شهــــر _العسـل.. 《17》
ــہہہـہہـہہہـہہـــہہہـہہـہہہـــــــــــ❥ :00:00
كان جايب ليها فستان سهره وسلسل وحلق طقم بعد شالت منو الحاجات حضنتو وطلعت وقعدت خمس دقائق برا وتاني دقت ليه الباب فتح ليها الباب قال ليها عايزه حاجه قالت لي لا سلامتك وحضنتو بقوة وطلعت هو أصلا فاهم مخها. هي عملت الحركة دي عشان تتأكد انو حيطلع من البيت أو لا. وبعد مشت. بعد نص ساعه طلبت منو يتكلم معاها فيديو عشان تتأكد إنو قاعد شغل محققين. قال ليها أنا تعبان عايز انوم ما تتصلي تاني بكره عندي شغل وأنتي عارفه لازم اطبخ برأي وأنا بتأخر في الطبخ اقتنعت وفصلت الخط هو طبعاً بعدها رجع لي وأنا كنت منتظرة جيتو بعد حسيت بحركة فتح الباب جريت ودخلت غرفتي وعملت نفسي نايمة كأني ميتة من أسبوع جا داخل لاقني عاملة نفسي نايمة ابتسم وقالي نمتي عارفك. صاحية وأنا كانو الكلام واحد تاني حلفت كان أفتح عيني قالي مصرة طييييب أنا بوريك جرا مني البطانيه ورفع الفستان لي فوق قمت على حيلي واتنفضت بخلعة 😲قالي كان ما تقومي وضحك بخباثة😈😈😈 صلحت فستاني واتغطيت وقف يتأملني مسافة حتى دخل يدو في خصلات شعري وجراني عليهو وباسني 😽😽😽🙊🙊 وفضل يلعب بخصلات شعري مسك يدي الانتين وختاهم فوق راسي بيدو الواحدة وباسني بعنف من الفاتت وكان بتحسس على منحنيات كل جسمي وقلبني فوق عليه وفتح سسست الفستان
وبعد دقائق لقيت نفسي بملابسي الداخليه قلع قميصو وشال يدي وختها في ضهرو باسني في جبيني ونزل على أنفي وشفايفي وصل رقبتي ونزل لي تحت 🙈🙈 وباسني في بطني ويدو بتحسس في ضهري رفع راسو وعاين لي وقالي اوقف رديت ليه بلا ما توقف. 🙈🙈🙈 وحصل الحصل بعد معركتنا الحصلت نايمين وحاضنين بعض صحيت قبليهو وعاينت في وشو حاولت أرفع يدي واتحسس كل حته من وشو بس ما اتجرأتا فتح عيونو قلبني فوق عليهو وقال لي صباح الخير قلت ليه صباح النور وجريت فستاني ولبستو تحت 🙈🙈🙊 نظراتو. قلت ليه ممكن تبطل ثغالة دم وتقبل هناك ضحك 😹😹😹قلت ليه شنو البيضحك. قالي ما توقف. ماتوقف 😒😒😒😒 ضربتو بالمخدة وقمت عايزه أمشي مسكني من نصي وقعدني في رجلو وقال لي ما تزعلي بهزر معاك قلت لي فكني ماشة استحما فكاني بعد سلت روح. وأنا داخلة قالي رغد قبلت عليه قالي ماتوقف ياخ. ههه 😂😂😂 كان في جمبي شبشب ضربتو بيهو في وشو ودخلت الحمام هو دخل الحمام التاني كنت بفكر في البحصل دا وخايفة من الجاي مامعروف الحيحصل شنو ولا بتوقع ردت فعلو شربنا الشاي سو. وكان مقعدني في رجلو بدون ما أحس قلت ليه إنتي بتعمل فيني كدا ليه ومخطط لي شنو عاين لي في وشي..+
•••••••••••••••••••••••••••••••••••••••••••••••••••••••••••
#شهــــر _العسـل.. 《18》
ــہہہـہہـہہہـہہـــہہہـہہـہہہـــــــــــ❥ :00:00
قلت ليه بتعمل فيني كدا ومخطط لي شنو عاين لي في وشي وقالي رغد يعني حابه تنكدي علي أحب ابشرك نكدتي علي قام ذهجان قلت لي طالما عايز تطلقني ليه بتعلقني فيك اتقصدت أقول ليه كدا عشان اعرف ناوي على شنو وبيفكر في شنو وعايزه اعرف مصيري شنو سفهني وشال شنطتو وتلفونو ولبس الساعه قلت ليه بتكلم معاك أنا بإذن في مالطا أنا بنسبة ليك شنو قال مرتي قلت لي تمام وأروى. قال لي عايزة الحقيقة ولا اختا قلت ليه الحقيقة قال لي أروى بنسبة لي روحي ونفسي وخلاني اكتم نفس من الزعل مشى وأنا فضلت ممغوصة أصلا كنت مستحمية ورجعت استحميت وعملت مكياج أوفر مشيت على الزومبا ومنها لي شغلي وبعدها دخلت على مطعم كنت لابسة فستان كحلي غامق وعاملة روج كبدي ومحكلة عيوني وعاملة ماسكرا كانو في شباب قصادي شغالين يتكلمو. ويعاكسو فيني. كنت زهجانة قربت أقوم أعمل مشكلة في المطعم بس استغفرت وكملت اكلي طلعت وأنا ذهجانة رجعت مشي أنا وماشية وقف لي كمال في الطريق وقالي اركبي ركبت معاهو من. غير ما افتح خشمي بكلمة طبعاً الشباب الكانو بيعاكسوني كانو ماشين ورأي وكانوا بيتكلمو بس أنا كنت مطنشاهم. وكمال سمعم ومكشر لي وشو طلع منديل ولصقو في شفايفي ومسحو ورمي لي باقي المناديل وقالي امسحي الروج بسرعة بعد وصلنا البيت نهرني وقال لي روج برا البيت ممنوع قلت ليه ياخ أنت مالك فهمني. يلا مش أروى روحك ونفسك ما تمشي ليها ليه قاعد معاي هنا قالي لبست فستان وما لبستي عباية وعاملة مكياج وشعرك من وراء ظاهر هبشتا ضهري من وراء وقلت ليه ما انتبهت ليه وطلعت طرحتي وعايزه الفو قالي اتقصدتي أنك تفكي شعرك للشباب وتتمكيجي ليهم صح قلت لي كمال دا شنو البتقول فيه عمري ما عملت حركة ذي دي ولا حاولت أظهر لي راجل أني حلوه. وكنت خوافة وعندي خوف من حاجه إسمها رجال على حسب المعتقد الاخدتو من أمي وخالتي وحبوبتي. يمكن الراجل الوحيد الحاولت أني أكون حلوه قدامو واظهر بشكل حلو قدامو. والوحيد البيعجبني وبحس أني معاه أنثى. هو قال لي هو منو قلت لي بتسأل يعني ما عارف قال لي أيوا ما عارف قلت ليه أنت ي كمال وحتى الاتكلمت معاه في الفيس والله العظيم ما اجاوز معاي حدودو ولا أنا بس أنا كنت محتاجه افضفض وما اكتر بس مستحيل كنت اغلط غلطة تصل لمرحلة الخيانة لا بي مشاعري ولا جسدية قالي أنا جعان جهزي لي أكل بسرعة حضرت ليه أكل يمكن قعدت ساعه كامله بحضر في أكل وبعد حضرتو لقيتو نايم في الكنبة ما عارفه الخلاني ارقد جمبو. شنو هو بتالي حضني عليه ختيت رأسي في صدرو ورجلي من فوق رجولو نمت على كدا صحيت بي ألم لأنو الرقدة ما كانت مريحة ونمت على جهة واحدة صحا وعاين لي لاقاني بعاين ليه. قالي شليتي جهتي بقيتي سمينة عايزه أقوم حضني عليه اكتر
بعدها فكاني نزلت هو دخل الحمام استحمى وأنا نفس الشئ ودخلت المطبخ هو رقد كمل نومو جو جهزت الشاي والفطور وقعدت قدام التلفزيون كان يوم عطلة رسمية طلع بعد ساعة وعيونو نعسانة وكان لابس برمودا وتشيرت ويتكلم بالتلفون أيوا ي أروى تمام مانسيت بجيكم العربية في التصليح اي أنا قاعد معاه. دا يوم عطلة خليني انوم حبة وارتاح بجيك الضهر ما عندي حيل لي شغل يقولو اايقولو أصلا. عمار دا مفتري ولو ما عشان خاطرك ما كان حضرت عرسو طيب ي حب جاي الله وأنا كمان مشتاق ليك قلبت عيوني ولويت خشمي
ابتسم 😉وغمز لي ما اشتغلت بي وعملت نفسي مندمجة مع الفلم
قعد جمبي ومسكني من وشي وباسني في خدي 😽😽😽😽 لدرجة خلاني اتميل بي جسمي كله قلت ليه مالك ياخ ذح مني صلح قعدتو وقعد دقيقتين وجراني عليه وباسني في رقبتي 😽😽😽😽🙈🙈🙊 ويشدني من شعري قلت الله. ضحك وحاكني الله قمت لاحقني ورفعني قلت لي كمال ياخ ولا اشتغل بي ورماني في السرير بقوة قلت يوم أنت تكسر لي سلسلتي الفقرية نط فيني واااا وحصل الحصل راقدة في كتفو ويدو بتمشي على ضهري ويلعب بخصلات شعري جاهو إتصال من أروى قالت لي وين أنت قال ليها في البيت قالت لي أنا في البيت وين أنت قال ليها مش قلت ليك عربيتي في الورشة أنا في الورشة قالت لي كمال أنا قدام شقة رغد في الباب افتح لي الباب وسمعت الباب خبط اتنفض تقول جاه ملك الموت لبس هدومي بسرعة حتى التشيرت كان مقلوب فتح ليها الباب لقاها واقفة وعيونا حمر ونخرتا محمرة من البكا والدموع ماليه وشها وقف مصدوم ومطير عيونو 😳😳😳😳 قال ليها بصوت مبحوح أروى أهدي وخلينا نتفاهم لزتو ودخلت جو كفتتني عايزه تضربني للمرة التانيه مسكت يدها وقبل ما نتضارب حجزنا وقف في نصنا وشال أروى. بيدها وطلع قالت لي ما تلمسني ما صدقت طلعت من البيت والجو فضا ليك كنت بتكذب علي 😭😭😭😭عرفتك بتكذب من الوقت الاتصلت عليك فيهو في الصباح لأني كنت في البيت اتكبكب ليها واعتزر منها وقال ليها آسف ي حب قالت ما تقولي ي حب بطل كذب ياخ 😭😭😭😭😭 عايزه تمشي مسكا من يدها وحضنا لزتو بكل قوتها وطلعت وقالت لي إياك تلحقني وخليها تنفعك ورسل لي ورقتي ي رتني لوسمعت كلام أهلي وما اتمسكت بيك أنت ما قادر تقنع أهلك انك متزوجني وطلعت وهو بيناديها بعد طلعت عصب 😠😠😠😠😠وكسر لي كم كباية قفلت فيني باب غرفتي خفت عشان ما يتفشا فيني أصلا أنا ما ناقصه بعد زمن طلع ومشا ليها في بيت أهلا ورفضت أنها تشوفو ب بعد اسبوع. حتى رضت أنها تتكلم معاهو. وشرطا أنها كان إنو يطلقني هو عدا اسبوع في مرمطة كان بيبيت في ديوان أهلا ويرجعني أهلي طبعاً جاءني وقالي حنسافر السودان بعد بكره جهزي اشياءك والهدايا..+
•••••••••••••••••••••••••••••••••••••••••••••••••••••••••••
#شهــــر _العسـل.. 《19》
ــہہہـہہـہہہـہہـــہہہـہہـہہہـــــــــــ❥ :00:00
قال لي مسافرين السودان بعد بكرا جهزي اشياءك والهدايا لكل وختا لي بطاقة اتصلت في علا عشان تتسوق معاي تقريبا هي العزلت أي شيء وأنا كنت بكتفي بهزة رأسي كنت حاسه الدنيا مضلمة وكل الابواب مقفله في وشي بس ما حستت علا أني زعلانة ومكتئبة ونست وضحكت معاها يمكن كنت فرحانة لأني حشوف أهلي بعد غياب 4شهور عدا اليومين بسرعة البرق. ووصلنا مطار الخرطوم ولقينا الأهل كلهم مجتمعين عشان يستقبلونا أخو كمال اسمو محمد قال لينا شنو دا شهر العسل المبيخلص دا. وفضلو يشغلوها لينا والكل علق في شكلي وقالوا لي بقيتي أحلى ووماوصلنا ضبحو لينا والهجيج والفرحة ويسألونا لسه ما بقيتو تلاتة. كمال واضح من شكلو ما مرتاح في المساء جهزوا لينا غرفة نقعد فيها عشان نرتاح هو فضل ليلو كلو بيسجر يمكن كمل علبيتين وأنا نمت صحيت لقيتو في نفس الكرسي الكان قاعد فيهو أمس دخلت استحميت غيرت وهو بعد استحما طلعنا سوا وقال ليهم أنا عايز أطلقا ما عايزا المهم الكل اتهجم 😳😳😳😳😳😱😱امو قالت لي بتقول في شنو ي ولد قال ليهم كلامي واحد. ابوه قال ليه أنت جنتي. بتقول في شنو اتعصب فيهم وقال ليهم عايز أطلقا أنا على كيفي. هو عندو مصران عصبي. امو قالت لي خلاص أهدى وقول بسم الله وما تعصب روق وبعدها نتفاهم بعد تهدى قال ليهم أنا متزوج قبل رغد أروى الحكيت ليكم عنها وهي حامل ورغد أنتو جبرتوني فيها أبوه سكت مسافة وقال ليه أعمل البريحك ودخل منو جو والباقين سكتو وأنا دموعي حلفت كان تقيف مسكني بيدي ووصلني لحدي بيتنا ورجع أمي 😭😭😭😭😭 مماجيت سألتني وينو. كمال قلت ليها مشتاقه ليك ي يمه وبكيت قالت لي كبرتي بعد دا. سلمت على اخوني. الاولاد أيمن متزوج وأكبر مني وعماد الصغير 18سنة إيمان 16سنة ومرت أخوي إسمها نهلة ظريفة لدرجة بتشبه وحدة من أخواتي ما زوجة أخوي دي حضن ساي قربت تخنقني ومشغلاها لي ي بت دا يمكن أطول شهر عسل مرا علي. ي حليلي أنا تميت اسبوع ورجعت 😪المهم كل ما يسألوني عن كمال بغير الموضوع كنت بحاول ما احسسم إنو حيرسل لي ورقتي قريب أمي اشتغلت فيني مدايد ودخان ودلكة هي ما عارفه إنو كمال طلق بتها بعد 3ايام سمعنا إنو أبو كمال اتوفى أبوي شغال يقول لا إله إلا الله أنا لله وإنا إليه راجعون لا حول ولا قوة الا بالله العلي العظيم. سألنها قال لينا. أبو كمال اتوفى كلهم طلعوا وأنا لبست عباية وطرحة وشبش حمام وطلعت مخنوقه وصلت بيت ناس كمال لقيت أم كمال قاعدة وبتبكي حضنتها وبكينا سوا بعدها ذحيت منهاوالبيت كلو حالتوكانت أصعب من التاني أخت كمال نقلوها المستشفى وأنا كنت بسقي الناس الجايين يعزو مويه وقهوة وما لمحت كمال اليوم المساء أمي قالت لي أمشي البيت وبكرا ترجعي رجعت البيت ونومت ومع الصبح رجعت. وكنت شغالة ماشا جايه لمحت كمال من بعيد بس ماشي ذي الما واعي مشيت عليهو في وحدة وقفتني وسألتني من السكر وصفت مكانو قبلت ما لقيت كمال ولحدي المساء قعدت معاهم عدت يومين كنت شايلة معاي جردل مويه وسخانة لقيت كمال قاعد في المصطبة وسرحان وبيسجر السمعتو إنو بعد وفاة أبوه كان بيتجنب التجمعات وماكان بيتكلم مع زول مشيت عليهو وقلت لي كمال رفع عيونو وعاين لي لقيت هدومو وسخانة يمكن ليهو اكتر من تلاتة أيام ما غيرا قلت لي قوم غير هدومك واستحمى سكت مسافة مشيت دخلت جوا وطلعت ليهو جلابية وعطرو ورجعت ليه لقيتو في نفس مكانو مسكتو بيدو وقلت لي اتحرك قالي في نسوان جو ما داخل قلت ليه أمشي معاي بيتنا ما في زول هناك استحمى قالي أمشي قدامي طيب بلحقك وبعد وصلنا بيتنا الحمام خارجي استحمى قالي مصدع شوفي لي مسكن شلت البشكير ونشفت لي راسو من المويه وطلعت ختيت زيت في الفريزر وجبت ليه مسكن وبعدها جبت ليه عصير وقلت لي إيمان جهزي ليه أكل ورجعت لي لقيتو ماسك راسو رجعت شلت الزيت من التلاجة وكبيت شويه في يدي وعملت ليه مساج لي فروة راسو كان قاعد ختا راسو في رجلي يمكن فضلت بلعب في شعرو ربع ساعة لحدي ما نام حسيت رجولي نملت إيمان جابت الصينية لقتو راقد في رجلي عارفين المراهقين وتفكيرم قلت ليها شيلو وامشي من هنا أنا بلحقك. رقدتو في المخدة وانسحبت منو براحة بعد طلعت لقيت مرت اخوي في وشي..+
•••••••••••••••••••••••••••••••••••••••••••••••••••••••••••
#شهــــر _العسـل.. 《20》
#الاخيـــــــــــــــــــــــــــــرة
ــہہہـہہـہہہـہہـــہہہـہہـہہہـــــــــــ❥ :00:00
لقيت مرت اخوي في وشي قالت لي شكلو لسه شهر العسل عنكم ما خلص 😂😂😂سفهتها ومشيت على بيت العزا كانو ضيوفم كتار بس كنت في حالة عدم الاستقرار لأني بالي كان مع كمال يمكن اتفقدتو اكتر من خمس مرات وكنت بلاقا نايم ورجعت للبيت في وقت متأخر الساعه 10 وكم دقيقة
مرت اخوي قالت لي شوفي راجلك دا يمكن مات نايم من ما جاء ضربتها في ضهرها ومشيت عليه لقيتو بيتململ في نومو كانوا بدأ يصحا فتح عيونو وقعد مسافة قلت الصداع راح هزا لي راسو قالي عايز استحمى جهزت ليه الحمام ومسافة ما يستحم حضرت ليه العشاء. بعد طلع من الحمام استنا العشاء جاهز اتعشى واتوضا وهو بيصلي عيونو كانت بدمع بعد خلص صلاتو كان بيدعي ومغمض عيونو لقيت نفسي ركعت على ركبي ومسحت دموعو وبستو في راسو😚😚😚🙈 مسافة ومررت يدي من بداية حواجبو مروراً بخدودو ولحيتو وبعدها جريت راسو لصدري وحضنتو هو ذاتو لفة يدو وحسيتو كانوا عايز يدخل جو صدري حسيت نفسي أم ودا طفلي وأنا مسؤولة منو بعد زمن زح مني ورقد في السرير رقدت جمبو حاولت أرفع راسو واختو في صدري فهمني وجاب راسو وختا في صدري حضنتو بقوة علي ومشيت يدي على شعرو قالي أبوي مات وهو غضبان علي ي أروى رغم الغيرة الجاتني لحظة وقربت الزو بس سكتا قال لي مات قبل ما نتصالح مات وهو ما راضي عني قلت لي أنت غلطان يمكن اكتر واحد أبوك بيحبو أنت عارف وصا اخوانك الأكبر منك بي إنو يحترموك ويستشيروك في الصغيرة والكبيرة لأنك اعقل واحد فيهم وقال لي امك. ووصاه إنو لازم تتقبل مرتك ويتنفذ ليك كل طلباتك لأنو راحتك كانت بنسبة ليه أهم حاجة ووصاهم ما يزعلوك كان راضي عنك دنيا وآخرة كان بيحبك وقبل ما يموت هاتا بيك ضماني عليه اكتر وباسني في رقبتي عيونو كانت بدمع حاسة بي بلل في صدري رفع راسو وقالي ما تبكي ومسح دموعي مسحت ليه دموعو وبستو في عيونو. وضميتو في صدري وفضلت ألعب بشعرو لحدي ما استسلم لنوم نام ذي الطفل النايم في حضن امو نمت بعديو والصباح صحينا متأخرين رفعت رأسي هو رفع راسو واتحرك قلت. آه حسيت بي ألم لأنو كل ثغل راسو في صدري مسك يدي الانتين وختاهم فوق راسي بيدو وباسني بعنف بعد ماذحا مني قلت لي كمال لا ياخ موجوعة فبطل قالي مشتاق ليك وماع كيفك وحصل الحصل.. قريب لضهر طلعنا
قلت ليه وريني أطلع قدامم كيف هو طلع الحيوان كانوا ما في شي وأنا بعد طلعت قعدو يشغلوها لي. ويقول لي في ناس لسه عندهم شهر العسل ما خلص. حتى أمي 😭😭😭 شغلتا لي طبعاً شميتم مشيت على بيت أهل حماي المهم قعدت معاهم زمن ورجعت عدا اسبوع وماشفت فيهو كمال وسمعت من اهلو إنو مسافر زعلت زعل قلت اكيد أروى اتصلت عليه هو ماشي ليها. وعايز يطلقني ولا. يعلقني ذي ما قال كنت لابسة بجامة وسخانة. وبغسل العدة وبطنطن جاتني إيمان بتبسم قلت ليها مالك قالت لي راجلك في الدايون يدي بي مويه عدتا وسخانة وقفت قالي تعالي قلت ليه لو جاي عشان تطلقني أنا أصلا عارفه 😂😂😂😂😂قال لي إنتي دائما بتقولي البتفكري فيهو قلت ليه ما موضوعنا جراني وقعدني في رجولو قالي شكراً على الإستقبال والترحيب وثانيا أنا جيت عشان اقول ليك. اجهزي عشان نسافر الامارات ما ممكن أسافر وأخلي مرتي ورأي عاينت ليه بعدم تصديق قالي رغد خليتيني غصب عني أفكر فيك واحبك واخدتي محل في قلبي 💔 محل خاص فهمتي ما حسيت بي روحي إلاّ وأنا ببوسا في كل مكان في وشو. قالي بطلي ياخ ولا عايزاني اتهور في مكان ذي دي لزاني وقال لي أمشي استحمي الله يقرفك ليك اسبوع لابسه الهدوم دي حمرت ليه😒😒😒😒 هنا هو اتكيف 😂😂😹😹😹😂وضحك قالي يلا ي بت من هنا قالي المساء مسافرين استعدي وطلع
وبعدها ودعت أهلي وسافرت مع راجلي ووصلنا الامارات.
أروى فارت وادفقت ليه ما طلقني وكدا طبعاً كمال بقا يتعامل معها بي برود زعل منها لانا ما جات وعزتو في ابوهو وما وقفت معاه في محنتو وبعد ما جاء ما عزتو ولا سألتو العرفتو إنو بعد رسل ليها التذاكر رفضت أنها تجي عدت مع اهلها فترة حملها كلها لحدي ما ولدت وجابت ولد سمتو فهد واهلا طبعاً حرضوها وطلبت منو الطلاق. وفعلا طلقا بعد سلت روح كان متمسك بيها بس هي ختت شروط. لقعدتا معاه كان بيشوف ولدو وما كان بتمنعو وعشان تغيظو. ازوجت ود خالتا طبعاً كمال في فترت زوجا زعل لأنو بطبيعة الراجل حاجه ملكو ما بيحب ياخدا منو زول تاني بس الحمدلله عدا الفترة دي بعد ما انفصم فيني كم مرة وفي المساء يرجع ينسي الموضوع من اساسو
بعد فترة ما طويلة أنا برضو ولدت ولد سما أبوه شهاب ولدت في الامارات ما قدرت أمشي لي أهلي بسبب شغل كمال بس أم كمال جات ونفستني حياتي بقت الحمدلله ظابطة. وكمال تعاملو بقا فيهو احترام لي. بيعاملني ذي بتو أحياناً وأحيانا صحبتو وأحيانا عشيقتو. أحياناً حبيبتو وأنا بعاملو كطفلي وحبيبي وعشيقي وزوجي وصحبي
وبتذكر أول يوم لي في شهر العسل كان كيف بنسبة لي أحلا شهر عسل لأنو غير في حياتي حاجات كتيرة
#كتبت القصة دي لي
#حواء إنتي جميلة بس محتاجه أنك تهتمي بنفسك وطوريها شوية ما في مخلوق شين الاهتمام بالنفس في الشكل والأخلاق
#حواء إنتي لو قيمتي نفسك وبقا عندك ثقة ذيادة بنفسك. تكسبي
#ادم بيحب المرأة القوية العندها ثقة في نفسها
#في مقولة بتقول الرجل يعشق معذبتة💔
ألـنـهـــــــأيــــــــــــTHE ENDـــــــــــــــﻬـﮧ'ة
التسميات
روايات حزينة