رواية أحببتها~بت~رجال -(الفصل الثاني)

أحببتها~بت~رجال

#بقلمي~براءه~احمد❤️

 

#أحببتها~بت~رجال 《12》 ❤️ 
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
انا هنا قلبي اكلني... بقيت اقول بصوت عالي زي الماواعيه  ... امجد يا حلا  امجد  م ببكي الا يكون حاصله لي زول من ناس بيتنا حاجهه....و لزيتهم و جرييييت حفيانه....وناس امجد ديل قدر م حاولو يمسكوني م قدرووو... حالتهم حرفيا كانت يرثى لهاااا م قادرين يعملو اي شي زي المكتفين ... م عارفه وصلت البيت كيييييف... لقيت امي دي في الشارع.... تقوم وتقع بالبكااااا....اول م شافتني... قالت لي ابوووووووووك ي اسلاااااام ابوووووووك... انا بعد كلمه ابوووك و منظر امي دا... جيت واقعه من طولي...
محمد بي صوت الكواريك طلع لقا امي وحلا قاعدين جنبي وو ببكو.. و امجد واقف في راسي بقول لي اسلام.. اسلام ابوي م حصلت ليهووو حاجه.. ابوي عمل حادث بس يا اسلام وحطلع منها...وجسمو دا كلو مهبط م قادر يعمل حاجه... محمد كورك فيهو قال ليهووو ي امجد انت جنيييييت ولا شنووووو... ارفع البت دي من الواطه.... احمد امشي دق لي منذر دا الباب خليهو يطلع عربيه ابوهووو نمشي نودي اسلام و نلحق عمي في في المستشفى....انتو الموقفكم كدا شنوووو بتتفرجو في شنوووو.... عمتي عمي كويس م تعملي كدااااا م صاح منك الكلام دا ... احمد جراااا يدق باب ناس منذر... وامجد اصلا م كان قادر يرفعني من الارض مخلوع و بعاين فيني...محمد زحاهم وشالني من الارض و جرا وراااا احمد.. و بقول ليهوووو دق الباب دا شديييييد ي احمد...
منذر فتح الباب لمن شافناااا اتخلعع... محمد لزاهووو ودخل قال ليهو افتح العربيه دي خليني ادخل اسلام اول بعدين طلعهاااا سوق امجد و احمد وعمتي المستشفى عمي عمل حادث ...منذر قال ليهوو سوق انت انا م بعرف ... بجي وراكم بي ركشه...حلا قالت لي منذر انتظرني اكلم امي و امشي معاااااك..... سألو احمد من اسم المستشفى.. و اتحركنا..
_________________
فتحت وانا بصرخ... ابوييييي ابوييي وينووو... حلا مسكتني... ابوك كويس ي اسلام قولي بسم الله ..
انا :ابوي لو كويس اخواني ويييين يا حلااااا... امييي وينن.. حلا قالت لي امك مع ابوك في الغرفه الجنبك دي ارح اوديك ليهم... انا لمن فتحت لقيت ماف زول جنبي غير حلاااا.... اترعبت جدجد خشت فييني خوفه وبقيت ارجف  انا م متعوده على كدا انا لو طعنتني شوكه بلقا ناس بيتنا كلهم في راسيييي...
حلا نادت الممرضه تفك الدرب من الفراشه... و ساقتني لي ابوي وامي... انا اول م شفتهممم بكييييييييت.... بكييييييت قدرتي...ابوي كان راقد ومركبين ليهو ميه جهااااز... و امي ماسكه ليها مصحف و بتقرا ليهو جنب راسووووو... و دموعها ما وقفت..  تقرااا و تبكي... تقرا و تبكييي...قلت ليها اسي انتي ي امي بتبكي مالك م هدا ابوي كويس... حلا قالت لي ابوك كويس يا امي... م ردت علي... بقيت اكورك زياده ابوي كويس ي اميييي قلت ليك ..
بي كواريكي... الممرضه جات قالت لي امرقي... م ممكن اكتر من مرافق واحد في الغرفه المريض لازم يرتاح... لزيتهاااا قلت ليها انتي مجنونه ولا شنووو.. كيف تقولي لي امرقي... مريضه انتي دي ... البتقولي لي امرقي من جنبو دا ابوي... حلا مسكتني منهااا قالت لي اسلام ابوك لازم يرتاح تعالي انتي زاتك ارتاحي ارح نصلي و ندعي ليهوووو.... قلت ليها اخواني وين امجد واحمد وين... قالت لي تعالي معاي عشان اوديك ليهم...
وساقتني رجعتني غرفتي.. قلت ليها اخواني وين قلت ليك يا حلا... قالت لي استغفري اول شي..وصلي على النبي... ابوك عملو ليهو االعمليه الاولى  عدا مرحله الخطر.. اسي حيعملو ليهو عمليه تانيه بعد تلاته  يوووم و محتاجين قروش... احمد وامجد و محمد وابوهو.. ومنذر وابوهو مشو يلقطو القرووش... استهدي بالله ي اسلام... م تعملي كدا...وفعلا صلينا و بقينا ندعي..
_______________
يووومين وانا عايشه على الدربات... لي اول مره اخواني ما اشوفهم يومين ورا بعض... بجو انصاص اليالي بلقوني.. نايمه... اخواني الصغاااار في يوم واحد بس كبروووو ميه سنه...نحن يادوووب عرفنا.. قيمه القروووش ... ما كانت هامانا... ولا كان بفرق معانا... وجودها او عدمهااا... لكن حادث  ابوي ورانا انووو الحياه جدجد محتاجه قروش.. مبلغ العمليه كان خرافي شديد... لكن الحمد لله قدروو يلموهووو.. بي مساعده ابو محمد و ابو منذر..
الليله اليوم التالت .. الدكتور دخل عشان يفحص ابوي فحص اخيير قبل العمليه... بعدين يدفعوو القروش وتتعمل ..
طلعت من غرفتي... لقيتهم كلهم قاعدييين امي...امجد.. احمد..حلا..محمد..منذر..وحتى ابهاتهم.. وام حلا قاعدييين كل واحد وشو ينعل قفاهوووو...يومين ماف واحد فيهم نام... عاشو معانا مرض ابوي دا ثانيه بي ثانيه....بقيت بتأمل فيهم واحد واحد وانا دمعتي في عيني..😭ابوي اصلا م كضب لمن قال بقا عندي.. اربعه اولاد و بتييييين 💔ابوي حيفرح شديييييد لمن  يطلع ويشوف المنظر دا قداموووو❤️
•••••••••••••••••••••••••••••••••••••••••••••••••••••••••••
 

#أحببتها~بت~رجال 《13》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بقيت بتأمل فيهم واحد واحد وانا دمعتي في عيني..😭ابوي اصلا م كضب لمن قال بقا عندي.. اربعه اولاد و بتييييين 💔ابوي حيفرح شديييييد لمن  يطلع ويشوف المنظر دا قداموووو❤️
طلع الدكتور كلنا جرينا عليهووو...محمد قال ليهو العمليه حتكون الساعه كم ي دكتوور عمي حسين حالتو كيف... قال ليهو البقاء لله ي ولدي ... محمد بقا م مستوعب قال ليهوو ونعم بالله لكن العمليه الساعه كم... دا كلو ونحن مراقبين حاسين زي الحيقول لينا بهظر معاكم ... الدكتورر قاليهووو ربنا يصبركم ويقويكم  المريض اتوفى.. فجأه الناس دي كلها بقت تبكي وتكووووووورك... .انا مسكتوووو قلت ليهوووو انت راسك دا اكيد ما تمام كيف يعني اتوفى... كيف يعني تقول ابوي مات...ابوي ما شاف ناس حلا وقفووو معاهو كيف... ابوي  حيفرح لمن احكي ليهو بي وقفه منذر ومحمد معانا..
امجد امجد و مشيت على... امجد كان قاعد في الركن و صوت صواريخووو  لمه فيناا االمستشفى كلهااا ... قلت ليهووو ي امجد قوم كفت الراجل داااا كيف يقول  ابونا مات... احمد ي احمد... اجمد جراااا و هو ببكي قبل اصلوووو زاتوووو طلع برا المستشفي لحقوهو منذر ومحمد ....امي دخلت لي ابوي جواااا الغرفه وكنت بس سامعه صوت بكاهااااا.... حلا وامها كانو ماسكين بعض و ببكو بي أعلى صوووت....ابو محمد و ابووو منذررر مشو لي امجد يصبروهوووو.. بقولو ليهووو قووووم قووووم يا امجد انت الكبييير... قوووم عشان تستر ابووووك....

مشيت للدكتوور ومسكتو.. قلت ليهووو زي م بكيتهم سكتهم... وسكتهم قول ليهم ابوي ما مااااات...وريهم انك بتكضب... بتكلم معاهو وبهززززز فيهوووو...الدكتور كورك للممرضات ادوني حقنه مهدئه وقعدوني في كرسي متحرك... م بكييييت نهائي ... كنت بس قاعده في الكرسي  بعاين ليهم...
______________
البيت دا اتملى ناااااس وخلق... غسلو الجنازه... وخلاص مفترض بعد دا اودع ابوووي... انا م عارفه جاتني القدره من ويييين وقفنا في راسووو كلناااا بقيناااا نقرا ليهوووو قران.... انا كنت بقراااا بصوووت عاالي حاساهو حيسمعني و حيقوم... لكن م قام... لحدي اللحظه دي انا دمعه م نزلت من عيني... م بكيت الا لمن امجد و احمد ومحمد ومنذر جووو يشلوهو عشان يدفنوهووو.. .. هنا يادوووووب حسيت انو ابوي خلاص مشاااا وخلانا بكيييييت و بكيتهم معاااااااي. تاني... احمد دا مسك في امي زي الشافععع و بكااااا... محمد فكاهو من امي بالقوه... قال لي حلا سوقي نور عمتي و اسلام ديل جواااا.. و بدت الناس تعزي... اول مره اشوف عوضيه بتبكي... وفي شوش اول مره اشوفها اصلا  في حياتي...
________________
ابوي خلاص اندفن 💔.. والاولاد بدو يدقو في الصيوان... وانا حاضنه امي علي.. وهي بتقول لي حسين م كان راجلي بس.. حسين كان ابوي واخووووي واهلي ي اسلام....سمعت صوت نسوان برا بوصفووو... و من وصفهم عرفت انهم عماتي ... رقدت امي في السرير وطلعت ليهم برااااا.... صفقت ليهم بي صووووت عالي وقلت ليهم يلا يلااااا سعيكم مشكووووور اي زوووول على بيتوووووو.... اي زوووول م جانا... و ابوووووي حيييي... م يجينا بعد ابوي ماااااااات....وحده منهم طلعت صيوان الرجال و  قعدت تكورك بي اسامي ناس اول مره اسمعهاااا.. تعال ي فلاااان تعاااال... و تعال يا فلااااااان... تعالو شوفوو بت حسين طردتنااااا... جا راجل كدا شكلو عمي... رفع يدو داير يديني كف.... احمد مسك يدووو... قال ليهوووو لو كان نزلت فيها كان كسرتها ليك...الراجل قال ليهوووو تكسر يد عمك.. حسييين اخوي م رباااااا والله...
امجد جا من برا سمعوو قال ليهو  :  ابوي لو م رباناااا كان اسي  دفنكم واحد ورا التاني... احتراما ليهو بس اسي انا واقف معاك الوقفه دي ... أحمد ربك المسك ليك يدك احمد م اناااا...
الراجل : تدفن اهلك؟ ...
انا : اهليييييي وقعدت اضحك.. قال اهلي قاااال كنتو وييييين لمن ابوي كان عايش... خليك من داااا كنت وييييين لمن ابوي كان راقد تلاته يووووم في المستشفى.. انا اهليييي هدييييل واشرت على ناس حلا.. ومنذر.. و محمد ديييل اهلييي... يلا يلا بالله اطلعووو لينا برااااا... وقلت لي امجد.. القاعدين هناك ديل قالو خالاتي... عليك الله خليهم يطلعووو وراهم... م دايرين لينا زحمه نحن...
امجد : سمعتها قالت شنووو صااااح... يلا بالله... نفاق كتيير نحن م عايزين...
موت ابوي وراني انو م شرط اهلك يكونو لحمك ودمك..ناس حلا.. و منذر.. و محمد... بقو ليناااا اكتر من اهل واخوان.. الوقفه الوقفوها معاناااا اهلنا لحمنا ودمنا.. م وقفوها معانا... ❤️
_______________
مرت  السنين بدون طعم ... واسلام الكانت م بتعرف تشد ملايه... بقت تشد حله عديييل... وماسكه البيت مع امهاااا... الشارع الكنت قاعده فيهو اكتر من بيتنا بقيت ما بطلعووو قاعده في البيت بسس حلا زاتا م بمشي ليهاااا هي البتجيني...
احمد و حلا دخلو الجامعه... وانا امتحنت رغم انو نسبتي كانت كبيره م نزلت جامعه بس كنت قاعده في البيت...امجد حاول يقنعني كتير اقدم لكن كنت برفض..
امجد.. و منذررر... ومحمد مسكو دكان ابوي و غيروووو مكانوووو.. فتحوهو على الظلت لانو موقعو كان م مناسب ...وبي دعم من ابومحمد  كبروهوو بقا سوبر ماركت كبيييييير اسمووو الحسين.......محمد ماسكو الفتره الصباحيه كلهااا ...لانو امجد و منذر مشغوليين مع مشروع التخرج...بجو يستلمو منو المساء...
_______________
تقريبا المكان الوحيد الكنت بمشي ليهو جمعيه نسوان الحله.... انا الكنت بكره لمه النسوان.. لمه النسوان بقت موضوع ثابت بالنسبه لي.. ودا كلو بس عشان اسمع عوضيه... عوضيه الكنت اشوف العما وما اشوفهااا... كنت بس بمشي عشان اسمعها بتتكلم عن حسيييين...
•••••••••••••••••••••••••••••••••••••••••••••••••••••••••••
 

#أحببتها~بت~رجال 《14》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
عوضيه الكنت اشوف العما وما اشوفهااا... كنت بس بمشي عشان اسمعها بتتكلم عن حسيييين..
بعد ابوي مات... م كنت متقبله فكره انو تاني اسم حسيين م حيتقال في بيتنا.... بقيت زي المهلوسه نفسي بس اسمع اسم ابوي...يا مشيت الجمعيه عشان اسمع عوضيه بتتبوبر بي ولدهااا القرااا و اشتغل في ماليزياا... ... يا بنادي حلا تحكي لي بي حسين اخوهااا.. وانووو قدم استقالتووو.. وما حيرجع تاني قريب... واسي بقرا في جامعه تانيه اون لاين...نفس القصص بعيدوها بس كنت بحب اسمعهم و هم بقولو حسين
_________________
احمد بعد شاف حالتي دي... اتفق مع امجد.. انو يعملو لي لمه زي ايام زمان.. يجو ناس حلا.. و منذرر.. و محمد...و نتونس في حوووش بيتناااا..
جاني احمد  قبل يطلع الجامعه...اول شي عملوووو فكا لي كعكاتي قال لي والله ي اسلام بقا عندك شعر مع البنات...
انا طوالي مسكتو من شعرووو..و بقيت ماعطاهوو لي تحت.. وهو شغاااال لي فكييييينيييي ياااااخ خربتي الشعرررر انا بفلفل  فيهووو لي ساااعه.. اسي تاني اقعد افلفل المحاضره حتفوتني...
فكيتو وانا بضحك قلت ليهوو: عشان تاني م تقابض
احمد وهو بعاين لي شعرو في المرايه : عنيييفه ياااااخ... عايني عايني الحته الكنتي ماسكاهااا شويه و كان حتقلعي شعري في يدك.. دي يد بت دي..
انا: قربت تنقلع يعني .. تعال اقلعها ليك طيب نشوف يدي يد بت ولا ولد
احمد وهو لسه بحاول يصلح شعرو: شايفه الحاء الفي جبهتك دي.. اختصار لي حاقده..
قعدت اضححححك قلت ليهو اسي انجز جاي تقول شنووو..
احمد:كلمي حلا بعدين تجي عاملين قعده... و انتي جهزي الشاي و الجبنه.. قلت ليهو كويس.. لبس ليهوو كاب في راسو.. و قال لي شكيتك لي الله و طلع...
_________________
اتلمو كلهم المغرب.. بس فضل حلا و امجد... امجد اول م جا داخل سألني قال لي حلا وين.. قلت ليهو لسه ما جات... ونحن بنتكلم عنها كدا.. جات داخله شكلها جات طوالي من الجامعه بي جاي..
احمد: والله ي حلا بت حلال..اسلام و امجد يادوب دايرين يبدو القطيعه جيتي داخله.. لو صبرتي حبه كان لميتي ليك حسنتين تلاته....
حلاا:  اسلام بارت نسوان الحله اتعلمت القطيعه عرفناها...لكن امجد اتعلمها وين
انا : قطيعه تمسكك انتي وهوو ...
احمد : شفتي يا حلا عوضيه مصغره... بقت تقطع و كمان تداعي...محمد ومنذر ديل بضحكو بس
امجد قاطعهم : خليكم من اسلام ومني .. حلا انتي الجابك من الجامعه المغرب شنووو.. مش قلت ليك قبل المغرب تكوني في البيت...
حلا: والله ي امجد طلعت بدري بس ما كان في مواصلات..
احمد : اي والله ي امجد المواصلات الليله كعبه شديد..
امجد قال ليهااا تاني اطلعي ابدر من كدا...
 امجد احتوانا و بقا لينا ابوو واخووو... وحلا عشان ابوها برضو متوفي واخوها ماف.. كان حاسي بالمسئوليه اتجاها بعاملها زيها زيي واحد.. ❤️

امي جات داخله بالعصيررر...وزعت ليهم كلهم... لمن جات تديني... قلت ليهااا م دايره الكبايه دي.. دايره الكبايه الاديتيها لي محمد ديك..
هنا محمد اتشرق وقال لي: اها دي الكبايه القاعده في ركن الكرتونه ولا شنوو..
انا : هاهاها لطيف... كبايتك تلجتهااا كبيره ... انا بحب التلج تلجتي صغيره .. هاك بدلني بالكبابي
محمد:م تجيبي تلج من جوه... انا لو في يدي في سممم بحلاااا ليك هاااك يا  اسلام هاااااك...
احمد نطه قال لي حلا: حلاااا جيبي عصيييرك داااا...
حلا بي استغراب قالت ليهووو ليي..
احمد وهو بحاكي فيني : كبايتك فيهاااا خط.. وانا بحب الكبايه البتكون فيهاااا خط... بدليني بالكبابي.. 😂
ورجع الضحك والونسه لي حووووش بيتنا تاني بسببهم... ❤️
_______________
تاني يوم الجمعيه كانت في بيتنااا... حلا جات عشان تساعدني...
ختينا الجبنه و قعدنا... عوضيه كانت مستلمه الونسه زي كل مره ... حسين صلح جامع الحله... حسين ي يمه ماشاء الله عليهو لبسني الدهب... و قالت لي النسوان.. اي وحده بتعرف اي اسره محتاجه توريني.. حسين مرسل قروش قال يجيبو مواد تموينيه يوزعوهاااا على الناس.. انا كنت مستمتعه شديد وانا بسمع في انجازاتوووو...
حلا قالت لي في اضاني تعالي دايراك وساقتني..
حلا : يااااخ انا زهجت المرا دي مستحملاهاااا كيف...
انا : ممرقاني من جوا عشان تقولي لي كدا..
حلا : اسلام انتي جاده..؟
انا : كل الجدود... ونحن بنتكلم كدا النسوان جووو طالعين... قلت ليهااا اهاااا ارتحتي كدا اسي انا اعرف اخبار حسين كيف... و مشيت المطبخ خليتها واقفه مستغربه...
لقيت الاولاد كلهم في المطبخ... بكابسووو..و كل واحد بلوووك ليهو في حاجه... قلت ليهم متيييين هووو النسوان مرقووو...
احمد : والله شي مفيد غير الطقه في جمعيتكم دي ماف...
حلا جات داخله :  والله ي احمد صدقت.. جمعيه برعايه حسييين..
احمد وهو بحاكي في عوضيه بنفس صوتها : حسيين ي يمه لبسني الدهب...
منذر  بقا ماسكوو و يحاكي معاهووو : حسيين اريتو ولاده النسوان و يعقرن عليهووو...
احمد : حسين مرتووووو الله اداهاااا...
منذر بتكلم بي يدينو كأنو لابس غويشات دهب : حسيييين عاد كان عرس يقعد معاي .. م بخلي احفادي يتربو في مانيزيااا بعيد مني ...منذر دا يشيييل... واحمد يخت
محمد دا شرررررررق بالضحك.. امجد بضحكك و بلبع فيهوو... في ضهروووو عشان م يخنق...
حلا صوت ضحكتها وصل الشارع... قالت ليهم انتو سامعييين يعني... امجد قال ليهااا... من دخلنا المطبخ ونحن غير اسم حسين م سمعنا شي دعينا ليكم والله الله يكون في عونكم...
انا بس بعاين ليهم اصلو م ضحكت .. عاجبني موضوع انهم. بكررو في اسم حسيين كتيير.💔
______________
في يوم وانا قاعده مع احمد و امي .. امجد قال لينا بالمناسبه.. حسيين قالوو جا من ماليزياااا...
احمد :اسمها مانيزيااا ي متعلم ي بتووع المدارس
•••••••••••••••••••••••••••••••••••••••••••••••••••••••••••
 

#أحببتها~بت~رجال 《15》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
يوم وانا قاعده مع احمد و امي .. امجد قال لينا... حسيين  جا من ماليزياااا...
احمد :اسمها مانيزيااا ي متعلم ي بتووع المدارس..
انا بفررررح : امجد انت جااادي حسين جاااا....كلهم عاينوو لي بي استغراب م اتوقعو رده فعل زي دي مني...
امجد : اي والله جااا الليله... لاقاني اسي عزاني في الشارع.. قال بجي بعدين يعزيك ي امي.. جهزو شاي المغرب..
امي :وفرحانه كدا مالك يختي.. اشتهيتي المشاكل..
احمد : شكلهااا عاودهااا الحنين يا حجه.. خرمانه ليها لي مشكله
امجد وهو بضحك: انتو قايلنو حسين الزمان الولد بقا طووول و عرض ماشاء الله..
انا اصلا م كنت مركزه معاهم... حسين جاي المساااا.. كنت بس بتخيل ياربي شكلو حيكون بقا كييف... يا ربي حيعرفنييي..؟... قلت لي امجد.. وانت طالع دق الباب لي حلا خليها تجيني...
________________
حلا لمن جات لقتني باكل في ضفوري وماشه و جايه...
حلا : ي بت مالك.. في شنوووو..
انا : حسيين جا ي حلااا...
حلا وهي مخلوعه : اي عارفه.. مالو سألك.. اتشاكلتو؟
انا : ي بت انا ما لاقيتووو زاتوو انتي عويره ولا شنوو.. بعدين انا ماف زول بقدر يهبشني..
حلا : طيب مالك ي اسلام.. انا ما فاهماك..
انا :جاي بعدين يعزي امي و يشرب معانا الشاي..
حلا : البشوفك متوتره كدا يقول جاي يخطبك م جاي يعزي بس ... انا لمن قالت يخطبك دي عيوني لمعت و اتوترت زيااااده  ...وما رديت عليهااا عاينت ليها بس.... حلا زي الدايره تتأكد من حاجه قالت لي حسين اخوي قبل تتم كلامها لقتني انتبهت معاهااا...
قلت ليها حسين اخوك مالو... قالت لي ضرب لي تلفون قبيل.. بسلم عليكم... قلت ليها بفرح ونفس اللمعه في عيوني  الله يسلموو يا رب ...
حلا عاينت لي بتفحص : اسلام انتي كويسه؟
انا : مالي ياحلا اسي انا... ارح ارح عليك الله اعملي لي حاجه يشربو بيها الشاي بعدين..
_______________
كنا قاعدين في المطبخ لمن جانا صوتووو... وهو. بقول خالتييي نوور كيفك ان شاااء الله كويسه... انا وحلااا ديل كل وحده بقت تلز في التانيه عشان تشووووفو... لكن م قدرنا بسبب  احمد.. شافنا بنتلازز.. رفع لينا حواجبينووو وقعد يضحك ووقف  في وشنااا عشان م نشوف ....
حلا بغيززز : اخوووك الغياز دا اصلو م بخلي حركاتو دي...
و انا مغيوزه اكتر منها قلت ليها رمه خلاص خلي يصبر لي...و بقينا قاعدين متمحنين اي وحده متكله في التانيه..

جانا  امجد في جرح قال لي مالكم قاعدين كدا زي الميت ليكم زول... هاك التوب دا ألبسيهو  تعالي حسين دا داير يعزيييك وطلع.... حلا دي لمن امجد قال كدا قربت تفك الزغاريييت قالت لي كيتا في احمد المعفن... لبست توبي و طلعنااا..وانا في راسي سؤال واحد... حسين حيعرفني بعد اتغيرت التغييير دا كلووو؟

طلعنا انا وحلا مع بعض والاتنين لابسين تياب وراسنا في الارض تقول جاي يعزل ليهو عروسه م يعزي ... اتعمدت امشي معاها خطوه بي خطوه... و لمن هي وقفت جنب احمد  نظام انا اواصل... انا زاتي وقفت.. كنت مصره اعرف حيعرفني ولالا ... رفعت راسي لقيتو قام من الكرسي  جاي عليناااا لابس ليهو جلابيه.... م ركزت في ملامحووو ولا شفت وشووو.. انا بس شفت فيهووو ابوي... شفت ابوي بي جلابيتو جاي علي ... وقف قدامي وقال لي اسلااااااام الفاتحه.... رفعت يديني وانا برجف من فوق لي تحتتت.... اول م مسك يدي وقال لي البركه فيييكم انا بكيييت... دموعي دي كانت بس بتجري من غير صوت...
فكيت يدووو و جريت دخلت جواااا... امي جات وراي ❤️
حلا دايره تلحقني امجد قال ليها خليهااااا يا حلااا كان م بكت ما حترتاح نادي امي ...و انتي تعالي  جيبي الشاي.. حسين قال ليهو ماف داعي للشاي يا امجد... انا ماشي عندي كم مشوار تاني... لكن امجد اصرااا عليهو يشرب الشاي...
بعد حسين طلع حلا جاتني...حضنتني عليهااا... قالت لي امجد قال ليك تعالي ... مشيت.. امجد قعدني جنبو وضماني عليهووو وبقا يمسح لي في دموعي ... قال لي اسي في داعي حسين بعد شاف التوب و الحركات و قال اسلام بقت بت.. يشوف المخاخيت دي...هاك المناديل دي..عشان عارف حركاتك انا قميصي دا طالع بيهووو..
احمد : توب شنووو وبت شنووو ... تحت التوب دا لابسه فنيله الكوره والتريني بتاعي...
انا ضحكت في نص بكاي داك.. وحلا وامجد ديل م عرفو البسكتهم من االضحككك تاني شنو... حرفيا غيرو لي. مزاجي في دقيقه بس❤️
حلا بضحك: اسلاااام انتي بكتك السماحه دي صاااااااح... امجد جرّاااا ليها نوووور.. لمن بقت تتمتم الكلبه..
احمد : تتمتمي ي كبيره... اصبرو اصبرو انا لسه م فتيتكم... امجد م شفتهم بدافروووو  كيف زي الجداد الفتحو  ليهو القفص... عشان يشوفو حسيين...
انا قلت ليهو يلا ي امجد انت عندك مشوارر حتتأخر فكيتوو وجريت جوااا..... حلا قالت يلا يلا  بعد دا ي جماعه انا ماشه بيتنا وطلعت طوالي تاني لا اتلفتت يمين لا شمال... امجد كورك ليهااا م تمشي برااااك في الليل دا يا حلااا انتظري...
احمد بقا يغني ليهو :  فااااااات..اتلفت... حيرني و غيرني... وخلاني زي تايه بتلفت خلانييييي... فاااااات رووووووح..
امجد فلقو بالمخده....
احمد وهو بضحك : بدل تفلق امشي الحقهااا هسي يلاقيها حسين في الشارع يبقي ليك خشمك ملح ملح ... بقا عندك منافس... 😂
امجد فلقوو بالمخده التانيه وقال ليهووو انا مارق عندي مشواررر وطلع...
احمد كورك ليهوووو مشوااااار يا ابوووو مشواااااار وقعد يضحك...
امجد طلع عشان يلحق حلا... لمن لقاها دخلت بيتهم...مشا لي ناس محمد و منذر في البقاله.. عشان كان رجع احمد حيشغلها ليهو
_________
حسين كان راقد في السرير و بتذكر في اسلام الاتغيييرت شديد ولو ما الضربه الفي راسها ما كان حيعرفهااا...امو جات لقتو سرحان..قالت ليهوو مالك ي حسين... قال ليهاااا امي انا داير اعرس...
•••••••••••••••••••••••••••••••••••••••••••••••••••••••••••
 

#أحببتها~بت~رجال 《16》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
امو جات لقتو سرحان..قالت ليهوو مالك ي حسين... قال ليهاااا امي انا داير اعرس...
عوضيه: جيت لي يا يمه جيييت لي... ايوووووووي...اسي بضرب لي نعمات  اختي اقول ليها بكره جاين نخطب سلسبيل بتك..
حسيين : لالا يا امي في وحده عايزك تخطبيها لي..
عوضيه وهي لاويه خشمهااا :بتدور تدخل علينا غريبه يا حسين دي منو كمان...
حسين : اسلام بت خالتي نووورر... اخت امجد واحمد..
عوضيه :لحقتتت متييين تلف ليك راسك... بت نوور القاهررر الفاطر.... اصلك عوير من يومك... بتوديك يمين و بتجيبك شمال على كيفهااا...اسمع كلامي ي ولدي سلسبيل شارياك و بتدورك من انت صغير..
حسيين : امي انا غير اسلام م داير ولو ما خطبتوها لي بسافر بكره.. وتاني وشي دا م بتشوفوهو...
عوضيه خافت تفقد ولدها بعد رجع ليهااا قالت ليهو.. قادره بت نوور الخلتك تكسر لي كلمه ي حسيين ربنا يقدم الفيهووو خيير وطلعت زعلانه عايزه تطق ...
________________
عصر اليوم التاني حسيين طوالي جا لي امجد واحمد...انا الشمار كان كاتلني... نفسي اعرف بتكلمو عن شنووو... و حلا في الجامعه... شلت تلفون امي ضربت ليها... قلت ليها تعالي لي من الجامعه... م تمشي بيتكم عايزاك في موضوع مهم ... قالت لي اجي عادي امجد م سألك تاني... قلت ليها امجد نسااا الموضوع عارف احمد متخلف ما بشتغل بيهو كتيير و بعدين يعني شنو لو دايرين نعاين لي حسين ... تعالي م تخافي.. قالت لي البشوفك جاريه امبارح م يشوفك بتتفاصحي الليله... خلاص اسي بجيك مسافه السكه  وقفلت الخط...وفعلا اقل من ساعه وجات.. جابت معاها بارد..

حلا مدت لي البارد وقعدت : احكي لي الشمار حارقني كان عندي محاضره جليتهاااا...في شنو
انا : حسين قاعد مع امجد واحمد ليهو تلاته ساعات واحد فيهم مرق ماف...
حلااا : جاي يشتكي يعني... انتي اتشاكلتي معاهو ولا مع اموو
انا : حلااا انا اصلا م قاعده اطلع من االبيت عشان اتشاكل.... دا المحيرني جاي لي شنو ي. ربي..
حلا وهي بتتأفف : شباب ي اسلام و بتونسووو مع بعض فيهااا شنووو.. مكبراا الموضوع مالك..اصدميني بس وقولي لي دا الموضوع المهم الجايباني عشانووو... انا ماشه اكل لي حاجه يعوضني الله في المحاضره الراحت دي.. ومشت حشت ليها سندوتشات وهي جايه شافت حسين طالع..
جاتني قالت لي حسين طلع احمد اسي بجي يورينا الشمار فوله في خشمو م بتتبله.. وفعلا احمد جا خاشي...
احمد: ادوني بارد ... حلا انتي م عندكم بيت ولا شنوو.. صاباها معانا 24  ساعه.. خاربه لينا اقتصاد البيت والله.. انا البيت بيتنا بخجل احشي سندوتشات قدر دي...
حلا  : قاعده في راسك... اصبر ح اكلم ليك خالتي نووور
انا بي ضحك : انت عندك عين تتكلم معانا بعد حركتك الخور بتاعت امبارح دي... وكمان بتقول ادوني بارد..
احمد قعد يضحك وقال لينا : عليكم الله بعد جريه امبارح دي نقصتو كم كيلوووو... الحركه الخور دي نزلت ليكم كروشكم ي جاحدين..
حلا البارد طلع ليها بي نخرتها بالضحك وقالت ليهو اسي انجز حسين دايركم في شنو..😂 احمد قال ليها جيبي البارد عشان اوريك.. انا طوالي مديت ليهو باردي.. احمد ضحك و قال لي دا كلوو شماررر..
.. امجد جا داخل قال لي احمد خليك قاعد هنا انا امشي انادي امي واجي دايركم في موضوع..
حلا : يلا ي جماعه انا استأذن..
امجد : عيب منك ي حلا  انتي زوله بيت  خليك قاعده انتي برضو معاهم...
احمد دنقر في امجد وقال ليهووو براحه ... زوله بيت.. خليك واضح وقول ليها انتي زولتي عدييييل  ... امجد حدر ليهوووو  ولزاهو وطلع برا قعد يضحك..... احمد كورك ليهووو شااااااايفك ...
انا وحلا كنا بنعاين لي بعض قلت ليها  ديل مالم ديل... قالت لي بري
______________
امجد جاب امي وقال ليها امي حسين دا دخل البيت من بابوو.. وقالت داير اسلام.. انتي رايك شنووو... هنا انا اتجمدت... وحلا دي اتخلعت اكتر مني انا زاتي...وبقت بتعاين لي..
امي : لو اسلام موافقه انا م عندي مشكله... لكن ي بتي عوضيه  م بتدورك انتي عارفاهاا ما حتخليك في حالك... لكن الراي في الاول والاخير رايك.. وانت كان بتدوريهووو ربنا يتم ليكم على خير.... كلهم بقو يعاينو لي مستنين اجابه.. وانا ساكته بس..
امجد جا قعد جنبي : انا شايفك لسه صغيره يا اسلام ودايرك تقري جامعتك... لكن ماف زول جابرك على حاجه اخدي وقتك واديني خبر م داير منك اجابه اسي .. و باسني في راسي و طلع...
احمد  حضني عليهو وقال لي : انتي عارفه انو نحن في ضهرك صاح م محتاجه اوريك.. دموعي رغرغت وحضنتو زياده قعد يضحك قال لي ما عارف زاتو العاجبو فيك شنوو.. مسح لي دموعي وقال لي يلا انا اخليكم نسوان براكم... عشان تقطعوو بي مزااااااج...
امي: حلا ي بتي خليك معاهااا وعقليها انا حسين ما مابياهوو لكين امو فقريه.. وطلعت هي برضووو خلتني مع حلا ...

حلا طوالي قبلت علي وقالت لي  : اسلام ارفضيهووو.. عوضيه م حتكون دايراك ولا حتكون راضيه بالموضوع... انا شاكه اصلا انو جاي من ورا امووو
انا : مالي ومال عوضيه... كفايه حسين دايرني..انا حاسه روحي بحبو ي حلا  
حلا : عايزه تقنعيني انك حبيتيهووو من امبارح لليله... اسلام انتي اسم حسين م كنتي بتطيقيهووو.. اسي جايه تقولي لي بحبووو.. قولي ليك كلام منطقي
انا : زول قال دايرني دا سبب كافي يخليني احبو... ومتأكده  من اني بحبو كمان..
حلا عاينت لي شديد وقالت لي : طيب ولو حسين اخوووي اتقدم ليك اسي  وقال دايرك برضووو...
•••••••••••••••••••••••••••••••••••••••••••••••••••••••••••
 

#أحببتها~بت~رجال 《17》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
حلا عاينت لي شديد وقالت لي : طيب ولو حسين اخوووي اتقدم ليك اسي وقال دايرك... برضووو...
انا هنا اتوترت.. والكلام ابا يطلع من خشمي .. و بعاين فوق. و تحت.. وما عرفت اقول ليها شنووو...جاني نفس الاحساس الحسيتو لمن قالو لي حسين ود عوضيه دايرك.. معقوله بحبهم الاتنين؟..جد انا ما عارفه انا عايزه شنووو...
طوالي حلا قاطعتني قالت لي شفتي ي اسلام لسانك اتربط...انتي م بتحبي حسين كشخص.. انتي بتحبي اسمووو ي اسلام... اسي انا لو جبت ليك واحد من الشارع وقلت ليك دا اسموو حسين حتحبيهووو بس عشان اسمو حسين... واثبتي كلامي دا اسي لمن قلت ليك لو حسين اخوي دايرك...

.... بكيييت ضمتني عليهااا.. قالت لي انا اكتر زول فاهمك وحاسي بيك  يا اسلام..قايلاني م عارفاك بتحضري الجمعيه لي.. ولا قايلاني م عارفاك بتسألي من اخوي بستمرار لي... اسلام. حسين ود عوضيه م حيبقا ليك ابوك...ولا حسين اخوي حيبقا ليك ابوووك...ولا اي حسين تاني حيبقا ليك ابوك... افهمي ي اسلام...انتي ما بتحبي ولا واحد فيهم انتي شايفه فيهم ابوووك بسسس...
قلت ليها وانا بشهق بالبكا.. حلا انا كفايه علي اسم حسين.. احبو م احبو دي م فارقه معاي.. انا محتاجه لي حسين عشان حياتي تمشي.. انتي م شايفه حياتي واقفه... انا من البيت م بطلع ي حلااا...
حلا بقت تبكي معاي.. وقالت اسلام انتي لا محتاجه لي حسين.. لا محتاجه لي امك ولا لي  امجد ولا لي احمد ولا لي انا زاتي.. اسلام انتي محتاجه دكتور نفسي انتي لحدي اسي م قادره تتجاوزي موت عمي حسين... صاحب حسين الرسل ليهو اقامه تتزكريهووو.. فتح ليهو عياده.. قاطعتها وقلت ليها حلا انا ما مجنونه... قالت لي منو القال انتي مجنونه ي اسلام... قلت ليها يا حلا انا دايره انووم عليك الله م تدخلي لي كلام زي دا في راسي وغمضته عيوني ورقدته ... عاينت بي قله حيله وسكتت.. غطتني و طفت النور وطلعت...
حلا كلامهااا منطقي... لكن انا الما عايزه اقتنع بيهووو.. انا بالجد ما فارق معاي لا خوها لا ود عوضيه انا بحب كونو اساميهم الاتنين  حسين.. وحابه الحاجه  دي شديد كمان❤️..
بقيت اقنع في نفسي  يعني شنو لو شايفه في حسين ابوي مش ح اكون مبسوووطه..مش ح اسمع اسم ابوي و احسو عايش معانا تاني... م مشكله لو دا مرض م عاايزه اتعالج اهم شي انا مبسوطه ...قمت صليت العشاء ونمت و انا مقرره اني بكره ح اديهم موافقتي...
_______________
حلا كان واضح عليها انها باكيه ... مشت لي احمد قالت ليهو قدمني... قال ليها وهوو خاتي التلفون في وشووو انا م قادر امشي لي امجد في المطبخ... قالت ليهو انت بتقدر للفصاحه بس ومشت خلتووو...
مشت وهي بتكورك يا امجد.. ياا امجد لمن دخلت المطبخ  لقتو بعمل في الشاي قال ليها نعم ي حلا ... قالت ليهو خلاص دايره تطلع كدا.. قال ليها اقيفي اقيفي مالك.. انتي كنتي بتبكي؟ حلا طوالي انفجرت بالبكا اصلا كانت دايره ليهاا سبب الضغط كتر عليهااا.. حلا بالجد  تعبانه بين بيتنا وبيتهم لكن عمرها م اشتكت..
امجد جرا ليها الكرسي وقعدهاااا... وبقا واقف قدامها ومتكل بي ضهرو  على الحيطه ومربع يدينو  وبعاين ليهااا.. انتظرهااا لحدي م هدت...
امجد : كدا خلاص كملتي البكاااا
حلا هزت راسها  بي اييي...
امجد :  اول حاجه المبكيك شنووو... و تاني حاجه جيتي عشان تقولي لي شنوو..
حلا  ببكا : الاتنين اجابتهم وحده...
امجد وهو مستغرب : كيف يعنيي....
حلا وهي بتشهق بين كل كلمه والتانيه : مشيت.. لي.. احمد عشان يقدمني... قال.. م قادر... جيتك.. انت... عشان اقول... ليك... قدمني.. لقيتك.. م فاضي..
امجد دا انفقع بالضحكك : حلا انتي جاده؟  بتبكي عشان كدااا...  امبارح م عامله فيها مرااااا ومشيتي براك...
حلا سكتت وبقت تتمتم...
امجد بقا يضحك زياده : كل ما تتزنقي في الكلام  اقعدي تمتمي كويس... ومشا جاب ليهااا كبايه شاي... واداها بسكويت.. قال ليها اشربي الشاي دا  وروقي حبه... عشان م تمشي البيت  باكيه..
حلا : وانت ما داير شاي؟
امجد : بشرب مع امي بعدين... ومشا جاب ليهو بسكويت تاني.... لكن بغمس معاك  البسكويت  في كبايتك دي زاتا عشان م تشربي براك...امجد ثابت بشرب الشاي مع امي زي ما ابوي كان بعمل.. كان بحاول يسد فرقه ابوي بي كل الطرق  و ما يحسسنا بالفرق...
حلا بقت تضحك وقامت فتحت البسكويتين ختتهم في صحن واحد... و جرت ليهو كرسي وقالت : اقعد ولا حتشرب وانت واقف..
امجد ضحك وقعد  : ختيتي بسكويتي مع حقك.. كدا انا م بتظلم لكن .. حتقومي بيهو كلو براك...
حلا شالت كبايتهااا : بتتظلم صح شوف ليك شاي تغمس فيهووو....
امجد بضحك : خلاص خلاص بهظر والله.. وبقو يشربو في الشاي..وامجد كل مره بحسب ليها اكلت كم بسكويته... ويضحكو... امجد عندو مقدره رهيبه في انو يطلع اي زول من موجه زعلو في ثانيتين...
احمد جاهم طاير.. عاين ليهم كدااا مسافه ... وبقا يفتح دواليب المطبخ.. ويحسب واحد.. اتنين.. تلاته.. اربعه.. خمسه.. ومواصل حساب..
حلا: احمد بتحسب في شنووو انت  
احمد : في الكبابي... قلت يمكن حصلت ازمه كبابي في بيتنا وانا ما عارف ... لكن انتي عارفه يمكن الازمه ازمه شاي.. الزول م يستعجل... ومشااا علي البراد لقاهو مليان قال ليهم .. طلعت م ازمه شااي برضووو... لكن يمكن في فرق في الطعم كدي نجرب معاكم ... وجراااا ليهو كرسي وقعد معاهم قال ليهم جدجد طلع الفرق في الطعم وقعد يضحك... وبي ضحكووو وحركاتو  امجد وحلا  برضو بقوو يضحكووو..
امي بي صوت الضحك جات داخله... لقتهم التلاته عاملين دائره... قدامهم كبايه شاي وحده و بغمسو فيها التلاته البسكويت...احمد قال ليهااا جري  ليك كرسي وتعالي غمسي معانا ي حجه... ضربت يدينهااا بي بعض وقالت جنيتو وحات الله جنيتوو.. حتى حلا العاقله فيكم جننتوها..وطلعتتت وهي بتضحك...
امجد وهو ميت بالضحك : ارح ارح ي العاقله اقدمك البيت...
_______________
الصباحيه صحيت ... م لقيت زوول.. امي عند الجيران.. امجد واحمد في الجامعه....بقيت قاعده براي اطلع وامرق شغله البيت وخلصت.. ماف موضوع... طوالي مخي اشتغل...اسي لو كان ابوي قاعد م كان دا كلو حيحصل... وافكار تمشي وافكار تجي... قلت لي نفسي ابوي ماف  لكن  حسيين في... ودخلت في دوامه بتاعت خيالات... لحدي م نمت تاني...
صحتني امي لي الفطور... فطرنا ودخلنا طوالي في برنامج الغدا..م لقيت فرصه زاتو عشان  اكلمها بي  موافقتي...
_______________
امجد واحمد جوو و معاهم محمد ومنذر... لبست توبي.. ومشيت قلت ليهم واحد فيكم يجي يشيل صينيه الغدا...
محمد : وعليكم السلام.. نحن كويسين الحمد لله..
منذر : اسلام نحن بايتين معاك.. اسألي مننا قولي لينا مطولين مالكم..
انا : والله بسأل منكم احمد وامجد طوالي... وبعدين دا شنووو اللوم دا لمن شكيت انا في الصالون.. ولا جمعيه نسوان الحله..
احمد  ماااات بالضحكك وقال لي حلوه منك والله...
امجد بضحك: دا الفالح فيهووو قوم قوم امشي جيب الغدا اعمل ليك شغله نافعه
اما محمد ومنذر كانو بس بعاينوو لي.. اول مره كنت اشوف منذر ومحمد جادين بالطريقه دي... في موقف زي دا كان بضحكوو اول ناس...
منذر  : انتي عارفه نحن جاين الليله لي ي اسلام
انا : اهاااا
منذر : عشان نقول ليك حسييين لااااا...
محمد : عوضيه حتكرهك حياتك... وانتي م بتحبي الحقاره م حتسكتي... وانتي وهي حتقضوها مشاكل... اسلام ابعدي عن الشر وغنيلووو...
انا بكل بروود الدنيا : انا فكرت فيهااا من كل الجوانب وانا موافقه... انا ح اعرس حسين ما ح اعرس امووو...
محمد : جنيتي انتي ي اسلام دا عرس.. م لعب... شفع
منذر : انتي واعيه للبتقولي فيهوو دااا.. اسلام انتي حتجيبي.. اولاد... عوضيه كان موتي م حتتقبلك كمرت ولد .. اولادك زنبهم شنو يفتحو في يلقو نفسهم عايشين... مشاكل بين امهم و حبوبتهم...
انا كلامهم دا كلو م كنت واعيه بيهو ولا عايزاهو يخش راسي... في راسي كان في شي واحد... حسين حيعوضني ابوي الفاقداهو... في راسي لا كان في اولاد لا عوضيه لا غيرهاااا ماف غير حسيين وبس ...
اكتفيت بي اني انهي النقاش واقول ليهم : حتعرسوهوو انتو ولا  انا...
محمد ومنذر مرقو زعلانيين غدا م اتغدووو...
_________________
امجد واحمد وامي... حاولو معاي ميه مره... اني اغير راييي ابيييت.. كنت بقابلهم بس بالرفض ... وحلا تاني م جاتني من سمعت اني وافقت...
امجد استسلم للامر الواقع ضرب لي حسين قال ليهووو نحن موافقين جيب اهلك وتعال... حسين قال ليهووو.. الجمعه الجايه بجيب الرجال وبجي ...
•••••••••••••••••••••••••••••••••••••••••••••••••••••••••••
 

#أحببتها~بت~رجال 《18》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
حسين قال ليهو الجمعه الجايه بجيب الرجال وبجي.. امجد جا كلمنا.. قال لينا اجهزو الجماعه ديل جاين الجمعه الجايه... قبل يطلع.. قلت ليهو اديني تلفونك اضرب لي حلا...  قال لي اسلام... خليني اجيب ليك تلفون لي متين  حتقولي م عايزه تلفون ما عندي زول اتواصل معاهووو...قلت ليهو حاضر... اداني. التلفون وطلع..
ضربت لي حلااا... اول ما جاني صوتهااا وهي بتقول الوووو... قعدت ابكي...قلت ليها يعني خلاص كدا قاطعتيني... وما عايزه معاي كلام..لي م بتردي على تلفون اميي...قفلت الخط في وشي ...

بعد شويه جاني صوت احمد وهو بقول اتذكرتينا من وين الليله كنا مرتاحييين منك...كوركت ليهووو دقيقه بس جاياك اسي ما فاضيه ليك... وجاتني طوالي لقتني اتخجيت بالبكاااا.... طوالي حضنتي عليهاااااا... وقالت لي كدا ي اسلااام انا اسمع من برا انك وافقتي على حسييين.. للدرجه دي انا م بعني ليك ولا حاجه...
قلت ليهااا حلاااا... كيف يعني م بتعني لي شي...انا اصلا م عندي غيرك في الدنيا دي....
حلا وهي بتبكي : لو بعني ليك شي ارح معاي العياده... جلسه وحده ي اسلام وحتغيري رايك في حسين انا متأكده... اسلام حسيين ما حيعوض ليك  ابوووك افهمي... لسه قدامنا وقت بعد دا ممكن ترفضيهووو..
انا لمن قالت لي تغيري رايك في حسيين خفت شديييد... انا م دايره اغييير راي انا دايراهووو...
انا : حلا عليك الله م تدخلي لي كلام زي دا في راسي... حلا انا دايراك تقيفي معاي... مش دايراني اكون مبسوووطه...م تجيبي لي سيره الكلام دا تاني عليك الله... انا مبسوووووطه... لو دايره  حاجه غير كدا قولي لي ارفضيهووو...
حلا : حاضر ي اسلااام انتي حره... انا خايفه عليك تندمي بعدين
انا : م بندم ي حلا انا متأكده... قلت ليك..
حلا وهي خلاص عرفت انو ماف مني امل : ربنا يهديك ي اسلام... وقالت لي ارح لي احمد يغير لينا جووو... بدل الجو الكئيب العيشتينا ليهو داااا... ضحكت وقلت ليهااا نكلمو يضرب لي محمد ومنذر بالمره اشتقت ليهم.. عايزه ارضي عليهم زعلتهم انا بي كلامي المره الفاتت...و طلعنا غسلنا وشوشنا ومشينا  لي احمد...
احمد اول م شافنا : انتووو بلا بكااا م بتتقابلووو تجو تبكووو كمان...عملتو لي وجع عيون
انا وحلا عاينا لي بعض وانفقعنا بالضحك... عيونا داخله لي جوه... ووشونا دي مورمه... زي الزول الادوهو بنيه...
انا بضحك : احمد عليك الله اضرب لي منذر و محمد اشتقت لي لمتنا..
_______________
رشيت الحوش..و حلا فرشت السراير... امي قَلَت البن...
جو داخلين محمد ومنذر وسلموو على امي في راسهاااا... وقالو ليهااا اشتقنا لي جبنتك والله ي عمتي نووور ❤️ وسلمو علي الباقين كلهم.. اول م  جا الدور علي بكيييت قبل يسلمو علي ... قلت ليهم انا عارفاكم زعلانين مني.. لكن انتو اخواني واهلي ما عندي غيركم  لو م وقفتو معاي انتو الحيقيف معاي منووو... حتقيفوو معاي صح؟
امجد جا قعد يميني... واحمد قعد شمالي.. حلا لزت احمد وقعدت مكانو قالت ليهو زح كدا ولا كدا دا مكاني... قعدو يضحكو... ومحمد ومنذر واحمد بقو واقفين قدامي... وقالو لي حنقيف معاك نحن عندنا كم اسلاااام..محمد قال لي انتي وصيه عمي حسين ي اسلام  ❤️
امي عاينت لينااا وقالت لينا الله يحفظ سركم... و يحفظكم ي اولادي... كلنا بي صوت واااااحد قلنا ليهااا اميييين... ❤️
كان واضح عليهم كلهم انهم م راضين... لكن مغلوب على امرهم و مضطرين ينبسطو عشااااني ❤️
______________
بقينا قاعدين كلنا في الحوش... وامي دخلت ترتاح بعد شربت معانا القهوه ..
احمد قال : بعدين في كرت الدعوه حنكتب... بسم الله الرحمن الرحيم.. لا محبه الا من بعد عداااوه.. ندعوكم لعقد قراااان اسلام حسين احمد... وحسيين سكت مسافه ..و قال انتو الزول دا ابوهو اسمو منووو معقوله حتى في الكرت نكتب حسين ود عوضيه...
الناس دي كلهااااا فكتهاااااا ضحكه بي صووووت واحد...
انا بضحك : اسمووو زاهرر... يا احمد ارتحت
منذر : اسمو زاهررر... لكن هو ما زاهررررر.... و تاني قعدووو يضحكوووو محمد يقع وامجد يقووم ...
انا وحلا ديل دموعنا بقت جاريه بالضحك...خليتهم بتعاورو ومشيت جبت الشاي...
اول م ختيت الشاي... احمد نطه قال لي انا وحلا وامجد.. بنشرب في كبايه وحده... بس جيبو لينا صحن بسكويت....انا ومنذر ومحمد عاينا ليهم بي استغراب... ومحمد قال ليهو لي يعني ... داير يتكلم حلا قرصتووو... وامجد عفصوووو...طوالي احمد  غير كلامو وقال سباق سباق يخوانا ... انا وحلا وامجد... واسلام و منذر ومحمد... نشوف البخلص الشاي والبسكويت اول منووو.... امجد وحلا بقو يعاينو لي بعض ويضحكو...
محمد عاين لي احمد وحلا وامجد وقال: الجاتكم تختاكم... عمتي الا كان خاته ليهااا خرشه في الجبنه دي..😂
شربنا الشاي وحرفيا اليوم داك كملنا الضحك والونسه كلهااااا.... ❤️
______________
يوم الجمعه حسين جاب ابوهو وحسن وجو معاهم كم راجل كدا شكلهم اعامو وخيلانو... محمد ومنذر وامجد...اول م شافو ابو حسين... تلقائيا عاينو لي احمد... احمد رفع ليهم حواجبينووو... كانو حيضحكو في وش الراجل لكن الله ستررر... محمد مسك احمد بالجنبه و قال ليهوو انت خليك قاعد براااا نحن م ناقصين فضايح...
احمد طلع جانا في المطبخ...امي قالت ليهوو مالك.. قال ليها اضطهاد ي امي ولدك مضطهد.. قالو انا بجيب ليكم العار... ادفنوني حي عليكم الله بعد دا ..
حلا وهي بتضحك فيهووو : الجاين جوا ديل جاين يطلبو اسلام م جاين مسرحيه... عوارتك البتعملها في قعداتنا دي م حتنفع...
احمد : والله خشمي م فتحتووو... لكن الله فييي..
امي قالت ليهو خلي الفصاحه امشي ضيف الضيوف ديل...

بعد الرجال طلعوووو...جو ناس امجد ومحمد و منذر عشان يورونا الحاصل... احمد قال ليهم انا لمن اجي اخطب واحد فيكم بباريني ماف بمشي براي... تطلعوني انا برا يا كلاب...
محمد : هي دي منو الما عندها راس البترضى بيك دي...
احمد بضحك : خليكم شاهدين  من اسي الزول دا م اشوفو في عرسي .... اسي الجماعه ديل قالو شنوو
امجد قال...حسين دا قال يدوهو شهر بس يرحل امووو... و يفرش شقتووو... وجاي زوول عقد عدييل... ما داير خطوبه... ولا داير قومه وقعده.. حيعقد و يسووق مرتووو طوالي... انتي رايك شنو ي اسلام...
انا :  موافقه... انا اصلا م بحب اللمه و الجوطه...
كلهم بقو ينقنقو انو كيف م اعمل حفله و انا فرحه البيت الاولى... وامي قالت كيف بتي تعرس عرس زي دا... وحلا تنقنق بي جهه واحمد بي جهه ومنذر بي جهه... مشيت خليتهم بنقنوو
....
_______________
بعد يومين امجد جاب لي التلفون... و عوضيه جات  ومعاها خلاتو وعماتووو.. جابو حاجات الحبسه... وكانو بعاينو لي عيين حقاده... حرفيا.. لكن م اشتغلت بيهم كتييير..
___________
مرت الايام بين دخااااان.... و عروكات.... و مدايد.... حلا وامي نهائي م قصرو معاي... احمد كل م يجي يلقاني ملفلفه بي التوب ولابسه جونتيات و شربات... يقول لي يعني عايزه تقنعيني انتي لمن تطلعي من الشرنقه بتاعتك دي حتبقي فراشه... الله اعلم واالله.. ويضحك. و يمشي
فضل يومين للعقد.. حلا جاتني قعدت جنبي وهي بتبكي....و قالت لي... اسلام حسين لحدي اسي م جراااا ليك سماعه تلفووون انتي ملاحظه... انا استعجالو دا م مرتاحه ليهووو...
قلت ليها م تخافي علي ي حلا... وبعدين خلاص بعد دا العقد فضل ليهو يومين... حلا عاينت لي كأنها بتترجاني ابطل البعمل فيهو دا... لكن لا حياه لمن تنادي... بعد قنعت مني  قالت لي انا ماشه االبيت بجيك بكره الصباح بدري اشيل ليك جسمك.. عشان بعد بكره ترسمي...
وطلعت قعدت تبكي في الطبخ لانها حتفقدني شديد... امجد جااا  لقاها بتبكي... مسكها من يدهااا و مسح ليها دموعهاااا وهي بس بقت تعاين ليهو مصدومه ... قال ليهااا م نفسك نبقا زي حسين و اسلام...
حلا بقت تتمتم... اااااا.... ممممم...
امجد قعد يضحكك : قال ليهاا بس خلاص كفاي الحرفين ديل... الف انا... ميم موافقه.... دي موافقه صريحه منك كلمي اخوووك واديني خبر بعد بكره... حلا جرت وخلتو واقف..
____________
خلاص الليله العقد... وحسين لحدي اسي ما ظهر... البيت كان مليان ناس داخله و ناس مارقه......وناس بتغني وكلهم كانو الجيران... حلا قدر م حنستني امشي اقعد في بيتهم ابيت... م حبت تكتر معاي كلام كتييير... امي دموعها م وقفت من الصبااااح... بتبكي بس... احمد وامجد قبل يمشو الجامع للعقد... جوني لقوني جاهزه..لابسه التوووب الاحمر...والجدله ..اكتفيت بي مكياج بسيييط ما كترت ولا مشيت كوفييير .. جنبي كانت واقفه حلا بتبكي
احمد اول م شافني صفرررررر و ضحكككك : قال لي بالجد بقيتي فراااااشه... حلا وديتي اسلام وين... وديتو اختي وين يا جماعه ...و حضني هو وامجد الاتنين  وبكوووو... بعد مسافه فكوني...
امجد باسني في راسي وقرا لي يس وطلعووو ... انا نهائي م بكيييت ولا نزلت مني دمعه ... حلا الكانت بتبكي بكا  بصوت ... عاينت لي وقالت لي اتحصنيييي ي اسلام بختووو حسييين مرتوو نجفه كنتي داسه السماحه دي وين ي بت ... قلت ليها وانا بضحك يمكن دي نوره العروس البقولوهاا... حضنتي مسافه و قالت لي انا امشي اشوف الحاصل برا شنو واجيييك... جات امي داخله وراها... وصتني وصاياااا كتييييييره... وقالت لي عافيه منك وراضيه عنك ي بتي ومرقت...
بعد شويه جاني صوت الزغاريت... وضرب النار..خلاص عقدوو.. وبقيت مرتووو.. جات حلااا قالت لي اطلعي حسين منتظرك براااا....

طلعت الناس دي كانت كتييره شديد... لكن انا م شفت ولا زوول كنت شايفه حسسسين بسس... او بالاصح كنت شايفه في حسين ابوي زي م حلا  قالت ... جا علي وكان بعاين لي عييين م قدرت افهمها ولا افسرهااا.. مسكني من يديني الاتنين  ... انا هنا  يادوووووب بكيييييت.. بكيييت وبكييت الناس دي كلهااا معاااي...اتزكرت ابوي...وكل تفاصيل حياتنا زماااان.. 💔
بدت المباركات.. اول اتنين جو باركوو لي محمد ومنذررر..وقالو لي حسين ابقا عشره عليهااا..
عوضيه نهائي م جات علي بس كنت شايفاهااا بتعاين لي من بعيد...
احمد مشا لي امجد... قال ليهووو اتلحلح امشي لي  حلااا الانظار الليله كلها عليهاااا... امجد طوالي عاين ليهااا ومشا عليهاا م اتلفت لا يمين لا شمال...
امجد : حلا كلمتي حسين اخوك..
حلا وعينها في الارض : اي كلمتوو.. قال ينقل شغلو هنا اول.. عشان.. امي م تقعد براها بعد انا امشي.. وبعد يجي انت تجي تتقدم رسمي
امجد : وشغلو بياخد كم يعني كدااا.. بالضبط
حلا : م كتيير... اصلا هو كان شغال  في عياده صحبوو ماسك ليهو الحسابات.. المجال عجبو قدم استقالتو من الجامعه هنا و قرا علم نفس .. واشتغل معاهو في نفس العياده... اسي صحبو فتح عياده هنا في السودان .. يعني م بياخد زمن... اكترها اسبوع.. بعدين انت لسه م اتخرجت مستعجل مالك..
امجد عاين ليها بحب.. وقال ليها ربنا يبشرك بالخير ان شاء الله.. كلها شهر واناقش قربت.. ❤️
____________
ودعت ناس امي وحلا واحمد وامجد و محمد ومنذر... امجد واحمد م خلو وصيه م وصوها لي حسين... وبعد بكااا ودمووع... طلعنا انا وحسين... وصلنا الشقه وانقفل علينا باب واحد...
اول حاجه عملها حسين بعد دخلنا... جااا علي واداني كفففف... وقال لي مش كنتي بتقولي لي ابقا راجل... اها بقيت راجل طوول وعرض... هنا ماف لا امجد لا احمد...نشوفك حتتقوي علي بي منووو... واداني تاني كففففف... انا بعد الكف التاني دا يادوووب وعييييت
•••••••••••••••••••••••••••••••••••••••••••••••••••••••••••
 

#أحببتها~بت~رجال 《19》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
انا بعد الكف التاني دا يادوووب وعييييت... وجاني صوت حلا في اضاني حسين م حيبقا ليك ابوووك ...عاينت ليهووو جواااا عينووو عين تحدي.. كميه الحقد الشفتها في عيونوووو انا عمري م حنساهااا...وقلت  ليهووو كدا اثبت انك م راااااجل وعمرك م حتكون راجل يا حسيين...
بعد جملتي دي بقا م شايف قدامووو... وقع فيني ضرب... ودخل في حاله كدا انا لمن خفت... طلع حزامووو وبقا بضرب فيني ويكورك ... دا كان زمان ي اسلام... زمان الناس دي كلهااا شابكانا اولاد  حسيين.. اولاد حسيين... اسي الحله دي كلها بتقول ود عوضيه... الحاجات العملتها انا اخوانك لو قعدو ميه سنه م يعملوها ... الحله كلها بتتكلم عني انا... انا راجل جواااا عينك ي اسلام...
رديت ليهووو وانا خلاص جسمي خدر من الضرب بقيت م حاسه بيهو : شفت الفرررق... بقولو اولاد حسييين... وود عوضيه.... طول عمرك ولحدي م تموووت حتكون ولد امك... وكان العالم دا كلووو مش الحله شايفك راجل.. في نظري انت انا ارجل منك...
حسين دا بس بقا يكورك... اسكتي.. اسكتي ... ولزاني... وطلع قفل باب الشقه علي  بالمفتاح...بعد طلع انا يالله قمت رقدت في الكنبه توبي م قدرت اطلعو
________________
حسين  مخصوص اشترا بيت ورحل  من الحله عشان اكون بعيده من اخواني.. ويقدر يقفلني و يعزبني بي مزاجوو...
سكن امو واخوهو  الطابق التحت... وانا جابني الشقه الفوووق...
عوضيه لمن سمعت جوطتنااا طلعت  وبقت تتصنت سمعت الكلام كلو من بدايتو لي نهايتو  ... بعد شويه سمعت باب شقتنا قفل بقوووه...طوالي دخلت وبقت  تعاين بي عين الباب  شافت حسين نازل من فوووق بي جلابتو حقت العقد زاتااا... عرفت انو حسين ما قرب مني... وانو اتشاكلنااا.. قبل م يلحق يغير جلابيتو..
صباح اليوم التاني... حسن اخوهو جا سكراااان طييينه...طوالي الشيطان لعب بي راس عوضيه.. والحقد عماهاااا وكل الافكار الشيطانيه جات في راسهااا وقالت انا بت نور ح اوريهااا كيف تخلي ولدي يكسر لي كلمتي... ضربت لي حسييين قالت ليهووو انت وين ي ولدي شفتك طالع امبارح... قلبي اكلني..مستنياك من امبارح م جييت...تعال ضغطي لمن ارتفع
حسيين خاف على امو شديد وقال : انا بعييد يا امي... خلي حسن يوديك دكتورك يقيس ليك الضغط .. انا بجيكم بهناك..بعد شويه سمعهااا... بتقوول لي حسن اخوهوو... هاك المفتاح دا اطلع لي بت نوووور فوووق..اخوك خلاها لسه عروووسه...وانا بمشي الدكتور..لمن يجيني حسين بلعب ليهوو براسووو واكلمو انو بت نور   بيتهم اولاد طالعين واولاد داخلين...عامله فيها محمد و منذر اخوانهاااا...وبقت تفلت في الكلام .. شكلها قايله الخط قفل...
حسييين دا قفل الخط وراسوووو دا شطب من الخلعه... معقوله اموووو تصل درجه قدر دي  من الحقد... طوالي قفل الخط... ورجع ليها تاني بي مكالمه عشان يقول ليها انا قريب للبيت عشان تخاف وم تلحق تعمل  حاجه ما ردت....
بقا سااااايق بي كل سرعتوووو عشان يلحقني... صح هوو بكرهني لكن م لدرجه انو يشارك في حاجه حراااااام... ويتحاسب عليهاااا...
___________
انا لسه كنت راقده بي توبي في الكنبه وببكي م نمت للصباح... بتذكر في كلام حلاا وامي .. وامجد واحمد ومنذر ومحمد.. كلهم قالو لي لا وحذروني  وانا ابيت... ياريت لو سمعت كلامهم... الباب فتح...كنت قايلاهو حسيين.. رفعت راسي لقيتو حسن بتلولح يمين وشماااال... وريحتو دي تجيييب الطاشييييي... جااا علي قال لي يا حلوه  مسكني وبقا يحاول يفك مني التوووب... انا بقيت الز فيهووو وابكي  والززز ... وهو لسه مواصل...حاولت اقاويهوو  م قدرت...
جراااا مني التوب بي كل قوتووو... انا م كنت قادره.. اتحرك من ضرب حسيين ... لكن احساسي بالخطر كان اقوااااا من وجعي .... دفرتووو بي كل قوووتي... وشلت اقرب حاجه جنبي وانا برجف  ضربتووو بيهاااا.. بقا ماسك راسو و بنبز فيني بي ابشع الالفاظ والدم مالي وشو .. اول م شفت الدم خفت.. وجرييييييت برا الشقه وبرا البيت كلوووو.... ركبت اقرب ركشه... بتاع الركشه لمن اتخلع وكان ظاهر عليهو الخوف قلت ليهوو بديك القرووش الدايرهااااا بس وديني وانا ببكي واحلف فيهووو.. عاين لي وقال لي شكلك بت حلال وصلني بيتنااااا... بقيت بدق في الباب زي الكأنو في زوول ساكيني... امجد فتح الباب كداااا انا جيت واقعه... اتخلع رفعني في نفس الركشه... وجرا بي المستشفى..
___________
عوضيه لمن لقت مكالمه من حسين رجعت ليهوو... قالت ليهوو طالعه.. ي ولدي علي الدكتور ... قال ليهااا والخوف قاطع قلبو  م تطلعي يا امي انا جاي اوديك قربت ... لمن قال كدا خاااافت ... وجرت تلحق حسن لقتووو ماسك راسو و الدم مالي وشووو... كوركت ليهووووو سجمييييي.... بقا يقول ليهااا ي امي انا م شايف حااااجه... امي انا م قادر اشوووف...
مسكتووو... وبقت تقول ليهو كيفن يعني م شايف ي حسن عااااين لي.. وهوو بقول ليها م شايفك ي امي... م شايفك...

حسين جا داخل بكووورك اسلام ي اسلااااااام.... اول م شاف اخوهووو.... اداهووو بنيه.. و قال ليهووو من يومك م نافع لا في قرايه لا في شغغغل مباري الفارغه... وصلت بيك للدرجه دي يا حسن...تتعدى علي بنات الناس انا  ح اسجنك  بي يديني ديل... عشان تتربي... امي م ربت..
حسن :عامل فيها راجل صح... من ولدونا وامي مفضلاك علي... وبتقارن بيني وبينك ... انجح كيف... وامي كان شغاله بيك انت بس عشان شاطررر زوول كان شغال بي ماففف... عمري م اعتبرتك اخووو انا بعتبرك عدوووي..اسلام ما لحقت اتعدى عليهااا جرت لكن لو  جاتني فرصه تانيه م بفوتهااا... حسين اداهو بنيه تانيه لمن وقع  وقبل على امووو... دي تربتك لينا صح... معقووله ي امي الحقد عامي قلبك ... لي درجه انو تحرضي اخوو يتعدى على عرض اخووهووو... انتي عارفه ربنا كشفك لي... نسيتي الخط فاتح عشان اكشف وساختكم... ربتينا على الحقد.. و الكراهيييه...والمقارنه.. دايما كنتي بتقارنيني بي اولاد عمي حسين لمن مليتي قلبي بالكراهيه اتجاهم... انا بحمد ربنا اني سافرت صغييير... وكبرت في الغربه.. لو كان كبرت معاك كان بقيت زيووو واشر على حسن... الحرام عندكم زي شراب المويه.. تف ليهم و طلع....
•••••••••••••••••••••••••••••••••••••••••••••••••••••••••••
 

#أحببتها~بت~رجال 《20》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الحرام عندكم زي شراب المويه.. تف ليهم و طلع.... حسين فتش الشارع.. والشوارع الورا م لقاني....
____________
بعد وصلناا المستشفى...امجد ضرب لي احمد قال ليهو وين انت ..
احمد وهو مستغرب  : في الجامعه ليي؟
امجد وغضب الدنيا دا كلو فيهو : الحيوان الاسمووو حسين دا شكلو مداا يدووو على اسلاااام..
احمد بقا يكورك : مد يدووو دي كيف يعني فسرهااا لي ضربها يعني يا امجد وريني ضرب اسلام...
امجد وهو خلاص فقد اعصابو  : ما عارف ي احمد م عارف... اسلاااام جات البيت ... فتحت الباب لقيتهااا واقعه واثار الضرب ظاهره في جسمهاااا.... اسي هي مركبين ليها درب م عرفت الحاصل شنووو... الا تصحى عشان نسألهااا..
احمد وهو بكورك : نحن لسه حنستناها لمن تصحى...  انت عارف الخايب  دا رحل وين... انا عارف المنطقه لكن م عارف الوصف بالضبط...
امجد : ما عارف ي احمد.. لكن منذر  عارف  لانو رحل معاهم العفش..
احمد ولا استناهو يتم. كلامووو... طوالي قفل فيهو و  ضرب لي منذر... قال ليهو وصف لي بيت حسين سرعه
منذر : حسين منووو ي احمد مالك هايج..
احمد بكوراريك : منذر عليك الله انجز وصف لي بيت حسين ود عوضيه... انا م فايق ليك..
منذر وصف ليهو البيت.. وضرب لي محمد قال ليهووو خلي اي شي في يدك واتحرك.. ووصف ليهو مكان.. قال ليهو نتلاقا هناك ... وما تسألني من اي شي انا زاتي م فاهم حاجه...احمد دا هايج شديد...وقفل الخط في وش  محمد عشام ما يخش معاهو في دوامه اسئله...
احمد ساق عربيه صحبوووو وطوالي فحط  على بيت حسيين....
محمد  لاقااا منذر في المكان القالو...
محمد وهو مخلوع  : احمد هايج... احمد من متين بهييج؟
منذر : ما انا دا زاتو المحيرني... ارح. ارح
احمد من بعيد شاف حسين ... راجع على البيت شكلو لمن تعب من الفتيش عرف اني بكون رجعت بيتنا...  طوالي  نزل مسكووو... لواااا ليهووو يدووو... و بقااااا يضرب فيهووو... م اداهو فرقه زاتو يتكلم... ناس الشارع اتلمووو و بقو يحجزووو فيهووو كل م يمسكوهووو.. يفك منهم ويمشي عليهو يخبتووو....
محمد ومنذر لمن شافو الزحمه عرفوهو حيكون احمد ...جرووو زحو الناس ودخلو مسكوهو ... احمد كورك فيهممم... فكوووني الخايب دا  بمد يدو على النسوان ... الليله يدو دي بكسرااا ليهووو..
محمد قال ليهو احمد تعال ارح جوا نشوف الحاصل شنووو... احمد كورك فيهوو فكني قلت ليك ي محمد عشان م اغلط معاك.. انا م داير اشوف اي حاصل..
منذر فكا احمد... ومسك حسين وقال لي احمد.. ي احمد اسمع كلام محمد  خش البيت نفهم الحاصل... هدا حسين بعد نفهم منو الحاصل انا بمسكو ليك لو غلطان اكتلو...حسين دا بس كان ساكت نهائي م نطق  ... احمد بعد كلام منذر هداااا شويه...زح الناس الكانو متلمين و مشا  قدامهم على البيت...

دخلو لقو الباب فاتح... احمد دخل اول زووول... عوضيه كانت ماسكه ولدهااا مطلعاهو من الحمام.. غيرت ليهو هدومو عشان كانت كلها  دم.....اول ما شافت احمد وقفت زي الصنم م قدرت تتحرك ولا تتكلم... ورا احمد دخلو محمد و منذررر ماسكين حسيين متكلنوو  كل واحد ماسكو من  يد ...
حسن لمن اموو وقفت.... قال ليهااا مالك ي امي وقفتيي  بقيتيني  زي المعاق.. الا يسوقوني و يغيروو لي ..بقيتي لي سبب  قلتي لي امشي لي بت نوور اخوك خلاها عرووس...ضربتني  عمييت بقيت م بشوووف..كلوو منك..

محمد ومنذر... فكووو حسين... بقوو بحاولو يمسكوو في احمد... الكان بكووورك.... الليله بضبحهم ليهاااا الاتنين قدامهااااا... الليله بكتلهم وبشرب من دمهم..
محمد مسكووو استغفر ي احمد.. اذكر الله.. م تخلي الشيطان يلعب بيك ....  حتستفييد شنووو لمن تقتلووو.... حتخش السجن ي احمد... تخلي اختك لي منووو لمن تتحبس مأبد...اصبررر ي احمد م اي شي بحلوهو بالعنف... هسي انا بضرب لي صحبي في الشرطه يجو يرفعوهم التلاته قدامك.. احمد قعد في الواطه... بس وبقا يستغفر ودموعو دي في عينووو...
منذر مشا دفررر حسن قعدو جنب اخوهووو.. وقفل الباب بالمفتاح و ختاهو في جيبووو... ومحمد مشا لي عوضيه اداها كف و عدلهاااا بالتاني...وضرب لي صحبووو... جو رفعوهم التلاته...
____________
منذر ضرب لي امجد قال ليهو تعال القسم الفلاني الفلاني... اول م حلا تصلك.. اتحرك خليهااا مع اسلام... بحكي ليك لمن تصل...
فعلا حلااا جات... وامجد اتحرك عليهمم...
_______
فتحت عيوني.. لقيت حلا جنبي بتبكي  حضنتهاااااااااا شدييييد وبكييييت.. بكيت لمن حسيت حسي دا انقرش ... كنت محتاجه احس بالامان...بعد مسافه... فكيتهاااا... و عاينت لي روحي... يادوووب ركزت اني لسه بي فستاني حق العقد ... لسه حنتي جدييييدة...  المفترض اني  يادوب عروووووس... عاينت لي اثار ضرب الحزام الماليه جسمي ... لي بس انا البحصل لي كدا💔... حلا زي القرت افكاريي.... قالت لي قولي الحمد لله على كل حال ي اسلام... الحصل دا كلو لي خيييير....  الاسي انتي فيهوو دا عشان اعترضتي علي قدرر ربنااا في موت عمي حسيين... اعترضتي انووو ربنا اخد امانتووو... استغفري ي اسلام واحمدي ربناااا... م تغلطي تاني نفس الغلطه...
بقيت ماسكه فيهااا وبستغفر.... وهي بتقرا لي في ايه الكرسي...
______
امجد بعد عرف قلب القسم دا فوقاني تحتاني... و حلف الا يقتلووو... و يقتل عوضيه... قدر م هدوهوو ابا يهدا... الا محمد اداهووو كف... قال ليهو بي حركاتك دي... م حنقدر ناخد حق اسلام... عايذ تضيع لينا تعبنا كلو.. اعقل حبه...

منذر و محمد قعدو في القسممم... وامجد واحمد جووني في المستشفى... ضموني عليهم. .. وقالو لي حقك عليناااا ي اسلام ...يعني بعد دا كلو محملين نفسهم المسؤليه.. قلت ليهم انتو م غلطانين غلطانه انا الما سمعت الكلام... حلا طوالي قطعتنا قالت لينا كلو لي خييييير م تفتحو الموضوع دا تاني.... و ساقوني القسم اقدم اقوالي... رفعت على حسن قضيه اعتداء... و على عوضيه قضيه تحريض... اما حسين طلع لانو اصلا م عمل شي....
حسين  جانا ونحن طالعين... انا طوالي مسكت في اخواني...  قال ليهم انا مستعد اشهد ضد حسن اخوووي... لاني سمعتو بي اضاني.. اخوي غلط ولازم يتأدب.. وما جاب سيره عوضيه نهائي...
امجد مسكووو وقال ليهووو : م تعمل لي  فيها الشريف الرضي...ورقه اختي تصلنااا.. و ما  اجيب ليك سيرتهااا تاني.. برااااك زي الشاطر تجيب الورقه البيت... ولو سمعت ساي سمع انك جبت اسم اسلام في لسانك بي خير ولا بي شررر...صدقني م بحصل ليك خيير... وفكاهوو...
حسين.. عاين لي مسافه زي. الكان منظرني اتكلم... كان واضح عليهووو الانكساررر... والندم... احمد اخوي قال ليهوو.. بتعاين وين انت اكسر عينك دي عشان ما اقدها ليك...وساقوني ورجعنا البيت..امي دي بس مسكت فيني تبكي وتتحسبن عليهم..
__________
مرر اسبوع حلا اصرت انوو امشي لي دكتور نفسي... قلت ليهااا انا ما طالعه من االبيت يا حلا ... قالت لي م تطلعي خلاص هو بجيك انا بكلم حسين اخوي يتكلم معاهو لانو صحبو و زميلو في. العياده  ... قلت ليها البتشوفيهو ي حلا.... وفعلا بقا يجيني تلاته جلسات في الاسبوع لانو قال البيت بعيد ...
حلا انقطعت مني فتره... لانو اخوها جاااا... و الضيوف داخلين ومارقييين...ما لاقيه فرصه تحك راسهاااا... في ظرف زي دا كان مفترض اقيف معاها... لكن انا كنت حابسه نفسي بس في. غرفه م بطلع منهااا الا للمحكمه... م قادره اتعافاااا من اثار الصدمه.. ولا قادره اتجاواب مع الدكتور الجابوهو لي.. وكلامي محدود شديد دا لو اتكلمت اصلا...
بعد كم يوم جاتني حلا... قالت لي اسلام.. حسين اخوي استلم الملف حقك من دكتور علي... وهو حيواصل معاك جلسات لانوو.. البيت قريب و بقدر يجيك كل يوم + انتي م اديتي اي رد فعل او تجاوب مع دكتور علي.. ساعتين بتكلم معاك بتكوني ساكته... قلت ليهااا لااااااا بكل برود ... حلا قالت لي اسلام مره وحده بس ما تقوي راسك واسمعي الكلام عليك الله... نحن دايرين مصلحتك عايني لي اخوانك ديل تعبانين عشانك كيف... خلي اخوانك عايني لي امك دي قربت تمرض عديل...ساعدينا حبه م ممكن...
حلا كلامهااا كان حااار... لكن حقيقيي... والحقيقه دايما حاره... قلت ليهااا بنفس البرود  حلا البتشوفيهوو بساعدكم اعمليهووو
________
تاني يوم العصر حلا جاتني وجابت لي توب قالت لي حسين دا جاي  البسيهووو... وحاولي اتفاعلي معاهو واحكي ليهووو ساعدي نفسك ي اسلام.. وطلعت..
بعد شويه حسين جا داخل وقال لي : قرنفله ❤️
•••••••••••••••••••••••••••••••••••••••••••••••••••••••••••
 

#أحببتها~بت~رجال 《21》 ❤️  
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد شويه حسين جا داخل وقال لي : قرنفله ❤️
عاينت ليهووو بسس م اديت اي ردت فعل..
حسين بضحك : يعني م حتقولي لي يقرقر اضنيييك..
ما كان في اي رد مني....
حسين لمن لقاني م متفاعله معاهو جرا الكرسي وقعد... قال لي طيب انا بحكي ليك قصه وانتي اديني رايك.. اتفقنا.. رفعت عيني عاينت ليهو بي استغراب... وبيني وبين نفسي قلت دا جاي يحكي لي قصص شايفني شافعه...
حسين بدا يحكي  : زمان اتعرفت لي على واحد بطريقه غريبه شديد... اول مره لاقيتو   في مشكله.. كنت قاعد قافله معاي ومفلس.. برش جنب الباب لمن اكون زهجان بحب ارش ريحه الطين بتهدي اعصابي  .. فجأه اشوف ليك صحبي دا هو كلو شبرين من الارض... جاري ليهو  ولد اطول منو بي حبه... جرييت اشوف الحاصل شنووو...
طوالي انا قاطعتو : قصدك مشيت اتحشرت  ... حسين ضحك لمن لقاني.. اتفاعلت معاهووو
حسين بضحك :انتي عارفه صحبي  زاتو قال لي نفس كلامك دااا.. وواصل المهم ي زوله نتم ليك .. فجأه جات مره كدا والحكايه جاطط وانا بقيت م فاهم حاجه...مشيت عليهم  شفت الولد  ماسك صحبي  عشان م يجري منو ... حاولت افهم الحاصل شنووو... جا واحد خنقني... يعني انتي عارفه عليك الله بس  لو كان رشييت رشييي م كان احسسن لي..زهجان و مفلس و كمان خنقوني..
انا هنا ضحكت ضحكت في  طريقه كلامووو... كان بحكي كأنو بشكي لي ..
حسين واصل : الولد الكان ماسك صحبي دا يحليلو ... شكلو خاف يخنقوهووو زي م خنقوني ... قام فكااا صحبي.. صحبي  وقع ليهوو في حجر فتح راسووو... الولد الكان خانفني كورك وجرا يكلم ناس البيت... انا قمت شلت صحبي  وجرييت وراهووو....
انا قلت ليهو بصدمه :  انت ؟
حسين : اي انا يا اسلام حسين لمن فكاك انا الرفعتك ابوك شالك من يدي دي وجرا بيك المستشفى...❤️... للحظه حسيت بالزنب.. انا كرهتوو مع انو قدم لي كل الخيير وما شفت منو حاجه شينه خالص ... وهسي بتعامل معاي بكل طيب خاطر.. م زي حسين ود عوضيه حاقد علي..
حسين حكى لي المواقف الكانت بيناتنا كلها وانا كنت بس بضحك في طريقه كلامو حرفيا هو كان بشتكي لي من نفسي ... حكى لحدي اخر يوم لمن خليت ليهو القروش في الدكان...
قال لي : انتي عارفه لحدي م وديت البسبوسه انا م عارف اجيب قروش الدوا من وين.. ي اسلام.. بتاع الدكان لمن اداني الكيس وقال لي دا قرنفل مسحوون... شلتو وانا عارف انو دي انتي م انتظرت زاتو اصل البيت عشان افتحو ... اخر حاجه اتوقعتها انو تكون دي قروش...الظرف عرفناهووو بختو فيهو القروش... علبه الطحنيه دي شنو ي اسلام
قعدت اضحك لمن بصوت وقلت ليهو بتاع الدكان شمشار عشان كدا...وبعدين جايب صندوق بارد لي وقت انت مفلس عينك طالعه كدا... ضحك شديد و قال لي شلتو بالدين من بتاع الدكان الشمشار دا زاتووو اسي في داعي تحكيها معاي كدا.... وعاين لي جوا عيوني وقال لي اسلام من يوم علبه الطحنيه  وانا معتبرك صحبي...لانو انتي الوحيده الوقفتي معاي... الوقفه الوقفتيها معاي ولا راجل من البعرفهم م وقفها معاي ي اسلام .. ❤️
حسيت بي احساس حلو شديد وقلت ليهو بهظار : صحبك؟
حسين بضحك : اي صحبي... السافرت وخليتو داك كان صحبي... اما الهسي قدامي دي م بعرف عنها حاجه..
اسلام انا حكيت ليك الجزو البعرفو من القصه.... عايزك تحكي لي الجزو التاني لاني سافرت... عايز اعرف صحبي حصل ليهو شنو بعد انا مشيت ممكن .. وقام قال لي بعد دا انا امشي.. وبجيك بكره عشان تتمي لي القصه  تمام... هزيت ليهو راسي بمعنى تمام... وقف جنب الباب وقال لي... تعالي شوفيهم راشين الحوش و مفرشين السراير كيف ... والله قعده مغريه خلاص... عاينت ليهوو ومشيت محل هو  واقف... اشر لي نظام عايني..
لقيت احمد شكلو بشاغل في حلااا الكانت بتولع في النار عشان تقلي البن لي امي .... وامجد بضحك فيهم... وامي راقده في السرير ظاهر عليها التعب... ابتسمت بتلقائيه اول م شفتهممم...
حسين عاين لي.. وقال لي انا لو عندي ناس بحبوني.. وبخافو علي زيهم .. مستحييل احبس نفسي زيك كدااا..حاولي ارجعي عيشي حياتك عشان الناس البحبوك ديل ي اسلام... وطلع
______________
قلت لي نفسي حسين كلامو صح و طلعت لي ناس حلا براااا....اول م شافوني انا شفت الفرح في عيووونهم... واحد واحد...
احمد طوالي قال لي : اسم الكريم منووو م عرفتك...
امجد : شايفها في حته الزوله دي انا شكلهاااا م غرييب علي انت عارف...
حلاا : تشبه اسلام اختك ي امجد صااااااح....
انا كنت بضحك فيهم.. قلت ليهم ارجعع.. كلهم بصوت واحد  قالو لي لالااالااا..😂
بعد شويه امجد قال وقت كلكم  متلمين... حلا كلمي اخوك نحن بكره جاااااين نتقدم... امي طبعا م عندك مشكله صاح... انا داير اجيب ليك الحلا دي البيت... حلا دي زي الصبت فيها مطره...
اميييي طوالي فكت الزغارييييييييت.... وحلا طوالي زاغت بيتهم....
امي : حرام عليك ي امجد خجلت البنيه...
احمد : غايتو امجد دا.. اسي في زول بتقدم ليهو لي بت وهو مكوع كداااا في نص السرير ... تقول ليها جاين نتقدم و كمان بكره طوالي...
انا وامي فكيناااااااا الضحكه دي بي اعلى صوت... قلت ليهوو والله ي امجد م اتوقعتها منك انت وحلاا... م قلت اخوان...
امجد وهو بضحك : عليك الله انا ماشي احلق انا زول عريس  ما تشغلوها لي... وانت ي احمد انا وحلا متفقين  نشوفك انت حتتقدم كيف بعدييين....
امي : ربنا يسعدكم واشوف عيالكم ي اولادي.. ❤️
______________
تاني يوم كان مفترض نمشي ناس حلا المغرب عشان كدا حسين ما جاني... انا مشيت ليها من الصباح اول شي شاكلتها انها م كلمتني... بعد داك بقيت بجهز معاهم في الحاجات... ودي كانت اول مره اخش بيتهم من وفاه ابوي الله يرحمو 💔...حسين كان ماف شكلو شغال...
بعد رجعت بيتنا لقيت ناس محمد ومنذر... قالو لينا دي شنو المفاجئات دي... قلت ليهم انا زاتي زيكم واحد...
احمد : انا غايتو شي مفاجئني غير الطريقه ماف..اتخيل ي منذر اتقدم ليها وهوو مكوع راقد في نص السرير... عليك الله دا بني ادم دا
منذر وهو ميت بالضحك : داير يتقدم هو... ولا بقزقز في تسالي... انا لو محل حلا غايتو ما بوافق...
محمد بضحك: شبهينا واتلاقينا... م تستبعدو انو لمن نمشي  تقول ليهو موافقه وهي بي كعكاتها  وتوبها عبد الواحد داك..
خليتهم... بضحكو مشغلنهااا لي امجد... ومشيت لي حلاا خفت جدجد تطلع ليهم بي توبا  
دقيت الباب... فتح لي حسيين قال لي قرنفلتنا كيفك...
انا بقيت احب الاسم شديد بقولو بي بشاشه وبي  كل الحنيه الفي الدنيا... قلت ليهو تمام انت كيفك؟
حسين ضحك وقال لي : والله انا مفترض اليوم دا اسجل تاريخو... اول مره اقول ليك كيفك.. م تقولي لي زح من وشي...او زح كدا ولا كدا... او زح ياااخ انا م ناقصاك... كلمه كيفك دي مرتبطه عندك بي زح... زي السلام عليكم وعليكم السلام
ضحكت وقلت ليهو اسي زح من وشي انا ماشه لي حلااا...
 مشيت لي حلا... في غرفتهااا.. اول ما شفتها قعدت اضحككككك... قالت لي بسم الله مالك.. جيت لقيتها حرفيا بي كعكاتها.. وتوبها عبد الواحد زاتو.. قلت ليها ماف حاجه... مالك م جهزتي... قالت لي وانتي زاتك م جهزتي...قعدنا نضحك.. لبست  فستان كحلي بي شبط وطرحه اوف وايت.. وعملت مكياج خفيف....
 قالت لي وانتي م ترجعي البيت البسي مني... وفعلا ادتني فستان مشكل اف وايت بي بني غامق... فاري فيهو حزام بني في النص.. وحنتي لسه في يديني ورجليني يعني البشوفني بعرفني عروس جديده .... اول مره البس فستان بعد تحانيس من حلا ... الفستان الوحيد اللبستو كان يوم العقد 💔... لبسي كلو بناطلين بلبس مع اخواني اصلا ما قاعده اطلع ..
سمعت صوت الاولاد... برا قلت ليها الجماعه ديل شكلهم جووو لكن مالهم جو بدري ...حلا قالت لي البشوفك م بقول انو الجو ديل اخوانك وقعدت تضحك...
لمن طلعت كلهم صفروووو وبقو يشاغلو فيني... وحسين عينو ما رفعها مني شكلو مستغرب في التغير التوتلي الحصل لي دا.... قعدت اضحك... قلت ليهم اسكتو ي شماسه انتو جاين تطلبو يد البت مفترض
احمد : والله انا مسغرب نحن جاين نطلب يدهااا... وهي كلها اصلا  قاعده معانا في البيت 24 ساعه... ناس بيتهم المفترض يجو يطلبوها مننا...
حسيين وهو بضحك : انا مستغرب اكتر منك.... انتو جيتو قبل اعمامي... اسي حتطلبوها من منووو... انا غايتو اصلا اديتكم...
الناس دي كلها فكتهااا ضحكه...
امي وام حلا... قالو غايتو انتو ي عيال الزمن دا... و بقو يحكو في القصص حقت زمان... وجرت الونسه لحدي ما جو  اعمام حلا و خيلانهااا... وقالو بحددو العرس بعد امجد يتخرج طوالي...
_________
 عصريه اليوم التاني حسين جااا... وقال لي جاهزه تحكي لي.. الجزو التاني من القصه...عاينت ليهو بتردد... قال لي اذا حاسه نفسك ما جاهزه  تحكي.. م مشكله عادي يا اسلام.. لكن اذا حكيتي حترتاحي... صدقيني... ضحك قال لي جربيني م حتندمي...
لمن جيت اتكلم صوتي بحه.. وبقيت م قادره اتكلم... والعبره خنقتني.. ودموعي طوالي رغرغت..قال لي ابكي اعتبريني ماف... قلت ليهو بصوت مخنوق  لكن انت في... قال لي بهظار يعني ازححح؟... قعدت اضحك دموعي جرت.. بقيت ببكي وبضحك اشرت ليهو براسي لالا وبكيت بكيت كل البكا الكنت كاتماهو السنين الفاتت دي كلهاااا... ساعه كامله انا كل م احاول اتكلم... ببكي... بقيت مغتيه وشي بي يديني وبحاول م اطلع صوت...
بعد شويه حلا دقت الباب حسين مشا فتح ليها وجا راجع شايل ليهو صينيه وقال لي القرنفله... عايني ❤️
انا لمن قال كدا تلقائيا زحيت يدي من وشي... وبقيت بعاين...
حسين بقا يضحك : م قلت ليك عايني لي .. عايني...للصينيه...
لمن عاينت لقيت كبايتين شاي ... وصحن بسبوسه..
حسين : خليت حلا تعمل تلاته صواني بسبوسه... وقلت ليها دايرين بس القطع الفي الاركان... م شفتيها نبزتني كيف...
ضحكت لمن نسيت البكا... حاجات كتيييره جاطت جواي... اكتفيت بس بي  اني اعاين ليهو بحب... لدرجه انو ضحك و  قال لي.. لو حتعايني لي بالطريقه دي... كل مره ح اجيب ليك البسبوسه واخلي حلا تنبزني م مشكله...
شربنا الشاي بالبسبوسه...وبديت احكي ليهووو من وفاه ابوي.... ابكي شويه.. واحكي شويه... لحدي عرسي من حسيين... قلت ليهو انت عارف.. بعدد حسين قااال لي هنا ماف امجد ولا احمد ... واداني كف... انا كلام ابوي جا في بالي م تفترو على خلق الله عشان ربنا م يعاقبكم... انا جدجد كنت بضربو مكاواه لي امووو بس... مرات ولا بسألني بضربو و بتشاكل معاهووو... وبفرج فيهو الحله... ودايما كنت بكرر ليهو جمله انت ما راجل دي قدام كل الخلق  ... انت عارف انا بعد قعدت مع نفسي... لقيت انو حسين زنبو الوحيد انو امو عوضيه... يعني لو امو كانت غير عوضيه كان حيكون زول كويس... بدليل انووو كان شاهد اساسي ضد اخوهوو... صح مدااا يدوو عليي وضربني كف ... لكن لمن جيت حسبتهااا لقيت انو دي. اول مره يمد يدو علي  دايمااا انا الكنت بمد يدي... بي سبب امووو...
حسين قال لي : يعني انتي اسي حاسه بالذنب ي اسلام؟
انا : حاجه بالشكل دااا... بعد شويه قلت ليهوو... حسين اديني تلفونك.. اداني ليهو طوالي اتصلت لي حسين ود عوضيه...
اول ما رد قلت ليهو معاك اسلام
حسين بصوت مكسور : ورقتك اديتها لي اخوك...اعفي لي يا اسلام
انا  :  حسين و انت صغير وامك دفنت شخصيتك كبرت ضعيف و مهزوز... دي فرصه ربنا اداك ليهااا استغلها وكون شخصيه حقتك برااااك منفصله عن امك... انت زول كويس.. ولي اول مره تثبت انك راجل بي شاهدتك ضد حسن ووقفتك مع الحق .. عارف لي لانو دا القرار الوحيد الاخدتووو براك بعيد عن امك... العفو والعافيه... وقفلت الخط لقيت حسين اخو حلا  بعاين لي قلت ليهو م حتكلم لي اخواني صح؟ ..
حسين : انتي بت اصييله ي اسلام.. ❤️
•••••••••••••••••••••••••••••••••••••••••••••••••••••••••••
 

#أحببتها~بت~رجال 《22》 ❤️  
#♡الاخــــــــــــــــــــــــــــــــيرة♡
#بقلمي~براءه~احمد❤️

★ــہہہـہہـ♡ــــــ★ـــــــہہہـہہـــــــ★★ـــــ❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
حسين : انتي بت اصييله ي اسلام.. ❤️ حاسه نفسك كدا  مرتاحه..
قلت ليهووو و شديييييد كمان ❤️..
حسين كان يومي بجيني العصريه... كنت بنتظرووو بي فارغ الصبر و بحسب الساعات والدقايق والثواني عشان اشوفو .. وياخد ويدي معاي في الكلام... و ينصحني كم نصيحه.. كان بذكرني ابوي بي حنيتو وبشاشتووو و تعاملو اللطيف ... لحدي ما  قال لي  خلاص ي اسلام انتي بعد دا  تاني ما محتاجه لي...فقدتو شديد وكنت حاسه بحاجه ناقصه في يومي ...لكن حبه حبه قدرت اتأقلم مع الوضع
____________
يوم تخريييج امجد... كنت شايفه  الناس مبسوووووطه... وهي بتستلم شهاداتها مع اهلهااا... و حاسييين بالفخر... و ببكو من الفرح.... عيون الامهاات والابهات فيهم لمعه بتحكي قدر شنوو هم مبسوطين بي اولادهم...
عاينت لي امي.. كانت مبسوووطه شديد حرفيا اول مره اشوفها مبسوطه بالطريقه دي... ولمن سمعت اسم امجد حسين احمد... واستلمت معاهوو شهاتو... كميه الفرح الشفتها في عيونها كأنها استلمت الدنيا دي كلها في يدهاااا....
هنا انا قررت اني اعيشها الفرحه دي تاني... دي ابسط حاجه ممكن اقدمها ليها نجاحي.. ❤️
بعد التخريج بي كم يوم حددو عرس امجد و حلااا.... بعد شهرين... دخلنا في دوامه تجهيزات العرس... والاسواق.. وتغيير حاجات البيت.. في يوم مشيت لي حلااا عشان ماشين السوق مودينا حسين.... كنت ملاحظه لي حسين انووو بعاين لي بالمرايه... كان بعاين لي زي الكأنو عايز يقول حاجه بس متردد..وصلنا السوق وبعد لفينا وروحنا دي طلعت بي سبب حلا الما بتعجبها اي حاجه بي سهوووله امجد جانا هناك ساق حلا وريحنا من نقتها... قال لي حسين نحن ماشين نختار الغرفه للمره المليون و متأكد برضو م حتعجبها حاجه  ... سوق اسلام رجعهاااا البيت عليك الله....
انا وحسين قعدنا نضحك و حلا قعدت تنقنق.. حسين قال ليهو ربنا يكون عونك غايتووو... وطلعنا الاتنين...
اول م ركبنا العربيه قبل علي وقال لي بكل الحنيه الفي الدنيا .. قرنفله ❤️ حسين لمن فكاك المره الاولى و ضربتي راسك انا المسكتك... وهسي فكاك لي.. للمره التانيه.. رايك شنوو.. نخلي الفرحه فرحتين.. و نعمل حفله كبيييره انا وانتي.. وامجد.. وحلاااا.....
انا حسيت جسمي دا كلو مشا مووويه...وبقيت بعاين في كل مكان في العربيه الا عيونو... لاني عارفه اني ح افصل... اول بالاصح انا فصلت و بحاول اسيطر على روحي....
قلت ليهووو وانا بعاين بعيد : حسين انا عايزه اقرا لكن
حسين بحب : ومالو  اقري يا اسلام.. بالعكس انا فرحان شديد بالخبر دا... وحكون الداعم الاول ليك ... وصدقيني حكون حريص اعمل توازن بين قرايتك و بيتنا..
انا بتوتر : حسين انا اسي طالعه من علاقه... وعلاقه فاشله وشديد كمان... م مستعده ادخل في علاقه تانيه... عايزه انجح واقرا  واحس نفسي نافعه في حاجه ع الاقل...
حسين بعد قلت ليهو الكلام دا سكت.. وما قال لي حاجه تانيه... وصلني البيت و مشا بيتهم وهو ساكت....
ضربت لي حلا بتتكلم معاي وهي بتلوك ليها في حاجه : اهااا حتعملو عرسكم معانا في نفس اليوم ولا قبلينا ولا بعدينا....
انا بصدمه : ي حيوانه يعني دي حركه منكم؟
حلا وهي لسه بتلوك : اماااال اها انجزي اتفقتو على شنو..
انا : م اتفقنا ي حلا انا م عايزه اخش في. علاقه تانيه...
حلا وهي بتكورك : اقعدي اتعاوري كدا طيب... طول عمرك راسك قوي وحتكوني كدا للابد... وحسين انا م بخليهو ينتظرك بعرس ليهو بت خالتي طوالي وقفلت في وشي الخط...
انا لمن قالت لي  الكلام كلو ورا بعض... م فهمت شي... بعد مسافه استوعبت انوو حتعرس ليهو بت خالتووو.. طيب و انا..جاتني خوفه كدا... طوالي اتحركت مشيت ليهو بي عبايتي زاتا لسه م لحقت غيرت... لقيتو برش في الحوش  وواضح عليهو انو زهجااااان...
انا ببلاهه : مالك بترش زهجان؟ وقلت في نفسي دا اسي سؤال ليك ي اسلام دي شنوو العواره الانتي فيها دي
حسسين : لا يعني يا اسلام رفضاني قبل نص ساعه... واسي جايه تسأليني سؤالك دا انتي بتستهبلي صح؟
رديت ليهو وانا خجلانه : طيب ولو قلت ليك انا موافقه نخلي  الفرحه فرحتييين؟
حسين من الفرح جا علي عايز يضمني ... قلت ليهوو هش هش يلا زح كدا ولا كدا.. قايل نفسك وين انت وقعدت اضحك..
حسين قعد يضحك : قال لي قرنفلتي ❤️ والله زله بسس ما قاصد اعفي لي ... ورما الخرطوش في الارض.. قال لي انتي عارفه لو ما لحقتيني بي موافقتك دي كنت ماشي ارش الميدان زعله بس... ضحكت فيهووو وقلت ليهو اسي غيرت راي امشي رشووو ومشيت... كورك لي انتي قايله دخول الحمام زي خروجوووو... و جاني صوت ضحكتوو البجد كانت دوا بالنسبه... بشاشتو كانت السبب الاول في اني احبووو ❤️
___________
فعلا عملنا العرس في يوم واااااحد.... و بقت الفرحه فرحتين ...انا وحلا كنا في الكوفير منتظرين ... امجد وحسين...جو داخلين و معاهم احمد... ومحمد ومنذر كانو برا..
امجد : اسي ياحمد انت المدخلك معانا شنوو...عرسان جاين يسوقو عروساتهم.. انت الحشرك شنو
احمد : عروسات شنووو... ديل والله بقوهم ليكم  عروسات بالغصب...وجا علينا قال لي دخلي يدك هنا.. بقيت مدخله يدي في يدو اليمين ... و حلا مدخله يدها في يدو الشمال ... قال لينا يلا ي عروسات وطلع بينا برا  ... خلا امجد و حسين ديل خشمهم ملح ملح.. قال لي محمد ومنذر افتحو العربات... ودخلنا اي وحده في عربيه... وقعد يضحك قال ليهم حركات الكفار دي م بتنفع معانا.... نحن ناس عزابه...
محمد ومنذر ديل م عرفو يوقفو الضحك من وين....
امجد بقا ينبز فيهووو... وحسين بس بحمر ليهو غلبوو اليقولو...
احمد وهو ميت بالضحك : امجد انت زول اتقدمت وانت مكوع.. حركه زي دي ما مفترض تزعلك...وحسين بتحمر لي كدا مالك دي اختي... والله اسي اسوقها البيت... هي زاتا من حسين لي حسين لي حسين... تغير ماف كلوكلو
محمد ومنذر... بقو ماسكين امجد وحسين من احمد..... ونحن في العربيه صوتنا واصل برا من الضحك....
خلص اليوم.... بعد هجيج ورقييييص...حتيناهووو م خلينا شي... احمد يشيل ويرفع في البلاغات.... م فضل الا يشيل المايك ويغني هووو.. 😂
___________
محمد عرس بعدينا بشهرييين.... ومنذر بعدنا بي سنه....وانا نزلت الجامعه علم نفس.. بسبب حسين الحكا لي عن المجال كتييير وحببني فيهووو....
__________
م حبيت اتجرجر في المحاكم كتيير  ... عشان كدا سحبت كل القضايا الكنت رافعاها على...عوضيه وحسن... والقرار دا الزول الوحيد الكان داعمني فيهووو حسيين... اخواني زعلو مني كم يوم.. لكن في النهايه اقتنعووو... انو خلاص  كفايه الفتره الاتسجنوهااا دي + ربنا اخد لي حقي منهم تالت و متلت... عوضيه جنت بي سبب بعاد اولادها منها الفتره دي... وحسن بقا عميان... وحسين ساقهم الاتنين سافر بيهم ماليزياااا....
وبعد ايام بسيطه من سفرهم  سمعنا بي عوضيه... الجات واقعه من الطابق التالت و اتوفت طوالي
__________
بعد سبعه سنه... انا اتخرجت... واشتغلت مع حسين في نفس العياده... وبقيت بعمل حملات توعيه في رياض الاطفال.... للامهات واطفالهم... وكنت مركزه شديد في موضوع التدخل الاسري في مشاكل الاطفال...  لازم يكون تدخل ايجابي... من غير م يولد حقد... و كراهيه بين الطفلين...بالعكس يولد محبه... يفهموهم انهم اخوان واي مشكله ليها حل... ويبعدو عن المقارنه ... لانو حرفيا الطفل لو قارنتو بغيرو تلقائيا حيتولد جواهوو كره كبير تجاهو...كنت بتكلم كتييير عن كيف تدعم طفلك و تكتشف الحاجات الحلوه فيهو... و توريها ليهو عشان يحب نفسووو اكتر... بدل تقارنو بغيرو...حاول حببو  في نفسووو عشان يقدر يبدع... و يقدم ليك ولي نفسو حاجه تكون انت وهو الاتنين فخورين بيها ❤️
كتييير كانو بجوني في العياده بنات.... تعبانين نفسيا من اختياراتهم الغلط.... كنت بحكي ليهم قصتي.... وبقول ليهم ما تعايني لي انك اخترتي غلط... وتقعدي تلومي في نفسك... لا حاولي... شوفي الغلط وين... عشان م تغلطي تاني.. ودي كلها في النهايه... اختبارات من ربنا... وماف حاجه بتحصل في حياتك الا لي حكمه... فإنتي شوفي الحكمه ويين.. بدل تقعدي تقفلي على نفسك وتلوميهااا ... واهم شي اهم شي خليك قريبه وواثقه في ربنا ❤️ وحبي نفسك.. حبي نفسك.. حبي نفسسك. 😂❤️
يوم وانا في المطبخ... حسين جاني قال لي ي اسلام ما معقوله التشيرت دا انا كنت طالع بيهو... قلت ليهو جيت امبارح تعبانه  لقيتو قدامي لبستو..
علي ولدنا الصغير : ياماما انتي تل مله.. تل مله (كل مره كل مره) بتلبسي هدوم بابا لي م عندك هدووم.. انا وحسين قعدنا نضحك
حسين وهو بضحك  : والله يابابا الواحد بقا حاسي انو معرس واحد صحبو
وانا بحاكي في علي وبضحك   :  بعدين تعال قول لي دلنفله (قرنفله) عايز شوكلاته كويس ... م بتعرفو قرنفله الا وقت المصالح انت وابوك..
حسين قعد يضحك و شال علي... قال ليهو يلا ي بطل نجهز.. عشان قرنفله م تزعل مننا... بقيت اضحك بعاين ليهم بكل  بحب لحدي م طلعو من المطبخ... حرفيا ربنا عوضني بيهم... حسين سمى علي على ابوهو الله يرحمووو...
بعد شويه جوني طالعين.. حسين باسني في راسي... و علي حاكاا ابوهوو وباسني بنفس الطريقه ... ومشينا على بيتنا...
فتح لينا الباب احمد ولد امجد... و جراااا كورك لي الباقين قال ليهم ناس علي و عمتو اسلام جووو....جو كلهم جو جارين عشان يسلموو علينا... اسلام بت منذر.... و مي  بت محمد... واحمد اخوي كان شايل حسين ولد امجد الصغير ... سلمت على امي و قبل اسلم علي احمد اخوي قلت ليه احمد خلي علي معاك... بنجي نسوقو العصر... ماشين العياده...
احمد وهو بكورك : كل مره تجو تفكوووو فيني.... شفعكم ديل زي الفيران ينتشرو في البيت  يقعدوو يقرمووو... ويخرمووو.... و يبوظو في الحاجات... وكل زول يمشي شغلووو.... بليل انا م اقدر اشتغل حاجه بالتعب... داده انا
امي وهي بتضحك : قصيتهم الله يقصك ي احمد قول ماشاء الله..
انا وحسين جرينا ونحن بنضحك خليناهو هايج....
__________
العصر اتلمينا كلنا في حوشنا كالعاده.... احمد كان شايل حسين الصغير... اداهو لي حلا وقال ليها استلمي بالله... وانتو اشر لينا انا وحسين و امجد و محمد ومنذر و نسوانهم الاتنين .... اي زول يممشي يستلم شافعو من الغرفه ديك... وتاني بالله م تجيبوهم لي انا تعبت.. خلو لي باقي حيل اربي بيهو اولادي م ممكن.....
امجد مشا فتح ليهم الباب... جونا جارين سلموو عليناااا....
مي طوالي اشتكت لي ابوها : يا بابا علي  بسيل(بشيل) مني اي حاجه اسيلها ي بابا... اللعبات تتيره(كتيره) لكن هو بس بحب يلعب بي اللعبه العندي...
محمد وهو بضحك : ما جايبو من بعيد ي مي... امو لحدي اسي بتحب الحاجه الفي يدي بس... لكن نحن عشان بنحبهم بنديها ليهم صح..
مي وهي بتضحك : صححح ي بابا... ومشت لي علي كان شايله لعبه في يدهااا ادتها ليهووو... قالت ليهو هاك عشان بحبك.
احمد وهو بضحك : اسلام الحقي ولدك البت دي مشركه ليهووو...
حسين : م تلعبو بي مشاعر اولاد الناس ي محمد لم بتك من ولدي... 😂
 قاطعهم احمد ولد امجد اكبر من علي ... كان نسخه مصغره من احمد اخوي ....
 قال لي الشفع عاينو عاينووو... عمتو اسلام عندها الحرف العلمنا ليهو عمو احمد قبيل...في راسا...
علي ولدي : اي والله ماما عندها حرف الحاء في راسا ...الشفع بقو بعاينو لي مبهورييييين وبقولو عمو احمد.. عمو احمد دا مش الحرف العلمتنا ليهو قبيل .... والباقييييين ميتييييين بالضحكككك....
احمد وهو دموعو عشره عشره من الضحك : عارفين جدو كان بقول ليها شنوو
الشفع كلهم بي صوت واحد : اهاااااااااا
امجد : بقول ليها (الحاء) دي  ماركه مسجله بت حسين... و الفلقك حسيين
حسين وهو بضحك : قصدك بت حسييين ومرت حسيين ❤️
كلهم بقووو يكوركووووو... و يصفرووووو... والضحك والونسه بقت موضوع ثابت كل عصر في   حوش بيتنا الحمد لله ❤️

______
وفي النهايه بقول ليكم ربنا بشيل منك حاجه وبديك حاجه اعظم منهاااا... فركزو مع الحاجه العندكم... لانها م عند غيركم... وما تيأسوووو من رحمه ربنا...م تيأسو من رحمه ربنا الف مره ❤️... واي شي بيحصل  لي خيرررر.... وما بعد االضيق الا الفرج ❤️
النهـــــــــــــــــــ❤ـــــاية