الهاربه

#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《21》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
قاعدين آيهم و منال و رباب و سيده في الصاله و قدامهم شاي و كيك و حلويات..
سيده:( والله م كان في داعي لجبتوهو ده)
منال:( معقوله ي خالتو حاجه كده مش علي قدر المقام علي قول المصريين)
سيده:( والله جيتكم بالدنيا)
منال:( تسلمي ي رب و انا كمان مبسوطه بجيتي عندكم شديد)
سيده:(تسلمي ي رب)
منال:( كيف الشغل ي رباب?)
رباب بخجل:( تمام الحمدلله)
نظرات آبهم كانت موجهه ليها طول القعده..
منال:( والله ي رباب انا جد خجلانه منك شديد دخلتك في مواضيع و مشاكل م ليك اي دعوه بيها)
رباب:( لا والله م مشكله ي منال انا كنت دايره اساعدك بس م اتوفقتا)
منال:( والله العملتيهو كبير جدا و جميلك حاشيلو ليك في راسي طوول العمر)
رباب:( العفو ي منال)
منال و سيده بتونسو و رباب و آيهم ساكتين بعاينو لبعض من وقت للتاني..
الزياره خلصت بوعد من رباب و سيده يزورو ناس مناال..

منال و آيهم و هم في العربيه في السكه..
منال:( طبعا رباب عسل جدا جد عجبتني)
آيهم كان مبسوط ب الزياره شديد كانو اول مره يلاقي رباب حسي في احساس حلو شديد نحيتها..
آيهم:( اي ظريفين جدا)
منال:( و خالتو سيده طيبه و ظريفه شديد جد حبيتها)
آبهم:( ابوا طيبين شديد و رباب دي طيبه شديد انا اشتغلتا معاهم ذي سنه و نص كده جد مختلفه عن باقي البنات.. احترام و ادب و زوق)
منال:( لو م زوق و ادب كانت رضت تساعدني و تشتغل استاذه عشاني)
آيهم:( ايوا صح)
منال:( قلتا لي م مخطوبه صح?)
آيهم عاين لاختو و ابتسم..

رباب رقدت في سريرها مبسووطه بتتذكر في كلام و نظرات آيهم...حست بنفس الاحساس الحساهو آيهم نحيتها..

اهل سلمي جو و بقت تجهز في حاجات الخطوبه.. اشترت كميه من الحاجات بتحب الفشخره شديد و طبعا القروش كلها من سامي.. ماشه سلمي في الشارع بتتكلم بالتلفون مع امها..
سلمي:(ايوا ي ماما.. انا داخله علي محل العده دايره اشتري القدامات حقت الخبيز......كيف ي ماما ماف داعي? لا مهمه و حاجيبها....ايوا طبعا... ي ماما دي خطوبه)
اللحظه ديك جا ولد جاري ب موتر و خطف منها تلفونها و جري...
سلمي وقف مخلوعه و بقت تكورك الناس في الشارع لمن انتبهو ليها و دايرين يسكو حق الموتر لقوهو مافيش جري بسرعه كبيره..

راجع حسام علي بيتهم بليل و هو سكران م واعي وقف داير يفتح الباب بس م قدر...جاهو واحد من هناك..
الولد:( مالك ي باشا?)
حسام بعاين ليهو و يرد عليهو بس لسانو تقييل:( داير ادخل البيت بس الباب م عايز يفتح)
الولد:( دقيقه بساعدك جيب المفتاح)
و شال منو المفتاح و فتح ليهو الباب..
حسام:( تشكر ي باشا)
الولد:( اهو المفتاح في جيبك عشان م يقع منك)
حسام:( تشكر ي راقي)
اللحظه الولد دخل فيها المفتاح في جيب حسام كان شال التلفون معاهو... و مشي و حسام دخل البيت بدون م يركد للتلفون و رقد نام طوالي...

راقده في غرفتي جا مراد دقي الباب.. قمتا فتحتا ليهو مدا لي. التلفونيين و هو مبتسم..
انا اتخلعتا م كنت قايلو حيجيبهم بالسرعه دي..
قلتاليهو:( التلفونات?)
مراد:( ايوا)
شلتهن بفرح بعاين فيهم...و انا م قادره اصدق...

سلمي قاعده في غرفتها بتبكي و بتتكلم مع سامي..
سلمي:( فجاه بس جا بالموتر و خطفو انا اتخلعتا شديد م قدرتا اركز الا بعد مساافه و كان مشي و الناس م لحقوهو)
سامي:( معليش حبيبتي فداك الف تلفون)
سلمي:( انا عايزه تلفوني حافظه فيهو حاجات كتيره بس دايراهو)
سامي:( م برجع تاني صعب م بتلقو...م تزعلي روحك انا بجيب ليك احدث تلفون نزل)
سلمي تبتسم:( بالجد?)
سامي:( اكيد حبيبتي)

قاعدين انا و مراد في الصاله و قدامنا تلفونات حسام و سلمي شلتا تلفون سلمي الاول فتشتا في الصور...لقيت صوري عندها بس قبل م يلعبو فيها..لقت الصور في شقه صحبت سلمي.. اتخلعتا و بقيت بتذكر...
قلتا ل مراد:( مراد الصور دي حقيقيه...عارف السنه الفاتت بعد خطوبتي انا و سامي... دقت لي قالت لي تعالي لي في شقه سهام مشيت ليها.. قعدتا معاها اليوم داك و كنت تعبانه و تاني نمتا....تقريبا اللحظه ديك هي صورتني.. و تاني جات دمجت الصور مع بعض)
مراد سكت بفكر..
قلتاليهو:( معقوله من السنه الفاتت هي مخططه ل ده كلو? و انا م عندي علم بحاجه?)
مراد:( تقريبا..كدي افتحي الواتس نشوف كلامها مع حسام او سامي)
فعلا فتحتا الواتس لقيت في دردشه بينها و بين حسام..
كاتبه ليهو انو هي عندها الحل انو تبعدنا انا و سامي من بعض و انا اعرس حسام.. و طلبت من حسام تلاقيهو عشان يتفقو علي الحاصل...و تاني رسلت ل حسام باركت ليهو انو انا حاكون ليهو. و تاني رسائل من حسام انو داير قروش و لو م ادتو حيفضحا و حيوريني العملتو لي كلو و هي خافت و ادتو قروش...... و كلااام كتيييير...انا و مراد مخلوعين بنقرا فيهو..
تاني فتحنا دردشه سامي لقيناها بترسل ليهو طوالي و بتسلم عليهو ده قبل مووضوع الصور و تاني رسلت ليهو بعد موضوع الصور و كفرت ليهو و انو هو بستاهل وحده احسن مني بكتير و انا م استاهلو...و كلام كتيير ختتني في الارض ب كلامها و طلعتني كعبه شديد و انها بتعرف عني بلاوي و انو بعد الحصل انا بقيت م بنفع معاها ولا بتتشرف ب صحوبتي.. و سامي كان بتجاوب معاها سرعه.. و تاني لقيناها بتطلب ممن سامي قروش حقت حاجات ليها و تاني سامي سالها لو القروش كفتها و انو او دايره ذياده بديها...و كلام كتييييير.. انا و مراد لمن خلصنا من تلفون سلمي م قدرنا نشوف تلفون حسام..
قلتال مراد:( نشوف حسام?)
مراد رجع ل ورا في الكنبه و ختي يدينو في راسي..
مراد:(لالا كفايا سلمي.. راسي حينفجر خلي حسام بعد شويه)
انا ختيت التلفونات و بقت بفكر في الحصل كلوووو..
قلتاليهو:(ليه هم عملو كده? انا عملتا ليهم شنو?? )
مراد:( قلبهم اسود بس)
قلناليهو:(سلمي دي ذي اختي.. لي سنين بعرفها.. انت كمان بتعرفها كويس.. م حصل يوم غلطه في حقها م حل يوم زعلتها.. و هي كمان كانت كويسه شديد معاي م عارفاها حصل ليها شنو و له حصل مني شنو عشان تعمل كده?)
مراد:( سلمي ده انا م برتاح ليها من زمان بحس بيها بتغير منك شديد)
قلتاليهو:( تغير علي شنو? هي احلي مني و وضعها كويس و اي شي في حياتها كويس)
مراد:(هي دايره سامي.. شكلها عجبتا قروشو عشان كده عملت كده)
مسحتا دموعي و سكتا.. م قدرتا اتكلم الوجع الجواي كان كبير شديد..

تاني شلنا تلفون حسام لقينا الصور حقتي مرسلاها ليهو سلمي و هو لعب فيها ببرنامج في اللابتوب و رجعا التلفون تاني..
لقينا كل الاثباتات علي حسام و سلمي.. ختيناها قدامنا و م عارفين نتصرف كيف..
مراد:( اها عايزه تنتقمي منهم كيف? تبلغي البوليس?)
قلتاليهو:( م عارفه.. خليني افكر)
مراد:(المهم اي حاجه ح تقرريها انا معاك فيها)
قلتاليهو:( كويس)
و قمتا...
مراد:( حتنومي?)
قلتاليهو:( م عارفه بس حاسه روحي تعبانه حارقد شويه.. ادخل نوم انت ساهرتا و بكرا عندك شغل)
مراد:( حاضر.. تصبحي علي خير)
قلتاليهو:( و انت بخير)
و مشيت علي غرفتي..

صحي حسام الصباح بفتش علي تلفونو م لقاهو م عرف ضاع منو وين.. حسام في نفسو:( اكيد اتسرق او وقع مني في السكه انا و راجع) كشر وشو ...

ماشين بسمه و ايمان في مول..
ايمان:( يعني ي بسمه انتي م دايراهو?)
بسمه:(م عارفه بس الفتره دي م دايره اتكلم معاهو)
ايمان:( لكن مراد م ليهو ذنب في الحصل)
بسمه:( عارفه ي خالتو...بس انتي شفتي الدكتوره قالت شنو بحتاج وقت حتي اقدر اتعامل مع الرجال تاني و اقدر احب)
ايمان:( اي صح محتاجه وقت بس في الوقت ده خلي مراد جمبك م تبعدي منو كده)
بسمه:(والله ي خالتو م قادره.. لو بقينا مكتوبين لبعض بنرجع تاني...لو لا ربنا يديهو الاحسن مني)
ايمان:( بسمه م تستعجلي مراد شاب كويس جدا و حيقيف معاك و حيتحمل معاك اي شي لمن تبقي كويسه)
بسمه:( ي خالتو انتي م حتفهميني فتره العلاج دي م دايره زول جمبي غيرك انتي و امي...م دايره اي راجل فيها م حاتحمل راجل في حياتي اسي لمن اشوف راجل في الشارع ساي بتجيني حاله كده.. انتو م حاسين بالاحساس العندي.. و براك شفتي حتي الدكتوره اخترتها مرا عشان م دايره راجل)
ايمان:( م عارفه بس حاسه بيك مكبره الموضوع)
بسمه:( م مكبراهو بس دي الحاجه الصح و الانا عايزاها.. الموضوع ده بالنسبه لي منتهي خلاص...تعالي نشوف المحل ده)
ايمان كانت زعلانه شديد علي بسمه و الحاصل معاها.. حاسه بالذنب الكبير نحيتها و م عارفه تساعدها كيف.. و خايفه عليها انها تسيب مراد لانو مراد تاني م بتعوض..

دقيت ل مياده قلتا ليها م تسافري اسي دايراك في موضوع مهم..
مياده:( مفروض احجز و ارجع عارفه علي و عارفه برامجو زعلان انو قعدنا كتير)
قلتاليها:( امشي بعد خطوبه سامي)
مياده:( م دايره احضر الخطوبه انا)
قلتاليها:( م شرط بس اقعدي.. هي الخطوبه متين?)
مياده:( بعد بكرا)
قلتاليها:( تمام)
دايره ادق ل حسام اتذكرتا انو تلفونو معاي.. اعمل شنو قلتا بس امشي ليهو في البيت.. بس الحله هناك صعبه و ناس بيتهم م عرفتا اعمل شنو.. بقيت ماشه و جايه بفكر اصل ليهو كيف.. في الاخر جاتني فكره.. لبستا عبايتي و ناديت حوا قلتاليها:( ارح معاي مشوار) استاذنتا من حجه زهره و طلعنا ركبنا تاكسي وقفتا ل حوا في طرف الشارع و وصفتا ليها بيت حسام و فهمتها تقول شنو.. بقيت مستنياها.. مشت و جاتني براها..
قلتاليها:( حصل شنو? )
حوا:( قالو اتشاكل مع زول و محبوس)
احبطا جدا اسي ده وقت الشكل و الحبس.. رجعتها قلتاليها اساليهم في اي قسم .. مشت و جاتني ورتني القسم اتحركنا نزلتا حوا في الشارع عشان ترحع و مشيت علي القسم طوالي.. دخلتا سالتا منو و قلتا دايره اقابلو و قعدتا استنيت.. بعد شويه جا حسام داخل لمن شافني اتخلع..

#الهاربه《22》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
حسام:( شنو الجابك? انتي بتختفي ب مزاجك و تظهري ب مزاجك?)
قلتاليهو:( اقعد دايراك)
قعد وشو كان فيهو اثر ضربه..
قلتاليهو:( اتشاكلتا مع منو?)
حسام:( واحد كده كلب مفروض يديني حاجات شال القروش و ابا يديني طوالي دقيتو قال نفسو ارجل مني?)
قلتاليهو:( و الموضوع م اتحلا معاهو)
حسام:( اتحلا بس مفروض ادفع غرامه و زول يضمني.. و م لقيت زول.. ابوي و اخوي حلفو لو يجو يضمنوني)
قلتاليهو:( الغرامه كم?)
حسام:( الفين)
قلتاليهو:( انا بدفعا ليك و انا البضمنك...عندك مشكله تاني?)
حسام استغرب شديد..
حسام:( و المقابل شنو?)
قلتاليهو:( دايراك تقول انو سلمي كانت معاك في موضوع الصور و هي القالت ليك اعمل كده)
حسام استغرب شديد..
حسام:( سلمي?)
قلتاليهو:( اي)
حسام سكت..
قلتاليهو:( انا م حاقاضيك و لا حاطلب منك شي حاقول عافيه ليك.. و الموضوع ب كده انتهي)
حسام:( شنو الضمني انك م تقاضيني?)
قلتاليها:( وعد مني م بقاضيك بس قول الحقيقه)
حسام:( و م حتتزوجيني?)
قلتاليهو:( بتزوجك )
حسام:( وعد?)
قلتاليهو:( وعد شرف)
حسام سكت بعاين لي..
قلتاليهو:( حسام ماف زول حيساعدك غيري و اهو جايه اساعدك و اطلعك بس انت كمان ساعدني)
حسام ساكت بفكر..

مراد ماشي و جاي في البيت مقلق م عارفني مشيت وين و حوا مشت السوق م رجعت طوالي.. بقي مقلق شديد و بضرب لي م برد..

جيت داخله البيت لقيت مراد واقف في الصاله ..
مراد:( كنتي وين?)
قلتاليهو:( مشيت مشوار)
مراد بزعل:( مشوار شنو? و ليه م بتكلميني? )
قلتاليهو:( مراد ممكن تخليني اخد نفسي?)
مراد قعد في الكرسي مكشر..مشيت علي المطبخ جبتا مويا بقيت بشرب فيها و قعدتا في الكرسي..
مراد:( اها احكي)
قلتاليهو:( مشيت ل حسام)
مراد اتخلع:( لشنو?? )
قلتاليهو:( الخطه العاملاها لازم يكون فيها حسام)
مراد:( مشيتي ليهو وين? في البيت?)
قلتاليهو:( لا القسم)
مراد اتخلع:( كيف?)
قلتاليهو:( سالتا منو في البيت قالو محبوس من امبارح في شكله مشيت ليهو لقيت ماف زول راضي يضمنو ولا يدفع ليهو الغرامه و دفعتا ليهو)
مراد اتخلع شديد و وقف علي حيلو كشر ذياده و كورك:( انتي مجنونه? ماشه ليهو القسم و تدفعي ليهو قروش و تضمني? انتي جنيتي ي ملك)
وقفتا قلتاليهو:( مراد م تكورك ممكن تفهمني?)
مراد:( افهمك في شنو? انتي بتضمني حسام ده? عشان تمشي تعملي كده?)
قلتاليهو:( مراد افهمني حسام لازم يشهد)
مراد:( بلا مراد بلا ذفت)
و مشي طلع زعلان...م عرفتا اعمل ليهو شنو.. بس انا تصرفي صح لازم كان امشي لحسام.. الحل كلو في يدو.. و ذي م ماجد و سامي صدقو في الاول اسي تاني بصدقو..

تاني يوم كنت متوتره و خايفه انو اي حاجه تحصل تبوظ خططي كلها.. حجه زهره حست اني م طبيعيه.. سالتني و وريتها الحيحصل..

جا يوم الخطوبه.. قلتا ل مياده تمشي الخطوبه عادي.. مشت معاهم.. انا و مراد طلعنا شايلين لابتوب مشينا بيت ناس حسام.. سالتا عنو لقيتو مافيش.. احبطنا جدا و م كان عندو تلفون لسه.. بقينا مستنيين جمب بيتهم.. لمن اتاخر انا و مراد مشينا علي بيت ناس سلمي...كنت متوتره جدا و خايفه.. لانو اهلي كلهم هناك..
لقينا الباب فاتح و دخلتا..كلهم لمن شافوني اتخلعو شديييد و وقفو علي حيلهم ناس كشرو و ناس اتخلعو.. مياده جات علي..
مياده:( اهلا ي ملك و مراد اتفضلو)
انا عيني علي سلمي و سامي القاعدين جمب بعض و لابسين دبل الخطوبه..
سلمي ابتسمت بانتصار.. حست اني جيت هنا عشان سامي و انا سامي كان اخر اهتماماتي.. عاينتا ل مراد.. مراد مشي علي الشاشه حقت ناس سلمي و وصل اللابتوب بيها..
سلمي جات علي وقفت قدامي..
سلمي:( شنو الجابك هنا?)
قلتاليها:( جايه ابارك)
سلمي:( اطلعي من هنا ي ملك)
قلتاليها:( خمسه دقايق بس و حاطلع)
سلمي:( لشنو?)
قلتاليها:( اصبري م تستعجلي)
البرود الكان فيني خوف مني سلمي مع اني من جواي برجف من الخوف..
ماجد مشي علي مراد..
ماجد:( انت بتعمل في شنو?)
مراد:( دقيقه وحده و حتفهم اي شي)
سامي مشي علي مراد..
سامي:( مراد ممكن افهم في شنو?)
مراد بدون م يعاين ليهو:( دقيقه دقيقه)
ظهرت اول الدردشات حقت سلمي مع حسام علي طول الشاشه و ابعد زول ممكن يقراها.. الدردشه انو عندها فكره توقف عرسي و انو عندها صور لي باقل لعبه فيها حتبقي كعبه و حتوريها لاهلي و بكده الجو يصفي ل حسام و هي مع سامي.. و در حسام ليها انو موافق و كده.. الناس دي كلها اتخلعت.. اهلي و اهل سلمي .. سلمي وقفت تكورك..
سلمي:( كذابه كذابه انتي لاعبه ب الدردشات دي)
سامي:( بالجد دي لعبه من ملك و كذابه.. الدردشات دي بتتزور باقل شي)
سلمي:( صح انا اسي ممكن اعمل الدردشه العايزاها)
مراد:( يعني احنا حنتبلي عليكم ساي?)
سلمي كوركت:( ااي بتتبلو.. و لو سمحتو كفايا لحدي هنا و اطلعو يلا من بيتي ..اطلعو)
سلمي دموعها نزلت..
ماجد جا علي..
ماجد:( اطلعي من هنا ي ملك سرعه.. عشان م اتصرف معاك تصرف تاني.. يلا برا)
مراد بقي بعاين لي و انا بعاين. ليهو...
مراد جاب صوري قبل يلعبو فيها و بعد لعبو فيها..
ماجد:( مراد خلاص...اطلعو من هنا كفايا فضايج)
جات ام سلمي علي و كوركت فيني:( انتي دايره تبوظي سمعت بتي ذي م سمعتك باظت...بتي اشرف منك و من الشرف ذاتو و يلا اطلعي من بيتنا سرعه.. اطلعي)
مياده جات وقفت جمبي و قالت ل ام سلمي:( اوعي تعلي صوتك علي ملك.. ملك اشرف من اي زول ..بتك الكعبه و هي سبب البلاوي دي)
انا دموعي بقت تنزل و جسمي كلو برجف.. طوالي قبلتا مشيت علي الباب و خليت مياده جايطه مع ام سلمي.. مراد شال اللابتوب و جا وراي... لقينا فجاه حسام واقف قدامنا... حسام بقي بعاين في وشي و فهم انو الخطه باظت بدونو...م قدرتا اتكلم معاهو بقيت بعاين ليهو بس..
مراد طوالي مشي علي عليهو..
مراد:( حسام تعال قول الحقيقه.. احكي الحصل.. قول انك لعبتا في صور ملك و هي بريئه انطق قول)
حسام كان واقف ساي بعاين في مراد و م ادي اي رد فعل..
ماجد كورك:( مراد كفايا...و انت شنو الجابك هنا ي حسام?)
حسام عاين لي و عاين ل ماجد..
سلمي و هي بترجف جات علي حسام:( حسام? شنو الجابك هنا?)
حسام اتخطاها و مشي علي ماجد و دخل علي نص الصاله..
حسام:( انا جاي اطلع حق ملك.. اقول العملتو...صح انا و سلمي اتفقنا علي ملك.. عشان نبوظ ليها العرس و انا اعرسها و سلمي تعرس سامي.. الدردشات الورتها ليكم ملك صح.. اي حاجه قالوها صح)
الناس دي كلها اتخلعت و بقت تعاين في حسام و في سلمي.. سلمي بقت تبكي و ترجف من الخوف..
حسام:( و ربنا شهيد علي كل العملتو و ملك بريئه م ليها دعوه بالحصل)
سامي ده وقف بعاين في حسام و هو مخلوع...و عاين ل سلمي.. سلمي دست وشها بين يدينها و بقت تبكي بصوت عالي..
ماجد مشي علي حسام قبقبو..
ماجد:( انت كيف تتجرا و تعمل كده و تغش علينا كيف?)
انا و بسمع في شهاده حسام جسمي بقي برجف ذياده و دموعي نازله.. مراد جا مسكني وقعدني في الكرسي و هو مبتسم.. كان طاير من الفرح..
ام سلمي مشت علي سلمي و هي مخلوعه..
ام سلمي:( صحي القالو ده ي سلمي?صحي انتي العملتي كده?)
سامي مدا يدو جرا ل سلمي يدينها من وشها..
سامي وشو كان غضبان شديد:( صحي الكلام ده صحي?)
سلمي قامت بزعل جات علي و هي بتكورك..
سلمي:( اي صح...اي انا العملتا كده...اي انا الخربتا صورك و بوظتا ليك عرسك)
انا كنت بعاين ليها بخلعه شديده م قادره اصدق دي سلمي صحبتي البتتكلم قدامي..
سلمي:( انتي كنتي شايفه روحك علي...انتي كنتي ااي حاجه دايراها بتلقيها .. جمال و اهل و اصحاب و كمان خطيب بتحسدك عليهو الدنيا كلها.. و انا ولا شي...انا م بسوي شي بدونك انا صفر علي الشمال.. ماف زول بقول سلمي براها.. الا اسمك بعد اسمي.. سلمي صحبت ملك.. لقيت روحي م لي اي مكانك و انتي ماخده كل حاجه.. عشان كده دمرتك و حادمرك ي ملك لسه م خلصتا منك حادمرك تاني)
في نص كوراك سلمي قدامي انا غمضتا عيوني م قدرتا اتحمل منظرها قدامي و هي بتقول لي كده.. م قدرتا اصدق دي سلمي صحبتي البتتكلم دي.. وعيت ب صوت ضربه.. عاينتا لقيت سامي اداها كف وهي مخلوعه بتعاين ليهو..سامي طوالي طلع خلاها.. سلمي قعدت في الكرسي تبكي باعلي صوتها.. هناك ماجد جايط مع حسام و البيت كلو جايط..
جاتني مياده مسكتني من يدي..
مياده:( خلاص ي ملك...قومي امشي انتي تعبانه)
مراد مدا يدو سندني عشان اقوم.. طلعتا مع مراد و خلينا البيت ب ورانا جايط.. كوراك و جوطه..
اول من ركبنا العربيه اتسندتا علي الكرسي..
مراد:( انتي كويسه?)
قلتاليهو:( ايوا)
مراد بفرح:( الحمدلله ربنا م بظلم زول.. اثبت حقك قدام كل الناس)
قلتاليهو:( الحمدلله.. انا تعبانه دايره انوم حاسه انو لي سنين م. نمتا)
مراد:( حاضر اسي حنصل البيت و حاخليك تنومي براحتك)
و دور العربيه و مشي...مراد كان مبسوط اكتر مني..
وصلتا البيت صليت ركعتين شكر ل ربنا و رقدتا نمتا حسيت روحي مرتاحه جدا..بس في مشكله وحده لسه م اتحلت..

#الهاربه《23》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
صحيت الصباح بصوت مياده استغربتا..
مياده بابتسامه:( صباح الخير)
قلتاليها باستغراب:( مياده?)
مياده:(اصحي احنا برا دايرنك يلا)
و طلعت .. قمتا مشت الحمام و صليت و لبستا توب و طلعتا مشيت الصالون لقيت مياده و ماجد و سامي و مراد و حجه زهره..
سامي و ماجد من شافوني وقفو علي حيلهم و ابتسمو لي...
كشرتا ليهم و مشيت قعدتا في اول كرسي.. هم كانو دايرين يسلمو علي بس ابيت اسلم عليهم.. سامي و ماجد قعدو..
مياده:( اكب ليك شاي?)
قلتاليها:( ايوا)
مياده كبت شاي و ادتني ليها..
حجه زهره و مراد عاينو لبعض و قامو..
قلتاليهم:( ماشين وين?)
حجه زهره:( نخليكم براحتكم)
قلتاليهم:( لا اقعدو انتو م غربه انتو اقرب لي من اهلي)
مراد:( ايوا عارفين بس برضو)
قلتاليهم:( اقعدو عشان خاطري)
عاينو لبعض و قعدو..
مياده:( سامي و ماجد دايرين يعتزرو منك)
ماجد:( ملك احنا اسفين انو ظنينا فيك كده بس انتي ختي نفسك مكانا.. لو زول جاب ليك صور اقرب الناس ليك و كعبه حتعملي شنو.. اكيد حتزعلي و...)
قاطعتو..
قلتاليهو:( ايوا بزعل بس علي الاقل اتصرف في المواضيع دي بعقل شويه..اجيب الزول و بسالو و احاول اعرف الزول جاب الصور من وين.. و انا اصلا عارف انو في برامج بتلعب بالصور ذي م داير و تعمل لي الصور الدايراها.. انت م بتعرفني? م بتعرف اختك? اقل حاجه تصدقها فيني? اسي حسام ده زول بصدقو? انت عارفو من زمان دايرني و رافضاهو م فكرتا لحظه انو ممكن يعمل كده عشان يبوظ عرسي?)
ماجد:( ي ملك ممكن بس تختي نفسك مكانا انا لمن شفتا الصور راسي ضرب و بقيت ذي المجنون)
قلتاليهو:( ايوا من حقك و تزعل يوم يومين اسبوع بس تاني تقعد مع روحك و تركز في الموضوع و تجي تتفاهم براحه)
ماجد:( انتي كمان هروبك ده جنني.. بهروبك صدقتا انك عملتي كده عشان كده هربتي و خوفتي)
قلتاليهو:( انا هربتا عشان م تضيع حياتي و حياتك.. عشان انت م بتتفاهم لو كنت بتتفاهم كنت قعدتا و اتفاهمتا معاك)
ماجد:(انتي كنتي تقعدي م تهربي كنت ممكن اتفاهم)
قلتاليهو:( انت م شفتا روحك عملتا شنو لمن جيت في عزا امي.. م حرام عليك قتلتو امي بحسرتها علي)
لمن اتذكرتا امي طوالي دموعي نزلت..
قلتاليهو:( انت السبب في موت امي انت السبب ي ماجد و انا م مسامحاك علي العملتو م مسامحاك)
و بقيت ببكي..جات مياده قعد جمبي حضنتني و دموعها نازله..
و انا كنت بردد جمله وحده بصوت بسيط:( م عافيه ليك موت امي ي ماجد..م عافيه ليك)
ماجد اتضايق شديد و قام طلع مشي.. مراد و مياده قامو لحقوهو وقفو يتكلمو معاهو برا.. سامي قام جا قعد جمبي كان داير يتكلم.. مراد و حجه زهره قامو خلونا برانا..ابيت ارفع راسي اعاين ليهو.. بعد شويه سمعتا صوتو..
سامي:( ملك انا اسف .. انا بحبك والله)
بس رفعتا راسي و قمتا وقفتا قدامو و بقيت اكورك..
قلتاليهو:( انت واحد حقير..عارف روحك? انا دقيت ليك عشان. افهمك الحاصل كوركتا فيني و شاكلتني و نبذتني و قلتا لي انتي بت شوارع? متذكر وله لا? و بعد ده كلو مشيت خطبتا صحبتي.. و جاي تقول اسف? اسف ددي اعمل بيها شنو انا? بتحبي? لو بتحبني كنت سمعتني و وقفتا معاي بس صدقتا فيني اي شي يتقال.. و انت عارف حسام ده شنو.. انا بحمد ربنا انو ربنا وراني حقيقتك قبل م اعرسك لانو انت واحد حقير و م راجل)
و طلعتا من الصالون ماشه علي غرفتي لقيت مراد كان واقف جمب الباب سمع كلامنا كلو و مبتسم.. طوالي مشيت علي غرفتي قفلتا الباب علي..

قاعدين رباب و منال في مطعم..
رباب:( نفسي اعرف انتي ليه جبتيني هنا?)
منال:( مشتاقه ليك دايره اشوفك)
رباب ضحكت:( م متطمنه ليك)
منال ضحكت:( ليه يعني)
رباب:( قبل يومين مشينا السوق مع بعض.. لحقتي تشتاقي لي?)
منال:( رباب م حاكذب ليك.. انا جايباك هنا ل موضوع ضروري جدا.. و دايراك م تخزليني)
رباب:(العفو ي منال معقوله بس اخذلك)
منال:( عارفاك م بتقصري.. رباب..انا دايراك ل آيهم اخوي)
رباب استغربت :( كيف يعني?)
منال:( دايره اعرسك ل ايهم اخوي)
رباب فرحت من جواها و جات ابتسامه سريعه علي وشها لكن دستها سرعه..
منال:( ليه سكتي?)
رباب:( والله ي منال ..آيهم فيهو كل الصفات الكويسه و زول كويس بالجد.. بس علاقتنا م كده يعني)
منال:( آيهم معجب بيك و دايرك بس قال لي نآجل الموضوع شويه لمن تتعارفو علي بعض اكتر..بس انا اصريت انو نكلمك و ناخد رائك و آيهم خجول شويه في المواضيع دي)
رباب:( آيهم شايف اانو احنا م متعارفين كويس?)
و بان علي وشها الضيق..
متال بخوف:( لالا بس بصراحه هو خايف انك م توافقي عشان كده بقول ناجل الموضوع)
رباب:( اهاا.. والله ي منال م عارفه خليني افكر شويه و اشوف الموضوع)
منال:(آيهم اشتغل معاكم في الشركه سنه صح...يعني بتعرفو بعض و عندك خلفيه عن شخصيتو و تاني اهو متواصلين ليكم. كم شهر.. ده كلو و لسه دايره تفكري?)
رباب:( انا وريتك قلتا ليك آيهم زول ممتاز جدا بس المواضيع دي دايره تفكير شديد... عايني ي منال...انا قبل آيهم كان عندي زول و جادي معاي و كلم امي و بعرف اهلو و كل حاجه بس فجاه خلاني بدون اي سبب.. اختو كان عندها مشكله كده و هو فقد الثقه في البنات و انا اول وحده قطع علاقتها بيها)
متال باستغراب:( معقوله بس? ليه?)
رباب:( حاحكي ليك الحصل كلو)
رباب من اتذكرت ماجد بان عليها الحزن.. م عشان هي بتحبو بس عشان ظلمها و خزلها..

ماشه بسمه في المول براها بتتفرج و خاته سماعات في اضانها بتسمع اغاني.. فجاه حست بزول جمبها لمسها من كتفها اتخلعت قبلت لقتو وائل الكان متقدم ليها و رفضتو..
بسمه ابتسمت و طلعت السماعات..
بسمه:( مستر وائل كيفك?)
وائل:( بسمه في دبي...لالا دي صدفه سمحه جدا)
بسمه ضحكت:(شنو الجابك دبي?)
وائل:( والله جيت اجازه بلدنا هناك برد شديد جيت اصيف بيجاي.. و انتي شنو الجابك?)
بسمه:( اهلي عايشين هنا جيت اجازه برضو)
وائل:( تمام والله.. ممكن نقعد في مكان نتونس شويه بدل الوقفه دي)
بسمه م كانت قادره تتكلم معاهو كتير:(والله خليها مره تانيه)
وائل:( لا والله لازم نقعد و نتغدا كمان.. تعالي وراي يلا)
و مشي.. بسمه م لقت حل غير تمشي معاهو.. قعدو وائل بقي بحكي ليها و يونسها.. بس هي م كانت قادره تتكلم كانت متضايقه شديد من القعاد معاهو.. طلي ليها غدا اكلت شويه معاهو و امها اتصلت عليها اتحججت باتصال امها و قامت مشت سرعه لكن طبعا كان شال رقمها منها..

قاعدين مياده و ماجد و ليلي في بيتنا...
مياده:(انا مسافره بكرا ي ماجد و دايره اتطمن علي ملك و ترجع بيتها هنا)
ليلي:( صح والله كفاها غربه و تتنقل من بيت ل بيت)
ماجد:( خليها تجي انا م منعتها)
ليلي:( انت امشي جيبها قول ليها تعالي ارجعي بيتك)
ماجد:( م قعد تطيق لي كلمه شفتوها عملت معاي شنو لمن مشيت ليها)
مياده:( معاها حق العملتوهو فيها انت و سامي م ساهل)
ماجد بزهج:( عاينو انا م حاحنسها كتير حاقول ليها ارجعي و بس.. جات اهلا و سهلا م جات براحتها)
ليلي:( ماجد م تتعامل مع ملك كده.. في الاخر هي مظلومه.. كلكم ظلمتوها)
مياده:( قوم طيب اجهز عشان م عندي وقت انا)
ماجد قام مشي علي غرفتو...ليلي و مياده عاينو لبعض ..
ليلي:(اخوك ده صعب شديد عندو غرور غريب)
مياده:( ده اسمو تخلف يختي)
ليلي تبتسم:( المهم م كلمتي ملك اني جيت صح? )
مياده:( ايوا م كلمتها بس الخوف مراد يكلمها)
ليلي:( لالا ايمن حزر مراد انو م يكلمهت.. يلا سرعه نمشي جد مشتاقه ليها)
مياده:( دقايق خلي ماجد ده يجهز م يقوم يتحجج لينا)

منال في البيت شغاله في المطبخ.. التلفون دقي.. مشت ردت لقتو سيد..
سيد:( منال كيفك?)
منال:( اهلا ي سيد)
سيد:( عايني ريري بطنها واجعاها شويه و في المستشفي و بتبكي دايراك)
منال اتخلعت:( ريري بتي مالا? ياتو مستشفي?)
سيد:( اهدي هي كويسه)
منال صرخت:( وريني ياتو مستشفي.......)
لمن سمعت اسم المستشفي قفلت الخط و جرت لبست توبها و طلعت...
دخلت منال المستشفي سالت من ريري وروها غرفتها جرت عليها.. دخلت لقت سيد و انتصار قاعدين و ريري راقده في السرير و مركبين ليها درب و اثر التعب و الدموع علي وشها..
منال جات جاريه علي ريري و حضنتها..
ريري:( ماما ماما)
منال و هي بتبكي:( سلامتك حبيبتي.. سلامتك حبيبه ماما.. مالك حبيبتي?)
ريري:(اكلتا اكل حبوبه الكعب)
انتصار اتخلعت :( هوي ي بت اتادبي كيف اكلي كعب?)
منال:( معليش حبيبتي.. معليش)
انتصاار قامت مكشره طلعت من الغرفه..
منال عاينت ل سيد..
منال:( مالا بتي ي سيد?)
سيد:( تسمم عادي)
منال اتخلعت:( تسمم? و عادي?? كيف يعني ي سيد? اتسممت بشنو?)
سيد:( امي ادتها اكل بايت و عمل ليها تسمم)
منال:( اكل بايت? ليه? و كيف م ضاقتو كويس وله كعب تديهو ل بتي ساي.. ده كلام شنو ي سيد)
سيد كان حاسس بالذنب و م قادر يدافع علي امو..
منال:( انت شايل مني عيالي عشان تبشتنهم لي ي سيد? انا حامشي ارفع عليك قضيه انت و امك و اجرجركم في المحاكم)
و حضنت بتها عليها و قامت مشت بتبكي و بتمسح في دموعها..
سيد قعد مكشر و بفكر في كلام منال..

قاعدين منال و آيهم في الصاله.. منال كانت زعلانه و بتشتكي لايهم من سيد و انتصار..
منال:( انا يدو بتي اكل مخمر لمن تعمل ليها تسمم..انا بتي يحصل فيها كده و انا حيه? والله م حاسيبهم حاجرجرهم في المحاكم و اشيل عيالي منهم)
آيهم:( انتصار دي مرا م طبيعيه كيف تدي البت اكل مخمر? م شمتو م ضاقتو? م سخنتو ليها? و سيد ده قاعد ساي م جايب خبر عيالو?)
منال:( امو دي مرا مجنونه شكلها بتنتقم مني في العيال.. والله م حاسيبها بتشوف حاعمل فيها شنو)
آيهم:( ايوا ارفعي قضيه طوالي و اطلبي حضانه عيالك)
منال:( بس خلي الصباح يصبح بتشوف براك)

#الهاربه《24》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
قاعدين آيهم و رباب في مطعم بياكلو و بتكلمو..
آيهم:( رباب انا م عندي مشكله في كل الحصل و م حيفرق معاي ب حاجه انتي مش نسيتيهو خلاص?)
رباب:( ايوا نسيتو و عمري م بفكر فيهو تاني)
آيهم:( خلاص يبقي علي بركه الله .. كلمي اهلك و حددي لينا معاهم موعد)
رباب كانت مبسوطه جدا من جواها ب كلام آيهم..حست ربنا عوضها ب واحد احسن من ماجد ب الف مره..
رباب:( خلاص اديني كم يوم و برد عليك)
آيهم:( كم يوم لشنو ي رباب?)
رباب:( دايره استخير)
آيهم:( حاضر اعملي الدايراهو كلو و ردي علي)
رباب ابتسم:( حاضر)

جيت جاريه ل ليلي حضنتها و انا مبسووطه...
قلتا ليها:( حمدلله علي السلامه شنو المفاجاه السمحه دي?)
ليلي:( قلتا اعملا ليك مفاجاه)
قلتا ليها:( احلي مفاجاه والله.. اشتقت ليك)
ليلي:( وانا كمان مشتاقه ليك شدييييد)
مياده:( يلا اقعدو خلاص)
قعدنا ال4.. حجه زهره كانت في غرفتها..
جات طالعه سلمت و م مشت..
اتونسنا انا و ليلي و مياده.. ماجد كان ساكت..
شويه كده مياده عاينت ل ماجد..
ماجد:( ي ملك.. انتي مفروض بعد ده ترجعي البيت)
عاينتا ليهو ساكت و سكتا..
ماجد:( م ممكن تقعدي عند الناس اكتر من كده.. ارجعي البيت احسن)
مياده:( ايوا ي ملك انا مسافره بكرا و دايره اتطمن عليك)
ليلي:( كلامهم صح ي ملك مشكلتك اتحلت ماف داعي تقعدي هنا تاني)
سكتا...كلامهم كان صح.. مفروض ارجع البيت.. بيتنا.. اللحظه ديك. اتذكرتا امي.. دموعي نزلت.. كنا عايشين انا و امي و ماجد.. اس اقعد براي مع ماجد? امي ماف..
مياده:( يلا ي ملك قومي اجهزي)
ليلي:( يلا نساعدك تلمي هدومك)
جو علي مسكوني من يدي و مشينا علي غرفتي..
بقيت يلم في هدومي.. و ليلي و ملك بساعدوني.. سمعتا صوت مراد برا.. قلبي دقي شديد...عاينتا لقيتو قاعد مع ماجد و حجه زهره بتكلمو...شويه كده جهزتا شنطتي و لبستا و طلعتا برا انا و مياده و ليلي.. لمن وصلناهم كلهم. وقفو...
ماجد:( خلاص جهزتي?)
هزيت راسي ب ايوا...
حجه زهره:( خلاص ماشه ي ملك?)
قلتاليها:( والله ي حجه م هاين علي اسيبكم بس ديل.. )
قاطعتني..
حجه زهره:( امشي بيتكم و ارتاحي فيهو و كوني بين اهلك و اخوانك.. الزول مهما لفي و بعد في الاخر برجع ل اهلو.. و ربنا يسعدك و يهنيك و يستر عليك)
مشيت عليها حضنتها و بقيت ببكي.. حجه زهره كمان دمعت..
حجه زهره:( حتفرقي معاي شديد والله.. اتعودتا عليك.. انتي بتي الما خلفتها.. ربنا يشهد غلاوتك عندي من غلاوه بناتي و مراد)
قلتاليها:( و انتي كمان غلاوتك بغلاوه المرحومه امي.. جد م قصرتي معاي فتحتي لي بيتك و قلبك.. العملتي معاي اهلي م عملو معاي)
مراد وشو اتغير شديد و بعاين لي..
مياده :( يلا ي ملك)
فكيت حجه زهره و مشيت علي مراد..مديت يدي..
قلتاليهو:( مراد انا بشكرا جدا علي كل العملتو معاي)
مراد:( العفو ده الواجب)
قلتاليهو:(ده اكتر من الواجب و جميلك ده حاشيلو ليك طول عمري)
مراد:( العفو م بينا والله)
وقفتا قدامو بعاين ليهو في عيونو و هو كمان بعاين ليهو و عيونو بتقول لي الف كلمه..
ماجد دخل شال شنطتي و طلع علي العربيه..
من جواي كنت مبسوطه انو حارجع بيتنا.. بس كنت زعلانه انو حاخلي بيت حجه زهره.. و م حاشوف مراد.. مراد حسيت عندو لي كلام كتير بس م قادر يقول.. لحدي م ركبتا العربيه عيونو كانت علي..
دخلتا بيتنا قلبي كان بضرب شديد.. و من فتح ماجد الباب شميت ريحه امي..دموعي بقت نازله.. طوالي مشيت علي غرفتها.. مياده دايره تمشي وراي ليلي وقفتها.. و ماجد مشي دخل شنطتي في غرفتي.. فتحتا باب الغرفه و فتحتا النور و بعاين في الغرفه و شامه ريحع امي.. مشيت علي سريرها شميت ريحتها في السرير م عارفه بالجد كان في ريحتها و له انا براي شاماها.. فتحتا الدولاب شلتا هدومها ضميتها علي و بكيت رقدتا في سريرها و انا ببكي.. بعد شويه جوني مياده و ليلي بقو بهدو فيني...

مراد قاعد في غرفتو متضايق شال تلفونو فتح صورتي و بقي بعاين فيها..

انتصار واقفه في المطبخ بتعمل في اكل.. الباب دقي..
انتصار:( سيد افتح الباب)
سيد قام من قدام التليفزيون مشي فتح الباب لقاهو زول من المحكمه جايب ليهو اعلان حق محكمه...
سيد اتخلع استلم الاعلان و دخل مكشر.. انتصار عاينت ليهو باستغراب..
انتصار:( في شنو?)
سيد:( منال رافعه دعوه ضدي عشان الحصل مع ريري)
انتصار اتخلعت:( شنو?)

سلمي بتضرب ل سامي بس سامي م برد عليها في الاخر حظر رقمها.. سلمي زعلت شديد و دخلت في نفسيات..

راقده في غرفتي بعاين فيها كنت مشتاقه ليها شديد.. اتذكرتا اخر مره نمتا فيها يوم كنت مسافره و كنت مبسوطه.. و امي جات قعدت جمبي و اتونست معاي و وريتها الحاجات الكاتباها الحاجيبها من هناك راجعتها معاي و ورتني المهم شنو و الما مهم شنو .. و الاجيبو من هنا و الاجيبو من دبي..

وائل بقي مركز مع بسمه شديد و بضرب ليها طواالي مرات ترد و مرات لا.. بسمه كانت متضايقه من اهتمامو.. يوم راقبها لقاها مشت الكورنيش هي و ايمان خالتها.. جا ماشي جمبهم عمل نفسو لاقاهم صدفه و سلم عليهو و اتعرف ب ايمان و ايمان قالت ليهو اتفضل اقعد طوالي قعد و بقي بتونس مع ايمان..
بسمه ساكته ساي و وائل بتونس مع ايمان .. ايمان عجبها وائل جدا.. عجبها كلامو و تفكيرو .. وائل عزمهم علي العشاء و مشو اتعشو معاهو.. لمن خلصو و وصلهم البيت شال رقم ايمان..

تاني يوم حاولتا ارجع يومي عادي انا و مياده من الصباح حضرنا الفطور و جبنا حاجات البيت.. مياده كانت مسافره بليل..
قضينا اليوم مع بعض و جاتنا ليلي.. ماجد م قعد معانا كتير.. مشي الشغل و جا نام.. كنت مستنيه مكالمه من مراد بس م دقي لي.. دقت لي حجه زهره اتطمنت علي و قفلت...
بليل انا و ليلي و ايمن و ماجد وصلنا مياده و عيالها المطار..
زعلتا شديد علي سفر مياده.. بس كانت لازم تسافر عندها مواضيع مع عمر راجلها لازم تحلها..

ماجد قاعد في غرفتو و بفكر و سرحان بعد شويه شال التلفون و دقي ل رباب.. رباب قاعده في الشغل.. عاينت ل اسم ماجد في التلفون استغربت...عملت التلفون صامت و م ردت عليهو..
ماجد دقي ليها كم مره خلال اليوم رفصت ترد عليهو.. ماجد استغرب جدا من عدم ردها..

حياتي في بيتنا بقت كلها للبيت بعمل الاكل و بفطر براي و بجهز الغدا ل ماجد كلامنا مع بعض كان في حدود و م قدر يتعود ععلي وجودي تاني و انا كمان م قدرتا اتعود عليهو م قدرتا اسامحو.. اهلي بقو بجوني شويه شويه.. في ناس صدقو اني بريئه و جوني و ناس م صدقو .. و في الحالتين انا م اشتغلتا بيهم ..الداس بساطي قعدتا معاهو و اكرمتو بس.. لكن م جواي م سامحتهم ابدا...

سيد جا داخل بيتهم زعلان.. لاقتو انتصار..
انتصار:( حصل شنو?)
سيد:( الهانم حتجرجرني في المحاكم و حتشيل العيال و سالتا المحامي قال ممكن تشيلهم مني عادي لانو اصلا العيال صغار و الحضانه للام)
انتصار اتخلعت:( و حنعمل شنو?)
سيد:( م عارف والله م عارف)
و قعد يفكر...انتصار واقفه جمبو محتاره..

ايمان قاعده في غرفتها بترتب فيها تلفونها دقي عاينت للرفم لقتو وائل.. ردت..
ايمان:( مرحب ي وائل وله اقول مستر ذي بسمه)
وائل ضحك:( لا قولي وائل بس.. كيفك مدام ايمان?)
ايمان:( تمام الحمدلله انت كيفك?)
وائل:( تمام والله.. انا عايز الاقيك لموضوع مهم.. ممكن?)
ايمان:( طوالي)
وائل:( انتي فاضيه متين? بكرا ممكن?)
ايمان:( خلاص اتفقنا علي بكرا.. المغرب في الكورنيش.. تمام?)
وائل:( ميه ميه)

قاعدين مراد و ايمن في مكتب ايمن..
مراد كان مهموم شديد و بفكر و ايمن ساكت بعاين ليهو..
ايمن:( اها الحل شنو?)
مراد:( وريتك الحل)
ايمن:( ده م حل ي مراد انا شايف انت استعجلتا بس)
مراد:( م استعجلتا انا بعرف مشاعري كويس.. انا بحبها و دايرها بس هي م عارف.. حاسي ففي حاجه)
ايمن:( خليك من ملك.. بسمه حتقول ليها شنو?)
مراد:( دي ذاتو مشكله تاني.. بس بسمه من سافرت م اتكلمت معاي و برسل ليها م بترد.. انا م عارف مالا)
ايمن:( بسمه نفسياتها كعبه و محتاجه لزمن بس.. و الزمن ده بدل تقربو لبعض بعدتو من بعض)
مراد:( انا م بعدتا هي البعدت)
ايمن:(مراد لو م حليت موضوع بسمه اوعي تدخل في حاجه مع ملك.. بسمه براها نفسياتها كعبه كمان تصدما فيك.. حرام عليك البت بتتدمر.. حل موضوع بسمه و بعدين ارتبط ب الدايرها كان ملك كان غيرو)
مراد سكت مساافه و قال:( صح..كلامك صح)

منال ماشه علي باب بيتهم الكان بدق فتحت لقتو سيد.. استغربت..
سيد:( كيفك ي منال?)
منال تكشر:( اهلا ي سيد)
سيد يبتسم:( ممكن ادخل?)
منال:(لا)
سيد:( منال دايرين نتفاهم)
منال:( ماف بينا تفاهم ي سيد.. بينا المحاكم بس...انا سكتا كتير و اديتك فرصه انك تعقل و تبعد من سيطره امك و تتقي الله فيني و في العيال بس للاسف انت زول ضعيف و م عندك شخصيه و بينا المحاكم بس)
سيد:( ي منال ممكن نتفاهم.. بس نقعد نتفاهم)
منال:( اسفه ماف تفاهم بينا.. عن اذنك عندي شغل انا)
و دخلت و قفلت الباب..

قاعدين ايمان و وائل علي الكورنيس بتكلمو..
ايمان:( اها م قلتا لي الموضوع الجايبني عشانو شنو?)
وائل اتصلح في قعدتو و قال:( مدام ايمان انا جاييك في موضوع مهم جدا.. انا داير بسمه بت اختك علي سنه الله و رسوله.. انا شاريها والله)
ايمان استغربت بس من جواها انبسطت..
وائل:( بس هي م متقبلاني.. يعني انا من كانت في السودان مشيت ليها الشركه و كلمتها بس رفضت انا زعلتا بس خليت المووضوع للنصيب و اسي لمن لاقيتها هنا تاني حسيت القدر رجعها لي و حسيت دي فرصتي و لازم استغلها ..بس انا م عارف هي رافضاني ليه.. يعني لمن اتلاقينا في السودان كان تعاملها احسن و شخصيتها احسن كتير بس اسي بقت صعبه شديد و انا م فاهمها و جد نفسي افهمها مالا?)
ايمان:( والله ي وائل بسمه حاليا م اظن تتقبلك بس لو بتصبر شويه ممكن تتقبلك)

#الهاربه《25》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
وائل:( مدام ايمان انا والله جادي و لو وافقت بي الليله دي بجيب اهلي و بجي اتقدم ليها رسمي)
ايمان:( وائل كدي اصبر شويه انا بشوف الموضوع معاها بس محتاج وقت)
وائل:( ليه?)
ايمان:( كدي اديني يومين و انا برد عليك)
وائل:( حاضر يومين بس و حاكون مستني ردك)
ايمان:( تمام)

آيهم بتكلم مع رباب بالتلفون..
آيهم كان راقد قام قعد علي حيلو:( قلتي شنو?)
رباب بهناك ابتسمت بخجل..
آيهم بفرح:( عيدي كلامك تاني)
رباب:( آيهم خلاص )
ٱيهم:(عليك الله قولي)
رباب بخجل:( ي الله.. قلتا ليك اخدتا ليك موعد مع اهلي يوم الخميس جيب اهلك و تعالو)
آيهم قام بفرح:( ي سلااااام ده احلي خبر يعني استخرتي و حاسه براحه? و انو احنا بننفع لبعض?)
رباب:( ايوا حاسه براحه غرييبه)
آيهم:( ي سلااام ده جد احلي خبر حاكلم منال و اعمامي و حنجيكم يوم الخميس ان شا۽الله)
رباب:( ان شا۽الله)
آيهم:( يلا سلام عشان اكلم اعمامي)
رباب:( مع السلامه)
آيهم قفل و دقي ل اعمامو...و رباب بهناك مبسووطه جدا..

قاعدين ايمان و حنان في البلكونه بشربو في شاي و ايمان حكت ل حنان ب وائل و القالو..
حنان:( والله وائل هي كانت حكت لي بيهو.. بس بسبب مراد رفضتو)
ايمان:( و اسي مراد وينو?)
حنان:( هي براها قررت انو م تتكلم معاهو)
ايمان:( و مراد ذاتو شكلو م دايرها لانو من جينا هنا سال منها مره مرتين و خلاص)
حنان:( صح.. و الحل شنو?)
ايمان:( وائل زول ممتاز و وضعو كويس و عايش في لندن)
حنان:( اها يعني نحاول نقنعها بيهو?)
ايمان:( ايوا.. عندي خطه في راسي خليني اظبطها بس)
حنان:( طيب)

آيهم طالع من بيتهم لقي سيد قدامو..
سيد جا عليهو و ابتسم:( آيهم كيفك?)
آيهم:( تمام الحمدلله شنو الجابك بيجاي?)
سيد:( جاي اتكلم معاك.. تعال معاي)
آيهم:( نتكلم في شنو?)
سيد:( بس تعال معاي)
آيهم مشي مع سيد علي عربيتو ركبو و مشو..
نزلو في كافتيريا قعدو..
آيهم:( اهو قعدنا داير شنو?)
سيد:( تشرب شنو?)
آيهم:( م داير)
سيد:(لا لازم تشرب.. حاطلب ليك قهوه)
سيد اشر ل الجرسون و طلب اتنين قهوه..
آيهم:( اها قول)
سيد:( دايرك تبقي صلح بينا انا و منال.. م داير ندخل المحاكم.. في الاخر هي مرتي و ديل عيالها)
آيهم:( انت زمان شاكلتها و شلتا منها العيال وديتهم عن امك و قلتا م دايرها)
سيد:( ده كان من الشيطان بس.. اسي انا داير ارجعها و نرجع البيت و نعيش كويس)
آيهم:( م اظن منال توافق ب الكلام ده)
سيد:(لالا كلمها انت حاول اقنعها لي عليك الله)
آيهم:( غايتو انا بحاول بس م اوعدك)
سيد:( اي عليك الله حاول و كلمها اني دايرها و حاعمل اي حاجه عشان ارضيها.. بس تتنازل عن القضيه و تبعد من سكه المحاكم دي)
آيهم:( كويس بحاول و ربنا يهديكم)

قاعده رباب في مكتبها شغاله الباب دقي رفعت راسها عاينت لقتو ماجد.. اتخلعت شديد و بقت تعاين ليهو.. ماجد فتح الباب و دخل..
ماجد بابتسامه:( السلام عليكم)
رباب سكتت م ردت..
ماجد:( م عايزه تردي السلام?)
رباب بزعل:( شنو الجابك?)
ماجد:( جيت عشانك)
و جا قعد قصادها..
ماجد:(كيفك?)
رباب:( كويسه)
ماجد:( ليه م بتردي علي?)
رباب:( لاني م دايره ارد)
ماجد:( رباب عايني.. انا صح ظلمتك بس ختي نفسك مكاني.. انا اتصدمتا شديد و دخلتا في حاله نفسيه كعبه جدا.. يعني ديك اختي.. و اقرب وحده لي يقولو عليها كده? ختي نفسك مكاني شوفي حيحصل ليك شنو)
رباب:( ايوا ممكن تتصدم و تدخل في نفسيات بس م تظلم الناس ساي.. م تظلم زول م ليهو اي ذنب لا من قريب لا من بعيد مع الحصل مع اختك)
ماجد:( عارف م ليك ذنب بس انا الوقت داك كرهتا كل البنات كرهتا اي وحده في حياتي)
رباب:( و انا كنت اولهم صح? اسي انت جاي لشنو? عشان براءه اختك ظهرت?)
ماجد سكت..
رباب:( سكتا ليه? عشان لقيت نفسك ظلمتا اختك و ظلمتني معاك?)
ماجد:( رباب انا جيت اعتزر و ننسي الفات و نبدا صفحه جديده)
رباب ضحكت.. ماجد عاين ليها باستغراب..
ماجد:( شنو البضحك?)
رباب:( عشان الكلام القلتو انت...انت مصدق اني ممكن يوم ارجع ليك? او اثق فيك تاني? ده بعدك ي ماجد)
ماجد:( رباب اي اتنين بيحصل بينهم خلاف...)
رباب قاطعتو بزعل:( خلاف? شايف الحصل بينا ده خلاف? انت قطعتا علاقتك بي و نسيت البينا في ثواني و م بترد علي و شاكلتني و قلتا لي انك م دايرني و سمعتني كلام كعب و كوركتا فيني ده كلو بتسميهو خلاف? و اسي بكل ثقه جاي عشان تقول لي كلمتين و انا اسامحك و ارجع ليك? عشان اختك طلعت بريئه? طيب لو اختك م كانت بريئه? كنت م حتجيني م حتحاول ترجعني?)
ماجد سكت سااي بعاين ليها و هو محرج شديد..
رباب:( ليه ساكت? وريني لو م ملك طلعت بريئه لو كانت فعلا عملت القالو عليها حسام كنت م حترجع لي صح? ... اسف ي ماجد بس انا مستحيل ارجع ليك تاني لو بقيت اخر راجل في الدنيا انا مستحيل ارجع ليك)
و قبلت بالكرسي ادتو ظهرها و جسمها كلو برجف و دموعها في عيونها...ماجد قعد مساافه بعاين ليها في الاخر قام طلع مشي.. رباب قبلت لقتو مافيش طوالي بقت تبكي.. بس من جواها كانت مبسوطه انها بقت قويه عليهو و انها قتلت كل مشاعرها نحيتو و كلامو م اثر فيها.. و حست انها اخدت حقها منو..

كانت ضحكات منال و آيهم بتملا البيت..
آيهم:( والله ي منال طلعتي عجيبه و ادبتيهو)
منال:( انا سكتا ليهو كتير هو و امو قلتا يمكن يتعدلو.. بس م بجو الا بالعين الحمرا)
آيهم:( ايوا صح.. و اسي حتعملي شنو?)
منال:( حاتنازل عن القضيه م عشانو عشان عيالي عشان م يقولو امهم و ابوهو وقفو ضد بعض في المحكمه)
آيهم:(عين العقل والله)
منال:( انت م تضرب ليهو.. هو حيضرب ليك و قول ليهو انا قدرتا اقنع منال انها تتنازل عن القضيه بس قالت عندها شروط و انت تعاال و اسمع شروطها)
آيهم:( حاضر من عيوني الدايراهو كلو حاعملو ليك)
منال:( تسلم لي ي رب)

عمر اتعامل مع مياده عادي و رحب بيها هي و العيال و لقوهو مجهز ليهم الاكل البحبوهو و اتعامل معاهم كويس جدا.. بس مياده بينها و بين نفسها حاسه في شي م طبيعي.. بعد كم يوم من سفرها كان عمر في الحمام و تلفونو في الشاحن جات داخله مياده الغرفه لقت عمر في الحمام و مشت قعدت في الكرسي لقت تلفونو جمبها.. شالتو و حاولت تفتح الرمز بعد كم محاوله فتح معاها طوالي مشت مسجات الواتس فتشت لقت ونساتو عاديه مع اصحابو.. تاني طلعت برا مسجات التلفون لقت رقم بسجل ب كم حرف بس.. فتحت المسجات و بقت تقرا فيها من اول مسجين عرفت انو دي مرا بطريقه كلامو معاها و ونستو و تاني كان في بينهم لقاءات .. مياده زعلت شديد و قلبها وجعها تاني لقت مسج عتاب من المرا انو م قعد يرد عليها و هو قال ليها مرتي جات و البينا كان نزوه و اسي انا بحب مرتي و م داير اخونها.. بس ماف اي رد من جهت المرا... مياده كانت مخلوعه شديد سمعت صوت عمر انو طالع.. ختت التلفون سرعه و قامت طلعت من الغرفه مشت المطبخ وقفت عملت نفسها بتحضر في الغدا و هي دموعها نازله .. بعد دقيقتين جاها عمر..
عمر:( ميمو وين الغدا? انا جيعان شديد)
مياده كانت مدياهو ظهرها عشان م يشوفها بتبكي..
مياده:( دقيقتين و بكون جاهز)
عمر:( طيب حاستني مع العيال في الغرفه)
و مشي علي غرفه عيالو...
مياده عملت الاكل و مسحت دموعها و طلعت الاكل الصفره و نادت عمر و العيال و بقو ياكلو.. مياده م قدرت تاكل كانت بتاكل في بتها الصغيره..
عمر:( مياده.. م اكلتي ليه?)
مياده:( م جيعانه.. باكل بعدين)
عمر:( طيب)
و سكتو..
مياده بقت بتعاين في عمر.. و بتقول في نفسها:( معقوله عمر بخوني? بعرف وحده غيري? عشان كده كان متغير معاي? ليه كده ? انا عملتا ليك شنو? طول عمري بحبك و حافظاك جوه عيوني.. و شايلاك و شايله العيال و البيت كلو في راسي.. بس اسافر منك كم شهر يحصل كده?)
بقت تسال نفسها الف سؤال و بدون اي اجابه..

كنت مستنيه مكالمتين.. وحده من مراد و التانيه من حسام عشان اوفي ب وعدي ليهو.. بس المكالمتين م جو.. و الاتنين كانو مقلقين بي شديد.. في الاخر قلتا اتصل انا ب حسام اشوفو ليه م دقي لي.. بس مراد م بقدر اتصل عليهو.. هو لو كان جادي كان سال مني و ضرب.. بس من مشيت من بيتهم م سال مني ابدا..
شلتا التلفون و دقيت ل حسام.. بعد كم جرس ردا..
قلتاليهو:( حسام كيفك?)
جاني صوتو تعبان:( اهلا ي ملك)
قلتاليهو:( مالو صوتك? نايم?)
حسام:( لا تعبان شويه)
قلتاليهو:( سلامتك)
بقي بكح شديد..سكتا خلص الكحه..
قلتاليهو:( عندك شنو?)
حسام:( صدري تعبان شديد)
قلتاليهو:( ليه م مشيت المستشفي شفتا الحاصل?)
حسام:( اسي انا في المستشفي.. لي كم يوم)
قلتاليهو:( ياتو مستشفي?)
حسام:( مستشفي.......)
قلتاليهو:( تمام بجي اشوفك)
حسام:( م بتقصري)
و قفلنا علي كده...

العصر لبستا و مشيت المستشفي.. لقيت اخو حسام برا سلمتا عليهو و دخلتا...لقيت حسام راقد و شكلو تعبان شديد و بكح شديد.. سلمتا عليهو وقعدتا...
قلتاليهو:( الدكتور قال شنو?)
حسام:( عندي مشكله في صدري.. و يوم يقول الرئه.. م فاهم والله في شنو)
قلتاليهو:( و ادوك شنو?)
حسام:( فحوصات و تحاليل كتيره)
و بقي بكح تاني..
قلتاليهو:(طيب غير المستشفي او شوف دكتور كويس)
حسام:( ايوا في دكتور حامشي ليهو بعد المغرب)
قلتاليهو:( كويس طيب.. ربنا يشفيك)
حسام:( تسلمي ي ملك م قعد تقصري معاي)
قلتاليهو:( العفو ده الواجب)
قعدتا شويه و قمتا دايره امشي كنت دايره اسالو من وعدي معاهو بس م قدرتا لقيت الوقت م مناسب..وقفتا ..
قلتاليهو:( يلا انا حامشي.. و بجيك تاني ان شاءالله)
حسام:( تسلمي ي ملك.. نجيك في السمح)
قلتاليهو:(ان شاءالله)
لمن قبلتا ماشه علي الباب وقفني صوتو...
حسام:(ملك)
قبلتا عليهو..
حسام:( بالنسبه لوعدك لي)
و بقي بكح.. انا خوفتا و اتوترتا شديد بقيت مستنيه الكحه تقيف عشان يقول لي ..

#الهاربه《26》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
قلتا ليهو بنفاذ صبر:( مالو وعدي?)
حسام:( انسيهو..م طالبك حاجه.. انتي حره اتزوجي الدايراهو)
اتصدمتا شديد م مصدقه الكلام..
حسام:( انا ظلمتك كتير و ربنا بعاقبني اسي ب ذنبك.. اعفي لي.. عشان يمكن ابقي كويس و اعيش .. عشان السل م يقتلني.. اعفي لي ي ملك)
اتخلعتا شديد:( سل? لا حول ولا قوه الا بالله.. العفو لله و رسوله ي حسام)
و طلعتا مشيت و انا بين مصدومه و مبسوطه.. اخيرا انا حره حسام م حيضايقني تاني او يجبرني اني اعرسو.. دقيت ل ليلي و انا مبسوطه حكيت ليها..
ليلي:( انتي ي ملك جنيتي? تمشي ليهو ليه? تزوريهو و تكفري ليهو? ي الله يموت و نرتاح منو)
قلتاليها:( ليلي م تدعي عليهو.. حسام انا بعرفو.. حسام من جواهو طيب .. بس المشاكل حقت الفي البيت و ابوهو و تعاملو القاسي معاهم و طلاق امو و ابوهو و انو اتحرم من امو من صغير دي حاجات خلتو يبقي قاسي مع الناس و يتعامل بالطريقه دي.. حسام انا كرهتو شديد بس تاني لمن قعدتا معاهو و اتفقنا حسيتو ندمان و لمن جا و قال الحقيقه كبر في نظري شديد)
ليلي:( اي يقول الحقيقه هو مش الخرب الدنيا كلها.. هو السبب في اي شي حصل ليك)
قلتاليها:( ليلي حسام ضحيه ..اب قاسي و ام تعبت من راجلها و هربت و خلت ليهو البيت و العيال.. انتي زمان شفتي ابوهو بعاملو كيف? شفتيهو بضربو قدام اصحابو و بحرجو و بمشي ليهو المدرسه يشاكلو و يضربو بدون سبب...ابوهو السبب في حياه حسام الاسي دي.. حسام طيب والله.. و دليل طيبتو انو جا و قال الحقيقه.. و اسي قال م داير يتزوجني هو لو كعب كان جبرني اعرسو و اوفي بوعدي)
ليلي:( م عارفه غايتو بس حسام ده اختيهو خلاص م ليك دعوع بيهو ..يموت يحيي م ليك دعوه بيهو م تزوريهو ولا تشوفيهو)
قلتاليها:( حاضر ان شاءالله)
كنت بحن علي حسام و حياتو.. حياتو كلها ملخبطه.. و تصرفاتو كلها غلط بدا بالشراب و الاصحاب الكعبين و المشاكل و كل يوم و التاني في السجن.. جد بحن عليهو.. انا كان ممكن اتعامل معاهو كعب.. كان ممكن اضرو ذي م ضراني.. بس كده م حاستفيد شي حيبقي كعب ذياده.. بس لمن اتعامل معاهو كويس يمكن يبقي كويس.. و فعلا حاساهو بقي كويس لو م مع كل الناس معاي بقي كويس... ليلي م اقتنعت ب تعاملي مع حسام كده و شايفاهو انسان كعب و قلبو اسود و م يستاهل اي حاجه و كانت شمتانه فيهو انو عيان..

الحاجه الكانت دايراها منال حصلت و فعلا جاها سيد لحدي عندها و سالها من طلباتها..
منال:( انا موافقه ارجع البيت و اعيش معاك و مع عيالي.. و امك لو دايره تجي زياده تجي.. بس هي في حالها و انا في حالي بينا سلام الله بس لا ليها دعوه بي لا ب اي شي يخصني تجي تشوفك و تشوف عيالك و تمشي بس)
سيد:( دي امي ي منال)
منال:( انا م منعتك منها.. بس هي م ليها دعوه بي)
سيد:( حاضر)
منال:( و انت م تسمع لي كلام امك و تحرشك علي و الا اقسم ي سيد ارفع قضيه تاني و لو بعد ميه سنه و اشيل عيالي)
سيد:( لالا خلاص والله م بحصل)
منال:( تمام...و اسي امشي جيب العيال و تعال عشان ماشين المساء نخطب ل آيهم)
سيد:( حتخطبو ليهو منو?)
منال:( رباب استاذه عيالي)
سيد استغرب:( رباب? كويس و حنرجع بيتنا متين?)
منال:( بكرا الصباح)
سيد:( تمام)

مياده اتكسرت من جواها من عمر.. بقت م قادره تتعامل معاهو.. عمر حسي بالحاجه دي و سالها كم مره بس م قدرت تقول ليهو

كنت شغاله في البيت دقت لي مياده مشيت رديت..حسيت صوتها متغير..
قلتاليها:( مالك ي مياده? حصل شنو?)
جاني صوتها ببكي:( عمر كان بخوني)
اتخلعتا شديد..
قلتاليها:( شنو?)
مياده:( كان بخوني لمن كنت في السودان)
قلتاليها:( عرفتي كيف?)
مياده بقت تبكي..
قلتاليها:( مياده ممكن تهدي.. كدي احكي لي حصل شنو? عرفتي كيف?? )
مياده:( لقيت مسجات بينو و بينها.. كانو بتكمو مع بعض و بتلاقو بس اخر مسج بينهم كانت منو قال ليها مرتي جات و انا م حاقدر اقابلك تاني و البينا كان نزوه و خلاص)
قلتاليها:( اها?)
مياده:( بس...ده كل اللقيتو و تاني بعدو ماف مسج)
قلتاليها:( مياده اهدي كدي خلي البكي المواضيع الذي دي م بتتحلت كده.. دايره تفكير براحه.. اسي هو تعاملو معاك كيف? ذي لمن كنتي هنا?)
مياده:( لالا تعاملو كويس.. احسن كتير)
قلتاليها:( خلاص ي مياده.. دي نزوه عاديه لمن لقاك بعيده شاف غيرك.. بس اهو تاب و رجع ليك بدون م تعرفي بدون اي حاجه)
مياده هي و بتبكي:( م قادره اتخيل ممكن عمر يعمل كده م قادره اصدق انو ممكن يعاين ل وحده غيري)
قلتاليها:( عارفه انو المووضوع م ساهل و اتصدمتي.. بس م تخربي بيتك ب يدك.. عمر عرف غلطو و عرف قيمتك بدون م انتي تعرفي حتي.. يعني لو كنتي عرفتي العملو و زعلتي و هو قطع علاقتو بيها كان ممكن يبقي في تصرف تاني...بس هو قطع علاقتو بدون م تعرفي معناها عرف قيمتك... اعملي نفسك م عرفتي شي و حاولي اتعاملي عادي .. عارفه صعب بس عشان بيتك و اولادك م تخربي بيتك.. سامحيهو و لو كررها تاني يبقي في تصرف تاني معاهو)
مياده سكتت بتفكر في كلامي...

خطوبه آيهم و رباب تمت في وسط الفرحه بين العائلتين.. لبسو الدبل و حددو موعد العرس.. رباب و آيهم كانو طايريين من الفرح..

ايمان جات داخله البيت مكشره.. لقت بسمه قاعده في الصاله..
مشت قعدت قصادها..
بسمه ركزت ليها:( مالك ي خالتو?)
ايمان:( الاجراءات حقت الشغل فيها مشكله)
بسمه:( مشكله شنو?)
ايمان:( دايرين ضمان شيك ب مبلغ كبير جدا.. م لقيت زول عندو في حسابو المبلغ ده)
بسمه:( ليه يعني الضمان ده?)
ايمان:( دايره افتح محل ذي ده هنا لازم ضمان..اسي لازم القي زول يديني الشيك ده)
بسمه:( ابوي م عندو?)
ايمان:(لا)
بسمه:( الحل شنو?)
ايمان:( م عارفه.. ممكن تشوفي لي وائل?)
بسمه اتخلعت:( وائل? لالا)
ايمان:( هو بيزنس مان و اكيد عندو)
بسمه:( م بتعامل مع وائل في حاجه ذي دي)
ايمان:( كدي انا بضرب ليهو)
بسمه:(ي خالتو م اظن ينفع)
ايمان:( دقيقه بس)
شالت ايمان تلفونها و دقت ل وائل و كلمتو.. و وائل رحب بالفكره جدا.. ايمان انبسطت و بسمه كشرت وشها..

قاعده مياده تحضر في التليفزيون جاب عمر عاين ليها من بعيد و قف مسافه مراقبها و هي بتحضر.. شويه جا عليها قعد جمبها في الكنبه.. مياده م اتلفتت عليهو..
عمر:( العيال نامو?)
مياده:(ايوا)
عمر:( كويس)
و سكتو...
عمر:( مياده.. انتي مالك? )
مياده:( ماف شي)
عمر:(لا في)
مياده:( عمر سالتني السؤال ده ميه مره و وريتك ماف شي م تعيدو تاني)
عمر:( مياده خليك صريحه معاي)
مياده ختت الريموت و قامت دايره تمشي.. عمر مسكها..
عمر:( طيب اقعدي انا دايرك في موضوع)
مياده:( دايره انوم تعبانه)
عمر:( دقايق بس)
قعدت.. عمر قبل عليها و قال ليها:( مياده انا داير اعترف ليك بشي لاني ضميري مؤنبني و م متعود ادس منك حاجه)
مياده قلبي بقي بضرب شديد..
عمر مدا يدينو الاتنين مسك ليها يدينها..
عمر:( لمن سافرتي انتي و العيال السودان... انا حسيت ب فراغ كبير و ملل.. بقيت م قادر اقعد في البيت بقيت بطلع طوالي بمشي المطاعم و الكافيهات مرات مع اصحابي و مرات براي يوم صحبي جاب معاهو وحده قال صحبتو ..قعدت معانا و اتونسنا و اتعشينا هي كانت بتعاين لي كتير لمن خلصنا و جينا نرجع ركبت معانا وصلناها بيتهم... تاني يوم دقي لي وقم غريب رديت لقيتها هي ...شالت رقمي منو و قالت انو هي ارتاحت اي و كده و بقت تتونس معاي.. تاني يوم اتلاقينا برضو انا و هي برانا... تاني بقينا نتلاقي تقريبا كل يوم بس ونسه و ضحك و كده م قربتا منها كنت بعمل حسابي جدا اني م اقرب منها.. يوم اتلاقينا في فندق الهي كانت نازله فيهو.. اخدنا الكلام و الونسه و م حسيت ب روحي الا و انا معاها في غرفتها م وعيت بالحصل ابدا...زعلتا شديد من نفسي اني خنتك كده...بس انا م كنت واعي والله شكلها ختت لي حاجه في العصير...م عارف والله.. بس انا والله لو واعي م بخونك...ابدا م بخونك ي مياده)
مياده دموعها كانت نازله و جسمها كلو برجف.. و عمر برضو دموعو نزلت..عمر قام قعد قدامها و حبي علي يدينها و هي ببكي..
عمر:( عليك الله سامحيني..و حياه عيالنا سامحيني... انا اسف والله م حتتكرر...م تصدقي زعلتا من نفسي كيف لمن حصل كده.. جد احتقرتا روحي و كرهتها .. سامحيني.. و غلوه عيالنا سامحيني و اوعدك تاني م بتتكرر)
مياده زحت يدينو منها و قامت مشت علي غرفه العيال و رقدت معاهم و دموعها نازله.. عمر قعد متضايق و زعلان..

دخلو منال و سيد بيتهم و معاهم عيالهم مبسوطين بيجرو حولهم و في البيت..
سيد عاين ل منال و هو مبتسم..
سيد:( اعفي لي ي منال انا ظلمتك معاي كتير.. بس انتي اصيله و بت رجال.. و ان شاءالله م حاخزلك فيني تاني)
منال و هي مبتسمه:( العفو ي سيد.. صح انا زعلتا منك كتير بس من جواي بعفي ليك ..انت راجلي و ابوي اولادي)
سيد:( ربنا يخليك لي ي ست الناس)
منال:( و يخليك لي ي سيد الرجال)

بسمه و ايمان قاعدين مع وائل في كافتيريا في المول..
ايمان:( والله ي وائل م عارفه اشكرك كيف.. بس العملتو معاي كبير جدا.. بسبب حافتح المركز البحلم بيهو طول عمري)
وائل:( العفو ي مدام ايمان.. ده اقل واجب)
ايمان:( الله يخليك)
ايمان تلفونها دقي.. شالتو و قامت..
وائل عاين ل بسمه و هو مبتسم...بسمه من جواها عجبها موقف وائل مع خالتها.. بس م كانت مبينه..
وائل:( بسمه ممكن تمشي معاي المحل ده داير اشتري حاجه)
بسمه:( طيب)
و قامو مشو علي المحل.. كان بتاع هدوم رجاليه..
وائل وقف علي قمصان و بقي بعزل..
وائل:(رايك شنو في القميص ده?)
بسمه:( حلو)
وائل:( احلي ده وله ده?? )
بسمه تعاين ليهم..
بسمه:( الكحلي احلي)
وائل شالو..
وائل:( و تاني.. اعزلي لي.. داير البس ب زوقك)
بسمه بقت تعزل ليهو.. وائل كان مبسوط.. بس بسمه م كانت مبسوطه شديد..

#الهاربه《27》

#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏
ايمان و حنان اتفقو يعملو كل جهدهم عشان بسمه ترضي ب وائل.. و فعلا طول اليوم في سيرتو و بلاقوهو كل م يطلعو بسمه بذت تجهز مع ايمان في المحل و وائل بجيهم كل يوم.. يوم يجي شايل اكل و يوم عصائر...وائل اخد اجازه ذياده و قعد في دبي عشان خاطر بسمه..

انتصار قاعده في البيت براها بتعاين للبيت فاضي حولها.. سيد ولدها الوحيد و ساق عيالو و مشي بيتو.. انتصار م كعبه بس كانت يتغير علي ولدها دايراهو يكون جمبها هو و عيالو.. عشان كده كانت بتعامل منال كعب و بتخلق بينهم المشاكل..
كانت مبسوطه ب وجود سيد و عيالو حولها...بس لمن مشو زعلت و حست نفسها وحيده براها..قعدت حزينه و مستاءه..

سيد قاعد في بيتو بعد الغدا هو و منال بشربو في شاي..
سيد كان سرحان شويه..
منال ركزت ليهو..
منال:( في شنو ي سيد?)
سيد اخد نفس..
سيد:( امي ي منال)
منال كشرت..
سيد:( يعني ي منال انا اعمل شنو? يعني ديك اامي و انتي مرتي.. يعني انا اعمل شنو? احلها كيف?)
منال سكتت..
سيد:( ي منال امي طبعها حاد شويه بس من جواها حنينه و طيبه و هي بتغير علي و دايراني جمبها انا ولدها الوحيد)
منال:( ي سيد انا م رافضه امك بلعكس انا نفسي تعيش هنا وسطنا هي م عندها غيرنا...بس ي سيد امك صعبه و م بتريدني. انا حاولتا اتحملا كتير بس جد م قدرتا...و انت لمن تقيف معاها بتزعلني ذياده)
سيد:( يعني انا بتختا في موقف كعب بينك و بينها...يعني اطلع امي غلطانه و اصدقك انتي?)
منال:( انت ابقي مع الحق بس)
سيد:(امي حتزعل.. انا اسي اعمل شنو? متاكد امي حتكون قاعده زعلانه عشان براها)
منال:( سيد.. البيت هنا كبير و بسع من الحبايب الف امشي اقعد مع امك و اتفاهم معاها و جيبها و تعال.. و انا بشيلا في راسي.. بس اني امشي ليها عشان تشاكلني م اظن)
سيد سكت بفكر..
سيد:( طيب بشوف)

مراد كان داير يقول ل بسمه انو هو م دايرها بس كانوخايف عليها و علي مشاعرها و م داير يصدمها ذياده كفايا موضوع راشد.. و م داير يقول لي حاجه بدون م ينهي علاقتو مع بسمه بقس محتار م عارف يعمل شنو.. جات حجه زهره قعد جمبو بتعاين ليهو و هو م حاسي بيها..
حجه زهره:( مالك ي مراد ي ولدي?)
مراد عاين ليها:(ماف حاجه ي حبوبه)
زهره:( انت بتحب ملك ي مراد?)
مراد عاين ليها باستغراب و سكت..
زهره:( قول لي انا بقدر اساعدك)
مراد:( داخل في دوامه ي حبوبه م عارف اطلع منها كيف)
زهره:( احكي لي)
مراد اخد نفس طويل...
مراد:( كلامك صح ي حبوبه.. انا بحب ملك و دايرها.. بس بسمه م عارف الحاصل معاهت شنو.. م قادر اقول ليها م دايرك خايف علي مشاعرها و هي اصلا طالعه من صدمه يدوب.. و م بقدر اكذب و استمر معاها ساي.. و ملك. مستنياني.. بديت ليها كلام و مفروض اتمو.. بس كيف م عارف)
زهره:( امشي ل بسمه حل الموضوع معاها براحه و بعدين شوف ملك)
مراد:( امشي ليها وين? اسافر ليها دبي?)
زهره:( ايوا و مالو عشان ترسي علي بر بدل انت مهموم و جايط كده)
مراد:(ينفع يعني?)
زهره:( اكيد)

شغالين بسمه و ايمان في المحل.. بسمه كانت متعوده يجيهم وائل كل يوم.. بس اليوم داك م جا.. و هي بقت مستنياهو.. كل شويه تعاين للباب عشان تشوفو لو جا.. بس وائل م جا.. و ايمان لاحظت ليها..
ايمان:( مالك ي بسمه?)
بسمه:( ماف شي)
ايمان:( كل شويه بتعايني للباب)
بسمه:( امي قالت بتجي.. مفروض تجي)
ايمان:( امك? كويس)
ايمان ابتسمت و عرفت انو بسمه مستنيه وائل.. و عرفت انو خططهم نجحت..
ايمان شالت التلفون و رسلت ل وائل مسج.. قالت ليهو:(.خططنا ماشه كويس شديد.. و بسمه مستنياك من قبيل.. اوعي تجي خليها كده)
وائل قرا المسج و انبسط شديد...

بليل بسمه شايله التلفون و دايره تضرب ل وائل بس متردده.. و اصلا ايمان قالت ليها وائل قال عيان.. في الاخر شالت التلفون و دقت.. وائل لمن تلفونو دقي و عاين لقي اسم بسمه انبسط شديييد.. و ردا..
وائل بصوت تعبان:( الو)
بسمه:( وائل كيفك?)
وائل:( تمام الحمدلله ي بسمه)
بسمه:( سلامتك)
وائل:( الله يسلمك ي بسمه.. كيفك?)
بسمه:( تمام الحمدلله.. بقيت كيف?)
وائل:( لمن سمعتا صوتك بقيت كويس)
بسمه:( وائل لو سمحتا)
وائل:(مالك ي بسمه مصعبه الموضوع كده? دي حاجه حسيت بيها و قلتها.. لانو فعلا صوتك شفآي)
بسمه:( وائل انا حاقفل)
وائل:( لو بهون عليك اقفلي)
بسمه اترددت و م قدرت تقفل..
وائل:( شفتي كيف? انتي كمان مائله لي بس مكابره)
بسمه:( وائل ممكن م نسبق الاحداث?)
وائل:( انا م بسبق حاجه انا بس داير منك حيط امل بسيييط و انا مستعد اقيف جمبك لمن تبقي كويسه و تقبلي بي.. والله ي بسمه انا جادي معاك شديد و بريدك و دايرك و قاعد هنا مخصوص عشانك و لو م انتي م كنت قعدتا هنا ولا يوم)
بسمه ساكته بس كانت مبسوووطه ب كلام وائل معاها..
وائل:( اها.. في امل? وله م اعشم نفسي ساي و ارجع لندن)
بسمه سكتت..
وائل:( بسمه عايني انا م حاجبرك علي حاجه حاخليك ب راحتك انتي بقيتي تعرفيني و اتعاملتي معاي كتير طول الفتره الفاتت.. و القرار بقي في يدك.. اما توافقي بي و نواصل مع بعض اما انا برجع بلدي و بخليك في حالك لاني م داير اعشم نفسي ساي بدون ااي امل)
بسمه:(وائل انا محتاره و جايطه م قارده ارسي علي بر)
وائل:( الموضوع بسيط جدا انتي براك المكبراهو و خلاك جايطه كده.. عايني ي بسمه انا إجازتي انتهت و بعد بكرا حاسافر.. حاستني منك الموافقه لحدي بعد بكرا...لو وافقتي بي ابقي تمام و حنقعد نتفق علي كل حاجه و لو م دقيتي لي لحدي م سافرتا يبقي م وافقني و تاني م بسالك ولا بضرب ليك و كل واحد منا في حالو.. تمام?)
بسمه بقلق:( تمام)
وائل قفل علي كده.. بسمه ختت التلفون و بقت محتاره و متردده..

قاعد سيد مع انتصار..
سيد:( يعني عاجبك انك قاعده براك كده?)
انتصار:( ااي بقعد براي مش سوقتا عيالك مني و مشيت لمرتك?)
سيد:( ي امي انا تعبتا من المشاكل و الجوطه بينك انتي و منال.. ي امي انتي امي و علي عيني و راسي و م برضي زعلك و ديك مرتي و ام عيالي.. يعني ي امي انا اعمل شنو? اتقسم بينكم كيف?)
انتصار:( لالا م تتقسم..اقعد مع مرتك و خليني قاعـده براي.. معاي ربنا م براي انا)
سيد قبل علي امو و مسك يدينها حبي عليها..
سيد:( ي امي الله يخليك لينا.. شيلي منال من راسك و حبيها ذي بتك و تعالي اقعدي معانا.. نعيش مع بعش كلنا انتي عندك غيرنا ولا احنا كمان م عندنا غيرك)
انتصار:( مرتك م بتحبني كيف اقعد معاها?)
سيد:( والله بتحبك و دايراك و قالت لي اقول ليك تعالي اقعدي معانا.. تعالي ي امي الله يخليك.. تعالي عيشي في وسطنا عشان اكون مرتاح و انتي جمبي م اكون مقلق عليك)
انتصار:( م برتاح الا في بيتي و براي.. مرتك دي م بتنفع معاي)
سيد حنس امو كتير بس كانت بتعاند.. في الاخر اترجاها انو تجيب شنطتها و تجي تعيس معاهم و مشي و خلاها... انتصار بقت في دوامه تفكير تمشي وله لا..

عمر صحي ب صوت عيالو بصحو فيهو..
محمد:( بابا.. بابا اصحي)
عمر فتح عيونو..
عمر:( في شنو?)
محمد:( ماما مافيشه)
عمر قام مخلوع:( شنو?)
احمد:( م عارفنها مشت وين? هي قالت ليك ماشه حته?)
عمر قام مخلوع مشي فتش الصاله و المطبخ و الحمام و غرفه العيال بس م لقي مياده.. قعد في الصاله و ختي يدينو في راسو و بقول في نفسو:( مياده مشت.. م حتجي تاني ضيعتا مياده ب يدي)

مياده دقت لي حكت لي بالحصل كلو..
قلتاليها:( مياده ارجعي بيتك.. م تخربي بيتك بيدك)
مياده كانت قاعده علي البحر و بتبكي..
مياده:( انتي بس ختي نفسك مكاني...بتتحملي راجلك يخونك?)
قلتاليها:( مياده حبيبتي...عمر حسي بغلطو و اعترف ليك براهو .. الناس كلها بتغلط ماف زول معصوم من الغلط)
مياده:( غلط من غلط بفرق.. غلط عمر كبير م. بقدر اغفرو ليهو)
قلتاليها:( م كبير .. البينكم هو الكبير...الحب البينكم كبير... م. تخربي اي شي ..خافي علي بيتك و عيالك)
مياده:( هو ليه م فكر فيني و في بيتو و عيالو قبل يعمل العملو?)
قلتاليها:( خلاص هو غلط انتي كمان حتغلطي ذيو? مياده الله يرضي عليك ارجعي بيتك و لو عشان عمر في الف طريقه ممكن تعاقبيهو بيها بدون م تطلعي من البيت...اقعدي عشان عيالك.. انسي عمر كانو م موجود و مع الايام بتحلا اي شي.. اسمعي كلامي..ارجعي بيتك ي مياده عيالك صغار و محتاجين ليك)
مياده سكتت بتسمع في كلامي..

قاعده بسمه في المحل شغاله.. تلفونها دقي عاينت لقتو رقم غريب...ردت...
بسمه:( الو)
جاها صوت مراد:( بسمه كيفك? انا مراد)
بسمه اتخلعت عاينت ل الرقم..
بسمه:( مراد?? انت هنا في الامارات?)
مراد:( ايوا ي بسمه انا جيت هنا و داير الاقيك اسي ضروري)
بسمه اتخلعت شنو?)

قلقتا من سكوت مراد و فاض بي الانتظار قلتا اضرب ليهو.. دقيت ليهو لقيت تلفونو مقفول استغربتا.. قلتا مراد م بقفل تلفونو ساي.. استنيتو ساعه ساعتين تلفونو مقفول.. في الاخر دقيت ل حجه زهره سلمتا عليها و سالتها منو..
قلتاليها:( ي حجه وين مراد تلفونو مقفول كنت دايره اسالو من حاجه)
زهره:(والله مراد سافر الامارات)
اتخلعتا شديد..
قلتاليها:( الامارات? لشنو?)
زهره:( قال عندو حاجه مهمه)
قلتاليها:( حيرجع متين?)
زهره:( يومين كده ان شاءالله)
قلتاليها:( ان شاءالله)
و قفلتا علي كده.. راسي بقي بودي و بجيب...مراد مشي الامارات عشان بسمه اكيد...ماف حاجه بتوديهو الامارات كم يوم ساي.. مشي ليها لشنو? اشتاق ليها?داير يشوفها? وانا? وين من كل ده? مش قال دايرني? و بحبني? ليه م سال مني تاني? ليه م جاني هنا? و ليه سافر ل بسمه?)
الف سؤال جا في راسي و م لقيت ليهو اااي اجابه غير البكي..

احدث الروايات

رواية دقة_قلب -(الفصل الاول)

رواية اغرمت_به الجزء الأول

روايه انقذتني ــ ضرتي (الجزء الاول)

رواية اغرمت_به الجزء الثاني

روايه انقذتني ــ ضرتي (الجزء الثاني)

رواية اغرمت_به الجزء الثالث

رواية أحببتها~حد~الهوس -(الفصل الاول)

رواية نوارة

رواية الوادي_الملعون -(الفصل الاول)

رواية زوجة ابني اصبحت بنتي -(الفصل الثاني)

رواية الهاربه -(الفصل الثالث)

الهاربه

#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《21》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《22》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《23》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《24》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《25》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《26》
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《27》

#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

#الهاربه《28》
#الاخيــــــــــــــــــــــــرة
#بقلمي_فاطمه_السر‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏

إرسال تعليق

نموذج الاتصال