رواية رفقة -(الفصل الثالث)

رفقة ❤️

By:Lola~Hassan

 

#رفقة《20》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
- ي ي ياسر
ياسر التفت وراهو وهو مستغرب دي منو البتناديهو وبتبكي؟؟ كانت واقفة وراه مباشرة وهو قاعد في الارض، اول م شافها كانت واقفة وشعرها القصير مغطي جزء من وشها اللي مليان دموع..
يارا بصوت مقطع من البكاء - ياسر اخوي انا يارا!
ياسر اول م سمع الجملة دي اتنفض ووقف على حيلو وعاين ليها بصدمة لثواني بعدها شاف شعرها وعيونها وقدر شنو هي بتشبهو!
اتقدم منها وبدون اي كلمة حضنها عليهو شدييد
يارا بعد ما كانت كابتة البكية بقت تبكي بصوت اعلى واعلى وبتتمتم بكلمات مقطعة ( ياسر) (اخوي) (تاني م بنفترق) اما هو ف اكتفى بس بانو يضمها شديد كانو داير يعوضها عن سنين الغياب..
بعد عنها وهو لسه م مصدق! مسك وشها بيدينو الاثنين وبدا هو برضو يبكي..
-انتي يارا؟؟
يارا هزت راسها بنعم
قام حضنها تاني
رفقة واروى كانو واقفين جنب بعض وهم متأثرين بالبشوفوه اما رهف اللسه قاعدة في الأرض بقت تبكي شديد.. اتأثرت لدرجة م طبيعية وخصوصا وهي بتشوف ياسر وهو ببكي وكل شوية يبعدها ويسألها انتي يارا؟ انتي اختي؟ ويضمها عليه تاني..
مرت دقايق بعدها هدو وقعدو كلهم في الفرشة الكانو قاعدين فيها ناس رهف..
ياسر في اللحظة دي يادوب بدا يستوعب انو رفقة قاعدة وسلم عليها وسلم على اروى..
ياسر - يعني انتو اتفقتو تعملوها مفاجأة؟؟
رهف هزت راسها بنعم - من يوم م قلت لي عندك اخت اسمها يارا حكيت لي رفقة وعرفتها طوالي
ياسر - وكيف قدرتي تمسكي الموضوع الفترة دي كلها وانتي ي يارا كيف عرفتي مكاني وما جيتيني وانتظرتي الفترة دي كلها
يارا هزت راسها بلا - انا يادوب كلموني الليلة.. انا لو كانو كلموني من بدري لا كنت ح انتظر مفاجأة ولا حاجة، انا لمن كلموني بقيت شغالة ليهم اسي تودوني ليه اسسي
ياسر - كدي خلينا من ده! انتي كيفك وكيف كانت حياتك خلال ال١٦ سنة الفاتو ديل؟؟؟؟
يارا - كويسة والله شديد، طبعا مشينا السعودية وامي اتزوجت وراجل امي عاملني كويس شديد
ياسر سكت مسافة
يارا - ياسر
ياسر - لي امي ما رجعت لي؟
يارا باندفاع - م تفكر كده والله امي تموت في دربك..
قاطعها - لو كده كان رجعت وساقتني من ابوي
- ياسر (سكتت مسافة)خليني اشرح ليك، امي عندها مرض نفسي لدرجة حجزوني منها ٣ مرات وانا صغيرة، وقعدت في المستشفى كثير شديد للعلاج النفسي، امي كانت بتهاتي بي اسمك ليل ونهار، (عيونها اتملت بالدموع) ياسر انا ما متذكرة الحصل شنو بالظبط كنت صغيرة كل المتذكراهو مسكتك لراسي لمن ابوي وامي يتشاكلو لكن ابوي اذى امي شديييد من الحكتو لي انو هددها انو لو حاولت تتواصل معاك تاني ح يقتلك، امي جاتها امراض نفسية كثيرة ولحدي زمن قريب هي بتتعالج، ياسر عليك الله م تزعل منها وتعال زورها 💔 كفاية انها ما ح تقدر تشوفك لانها عمت قبل كم سنة💔

ياسر بصدمة - امي عمت؟
يارا بتأثر شديد - اي والله
ياسر سكت وما عارف يقول شنو والغصة خنقتو، عمرو ده كلو كره امو لكن م كان عارف انها اتأذت كده عشانو 💔 ما كان عارف انو امه ما كانت بتجيه عشان تحميه!!! بس لسه القصة ناقصة شديد

يارا - ياسر لازم تجي لامي💔 لانها عيانة شديد.. لازم تطمن قلبها ده شوية وتنوم يوم واحد زي الناس 💔💔 ومنها تحكي ليك هي الحصل

ياسر كان لسه ساكت ومتأثر..

رهف حست انو بعد ده مفروض هم ينسحبو

رهف - يلا بعد ده نحن قايمين عشان الواطة بتمغرب وبيتنا بعيد شوية
يارا - اقعدو حبة ياخ
رهف - ياريت والله بس الزمن
اروى - انا زاتي ح امشي بعد ده عندي حاجات دايرة اعملها
قامو وسلمو عليهم ومشو..

سكتو قرابة ال٥ دقايق بدون م زول فيهم يتكلم..

يارا قطعت الهدوء - وانت؟ حصل عليك شنو كل السنين الفاتت دي؟ وابوي عمل ليك شنو واسي هو وين؟؟

ياسر - اسي ابوي انا ما عارف عنو اي حاجة ولا عارف هو وين، بعد طلق امي ابوي اتزوج وحدة اكعب منو ( بعدها رفع كمو لحدي فوق الكوع وبقى يأشر على الحروق) حرقتني، كبت فيني موية حارة وانا نايم عايني (بقى يأشر على مكان الحروق) ظهري كلو حروق زي دي واكعب

يارا بقت تتحسس الحروق بيدها وهي بتبكي - الله يحرقها زي ما حرقتك 💔وعشت معاهم كيف؟؟؟

ياسر نزل الكم - ما قدرت استحمل، عشت معاهم سنتين بس بعدها قدرت اتواصلت مع اهل امي، اخوالي وجدي، حكيت ليهم الحاصل كلو وجو ساقوني

يارا كانت متفاجأة - وعاملوك كويس؟؟

-شديد، ربنا عوضني بيهم عن اي شيء

- الحمد لله 😭😭

ياسر بدا يحكي ليها عن اخوالو وكيف استقبلوه وعاملوه وكيف كان عندو مشاكل نفسية وعالجوه، حكى ليها عن حياتو كلها بتفاصيلها وهي بدورها حكت تفاصيل حياتها وعن راجل امها والحصل عليها وعلى امها لحدي ما جو السودان، استغرقو قريب الثلاث ساعات وما وعو الا بي صوت اذان العشاء

يارا طلعت تلفونها ولقت مكالمات كثيرة من راجل امها!
يارا - ابوي ح يكون مقلق علي اسي شديد، عندك عربية ولا اكلمو يجينا؟؟
ياسر - لالا عندي لكن كلميه انك معاي.
- طيب، لكن لازم ترجع معاي اسي عشان تشوف امي
ياسر سرح مسافة
يارا - ياسر
ياسر- خلاص طيب.
يارا وقفت واتصلت على ابوها وورتو انها لاقت ياسر اما ياسر فاتصل على رهف وشكرها شدييييد على العملتو ❤️❤️

بعدها ياسر قام - ارح نصلي
يارا - بصلي في البيت
-لي؟
عاينت لنفسها بعدها ياسر فهم طوالي، يارا كانت لابسة بنطلون واللبسة بفوق حدها مع البنطلون قصيرة يعني وطرحتها صغيرة
ياسر - بيتكم وين؟
يارا - في (....)
ياسر - بعيد..
كان لابس جاكيت كبير لحدي فوق الركبة بشوية طلعو ولبسو ليها
يارا استغربت شديد منو بس بعدها شافتو قام ومشى.. رجع بعد مسافة وهو شايل موية وفرشة
ياسر - هاك اتوضي
يارا اتوضت بدون م تسألو.. بس اتفاجأت تاني انو طلع شراباتو ومداها ليها!!

يارا - ده شنو؟؟
ياسر  - م وسخانة م تخافي بعدين م تعافي من اخوك
يارا - م كده بسس..
- ما بس ولا شيء ما بتعرفي انو البت لازم رجلها م تكون كاشفة وهي بتصلي؟
يارا حست بخجل منو ولبستها وده كلو وهو بعاين ليها في وشها شديد.. بعدها رفع طرحتها بيدو ولفاها بطريقة معينة لأنها قصيرة...

يارا كانت بتعاين ليه وهو مركز في الطرحة يجر فيها بجهه تتشد بجهه تانية، كان بلف فيها باهتمام شديد

بعدها قام وصلى بيها جماعة..

يارا م كانت من الناس القريبة شديد من ربنا، في الحقيقة متهاونة في الصلاة شديد وممكن تمر عليها ايام بدون م تصلي صلاة وحدة في وقتها اما الخشوع ده قرت عنو بس!!
(الليلة ولأول مرة من زمن بعيد شديد اصلي جماعة مع زول! صوت ياسر في التلاوة خلاني ابكي وحسيت باحساس غريب شديذ وحلو في نفس الوقت! يمكن يكون الخشوع ما عارفة! شعرت انو ربنا قريب مني وكانو بقول لي لي بعدتتي عني؟ لي ما ترجعي لي؟ رجعت خلاص يا رب اغفر لي 😭😭😭❤️ انا تبت اليك يا رب فقويني .. انا عاوزة اكون قريبة من ربنا، انا ما عاوزة اموت عن تهاون في الصلاة او اي شي ❤️)

اول م سلم مسك رأسها بيدو وبقى يدعي ليها
( مرة ورا مرة تصرفاتو وحركاتو وحنيتو بتفاجئني! دي ونحن يادوب اول مرة نتلاقى! ادركت في اللحظة انو الفاتني من نعمة الاخ كثير شديد )

.
.
.
.
.
.
.
يارا - ماما انا جيت
-بركة الجيتي جيبي لي موية النشرب
ياسر اتقدم من امو وبقى يتأمل في ملامحها.. اتغيرتي من اخر مرة شفتك فيها! م اتغيرتي ساي ،اتغيرتي شديييييد، كأنها ٥٠ سنة ما ١٦ بس!
وقف قدامها مباشرة وباس راسها - يمة انا برضو جيت، انا ياسر
صوتها اتغير وبقت تبكي وهي بتتكلم - والله ياكا ياسر والله دي ريحة ولدي تعال لي يا ولدي ( وبقت تبكي زيادة)
ياسر قعد جنبها وحضنها وبقى يبكي شديد هو برضو
ياسر - يماا
- امي انت (صوتها بدا يتقطع من البكاء) قطعت قلبي وينك انت من زمان
ياسر - يمة خلينا من زمان اسي انا قاعد جنبك وتاني ما بفوتك ❤️❤️❤️

ونام في الليلة ديك مع امه وقرر انو فعلا ما يفوتها تاني ❤️ بالذات بعد ما شافها وكيف كانت متأثرة، أما امو القرّت عينها اخيرا بشوفتو ما قدرت تنوم اليوم داك.. وبقت تبكي بس وهي م مصدقة وبتدعي القادر الكريم انو يرد ليها بصرها دقيقة واحدة بس تشوف ولدها القلعوهو من حضنها قلع..
•••••••••••••••••••••••••••••••••••••••••••••••••••••••••••
 

#رفقة《21》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كانت بتتمشى في المستشفى اللي حفظت ممراتها حفظ وبقت كأنها بيتها..
الليلة وزي ما اتوقعت ياسر ما جا، المكان كئيب بدونو! شكلها يارا شلبتو مني
وقفت وبقت تتخيل شكلو وملامحو وبتبتسم
كيف لشخص مما عرفتو ما تم شهر يخليني افقدو للدرجة دي لمن يغيب! مع اني كثير جدا ما قاعدة افهمو لكن ما عارفة بس بقى كراشي
رفقة - ي رهف
- اها
- ابوي ده تعب شوية خليك معاه كان حصلت حاجة اتصلي علي، لانو الدكتور كتب علاجات جديدة والا امشي البيت م معانا قروش كفاية
رهف - انا معاي، العلاجات كلها بكم؟
رفقة - ٢٠ الف
رهف - انتي جادة؟ ودي نجيبها من وين؟
-والله يا رهف ما عارفة اتصلت على امي ما بترد شكلي ح اشوف الخزنة فيها كم واتدين الباقي من إبراهيم (سيد الدكان)
- ابراهيم ديونو عندنا كثيرة خلاص الله يقدرنا نسددها، اسمعي خلاص امشي بسرعة انا ح اكون مع ابوي
- تمام ( ومشت)
رهف مشت ولقت انو ابوها فعلاً تعبان شديد 💔 قامت اتوضت وصلت بعدها رفعت يدها وبقت تدعي

(يا رب هو أغلى ما أملك، يا رب يا من تعيد للمريض صحته وتستجيب دعاء البائس الضعيف، اللهم اشفي ابي وخفف عنه ورد إليه عافيته وصحته. اللهمّ إنّي أسألك من عظيم لطفك، وكرمك، وسترك الجميل، أن تشفي أبي وتمدّه بالصحّة والعافية، لا ملجأ ولا منجا منك إلّا إليك، إنّك على كلّ شيءٍ قدير.)
بقت تدعي لحدي ما غفت في المصلاية

بتهز فيها - يا رهف
بدت تصحصح بعدها قامت مخلوعة - في شنو؟؟
-مافي حاجة جبت العلاجات بس، شايفاك نايمة
- لالا صحيت، جبتيها كلها؟؟
بحزن -لالا القروش م كفت الفاتورة طلعت كم و٣٠
رهف قامت من الارض وبقت تنفض في هدومها - ده كلام كعب شديد
- تعرفي شكلنا ح نشوف لينا شغل مع التدريس ده لانو بقت القروش م بتكفي، ورغد لسه عندها جلسات
- اي الا كده، انا زاتي شكلي تاني ح اشتغل صباح ومساء (كانت بتشتغل مساء بس عشان تقعد الصباح مع ابوها)
.
.
.
.
.
اليوم البعدو كان يوم جمعة، قاعدين كلهم في البيت ما عدا رهف الباتت امس في المستشفى، بعد ما اجزت رفقة بقو يتناوبو في المبيت يوم رهف ويوم رفقة..
شغلت السخان وجابت كباية كبت فيها حبة سكر وحب شاي تيباك بعدها الموية غلت كبتها وشالت الكباية طلعت برا المرة دي قدام المستشفى، كان في كراسي طويلة قعدت في واحد وبدت تشرب في الشاي، قبل م تشوف ياسر جاي اتجاهها
فرحت شديد ف هي م كانت متوقعة تشوفو الليلة!!!
اتوسعت ابتسامتها وبقت تلوح ليه بيدها..
جا وسلم عليها وقعد..
ياسر - رهف ما سمحت لي الفرصة اجي واشكرك بعد العملتيهو ده..
- على شنو ياخ ده الواجب، بعدين نحن زاتنا اتأثرنا والله شديد حيت باحساس عمري م حسيتو قبل كده

سكتو مسافة وياسر كان قاعد لي قدام شوية وبعاين لقدام بشرود
ياسر قطع الصمت ده - رهف لو اتقدمت ليك بتوافقي؟
قال الجملة وهو في نفس وضعيتو بدون م يلتفت بس فجأة حس بحاجة حارة في كتفو
اتنفض فجأة - يا بت مالك؟
رهف م مستوعبة لسه! من اللبشة كباية الشاي وقعت من يدها
( واي انا غبية طبزتها طبزتها)
- اناااا .. هناي معليش
- ما معليش، ح توافقي ولا لا؟
رهف من التوتر قربت تبكي
ياسر - رهف
- انا ما كنت متوقعة، انا م فكرت..
قاطعها - ح توافقي ولا لا؟
رهف سكتت ونزلت راسها لتحت بدون م تجاوب
رهف ( كنت متوترة شديد وما عارفة اقول او اعمل شنو في اللحظة ديك! قالها لي فجأة وما اداني فرصة افكر! بس فجأة اسمع ضحكتو حرفيا أسرتني وخلتني في عالم تاني ما واعية بالحولي! قال لي السكوت علامة الرضا معناها موافقة، ما عارضتو ولا اي شي اكتفيت بابتسامة بس وما عارفة لي عملت كده!!!)

ياسر ( انا في اللحظة دي اسعد انسان في الدنيا! بالرغم من اني متوقع انها م ترفض لكن برضو حسيت نفسي ارتحت شديد، من اول يوم جات فيهو المستشفى وهي بتبكي وقلقانة على ابوها لحدي اللحظة دي كل ما اشوفها بحس نفسي عايز اوقف الزمن وابعد اي زول بيناتنا ❤️)

قطع عليهم تلفون رهف الكان من الدكتور وقال ليها انو حالة ابوها بدت تتأخر!!!

في مكان تاني..
رفقة كانت قاعدة في الاوضة وبتبكي 💔 ابوها وضعو ما كويس نهائي والعلاجات دي مهمة شديد والديون هدت حيلهم 💔 ده غير علاجات رغد اللي برضو ما قاعدة تأخذها كلها..

امي ابوي انا اسفة.. لازم اعمل كده.. محمد هو الزول الوحيد الممكن يحل لينا مشكلتنا دي نحن محتاجين ليه أكثر من اي وقت تاني!!!
طلعت تلفونها وكتبت رقمو واتصلت بس للاسف جاها مغلق 💔💔💔💔
شكلو غير الشريحة..
لبست توبها ومشت لجيرانهم ناس نادية وطلبت منها تلفونها وفعلا ادتها..
دخلت حسابها بالفيس نزلت ليها رسائل واشعارات كثيرة شديد لكن م اشتغلت بيها..
دخلت صفحة محمد ولقت اخر بوست قبل شهور قامت خشت المسنجر ورسلت ليه وما استلم، افففف شكلو ما قاعد يخش الفيس..
حاولت تشوف التعليقات في حسابو عشان تعرف اصحابو.. محمد عبد القادر ده علق ليهو كم مرة شكلو صاحبو.. خشت صفحتو وما لقت الرقم قامت شافت افراد الاسرة.. صالح عبد القادر اخ كدي النشوف.. دخلت وما لقت رقم برضو 💔
رجعت لنقطة البداية تاني هنا اتذكرت انو صحبو اسمو حسن بس م عارفة حسن منو؟؟ بقت تفتش الاسم في اللايكات والتعليقات لقت ٥! كتبتهم في ورقة وخشت الاول فالثاني فالثالث ولقت ٢ منهم كاتبين ارقامهم..
اتصلت على الاول رد وبعد السلام سألتو من محمد سليمان، عرفو بس قال ليها انو علاقتو معاهو سطحية من الفيس بس..
اما الثاني ما عرفو اصلا..
رجعت تاني لنقطة البداية.. وبقت تفتش في الناس المتفاعلين كثير..
تعبت شديد وهي بتفتش قريب الساعتين بدون جدوى 💔 بعد ما خلاص فقدت الامل وجاية تقفل التلفون اتذكرت ابوها ورغد وانهم بالجد بالجد محتاجين ليه.. رجعت فتحتو تاني والمرة دي قررت تغير الدائرة حقت البحث..
بقت تفتش في صفحات ناس دفعتو في الجامعة والثانوي واي زول تشوفو قرأ معاهو تحاول تتواصل معاه بالمسنجر والتلفون..
اخر شي لقت صفحة باسم محمد حسن شالت الرقم واتصلت..

-الو السلام عليكم
رفقة - وعليكم السلام، محمد حسن؟
- ايوه.. منو معاي؟
- انا بسأل من واحد اسمو محمد سليمان رقمو راح مني.. لو بتعرفو يعني
- محمد سليماان.. والله ما عرفتو! لكن الاسم ما غريب
- كان دفعتك في الثانوي مدرسة (...) امتحنتو سنة (...)
- ايوااا.. فعلا لكن الكلام ده طول م متذكرو، بعدين اسم محمد ده كان كثير في دفعتنا
- عندو صاحبو اسمو حسن
- حسن اسماعيل ولا حسن خالد؟
- والله ما متأكدة لكن في حسن غيرهم في الدفعة كان؟
-لالا بس ديل، برسل ليك ارقامهم اسي
- تسلم شديد وما بتقصر..
قفلو الخط وبعد دقيقتين لقتو رسلهم
طيب بسم الله
سجلت رقم حسن خالد واتصلت..
.
.
.
.
.
.
كان قاعد وفجأة تلفونو اتصل، صمتو ورجع رقد تاني، بس التلفون م ريحو بقى يضرب كثير
ده منو يا رب اللهم اجعله خيراً
- الو
- اهلين.. حسن خالد؟
-ايوه بس رقمك م مسجل م عرفتك
- بتعرف محمد سليمان؟؟
عدل قعدتو - أي بعرفو
سكتت مسافة بعدها سمع صوت بكاء
رفقة - انا رفقة
- رفقة كيفك؟؟؟ ان شاء الله خير!
- عارف محمد اسي وين؟
-عارفو اي دايراهو؟
- اي عليك الله خليهو يرجع لي الموضوع ضروري.. ولا اقول ليك اديني رقمو انا بضرب ليه
- الحاصل عليكم شنو؟؟؟
- حاصلة حاجات كثيرة ما في زمن احكيها اسي المهم ابوي مرقد في المستشفى ومحتاج علاجات وما قدرنا نوفرها ليه، اسي رسل لي رقم محمد
 حسن بعد قفل منها رسل ليها رقم اخوها بعدها قام فتح الخزنة حقتو وشال نص القروش الموفرها ودور عربيتو ومشى عليه مباشرة..
•••••••••••••••••••••••••••••••••••••••••••••••••••••••••••
 

#رفقة《22》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اتنفض من مكانو اول م شاف الرقم البتصل عليه!!!
عرف انها رفقة فهو حافظ رقمها زي اسمو..
رد من اول رنة - رفقة
رفقة كانت بتبكي وواضح في صوتها - محمد 💔
- الحاصل عليك شنوو؟؟ في شنو؟
- تعال لينا في مستشفى (...) ابوي عيان شديد مرقد ليهو شهر وداير علاجات م قدرنا نوفرها ليه
- دقيقتين بس واكون معاكم..
بعد شوية حسن كان وصل ودق الباب وفتح ليه واحد من الشباب..
اول ما دخل لقى محمد قالب السرير وبفتش في الشنطة التحتو ومجدع حاجاتو في الغرفة كلها
حسن - محمد
محمد - القروش الخاتم وديتهم وين انا
حسن - ارح العربية مدورة انا معاي قروش
محمد بدون م يرجع حاجاتو او يغير ملابسو مشى على العربية..
.
.
رفقة اول م قفلت من محمد اتصلت على رهف لانو شايفاها اتصلت عليها لمن كانت بتتكلم مع محمد وجاها مشغول قامت لبست توبها ورجعت البيت
اول م خشت سمعت صوت امها ورغد ببكو مشت عليهم
- امي
- رفقة ابوك بيحتضر
رفقة - شنووووووووو؟؟؟؟
.
.
.
حسن - مستشفى شنو؟
محمد - (....)
- بعيدة لكن اسي بنصل (وزاد السرعة)
محمد - حسن
- ايوه
- تتذكر لمن قلت انو العز اهل؟
- ايوه
- غلطت.. العز ما اهل، العز اصحاب ❤️ انا اهلي ما وقفو معاي وقفتك دي
- ياخ ده كلام شنو انت لو مكاني زاتك ح تعمل كده
محمد بالرغم من الخوف والقلق الدخلو فيهو اسي الا انو بوجود حسن معاهو حس انو اتطمن شدييييد..
.
.
.
كان راقد في سرير المستشفى وحواليهو زوجتو وبناتو ال٣، صحى في اللحظة دي وبقى يتكلم ولو كانت الكلمات بتطلع منو بصعوبة 💔
- رضيان منكم وعافي ليكم واعفو لي اي تقصير في حقكم.. الدنيا دي مافي زول دايم ليها وكلمو محمد اني عافي عنو
رفقة ببكاء - ابوي محمد جاي عليك
- ما اظني الاقيهو يا بتي
رفقة م قدرت تستحمل وطلعت من الغرفة وهي بتبكي والغصة خانقاها.. اتصلت عليها اروى في اللحظة دي وكأنها حست بيها..
رفقة - اروى 💔
- بسم الله يا بت مالك؟؟؟
- اروى ابوي (وبدت تبكي)
غلبها تتكلم ووقفت الحروف كلها في حلقها في اللحظة دي..
جا ياسر من وراها وقال ليها بحزن شديد
- رفقة.. دي سنة الحياة ولو كان فينا زول بعيش كان عاش النبي محمد صلى الله عليه وسلم، رفقة البركة فيكم ابوك اتوفى

هنا بالجد حست انها منهارة تماماً وحست انها فقدت جزء من قلبها 💔 التلفون وقع من يدها وبقت تصرخ وترجع لورا كأنها م مصدقة!!
بتحاول توقف نفسها.. بتحاول تصبر نفسها.. عارفة الصبر لحظة المصيبة اجرو كبير كيف لكن في نفس الوقت صعب.. صعب شديد وما اي زول بطيقو!!
.
.
نزل من العربية وجرا جوا بسرعة وهو بحاول يتصل على اخواتو بس بدون رد!
قبل م يدخل المستشفى سمع صوت بكاء شديد وعرف انو في زول جاهو خبر شين 💔💔 بس اتمنى ودعا من قلبو م يكون ابوه..
بس ما اي حاجة بنتمناها بتحقق💔💔

دخل بسرعة وشاف وجه ليهو شهووور منو..
شاف رفقة من بعيد بتبكي وبصبرو فيها نسوان م بعرفهم!
جا جاري عليها ومسكها من اكتافها
- رفقة.. رفقة ردي علي
- محمد (صوتها كان مقطع من البكاء والغصة خانقاها وما قدرت تنطق كلمة تاني 💔)
محمد فهم وبدون م يسألها تاني لقى نفسو دخل جوا وياسر كان متابع الموقف قام جا ووداهو للغرفة الكان راقد فيها ابوه ولسه م حولوه
دخل وفي اللحظة دي عم صمت رهيب..
شاف امو قاعدة في الارض بتبكي بحرقة ومعاها رغد وبدا يرفع نظرو ببطئ وخوف للراقد في السرير 💔
م قدر يتمالك نفسو وما عارف نفسو عمل شنو في اللحظة دي وما وعا بنفسو الا وهو خاتي راسو في صدر ابوه وماسكو باقوى ما عندو وببكي وحسن بثبت فيه

- محمد.. الدوام لله
ما اشتغل بيه وبقى متعلق بملابس ابوه وببكي 💔
- انا اسف 💔 انا اسف يا ابوي عشان اتأخرت 😭 آسف لأنو احتجتني وما لقيتني 💔💔 صوتو انبح من البكاء في اللحظة دي وقف على حيلو وقبل على الحسن الكان واقف ومتأثر شديد 💔
خت راسو في كتف صحبو وبدا يبكي بصوت 💔💔
سامية وقفت جنب حسن بعدها محمد قبل على امو وحضنها وبقى يبكي 💔 يمة انا اسف اعفي لي💔💔💔💔💔💔
سامية بصوت مبحوح - عافية عنك وابوك عافي عنك

نهاية اليوم في بيت البكاء، على غير العادة البيت كان مليان ناس وواقفين في البكاء حسن وياسر ونادية وحاجة عشة ويارا واروى وفيما بعد جاتهم منى.. بس حرفيا ولا زول من الاهل كان واقف 💔

كانو قاعدين في الصالة والنسوان ببكو بصوت عالي قامت جات عمتها وقعدت جنبها
- رفقة يا بتي الدوام لله.. والله وجعنا كلنا
هنا رفقة م قدرت تستحمل كمية النفاق الحواليها وقفت على حيلها وهي بتقول - والله ما وجع زول غيرنا.. كلكم منافقين وكلكم بتتصنعو، ابوي اتوفى بسبب ١٠ الف.. ١٠ الف دي عندكم فكة ساي وعايشين شهور زول فيكم زارنا وعرف حالنا ماف.. كلكم منافقين
هنا امها سكتتها! بالرغم من انها عارفة انو كل كلمة قالتها بنتها صح! لكن في مجتمعنا عيب.. عيب تتكلم بالطريقة دي مع عماتها ونسوان البكاء! الناس بشيلو حالها! دخلتها جوا ورجعت اعتذرت وهي مكسورة 💔 هي عارفة انو هي كده برضو منافقة والفي قلبها عكس تصرفاتها بس تسوي شنو؟ سمعت وسوسة النسوان عن بتها وسكتت عنها 💔

وبي جهه الرجال كان قاعد ومتجرس شديد بالذات من النقطة حقت انو ابوه مرقد شهر وهو م عارف عنو حاجة وفي الاخير احتاج علاجات وما قدرو يوفروها ليه 💔 برضو ما سلم من لسان الناس وبرضو سمعهم بتكلمو عنو وطلعوه كعب ومتصنع ده كلو بس ما كان في وضع بسمح ليه يرد عليهم..

بعد مرور يومين وبالضبط في اليوم الثالث بعد ما الناس خفو وهم زاتهم بدو يهدو شوية م زي اول يوم..

محمد كان لاحظ لياسر وحركتو ووقفتو واعجب بيهو شديد بس قدر م حاول يعرف هو منو م عرفو!!!
محمد - انت يا حسن ده منو؟؟
- والله ما عارف لكن اسمو ياسر
-  واقف معانا وقفة رجال بس قدر م حاولت اعرفو م قدرت شكلو زاتو غريب علينا
- اي والله م قصر عارف حتى اول يوم الغاز قطع شال الانبوبتين وملاهم والخضار والزيت وحاجات الاكل اول يوم كلها جابها لحدي اللبن
محمد فكر شوية وقرر يتكلم معاهو يمكن يعرفو!

من جهه تانية منى كانت واقفة بتعمل الشاي للرجال قامت جاتها وحدة من بنات اهل رفقة
- لو سمحتي في عدة برا كثيرة امشي غسليها
منى - في بت جايبنها للعدة، وانا اسي مشغولة قاعدة اعمل في الشاي للرجال
عاينت ليها بلئامة- ايوا يعني ما انتي البت الجابوها؟
- لالا انا صحبة رفقة
عاينت ليها من فوق لتحت بعدها قالت بصوت واطي بس قصدت انها تسمعها - مالها رفقة بتصاحب الخدم
رفقة - الخدم ديل احسن منك وخوتهم انضف منك
اتخلعت فما اتوقعتها من رفقة - انتي بتقارنيني بي الزي ديل؟
رفقة م لقت نفسها الا وهي ضاربة بت عمتها وديك بدت تبكي والاهل اتلمو..
كبرت القصة وعمتها بقت تكورك وتهرج بعدها لمت اولادها وفاتت
سامية بصراخ - ممكن اعرف انتي مالك؟؟؟ بتتعمدي تعملي في المشاكل لي؟
-امي هي استفزتني
منى في اللحظة دي حست بإحساس م كويس 💔 وقفت وقالت لرفقة - انا اسفة لانو عملت ليك مشكلة
- م تقولي كده انا اصلا كنت دايرة لي سبب واهلي ديل اتخلو عننا وما دايرين بيهم اي شيء، لو المشاكل جاية منك حبابها المشاكل
منى ابتسمت وهنا دخل محمد
- الحاصل شنو؟؟
سامية - خلاص مافي حاجة (ومشت)
التفت على رفقة - رفقة
- محمد خلاص الموضوع عدا
•••••••••••••••••••••••••••••••••••••••••••••••••••••••••••
 

#رفقة《23》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كانت واقفة قدام البيت وماسكة يدين منى بيدينها..
رفقة - منى عليك الله ما تشتغلي بيها والله هي لئيمة وبتتعمد تسيء للناس وانتي والله ما قصرتي جيتيني ال٣ ايام وشلتي البكاء ده كلو في راسك ❤️ منى انا والله عمري كلو ما انسى الوقفة الوقفتيها معاي من اول مرة اتلاقينا فيها والله يقدرني اجازيك ( حضنتها وسلمت عليها شديد)
منى - رفقة انتي اسم على مسمى
-كيف؟؟
- لأنو رفقتك طيبة شديد ❤️
بعدها منى مشت وخاطرها مجبور ❤️
.
.
خشت جوا وسمعت محمد ببكي في اوضتهم.. دخلت وشافتو كان حاضن رغد شديد 💔
قبل دقايق كان بتكلم مع امو ورغد دخلت وفكت الطرحة (بتلبس طرحة عشان شعرها اتحتا وبقى خفيف شديييد) قام محمد شالها بيدينو ولاحظ لوجهها الشاحب وشعرها قام سأل امو وورتو انو عندها سرطان 💔

بعد دقايق بس كانو كلهم قاعدين في الاوضة وببكو 💔 سامية ومحمد ورفقة ورهف ورغد
محمد لمن صوتو اتغير من البكاء وكان بسأل فيهم حصل عليكم شنو من بعدي؟ ولي ما كلمتوني لي ما اتواصلتو معاي 💔 انا اخوكم في النهاية 💔💔
مافي زول قدر يرد عليه 💔
سامية - المهم اسي انت جنبنا وان شاء الله بتهون
محمد - امي احكو لي حصل شنو بالتفصيل
سامية بدت تحكي ليه كل شيء.. مما بدت المشاكل لمن سليمان فقد شغلو ورغد ظهر ليها الكانسر ورهف الجمدت سنتها وبقت شغالة استاذة وعنها هي وكيف بقت تعوس الكسرة وتبيعها 💔 حكت ليهو عن رهف الخلت أحمد ونفسيتها بقت كعبة شديد وعن انهم باعو الارض وسليمان الاتأثر بالقصة دي شديد لمن مرض 💔 حكت ليه كل شي ومحمد اتبكم بقى م قادر يتكلم.. كان خاتي يدو في راسو بس وببكي قدرتو💔

.
.
.
.
بعد مرور كم يوم.. كانو ياسر ويارا واقفين قدام باب بيت جدهم.. ياسر اصر شديد على يارا تجي وتزورهم لانهم اهلها.. خشو جوا واستقبلوها ورحبو بيها شديد
يارا ( ابدا ابدا م اتوقعت انو يستقبلوني وخفت يحرجوني وكنت بقول لياسر خلاص مافي داعي لكن هو اصر شديد.. بس الما كنت فاهماهو لي حصل كده ولي حاربو امي 💔)
نزلت راسها بعد ما سألت خالها السؤال ده وحست نفسها استعجلت بس خالها رد طوالي
- الحصل بالضبط يا يارا انو امك اصرت على ابوك شديد وهو مع احترامي لانو ابوك سمعتو كانت بطالة جدا جدا ومعروف انو بسكر واهلو ما كويسين وشكلو غشاها ووعدها بي حاجة، اصرت ودقت جرس وهددتنا عديل انو لو ما وافقنا ح تطلع تخلي البيت وابوي طبعو حاد شوية قال ليها انا موافق بس بشرط تاني لو حصلت ليك اي مشكلة م ترجعي لي وانا لا ابوك لا بعرفك ولا ديل اخوانك قامت وافقت على الشرط (سكت مسافة لمن شافها بدت تبكي بعدها واصل) انا بقول ليك الحقيقة عشان لازم تعرفيها وانتي م طفلة
 
يارا قشت دموعها - خلاص كمل

خالها واصل - اتصدمنا كلنا بس هي كانت جادة في قرارها وابوي قال ليها ده قرار مافيهو رجعة فكري كويس فكرت وجات تاني يوم قالت نفس الكلام قام وافق وعلى كده عقد ليها وتاني م جاتنا الا بعد ١٠ سنة وكنتي انتي معاها وياسر ده لو ما دق علينا اليوم داك والله لي اسي ما كان عرفنا انو عندها ولد ، المهم جاتنا قالت انها اتطلقت ودايرة تعرس تاني ابوي وافق بكل هدوء ومشى عقد ليها وجا تاني م شفناها الى الآن

يارا بحزن - طيب لي هي عملت كده؟
- والله يا بتي ما عارف، اهم شي انكم اسي كويسين وسلمتو من ابوكم والله ياسر ده لمن جا هنا كان عندو نفسيات عديل وخواف ما بتكلم مع زول وأقل شي ببكي..
يارا - طيب يا خالو انا عارفة انو امي غلطت في حقكم كثير بس ما جا الوقت عشان تنسو الفات وتبدو صفحة جديدة؟
في اللحظة دي دخل جدها - ننسى شنو؟ نزلت راسي للارض وخربت سمعتي كلو كلو الله لا كسبها، امك دي انا متبري منها من زمان
خالها التفت على ابوه - ابوي خلاص
يارا بقت تبكي شديد وياسر اخذها في حضنو وهو بعاين لخالو وجدو
جدها في اللحظة دي هدا شوية وقعد - يا بتي، انتي واخوك ما تنقطعو من امكم انا ما حاميكم، لكن انا عن نفسي خيرتها زمان وهي اختارت تعيش كده
يارا ببكاء - بس هي لقت جزاتها في الدنيا 💔 امي اتعذبت كثير واسي هي عيانة شديد وعميانة
ياسر - يارا خلاص
جدها قام بدون م يتكلم
.
.
.

.
.
 جا حسن داخل الصالون الما كان فيهو زول غير محمد جا وقعد جنبو
حسن - شفتك اليوم داك اتكلمت مع ياسر!
- اي
- وطلع منو؟
- هو اخو صحبة رفقة وشافهم في المستشفى وكده واتكلم معاي كلام كويس شديد وقال ح يجي يتقدم لرهف.
- وانت رايك فيهو شنو؟
- والله من الشفتو شكلو زول تمام، سألتو من اهلو وكده قال انو من (....) واهلو هنا في الخرطوم ووراني مكان شغلو وكده.. انا ارتحت ليه شديد انت عارف بحكم انو غريب وكده كنت داير احاسبو في الحاجات الجابها اول يوم رفض كلو كلو انا احلف وهو يحلف
- كلام طيب شديد ❤️.. واختك ربنا عوضها بالاحسن من احمد
-عليك الله احمد شنو..
- قلت ليك
-اها
- انا داير اخطب
فرح شديد - بالله؟!! واخترت ولا لسه
- لالا اخترت
- منو؟؟
- والله ما عارف اسمها لكن هي حلبية كده وطويلة وبتلبس نظارات شكلها من صحبات اخواتك
- شفتها في البكاء يعني؟
- ايوه كانت متحركة شديد يوم البكاء، بس م عرفتها
- ما تشيل هم اسي بسأل ليك منها..
- والله ما بتقصر
- ده اقل شيء ممكن اعملو
.
.
.
.
نهاية اليوم كانو قاعدين في البرندة..
محمد - انتو يا رفقة ورهف
بصوت واحد - اها
محمد - كان في بت في البكاء حلبية كده وطويلة وبتلبس نظارات
رفقة باندفاع - اروى.. لي داير تخطبها؟
محمد قعد يضحك - ما انا، حسن صحبي
رفقة نطت - انت جاااادي؟؟؟؟
- جادي اي، انتي رايك شنو فيها؟
- والله هي زولة كويسة شديد
- من ياتو ناحية
- من كل النواحي اول شيء اجتماعية وزولة حارة بتقيف معاك لحدي اخر لحظة وظريفة ووناسة وما بتشيل في قلبها وعينها ملانة
- طيب ملتزمة هي؟
- اي شديد م بتفوت صلاة وبتصلي النوافل مرات ومحجبة
- بتقرا شنو طيب واهلها من وين وكده
-  دفعتي في الجامعة هي .. اهلها من (....) وساكنة (....)
محمد - خلاص كويس شديد..  
رفقة بحماس - ح اكلمها
رهف قعدت تضحك هنا محمد لف عليها
- انتي زاتك انا دايرك في موضوع
- شنو؟؟
- ياسر غريب.. بتعرفيه؟
هنا رهف وشها حمر وخجلت محمد طوالي عرف انها عارفة.. هزت راسها بنعم
محمد - طبعا هو كلمني وجاي يتقدم ليك انتي رايك فيه شنو؟
رهف - والله هو كويس انا م عندي مشكلة وبعد ده الرأي رايك انت وامي..
رفقة كانت متفاجأة شدييييد لانو م كان عندها اي خلفية عن الموضوع! رهف م لحقت تحكي ليها بسبب وفاة ابوها قامت وحضنتها عليها شديد بعدها محمد مشى عشان يكلم امو..

رفقة طوالي قامت واتصلت على اروى
اروى - ريري ازيك
- ارووووى
-مالك هاا
- جاك عريس
- كزااااابة
- اقسم بالله جد
- منو وساكن وين ورقمو كم؟؟؟
- يا بت الشفقة خليها 😂
- واي عليك الله م قادرة اتنفس
- هو صاحب محمد اسمو حسن كسار كده ووجييييه
- كان في البكاء؟؟
- ايوااا لو بتتذكريه طويل كده واخدراني
- ما ح اتذكرو ليك رسلي لي صورو
-سمححح
- رفقة واي انتي جادة يعني
-يا بت والله ما بكذب عليك 😂😂
- انتي مالك شابكاني يا بت يا بت انا بقيت مرة خلاص
- ما قلت ليك الخفة والشفقة خليها
- اها وهناي هو شغال شنو وكده
رفقة بدت تحكي ليها..

.
.
.
.
بعد ما رفقة كلمت اروى عن حسن ومحمد كلم حسن عن اروى حصل قبول بيناتهم وشالو ارقام بعض واتلاقو..
حسن كلم اهلو وامو فرحت ليه شديييد وقررو يمشو يتقدمو..
ياسر برضو كلم خيلانو وخالاتو وجدو وراجل امو انو داير يخطب ورحبو بيه شديد وقررو يمشو بعد شهر عشان العزاء..
•••••••••••••••••••••••••••••••••••••••••••••••••••••••••••
 

#رفقة《24》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اتلمو في بيت سليمان بعد ما تمت ٤٠ يوم من وفاتو عشان يعملو ختمة لروحه..
اول م خلصو من الختمة بقو يذكروه بالخير وبعضهم اتأثر وبكى..
اروى ختت يدها في كتف رفقة - رفقة
رفقة التفتت عليها وحضنتها وبقت تبكي - ابوي يا اروى 💔
- الله يرحمه ويجعل مثواه الجنة.. رفقة ابوك عند الاحسن مننا والارحم مننا كلنا 💔
هنا منى الكانت قاعدة جنبهم ومتأثرة شديد اتكلمت - رفقة 💔 انا ابوي مات وانا صغيرة قتلوه وهو بدافع عننا 💔 رفقة نحن سافرنا للخرطوم ونحن خايفين شديد وبنبكي وما عارفين الحاصل شنو سفرنا عمي مع مرتو واولادو ورجع هو عشان يلاقي نفس مصير ابوي.. رفقة انتي اسي بين اهلك واصحابك بصبرو فيك نحن لمن جينا م كان عندنا زول 💔

رفقة زحت شوية من اروى وعاينت لمنى وحضنتها بدون م تنطق ولا كلمة..
اروى - منى الحمد لله انكم اسي بأمان وابوك وعمك ضحو بنفسهم عشان الحاجة دي، ادعو ليهم كثييير
منى بيقين كبير - الحمد لله ❤ ووالله ما قاعدة انساهم نهائي كل يوم بدعي ليهم.. انتي برضو ي رفقة م تنسي ابوك من الدعاء ❤️
رفقة - ان شاء الله
منى التفتت على الناس الكانو قاعدين.. وبدت تتكلم
- كل زول في الدنيا دي مصيرو يرحل في الاخير، كل نفس ذائقة الموت، والمصائب دي مكتوب علينا نواجهها لحدي ما ربنا ياخذ امانتو مننا، وربنا أمرنا بالصبر والصبر اجرو عظيم وما أي زول بقدر عليهو، بس وقت المصيبة الشيطان بلقى فرصتو فينا، اسي لو كنت عملت كده كان انقذتو لو ما حصل كده ما كان مات، لا كان ح يموت، مكتوب ليه يموت اسي، ما بقول ليكم ما تبكو البكاء رحمة 💔 بس اكوو ابليس في كبدتو واصبرو واتصبرو وما تتخيلو انو حياتكم وقفت هنا.. اصحاب المصائب الكبيرة في الدنيا دي كثار وعاشو حياتهم عاديين، ما تقنطو من رحمة ربنا والدنيا دي أصلها ما بتقيف ❤️

سامية - ونعم بالله ❤️
.
.
.
.
.
.
.
.
مرت على الاحداث دي اسبوعين والليلة خطوبة اروى وحسن ❤️
اروى بتوتر - شكلي كويس؟
منى وقفت وصلحت ليها فستانها من فوق - اي رهيبة شديد
اروى - شكراا ❤️❤️
رفقة جات داخلة - واو واو واو
اروى ضحكت بتوتر - بالجد شكلي ظابط
- ظابط ساي يا بت بتطفي القمرة
اروى ختت يدينها في وشها
رفقة اتقدمت منها وحضنها - واااي يا اروى خلاص يعني اتخطبتي وفكيتي بورتك
اروى - اتخيلي بس 😂😭
رفقة - انا لي اسي م قادرة اصدقك دي عملتيها كيف 😂
- عايني كدي زحي مني اول بتبوظي لي التسريحة والفستان
- منو الكان خجلان اسي ومتوتر
اروى ضربتها في كتفها وقعدت تضحك

جات رهف داخلة - هوي اهل العريس جو
اروى - امرق يعني؟
رهف مدت راسها وكوركت لي مروة اخت اروى بعدها رجعت تاني - اي خلاص
اروى اتوترت تاني ورفقة ومنى ختو ليها اللمسات الاخيرة..

اروى ( المسافة بس من اوضتنا لحدي الحوش كانت بسيطة وبمشيها كل يوم بس المرة دي بقت لي طويلة شديد، وانا سامعة الزغازيد برا كنت متوترة شديد وما عارفة رجليني شايلني كيف! بقدرة قادر فجأة لقيت نفسي قاعدة جنب حسن! كمية التوتر العشتها الليلة م طبيعية بس كان توتر ممزوج بفرح كبير ❤️ كنت فرحانة والدنيا ما سايعاني من الفرحة وانا بلبس فيهو الدبلة ❤️ انتهى اليوم داك وما اتمنيتو ينتهي وما قدرت انوم الليل كلو اعاين للدبلة واتكشم 😂❤️)

.
.
تاني يوم طوالي كانو قاعدين في الصالون ياسر وخيلانو وراجل امو ومحمد وحسن وجوه خالات ياسر ويارا ورفقة ورهف وسامية امهم ..
جو عشان يتقدمو وتعارف في نفس الوقت ❤️
يارا ساقت رهف للاوضة بعد ما اتكلمت بالتلفون..
يارا - رهف طبعاً زي ما عارفة ياسر ما ليهو بي امور الخطوبة وكده لانو ما بكون رابط شرعي وهو اسي ح يتكلم مع محمد اخوك انو يعقدو طوالي
رهف نطت  - شنووو؟؟؟ كيف طوالي انا ما جاهزة!!
يارا  - م قصدي الليلة الليلة طبعاً، بس انتي عارفة (مسكت يدها وابتسمت ) ياسر بحبك شديد يا رهف ❤️
رهف خجلت ونزلت راسها
يارا - اسي انا قلت ليك كده عشان ح يجو يسألوك اسي وانا ما عاوزاك ترفضي أو كده.. في الاخير ح تعقدو وح تعرسو والزمن ح يمشي لي نطول المواضيع وارتباط سنة وخطوبة سنتين؟ خير البر عاجله وياسر لو ما بحبك وبخاف فيك الله ما كان قال كده ❤️ وصدقيني مافي احلى من كده

رهف اقتنعت بكلام يارا وفي نفس قعدتهم دي جا محمد وفتح معاها نفس الموضوع..

اول م طلع محمد من الاوضة قعدت تبكي.. جوها رفقة ويارا وقعدو يتكلمو معاها ويضحكو فيها.. كانت بتبكي لانها متوترة ولانو اتحدد العقد بعد اسبوع طوالي ❤️

والاسبوع مر بسرعة رهيبة وما لقت نفسها الا وهي في الاوضة بعد ما لبست واتجهزت..
عاينت نفسها في المراية برضا تام.. كانت لابسة فستان بسيط وميكب بسيط جداً وفاكة شعرها
رهف ما كانت محجبة قبل م تعرف ياسر اللي أثر فيها شدييييد زي ما عمل مع يارا.. وكلو باللين وبالكلام اسي هي اتحجبت واقتنعت شديد، لكن العقد ح يكون نسوان بس عشان كده م لبست حجاب..

قعدت في السرير بتوتر بعدها دخلت ريان صحبتها وهي شايلة تلفونها في يدها
ريان - سيد ريدك
رهف - ما دايرة ارد اقفلي في وشو
ريان - لو ما رديتي برد انا
- واي تافهه خلاص جيبي
- كلبة ميتة 😂
رهف شالت التلفون ولقت ريان ردت اصلا
اخذت نفس وقالت - الو
سمعت ضحكة ياسر بالطرف التاني
رهف - ياسر ياخ
ياسر - شوية كده وح تبقي حلالي
رهف سكتت وما عرفت ترد، بعد شوية سمعت صوت المأذون وصوت محمد اخوها وياسر، ياسر ما قفل الخط قاصد
هنا ريان خطفت التلفون وفتحت الاسبيكر والبنات كلهم اتلمو عشان يسمعو..

بعد دقيقتين بس الزغاريد ملت البيت الكان كئيب وما دخلتو فرحة لفترة طويلة ❤️
ورغم انو لحظة العقد الناس اتذكرت ابو العروس وبكت 💔 الا انو بسرعة الفرحة رجعت للوجوه تاني ❤️ والمكان اتملا بالتبريكات ودموع الفرح والبنات شالو الشيالات ولفو على القاعدين وزغردتو، وريان قاعدة مع رهف الكانت متوترة شديد في اللحظة دي، وياسر الكان بحاول يتكلم معاها وما لاقي فرقة لانو الناس بباركو ليه وتفاصيل كثيرة شديد يصعب وصفها في كلمات ❤️

بس احسن حاجة حصلت في العقد على الإطلاق كان لما الرجال جو عشان يباركو ❤️
ياسر مسك جدو من يدو ومشى بيه لحدي ما وقف قدام امو الكان شكلها اكبر من عمرها بكثيير وقاعدة في السرير وجنبها يارا..
ما اتوقع انو يشوفها نهائي والحقيقة انو كان رافض بس رهف اقترحت عليهو انو يخليهم يتلاقو بدون م يخطط معاهم وهي الاقترحت عليه يجيب امو يوم العقد..
جدو لوهلة شالو الحنين لبتو بس اعرض عنها..
يارا ساعدت امها انها تقيف وامها بدت تبكي وتمشي عليه
محمد وقف جنب جد ياسر ومسك يدو التانية
- خلاص يا حاج الفات مات والدنيا دي قصيرة شديد
في الاول الناس م فهمو الحاصل بس حكو ليهم وفي مشهد مؤثر شديد وقفو ناس كثار واتكلمو معاه من بينهم اخوال ياسر الجو وسلمو على اختهم وسامحوها❤️
ام ياسر بالرغم من انها كانت فرحانة انو اخوانها سلمو عليها الا انها كانت عاوزة رضا ابوها 💔
قرابة النص ساعة وهو قوى راسو شديد ورفض واعرض ومشى 💔 ياسر حس باحباط شديد وزعل بعد ما اتعشم انو الامور ح تتصلح💔 بس فجأة حس بذهول وهو شايفو جاي عليهو و محمد ماسك يدو وهو مبتسم..
امو وقفت تاني بعد قعدت والمرة دي وقفت براها
مسكت ابوها وبقت تبكي كانها طفلة صغيرة
- يابا اعفي لي 💔 والله حياتي بعدك كعبة شديد
- عافي عنك وراضي عليك ❤️

في اللحظة دي ياسر اتأثر شديد وبقى يبكي دموع الفرح ❤️ فرحتو الاتقلبت فرحتين ❤️ فرحتو اللي الدنيا ضاقت عليها وبقت ما شايلاها.. اخيراً استجيبت دعواتو وبقى شايف حلمو بتحقق قدام عينو ❤️ وحس بالامتنان الشديد لمحمد لانو رضى على جدو ❤️البعرفوهم والما بعرفوهم اتأثرو وبكو في اللحظات دي ❤️ وبقى اليوم مخلد في ذاكرتو كأفضل يوم في حياتو ❤️
•••••••••••••••••••••••••••••••••••••••••••••••••••••••••••
 

#رفقة《25》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
الساعة 8 مساء..
كانو ماشين جنب البحر وماسكين يدين بعض..
ياسر - رهف انا ممتن ليك شدييد
رهف - على شنو!! بالعكس انا الممتنة ليك وللحظات الحلوة العيشتني ليها ❤️
- ما احلى من اللحظات الانا عشتها ❤️ اليوم الحصل لي فيهو الحادث كنت متألم شديد واتمنيت لو ما كنت طلعت مع صحبي اليوم داك، عندي مواعيد اتأجلت وما قدرت امشي الشغل اسبوع، حبوبتي كانت بتقول لي لي خير بس ما كنت عارف الخير وين في انو الزول يحصل ليه كده لحدي ما لمتني الصدفة دي بيك ❤️ رهف ربنا رتب لي الاحداث بصورة انا م كنت متوقعها! لو ما ربنا قدر لي يدي تتكسر والاقيك اليوم داك ما كنت لاقيت اختي وامي وما كان جدي سامح امي.. رهف الاصلح بين جدي وامي انتي ومحمد اخوك ❤️ انا فعلا ممتن ليكم جدا جدا
رهف كانت بتسمع في كلامو ومبتسمة - ياسر انت مليت فراغ كبير جواي ما كان ممكن يملاهو زول غيرك ❤️ وما كنت ح القى زول مناسب معاي اكثر منك ❤️ الله يسعدك زي ما اسعدتني ❤️❤️
.
.
.َ
.
.
.
يوم ورا يوم والهلال بيوضح اكثر..
هلال رمضان الكريم ❤️❤️
استقبلوه أبطالنا بكل حب وشوق ❤️❤️ وما غابت تفاصيلو عنهم.. ريحة الابري وملاح التقلية والفطور في الشارع ولمة الاهل والاصحاب والقهوة بعد الفطور والتراويح والسهر والرقاق باللبن ❤️
رمضان جا وكان دواء للروح واستراحة من الدنيا ❤️
وبالرغم من انو كان اول رمضان بدون سليمان الا انو جو البيت ما كان حزين وده لحاجتين الاولى اقتداء بسليمان نفسو لانو كان بحب رمضان وبكون في اقصى درجات فرحو لمن يجي والسبب الثاني عشان ناس البيت وبالذات رغد معنوياتها ما كانت كويسة..
سامية ما وقفت الصينية البتطلعها للشارع بالرغم من انو ممكن عادي محمد يفطر معاهم بس هي اصرت ما توقف الصينية لحدي ما تموت صدقة عن سليمان ❤️
.
.
الليلة رفقة عزمت للفطور بنات شلتها في الجامعة ومنى ويارا ورهف برضو عزمت صحباتها وعملو سفرة كبيرة وقعدو

اتسلل لآذانهم صوت المؤذن العذب ❤️
الله أكبر الله أكبر
الله أكبر الله أكبر
اشهد أن لا إله إلا الله
اشهد أن لا إله إلا الله
أشهد أن محمداً رسول الله
أشهد أن محمداً رسول الله
حي على الصلاة
حي على الصلاة
حي على الفلاح
حي على الفلاح
الله اكبر الله اكبر
لا إله إلا الله

حللو صيامهم ودعو ربنا في اللحظات المباركة بعدها بدو يفطرو ويتونسو مع بعض ويشاغلو بعض ❤️
اروى - طبعاً يا رفقة نتيجتكم بعد رمضان
رفقة - جادة انتي؟؟
- اي والله
-لا اشاعة ولا كلام رسمي لأنو م عندي تلفون اخش بيه النت
- كلام رسمي ما اشاعة😂 جهزي شعورك
- واااي كان ما جبت درجة كويسة
- لالاصدقيني بتجيبي مش انتي اجتهدتي وقريتي؟؟
- ان شاء الله ياخ والله تعبت عديل

بعد الفطور رفعو السفرة وصحباتهم م قصرو ٥ دقايق لملمو كل شي والمسكت العدة والنظفت الارض والضايرت المطبخ وجابو الشاي والقهوة الاصلا عملوهم قبل الفطور وختوهم..
اروى لكزت رفقة واشرت على رهف الكانت قاعدة في سرير بعيد بتتكلم بالتلفون وتتكشم..
رفقة قامت ومشت عليها وبقت تتعاور معاها - بتعملي في شنو يا خلاطة؟؟
رهف نطت وبقت تأشر ليها بيدها نظام اسكتي
رفقة - شنوو؟ تقولي لي انا اسكت؟
رهف اشرت ليها بي اصبري لي..
بعدها البنات كلهم فكو الضحكة ورهف من الاحراج قفلت الخط.. واتربعت في نص السرير
رهف - مالكم ياخ الزول ما يخلط؟
ريان - انتي تعزمينا وتعديها كلها تلفونات؟
رهف - ما قاعدة معاكم من قبيل عملتو لي وجع وش 😂😂
بعدها قامت وقعدت معاهم
رهف - اها ارتحتو؟
وكبت لنفسها شاي
ريان - ايوه كده 😂😂😂😂
رهف وهي بتشرب - بالمناسبة
البنات - اها
رهف - بسم الله مالكم كلكم ركزتو معاي
رفقة - ما عارفة شكلو موضوع مهم 😂
رهف - عرسي احتمال يكون بعد عيد الاضحى
ريان نطت - شننووووووووووووو؟؟؟
رهف - بسم الله كدي براحة
وحدة من صحباتها بدت تزغرد
رهف قامت تزغرد معاها
رفقة بضحك - اول مرة في حياتي اشوف لي عروس بتزغرد لنفسها
سامية جات داخلة - مالكم يا بنات؟
رفقة - رهف عرسها في الضحية
رهف - احتمال احتمال
سامية عيونها اتملو بالدموع وقعدت في السرير - يعني يا رهف كبرتي خلاص ودايرة تعرسي
رهف نطت وقعدت جنب امها - امي انا ما فايتاك مكان
سامية - والله لو علي يطلقك اسي وتقعدي معاي بس
رهف - لي ياخ انا عايشة معاكم ١٨ سنة ما كفاي دايرة اشوف بيت راجلي بي وين بعد ده خلاص
سامية قرصتها - بنات اخر زمن ما بخجلن
البنات ضحكو 😂❤️

.
.
.
.
وكعادة الايام البتجري سريع انتهى شهر رمضان وجا العيد وفي اول يوم من ايام العيد نادية ولدت ولادة مبكرة.. لكن بالرغم من ده الطفل طلع سليم وصحتو كويسة مقارنة بالبتولدو في الشهر السابع.. وكانت بنت وسموها تيسير ❤️
لانو مع ولادة تيسير كل شي اتيسر ❤️ ابوها بدا مشروع تجارة ونجح نجاح باهر واتغير وضعهم تماماً ❤️ نادية كانت فرحانة بتيسير وطايرة بيها السماء ❤️

اتصلت عليها سامية لانو بحكم انها محبوسة وكده م بتقدر تجيها وباركت ليها الولادة والعيد في نفس الوقت❤️
سامية - شفتي انا ما قلت ليك وضعكم بتحسن؟
نادية - والله يا سامية ربنا جبر بخاطري.. والله انا ما عارفة اشكر ربنا كيف واشكرك انتي كيف.. انا في لحظات كنت يائسة استغفر الله العظيم ويا رب اغفر لي.. انا يا سامية في سنة وحدة الله اداني بت وانا من زمان متمنية بت ووضعنا اتحسن واسي مسفرة امي عمرة ❤️ والله ما قادرة اصدق وحاسة نفسي في حلم.. الحمد لله الحمد لله ❤️❤️❤️❤️❤️
.
.
.
محمد كان شايل رغد اللي فقدت شعرها كلو في الفترة الأخيرة 💔 طلعها وفسحها وداها اماكن كثيرة واشترى ليها كل حاجة نفسها فيها.. طلعو من الصباح وجو نهاية اليوم ورغد كانت مبسوطة وطايرة من الفرح وخاطرها انجبر ❤️ حقيقة الله يخلي لينا نعمة الاخوان السند..
.
.
اما رهف ورفقة ويارا فما كان يومهم اقل رهابة من الباقيين ❤️ ف ياسر طلعهم ومشو لمنتزه..
كانو قاعدين الاربعة مع بعض بعد شوية رفقة ويارا قامو يتمشو..
رفقة - بالمناسبة شكلك بالحجاب حلو شديييد
يارا - أي زول بقول لي كده ❤️ انا زاتي شعرت براحة ما عادية بعد لبست الحجاب كانو الحاجة دي كنت فاقداها ولقيتها ❤️ واكتشفت انو اللبس الواسع احسن بكثير من الضيق وشعري بكون احلى لمن ما يشوفو زول.. تعرفي يا رفقة، زمان انا ما كنت بصلي عديل بس اسي ( سكتت حبة) اسي في حاجة بتاكلني هنا (وتأشر على قلبها) لمن يجي وقت الصلاة وما برتاح الا بعد اصلي ❤️
رفقة - الحمد لله دي هداية ودي نعمة كبيرة من ربنا ❤️❤️❤️❤️ ربنا سخر ليك ياسر عشان يمسك بيدك ويوديك للطريق الصاح ❤️
يارا هزت راسها بنعم - ياريتني لو من زمان ما فارقتو❤️
.
.
.
.
.
.
اليوم وبعد اسبوعين من العيد..
رفقة كانت مع امها في البيت، محمد مشى يودي رغد عندها جلسة كيماوي الليلة..
ورهف جاتها ريان صحبتها قبل شوية ومشت السوق عشان بتجهز في شيلتها..
بتمشي وتجي في البيت منتظرة الساعة ٢ تجي وقت المؤتمر.. دق باب البيت فتحت لقتهم اروى ومريم صحبتهم..
رفقة بفرح - وااااي الحمد لله جيتوني 😭 حاسة نفسي ح اموت من التوتر
اروى - م تتوتري عادي.. ان شاء الله نتيجتك ح تكون سمحة شديد
ان شاء الله ياخ..
دخلتهم وجابت ليهم عصير وبقو يتونسو لحدي ما المؤتمر بدأ..
رفقة رسلت الرسالة وبقت منتظرة على احر من الجمر..
محمد كل دقيقتين يتصل اخر شي ادتو رقم الجلوس عشان م يدق تاني..
بقو منتظرين قريب النص ساعة ونتيجتها م طلعت خلاااص بدت تتوتر..
محمد تاني اتصل
رفقة - واااي ياخ ده بدق مالو
ردت
- ياخ مالك
محمد بدون مقدمات - رفقة سليمان محمد الخير (وقال النتيجة)
رفقة اتحولت ملامحها لصدمة بعدها قالت بهدوء - جادي انت ولا بتهظر؟
•••••••••••••••••••••••••••••••••••••••••••••••••••••••••••
 

#رفقة《26》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
محمد بدون مقدمات - رفقة سليمان محمد الخير 92.1
رفقة اتحولت ملامحها لصدمة بعدها قالت بهدوء - جادي انت ولا بتهظر؟
محمد - والله العظيم جادي ❤️ الف مبروك يا دكتورة ورفعتي راسنا ❤️❤️  
اروى خطفت التلفون وسألت محمد ومحمد وراها قامت تنطط وتكورك ..
اول م قفلت الخط جاتها الرسالة وكانت بين مصدقة وما قادرة تصدق.. ❤️
جرت على امها وقعدت في حضنها وهي بتبكي ماما انا ح اخش طب ماما انا نجحت

رفقة ( انا حرفيا حرفيا مافي كلمة كانت بتوصف شعوري في اللحظات دي !! انا امتحنت في ظروف صعبة وما كنت متوقعة نهائي! انا امبارح كان نفسي بس اخش طب اي طب حكومي القى نسبتي بتدخلني طب الخرطوم؟؟؟ لقيت نفسي مرة اضحك ومرة ابكي اتذكرت ابوي في اللحظة دي واتمنيت انو يكون بيناتنا 😭💔 اتمنيت بس يسمع الخبر ده واشوف الفرحة في وشو.. انا كنت عارفة اني قدها وكنت عارفة اني ح ارفع راسو.. بقيت ادعي ليه كثيييير واتمنيت اشوفو ولو في الحلم ساي عشان اوريهو واحكي ليهو)

محمد جا وكان شايل معاهو كيك وباسطة وبارد وحلاوة النجاح ❤️ ورهف من عرفت جات طيران ولا تمت اغراضها وبقت تزغرد من باب البيت ..
ماهي الا دقايق والبيت اتملا بالناس..
والتلفونات ما بتقيف ❤️ لبست ومشت المدرسة طوالي بعد جاها اتصال من منى انو منتظرينها بما انها جات اولة المدرسة ❤️ خشت ولقت المدرسة كلها في استقبالها وكانت لحظات مليانة بدموع الفرح ❤️ ومنى طبعا جابت ٩٠ وكانت طايرة بيها السماء بس فخورة برفقة اكثر..
حضنتها عليها قوي
رفقة - منى بدونك وبدون وقفتك معاي وشرحك لي انا ما كنت وصلت للوصلتو ده ❤️❤️❤️❤️
منى - انطبق عليك مثل الطالب فات استاذو ❤️

تاني يوم طوالي مشت الجامعة ولقت شلتها هناك في انتظارها بهدية نجاحها ❤️ اول م دخلت زغردو ليها وسلمو عليها شدييييد ❤️ بعدها قعدو واتونسو وكان ليهم فترة طويلة شديد من بعض.. بالذات الما جوها في العزومة العملتها في رمضان..
انس نط - خلاص ي جماعة وقت الهدية
اروى - اكثر زول اندفاعي شفتو في حياتي.. 😂
انس - انتي مالك بس..
بعدها شال الهدية ومداها ليها - طبعا كلنا جبنا هدية وحدة لاننا مفلسين ما بنقدر اي زول يجيب هدية براهو براك مصاحبة ناس مقطعين دي مشكلتك...
رفقة قعدت تضحك - هو انكم ساي فكرتو تجيبو لي هدية ما قصرتو ❤️
فتحت الهدية وعاينت ليها وسكتت! بعدها بدت تبكي..
قامت وحضنت اروى والبنات وهي بتشكر فيهم
خالد - ونحن؟
رفقة ضحكت في نص دموعها - يا ود عيب
الهدية كانت عبارة عن تلفون ❤️ اتفقو واشترو ليها من قبل ما النتيجة تطلع عشان حتى لو ما طلعت كويسة يكون جبر خاطر ليها بس في الاخير هي رفعت راسهم شديييد ❤️
رفقة في اليوم داك حرفيا م قدرت تنوم من الفرح وبقت صاحية للصباح ❤️
.
.
.
.
.
كان قاعد في الصالون قام من السرير وطلع صندوق صغير من الشنطة.. كان فيهو اغراض صغيرة منهم شريحتو القديمة، طلعها وركبها في تلفونو جاتو مكالمات فايتة كثيرة.. وكان في مكالمات من غالية قبل كم يوم، خش الرسائل لقاها مرسلة رسالة وحدة..
(كنت عاوزة اقول ليك اني وضعت ولد)
قلبو دق شديد لمن شاف الرسالة دي.. كأنو كان ناسي واتذكر! رجع اتصل عليها مباشرة
غالية - الو
محمد - غالية
- ازيك؟
-بخير الحمد لله، كيفك انتي
-تمام
اتردد شوية بعدها سأل - وولدك؟
غالية - كويس الحمد لله
-سميتيه منو؟
-عبد الغفار، ان شاء الله ح اربيهو احسن تربية عسى ربنا يغفر لينا
محمد سكت مسافة بعدها اتكلم - تتزوجيني؟
غالية - انا اسفة بس شلت فكرة العري نهائي من راسي ، حبوبتي اتوفت وانا سافرت البلد واستقريت ومرتاحة شديد هنا، انت بس انساني
محمد حس بحزن شديد - خلاص لو احتجتي انتي او عبد الغفار لأي حاجة اتصلي علي.
غالية - ما تشيل همنا في زول اتكفل بينا
بعدها سكتو مسافة
غالية - محمد سامحني
- على شنو؟ الغلطة غلطتنا الاثنين
- لا، اللوم علي اكبر، الظروف الاتلاقينا فيها اليوم داك ما صدفة كنت مخططة ليها وختيت ليك حبة في العصير، وبعد الحصل كلمت مرة خالك وكلمت أحمد الانت معتبرو صاحبك بالحصل وما عارفة نوع الضرر العملو ليك، انا بعترف ليك بالكلام ده اسي عشان تسامحني 💔 انا والله ندمت على كل شيء وادركت في وقت متأخر اني ضيعت زول زيك من بين يديني
محمد حس بذهول وما قدر ينطق كلمة غير - كيف؟؟
غالية - انا اسفة
محمد زفر - انا مسامحك م تعتذري مني، اعتذري من ربنا ان شاء الله يغفر ليك ولي.
غالية - اللهم امييين

قفلو الخط وهو ما عارف مشاعرو بالضبط شنو؟ حس انو انزاح حمل ثقيل من صدرو وفي نفس الوقت كان ندمان شديد..

اما غالية القفلت الخط وقعدت تبكي، تبكي على عمرها، شبابها وجمالها الضيعتو 💔 صح هي في كفالة زول حاليا بس بشرط انها تخدم أمو وابوه الكبيرين في العمر واحتياجاتهم شوية صعبة.
يعني ح تعيش باقي عمرها كلو خدمة وهي الكان ممكن تكون اسي معززة مكرمة في بيت ابوها وتتزوج وتسافر وتعيش احلى حياة.. 💔
شالت ولدها البدا يبكي وبقت تمشي وتجي بيه في الاوضة لحدي ما سكت - حبيبي انت كل شيء باقي لي في الدنيا دي وسندي ❤️ خليك دايما مع ماما وما تفوتها ❤️❤️ (وباستو)
.
.
.
.
.
.
بعد كم يوم محمد كان في العربية واقف قدام مكتبة، رفقة نزلت عشان تقدم بعد شوية جات وركبت
محمد - اها قدمتي؟
-اي
محمد دور العربية ومشى.. نزل رفقة قدام البيت ومشى مباشرة للمحكمة..
كان مصر ومصمم جدا جدا انو يخلص حق ابوه من اعمامو بالذات في الورثة لانهم ورثو من ابوهم مزارع وعقارات كثيرة واتحايلو عليهو..
وهو بالفعل بدا وجهز ورقو وورق ابوه واثباتاتو وكل شيء
(عالاقل دي الحاجة الوحيدة البقدر اعملها عشانك يا ابوي حتى لو اضطريت اواجه جرجرة المحاكم)

.
.
.
.
ياسر ورهف كانو في مطعم عزمها الليلة عشاء
طبعاً اتحدد العرس خامس يوم في الضحية..
رهف كانت شاردة بعيد
ياسر - مشيتي وين
رهف - ياسر
- عيونو
- انا ما دايرة البس زفاف
- لي؟؟؟
-اممممم ما عارفة!
-عشان وفاة ابوك؟
رهف هزت راسها بنعم
ياسر - عايني يا رهف، ابوك لو كان عايش اسي كان ح يكون فرحان ليك شديد وطاير بيك السماء، واكيد ما ح يحب انك ترفضي تلبسي زفاف وكده صح؟
- صاح بسس.. امي لسه محبوسة وو هو ما تم سنة من اتوفى وانا البس زفاف واقعد ارقص
ياسر - رهف لحدي يوم العرس امك ح تكون طلعت ليها اكثر من شهرين! رهف والله البتعملي فيهو ده ما صاح ده نوع من الاعتراض على حكم ربنا
- هو ما اعتراض بسس...
ياسر - قوي ايمانك بالله، خالتي عندها عادة انها بتتحنن كل يوم جمعة، لمن بتها الصغيرة اتوفت يوم الاربعاء بعد يومين من الوفاة طوالي كان يوم الجمعة وقعدت ختت حنتها.. عارفة لي؟ عشان الشيطان م يفوز عليها! هي وصلت في ايمانها بربها مرحلة بعيدة شديد! وعارفة بتها ماتت كيف؟
رهف بحزن - كيف؟؟؟
ياسر - أمها ما كانت بتسمح ليها تلعب في الشارع اليوم داك اصرت شديد وخالتي قالت ليها خلاص امشي بي زهج كده مشت وبعد دقايق بس رجع فيها جارهم بالعربية واتوفت.. لا صرخت لا كوركت لا قالت ياريت، وصبرت صبر عظيم، وفوق ده عفت عن الراجل الضربها وطلعتو من الحبس
رهف عيونها اتملو بالدموع - خالتك لكن منو البقدر يصل لدرجة ايمانها وثباتها
ياسر - انتي ❤️ لو ما وفاة ابوك كنتي لبستي الزفاف صاح؟
رهف هزت راسها بنعم
ياسر - لو انتي مؤمنة فعلا بالقضاء وما معترضة عليه ما كان رايك اتغير
رهف قشت دموعها - خلاص
ياسر - بس انتي كده حلوة
رهف ابتسمت ❤️
.
.
.
.
.
.
رفقة طلعت من النت وختت تلفونها ومشت لامها
رفقة - ماما
- اها
- في منحة فاتحة اسي لي تركيا، وممولة
- عاوزة تمشي؟
- اي وبشدة، دايرة اقرا برا السودان
- جداً، تقدمي طوالي
-يعني انتي ما عندك مشكلة
- ابداً، ما اول بت تسافر وتقرا برا وانا واثقة منك وواثقة انك ح ترفعي راسنا
رفقة حست بسعادة كبيرة - شكرا شدييد ❤️ وباستها ومشت

نهاية اليوم كلمت محمد وهو برضو ما ابى ليها وبالعكس رحب بالفكرة ووعدها يوديها لي زول بساعد الناس في موضوع المنح وكده..
وفعلاً طوالي اتفق معاهو واتلاقو في مكتبة وفهمها الموضوع، بقت جارية ورا موضوع الجواز وباقي الورق عشان تقدر تقدم لأكثر من منحة..
لهت في فترة كده وبقى الموضوع ده شغلها الشاغل.. وبقت تدعي ليل ونهار انو يشيلوها في منحة..
.
.
.
.
كانت فاتحة الواتس وبتقلب في الحالات فجأة جاتها رسالة من رقم م مسجل..
- رهف
- اهليين، منو؟
- انا احمد
اخذت نفس - كيفك؟
- ما كويس بعدك والله، متمني بس ارجع بالزمن لورا وما ازعلك
ما ردت عليه بعد شوية تاني رسل
- نرجع لبعض؟
- احمد انا في ذمة راجل تاني، عقدو علي قبل كم شهر واسي عرسي في العيد، انا آسفة
احمد كأنو صبت فيهو مطرة بعد كلامها طلع من الواتس وقفل التلفون..
رهف لمن شافتو طلع طلعت هي برضو وقعدت تبكي
لي تظهر في حياتي تاني بعد نسيتك؟ 💔💔💔💔💔
•••••••••••••••••••••••••••••••••••••••••••••••••••••••••••
 

#رفقة《27》❤️
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تلفونها ضرب رفعتو ولقت احمد هو المتصل!
اترددت بين ترد وما ترد في الاخير ردت
رهف - اهلين
احمد - رهف 💔
رهف سكتت
احمد - انا لسه حاسي انك بتهظري وما جادة
رهف العبرة خنقتها - للاسف ما بهظر
- للأسف؟ العرس ده انتي راضية بيه ولا جبرك عليه محمد
رهف باندفاع - لا ما جبرني زول
- يعني راضية 💔
- ايوا
- نسيتيني بالسرعة دي؟
رهف قلبها وجعها - ما كده بسس.. نحن م كان ينفع نواصل مع بعض، في الاخير لازم انت كمان تشوف حياتك
- انا حياتي م عندها معنى بدونك
- احمد خلاص، انا باعتباري متزوجة وكلامي معاك يعتبر خيانة
- طيب انا اعمل شنو؟ انا كل ذنبي اني حبيتك
- خلاص يا احمد انساني 💔 كلامنا ما ح يغير اي حاجة
- رهف انا والله حاسس انك مجبورة لو مجبورة خلي الموضوع علي والله اكسر راسهم الاثنين..
قاطعتو وقالت بحزم - احمد، انا قلت ليك انا ما مجبورة انا وافقت بارادتي، احمد خلاص اطلع من حياتي
بعد قفلت الخط حست نفسها قست عليهو في الكلام بس كان لازم تعمل كده.. حست بحزن شديد وذكرياتها مع احمد تاني رجعت 💔
في اللحظة دي دخل محمد - رهف
قبلت عليه وعيونها مليانة دموع
- ده احمد صاح؟
هزت راسها بنعم
محمد عصب وزعل شديد بس رهف وقفت ومسكتو من يدو - محمد عليك الله خليهو ما تسألو 💔
- لي بتدافعي عنو؟
- انا ما بدافع بسس 💔
-ما بس ولا حاجة.. رهف ( قعد وقعدها جنبو) مرات بنكون مضطرين اننا نقوي قلوبنا اتجاه حاجات بنحبها بس بتأذينا، رهف انتي بنفسك قلتي لي سبب فسخ الخطوبة لانو بعايرك بي حاجات وفي نفس الوقت ما زول مواقف صاح؟
رهف هزت راسها بنعم
- يلا شوفي ربنا ابدلك بي ياسر احسن منو بي مليون مرة زول حارة وراجل والله ولو شاف منك غلط بصلحو وبنصحك وبخاف فيك الله وما بحرجك وحافظ ليك مكانتك وحاجات كثيرة شديد، مافي علاقة بين ياسر واحمد يا رهف ما تخربي بيتك عشان احمد.
رهف - بس انا يوم من الايام كنت بحبو
محمد سكت مسافة - رهف، احمد في لحظة غضب طعنني بي سكين
رهف عيونها اتوسعو بصدمة - كييف! ؟؟؟
محمد - انا بحكي ليك الحاجة دي عشان قلبك يقسى عليهو شوية، الرفع سكين فيني ممكن مستقبلا يرفعها فيك وانا قوي وكان معاي شباب وانتي ما قوية وما ح يكون معاك زول!
رهف كانت مصدومة - كيف يعني طعنك بسكين؟؟ احمد؟؟ انت متأكد انو أحمد؟
محمد هز راسو بنعم
رهف لسه في صدمتها - حصل شنو؟؟
محمد حكى ليها وهي كانت مصدومة من احمد شديييد بس من ناحية تانية ارتاحت كأنها اطمأنت انو قرارها في الابتعاد عنو ما كان غلط..
.
.
.
.
.
.
.
كان راجع من المطار بعربيتو ومعاهو جدو وخالو..
عاين لي جدو وكان بعاين في الشارع وشارد
ياسر - جدي
ما رد
ياسر - يا جدو
- ااا؟ اها
ياسر - مشيت وين
- والله يا ولدي شايل الهم
- ما تشيل هم هي ما عملية كبيرة ونسبة نجاحها كبيرة شديد، ان شاء الله بعد العملية امي ح تقدر تشوفك تاني وترجع تتعافى
- يسمع منك ربنا..
وقف العربية ونزلو منها.. مشى لي غرفتو واتصل على رهف وبقو يتكلمو في تجهيزات العرس وكده

ياسر - انا عارف انو البنات ما برضو يعيشو في بيت نسابتهم
رهف - صراحة في نسابة كعبين ونسابة من نسابة بتفرق لكن انا والله م عندي اي مشكلة اسكن في بيت نسابتي زاتو اتقل امك شوية والقى لي رفيقة (بتقصد يارا)
ياسر - انا مستغرب من كلامك شديييد اتوقعتك ح ترفضي وكده
رهف - لالا نهائي م عندي مشكلة، بس انا العاوزة اسألك!
-اها
- يعنيي انت عارف، هو بيت راجل امك وو.. فاهمني انت؟
ياسر قعد يضحك - ايوه فاهمك، لمن جيتينا زيارة اليوم داك م شفتي البيت كلو، البيت كبير شديد ومفصول على بيتين والبيت التاني كان ساكن فيه اخوه مع اسرتو واسي اغتربو فهمتي؟
-اااااا فهمت
- واسي نحن ح نقعد فيه لحدي ما الامور تظبط ونبني بيتنا
- ان شاء الله ❤
سكتو مسافة
رهف - بالمناسبة انت شهر العسل حجزت لي وين؟
- لسه والله ما حجزت، انتي عاوزة تمشي وين؟
-امممممم ما عارفة، انا ما حصل سافرت برا السودان
- خلاص بمشي اشوف الحاصل شنو بكرا لكن ما ح اوريك
- كيف كيف؟
-مفاجأة يعني
- خلاص اتفقنا 😂 بحب المفاجأت
ياسر قعد يضحك
.
.
.
بعد ٣ ايام
يارا - يلا يا بابا مع السلامة، بتصل عليك بعدين
ياسر - اها طمنينا
يارا - خلصت العملية بس لسه م صحت
ياسر - نجحت يعني؟؟
- غالباً، منتظرينها تصحى عشان نعرف النتيجة
ياسر سكت مسافة
يارا - ياسر لي ما حاساك فرحان؟؟؟ امي اخيرا ح تشوفك انت عارف انو من انا وعيت في الدنيا وهي بتتمنى تشوفك وتدعي ليل ونهار؟؟
ياسر - عارف بس.. 💔 انا متوتر وخايف عليها شديد 💔
- م تخاف كل شيء ح يكون تمام ❤️
.
.
.
.
.
في القاهرة تحديدا في المستشفى..
راقدة في السرير وبدت تصحصح
فتحت عيونها براحة وبخوف شديييد بس..
شافت نور قوي شديد غمضت عيونها وبقت مغمضاها قريب ال١٠ دقايق بعدها بدت تفتح حبة حبة..
كان المكان ابيض طرف السرير الباب وتفاصيل الغرفة!! صرخت بعد ما بدت تستوعب الحاصل..
فجأة اخوها جا داخل وهو جاري وخايف
عايدة.. مالك؟ ؟؟
عايدة اتملو عيونها بالدموع وفتحت ليه يدينها
هنا اخوها عرف طوالي انو هي رجعت تشوف.. قرب منها وحضنها..
عايدة - معتصم 💔💔💔 معتصم اخوي 💔 اخر مرة شفتك كنت في الروضة 😭💔💔💔
معتصم حضنها شديد وهي لسه بتبكي.. هنا دخل زوجها ولمن شاف المنظر ده قدامو اتأثر شديييد 💔
عايدة تبكي ومعتصم ببكي..
م كانو قادرين يصدقو انو خلاص.. واخيرا انتهى كل شيء كعب..❤️
.
.
ياسر وخالو كانو قاعدين في الحوش بصلحو في عجلة ولد خالو الصغير لحدي ما سمعو صوت صرخة..
فكو الفي يدهم كلو وجرو..
كانت يارا واقفة في الصالة وخاتة يدها في خشمها وبتبكي
ياسر اتخلع وجرا ليها
-يارا مالك؟؟ م تبوظي اعصابي امي مالها؟؟؟؟؟؟ حصل ليها شنو؟
يارا رمت نفسها في حضن اخوها وهي بتصرخ - امي عمليتها نجحت امي بقت تشوف ❤️
ياسر زح منها شوية وسجد سجود الشكر ❤️
كان شوية ويطير من الفرحة 😭😭❤️❤️
في نفس اليوم من الفرحة جدو ضبح كرامة وعزم الاهل كلهم ❤️
.
.
.
.
.
بعدها بشهر كان وقفة الضحية امو رجعت وطبعا اتاخرت لانو كان عندها فحوصات تانية.. وكان باقي على عرسو اسبوعين بس..
استقبلها بالدموع وهي كانت كل شوية تمسك وشو بيدها وتبوسو وترجع تبكي كانها م مصدقة ❤️ وما كان لقائها لي ابوها وامها واخوانها بأقل لهفة من كده❤️
ام ياسر بعد ما كانت م بتقدر تقيف الا يسندوها وما بتقدر تتكلم بدت ترجع ليها عافيتها شوية شوية ❤️ وكأنو كل الكان فيها بسبب الحزن على فراق ولدها واهلها ❤️ بس حرفيا بعد اليوم داك حست سنينها الفاتت ديك كلها انطوت وبقت ولا شيء.. وفعلاً عوض ربنا نساي ❤️

عوض ربنا نساي، وانا نسيت احمد بفضل ياسر.. فعلا انا عميت عن حاجات كثيرة ما فتحت عيوني عليها الا اسي! والحمد لله انو ما واصلنا والحمد لله على الصدفة اللمتني بي ياسر ❤️

.
.
.
عرس ياسر ورهف ❤️
دخلت بخطوات ثابتة.. خطوات اتدربت عليها كثير شديد، كانت واقفة يمين ياسر الكانت الارض ما شايلاهو في اللحظة دي من السعادة ❤️
رقصو اسلو وكان مع كل خطوة تحس انو الزمن بطول أكثر وأكثر.. لحدي ما انتبهت انو الموسيقى وقفت..
مشو وكانو قدام الكوشة واقفين امها وامو.. حاولت تتمالك دموعها بس غلبها وما لقت نفسها الا في حضن امها بتبكي وامها بتحاول تهديها عشان م تخرب الميكاب
سامية - ي بت انتي عويرة؟
عاينت لياسر لقتو هو برضو بسلم على امو وماسك نفسو م يبكي
زحت حبة وقالت في نفسها ( ما انا براي العويرة يا امي)
بعدها جا ياسر وسلم على ام رهف ورهف سلمت على ام ياسر.. وقعدو
وجو الناس يباركو ليهم..
ياسر قرب من رهف و همس ليها - اهل امك جو؟
رهف بصوت واطي - لا
ياسر رجع لقعدتو وغير الموضوع..
.
.
.
.
رفقة حضنت رهف شدييييييييييد
ياسر - ياخ كفاك دوري
رهف قعدت تضحك
رفقة ما اشتغلت بكلامو - عاين رهف دي تختها في عيونك والله تحصل ليها حاجة ساي م تلوم الا نفسك
ياسر غمز ليها - توصيني انا؟؟
رهف - اي توصيهو هو
- يا كلبة انا عارفاك دايرة تتخارجي
-يختي عايشة معاكم كم سنة خلاص دايرة امشي بيت زوجي قرة عيني
رفقة - خلاص امشي وتاني م تجينا
رهف قعدت تضحك..
بعدها ودعو بعض وفاتو..
•••••••••••••••••••••••••••••••••••••••••••••••••••••••••••
 

#رفقة《28》❤️
#♡الاخــــــــــــــــــــــــــــــــيرة♡
By:Lola~Hassan
ــہہہـ٨ـــ٨ــــہہـ٨ــــہہہـ٨ـــ٨ــــــہہـ٨ــــ♡❥​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد مرور شهر على الاحداث ياسر ورهف رجعو من شهر العسل الكان في ماليزيا..
لفو على اهلو في الخرطوم وسافرو البلد عشان يزورو اعمامها وعماتها ورجعو..
رهف كانت قاعدة قدام التسريحة بتسرح في شعرها
اما ياسر فكان راقد في السرير وبفكر
ياسر - انتي يا رهف اهل امك ساكنين وين؟
-في امدرمان، لي؟
-عشان نزورهم
-بس هم مقاطعيننا من نحن قمنا في الدنيا دي
-طيب لي ما نصلح الامور
-لانها م بتتصلح، هم تعاملهم معانا كعب شديد حتى وفاة ابوي م جو
-يمكن م سمعو بيها! م قلتو مقاطعينكم
-سمعو
-انا زاتي اهل امي كانو مقاطعين امي
-مقاطعين امك لكن انتو استقبلوكم في بيتهم عادي وعاملوك كويس شديد
-انا ما كنت عارف الا بعد اتواصلت معاهم
-وانا اتواصلت معاهم قبل كده وعارفة رايهم فينا شنو
- رهف، انتي عارفة لو امك واهلها اتصالحو بسببك اجرك ح يكون عظيم كيف؟ بعدين حتى لو ما اتصالحو وحتى لو اذوك هم في الاخير اهلك ولازم تزوريهم، لا يدخل الجنة قاطع رحم
رهف سكتت مسافة - طيب نمشي بس..
- بس شنو
- اتوقع انو اي شيء ممكن يحصل
- ح يطردونا مثلا؟
- ما بعيد، هم كعبين شديد
- ما مشكلة نحن نعمل العلينا..
.
.
.
واقفين قدام البيت
ياسر - ده البيت؟
- اي
وقف العربية ونزل.. ورهف بدورها برضو نزلت
وقفو قدام الباب واخذت نفس عميق ودقت الجرس..
بعد مسافة جا ولد عمر ١٥ كده فتح ليهم الباب..
عاين ليهم مساافة وقال ليهم اتفضلو اول م خشو وقعدو
ياسر - ده ود خالتك؟
- انا ما بعرفهم
ياسر هنا عرف انو الخلاف البينهم ما مجرد خلاف عادي 💔💔
بعد مسافة جات خالتها سلمت عليهم وقعدت وهي صارة وشها
رهف بتوتر - ده ياسر.. زوجي
خالتها عاينت ليه من فوق لي تحت وقالت ببجاحة - ايوااا، ابوي قاعد في الديوان امشي اقعد معاه
رهف زعلت من اسلوبها شديييد بس شافت ياسر قام بكل طيب نفس ومشى سكتت وما علقت.. قررت انها تحاول ولو كلفها الموضوع اي شي
اتكلمت مع خالتها انها عاوزة تصلح الأمور وانو سبب الخلاف الأساسي ابوها وابوها اتوفى 💔 وما مفروض نذكر الموتى الا بالخير.. اتكلمت معاها كثير شديد بس خالتها كانت عنيدة شديد وقوت راسها..
رهف حست نفسها شوية وتبكي.. عملت لي ياسر مسكول نظام خلاص نمشي..
بس اتفاجأت بي انو جدها ابو امها نادى خالتها!!! جوا
بقت م فاهمة شي بعد شوية جاها ود خالتها الصغير بقول ليها راجلك منتظرك برا وطلعت
في العربية
رهف - ياسر انا اسفة
-على شنو؟
-الاسلوب الاتكلمت معاك بيه خالتي
-انتي قايلاني عشت حياتي بدون اساءات؟ في ناس كثار كده وانتي ما عندك اي ذنب انا الاصريت عليك نمشي وتاني ح نمشي
-كيف كيف؟ جدي اقتنع؟
-اتماشى معاي في الكلام، شكلو ح يقتنع
-عملتها كيف دي؟؟
-زي ما عملها محمد اخوك ❤️
رهف ابتسمت وحست بفرحة عظيمة ❤️ انا الله عوضني بي اخوي وراجلي اي شي اتسلب مني في الدنيا دي وبقدر افتخر بيهم في اي مكان❤️
.
.
.
.
بعدها بكم شهر رفقة نزلت جامعة.. وكانت منتظرة نتيجة المنحة تظهر في الفترة دي..
دخلت البيت..
رفقة - محمد
-اي لابتوبي خلاص شيليه
-حفظتني حفظ 😂 دايرة اشيك على الايميل بتاعي
-ما امس شيكتي عليه
- ايييك امس البعيدة ديك.. جيبو جيبو
محمد اداها ليه اتربعت في السرير جنبو وفتحتو
بعد دقايق صرخت ورمت اللابتوب في الارض
محمد قام مخلوع وشال اللابتوب وبقى يشوفو شغال ولا لا
محمد بعصبية - انتي غبية ولا شنو؟؟؟ شغلي كلو في اللابتوب ده
رفقة نطت وحضنتو وهي بتبكي- شالوني يا محمد شالونو
محمد اتغيرت نبرة صوتو وتعابير وشو وبقى يكورك جادة انتي ولا بتهظري جادة ولا بتهظري؟
رفقة - والله جادة والله عاين 😭😭😭
سامية دخلت - بتكوركو مالكم؟
رفقة - امييي شششاااللوووني في المننحة التركية 😭😭
سامية حضنتها - اصلك دايما رافعة راسي يا بتي ❤️
رفقة قامت واتصلت على اروى ورهف ومنى وصحباتها كلهم ورتهم بعد خلصت مكالمات طلعت من الصالون لقت امها قاعدة في السرير ومتمحنة
رفقة - ماما
سامية م اتكلمت َ
- امي مالك؟؟ خوفتيني
- فتو كلكم وخليتو لي البيت فاااااااضي
محمد جا داخل - وانا قاعد هنا عشان منو؟ يمة رهف بتجيك كل أسبوع وانا ورغد صابينها معاك هنا
- انتو زاتكم بكرا بتعرسو وتفضو البيت
- افووو بس معقولة.. انا ما بفوتك اصلو بعد اعرس ح اقعد معاك
- الزمن ده في مرة بترضى تقعد مع نسيبتها؟
- في والله ورااقدااات، انتي اصلك ما تشيلي هم ومش اولادك؟ والله كان مشينا اخر الدنيا بنرجع ليك ❤️ (وقام وباسها في راسها)
.
.
.
دخلت المطعم واستغربت انو مافي زول فيه!
اول م خشت جوا الانوار كانت مقفلة فجأة اتفتحت
كانت متفاجأة شديد!
محمد طلعها من البيت فسحها وعلى اساس راجعين قال الا يتغدو في مطعم ولمن دخلت لقت مفاجأة عمرها م اتوقعتها!
امها ورغد ورهف وياسر ويارا ودكتور عصام ومنى واروى ومريم وخالد وانس واخيراً.. لميس
اتقدمت منها وهي شايلة كيكة ختتها في التربيرة وسلمت عليها بالاحضان
رفقة كانت مستغربة شديد الغيرها شنو؟؟
لميس وكانها فهمت السؤال بدون م رفقة تتكلم همست ليها - انتي الغيرتيني ❤️
وبدت تتذكر اليوم داك اول م رفقة طلعت..
عاشت اسبوع من ال over thinking وكلامها رغم انو كان بسيط الا انو لاحقها لفترة طويلة لحدي ما دحض كل افكارها.. ولقت نفسها شوية شوية بدت تتغير وما كانت مرتاحة لحدي ما في يوم صحت وفجأة لقت نفسها زول تاني! اتغيرت مفاهيمها تماماً وحست نفسها مرتاحة أكثر، وحتى نظرة الناس ليها اتغيرت وبقت محبوبة أكثر ❤️
زحت من رفقة بعد ما اتذكرت كل ده وابتسمت اصدق ابتسامة في حياتها وهي بتقول - الف مبروك وان شاء الله دايما رافعة راسنا ومفتخرين بيك ❤️

سلمت على كل واحد من الكانو قاعدين وهي بتبكي من الفرخة وما قادرة توصف احساسها لحدي ما وصلت دكتور عصام
- دكتور بالجد شكرا ليك شديد لولاك م كنت وصلت للوصلتو ❤️
- ربنا اراد ليك انك تكوني في مكان اعلى مننا كلنا وهيأ ليك الفرص والظروف عشان كده ❤️ ربنا يوفقك ومن نجاح لي نجاح وان شاء الله نسمع بيك أكبر دكتورة ❤️
- شكرا يا دكتور وانا ان شاء الله ما ح اخذلكم ❤️
قدمو ليها الهدايا وكانت عبارة عن طقم فضة وساعة روليكس وبكج كبير بتاع ميكاب  
رفقة كانت مصدومة وهي بتعاين في الحاجات
رفقة - كان اتخطبت م بتجيني قولة خير قدر ده!
رهف ضحكت - انا هديتي لسه ما اديتك ليها!
رفقة حضنت رهف شديد وبدت تبكي بعدها حضنت صحباتها وامها تاني ما كانت قادرة تصدق!!

بعد شوية قعدو واتونسو وكده قامت جاتها رسالة من خالد بقول ليها اطلعي برا
طلعت برا ولقتو..
رفقة - خالد
- رفقة بدون مقدمات وكلام كثير انا لي اكثر من سنة بحاول انسى حبي ليك وحتى بعد بعدتي مننا م قدرت! رفقة لو في قلبك شوية مشاعر اتجاهي قوليها وريحيني حبة
- خالد انت ما قادر تفهم! نحن مصيرنا ما لي بعض والنصيب ما ح يلمنا، خالد انا ح أسافر تركيا وما اظن ارجع قبل ٦ سنة وما دايرة اعلقك على احتمالات، لو قلت ليك وانا كمان ما ح اريحك بقدر ما ح اتعبك واتعب قلبك 💔 انت ما قادر تفهم.. انت نصيبك في بت تانية غيري وان شاء الله تكون افضل مني
-مافي أفضل منك لي، ده (بأشر على قلبو) بوجعني لمن تقولي كده
- صدقني اخير من اعشمك واعلقك ٦ سنة 💔 حاول انساني وعيش حياتك..
بعدها سمعت صوت رهف بتناديها
وقفت وعاينت ليه بحزن وهي عارفة انو دي اخر يوم تشوفه فيها 💔
(  بالرغم من اني حاولت اخفيه كثير خوفاً من الخذلان وانو تجاربي السيئة مع الارتباط تتعاد والحقيقة اني ببادلك نفس الاحساس و بحبك بس.. 💔 مرات بنضطر نضغط على قلبنا عشان خاطر البنحبهم وانا الليلة ضغطت على قلبي شديد لمن اعرضت عنك ومشيت، انا اسفة 💔💔💔)

رهف - عايني بالنسبة لهديتي كنت جايبة ليك هدوم للجامعة وكده لكن قلت احسن تشتري من هناك (ومدت ليها ظرف)
رفقة - لي ده كلو يا رهف!!!
رهف حضنتها - ده ولا شي قدام العملتيهو لي ❤️❤️
رفقة بادلتها الحضن وبقت تتخيل انها ما ح تشوفها قريب بدت تبكي 💔 بعد شوية كل القاعدين بدو يبكو والمكان اتحول لبيت بكاء حرفيا 💔
حاجة صعبة انك تبعد من اهلك واصحابك كل الفترة دي بسس.. مرات بتكون مضطر.. بتتاح ليك فرص بتغير حياتك كلها ولو كان ثمنها غالي جداً
.
.
.
.
.
مرت 3 سنوات على اخر لقاء
رهف كملت دراستها واتخرجت وجابت ولد وسمتو سليمان على ابوها ❤️ وشطبت بيتها ورحلت فيه..
واروى وحسن اتزوجو قبل سنة ونص وجابو توأم ولدين ❤️
اما رغد فاتغلبت على السرطان في النهاية وانتهت جلسات الكيماوي وبقت تمشي نادرا وبس للمتابعة
شعرها بدا يقوم تاني ووصل لحدي نهاية رقبتها ❤️
محمد بعد ما خلص حق ابوهو اشترى بقروش الورثة حقت جدو وحقت ابوه بيت كبير ورحلو من بيتهم القديم اللي ادوهو لمنظمة خيرية كانت بتبحث عن مقر وخلوه صدقة جارية لي سليمان ❤️
واسي بعد استقر وعوض امو كل شيء حس انو بعد ده مفروض يعاين لي نفسو ولي حياتو وبدا يفكر في العرس واول اقتراح جا في بالو بنت خالتو ❤️
ايوه بت خالتو، اتصافت النفوس ورجع الود بين الاهل تاني وانطوت ٢٦ سنة من البعد والجفا ❤️
سامية يادوب بقت تنوم مرتاحة وتصحى مرتاحة بعد سنين طويلة من القلق ❤️
.
.
.
.

نزلت من التاكسي بعد ما دفعت ليه وبقت تمشي في الشارع..

الجو هنا بارد شديد على الرغم من ده نزلت قبل ما اصل السكن، بحب انزل بدري واتمشى دايماً لانو بذكرني بأيام ممتحنة ايام برجع البيت برجليني..

هنا انتهت كل الشقاوة والتعب والجري الكان علي في السودان حتى شكلي اتغير بس لسه انا بحن للايام ديك ومكالمات الفيديو عمرها ما كانت زي اللقاءات 💔
انا صح ارتحت جسديا بس نفسيا انا معلقة في السودان! معلقة في امي واخواني وابوي الله يرحمو💔 وصحباتي و.. خالد 💔
ياربي كيف هو اسي.. ؟؟؟
ونساني ولا لسه متذكرني زي ما انا متذكراهو؟ 💔

وقفت فجأة بعد ما حست بي زول واقف قدامها.. ما عاينت ليه وحاولت تلف منو لحدي ما سمعت
- رفقة
رفعت راسها ببطء وصدمة
قال اسمها تاني - رفقة
رفقة - انا بحلم؟
مسك يدينها الباردات وهو ببتسم ابتسامة عريضة - رفقة كلامك غلط نحن مصيرنا بعض ونحن نصيبنا لبعض
رفقة تمتمت - كيف جيت؟؟
خالد - انا عافرت وجيت عشانك بس ما مهم كيف ❤️ رفقة تتزوجيني
رفقة ابتسمت وعيونها رقرقو وهزت راسها بنعم ❤️
.
.
مرات بتحس انها شدة ما ضاقت ما ح تفرج وفجأة تفرج ويجيك عوض من ربنا ينسيك كل الم وكل دمعة نزلت منك!
من اول خيبة في حياتي لمن ما جبت نتيجة كويسة في امتحان الشهادة وبقيت قدام قرار الاعادة لحدي اخر كسرة في وفاة ابوي قصة ما بيحس بيها الا العاشها ولو دونت في الف رواية وكتاب، لكن انا متأكدة اي زول قراها بكون عاش جزء من تفاصيلها..

نحن بنتعلم من قصصنا وحياتنا حاجات كثيرة شديد وبننفي حاجات كانت حقائق بالنسبة لينا لفترة طويلة، واجهنا مواقف صعبة ، ولولا وقفة صحابنا معانا كان انهرنا وانهزمنا زمان، اللين والود مهمين لكل انسان وبيهم بس بتتحل عقد ما اتحلت بنقاشات طويلة وسببت مشاكل ما ليها آخر، لكن مرات بنحتاج انو نقسى ونقوي قلوبنا فالحياة متقلبة شديد ، بس الحقيقة الوحيدة فيها انو مهما اشتدت وضاقت ح تفرج والايام الصعبة ح تنتهي ❤️ نحن بس نخلي ثقتنا بربنا كبيرة ونحسن الظن بالله ❤️

في الختام بشكر كل زول علق تعليق سلبي او ايجابي وكل زول قرا الرواية ودعمني بالذات صحباتي اللي بدونهم م كنت وصلت للنقطة دي ❤️
وشكراً للملهمة أسيل عبد الله الألهمتني جزء كبير جدا من الرواية ❤️
يلا فتكم بعافية..
النهـــــــــــــــــــ❤ـــــاية