رواية الهاربه -(الفصل الثاني)

الهاربه

#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 

#الهاربه《11》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قاعد مراد مع ايمن في المعرض..مراد شكلو كان محتار و جايط شديد..
ايمن:( مراد الحصل ده عادي و احساسك عادي لانو انت كنت بتحبها في يوم من الايام.. بس انتي اسي بتحب بسمه و حتعرسها)
مراد:( اي بحب بسمه بس م ذي ملك.. ملك حاجه تاني.. و انا كنت ناسيها و كل احساسي مع بسمه بس من جات بيتنا حسيت باحساس غريب نحيتها.. قلتا ده تعاطف عشان الحصل ليها بس و بقيت بتقرب من بسمه اكتر عشان م افكر في ملك... بس تاني م عارف الحصل شنو.. و نقاشي معاها امبارح جاط كل الاحاسيس الجواي)
ايمن:( مراد.. ممكن يكون عندك لسه احساس ل ملك..  بس انت بتحب بسمه و مقتنع بيها و متفقين علي العرس.. م تجوط حياتك ساي م تركز مع ملك.. صالح بسمه و ارجعو لبعض)
مراد:( م عارف كل م اشوفها قدامي بجوط ذياده)
ايمن:( هي اكيد حتمشي م حتقعد كتير ..اول من تمشي تمسحها من حياتك كانها م كانت)
مراد:( بالسهوله دي?)
ايمن:( ايوا بالسهوله دي ذي م هي مسحتك فجاه كانو م كنت..  م تلخبط حياتك ..ملك مشاكلها كتيره و حتعمل ليك مشاكل ساي.. خليك مع بسمه احسن ليك و م تظلم بسمه ساي و يحصل فيها ذي الحصل زمان معاك لمن ملك خلتك)
مراد:( انا احساس اني اظلم بسمه مخوفني شديد م داير اظلمها و اعيشها في جحيم .. م داير اضوقها نفس الانا ضوقتو)
ايمن:(اي م تظلمها بسمه طيبه و بتستاهل كل خير.. فكر كويس و اعرف الحاصل ليك ده م حب.. ده باقي الحب الزمان..  بس اسي انت كل حبك و احساسك ل بسمه و بس)
مراد سكت بقي بفكر ..

بسمه جهزت الغدا ل خالتها و اكلتها.. و قعدت معاها في الغرفه و راشد قاعد برا في الصاله مستنيها تطلع بس بسمه كانت عارفاهو مستنيها عشان كده م طلعت..
بليل لمن ايمان نامت بسمه طلعت من الغرفه عشان راشد بجي ينوم فيها.. طلعت الصاله لقتو مافيش.. حمدتا ربنا قالت اكيد طلع.. مشت علي غرفتها و دخلت و قفلت الباب قبلت وراها لقتو واقف في نص الغرفه.. بسمه اتخلعت و قبلت علي الباب جا عليها سرعه و مسكها من يدينها الاتنين شديد و بقي بقرب منها شديد.. بسمه دايره تكورك قفل ليها خشمها.. بسمه بقت م قادره تقاومو..  
راشد:( انا لمن اكون داير حاجه ماف زول بمنعني)
بسمه دايره تتكلم بس هو قافل ليها خشمها و قرب منها شديد و بلمس فيها و بسمه بتحاول تقاوم.. في الاخر فتحت خشمها و غضتو في يدو شديد طوالي فكاها و داير يكورك من الالم بس خاف ايمان تسمعو.. بسمه طوالي طلعت جرت علي غرفه ايمان دخلت و قفلت الباب بالمفتاح و دخلت الحمام جوه بقت تبكي..

استنيت مراد يجي علي الغدا م جا.. جا لحدي المغرب استحما و لبس هدوم الكوره و طلع مشي.. بدون م يتكلم معاي.. قلبي وجعني شديد حسيت اني رجعتا عذبتو تاني..
رجع ذي الساعه 10 بليل و دخل استحما و دخل غرفتو قلتا امشي اشوفو يمكن م اكل.. مشيت دقيت الباب.. جاني صوتو :( ادخلي)
فتحتا الباب لقيتو راقد في السرير..
قلتاليهو:( م داير تاكل?)
مراد:( م عندي نفس)
قلتاليهو:(ليه?)
مراد:( كده بس)
كان بتكلم معاي و هو مكشر و بدون م يعاين لي.. كان بعاين في نقطه في الغرفه.. شكلو كان كعب شديد زعلان عمري م شفتو زعلان ذي اسي.. دخلتا مشيت عليهو..
قلتاليهو:( مراد.. انت زعلان مني قدر ده?)
مراد بحسم:( ملك لو سمحتي انا م داير نقاش)
قعدتا في طرف السرير...
قلتاليهو:( لا وريني احكي لي في شنو?  انت متضايق مني قدر ده? و له لسه زعلان عشان انا خليتك ..فهمني)
مراد قبل عاين لي و قعدت علي حيلو..
مراد بعتاب:( اي م قدرتا انسي انك خليتيني م قدرتا اسامحك.. كل م اشوفك بتذكر الحصل.. انك قررتي فجاه تخليني بدون اي سبب و لا حتي كلفتي نفسك انك تجي تقعدي معاي توريني الحاصل ب تلفون بس في مكالمه مدتها 5 دقايق لغيتي حب سنه كامله لا فكرتي فيني لا الحيحصل لي شنو لمن تخليني..  و انا كرامتي م بتسمح لي اني احنسك تكملي معاي.. مش اخترتي كده خليتك علي اختيارك)
قلتاليهو:( اختياري كان غلط)
مراد:( لو كان غلط كنتي حسيتي بيهو زمان و انتي مع سامي و عايشه مبسوطه معاهو و انتي بتجهزي في شيلتك و في عرسك.. م اسي لمن لقيتي روحك براي و ماف غيري واقف معاك)
قلتاليهو:( مراد وقفتك دي م حانساها ليك طول عمري.. بالجد اثبتت لي اني كنت غبيه لمن خليتك.. و جد ندمتا)
مراد:( ندمك ده م حيفيد ب شي)
قلتاليهو باستسلام:( فعلا م حيفيد انت عندك بسمه.. بت حلوه و لايقه عليك شديد.. و حتعرسو و تعيشو حياتكم مبسوطين.. و جد بتمني ليكم السعاده)
و قمتا طلعتا طوالي مشيت غرفتي قعدتا في السرير و دموعي نازله حسيت خلاص مراد راح مني..
مراد رقد متضايق و زعلان..

بسمه من الصباح بدري طلعت حتي الشاي م شربتو قالت مستعجله.. ايمان كانت بقت احسن و قامت اتحركت..
بسمه كانت متضايقه شديد من العملو معاها راشد و دموعها م وقفت.. بس م قادره تكلم زول م بتقدر تكلم خالتها لانو ممكن تخرب بيتها.. و لو كلمت مراد حيمشي ييضربو و حتحصل مشكله و الناس كلها حتعرف..
جات قعدت في مكتبها و زعلانه و سرحانه.. ريم ركزت ليها قامت قعدت جمبها..
ريم:( مالك ي بسمه)
بسمه من السؤال ده بس بقت تبكي..  ريم اتخلعت..
ريم:( بسم الله في شنو?  مراد كويس?)
بسمه هزت راسها ب نعم..
ريم:( طيب مالك?  خالتك تعبانه لسه?  الحاصل شنو قلقتي بي)
بسمه مسحت دموعها و اخدت نفس و حكت ل ريم بالحصل من راشد...ريم اتخلعت شديد..
ريم باستغراب:( راشد راجل خالتك?.. شوف الراجل الكبير الما بخجل يخس عليهو و علي شيبتو.. و ليه م كلمتي خالتك?)
بسمه:( م بقدر حتتشاكل معاهو و ممكن يتطلقو عادي)
ريم:( ااي مالو تطلق بدل تعيش مع واحد حقير ذي ده)
بسمه:( لالا خالتي بتحبو و متعلقه بيهو م بقدر اخرب بيتها)
ريم:( يعني انتي دايره خالتك تعيش مع واحد ذي ده?)
بسمه:( لالا م بقدر انا بس م حامشي ليها تاني.. من زمان هو بعمل لي حركات و انا دايرك و بحبك بس م كنت قايلاها حتصل للدرجه دي..تصل انو يستناني في غرفه النوم)
ريم:( حقير بطريقه غريبه ذاتو.. عايز يقل ادبو يمشي بعيد بس يحاول يعتدي عليك انتي بت اختها و في بيتها??.. لالا ده كتير شديد..انتي ليه م هددتيهو و قلتي حتكلمي خالتك?)
بسمه:( هددتو ميه مره بس م بصدقني عارف اني م حاكلم خالتي)
ريم:( لو كترا ماف حل غير تكلمي خالتك ..و احسن ليها تطلق بدل تعيش مع واحد حقير ذي ده و هي مغشوشه فيهو و حاسباهو راجل مع الرجال)
بسمه اليوم كلو بتبكي و ريم بتهدي فيها..

بليل مراد بتكلم مع بسمه في التلفون..
مراد:(ي بسمه انتي ممكن تفهميني?)
بسمه:( انت افهمني و حس بي)
مراد:( انا م بقدر اقول ليها م بقدر ..لو هي مشت براها انا م بقول ليها اقعدي.. و هي اصلا حتمشي م حتقعد طوالي)
بسمه جاتها فكره في راسها..
بسمه:( طيب ي مراد حاستني عليها اشوف حتمشي متين)
مراد ابتسم:( ايوا كده خليك عاقله ياخ)

حجه زهره كانت حتوصل الظهر انا قمتا من الصباح جهزتا اليت و دايره اطبخ..سمعتا الباب بدق كوركتا ل حوا عشان تفتح م ردت لي.. مشيت لبستا طرحه و مشيت فتحتا الباب..  لقيت بسمه قدامي.. اتخلعتا شديد لمن شفتها..

حجه زهره وصلت الظهر.. عادل نزلها و مشي .. سلمت عليها و جبتا ليها عصير..  مراد دقي اتطمن انها وصلت..

في الغدا قاعدين انا و حجه زهره و مراد.. مراد م حاول يعاين جهتي او يتكلم معاي.. بس اتكلم مع حبوبتو.. و حكو عن عرس ساره..بعد الغدا دخلتا غرفتي و دقيت ل مياده..
قلتاليها:( الو مياده.. اسمعي كلامي ده كويس)

يوم العرس من الصباح انا و حجه زهره مشينا عن امل في بيتها خدمتا معاهم وقت العقد و الغدا .. بليل العرس كان قدام البيت.. لبستا فستان ظريف و بسيط و عملتا حبه ميكب.. و طلعتا الحفله قعدتا جمب حجه زهره.. و شفتا مراد من بعيد كان قاعد مع اولاد الحله ..هو كمان عاين لي من بعيد... ساره طلعت حلوه شديد و حفلتها بسيطه و ظريفه..بعد الحفله رجعنا البيت انا و حجه زهره.. حجه زهره طوالي مشت غرفتها و انا مشيت غرفتي لملمتا هدومي كلها في الشنطه جهزتا حاجاتي.. و كتبتا جواب ل مراد... رقدتا نمتا شويه.. بعد صلاه الصبح دقت لي مياده قالت هي برا...قمتا شلتا شنطي و طلعتا براحه بدون م زول يحس بي.. و الجواب دخلتو من تحت فتحت باب غرفه مراد و مشيت..  قلبي وجعني شديد و اتضايقتا اني خليت البيت و حجه زهره.. بس لازم كان امشي م ينفع اقعد.. مراد متعذب بي و حياتو حتخرب بسببي و كمان  معذبني معاهو.. شلتا هم حجه زهره لمن تعرف اني مشيت.. مياده كانت اجرت لي شقه صغيره فيها غرفه وحده و حمام و مطبخ صغير .. كنت متضايقه شديد و مياده حست بي بس م سالتني .. فضت معاي حاجاتي و كانت جايبه لي حاجات تموينيه للبيت.. اكلنا سندوتشات و شربنا شاي و هي مشيت و انا رقدتا انوم..

مراد صحي من النوم مع المنبه قفلو و قام.. شال بشيرو من الدولاب و ماشي علي الباب لقي الجواب.. شالو باستغراب و فتحو قراهو:( مراد... انا طلعتا من البيت و من كل حياتك و انا اسفه اني سببتا ليك مشاكل كتيره م ليكم ذنب فيها.. اعفي لي..  و شكرا جدا علي الايام الحلوه القضيتها معاكم جد كنتو لي عائله و اكتر.. سلمي لي علي حجه زهره و حب لي علي راسها و خليها تعفي لي ..  انا اسفه مره تاني.. ملك)
مراد اتخلع شديد و قعد في الكرسي قرا الجواب ميه مره ورا بعض و اتضايق شديد لمن كرفس الجواب بيدو و رماهو علي الارض و طلع مشي علي غرفتي فتح الباب و عاين لقي الغرفه فاااضيه وقف مسااافه بعاين ليها و طلع و قفل الباب..

حجه زهره قاعده في الكرسي كانت خلصت من صلاتها و بتسبح..مراد جا داخل..
مراد:( صباح الخير ي حبوبه)
زهره:( صباح الفل .. حوا عملت الشاي?  لو م جات انا بعملو)
و قامت...
زهره:(مرات ملك لو صحت بتعملو)
مراد:( ملك مشت ي حبوبه)
 

#الهاربه《12》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
زهره عاينت ليهو باستغراب..
زهره:(مشت وين?)
مراد:( م عارف)
زهره:( انت شنو العرفك?)
مراد:( لقيتها خاته ورقه كاتبه فيها انها مشت و بتسلم علينا و بتقول نعفي ليها)
زهره:( لا حول ولا قوه الا بالله ليه عملت كده?  مشت وين? لاهلها?)
مراد:( م اظن)
زهره:( ليه بس كده ي ملك ? زعلناك في شنو? يحليلك ي بتي)
مراد طلع طوالي م كان داير حبوبتو تركز ل زعلو.. و حجه زهره كانت بتتكلم.. مراد سامع كلامها لحدي م وصل باب الشارع..

قاعده بحضر في التليفزيون افتقدتا حجه زهره و حكاويها.. بتذكر في كلام بسمه معاي..
بسمه:( عايني ي ملك انا جاياك في كلمتين..  انتي بت ناس و م بتحبي المشاكل و م بتحبي تعملي ل ناس فتحو ليك بيتهم و اكرموك و عشتي معاهم مشاكل.. مراد بحبني و متفقين نعرس و من جيتي انتي حياتنا انا و مراد اتلخبطت.. احسن تطلعي من حياتنا عشان نرجع انا و هو كويسين.. ده لو بهمك راحت مراد و حبوبتو..عن اذنك)
و مشت..  

سلمي بتجهز و طالعه مع سامي تلفونها دقي عاينت لقتو حسام كشرت وشها.. تاني بقي بضرب في الاخر زهجت و ردت ..
سلمي بزهج:( ايوا)
حسام قاعد في غرفتو و شايل في يدو سيجاره..
حسام:( شنو ي حلوه م بتردي علي)
سلمي:( حسام انا كلمتك م تضرب لي في اي وقت داير شنو?)
حسام:( الله الله ليه كده بس ي حلوه?  م احنا كنا ماشين كويس حصل شنو?)
سلمي:( حسام.. اختصر في شنو?)
حسام:( لالا انا م بحب الاسلوب ده.. ارجعي لاسلوبك القديم عشان نقدر نتفاهم)
سلمي بنفاذ صبر:( حسام بضرب ليك بعدين.. يلا)
و قفلت الخط..
حسام عاين ل تلفونو و ابتسم..
حسام في نفسو:( حتمشي مني وين بس?  قايله روحك حتشيلي الليله كلها براك...هههه.. تبقي م بتعرفي حسام)

قاعد ايمن في مكتبو و مراد ماشي و جاي قدامو مقلق و زعلان ..
ايمن:( ي مراد ممكن تقعد?)
مراد:( مشت وين?  بس القاها لي.. لازم القاها)
ايمن:( بنلقاها انت بس اصبر)
مراد:( ليه عملت كده حصل شنو?  زعلت من شنو?  نقاشي معاها?  طيب ليه م مشت من يومها?  كانت مستنيه حبوبه تجي حتي تمشي?  انا م قادر افهم م قادر افكر)
و قعد علي الكنبه..
ايمن:( ي مراد كدي اهدي..بنلقاها بسال منها ليلي و بعرف ليك مكانها)
مراد:( اي ليلي اضرب ليها اسي)
ايمن:( اي شويه كده)
مراد قام جا عليهو..
مراد:( اضرب ليها اسي و اسالا)
ايمن:( حاضر حاضر)
و شال التلفون و دقي ل ليلي...الوقت داك ليلي كانت معاي.. عاينت للتلفون..
ليلي:( ده ايمن)
قلتاليها:( اوعي تقولي ليهو انا وين.. اوعي.. قولي م بتعرفي و انا م وريتكم اصلا)
ليلي:(حاضر)
و شالت التلفون و دخلت الغرفه...

ايمن ختي التلفون علي المكتب..
ايمن:( م بتعرف مكانها قالت م قالت ليهم)
مراد زحا من المكتب و هو خاتي يدينو في راسو و احبط شديد..
ايمن بعاين ليهو و هو ساكت..

ليلي ختت التلفون و قبلت علي..
ليلي:(ده شكلو مراد بسال منك)
اللحظه ديك م عرفتا افرح و له ازعل.. بس انبسطا انو فتش علي بس تاني قويت قلبي..
قلتاليها:( تسال منو العافيه)
ليلي:( حتختفي منو كده لمتين?)
قلتاليها:(لحدي م يعرس و ينساني)
ليلي:( كويس...المهم ناس الشغل ديل تمشي ليهم يوم السبت الصباح)
قلتاليها:( اي ان شاءالله)
ليلي:(طيب..انا جيعانه حامشي اظبط فول)
ابتسما قلتاليها:( اي اشتقتا ل فولك السمح داك)
ليلي قامت و ابتسمت لي:( يلا دقايق و يكون قدامك)

مراد م كان قادر يتونس مع بسمه.. و بسمه حست و زعلت ذياده انو مراد زعلان عشان اني مشيت و في نفس الوقت م قال ليها انو انا مشيت..

فرقتا مع حجه زهره شديد و كل شويه تتذكرني و تعاتب علي اني مشيت.. كل شويه تقول ل حوا و مراد يحليلا ملك..

سلمي و سامي مشو المول.. سلمي ااي حاجه نفسها فيها سامي اشتراها ليها...سامي كان كريم شديد.. و سلمي شالتو مني عشان قروشو ..

حسام بدق ل سلمي م بترد اتغاظ منها...رسل ليها مسج هددها فيهو...سلمي لمن قرتو اتخلعت.. رسلت ليهو مسج قالت ليهو بخلص و برجع ليك لمن رجعت من سامي دخلت غرفتها و قفلت الباب و دقت ل حسام..
سلمي:( حسام انت م حتبطل حركاتك دي?)
حسام:( انتي م بتردي علي)
سلمي:( انا قبيل قلتا ليك طالعه مالك م بتصبر?)
حسام:( مع حبيب القلب صح?)
سلمي:( م يخصك ي حسام م تتدخل في حاجه م تخصك... انت داير شنو اسي?)
حسام:( داير 5 الف)
سلمي اتخلعت:( 5 الف ? و انا اجيبا ليك من وين?)
حسام:( من حبيب القلب)
سلمي:( انت جنيت? لا طبعا م بشيل من سامي قروش)
حسام:( عايني م تعملي لي فيها عندك عزت نفس.. انا و انتي دافنيتو سوا)
سلمي:( حسام لو م خليت طريقه التهديد بتاعتك دي انا حاتعامل معاك بطريقه تانيه)
حسام ضحك:( اهو انتي كمان بتهددي... المهم ي  قمر بكرا الظهر داير القروش اتصرفي...يلا باي)
و قفل..
سلمي زعلت شديد رمت التلفون علي السرير بزعل..

ايمن قاعد مع ليلي في مطعم..
ليلي خجلت و دنقرت راسها..
ليلي:( لشنو يعني?)
ايمن:( كيف يعني لشنو?  الزول لمن يقول ليك داير يجيب ااهلو ليكم م عارفه يعني شنو? )
ليلي ابتسمت بخجل..
ايمن:( ليلي انا جادي جدا و داير نعرس الليله قبل بكرا..عشان كده داير اجيكم البيت طوالي)
ليلي:( بس انت لسه م بتعرفني)
ايمن:( كفايا البعرفو.. ليلي مالك خايفه وله متردده?)
ليلي:( لا والله م كده.. بس م عارفه)
ايمن:( انتي م متطمنه لي?)
ليلي:( اكيد متطمنه ليك)
ايمن:( خلاص طيب كلمي اهلك و خليهم يحددو لي اليوم اجيب ابوي و اهلي و اجيكم)
ليلي ابتسمت:( طيب)  

ليلي جاتني في الشقه و حكت لي ب ايمن كانت مقلقه شديد..
قلتاليها:( ي ليلي دي خطوه كويسه شديد و ايمن انسان ممتاز و جادي و لو م جادي م كان قال ليك داير يجي البيت طوالي)
ليلي:( اي صح بس م عارفه احنا لسه م بنعرف بعض)
قلتاليها:( هو قال ليك حتعرسو طوالي?)
ليلي:( لا)
قلتاليها:( خلاص اعملو خطوبه كم شهر لمن تعرفيهو كويس)
ليلي:( و في الكم شهر ديل حاقدر اعرفو كويس?)
قلتاليها:( ي بت ي ليلي مالك فجاه قلقتي?  في شنو?  شفتي او سمعتي عنو حاجه كعبه?)
ليلي:( لالا)
قلتاليها:( طيب مالك?)
ليلي:( م عارفه بس مقلقه)
مديت يدي حضنتها علي قلتاليها:( دي قلق عادي ..الشيطان بخوفك .. انتي اتكلي علي الله و ربنا بسهل ليك امورك يلا اعملو خطوه حلوه خلينا نفرح بيكم.. امشي البيت اسي كلمي امك و وريني البحصل)
ليلي:( حاضر ان شاءالله)
و رفعت راسها عاينت لي بزعل..
قلتاليها:( مالك?)
ليلي:( م دايره اعمل حاجه قبل م انتي ترجعي البيت .. نفسي تكوني معاي في الخطوبه و العرس تكوني وزيرتي و تمسكي لي الفستان و لمن اجدع باكو الورد تشيليهو انتي)
دموعي نزلت ب كلامها بس ابتسمتا و حضنتها علي تاني..
قلتاليها:( بتتحلا حبيبتي ان شاءالله و بحضر عرسك اكيد)
ليلي:( ان شاءالله ي رب)

مراد قاعد في الجنينه و بتذكر فيني.. كلامي و ونستي و ضحكاتي و مناقشاتنا الاخيره وووووو .. التلفون دقي عاين لقاها بسمه عملو صامت و م ردا ليها...

حسام واقف ل سلمي جمب شغلهم.. جات نازله ليهو سلمي مكشره وقفت قدامو و ادتو ظرف فيهو قروش..
حسام شالو و ابتسم :( من يد م نعدمها)
سلمي بزعل:( لا اعدما ي اخوي.. اسمع هنا ي حسام ده اخر البيني و بينك تمام لا دايره اشوف رقمك في تلفوني لا تضرب لي)
حسام:(ليه كده ياخ البينا كتير)
سلمي:( الموضوع انتهي خلاص)
حسام:( م اوعدك ي حلوه.. يلا باي)
و مشي..  سلمي عاينت ليهو ب زعل..

قاعده بسمه مع ريم و هي زعلانه..
بسمه:( متغير معاي شديد ي ريم..بقي م بتونس معاي ذي زمان من البت دي مشت بقي م طبيعي.. و الله بحبها ي ريم..  لو م بحبها م كان فرقت معاهو كده)
ريم:( يمكن حاسي انك السبب في مشيتها)
بسمه:(لالا م اظن لو عارف م كان سابني)
ريم:(معناها فعلا فرقت معاهو)
بسمه:( طيب اعمل شنو?)
ريم:(حاولي رجعيهو ليك بس..ماف حل تاني)
بسمه:(كيف بس بقي طوالي بقول لي م فاضي.. مشغول .. تعبان.. نايم..م بتكلم معاي كتير )
ريم:( عايني.. هي ملك ممكن تكون اثرت فيهو بس هو بحب و اكيد عندك تاثير عليهو..حاولي و اكيد حيرجع ليك)
بسمه:( طيب بحاول)
 

#الهاربه《13》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مشيت قدمتا في شغل و رجعتا قالو بضربو لي..  قعدتا قي الشقه دقت لي ليلي قالت لي ناس ايمن جايين بكرا البيت و اعمل شنو و اسوي شنو??  وريتها تعمل شنو و تلبس شنو و كده..

كنت مستغربه في سلمي مالا اختفت و الحصل شنو و م بترد علي..كنت دايره امشي ليها في بيتها بس اترددتا...

مياده بتتكلم مع عمر راجلها في التلفون..
مياده:( انا م عارفه انت بقيت مشغول طوالي كده ليه?)
عمر:( الشغل ي مياده)
مياده:( شغل شنو ي عمر ? دوامك بخلص الساعه5 تاني مشغول في شنو?)
عمر:( الايام دي بشتغل دوام مساء من 7 ل10)
مياده:( لشنو يعني?)
عمر:( كيف يعني لشنو? عشان المصاريف.. انتي و العيال و عشان نقدر نوفر حبه عشان نعمل بيت في السودان الظروف م معروفه)
مياده م صدقتو حست في حاجه هي شنو م عرفت بس سكتت و مشتو..
مياده:( تمام طيب ربنا يسهل)

طالعه رباب من الشغل لاقت واحد قدامها اسمو آيهم.. كان شغال معاهم في الشركه بس خلاها و مشي اشتغل في شركه تاني..
آيهم بفرح:( رباب)
رباب عاينت ليهو بفرح:( آيهم.. اذيك.. عاش من شافك وينك اختفيت كده?)
آيهم:( والله تقولي شنو بس مع الشغل و الجري)
رباب:( مشيت و نسيتنا)
آيهم:( لا والله طوالي في بالي بس عارفه مشاغل الدنيا انتي)
رباب:( ولا يهمك عازرنك.. كيف انت و ناس بيتكم و الشغل?)
آيهم:( تمام والله الحمدلله.. انتي اخبارك شنو?)
رباب:( تمام الحمدلله)
آيهم:( الحمدلله الناس ديل طلعو وله شنو?)
رباب:( لا لسه قاعدين)
آيهم:( انتي مستعجله?  تعالي معاي نسلم عليهم)
رباب:( يلا)
و دخلت معاهو الشركه تاني...

قاعد مراد مع ايمن في المعرض..
ايمن:( ي مراد دي فرصتك جات لحدي عندك..هي مشت من نفسها انت تعبان ليه? خليها كانو م كانت كانو م جاتك.. و شوف حياتك مالك داير تبوظ حياتك و تقلبا جحيم)
مراد:( انا بس داير القاها)
ايمن:( لشنو? )
مراد:( بس القاها و خلاص)
ايمن:( انت بتحبها?)
مراد:( م عارف م عارف)
ايمن:( مراد اسمع كلامي م تعمل لنفسك مشاكل ساي خليك مع بسمه و انسي ملك دي خالص)
اللحظه ديك بسمه دقت.. مراد عاين للتلفون و م ردا..
ايمن:( منو?)
مراد:( بسمه)
ايمن:( رد عليها يلا)
مراد اتردد بس مع الحاح ايمن ردا جاهو صوت بسمه..
بسمه:( مراد كيفك?)
مراد:(تمام الحمدلله)
بسمه:( الحمدلله.. وينك?)
مراد:(مع ايمن)
بسمه:( طيب ممكن اعزمك علي الغدا۽?)
مراد:( لشنو?)
بسمه:( ساي بس اشتقت ليك)
مراد:( كدي اخلص من ايمن و بضرب ليك..يلا)
و قفل..
ايمن:(مالا?)
مراد:( عازماني علي الغدا)
ايمن:( اهو جاتك الفرصه لحدي عندك.. اطلع معاها و اتكلمو و فرفش شويه بدل الخنقه الانت فيها دي)
مراد:( م عندي مزاج)
ايمن:( لا امشي ليها..يلا قوم قوم زهجتني.. انا ذاتي ماشي البيت ارتاح عشان بعدين ماشين ل اهل ليلي)
مراد:( اجي معاك?)
ايمن:( خاتيك للكبيره)
مراد:( طيب.. يلا)
و قام ..
ايمن:( صلح علاقتك م تخربا ذياده)
مراد:( ان شا۽الله)
و طلع مشي..

قاعدين بسمه و مراد في مطعم بياكلو.. بسمه بتتكلم و تحكي ل مراد و هو ساكت بعاين ليها بس..

جو اهل ايمن ل بيت ناس ليلي و اتعارفو و اهل ليلي وافقو بيهو و حددو العرس بعد شهرين طوالي...ايمن كان جاهز عشان كده حددو طوالي.. ليلي ضربت لي خايفه و متوتره انو العرس حددو..  بس فرحتا ليها شديد و طمنتها..

بسمه كانت صبورا و م مستعجله مع انو مراد كان متغير عليها شديد بس قالت بتصبر عليهو و اكيد حيرجع مراد الهي بتعرفو..
بسمه بقت تقرب من مراد كتير و تتكلم معاهو و تحكي ليهو تفاصيلها كلها و تستشيرو في اي حاجه تخصها.. حاولت تملا حياتو عشان م يفكر فيني..

جاتني مياده كنت قاعده براي زهجانه.. جات و جابت معاها العيال فرحت بشوفتهم جدا حضنتهم شديد و لعبتا معاهم ..
مياده:( كفايا لعب مع العيال ي ملك)
قلتاليها:( مشتاقه ليهم يااخ)
بقيت بلعب معاهم.. مياده سكتت و سرحت..حسيت في حاجه..  فتحتا التليفزيون ل العيال و جيت قعدتا جمبها في الكنبه..
قلتاليها:( مالك?)
مياده:( ماف شي)
قلتاليها:( كيف ماف شي?  شكلك مهمومه كده)
مياده سكتت .. حسيت في شي..
قلتاليها:( احكي في شنو?)
مياده:( عمر.. حاسه بيهو متغير معاي.. م عارفاهو مالو?)
قلتاليها:( كيف يعني?)
مياده:( يعني انت عارفه عمر و علاقتنا كيف.. عمر لازم بعد يرجع بليل يقعد يتونس معاي و يحكي لي بالحصل خلال اليوم...بعرف اقل تفاصيلو و بستشيرني في اقل حاجه..  بس من جيت السودان بقي متغير.. يدوب كلمه كلمتين و خلاص لا بحكي لي ذي زمان.. و طوالي بقول لي مشغول مشغول)
قلتاليها:( يمكن فعلا مشغول)
مياده:( هو قال لي بقيت شغال دوام مساء بس م صدقتو)
قلتاليها:( ليه?)
مياده:( م عارفه)
قلتاليها:( مياده م تخلي الشيطان يلعب ب راسك ساي .. عمر زول كويس و م عندو حركات .. خليك متطمنه)
مياده:( ليه طيب م بتكلم معاي و يتونس ذي زمان.. بحس بيهو مجبور علي الكلام معاي.. و الا انا الاضرب.. هو من نفسو م بضرب لي.. و كلمه كلمتين و يقفل ..جد حاسه في شي)
قلتاليها:( ماف شي اتطمني.. انتي حاولي قربي منو.. يمكن عشان ليك كم شهر هنا حصل جفا بينكم.. اتكلمي معاهو و قولي ليهو مشتاقه ليهو و كده.. شويه حتلقيهو رجع ليك عادي..  ده راجلك حتي لو حسيتيهو متغير منك قربي منو و شوفيهو مالو م تختي كلام في راسك براك و تبعدي منو.. كده الجفا البينكم حيذيد اكتر.. اسمعي كلامي ده و اعملي بيهو.. حتلقيهو رجع عمر البتعرفيهو في ثواني)
مياده سكتت بتفكر.. من جواي خوفتا قلتا م يكون عمر متغير مع مياده بسببي انا..

رباب قاعده في غرفتها بتفكر في ماجد.. تلفونها دقي عاينت لقتو آيهم.. شالت التلفون و ردت..
آيهم:(رباب اذيك?)
رباب:( اهلا ي آيهم.. كيفك?)
آيهم:( الحمدلله.. رباب دايرك في مساعده كده ممكن?)
رباب:( طوالي اتفضل)
آيهم:( تسلمي ي رب.. بس هو موضوع ثقيل شويه)
رباب:( قول ماف مشكله)
آيهم:( والله اختي منال دي متشاكله مع راجلا و شال منها عيالها.. و قاعدين عن امو و هي بتبكي من الصباح مقلقه عليهم دايره تشوفهم.. و احنا طبعا م بخلينا ندخل البيت.. ناس امو ساكنين قريب منكم.. لو بتعرفيهم.. دايرك تمشي تطمني علي العيال)
رباب:( اسمهم منو?)
آيهم:( امو اسمها انتصار الطيب)
رباب:( ايوا بعرفهم بس م شديد)
آيهم:( الحمدلله طيب.. ممكن بس تمشي ليهم الصباح و تشوفي اي سبب و تلاقي العيال و تطمنينا عليهم و ي ريت لو قدرتي تخليني اتكلم معاهم بالتلفون.. جد منال حالتها صعبه شديد)
رباب:( حاضر ي آيهم م عندك مشكله بفكر في حاجه ممكن ادخل بيها البيت)
آيهم:( شكرا ليك ي رباب عارف حاتعبك معاي.. بس والله م لقيت غيرك و قلتا ان شا۽الله تكوني بتعرفيهم)
رباب:( العفو ياخ الموضوع بسيط شديد..ان شا۽الله الصباح بمشي ليهم قبل م امشي الشغل)
آيهم:( خلاص تمام بيناتنا تلفون)
رباب:( تمام طيب)

تاني يوم الصباح رباب استاذنت من الشغل انها حتتاخر شويه و قعدت مع امها سيده  حكت ليها الحاصل..
سيده:( يحليلا والله مسكينه.. اصعب حاجه انو الوحده تتحرم من ضناها)
رباب:(اي والله مع اني م بعرفها بس جد صعبت علي..  المهم ي امي القي لينا طريقه ندخل بيها البيت)
سيده:(احسان بتعرفهم..الا امشي اسوقها و نمشي ليهم)
رباب:( انتي و احسان ممكن تمشو بس انا امشي معاكم بصفتي شنو?)
سيده سكتت مساافه..
سيده:(انا لمن امشي و اقعد شويه انتي اضربي لي و مثلا تكوني دايره مني حاجه او مفتاح البيت و بقول انا عندهم و تجيني هناك و بعدين بتتحلا)
رباب:( خلاص تمام يلا نكلم احسان)
سيده:( يدوب الساعه 9 يمكن م تكون صحت)
رباب:( لالا بتصحي يلا)
سيده قامت لبست توبها و طلعو مشو لاحسان لقوها مافيشه بايته عند بتها بتجي االمسا۽...رباب احبطط بس سيده قالت ليها:( كل تاخيره فيها خيرا.. يلا امشي شغلك و بعدين بتتسهل)
رباب مشت شغلها و آيهم اتصل عليها ورتو الحصل قال ماف مشكله..

مراد م مشي من بالي ولا لحظه.. حاسه نفسي كل يوم بحبو اكتر من التاني.. حسيت روحي مشتاقه ليهو نفسي بس اسمع صوتو بس م قدرتا.. رقدتا بفكر فيهو و دموعي في عيوني..

مياده بتتونس مع عمر و تحكي ليهو و تضحك..تحاول تكسر الحاجز البقي بينهم ده بس عمر م كان قادر يتونس.. في نص الونسه قاطعها..
عمر:(مياده ممكن نتم ونستنا دي بكرا انا نعستا?)
مياده اتخلعت في طلبو و سكتت مسافه..
مياده:( اوكي)
عمر:( تصبحي علي خير)
مياده بزعل:( و انت بخير)
عمر طوالي قفل..  مياده زعلت شديد رمت التلفون علي السرير..
 

#الهاربه《14》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
المسا۽ مشو سيده و احسان ل انتصار الطيب في بيتها سلمو عليها و قعدو يتونسو.. لقو عيال منال قاعدين بلعبو في الحوش..بعد شويه دقت رباب لامها و جاتهم سلمت و قعدت معاهم بقو بتونسو مع اتتصار كانت ظريفه معاهم شديد..
رباب دقت ل آيهم و طمنتو انو الاولاد كويسين و قاعدين قدامها..
آيهم:(يعني اسي هم قدامك?)
اللحظه ديك منال جرت التلفون من آيهم..
منال ب لهفه:( رباب الله يخليك خليني اتكلم معاهم.. اسمع صوتهم ..عليك الله ي رباب)
رباب اتحرجت قدام انتصار و قامت وقفت بعيد منهم..
رباب:( م بنفع ي منال انتصار قاعده)
منال:( الله يلعن انتصار و يلعن سيد و اليوم العرستو فيهو)
رباب:( منال اهدي اكيد حنلقي حل)
منال و هي بتبكي:( ماف حل ماف حل)
آيهم شال التلفون من منال..
آيهم:( خلاص ي رباب شكر ليك تعبناك معانا)
رباب:( العفو ي آيهم)
و قفلو...رباب زعلت شدي علي حاله منال و حرمانها من عيالها..

مرت الايام عاديه.. ليلي بتجهز ل عرسها و مياده مشغوله معاها و بجوني مره مره..
رباب متواصله مع آيهم و منال عشان يحلو مشكله منال و رباب مصره تحل ليها مشكلتها..
سلمي و سامي علاقتهم كويسه شديد و سلمي طوالي بتشيل من سامي قروش.. او بمعني تاني هو بديها طوالي بقول ليها اي شي تحتاجيهو اطلبيهو مني و هي طبعا م قصرت..
انا حسيت انها م دايره تتواصل معاي و خليتها براحتها..
مراد حاول ينساني و يعيش مع بسمه..  بس م كان قادر ..

احسان قاعده مع سيده في بيتها.. جات داخله رباب سلمت و ماشه علي غرفتها وقفتا صوت ايمان..
احسان:( ي رباب بتعرفي وحده استاذه لعيال صغار?  انتصار دايره وحده تقري ليها عيال سيد و تكون قريبه هنا)
رباب ابتسمت :( ايوا انا ممكن ادرسهم ليها)
احسان:( تمام والله بكلما طوالي)
سيده ابتسمت:( ايوا رباب بتي شاطره شديد)
رباب دخلت غرفتها و قفلت الباب و هي مبسوطه و شالت التلفون طوالي و ضربت ل آيهم..
رباب:( آيهم عندي ليك خبر حلو)
ٱيهم:( قولي)
رباب:( انتصار بتفتش في استاذه تقري ليها عيال سيد و انا كلمتا احسان انو ممكن اقريهم ليها و بكده ممكن اتقرب من العيال و اخلي منال تتكلم معاهم)
ٱيهم بفرح:( ي سلااااام ده احلي خبر.. انا حامشي اكلم منال)
رباب:( لالا استني لمن توافق نكلمها يمكن م توافق او تكون لقت وحده غيري)
آيهم:(لالا عليك الله م تحبطيني تاني)
رباب:( لالا م قصدي بس اصبر لمن نتاكد)
آيهم:( خلاص تمام وريني البحصل اول بٱول)
رباب:(ايوا اكيد)

مراد واقف قدام شغل ليلي مستتي ليلي تطلع.. ليلي بعد شويه جات طالعه و ركبت تاكسي و مراد مشي وراها.. وقفت تحت عماره...مراد بقي متفائل انو انا الساكنه هنا.. بعد دقيقتين جات نازله صحبتها ركبتا معاها و مشو...مراد احبط مشي وراهم لقاهم نزلو في محل هدوم.. مراد احبط شديد و مشي خلاهم..

انتصار وافقت ب انو رباب تدرس العيال و مشيت ليهم العصر عشان تدرسهم كانت خايفه و متوتره شديد .. و آيهم و منال بهناك برضو متوترين..  قعدت مع العيال في الصابون براهم..
كانو ولدين و بت الفرق بينهم سنتين.. الولدين تؤام اسمهم احمد و محمد و البت الصغيره اسمها ريان..بعد درستهم شويه آيهم دقي قال ليها منال دايره تسلم علي عيالها..
رباب:( دقايق بس ي آيهم)
و قفلت.. رباب اخدت نفس..
رباب:( محمد و احمد و ريان اسمعوني..حاقول ليكم علي سر و لازم يبقي بينا سر.. اوعو تكلمو زول و لا حتي حبوبه)
محمد:( ليه?)
رباب:( عشان ماما عايزه كده)
ريان بخوف:( ماما?)
رباب:( ايوا ماما)
احمد:( انتي بتعرفي ماما ي استاذه?)
رباب:( ايوا.. ايوا هي دايره تتكلم معاك اسي .. موافقين?)
احمد و محمد بفرح:( ايوا موافقين)
رباب:( و ريان?)
ريان وشها اتغير و خافت..
رباب:( مالك?)
ريان:( لو حبوبه عرفت حتضربنا)
رباب:( اتطمني م حتعرف لانو انتو م حتكلموها صح?)
محمد:( ايوا صح)
رباب شالت التلفون و دقت ل آيهم قبل م الجرس الاول يدق كويس كانت منال ردت ب لهفه..
منال:( الو)
رباب ادت التلفون ل محمد..
محمد:( ماما)
منال بهناك بتبكي:( محمد حبيبي)
منال اتكلمت معاهم ال3 و اتطمنت عليهم.. حتي راقت شويه.. آيهم انبسط شديد من رباب ..

مراد راقب ليلي كم يوم عشان يصل لي بس هي م كانت بتجيني.. انشغلو شديد هي و مياده مني..

فتحتا التلاجه عشان اكل م لقيت حاجه اكلا.. فتشتا في المطبخ كلو م لقيت اي شي اكلو...ليلي و مياده بدوني قروش و بجيبو لي حاجات بس ليهم كم يوم انشغلو و نسوني..  كنت جيعانه شديد مشيت فتحتا دولابي طلعتا خاتم دهب حقي كان عزيز علي شديد م دايره ابيعو بس ماف طريقه تاني.. م بقدر اضرب ليهم اقول ليهم تعالو ادوني قروش يمكن هم ذاتهم م عندهم..  لبستا و نزلتا مشيت محل دهب بعتا الخاتم و مشيت اشتريت اكل للبيت و جيت عملتا اكل و اكلتا..
كنت حاسه ب وحده رهيبه..  حاولتا املا وقتي بس اليوم طويل شديد و مليت من اي حاجه.. اصحاب م عندي عشان اتونس معاهم.. التلفزيون ممل جدا.. الكتب كرهتها م لقيت حاجه تشتغلني.. بقيت بفكر في الحاصل لي و اني لازم القي حل م ممكن اقعد كده.. بس الحل شنو م عارفه.. فكرتا الاقي حسام و اتكلم معاهو و اصل معاهو انو يقول الحقيقه و انو هو اللعب بالصور و  يطلعني بريئه من موضوع الصور حتي لو وصلت اني اعرسو..  بس اثبت برا۽تي و خلاص..  
فعلا طوالي شلتا التلفون دقيت ل حسام.. ردا علي..
قلتاليهو:( حسام انا ملك)
حسام اتخلع شديد:( ملك?)
قلتاليهو:( ااي مالك مستغرب كده?)
حسام:( ابدا بس م متوقعك تضربي لي)
قلتاليهو:( م تتوقع حاجه تاني..  حسام بالنسبه للصور الوريتها ل سامي و ماجد.. اها موضوعها شنو?)
حسام:( انتي م متذكره الصور دي?)
قلتاليهو:(اتذكرا كيف يعني?  هي حقيقيه?)
حسام:( ايوا)
قلتاليهو:( حسام.. الموضوع اخد اكتر من حجمو بكتير..  دايراك تلغي موضوع ده و الدايرو انا بديك ليهو)
حسام:( تديني شنو?)
قلتاليهو:( الدايرو)
حسام:( تتزوجيني?)
قلتاليهو:( ايوا.. بس اول تمشي ل ماجد و سامي و كل اهلي و تنفي موضوع الصور ده و تقول انت عملتا كده بدافع الغيره بس عشان كنت حاعرس سامي)
حسام:( امممممم)
قلتاليهو:( مالك?  مش ده الحصل?)
حسام:( دايراني اكذب?)
قلتاليهو بنفاذ صبر:( تكذب في شنو?)
حسام:( انو الصور ده انا لعبتا فيها.. ملك الصور دي حقيقيه)
قلتاليهو و انا بكورك:( كيف يعني حقيقيه?  انت مجنون? انا عملتا كده يعني?? )
حسام:( اي حصلت)
قلتاليهو و انا بكورك:( كيف يعني حصلت?  انت واحد كذاب و حقير و انا م حاسيبك)
حسام:( عايني م تكوركي)
قلتاليهو:( حسام ماف زول بعمل العملتو ده.. مهما عملت فيك م مفروض تعمل كده)
حسام:( انتي براك العملتي م انا.. انا وريتك.. ي ملك اوعي تعرسي سامي.. بس م سمعتي الكلام)
قلتاليهو:(عشان بحب سامي و دايره اعرسو و م دايراك انت تعمل فيني كده?  تشردني بالطريقه دي?  تحرمني من اهلي و اعيش في بلدي كاني غريبه?  م حرام عليك ي حسام?)
حسام:( انتي الجبتيهو ل روحك)
قلتاليهو:( اسي اهو خربتا العرس و خربتا حياتي.. استفدتا شنو?)
حسام:( استفدتا انك م عرستي.. و انا الحاعرسك.. انا بس ي ملك)
سكتا مسااافه قلتاليهو:( و انا موافقه اعرسك بس بشرط)
حسام:( عايني م بحب الشروط)
قلتاليهو:( لا حتحبها...تمشي لاهلي و تقول انك انت اللعبتا بالصور و انو انا بريئه.. و انا بعد داك مستعده اعرسك)
حسام بقي بضحك:( بالله?  و انا حاثق فيك يعني?)
قلتاليهو:( اها اثبت ليك كيف اني حاوافق بيك)
حسام:( م عارف بس خليني افكر فيها.. اسي انا برا الخرطوم يومين و بجي و بضرب ليك.. تمام?)
قلتاليهو:( تمام)
و قفلنا علي كده.. و رميت التلفون بزهج في السرير..

ايمان قاعده تحضر في التليفزيون.. راشد دقي ليها.. شالت التلفون ردت..
ايمان:( الو.. الو)
جا صوت ونسات و ضحك.. سمعت صوت راشد مع مرا بضحكو و بتونسو..
ايمان اتصدمت شديد بقت تسمع في صوتهم و تقول :(الو الو)
في الاخر قفلت الخط و دموعها نازله...

رباب بقت كل حصه تخلي اولاد منال يتكلمو معاها و منال بتستني الحصص بفارق الصبر.. آيهم كان مبسوط جدا من رباب و العملتو معاهم..

نايمه ايمان في غرفتها جا داخل راشد ماشي براااحه عشان م يصحيها.. ايمان كانت صاحيه قامت قعدت علي السرير..
راشد:( انتي صاحيه?)
ايمان:( ايوا كنت وين?)
راشد:(كنت مع صفوت تعب...)
ايمان قاطعتو:( بطل كذب .. كرهتا كذبك انا)
راشد:( م بكذب انا)
ايمان قامت وقفت:( كل يوم سهر و تاخير ة كذب.. و كل م اسالك تتحجج لي ب اصحابك ديل)
راشد:( لانو صح)
ايمان صرخت فيهو( انت كذاب انت كنت مع وحده.. شوف)
و شالت تلفونها مشت عليهو ورتو مكالمتو..
ايمان و دموعها نازله:( شوف التلفون دقي بالغلط و سمعتا صوتك انت و معاك مرا.. سمعتكم بتتونسو و تضحكو مع بعض)
راشد اتخلع شديد..
ايمان:(عرفتا انك كذاب)
و مشت شالت الغطا بتاعها و مشت طلعت من الغرفه مشت الغرفه التانيه قعدت علي السرير و بقت تبكي..
راشد قعد في السرير مصدوم..  كان بخونها طوالي بس م كان متوقع انها ممكن تكتشفو و تواجهو كده..
 

#الهاربه《15》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ايمان كانت طول حياتها مع راشد عارفه انو بخونها ب مكالماتو الليليه و تاخيرو برا البيت طوالي...بس موضوع عدم ولادتها كان كاسرها م قادره تواجهو كانت بتكتم جواها و تسكت..  بس لمن سمعت صوتو مع مرا تاني اتضايقت شديد و قررت تواجهو و م تكتم جواها..

ايمان صحت و مشت الشغل عادي .. و راشد برضو...

ليلي دقت لي قالت جاياني.. طلعت من الشغل كان مراد مراقبها مشي وراها طلعت العماره طلع وراها...دقت لي الباب.. جيت فتحتا..
ليلي:( ملوكه حبيبتي)
و حضنتني..
قلتاليها:( اشتقت ليك والله.. اسبوع م شفتك)
دخلنا و قفلنا الباب.. مراد وقف في السلم بعاين علي الشقه و هو مبسووط..
ليلي قعدت معاي اتونسنا و ورتني صور الهدوم و التياب الجابتها و اخدت رائي في الالوان و الاشكال.. و طلعت مشت..

الباب دقي.. قلتا دي اكيد ليلي نست حاجه جيت فتحتا الباب لقيت مراد قدامي...اتخلعتا شديييد... مراد وقف مكشر بعاين لي و دخل و قفل الباب وراهو...
قلتاليهو بخلعه:( عرفتا مكاني من وين?)
مراد:( ليه عملتي كده ي ملك?)
قلتاليهو:( مراد انا م دايره اعمل ليك مشاكل.. انت عندك حياتك براك انا م لي مكان فيها)
مراد:( ليه بتهربي طوالي?  ليه م واجهتيني?)
قلتاليهو:( م كنت حتخليني امشي)
مراد:( طيب انتي لو عارفه كده مشيتي ليه?)
مشيت قعدتا في الكرسي..
قلتاليهو:( وريتك م عندي مكان في حياتك)
مراد جا قعد قصادي في الكرسي..
مراد بعتاب:(انتي بتدخلي حياتي ب مزاجك و تطلعي ب مزاجك?)
قلتاليهو:( مراد انا م دايره اخرب ليك حياتك)
مراد:( منو القال انتي م خربتيها?)
قلتاليهو:( حصل شنو?)
مراد:(حصل كتير)
قلتاليهو:( مراد انا جد اسفه سامحني.. انا م حاظهر في حياتك تاني انا حاسافر)
مراد:( و حتعيشي طول عمرك هاربه كده?)
قلتاليهو:( لا حاحل مشكلتي مع اهلي بعد داك حتي اسافر)
مراد:( حتحليها كيف?)
سكتا ابت اوريهو..
مراد وقف جا علي قمتا وقفتا..
مراد:( بسال فيك حتحليها كيف?)
قلتاليهو:( بتعرف بعدين)
مراد بزعل:( وريني اسي)
قلتاليهو بصراخ:( حاعرس حسام)
مراد اتخلع شديد:( شنو?)
قلتاليهو:( السمعتو ي مراد)
مراد مسكني من يديني الاتنين و بقي بكورك فيني:( انتي مجنونه?  كيف تعرسي الحقير ده)
قلتاليهو و انا بكورك:( ماف حل غيرو.. لازم اعرسو عشان يعترف انو هو اللعب بالصور و مشكلتي تتحلا و اهلي يرجعو لي كفايا اني عايشه غريبه وسط اهلي و بلدي كفايا تعبتا من الوحده انا تعبتا)
و قعدتا في الكنبه بقيت ببكي.. التعب الكان فيني كلو طلعتو اللحظه ديك..  مراد قعد جمبي ساكت بس م قال حاجه..
بعد مسافه مدا يدو مسك يدي..
مراد:( اهدي ي ملك.. اهدي خلاص...انا جمبك و م حاسيبك و حاحل ليك كل مشاكلك بس انتي مشيتي م صبرتي.. اهدي خلاص.. حاجيب ليك كبايه مويا تشربيها)
و قام دخل المطبخ فتح التلاجه عشان يشيل مويا لقي التلاجه فاااضيه م فيها غير زجاجه مويا صغيره..  عاين في المطبخ م لقي ااي دليل علي اكل.. استغرب شديد فهم الحاله الانا عايشه فيها..  جا شايل كبايه المويا اداني ليها و قعد جمبي ...
شربتا المويا و مسحتا دموعي و حاولتا اهدا شويه..
قلتاليهو:( مراد انا كويسه امشي)
مراد:( ملك.. )
قاطعتو..
قلتاليهو بحسم:( مراد امشي ..لو سمحتا اطلع امشي)
مراد:( ملك ممكن نتفاهم?)
صرختا:( لا..  اطلع امشي .. م بتفهم انت? اطلع من حياتي ي مراد)
مراد:( انت مجنونه عشان تعرسي حسام?)
كوركتا فيهو:( ااي ياخ مجنونه انت مالك?  دي حياتي و انا حره فيها م ليك دعوه انت م تتدخل)
مراد وقف علي حيلو و عاين لي مساافه و انا دنقرتا راسي رفضتا اعاين ليهو...فتح الباب و مشي...
م كان ينفع يرجع لي...م ينفع ابقي في حياتو و اخرب حياه بسمه عشان كده اتعاملتا معاهو كده بس من جواي كنت بموت الف موته قبل م اطردو..

ايمان قعدت في ييتها مكشره و م بتتكلم مع راشد..  عملت الاكل ختتو ليهو قدامو و مشت اكلت براها..  و بتنوم في الغرفه التانيه..

ايمان اتصلت علي بسمه تجيها.. و بسمه قالت ليها تمام بجي..
ايمان واقفه في المطبخ بتجهز في الاكل الباب دقي قالت دي بسمه مشت فتحت لقتو ولد جارتها الصغيره كان مخلوع شديد..
الولد:( ماما تعبانه بتقول ليك الحقيها سرعه)
ايمان:( مالا سجمي)
و جرت لبست توبها سرعه و جرت طلعت مع الولد...

قاعدين سلمي و سامي في مطعم..
سلمي:( سامي حتجو البيت متين?)
سامي:( حاجي وحياتك بجي بس انتي اصبري)
سلمي:( لحدي متين?  انت م عندك شي يآخرك..بيتك جاهز و كل حاجه)
سامي:( ايوا بس في مواضيع كده مفروض اخلصها)
سلمي:( انت بتتحجج? عاين ي سامي لو م داير تجي وريني ماف اي مشكله اعتبر البينا مشروع و فشل و انا م حازعل منك)
سامي:( لالا معقوله بس اكيد داير اجي..  خلاص ي ستي ولا تزعلي روحك كلمي اهلك يجو طوالي و انا طوالي بجيب اهلي)
سلمي بفرح:( بالجد ي سامي?)
سامي:( اكيد ي عيون سامي)
سلمي:( تمام حاكلم ناس امي الليله و يجو بكرا دي)
سامي ضحك:( مالك مستعجله كده?)
سلمي ضحكت:( لازم استعجل...دايره في اقرب وقت نكون مع بعض)
سامي:( ان شا۽الله)

الباب دقي قمتا مسحتا دموعي و مشيت فتحتا.. لقيتو مراد و شايل اكياس كتيره عاينتا ليهو باستغراب..
مراد:( دي حاجات للبيت)
قلتاليهو:( م دايره شي)
مراد:( ملك خلاص بطلي عناد.. زحي)
زحيت ليهو من الباب دخل المطبخ ختاهم و جا طالع مشي طوالي بدون م يقول لي حاجه..

راشد جا فتح باب الشقه و دخل عاين في المطبخ لي ايمان مافيشه استغرب متعود لمن يجي يلقاها واقفه في المطبخ مشي علي الغرفه لقاها مافيشه و عاين للحمام لقاهو فاضي استغرب فتح دولابو عشان يغير ..

رباب قاعده بتقري في عيال منال.. منال دقت ليها..  اللحظه ديك جات داخله انتصار .. رباب خافت و م ردت علي منال..
انتصار ختت الشاي قدام رباب..
انتصار:( اها كيف العيال?)
رباب:( ممتازين جدا الله يحفظهم)
انتصار:( اللهم آمين)
رباب:( دايراك ي خالتو انتصار في كلمتين)
انتصار:( طوالي)
رباب للعيال:( اكتبو القصيده كلها اسي بجي)
و قامت قعدت في الجلوس التاني مع انتصار...
رباب:( ي خالتو انتصار انا عارفه انو م مفروض اتكلم في موضوع ذي ده و م من حقي...بس العيال ديل نفسياتهم كعبه و محتاجين امهم)
انتصار:( امهم مرا قليله ادب و م محترمه)
رباب:( ي خالتو المشاكل دي حلوها بعيد من العيال هم م ليهم ذنب و الله انا مركزه ليهم هم لسه صغار و محتاجين لامهم)
انتصار:( انتي م بتعرفي منال دي عقربه...و سيد ذاتو م دايرها انا حاعرس ليهو وحده تاني...رايك شنو نعرسك ليهو انتي?)
رباب اتخلعت:( لالا ي خالتو انا مخطوبه.. انتي كدي اقعدو مع منال و اهلها و اتفاهمو معاهم براحه)
انتصار:( لالا موضوع منال ده انتهي و انا ادبتها بالعيال.. تاني م بتشوفهم طول عمرها)
رباب:( لالا كده م كويس ي خالتو.. انا مستعده ادخل صلح بينكم انتي قولي شروطك و انا بوصلها ليها?)
انتصار باستغراب:( انتي بتعرفي منال?)
رباب اتوترت:( لالا بس مستعده ادخل بينكم)
انتصار:( لالا خليك بعيده من الموضوع ده)
رباب سكتت برد فعل انتصار الصعب..

بسمه جات دقت الباب راشد مشي فتح قايلها ايمان لمن لقاها بسمه اتخلع...
بسمه شافتو كشرت:( خالتو قاعده?)
راشد ابتسم ب خبث:( ايوا في الغرفه جوه ادخلي)
بسمه دخلت مشت علي الغرفه.. راشد قفل الباب بالمفتاح و شال المفتاح ختاهو في جيبو و مشي علي الغرفه...
 

#الهاربه《16》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بسمه دخلت الغرفه لقت ايمان ماف قبلت بخوف وراها لقت راشد واقف..
بسمه:( خالتي وين?)
راشد لزاها لجوه الغرفه و قفل وراهو الباب ..
بسمه كوركت فيهو:( انت مجنون ?)
راشد:( وقعتي و ماف زول سمي عليك)
بسمه ماشه علي الباب..  جراها رماها علي الارض..  بسمه بقت بتكورك و بتحاول تبعدو منها.. و هو بحاول يعتدي عليها..

ايمان واقفه جنب المستشفي بتضرب ل بسمه و بسمه م بترد..  قلبها اكلها علي بت اختها.. دخلت ل جارتها جوه تستآذ منها و ترجع البيت...
بسمه بقت تضرب في راشد و تكورك.. بس هو كان اقوي منها و بقي بضرب فيها عشان تستسلم... بسمه سمعت صوت تلفونها ضربت راشد و زحفت علي الارض شالت شنطتها و شالت التلفون بسرعه لقتها خالتها..
بسمه كوركت باعلي صوتها:( الحقيني ي خالتو الحقيني .. راشد داير يقتلني)
ايمان كانت في التاكسي اتخلعت شديييد..
ايمان قالت ل حق التاكسي:( اجري بسرعه لو سمحت اجري)
راشد جا بقي بضرب فيها و بكورك..
راشد:( ي حقيره انا حاقتلك)
بسمه دايره تقوم و تجري جراها تاني و بقت تقاوم فيهو.. يدينها و وشها بقو حمر من الضرب و المقاومه...راشد جرا هدومها شرطهم ليها..بسمه بقت تكورك..
ايمان جات جاريه في السلم و فتحت باب الشقه و جرت علي الغرفه و هي بتكورك:( بسمه بسمه)
راشد سمع صوتها اتخلع..
ايمان جات تفتح باب الغرفه لقتو مقفول بقت تضرب في الباب و  تكورك:( بسمه.. راشد افتح الباب افتح الباب)
راشد بقي بعاين للباب بخلعه بسمه قامت سرعه جرت علي الباب فتحتو و من شافت خالتها قدامها وقعت علي الارض مغمي عليها..  ايمان اتخلعت من شكل بسمه و وقعتها ..مسكتها حضنتها عليها و بقت تكورك و تبكي( ي حقير ي حقير عملتا شنو في البت?)
راشد قعد في السرير و بقي بعاين ليها و هو ساااكت..

مراد جا جاري في ممر المستشفي بفتش في بسمه..  لقي ايمان واقفه جمب الغرفه برا و بتبكي..
مراد وقف قدامها:( حصل شنو? بسمه مالا?)
ايمان:( راشد الحقير كان حيعتدي عليها بس ربنا ستر)
مراد اتخلع شديد:( راشد? راجلك?)
ايمان:( الله يلعنو الله يلعنو)
مراد:( بسمه وين اسي?)
ايمان:( نامت ادوها حقنه مهدئه لانو كانت منهاره شديد)
مراد:( الحقير والله م حاسيبو)
و طلع جري...
ايمان كوركت ليهو:( مراد مراد تعال)
و جرت وراهو..
راشد كان بجهز في شنطو بسرعه عارف ايمان م حتخليهو..
جا مراد جاري و دقي الباب شديد ..راشد رفض يفتح عرفو حيكون مراد..
مراد بقي بضرب في الباب و بكورك باعلي صوتو:( افتح ي حقير.. افتح الباب.. لو راجل افتح الباب ده.. افتحو سرعه ي حقير)
راشد بجوه بقي برجف من كورك و كلام مراد.. العماره كلها طلعت ب جوطه مراد.. مراد قال للرجال :( اكسرو معاي الباب ده سرعه)
راجلين لزو معاهو الباب و اتفتح..
مراد دخل طوالي لقي راشد واقف جمب شنطو في الصاله..
مراد مشي عليهو سرعه و ضربو بونيه و كف و وقعو في الارض و بقي بضرب فيهو و راشد بكورك.. الرجال حاولو يفكو مراد منو بس مراد كان ذي التور الهايج م قدرو عليهو...
جات ايمان تجري و تكورك:( مراد سيبو ..سيبو ي مراد م تبلي نفسك في واحد حقير ذي ده.. سيبو ي مراد)
و بقت تجر في مراد.. و الرجال جرو معاها مراد..  فكرهو من راشد.. راشد وشو بقي مليان دم من الضرب..
مراد:( خلوني.. خلوني داير اقتلو خلوني)
ايمان و هي بتبكي:( ده كلب م تبلي نفسك فيهو م بستاهل م تضيع شبابك عشانو)
ايمان قبلت علي راشد:( شيل حاجاتك و اطلع من بيتي سرعه ي كلب ي حقير)
راشد قام بمسح الدم من وشو بيدو و شال شنطو داير يطلع جمب الباب وقفتو ايمان بصوتها..
ايمان:( استني هنا.. ارمي علي الطلاق قبل م تطلع)
راشد وقف بعاين ليها.. و الرجال واقفين بعاينو سااي.. و مراد قاعد في الكرسي مكشر و نفسو قايم..
ايمان:( يلا سرعه عشان م ادخلك السجن)
مراد:( لو طلقك لو لا حندخلو السجن)
ايمان بحسم:( يلا طلقني)  
راشد:( انتي طالق)
و شال شنطو و طلع..
الجيران طلعو بعديهو.. و قفلو معاهم باب الشقه..
ايمان غطت وشها بيدها و بقت تبكي بحرقه.. مراد قعد جمبها بواسيها..

حسام جا الخرطوم و دقي لي قال نتلاقي و نتفق.. قلتاليهو تمام.. حددنا المكان..
لبستا و مشيت ليهو.. لقيتو قاعد خالف رجل علي رجل و بشرب في سيجاره من شافني وقف و ابتسم لي..  انا طبعا مكشره و كارهاهو شديد سلمتا عليهو بطرف يدي.. حاول يمسك يدي جريتا منو و قعدتا..
حسام:( اشتقت ليك.. كنت متاكد انك حترجعي لي لانك م عندك غيري)
قلتاليهو بحسم:( حسام م جايه اسمع كلامك الحلو ده في اتفاق بينا لازم يتم و خلاص)
حسام:( مالك مستعجله خليني اشبع من شوفتك شويه طولتا منها شديد)
كشرتا ليهو وشي..
حسام:( تاكلي شنو?)
قلتاليهو:( شكرا م جيعانه.. اكلتا و جيت)
حسام:( ليه يعني? م دايره تاكلي معاي? عشان يبقي بينا عيش و ملح?)
قلتاليهو:( يدوب داير يبقي بينا عيش و ملح??  من زمان شديد بينا عيش و ملح بس انت النكرتو)
حسام:(لالا ياخ معقوله بس)
قلتاليهو:( المهم يلا نتفق)
حسام:( اول نشرب حاجه.. بتحبي عصير البرتقال عارف انا)
و اشر نادي علي الجرسون..

قاعدين ايمان و حنان ام بسمه و مراد حول بسمه... بسمه حالتها النفسيه كانت كعبه و بتبكي .. حنان حاضناها عليها..
حنان:( معليش حبيبتي.. ربنا ستر خلاص م تعملي في روحك كده)
ايمان:( الله يلعنو الحقير الواطي كنت عارفه حقارتو بس م قايلاهو حيصل لبت اختي..الله يلعنو)
مراد:( ربنا ستر الحمدلله و حياخد جزاهو)
ايمان:( الحمدلله)
حنان:( حاجيب ليك حاجه خفيفه تشربيها ي بسوم طيب?)
بسمه تمسح دموعها:( م دايره حاجه ي امي)
حنان:( لازم تاكلي م ممكن تقعدي بدون اكل.. دقايق بس)
و قامت... ايمان طلعت وراها...
مراد جا قعد في الكرسي الجمب بسمه..
مراد:( بقيتي كيف حبيبتي?)
بسمه:( كويسه)
مراد:( انتي ليه دسيتي علي? ليه م قلتي لي من زمان انو كان بتحرش بيك.. كنت اتصرفتا معاهو و م وصلنا المرحله دي)
بسمه:( خوفتا عليك و علي خالتي.. قلتا لو كلمتك حتتهور و حتمشي تضربو و تحصل مشكله و اخرب بيت خالتي ساي?)
مراد:( لا طبعا م كنت حاعمل مشكله لمن تصل لخالتك كنت حاحلها معاهو و بعيد من خالتك)
بسمه:( خوفتا م قدرتا اقول)
مراد:( م مشكله حصل خير بس من اسي ل قدام اي حاجه لازم تقوليها لي عشان اقدر احلها قبل م تكبر...تمام حبيبتي?)
بسمه هزت راسها ب تمام..
مراد:( يلا انا ماشي بجيك بكرا.. طيب?)
بسمه:( طيب)
و قام طلع... مراد كان موجوع شديد من قصه بسمه و الحصل ليها.. بس قدامها كان ماسك نفسو..

حسام:( نعقد و بعد العقد طوالي بقعد بحكي ل اخوك و اهلك انك مظلومه)
قلتاليهو:(لا قبل العقد)
حسام:( لا بعد)
قلتاليهو:( حسام انا م بثق فيك)
حسام:( ولا انا)
قلتاليهو:( و الحل شنو?)
حسام:( خلاص نجيب زول بينا...شاهد)
قلتاليهو:( اوكي زول من طرفي)
حسام:(تمام.. المهم انا اكون بعرفو)
قلتاليهو:( تمام.. بشوف و بوريك)

طالعه في السلم قدام شقتي لقيت مراد قاعد علي السلم و وشو كان مكشر..
قلتاليهو باستغراب:( مراد في شنو?)
مراد:( ماف شي كنتي وين?)
قلتاليهو:( بحل في مشاكلي)
مراد:(لاقيتي حسام?)
قلتاليهو:( ااي)
و مشيت علي باب الشقه فتحتو و دخلتا و مراد دخل وراي..
ختيت شنطتي و قعدتا.. مراد قعد قصادي شكلو متغير شديد..
قلتاليهو:( مالك انت? في حاجه?)
مراد دموعو جات نازله اتخلعتا.. عمري م شفتو ببكي.. قمتا قعدتا في الكرسي الجمبو..
قلتاليهو:( في شنو?)
مراد:(بسمه.. راجل خالتها كان حيغتصبها)
اتخلعتا شديد..
قلتاليهو:( شنو?  راجل خالتها?)
مراد:(ايوا.. قالت من زمان بتحرش بيها بس هي ساكته عشان خالتها و م تخرب بيتها..  اول امبارح مشت لخالتها و خالتها كانت ماف و هو حاول يتحرش بيها وصل لدرجه قطع ليها هدومها و ضربها.. بس خالتها لحقتها في اخر لحظه.. اسي حالتها النفسيه كعبه شديد)
اتاثرتا شديد بالحصل..
قلتاليهو:( لا حول ولا قوه الا بالله.. حرام عليهو كيف يعمل كده..  بس الحمدلله ربنا ستر.. اكيد نفسياتها حتكون كعبه بس تحمد ربنا انو خالتها لحقتها.. لازم تبقي هي قويه و انت اقيف جمبها)
مراد:( اي واقف جمبها بس م عارف حاسي نفسي م مؤثر عليها)
قلتاليهو:( اكيد بتاثر بس اديها زمن شويه.. حتكون خافت من كل الرجال)
مراد:( اي حاسي كده)
قلتاليهو:( بس انت خليك جمبها و م تخليها)
مراد:( لمن اشوفها بتقطع من جواي.. م قادر اتحمل شكلها... بقت محطمه م بسمه الانا بعرفها.. انا مكسور ذيها بس قدامها م قادر ابين بمثل اني قوي عشان م تضعف هي)
قلتاليهو:( اي صح..لازم تبقي قوي اوعي توريها انك ضعيف.. مساله وقت بس و بتبقي كويسه)
مراد:( ي ريت والله)
مسك راسو ..
مراد:( راسي حيطرشق من الصداع.. لي يومين من الحصل راسي م سكت)
قلتاليهو:( حاعمل ليك كبايه قهوه و اجيب ليك بندول)
و قمتا مشيت علي المطبخ..
 

#الهاربه《17》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قلبي وجعني. علي اهتمام مراد ب بسمه و وجعو علي الحصل ليها و الكان ممكن يحصل..  بس لازم يعمل كده اصلا مراد هو كده ..
مراد اشتكي لي شويه و شرب القهوه و مشي.. م سالني من حسام تاني.. حسيتو م داير يتدخل في حياتي تاني.. م عارفه تعاملو ده ريحني وله زعلني..

بقيت مقلقه من موضوع حسام م عارفه اعمل شنو اجيب منو?  و هل زواجي منو حيكون احسن لي وله حيعمل لي مشاكل تانيه..راسي جاط شديد و بقيت م قادره اخد قرار حسام بضرب لي و بقول ليهو اصبر شويه لسه كده..

قاعدين حنان و ايمان في بيت ايمان...
ايمان بتحكي و دموعها نازله:( يعني اانا عارفه هو عينو زايقه و بتاع نسوان...بس م كنت قايله ممكن يفكر في بت اختي الهي ذي بتي و هو مفروض يكون في مقام ابوها.. م كنت قادره اتخيل حقرتو ممكن تصل كده.. انا كنت بفهم من علاقتو انو هو داير اطفال و من حقو يكون عندو اطفال.. بس لمن وصل ل بسمه يبقي الحكايه قله ادب... يعتدي علي بسمه... عارفه... انا قلبي اكلني م عارفه ليه..دقيت ليها لمن م ردت قلبي اكلني ذياده بقيت بدق ورا بعض ...و لمن جاني صوتها بتكورك و تقول راشد بقيت ذي المجنونه جيت جري عشان الحقها... م قادره اصدق اني كنت متزوجه واحد حقير كده..م قادره اصدق)
و بقت تبكي.. حنان طبطبت عليها..
حنان:( خلاص ي ايمان م تعملي في نفسك كده)
ايمان:( يعني هو طول الوقت كان بضايقها و هي مستحمله و ساكته عشاني..  عشان كده م بتجيني كتير الا اضرب ليها و الومها حتي تجيني.. و بتقعد حبه و بتمشي فجاه..  مره مشت فجاه حسيت في حاجه ضايقتها بس م اتوقعتو راشد..  شكيت في مراد او اي زول بس م راشد)
حنان:( خلاص ي ايمان م تعملي في نفسك كده)
ايمان كانت محطمه و منهاره شديد مصدومه في راجلها العايسه معاهو سنين...

الايام مرت و مراد كان مشغول شديد مع بسمه بقي م بجيني و بسال عني مره مره... من جواي كنت بتوجع بسبب بعدو بس كنت مبسوطه انو هو عايش مع الانسانه البحبها..

كنت بعمل في قهوه في المطبخ االباب دقي.. مشيت فتحتا لقيتها مياده.. فرحت بشوفتها...
قلتاليها بعتب:( يدوب اتذكرتي عندك اخت?)
مياده:( اعفي لي بس انتي عارفه ليلي و برامجها امبارح حايمين في السوق اليوم كلو)
قلتاليها:( عارفه والله ولا يهمك.. اقعدي اجيي القهوه و اجي)
مياده:( طيب)
و قعدت... مشيت جبتا القهوه و كبيتها و اديتها فنجانها..  حسيت في وشها في حاجه غريبه..
قلتاليها:( مياده مالك?)
مياده سكتت شويه:( انتي متواصله مع سلمي صحبتك?)
قلتاليها:( لالا)
مياده:( ليه?)
قلتاليها:(من وقت جات و مشيت لاقيتها تاني م اتكلمتا معاها.. دقيت ليها كم مره م ردت و تاني خليتها براحتها.. بس ليه بتسالي منها?)
مياده:( حاقول ليك حاجه بس م تزعلي)
خوفتا قلتاليها:( حصل ليها حاجه?)
مياده:( لالا... بس سامي حيخطب)
اتخلعتا قلتاليها:( سامي? يخطب?  منو دي?)
مياده سكتت و عاينت لي في عيوني..
طوالي فهمتها قلتاليها:( سلمي?)
مياده هزت راسها ب ايوا.. انا اتخلعتا شديد لمن فنجان القهوه وقع من يدي و اتكسر.. مياده اتخلعت و قامت جات قعدت جمبي..
مياده:( ملك انتي كويسه?)
انا كنت برجف و مخلوعه شديد اخر حاجه اتوقعها انو سامي يعرس سلمي صحبتي... من الصدمه م قدرتا اتكلم و اعبر.. دموعي بقت نازله..  مياده حضنتني عليها.. و بقيت ببكي...

قاعد مراد مع بسمه في مطعم...بسمه لسه اثر الحزن في وشها..
مراد بخلعه:( يعني شنو?)
بسمه:( يعني ماشه مع امي الامارات.. ابعد شويه و اغير جو)
مراد:( تغيري جو م مشكله بس تبعدي دي كيف?)
بسمه:(ابعد من السودان م قادره اقعد هنا جد متضايقه..  ايمان خالتي ذاتها حتمشي معانا نقعد هناك لمن نفسياتنا تتحسن و نرجع)
مراد:( م عندي مشكله ي بسمه المهم تكوني مرتاحه)
بسمه:(ان شاءالله)
مراد ابتسم:( داير اشوف بسمتك م تكشري كده)
بسمه:( ي ريت.. يلا ارح وصلني اتاخرتا)
و وقفت... مراد استغرب فيها و في تصرفاتها..  و قام..
مراد:( بسمه انتي مالك?  م طبيعيه)
بسمه عاينت ليهو ساي و مشت..
مراد استغرب و مشي وراها..
طول السكه بحاول يسالا مالا و الحاصل شنو من يوم الحادث و هي بقت م طبيعيه.. بس بسمه رافضه تتكلم..  في الاخر خلاها مشت..

رقدتا في الكنبه و دموعي نازله و مياده جمبي...
مياده:( ملك ممكن تتكلمي معاي.. م ممكن تسكتي كده.. انتي بتحبي سامي لسه?)
قلتاليها:( لا م بحبو ولا دايراهو بس م قادره اصدق هو و سلمي..  سلمي دي صحبتي من سنين.. انتي عارفاها كويس ي مياده..  م قادره اصدق والله .. لاقتو وين و الحصل شنو و ليه م قالت لي و عشان كده هي اسي م بتتكلم معاي?)
مياده:( الاتنين كعبين.. خليك منهم م تعبريهم.. انا اصلا م كنت دايره اوريك بس خوفتا تعرفي من برا)
تلفون مياده دقي ردت علي خالتي...
مياده:( بتبكي?  طيب.. جايه اسي)
و قفلت...
مياده:( ميمي بتبكي لازم امشي)
قلتاليها:( امشي انا كويسه)
مياده:( م قادره امشي و اخليك كده)
قلتاليها:( امشي ي مياده انا كويسه)
و مسحتا دموعي و قعدتا علي حيلي..
مياده شالت شنطتها و سلمت علي و طلعت بس كانت مقلقه علي لسه..
اول من مياده طلعت رقدتا بقيت ببكي تاني..
بعد شويه شلتا تلفوني و دقيت ل مراد..ردا لي..
قلتاليهو:( مراد تعال دايراك)
مراد اتخلع:( في شنو?)
قلتاليهو:(بس تعال)
مراد قام من سريرو مخلوع من صوتي لبس قميصو و جا طالع لقي حجه زهره قاعده برا في الصاله..
زهره:( ماشي وين?)
مراد:( شويه و بجي)
زهره:( ي مراد انت اسي جيت م ارتحتا)
مراد:( برتاح برتاح.. يلا)
و طلع طوالي..
فتحتا ل مراد الباب لقي وشي متغير و ببكي.
مراد بخلعه:( في شنو ي ملك?)
قلتاليهو:( سلمي صحبتي حتعرس سامي)
مراد اتخلع شديد:( سلمي?)
دخلتا قعدتا في الكرسي و هو قعد قصادي..لمن مراد يجيني م بقفل باب الشقه بخليهو فاتح شويه..
مراد:( كيف يعني تعرس راجلك الكنتي حتعرسيهو?)
قلتاليهو:(م عارفه بس مياده قالت لي كده)
مراد:( هي كانت بتعرفو يعني?)
قلتاليهو:( طبعا هي طوالي معاي و بتلاقيهو كتير معاي و علاقتا معاهو كويسه..بس م قادره اصدق انو تعرس سامي.. كيف?  كيف بس? م عارفه لو م الحصل ده كنت عرستا سامي زماان و تاني هي صحبتي يعني لو الرجال ديل كلهم خلصو م مفروض تعاين ل سامي.. م مفروض)
مراد بقي محتار بعاين لي ساااي.. كنت محطمه جدا حاسه اني اتخدعتا من اقرب الناس لي..
اول من تحصل لي اي حاجه او اتعب من الناس بلجآ ل مراد مراد هو الملاذ الوحيد البرتاح فيهو.. هو الوحيد البفهمني و برتاح جدا لمن بتكلم معاهو.. مراد قعد اتكلم معاي كتيير و سالني لو كنت بحب سامي لسه..
قلتا ليهو:( لا طبعا م بحبو بس انا مصدومه.. سامي اصلا حيعرس دي حاجه متوقعاها بس م سلمي م صحبتي)
مراد:( يعني متاكده انو زعلك علي صحبتك م علي سامي)
قلتاليهو:( طبعا ي مراد..  سامي من صدق حسام و م سالني ولا حاول يتكلم معاي و لمن ضربتا ليهو شاكلني و سمعني كلام كعب.. سقط من نظري..علي الاقل كان يجي يتكلم معاي يسالني ..عشان كده قتلتا حبو جواي..و نسيتو من لحظتها.. و عرسو م حيزعلني.. اصلا لازم يعرس.. بس يعرس صحبتي?  و سلمي? ...مراد انا زعلتا من سلمي اكتر منو..  دي صحبتي مفروض لو هو قال دايرها تقول ليهو لا.. بس توافق بيهو?  ليه?)
مراد مدا يدو مسك يدي..
مراد:( ملك خلاص.. حرام عليك نفسك.. م تتعبي روحك كده بيهم كفايه تعبك الفيك.. مش هم دايرين كده?  خليهم يعرسو انتي الكسبانه.. ربنا نجاك من سامي لانو م كان راجل بمعني الكلمه ولا حيقيف معاك..  و سلمي كمان ربنا وراك نيتها انها م صحبتك ولا كانت مخلصه ليك.. انسيهم و فكري في نفسك)
قلتاليهو:( ي ريت لو بالسهوله دي ي ريت)
مراد:( م بالسهوله عارف بس م تدي الموضوع اكبر من حجمو)
سكتا مسحتا دموعي..
مراد:( اهدي شويه عشان خاطري)
اتسندتا علي الكرسي و بقيت بعاين للسقف..
قلتاليهو:( انا بقيت وحيده م عندي زول.. مياده حتحضر عرس ليلي و حترجع الامارات و ليلي حتعرس و حتنشغل ب بيتها و راجلها.. ماف زول فيهم حيتذكرني.. انا حاعيش طول عمري كده?)
مراد:( و انا مشيت وين?)
قلتاليهو:( انت حتعرس بسمه و ليك حياتك..و انا م لي مكان فيها)
مراد:( منو القال كده?  انتي مكانك موجود ماف زول بقدر يلغيهو)
قلتاليهو:( دي مجامله منك ساي بكرا بتعرس و بتنساني)
مراد:( اتحداك لو نسيتك)
ابتسما رغم وجعي و سكتا..
 

#الهاربه《18》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مراد قعد معاي لحدي م نمتا.. نمتا في الكنبه بدون م احس بروحي... صحيت لقيت مراد مافيش و لقيت الدنيا صباح..

في المطار واقفين بسمه و حنان واقفين بعيد و مراد واقف بتكلم مع ايمان..
مراد:( خلو بالكم منها ي خالتو ايمان...بسمه بعدت عني شديد و بقيت م قادر اتفاهم معاها)
ايمان:( بسمه في عيونا..الدكتوره قالت حتبقي عندها عقده من الرجال لفتره حسب تفهمها للحاصل.. ممكن تطول و ممكن تقل.. حسب تعامل بسمه و تفكيرها.. انت خليها براحتها)
مراد:( بس انا لازم اكون جمبها)
ايمان:( خليها شويه ي مراد ..خلينا انا و امها بس جمبها و لمن احس انها بقت كويسه انا بكلمك عشان ترجع تتكلم معاها تاني)
مراد:( لمتين? )
ايمان:( م عارفه والله انت اصبر بس..  بسمه الحصل ليها م ساهل عشان كده اصبر شويه عليها)
مراد:( انا حاعتمد عليك ي خالتو ايمان في الموضوع ده اتكلمي معاها عني.. خليها تحاول ترجع تتكلم معاي م ممكن قافله مني كده كانو انا السبب في الحصل منها)
ايمان:( انت م ليك ذنب و هي عارفه كده.. انا م حاسيبها حابقي جمبها و حاكلما عنك لحدي م ترضي تتكلم معاك)
مراد:( ان شا۽الله)
مراد و ايمان مشو علي حنان و بسمه و مراد سلم علي حنان و ايمان و مشو علي الصاله و خلو بسمه واقفه مع مراد..
مراد:( حتوحشيني)
بسمه:( شكرا)
مراد:( و انا م حاوحشك?)
بسمه:( م عارفه)
مراد:( بسمه انا لي ذنب في الحصل انتي ليه متغيره مني قدر ده?)
بسمه:( مراد انا عارفه انت م ذنبك شي.. بس انا والله م قادره اتعامل معاك.. و م حاسه اي شي نحيتك.. م عارفه ليه..  بس خليني فتره ابقي احسن و انا برسل ليك براي و بتكلم معاك)
مراد:( لمتين?)
بسمه:( م عارفه لمن احسن نفسي قادره م عارفه بعد كم)
مراد:( بسمه انا مفروض اكون جمبك و اسندك م ابعد منك و استناك تبقي كويسه)
بسمه:( عارفه ي مراد.. بس انا والله م قادره.. خليني براحتي احسن)
مراد:( متاكده براك حتقدري?)
بسمه:( ايوا.. معاي امي و خالتو و اخواني.. بقدر ان شا۽الله)
مراد:( ان شا۽الله.. لو احتجتيني في اي وقت حتلاقيني بس تلفون منك مستعد اجيك لحدي الامارات)
بسمه:( عارفاك م بتقصر...يلا انا اتاخرتا لازم ادخل)
و مدت يدها.. مراد سلم عليها و بعاين ليها في عيونها بفتش بسمه البحبها بس لقاها وحده تاني غير بسمه البعرفها..
بسمه دخلت الصاله و مراد واقف مكانو متابعها ب عيونو و قلبو بتقطع علي حالتها..

مياده جاتني الظهر هي و العيال و مراد جاني بليل اهتمو بي كم يوم لحدي م نفسياتي بقت كويسه شويه.. جا يوم عرس ليلي كنت زعلانه شديد اني م حاحضر عرسها.. مراد مشي العرس و انا قاعده براي ببكي .. ليلي طلعت حلوه شديد و ايمن مبسوط بيها جدا.. عرسهم كان حلو شديد و ايمن م قصر معاها في حاجه.. سلمي جات طبعا ..و كل الوقت واقفه جمب سامي بترقص معاهو... مياده عاينت ليها من بعيد و كشرت ليها و م مشت سلمت عليها.. و سلمي م عبرت مياده و لا سلمت عليها برضو.. كان كل همها سامي و خلاص..
مراد كان ماشي في الصاله لاقي سلمي في وشو..  
سلمي بفرح:( مراد ..كيفك?)
مراد عاين ليها من فوق ل تحت و مشي بدون م يدرد عليها..

مراد دقي لي قال لي البسي توب و انزلي..
قلتاليهو:( لشنو?)
مراد:( يلا سرعه)
لبستا توب و نزلتا لقيتو مستنيني تحت ركبتا معاهو و مشينا علي الصاله وقفنا بعيد..  بعد ربع ساعه من انتظارنا جو طالعين ليلي و ايمن من شفتها بالزفاف بقيت ببكي من الفرحه..  ليلي عاين اتجاه عربيه مراد و ابتسمت لي.. عرفتها عارفاني اني هنا..  عاينتا ل مراد بفرح لقيتو مبتسم لي.. جد اللحظه ديك حبيتو شديد.. شوفه ليلي ريحتني جدددا و انبسطا..
ليلي و ايمن اتحركو بعربيتهم و في عربيه تاني اتحركت وراهم..
مراد اتحرك مشي.. قبلتا ابتسمتا ليهو..
قلتاليهو:( مراد جد م عارفه اشكرك كيف جد انبسطا شديد ب شوفه ليلي)
مراد ابتسم:(كويس طيب فيني الخير)
قلتاليهو:(انت كل الخير)
مراد ابتسم و سكت.. عاينتا ل البدله اللابسها و الحلاقه.. كان وجيه شديد.. بقيت بتامل فيهو و هو م حاسي ب نظراتي..
مراد مشي عكس شارع البيت..
قلتاليهو:( ماشي وين)
مراد:( داير اشرب شاي في النيل)
قلتاليهو:( بشكلي ده?)
مراد:( ايوا.. و ب شكلي ده)
ضحكتا قلتاليهو:( مراد م بنفع رجعني البيت اغير في الاول)
مراد:( لا كده بس...شكلك حلو جدا)
قلتاليهو:( حرام عليك والله مبهدله شديد)
مراد:( لا كده بس)
حاولتا معاهو بدون اي فايده وصلنا النيل..
مراد:( يلا انزلي)
قلتاليهو بخلعه:( لا مستحيل.. نقعد هنا بس)
مراد قفل العربيه و نزل و جا فتح الباب حقي..
قلتاليهو:( مراد عليك الله بطل عباطه والله م بقدر انزل عاين الناس قاعدين كيف و انت لابس كيف و انا لابسه كيف)
مراد:( مالك و مال الناس)
قلتاليهو:( م بقدر والله)
مراد بحسم:( يلا ي ملك)
م لقيت حل غير انزل.. نزلتا و مشيتا علي طربيزه قريبه من البحر و نظرات الناس و همسهم كان متابعنا..

ركبت سلمي مع سامي العربيه.. و سامي اتحرك عشان يوصلها..
سلمي:( سامي.. انا مبسوطه شديد م دايره ارجع البيت)
سامي ضحك:( حتمشي وين بليل ده?)
سلمي:( اي حته...ممكن شارع النيل.. الجو حلو نمشي نشرب شاي و نرجع)
سامي:( حااضر كده بس?  من عيوني)
سلمي:( تسلم لي ي رب)
و اتحركو علي النيل..

انا و مراد كنا بنضحك علي شكلنا و علي نظرات الناس لينا..
قلتاليهو:( والله انت مجنون)
مراد:(ياخ الدنيا دي فيها شنو خلينا نجن شويه)
قلتاليهو:(ي ريت لو بفكر ذيك)
مراد:( لازم تفكري ذيي)
قلتاليهو:( بحاول ..نفسي ابقي ذيك ي مراد.. نفس التفكير.. نفس تعاملك مع المشاكل و حلها.. نفس اي شي)
مراد:( بخليك تبقي ذيي.. بس تدفعي)
ضحكتا قلتاليهو:( طوالي)
مراد:( اتفقنا)
بقينا نتونس و نضحك.. غير بي جو شديد من الايام الفاتت..  حسيت نفسي بقيت احسن كتير..
قمنا انا و مراد ماشين فجاه لقينا قدامنا سلمي و سامي جايين داخلين...وقفنا ال4 بنعاين لبعض بخلعه.. انا اتسمرتا في مكاني م قدرتا اتحرك اصلا..
بعد شويه سامي كشر وشو و جاي علي و هو رافع يدو..  مراد طوالي ااتقدم عليهو و مسكو..
مراد بتريقه:( عايز تضرب منو ي استاذ?)
سامي:( زح من قدامي ي مراد)
مراد:( بقطع ليك يدك لو لمستها)
سامي عاين ليهو بخلعه و استغراب:( قلتا شنو?)
مراد بصوت عالي:( حاعيدا ليك تاني شكلو سمعك بقي تقيل ي سامي لو فكرتا تلمس شعره من ملك انا بقتلك عدييييل..  كده سمعتا?)
سامي:( انت قايل روحك منو? بتتكلم كده?)
مراد:( انا مراد محمد الطيب بتعرفني كويس ي سامي و بتكلم ذي م داير و اوعي تقرب من ملك.. اهتما ب الناس البخصوك بس)
و عاين اتجاه سلمي.. و فكاهو و جا علي مسكني من يدي و مشينا علي العربيه ركبنا.. و سلمي و سامي واقفين في مكانهم مخلوعين من تصرف مراد..
في العربيه انا كنت برجف من الخوف و مخلوعه من الحصل و مقابله سلمي و سامي مع بعض و كلام مراد ل سامي..
مراد حسي بي...مدا يدو مسك يدي و قال لي:( معاك راجل م تخافي)
عاينتا ليهو بفخر كبير و ابتسمتا رغم الخوف و الحزن الجواي..
قلتاليهو:( عارفه معاي راجل و سيد الرجال)

سامي قعد في االكرسي زعلان و مكشر و سلمي قدامو..
سلمي:(مراد ده جاب الجراءه دي من وين و كيف يتكلم معاك كده?)
سامي:( عشان الهانم مدياهو اكتر من حقو عشان كده شايف روحو شديد و بقل في ادبو)
سلمي:( حقير ساي مراد و هي اصلا اتخلعت وله خافت م بعرفها م قدرت تفتح خشمها ب حاجه)
سامي:( عشان عارفه روحها غلطانه.. م حاسيبهم والله م حاسيبهم)
و شال التلفون دقي ل ماجد بس ماجد كان نايم و تلفونو صامت..
سامي قفل بزهج..
سامي:( ارح)
سلمي:( لسه م قعدنا ولا شربنا حاجه)
سامي وقف و كشر ليها و مشي علي العربيه و سلمي قامت بزعل لحقتو..
 

#الهاربه《19》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مراد وصلني البيت و مشي طوالي بيتهم لانو الوقت اتاخر ..
قبل م انزل عاينتا ليهو في عيونو قلتاليهو:( مراد خلي بالك من نفسك .. سامي حيكلم ماجد و ماجد م حيسكت)
مراد:( حاضر م تشيلي هم)
ابتسمتا ليهو و نزلتا ..
ليلي و ايمن سافرو بليل طوالي مشو دبي..

مراد صحي ب صوت حجه زهره بتصحي فيهو..
زهره:( مراد.. مراد اصحي في ناس دايرنك برا)
مراد فتح عيونو:( منو ي حبوبه?)
زهره:( ماجد و سامي و معاهم ضابط)
مراد صحي مخلوع:( شنو?)
زهره:( ذي م بقول ليك)
مراد قام و طلع قدام حبوبتو...
لقي ماجد و سامي و معاهم ضابط قاعدين.. من طلع سامي وقف قال ليهو:(ده الخطفا ي جنابو)
الضابط وقف:( انت مراد محمد الطيب?)
مراد:( ايوا انا)
الضابط:( اتفضل معانا لو سمحت)
مراد:( لشنو?)
الضابط:( في القسم بتعرف اي حاجه)
زهره:( سجمي قسم شنو?)
الضابط جرا مراد :( يلا قدامي)
مراد طلع معاهم و هو مكشر ل سامي و ماجد..

قاعده في البيت بنضف.. تلفوني دقي.. عاينتا لقيتها حجه زهره استغربتا م بتضرب للي بدري كده..رديت..
قلتا:( الو)
حجه زهره:( ملك الحقي مراد ساقوهو القسم)
اتخلعتا شديد قلتاليها:( منو الساقو?)
حجه زهره:(جو ماجد و سامي و معاهم ضابط و ساقوهو)
اتخلعتا و قعدتا في الكرسي:( مشو ياتو قسم?)
حجه زهره:( م عارفه ي بتي والله)
قلتاليها:( طيب انا بتصرف اتطمني ي حجه)
و قفلتا بقيت بفكر امشي وين و اعمل شنو.. قمتا طوالي لبستا عبايتي و طلعتا.. مشيت القسم الجمب بيت ناس مراد سالتا منهم قالو م جو هنا طلعتا مشيت القسم الجمب بيتنا سالتا منو
لقيتهم هنا.. مشيت طلبتا من العسكري يدخلني و اديتو اسمي مشي كلم الضابط قال ليهو خليها تدخل..  دخلتا و انا فيني كميه خوف اني اقيف في قسم قدام اخوي و خطيبي و ود عمي بس ماف حل تاني م ممكن يتهمو مراد ب حاجه بعد كل العملو عشاني..
لقيت ماجد و سامي و مراد قاعدين مع الضابط..  ماجد من شافني وشو قلب ميه لون..
الضابط:( انتي ملك الصادق?)
قلتاليهو:(ايوا)
الضابط اقعدي.. قعدتا..
الضابط:( ديل مش اخوك و ولد عمك?)
قلتاليهو:( ايوا)
الضابط:( ماجد الصادق اخوك متهم مراد محمد الطيب انو خاطفك)
قلتاليهو:(لا طبعا كلامو غلط ي جنابو..مراد م ليهو اي دعوه بي انا براي الخليت البيت و عايشه في شقه براي)
الضابط:( يعني م عايشه معاهو في بيتو?)
قلتاليهو:( لا طبعا ي جنابو)
الضابط سالني انا و مراد كم سؤال تاني و في الاخر لقي ادعاء سامي و ماجد م ليهو اي مصداقيه و فكي مراد..  طلعنا انا و مراد و سامي و ماجد..
ماجد:( ارح معاي)
اتخلعتا قلتاليهو:( وين?)
ماجد:( البيت)
قلتاليهو:( اسفه)
ماجد بزعل:( ملك م تخليني امد يدي عليك في الشارع)
قلتاليهو:( انا عايشه براي م ليكم دعوه بي)
ماجد:( اي عشان تجيبي لينا مصيبه تاني صح?)
الكلمه وجعتني شديد..
قلتاليهو:( و رحمه امي انا م عملتا حاجه.. امشي ل حسام الصدقتو خليهو يحلف ليك مصحف اني عملتا حاجه من الفي الصور دي.. م تظلمني ساي ي ولد امي و ابوي.. الحاجه دي بترجع ليك بعدين..انت مفروض م تصدق حاجه فيني .. مفروض تجي تقعد معاي تسالني صحي الحصل ده?  حسام عملل كده ليه و الحصل شنو? بس للاسف م سالتني لا جيت اتكلمتا معاي اتعاملتا معاي ذي المجرمه و اتهمتني اتهامات كعبه..  انا م دايره منك حاجه بس خليني في حالي و خليك في حالك م ليكم بي دعوه و لو متا م تجي تدفني)
و مشيت و خليتهم ال3 واقفين بعاينو لبعض.. مراد مشي و خلاهم واقفين..
سامي و ماجد كل واحد فيهم كان زعلان و مكشر ..

رجعتا الشقه بفكر اخليها و ابعد من مراد م اعمل ليهو مشاكل كفايا الحصل لحدي اسي.. و ماجد م حيسكت اسي هو سكت ب صدمتو بس.. بس شويه بفكر و راسو بشتغل م بخليني..
قلتا اسافر بس امشي اي مكان اي بلد.. فكرتا امشي مصر اول بعدين اشوف الامارات.. لانو لو مشيت الامارات اسي حاضطرا اقعد مع مياده و ممكن اعمل ليها مشاكل مع عمر..  راسي بقي يودي و يجيب الف فكره..  
دقيت ل مياده تسلفني قروش عشان اسافر قالت لي سافري معاي قلتاليها لا بس اديني انا بلحقك.. م قالت لي م عندي اسي بس بتصرف..  مشت تاني يوم باعت خاتم دهب و جابت لي القروش.. مشيت حجزتا طوالي علي اول طياره ماشه مصر..  دقيت ل ست الشقه اني حاسلم الشقه  بكرا..  بديت اجهز في حاجاتي..

مراد جا دقي لي الباب شفتا عربيتو تحت ابيت افتح ليهو دقي كتير و مشي..هو و راجع لقي حسام نزل من تاكسي و قطع الشارع قدام مراد و دخل مطعم...مراد قلبو اكلو انو في حاجه.. وقف عربيتو و نزل مشي علي المحل.. وقف قدام الباب و بقي بعاين في المحل..  لقي سلمي قاعده مع حسام.. كانو بتناقشو و سلمي مكشره.. مراد اتخلع..مراد في نفسو:( حسام و سلمي?? )
بعد دقيقتين سلمي وقفت علي حيلها و فتحت شنطتها و طلعت قروش كتيره رمتها ل حسام بزعل في الطربيزه و مشت علي الباب اللحظه ديك مراد ادي الباب ظهرو و سلمي طلعت وراهو مشت.. مراد عاين ل حسام جوه لقاهو مبسوط و بعد في القروش..
مراد جا راجع لي تاني دقي الباب كتير م فتحتا.. زهج و مشي..

ليلي و ايمن ماشين علي البحر و بتونسو..
ليلي:( قبيل كنت بتكلم مع ملك)
ايمن:( اخبارها شنو م حصل حاجه جديده?)
ليلي:( قالت مسافره مصر)
ايمن استغرب:( لشنو?)
ليلي:(م عارفه بس قالت دايره تبعد من هنا)
ايمن:( احسن ليها..جد ملك محتاجه تبعد تعبت كتير)
ليلي:( ايوا صح)
ايمن:( ربنا يسهل ليها...يلا نرجع الفندق نغير و نمشي ناكل )
ليلي:( يلا حبيبي)

جات مياده تودعني و توصلني المطار...كانت حتسافر هي كمان بعد يومين مني..

ايمن قاعـد مستني ليلي تجهز لقي مراد داخل الواتس رسل سلم عليهو و كده..
ايمن:( ملك سافرت وله لسه?)
مراد اتخلع:( ملك مسافره وين?)
ايمن:(مصر...انت م عارف?)
مراد اتخلع و وقف علي حيلو ..
مراد:( يرجع ليك ي ايمن)
و شال مفتاح عربيتو و مشي..
مشي الشقه لقاها فاتحه دخل لقي المرا ست الشقه بترتب في الشقه و معاها بت شغاله بتنضف...مراد عاين ليهم باستغراب..
المرا:( في حاجه ي استاذ?)
مراد:( وين ملك?)
المرا:( سلمت الشقه و سافرت)
مراد اتخلع:( سافرت متين?)
المرا:( قبل نص ساعه ادتني المفتاح و مشت)
مراد طلع يجري علي المطار وصل قدام باب الصاله بقي بفتش فيني م لقاني.. بقي واقف بفتش دي المجنون... شويه لقي مياده طالعه من الصاله جري عليها.. مياده لمن شافتو اتخلعت..
مراد:( ملك وين?)
مياده:( دخلت الصاله خلاص)
مراد جري دخل الصاله جوه بقي بقتش فيني لقاني جاره العربيه فيها شنطي و داخله...جا جرري علي بسرعه.. فجاه لقيتو قدامي اتخلعتا شديد.. مراد وقف بياخد في نفسو و م قادر يتكلم..
قلتاليهو:( مراد انت شنو الجابك هنا?)
مراد م قادر يتكلم بياخد في نفسو...
قلتاليهو:( مراد ارجع خليني امشي)
مراد بصوت متقطع:( عرفتا الزول اللعب في الصور حقتك منو)
قلتاليهو:( حسام و عارفه.. شنو الجديد?)
مراد:( مع حسام في زول تاني)
قلتاليهو:( منو?)
مراد:( سلمي)
اتخلعتا شديد..
قلتاليهو:( سلمي?? )
مراد:( الموضوع طويل تعالي نتفاهم برا)
قلتاليهو:( موعد الطياره جا م بقدر اطلع)
مراد:(م حتسافري.. الا لمن ترجعي حقك)
قلتاليهو:( عرفتا كيف انو سلمي في الموضوع)
مراد:( لقيتها قااعده مع حسام في مطعم و بتشاكلو بس م سمعتا كلامهم.. في الاخر قامت رمت ليهو قروش في الطربيزه و طلعت)
اتخلعتا شديد و سكتا..
مراد:( سلمي ليها دعوه صدقيني.. ارح ارجعي نتفاهم في الموضوع)
قلتاليهو:( لا م راجعه)
مراد بحسم:( ملك.. و رب الكعبه م حتسافري ويلا قدامي)
قلتاليهو بزعل:( لا حاسافر ماف حاجه بتقعدني هنا..انا كرهتا السودان خلاص و كرهتا اي شي فيهو.. عليك الله خليني امشي خليني ابعد من هنا.. تعبتا خلاص انا و تعبتك معاي..  خليني ابعد يمكن انت ترتاح و انا كمان ارتاح)
مراد ابتسم لي..
استغربتا..قلتاليهو:( بتبتسم في شنو اسي?)
مراد:( في زول برتاح بعيد من حبيبو?)
اتخلعتا شديد و سكتا..
مراد:(اي...انا لسه بحبك ي ملك و مستحيل اخليك تبعدي مني..  يلا ارجعي معاي و اوعدك خلال اسبوع حاحل ليك اي حاجه)
انا جسمي كلو برد.. م قدرتا اتكلم او اتحرك..
مراد مسكني من يدي و باليد التانيه مسك العجله حقت الشنط و مشينا علي الباب...انا مخلوعه و ساكته م قدرتا اقول حاجه..
 

#الهاربه《20》
#بقلمي_فاطمه_السر​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
مشينا علي بيتو..
قلتاليهو:( ليه ماشي بيتكم?)
مراد:( حتقعدي معانا م حتمشي الشقه تاني..مش خلاص سلمتيها)
قلتاليهو:( لا م ينفع برجع ليها تاني)
مراد:( ملك الموضوع ده منتهي)
نقنقتا كتير بس رفض يخليني..  دخلتا البيت لقيت حجه زهره قاعده في الصاله بتشرب في شاي من شافتني اتخلعت..
زهره بفرح:( ملك.. وحشتينا ..البيت نور والله)
جريت سلمتا عليها بالاحضان.. جد كنت مشتاقه ليها.. حجه زهره مثال للمرا السودانيه الاصيله القويه الطيبه الحنونه البيتها فاتح لكل قريب و غريب..
قلتاليه:( اعفي لي ي حجه مشيت و خليتكم فجاه)
زهره:( العفو ي بتي م زعلتا منك بس فرقتي معاي.. كنتي ماليه علي البيت...اقعدي اقعدي)
قعدتا جمبها.. مراد دخل لي شنطتي في غرفتي..و جا قعد..
اتونستا مع حجه زهره شويه...مراد م اتكلم معاي كتير كان قاعد ساكت و بعاين لي.. نظراتو كانت بتقول الف حاجه..  احاسيسي كانت جايطه شديد.. بين فرح ب اعتراف مراد انو بحبني و بين الحاصل وراي من سلمي و حسام و انا م عارفاهو..
خلصتا من حجه زهره دخلتا غرفتي ارتاح و دقيت ل مياده حكيت ليها الحصل..
نمتا م حسيت ب روحي صحيت ب صوت الباب بدق.. قمتا قلتا:( ايوا)
جاني صوت مراد..
مراد:( ملك انتي نايمه?)
جريت الطرحه لبستها و قلتا ليهو:( ادخل)
فتح الباب..
مراد:( عملتا اكل تعالي اكلي م اكلتي حاجه)
قلتاليهو:( طيب)
مشي و انا مشيت وراهو.. لقيتو خاتي الاكل في الصينيه قعدتا حسيت نفسي خجلانه منو م قادره ارفع عيني في عينو.. اول مره احس بالاحساس ده.. مراد الوحيد الفي الدنيا م بخجل ولا بخاف منو.. صريحه معاهو شديد.. لمن اتكلم معاهو ذي البتكلم مع روحي..
بقينا ناكل و احنا ساكتين..
مراد:( الفول حقي عجبك?)
قلتاليهو:( حلو شديد..  اسي ليلي بتظبط فول سمح.. طوالي كانت تعملو لي..بضرب ليها بجيبها من بيتهم عشان تعمل لي فول)
مراد ابتسم:( خلاص انا تاني حاعملو ليك)
ابتسمتا و سكتا.. خلصنا اكل..  عملتا كبايتين عصير و جينا قعدنا..
مراد:( يلا انا حاوريك الخطه)
استغربتا قلتاليهو:( خطه شنو?)
مراد:(الحنوقع بيها سلمي و حسام)
قلتاليهو:( كدي احكي لي الحصل شنو?  انت شفتا شنو?)
مراد:( انا جيتك الشقه و دقيت الباب م فتحتي شكلك كنتي ماف وله م دايره تفتحي م عارف..المهم طلعتا ماشي في الشارع جا حسام قاطع قدامي و مشي دخل مطعم.. جاني احساس اني امشي وراهو.. م عارف ليه ..حسيت انو ممكن ماشي يلاقيك انتي.. وقفتا العربيه و نزلتا مشيت وراهو وقفتا في الباب لقيتو قعد مع سلمي.. سلمي شكلها كانت زعلانه و جايطه معاهو حسيتهم مختلفين في حاجه.. بعد شويه سلمي قامت و طلعت قروش رمتها ليهو في الطربيزه و طلعت زعلانه.. و حسام شال القروش مبسوط... حسيت في حاجه بيتهم.. سلمي شنو البخليها تديهو قروش.. الا اذا ماسك عليها حاجه)
قلتاليهو:( تحليلك صح.. سلمي م بتدي قروش ساي.. هي بتحب القرش ذي عيونها.. بس في شنو بينهم?)
مراد:( م عارف بس هم الاتنين متفقين عليك.. عشان كده سلمي حتعرس سامي.. عايني تحليلي كيف ..سلمي دايره سامي.. و حسام دايرك انتي.. اتفقو مع بعض في موضوع الصور.. عشان عرسك يخرب.. و سلمي تاخد سامي و حسام يحاول يعرسك انتي .. تحليلي ده صح?)
قلتاليهو:( ايوا صح.. تقريبا ده الحصل بس حنقدر نثبت ده كيف?)
مراد:( م عارف لسه..خليني افكر اكيد حالقي حل)
قلتاليهو:( طيب و انا كمان بعمل جهدي)
مراد:(طيب)
سكتنا مساافه.. مراد بعاين لي بس انا م قادره اعاين ليهو و حاسه ب نظراتو لي..
قمتا وقفتا و مراد وقف معاي..
مراد:( حتنومي?)
قلتاليهو:( ايوا)
مراد سكت مساافه..
مراد:( طيب)
قلتاليهو:( تصبح علي خير)
مراد:( و انتي بخير)
مشيت الغرفه و نظرات مراد متابعاني..
دخلتا رقدتا و انا بفكر فيهو و في نظراتو لي.. جاتني مسج في التلفون.. لقيتها من مراد.. كاتب لي:( عمري م حبيت غيرك)
فرحتا بيها شديد و قلبي طاااار من الفرح..  ساعه بعاين فيها حتي قدرتا ارد قلتاليهو:( و انا كمان)
بهناك مراد ابتسم و حضن تلفونو و نام...

رباب قاعده مع عيال منال بتدرس فيهم.. منال دقت قالت دايره تتكلم معاهم.. رباب ادتهم التلفون بقو بتكلمو مع امهم و رباب شالت الكراس منهم بتصحح ليهم في الواجب... فجاه جات انتصار داخله...رباب لمن شافتها اتخلعت شديد.. و م عرفت تتصرف...انتصار عاينت لتلفون بتكلم بيهو محمد..
انتصار باستغراب:( بتتكلم مع منو?)
الاولاد كلهم خافو..
انتصار جات علي محمد و قلعت منو التلفون عاينت للشاشه لقت اسم منال مكتوب.. انتصار اتخلعت.. و ختت التلفون فس اضانها..
انتصار:( الو..  الو)
منال بهناك خافت ابت ترد و قفلت الخط..
رباب وقفت مخلوعه..
انتصار وشها قلب ميه لون..
انتصار:( انتي من طرف منال?  انتي بتدي العيال يتكلمو مع امهم? بتغشي فينا ي رباب?  و الانا الامنتك علي بيتي و العيال تعملي كده)
رباب بخوف:( خالتو انتصار ممكن نتفاهم)
انتصار بزعل:( يخلخل ضروسك انا لا خالتك لا بعرفك.. يلا اطلعي من بيتي من غير مطرود)
رباب اتخلعت من تصرف انتصار..
انتصار:( يلا ي استاذه و قروشك بتصلك لحدي عندك)
رباب زعلت شديد و دموعها نزلت شالت شنطتها و طلعت بسرعه و هي بتبكي..

آيهم قاعد في غرفتو و بتكلم في التلفون مع رباب..
آيهم:( رباب والله انا آسف م كنت عارف انو الموضوع حيصل للدرجه دي)
رباب و هي بتمسح في دموعها:( م مشكله ي آيهم)
آيهم:( دخلناك في مشاكل ساي والله...و خلينا انتصار تشاكلك و تطردك.. جد اسف ...انا مستعد امشي ل انتصار و افهما انو انتي م ليك ااي ذنب احنا الجبرناك)
رباب:( لالا حصل خير الموضوع انتهي خلاص)
آيهم:( جد م زعلانه مننا?)
رباب:( لالا م زعلانه.. انا اصلا القبلتا امشي ليهم عشان كده م لايماكم انتو.. انا كنت حابه الموضوع و دايره اعمل عمل خير)
آيهم:( جد م قصرتي معانا و جميلك ده حاكون شايلو ليك طول عمري)
رباب:( العفو البينا اكبر)

انتصار قاعده تتكلم مع سيد..
انتصار:( شفتا مرتك و عمايلها تدخل البت جاسوسه لينا في البيت?)
سيد:( كويس ي منال انا بتصرف معاك)
انتصار:( لا و رباب كمان عامله استاذه و بتدرس العيال و هي جايه عشان تخلي العيال يتكلمو مع منال...والله لو م كانت بت سيده كنت بلغتا عليها البوليس)
سيد:( لالا م لدرجه دي ي امي)
انتصار:( اسمع هنا شوف حل مع مرتك دي و له ناوي تمشي ليها الموضوع ده ساي كده?)
سيد:( لا طبعا حامشي امسح بيها الارض)
انتصار:( ايوا لازم تتربي من اول و جديد)

قاعدين منال و آيهم في الصاله و باين عليهم الزعل..
منال:( والله جد احرجتا من رباب دخلناها في موضوع بايخ جدا و عملنا ليها مشكله من ماف)
آيهم:( اي والله م عارف نعتزر ليها كيف)
منال:( رايك شنو نمشي ليها البيت و نعتزر ليها)
آيهم:(والله ممكن اصلا اخوها متزوج و قاعدخ هي و امها بس)
منال:( خلاص المساء ناخد حاجه حلوه و نمشي ليها)
و قامت ..
منال:( حاشوف الاكل الفي النار)
آيهم:( خلاص تمام)
مشت علي المطبخ
ٱيهم سمع الباب بدق..
و قام مشي لقاهو سيد..
آيهم باستغراب:( سيد?)
سيد:( عاجباك حركات اختك دي ي آيهم?  جايبه لينا جاسوسه في البيت?)
آيهم:( جاسوسه شنو ي سيد انت عارف منال بس كانت دايره تطمن علي العيال)
سيد:( تكلمني انا و انا بطمنها عليهم م ترسل وحده من وراي و عامله استاذه عشان تخليها تكلم العيال)
آيهم:( ي سيد انت م بتتفاهم و منال حنستك تحانيس عشان تخليها تسمع صوت اولادها انت ابيت و منال بتبكي ليل نهار دايره عيالها)
سيد:( لمن تبقي ليهم ام كويسه و تستحقهم برجعهم ليها)
آيهم:( ي سيد كدي تعال نقعد نتفاهم)
سيد:( ماف تفاهم بس وري اختك حركاتها دي م حاكررها ليها و الجاي حيكون اكعب )
آيهم:( كدي تعال ادخل نقعد انا و انت و نتفاهم وريني شنو الما عاجبك في منال و انا بتفاهم ليك معاها بس م ممكن كده فجاه تتشاكل معاها و تطردا من البيت و تشيل العيال توديهم ل امك)
سيد:(م حادخل و ماف اي نقاش الموضوع انتهي..بس كلم اختك دي و حزرها م بسكت ليها تاني)  و مشي..
آيهم وقف مستاء و دخل و قفل الباب..

قاعدين انا و مراد بنفكر كيف نلقي دليل ضد سلمي و حسام..
قلتاليهو بثقه:( جاتني فكره.. تلفوناتهم...اكيد حيكون فيها دليل)
مراد:( حنلقي تلفوناتهم وين?)
قلتاليهو:( نتصرف ان شا۽الله نسرقهم)
مراد:( لالا معقوله بس)
قلتاليهو:( صدقني ماف حل غير ده.. التلفون حيكون فيهو الصور و الكلام و اي شي.. بالذات تلفون حسام)
مراد سكت بفكر...
مراد:( كيف لكن? تلفوناتهم ممكن تكون مقفوله برمز م حنقدر نفتحا)
قلتاليهو:( انا بقدر افتحا.. بعرف)
مراد:( خلاص تمام.. بس نجيبا كيف?)
قلتاليهو:( ناجز زول عديييل يسرقا لينا بس)
مراد سكت بفكر..
مراد:( طيب حاشوف زول)
كنت مصره جدا علي تلفونات حسام و سلمي..

رباب واقفه مع امها في المطبخ بحضرو في كيكه عشان ايهم و منال جايين.. رباب كانت مبسوطه بيهم شديد.. مع انها زعلانه من الحصل بس جيت آيهم و منال طلعتها من جو الزعل و الحزن..

يتبع.....